။ နမော တဿ ဘဂဝတော အရဟတော သမ္မာသမ္ဗုဒ္ဓဿ။
အဘိဓမ္မပိဋက
ပဋ္ဌာနပါဠိ
(ပဉ္စမော ဘာဂေါ)
ဓမ္မာနုလောမ တိကတိကပဋ္ဌာန
၁-၁. ကုသလတ္တိက-ဝေဒနာတ္တိက
၁. သုခါယဝေဒနာယသမ္ပယုတ္တပဒ
၁-၇. ပဋိစ္စဒိဝါရ
ပစ္စယစတုက္က
ဟေတုပစ္စယော
၁. ကုသလံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ ကုသလော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ အကုသလော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ သုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဗျာကတော သုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၂. ဟေတုယာ တီဏိ၊ အာရမ္မဏေ တီဏိ။ပေ.။ အဝိဂတေ တီဏိ။ (သံခိတ္တံ။ပေ.။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၃. ကုသလော သုခါယ ဝေဒနာယ သမ္ပယုတ္တော ဓမ္မော ကုသလဿ သုခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ (၁)
အကုသလော သုခါယ ဝေဒနာယ သမ္ပယုတ္တော ဓမ္မော အကုသလဿ သုခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော သုခါယ ဝေဒနာယ သမ္ပယုတ္တော ဓမ္မော အဗျာကတဿ သုခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ (၁)
ကုသလော သုခါယ ဝေဒနာယ သမ္ပယုတ္တော ဓမ္မော ကုသလဿ သုခါယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။)
၄. ဟေတုယာ တီဏိ၊ အာရမ္မဏေ နဝ။ (သံခိတ္တံ။)
(ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
၂. ဒုက္ခါယဝေဒနာယသမ္ပယုတ္တပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတု-အာရမ္မဏပစ္စယာ
၅. အကုသလံ ဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ အကုသလော ဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ ဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ အကုသလော ဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အဗျာကတံ ဒုက္ခါယ ဝေဒနာယ သမ္ပယုတ္တံ ဓမ္မံ ပဋိစ္စ အဗျာကတော ဒုက္ခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ။ (၁) (သံခိတ္တံ။)
၆. ဟေတုယာ ဧကံ၊ အာရမ္မဏေ ဒွေ။ပေ.။ အဝိဂတေ ဒွေ။ (သံခိတ္တံ။) (သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၇. အကုသလော ဒုက္ခါယ ဝေဒနာယ သမ္ပယုတ္တော ဓမ္မော အကုသလဿ ဒုက္ခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ (၁)
အကုသလော ဒုက္ခါယ ဝေဒနာယ သမ္ပယုတ္တော ဓမ္မော အကုသလဿ ဒုက္ခါယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ (၁)
အဗျာကတော ဒုက္ခါယ ဝေဒနာယ သမ္ပယုတ္တော ဓမ္မော အကုသလဿ ဒုက္ခါယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ (၁) (သံခိတ္တံ။)
၈. ဟေတုယာ ဧကံ၊ အာရမ္မဏေ ဒွေ။ (သံခိတ္တံ။ ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
၃. အဒုက္ခမသုခဝေဒနာယသမ္ပယုတ္တပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၉. ကုသလံ အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ ကုသလော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အကုသလော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အဒုက္ခမသုခါယ ဝေဒနာယ သမ္ပယုတ္တံ ဓမ္မံ ပဋိစ္စ အဗျာကတော အဒုက္ခမသုခါယ ဝေဒနာယ သမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
၁၀. ဟေတုယာ တီဏိ၊ အာရမ္မဏေ တီဏိ။ပေ.။ အဝိဂတေ တီဏိ။ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၁၁. ကုသလော အဒုက္ခမသုခါယ ဝေဒနာယ သမ္ပယုတ္တော ဓမ္မော ကုသလဿ အဒုက္ခမသုခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ (၁)
အကုသလော အဒုက္ခမသုခါယ ဝေဒနာယ သမ္ပယုတ္တော ဓမ္မော အကုသလဿ အဒုက္ခမသုခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အဒုက္ခမသုခါယ ဝေဒနာယ သမ္ပယုတ္တော ဓမ္မော အဗျာကတဿ အဒုက္ခမသုခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၁၂. ဟေတုယာ တီဏိ၊ အာရမ္မဏေ နဝ၊ အဓိပတိယာ သတ္တ၊ အနန္တရေ သတ္တ။ပေ.။ ဥပနိဿယေ နဝ၊ အဝိဂတေ တီဏိ။ (သံခိတ္တံ။ ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
၁-၂. ကုသလတ္တိက-ဝိပါကတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၁၃. အဗျာကတံ ဝိပါကံ ဓမ္မံ ပဋိစ္စ အဗျာကတော ဝိပါကော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ။ (သံခိတ္တံ။)
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၁၄. ကုသလံ ဝိပါကဓမ္မဓမ္မံ ပဋိစ္စ ကုသလော ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ ဝိပါကဓမ္မဓမ္မံ ပဋိစ္စ အကုသလော ဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ၊ အာရမ္မဏေ ဒွေ။ပေ.။ အဝိဂတေ ဒွေ။ (သံခိတ္တံ။)
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၁၅. ကုသလော ဝိပါကဓမ္မဓမ္မော ကုသလဿ ဝိပါကဓမ္မဓမ္မဿ ဟေတုပစ္စယေန ပစ္စယော။ (၁)
အကုသလော ဝိပါကဓမ္မဓမ္မော အကုသလဿ ဝိပါကဓမ္မဓမ္မဿ ဟေတုပစ္စယေန ပစ္စယော။ (၁)
ကုသလော ဝိပါကဓမ္မဓမ္မော ကုသလဿ ဝိပါကဓမ္မဓမ္မဿ အာရမ္မဏပစ္စယေန ပစ္စယော။ ကုသလော ဝိပါကဓမ္မဓမ္မော အကုသလဿ ဝိပါကဓမ္မဓမ္မဿ အာရမ္မဏပစ္စယေန ပစ္စယော။ (၂)
အကုသလော ဝိပါကဓမ္မဓမ္မော အကုသလဿ ဝိပါကဓမ္မဓမ္မဿ အာရမ္မဏပစ္စယေန ပစ္စယော။ အကုသလော ဝိပါကဓမ္မဓမ္မော ကုသလဿ ဝိပါကဓမ္မဓမ္မဿ အာရမ္မဏပစ္စယေန ပစ္စယော။ (၂) (သံခိတ္တံ။)
၁၆. ဟေတုယာ ဒွေ၊ အာရမ္မဏေ စတ္တာရိ၊ အဓိပတိယာ တီဏိ၊ အနန္တရေ ဒွေ။ပေ.။ သဟဇာတေ ဒွေ၊ ဥပနိဿယေ စတ္တာရိ။ပေ.။ အဝိဂတေ ဒွေ။ (သံခိတ္တံ။ ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
၁၇. အဗျာကတံ နေဝဝိပါကနဝိပါကဓမ္မဓမ္မံ ပဋိစ္စ အဗျာကတော နေဝဝိပါကနဝိပါကဓမ္မဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ။ (သံခိတ္တံ။)
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၁-၃. ကုသလတ္တိက-ဥပါဒိန္နတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၁၈. အဗျာကတံ ဥပါဒိန္နုပါဒါနိယံ ဓမ္မံ ပဋိစ္စ အဗျာကတော ဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။)
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၁၉. ကုသလံ အနုပါဒိန္နုပါဒါနိယံ ဓမ္မံ ပဋိစ္စ ကုသလော အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အကုသလံ အနုပါဒိန္နုပါဒါနိယံ ဓမ္မံ ပဋိစ္စ အကုသလော အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ အနုပါဒိန္နုပါဒါနိယံ ဓမ္မံ ပဋိစ္စ အဗျာကတော အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အနုပါဒိန္နုပါဒါနိယဉ္စ အဗျာကတံ အနုပါဒိန္နုပါဒါနိယဉ္စ ဓမ္မံ ပဋိစ္စ အဗျာကတော အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အနုပါဒိန္နုပါဒါနိယဉ္စ အဗျာကတံ အနုပါဒိန္နုပါဒါနိယဉ္စ ဓမ္မံ ပဋိစ္စ အဗျာကတော အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၂၀. ဟေတုယာ နဝ၊ အဝိဂတေ နဝ။ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၂၁. ကုသလော အနုပါဒိန္နုပါဒါနိယော ဓမ္မော ကုသလဿ အနုပါဒိန္နုပါဒါနိယဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော အနုပါဒိန္နုပါဒါနိယော ဓမ္မော အကုသလဿ အနုပါဒိန္နုပါဒါနိယဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော အနုပါဒိန္နုပါဒါနိယော ဓမ္မော အဗျာကတဿ အနုပါဒိန္နုပါဒါနိယဿ ဓမ္မဿ ဟေတုပစ္စယေန ပစ္စယော။ (၁)
