ဓမ္မာနုလောမပစ္စနီယေ ဒုကပဋ္ဌာန
၁. ဟေတုဒုက
၁-၇. ပဋိစ္စဒိဝါရ
၁. ပစ္စယာနုလောမ
ဟေတုပစ္စယော
၁. ဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ – ဟေတုံ ဓမ္မံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ; ပဋိသန္ဓိက္ခဏေ။ပေ.။ ဟေတုံ ဓမ္မံ ပဋိစ္စ နနဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုံ ဓမ္မံ ပဋိစ္စ နဟေတု စ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နဟေတုံ ဓမ္မံ ပဋိစ္စ နနဟေတု ဓမ္မော ဥပ္ပဇ္ဇတိ ဟေတုပစ္စယာ။ နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ။ နဟေတုံ ဓမ္မံ ပဋိစ္စ နဟေတု စ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
ဟေတုဉ္စ နဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုဉ္စ နဟေတုဉ္စ ဓမ္မံ ပဋိစ္စ နနဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုဉ္စ နဟေတုဉ္စ ဓမ္မံ ပဋိစ္စ နဟေတု စ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
ဟေတုယာ နဝ၊ အာရမ္မဏေ နဝ။ပေ.။ အဝိဂတေ နဝ။ (သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
ဟေတု-အာရမ္မဏပစ္စယာ
၂. ဟေတု ဓမ္မော နဟေတုဿ ဓမ္မဿ ဟေတုပစ္စယေန ပစ္စယော။ တီဏိ။
ဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ။
နဟေတု ဓမ္မော နနဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ။
ဟေတု စ နဟေတု စ ဓမ္မာ နဟေတုဿ ဓမ္မဿ အာရမ္မဏပစ္စယေန ပစ္စယော။ တီဏိ။ (သံခိတ္တံ။)
၃. ဟေတုယာ တီဏိ၊ အာရမ္မဏေ နဝ။ပေ.။ အဝိဂတေ နဝ။ (ပဉှာဝါရမ္ပိ ဧဝံ ဝိတ္ထာရေတဗ္ဗံ။)
၂. သဟေတုကဒုကံ
၁-၇. ပဋိစ္စဝါရာဒိ
၄. သဟေတုကံ ဓမ္မံ ပဋိစ္စ နသဟေတုကော ဓမ္မော ဥပ္ပဇ္ဇတိ ဟေတုပစ္စယာ။ သဟေတုကံ ဓမ္မံ ပဋိစ္စ နအဟေတုကော ဓမ္မော ဥပ္ပဇ္ဇတိ ဟေတုပစ္စယာ။ သဟေတုကံ ဓမ္မံ ပဋိစ္စ နသဟေတုကော စ နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အဟေတုကံ ဓမ္မံ ပဋိစ္စ နအဟေတုကော ဓမ္မော ဥပ္ပဇ္ဇတိ ဟေတုပစ္စယာ။ အဟေတုကံ ဓမ္မံ ပဋိစ္စ နသဟေတုကော ဓမ္မော ဥပ္ပဇ္ဇတိ ဟေတုပစ္စယာ။ အဟေတုကံ ဓမ္မံ ပဋိစ္စ နသဟေတုကော စ နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
သဟေတုကဉ္စ အဟေတုကဉ္စ ဓမ္မံ ပဋိစ္စ နသဟေတုကော ဓမ္မော ဥပ္ပဇ္ဇတိ ဟေတုပစ္စယာ။ သဟေတုကဉ္စ အဟေတုကဉ္စ ဓမ္မံ ပဋိစ္စ နအဟေတုကော ဓမ္မော ဥပ္ပဇ္ဇတိ ဟေတုပစ္စယာ။ သဟေတုကဉ္စ အဟေတုကဉ္စ ဓမ္မံ ပဋိစ္စ နသဟေတုကော စ နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
ဟေတုယာ နဝ၊ အာရမ္မဏေ ဆ။ပေ.။ အဝိဂတေ နဝ။ (သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၃. ဟေတုသမ္ပယုတ္တဒုကံ
၁-၇. ပဋိစ္စဝါရာဒိ
၅. ဟေတုသမ္ပယုတ္တံ ဓမ္မံ ပဋိစ္စ နဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုသမ္ပယုတ္တံ ဓမ္မံ ပဋိစ္စ နဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုသမ္ပယုတ္တံ ဓမ္မံ ပဋိစ္စ နဟေတုသမ္ပယုတ္တော စ နဟေတုဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
ဟေတုဝိပ္ပယုတ္တံ ဓမ္မံ ပဋိစ္စ နဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုဝိပ္ပယုတ္တံ ဓမ္မံ ပဋိစ္စ နဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုဝိပ္ပယုတ္တံ ဓမ္မံ ပဋိစ္စ နဟေတုသမ္ပယုတ္တော စ နဟေတုဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
