ဓမ္မာနုလောမပစ္စနီယေ တိကပဋ္ဌာန
၁. ကုသလတ္တိက
၁-၆. ပဋိစ္စဒိဝါရ
ပစ္စယစတုက္က
ဟေတုပစ္စယော
၁. ကုသလံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ – ကုသလေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ကုသလံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ – ကုသလံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ကုသလံ ဓမ္မံ ပဋိစ္စ နအဗျာကတော ဓမ္မော ဥပ္ပဇ္ဇတိ ဟေတုပစ္စယာ – ကုသလံ ဧကံ ခန္ဓံ ပဋိစ္စ တယော ခန္ဓာ။ပေ.။ ကုသလံ ဓမ္မံ ပဋိစ္စ နအကုသလော စ နအဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ – ကုသလံ ဧကံ ခန္ဓံ ပဋိစ္စ တယော ခန္ဓာ။ပေ.။ ကုသလံ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ – ကုသလေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၅)
၂. အကုသလံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ – အကုသလေ ခန္ဓေ ပဋိစ္စ စိတ္တသမုဋ္ဌာနံ ရူပံ။ အကုသလံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ – အကုသလံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ အကုသလံ ဓမ္မံ ပဋိစ္စ နအဗျာကတော ဓမ္မော ဥပ္ပဇ္ဇတိ ဟေတုပစ္စယာ။ အကုသလံ ဓမ္မံ ပဋိစ္စ နကုသလော စ နအဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ အကုသလံ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
၃. အဗျာကတံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ – ဝိပါကာဗျာကတံ ကိရိယာဗျာကတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ပဋိသန္ဓိက္ခဏေ။ပေ.။ ဧကံ မဟာဘူတံ ပဋိစ္စ တယော မဟာဘူတာ။ပေ.။ ဒွေ မဟာဘူတေ ပဋိစ္စ ဒွေ မဟာဘူတာ၊ မဟာဘူတေ ပဋိစ္စ စိတ္တသမုဋ္ဌာနံ ရူပံ။ အဗျာကတံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ – ဝိပါကာဗျာကတံ။ပေ.။ ပဋိသန္ဓိက္ခဏေ။ပေ.။ မဟာဘူတံ။ပေ.။ အဗျာကတံ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိပါကာဗျာကတံ ကိရိယာဗျာကတံ။ပေ.။။ (၃) (သံခိတ္တံ။)
၄. ကုသလဉ္စ အဗျာကတဉ္စ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ – ကုသလေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ကုသလဉ္စ အဗျာကတဉ္စ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ။ ကုသလဉ္စ အဗျာကတဉ္စ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အကုသလဉ္စ အဗျာကတဉ္စ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ။ အကုသလဉ္စ အဗျာကတဉ္စ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ။ အကုသလဉ္စ အဗျာကတဉ္စ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (စိတ္တသမုဋ္ဌာနရူပမေဝ ဧတ္ထ ဝတ္တတိ၊ ဧကူနဝီသတိ ပဉှာ ကာတဗ္ဗာ။)
အာရမ္မဏပစ္စယော
၅. ကုသလံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ ကုသလံ ဓမ္မံ ပဋိစ္စ နအဗျာကတော ဓမ္မော ဥပ္ပဇ္ဇတိ အာရမ္မဏပစ္စယာ။ ကုသလံ ဓမ္မံ ပဋိစ္စ နအကုသလော စ နအဗျာကတော စ ဓမ္မာ ဥပ္ပဇ္ဇန္တိ အာရမ္မဏပစ္စယာ။ (၃)
အကုသလံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ အကုသလံ ဓမ္မံ ပဋိစ္စ နအဗျာကတော ဓမ္မော ဥပ္ပဇ္ဇတိ အာရမ္မဏပစ္စယာ။ အကုသလံ ဓမ္မံ ပဋိစ္စ နကုသလော စ နအဗျာကတော စ ဓမ္မာ ဥပ္ပဇ္ဇန္တိ အာရမ္မဏပစ္စယာ။ (၃)
အဗျာကတံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ အဗျာကတံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ အဗျာကတံ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ အာရမ္မဏပစ္စယာ။ (၃) (သံခိတ္တံ။)
ဟေတုယာ ဧကူနဝီသ၊ အာရမ္မဏေ နဝ၊ အဓိပတိယာ ဧကူနဝီသ၊ အနန္တရေ နဝ၊ သမနန္တရေ နဝ၊ သဟဇာတေ ဧကူနဝီသ။ပေ.။ အဝိဂတေ ဧကူနဝီသ ။
ပစ္စနီယံ
နဟေတု-နအာရမ္မဏပစ္စယာ
၆. အကုသလံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ နဟေတုပစ္စယာ။ အကုသလံ ဓမ္မံ ပဋိစ္စ နအဗျာကတော ဓမ္မော ဥပ္ပဇ္ဇတိ နဟေတုပစ္စယာ။ အကုသလံ ဓမ္မံ ပဋိစ္စ နကုသလော စ နအဗျာကတော စ ဓမ္မာ ဥပ္ပဇ္ဇန္တိ နဟေတုပစ္စယာ။ (၃)
အဗျာကတံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ နဟေတုပစ္စယာ။ အဗျာကတံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ နဟေတုပစ္စယာ။ အဗျာကတံ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ နဟေတုပစ္စယာ။ (၃)
၇. ကုသလံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ နအာရမ္မဏပစ္စယာ။ ကုသလံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ နအာရမ္မဏပစ္စယာ။ ကုသလံ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ နအာရမ္မဏပစ္စယာ။ (၃)
အကုသလံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ နအာရမ္မဏပစ္စယာ။ အကုသလံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ နအာရမ္မဏပစ္စယာ။ အကုသလံ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ နအာရမ္မဏပစ္စယာ။ (၃) (သံခိတ္တံ။)
နဟေတုယာ ဆ၊ နအာရမ္မဏေ ပန္နရသ၊ နအဓိပတိယာ ဧကူနဝီသ။ပေ.။ နောဝိဂတေ ပန္နရသ။
(ပစ္စနီယံ ဝိတ္ထာရေတဗ္ဗံ။ သဟဇာတဝါရမ္ပိ ပစ္စယဝါရမ္ပိ ဝိတ္ထာရေတဗ္ဗံ။ ပစ္စယဝါရေပိ ဟေတုယာ ဆဗ္ဗီသ၊ အာရမ္မဏေ အဋ္ဌာရသ။ပေ.။ အဝိဂတေ ဆဗ္ဗီသ။ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဋိစ္စဝါရသဒိသံ။)
၁. ကုသလတ္တိကံ
၇. ပဉှာဝါရော
ပစ္စယစတုက္ကံ