၂၂. ကုသလော အနုပါဒိန္နုပါဒါနိယော ဓမ္မော ကုသလဿ အနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ တီဏိ။
အကုသလော အနုပါဒိန္နုပါဒါနိယော ဓမ္မော အကုသလဿ အနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ တီဏိ။
အဗျာကတော အနုပါဒိန္နုပါဒါနိယော ဓမ္မော အဗျာကတဿ အနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ တီဏိ။ (သံခိတ္တံ။)
၂၃. ဟေတုယာ သတ္တ၊ အာရမ္မဏေ နဝ၊ အဝိဂတေ ဧကာဒသ။ (သံခိတ္တံ။)
(ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
၂၄. ကုသလံ အနုပါဒိန္နအနုပါဒါနိယံ ဓမ္မံ ပဋိစ္စ ကုသလော အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အနုပါဒိန္နအနုပါဒါနိယံ ဓမ္မံ ပဋိစ္စ အဗျာကတော အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ၊ အဝိဂတေ ဒွေ။ (သံခိတ္တံ၊ သဟဇာတဝါရမ္ပိ။ပေ.။ ပဉှာဝါရမ္ပိ သဗ္ဗတ္ထ ဝိတ္ထာရော။)
၁-၄. ကုသလတ္တိက-သံကိလိဋ္ဌတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၂၅. အကုသလံ သံကိလိဋ္ဌသံကိလေသိကံ ဓမ္မံ ပဋိစ္စ အကုသလော သံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။)
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၂၆. ကုသလံ အသံကိလိဋ္ဌသံကိလေသိကံ ဓမ္မံ ပဋိစ္စ ကုသလော အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ အသံကိလိဋ္ဌသံကိလေသိကံ ဓမ္မံ ပဋိစ္စ အဗျာကတော အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အသံကိလိဋ္ဌသံကိလေသိကဉ္စ အဗျာကတံ အသံကိလိဋ္ဌသံကိလေသိကဉ္စ ဓမ္မံ ပဋိစ္စ အဗျာကတော အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ (၁)
၂၇. ဟေတုယာ ပဉ္စ၊ အဝိဂတေ ပဉ္စ။ (သံခိတ္တံ။ သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၂၈. ကုသလံ အသံကိလိဋ္ဌအသံကိလေသိကံ ဓမ္မံ ပဋိစ္စ ကုသလော အသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အသံကိလိဋ္ဌအသံကိလေသိကံ ဓမ္မံ ပဋိစ္စ အဗျာကတော အသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ။ပေ.။ အဝိဂတေ ဒွေ။ (သံခိတ္တံ။ သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရေတဗ္ဗံ။)
၁-၅. ကုသလတ္တိက-ဝိတက္ကတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၉. ကုသလံ သဝိတက္ကသဝိစာရံ ဓမ္မံ ပဋိစ္စ ကုသလော သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ သဝိတက္ကသဝိစာရံ ဓမ္မံ ပဋိစ္စ အကုသလော သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ သဝိတက္ကသဝိစာရံ ဓမ္မံ ပဋိစ္စ အဗျာကတော သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ တီဏိ၊ အာရမ္မဏေ တီဏိ၊ အဝိဂတေ တီဏိ။ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၃၀. ကုသလော သဝိတက္ကသဝိစာရော ဓမ္မော ကုသလဿ သဝိတက္ကသဝိစာရဿ ဓမ္မဿ ဟေတုပစ္စယေန ပစ္စယော။ (၁)
အကုသလော သဝိတက္ကသဝိစာရော ဓမ္မော အကုသလဿ သဝိတက္ကသဝိစာရဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော သဝိတက္ကသဝိစာရော ဓမ္မော အဗျာကတဿ သဝိတက္ကသဝိစာရဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၃၁. ဟေတုယာ တီဏိ၊ အာရမ္မဏေ နဝ၊ အဝိဂတေ တီဏိ။ (သံခိတ္တံ။) (ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ)။
၃၂. ကုသလံ အဝိတက္ကဝိစာရမတ္တံ ဓမ္မံ ပဋိစ္စ ကုသလော အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အဝိတက္ကဝိစာရမတ္တံ ဓမ္မံ ပဋိစ္စ အဗျာကတော အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ၊ အဝိဂတေ ဒွေ။ (သံခိတ္တံ။)
(သဟဇာတဝါရေပိ။ပေ.။ သမ္ပယုတ္တဝါရေပိ ပဉှာဝါရေပိ သဗ္ဗတ္ထ ဝိတ္ထာရော။)
၃၃. ကုသလံ အဝိတက္ကအဝိစာရံ ဓမ္မံ ပဋိစ္စ ကုသလော အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ အဝိတက္ကအဝိစာရံ ဓမ္မံ ပဋိစ္စ အဗျာကတော အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အဝိတက္ကအဝိစာရဉ္စ အဗျာကတံ အဝိတက္ကအဝိစာရဉ္စ ဓမ္မံ ပဋိစ္စ အဗျာကတော အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ပဉ္စ၊ အာရမ္မဏေ ဒွေ၊ အဝိဂတေ ပဉ္စ။ (သံခိတ္တံ။ သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၁-၆. ကုသလတ္တိက-ဣတိတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၃၄. ကုသလံ ဣတိသဟဂတံ ဓမ္မံ ပဋိစ္စ ကုသလော ဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ ဣတိသဟဂတံ ဓမ္မံ ပဋိစ္စ အကုသလော ဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ ဣတိသဟဂတံ ဓမ္မံ ပဋိစ္စ အဗျာကတော ဣတိသဟဂတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ တီဏိ၊ အာရမ္မဏေ တီဏိ၊ အဝိဂတေ တီဏိ။ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၃၅. ကုသလော ဣတိသဟဂတော ဓမ္မော ကုသလဿ ဣတိသဟဂတဿ ဓမ္မဿ ဟေတုပစ္စယေန ပစ္စယော။ (၁)
အကုသလော ဣတိသဟဂတော ဓမ္မော အကုသလဿ ဣတိသဟဂတဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော ဣတိသဟဂတော ဓမ္မော အဗျာကတဿ ဣတိသဟဂတဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
ဟေတုယာ တီဏိ၊ အာရမ္မဏေ နဝ၊ အဓိပတိယာ သတ္တ၊ အနန္တရေ ပဉ္စ အဝိဂတေ တီဏိ။ (သံခိတ္တံ။)
(ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
၃၆. ကုသလံ သုခသဟဂတံ ဓမ္မံ ပဋိစ္စ ကုသလော သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ သုခသဟဂတံ ဓမ္မံ ပဋိစ္စ အကုသလော သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ သုခသဟဂတံ ဓမ္မံ ပဋိစ္စ အဗျာကတော သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ တီဏိ၊ အာရမ္မဏေ တီဏိ၊ အဝိဂတေ တီဏိ။ (သံခိတ္တံ။ သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၃၇. ကုသလံ ဥပေက္ခါသဟဂတံ ဓမ္မံ ပဋိစ္စ ကုသလော ဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ ဥပေက္ခါသဟဂတံ ဓမ္မံ ပဋိစ္စ အကုသလော ဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ ဥပေက္ခါသဟဂတံ ဓမ္မံ ပဋိစ္စ အဗျာကတော ဥပေက္ခါသဟဂတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ တီဏိ၊ အဝိဂတေ တီဏိ။ (သံခိတ္တံ။)
(သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၁-၇. ကုသလတ္တိက-ဒဿနတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၃၈. အကုသလံ ဒဿနေန ပဟာတဗ္ဗံ ဓမ္မံ ပဋိစ္စ အကုသလော ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။)
