ဓမ္မပစ္စနီယေ တိကပဋ္ဌာန
၁. ကုသလတ္တိက
၁-၆. ပဋိစ္စဒိဝါရ
ပစ္စယစတုက္က
ဟေတု-အာရမ္မဏပစ္စယာ
၁. နကုသလံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ – အကုသလံ အဗျာကတံ ဧကံ ခန္ဓံ ပဋိစ္စ အကုသလာ အဗျာကတာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ နကုသလံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ ဓမ္မံ ပဋိစ္စ နအဗျာကတော ဓမ္မော ဥပ္ပဇ္ဇတိ ဟေတုပစ္စယာ။ နကုသလံ ဓမ္မံ ပဋိစ္စ နကုသလော စ နအဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ နကုသလံ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ ပဉ္စ။
၂. နအကုသလံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ။ နအကုသလံ ဓမ္မံ ပဋိစ္စ နအဗျာကတော ဓမ္မော ဥပ္ပဇ္ဇတိ ဟေတုပစ္စယာ ။ နအကုသလံ ဓမ္မံ ပဋိစ္စ နအကုသလော စ နအဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ နအကုသလံ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ ပဉ္စ။
၃. နအဗျာကတံ ဓမ္မံ ပဋိစ္စ နအဗျာကတော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ။ နအဗျာကတံ ဓမ္မံ ပဋိစ္စ နကုသလော စ နအဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ နအဗျာကတံ ဓမ္မံ ပဋိစ္စ နအကုသလော စ နအဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ နအဗျာကတံ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ ဆ။
၄. နကုသလဉ္စ နအဗျာကတဉ္စ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ။ နကုသလဉ္စ နအဗျာကတဉ္စ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ။ နကုသလဉ္စ နအဗျာကတဉ္စ ဓမ္မံ ပဋိစ္စ နအဗျာကတော ဓမ္မော ဥပ္ပဇ္ဇတိ ဟေတုပစ္စယာ။ နကုသလဉ္စ နအဗျာကတဉ္စ ဓမ္မံ ပဋိစ္စ နကုသလော စ နအဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ နကုသလဉ္စ နအဗျာကတဉ္စ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ ပဉ္စ။
၅. နအကုသလဉ္စ နအဗျာကတဉ္စ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ။ နအကုသလဉ္စ နအဗျာကတဉ္စ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ။ နအကုသလဉ္စ နအဗျာကတဉ္စ ဓမ္မံ ပဋိစ္စ နအဗျာကတော ဓမ္မော ဥပ္ပဇ္ဇတိ ဟေတုပစ္စယာ။ နအကုသလဉ္စ နအဗျာကတဉ္စ ဓမ္မံ ပဋိစ္စ နအကုသလော စ နအဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ နအကုသလဉ္စ နအဗျာကတဉ္စ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ ပဉ္စ။
