ဓမ္မပစ္စနီယာနုလောမေ တိကပဋ္ဌာန
၁. ကုသလတ္တိက
၁-၂. ပဋိစ္စဒိဝါရ
ပစ္စယစတုက္က
ဟေတု-အာရမ္မဏပစ္စယာ
၁. နကုသလံ ဓမ္မံ ပဋိစ္စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ အကုသလံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ နကုသလံ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဝိပါကာဗျာကတံ ကိရိယာဗျာကတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ နကုသလံ ဓမ္မံ ပဋိစ္စ အကုသလော စ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ ဓမ္မံ ပဋိစ္စ ကုသလော စ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအဗျာကတံ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ ဓမ္မံ ပဋိစ္စ အကုသလော ဓမ္မော ဥပ္ပဇ္ဇတိ ဟေတုပစ္စယာ ။ နအဗျာကတံ ဓမ္မံ ပဋိစ္စ ကုသလော စ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ နအဗျာကတံ ဓမ္မံ ပဋိစ္စ အကုသလော စ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ ပဉ္စ။
နကုသလဉ္စ နအဗျာကတဉ္စ ဓမ္မံ ပဋိစ္စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ နကုသလဉ္စ နအဗျာကတဉ္စ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ နကုသလဉ္စ နအဗျာကတဉ္စ ဓမ္မံ ပဋိစ္စ အကုသလော စ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအကုသလဉ္စ နအဗျာကတဉ္စ ဓမ္မံ ပဋိစ္စ ကုသလော ဓမ္မော ဥပ္ပဇ္ဇတိ ဟေတုပစ္စယာ။ နအကုသလဉ္စ နအဗျာကတဉ္စ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ နအကုသလဉ္စ နအဗျာကတဉ္စ ဓမ္မံ ပဋိစ္စ ကုသလော စ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နကုသလဉ္စ နအကုသလဉ္စ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
၂. နကုသလံ ဓမ္မံ ပဋိစ္စ အကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ နကုသလံ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ အာရမ္မဏပစ္စယာ။ ဒွေ။
နအကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ နအကုသလံ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ အာရမ္မဏပစ္စယာ။ ဒွေ။
နအဗျာကတံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ နအဗျာကတံ ဓမ္မံ ပဋိစ္စ အကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ ဒွေ။
နကုသလဉ္စ နအဗျာကတဉ္စ ဓမ္မံ ပဋိစ္စ အကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ ဧကံ။
နအကုသလဉ္စ နအဗျာကတဉ္စ ဓမ္မံ ပဋိစ္စ ကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ ဧကံ။
နကုသလဉ္စ နအကုသလဉ္စ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ အာရမ္မဏပစ္စယာ။ ဧကံ။ ဟေတုယာ အဋ္ဌာရသ၊ အာရမ္မဏေ နဝ၊ အဓိပတိယာ အဋ္ဌာရသ။ပေ.။ အဝိဂတေ အဋ္ဌာရသ။
ပစ္စနီယံ
နဟေတု-နအာရမ္မဏပစ္စယာ
၃. နကုသလံ ဓမ္မံ ပဋိစ္စ အကုသလော ဓမ္မော ဥပ္ပဇ္ဇတိ နဟေတုပစ္စယာ။ နကုသလံ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ နဟေတုပစ္စယာ။ပေ.။ နကုသလဉ္စ နအကုသလဉ္စ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ နဟေတုပစ္စယာ။
၄. နကုသလံ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ နအာရမ္မဏပစ္စယာ။ပေ.။ နကုသလဉ္စ နအကုသလဉ္စ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇတိ နအာရမ္မဏပစ္စယာ။ (သံခိတ္တံ။)
၅. နဟေတုယာ ဆ၊ နအာရမ္မဏေ ဆ၊ နအဓိပတိယာ အဋ္ဌာရသ။ပေ.။ နောဝိဂတေ ဆ။
ဟေတုပစ္စယာ နအာရမ္မဏေ ဆ။ (သံခိတ္တံ)။
နဟေတုပစ္စယာ အာရမ္မဏေ ဆ။ (သံခိတ္တံ)။
(သဟဇာတဝါရော ပဋိစ္စဝါရသဒိသော)။
၃-၆. ပစ္စယဝါရာဒိ
