ဓမ္မပစ္စနီယာနုလောမေ တိကတိကပဋ္ဌာန
၁-၁. ကုသလတ္တိက-ဝေဒနာတ္တိက
၁. နကုသလံ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အကုသလော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဗျာကတော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နအကုသလံ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ ကုသလော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဗျာကတော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နအဗျာကတံ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ ကုသလော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အကုသလော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နကုသလံ နသုခါယ ဝေဒနာယ သမ္ပယုတ္တဉ္စ နအဗျာကတံ နသုခါယ ဝေဒနာယ သမ္ပယုတ္တဉ္စ ဓမ္မံ ပဋိစ္စ အကုသလော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအကုသလံ နသုခါယ ဝေဒနာယ သမ္ပယုတ္တဉ္စ နအဗျာကတံ နသုခါယ ဝေဒနာယ သမ္ပယုတ္တဉ္စ ဓမ္မံ ပဋိစ္စ ကုသလော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နကုသလံ နသုခါယ ဝေဒနာယ သမ္ပယုတ္တဉ္စ နအကုသလံ နသုခါယ ဝေဒနာယ သမ္ပယုတ္တဉ္စ ဓမ္မံ ပဋိစ္စ အဗျာကတော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ နဝ။
၂. နကုသလံ နဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ အကုသလော ဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအဗျာကတံ နဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ အကုသလော ဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နကုသလံ နဒုက္ခါယ ဝေဒနာယ သမ္ပယုတ္တဉ္စ နအဗျာကတံ နဒုက္ခါယ ဝေဒနာယ သမ္ပယုတ္တဉ္စ ဓမ္မံ ပဋိစ္စ အကုသလော ဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ တီဏိ။
၃. နကုသလံ နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အကုသလော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဗျာကတော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နအကုသလံ နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ ကုသလော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဗျာကတော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နအဗျာကတံ နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ ကုသလော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အကုသလော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နကုသလံ နအဒုက္ခမသုခါယ ဝေဒနာယ သမ္ပယုတ္တဉ္စ နအဗျာကတံ နအဒုက္ခမသုခါယ ဝေဒနာယ သမ္ပယုတ္တဉ္စ ဓမ္မံ ပဋိစ္စ အကုသလော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအကုသလံ နအဒုက္ခမသုခါယ ဝေဒနာယ သမ္ပယုတ္တဉ္စ နအဗျာကတံ နအဒုက္ခမသုခါယ ဝေဒနာယ သမ္ပယုတ္တဉ္စ ဓမ္မံ ပဋိစ္စ ကုသလော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နကုသလံ နအဒုက္ခမသုခါယ ဝေဒနာယ သမ္ပယုတ္တဉ္စ နအကုသလံ နအဒုက္ခမသုခါယ ဝေဒနာယ သမ္ပယုတ္တဉ္စ ဓမ္မံ ပဋိစ္စ အဗျာကတော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ နဝ။
၁-၂. ကုသလတ္တိက-ဝိပါကတ္တိကံ
၄. နကုသလံ နဝိပါကံ ဓမ္မံ ပဋိစ္စ အဗျာကတော ဝိပါကော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအကုသလံ နဝိပါကံ ဓမ္မံ ပဋိစ္စ အဗျာကတော ဝိပါကော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နကုသလံ နဝိပါကဉ္စ နအကုသလံ နဝိပါကဉ္စ ဓမ္မံ ပဋိစ္စ အဗျာကတော ဝိပါကော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ တီဏိ။
