ဓမ္မပစ္စနီယာနုလောမေ တိကဒုကပဋ္ဌာန
၁-၁. ကုသလတ္တိက-ဟေတုဒုက
၁. နကုသလံ နဟေတုံ ဓမ္မံ ပဋိစ္စ အကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နဟေတုံ ဓမ္မံ ပဋိစ္စ အဗျာကတော ဟေတု ဓမ္မော ဥပ္ပဇ္ဇတိ ဟေတုပစ္စယာ။ (၂)
နအကုသလံ နဟေတုံ ဓမ္မံ ပဋိစ္စ ကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နဟေတုံ ဓမ္မံ ပဋိစ္စ အဗျာကတော ဟေတု ဓမ္မော ဥပ္ပဇ္ဇတိ ဟေတုပစ္စယာ။ (၂)
နအဗျာကတံ နဟေတုံ ဓမ္မံ ပဋိစ္စ ကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ နဟေတုံ ဓမ္မံ ပဋိစ္စ အကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ။ (၂)
နကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ အကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နဟေတုဉ္စ နအဗျာကတံ နဟေတုဉ္စ ဓမ္မံ ပဋိစ္စ ကုသလော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နဟေတုဉ္စ နအကုသလံ နဟေတုဉ္စ ဓမ္မံ ပဋိစ္စ အဗျာကတော ဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သံခိတ္တံ။) ဟေတုယာ နဝ။
၂. နကုသလံ နနဟေတုံ ဓမ္မံ ပဋိစ္စ အကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နနဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နနဟေတုံ ဓမ္မံ ပဋိစ္စ အကုသလော နဟေတု စ အဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအကုသလံ နနဟေတုံ ဓမ္မံ ပဋိစ္စ ကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နနဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နနဟေတုံ ဓမ္မံ ပဋိစ္စ ကုသလော နဟေတု စ အဗျာကတော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအဗျာကတံ နနဟေတုံ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။
နကုသလံ နနဟေတုဉ္စ နအဗျာကတံ နနဟေတုဉ္စ ဓမ္မံ ပဋိစ္စ အကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နအကုသလံ နနဟေတုဉ္စ နအဗျာကတံ နနဟေတုဉ္စ ဓမ္မံ ပဋိစ္စ ကုသလော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နကုသလံ နနဟေတုဉ္စ နအကုသလံ နနဟေတုဉ္စ ဓမ္မံ ပဋိစ္စ အဗျာကတော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ အဋ္ဌာရသ။
၁-၂. ကုသလတ္တိက-သဟေတုကဒုကံ
၃. နကုသလံ နသဟေတုကံ ဓမ္မံ ပဋိစ္စ အကုသလော သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နသဟေတုကံ ဓမ္မံ ပဋိစ္စ အဗျာကတော သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နသဟေတုကံ ဓမ္မံ ပဋိစ္စ အဗျာကတော သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ နသဟေတုကံ ဓမ္မံ ပဋိစ္စ အကုသလော သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နသဟေတုကဉ္စ နအဗျာကတံ နသဟေတုကဉ္စ ဓမ္မံ ပဋိစ္စ အကုသလော သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နသဟေတုကဉ္စ နအကုသလံ နသဟေတုကဉ္စ ဓမ္မံ ပဋိစ္စ အဗျာကတော သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၄. နကုသလံ နအဟေတုကံ ဓမ္မံ ပဋိစ္စ အဗျာကတော အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နအဟေတုကံ ဓမ္မံ ပဋိစ္စ အဗျာကတော အဟေတုကော ဓမ္မော ဥပ္ပဇ္ဇတိ ဟေတုပစ္စယာ ။ နအဗျာကတံ နအဟေတုကံ ဓမ္မံ ပဋိစ္စ အဗျာကတော အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နအဟေတုကဉ္စ နအဗျာကတံ နအဟေတုကဉ္စ ဓမ္မံ ပဋိစ္စ အဗျာကတော အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နအဟေတုကဉ္စ နအဗျာကတံ နအဟေတုကဉ္စ ဓမ္မံ ပဋိစ္စ အဗျာကတော အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နအဟေတုကဉ္စ နအကုသလံ နအဟေတုကဉ္စ ဓမ္မံ ပဋိစ္စ အဗျာကတော အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၁-၃. ကုသလတ္တိက-ဟေတုသမ္ပယုတ္တဒုကံ
၅. နကုသလံ နဟေတုသမ္ပယုတ္တံ ဓမ္မံ ပဋိစ္စ အကုသလော ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နဟေတုသမ္ပယုတ္တံ ဓမ္မံ ပဋိစ္စ အဗျာကတော ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နဟေတုသမ္ပယုတ္တံ ဓမ္မံ ပဋိစ္စ အဗျာကတော ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဆ။ (သဟေတုကသဒိသံ။)
နကုသလံ နဟေတုဝိပ္ပယုတ္တံ ဓမ္မံ ပဋိစ္စ အဗျာကတော ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဆ။ (အဟေတုကသဒိသံ၊ သံခိတ္တံ။)
၁-၄-၆. ကုသလတ္တိက-ဟေတုသဟေတုကာဒိဒုကာနိ
၆. နကုသလံ နဟေတုဉ္စေဝ နအဟေတုကဉ္စ ဓမ္မံ ပဋိစ္စ အကုသလော ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နဟေတုဉ္စေဝ နအဟေတုကဉ္စ ဓမ္မံ ပဋိစ္စ အဗျာကတော ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
(နအကုသလေ ဒွေ၊ နအဗျာကတေ ဒွေ။ ပဌမံ ဂဏိတကေန ဧကံ၊ ဒုတိယံ ဂဏိတကေန ဧကံ၊ တတိယံ ဂဏိတကေန ဧကံ၊ သဗ္ဗတ္ထ နဝ ပဉှာ။)