ဟေတု-အာရမ္မဏပစ္စယာ
၈. ကုသလော ဓမ္မော နကုသလဿ ဓမ္မဿ ဟေတုပစ္စယေန ပစ္စယော။ ကုသလော ဓမ္မော နအကုသလဿ ဓမ္မဿ ဟေတုပစ္စယေန ပစ္စယော။ ကုသလော ဓမ္မော နအဗျာကတဿ ဓမ္မဿ ဟေတုပစ္စယေန ပစ္စယော။ ကုသလော ဓမ္မော နအကုသလဿ စ နအဗျာကတဿ စ ဓမ္မဿ ဟေတုပစ္စယေန ပစ္စယော။ ကုသလော ဓမ္မော နကုသလဿ စ နအကုသလဿ စ ဓမ္မဿ ဟေတုပစ္စယေန ပစ္စယော။ (၅)
၉. အကုသလော ဓမ္မော နအကုသလဿ ဓမ္မဿ ဟေတုပစ္စယေန ပစ္စယော။ အကုသလော ဓမ္မော နကုသလဿ ဓမ္မဿ ဟေတုပစ္စယေန ပစ္စယော။ အကုသလော ဓမ္မော နအဗျာကတဿ ဓမ္မဿ ဟေတုပစ္စယေန ပစ္စယော။ အကုသလော ဓမ္မော နကုသလဿ စ နအဗျာကတဿ စ ဓမ္မဿ ဟေတုပစ္စယေန ပစ္စယော။ အကုသလော ဓမ္မော နကုသလဿ စ နအကုသလဿ စ ဓမ္မဿ ဟေတုပစ္စယေန ပစ္စယော။ (၅)
အဗျာကတော ဓမ္မော နကုသလဿ ဓမ္မဿ ဟေတုပစ္စယေန ပစ္စယော။ အဗျာကတော ဓမ္မော နအကုသလဿ ဓမ္မဿ ဟေတုပစ္စယေန ပစ္စယော။ အဗျာကတော ဓမ္မော နကုသလဿ စ နအကုသလဿ စ ဓမ္မဿ ဟေတုပစ္စယေန ပစ္စယော။ (၃)
၁၀. ကုသလော ဓမ္မော နကုသလဿ ဓမ္မဿ အာရမ္မဏပစ္စယေန ပစ္စယော။။ (ဆ ပဉှာ။)
အကုသလော ဓမ္မော နအကုသလဿ ဓမ္မဿ အာရမ္မဏပစ္စယေန ပစ္စယော ။။ (ဆ ပဉှာ။)
အဗျာကတော ဓမ္မော နအဗျာကတဿ ဓမ္မဿ အာရမ္မဏပစ္စယေန ပစ္စယော။။ (ဆ ပဉှာ၊ သံခိတ္တံ။)
၁၁. ဟေတုယာ တေရသ၊ အာရမ္မဏေ အဋ္ဌာရသ၊ အဓိပတိယာ သတ္တရသ၊ အနန္တရေ သောဠသ၊ သမနန္တရေ သောဠသ၊ သဟဇာတေ ဧကူနဝီသ၊ အညမညေ နဝ၊ နိဿယေ ဆဗ္ဗီသ၊ ဥပနိဿယေ အဋ္ဌာရသ၊ ပုရေဇာတေ ဆ၊ ပစ္ဆာဇာတေ နဝ၊ အာသေဝနေ နဝ၊ ကမ္မေ တေရသ၊ ဝိပါကေ တီဏိ၊ အာဟာရေ တေရသ။ပေ.။ မဂ္ဂေ တေရသ၊ သမ္ပယုတ္တေ နဝ၊ ဝိပ္ပယုတ္တေ ဒွါဒသ။ပေ.။ အဝိဂတေ ဆဗ္ဗီသ။ (ပဉှာဝါရံ ဝိတ္ထာရေတဗ္ဗံ။)
၂. ဝေဒနာတ္တိကံ
၁-၆. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၂. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သုခါယ ဝေဒနာယ သမ္ပယုတ္တေ ခန္ဓေ ပဋိစ္စ သုခဝေဒနာ စိတ္တသမုဋ္ဌာနဉ္စ ရူပံ; ပဋိသန္ဓိက္ခဏေ။ပေ.။ (မဟာဘူတာ နတ္ထိ)။ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သုခါယ ဝေဒနာယ သမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နအဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နဒုက္ခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နဒုက္ခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နဒုက္ခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၇)
၁၃. ဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ နဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ နအဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ နဒုက္ခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နဒုက္ခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နဒုက္ခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၇)
၁၄. အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နအဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နဒုက္ခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နဒုက္ခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နဒုက္ခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၇) (သံခိတ္တံ။)
ဟေတုယာ ဧကဝီသ၊ အာရမ္မဏေ ဧကဝီသ။ပေ.။ အဝိဂတေ ဧကဝီသ။
ပစ္စနီယံ
နဟေတုပစ္စယော
၁၅. သုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ။ (သံခိတ္တံ။)
နဟေတုယာ ဧကဝီသ၊ နအာရမ္မဏေ ဧကဝီသ။ပေ.။ နဝိပ္ပယုတ္တေ စုဒ္ဒသ။ပေ.။ နောဝိဂတေ ဧကဝီသ။
(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဋိစ္စဝါရသဒိသံ။)
၂. ဝေဒနာတ္တိကံ
၇. ပဉှာဝါရော
ပစ္စယစတုက္ကံ
ဟေတုပစ္စယော
၁၆. သုခါယ ဝေဒနာယ သမ္ပယုတ္တော ဓမ္မော နသုခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ သုခါယ ဝေဒနာယ သမ္ပယုတ္တော ဓမ္မော နဒုက္ခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ သုခါယ ဝေဒနာယ သမ္ပယုတ္တော ဓမ္မော နအဒုက္ခမသုခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ သုခါယ ဝေဒနာယ သမ္ပယုတ္တော ဓမ္မော နသုခါယ ဝေဒနာယ သမ္ပယုတ္တဿ စ နအဒုက္ခမသုခါယ ဝေဒနာယ သမ္ပယုတ္တဿ စ ဓမ္မဿ ဟေတုပစ္စယေန ပစ္စယော။ သုခါယ ဝေဒနာယ သမ္ပယုတ္တော ဓမ္မော နဒုက္ခါယ ဝေဒနာယ သမ္ပယုတ္တဿ စ နအဒုက္ခမသုခါယ ဝေဒနာယ သမ္ပယုတ္တဿ စ ဓမ္မဿ ဟေတုပစ္စယေန ပစ္စယော။ သုခါယ ဝေဒနာယ သမ္ပယုတ္တော ဓမ္မော နသုခါယ ဝေဒနာယ သမ္ပယုတ္တဿ စ နဒုက္ခါယ ဝေဒနာယ သမ္ပယုတ္တဿ စ ဓမ္မဿ ဟေတုပစ္စယေန ပစ္စယော။ သုခါယ ဝေဒနာယ သမ္ပယုတ္တော ဓမ္မော နသုခါယ ဝေဒနာယ သမ္ပယုတ္တဿ စ နဒုက္ခါယ ဝေဒနာယ သမ္ပယုတ္တဿ စ နအဒုက္ခမသုခါယ ဝေဒနာယ သမ္ပယုတ္တဿ စ ဓမ္မဿ ဟေတုပစ္စယေန ပစ္စယော ။ (၇) (သံခိတ္တံ။)
ဟေတုယာ ဧကဝီသ၊ အာရမ္မဏေ ဧကဝီသ။ပေ.။ အဝိဂတေ ဧကဝီသ။ (ပဉှာဝါရံ ဝိတ္ထာရေတဗ္ဗံ။)
၃. ဝိပါကတ္တိကံ
၁-၆. ပဋိစ္စဝါရာဒိ
ပစ္စယစတုက္ကံ
ဟေတု-အာရမ္မဏပစ္စယာ
၁၇. ဝိပါကံ ဓမ္မံ ပဋိစ္စ နဝိပါကော ဓမ္မော ဥပ္ပဇ္ဇတိ ဟေတုပစ္စယာ။ ဝိပါကံ ဓမ္မံ ပဋိစ္စ နဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဝိပါကံ ဓမ္မံ ပဋိစ္စ နနေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဝိပါကံ ဓမ္မံ ပဋိစ္စ နဝိပါကဓမ္မဓမ္မော စ နနေဝဝိပါကနဝိပါကဓမ္မဓမ္မော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဝိပါကံ ဓမ္မံ ပဋိစ္စ နဝိပါကော စ နဝိပါကဓမ္မဓမ္မော စ ဓမ္မာ ဥပ္ပဇ္ဇန္တိ ဟေတုပစ္စယာ။ (ပဉ္စ ပဉှာ။)