ဟေတုသမ္ပယုတ္တဉ္စ ဟေတုဝိပ္ပယုတ္တဉ္စ ဓမ္မံ ပဋိစ္စ နဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုသမ္ပယုတ္တဉ္စ ဟေတုဝိပ္ပယုတ္တဉ္စ ဓမ္မံ ပဋိစ္စ နဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုသမ္ပယုတ္တဉ္စ ဟေတုဝိပ္ပယုတ္တဉ္စ ဓမ္မံ ပဋိစ္စ နဟေတုသမ္ပယုတ္တော စ နဟေတုဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
ဟေတုယာ နဝ။ (သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၄. ဟေတုသဟေတုကဒုကံ
၁-၇. ပဋိစ္စဝါရာဒိ
၆. ဟေတုဉ္စေဝ သဟေတုကဉ္စ ဓမ္မံ ပဋိစ္စ နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုဉ္စေဝ သဟေတုကဉ္စ ဓမ္မံ ပဋိစ္စ နအဟေတုကော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုဉ္စေဝ သဟေတုကဉ္စ ဓမ္မံ ပဋိစ္စ နဟေတု စေဝ နအဟေတုကော စ နအဟေတုကော စေဝ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
သဟေတုကဉ္စေဝ န စ ဟေတုံ ဓမ္မံ ပဋိစ္စ နအဟေတုကော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ။ သဟေတုကဉ္စေဝ န စ ဟေတုံ ဓမ္မံ ပဋိစ္စ နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ။ သဟေတုကဉ္စေဝ န စ ဟေတုံ ဓမ္မံ ပဋိစ္စ နဟေတု စေဝ နအဟေတုကော စ နအဟေတုကော စေဝ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုံ ဓမ္မံ ပဋိစ္စ နဟေတု စေဝ နအဟေတုကော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုဉ္စ ဓမ္မံ ပဋိစ္စ နအဟေတုကော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုံ ဓမ္မံ ပဋိစ္စ နဟေတု စေဝ နအဟေတုကော စ နအဟေတုကော စေဝ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
ဟေတုယာ နဝ။ (သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၅. ဟေတုဟေတုသမ္ပယုတ္တဒုကံ
၁-၇. ပဋိစ္စဝါရာဒိ
၇. ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ နဟေတုဝိပ္ပယုတ္တော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ နဟေတုဝိပ္ပယုတ္တော စေဝ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
ဟေတုသမ္ပယုတ္တဉ္စေဝ န စ ဟေတုံ ဓမ္မံ ပဋိစ္စ နဟေတုဝိပ္ပယုတ္တော စေဝ နနဟေတု စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုသမ္ပယုတ္တဉ္စေဝ န စ ဟေတုံ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုသမ္ပယုတ္တဉ္စေဝ န စ ဟေတုံ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ နဟေတုဝိပ္ပယုတ္တော စေဝ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
ဟေတုဉ္စေဝ ဟေတုသမ္ပယုတ္တဉ္စ ဟေတုသမ္ပယုတ္တဉ္စေဝ န စ ဟေတုဉ္စ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုဉ္စေဝ ဟေတုသမ္ပယုတ္တဉ္စ ဟေတုသမ္ပယုတ္တဉ္စေဝ န စ ဟေတုဉ္စ ဓမ္မံ ပဋိစ္စ နဟေတုဝိပ္ပယုတ္တော စေဝ နနဟေတု ဓမ္မော စ ဥပ္ပဇ္ဇတိ ဟေတုပစ္စယာ။ ဟေတုဉ္စေဝ ဟေတုသမ္ပယုတ္တဉ္စ ဟေတုသမ္ပယုတ္တဉ္စေဝ န စ ဟေတုဉ္စ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ နဟေတုဝိပ္ပယုတ္တော စေဝ နနဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
ဟေတုယာ နဝ။ (သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၆. နဟေတုသဟေတုကဒုကံ
၁-၇. ပဋိစ္စဝါရာဒိ