၅. နကုသလံ နဝိပါကဓမ္မဓမ္မံ ပစ္စယာ ကုသလော ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ နကုသလံ နဝိပါကဓမ္မဓမ္မံ ပစ္စယာ အကုသလော ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နအကုသလံ နဝိပါကဓမ္မဓမ္မံ ပစ္စယာ အကုသလော ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နကုသလံ နဝိပါကဓမ္မဓမ္မဉ္စ နအကုသလံ နဝိပါကဓမ္မဓမ္မဉ္စ ဓမ္မံ ပစ္စယာ ကုသလော ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဒွေ။ (သံခိတ္တံ။) ဟေတုယာ ဆ ပဉှာ။
၆. နကုသလံ နနေဝဝိပါကနဝိပါကဓမ္မဓမ္မံ ပဋိစ္စ အဗျာကတော နေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁-၃. ကုသလတ္တိက-ဥပါဒိန္နတ္တိကံ
၇. နကုသလော နဥပါဒိန္နုပါဒါနိယော ဓမ္မော အဗျာကတဿ ဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ ဆ ပဉှာ။
နကုသလံ နအနုပါဒိန္နုပါဒါနိယံ ဓမ္မံ ပဋိစ္စ အဗျာကတော အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
နကုသလံ နအနုပါဒိန္နအနုပါဒါနိယံ ဓမ္မံ ပစ္စယာ ကုသလော အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁-၄. ကုသလတ္တိက-သံကိလိဋ္ဌတ္တိကံ
၈. နကုသလံ နသံကိလိဋ္ဌသံကိလေသိကံ ဓမ္မံ ပစ္စယာ အကုသလော သံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။။ (အကုသလာနေဝ တီဏိ။)
နကုသလံ နအသံကိလိဋ္ဌသံကိလေသိကံ ဓမ္မံ ပဋိစ္စ အဗျာကတော အသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နကုသလံ နအသံကိလိဋ္ဌအသံကိလေသိကံ ဓမ္မံ ပစ္စယာ ကုသလော အသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁-၅. ကုသလတ္တိက-ဝိတက္ကတ္တိကံ
၉. နကုသလံ နသဝိတက္ကသဝိစာရံ ဓမ္မံ ပဋိစ္စ အကုသလော သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နကုသလံ နအဝိတက္ကဝိစာရမတ္တံ ဓမ္မံ ပဋိစ္စ အကုသလော အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နကုသလံ နအဝိတက္ကအဝိစာရံ ဓမ္မံ ပဋိစ္စ အဗျာကတော အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဒွါဒသ။
၁-၆. ကုသလတ္တိက-ဣတိတ္တိကံ
၁၀. နကုသလံ နဣတိသဟဂတံ ဓမ္မံ ပဋိစ္စ အကုသလော ဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နကုသလံ နသုခသဟဂတံ ဓမ္မံ ပဋိစ္စ အကုသလော သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နကုသလံ နဥပေက္ခါသဟဂတံ ဓမ္မံ ပဋိစ္စ အကုသလော ဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၁-၇. ကုသလတ္တိက-ဒဿနတ္တိကံ
၁၁. နကုသလံ နဒဿနေန ပဟာတဗ္ဗံ ဓမ္မံ ပစ္စယာ အကုသလော ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နဘာဝနာယ ပဟာတဗ္ဗံ ဓမ္မံ ပစ္စယာ အကုသလော ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နနေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ အဗျာကတော နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၁-၈. ကုသလတ္တိက-ဒဿနဟေတုတ္တိကံ
၁၂. နကုသလံ နဒဿနေန ပဟာတဗ္ဗဟေတုကံ ဓမ္မံ ပဋိစ္စ အကုသလော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ အကုသလော ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နနေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ အဗျာကတော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၁-၉. ကုသလတ္တိက-အာစယဂါမိတ္တိကံ
၁၃. နကုသလံ နအာစယဂါမိံ ဓမ္မံ ပစ္စယာ ကုသလော အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နကုသလံ နအပစယဂါမိံ ဓမ္မံ ပစ္စယာ ကုသလော အပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နနေဝါစယဂါမိနာပစယဂါမိံ ဓမ္မံ ပဋိစ္စ အဗျာကတော နေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၁-၁၀. ကုသလတ္တိက-သေက္ခတ္တိကံ
၁၄. နကုသလံ နသေက္ခံ ဓမ္မံ ပစ္စယာ ကုသလော သေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နကုသလံ နအသေက္ခံ ဓမ္မံ ပစ္စယာ အဗျာကတော အသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နနေဝသေက္ခနာသေက္ခံ ဓမ္မံ ပဋိစ္စ အဗျာကတော နေဝသေက္ခနာသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၁-၁၁. ကုသလတ္တိက-ပရိတ္တတ္တိကံ
