ဓမ္မပစ္စနီယာနုလောမေ ဒုကပဋ္ဌာန
၁-၆. ဟေတုဂေါစ္ဆက
၁-၇. ပဋိစ္စဒိဝါရ
၁. နဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ ဟေတုပစ္စယာ။ နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ။ နဟေတုံ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နနဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ ဟေတုပစ္စယာ။ နနဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ။ နနဟေတုံ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နဟေတုဉ္စ နနဟေတုဉ္စ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ ဟေတုပစ္စယာ။ နဟေတုဉ္စ နနဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ။ နဟေတုဉ္စ နနဟေတုဉ္စ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။) ဟေတုယာ နဝ၊ အာရမ္မဏေ နဝ။ပေ.။ အဝိဂတေ နဝ။
(သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၂. နသဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နသဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နသဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နအဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နအဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နသဟေတုကဉ္စ နအဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နသဟေတုကဉ္စ နအဟေတုကဉ္စ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ ဟေတုပစ္စယာ။ နသဟေတုကဉ္စ နအဟေတုကဉ္စ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။ ဟေတုယာ နဝ။
၃. နဟေတုသမ္ပယုတ္တံ ဓမ္မံ ပဋိစ္စ ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄. နဟေတုဉ္စေဝ နအဟေတုကဉ္စ ဓမ္မံ ပဋိစ္စ ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၅. နဟေတုဉ္စေဝ နဟေတုဝိပ္ပယုတ္တဉ္စ ဓမ္မံ ပဋိစ္စ ဟေတု စေဝ ဟေတုသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၆. နဟေတုံ နသဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၇-၁၃. စူဠန္တရဒုကာဒိ
၇. နအပ္ပစ္စယံ ဓမ္မံ ပဋိစ္စ သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကံ။
၈. နအသင်္ခတံ ဓမ္မံ ပဋိစ္စ သင်္ခတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကံ။
၉. နသနိဒဿနံ ဓမ္မံ ပဋိစ္စ သနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနံ ဓမ္မံ ပဋိစ္စ အနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနံ ဓမ္မံ ပဋိစ္စ သနိဒဿနော စ အနိဒဿနော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ တီဏိ။
နသနိဒဿနော ဓမ္မော သနိဒဿနဿ ဓမ္မဿ ဟေတုပစ္စယေန ပစ္စယော။ တီဏိ။
နသနိဒဿနော ဓမ္မော အနိဒဿနဿ ဓမ္မဿ အာရမ္မဏပစ္စယေန ပစ္စယော။ နအနိဒဿနော ဓမ္မော အနိဒဿနဿ ဓမ္မဿ အာရမ္မဏပစ္စယေန ပစ္စယော။
၁၀. နသပ္ပဋိဃံ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နသပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နသပ္ပဋိဃံ ဓမ္မံ ပဋိစ္စ သပ္ပဋိဃော စ အပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နအပ္ပဋိဃံ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နအပ္ပဋိဃံ ဓမ္မံ ပဋိစ္စ သပ္ပဋိဃော စ အပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နသပ္ပဋိဃဉ္စ နအပ္ပဋိဃဉ္စ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ နဝ။