၈. နဟေတုံ သဟေတုကံ ဓမ္မံ ပဋိစ္စ နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ နဝ။ (သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
ဟေတုဂေါစ္ဆကံ နိဋ္ဌိတံ။
၇-၈. သပ္ပစ္စယဒုကာဒိ
၁-၇. ပဋိစ္စဝါရာဒိ
၉. သပ္ပစ္စယံ ဓမ္မံ ပဋိစ္စ နအပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။) ဟေတုယာ ဧကံ။
၁၀. သပ္ပစ္စယော ဓမ္မော နအပ္ပစ္စယဿ ဓမ္မဿ အာရမ္မဏပစ္စယေန ပစ္စယော။
အပ္ပစ္စယော ဓမ္မော နအပ္ပစ္စယဿ ဓမ္မဿ အာရမ္မဏပစ္စယေန ပစ္စယော။ (သင်္ခတံ သပ္ပစ္စယသဒိသံ။)
၉. သနိဒဿနဒုကံ
၁-၇. ပဋိစ္စဝါရာဒိ
၁၁. အနိဒဿနံ ဓမ္မံ ပဋိစ္စ နအနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ အနိဒဿနံ ဓမ္မံ ပဋိစ္စ နသနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ အနိဒဿနံ ဓမ္မံ ပဋိစ္စ နသနိဒဿနော စ နအနိဒဿနော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
ဟေတုယာ တီဏိ။ (သဗ္ဗတ္ထ ဝိတ္ထာရော။)
၁၀. သပ္ပဋိဃဒုကံ
၁-၇. ပဋိစ္စဝါရာဒိ
၁၂. သပ္ပဋိဃံ ဓမ္မံ ပဋိစ္စ နသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ သပ္ပဋိဃံ ဓမ္မံ ပဋိစ္စ နအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ သပ္ပဋိဃံ ဓမ္မံ ပဋိစ္စ နသပ္ပဋိဃော စ နအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အပ္ပဋိဃံ ဓမ္မံ ပဋိစ္စ နအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ အပ္ပဋိဃံ ဓမ္မံ ပဋိစ္စ နသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ အပ္ပဋိဃံ ဓမ္မံ ပဋိစ္စ နသပ္ပဋိဃော စ နအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
သပ္ပဋိဃဉ္စ အပ္ပဋိဃဉ္စ ဓမ္မံ ပဋိစ္စ နသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ သပ္ပဋိဃဉ္စ အပ္ပဋိဃဉ္စ ဓမ္မံ ပဋိစ္စ နအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ သပ္ပဋိဃဉ္စ အပ္ပဋိဃဉ္စ ဓမ္မံ ပဋိစ္စ နသပ္ပဋိဃော စ နအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
ဟေတုယာ နဝ။ (သဗ္ဗတ္ထ ဝိတ္ထာရော။)
၁၁. ရူဣဒုကံ
၁-၇. ပဋိစ္စဝါရာဒိ
၁၃. ရူပိံ ဓမ္မံ ပဋိစ္စ နရူဣ ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ နဝ။ (သဗ္ဗတ္ထ ဝိတ္ထာရော။)
၁၂. လောကိယဒုကံ
၁-၇. ပဋိစ္စဝါရာဒိ
၁၄. လောကိယံ ဓမ္မံ ပဋိစ္စ နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁)
လောကုတ္တရံ ဓမ္မံ ပဋိစ္စ နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ လောကုတ္တရံ ဓမ္မံ ပဋိစ္စ နလောကိယော ဓမ္မော ဥပ္ပဇ္ဇတိ ဟေတုပစ္စယာ။ (လောကုတ္တရံ ဓမ္မံ ပဋိစ္စ နလောကိယော စ နလောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ။) [အယံ သင်္ချာ ဝိစာရေတဗ္ဗာ၊ နလောကိယနလောကုတ္တရဓမ္မော နာမ နတ္ထိ] (၃)
လောကိယဉ္စ လောကုတ္တရဉ္စ ဓမ္မံ ပဋိစ္စ နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ပဉ္စ။ (သဗ္ဗတ္ထ ပဉ္စ။)
၁၃. ကေနစိဝိညေယျဒုကံ
၁-၇. ပဋိစ္စဝါရာဒိ
၁၅. ကေနစိ ဝိညေယျံ ဓမ္မံ ပဋိစ္စ နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ကေနစိ ဝိညေယျံ ဓမ္မံ ပဋိစ္စ နနကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ကေနစိ ဝိညေယျံ ဓမ္မံ ပဋိစ္စ နကေနစိ ဝိညေယျော စ နနကေနစိ ဝိညေယျော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နကေနစိ ဝိညေယျံ ဓမ္မံ ပဋိစ္စ နနကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ကေနစိ ဝိညေယျဉ္စ နကေနစိ ဝိညေယျဉ္စ ဓမ္မံ ပဋိစ္စ နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သံခိတ္တံ။) ဟေတုယာ နဝ။ (သဗ္ဗတ္ထ နဝ။)