၁၅. နကုသလံ နပရိတ္တံ ဓမ္မံ ပဋိစ္စ အဗျာကတော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
နကုသလံ နမဟဂ္ဂတံ ဓမ္မံ ပဋိစ္စ အဗျာကတော မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နအပ္ပမာဏံ ဓမ္မံ ပစ္စယာ ကုသလော အပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁-၁၂. ကုသလတ္တိက-ပရိတ္တာရမ္မဏတ္တိကံ
၁၆. နကုသလံ နပရိတ္တာရမ္မဏံ ဓမ္မံ ပဋိစ္စ အဗျာကတော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နမဟဂ္ဂတာရမ္မဏံ ဓမ္မံ ပစ္စယာ ကုသလော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နကုသလံ နအပ္ပမာဏာရမ္မဏံ ဓမ္မံ ပစ္စယာ ကုသလော အပ္ပမာဏာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁-၁၃. ကုသလတ္တိက-ဟီနတ္တိကံ
၁၇. နကုသလံ နဟီနံ ဓမ္မံ ပစ္စယာ အကုသလော ဟီနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နမဇ္ဈိမံ ဓမ္မံ ပဋိစ္စ အဗျာကတော မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နကုသလံ နပဏီတံ ဓမ္မံ ပစ္စယာ ကုသလော ပဏီတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁-၁၄. ကုသလတ္တိက-မိစ္ဆတ္တနိယတတ္တိကံ
၁၈. နကုသလံ နမိစ္ဆတ္တနိယတံ ဓမ္မံ ပစ္စယာ အကုသလော မိစ္ဆတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နသမ္မတ္တနိယတံ ဓမ္မံ ပစ္စယာ ကုသလော သမ္မတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နအနိယတံ ဓမ္မံ ပဋိစ္စ အဗျာကတော အနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၁-၁၅. ကုသလတ္တိက-မဂ္ဂါရမ္မဏတ္တိကံ
၁၉. နကုသလံ နမဂ္ဂါရမ္မဏံ ဓမ္မံ ပစ္စယာ ကုသလော မဂ္ဂါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နကုသလံ နမဂ္ဂဟေတုကံ ဓမ္မံ ပစ္စယာ ကုသလော မဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နမဂ္ဂါဓိပတိံ ဓမ္မံ ပစ္စယာ ကုသလော မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁-၁၆. ကုသလတ္တိက-ဥပ္ပန္နတ္တိကံ
၂၀. နကုသလော နဥပ္ပန္နော ဓမ္မော ကုသလဿ ဥပ္ပန္နဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ အဋ္ဌာရသ။
၁-၁၇-၁၈. ကုသလတ္တိက-အတီတတ္တိကဒွယံ
၂၁. နကုသလော နပစ္စုပ္ပန္နော ဓမ္မော ကုသလဿ ပစ္စုပ္ပန္နဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ အဋ္ဌာရသ။
၂၂. နကုသလံ နအတီတာရမ္မဏံ ဓမ္မံ ပဋိစ္စ အဗျာကတော အတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နအနာဂတာရမ္မဏံ ဓမ္မံ ပစ္စယာ ကုသလော အနာဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နကုသလံ နပစ္စုပ္ပန္နာရမ္မဏံ ဓမ္မံ ပဋိစ္စ အဗျာကတော ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၁-၁၉-၂၀. ကုသလတ္တိက-အဇ္ဈတ္တတ္တိကဒွယံ
၂၃. နကုသလော နအဇ္ဈတ္တော ဓမ္မော အဇ္ဈတ္တဿ ကုသလဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။) အာရမ္မဏေ အဋ္ဌာရသ၊ အဓိပတိယာ သောဠသ၊ ဥပနိဿယေ အဋ္ဌာရသ၊ ပုရေဇာတေ အတ္ထိယာ အဝိဂတေ နဝ။
နကုသလော နဗဟိဒ္ဓါ ဓမ္မော ဗဟိဒ္ဓါ ကုသလဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။) အာရမ္မဏေ အဋ္ဌာရသ၊ အဓိပတိယာ ဆ၊ ဥပနိဿယေ အဋ္ဌာရသ၊ ပုရေဇာတေ အတ္ထိယာ အဝိဂတေ နဝ။
၂၄. နကုသလံ နအဇ္ဈတ္တာရမ္မဏံ ဓမ္မံ ပဋိစ္စ အဗျာကတော အဇ္ဈတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နဗဟိဒ္ဓါရမ္မဏံ ဓမ္မံ ပဋိစ္စ အဗျာကတော ဗဟိဒ္ဓါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၁-၂၁. ကုသလတ္တိက-သနိဒဿနတ္တိကံ