၆. နကုသလံ ဓမ္မံ ပစ္စယာ ကုသလော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ ဓမ္မံ ပစ္စယာ အကုသလော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ ဓမ္မံ ပစ္စယာ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ ဓမ္မံ ပစ္စယာ ကုသလော စ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ နကုသလံ ဓမ္မံ ပစ္စယာ အကုသလော စ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ ပဉ္စ။
နအကုသလံ ဓမ္မံ ပစ္စယာ အကုသလော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။
နအဗျာကတံ ဓမ္မံ ပစ္စယာ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။
နကုသလဉ္စ နအဗျာကတဉ္စ ဓမ္မံ ပစ္စယာ။ တီဏိ။
နအကုသလဉ္စ နအဗျာကတဉ္စ ဓမ္မံ ပစ္စယာ။ တီဏိ။ နကုသလဉ္စ နအကုသလဉ္စ ဓမ္မံ ပစ္စယာ ကုသလော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။ (သံခိတ္တံ။) ဟေတုယာ ဆဗ္ဗီသတိ၊ အာရမ္မဏေ တေရသ။ပေ.။ အဝိဂတေ ဆဗ္ဗီသတိ။
သံသဋ္ဌဝါရေ ဟေတုယာ နဝ။ပေ.။ အဝိဂတေ နဝ။ (သံခိတ္တံ။)
၇. ပဉှာဝါရော
၇. နကုသလော ဓမ္မော အကုသလဿ ဓမ္မဿ ဟေတုပစ္စယေန ပစ္စယော။ နကုသလော ဓမ္မော အဗျာကတဿ ဓမ္မဿ ဟေတုပစ္စယေန ပစ္စယော။ နကုသလော ဓမ္မော အကုသလဿ စ အဗျာကတဿ စ ဓမ္မဿ ဟေတုပစ္စယေန ပစ္စယော။ တီဏိ။
နအကုသလော ဓမ္မော ကုသလဿ ဓမ္မဿ ဟေတုပစ္စယေန ပစ္စယော။ တီဏိ။
နအဗျာကတော ဓမ္မော အဗျာကတဿ ဓမ္မဿ ဟေတုပစ္စယေန ပစ္စယော။ ပဉ္စ။
နကုသလော စ နအဗျာကတော စ ဓမ္မာ အကုသလဿ ဓမ္မဿ ဟေတုပစ္စယေန ပစ္စယော။ တီဏိ။
နအကုသလော စ နအဗျာကတော စ ဓမ္မာ ကုသလဿ ဓမ္မဿ ဟေတုပစ္စယေန ပစ္စယော။ တီဏိ။
နကုသလော စ နအကုသလော စ ဓမ္မာ အဗျာကတဿ ဓမ္မဿ ဟေတုပစ္စယေန ပစ္စယော။ ဧကံ။
အာရမ္မဏပစ္စယော
၈. နကုသလော ဓမ္မော ကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ။
နအကုသလော ဓမ္မော အကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ။
နအဗျာကတော ဓမ္မော အဗျာကတဿ ဓမ္မဿ အာရမ္မဏပစ္စယေန ပစ္စယော။ တီဏိ။
နကုသလော စ နအဗျာကတော စ ဓမ္မာ ကုသလဿ ဓမ္မဿ အာရမ္မဏပစ္စယေန ပစ္စယော။ နကုသလော စ နအဗျာကတော စ ဓမ္မာ အကုသလဿ ဓမ္မဿ အာရမ္မဏပစ္စယေန ပစ္စယော။ နကုသလော စ နအဗျာကတော စ ဓမ္မာ အဗျာကတဿ ဓမ္မဿ အာရမ္မဏပစ္စယေန ပစ္စယော။ တီဏိ။
နအကုသလော စ နအဗျာကတော စ ဓမ္မာ ကုသလဿ ဓမ္မဿ အာရမ္မဏပစ္စယေန ပစ္စယော။ နအကုသလော စ နအဗျာကတော စ ဓမ္မာ အကုသလဿ ဓမ္မဿ အာရမ္မဏပစ္စယေန ပစ္စယော။ နအကုသလော စ နအဗျာကတော စ ဓမ္မာ အဗျာကတဿ ဓမ္မဿ အာရမ္မဏပစ္စယေန ပစ္စယော။ တီဏိ။
နကုသလော စ နအကုသလော စ ဓမ္မာ ကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ။ (သံခိတ္တံ။)
၉. ဟေတုယာ အဋ္ဌာရသ၊ အာရမ္မဏေ အဋ္ဌာရသ၊ အဓိပတိယာ တေဝီသ။ပေ.။ အဝိဂတေ ဒွါဝီသ။ (ပဉှာဝါရံ ဝိတ္ထာရေတဗ္ဗံ။)
၂. ဝေဒနာတ္တိကံ
၁-၇. ပဋိစ္စဝါရာဒိ
၁၀. နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၃)
နဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၃)
နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ ဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၃) (သံခိတ္တံ။) ဟေတုယာ ဧကဝီသ၊ အဓိပတိယာ ဧကဝီသ။ပေ.။ အဝိဂတေ ဧကဝီသ။
၃. ဝိပါကတ္တိကံ
၁-၇. ပဋိစ္စဝါရာဒိ
၁၁. နဝိပါကံ ဓမ္မံ ပဋိစ္စ ဝိပါကော ဓမ္မော ဥပ္ပဇ္ဇတိ ဟေတုပစ္စယာ။ နဝိပါကံ ဓမ္မံ ပဋိစ္စ ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။