စူဠန္တရဒုကံ နိဋ္ဌိတံ။
၁၄. အာသဝဒုကံ
၁-၇. ပဋိစ္စဝါရာဒိ
၁၆. အာသဝံ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ အာသဝံ ဓမ္မံ ပဋိစ္စ နနောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ အာသဝံ ဓမ္မံ ပဋိစ္စ နောအာသဝေါ စ နနောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နောအာသဝံ ဓမ္မံ ပဋိစ္စ နနောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ နောအာသဝံ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ နောအာသဝံ ဓမ္မံ ပဋိစ္စ နောအာသဝေါ စ နနောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အာသဝဉ္စ နောအာသဝဉ္စ ဓမ္မံ ပဋိစ္စ နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ အာသဝဉ္စ နောအာသဝဉ္စ ဓမ္မံ ပဋိစ္စ နနောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ အာသဝဉ္စ နောအာသဝဉ္စ ဓမ္မံ ပဋိစ္စ နောအာသဝေါ စ နနောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။) ဟေတုယာ နဝ။ (သဗ္ဗတ္ထ နဝ။)
၁၅. သာသဝဒုကံ
၁-၇. ပဋိစ္စဝါရာဒိ
၁၇. သာသဝံ ဓမ္မံ ပဋိစ္စ နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အနာသဝံ ဓမ္မံ ပဋိစ္စ နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ အနာသဝံ ဓမ္မံ ပဋိစ္စ နသာသဝေါ ဓမ္မော ဥပ္ပဇ္ဇတိ ဟေတုပစ္စယာ။ အနာသဝံ ဓမ္မံ ပဋိစ္စ နသာသဝေါ စ နအနာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
သာသဝဉ္စ အနာသဝဉ္စ ဓမ္မံ ပဋိစ္စ နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ပဉ္စ။ (သဗ္ဗတ္ထ ဝိတ္ထာရော။)
၁၆. အာသဝသမ္ပယုတ္တဒုကံ
၁-၇. ပဋိစ္စဝါရာဒိ
၁၈. အာသဝသမ္ပယုတ္တံ ဓမ္မံ ပဋိစ္စ နအာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ အာသဝသမ္ပယုတ္တံ ဓမ္မံ ပဋိစ္စ နအာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ အာသဝသမ္ပယုတ္တံ ဓမ္မံ ပဋိစ္စ နအာသဝသမ္ပယုတ္တော စ နအာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အာသဝဝိပ္ပယုတ္တံ ဓမ္မံ ပဋိစ္စ နအာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ အာသဝဝိပ္ပယုတ္တံ ဓမ္မံ ပဋိစ္စ နအာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ အာသဝဝိပ္ပယုတ္တံ ဓမ္မံ ပဋိစ္စ နအာသဝသမ္ပယုတ္တော စ နအာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ နအာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ နအာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ အာသဝသမ္ပယုတ္တဉ္စ အာသဝဝိပ္ပယုတ္တဉ္စ ဓမ္မံ ပဋိစ္စ နအာသဝသမ္ပယုတ္တော စ နအာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
ဟေတုယာ နဝ။ (သဗ္ဗတ္ထ နဝ။)
၁၇. အာသဝသာသဝဒုကံ
၁-၇. ပဋိစ္စဝါရာဒိ
၁၉. အာသဝဉ္စေဝ သာသဝဉ္စ ဓမ္မံ ပဋိစ္စ နအာသဝေါ စေဝ နအနာသဝေါ စ ဓမ္မော ဥပ္ပဇ္ဇတိ ဟေတုပစ္စယာ။ အာသဝဉ္စေဝ သာသဝဉ္စ ဓမ္မံ ပဋိစ္စ နအနာသဝေါ စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ အာသဝဉ္စေဝ သာသဝဉ္စ ဓမ္မံ ပဋိစ္စ နအာသဝေါ စေဝ နအနာသဝေါ စ နအနာသဝေါ စေဝ နနော စ အာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
