၁-၉၉. ကုသလတ္တိက-သဥတ္တရဒုက
၁-၇. ပဋိစ္စဒိဝါရ
ပစ္စယစတုက္က
၅၃. ကုသလံ သဥတ္တရံ ဓမ္မံ ပဋိစ္စ ကုသလော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အကုသလံ သဥတ္တရံ ဓမ္မံ ပဋိစ္စ အကုသလော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ သဥတ္တရံ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ သဥတ္တရဉ္စ အဗျာကတံ သဥတ္တရဉ္စ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ သဥတ္တရဉ္စ အဗျာကတံ သဥတ္တရဉ္စ ဓမ္မံ ပဋိစ္စ အဗျာကတော သဥတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၅၄. ဟေတုယာ နဝ၊ အာရမ္မဏေ တီဏိ။ပေ.။ အဝိဂတေ နဝ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၅၅. ကုသလော သဥတ္တရော ဓမ္မော ကုသလဿ သဥတ္တရဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော သဥတ္တရော ဓမ္မော အကုသလဿ သဥတ္တရဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော သဥတ္တရော ဓမ္မော အဗျာကတဿ သဥတ္တရဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၅၆. ဟေတုယာ သတ္တ၊ အာရမ္မဏေ နဝ၊ အဓိပတိယာ နဝ။ပေ.။ အဝိဂတေ တေရသ (သံခိတ္တံ)။
အနုတ္တရပဒံ
ဟေတု-အာရမ္မဏပစ္စယာ
၅၇. ကုသလံ အနုတ္တရံ ဓမ္မံ ပဋိစ္စ ကုသလော အနုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အနုတ္တရံ ဓမ္မံ ပဋိစ္စ အဗျာကတော အနုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ၊ အာရမ္မဏေ ဒွေ။ပေ.။ အဝိဂတေ ဒွေ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၅၈. ကုသလော အနုတ္တရော ဓမ္မော ကုသလဿ အနုတ္တရဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အနုတ္တရော ဓမ္မော အဗျာကတဿ အနုတ္တရဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အနုတ္တရော ဓမ္မော အဗျာကတဿ အနုတ္တရဿ ဓမ္မဿ အာရမ္မဏပစ္စယေန ပစ္စယော။ (၁)
အဗျာကတော အနုတ္တရော ဓမ္မော ကုသလဿ အနုတ္တရဿ ဓမ္မဿ အာရမ္မဏပစ္စယေန ပစ္စယော။ (၁) (သံခိတ္တံ။)
၅၉. ဟေတုယာ ဒွေ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဒွေ။ပေ.။ အဝိဂတေ ဒွေ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁-၁၀၀. ကုသလတ္တိက-သရဏဒုကံ
၁-၇. ပဋိစ္စဝါရာဒိ
ပစ္စယစတုက္ကံ
၆၀. အကုသလံ သရဏံ ဓမ္မံ ပဋိစ္စ အကုသလော သရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၆၁. ကုသလံ အရဏံ ဓမ္မံ ပဋိစ္စ ကုသလော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ အရဏံ ဓမ္မံ ပဋိစ္စ အဗျာကတော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အရဏဉ္စ အဗျာကတံ အရဏဉ္စ ဓမ္မံ ပဋိစ္စ အဗျာကတော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အရဏံ ဓမ္မံ ပဋိစ္စ ကုသလော အရဏော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အဗျာကတံ အရဏံ ဓမ္မံ ပဋိစ္စ အဗျာကတော အရဏော ဓမ္မော ဥပ္ပဇ္ဇတိ အာရမ္မဏပစ္စယာ။ (၁) (သံခိတ္တံ။)
