၁၄. ဧတဒဂ္ဂဝဂ္ဂေါ
၁. ပဌမဝဂ္ဂေါ
၁၈၈. ‘‘ဧတဒဂ္ဂံ , ဘိက္ခဝေ, မမ သာဝကာနံ ဘိက္ခူနံ ရတ္တညူနံ ယဒိဒံ အညာသိကောဏ္ဍညော’’ [အညာတကောဏ္ဍညောတိ (က.), အညာကောဏ္ဍညော (သီ. သျာ. ကံ. ဣ.)]။
၁၈၉. ။ မဟာပညာနံ ယဒိဒံ သာရိပုတ္တော။
၁၉၀. ။ ဣဒ္ဓိမန္တာနံ ယဒိဒံ မဟာမောဂ္ဂလ္လာနော။
၁၉၁. ။ ဓုတဝါဒါနံ [ဓုတင်္ဂဓရာနံ (ကတ္ထစိ)] ယဒိဒံ မဟာကဿပေါ။
၁၉၂. ။ ဒိဗ္ဗစက္ခုကာနံ ယဒိဒံ အနုရုဒ္ဓေါ။
၁၉၃. ။ ဥစ္စာကုလိကာနံ ယဒိဒံ ဘဒ္ဒိယော ကာဠိဂေါဓါယပုတ္တော။
၁၉၄. ။ မဉ္ဇုဿရာနံ ယဒိဒံ လကုဏ္ဍက [လကုဏ္ဋက (သျာ. ကံ.)] ဘဒ္ဒိယော။
၁၉၅. ။ သီဟနာဒိကာနံ ယဒိဒံ ပိဏ္ဍောလဘာရဒွါဇော။
၁၉၆. ။ ဓမ္မကထိကာနံ ယဒိဒံ ပုဏ္ဏော မန္တာဏိပုတ္တော။
၁၉၇. ။ သံခိတ္တေန ဘာသိတဿ ဝိတ္ထာရေန အတ္ထံ ဝိဘဇန္တာနံ ယဒိဒံ မဟာကစ္စာနောတိ။
ဝဂ္ဂေါ ပဌမော။
၂. ဒုတိယဝဂ္ဂေါ
၁၉၈. ‘‘ဧတဒဂ္ဂံ , ဘိက္ခဝေ, မမ သာဝကာနံ ဘိက္ခူနံ မနောမယံ ကာယံ အဘိနိမ္မိနန္တာနံ ယဒိဒံ စူဠပန္ထကော’’ [စုလ္လပန္ထကော (သီ. သျာ. ကံ. ဣ.)]။
၁၉၉. ။ စေတောဝိဝဋ္ဋကုသလာနံ ယဒိဒံ စူဠပန္ထကော။
၂၀၀. ။ သညာဝိဝဋ္ဋကုသလာနံ ယဒိဒံ မဟာပန္ထကော။
၂၀၁. ။ အရဏဝိဟာရီနံ ယဒိဒံ သုဘူတိ။
၂၀၂. ။ ဒက္ခိဏေယျာနံ ယဒိဒံ သုဘူတိ။
၂၀၃. ။ အာရညကာနံ ယဒိဒံ ရေဝတော ခဒိရဝနိယော။
၂၀၄. ။ ဈာယီနံ ယဒိဒံ ကင်္ခါရေဝတော။
၂၀၅. ။ အာရဒ္ဓဝီရိယာနံ ယဒိဒံ သောဏော ကောဠိဝိသော။
၂၀၆. ။ ကလျာဏဝါက္ကရဏာနံ ယဒိဒံ သောဏော ကုဋိကဏ္ဏော။
၂၀၇. ။ လာဘီနံ ယဒိဒံ သီဝလိ။
၂၀၈. ။ သဒ္ဓါဓိမုတ္တာနံ ယဒိဒံ ဝက္ကလီတိ။
ဝဂ္ဂေါ ဒုတိယော။
၃. တတိယဝဂ္ဂေါ
၂၀၉. ‘‘ဧတဒဂ္ဂံ , ဘိက္ခဝေ, မမ သာဝကာနံ ဘိက္ခူနံ သိက္ခာကာမာနံ ယဒိဒံ ရာဟုလော’’။
၂၁၀. ။ သဒ္ဓါပဗ္ဗဇိတာနံ ယဒိဒံ ရဋ္ဌပါလော။
၂၁၁. ။ ပဌမံ သလာကံ ဂဏှန္တာနံ ယဒိဒံ ကုဏ္ဍဓါနော။
၂၁၂. ။ ပဋိဘာနဝန္တာနံ ယဒိဒံ ဝင္ဂီသော။
၂၁၃. ။ သမန္တပါသာဒိကာနံ ယဒိဒံ ဥပသေနော ဝင်္ဂန္တပုတ္တော။