သာသဝဉ္စေဝ နော စ အာသဝံ ဓမ္မံ ပဋိစ္စ နအနာသဝေါ စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အာသဝဉ္စေဝ သာသဝဉ္စ သာသဝဉ္စေဝ နော စ အာသဝဉ္စ ဓမ္မံ ပဋိစ္စ နအာသဝေါ စေဝ နအနာသဝေါ စ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ နဝ။ (သဗ္ဗတ္ထ နဝ။)
၁၈. အာသဝအာသဝသမ္ပယုတ္တဒုကံ
၁-၇. ပဋိစ္စဝါရာဒိ
၂၀. အာသဝဉ္စေဝ အာသဝသမ္ပယုတ္တဉ္စ ဓမ္မံ ပဋိစ္စ နအာသဝေါ စေဝ နအာသဝဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အာသဝသမ္ပယုတ္တဉ္စေဝ နော စ အာသဝံ ဓမ္မံ ပဋိစ္စ နအာသဝဝိပ္ပယုတ္တော စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အာသဝဉ္စေဝ အာသဝသမ္ပယုတ္တဉ္စ အာသဝဝိပ္ပယုတ္တဉ္စေဝ နော စ အာသဝဉ္စ ဓမ္မံ ပဋိစ္စ နောအာသဝေါ စေဝ နအာသဝဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သံခိတ္တံ။) ဟေတုယာ နဝ။ (သဗ္ဗတ္ထ နဝ)။
၁၉. အာသဝဝိပ္ပယုတ္တသာသဝဒုကံ
၁-၇. ပဋိစ္စဝါရာဒိ
၂၁. အာသဝဝိပ္ပယုတ္တံ သာသဝံ ဓမ္မံ ပဋိစ္စ အာသဝဝိပ္ပယုတ္တော နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အာသဝဝိပ္ပယုတ္တံ အနာသဝံ ဓမ္မံ ပဋိစ္စ အာသဝဝိပ္ပယုတ္တော နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အာသဝဝိပ္ပယုတ္တံ သာသဝဉ္စ အာသဝဝိပ္ပယုတ္တံ အနာသဝဉ္စ ဓမ္မံ ပဋိစ္စ အာသဝဝိပ္ပယုတ္တော နနောအနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
ဟေတုယာ ပဉ္စ။ပေ.။ အဝိဂတေ ပဉ္စ။ (သဗ္ဗတ္ထ ဝိတ္ထာရော။)
အာသဝဂေါစ္ဆကံ နိဋ္ဌိတံ။
၂၀-၄၉. သညောဇနဒုကာဒိ
၁-၇. ပဋိစ္စဝါရာဒိ
၂၂. သညောဇနံ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ။ပေ.။ ဂန္ထံ ဓမ္မံ ပဋိစ္စ နောဂန္ထော ဓမ္မော ဥပ္ပဇ္ဇတိ ဟေတုပစ္စယာ။ပေ.။ ဩဃံ ဓမ္မံ ပဋိစ္စ နောဩဃော ဓမ္မော ဥပ္ပဇ္ဇတိ ဟေတုပစ္စယာ။ပေ.။ ယောဂံ ဓမ္မံ ပဋိစ္စ နောယောဂေါ ဓမ္မော ဥပ္ပဇ္ဇတိ ဟေတုပစ္စယာ။ပေ.။ နီဝရဏံ ဓမ္မံ ပဋိစ္စ နောနီဝရဏော ဓမ္မော ဥပ္ပဇ္ဇတိ ဟေတုပစ္စယာ။
၅၀-၅၄. ပရာမာသဒုကာနိ
၁-၇. ပဋိစ္စဝါရာဒိ
၂၃. ပရာမာသံ ဓမ္မံ ပဋိစ္စ နောပရာမာသော ဓမ္မော ဥပ္ပဇ္ဇတိ ဟေတုပစ္စယာ။ (အာသဝဂေါစ္ဆကသဒိသံ။)
၅၅. သာရမ္မဏဒုကံ
၁-၇. ပဋိစ္စဝါရာဒိ
၂၄. သာရမ္မဏံ ဓမ္မံ ပဋိစ္စ နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အနာရမ္မဏံ ဓမ္မံ ပဋိစ္စ နအနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သာရမ္မဏဉ္စ အနာရမ္မဏဉ္စ ဓမ္မံ ပဋိစ္စ နသာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သံခိတ္တံ။)
ဟေတုယာ နဝ။ပေ.။ အဝိဂတေ နဝ။ (သဗ္ဗတ္ထ ဝိတ္ထာရော။)
၅၆. စိတ္တဒုကံ
၁-၇. ပဋိစ္စဝါရာဒိ
၂၅. စိတ္တံ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ။ ဧကံ။
နောစိတ္တံ ဓမ္မံ ပဋိစ္စ နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
စိတ္တဉ္စ နောစိတ္တဉ္စ ဓမ္မံ ပဋိစ္စ နောစိတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။ ပဉ္စ)။
၅၇-၆၈. စေတသိကဒုကာဒိ
၁-၇. ပဋိစ္စဝါရာဒိ
၂၆. စေတသိကံ ဓမ္မံ ပဋိစ္စ နစေတသိကော ဓမ္မော ဥပ္ပဇ္ဇတိ ဟေတုပစ္စယာ။
၂၇. စိတ္တသမ္ပယုတ္တံ ဓမ္မံ ပဋိစ္စ နစိတ္တသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