နဝိပါကဓမ္မဓမ္မံ ပဋိစ္စ ဝိပါကော ဓမ္မော ဥပ္ပဇ္ဇတိ ဟေတုပစ္စယာ။ နဝိပါကဓမ္မဓမ္မံ ပဋိစ္စ နေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နနေဝဝိပါကနဝိပါကဓမ္မဓမ္မံ ပဋိစ္စ နေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ နနေဝဝိပါကနဝိပါကဓမ္မဓမ္မံ ပဋိစ္စ ဝိပါကော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။ ဟေတုယာ ဒွါဝီသ။
၄. ဥပါဒိန္နတ္တိကံ
၁-၇. ပဋိစ္စဝါရာဒိ
၁၂. နဥပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နအနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။
နအနုပါဒိန္နအနုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နဥပါဒိန္နုပါဒါနိယဉ္စ နအနုပါဒိန္နအနုပါဒါနိယဉ္စ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နအနုပါဒိန္နုပါဒါနိယဉ္စ နအနုပါဒိန္နအနုပါဒါနိယဉ္စ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နဥပါဒိန္နုပါဒါနိယဉ္စ နအနုပါဒိန္နုပါဒါနိယဉ္စ ဓမ္မံ ပဋိစ္စ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ အဋ္ဌာရသ။
၅. သံကိလိဋ္ဌတ္တိကံ
၁-၇. ပဋိစ္စဝါရာဒိ
၁၃. နသံကိလိဋ္ဌသံကိလေသိကံ ဓမ္မံ ပဋိစ္စ အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ နသံကိလိဋ္ဌသံကိလေသိကံ ဓမ္မံ ပဋိစ္စ အသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ နသံကိလိဋ္ဌသံကိလေသိကံ ဓမ္မံ ပဋိစ္စ အသံကိလိဋ္ဌသံကိလေသိကော စ အသံကိလိဋ္ဌအသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နအသံကိလိဋ္ဌသံကိလေသိကံ ဓမ္မံ ပဋိစ္စ အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။
နအသံကိလိဋ္ဌအသံကိလေသိကံ ဓမ္မံ ပဋိစ္စ သံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ နအသံကိလိဋ္ဌအသံကိလေသိကံ ဓမ္မံ ပဋိစ္စ အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ နအသံကိလိဋ္ဌအသံကိလေသိကံ ဓမ္မံ ပဋိစ္စ သံကိလိဋ္ဌသံကိလေသိကော စ အသံကိလိဋ္ဌသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။ ဟေတုယာ အဋ္ဌာရသ။
၆. ဝိတက္ကတ္တိကံ
၁-၇. ပဋိစ္စဝါရာဒိ
၁၄. နသဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ နသဝိတက္ကသဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ နသဝိတက္ကသဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
နအဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
နအဝိတက္ကအဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။ ဟေတုယာ ဧကူနပညာသ။
၇. ဣတိတ္တိကံ
၁-၇. ပဋိစ္စဝါရာဒိ
၁၅. နဣတိသဟဂတံ ဓမ္မံ ပဋိစ္စ ဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ စတ္တာရိ။
နသုခသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ စတ္တာရိ။
နဥပေက္ခါသဟဂတံ ဓမ္မံ ပဋိစ္စ ဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ နဥပေက္ခါသဟဂတံ ဓမ္မံ ပဋိစ္စ ဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ စတ္တာရိ။ ဟေတုယာ အဋ္ဌဝီသ။
၈. ဒဿနတ္တိကံ
၁-၇. ပဋိစ္စဝါရာဒိ
၁၆. နဒဿနေန ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ နဒဿနေန ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ နဒဿနေန ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နဘာဝနာယ ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ နဘာဝနာယ ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ နနေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။ (သံခိတ္တံ။) ဟေတုယာ အဋ္ဌာရသ။
၉. ဒဿနဟေတုတ္တိကံ
၁-၇. ပဋိစ္စဝါရာဒိ
၁၇. နဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဆဗ္ဗီသ။