၂၅. နကုသလံ နသနိဒဿနသပ္ပဋိဃံ ဓမ္မံ ပဋိစ္စ အဗျာကတော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအကုသလံ နသနိဒဿနသပ္ပဋိဃံ ဓမ္မံ ပဋိစ္စ အဗျာကတော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအဗျာကတံ နသနိဒဿနသပ္ပဋိဃံ ဓမ္မံ ပဋိစ္စ အဗျာကတော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နကုသလံ နသနိဒဿနသပ္ပဋိဃဉ္စ နအဗျာကတံ နသနိဒဿနသပ္ပဋိဃဉ္စ ဓမ္မံ ပဋိစ္စ အဗျာကတော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအကုသလံ နသနိဒဿနသပ္ပဋိဃဉ္စ နအဗျာကတံ နသနိဒဿနသပ္ပဋိဃဉ္စ ဓမ္မံ ပဋိစ္စ အဗျာကတော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နကုသလံ နသနိဒဿနသပ္ပဋိဃဉ္စ နအကုသလံ နသနိဒဿနသပ္ပဋိဃဉ္စ ဓမ္မံ ပဋိစ္စ အဗျာကတော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ ဆ။
၂၆. နကုသလံ နအနိဒဿနသပ္ပဋိဃံ ဓမ္မံ ပဋိစ္စ အဗျာကတော အနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နကုသလံ နအနိဒဿနအပ္ပဋိဃံ ဓမ္မံ ပဋိစ္စ အဗျာကတော အနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂-၁. ဝေဒနာတ္တိက-ကုသလတ္တိကံ
၂၇. နသုခါယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ သုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ နသုခါယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ အဒုက္ခမသုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နဒုက္ခါယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ သုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ နဒုက္ခါယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ အဒုက္ခမသုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နအဒုက္ခမသုခါယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ အဒုက္ခမသုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ နအဒုက္ခမသုခါယ ဝေဒနာယ သမ္ပယုတ္တံ နကုသလံ ဓမ္မံ ပစ္စယာ သုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။ (စတ္တာရိ ဂဏိတကေန ဒွေ ဒွေ ပဉှာ ကာတဗ္ဗာ။) ဟေတုယာ စုဒ္ဒသ။
၂၈. နသုခါယ ဝေဒနာယ သမ္ပယုတ္တံ နအကုသလံ ဓမ္မံ ပစ္စယာ သုခါယ ဝေဒနာယ သမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ နသုခါယ ဝေဒနာယ သမ္ပယုတ္တံ နအကုသလံ ဓမ္မံ ပစ္စယာ ဒုက္ခါယ ဝေဒနာယ သမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၂၉. နသုခါယ ဝေဒနာယ သမ္ပယုတ္တော နအဗျာကတော ဓမ္မော သုခါယ ဝေဒနာယ သမ္ပယုတ္တဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ စုဒ္ဒသ။
၃-၁. ဝိပါကတ္တိက-ကုသလတ္တိကံ
၃၀. နဝိပါကံ နကုသလံ ဓမ္မံ ပစ္စယာ ဝိပါကဓမ္မဓမ္မော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နဝိပါကံ နအကုသလံ ဓမ္မံ ပစ္စယာ ဝိပါကဓမ္မဓမ္မော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နဝိပါကံ နအဗျာကတံ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၄-၁. ဥပါဒိန္နတ္တိက-ကုသလတ္တိကံ
၃၁. နအနုပါဒိန္နုပါဒါနိယံ နကုသလံ ဓမ္မံ ပစ္စယာ အနုပါဒိန္နုပါဒါနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နအနုပါဒိန္နုပါဒါနိယံ နအကုသလံ ဓမ္မံ ပစ္စယာ အနုပါဒိန္နုပါဒါနိယော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နဥပါဒိန္နုပါဒါနိယံ နအဗျာကတံ ဓမ္မံ ပဋိစ္စ အနုပါဒိန္နုပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၅-၁. သံကိလိဋ္ဌတ္တိက-ကုသလတ္တိကံ
၃၂. နသံကိလိဋ္ဌသံကိလေသိကံ နကုသလံ ဓမ္မံ ပစ္စယာ အသံကိလိဋ္ဌသံကိလေသိကော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နသံကိလိဋ္ဌသံကိလေသိကံ နအကုသလံ ဓမ္မံ ပစ္စယာ သံကိလိဋ္ဌသံကိလေသိကော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသံကိလိဋ္ဌသံကိလေသိကံ နအဗျာကတံ ဓမ္မံ ပဋိစ္စ အသံကိလိဋ္ဌသံကိလေသိကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၆-၁. ဝိတက္ကတ္တိက-ကုသလတ္တိကံ