စိတ္တသံသဋ္ဌံ ဓမ္မံ ပဋိစ္စ နစိတ္တသံသဋ္ဌော ဓမ္မော ဥပ္ပဇ္ဇတိ ဟေတုပစ္စယာ။
၂၈. စိတ္တသမုဋ္ဌာနံ ဓမ္မံ ပဋိစ္စ နစိတ္တသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။
၂၉. စိတ္တသဟဘုံ ဓမ္မံ ပဋိစ္စ နစိတ္တသဟဘူ ဓမ္မော ဥပ္ပဇ္ဇတိ ဟေတုပစ္စယာ။ပေ.။ စိတ္တာနုပရိဝတ္တိံ ဓမ္မံ ပဋိစ္စ နစိတ္တာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။ပေ.။ စိတ္တသံသဋ္ဌသမုဋ္ဌာနံ ဓမ္မံ ပဋိစ္စ နစိတ္တသံသဋ္ဌသမုဋ္ဌာနော ဓမ္မော ဥပ္ပဇ္ဇတိ ဟေတုပစ္စယာ။ပေ.။ စိတ္တသံသဋ္ဌသမုဋ္ဌာနသဟဘုံ ဓမ္မံ ပဋိစ္စ နစိတ္တသံသဋ္ဌသမုဋ္ဌာနသဟဘူ ဓမ္မော ဥပ္ပဇ္ဇတိ ဟေတုပစ္စယာ။ပေ.။ စိတ္တသံသဋ္ဌသမုဋ္ဌာနာနုပရိဝတ္တိံ ဓမ္မံ ပဋိစ္စ နစိတ္တသံသဋ္ဌသမုဋ္ဌာနာနုပရိဝတ္တီ ဓမ္မော ဥပ္ပဇ္ဇတိ ဟေတုပစ္စယာ။
၃၀. အဇ္ဈတ္တိကံ ဓမ္မံ ပဋိစ္စ နအဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဗာဟိရံ ဓမ္မံ ပဋိစ္စ နဗာဟိရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဇ္ဈတ္တိကဉ္စ ဗာဟိရဉ္စ ဓမ္မံ ပဋိစ္စ နအဇ္ဈတ္တိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
၃၁. ဥပါဒါ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ (၁)
နောဥပါဒါ ဓမ္မံ ပဋိစ္စ နနောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဥပါဒါ စ နောဥပါဒါ စ ဓမ္မံ ပဋိစ္စ နောဥပါဒါ ဓမ္မော ဥပ္ပဇ္ဇတိ ဟေတုပစ္စယာ။ (၁)
၃၂. ဥပါဒိန္နံ ဓမ္မံ ပဋိစ္စ နဥပါဒိန္နော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အနုပါဒိန္နံ ဓမ္မံ ပဋိစ္စ နအနုပါဒိန္နော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဥပါဒိန္နဉ္စ အနုပါဒိန္နဉ္စ ဓမ္မံ ပဋိစ္စ နဥပါဒိန္နော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ပဉ္စ။ပေ.။ အဝိဂတေ ပဉ္စ။ (သဗ္ဗတ္ထ ဝိတ္ထာရော။)
မဟန္တရဒုကံ နိဋ္ဌိတံ။
၆၉-၇၄. ဥပါဒါနဂေါစ္ဆကံ
၃၃. ဥပါဒါနံ ဓမ္မံ ပဋိစ္စ နောဥပါဒါနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၇၅-၈၂. ကိလေသဂေါစ္ဆကံ
၃၄. ကိလေသံ ဓမ္မံ ပဋိစ္စ နောကိလေသော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၈၃. ဒဿနေနပဟာတဗ္ဗဒုကံ
၃၅. ဒဿနေန ပဟာတဗ္ဗံ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဒဿနေန ပဟာတဗ္ဗံ ဓမ္မံ ပဋိစ္စ နနဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဒဿနေန ပဟာတဗ္ဗံ ဓမ္မံ ပဋိစ္စ နဒဿနေန ပဟာတဗ္ဗော စ နနဒဿနေန ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နဒဿနေန ပဟာတဗ္ဗံ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဒဿနေန ပဟာတဗ္ဗဉ္စ နဒဿနေန ပဟာတဗ္ဗဉ္စ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ပဉ္စ။ပေ.။ အဝိဂတေ ပဉ္စ။
၈၄. ဘာဝနာယပဟာတဗ္ဗဒုကံ
၃၆. ဘာဝနာယ ပဟာတဗ္ဗံ ဓမ္မံ ပဋိစ္စ နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဘာဝနာယ ပဟာတဗ္ဗံ ဓမ္မံ ပဋိစ္စ နနဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဘာဝနာယ ပဟာတဗ္ဗံ ဓမ္မံ ပဋိစ္စ နဘာဝနာယ ပဟာတဗ္ဗော စ နနဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နဘာဝနာယ ပဟာတဗ္ဗံ ဓမ္မံ ပဋိစ္စ နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဘာဝနာယ ပဟာတဗ္ဗဉ္စ နဘာဝနာယ ပဟာတဗ္ဗဉ္စ ဓမ္မံ ပဋိစ္စ နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဟေတုယာ ပဉ္စ။