၆၂. ဟေတုယာ ပဉ္စ၊ အာရမ္မဏေ ဒွေ။ပေ.။ အဝိဂတေ ပဉ္စ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၆၃. ကုသလော အရဏော ဓမ္မော ကုသလဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော အရဏော ဓမ္မော အဗျာကတဿ အရဏဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၆၄. ဟေတုယာ စတ္တာရိ၊ အာရမ္မဏေ စတ္တာရိ။ပေ.။ အဝိဂတေ သတ္တ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
ကုသလတ္တိကပိဋ္ဌိဒုကံ နိဋ္ဌိတံ။
၂-၁၀၀. ဝေဒနာတ္တိက-သရဏဒုကံ
၁-၇. ပဋိစ္စဝါရာဒိ
ပစ္စယစတုက္ကံ
၆၅. သုခါယ ဝေဒနာယ သမ္ပယုတ္တံ သရဏံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဒုက္ခါယ ဝေဒနာယ သမ္ပယုတ္တံ သရဏံ ဓမ္မံ ပဋိစ္စ ဒုက္ခါယ ဝေဒနာယ သမ္ပယုတ္တော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဒုက္ခမသုခါယ ဝေဒနာယ သမ္ပယုတ္တံ သရဏံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၆၆. ဟေတုယာ တီဏိ။ပေ.။ အဝိဂတေ တီဏိ (သံခိတ္တံ)။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၆၇. သုခါယ ဝေဒနာယ သမ္ပယုတ္တော သရဏော ဓမ္မော သုခါယ ဝေဒနာယ သမ္ပယုတ္တဿ သရဏဿ ဓမ္မဿ ဟေတုပစ္စယေန ပစ္စယော။ (၁)
ဒုက္ခါယ ဝေဒနာယ သမ္ပယုတ္တော သရဏော ဓမ္မော ဒုက္ခါယ ဝေဒနာယ သမ္ပယုတ္တဿ သရဏဿ ဓမ္မဿ ဟေတုပစ္စယေန ပစ္စယော။ (၁)
အဒုက္ခမသုခါယ ဝေဒနာယ သမ္ပယုတ္တော သရဏော ဓမ္မော အဒုက္ခမသုခါယ ဝေဒနာယ သမ္ပယုတ္တဿ သရဏဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၆၈. ဟေတုယာ တီဏိ၊ အာရမ္မဏေ နဝ။ပေ.။ အဝိဂတေ တီဏိ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ)။
အရဏပဒံ
ဟေတုပစ္စယော
၆၉. သုခါယ ဝေဒနာယ သမ္ပယုတ္တံ အရဏံ ဓမ္မံ ပဋိစ္စ သုခါယ ဝေဒနာယ သမ္ပယုတ္တော အရဏော ဓမ္မော ဥပ္ပဇ္ဇတိ ဟေတုပစ္စယာ။
အဒုက္ခမသုခါယ ဝေဒနာယ သမ္ပယုတ္တံ အရဏံ ဓမ္မံ ပဋိစ္စ အဒုက္ခမသုခါယ ဝေဒနာယ သမ္ပယုတ္တော အရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဒွေ၊ အာရမ္မဏေ တီဏိ။ပေ.။ အဝိဂတေ တီဏိ (သံခိတ္တံ)။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၇၀. သုခါယ ဝေဒနာယ သမ္ပယုတ္တော အရဏော ဓမ္မော သုခါယ ဝေဒနာယ သမ္ပယုတ္တဿ အရဏဿ ဓမ္မဿ ဟေတုပစ္စယေန ပစ္စယော။ (၁)
အဒုက္ခမသုခါယ ဝေဒနာယ သမ္ပယုတ္တော အရဏော ဓမ္မော အဒုက္ခမသုခါယ ဝေဒနာယ သမ္ပယုတ္တဿ အရဏဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၇၁. ဟေတုယာ ဒွေ၊ အာရမ္မဏေ ဆ။ပေ.။ အဝိဂတေ တီဏိ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၃-၁၀၀. ဝိပါကတ္တိက-သရဏဒုကံ
၁-၇. ပဋိစ္စဝါရာဒိ
ပစ္စယစတုက္ကံ