၆. နကုသလဉ္စ နအကုသလဉ္စ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ ဟေတုပစ္စယာ။ နကုသလဉ္စ နအကုသလဉ္စ ဓမ္မံ ပဋိစ္စ နအကုသလော ဓမ္မော ဥပ္ပဇ္ဇတိ ဟေတုပစ္စယာ။ နကုသလဉ္စ နအကုသလဉ္စ ဓမ္မံ ပဋိစ္စ နကုသလော စ နအကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ တီဏိ။
နကုသလံ ဓမ္မံ ပဋိစ္စ နကုသလော ဓမ္မော ဥပ္ပဇ္ဇတိ အာရမ္မဏပစ္စယာ။ (သံခိတ္တံ။)
၇. ဟေတုယာ ဧကူနတိံသ၊ အာရမ္မဏေ စတုဝီသ။ပေ.။ အဝိဂတေ ဧကူနတိံသ။
(သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဋိစ္စဝါရသဒိသံ။)
၁. ကုသလတ္တိကံ
၇. ပဉှာဝါရော
ပစ္စယစတုက္ကံ
ဟေတုအာရမ္မဏပစ္စယာဒိ
၈. နကုသလော ဓမ္မော နကုသလဿ ဓမ္မဿ ဟေတုပစ္စယေန ပစ္စယော။ပေ.။။ နကုသလော ဓမ္မော နကုသလဿ ဓမ္မဿ အာရမ္မဏပစ္စယေန ပစ္စယော။ နကုသလော ဓမ္မော နအကုသလဿ ဓမ္မဿ အာရမ္မဏပစ္စယေန ပစ္စယော။ နကုသလော ဓမ္မော နအဗျာကတဿ ဓမ္မဿ အာရမ္မဏပစ္စယေန ပစ္စယော။ နကုသလော ဓမ္မော နကုသလဿ စ နအဗျာကတဿ စ ဓမ္မဿ အာရမ္မဏပစ္စယေန ပစ္စယော။ နကုသလော ဓမ္မော နအကုသလဿ စ နအဗျာကတဿ စ ဓမ္မဿ အာရမ္မဏပစ္စယေန ပစ္စယော။ နကုသလော ဓမ္မော နကုသလဿ စ နအကုသလဿ စ ဓမ္မဿ အာရမ္မဏပစ္စယေန ပစ္စယော။ ဆ။
နအကုသလော ဓမ္မော နအကုသလဿ ဓမ္မဿ အာရမ္မဏပစ္စယေန ပစ္စယော။။ ဆ။
နအဗျာကတော ဓမ္မော နအဗျာကတဿ ဓမ္မဿ အာရမ္မဏပစ္စယေန ပစ္စယော။။ ဆ။
နကုသလော စ နအဗျာကတော စ ဓမ္မာ နကုသလဿ ဓမ္မဿ အာရမ္မဏပစ္စယေန ပစ္စယော။။ ဆ။
နအကုသလော စ နအဗျာကတော စ ဓမ္မာ နကုသလဿ ဓမ္မဿ အာရမ္မဏပစ္စယေန ပစ္စယော။။ ဆ။
နကုသလော စ နအကုသလော စ ဓမ္မာ နကုသလဿ ဓမ္မဿ အာရမ္မဏပစ္စယေန ပစ္စယော။။ ဆ။
၉. နကုသလော ဓမ္မော နကုသလဿ ဓမ္မဿ အဓိပတိပစ္စယေန ပစ္စယော။ အနန္တရပစ္စယေန ပစ္စယော။ သမနန္တရပစ္စယေန ပစ္စယော။ သဟဇာတပစ္စယေန ပစ္စယော။ အညမညပစ္စယေန ပစ္စယော။ နိဿယပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ နကုသလော ဓမ္မော နအကုသလဿ ဓမ္မဿ ပုရေဇာတပစ္စယေန ပစ္စယော။ပေ.။ နကုသလော ဓမ္မော နကုသလဿ စ နအကုသလဿ စ ဓမ္မဿ ပုရေဇာတပစ္စယေန ပစ္စယော။ ဆ။
နအကုသလော ဓမ္မော နအကုသလဿ ဓမ္မဿ ပုရေဇာတပစ္စယေန ပစ္စယော။ နအကုသလော ဓမ္မော နကုသလဿ ဓမ္မဿ ပုရေဇာတပစ္စယေန ပစ္စယော။ပေ.။ နအကုသလော ဓမ္မော နကုသလဿ စ နအကုသလဿ စ ဓမ္မဿ ပုရေဇာတပစ္စယေန ပစ္စယော။ ဆ။
နကုသလော စ နအကုသလော စ ဓမ္မာ နကုသလဿ ဓမ္မဿ ပုရေဇာတပစ္စယေန ပစ္စယော။ နကုသလော စ နအကုသလော စ ဓမ္မာ နအကုသလဿ ဓမ္မဿ ပုရေဇာတပစ္စယေန ပစ္စယော။ပေ.။ နကုသလော စ နအကုသလော စ ဓမ္မာ နကုသလဿ စ နအကုသလဿ စ ဓမ္မဿ ပုရေဇာတပစ္စယေန ပစ္စယော။ ဆ။ (သံခိတ္တံ။)