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၃၉. အကုသလံ ဘာဝနာယ ပဟာတဗ္ဗံ ဓမ္မံ ပဋိစ္စ အကုသလော ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။)
၄၀. ကုသလံ နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ ကုသလော နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ အဗျာကတော နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ နေဝဒဿနေန နဘာဝနာယ ပဟာတဗ္ဗဉ္စ အဗျာကတံ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ အဗျာကတော နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ပဉ္စ၊ အဝိဂတေ ပဉ္စ။ (သံခိတ္တံ။ သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁-၈. ကုသလတ္တိက-ဒဿနဟေတုကတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၄၁. အကုသလံ ဒဿနေန ပဟာတဗ္ဗဟေတုကံ ဓမ္မံ ပဋိစ္စ အကုသလော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။)
၄၂. အကုသလံ ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ အကုသလော ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။)
၄၃. ကုသလံ နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ကုသလော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ သတ္တ၊ အာရမ္မဏေ ဒွေ၊ အဝိဂတေ သတ္တ။ (သံခိတ္တံ။ သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁-၉. ကုသလတ္တိက-အာစယဂါမိတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၄၄. ကုသလံ အာစယဂါမိံ ဓမ္မံ ပဋိစ္စ ကုသလော အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အာစယဂါမိံ ဓမ္မံ ပဋိစ္စ အကုသလော အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ။ပေ.။ အဝိဂတေ ဒွေ။ (သံခိတ္တံ။)
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၄၅. ကုသလံ အပစယဂါမိံ ဓမ္မံ ပဋိစ္စ ကုသလော အပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။ ပဋိစ္စဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၄၆. အဗျာကတံ နေဝါစယဂါမိနာပစယဂါမိံ ဓမ္မံ ပဋိစ္စ အဗျာကတော နေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။ သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၁-၁၀. ကုသလတ္တိက-သေက္ခတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၄၇. ကုသလံ သေက္ခံ ဓမ္မံ ပဋိစ္စ ကုသလော သေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ သေက္ခံ ဓမ္မံ ပဋိစ္စ အဗျာကတော သေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ၊ အဝိဂတေ ဒွေ။ (သံခိတ္တံ။ သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၄၈. အဗျာကတံ အသေက္ခံ ဓမ္မံ ပဋိစ္စ အဗျာကတော အသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။)
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၄၉. ကုသလံ နေဝသေက္ခနာသေက္ခံ ဓမ္မံ ပဋိစ္စ ကုသလော နေဝသေက္ခနာသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အကုသလံ နေဝသေက္ခနာသေက္ခံ ဓမ္မံ ပဋိစ္စ အကုသလော နေဝသေက္ခနာသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ နေဝသေက္ခနာသေက္ခံ ဓမ္မံ ပဋိစ္စ အဗျာကတော နေဝသေက္ခနာသေက္ခေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (၁)
ဟေတုယာ နဝ၊ အဝိဂတေ နဝ။ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၅၀. ကုသလော နေဝသေက္ခနာသေက္ခေါ ဓမ္မော ကုသလဿ နေဝသေက္ခနာသေက္ခဿ ဓမ္မဿ ဟေတုပစ္စယေန ပစ္စယော။ (သံခိတ္တံ။)
ဟေတုယာ သတ္တ၊ အာရမ္မဏေ နဝ၊ အဝိဂတေ တေရသ။ (သံခိတ္တံ။ ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
၁-၁၁. ကုသလတ္တိက-ပရိတ္တတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၅၁. ကုသလံ ပရိတ္တံ ဓမ္မံ ပဋိစ္စ ကုသလော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ ပရိတ္တံ ဓမ္မံ ပဋိစ္စ အဗျာကတော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ ပရိတ္တံ ဓမ္မံ ပဋိစ္စ ကုသလော ပရိတ္တော စ အဗျာကတော ပရိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အကုသလံ ပရိတ္တံ ဓမ္မံ ပဋိစ္စ အကုသလော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ ပရိတ္တံ ဓမ္မံ ပဋိစ္စ အဗျာကတော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ ပရိတ္တဉ္စ အဗျာကတံ ပရိတ္တဉ္စ ဓမ္မံ ပဋိစ္စ အဗျာကတော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ ပရိတ္တဉ္စ အဗျာကတံ ပရိတ္တဉ္စ ဓမ္မံ ပဋိစ္စ အဗျာကတော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ နဝ၊ အာရမ္မဏေ တီဏိ၊ အဝိဂတေ နဝ။ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၅၂. ကုသလော ပရိတ္တော ဓမ္မော ကုသလဿ ပရိတ္တဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော ပရိတ္တော ဓမ္မော အကုသလဿ ပရိတ္တဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော ပရိတ္တော ဓမ္မော အဗျာကတဿ ပရိတ္တဿ ဓမ္မဿ ဟေတုပစ္စယေန ပစ္စယော။ (၁)
ကုသလော ပရိတ္တော ဓမ္မော ကုသလဿ ပရိတ္တဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။)
ဟေတုယာ သတ္တ၊ အာရမ္မဏေ နဝ၊ အဝိဂတေ တေရသ။ (သံခိတ္တံ။ ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
မဟဂ္ဂတာဒိပဒါနိ
ဟေတုပစ္စယော
၅၃. ကုသလံ မဟဂ္ဂတံ ဓမ္မံ ပဋိစ္စ ကုသလော မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ မဟဂ္ဂတံ ဓမ္မံ ပဋိစ္စ အဗျာကတော မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ၊ အာရမ္မဏေ ဒွေ၊ အဝိဂတေ ဒွေ။ (သံခိတ္တံ။ သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော)။
၅၄. ကုသလံ အပ္ပမာဏံ ဓမ္မံ ပဋိစ္စ ကုသလော အပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အပ္ပမာဏံ ဓမ္မံ ပဋိစ္စ အဗျာကတော အပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ၊ အဝိဂတေ ဒွေ။ (သံခိတ္တံ။ သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁-၁၂. ကုသလတ္တိက-ပရိတ္တာရမ္မဏတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၅၅. ကုသလံ ပရိတ္တာရမ္မဏံ ဓမ္မံ ပဋိစ္စ ကုသလော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ ပရိတ္တာရမ္မဏံ ဓမ္မံ ပဋိစ္စ အကုသလော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ ပရိတ္တာရမ္မဏံ ဓမ္မံ ပဋိစ္စ အဗျာကတော ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ တီဏိ၊ အဝိဂတေ တီဏိ။ (သံခိတ္တံ။)
(သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၅၆. ကုသလံ မဟဂ္ဂတာရမ္မဏံ ဓမ္မံ ပဋိစ္စ ကုသလော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ မဟဂ္ဂတာရမ္မဏံ ဓမ္မံ ပဋိစ္စ အကုသလော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ မဟဂ္ဂတာရမ္မဏံ ဓမ္မံ ပဋိစ္စ အဗျာကတော မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ (၁) (သံခိတ္တံ)။
ဟေတုယာ တီဏိ၊ အဝိဂတေ တီဏိ။ (သံခိတ္တံ။)
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၅၇. ကုသလံ အပ္ပမာဏာရမ္မဏံ ဓမ္မံ ပဋိစ္စ ကုသလော အပ္ပမာဏာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အပ္ပမာဏာရမ္မဏံ ဓမ္မံ ပဋိစ္စ အဗျာကတော အပ္ပမာဏာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ၊ အဝိဂတေ ဒွေ။ (သံခိတ္တံ။)
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁-၁၃. ကုသလတ္တိက-ဟီနတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၅၈. အကုသလံ ဟီနံ ဓမ္မံ ပဋိစ္စ အကုသလော ဟီနော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။ သဗ္ဗတ္ထ ဝိတ္ထာရော။)
၅၉. ကုသလံ မဇ္ဈိမံ ဓမ္မံ ပဋိစ္စ ကုသလော မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ မဇ္ဈိမံ ဓမ္မံ ပဋိစ္စ အဗျာကတော မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ မဇ္ဈိမံ ဓမ္မံ ပဋိစ္စ ကုသလော မဇ္ဈိမော စ အဗျာကတော မဇ္ဈိမော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အဗျာကတံ မဇ္ဈိမံ ဓမ္မံ ပဋိစ္စ အဗျာကတော မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ မဇ္ဈိမဉ္စ အဗျာကတံ မဇ္ဈိမဉ္စ ဓမ္မံ ပဋိစ္စ အဗျာကတော မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ မဇ္ဈိမံ ဓမ္မံ ပဋိစ္စ ကုသလော မဇ္ဈိမော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အဗျာကတံ မဇ္ဈိမံ ဓမ္မံ ပဋိစ္စ အဗျာကတော မဇ္ဈိမော ဓမ္မော ဥပ္ပဇ္ဇတိ အာရမ္မဏပစ္စယာ။ (၁) (သံခိတ္တံ။)
ဟေတုယာ ပဉ္စ၊ အာရမ္မဏေ ဒွေ၊ အဝိဂတေ ပဉ္စ။ (သံခိတ္တံ။ သဟဇာတဝါရမ္ပိ ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၆၀. ကုသလော မဇ္ဈိမော ဓမ္မော ကုသလဿ မဇ္ဈိမဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော မဇ္ဈိမော ဓမ္မော အဗျာကတဿ မဇ္ဈိမဿ ဓမ္မဿ ဟေတုပစ္စယေန ပစ္စယော။ (၁)
ကုသလော မဇ္ဈိမော ဓမ္မော ကုသလဿ မဇ္ဈိမဿ ဓမ္မဿ အာရမ္မဏပစ္စယေန ပစ္စယော။ ကုသလော မဇ္ဈိမော ဓမ္မော အဗျာကတဿ မဇ္ဈိမဿ ဓမ္မဿ အာရမ္မဏပစ္စယေန ပစ္စယော။ (၂)
အဗျာကတော မဇ္ဈိမော ဓမ္မော အဗျာကတဿ မဇ္ဈိမဿ ဓမ္မဿ အာရမ္မဏပစ္စယေန ပစ္စယော။ အဗျာကတော မဇ္ဈိမော ဓမ္မော ကုသလဿ မဇ္ဈိမဿ ဓမ္မဿ အာရမ္မဏပစ္စယေန ပစ္စယော။ (၂) (သံခိတ္တံ)။
၆၁. ဟေတုယာ စတ္တာရိ၊ အာရမ္မဏေ စတ္တာရိ၊ အဝိဂတေ သတ္တ။
(သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
ပဏီတပဒံ
ဟေတုပစ္စယော
၆၂. ကုသလံ ပဏီတံ ဓမ္မံ ပဋိစ္စ ကုသလော ပဏီတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ ပဏီတံ ဓမ္မံ ပဋိစ္စ အဗျာကတော ပဏီတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ၊ အဝိဂတေ ဒွေ။ (သံခိတ္တံ။ သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁-၁၄. ကုသလတ္တိက-မိစ္ဆတ္တနိယတတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၆၃. အကုသလံ မိစ္ဆတ္တနိယတံ ဓမ္မံ ပဋိစ္စ အကုသလော မိစ္ဆတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။ သဗ္ဗတ္ထ ဝိတ္ထာရော။)
၆၄. ကုသလံ သမ္မတ္တနိယတံ ဓမ္မံ ပဋိစ္စ ကုသလော သမ္မတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။ သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၆၅. ကုသလံ အနိယတံ ဓမ္မံ ပဋိစ္စ ကုသလော အနိယတော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ အနိယတံ ဓမ္မံ ပဋိစ္စ အဗျာကတော အနိယတော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ အနိယတံ ဓမ္မံ ပဋိစ္စ ကုသလော အနိယတော စ အဗျာကတော အနိယတော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အကုသလံ အနိယတံ ဓမ္မံ ပဋိစ္စ အကုသလော အနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ အနိယတံ ဓမ္မံ ပဋိစ္စ အဗျာကတော အနိယတော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အနိယတဉ္စ အဗျာကတံ အနိယတဉ္စ ဓမ္မံ ပဋိစ္စ အဗျာကတော အနိယတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အနိယတဉ္စ အဗျာကတံ အနိယတဉ္စ ဓမ္မံ ပဋိစ္စ အဗျာကတော အနိယတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ နဝ၊ အာရမ္မဏေ တီဏိ၊ အဝိဂတေ နဝ။ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၆၆. ကုသလော အနိယတော ဓမ္မော ကုသလဿ အနိယတဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော အနိယတော ဓမ္မော အကုသလဿ အနိယတဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော အနိယတော ဓမ္မော အဗျာကတဿ အနိယတဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
ဟေတုယာ သတ္တ၊ အာရမ္မဏေ နဝ၊ အဝိဂတေ တေရသ။ (သံခိတ္တံ။ ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
၁-၁၅. ကုသလတ္တိက-မဂ္ဂါရမ္မဏတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၆၇. ကုသလံ မဂ္ဂါရမ္မဏံ ဓမ္မံ ပဋိစ္စ ကုသလော မဂ္ဂါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ မဂ္ဂါရမ္မဏံ ဓမ္မံ ပဋိစ္စ အဗျာကတော မဂ္ဂါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ။ပေ.။ အဝိဂတေ ဒွေ။ (သံခိတ္တံ။ သဗ္ဗတ္ထ ဝိတ္ထာရော။)
၆၈. ကုသလံ မဂ္ဂဟေတုကံ ဓမ္မံ ပဋိစ္စ ကုသလော မဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သဗ္ဗတ္ထ ဧကံ။ သံခိတ္တံ။)
၆၉. ကုသလံ မဂ္ဂါဓိပတိံ ဓမ္မံ ပဋိစ္စ ကုသလော မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ မဂ္ဂါဓိပတိံ ဓမ္မံ ပဋိစ္စ အဗျာကတော မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ)။
ဟေတုယာ ဒွေ။ပေ.။ အဝိဂတေ ဒွေ။ (သံခိတ္တံ။ သဗ္ဗတ္ထ ဝိတ္ထာရော)။
၁-၁၆. ကုသလတ္တိက-ဥပ္ပန္နတ္တိကံ
၇. ပဉှာဝါရော
ပစ္စယစတုက္ကံ
၇၀. ကုသလော ဥပ္ပန္နော ဓမ္မော ကုသလဿ ဥပ္ပန္နဿ ဓမ္မဿ ဟေတုပစ္စယေန ပစ္စယော။ (သံခိတ္တံ။)
ဟေတုယာ သတ္တ။ (သံခိတ္တံ။)
၁-၁၇. ကုသလတ္တိက-အတီတတ္တိကံ
၇. ပဉှာဝါရော
ပစ္စယစတုက္ကံ
၇၁. ကုသလော ပစ္စုပ္ပန္နော ဓမ္မော ကုသလဿ ပစ္စုပ္ပန္နဿ ဓမ္မဿ ဟေတုပစ္စယေန ပစ္စယော။ (သံခိတ္တံ။)
ဟေတုယာ သတ္တ။ (သံခိတ္တံ။)
၁-၁၈. ကုသလတ္တိက-အတီတာရမ္မဏတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၇၂. ကုသလံ အတီတာရမ္မဏံ ဓမ္မံ ပဋိစ္စ ကုသလော အတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အတီတာရမ္မဏံ ဓမ္မံ ပဋိစ္စ အကုသလော အတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အတီတာရမ္မဏံ ဓမ္မံ ပဋိစ္စ အဗျာကတော အတီတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ တီဏိ၊ အဝိဂတေ တီဏိ။ (သံခိတ္တံ။)