နကုသလံ နအဟေတုကဉ္စေဝ န စ ဟေတုံ ဓမ္မံ ပဋိစ္စ အကုသလော သဟေတုကော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၇. နကုသလံ နဟေတုဉ္စေဝ နဟေတုဝိပ္ပယုတ္တဉ္စ ဓမ္မံ ပဋိစ္စ အကုသလော ဟေတု စေဝ ဟေတုသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နကုသလံ နဟေတုဝိပ္ပယုတ္တဉ္စေဝ နနဟေတုဉ္စ ဓမ္မံ ပဋိစ္စ အကုသလော ဟေတုသမ္ပယုတ္တော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၈. နကုသလံ နဟေတုံ နသဟေတုကံ ဓမ္မံ ပဋိစ္စ အဗျာကတော နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၉. နကုသလံ နဟေတုံ နအဟေတုကံ ဓမ္မံ ပဋိစ္စ အကုသလော နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ (၁)
နအကုသလံ နဟေတုံ နအဟေတုကံ ဓမ္မံ ပဋိစ္စ အဗျာကတော နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ (၁)
နအဗျာကတံ နဟေတုံ နအဟေတုကံ ဓမ္မံ ပဋိစ္စ အဗျာကတော နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ (၁) (ဂဏိတကေန တီဏိ ပဉှာ။)။ ဟေတုယာ ဆ။
၁-၇-၁၃. ကုသလတ္တိက-စူဠန္တရဒုကာနိ
၁၀. နကုသလော နသပ္ပစ္စယော ဓမ္မော ကုသလဿ သပ္ပစ္စယဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ ဆ။ (သင်္ခတံ သပ္ပစ္စယသဒိသံ။)
၁၁. နကုသလံ နသနိဒဿနံ ဓမ္မံ ပဋိစ္စ အဗျာကတော သနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နကုသလော နအနိဒဿနော ဓမ္မော ကုသလဿ အနိဒဿနဿ ဓမ္မဿ အာရမ္မဏပစ္စယေန ပစ္စယော။ (နဝ ပဉှာ ကာတဗ္ဗာ)။
၁၂. နကုသလံ နသပ္ပဋိဃံ ဓမ္မံ ပဋိစ္စ အဗျာကတော သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နကုသလံ နအပ္ပဋိဃံ ဓမ္မံ ပဋိစ္စ အဗျာကတော အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၁၃. နကုသလံ နရူပိံ ဓမ္မံ ပဋိစ္စ အဗျာကတော ရူဣ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နကုသလံ နအရူပိံ ဓမ္မံ ပဋိစ္စ အဗျာကတော အရူဣ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၁၄. နကုသလံ နလောကိယံ ဓမ္မံ ပဋိစ္စ အဗျာကတော လောကိယော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
နကုသလံ နလောကုတ္တရံ ဓမ္မံ ပစ္စယာ ကုသလော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နလောကုတ္တရံ ဓမ္မံ ပစ္စယာ အဗျာကတော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (ဆ ပဉှာ ကာတဗ္ဗာ။)
၁၅. နကုသလံ နကေနစိ ဝိညေယျံ ဓမ္မံ ပဋိစ္စ အကုသလော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌာရသ။
နကုသလံ နကေနစိ နဝိညေယျံ ဓမ္မံ ပဋိစ္စ အကုသလော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌာရသ။
၁-၁၄. ကုသလတ္တိက-အာသဝဂေါစ္ဆကံ
၁၆. နကုသလံ နောအာသဝံ ဓမ္မံ ပဋိစ္စ အကုသလော အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နနောအာသဝံ ဓမ္မံ ပဋိစ္စ အကုသလော နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၁၇. နကုသလံ နသာသဝံ ဓမ္မံ ပဋိစ္စ အဗျာကတော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
နကုသလံ နအနာသဝံ ဓမ္မံ ပစ္စယာ ကုသလော အနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။) ဟေတုယာ ဆ။ပေ.။ ဝိပါကေ တီဏိ။ပေ.။ အဝိဂတေ ဆ။
၁၈. နကုသလံ နအာသဝသမ္ပယုတ္တံ ဓမ္မံ ပဋိစ္စ အကုသလော အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နအာသဝဝိပ္ပယုတ္တံ ဓမ္မံ ပဋိစ္စ အကုသလော အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၁၉. နကုသလံ နအာသဝဉ္စေဝ နအနာသဝဉ္စ ဓမ္မံ ပဋိစ္စ အကုသလော အာသဝေါ စေဝ သာသဝေါ စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နအနာသဝဉ္စေဝ နနော စ အာသဝံ ဓမ္မံ ပဋိစ္စ အကုသလော သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၂၀. နကုသလံ နအာသဝဉ္စေဝ နအာသဝဝိပ္ပယုတ္တဉ္စ ဓမ္မံ ပဋိစ္စ အကုသလော အာသဝေါ စေဝ အာသဝသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နအာသဝဝိပ္ပယုတ္တဉ္စေဝ နနော စ အာသဝံ ဓမ္မံ ပဋိစ္စ အကုသလော အာသဝသမ္ပယုတ္တော စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၁. နကုသလံ အာသဝဝိပ္ပယုတ္တံ နသာသဝံ ဓမ္မံ ပဋိစ္စ အဗျာကတော အာသဝဝိပ္ပယုတ္တော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၁-၂၀-၅၄. ကုသလတ္တိက-သညောဇနာဒိဂေါစ္ဆကာနိ
၂၂. နကုသလံ နောသညောဇနံ ဓမ္မံ ပဋိစ္စ အကုသလော သညောဇနော ဓမ္မော ဥပ္ပဇ္ဇတိ ဟေတုပစ္စယာ။
၂၃. နကုသလံ နောဂန္ထံ ဓမ္မံ ပဋိစ္စ အကုသလော ဂန္ထော ဓမ္မော ဥပ္ပဇ္ဇတိ ဟေတုပစ္စယာ။
၂၄. နကုသလံ နောဩဃံ ဓမ္မံ ပဋိစ္စ အကုသလော ဩဃော ဓမ္မော ဥပ္ပဇ္ဇတိ ဟေတုပစ္စယာ။
၂၅. နကုသလံ နောယောဂံ ဓမ္မံ ပဋိစ္စ အကုသလော ယောဂေါ ဓမ္မော ဥပ္ပဇ္ဇတိ ဟေတုပစ္စယာ။
၂၆. နကုသလံ နောနီဝရဏံ ဓမ္မံ ပဋိစ္စ အကုသလော နီဝရဏော ဓမ္မော ဥပ္ပဇ္ဇတိ ဟေတုပစ္စယာ။
၂၇. နကုသလံ နောပရာမာသံ ဓမ္မံ ပဋိစ္စ အကုသလော ပရာမာသော ဓမ္မော ဥပ္ပဇ္ဇတိ ဟေတုပစ္စယာ။
၁-၅၅-၉၂. ကုသလတ္တိက-မဟန္တရဒုကာနိ
၂၈. နကုသလံ နသာရမ္မဏံ ဓမ္မံ ပဋိစ္စ အဗျာကတော သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
၁-၉၃. ကုသလတ္တိက-ကာမာဝစရဒုကံ