၁၀. ဟေတုယာ ဧကူနတိံသ၊ အာရမ္မဏေ ဆတ္တိံသ၊ အဓိပတိယာ ပဉ္စတိံသ၊ အနန္တရေ စတုတ္တိံသ၊ သမနန္တရေ စတုတ္တိံသ၊ သဟဇာတေ ဧကူနတိံသ၊ အညမညေ စတုဝီသ၊ နိဿယေ စတုတ္တိံသ၊ ဥပနိဿယေ ဆတ္တိံသ၊ ပုရေဇာတေ အဋ္ဌာရသ၊ ပစ္ဆာဇာတေ အဋ္ဌာရသ၊ အာသေဝနေ စတုဝီသ၊ ကမ္မေ ဧကူနတိံသ၊ ဝိပါကေ နဝ၊ အာဟာရေ ဧကူနတိံသ။ပေ.။ အဝိဂတေ စတုတ္တိံသ။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ ဧဝံ ဂဏေတဗ္ဗံ။)
၂. ဝေဒနာတ္တိကံ
၁-၇. ပဋိစ္စဝါရာဒိ
၁၁. နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နအဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နဒုက္ခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နဒုက္ခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ နသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နသုခါယ ဝေဒနာယ သမ္ပယုတ္တော စ နဒုက္ခါယ ဝေဒနာယ သမ္ပယုတ္တော စ နအဒုက္ခမသုခါယ ဝေဒနာယ သမ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၇)
နဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ နဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
နအဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ နအဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။ (သံခိတ္တံ။)
၃. ဝိပါကတ္တိကံ
၁-၇. ပဋိစ္စဝါရာဒိ
၁၂. နဝိပါကံ ဓမ္မံ ပဋိစ္စ နဝိပါကော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နဝိပါကဓမ္မဓမ္မံ ပဋိစ္စ နဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ပေ.။။
နနေဝဝိပါကနဝိပါကဓမ္မဓမ္မံ ပဋိစ္စ နနေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
၄. ဥပါဒိန္နတ္တိကံ
၁-၇. ပဋိစ္စဝါရာဒိ
၁၃. နဥပါဒိန္နုပါဒါနိယံ ဓမ္မံ ပဋိစ္စ နဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နအနုပါဒိန္နုပါဒါနိယံ ဓမ္မံ ပဋိစ္စ နအနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နအနုပါဒိန္နအနုပါဒါနိယံ ဓမ္မံ ပဋိစ္စ နအနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
၅. သံကိလိဋ္ဌတ္တိကံ
၁-၇. ပဋိစ္စဝါရာဒိ
၁၄. နသံကိလိဋ္ဌသံကိလေသိကံ ဓမ္မံ ပဋိစ္စ နသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နအသံကိလိဋ္ဌသံကိလေသိကံ ဓမ္မံ ပဋိစ္စ နအသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နအသံကိလိဋ္ဌအသံကိလေသိကံ ဓမ္မံ ပဋိစ္စ နအသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