၁၈. ဝိပါကဓမ္မဓမ္မံ ပဋိစ္စ နဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဝိပါကဓမ္မဓမ္မံ ပဋိစ္စ နဝိပါကော ဓမ္မော ဥပ္ပဇ္ဇတိ ဟေတုပစ္စယာ။ ဝိပါကဓမ္မဓမ္မံ ပဋိစ္စ နနေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဝိပါကဓမ္မဓမ္မံ ပဋိစ္စ နဝိပါကော စ နနေဝဝိပါကနဝိပါကဓမ္မဓမ္မော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဝိပါကဓမ္မဓမ္မံ ပဋိစ္စ နဝိပါကော စ နဝိပါကဓမ္မဓမ္မော စ ဓမ္မာ ဥပ္ပဇ္ဇန္တိ ဟေတုပစ္စယာ။ (ပဉ္စ ပဉှာ။)
၁၉. နေဝဝိပါကနဝိပါကဓမ္မဓမ္မံ ပဋိစ္စ နနေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ နေဝဝိပါကနဝိပါကဓမ္မဓမ္မံ ပဋိစ္စ နဝိပါကော ဓမ္မော ဥပ္ပဇ္ဇတိ ဟေတုပစ္စယာ။ နေဝဝိပါကနဝိပါကဓမ္မဓမ္မံ ပဋိစ္စ နဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ နေဝဝိပါကနဝိပါကဓမ္မဓမ္မံ ပဋိစ္စ နဝိပါကဓမ္မဓမ္မော စ နနေဝဝိပါကနဝိပါကဓမ္မဓမ္မော စ ဓမ္မာ ဥပ္ပဇ္ဇန္တိ ဟေတုပစ္စယာ။ နေဝဝိပါကနဝိပါကဓမ္မဓမ္မံ ပဋိစ္စ နဝိပါကော စ နဝိပါကဓမ္မဓမ္မော စ ဓမ္မာ ဥပ္ပဇ္ဇန္တိ ဟေတုပစ္စယာ။ (ပဉ္စ ပဉှာ။)
၂၀. ဝိပါကဉ္စ နေဝဝိပါကနဝိပါကဓမ္မဓမ္မဉ္စ ဓမ္မံ ပဋိစ္စ နဝိပါကော ဓမ္မော ဥပ္ပဇ္ဇတိ ဟေတုပစ္စယာ။ ဝိပါကဉ္စ နေဝဝိပါကနဝိပါကဓမ္မဓမ္မဉ္စ ဓမ္မံ ပဋိစ္စ နဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဝိပါကဉ္စ နေဝဝိပါကနဝိပါကဓမ္မဓမ္မဉ္စ ဓမ္မံ ပဋိစ္စ နနေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဝိပါကဉ္စ နေဝဝိပါကနဝိပါကဓမ္မဓမ္မဉ္စ ဓမ္မံ ပဋိစ္စ နဝိပါကဓမ္မဓမ္မော စ နနေဝဝိပါကနဝိပါကဓမ္မဓမ္မော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဝိပါကဉ္စ နေဝဝိပါကနဝိပါကဓမ္မဓမ္မဉ္စ ဓမ္မံ ပဋိစ္စ နဝိပါကော စ နဝိပါကဓမ္မဓမ္မော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
ဝိပါကဓမ္မဓမ္မဉ္စ နေဝဝိပါကနဝိပါကဓမ္မဓမ္မဉ္စ ဓမ္မံ ပဋိစ္စ နဝိပါကော ဓမ္မော ဥပ္ပဇ္ဇတိ ဟေတုပစ္စယာ။ ဝိပါကဓမ္မဓမ္မဉ္စ နေဝဝိပါကနဝိပါကဓမ္မဓမ္မဉ္စ ဓမ္မံ ပဋိစ္စ နဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ ဝိပါကဓမ္မဓမ္မဉ္စ နေဝဝိပါကနဝိပါကဓမ္မဓမ္မဉ္စ ဓမ္မံ ပဋိစ္စ နဝိပါကော စ နဝိပါကဓမ္မဓမ္မော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
၂၁. ဝိပါကံ ဓမ္မံ ပဋိစ္စ နဝိပါကဓမ္မဓမ္မော ဥပ္ပဇ္ဇတိ အာရမ္မဏပစ္စယာ။ တီဏိ။
ဝိပါကဓမ္မဓမ္မံ ပဋိစ္စ နဝိပါကော ဓမ္မော ဥပ္ပဇ္ဇတိ အာရမ္မဏပစ္စယာ။ တီဏိ။
နေဝဝိပါကနဝိပါကဓမ္မဓမ္မံ ပဋိစ္စ နနေဝဝိပါကနဝိပါကဓမ္မဓမ္မော ဥပ္ပဇ္ဇတိ အာရမ္မဏပစ္စယာ။ (ပဉ္စ ပဉှာ)။
ဝိပါကဉ္စ နေဝဝိပါကနဝိပါကဓမ္မဓမ္မဉ္စ ဓမ္မံ ပဋိစ္စ နဝိပါကဓမ္မဓမ္မော ဥပ္ပဇ္ဇတိ အာရမ္မဏပစ္စယာ။ တီဏိ။ (သံခိတ္တံ။)
၂၂. ဟေတုယာ တေဝီသ၊ အာရမ္မဏေ စုဒ္ဒသ။ပေ.။ အဝိဂတေ တေဝီသ။ (သံခိတ္တံ။)
နဟေတုယာ အဋ္ဌာရသ၊ နအာရမ္မဏေ ပန္နရသ။
(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ဝိတ္ထာရေတဗ္ဗံ။)
၃. ဝိပါကတ္တိကံ
၇. ပဉှာဝါရော
ပစ္စယစတုက္ကံ
ဟေတု-အာရမ္မဏပစ္စယာ
၂၃. ဝိပါကော ဓမ္မော နဝိပါကဿ ဓမ္မဿ ဟေတုပစ္စယေန ပစ္စယော။ ဝိပါကော ဓမ္မော နဝိပါကဓမ္မဓမ္မဿ ဟေတုပစ္စယေန ပစ္စယော။ ဝိပါကော ဓမ္မော နနေဝဝိပါကနဝိပါကဓမ္မဓမ္မဿ ဟေတုပစ္စယေန ပစ္စယော။ ဝိပါကော ဓမ္မော နဝိပါကဓမ္မဓမ္မဿ စ နနေဝဝိပါကနဝိပါကဓမ္မဓမ္မဿ စ ဓမ္မဿ ဟေတုပစ္စယေန ပစ္စယော။ ဝိပါကော ဓမ္မော နဝိပါကဿ စ နဝိပါကဓမ္မဓမ္မဿ စ ဓမ္မဿ ဟေတုပစ္စယေန ပစ္စယော။ (၅)
၂၄. ဝိပါကော ဓမ္မော နဝိပါကဿ ဓမ္မဿ အာရမ္မဏပစ္စယေန ပစ္စယော။ ဝိပါကော ဓမ္မော နဝိပါကဓမ္မဓမ္မဿ အာရမ္မဏပစ္စယေန ပစ္စယော။ ဝိပါကော ဓမ္မော နနေဝဝိပါကနဝိပါကဓမ္မဓမ္မဿ အာရမ္မဏပစ္စယေန ပစ္စယော။ ဝိပါကော ဓမ္မော နဝိပါကဿ စ နနေဝဝိပါကနဝိပါကဓမ္မဓမ္မဿ စ ဓမ္မဿ အာရမ္မဏပစ္စယေန ပစ္စယော။ ဝိပါကော ဓမ္မော နဝိပါကဓမ္မဓမ္မဿ စ နနေဝဝိပါကနဝိပါကဓမ္မဓမ္မဿ စ ဓမ္မဿ အာရမ္မဏပစ္စယေန ပစ္စယော။ ဝိပါကော ဓမ္မော နဝိပါကဿ စ နဝိပါကဓမ္မဓမ္မဿ စ ဓမ္မဿ အာရမ္မဏပစ္စယေန ပစ္စယော။ (၆)
ဝိပါကဓမ္မဓမ္မော နဝိပါကဓမ္မဓမ္မဿ အာရမ္မဏပစ္စယေန ပစ္စယော။ ဝိပါကဓမ္မဓမ္မော နဝိပါကဿ ဓမ္မဿ အာရမ္မဏပစ္စယေန ပစ္စယော။ ဝိပါကဓမ္မဓမ္မော နနေဝဝိပါကနဝိပါကဓမ္မဓမ္မဿ အာရမ္မဏပစ္စယေန ပစ္စယော။ ဝိပါကဓမ္မဓမ္မော နဝိပါကဿ စ နနေဝဝိပါကနဝိပါကဓမ္မဓမ္မဿ စ ဓမ္မဿ အာရမ္မဏပစ္စယေန ပစ္စယော။ ဝိပါကဓမ္မဓမ္မော နဝိပါကဓမ္မဓမ္မဿ စ နနေဝဝိပါကနဝိပါကဓမ္မဓမ္မဿ စ ဓမ္မဿ အာရမ္မဏပစ္စယေန ပစ္စယော။ ဝိပါကဓမ္မဓမ္မော နဝိပါကဿ စ နဝိပါကဓမ္မဓမ္မဿ စ ဓမ္မဿ အာရမ္မဏပစ္စယေန ပစ္စယော။ (၆)
နေဝဝိပါကနဝိပါကဓမ္မဓမ္မော နနေဝဝိပါကနဝိပါကဓမ္မဓမ္မဿ အာရမ္မဏပစ္စယေန ပစ္စယော။ပေ.။ ဆ။ (သံခိတ္တံ။)
၂၅. ဟေတုယာ တေရသ၊ အာရမ္မဏေ အဋ္ဌာရသ၊ အဓိပတိယာ သတ္တရသ၊ အနန္တရေ သောဠသ။ပေ.။ ပုရေဇာတေ ဆ၊ ပစ္ဆာဇာတေ နဝ၊ အာသေဝနေ ဆ၊ ကမ္မေ စုဒ္ဒသ၊ ဝိပါကေ ပဉ္စ၊ ဣန္ဒြိယေ အဋ္ဌာရသ။ပေ.။ ဝိပ္ပယုတ္တေ ဒွါဒသ။ပေ.။ အဝိဂတေ ဆဗ္ဗီသ။ (ပဉှာဝါရံ ဝိတ္ထာရေတဗ္ဗံ။)
၄. ဥပါဒိန္နတ္တိကံ