၂၉. နကုသလံ နကာမာဝစရံ ဓမ္မံ ပဋိစ္စ အဗျာကတော ကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
နကုသလံ နနကာမာဝစရံ ဓမ္မံ ပဋိစ္စ အဗျာကတော နကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၁-၉၄. ကုသလတ္တိက-ရူပါဝစရဒုကံ
၃၀. နကုသလံ နရူပါဝစရံ ဓမ္မံ ပဋိစ္စ အဗျာကတော ရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နနရူပါဝစရံ ဓမ္မံ ပဋိစ္စ အဗျာကတော နရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၁-၉၅. ကုသလတ္တိက-အရူပါဝစရဒုကံ
၃၁. နကုသလံ နအရူပါဝစရံ ဓမ္မံ ပစ္စယာ ကုသလော အရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
နကုသလံ နနအရူပါဝစရံ ဓမ္မံ ပဋိစ္စ အဗျာကတော နအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၁-၉၆. ကုသလတ္တိက-ပရိယာပန္နဒုကံ
၃၂. နကုသလံ နပရိယာပန္နံ ဓမ္မံ ပဋိစ္စ အဗျာကတော ပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နပရိယာပန္နံ ဓမ္မံ ပဋိစ္စ အဗျာကတော ပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ နပရိယာပန္နံ ဓမ္မံ ပဋိစ္စ အဗျာကတော ပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
နကုသလံ နအပရိယာပန္နံ ဓမ္မံ ပစ္စယာ ကုသလော အပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နအပရိယာပန္နံ ဓမ္မံ ပစ္စယာ အဗျာကတော အပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။ (အကုသလမူလေ ဒွေ၊ ဒုကမူလေ ဒွေ။)။ ဟေတုယာ ဆ။
၁-၉၇. ကုသလတ္တိက-နိယျာနိကဒုကံ
၃၃. နကုသလံ နနိယျာနိကံ ဓမ္မံ ပစ္စယာ ကုသလော နိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နအနိယျာနိကံ ဓမ္မံ ပဋိစ္စ အဗျာကတော အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ နအနိယျာနိကံ ဓမ္မံ ပဋိစ္စ အဗျာကတော အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နအနိယျာနိကဉ္စ နအဗျာကတံ နအနိယျာနိကဉ္စ ဓမ္မံ ပဋိစ္စ အဗျာကတော အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၁-၉၈. ကုသလတ္တိက-နိယတဒုကံ
၃၄. နကုသလံ နနိယတံ ဓမ္မံ ပစ္စယာ ကုသလော နိယတော ဓမ္မော ဥပ္ပဇ္ဇတိ ဟေတုပစ္စယာ။ (အပရိယာပန္နသဒိသံ ဆ ပဉှာ)။
နကုသလံ နအနိယတံ ဓမ္မံ ပဋိစ္စ အဗျာကတော အနိယတော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နအနိယတံ ဓမ္မံ ပဋိစ္စ အဗျာကတော အနိယတော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ နအနိယတံ ဓမ္မံ ပဋိစ္စ အဗျာကတော အနိယတော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နအနိယတဉ္စ နအဗျာကတံ နအနိယတဉ္စ ဓမ္မံ ပဋိစ္စ အဗျာကတော အနိယတော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နအနိယတဉ္စ နအဗျာကတံ နအနိယတဉ္စ ဓမ္မံ ပဋိစ္စ အဗျာကတော အနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၁-၉၉. ကုသလတ္တိက-သဥတ္တရဒုကံ
၃၅. နကုသလံ နသဥတ္တရံ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နသဥတ္တရံ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ နသဥတ္တရံ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ နသဥတ္တရဉ္စ နအဗျာကတံ နသဥတ္တရဉ္စ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နသဥတ္တရဉ္စ နအကုသလံ နသဥတ္တရဉ္စ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
နကုသလံ နအနုတ္တရံ ဓမ္မံ ပစ္စယာ ကုသလော အနုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။) ဟေတုယာ ဆ။ပေ.။ ဝိပါကေ တီဏိ။ပေ.။ အဝိဂတေ ဆ။
၁-၁၀၀. ကုသလတ္တိက-သရဏဒုကံ
၃၆. နကုသလံ နသရဏံ ဓမ္မံ ပစ္စယာ အကုသလော သရဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နကုသလံ နအရဏံ ဓမ္မံ ပဋိစ္စ အဗျာကတော အရဏော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ နအရဏံ ဓမ္မံ ပဋိစ္စ အဗျာကတော အရဏော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ နအရဏဉ္စ နအဗျာကတံ နအရဏဉ္စ ဓမ္မံ ပဋိစ္စ အဗျာကတော အရဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂-၁. ဝေဒနာတ္တိက-ဟေတုဒုကံ
၃၇. နသုခါယ ဝေဒနာယ သမ္ပယုတ္တံ နဟေတုံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နသုခါယ ဝေဒနာယ သမ္ပယုတ္တံ နဟေတုံ ဓမ္မံ ပဋိစ္စ ဒုက္ခါယ ဝေဒနာယ သမ္ပယုတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နသုခါယ ဝေဒနာယ သမ္ပယုတ္တံ နဟေတုံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နဒုက္ခါယ ဝေဒနာယ သမ္ပယုတ္တံ နဟေတုံ ဓမ္မံ ပဋိစ္စ ဒုက္ခါယ ဝေဒနာယ သမ္ပယုတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နအဒုက္ခမသုခါယ ဝေဒနာယ သမ္ပယုတ္တံ နဟေတုံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နသုခါယ ဝေဒနာယ သမ္ပယုတ္တံ နဟေတုဉ္စ နအဒုက္ခမသုခါယ ဝေဒနာယ သမ္ပယုတ္တံ နဟေတုဉ္စ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ (ဒုတိယံ ဂဏိတကေန တီဏိ)။ ဟေတုယာ ဧကဝီသ။