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၇၃. ကုသလော အတီတာရမ္မဏော ဓမ္မော ကုသလဿ အတီတာရမ္မဏဿ ဓမ္မဿ ဟေတုပစ္စယေန ပစ္စယော။ (၁)
အကုသလော အတီတာရမ္မဏော ဓမ္မော အကုသလဿ အတီတာရမ္မဏဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အတီတာရမ္မဏော ဓမ္မော အဗျာကတဿ အတီတာရမ္မဏဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
ဟေတုယာ တီဏိ၊ အာရမ္မဏေ နဝ၊ အဝိဂတေ တီဏိ။ (သံခိတ္တံ။ ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
အနာဂတာရမ္မဏပဒံ
ဟေတုပစ္စယော
၇၄. ကုသလံ အနာဂတာရမ္မဏံ ဓမ္မံ ပဋိစ္စ ကုသလော အနာဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ တီဏိ၊ အာရမ္မဏေ တီဏိ၊ အဝိဂတေ တီဏိ။ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၇၅. ကုသလော အနာဂတာရမ္မဏော ဓမ္မော ကုသလဿ အနာဂတာရမ္မဏဿ ဓမ္မဿ ဟေတုပစ္စယေန ပစ္စယော။ (သံခိတ္တံ။)
ဟေတုယာ တီဏိ၊ အာရမ္မဏေ နဝ၊ အဝိဂတေ တီဏိ။ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
ပစ္စုပ္ပန္နာရမ္မဏပဒံ
ဟေတုပစ္စယော
၇၆. ကုသလံ ပစ္စုပ္ပန္နာရမ္မဏံ ဓမ္မံ ပဋိစ္စ ကုသလော ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ တီဏိ၊ အာရမ္မဏေ တီဏိ၊ အဝိဂတေ တီဏိ။ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၇၇. ကုသလော ပစ္စုပ္ပန္နာရမ္မဏော ဓမ္မော ကုသလဿ ပစ္စုပ္ပန္နာရမ္မဏဿ ဓမ္မဿ ဟေတုပစ္စယေန ပစ္စယော။ (၁)
အကုသလော ပစ္စုပ္ပန္နာရမ္မဏော ဓမ္မော အကုသလဿ ပစ္စုပ္ပန္နာရမ္မဏဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော ပစ္စုပ္ပန္နာရမ္မဏော ဓမ္မော အဗျာကတဿ ပစ္စုပ္ပန္နာရမ္မဏဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
ဟေတုယာ တီဏိ၊ အာရမ္မဏေ ဆ၊ အဝိဂတေ တီဏိ။ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁-၁၉. ကုသလတ္တိက-အဇ္ဈတ္တတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၇၈. ကုသလံ အဇ္ဈတ္တံ ဓမ္မံ ပဋိစ္စ ကုသလော အဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အကုသလံ အဇ္ဈတ္တံ ဓမ္မံ ပဋိစ္စ အကုသလော အဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ အဇ္ဈတ္တံ ဓမ္မံ ပဋိစ္စ အဗျာကတော အဇ္ဈတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဟေတုယာ နဝ၊ အဝိဂတေ နဝ။ (သံခိတ္တံ။)
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ၊ ဧဝံ ဝိတ္ထာရေတဗ္ဗံ။)
၇၉. ကုသလော အဇ္ဈတ္တော ဓမ္မော ကုသလဿ အဇ္ဈတ္တဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော အဇ္ဈတ္တော ဓမ္မော အကုသလဿ အဇ္ဈတ္တဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော အဇ္ဈတ္တော ဓမ္မော အဗျာကတဿ အဇ္ဈတ္တဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ)။
ဟေတုယာ သတ္တ၊ အာရမ္မဏေ နဝ၊ အဝိဂတေ တေရသ။ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
ဗဟိဒ္ဓါပဒံ
ဟေတုပစ္စယော
၈၀. ကုသလံ ဗဟိဒ္ဓါ ဓမ္မံ ပဋိစ္စ ကုသလော ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အကုသလံ ဗဟိဒ္ဓါ ဓမ္မံ ပဋိစ္စ အကုသလော ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ ဗဟိဒ္ဓါ ဓမ္မံ ပဋိစ္စ အဗျာကတော ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ ဗဟိဒ္ဓါ စ အဗျာကတံ ဗဟိဒ္ဓါ စ ဓမ္မံ ပဋိစ္စ အဗျာကတော ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ ဗဟိဒ္ဓါ စ အဗျာကတံ ဗဟိဒ္ဓါ စ ဓမ္မံ ပဋိစ္စ အဗျာကတော ဗဟိဒ္ဓါ ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ နဝ။ပေ.။ ဝိပါကေ ဧကံ။ပေ.။ အဝိဂတေ နဝ။ (သံခိတ္တံ။)
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၈၁. ကုသလော ဗဟိဒ္ဓါ ဓမ္မော ကုသလဿ ဗဟိဒ္ဓါ ဓမ္မဿ ဟေတုပစ္စယေန ပစ္စယော။ တီဏိ။
အကုသလော ဗဟိဒ္ဓါ ဓမ္မော အကုသလဿ ဗဟိဒ္ဓါ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော ဗဟိဒ္ဓါ ဓမ္မော အဗျာကတဿ ဗဟိဒ္ဓါ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
ဟေတုယာ သတ္တ၊ အာရမ္မဏေ နဝ၊ အဓိပတိယာ ဒသ။ပေ.။ အဝိဂတေ တေရသ။ (သံခိတ္တံ။ ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ။)
၁-၂၀. ကုသလတ္တိက-အဇ္ဈတ္တာရမ္မဏတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၈၂. ကုသလံ အဇ္ဈတ္တာရမ္မဏံ ဓမ္မံ ပဋိစ္စ ကုသလော အဇ္ဈတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ တီဏိ။ပေ.။ ဝိပါကေ ဧကံ။ပေ.။ အဝိဂတေ တီဏိ။ (သံခိတ္တံ။)
၈၃. ကုသလံ ဗဟိဒ္ဓါရမ္မဏံ ဓမ္မံ ပဋိစ္စ ကုသလော ဗဟိဒ္ဓါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ တီဏိ။ပေ.။ ဝိပါကေ ဧကံ။ပေ.။ အဝိဂတေ တီဏိ။ (သံခိတ္တံ။)
၁-၂၁. ကုသလတ္တိက-သနိဒဿနတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၈၄. အဗျာကတံ အနိဒဿနသပ္ပဋိဃံ ဓမ္မံ ပဋိစ္စ အဗျာကတော အနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။)
(သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၈၅. ကုသလံ အနိဒဿနအပ္ပဋိဃံ ဓမ္မံ ပဋိစ္စ ကုသလော အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ အနိဒဿနအပ္ပဋိဃံ ဓမ္မံ ပဋိစ္စ အဗျာကတော အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ အနိဒဿနအပ္ပဋိဃံ ဓမ္မံ ပဋိစ္စ ကုသလော အနိဒဿနအပ္ပဋိဃော စ အဗျာကတော အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အကုသလံ အနိဒဿနအပ္ပဋိဃံ ဓမ္မံ ပဋိစ္စ အကုသလော အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ အနိဒဿနအပ္ပဋိဃံ ဓမ္မံ ပဋိစ္စ အဗျာကတော အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အနိဒဿနအပ္ပဋိဃဉ္စ အဗျာကတံ အနိဒဿနအပ္ပဋိဃဉ္စ ဓမ္မံ ပဋိစ္စ အဗျာကတော အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အနိဒဿနအပ္ပဋိဃဉ္စ အဗျာကတံ အနိဒဿနအပ္ပဋိဃဉ္စ ဓမ္မံ ပဋိစ္စ အဗျာကတော အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဟေတုယာ နဝ၊ အာရမ္မဏေ တီဏိ။ပေ.။ ဝိပါကေ ဧကံ။ပေ.။ အဝိဂတေ နဝ။ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဉှာဝါရမ္ပိ ဝိတ္ထာရေတဗ္ဗံ။)
ကုသလတ္တိကသနိဒဿနတ္တိကံ နိဋ္ဌိတံ။
၂-၁. ဝေဒနာတ္တိက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
၈၆. သုခါယ ဝေဒနာယ သမ္ပယုတ္တံ ကုသလံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဒုက္ခမသုခါယ ဝေဒနာယ သမ္ပယုတ္တံ ကုသလံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဟေတုယာ ဒွေ။ပေ.။ အဝိဂတေ ဒွေ။ (သံခိတ္တံ။) (သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၈၇. သုခါယ ဝေဒနာယ သမ္ပယုတ္တော ကုသလော ဓမ္မော သုခါယ ဝေဒနာယ သမ္ပယုတ္တဿ ကုသလဿ ဓမ္မဿ ဟေတုပစ္စယေန ပစ္စယော။ (၁)