၆. ဝိတက္ကတ္တိကံ
၁-၇. ပဋိစ္စဝါရာဒိ
၁၅. နသဝိတက္ကသဝိစာရံ ဓမ္မံ ပဋိစ္စ နသဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နအဝိတက္ကဝိစာရမတ္တံ ဓမ္မံ ပဋိစ္စ နအဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နအဝိတက္ကအဝိစာရံ ဓမ္မံ ပဋိစ္စ နအဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
၇. ဣတိတ္တိကံ
၁-၇. ပဋိစ္စဝါရာဒိ
၁၆. နဣတိသဟဂတံ ဓမ္မံ ပဋိစ္စ နဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ပေ.။။
နသုခသဟဂတံ ဓမ္မံ ပဋိစ္စ။ပေ.။ နဥပေက္ခါသဟဂတံ ဓမ္မံ ပဋိစ္စ။ (သံခိတ္တံ)။
၈. ဒဿနတ္တိကံ
၁-၇. ပဋိစ္စဝါရာဒိ
၁၇. နဒဿနေန ပဟာတဗ္ဗံ ဓမ္မံ ပဋိစ္စ။ပေ.။ နဘာဝနာယ ပဟာတဗ္ဗံ ဓမ္မံ ပဋိစ္စ။ပေ.။ နနေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ။ (သံခိတ္တံ)။
၉. ဒဿနဟေတုတ္တိကံ
၁-၇. ပဋိစ္စဝါရာဒိ
၁၈. နဒဿနေန ပဟာတဗ္ဗဟေတုကံ ဓမ္မံ ပဋိစ္စ။ပေ.။ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ။ပေ.။ နနေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ။ (သံခိတ္တံ)။
၁၀. အာစယဂါမိတ္တိကံ
၁-၇. ပဋိစ္စဝါရာဒိ
၁၉. နအာစယဂါမိံ ဓမ္မံ ပဋိစ္စ။ပေ.။ နအပစယဂါမိံ ဓမ္မံ ပဋိစ္စ။ပေ.။ နနေဝါစယဂါမိနာပစယဂါမိံ ဓမ္မံ ပဋိစ္စ။ (သံခိတ္တံ)။
၁၁. သေက္ခတ္တိကံ
၁-၇. ပဋိစ္စဝါရာဒိ
၂၀. နသေက္ခံ ဓမ္မံ ပဋိစ္စ။ပေ.။ နအသေက္ခံ ဓမ္မံ ပဋိစ္စ။ပေ.။ နနေဝသေက္ခနာသေက္ခံ ဓမ္မံ ပဋိစ္စ။ (သံခိတ္တံ)။
၁၂. ပရိတ္တတ္တိကံ
၁-၇. ပဋိစ္စဝါရာဒိ
၂၁. နပရိတ္တံ ဓမ္မံ ပဋိစ္စ။ပေ.။ နမဟဂ္ဂတံ ဓမ္မံ ပဋိစ္စ။ပေ.။ နအပ္ပမာဏံ ဓမ္မံ ပဋိစ္စ။ (သံခိတ္တံ)။
၁၃. ပရိတ္တာရမ္မဏတ္တိကံ
၁-၇. ပဋိစ္စဝါရာဒိ
၂၂. နပရိတ္တာရမ္မဏံ ဓမ္မံ ပဋိစ္စ။ပေ.။ နမဟဂ္ဂတာရမ္မဏံ ဓမ္မံ ပဋိစ္စ။ပေ.။ နအပ္ပမာဏာရမ္မဏံ ဓမ္မံ ပဋိစ္စ။ (သံခိတ္တံ)။
၁၄. ဟီနတ္တိကံ
၁-၇. ပဋိစ္စဝါရာဒိ
၂၃. နဟီနံ ဓမ္မံ ပဋိစ္စ။ပေ.။ နမဇ္ဈိမံ ဓမ္မံ ပဋိစ္စ။ပေ.။ နပဏီတံ ဓမ္မံ ပဋိစ္စ။ (သံခိတ္တံ)။
၁၅. မိစ္ဆတ္တတ္တိကံ
၁-၇. ပဋိစ္စဝါရာဒိ
၂၄. နမိစ္ဆတ္တနိယတံ ဓမ္မံ ပဋိစ္စ။ပေ.။ နသမ္မတ္တနိယတံ ဓမ္မံ ပဋိစ္စ။ပေ.။ နအနိယတံ ဓမ္မံ ပဋိစ္စ။ (သံခိတ္တံ)။
၁၆. မဂ္ဂါရမ္မဏတ္တိကံ
၁-၇. ပဋိစ္စဝါရာဒိ
၂၅. နမဂ္ဂါရမ္မဏံ ဓမ္မံ ပဋိစ္စ။ပေ.။ နမဂ္ဂဟေတုကံ ဓမ္မံ ပဋိစ္စ။ပေ.။ နမဂ္ဂါဓိပတိံ ဓမ္မံ ပဋိစ္စ။ (သံခိတ္တံ)။