၁၁. နရူပိံ ဓမ္မံ ပဋိစ္စ ရူဣ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၁၂. နလောကိယံ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ ဟေတုပစ္စယာ။ နလောကိယံ ဓမ္မံ ပဋိစ္စ လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ နလောကိယံ ဓမ္မံ ပဋိစ္စ လောကိယော စ လောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နလောကုတ္တရံ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ ဟေတုပစ္စယာ။ (၁)
နလောကိယဉ္စ နလောကုတ္တရဉ္စ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ ဟေတုပစ္စယာ။ (၁)။ ဟေတုယာ ပဉ္စ။
၁၃. နကေနစိ ဝိညေယျံ ဓမ္မံ ပဋိစ္စ ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၁၄-၁၉. အာသဝဂေါစ္ဆကံ
၁၄. နအာသဝံ ဓမ္မံ ပဋိစ္စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ နအာသဝံ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ နအာသဝံ ဓမ္မံ ပဋိစ္စ အာသဝေါ စ နောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နနောအာသဝံ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ နနောအာသဝံ ဓမ္မံ ပဋိစ္စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ နနောအာသဝံ ဓမ္မံ ပဋိစ္စ အာသဝေါ စ နောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအာသဝဉ္စ နနောအာသဝဉ္စ ဓမ္မံ ပဋိစ္စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ နဝ။
၁၅. နသာသဝံ ဓမ္မံ ပဋိစ္စ သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ နသာသဝံ ဓမ္မံ ပဋိစ္စ အနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ နသာသဝံ ဓမ္မံ ပဋိစ္စ သာသဝေါ စ အနာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအနာသဝံ ဓမ္မံ ပဋိစ္စ သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နသာသဝဉ္စ နအနာသဝဉ္စ ဓမ္မံ ပဋိစ္စ သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ (သံခိတ္တံ။) ဟေတုယာ ပဉ္စ။
၁၆. နအာသဝသမ္ပယုတ္တံ ဓမ္မံ ပဋိစ္စ အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၁၇. နအာသဝဉ္စေဝ အနာသဝဉ္စ ဓမ္မံ ပဋိစ္စ အာသဝေါ စေဝ သာသဝေါ စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၁၈. နအာသဝဉ္စေဝ နအာသဝဝိပ္ပယုတ္တဉ္စ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၁၉. အာသဝဝိပ္ပယုတ္တံ နသာသဝံ ဓမ္မံ ပဋိစ္စ အာသဝဝိပ္ပယုတ္တော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၂၀-၅၄. သညောဇနာဒိဆဂေါစ္ဆကာနိ
၂၀. နသညောဇနံ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နဂန္ထံ ဓမ္မံ ပဋိစ္စ ဂန္ထော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နဩဃံ ဓမ္မံ ပဋိစ္စ ဩဃော ဓမ္မော ဥပ္ပဇ္ဇတိ ဟေတုပစ္စယာ ။ပေ.။။
နယောဂံ ဓမ္မံ ပဋိစ္စ ယောဂေါ ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နနီဝရဏံ ဓမ္မံ ပဋိစ္စ နီဝရဏော ဓမ္မော ဥပ္ပဇ္ဇတိ ဟေတုပစ္စယာ။
၂၁. နပရာမာသံ ဓမ္မံ ပဋိစ္စ ပရာမာသော ဓမ္မော ဥပ္ပဇ္ဇတိ ဟေတုပစ္စယာ။။
၅၅-၆၈. မဟန္တရဒုကာဒိ
၂၂. နသာရမ္မဏံ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ နသာရမ္မဏံ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ နသာရမ္မဏံ ဓမ္မံ ပဋိစ္စ သာရမ္မဏော စ အနာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအနာရမ္မဏံ ဓမ္မံ ပဋိစ္စ အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နသာရမ္မဏဉ္စ နအနာရမ္မဏဉ္စ ဓမ္မံ ပဋိစ္စ သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ နဝ။
၂၃. နစိတ္တံ ဓမ္မံ ပဋိစ္စ စိတ္တော ဓမ္မော ဥပ္ပဇ္ဇတိ ဟေတုပစ္စယာ။ နစိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ။ နစိတ္တံ ဓမ္မံ ပဋိစ္စ စိတ္တော စ နောစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နနောစိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နစိတ္တဉ္စ နနောစိတ္တဉ္စ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ ။ ဧကံ။ ဟေတုယာ ပဉ္စ။