၇၂. ဝိပါကဓမ္မဓမ္မံ သရဏံ ဓမ္မံ ပဋိစ္စ ဝိပါကဓမ္မဓမ္မော သရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၇၃. ဝိပါကံ အရဏံ ဓမ္မံ ပဋိစ္စ ဝိပါကော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဝိပါကဓမ္မဓမ္မံ အရဏံ ဓမ္မံ ပဋိစ္စ ဝိပါကဓမ္မဓမ္မော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နေဝဝိပါကနဝိပါကဓမ္မဓမ္မံ အရဏံ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဝိပါကံ အရဏဉ္စ နေဝဝိပါကနဝိပါကဓမ္မဓမ္မံ အရဏဉ္စ ဓမ္မံ ပဋိစ္စ ဝိပါကော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဝိပါကဓမ္မဓမ္မံ အရဏဉ္စ နေဝဝိပါကနဝိပါကဓမ္မဓမ္မံ အရဏဉ္စ ဓမ္မံ ပဋိစ္စ နေဝဝိပါကနဝိပါကဓမ္မဓမ္မော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၇၄. ဟေတုယာ တေရသ၊ အာရမ္မဏေ ပဉ္စ။ပေ.။ အဝိဂတေ တေရသ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၇၅. ဝိပါကော အရဏော ဓမ္မော ဝိပါကဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
ဝိပါကဓမ္မဓမ္မော အရဏော ဓမ္မော ဝိပါကဓမ္မဓမ္မဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
နေဝဝိပါကနဝိပါကဓမ္မဓမ္မော အရဏော ဓမ္မော နေဝဝိပါကနဝိပါကဓမ္မဓမ္မဿ အရဏဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၇၆. ဟေတုယာ သတ္တ၊ အာရမ္မဏေ နဝ။ပေ.။ အဝိဂတေ တေရသ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၄-၁၀၀. ဥပါဒိန္နတ္တိက-သရဏဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၇၇. အနုပါဒိန္နုပါဒါနိယံ သရဏံ ဓမ္မံ ပဋိစ္စ အနုပါဒိန္နုပါဒါနိယော သရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ)။
၇၈. ဥပါဒိန္နုပါဒါနိယံ အရဏံ ဓမ္မံ ပဋိစ္စ ဥပါဒိန္နုပါဒါနိယော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အနုပါဒိန္နုပါဒါနိယံ အရဏံ ဓမ္မံ ပဋိစ္စ အနုပါဒိန္နုပါဒါနိယော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနုပါဒိန္နအနုပါဒါနိယံ အရဏံ ဓမ္မံ ပဋိစ္စ အနုပါဒိန္နအနုပါဒါနိယော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဥပါဒိန္နုပါဒါနိယံ အရဏဉ္စ အနုပါဒိန္နုပါဒါနိယံ အရဏဉ္စ ဓမ္မံ ပဋိစ္စ အနုပါဒိန္နုပါဒါနိယော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနုပါဒိန္နုပါဒါနိယံ အရဏဉ္စ အနုပါဒိန္နအနုပါဒါနိယံ အရဏဉ္စ ဓမ္မံ ပဋိစ္စ အနုပါဒိန္နုပါဒါနိယော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၇၉. ဟေတုယာ နဝ၊ အာရမ္မဏေ တီဏိ။ပေ.။ အဝိဂတေ နဝ (သံခိတ္တံ)။ (သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၈၀. ဥပါဒိန္နုပါဒါနိယော အရဏော ဓမ္မော ဥပါဒိန္နုပါဒါနိယဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
အနုပါဒိန္နုပါဒါနိယော အရဏော ဓမ္မော အနုပါဒိန္နုပါဒါနိယဿ အရဏဿ ဓမ္မဿ ဟေတုပစ္စယေန ပစ္စယော။ (၁)