၃၃. နသဝိတက္ကသဝိစာရံ နကုသလံ ဓမ္မံ ပစ္စယာ သဝိတက္ကသဝိစာရော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပန္နရသ။
နသဝိတက္ကသဝိစာရံ နအကုသလံ ဓမ္မံ ပစ္စယာ သဝိတက္ကသဝိစာရော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နသဝိတက္ကသဝိစာရံ နအဗျာကတံ ဓမ္မံ ပဋိစ္စ အဝိတက္ကအဝိစာရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ သတ္တ။
၇-၁. ဣတိတ္တိက-ကုသလတ္တိကံ
၃၄. နဣတိသဟဂတံ နကုသလံ ဓမ္မံ ပစ္စယာ ဣတိသဟဂတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌဝီသ။
နဣတိသဟဂတံ နအကုသလံ ဓမ္မံ ပစ္စယာ ဣတိသဟဂတော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌဝီသ။
နဣတိသဟဂတော နအဗျာကတော ဓမ္မော ဣတိသဟဂတဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။) အာရမ္မဏေ အဋ္ဌဝီသ၊ အဓိပတိယာ အနန္တရေ အဋ္ဌဝီသ။ပေ.။ ဥပနိဿယေ အဋ္ဌဝီသ၊ ကမ္မေ စတုဝီသ၊ နတ္ထိယာ ဝိဂတေ အဋ္ဌဝီသ။
၈-၁. ဒဿနတ္တိက-ကုသလတ္တိကံ
၃၅. နဒဿနေန ပဟာတဗ္ဗံ နကုသလံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နဒဿနေန ပဟာတဗ္ဗံ နအကုသလံ ဓမ္မံ ပစ္စယာ ဒဿနေန ပဟာတဗ္ဗော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နဒဿနေန ပဟာတဗ္ဗံ နအဗျာကတံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၉-၁. ဒဿနဟေတုတ္တိက-ကုသလတ္တိကံ
၃၆. နဒဿနေန ပဟာတဗ္ဗဟေတုကံ နကုသလံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နဒဿနေန ပဟာတဗ္ဗဟေတုကံ နအကုသလံ ဓမ္မံ ပစ္စယာ ဒဿနေန ပဟာတဗ္ဗဟေတုကော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နနေဝဒဿနေန နဘာဝနာယ ပဟာတဗ္ဗဟေတုကံ နအဗျာကတံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁၀-၁. အာစယဂါမိတ္တိက-ကုသလတ္တိကံ
၃၇. နအာစယဂါမိံ နကုသလံ ဓမ္မံ ပစ္စယာ အာစယဂါမီ ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နအာစယဂါမိံ နအကုသလံ ဓမ္မံ ပစ္စယာ အာစယဂါမီ အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နအာစယဂါမိံ နအဗျာကတံ ဓမ္မံ ပဋိစ္စ နေဝါစယဂါမိနာပစယဂါမီ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၁၁-၁. သေက္ခတ္တိက-ကုသလတ္တိကံ
၃၈. နသေက္ခံ နကုသလံ ဓမ္မံ ပစ္စယာ သေက္ခေါ ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နသေက္ခံ နအကုသလံ ဓမ္မံ ပစ္စယာ နေဝသေက္ခနာသေက္ခေါ အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသေက္ခံ နအဗျာကတံ ဓမ္မံ ပဋိစ္စ နေဝသေက္ခနာသေက္ခေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၁၂-၁. ပရိတ္တတ္တိက-ကုသလတ္တိကံ
၃၉. နမဟဂ္ဂတံ နကုသလံ ဓမ္မံ ပစ္စယာ မဟဂ္ဂတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နမဟဂ္ဂတံ နအကုသလံ ဓမ္မံ ပစ္စယာ ပရိတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နပရိတ္တံ နအဗျာကတံ ဓမ္မံ ပဋိစ္စ ပရိတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁၃-၁. ပရိတ္တာရမ္မဏတ္တိက-ကုသလတ္တိကံ
၄၀. နပရိတ္တာရမ္မဏံ နကုသလံ ဓမ္မံ ပစ္စယာ ပရိတ္တာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နပရိတ္တာရမ္မဏံ နအကုသလံ ဓမ္မံ ပစ္စယာ ပရိတ္တာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ စုဒ္ဒသ။
နပရိတ္တာရမ္မဏော နအဗျာကတော ဓမ္မော ပရိတ္တာရမ္မဏဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။)။ အာရမ္မဏေ ဧကဝီသ။
၁၄-၁. ဟီနတ္တိက-ကုသလတ္တိကံ
၄၁. နဟီနံ နကုသလံ ဓမ္မံ ပစ္စယာ မဇ္ဈိမော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နဟီနံ နအကုသလံ ဓမ္မံ ပစ္စယာ ဟီနော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နဟီနံ နအဗျာကတံ ဓမ္မံ ပဋိစ္စ မဇ္ဈိမော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁၅-၁. မိစ္ဆတ္တနိယတတ္တိက-ကုသလတ္တိကံ