၁-၆. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၆. ဥပါဒိန္နုပါဒါနိယံ ဓမ္မံ ပဋိစ္စ နဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဥပါဒိန္နုပါဒါနိယံ ဓမ္မံ ပဋိစ္စ နအနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဥပါဒိန္နုပါဒါနိယံ ဓမ္မံ ပဋိစ္စ နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဥပါဒိန္နုပါဒါနိယံ ဓမ္မံ ပဋိစ္စ နဥပါဒိန္နုပါဒါနိယော စ နအနုပါဒိန္နအနုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဥပါဒိန္နုပါဒါနိယံ ဓမ္မံ ပဋိစ္စ နအနုပါဒိန္နုပါဒါနိယော စ နအနုပါဒိန္နအနုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
အနုပါဒိန္နုပါဒါနိယံ ဓမ္မံ ပဋိစ္စ နဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ အနုပါဒိန္နုပါဒါနိယံ ဓမ္မံ ပဋိစ္စ နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ အနုပါဒိန္နုပါဒါနိယံ ဓမ္မံ ပဋိစ္စ နဥပါဒိန္နုပါဒါနိယော စ နအနုပါဒိန္နအနုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အနုပါဒိန္နအနုပါဒါနိယံ ဓမ္မံ ပဋိစ္စ နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ အနုပါဒိန္နအနုပါဒါနိယံ ဓမ္မံ ပဋိစ္စ နဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ အနုပါဒိန္နအနုပါဒါနိယံ ဓမ္မံ ပဋိစ္စ နအနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ အနုပါဒိန္နအနုပါဒါနိယံ ဓမ္မံ ပဋိစ္စ နဥပါဒိန္နုပါဒါနိယော စ နအနုပါဒိန္နအနုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ။ အနုပါဒိန္နအနုပါဒါနိယံ ဓမ္မံ ပဋိစ္စ နဥပါဒိန္နုပါဒါနိယော စ နအနုပါဒိန္နုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပဋိစ္စ နဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပဋိစ္စ နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပဋိစ္စ နဥပါဒိန္နုပါဒါနိယော စ နအနုပါဒိန္နအနုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပဋိစ္စ နဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပဋိစ္စ နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပဋိစ္စ နဥပါဒိန္နုပါဒါနိယော စ နအနုပါဒိန္နအနုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
၂၇. ဟေတုယာ ဧကူနဝီသ၊ အာရမ္မဏေ နဝ၊ အဓိပတိယာ ဧကာဒသ။ပေ.။ သဟဇာတေ ဧကူနဝီသ။ (သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ဝိတ္ထာရေတဗ္ဗံ။)
၄. ဥပါဒိန္နတ္တိကံ
၇. ပဉှာဝါရော
ပစ္စယစတုက္ကံ
ဟေတု-အာရမ္မဏပစ္စယာ
၂၈. ဥပါဒိန္နုပါဒါနိယော ဓမ္မော နဥပါဒိန္နုပါဒါနိယဿ ဓမ္မဿ ဟေတုပစ္စယေန ပစ္စယော။ ဥပါဒိန္နုပါဒါနိယော ဓမ္မော နအနုပါဒိန္နုပါဒါနိယဿ ဓမ္မဿ ဟေတုပစ္စယေန ပစ္စယော။ပေ.။။
၂၉. ဥပါဒိန္နုပါဒါနိယော ဓမ္မော နဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ ဥပါဒိန္နုပါဒါနိယော ဓမ္မော နအနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ ဥပါဒိန္နုပါဒါနိယော ဓမ္မော နအနုပါဒိန္နအနုပါဒါနိယဿ ဓမ္မဿ အာရမ္မဏပစ္စယေန ပစ္စယော။ ဥပါဒိန္နုပါဒါနိယော ဓမ္မော နဥပါဒိန္နုပါဒါနိယဿ စ နအနုပါဒိန္နအနုပါဒါနိယဿ စ ဓမ္မဿ အာရမ္မဏပစ္စယေန ပစ္စယော။ ဥပါဒိန္နုပါဒါနိယော ဓမ္မော နအနုပါဒိန္နုပါဒါနိယဿ စ နအနုပါဒိန္နအနုပါဒါနိယဿ စ ဓမ္မဿ အာရမ္မဏပစ္စယေန ပစ္စယော။ (၅)
အနုပါဒိန္နုပါဒါနိယော ဓမ္မော နအနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ အနုပါဒိန္နုပါဒါနိယော ဓမ္မော နဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ အနုပါဒိန္နုပါဒါနိယော ဓမ္မော နအနုပါဒိန္နအနုပါဒါနိယဿ ဓမ္မဿ အာရမ္မဏပစ္စယေန ပစ္စယော။ အနုပါဒိန္နုပါဒါနိယော ဓမ္မော နဥပါဒိန္နုပါဒါနိယဿ စ နအနုပါဒိန္နအနုပါဒါနိယဿ စ ဓမ္မဿ အာရမ္မဏပစ္စယေန ပစ္စယော။ အနုပါဒိန္နုပါဒါနိယော ဓမ္မော နအနုပါဒိန္နုပါဒါနိယဿ စ နအနုပါဒိန္နအနုပါဒါနိယဿ စ ဓမ္မဿ အာရမ္မဏပစ္စယေန ပစ္စယော။ (၅)
အနုပါဒိန္နအနုပါဒါနိယော ဓမ္မော နအနုပါဒိန္နအနုပါဒါနိယဿ ဓမ္မဿ အာရမ္မဏပစ္စယေန ပစ္စယော။ပေ.။ ပဉ္စ။ (သံခိတ္တံ။)
၃၀. ဟေတုယာ တေရသ၊ အာရမ္မဏေ ပန္နရသ၊ အဓိပတိယာ ဧကာဒသ။ (ပဉှာဝါရမ္ပိ ဝိတ္ထာရေတဗ္ဗံ။)
၅. သံကိလိဋ္ဌတ္တိကံ
၁-၇. ပဋိစ္စဝါရာဒိ
၁. ပစ္စယာနုလောမံ
ဟေတုပစ္စယော
၃၁. သံကိလိဋ္ဌသံကိလေသိကံ ဓမ္မံ ပဋိစ္စ နသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ သံကိလိဋ္ဌသံကိလေသိကံ ဓမ္မံ ပဋိစ္စ နအသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ သံကိလိဋ္ဌသံကိလေသိကံ ဓမ္မံ ပဋိစ္စ နအသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ သံကိလိဋ္ဌသံကိလေသိကံ ဓမ္မံ ပဋိစ္စ နသံကိလိဋ္ဌသံကိလေသိကော စ နအသံကိလိဋ္ဌအသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ။ သံကိလိဋ္ဌသံကိလေသိကံ ဓမ္မံ ပဋိစ္စ နအသံကိလိဋ္ဌသံကိလေသိကော စ နအသံကိလိဋ္ဌအသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ ။ (၅)
အသံကိလိဋ္ဌသံကိလေသိကံ ဓမ္မံ ပဋိစ္စ နသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ အသံကိလိဋ္ဌသံကိလေသိကံ ဓမ္မံ ပဋိစ္စ နအသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ အသံကိလိဋ္ဌသံကိလေသိကံ ဓမ္မံ ပဋိစ္စ နသံကိလိဋ္ဌသံကိလေသိကော စ နအသံကိလိဋ္ဌအသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အသံကိလိဋ္ဌအသံကိလေသိကံ ဓမ္မံ ပဋိစ္စ နအသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ အသံကိလိဋ္ဌအသံကိလေသိကံ ဓမ္မံ ပဋိစ္စ နသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ အသံကိလိဋ္ဌအသံကိလေသိကံ ဓမ္မံ ပဋိစ္စ နအသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ ။ အသံကိလိဋ္ဌအသံကိလေသိကံ ဓမ္မံ ပဋိစ္စ နသံကိလိဋ္ဌသံကိလေသိကော စ နအသံကိလိဋ္ဌအသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ။ အသံကိလိဋ္ဌအသံကိလေသိကံ ဓမ္မံ ပဋိစ္စ နသံကိလိဋ္ဌသံကိလေသိကော စ နအသံကိလိဋ္ဌသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