အဒုက္ခမသုခါယ ဝေဒနာယ သမ္ပယုတ္တော ကုသလော ဓမ္မော အဒုက္ခမသုခါယ ဝေဒနာယ သမ္ပယုတ္တဿ ကုသလဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
ဟေတုယာ ဒွေ၊ အဝိဂတေ ဒွေ။ (သံခိတ္တံ။ သဗ္ဗတ္ထ ဝိတ္ထာရော။)
၈၈. သုခါယ ဝေဒနာယ သမ္ပယုတ္တံ အကုသလံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဒုက္ခါယ ဝေဒနာယ သမ္ပယုတ္တံ အကုသလံ ဓမ္မံ ပဋိစ္စ ဒုက္ခါယ ဝေဒနာယ သမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဒုက္ခမသုခါယ ဝေဒနာယ သမ္ပယုတ္တံ အကုသလံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ တီဏိ။ပေ.။ အဝိဂတေ တီဏိ။ (သံခိတ္တံ။ သဗ္ဗတ္ထ ဝိတ္ထာရော။)
၈၉. သုခါယ ဝေဒနာယ သမ္ပယုတ္တံ အဗျာကတံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဒုက္ခမသုခါယ ဝေဒနာယ သမ္ပယုတ္တံ အဗျာကတံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ၊ အဝိဂတေ တီဏိ။ (သံခိတ္တံ။)
၃-၁. ဝိပါကတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၉၀. ဝိပါကဓမ္မဓမ္မံ ကုသလံ ဓမ္မံ ပဋိစ္စ ဝိပါကဓမ္မဓမ္မော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ပေ.။ အဝိဂတေ ဧကံ။ (သံခိတ္တံ။)
၉၁. ဝိပါကဓမ္မဓမ္မံ အကုသလံ ဓမ္မံ ပဋိစ္စ ဝိပါကဓမ္မဓမ္မော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဧကံ။ (သဗ္ဗတ္ထ ဧကံ။)
၉၂. ဝိပါကံ အဗျာကတံ ဓမ္မံ ပဋိစ္စ ဝိပါကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နေဝဝိပါကနဝိပါကဓမ္မဓမ္မံ အဗျာကတံ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဝိပါကံ အဗျာကတဉ္စ နေဝဝိပါကနဝိပါကဓမ္မဓမ္မံ အဗျာကတဉ္စ ဓမ္မံ ပဋိစ္စ ဝိပါကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သံခိတ္တံ။)
ဟေတုယာ နဝ၊ အဝိဂတေ နဝ။ (သံခိတ္တံ။ သဗ္ဗတ္ထ ဝိတ္ထာရော။)
၄-၁. ဥပါဒိန္နတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၉၃. အနုပါဒိန္နုပါဒါနိယံ ကုသလံ ဓမ္မံ ပဋိစ္စ အနုပါဒိန္နုပါဒါနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။
အနုပါဒိန္နအနုပါဒါနိယံ ကုသလံ ဓမ္မံ ပဋိစ္စ အနုပါဒိန္နအနုပါဒါနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ။ (သဗ္ဗတ္ထ ဝိတ္ထာရော။)
အနုပါဒိန္နုပါဒါနိယံ အကုသလံ ဓမ္မံ ပဋိစ္စ အနုပါဒိန္နုပါဒါနိယော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။ သဗ္ဗတ္ထ ဝိတ္ထာရော။)
၉၄. ဥပါဒိန္နုပါဒါနိယံ အဗျာကတံ ဓမ္မံ ပဋိစ္စ ဥပါဒိန္နုပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သဗ္ဗတ္ထ ဝိတ္ထာရော။)
အနုပါဒိန္နုပါဒါနိယံ အဗျာကတံ ဓမ္မံ ပဋိစ္စ အနုပါဒိန္နုပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အနုပါဒိန္နအနုပါဒါနိယံ အဗျာကတံ ဓမ္မံ ပဋိစ္စ အနုပါဒိန္နအနုပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနုပါဒိန္နုပါဒါနိယံ အဗျာကတဉ္စ အနုပါဒိန္နအနုပါဒါနိယံ အဗျာကတဉ္စ ဓမ္မံ ပဋိစ္စ အနုပါဒိန္နုပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဥပါဒိန္နုပါဒါနိယံ အဗျာကတဉ္စ အနုပါဒိန္နုပါဒါနိယံ အဗျာကတဉ္စ ဓမ္မံ ပဋိစ္စ အနုပါဒိန္နုပါဒါနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ နဝ။ (သဗ္ဗတ္ထ ဝိတ္ထာရော။)
၅-၁. သံကိလိဋ္ဌတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၉၅. အသံကိလိဋ္ဌသံကိလေသိကံ ကုသလံ ဓမ္မံ ပဋိစ္စ အသံကိလိဋ္ဌသံကိလေသိကော ကုသလော ဓမ္မော ဥပ္ပဇ္ဇတိ ဟေတုပစ္စယာ။
အသံကိလိဋ္ဌအသံကိလေသိကံ ကုသလံ ဓမ္မံ ပဋိစ္စ အသံကိလိဋ္ဌအသံကိလေသိကော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဒွေ။)
သံကိလိဋ္ဌသံကိလေသိကံ အကုသလံ ဓမ္မံ ပဋိစ္စ သံကိလိဋ္ဌသံကိလေသိကော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
အသံကိလိဋ္ဌသံကိလေသိကံ အဗျာကတံ ဓမ္မံ ပဋိစ္စ အသံကိလိဋ္ဌသံကိလေသိကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ပဉ္စ။
၆-၁. ဝိတက္ကတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၉၆. သဝိတက္ကသဝိစာရံ ကုသလံ ဓမ္မံ ပဋိစ္စ သဝိတက္ကသဝိစာရော ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဝိတက္ကဝိစာရမတ္တံ ကုသလံ ဓမ္မံ ပဋိစ္စ အဝိတက္ကဝိစာရမတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ စတ္တာရိ။
အဝိတက္ကအဝိစာရံ ကုသလံ ဓမ္မံ ပဋိစ္စ အဝိတက္ကအဝိစာရော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဝိတက္ကအဝိစာရံ ကုသလံ ဓမ္မံ ပဋိစ္စ အဝိတက္ကဝိစာရမတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဝိတက္ကဝိစာရမတ္တံ ကုသလဉ္စ အဝိတက္ကအဝိစာရံ ကုသလဉ္စ ဓမ္မံ။ပေ.။ သဝိတက္ကသဝိစာရံ ကုသလဉ္စ အဝိတက္ကဝိစာရမတ္တံ ကုသလဉ္စ ဓမ္မံ ပဋိစ္စ သဝိတက္ကသဝိစာရော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဟေတုယာ ဧကာဒသ။
၉၇. သဝိတက္ကသဝိစာရံ အကုသလံ ဓမ္မံ ပဋိစ္စ သဝိတက္ကသဝိစာရော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဝိတက္ကဝိစာရမတ္တံ အကုသလံ ဓမ္မံ ပဋိစ္စ သဝိတက္ကသဝိစာရော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
သဝိတက္ကသဝိစာရံ အကုသလဉ္စ အဝိတက္ကဝိစာရမတ္တံ အကုသလဉ္စ ဓမ္မံ ပဋိစ္စ သဝိတက္ကသဝိစာရော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဟေတုယာ ပဉ္စ။
၉၈. သဝိတက္ကသဝိစာရံ အဗျာကတံ ဓမ္မံ ပဋိစ္စ သဝိတက္ကသဝိစာရော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။
ဟေတုယာ သတ္တတိံသ။
၇-၁. ဣတိတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၉၉. ဣတိသဟဂတံ ကုသလံ ဓမ္မံ ပဋိစ္စ ဣတိသဟဂတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သုခသဟဂတံ ကုသလံ ဓမ္မံ ပဋိစ္စ သုခသဟဂတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဥပေက္ခါသဟဂတံ ကုသလံ ဓမ္မံ ပဋိစ္စ ဥပေက္ခါသဟဂတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဣတိသဟဂတံ ကုသလဉ္စ သုခသဟဂတံ ကုသလဉ္စ ဓမ္မံ ပဋိစ္စ ဣတိသဟဂတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သဗ္ဗတ္ထ ဒသ။ သဗ္ဗတ္ထ ဝိတ္ထာရော။)
၁၀၀. ဣတိသဟဂတံ အကုသလံ ဓမ္မံ ပဋိစ္စ ဣတိသဟဂတော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သုခသဟဂတံ အကုသလံ ဓမ္မံ ပဋိစ္စ သုခသဟဂတော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဥပေက္ခါသဟဂတံ အကုသလံ ဓမ္မံ ပဋိစ္စ ဥပေက္ခါသဟဂတော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဣတိသဟဂတံ အကုသလဉ္စ သုခသဟဂတံ အကုသလဉ္စ ဓမ္မံ ပဋိစ္စ ဣတိသဟဂတော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သဗ္ဗတ္ထ ဒသ။ သဗ္ဗတ္ထ ဝိတ္ထာရော။)