အနုပါဒိန္နအနုပါဒါနိယော အရဏော ဓမ္မော အနုပါဒိန္နအနုပါဒါနိယဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ (သံခိတ္တံ)။
၈၁. ဟေတုယာ သတ္တ၊ အာရမ္မဏေ ဆ။ပေ.။ အဝိဂတေ တေဝီသ။
(သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၅-၁၀၀. သံကိလိဋ္ဌတ္တိက-သရဏဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၈၂. သံကိလိဋ္ဌသံကိလေသိကံ သရဏံ ဓမ္မံ ပဋိစ္စ သံကိလိဋ္ဌသံကိလေသိကော သရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၈၃. အသံကိလိဋ္ဌသံကိလေသိကံ အရဏံ ဓမ္မံ ပဋိစ္စ အသံကိလိဋ္ဌသံကိလေသိကော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အသံကိလိဋ္ဌအသံကိလေသိကံ အရဏံ ဓမ္မံ ပဋိစ္စ အသံကိလိဋ္ဌအသံကိလေသိကော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အသံကိလိဋ္ဌသံကိလေသိကံ အရဏဉ္စ အသံကိလိဋ္ဌအသံကိလေသိကံ အရဏဉ္စ ဓမ္မံ ပဋိစ္စ အသံကိလိဋ္ဌသံကိလေသိကော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၈၄. ဟေတုယာ ပဉ္စ၊ အာရမ္မဏေ ဒွေ။ပေ.။ အဝိဂတေ ပဉ္စ (သံခိတ္တံ)။ (သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၈၅. အသံကိလိဋ္ဌသံကိလေသိကော အရဏော ဓမ္မော အသံကိလိဋ္ဌသံကိလေသိကဿ အရဏဿ ဓမ္မဿ ဟေတုပစ္စယေန ပစ္စယော။ (၁)
အသံကိလိဋ္ဌအသံကိလေသိကော အရဏော ဓမ္မော အသံကိလိဋ္ဌအသံကိလေသိကဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ (သံခိတ္တံ)။
၈၆. ဟေတုယာ စတ္တာရိ၊ အာရမ္မဏေ တီဏိ။ပေ.။ အဝိဂတေ သတ္တ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၆-၁၀၀. ဝိတက္ကတ္တိက-သရဏဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၈၇. သဝိတက္ကသဝိစာရံ သရဏံ ဓမ္မံ ပဋိစ္စ သဝိတက္ကသဝိစာရော သရဏော ဓမ္မော ဥပ္ပဇ္ဇတိ ဟေတုပစ္စယာ။ သဝိတက္ကသဝိစာရံ သရဏံ ဓမ္မံ ပဋိစ္စ အဝိတက္ကဝိစာရမတ္တော သရဏော ဓမ္မော ဥပ္ပဇ္ဇတိ ဟေတုပစ္စယာ။ သဝိတက္ကသဝိစာရံ သရဏံ ဓမ္မံ ပဋိစ္စ သဝိတက္ကသဝိစာရော သရဏော စ အဝိတက္ကဝိစာရမတ္တော သရဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အဝိတက္ကဝိစာရမတ္တံ သရဏံ ဓမ္မံ ပဋိစ္စ သဝိတက္ကသဝိစာရော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
သဝိတက္ကသဝိစာရံ သရဏဉ္စ အဝိတက္ကဝိစာရမတ္တံ သရဏဉ္စ ဓမ္မံ ပဋိစ္စ သဝိတက္ကသဝိစာရော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၈၈. ဟေတုယာ ပဉ္စ။ပေ.။ အဝိဂတေ ပဉ္စ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၈၉. သဝိတက္ကသဝိစာရံ အရဏံ ဓမ္မံ ပဋိစ္စ သဝိတက္ကသဝိစာရော အရဏော ဓမ္မော ဥပ္ပဇ္ဇတိ ဟေတုပစ္စယာ။ သတ္တ။
အဝိတက္ကဝိစာရမတ္တံ အရဏံ ဓမ္မံ ပဋိစ္စ အဝိတက္ကဝိစာရမတ္တော အရဏော ဓမ္မော ဥပ္ပဇ္ဇတိ ဟေတုပစ္စယာ ။ ပဉ္စ။