နသုခါယ ဝေဒနာယ သမ္ပယုတ္တံ နနဟေတုံ ဓမ္မံ ပဋိစ္စ ဒုက္ခါယ ဝေဒနာယ သမ္ပယုတ္တော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နဒုက္ခါယ ဝေဒနာယ သမ္ပယုတ္တံ နနဟေတုံ ဓမ္မံ ပဋိစ္စ။ (ဒွေ ပဉှာယေဝ)။
နအဒုက္ခမသုခါယ ဝေဒနာယ သမ္ပယုတ္တံ နနဟေတုံ ဓမ္မံ ပဋိစ္စ။ (ဒွေယေဝ။ ပဌမံ ဂဏိတကေန ဧကံ၊ ဒုတိယံ ဂဏိတကေန ဧကံ၊ တတိယံ ဂဏိတကေန ဧကံ ကာတဗ္ဗံ။) ဟေတုယာ နဝ။
၃-၁. ဝိပါကတ္တိက-ဟေတုဒုကံ
၃၈. နဝိပါကံ နဟေတုံ ဓမ္မံ ပဋိစ္စ ဝိပါကော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နဝိပါကံ နဟေတုံ ဓမ္မံ ပဋိစ္စ ဝိပါကဓမ္မဓမ္မော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နဝိပါကံ နဟေတုံ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော ဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နဝိပါကဓမ္မဓမ္မံ နဟေတုံ ဓမ္မံ ပဋိစ္စ ဝိပါကော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နဝိပါကဓမ္မဓမ္မံ နဟေတုံ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နနေဝဝိပါကနဝိပါကဓမ္မဓမ္မံ နဟေတုံ ဓမ္မံ ပဋိစ္စ ဝိပါကော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နနေဝဝိပါကနဝိပါကဓမ္မဓမ္မံ နဟေတုံ ဓမ္မံ ပဋိစ္စ ဝိပါကဓမ္မဓမ္မော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နဝိပါကံ နဟေတုဉ္စ နနေဝဝိပါကနဝိပါကဓမ္မဓမ္မံ နဟေတုဉ္စ ဓမ္မံ ပဋိစ္စ ဝိပါကဓမ္မဓမ္မော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နဝိပါကဓမ္မဓမ္မံ နဟေတုဉ္စ နနေဝဝိပါကနဝိပါကဓမ္မဓမ္မံ နဟေတုဉ္စ ဓမ္မံ ပဋိစ္စ ဝိပါကော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နဝိပါကံ နဟေတုဉ္စ နဝိပါကဓမ္မဓမ္မံ နဟေတုဉ္စ ဓမ္မံ ပဋိစ္စ ဝိပါကော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နဝိပါကံ နဟေတုဉ္စ နဝိပါကဓမ္မဓမ္မံ နဟေတုဉ္စ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဒွေ။ (သံခိတ္တံ။) ဟေတုယာ ဧကာဒသ။
နဝိပါကံ နနဟေတုံ ဓမ္မံ ပဋိစ္စ ဝိပါကဓမ္မဓမ္မော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌာရသ။ (သံခိတ္တံ။)
၄-၁. ဥပါဒိန္နတ္တိက-ဟေတုဒုကံ
၃၉. နဥပါဒိန္နုပါဒါနိယံ နဟေတုံ ဓမ္မံ ပဋိစ္စ အနုပါဒိန္နုပါဒါနိယော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နဥပါဒိန္နုပါဒါနိယံ နနဟေတုံ ဓမ္မံ ပဋိစ္စ အနုပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌာရသ။
၅-၁. သံကိလိဋ္ဌတ္တိက-ဟေတုဒုကံ
၄၀. နသံကိလိဋ္ဌသံကိလေသိကံ နဟေတုံ ဓမ္မံ ပဋိစ္စ အသံကိလိဋ္ဌသံကိလေသိကော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၆-၁၁-၁. ဝိတက္ကာဒိတ္တိကာနိ-ဟေတုဒုကံ
၄၁. နသဝိတက္ကသဝိစာရံ နဟေတုံ ဓမ္မံ ပဋိစ္စ သဝိတက္ကသဝိစာရော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပန္နရသ။
၄၂. နဣတိသဟဂတံ နဟေတုံ ဓမ္မံ ပဋိစ္စ ဣတိသဟဂတော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌဝီသ။
၄၃. နဒဿနေန ပဟာတဗ္ဗံ နဟေတုံ ဓမ္မံ ပဋိစ္စ ဘာဝနာယ ပဟာတဗ္ဗော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၄. နဒဿနေန ပဟာတဗ္ဗဟေတုကံ နဟေတုံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၅. နအာစယဂါမိံ နဟေတုံ ဓမ္မံ ပဋိစ္စ အပစယဂါမီ ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၆. နသေက္ခံ နဟေတုံ ဓမ္မံ ပဋိစ္စ အသေက္ခေါ ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၁၂-၁၃-၁. ပရိတ္တတ္တိကဒွယ-ဟေတုဒုကံ
၄၇. နပရိတ္တံ နဟေတုံ ဓမ္မံ ပဋိစ္စ မဟဂ္ဂတော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကာဒသ။
၄၈. နပရိတ္တာရမ္မဏံ နဟေတုံ ဓမ္မံ ပဋိစ္စ ပရိတ္တာရမ္မဏော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တေရသ။
၁၄-၁၇-၁. ဟီနာဒိတ္တိကာနိ-ဟေတုဒုကံ
၄၉. နဟီနံ နဟေတုံ ဓမ္မံ ပဋိစ္စ မဇ္ဈိမော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၅၀. နမိစ္ဆတ္တနိယတံ နဟေတုံ ဓမ္မံ ပဋိစ္စ သမ္မတ္တနိယတော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၅၁. နမဂ္ဂါရမ္မဏံ နဟေတုံ ဓမ္မံ ပဋိစ္စ မဂ္ဂဟေတုကော ဟေတု ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။) ဟေတုယာ ဒသ။
၅၂. နအနုပ္ပန္နော နနဟေတု ဓမ္မော ဥပ္ပန္နဿ နဟေတုဿ ဓမ္မဿ ဟေတုပစ္စယေန ပစ္စယော။ နဥပ္ပါဒီ နနဟေတု ဓမ္မော ဥပ္ပန္နဿ နဟေတုဿ ဓမ္မဿ ဟေတုပစ္စယေန ပစ္စယော။ နအနုပ္ပန္နော နနဟေတု စ နဥပ္ပါဒီ နနဟေတု စ ဓမ္မာ ဥပ္ပန္နဿ နဟေတုဿ ဓမ္မဿ ဟေတုပစ္စယေန ပစ္စယော။ ဟေတုယာ တီဏိ။
၁၈-၁၉-၁. အတီတတ္တိကဒွယ-ဟေတုဒုကံ
၅၃. နအတီတော နနဟေတု ဓမ္မော ပစ္စုပ္ပန္နဿ နဟေတုဿ ဓမ္မဿ ဟေတုပစ္စယေန ပစ္စယော။ နအနာဂတော နနဟေတု ဓမ္မော ပစ္စုပ္ပန္နဿ နဟေတုဿ ဓမ္မဿ ဟေတုပစ္စယေန ပစ္စယော။ နအတီတော နနဟေတု စ နအနာဂတော နနဟေတု စ ဓမ္မာ ပစ္စုပ္ပန္နဿ နဟေတုဿ ဓမ္မဿ ဟေတုပစ္စယေန ပစ္စယော။ ဟေတုယာ တီဏိ။