အသံကိလိဋ္ဌသံကိလေသိကဉ္စ အသံကိလိဋ္ဌအသံကိလေသိကဉ္စ ဓမ္မံ ပဋိစ္စ နသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သံကိလိဋ္ဌသံကိလေသိကဉ္စ အသံကိလိဋ္ဌသံကိလေသိကဉ္စ ဓမ္မံ ပဋိစ္စ နသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ပေ.။ တီဏိ ။ (သံခိတ္တံ။)
ဟေတုယာ ဧကူနဝီသ၊ အာရမ္မဏေ နဝ။ပေ.။ အဝိဂတေ ဧကူနဝီသ။ (သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ဝိတ္ထာရေတဗ္ဗံ။ ပဉှာဝါရေ န သဒိသံ။)
၃၂. ဟေတုယာ တေရသ၊ အာရမ္မဏေ ပန္နရသ၊ အဓိပတိယာ ပန္နရသ၊ အနန္တရေ သောဠသ။ပေ.။ ပုရေဇာတေ ဆ၊ ပစ္ဆာဇာတေ နဝ၊ အာသေဝနေ အဋ္ဌ၊ ကမ္မေ တေရသ၊ ဝိပါကေ အဋ္ဌ၊ အာဟာရေ တေရသ။ပေ.။ မဂ္ဂေ တေရသ၊ ဝိပ္ပယုတ္တေ ဒွါဒသ။ပေ.။ အဝိဂတေ ဆဗ္ဗီသ။
၆. ဝိတက္ကတ္တိကံ
၁-၇. ပဋိစ္စဝါရာဒိ
၁. ပစ္စယာနုလောမံ
ဟေတုပစ္စယော
၃၃. သဝိတက္ကသဝိစာရံ ဓမ္မံ ပဋိစ္စ နသဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ သဝိတက္ကသဝိစာရံ ဓမ္မံ ပဋိစ္စ နအဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ သဝိတက္ကသဝိစာရံ ဓမ္မံ ပဋိစ္စ နအဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ သဝိတက္ကသဝိစာရံ ဓမ္မံ ပဋိစ္စ နသဝိတက္ကသဝိစာရော စ နအဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ။ သဝိတက္ကသဝိစာရံ ဓမ္မံ ပဋိစ္စ နအဝိတက္ကဝိစာရမတ္တော စ နအဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ။ သဝိတက္ကသဝိစာရံ ဓမ္မံ ပဋိစ္စ နသဝိတက္ကသဝိစာရော စ နအဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ သဝိတက္ကသဝိစာရံ ဓမ္မံ ပဋိစ္စ နသဝိတက္ကသဝိစာရော စ နအဝိတက္ကဝိစာရမတ္တော စ နအဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၇)
၃၄. အဝိတက္ကဝိစာရမတ္တံ ဓမ္မံ ပဋိစ္စ နအဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ အဝိတက္ကဝိစာရမတ္တံ ဓမ္မံ ပဋိစ္စ နသဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ အဝိတက္ကဝိစာရမတ္တံ ဓမ္မံ ပဋိစ္စ နအဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ အဝိတက္ကဝိစာရမတ္တံ ဓမ္မံ ပဋိစ္စ နသဝိတက္ကသဝိစာရော စ နအဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ။ အဝိတက္ကဝိစာရမတ္တံ ဓမ္မံ ပဋိစ္စ နအဝိတက္ကဝိစာရမတ္တော စ နအဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ။ အဝိတက္ကဝိစာရမတ္တံ ဓမ္မံ ပဋိစ္စ နသဝိတက္ကသဝိစာရော စ နအဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ အဝိတက္ကဝိစာရမတ္တံ ဓမ္မံ ပဋိစ္စ နသဝိတက္ကသဝိစာရော စ နအဝိတက္ကဝိစာရမတ္တော စ နအဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၇)
အဝိတက္ကအဝိစာရံ ဓမ္မံ ပဋိစ္စ နအဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ပေ.။ သတ္တ။
သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ နသဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ပေ.။ သတ္တ။
အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ နသဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ပေ.။ သတ္တ။
သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ နသဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ပေ.။ သတ္တ။
သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ နသဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ပေ.။ သတ္တ။ (သံခိတ္တံ။)
ဟေတုယာ ဧကူနပညာသ၊ အာရမ္မဏေ ဧကူနပညာသ။ပေ.။ အဝိဂတေ ဧကူနပညာသ။ (သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၇. ဣတိတ္တိကံ
၁-၇. ပဋိစ္စဝါရာဒိ
၁. ပစ္စယာနုလောမံ
ဟေတုပစ္စယော
၃၅. ဣတိသဟဂတံ ဓမ္မံ ပဋိစ္စ နဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဣတိသဟဂတံ ဓမ္မံ ပဋိစ္စ နသုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဣတိသဟဂတံ ဓမ္မံ ပဋိစ္စ နဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ ဣတိသဟဂတံ ဓမ္မံ ပဋိစ္စ နဣတိသဟဂတော စ နဥပေက္ခါသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဣတိသဟဂတံ ဓမ္မံ ပဋိစ္စ နသုခသဟဂတော စ နဥပေက္ခါသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဣတိသဟဂတံ ဓမ္မံ ပဋိစ္စ နဣတိသဟဂတော စ နသုခသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဣတိသဟဂတံ ဓမ္မံ ပဋိစ္စ နဣတိသဟဂတော စ နသုခသဟဂတော စ နဥပေက္ခါသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၇)
သုခသဟဂတံ ဓမ္မံ ပဋိစ္စ နသုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ပေ.။ သတ္တ။
ဥပေက္ခါသဟဂတံ ဓမ္မံ ပဋိစ္စ နဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ပေ.။ သတ္တ။
ဣတိသဟဂတဉ္စ သုခသဟဂတဉ္စ ဓမ္မံ ပဋိစ္စ နဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ပေ.။ သတ္တ။ (သံခိတ္တံ။)