၂၁၄. ။ သေနာသနပညာပကာနံ ယဒိဒံ ဒဗ္ဗော မလ္လပုတ္တော။
၂၁၅. ။ ဒေဝတာနံ ပိယမနာပါနံ ယဒိဒံ ပိလိန္ဒဝစ္ဆော။
၂၁၆. ။ ခိပ္ပါဘိညာနံ ယဒိဒံ ဗာဟိယော ဒါရုစီရိယော။
၂၁၇. ။ စိတ္တကထိကာနံ ယဒိဒံ ကုမာရကဿပေါ။
၂၁၈. ။ ပဋိသမ္ဘိဒါပတ္တာနံ ယဒိဒံ မဟာကောဋ္ဌိတောတိ [မဟာကောဋ္ဌိကောတိ (အညေသု သုတ္တေသု မရမ္မပေါတ္ထကေ)]။
ဝဂ္ဂေါ တတိယော။
၄. စတုတ္ထဝဂ္ဂေါ
၂၁၉. ‘‘ဧတဒဂ္ဂံ, ဘိက္ခဝေ, မမ သာဝကာနံ ဘိက္ခူနံ ဗဟုဿုတာနံ ယဒိဒံ အာနန္ဒော’’။
၂၂၀. ။ သတိမန္တာနံ ယဒိဒံ အာနန္ဒော။
၂၂၁. ။ ဂတိမန္တာနံ ယဒိဒံ အာနန္ဒော။
၂၂၂. ။ ဓိတိမန္တာနံ ယဒိဒံ အာနန္ဒော။
၂၂၃. ။ ဥပဋ္ဌာကာနံ ယဒိဒံ အာနန္ဒော။
၂၂၄. ။ မဟာပရိသာနံ ယဒိဒံ ဥရုဝေလကဿပေါ။
၂၂၅. ။ ကုလပ္ပသာဒကာနံ ယဒိဒံ ကာဠုဒါယီ။
၂၂၆. ။ အပ္ပါဗာဓါနံ ယဒိဒံ ဗာကုလော [ဗက္ကုလော (သီ. သျာ. ကံ. ဣ.)]။
၂၂၇. ။ ပုဗ္ဗေနိဝါသံ အနုဿရန္တာနံ ယဒိဒံ သောဘိတော။
၂၂၈. ။ ဝိနယဓရာနံ ယဒိဒံ ဥပါလိ။
၂၂၉. ။ ဘိက္ခုနောဝါဒကာနံ ယဒိဒံ နန္ဒကော။
၂၃၀. ။ ဣန္ဒ္ရိယေသု ဂုတ္တဒွါရာနံ ယဒိဒံ နန္ဒော။
၂၃၁. ။ ဘိက္ခုဩဝါဒကာနံ ယဒိဒံ မဟာကပ္ပိနော။
၂၃၂. ။ တေဇောဓါတုကုသလာနံ ယဒိဒံ သာဂတော။
၂၃၃. ။ ပဋိဘာနေယျကာနံ ယဒိဒံ ရာဓေါ။
၂၃၄. ။ လူခစီဝရဓရာနံ ယဒိဒံ မောဃရာဇာတိ။
ဝဂ္ဂေါ စတုတ္ထော။
၅. ပဉ္စမဝဂ္ဂေါ
၂၃၅. ‘‘ဧတဒဂ္ဂံ , ဘိက္ခဝေ, မမ သာဝိကာနံ ဘိက္ခုနီနံ ရတ္တညူနံ ယဒိဒံ မဟာပဇာပတိဂေါတမီ’’။
၂၃၆. ။ မဟာပညာနံ ယဒိဒံ ခေမာ။
၂၃၇. ။ ဣဒ္ဓိမန္တီနံ ယဒိဒံ ဥပ္ပလဝဏ္ဏာ။
၂၃၈. ။ ဝိနယဓရာနံ ယဒိဒံ ပဋာစာရာ။
၂၃၉. ။ ဓမ္မကထိကာနံ ယဒိဒံ ဓမ္မဒိန္နာ။
၂၄၀. ။ ဈာယီနံ ယဒိဒံ နန္ဒာ။
၂၄၁. ။ အာရဒ္ဓဝီရိယာနံ ယဒိဒံ သောဏာ။
၂၄၂. ။ ဒိဗ္ဗစက္ခုကာနံ ယဒိဒံ ဗကုလာ [သကုလာ (သီ. သျာ. ကံ. ဣ.)]။
၂၄၃. ။ ခိပ္ပါဘိညာနံ ယဒိဒံ ဘဒ္ဒါ ကုဏ္ဍလကေသာ။
၂၄၄. ။ ပုဗ္ဗေနိဝါသံ အနုဿရန္တီနံ ယဒိဒံ ဘဒ္ဒါ ကာပိလာနီ။