၈၅. ဒဿနေနပဟာတဗ္ဗဟေတုကဒုကံ
၃၇. ဒဿနေန ပဟာတဗ္ဗဟေတုကံ ဓမ္မံ ပဋိစ္စ နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ နနဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ နဝ။
၈၆. ဘာဝနာယပဟာတဗ္ဗဟေတုကဒုကံ
၃၈. ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နနဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၈၇-၈၈. သဝိတက္ကဒုကာဒိ
၃၉. သဝိတက္ကံ ဓမ္မံ ပဋိစ္စ နသဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဝိတက္ကံ ဓမ္မံ ပဋိစ္စ နအဝိတက္ကော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။) ဟေတုယာ နဝ။
၄၀. သဝိစာရံ ဓမ္မံ ပဋိစ္စ နသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဝိစာရံ ဓမ္မံ ပဋိစ္စ နအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။) ဟေတုယာ နဝ။
၈၉-၉၂. သပ္ပီတိကဒုကာဒိ
၄၁. သပ္ပီတိကံ ဓမ္မံ ပဋိစ္စ နသပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အပ္ပီတိကံ ဓမ္မံ ပဋိစ္စ နအပ္ပီတိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၂. ဣတိသဟဂတံ ဓမ္မံ ပဋိစ္စ နဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နဣတိသဟဂတံ ဓမ္မံ ပဋိစ္စ နနဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၃. သုခသဟဂတံ ဓမ္မံ ပဋိစ္စ နသုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နသုခသဟဂတံ ဓမ္မံ ပဋိစ္စ နနသုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၄. ဥပေက္ခါသဟဂတံ ဓမ္မံ ပဋိစ္စ နဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နဥပေက္ခါသဟဂတံ ဓမ္မံ ပဋိစ္စ နနဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၉၃-၉၅. ကာမာဝစရာဒိဒုကာနိ
၄၅. ကာမာဝစရံ ဓမ္မံ ပဋိစ္စ နကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နကာမာဝစရံ ဓမ္မံ ပဋိစ္စ နနကာမာဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၆. ရူပါဝစရံ ဓမ္မံ ပဋိစ္စ နရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နရူပါဝစရံ ဓမ္မံ ပဋိစ္စ နနရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ။
၄၇. အရူပါဝစရံ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နအရူပါဝစရံ ဓမ္မံ ပဋိစ္စ နနအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ (၁)
အရူပါဝစရဉ္စ နအရူပါဝစရဉ္စ ဓမ္မံ ပဋိစ္စ နအရူပါဝစရော ဓမ္မော ဥပ္ပဇ္ဇတိ ဟေတုပစ္စယာ။ (၁) ဟေတုယာ ပဉ္စ။
၉၆. ပရိယာပန္နဒုကံ
၄၈. ပရိယာပန္နံ ဓမ္မံ ပဋိစ္စ နအပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ (၁)
အပရိယာပန္နံ ဓမ္မံ ပဋိစ္စ နအပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ အပရိယာပန္နံ ဓမ္မံ ပဋိစ္စ နပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ အပရိယာပန္နံ ဓမ္မံ ပဋိစ္စ နပရိယာပန္နော စ နအပရိယာပန္နော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
ပရိယာပန္နဉ္စ အပရိယာပန္နဉ္စ ဓမ္မံ ပဋိစ္စ နအပရိယာပန္နော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။) ဟေတုယာ ပဉ္စ။
၉၇. နိယျာနိကဒုကံ