၅၄. နအတီတာရမ္မဏံ နဟေတုံ ဓမ္မံ ပဋိစ္စ အတီတာရမ္မဏော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ သတ္တရသ။
၂၀-၂၁-၁. အဇ္ဈတ္တတ္တိကဒွယ-ဟေတုဒုကံ
၅၅. နအဇ္ဈတ္တံ နဟေတုံ ဓမ္မံ ပဋိစ္စ ဗဟိဒ္ဓါ ဟေတု ဓမ္မော ဥပ္ပဇ္ဇတိ ဟေတုပစ္စယာ။
နဗဟိဒ္ဓါ နဟေတုံ ဓမ္မံ ပဋိစ္စ အဇ္ဈတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဒွေ။
၅၆. နအဇ္ဈတ္တာရမ္မဏံ နဟေတုံ ဓမ္မံ ပဋိစ္စ အဇ္ဈတ္တာရမ္မဏော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နဗဟိဒ္ဓါရမ္မဏံ နဟေတုံ ဓမ္မံ ပဋိစ္စ ဗဟိဒ္ဓါရမ္မဏော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆ။
၂၂-၁. သနိဒဿနတ္တိက-ဟေတုဒုကံ
၅၇. နသနိဒဿနသပ္ပဋိဃံ နဟေတုံ ဓမ္မံ ပဋိစ္စ အနိဒဿနအပ္ပဋိဃော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နအနိဒဿနသပ္ပဋိဃံ နဟေတုံ ဓမ္မံ ပဋိစ္စ အနိဒဿနအပ္ပဋိဃော ဟေတု ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနသပ္ပဋိဃံ နဟေတုဉ္စ နအနိဒဿနသပ္ပဋိဃံ နဟေတုဉ္စ ဓမ္မံ ပဋိစ္စ အနိဒဿနအပ္ပဋိဃော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနဟေတုံ ဓမ္မံ ပဋိစ္စ သနိဒဿနသပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနသပ္ပဋိဃံ နနဟေတုံ ဓမ္မံ ပဋိစ္စ အနိဒဿနသပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ။ (နဟေတု နနဟေတု ဩဝတ္တာ၊ တီဏိ မူလာနိ၊ ဧကဝီသတိ ပဉှာ ကာတဗ္ဗာ။)
၂၂-၂. သနိဒဿနတ္တိက-သဟေတုကဒုကံ
၅၈. နသနိဒဿနသပ္ပဋိဃံ နသဟေတုကံ ဓမ္မံ ပဋိစ္စ အနိဒဿနအပ္ပဋိဃော သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နအနိဒဿနသပ္ပဋိဃံ နသဟေတုကံ ဓမ္မံ ပဋိစ္စ အနိဒဿနအပ္ပဋိဃော သဟေတုကော ဓမ္မော ဥပ္ပဇ္ဇတိ ဟေတုပစ္စယာ ။ နသနိဒဿနသပ္ပဋိဃံ နသဟေတုကဉ္စ နအနိဒဿနသပ္ပဋိဃံ နသဟေတုကဉ္စ ဓမ္မံ ပဋိစ္စ အနိဒဿနအပ္ပဋိဃော သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအဟေတုကံ ဓမ္မံ ပဋိစ္စ သနိဒဿနသပ္ပဋိဃော အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
နအနိဒဿနသပ္ပဋိဃံ နအဟေတုကံ ဓမ္မံ ပဋိစ္စ အနိဒဿနသပ္ပဋိဃော အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
နသနိဒဿနသပ္ပဋိဃံ နအဟေတုကဉ္စ နအနိဒဿနသပ္ပဋိဃံ နအဟေတုကဉ္စ ဓမ္မံ ပဋိစ္စ အနိဒဿနသပ္ပဋိဃော အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။ ဟေတုယာ ဧကဝီသ။
၂၂-၃-၆. သနိဒဿနတ္တိက-ဟေတုသမ္ပယုတ္တာဒိဒုကာနိ
၅၉. နသနိဒဿနသပ္ပဋိဃံ နဟေတုသမ္ပယုတ္တံ ဓမ္မံ ပဋိစ္စ အနိဒဿနအပ္ပဋိဃော ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နဟေတုဝိပ္ပယုတ္တံ ဓမ္မံ ပဋိစ္စ သနိဒဿနသပ္ပဋိဃော ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၆၀. နသနိဒဿနသပ္ပဋိဃံ နဟေတုဉ္စေဝ နအဟေတုကဉ္စ ဓမ္မံ ပဋိစ္စ အနိဒဿနအပ္ပဋိဃော ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအဟေတုကဉ္စေဝ နန စ ဟေတုံ ဓမ္မံ ပဋိစ္စ အနိဒဿနအပ္ပဋိဃော သဟေတုကော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၆၁. နသနိဒဿနသပ္ပဋိဃံ နဟေတုဉ္စေဝ နဟေတုဝိပ္ပယုတ္တဉ္စ ဓမ္မံ ပဋိစ္စ အနိဒဿနအပ္ပဋိဃော ဟေတု စေဝ ဟေတုသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နဟေတုဝိပ္ပယုတ္တဉ္စေဝ နန စ ဟေတုံ ဓမ္မံ ပဋိစ္စ အနိဒဿနအပ္ပဋိဃော ဟေတုသမ္ပယုတ္တော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၆၂. နသနိဒဿနသပ္ပဋိဃံ နဟေတုံ နသဟေတုကံ ဓမ္မံ ပဋိစ္စ အနိဒဿနအပ္ပဋိဃော နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နဟေတုံ နအဟေတုကံ ဓမ္မံ ပဋိစ္စ သနိဒဿနသပ္ပဋိဃော နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၂၂-၇-၁၃. သနိဒဿနတ္တိက-စူဠန္တရဒုကာနိ
၆၃. နသနိဒဿနသပ္ပဋိဃော နသပ္ပစ္စယော ဓမ္မော အနိဒဿနအပ္ပဋိဃဿ သပ္ပစ္စယဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။) အာရမ္မဏေ တီဏိ၊ အဓိပတိယာ ဥပနိဿယေ တီဏိ။
၆၄. နသနိဒဿနသပ္ပဋိဃံ နသနိဒဿနံ ဓမ္မံ ပဋိစ္စ သနိဒဿနသပ္ပဋိဃော သနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
နအနိဒဿနအပ္ပဋိဃော နနသနိဒဿနော ဓမ္မော အနိဒဿနအပ္ပဋိဃဿ နသနိဒဿနဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။) အာရမ္မဏေ တီဏိ၊ အဓိပတိယာ ဥပနိဿယေ ပုရေဇာတေ အတ္ထိယာ အဝိဂတေ တီဏိ။
၆၅. နသနိဒဿနသပ္ပဋိဃံ နသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
နသနိဒဿနသပ္ပဋိဃံ နအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၆၆. နသနိဒဿနသပ္ပဋိဃံ နရူပိံ ဓမ္မံ ပဋိစ္စ သနိဒဿနသပ္ပဋိဃော ရူဣ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ နအရူပိံ ဓမ္မံ ပဋိစ္စ အနိဒဿနအပ္ပဋိဃော အရူဣ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၆၇. နသနိဒဿနသပ္ပဋိဃံ နလောကိယံ ဓမ္မံ ပဋိစ္စ သနိဒဿနသပ္ပဋိဃော လောကိယော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