အဝိတက္ကအဝိစာရံ အရဏံ ဓမ္မံ ပဋိစ္စ အဝိတက္ကအဝိစာရော အရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၉၀. ဟေတုယာ သတ္တတိံသ။ပေ.။ အဝိဂတေ သတ္တတိံသ (သံခိတ္တံ)။ (သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ)။
၇-၁၀၀. ဣတိတ္တိက-သရဏဒုကံ
၁-၇. ပဋိစ္စဝါရာဒိ
ပစ္စယစတုက္ကံ
၉၁. ဣတိသဟဂတံ သရဏံ ဓမ္မံ ပဋိစ္စ ဣတိသဟဂတော သရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သုခသဟဂတံ သရဏံ ဓမ္မံ ပဋိစ္စ သုခသဟဂတော သရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဥပေက္ခါသဟဂတံ သရဏံ ဓမ္မံ ပဋိစ္စ ဥပေက္ခါသဟဂတော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဣတိသဟဂတံ သရဏဉ္စ သုခသဟဂတံ သရဏဉ္စ ဓမ္မံ ပဋိစ္စ ဣတိသဟဂတော သရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ)။
ဟေတုယာ ဒသ။ပေ.။ အဝိဂတေ ဒသ (သံခိတ္တံ)။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၉၂. ဣတိသဟဂတော သရဏော ဓမ္မော ဣတိသဟဂတဿ သရဏဿ ဓမ္မဿ ဟေတုပစ္စယေန ပစ္စယော။ တီဏိ။
သုခသဟဂတော သရဏော ဓမ္မော သုခသဟဂတဿ သရဏဿ ဓမ္မဿ ဟေတုပစ္စယေန ပစ္စယော။ တီဏိ။
ဥပေက္ခါသဟဂတော သရဏော ဓမ္မော ဥပေက္ခါသဟဂတဿ သရဏဿ ဓမ္မဿ ဟေတုပစ္စယေန ပစ္စယော။ (၁)
ဣတိသဟဂတော သရဏော စ သုခသဟဂတော သရဏော စ ဓမ္မာ ဣတိသဟဂတဿ သရဏဿ ဓမ္မဿ ဟေတုပစ္စယေန ပစ္စယော။ တီဏိ (သံခိတ္တံ)။
၉၃. ဟေတုယာ ဒသ၊ အာရမ္မဏေ သောဠသ။ပေ.။ အဝိဂတေ ဒသ (သံခိတ္တံ)။ (ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ)။
၉၄. ဣတိသဟဂတံ အရဏံ ဓမ္မံ ပဋိစ္စ ဣတိသဟဂတော အရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဒသ။ပေ.။ အဝိဂတေ ဒသ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ တတ္တကာဝ ပဉှာ။)
၈-၁၀၀. ဒဿနတ္တိက-သရဏဒုကံ
၁-၇. ပဋိစ္စဝါရာဒိ
ပစ္စယစတုက္ကံ
၉၅. ဒဿနေန ပဟာတဗ္ဗံ သရဏံ ဓမ္မံ ပဋိစ္စ ဒဿနေန ပဟာတဗ္ဗော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဘာဝနာယ ပဟာတဗ္ဗံ သရဏံ ဓမ္မံ ပဋိစ္စ ဘာဝနာယ ပဟာတဗ္ဗော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၉၆. နေဝဒဿနေန နဘာဝနာယ ပဟာတဗ္ဗံ အရဏံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော အရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၉-၁၀၀. ဒဿနဟေတုတ္တိက-သရဏဒုကံ
၁-၇. ပဋိစ္စဝါရာဒိ
ဟေတုပစ္စယော
၉၇. ဒဿနေန ပဟာတဗ္ဗဟေတုကံ သရဏံ ဓမ္မံ ပဋိစ္စ။ပေ.။ ဘာဝနာယ ပဟာတဗ္ဗဟေတုကံ သရဏံ ဓမ္မံ ပဋိစ္စ။ပေ.။ နေဝဒဿနေန နဘာဝနာယ ပဟာတဗ္ဗဟေတုကံ သရဏံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော သရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၁၀-၁၀၀. အာစယဂါမိတ္တိက-သရဏဒုကံ
၁-၇. ပဋိစ္စဝါရာဒိ
ဟေတု-အာရမ္မဏပစ္စယာ