၄၂. နမိစ္ဆတ္တနိယတံ နကုသလံ ဓမ္မံ ပစ္စယာ သမ္မတ္တနိယတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နမိစ္ဆတ္တနိယတံ နအကုသလံ ဓမ္မံ ပစ္စယာ မိစ္ဆတ္တနိယတော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နမိစ္ဆတ္တနိယတံ နအဗျာကတံ ဓမ္မံ ပဋိစ္စ အနိယတော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁၆-၁. မဂ္ဂါရမ္မဏတ္တိက-ကုသလတ္တိကံ
၄၃. နမဂ္ဂါရမ္မဏံ နကုသလံ ဓမ္မံ ပစ္စယာ မဂ္ဂါရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စတိံသ။ (နအကုသလံ နအဗျာကတံ နတ္ထိ။)
၁၇-၁၈-၁. ဥပ္ပန္နာဒိတ္တိကာနိ-ကုသလတ္တိကံ
၄၄. နဥပ္ပန္နော နကုသလော ဓမ္မော ဥပ္ပန္နဿ ကုသလဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ သတ္တ။
နဥပ္ပန္နော နအကုသလော ဓမ္မော ဥပ္ပန္နဿ အကုသလဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ ဆ။
နဥပ္ပန္နော နအဗျာကတော ဓမ္မော ဥပ္ပန္နဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ သတ္တ။
(အတီတတ္တိကံ ဥပ္ပန္နတ္တိကသဒိသံ။)
၁၉-၁. အတီတာရမ္မဏတ္တိက-ကုသလတ္တိကံ
၄၅. နအတီတာရမ္မဏံ နကုသလံ ဓမ္မံ ပစ္စယာ အတီတာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နအတီတာရမ္မဏံ နအကုသလံ ဓမ္မံ ပစ္စယာ အတီတာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၂၀-၁. အဇ္ဈတ္တတ္တိက-ကုသလတ္တိကံ
၄၆. နအဇ္ဈတ္တံ နကုသလံ ဓမ္မံ ပစ္စယာ ဗဟိဒ္ဓါ ကုသလော ဓမ္မော ဥပ္ပဇ္ဇတိ ဟေတုပစ္စယာ။ နဗဟိဒ္ဓါ နကုသလံ ဓမ္မံ ပစ္စယာ အဇ္ဈတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဒွေ။
နအဇ္ဈတ္တံ နအကုသလံ ဓမ္မံ ပစ္စယာ ဗဟိဒ္ဓါ အကုသလော ဓမ္မော ဥပ္ပဇ္ဇတိ ဟေတုပစ္စယာ။ နဗဟိဒ္ဓါ နအကုသလံ ဓမ္မံ ပစ္စယာ အဇ္ဈတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဒွေ။
၂၁-၁. အဇ္ဈတ္တာရမ္မဏတ္တိက-ကုသလတ္တိကံ
၄၇. နအဇ္ဈတ္တာရမ္မဏံ နကုသလံ ဓမ္မံ ပစ္စယာ အဇ္ဈတ္တာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နအဇ္ဈတ္တာရမ္မဏံ နအကုသလံ ဓမ္မံ ပစ္စယာ အဇ္ဈတ္တာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၂၂-၁. သနိဒဿနတ္တိက-ကုသလတ္တိကံ
၄၈. နသနိဒဿနသပ္ပဋိဃံ နကုသလံ ဓမ္မံ ပစ္စယာ အနိဒဿနအပ္ပဋိဃော ကုသလော ဓမ္မော ဥပ္ပဇ္ဇတိ ဟေတုပစ္စယာ။ နအနိဒဿနသပ္ပဋိဃံ နကုသလံ ဓမ္မံ ပစ္စယာ အနိဒဿနအပ္ပဋိဃော ကုသလော ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနသပ္ပဋိဃံ နကုသလဉ္စ နအနိဒဿနသပ္ပဋိဃံ နကုသလဉ္စ ဓမ္မံ ပစ္စယာ အနိဒဿနအပ္ပဋိဃော ကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအကုသလံ ဓမ္မံ ပစ္စယာ အနိဒဿနအပ္ပဋိဃော အကုသလော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအဗျာကတံ ဓမ္မံ ပဋိစ္စ သနိဒဿနသပ္ပဋိဃော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
(နအနိဒဿနသပ္ပဋိဃနအဗျာကတမူလာနိ သတ္တမေဝ၊ ဒုကမူလာနိ သတ္တမေဝ၊ သဗ္ဗံ ဧကဝီသတိမေဝ။)
၂၂-၂. သနိဒဿနတ္တိက-ဝေဒနာတ္တိကံ
၄၉. နသနိဒဿနသပ္ပဋိဃံ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အနိဒဿနအပ္ပဋိဃော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ အနိဒဿနအပ္ပဋိဃော ဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အနိဒဿနအပ္ပဋိဃော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၃. သနိဒဿနတ္တိက-ဝိပါကတ္တိကံ
၅၀. နသနိဒဿနသပ္ပဋိဃံ နဝိပါကံ ဓမ္မံ ပဋိစ္စ အနိဒဿနအပ္ပဋိဃော ဝိပါကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နဝိပါကဓမ္မဓမ္မံ ပစ္စယာ အနိဒဿနအပ္ပဋိဃော ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနေဝဝိပါကနဝိပါကဓမ္မဓမ္မံ ပဋိစ္စ သနိဒဿနသပ္ပဋိဃော နေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၂၂-၄. သနိဒဿနတ္တိက-ဥပါဒိန္နတ္တိကံ