ဟေတုယာ အဋ္ဌဝီသ၊ အာရမ္မဏေ စတုဝီသ။ပေ.။ အဝိဂတေ အဋ္ဌဝီသ။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဉှာဝါရမ္ပိ သဗ္ဗတ္ထ ဝိတ္ထာရေတဗ္ဗံ)။
၈. ဒဿနတ္တိကံ
၁-၇. ပဋိစ္စဝါရာဒိ
၁. ပစ္စယာနုလောမံ
ဟေတုပစ္စယော
၃၆. ဒဿနေန ပဟာတဗ္ဗံ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဒဿနေန ပဟာတဗ္ဗံ ဓမ္မံ ပဋိစ္စ နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဒဿနေန ပဟာတဗ္ဗံ ဓမ္မံ ပဋိစ္စ နနေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ဒဿနေန ပဟာတဗ္ဗံ ဓမ္မံ ပဋိစ္စ နဘာဝနာယ ပဟာတဗ္ဗော စ နနေဝဒဿနေန နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဒဿနေန ပဟာတဗ္ဗံ ဓမ္မံ ပဋိစ္စ နဒဿနေန ပဟာတဗ္ဗော စ နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
ဘာဝနာယ ပဟာတဗ္ဗံ ဓမ္မံ ပဋိစ္စ နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။
နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဒဿနေန ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဘာဝနာယ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သံခိတ္တံ။)
ဟေတုယာ ဧကူနဝီသ။ပေ.။ အဝိဂတေ ဧကူနဝီသ။ (သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဉှာဝါရမ္ပိ ဝိတ္ထာရေတဗ္ဗံ။)
၉. ဒဿနဟေတုတ္တိကံ
၁-၇. ပဋိစ္စဝါရာဒိ
၃၇. ဒဿနေန ပဟာတဗ္ဗဟေတုကံ ဓမ္မံ ပဋိစ္စ နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဆဗ္ဗီသ။ပေ.။ အဝိဂတေ ဆဗ္ဗီသ။ (ဝိတ္ထာရေတဗ္ဗံ။)
၁၀. အာစယဂါမိတ္တိကံ
၁-၇. ပဋိစ္စဝါရာဒိ
၁. ပစ္စယာနုလောမံ
ဟေတုပစ္စယော
၃၈. အာစယဂါမိံ ဓမ္မံ ပဋိစ္စ နအာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ အာစယဂါမိံ ဓမ္မံ ပဋိစ္စ နအပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ အာစယဂါမိံ ဓမ္မံ ပဋိစ္စ နနေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ အာစယဂါမိံ ဓမ္မံ ပဋိစ္စ နအပစယဂါမီ စ နနေဝါစယဂါမိနာပစယဂါမီ စ ဓမ္မာ ဥပ္ပဇ္ဇန္တိ ဟေတုပစ္စယာ။ အာစယဂါမိံ ဓမ္မံ ပဋိစ္စ နအာစယဂါမီ စ နအပစယဂါမီ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
အပစယဂါမိံ ဓမ္မံ ပဋိစ္စ နအပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ အပစယဂါမိံ ဓမ္မံ ပဋိစ္စ နအာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ အပစယဂါမိံ ဓမ္မံ ပဋိစ္စ နနေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ အပစယဂါမိံ ဓမ္မံ ပဋိစ္စ နအာစယဂါမီ စ နနေဝါစယဂါမိနာပစယဂါမီ စ ဓမ္မာ ဥပ္ပဇ္ဇန္တိ ဟေတုပစ္စယာ။ အပစယဂါမိံ ဓမ္မံ ပဋိစ္စ နအာစယဂါမီ စ နအပစယဂါမီ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
နေဝါစယဂါမိနာပစယဂါမိံ ဓမ္မံ ပဋိစ္စ နအာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ နေဝါစယဂါမိနာပစယဂါမိံ ဓမ္မံ ပဋိစ္စ နအပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ နေဝါစယဂါမိနာပစယဂါမိံ ဓမ္မံ ပဋိစ္စ နအာစယဂါမီ စ နအပစယဂါမီ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အာစယဂါမိဉ္စ နေဝါစယဂါမိနာပစယဂါမိဉ္စ ဓမ္မံ ပဋိစ္စ နအာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ အာစယဂါမိဉ္စ နေဝါစယဂါမိနာပစယဂါမိဉ္စ ဓမ္မံ ပဋိစ္စ နအပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ အာစယဂါမိဉ္စ နေဝါစယဂါမိနာပစယဂါမိဉ္စ ဓမ္မံ ပဋိစ္စ နအာစယဂါမီ စ နအပစယဂါမီ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အပစယဂါမိဉ္စ နေဝါစယဂါမိနာပစယဂါမိဉ္စ ဓမ္မံ ပဋိစ္စ နအာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ အပစယဂါမိဉ္စ နေဝါစယဂါမိနာပစယဂါမိဉ္စ ဓမ္မံ ပဋိစ္စ နအပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ အပစယဂါမိဉ္စ နေဝါစယဂါမိနာပစယဂါမိဉ္စ ဓမ္မံ ပဋိစ္စ နအာစယဂါမီ စ နအပစယဂါမီ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
ဟေတုယာ ဧကူနဝီသ။ (သဗ္ဗတ္ထ ဝိတ္ထာရော။)
၁၁. သေက္ခတ္တိကံ
၁-၇. ပဋိစ္စဝါရာဒိ
၁. ပစ္စယာနုလောမံ
ဟေတုပစ္စယော
၃၉. သေက္ခံ ဓမ္မံ ပဋိစ္စ နသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ သေက္ခံ ဓမ္မံ ပဋိစ္စ နအသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ သေက္ခံ ဓမ္မံ ပဋိစ္စ နနေဝသေက္ခနာသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ သေက္ခံ ဓမ္မံ ပဋိစ္စ နအသေက္ခေါ စ နနေဝသေက္ခနာသေက္ခေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ သေက္ခံ ဓမ္မံ ပဋိစ္စ နသေက္ခေါ စ နအသေက္ခေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
အသေက္ခံ ဓမ္မံ ပဋိစ္စ နအသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ အသေက္ခံ ဓမ္မံ ပဋိစ္စ နသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ အသေက္ခံ ဓမ္မံ ပဋိစ္စ နနေဝသေက္ခနာသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ အသေက္ခံ ဓမ္မံ ပဋိစ္စ နသေက္ခေါ စ နနေဝသေက္ခနာသေက္ခေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ အသေက္ခံ ဓမ္မံ ပဋိစ္စ နသေက္ခေါ စ နအသေက္ခေါ စ ဓမ္မာ ဥပ္ပဇ္ဇန္တိ ဟေတုပစ္စယာ ။ (၅)