၉၈. အာစယဂါမိံ သရဏံ ဓမ္မံ ပဋိစ္စ အာစယဂါမီ သရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၉၉. အာစယဂါမိံ အရဏံ ဓမ္မံ ပဋိစ္စ အာစယဂါမီ အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အပစယဂါမိံ အရဏံ ဓမ္မံ ပဋိစ္စ အပစယဂါမီ အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နေဝါစယဂါမိနာပစယဂါမိံ အရဏံ ဓမ္မံ ပဋိစ္စ နေဝါစယဂါမိနာပစယဂါမီ အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အာစယဂါမိံ အရဏဉ္စ နေဝါစယဂါမိနာပစယဂါမိံ အရဏဉ္စ ဓမ္မံ ပဋိစ္စ နေဝါစယဂါမိနာပစယဂါမီ အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အပစယဂါမိံ အရဏဉ္စ နေဝါစယဂါမိနာပစယဂါမိံ အရဏဉ္စ ဓမ္မံ ပဋိစ္စ နေဝါစယဂါမိနာပစယဂါမီ အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၁၀၀. ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ။ပေ.။ အဝိဂတေ နဝ (သံခိတ္တံ)။ (သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၁၀၁. အာစယဂါမီ အရဏော ဓမ္မော အာစယဂါမိဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
အပစယဂါမီ အရဏော ဓမ္မော အပစယဂါမိဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
နေဝါစယဂါမိနာပစယဂါမီ အရဏော ဓမ္မော နေဝါစယဂါမိနာပစယဂါမိဿ အရဏဿ ဓမ္မဿ ဟေတုပစ္စယေန ပစ္စယော။ (၁)
အာစယဂါမီ အရဏော ဓမ္မော အာစယဂါမိဿ အရဏဿ ဓမ္မဿ အာရမ္မဏပစ္စယေန ပစ္စယော (သံခိတ္တံ)။
၁၀၂. ဟေတုယာ သတ္တ၊ အာရမ္မဏေ သတ္တ၊ အဓိပတိယာ ဒသ၊ အနန္တရေ ဆ။ပေ.။ အဝိဂတေ တေရသ။ (သံခိတ္တံ။)
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁၁-၁၀၀. သေက္ခတ္တိက-သရဏဒုကံ
၁-၇. ပဋိစ္စဝါရာဒိ
ဟေတုပစ္စယော
၁၀၃. နေဝသေက္ခနာသေက္ခံ သရဏံ ဓမ္မံ ပဋိစ္စ နေဝသေက္ခနာသေက္ခေါ သရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၁၀၄. သေက္ခံ အရဏံ ဓမ္မံ ပဋိစ္စ သေက္ခေါ အရဏော ဓမ္မော ဥပ္ပဇ္ဇတိ ဟေတုပစ္စယာ။ သေက္ခံ အရဏံ ဓမ္မံ ပဋိစ္စ နေဝသေက္ခနာသေက္ခေါ အရဏော ဓမ္မော ဥပ္ပဇ္ဇတိ ဟေတုပစ္စယာ။ သေက္ခံ အရဏံ ဓမ္မံ ပဋိစ္စ သေက္ခေါ အရဏော စ နေဝသေက္ခနာသေက္ခေါ အရဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အသေက္ခံ အရဏံ ဓမ္မံ ပဋိစ္စ အသေက္ခေါ အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နေဝသေက္ခနာသေက္ခံ အရဏံ ဓမ္မံ ပဋိစ္စ နေဝသေက္ခနာသေက္ခေါ အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
သေက္ခံ အရဏဉ္စ နေဝသေက္ခနာသေက္ခံ အရဏဉ္စ ဓမ္မံ။ပေ.။ ဟေတုပစ္စယာ။
အသေက္ခံ အရဏဉ္စ နေဝသေက္ခနာသေက္ခံ အရဏဉ္စ ဓမ္မံ ပဋိစ္စ နေဝသေက္ခနာသေက္ခေါ အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၁၀၅. ဟေတုယာ နဝ၊ အာရမ္မဏေ တီဏိ။ပေ.။ အဝိဂတေ နဝ။
(သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၁၀၆. သေက္ခေါ အရဏော ဓမ္မော သေက္ခဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