နအနိဒဿနသပ္ပဋိဃံ နလောကိယံ ဓမ္မံ ပဋိစ္စ အနိဒဿနသပ္ပဋိဃော လောကိယော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။ ဟေတုယာ ဧကဝီသ။
နသနိဒဿနသပ္ပဋိဃံ နလောကုတ္တရံ ဓမ္မံ ပစ္စယာ အနိဒဿနအပ္ပဋိဃော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။) ဟေတုယာ တီဏိ။ပေ.။ အဝိဂတေ တီဏိ။
နသနိဒဿနသပ္ပဋိဃံ နလောကုတ္တရံ ဓမ္မံ ပစ္စယာ အနိဒဿနအပ္ပဋိဃော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။) ဟေတုယာ တီဏိ။ပေ.။ အဝိဂတေ တီဏိ။
၆၈. နသနိဒဿနသပ္ပဋိဃံ နကေနစိ ဝိညေယျံ ဓမ္မံ ပဋိစ္စ သနိဒဿနသပ္ပဋိဃော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စတိံသ။
နသနိဒဿနသပ္ပဋိဃံ နနကေနစိ ဝိညေယျံ ဓမ္မံ ပဋိစ္စ သနိဒဿနသပ္ပဋိဃော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စတိံသ။
၂၂-၁၄-၁၉. သနိဒဿနတ္တိက-အာသဝဂေါစ္ဆကာနိ
၆၉. နသနိဒဿနသပ္ပဋိဃံ နောအာသဝံ ဓမ္မံ ပဋိစ္စ အနိဒဿနအပ္ပဋိဃော အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနောအာသဝံ ဓမ္မံ ပဋိစ္စ သနိဒဿနသပ္ပဋိဃော နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၇၀. နသနိဒဿနသပ္ပဋိဃံ နသာသဝံ ဓမ္မံ ပဋိစ္စ သနိဒဿနသပ္ပဋိဃော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ နအနာသဝံ ဓမ္မံ ပစ္စယာ အနိဒဿနအပ္ပဋိဃော အနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။) ဟေတုယာ တီဏိ။ပေ.။ အဝိဂတေ တီဏိ။
၇၁. နသနိဒဿနသပ္ပဋိဃံ နအာသဝသမ္ပယုတ္တံ ဓမ္မံ ပဋိစ္စ အနိဒဿနအပ္ပဋိဃော အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအာသဝဝိပ္ပယုတ္တံ ဓမ္မံ ပဋိစ္စ သနိဒဿနသပ္ပဋိဃော အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၇၂. နသနိဒဿနသပ္ပဋိဃံ နအာသဝဉ္စေဝ နအနာသဝဉ္စ ဓမ္မံ ပဋိစ္စ အနိဒဿနအပ္ပဋိဃော အာသဝေါ စေဝ သာသဝေါ စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအနာသဝဉ္စေဝ နနော စ အာသဝံ ဓမ္မံ ပဋိစ္စ သနိဒဿနသပ္ပဋိဃော သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၇၃. နသနိဒဿနသပ္ပဋိဃံ နအာသဝဉ္စေဝ နအာသဝဝိပ္ပယုတ္တဉ္စ ဓမ္မံ ပဋိစ္စ အနိဒဿနအပ္ပဋိဃော အာသဝေါ စေဝ အာသဝသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအာသဝဝိပ္ပယုတ္တဉ္စေဝ နနော စ အာသဝံ ဓမ္မံ ပဋိစ္စ အနိဒဿနအပ္ပဋိဃော အာသဝသမ္ပယုတ္တော စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၇၄. နသနိဒဿနသပ္ပဋိဃံ အာသဝဝိပ္ပယုတ္တံ နသာသဝံ ဓမ္မံ ပဋိစ္စ သနိဒဿနသပ္ပဋိဃော အာသဝဝိပ္ပယုတ္တော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ အာသဝဝိပ္ပယုတ္တံ နအနာသဝံ ဓမ္မံ ပစ္စယာ အနိဒဿနအပ္ပဋိဃော အာသဝဝိပ္ပယုတ္တော အနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၂၀-၅၄. သနိဒဿနတ္တိက-သညောဇနာဒိဂေါစ္ဆကာနိ
၇၅. နသနိဒဿနသပ္ပဋိဃံ နောသညောဇနံ ဓမ္မံ ပဋိစ္စ အနိဒဿနအပ္ပဋိဃော သညောဇနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၇၆. နသနိဒဿနသပ္ပဋိဃံ နောဂန္ထံ ဓမ္မံ ပဋိစ္စ အနိဒဿနအပ္ပဋိဃော ဂန္ထော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၇၇. နသနိဒဿနသပ္ပဋိဃံ နောဩဃံ ဓမ္မံ ပဋိစ္စ အနိဒဿနအပ္ပဋိဃော ဩဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၇၈. နသနိဒဿနသပ္ပဋိဃံ နောယောဂံ ဓမ္မံ ပဋိစ္စ အနိဒဿနအပ္ပဋိဃော ယောဂေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၇၉. နသနိဒဿနသပ္ပဋိဃံ နောနီဝရဏံ ဓမ္မံ ပဋိစ္စ အနိဒဿနအပ္ပဋိဃော နီဝရဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၈၀ . နသနိဒဿနသပ္ပဋိဃံ နောပရာမာသံ ဓမ္မံ ပဋိစ္စ အနိဒဿနအပ္ပဋိဃော ပရာမာသော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၅၅-၆၈. သနိဒဿနတ္တိက-မဟန္တရဒုကာနိ
၈၁. နသနိဒဿနသပ္ပဋိဃံ နသာရမ္မဏံ ဓမ္မံ ပဋိစ္စ အနိဒဿနအပ္ပဋိဃော သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအနာရမ္မဏံ ဓမ္မံ ပဋိစ္စ သနိဒဿနသပ္ပဋိဃော အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၈၂. နသနိဒဿနသပ္ပဋိဃံ နောစိတ္တံ ဓမ္မံ ပဋိစ္စ အနိဒဿနအပ္ပဋိဃော စိတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနောစိတ္တံ ဓမ္မံ ပဋိစ္စ သနိဒဿနသပ္ပဋိဃော နောစိတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၈၃. နသနိဒဿနသပ္ပဋိဃံ နစေတသိကံ ဓမ္မံ ပဋိစ္စ အနိဒဿနအပ္ပဋိဃော စေတသိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအစေတသိကံ ဓမ္မံ ပဋိစ္စ သနိဒဿနသပ္ပဋိဃော အစေတသိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၈၄. နသနိဒဿနသပ္ပဋိဃံ နစိတ္တသမ္ပယုတ္တံ ဓမ္မံ ပဋိစ္စ အနိဒဿနအပ္ပဋိဃော စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နစိတ္တဝိပ္ပယုတ္တံ ဓမ္မံ ပဋိစ္စ သနိဒဿနသပ္ပဋိဃော စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၈၅. နသနိဒဿနသပ္ပဋိဃံ နစိတ္တသံသဋ္ဌံ ဓမ္မံ ပဋိစ္စ အနိဒဿနအပ္ပဋိဃော စိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နစိတ္တဝိသံသဋ္ဌံ ဓမ္မံ ပဋိစ္စ သနိဒဿနသပ္ပဋိဃော စိတ္တဝိသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၈၆. နသနိဒဿနသပ္ပဋိဃံ နောစိတ္တသမုဋ္ဌာနံ ဓမ္မံ ပဋိစ္စ သနိဒဿနသပ္ပဋိဃော စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ နနောစိတ္တသမုဋ္ဌာနံ ဓမ္မံ ပဋိစ္စ အနိဒဿနအပ္ပဋိဃော နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၈၇. နသနိဒဿနသပ္ပဋိဃံ နောစိတ္တသဟဘုံ ဓမ္မံ ပဋိစ္စ အနိဒဿနအပ္ပဋိဃော စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