နေဝသေက္ခနာသေက္ခံ ဓမ္မံ ပဋိစ္စ နသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ နေဝသေက္ခနာသေက္ခံ ဓမ္မံ ပဋိစ္စ နအသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ နေဝသေက္ခနာသေက္ခံ ဓမ္မံ ပဋိစ္စ နသေက္ခေါ စ နအသေက္ခေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
သေက္ခဉ္စ နေဝသေက္ခနာသေက္ခဉ္စ ဓမ္မံ ပဋိစ္စ နသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ သေက္ခဉ္စ နေဝသေက္ခနာသေက္ခဉ္စ ဓမ္မံ ပဋိစ္စ နအသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ သေက္ခဉ္စ နေဝသေက္ခနာသေက္ခဉ္စ ဓမ္မံ ပဋိစ္စ နသေက္ခေါ စ နအသေက္ခေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အသေက္ခဉ္စ နေဝသေက္ခနာသေက္ခဉ္စ ဓမ္မံ ပဋိစ္စ နသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ အသေက္ခဉ္စ နေဝသေက္ခနာသေက္ခဉ္စ ဓမ္မံ ပဋိစ္စ နအသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ အသေက္ခဉ္စ နေဝသေက္ခနာသေက္ခဉ္စ ဓမ္မံ ပဋိစ္စ နသေက္ခေါ စ နအသေက္ခေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
ဟေတုယာ ဧကူနဝီသ။ (သဗ္ဗတ္ထ ဝိတ္ထာရော။)
၁၂. ပရိတ္တတ္တိကံ
၁-၇. ပဋိစ္စဝါရာဒိ
၁. ပစ္စယာနုလောမံ
ဟေတုပစ္စယော
၄၀. ပရိတ္တံ ဓမ္မံ ပဋိစ္စ နပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ ပရိတ္တံ ဓမ္မံ ပဋိစ္စ နမဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ ။ ပရိတ္တံ ဓမ္မံ ပဋိစ္စ နအပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ။ ပရိတ္တံ ဓမ္မံ ပဋိစ္စ နပရိတ္တော စ နအပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ ပရိတ္တံ ဓမ္မံ ပဋိစ္စ နမဟဂ္ဂတော စ နအပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
မဟဂ္ဂတံ ဓမ္မံ ပဋိစ္စ နမဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ။ မဟဂ္ဂတံ ဓမ္မံ ပဋိစ္စ နပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ မဟဂ္ဂတံ ဓမ္မံ ပဋိစ္စ နအပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ။ မဟဂ္ဂတံ ဓမ္မံ ပဋိစ္စ နပရိတ္တော စ နအပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ မဟဂ္ဂတံ ဓမ္မံ ပဋိစ္စ နမဟဂ္ဂတော စ နအပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
အပ္ပမာဏံ ဓမ္မံ ပဋိစ္စ နအပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ။ အပ္ပမာဏံ ဓမ္မံ ပဋိစ္စ နပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ အပ္ပမာဏံ ဓမ္မံ ပဋိစ္စ နမဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ။ အပ္ပမာဏံ ဓမ္မံ ပဋိစ္စ နမဟဂ္ဂတော စ နအပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ အပ္ပမာဏံ ဓမ္မံ ပဋိစ္စ နပရိတ္တော စ နမဟဂ္ဂတော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
ပရိတ္တဉ္စ အပ္ပမာဏဉ္စ ဓမ္မံ ပဋိစ္စ နမဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ။ ပရိတ္တဉ္စ အပ္ပမာဏဉ္စ ဓမ္မံ ပဋိစ္စ နအပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ။ ပရိတ္တဉ္စ အပ္ပမာဏဉ္စ ဓမ္မံ ပဋိစ္စ နမဟဂ္ဂတော စ နအပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ နပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ နမဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ။ ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ နအပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ။ ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ နပရိတ္တော စ နအပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ နမဟဂ္ဂတော စ နအပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅) (သံခိတ္တံ။)
ဟေတုယာ တေဝီသ၊ အာရမ္မဏေ စုဒ္ဒသ။ (သဗ္ဗတ္ထ ဝိတ္ထာရေတဗ္ဗံ။)
၁၃. ပရိတ္တာရမ္မဏတ္တိကံ
၁-၇. ပဋိစ္စဝါရာဒိ
၄၁. ပရိတ္တာရမ္မဏံ ဓမ္မံ ပဋိစ္စ နပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။။
ဟေတုယာ ဧကဝီသ။ပေ.။ အဝိဂတေ ဧကဝီသ။
၁၄. ဟီနတ္တိကံ
၁-၇. ပဋိစ္စဝါရာဒိ
၄၂. ဟီနံ ဓမ္မံ ပဋိစ္စ နဟီနော ဓမ္မော ဥပ္ပဇ္ဇတိ ဟေတုပစ္စယာ။ (သံကိလိဋ္ဌသံကိလေသိကတ္တိကသဒိသံ။)
ဟေတုယာ ဧကူနဝီသ။ပေ.။ အဝိဂတေ ဧကူနဝီသ။
၁၅. မိစ္ဆတ္တတ္တိကံ
၁-၇. ပဋိစ္စဝါရာဒိ
၁. ပစ္စယာနုလောမံ
ဟေတုပစ္စယော
၄၃. မိစ္ဆတ္တနိယတံ ဓမ္မံ ပဋိစ္စ နမိစ္ဆတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ မိစ္ဆတ္တနိယတံ ဓမ္မံ ပဋိစ္စ နသမ္မတ္တနိယတော ဓမ္မော ဥပ္ပဇ္ဇတိ ဟေတုပစ္စယာ ။ မိစ္ဆတ္တနိယတံ ဓမ္မံ ပဋိစ္စ နအနိယတော ဓမ္မော ဥပ္ပဇ္ဇတိ ဟေတုပစ္စယာ။ မိစ္ဆတ္တနိယတံ ဓမ္မံ ပဋိစ္စ နသမ္မတ္တနိယတော စ နအနိယတော စ ဓမ္မာ ဥပ္ပဇ္ဇန္တိ ဟေတုပစ္စယာ။ မိစ္ဆတ္တနိယတံ ဓမ္မံ ပဋိစ္စ နမိစ္ဆတ္တနိယတော စ နသမ္မတ္တနိယတော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
သမ္မတ္တနိယတံ ဓမ္မံ ပဋိစ္စ နသမ္မတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ သမ္မတ္တနိယတံ ဓမ္မံ ပဋိစ္စ နမိစ္ဆတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ သမ္မတ္တနိယတံ ဓမ္မံ ပဋိစ္စ နအနိယတော ဓမ္မော ဥပ္ပဇ္ဇတိ ဟေတုပစ္စယာ။ သမ္မတ္တနိယတံ ဓမ္မံ ပဋိစ္စ နမိစ္ဆတ္တနိယတော စ နအနိယတော စ ဓမ္မာ ဥပ္ပဇ္ဇန္တိ ဟေတုပစ္စယာ။ သမ္မတ္တနိယတံ ဓမ္မံ ပဋိစ္စ နမိစ္ဆတ္တနိယတော စ နသမ္မတ္တနိယတော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၅)