၁၀၁. ဣတိသဟဂတံ အဗျာကတံ ဓမ္မံ ပဋိစ္စ ဣတိသဟဂတော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သုခသဟဂတံ အဗျာကတံ ဓမ္မံ ပဋိစ္စ သုခသဟဂတော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဥပေက္ခါသဟဂတံ အဗျာကတံ ဓမ္မံ ပဋိစ္စ ဥပေက္ခါသဟဂတော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဣတိသဟဂတံ အဗျာကတဉ္စ သုခသဟဂတံ အဗျာကတဉ္စ ဓမ္မံ ပဋိစ္စ ဣတိသဟဂတော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သဗ္ဗတ္ထ ဒသ။ သဗ္ဗတ္ထ ဝိတ္ထာရော။)
၈-၁. ဒဿနတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၀၂. နေဝဒဿနေန နဘာဝနာယ ပဟာတဗ္ဗံ ကုသလံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
၁၀၃. ဒဿနေန ပဟာတဗ္ဗံ အကုသလံ ဓမ္မံ ပဋိစ္စ ဒဿနေန ပဟာတဗ္ဗော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဘာဝနာယ ပဟာတဗ္ဗံ အကုသလံ ဓမ္မံ ပဋိစ္စ ဘာဝနာယ ပဟာတဗ္ဗော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ ဒွေ။ သဗ္ဗတ္ထ ဝိတ္ထာရော။)
၁၀၄. နေဝဒဿနေန နဘာဝနာယ ပဟာတဗ္ဗံ အဗျာကတံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
၉-၁. ဒဿနဟေတုတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၀၅. နေဝဒဿနေန နဘာဝနာယ ပဟာတဗ္ဗဟေတုကံ ကုသလံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။ သဗ္ဗတ္ထ ဝိတ္ထာရော။)
၁၀၆. ဒဿနေန ပဟာတဗ္ဗဟေတုကံ အကုသလံ ဓမ္မံ ပဋိစ္စ ဒဿနေန ပဟာတဗ္ဗဟေတုကော အကုသလော ဓမ္မော ဥပ္ပဇ္ဇတိ ဟေတုပစ္စယာ။
ဘာဝနာယ ပဟာတဗ္ဗဟေတုကံ အကုသလံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ ဆ၊ အာရမ္မဏေ ဒသ၊ အဓိပတိယာ ဒွေ။ပေ.။ အဝိဂတေ ဒသ။ (သဗ္ဗတ္ထ ဝိတ္ထာရော။)
၁၀၇. နေဝဒဿနေန နဘာဝနာယ ပဟာတဗ္ဗဟေတုကံ အဗျာကတံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
၁၀-၁. အာစယဂါမိတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၀၈. အာစယဂါမိံ ကုသလံ ဓမ္မံ ပဋိစ္စ အာစယဂါမီ ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အပစယဂါမိံ ကုသလံ ဓမ္မံ ပဋိစ္စ အပစယဂါမီ ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ ဒွေ။ သဗ္ဗတ္ထ ဝိတ္ထာရော။)
အာစယဂါမိံ အကုသလံ ဓမ္မံ ပဋိစ္စ အာစယဂါမီ အကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
နေဝါစယဂါမိနာပစယဂါမိံ အဗျာကတံ ဓမ္မံ ပဋိစ္စ နေဝါစယဂါမိနာပစယဂါမီ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
၁၁-၁. သေက္ခတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၀၉. သေက္ခံ ကုသလံ ဓမ္မံ ပဋိစ္စ သေက္ခေါ ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
နေဝသေက္ခနာသေက္ခံ ကုသလံ ဓမ္မံ ပဋိစ္စ နေဝသေက္ခနာသေက္ခေါ ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ ဒွေ။ သဗ္ဗတ္ထ ဝိတ္ထာရော။)
နေဝသေက္ခနာသေက္ခံ အကုသလံ ဓမ္မံ ပဋိစ္စ နေဝသေက္ခနာသေက္ခေါ အကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
သေက္ခံ အဗျာကတံ ဓမ္မံ ပဋိစ္စ သေက္ခေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ နဝ။ (သဗ္ဗတ္ထ ဝိတ္ထာရေတဗ္ဗံ။)
၁၂-၁. ပရိတ္တတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၁၀. ပရိတ္တံ ကုသလံ ဓမ္မံ ပဋိစ္စ ပရိတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
မဟဂ္ဂတံ ကုသလံ ဓမ္မံ ပဋိစ္စ မဟဂ္ဂတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အပ္ပမာဏံ ကုသလံ ဓမ္မံ ပဋိစ္စ အပ္ပမာဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ တီဏိ။ သဗ္ဗတ္ထ ဝိတ္ထာရော။)
၁၁၁. ပရိတ္တံ အကုသလံ ဓမ္မံ ပဋိစ္စ ပရိတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
ပရိတ္တံ အဗျာကတံ ဓမ္မံ ပဋိစ္စ ပရိတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဟဂ္ဂတံ အဗျာကတံ ဓမ္မံ ပဋိစ္စ မဟဂ္ဂတော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အပ္ပမာဏံ အဗျာကတံ ဓမ္မံ ပဋိစ္စ အပ္ပမာဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။)
ဟေတုယာ တေရသ။
၁၃-၁. ပရိတ္တာရမ္မဏတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၁၂. ပရိတ္တာရမ္မဏံ ကုသလံ ဓမ္မံ ပဋိစ္စ ပရိတ္တာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
မဟဂ္ဂတာရမ္မဏံ ကုသလံ ဓမ္မံ ပဋိစ္စ မဟဂ္ဂတာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အပ္ပမာဏာရမ္မဏံ ကုသလံ ဓမ္မံ ပဋိစ္စ အပ္ပမာဏာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ တီဏိ။ သဗ္ဗတ္ထ ဝိတ္ထာရော။)
၁၁၃. ပရိတ္တာရမ္မဏံ အကုသလံ ဓမ္မံ ပဋိစ္စ ပရိတ္တာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
မဟဂ္ဂတာရမ္မဏံ အကုသလံ ဓမ္မံ ပဋိစ္စ မဟဂ္ဂတာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ ဒွေ။ သဗ္ဗတ္ထ ဝိတ္ထာရော။)
၁၁၄. ပရိတ္တာရမ္မဏံ အဗျာကတံ ဓမ္မံ ပဋိစ္စ ပရိတ္တာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
မဟဂ္ဂတာရမ္မဏံ အဗျာကတံ ဓမ္မံ ပဋိစ္စ မဟဂ္ဂတာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အပ္ပမာဏာရမ္မဏံ အဗျာကတံ ဓမ္မံ ပဋိစ္စ အပ္ပမာဏာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ တီဏိ။ သဗ္ဗတ္ထ ဝိတ္ထာရော။)
၁၄-၁. ဟီနတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၁၅. မဇ္ဈိမံ ကုသလံ ဓမ္မံ ပဋိစ္စ မဇ္ဈိမော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ပဏီတံ ကုသလံ ဓမ္မံ ပဋိစ္စ ပဏီတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ ဒွေ၊ သဗ္ဗတ္ထ ဝိတ္ထာရော။)
၁၁၆. ဟီနံ အကုသလံ ဓမ္မံ ပဋိစ္စ ဟီနော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
၁၁၇. မဇ္ဈိမံ အဗျာကတံ ဓမ္မံ ပဋိစ္စ မဇ္ဈိမော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
ပဏီတံ အဗျာကတံ ဓမ္မံ ပဋိစ္စ ပဏီတော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဇ္ဈိမံ အဗျာကတဉ္စ ပဏီတံ အဗျာကတဉ္စ ဓမ္မံ ပဋိစ္စ မဇ္ဈိမော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ပဉ္စ။ (သဗ္ဗတ္ထ ဝိတ္ထာရော။)
၁၅-၁. မိစ္ဆတ္တတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၁၈. သမ္မတ္တနိယတံ ကုသလံ ဓမ္မံ ပဋိစ္စ သမ္မတ္တနိယတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနိယတံ ကုသလံ ဓမ္မံ ပဋိစ္စ အနိယတော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ ဒွေ။ သဗ္ဗတ္ထ ဝိတ္ထာရော။)
၁၁၉. မိစ္ဆတ္တနိယတံ အကုသလံ ဓမ္မံ ပဋိစ္စ မိစ္ဆတ္တနိယတော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနိယတံ အကုသလံ ဓမ္မံ ပဋိစ္စ အနိယတော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ ဒွေ။ သဗ္ဗတ္ထ ဝိတ္ထာရော။)
အနိယတံ အဗျာကတံ ဓမ္မံ ပဋိစ္စ အနိယတော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
၁၆-၁. မဂ္ဂါရမ္မဏတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၂၀. မဂ္ဂါရမ္မဏံ ကုသလံ ဓမ္မံ ပဋိစ္စ မဂ္ဂါရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဂ္ဂဟေတုကံ ကုသလံ ဓမ္မံ ပဋိစ္စ မဂ္ဂဟေတုကော ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဂ္ဂါဓိပတိံ ကုသလံ ဓမ္မံ ပဋိစ္စ မဂ္ဂါဓိပတိ ကုသလော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။
မဂ္ဂါရမ္မဏံ ကုသလဉ္စ မဂ္ဂါဓိပတိံ ကုသလဉ္စ ဓမ္မံ ပဋိစ္စ မဂ္ဂါရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဂ္ဂဟေတုကံ ကုသလဉ္စ မဂ္ဂါဓိပတိံ ကုသလဉ္စ ဓမ္မံ ပဋိစ္စ မဂ္ဂဟေတုကော ကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ (သံခိတ္တံ။)
ဟေတုယာ သတ္တရသ။ပေ.။ အဝိဂတေ သတ္တရသ။ (သံခိတ္တံ။)
၁၂၁. မဂ္ဂါရမ္မဏံ အဗျာကတံ ဓမ္မံ ပဋိစ္စ မဂ္ဂါရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဂ္ဂါဓိပတိံ အဗျာကတံ ဓမ္မံ ပဋိစ္စ မဂ္ဂါဓိပတိ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
(သဗ္ဗတ္ထ ဝိတ္ထာရော။)
၁၇-၁. ဥပ္ပန္နတ္တိက-ကုသလတ္တိကံ
၇. ပဉှာဝါရော
ဟေတုပစ္စယော
၁၂၂. ဥပ္ပန္နော ကုသလော ဓမ္မော ဥပ္ပန္နဿ ကုသလဿ ဓမ္မဿ ဟေတုပစ္စယေန ပစ္စယော။ (သဗ္ဗတ္ထ ဧကံ။ သဗ္ဗတ္ထ ဝိတ္ထာရော။)
ဥပ္ပန္နော အကုသလော ဓမ္မော ဥပ္ပန္နဿ အကုသလဿ ဓမ္မဿ ဟေတုပစ္စယေန ပစ္စယော။ (သဗ္ဗတ္ထ ဧကံ။ သဗ္ဗတ္ထ ဝိတ္ထာရော။)
ဥပ္ပန္နော အဗျာကတော ဓမ္မော ဥပ္ပန္နဿ အဗျာကတဿ ဓမ္မဿ ဟေတုပစ္စယေန ပစ္စယော။ (သံခိတ္တံ။)
ဟေတုယာ ဧကံ၊ အာရမ္မဏေ တီဏိ။ပေ.။ ဥပနိဿယေ တီဏိ။ပေ.။ အဝိဂတေ ဧကံ။ (သဗ္ဗတ္ထ ဝိတ္ထာရော။)
၁၈-၁. အတီတတ္တိက-ကုသလတ္တိကံ
၇. ပဉှာဝါရော
ဟေတုပစ္စယော
၁၂၃. ပစ္စုပ္ပန္နော ကုသလော ဓမ္မော ပစ္စုပ္ပန္နဿ ကုသလဿ ဓမ္မဿ ဟေတုပစ္စယေန ပစ္စယော။ (သဗ္ဗတ္ထ ဧကံ။)
ပစ္စုပ္ပန္နော အကုသလော ဓမ္မော ပစ္စုပ္ပန္နဿ အကုသလဿ ဓမ္မဿ ဟေတုပစ္စယေန ပစ္စယော။ (သဗ္ဗတ္ထ ဧကံ။ သဗ္ဗတ္ထ ဝိတ္ထာရော။)
ပစ္စုပ္ပန္နော အဗျာကတော ဓမ္မော ပစ္စုပ္ပန္နဿ အဗျာကတဿ ဓမ္မဿ ဟေတုပစ္စယေန ပစ္စယော။
ဟေတုယာ ဧကံ။ (သဗ္ဗတ္ထ ဝိတ္ထာရော။)
၁၉-၁. အတီတာရမ္မဏတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၂၄. အတီတာရမ္မဏံ ကုသလံ ဓမ္မံ ပဋိစ္စ အတီတာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနာဂတာရမ္မဏံ ကုသလံ ဓမ္မံ ပဋိစ္စ အနာဂတာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ပစ္စုပ္ပန္နာရမ္မဏံ ကုသလံ ဓမ္မံ ပဋိစ္စ ပစ္စုပ္ပန္နာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ တီဏိ။ သဗ္ဗတ္ထ ဝိတ္ထာရော။)
၁၂၅. အတီတာရမ္မဏံ အကုသလံ ဓမ္မံ ပဋိစ္စ အတီတာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနာဂတာရမ္မဏံ အကုသလံ ဓမ္မံ ပဋိစ္စ အနာဂတာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ပစ္စုပ္ပန္နာရမ္မဏံ အကုသလံ ဓမ္မံ ပဋိစ္စ ပစ္စုပ္ပန္နာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ တီဏိ၊ သဗ္ဗတ္ထ ဝိတ္ထာရော။)
၁၂၆. အတီတာရမ္မဏံ အဗျာကတံ ဓမ္မံ ပဋိစ္စ အတီတာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနာဂတာရမ္မဏံ အဗျာကတံ ဓမ္မံ ပဋိစ္စ အနာဂတာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
ပစ္စုပ္ပန္နာရမ္မဏံ အဗျာကတံ ဓမ္မံ ပဋိစ္စ ပစ္စုပ္ပန္နာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ တီဏိ၊ သဗ္ဗတ္ထ ဝိတ္ထာရော။)
၂၀-၁. အဇ္ဈတ္တတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၂၇. အဇ္ဈတ္တံ ကုသလံ ဓမ္မံ ပဋိစ္စ အဇ္ဈတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဗဟိဒ္ဓါ ကုသလံ ဓမ္မံ ပဋိစ္စ ဗဟိဒ္ဓါ ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ ဒွေ၊ သဗ္ဗတ္ထ ဝိတ္ထာရော။)
၁၂၈. အဇ္ဈတ္တံ အကုသလံ ဓမ္မံ ပဋိစ္စ အဇ္ဈတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဗဟိဒ္ဓါ အကုသလံ ဓမ္မံ ပဋိစ္စ ဗဟိဒ္ဓါ အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ ဒွေ၊ သဗ္ဗတ္ထ ဝိတ္ထာရော။)
၁၂၉. အဇ္ဈတ္တံ အဗျာကတံ ဓမ္မံ ပဋိစ္စ အဇ္ဈတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဗဟိဒ္ဓါ အဗျာကတံ ဓမ္မံ ပဋိစ္စ ဗဟိဒ္ဓါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သဗ္ဗတ္ထ ဒွေ၊ သဗ္ဗတ္ထ ဝိတ္ထာရော။)
၂၁-၁. အဇ္ဈတ္တာရမ္မဏတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၃၀. အဇ္ဈတ္တာရမ္မဏံ ကုသလံ ဓမ္မံ ပဋိစ္စ အဇ္ဈတ္တာရမ္မဏော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဒွေ၊ သဗ္ဗတ္ထ ဝိတ္ထာရော။)
အဇ္ဈတ္တာရမ္မဏံ အကုသလံ ဓမ္မံ ပဋိစ္စ အဇ္ဈတ္တာရမ္မဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဒွေ၊ သဗ္ဗတ္ထ ဝိတ္ထာရော။)
အဇ္ဈတ္တာရမ္မဏံ အဗျာကတံ ဓမ္မံ ပဋိစ္စ အဇ္ဈတ္တာရမ္မဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဒွေ၊ သဗ္ဗတ္ထ ဝိတ္ထာရော။)
၂၂-၁. သနိဒဿနတ္တိက-ကုသလတ္တိကံ
၁-၇. ပဋိစ္စဝါရာဒိ
ဟေတုပစ္စယော
၁၃၁. အနိဒဿနအပ္ပဋိဃံ ကုသလံ ဓမ္မံ ပဋိစ္စ အနိဒဿနအပ္ပဋိဃော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
အနိဒဿနအပ္ပဋိဃံ အကုသလံ ဓမ္မံ ပဋိစ္စ အနိဒဿနအပ္ပဋိဃော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (သဗ္ဗတ္ထ ဧကံ။)
၁၃၂. အနိဒဿနသပ္ပဋိဃံ အဗျာကတံ ဓမ္မံ ပဋိစ္စ အနိဒဿနသပ္ပဋိဃော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (ဧကံ)။ အနိဒဿနသပ္ပဋိဃံ အဗျာကတံ ဓမ္မံ ပဋိစ္စ သနိဒဿနသပ္ပဋိဃော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (ဒွေ)။ အနိဒဿနသပ္ပဋိဃံ အဗျာကတံ ဓမ္မံ ပဋိစ္စ အနိဒဿနအပ္ပဋိဃော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (တီဏိ)။ အနိဒဿနသပ္ပဋိဃံ အဗျာကတံ ဓမ္မံ ပဋိစ္စ သနိဒဿနသပ္ပဋိဃော အဗျာကတော စ အနိဒဿနအပ္ပဋိဃော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ (စတ္တာရိ)။ အနိဒဿနသပ္ပဋိဃံ အဗျာကတံ ဓမ္မံ ပဋိစ္စ အနိဒဿနသပ္ပဋိဃော အဗျာကတော စ အနိဒဿနအပ္ပဋိဃော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ (ပဉ္စ)။ အနိဒဿနသပ္ပဋိဃံ အဗျာကတံ ဓမ္မံ ပဋိစ္စ သနိဒဿနသပ္ပဋိဃော အဗျာကတော စ အနိဒဿနသပ္ပဋိဃော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ (ဆ)။ အနိဒဿနသပ္ပဋိဃံ အဗျာကတံ ဓမ္မံ ပဋိစ္စ သနိဒဿနသပ္ပဋိဃော အဗျာကတော စ အနိဒဿနသပ္ပဋိဃော အဗျာကတော စ အနိဒဿနအပ္ပဋိဃော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ (သတ္တ)။
၁၃၃. အနိဒဿနအပ္ပဋိဃံ အဗျာကတံ ဓမ္မံ ပဋိစ္စ အနိဒဿနအပ္ပဋိဃော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သတ္တ)။ အနိဒဿနအပ္ပဋိဃံ အဗျာကတဉ္စ အနိဒဿနသပ္ပဋိဃံ အဗျာကတဉ္စ ဓမ္မံ ပဋိစ္စ သနိဒဿနသပ္ပဋိဃော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သတ္တ၊ သံခိတ္တံ)။
၁၃၄. ဟေတုယာ ဧကဝီသ၊ အဝိဂတေ ဧကဝီသ။ (သံခိတ္တံ။)
(သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
ဓမ္မာနုလောမေ တိကတိကပဋ္ဌာနံ နိဋ္ဌိတံ။