၄၉. နိယျာနိကံ ဓမ္မံ ပဋိစ္စ နနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အနိယျာနိကံ ဓမ္မံ ပဋိစ္စ နနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ (၁)
နိယျာနိကဉ္စ အနိယျာနိကဉ္စ ဓမ္မံ ပဋိစ္စ နနိယျာနိကော ဓမ္မော ဥပ္ပဇ္ဇတိ ဟေတုပစ္စယာ။ (၁) ဟေတုယာ ပဉ္စ။
၉၈. နိယတဒုကံ
၅၀. နိယတံ ဓမ္မံ ပဋိစ္စ နနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အနိယတံ ဓမ္မံ ပဋိစ္စ နနိယတော ဓမ္မော ဥပ္ပဇ္ဇတိ ဟေတုပစ္စယာ။ (၁)
နိယတဉ္စ အနိယတဉ္စ ဓမ္မံ ပဋိစ္စ နနိယတော ဓမ္မော ဥပ္ပဇ္ဇတိ ဟေတုပစ္စယာ။ (၁) ဟေတုယာ ပဉ္စ။
၉၉. သဥတ္တရဒုကံ
၅၁. သဥတ္တရံ ဓမ္မံ ပဋိစ္စ နအနုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနုတ္တရံ ဓမ္မံ ပဋိစ္စ နအနုတ္တရော ဓမ္မော ဥပ္ပဇ္ဇတိ ဟေတုပစ္စယာ။ အနုတ္တရံ ဓမ္မံ ပဋိစ္စ နသဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ အနုတ္တရံ ဓမ္မံ ပဋိစ္စ နသဥတ္တရော စ နအနုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
သဥတ္တရဉ္စ အနုတ္တရဉ္စ ဓမ္မံ ပဋိစ္စ နအနုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁) ဟေတုယာ ပဉ္စ။
၁၀၀. သရဏဒုကံ
၁-၆. ပဋိစ္စဝါရာဒိ
၅၂. သရဏံ ဓမ္မံ ပဋိစ္စ နသရဏော ဓမ္မော ဥပ္ပဇ္ဇတိ ဟေတုပစ္စယာ။ သရဏံ ဓမ္မံ ပဋိစ္စ နအရဏော ဓမ္မော ဥပ္ပဇ္ဇတိ ဟေတုပစ္စယာ။ သရဏံ ဓမ္မံ ပဋိစ္စ နသရဏော စ နအရဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အရဏံ ဓမ္မံ ပဋိစ္စ နအရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
သရဏဉ္စ အရဏဉ္စ ဓမ္မံ ပဋိစ္စ နသရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) ဟေတုယာ ပဉ္စ၊ အာရမ္မဏေ ဒွေ။ပေ.။ အဝိဂတေ ပဉ္စ။
ပစ္စနီယံ
နဟေတုပစ္စယော
၅၃. သရဏံ ဓမ္မံ ပဋိစ္စ နသရဏော ဓမ္မော ဥပ္ပဇ္ဇတိ နဟေတုပစ္စယာ။ (၁)
အရဏံ ဓမ္မံ ပဋိစ္စ နနအရဏော ဓမ္မော ဥပ္ပဇ္ဇတိ နဟေတုပစ္စယာ။ (သံခိတ္တံ။)
နဟေတုယာ ဒွေ၊ န အာရမ္မဏေ တီဏိ။ပေ.။ နောဝိဂတေ တီဏိ။
(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ။)
၁၀၀. သရဏဒုကံ
၇. ပဉှာဝါရော
၅၄. သရဏော ဓမ္မော နသရဏဿ ဓမ္မဿ ဟေတုပစ္စယေန ပစ္စယော။ သရဏော ဓမ္မော နအရဏဿ ဓမ္မဿ ဟေတုပစ္စယေန ပစ္စယော။ သရဏော ဓမ္မော နသရဏဿ စ နအရဏဿ စ ဓမ္မဿ ဟေတုပစ္စယေန ပစ္စယော။ (၃)
အရဏော ဓမ္မော နသရဏဿ ဓမ္မဿ ဟေတုပစ္စယေန ပစ္စယော။ (၁)
၅၅. သရဏော ဓမ္မော နသရဏဿ ဓမ္မဿ အာရမ္မဏပစ္စယေန ပစ္စယော။ သရဏော ဓမ္မော နအရဏဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။)
ဟေတုယာ စတ္တာရိ၊ အာရမ္မဏေ စတ္တာရိ၊ အဓိပတိယာ ပဉ္စ၊ အနန္တရေ စတ္တာရိ။ပေ.။ အဝိဂတေ သတ္တ။
ပစ္စနီယုဒ္ဓါရော
၅၆. သရဏော ဓမ္မော နသရဏဿ ဓမ္မဿ အာရမ္မဏပစ္စယေန ပစ္စယော၊ သဟဇာတပစ္စယေန ပစ္စယော၊ ဥပနိဿယပစ္စယေန ပစ္စယော၊ ပစ္ဆာဇာတပစ္စယေန ပစ္စယော၊ ကမ္မပစ္စယေန ပစ္စယော။
သရဏော ဓမ္မော နအရဏဿ ဓမ္မဿ အာရမ္မဏပစ္စယေန ပစ္စယော၊ သဟဇာတပစ္စယေန ပစ္စယော၊ ဥပနိဿယပစ္စယေန ပစ္စယော။ (သံခိတ္တံ။)
၅၇. နဟေတုယာ သတ္တ၊ နအာရမ္မဏေ သတ္တ၊ နအဓိပတိယာ သတ္တ၊ နအနန္တရေ သတ္တ။ပေ.။ နောအဝိဂတေ စတ္တာရိ။
ဟေတုပစ္စယာ နအာရမ္မဏေ စတ္တာရိ။ (သံခိတ္တံ။)
နဟေတုပစ္စယာ အာရမ္မဏေ စတ္တာရိ။ (သံခိတ္တံ။)
(ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
ဓမ္မာနုလောမပစ္စနီယေ ဒုကပဋ္ဌာနံ နိဋ္ဌိတံ။