၂၄၅. ။ မဟာဘိညပ္ပတ္တာနံ ယဒိဒံ ဘဒ္ဒကစ္စာနာ။
၂၄၆. ။ လူခစီဝရဓရာနံ ယဒိဒံ ကိသာဂေါတမီ။
၂၄၇. ။ သဒ္ဓါဓိမုတ္တာနံ ယဒိဒံ သိင်္ဂါလကမာတာတိ [သိဂါလမာတာတိ (သီ. သျာ. ကံ. ဣ.)]။
ဝဂ္ဂေါ ပဉ္စမော။
၆. ဆဋ္ဌဝဂ္ဂေါ
၂၄၈. ‘‘ဧတဒဂ္ဂံ , ဘိက္ခဝေ, မမ သာဝကာနံ ဥပါသကာနံ ပဌမံ သရဏံ ဂစ္ဆန္တာနံ ယဒိဒံ တပုဿဘလ္လိကာ [တပဿုဘလ္လိကာ (သီ. ဣ.)] ဝါဏိဇာ’’။
၂၄၉. ။ ဒါယကာနံ ယဒိဒံ သုဒတ္တော ဂဟပတိ အနာထပိဏ္ဍိကော။
၂၅၀. ။ ဓမ္မကထိကာနံ ယဒိဒံ စိတ္တော ဂဟပတိ မစ္ဆိကာသဏ္ဍိကော။
၂၅၁. ။ စတူဟိ သင်္ဂဟဝတ္ထူဟိ ပရိသံ သင်္ဂဏှန္တာနံ ယဒိဒံ ဟတ္ထကော အာဠဝကော။
၂၅၂. ။ ပဏီတဒါယကာနံ ယဒိဒံ မဟာနာမော သက္ကော။
၂၅၃. ။ မနာပဒါယကာနံ ယဒိဒံ ဥဂ္ဂေါ ဂဟပတိ ဝေသာလိကော။
၂၅၄. ။ သင္ဃုပဋ္ဌာကာနံ ယဒိဒံ ဟတ္ထိဂါမကော ဥဂ္ဂတော ဂဟပတိ။
၂၅၅. ။ အဝေစ္စပ္ပသန္နာနံ ယဒိဒံ သူရမ္ဗဋ္ဌော [သူရော အမ္ဗဋ္ဌော (သီ. သျာ. ကံ. ဣ.) သုရေဗန္ဓော (က.)]။
၂၅၆. ။ ပုဂ္ဂလပ္ပသန္နာနံ ယဒိဒံ ဇီဝကော ကောမာရဘစ္စော။
၂၅၇. ။ ဝိဿာသကာနံ ယဒိဒံ နကုလပိတာ ဂဟပတီတိ။
ဝဂ္ဂေါ ဆဋ္ဌော။
၇. သတ္တမဝဂ္ဂေါ
၂၅၈. ‘‘ဧတဒဂ္ဂံ , ဘိက္ခဝေ, မမ သာဝိကာနံ ဥပါသိကာနံ ပဌမံ သရဏံ ဂစ္ဆန္တီနံ ယဒိဒံ သုဇာတာ သေနိယဓီတာ’’ [သေနာနီ ဓီတာ (သီ. သျာ. ကံ. ဣ.)]။
၂၅၉. ။ ဒါယိကာနံ ယဒိဒံ ဝိသာခါ မိဂါရမာတာ။
၂၆၀. ။ ဗဟုဿုတာနံ ယဒိဒံ ခုဇ္ဇုတ္တရာ။
၂၆၁. ။ မေတ္တာဝိဟာရီနံ ယဒိဒံ သာမာဝတီ။
၂၆၂. ။ ဈာယီနံ ယဒိဒံ ဥတ္တရာနန္ဒမာတာ။
၂၆၃. ။ ပဏီတဒါယိကာနံ ယဒိဒံ သုပ္ပဝါသာ ကောလိယဓီတာ။
၂၆၄. ။ ဂိလာနုပဋ္ဌာကီနံ ယဒိဒံ သုပ္ပိယာ ဥပါသိကာ။
၂၆၅. ။ အဝေစ္စပ္ပသန္နာနံ ယဒိဒံ ကာတိယာနီ။
၂၆၆. ။ ဝိဿာသိကာနံ ယဒိဒံ နကုလမာတာ ဂဟပတာနီ။
၂၆၇. ။ အနုဿဝပ္ပသန္နာနံ ယဒိဒံ ကာဠီ ဥပါသိကာ ကုလဃရိကာ [ကုလဃရိကာ (က.)] တိ။
ဝဂ္ဂေါ သတ္တမော။
ဧတဒဂ္ဂဝဂ္ဂေါ စုဒ္ဒသမော။