၂၄. နစေတသိကံ ဓမ္မံ ပဋိစ္စ စေတသိကော ဓမ္မော ဥပ္ပဇ္ဇတိ ဟေတုပစ္စယာ။ နစေတသိကံ ဓမ္မံ ပဋိစ္စ အစေတသိကော ဓမ္မော ဥပ္ပဇ္ဇတိ ဟေတုပစ္စယာ။ နစေတသိကံ ဓမ္မံ ပဋိစ္စ စေတသိကော စ အစေတသိကော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ နဝ။
၂၅. နစိတ္တသမ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နစိတ္တသမ္ပယုတ္တံ ဓမ္မံ ပဋိစ္စ စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နစိတ္တသမ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နစိတ္တဝိပ္ပယုတ္တံ ဓမ္မံ ပဋိစ္စ စိတ္တဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နစိတ္တဝိပ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နစိတ္တဝိပ္ပယုတ္တံ ဓမ္မံ ပဋိစ္စ စိတ္တသမ္ပယုတ္တော စ စိတ္တဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နစိတ္တသမ္ပယုတ္တဉ္စ နစိတ္တဝိပ္ပယုတ္တဉ္စ ဓမ္မံ ပဋိစ္စ စိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ နဝ။
၂၆. နစိတ္တသံသဋ္ဌံ ဓမ္မံ ပဋိစ္စ စိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ။ နစိတ္တသံသဋ္ဌံ ဓမ္မံ ပဋိစ္စ စိတ္တဝိသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ။ နစိတ္တသံသဋ္ဌံ ဓမ္မံ ပဋိစ္စ စိတ္တသံသဋ္ဌော စ စိတ္တဝိသံသဋ္ဌော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ နဝ။
၂၇. နစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ နစိတ္တသမုဋ္ဌာနံ ဓမ္မံ ပဋိစ္စ နောစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ နစိတ္တသမုဋ္ဌာနံ ဓမ္မံ ပဋိစ္စ စိတ္တသမုဋ္ဌာနော စ နောစိတ္တသမုဋ္ဌာနော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ နဝ။
၂၈. နစိတ္တသဟဘုံ ဓမ္မံ ပဋိစ္စ စိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ နစိတ္တသဟဘုံ ဓမ္မံ ပဋိစ္စ နောစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ နစိတ္တသဟဘုံ ဓမ္မံ ပဋိစ္စ စိတ္တသဟဘူ စ နောစိတ္တသဟဘူ စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ နဝ။
၂၉. နစိတ္တာနုပရိဝတ္တိံ ဓမ္မံ ပဋိစ္စ စိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ နစိတ္တာနုပရိဝတ္တိံ ဓမ္မံ ပဋိစ္စ နောစိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ နစိတ္တာနုပရိဝတ္တိံ ဓမ္မံ ပဋိစ္စ စိတ္တာနုပရိဝတ္တီ စ နောစိတ္တာနုပရိဝတ္တီ စ ဓမ္မာ ဥပ္ပဇ္ဇန္တိ ဟေတုပစ္စယာ။ ဟေတုယာ နဝ။
၃၀. နစိတ္တသံသဋ္ဌသမုဋ္ဌာနံ ဓမ္မံ ပဋိစ္စ စိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၃၁. နစိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ စိတ္တသံသဋ္ဌသမုဋ္ဌာနသဟဘူ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၃၂. နစိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ စိတ္တသံသဋ္ဌသမုဋ္ဌာနာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၃၃. နအဇ္ဈတ္တိကံ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နဗာဟိရံ ဓမ္မံ ပဋိစ္စ ဗာဟိရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နအဇ္ဈတ္တိကဉ္စ နဗာဟိရဉ္စ ဓမ္မံ ပဋိစ္စ အဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ နဝ။
၃၄. နဥပါဒါ ဓမ္မံ ပဋိစ္စ ဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၃၅. နဥပါဒိန္နံ ဓမ္မံ ပဋိစ္စ အနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၆၉-၇၄. ဥပါဒါနဂေါစ္ဆကံ