အသေက္ခေါ အရဏော ဓမ္မော အသေက္ခဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
နေဝသေက္ခနာသေက္ခေါ အရဏော ဓမ္မော နေဝသေက္ခနာသေက္ခဿ အရဏဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၁၀၇. ဟေတုယာ သတ္တ၊ အာရမ္မဏေ ပဉ္စ၊ အဓိပတိယာ နဝ၊ အနန္တရေ အဋ္ဌ။ပေ.။ အဝိဂတေ တေရသ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁၁ -၁၀၀. ပရိတ္တတ္တိက-သရဏဒုကံ
၁-၇. ပဋိစ္စဝါရာဒိ
ဟေတုပစ္စယော
၁၀၈. ပရိတ္တံ သရဏံ ဓမ္မံ ပဋိစ္စ ပရိတ္တော သရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၁၀၉. ပရိတ္တံ အရဏံ ဓမ္မံ ပဋိစ္စ ပရိတ္တော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဟဂ္ဂတံ အရဏံ ဓမ္မံ ပဋိစ္စ မဟဂ္ဂတော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အပ္ပမာဏံ အရဏံ ဓမ္မံ ပဋိစ္စ အပ္ပမာဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ပရိတ္တံ အရဏဉ္စ မဟဂ္ဂတံ အရဏဉ္စ ဓမ္မံ ပဋိစ္စ ပရိတ္တော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ပရိတ္တံ အရဏဉ္စ အပ္ပမာဏံ အရဏဉ္စ ဓမ္မံ ပဋိစ္စ ပရိတ္တော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၁၁၀. ဟေတုယာ တေရသ၊ အာရမ္မဏေ ပဉ္စ။ပေ.။ အဝိဂတေ တေရသ။
(သံခိတ္တံ။ သဟဇာတဝါရေပိ ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁၃ -၁၀၀. ပရိတ္တာရမ္မဏတ္တိက-သရဏဒုကံ
၁-၇. ပဋိစ္စဝါရာဒိ
ဟေတုပစ္စယော
၁၁၁. ပရိတ္တာရမ္မဏံ သရဏံ ဓမ္မံ ပဋိစ္စ ပရိတ္တာရမ္မဏော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
မဟဂ္ဂတာရမ္မဏံ သရဏံ ဓမ္မံ ပဋိစ္စ မဟဂ္ဂတာရမ္မဏော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁၁၂. ပရိတ္တာရမ္မဏံ အရဏံ ဓမ္မံ ပဋိစ္စ ပရိတ္တာရမ္မဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
မဟဂ္ဂတာရမ္မဏံ အရဏံ ဓမ္မံ ပဋိစ္စ မဟဂ္ဂတာရမ္မဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အပ္ပမာဏာရမ္မဏံ အရဏံ ဓမ္မံ ပဋိစ္စ အပ္ပမာဏာရမ္မဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ တီဏိ။ပေ.။ အဝိဂတေ တီဏိ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁၄ -၁၀၀. ဟီနတ္တိက-သရဏဒုကံ
၁-၇. ပဋိစ္စဝါရာဒိ
ဟေတုပစ္စယော
၁၁၃. ဟီနံ သရဏံ ဓမ္မံ ပဋိစ္စ ဟီနော သရဏော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
၁၁၄. မဇ္ဈိမံ အရဏံ ဓမ္မံ ပဋိစ္စ မဇ္ဈိမော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ပဏီတံ အရဏံ ဓမ္မံ ပဋိစ္စ ပဏီတော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဇ္ဈိမံ အရဏဉ္စ ပဏီတံ အရဏဉ္စ ဓမ္မံ ပဋိစ္စ မဇ္ဈိမော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ပဉ္စ။ပေ.။ အဝိဂတေ ပဉ္စ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁၅-၁၀၀. မိစ္ဆတ္တနိယတတ္တိက-သရဏဒုကံ