၅၁. နသနိဒဿနသပ္ပဋိဃော နဥပါဒိန္နုပါဒါနိယော ဓမ္မော အနိဒဿနအပ္ပဋိဃဿ ဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ ဆ။
နသနိဒဿနသပ္ပဋိဃံ နအနုပါဒိန္နုပါဒါနိယံ ဓမ္မံ ပဋိစ္စ သနိဒဿနသပ္ပဋိဃော အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ နအနုပါဒိန္နအနုပါဒါနိယံ ဓမ္မံ ပစ္စယာ အနိဒဿနအပ္ပဋိဃော အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၅. သနိဒဿနတ္တိက-သံကိလိဋ္ဌတ္တိကံ
၅၂. နသနိဒဿနသပ္ပဋိဃံ နသံကိလိဋ္ဌသံကိလေသိကံ ဓမ္မံ ပစ္စယာ အနိဒဿနအပ္ပဋိဃော သံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအသံကိလိဋ္ဌသံကိလေသိကံ ဓမ္မံ ပဋိစ္စ သနိဒဿနသပ္ပဋိဃော အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ နအသံကိလိဋ္ဌအသံကိလေသိကံ ဓမ္မံ ပစ္စယာ အနိဒဿနအပ္ပဋိဃော အသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၆. သနိဒဿနတ္တိက-ဝိတက္ကတ္တိကံ
၅၃. နသနိဒဿနသပ္ပဋိဃံ နသဝိတက္ကသဝိစာရံ ဓမ္မံ ပဋိစ္စ အနိဒဿနအပ္ပဋိဃော သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအဝိတက္ကဝိစာရမတ္တံ ဓမ္မံ ပဋိစ္စ အနိဒဿနအပ္ပဋိဃော အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအဝိတက္ကအဝိစာရံ ဓမ္မံ ပဋိစ္စ သနိဒဿနသပ္ပဋိဃော အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ ။ ဟေတုယာ ဧကဝီသ။
၂၂-၇. သနိဒဿနတ္တိက-ဣတိတ္တိကံ
၅၄. နသနိဒဿနသပ္ပဋိဃံ နဣတိသဟဂတံ ဓမ္မံ ပဋိစ္စ အနိဒဿနအပ္ပဋိဃော ဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နသုခသဟဂတံ ဓမ္မံ ပဋိစ္စ အနိဒဿနအပ္ပဋိဃော သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နဥပေက္ခါသဟဂတံ ဓမ္မံ ပဋိစ္စ အနိဒဿနအပ္ပဋိဃော ဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၈. သနိဒဿနတ္တိက-ဒဿနတ္တိကံ
၅၅. နသနိဒဿနသပ္ပဋိဃံ နဒဿနေန ပဟာတဗ္ဗံ ဓမ္မံ ပစ္စယာ အနိဒဿနအပ္ပဋိဃော ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နဘာဝနာယ ပဟာတဗ္ဗံ ဓမ္မံ ပစ္စယာ အနိဒဿနအပ္ပဋိဃော ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ သနိဒဿနသပ္ပဋိဃော နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၂၂-၉. သနိဒဿနတ္တိက-ဒဿနဟေတုတ္တိကံ
၅၆. နသနိဒဿနသပ္ပဋိဃံ နဒဿနေန ပဟာတဗ္ဗဟေတုကံ ဓမ္မံ ပဋိစ္စ အနိဒဿနအပ္ပဋိဃော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ အနိဒဿနအပ္ပဋိဃော ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ သနိဒဿနသပ္ပဋိဃော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၂၂-၁၀. သနိဒဿနတ္တိက-အာစယဂါမိတ္တိကံ
၅၇. နသနိဒဿနသပ္ပဋိဃံ နအာစယဂါမိံ ဓမ္မံ ပစ္စယာ အနိဒဿနအပ္ပဋိဃော အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအပစယဂါမိံ ဓမ္မံ ပစ္စယာ အနိဒဿနအပ္ပဋိဃော အပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနေဝါစယဂါမိနာပစယဂါမိံ ဓမ္မံ ပဋိစ္စ သနိဒဿနသပ္ပဋိဃော နေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၂၂-၁၁. သနိဒဿနတ္တိက-သေက္ခတ္တိကံ
၅၈. နသနိဒဿနသပ္ပဋိဃံ နသေက္ခံ ဓမ္မံ ပစ္စယာ အနိဒဿနအပ္ပဋိဃော သေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအသေက္ခံ ဓမ္မံ ပစ္စယာ အနိဒဿနအပ္ပဋိဃော အသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနေဝသေက္ခနာသေက္ခံ ဓမ္မံ ပဋိစ္စ သနိဒဿနသပ္ပဋိဃော နေဝသေက္ခနာသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၂၂-၁၂. သနိဒဿနတ္တိက-ပရိတ္တတ္တိကံ