၃၆. နဥပါဒါနံ ဓမ္မံ ပဋိစ္စ ဥပါဒါနော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ)။
၇၅-၈၂. ကိလေသဂေါစ္ဆကံ
၃၇. နကိလေသံ ဓမ္မံ ပဋိစ္စ ကိလေသော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ)။
၈၃-၉၉. ပိဋ္ဌိဒုကံ
၃၈. နဒဿနေန ပဟာတဗ္ဗံ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နနဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ နနဒဿနေန ပဟာတဗ္ဗံ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ နနဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော စ နဒဿနေန ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နဒဿနေန ပဟာတဗ္ဗဉ္စ နနဒဿနေန ပဟာတဗ္ဗဉ္စ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ ပဉ္စ။
၃၉. နဘာဝနာယ ပဟာတဗ္ဗံ ဓမ္မံ ပဋိစ္စ နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၄၀. နဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၁. နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၂. နသဝိတက္ကံ ဓမ္မံ ပဋိစ္စ သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ နသဝိတက္ကံ ဓမ္မံ ပဋိစ္စ အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ နသဝိတက္ကံ ဓမ္မံ ပဋိစ္စ သဝိတက္ကော စ အဝိတက္ကော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအဝိတက္ကံ ဓမ္မံ ပဋိစ္စ အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ နအဝိတက္ကံ ဓမ္မံ ပဋိစ္စ သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ နအဝိတက္ကံ ဓမ္မံ ပဋိစ္စ သဝိတက္ကော စ အဝိတက္ကော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နသဝိတက္ကဉ္စ နအဝိတက္ကဉ္စ ဓမ္မံ ပဋိစ္စ သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ နသဝိတက္ကဉ္စ နအဝိတက္ကဉ္စ ဓမ္မံ ပဋိစ္စ အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ နသဝိတက္ကဉ္စ နအဝိတက္ကဉ္စ ဓမ္မံ ပဋိစ္စ သဝိတက္ကော စ အဝိတက္ကော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) ဟေတုယာ နဝ။
၄၃. နသဝိစာရံ ဓမ္မံ ပဋိစ္စ သဝိစာရော ဓမ္မော ဥပ္ပဇ္ဇတိ ဟေတုပစ္စယာ ။ ဟေတုယာ နဝ။
၄၄. နသပ္ပီတိကံ ဓမ္မံ ပဋိစ္စ သပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၅. နဣတိသဟဂတံ ဓမ္မံ ပဋိစ္စ ဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၆. နသုခသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၇. နဥပေက္ခါသဟဂတံ ဓမ္မံ ပဋိစ္စ ဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ နဥပေက္ခါသဟဂတံ ဓမ္မံ ပဋိစ္စ နဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ နဥပေက္ခါသဟဂတံ ဓမ္မံ ပဋိစ္စ ဥပေက္ခါသဟဂတော စ နဥပေက္ခါသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နနဥပေက္ခါသဟဂတံ ဓမ္မံ ပဋိစ္စ နဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နဥပေက္ခါသဟဂတဉ္စ နနဥပေက္ခါသဟဂတဉ္စ ဓမ္မံ ပဋိစ္စ ဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ နဥပေက္ခါသဟဂတဉ္စ နနဥပေက္ခါသဟဂတဉ္စ ဓမ္မံ ပဋိစ္စ နဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ နဥပေက္ခါသဟဂတဉ္စ နနဥပေက္ခါသဟဂတဉ္စ ဓမ္မံ ပဋိစ္စ ဥပေက္ခါသဟဂတော စ နဥပေက္ခါသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။ ဟေတုယာ နဝ။