အနိယတံ ဓမ္မံ ပဋိစ္စ နမိစ္ဆတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မိစ္ဆတ္တနိယတဉ္စ အနိယတဉ္စ ဓမ္မံ ပဋိစ္စ နမိစ္ဆတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သမ္မတ္တနိယတဉ္စ အနိယတဉ္စ ဓမ္မံ ပဋိစ္စ နမိစ္ဆတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သံခိတ္တံ။)
ဟေတုယာ ဧကူနဝီသ။ (သဗ္ဗတ္ထ ဝိတ္ထာရေတဗ္ဗံ။)
၁၆. မဂ္ဂါရမ္မဏတ္တိကံ
၁-၇. ပဋိစ္စဝါရာဒိ
၄၄. မဂ္ဂါရမ္မဏံ ဓမ္မံ ပဋိစ္စ နမဂ္ဂါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ မဂ္ဂါရမ္မဏံ ဓမ္မံ ပဋိစ္စ နမဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ။ မဂ္ဂါရမ္မဏံ ဓမ္မံ ပဋိစ္စ နမဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ။ မဂ္ဂါရမ္မဏံ ဓမ္မံ ပဋိစ္စ နမဂ္ဂါရမ္မဏော စ နမဂ္ဂါဓိပတိ စ ဓမ္မာ ဥပ္ပဇ္ဇန္တိ ဟေတုပစ္စယာ။ မဂ္ဂါရမ္မဏံ ဓမ္မံ ပဋိစ္စ နမဂ္ဂဟေတုကော စ နမဂ္ဂါဓိပတိ စ ဓမ္မာ ဥပ္ပဇ္ဇန္တိ ဟေတုပစ္စယာ။ မဂ္ဂါရမ္မဏံ ဓမ္မံ ပဋိစ္စ နမဂ္ဂါရမ္မဏော စ နမဂ္ဂဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ။ မဂ္ဂါရမ္မဏံ ဓမ္မံ ပဋိစ္စ နမဂ္ဂါရမ္မဏော စ နမဂ္ဂဟေတုကော စ နမဂ္ဂါဓိပတိ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၇) (သံခိတ္တံ။)
ဟေတုယာ ပဉ္စတိံသ။ပေ.။ အဝိဂတေ ပဉ္စတိံသ။ (သဗ္ဗတ္ထ ဝိတ္ထာရေတဗ္ဗံ။)
၁၇. ဥပ္ပန္နတ္တိကံ
၇. ပဉှာဝါရော
၄၅. ဥပ္ပန္နော ဓမ္မော နအနုပ္ပန္နဿ ဓမ္မဿ ဟေတုပစ္စယေန ပစ္စယော။ (သံခိတ္တံ။)
ဟေတုယာ တီဏိ၊ အာရမ္မဏေ နဝ။
၁၈. အတီတတ္တိကံ
၇. ပဉှာဝါရော
၄၆. ပစ္စုပ္ပန္နော ဓမ္မော နအတီတဿ ဓမ္မဿ ဟေတုပစ္စယေန ပစ္စယော။ (သံခိတ္တံ။)
ဟေတုယာ တီဏိ၊ အာရမ္မဏေ နဝ။
၁၉. အတီတာရမ္မဏတ္တိကံ
၁-၇. ပဋိစ္စဝါရာဒိ
၄၇. အတီတာရမ္မဏံ ဓမ္မံ ပဋိစ္စ နအတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ အတီတာရမ္မဏံ ဓမ္မံ ပဋိစ္စ နအနာဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ အတီတာရမ္မဏံ ဓမ္မံ ပဋိစ္စ နပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ အတီတာရမ္မဏံ ဓမ္မံ ပဋိစ္စ နအတီတာရမ္မဏော စ နပစ္စုပ္ပန္နာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ အတီတာရမ္မဏံ ဓမ္မံ ပဋိစ္စ နအနာဂတာရမ္မဏော စ နပစ္စုပ္ပန္နာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ အတီတာရမ္မဏံ ဓမ္မံ ပဋိစ္စ နအတီတာရမ္မဏော စ နအနာဂတာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ အတီတာရမ္မဏံ ဓမ္မံ ပဋိစ္စ နအတီတာရမ္မဏော စ နအနာဂတာရမ္မဏော စ နပစ္စုပ္ပန္နာရမ္မဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၇) (သံခိတ္တံ။)
ဟေတုယာ ဧကဝီသ။ပေ.။ အဝိဂတေ ဧကဝီသ။
၂၀. အဇ္ဈတ္တတ္တိကံ
၁-၇. ပဋိစ္စဝါရာဒိ
၄၈. အဇ္ဈတ္တံ ဓမ္မံ ပဋိစ္စ နဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ။ (၁)
ဗဟိဒ္ဓါ ဓမ္မံ ပဋိစ္စ နအဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ ။ ဟေတုယာ ဒွေ။ (သဗ္ဗတ္ထ ဝိတ္ထာရော။)
၂၁. အဇ္ဈတ္တာရမ္မဏတ္တိကံ
၁-၇. ပဋိစ္စဝါရာဒိ
၄၉. အဇ္ဈတ္တာရမ္မဏံ ဓမ္မံ ပဋိစ္စ နအဇ္ဈတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။
ဟေတုယာ ဆ။
၂၂. သနိဒဿနတ္တိကံ
၁-၇. ပဋိစ္စဝါရာဒိ
၁. ပစ္စယာနုလောမံ
ဟေတုပစ္စယော
၅၀. အနိဒဿနသပ္ပဋိဃံ ဓမ္မံ ပဋိစ္စ နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ အနိဒဿနသပ္ပဋိဃံ ဓမ္မံ ပဋိစ္စ နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ အနိဒဿနသပ္ပဋိဃံ ဓမ္မံ ပဋိစ္စ နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ အနိဒဿနသပ္ပဋိဃံ ဓမ္မံ ပဋိစ္စ နသနိဒဿနသပ္ပဋိဃော စ နအနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ အနိဒဿနသပ္ပဋိဃံ ဓမ္မံ ပဋိစ္စ နအနိဒဿနသပ္ပဋိဃော စ နအနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ အနိဒဿနသပ္ပဋိဃံ ဓမ္မံ ပဋိစ္စ နသနိဒဿနသပ္ပဋိဃော စ နအနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၆)
အနိဒဿနအပ္ပဋိဃံ ဓမ္မံ ပဋိစ္စ နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဆ။
အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဆ။ (သံခိတ္တံ။)
ဟေတုယာ အဋ္ဌာရသ၊ အာရမ္မဏေ တီဏိ။ပေ.။ အဝိဂတေ အဋ္ဌာရသ။ (သဗ္ဗတ္ထ ဝိတ္ထာရော။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ဝိတ္ထာရေတဗ္ဗံ။)
ဟေတု-အာရမ္မဏပစ္စယာ
၅၁. အနိဒဿနအပ္ပဋိဃော ဓမ္မော နအနိဒဿနအပ္ပဋိဃဿ ဓမ္မဿ ဟေတုပစ္စယေန ပစ္စယော။ အနိဒဿနအပ္ပဋိဃော ဓမ္မော နသနိဒဿနသပ္ပဋိဃဿ ဓမ္မဿ ဟေတုပစ္စယေန ပစ္စယော။ အနိဒဿနအပ္ပဋိဃော ဓမ္မော နအနိဒဿနသပ္ပဋိဃဿ ဓမ္မဿ ဟေတုပစ္စယေန ပစ္စယော။ အနိဒဿနအပ္ပဋိဃော ဓမ္မော နသနိဒဿနသပ္ပဋိဃဿ စ နအနိဒဿနအပ္ပဋိဃဿ စ ဓမ္မဿ ဟေတုပစ္စယေန ပစ္စယော။ နအနိဒဿနအပ္ပဋိဃော ဓမ္မော နအနိဒဿနသပ္ပဋိဃဿ စ နအနိဒဿနအပ္ပဋိဃဿ စ ဓမ္မဿ ဟေတုပစ္စယေန ပစ္စယော။ အနိဒဿနအပ္ပဋိဃော ဓမ္မော နသနိဒဿနသပ္ပဋိဃဿ စ နအနိဒဿနသပ္ပဋိဃဿ စ ဓမ္မဿ ဟေတုပစ္စယေန ပစ္စယော။ (၆)
သနိဒဿနသပ္ပဋိဃော ဓမ္မော နသနိဒဿနသပ္ပဋိဃဿ ဓမ္မဿ အာရမ္မဏပစ္စယေန ပစ္စယော။ တီဏိ။ (သံခိတ္တံ။)
၅၂. ဟေတုယာ ဆ၊ အာရမ္မဏေ နဝ။ (ပဉှာဝါရံ ဝိတ္ထာရေတဗ္ဗံ။)
ဓမ္မာနုလောမပစ္စနီယေ တိကပဋ္ဌာနံ နိဋ္ဌိတံ။