၁၀. အာစယဂါမိတ္တိကံ
၁-၇. ပဋိစ္စဝါရာဒိ
၁၈. နအာစယဂါမိံ ဓမ္မံ ပဋိစ္စ အပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌာရသ။
၁၁. သေက္ခတ္တိကံ
၁-၇. ပဋိစ္စဝါရာဒိ
၁၉. နသေက္ခံ ဓမ္မံ ပဋိစ္စ အသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌာရသ။
၁၂-၁၆. ပရိတ္တတ္တိကာဒိ
၁-၇. ပဋိစ္စဝါရာဒိ
၂၀. နပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဒွါဝီသ။
၂၁. နပရိတ္တာရမ္မဏံ ဓမ္မံ ပဋိစ္စ ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တေရသ။
၂၂. နဟီနံ ဓမ္မံ ပဋိစ္စ မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌာရသ။
၂၃. နမိစ္ဆတ္တနိယတံ ဓမ္မံ ပဋိစ္စ သမ္မတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ အဋ္ဌာရသ။
၂၄. နမဂ္ဂါရမ္မဏံ ဓမ္မံ ပဋိစ္စ မဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဒသ [ဟေတုယာ အဋ္ဌ?]။
၁၇. ဥပ္ပန္နတ္တိကံ
၇. ပဉှာဝါရော
၂၅. နအနုပ္ပန္နော ဓမ္မော ဥပ္ပန္နဿ ဓမ္မဿ ဟေတုပစ္စယေန ပစ္စယော။ နဥပ္ပါဒီ ဓမ္မော ဥပ္ပန္နဿ ဓမ္မဿ ဟေတုပစ္စယေန ပစ္စယော။ နအနုပ္ပန္နော စ နဥပ္ပါဒီ စ ဓမ္မာ ဥပ္ပန္နဿ ဓမ္မဿ ဟေတုပစ္စယေန ပစ္စယော။ ဟေတုယာ တီဏိ။
၁၈-၁၉. အတီတတ္တိကဒွယံ
၁-၇. ပဋိစ္စဝါရာဒိ
၂၆. နအတီတော ဓမ္မော ပစ္စုပ္ပန္နဿ ဓမ္မဿ ဟေတုပစ္စယေန ပစ္စယော။ နအနာဂတော ဓမ္မော ပစ္စုပ္ပန္နဿ ဓမ္မဿ ဟေတုပစ္စယေန ပစ္စယော။ နအတီတော စ နအနာဂတော စ ဓမ္မာ ပစ္စုပ္ပန္နဿ ဓမ္မဿ ဟေတုပစ္စယေန ပစ္စယော။ ဟေတုယာ တီဏိ။
၂၇. နအတီတာရမ္မဏံ ဓမ္မံ ပဋိစ္စ အတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ နအတီတာရမ္မဏံ ဓမ္မံ ပဋိစ္စ အနာဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ နအတီတာရမ္မဏံ ဓမ္မံ ပဋိစ္စ ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နအနာဂတာရမ္မဏံ ဓမ္မံ ပဋိစ္စ အတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ နအနာဂတာရမ္မဏံ ဓမ္မံ ပဋိစ္စ ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နပစ္စုပ္ပန္နာရမ္မဏံ ဓမ္မံ ပဋိစ္စ ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ နပစ္စုပ္ပန္နာရမ္မဏံ ဓမ္မံ ပဋိစ္စ အတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ နပစ္စုပ္ပန္နာရမ္မဏံ ဓမ္မံ ပဋိစ္စ အနာဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သံခိတ္တံ။) ဟေတုယာ သတ္တရသ။
၂၀-၂၁. အဇ္ဈတ္တတ္တိကဒွယံ
၁-၇. ပဋိစ္စဝါရာဒိ
၂၈. နအဇ္ဈတ္တံ ဓမ္မံ ပဋိစ္စ ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နဗဟိဒ္ဓါ ဓမ္မံ ပဋိစ္စ အဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။ ဟေတုယာ ဒွေ။
၂၉. နအဇ္ဈတ္တာရမ္မဏံ ဓမ္မံ ပဋိစ္စ အဇ္ဈတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နဗဟိဒ္ဓါရမ္မဏံ ဓမ္မံ ပဋိစ္စ ဗဟိဒ္ဓါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။
နအဇ္ဈတ္တာရမ္မဏဉ္စ နဗဟိဒ္ဓါရမ္မဏဉ္စ ဓမ္မံ ပဋိစ္စ အဇ္ဈတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ ဒွေ။ ဟေတုယာ ဆ။
၂၂. သနိဒဿနတ္တိကံ
၁-၇. ပဋိစ္စဝါရာဒိ
၃၀. နသနိဒဿနသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ သတ္တ။
နအနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နအနိဒဿနသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
နအနိဒဿနအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။ ဟေတုယာ ပဉ္စတိံသ။ (ပဉှာဝါရမ္ပိ ဝိတ္ထာရေတဗ္ဗံ။)
ဓမ္မပစ္စနီယာနုလောမေ တိကပဋ္ဌာနံ နိဋ္ဌိတံ။