၄၈. နကာမာဝစရံ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ နကာမာဝစရံ ဓမ္မံ ပဋိစ္စ နကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ နကာမာဝစရံ ဓမ္မံ ပဋိစ္စ ကာမာဝစရော စ နကာမာဝစရော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နနကာမာဝစရံ ဓမ္မံ ပဋိစ္စ နကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နကာမာဝစရဉ္စ နနကာမာဝစရဉ္စ ဓမ္မံ ပဋိစ္စ ကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ နဝ။
၄၉. နရူပါဝစရံ ဓမ္မံ ပဋိစ္စ ရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၅၀. နအရူပါဝစရံ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၅၁. နပရိယာပန္နံ ဓမ္မံ ပဋိစ္စ ပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နအပရိယာပန္နံ ဓမ္မံ ပဋိစ္စ ပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နပရိယာပန္နဉ္စ နအပရိယာပန္နဉ္စ ဓမ္မံ ပဋိစ္စ ပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ ပဉ္စ။
၅၂. နနိယျာနိကံ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအနိယျာနိကံ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နနိယျာနိကဉ္စ နအနိယျာနိကဉ္စ ဓမ္မံ ပဋိစ္စ အနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ ပဉ္စ။
၅၃. နနိယတံ ဓမ္မံ ပဋိစ္စ အနိယတော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအနိယတံ ဓမ္မံ ပဋိစ္စ အနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နနိယတဉ္စ နအနိယတဉ္စ ဓမ္မံ ပဋိစ္စ အနိယတော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ ပဉ္စ။
၅၄. နသဥတ္တရံ ဓမ္မံ ပဋိစ္စ သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ နသဥတ္တရံ ဓမ္မံ ပဋိစ္စ အနုတ္တရော ဓမ္မော ဥပ္ပဇ္ဇတိ ဟေတုပစ္စယာ။ နသဥတ္တရံ ဓမ္မံ ပဋိစ္စ သဥတ္တရော စ အနုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအနုတ္တရံ ဓမ္မံ ပဋိစ္စ သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နသဥတ္တရဉ္စ နအနုတ္တရဉ္စ ဓမ္မံ ပဋိစ္စ သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ။
၁၀၀. သရဏဒုကံ
၁-၇. ပဋိစ္စဝါရာဒိ
၅၅. နသရဏံ ဓမ္မံ ပဋိစ္စ အရဏော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအရဏံ ဓမ္မံ ပဋိစ္စ အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နသရဏဉ္စ နအရဏဉ္စ ဓမ္မံ ပဋိစ္စ အရဏော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ ပဉ္စ၊ အာရမ္မဏေ ဒွေ။ပေ.။ အဝိဂတေ ပဉ္စ။
ပစ္စနီယံ
နဟေတုပစ္စယော
၅၆. နသရဏံ ဓမ္မံ ပဋိစ္စ အရဏော ဓမ္မော ဥပ္ပဇ္ဇတိ နဟေတုပစ္စယာ။ နအရဏံ ဓမ္မံ ပဋိစ္စ သရဏော ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ)။
နဟေတုယာ ဒွေ၊ နအာရမ္မဏေ တီဏိ။ပေ.။ နောဝိဂတေ တီဏိ။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
ဟေတု-အာရမ္မဏပစ္စယာ
၅၇. နသရဏော ဓမ္မော အရဏဿ ဓမ္မဿ ဟေတုပစ္စယေန ပစ္စယော။ (၁)
နအရဏော ဓမ္မော အရဏဿ ဓမ္မဿ ဟေတုပစ္စယေန ပစ္စယော။ နအရဏော ဓမ္မော သရဏဿ ဓမ္မဿ ဟေတုပစ္စယေန ပစ္စယော။ နအရဏော ဓမ္မော သရဏဿ စ အရဏဿ စ ဓမ္မဿ ဟေတုပစ္စယေန ပစ္စယော။ (၃)
၅၈. နသရဏော ဓမ္မော သရဏဿ ဓမ္မဿ အာရမ္မဏပစ္စယေန ပစ္စယော။ နသရဏော ဓမ္မော အရဏဿ ဓမ္မဿ အာရမ္မဏပစ္စယေန ပစ္စယော။ ဒွေ။
နအရဏော ဓမ္မော အရဏဿ ဓမ္မဿ အာရမ္မဏပစ္စယေန ပစ္စယော။ နအရဏော ဓမ္မော သရဏဿ ဓမ္မဿ အာရမ္မဏပစ္စယေန ပစ္စယော။ ဒွေ။
၅၉. ဟေတုယာ စတ္တာရိ၊ အာရမ္မဏေ စတ္တာရိ။ပေ.။ အဝိဂတေ သတ္တ။
ပစ္စနီယုဒ္ဓါရော
၆၀. နသရဏော ဓမ္မော သရဏဿ ဓမ္မဿ အာရမ္မဏပစ္စယေန ပစ္စယော၊ ဥပနိဿယပစ္စယေန ပစ္စယော၊ ပုရေဇာတပစ္စယေန ပစ္စယော (သံခိတ္တံ)။
နဟေတုယာ သတ္တ၊ နအာရမ္မဏေ သတ္တ။ပေ.။ နောအဝိဂတေ စတ္တာရိ။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
ဓမ္မပစ္စနီယာနုလောမေ ဒုကပဋ္ဌာနံ နိဋ္ဌိတံ။