၁၇. ဥပ္ပန္နတ္တိကံ
၁-၇. ပဋိစ္စဝါရာဒိ
၂၆. နအနုပ္ပန္နံ ဓမ္မံ ပဋိစ္စ နအနုပ္ပန္နော ဓမ္မော ဥပ္ပဇ္ဇတိ ဟေတုပစ္စယာ။ နအနုပ္ပန္နံ ဓမ္မံ ပဋိစ္စ နဥပ္ပါဒီ ဓမ္မော ဥပ္ပဇ္ဇတိ ဟေတုပစ္စယာ။ နအနုပ္ပန္နံ ဓမ္မံ ပဋိစ္စ နအနုပ္ပန္နော စ နဥပ္ပါဒီ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နဥပ္ပါဒိံ ဓမ္မံ ပဋိစ္စ နဥပ္ပါဒီ ဓမ္မော ဥပ္ပဇ္ဇတိ ဟေတုပစ္စယာ။ နဥပ္ပါဒိံ ဓမ္မံ ပဋိစ္စ နအနုပ္ပန္နော ဓမ္မော ဥပ္ပဇ္ဇတိ ဟေတုပစ္စယာ။ နဥပ္ပါဒိံ ဓမ္မံ ပဋိစ္စ နအနုပ္ပန္နော စ နဥပ္ပါဒီ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
နအနုပ္ပန္နဉ္စ နဥပ္ပါဒိဉ္စ ဓမ္မံ ပဋိစ္စ နအနုပ္ပန္နော ဓမ္မော ဥပ္ပဇ္ဇတိ ဟေတုပစ္စယာ။ နအနုပ္ပန္နဉ္စ နဥပ္ပါဒိဉ္စ ဓမ္မံ ပဋိစ္စ နဥပ္ပါဒီ ဓမ္မော ဥပ္ပဇ္ဇတိ ဟေတုပစ္စယာ။ နအနုပ္ပန္နဉ္စ နဥပ္ပါဒိဉ္စ ဓမ္မံ ပဋိစ္စ နအနုပ္ပန္နော စ နဥပ္ပါဒီ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
၁၈. အတီတတ္တိကံ
၁-၇. ပဋိစ္စဝါရာဒိ
၂၇. နအတီတံ ဓမ္မံ ပဋိစ္စ နအတီတော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
နအတီတော ဓမ္မော နအတီတဿ ဓမ္မဿ ဟေတုပစ္စယေန ပစ္စယော။ နအတီတော ဓမ္မော နအနာဂတဿ ဓမ္မဿ ဟေတုပစ္စယေန ပစ္စယော။ နအတီတော ဓမ္မော နအတီတဿ စ နအနာဂတဿ စ ဓမ္မဿ ဟေတုပစ္စယေန ပစ္စယော။ (၃)
နအနာဂတော ဓမ္မော နအနာဂတဿ ဓမ္မဿ ဟေတုပစ္စယေန ပစ္စယော။ နအနာဂတော ဓမ္မော နအတီတဿ ဓမ္မဿ ဟေတုပစ္စယေန ပစ္စယော။ နအနာဂတော ဓမ္မော နအတီတဿ စ နအနာဂတဿ စ ဓမ္မဿ ဟေတုပစ္စယေန ပစ္စယော။ (၃)
နအတီတော စ နအနာဂတော စ ဓမ္မာ နအတီတဿ ဓမ္မဿ ဟေတုပစ္စယေန ပစ္စယော။ နအတီတော စ နအနာဂတော စ ဓမ္မာ နအနာဂတဿ ဓမ္မဿ ဟေတုပစ္စယေန ပစ္စယော။ နအတီတော စ နအနာဂတော စ ဓမ္မာ နအတီတဿ စ နအနာဂတဿ စ ဓမ္မဿ ဟေတုပစ္စယေန ပစ္စယော။ (၃) (သံခိတ္တံ။)
၁၉. အတီတာရမ္မဏတ္တိကံ
၁-၇. ပဋိစ္စဝါရာဒိ
၂၈. နအတီတာရမ္မဏံ ဓမ္မံ ပဋိစ္စ။ပေ.။ နအနာဂတာရမ္မဏံ ဓမ္မံ ပဋိစ္စ။ပေ.။ နပစ္စုပ္ပန္နာရမ္မဏံ ဓမ္မံ ပဋိစ္စ။ (သံခိတ္တံ)။
၂၀. အဇ္ဈတ္တတ္တိကံ
၁-၇. ပဋိစ္စဝါရာဒိ
၂၉. နအဇ္ဈတ္တံ ဓမ္မံ ပဋိစ္စ နအဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ။
နဗဟိဒ္ဓါ ဓမ္မံ ပဋိစ္စ နဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
၂၁. အဇ္ဈတ္တာရမ္မဏတ္တိကံ
၁-၇. ပဋိစ္စဝါရာဒိ