၅၉. နသနိဒဿနသပ္ပဋိဃံ နပရိတ္တံ ဓမ္မံ ပဋိစ္စ သနိဒဿနသပ္ပဋိဃော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ နမဟဂ္ဂတံ ဓမ္မံ ပဋိစ္စ အနိဒဿနအပ္ပဋိဃော မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအပ္ပမာဏံ ဓမ္မံ ပစ္စယာ အနိဒဿနအပ္ပဋိဃော အပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၁၃. သနိဒဿနတ္တိက-ပရိတ္တာရမ္မဏတ္တိကံ
၆၀. နသနိဒဿနသပ္ပဋိဃံ နပရိတ္တာရမ္မဏံ ဓမ္မံ ပဋိစ္စ အနိဒဿနအပ္ပဋိဃော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ ။ ဟေတုယာ တီဏိ။
နသနိဒဿနသပ္ပဋိဃံ နမဟဂ္ဂတာရမ္မဏံ ဓမ္မံ ပစ္စယာ အနိဒဿနအပ္ပဋိဃော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအပ္ပမာဏာရမ္မဏံ ဓမ္မံ ပစ္စယာ အနိဒဿနအပ္ပဋိဃော အပ္ပမာဏာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၁၄. သနိဒဿနတ္တိက-ဟီနတ္တိကံ
၆၁. နသနိဒဿနသပ္ပဋိဃံ နဟီနံ ဓမ္မံ ပစ္စယာ အနိဒဿနအပ္ပဋိဃော ဟီနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နမဇ္ဈိမံ ဓမ္မံ ပဋိစ္စ သနိဒဿနသပ္ပဋိဃော မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ နပဏီတံ ဓမ္မံ ပစ္စယာ အနိဒဿနအပ္ပဋိဃော ပဏီတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၁၅. သနိဒဿနတ္တိက-မိစ္ဆတ္တနိယတတ္တိကံ
၆၂. နသနိဒဿနသပ္ပဋိဃံ နမိစ္ဆတ္တနိယတံ ဓမ္မံ ပစ္စယာ အနိဒဿနအပ္ပဋိဃော မိစ္ဆတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နသမ္မတ္တနိယတံ ဓမ္မံ ပစ္စယာ အနိဒဿနအပ္ပဋိဃော သမ္မတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအနိယတံ ဓမ္မံ ပဋိစ္စ သနိဒဿနသပ္ပဋိဃော အနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၂၂-၁၆. သနိဒဿနတ္တိက-မဂ္ဂါရမ္မဏတ္တိကံ
၆၃. နသနိဒဿနသပ္ပဋိဃံ နမဂ္ဂါရမ္မဏံ ဓမ္မံ ပစ္စယာ အနိဒဿနအပ္ပဋိဃော မဂ္ဂါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နမဂ္ဂဟေတုကံ ဓမ္မံ ပစ္စယာ အနိဒဿနအပ္ပဋိဃော မဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နမဂ္ဂါဓိပတိံ ဓမ္မံ ပစ္စယာ အနိဒဿနအပ္ပဋိဃော မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၁၇. သနိဒဿနတ္တိက-ဥပ္ပန္နတ္တိကံ
၆၄. နသနိဒဿနသပ္ပဋိဃော နဥပ္ပန္နော ဓမ္မော အနိဒဿနအပ္ပဋိဃဿ ဥပ္ပန္နဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ ဆ။
၂၂-၁၈. သနိဒဿနတ္တိက-အတီတတ္တိကံ
၆၅. နသနိဒဿနသပ္ပဋိဃော နပစ္စုပ္ပန္နော ဓမ္မော အနိဒဿနအပ္ပဋိဃဿ ပစ္စုပ္ပန္နဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ ဆ။
၂၂-၁၉. သနိဒဿနတ္တိက-အတီတာရမ္မဏတ္တိကံ
၆၆. နသနိဒဿနသပ္ပဋိဃံ နအတီတာရမ္မဏံ ဓမ္မံ ပဋိစ္စ အနိဒဿနအပ္ပဋိဃော အတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအနာဂတာရမ္မဏံ ဓမ္မံ ပစ္စယာ အနိဒဿနအပ္ပဋိဃော အနာဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နပစ္စုပ္ပန္နာရမ္မဏံ ဓမ္မံ ပဋိစ္စ အနိဒဿနအပ္ပဋိဃော ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ ။ ဟေတုယာ တီဏိ။
၂၂-၂၀-၂၁. သနိဒဿနတ္တိက-အဇ္ဈတ္တတ္တိကဒွယံ
၆၇. နသနိဒဿနသပ္ပဋိဃော နအဇ္ဈတ္တော ဓမ္မော အနိဒဿနအပ္ပဋိဃဿ အဇ္ဈတ္တဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။) အာရမ္မဏေ ဆ၊ အဓိပတိယာ ဆ၊ ပုရေဇာတေ အတ္ထိယာ အဝိဂတေ ဆ။
နသနိဒဿနသပ္ပဋိဃော နဗဟိဒ္ဓါ ဓမ္မော အနိဒဿနအပ္ပဋိဃဿ ဗဟိဒ္ဓါ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။) အာရမ္မဏေ ဆ၊ အဓိပတိယာ ဆ၊ ပုရေဇာတေ အတ္ထိယာ အဝိဂတေ ဆ။
၆၈. နသနိဒဿနသပ္ပဋိဃံ နအဇ္ဈတ္တာရမ္မဏံ ဓမ္မံ ပဋိစ္စ အနိဒဿနအပ္ပဋိဃော အဇ္ဈတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နဗဟိဒ္ဓါရမ္မဏံ ဓမ္မံ ပဋိစ္စ အနိဒဿနအပ္ပဋိဃော ဗဟိဒ္ဓါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဉှာဝါရမ္ပိ ဝိတ္ထာရေတဗ္ဗံ။)
ဓမ္မပစ္စနီယာနုလောမေ တိကတိကပဋ္ဌာနံ နိဋ္ဌိတံ။