နသနိဒဿနသပ္ပဋိဃံ နနောစိတ္တသဟဘုံ ဓမ္မံ ပဋိစ္စ သနိဒဿနသပ္ပဋိဃော နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၈၈. နသနိဒဿနသပ္ပဋိဃံ နောစိတ္တာနုပရိဝတ္တိံ ဓမ္မံ ပဋိစ္စ အနိဒဿနအပ္ပဋိဃော စိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
နသနိဒဿနသပ္ပဋိဃံ နနောစိတ္တာနုပရိဝတ္တိံ ဓမ္မံ ပဋိစ္စ သနိဒဿနသပ္ပဋိဃော နောစိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၈၉. နသနိဒဿနသပ္ပဋိဃံ နောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ အနိဒဿနအပ္ပဋိဃော စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနောစိတ္တသံသဋ္ဌသမုဋ္ဌာနံ ဓမ္မံ ပဋိစ္စ သနိဒဿနသပ္ပဋိဃော နောစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၉၀. နသနိဒဿနသပ္ပဋိဃံ နောစိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ အနိဒဿနအပ္ပဋိဃော စိတ္တသံသဋ္ဌသမုဋ္ဌာနသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနောစိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ သနိဒဿနသပ္ပဋိဃော နောစိတ္တသံသဋ္ဌသမုဋ္ဌာနသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၉၁. နသနိဒဿနသပ္ပဋိဃံ နောစိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ အနိဒဿနအပ္ပဋိဃော စိတ္တသံသဋ္ဌသမုဋ္ဌာနာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနောစိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ သနိဒဿနသပ္ပဋိဃော နောစိတ္တသံသဋ္ဌသမုဋ္ဌာနာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၉၂. နသနိဒဿနသပ္ပဋိဃံ နအဇ္ဈတ္တိကံ ဓမ္မံ ပဋိစ္စ အနိဒဿနသပ္ပဋိဃော အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကာဒသ။
နသနိဒဿနသပ္ပဋိဃံ နဗာဟိရံ ဓမ္မံ ပဋိစ္စ သနိဒဿနသပ္ပဋိဃော ဗာဟိရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၉၃. နသနိဒဿနသပ္ပဋိဃံ နောဥပါဒါ ဓမ္မံ ပဋိစ္စ သနိဒဿနသပ္ပဋိဃော ဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စတိံသ။
နသနိဒဿနသပ္ပဋိဃံ နနောဥပါဒါ ဓမ္မံ ပဋိစ္စ အနိဒဿနအပ္ပဋိဃော နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၉၄. နသနိဒဿနသပ္ပဋိဃံ နအနုပါဒိန္နံ ဓမ္မံ ပဋိစ္စ သနိဒဿနသပ္ပဋိဃော အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၂၂-၆၉-၇၄. သနိဒဿနတ္တိက-ဥပါဒါနာဒိဒုကာနိ
၉၅. နသနိဒဿနသပ္ပဋိဃံ နောဥပါဒါနံ ဓမ္မံ ပဋိစ္စ အနိဒဿနအပ္ပဋိဃော ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၇၅-၈၂. သနိဒဿနတ္တိက-ကိလေသာဒိဒုကာနိ
၉၆. နသနိဒဿနသပ္ပဋိဃံ နောကိလေသံ ဓမ္မံ ပဋိစ္စ အနိဒဿနအပ္ပဋိဃော ကိလေသော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၈၃-၉၉. သနိဒဿနတ္တိက-ပိဋ္ဌိဒုကာနိ
၉၇. နသနိဒဿနသပ္ပဋိဃံ နဒဿနေန ပဟာတဗ္ဗံ ဓမ္မံ ပစ္စယာ အနိဒဿနအပ္ပဋိဃော ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနဒဿနေန ပဟာတဗ္ဗံ ဓမ္မံ ပဋိစ္စ သနိဒဿနသပ္ပဋိဃော နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၉၈. နသနိဒဿနသပ္ပဋိဃံ နဘာဝနာယ ပဟာတဗ္ဗံ ဓမ္မံ ပစ္စယာ အနိဒဿနအပ္ပဋိဃော ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနဘာဝနာယ ပဟာတဗ္ဗံ ဓမ္မံ ပဋိစ္စ သနိဒဿနသပ္ပဋိဃော နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၉၉. နသနိဒဿနသပ္ပဋိဃံ နဒဿနေန ပဟာတဗ္ဗဟေတုကံ ဓမ္မံ ပဋိစ္စ အနိဒဿနအပ္ပဋိဃော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနဒဿနေန ပဟာတဗ္ဗဟေတုကံ ဓမ္မံ ပဋိစ္စ သနိဒဿနသပ္ပဋိဃော နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၀၀. နသနိဒဿနသပ္ပဋိဃံ နဘာဝနာယ ပဟာတဗ္ဗဟေတုကံ ဓမ္မံ ပစ္စယာ အနိဒဿနအပ္ပဋိဃော ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနဘာဝနာယ ပဟာတဗ္ဗဟေတုကံ ဓမ္မံ ပဋိစ္စ သနိဒဿနသပ္ပဋိဃော နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၀၁. နသနိဒဿနသပ္ပဋိဃံ နသဝိတက္ကံ ဓမ္မံ ပဋိစ္စ အနိဒဿနအပ္ပဋိဃော သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအဝိတက္ကံ ဓမ္မံ ပဋိစ္စ သနိဒဿနသပ္ပဋိဃော အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၀၂. နသနိဒဿနသပ္ပဋိဃံ နသဝိစာရံ ဓမ္မံ ပဋိစ္စ အနိဒဿနအပ္ပဋိဃော သဝိစာရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအဝိစာရံ ဓမ္မံ ပဋိစ္စ သနိဒဿနသပ္ပဋိဃော အဝိစာရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၀၃. နသနိဒဿနသပ္ပဋိဃံ နသပ္ပီတိကံ ဓမ္မံ ပဋိစ္စ အနိဒဿနအပ္ပဋိဃော သပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအပ္ပီတိကံ ဓမ္မံ ပဋိစ္စ သနိဒဿနသပ္ပဋိဃော အပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၀၄. နသနိဒဿနသပ္ပဋိဃံ နဣတိသဟဂတံ ဓမ္မံ ပဋိစ္စ အနိဒဿနအပ္ပဋိဃော ဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနဣတိသဟဂတံ ဓမ္မံ ပဋိစ္စ သနိဒဿနသပ္ပဋိဃော နဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၀၅. နသနိဒဿနသပ္ပဋိဃံ နသုခသဟဂတံ ဓမ္မံ ပဋိစ္စ အနိဒဿနအပ္ပဋိဃော သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနသုခသဟဂတံ ဓမ္မံ ပဋိစ္စ သနိဒဿနသပ္ပဋိဃော နသုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၀၆. နသနိဒဿနသပ္ပဋိဃံ နဥပေက္ခါသဟဂတံ ဓမ္မံ ပဋိစ္စ အနိဒဿနအပ္ပဋိဃော ဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနဥပေက္ခါသဟဂတံ ဓမ္မံ ပဋိစ္စ သနိဒဿနသပ္ပဋိဃော နဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၀၇. နသနိဒဿနသပ္ပဋိဃံ နကာမာဝစရံ ဓမ္မံ ပဋိစ္စ သနိဒဿနသပ္ပဋိဃော ကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ နနကာမာဝစရံ ဓမ္မံ ပဋိစ္စ အနိဒဿနအပ္ပဋိဃော နကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၁၀၈. နသနိဒဿနသပ္ပဋိဃံ နရူပါဝစရံ ဓမ္မံ ပဋိစ္စ အနိဒဿနအပ္ပဋိဃော ရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနရူပါဝစရံ ဓမ္မံ ပဋိစ္စ သနိဒဿနသပ္ပဋိဃော နရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၀၉. နသနိဒဿနသပ္ပဋိဃံ နအရူပါဝစရံ ဓမ္မံ ပစ္စယာ အနိဒဿနအပ္ပဋိဃော အရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နနအရူပါဝစရံ ဓမ္မံ ပဋိစ္စ သနိဒဿနသပ္ပဋိဃော နအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၁၀. နသနိဒဿနသပ္ပဋိဃံ နပရိယာပန္နံ ဓမ္မံ ပဋိစ္စ သနိဒဿနသပ္ပဋိဃော ပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ နအပရိယာပန္နံ ဓမ္မံ ပစ္စယာ အနိဒဿနအပ္ပဋိဃော အပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၁၁၁. နသနိဒဿနသပ္ပဋိဃံ နနိယျာနိကံ ဓမ္မံ ပစ္စယာ အနိဒဿနအပ္ပဋိဃော နိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအနိယျာနိကံ ဓမ္မံ ပဋိစ္စ သနိဒဿနသပ္ပဋိဃော အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၁၂. နသနိဒဿနသပ္ပဋိဃံ နနိယတံ ဓမ္မံ ပစ္စယာ အနိဒဿနအပ္ပဋိဃော နိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအနိယတံ ဓမ္မံ ပဋိစ္စ သနိဒဿနသပ္ပဋိဃော အနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
၁၁၃. နသနိဒဿနသပ္ပဋိဃံ နသဥတ္တရံ ဓမ္မံ ပဋိစ္စ သနိဒဿနသပ္ပဋိဃော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကဝီသ။
နသနိဒဿနသပ္ပဋိဃံ နအနုတ္တရံ ဓမ္မံ ပစ္စယာ အနိဒဿနအပ္ပဋိဃော အနုတ္တရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
၂၂-၁၀၀. သနိဒဿနတ္တိက-သရဏဒုကံ
၁၁၄. နသနိဒဿနသပ္ပဋိဃံ နသရဏံ ဓမ္မံ ပစ္စယာ အနိဒဿနအပ္ပဋိဃော သရဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ။
နသနိဒဿနသပ္ပဋိဃံ နအရဏံ ဓမ္မံ ပဋိစ္စ သနိဒဿနသပ္ပဋိဃော အရဏော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
နအနိဒဿနသပ္ပဋိဃံ နအရဏံ ဓမ္မံ ပဋိစ္စ သနိဒဿနသပ္ပဋိဃော အရဏော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
နသနိဒဿနသပ္ပဋိဃံ နအရဏဉ္စ နအနိဒဿနသပ္ပဋိဃံ နအရဏဉ္စ ဓမ္မံ ပဋိစ္စ သနိဒဿနသပ္ပဋိဃော အရဏော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။ ဟေတုယာ ဧကဝီသ။
(သဟဇာတဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ။)
ဟေတုအာရမ္မဏပစ္စယာဒိ
၁၁၅. နသနိဒဿနသပ္ပဋိဃော နအရဏော ဓမ္မော သနိဒဿနသပ္ပဋိဃဿ အရဏဿ ဓမ္မဿ ဟေတုပစ္စယေန ပစ္စယော။ သတ္တ။
နအနိဒဿနသပ္ပဋိဃော နအရဏော ဓမ္မော သနိဒဿနသပ္ပဋိဃဿ အရဏဿ ဓမ္မဿ ဟေတုပစ္စယေန ပစ္စယော။ သတ္တ။
နသနိဒဿနသပ္ပဋိဃော နအရဏော စ နအနိဒဿနသပ္ပဋိဃော နအရဏော စ ဓမ္မာ သနိဒဿနသပ္ပဋိဃဿ အရဏဿ ဓမ္မဿ ဟေတုပစ္စယေန ပစ္စယော။ သတ္တ။
၁၁၆. နသနိဒဿနသပ္ပဋိဃော နအရဏော ဓမ္မော အနိဒဿနအပ္ပဋိဃဿ အရဏဿ ဓမ္မဿ အာရမ္မဏပစ္စယေန ပစ္စယော။ နအနိဒဿနသပ္ပဋိဃော နအရဏော ဓမ္မော အနိဒဿနအပ္ပဋိဃဿ အရဏဿ ဓမ္မဿ အာရမ္မဏပစ္စယေန ပစ္စယော။ နသနိဒဿနသပ္ပဋိဃော နအရဏော စ နအနိဒဿနသပ္ပဋိဃော နအရဏော စ ဓမ္မာ အနိဒဿနအပ္ပဋိဃဿ အရဏဿ ဓမ္မဿ အာရမ္မဏပစ္စယေန ပစ္စယော။
၁၁၇. ဟေတုယာ ဧကဝီသ၊ အာရမ္မဏေ တီဏိ။ပေ.။ အဝိဂတေ ဧကဝီသ။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
ဓမ္မပစ္စနီယာနုလောမေ တိကဒုကပဋ္ဌာနံ နိဋ္ဌိတံ။