၃၀. နအဇ္ဈတ္တာရမ္မဏံ ဓမ္မံ ပဋိစ္စ နအဇ္ဈတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ နအဇ္ဈတ္တာရမ္မဏံ ဓမ္မံ ပဋိစ္စ နဗဟိဒ္ဓါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၂)
နဗဟိဒ္ဓါရမ္မဏံ ဓမ္မံ ပဋိစ္စ နဗဟိဒ္ဓါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ နဗဟိဒ္ဓါရမ္မဏံ ဓမ္မံ ပဋိစ္စ နအဇ္ဈတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၂) (သံခိတ္တံ။)
၂၂. သနိဒဿနတ္တိကံ
၁-၇. ပဋိစ္စဝါရာဒိ
၃၁. နသနိဒဿနသပ္ပဋိဃံ ဓမ္မံ ပဋိစ္စ နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ နသနိဒဿနသပ္ပဋိဃော စ နအနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ နအနိဒဿနသပ္ပဋိဃော စ နအနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ နသနိဒဿနသပ္ပဋိဃံ ဓမ္မံ ပဋိစ္စ နသနိဒဿနသပ္ပဋိဃော စ နအနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၆)
၃၂. နအနိဒဿနသပ္ပဋိဃံ ဓမ္မံ ပဋိစ္စ နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နအနိဒဿနသပ္ပဋိဃံ ဓမ္မံ ပဋိစ္စ နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နအနိဒဿနသပ္ပဋိဃံ ဓမ္မံ ပဋိစ္စ နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နအနိဒဿနသပ္ပဋိဃံ ဓမ္မံ ပဋိစ္စ နသနိဒဿနသပ္ပဋိဃော စ နအနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ နအနိဒဿနသပ္ပဋိဃံ ဓမ္မံ ပဋိစ္စ နအနိဒဿနသပ္ပဋိဃော စ နအနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ နအနိဒဿနသပ္ပဋိဃံ ဓမ္မံ ပဋိစ္စ နသနိဒဿနသပ္ပဋိဃော စ နအနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၆)
၃၃. နအနိဒဿနအပ္ပဋိဃံ ဓမ္မံ ပဋိစ္စ နအနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နအနိဒဿနအပ္ပဋိဃံ ဓမ္မံ ပဋိစ္စ နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ နအနိဒဿနအပ္ပဋိဃံ ဓမ္မံ ပဋိစ္စ နအနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။။ ဆ။
နသနိဒဿနသပ္ပဋိဃဉ္စ နအနိဒဿနအပ္ပဋိဃဉ္စ ဓမ္မံ ပဋိစ္စ နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။။ ဆ။
နသနိဒဿနသပ္ပဋိဃဉ္စ နအနိဒဿနသပ္ပဋိဃဉ္စ ဓမ္မံ ပဋိစ္စ နသနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။။ ဆ။ (သံခိတ္တံ။)
၃၄. ဟေတုယာ တိံသ။ပေ.။ အဝိဂတေ တိံသ။
(ယထာ ကုသလတ္တိကေ သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ ပဉှာဝါရမ္ပိ ဂဏိတံ ဧဝံ ဂဏေတဗ္ဗံ။)
ဓမ္မပစ္စနီယေ တိကပဋ္ဌာနံ နိဋ္ဌိတံ။