၁-၇. ပဋိစ္စဝါရာဒိ
ဟေတုပစ္စယော
၁၁၅. မိစ္ဆတ္တနိယတံ သရဏံ ဓမ္မံ ပဋိစ္စ မိစ္ဆတ္တနိယတော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနိယတံ သရဏံ ဓမ္မံ ပဋိစ္စ အနိယတော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁၁၆. သမ္မတ္တနိယတံ အရဏံ ဓမ္မံ ပဋိစ္စ သမ္မတ္တနိယတော အရဏော ဓမ္မော ဥပ္ပဇ္ဇတိ ဟေတုပစ္စယာ။ သမ္မတ္တနိယတံ အရဏံ ဓမ္မံ ပဋိစ္စ အနိယတော အရဏော ဓမ္မော ဥပ္ပဇ္ဇတိ ဟေတုပစ္စယာ။ သမ္မတ္တနိယတံ အရဏံ ဓမ္မံ ပဋိစ္စ သမ္မတ္တနိယတော အရဏော စ အနိယတော အရဏော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အနိယတံ အရဏံ ဓမ္မံ ပဋိစ္စ အနိယတော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
သမ္မတ္တနိယတံ အရဏဉ္စ အနိယတံ အရဏဉ္စ ဓမ္မံ ပဋိစ္စ အနိယတော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ပဉ္စ၊ အာရမ္မဏေ ဒွေ။ပေ.။ အဝိဂတေ ပဉ္စ (သံခိတ္တံ)။ (သဟဇာတဝါရမ္ပိ။ပေ.။ ပဉှာဝါရမ္ပိ ဝိတ္ထာရေတဗ္ဗံ။)
၁၆-၁၀၀. မဂ္ဂါရမ္မဏတ္တိက-သရဏဒုကံ
၁-၇. ပဋိစ္စဝါရာဒိ
ဟေတုပစ္စယော
၁၁၇. မဂ္ဂါရမ္မဏံ အရဏံ ဓမ္မံ ပဋိစ္စ မဂ္ဂါရမ္မဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဂ္ဂဟေတုကံ အရဏံ ဓမ္မံ ပဋိစ္စ မဂ္ဂဟေတုကော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဂ္ဂါဓိပတိံ အရဏံ ဓမ္မံ ပဋိစ္စ မဂ္ဂါဓိပတိ အရဏော ဓမ္မော ဥပ္ပဇ္ဇတိ ဟေတုပစ္စယာ။ ပဉ္စ။
မဂ္ဂါရမ္မဏံ အရဏဉ္စ မဂ္ဂါဓိပတိံ အရဏဉ္စ ဓမ္မံ ပဋိစ္စ မဂ္ဂါရမ္မဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
မဂ္ဂဟေတုကံ အရဏဉ္စ မဂ္ဂါဓိပတိံ အရဏဉ္စ ဓမ္မံ ပဋိစ္စ မဂ္ဂဟေတုကော အရဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ)။
ဟေတုယာ သတ္တရသ။ပေ.။ အဝိဂတေ သတ္တရသ (သံခိတ္တံ)။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၁၁၈. မဂ္ဂါရမ္မဏော အရဏော ဓမ္မော မဂ္ဂါရမ္မဏဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
မဂ္ဂဟေတုကော အရဏော ဓမ္မော မဂ္ဂဟေတုကဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
မဂ္ဂါဓိပတိ အရဏော ဓမ္မော မဂ္ဂါဓိပတိဿ အရဏဿ ဓမ္မဿ ဟေတုပစ္စယေန ပစ္စယော။ ပဉ္စ။
မဂ္ဂါရမ္မဏော အရဏော စ မဂ္ဂါဓိပတိ အရဏော စ ဓမ္မာ မဂ္ဂါရမ္မဏဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ။
မဂ္ဂဟေတုကော အရဏော စ မဂ္ဂါဓိပတိ အရဏော စ ဓမ္မာ မဂ္ဂဟေတုကဿ အရဏဿ ဓမ္မဿ ဟေတုပစ္စယေန ပစ္စယော။ တီဏိ (သံခိတ္တံ)။
၁၁၉. ဟေတုယာ သတ္တရသ၊ အာရမ္မဏေ နဝ။ပေ.။ အဝိဂတေ သတ္တရသ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁၇-၁၀၀. ဥပ္ပန္နတ္တိက-သရဏဒုကံ
၇. ပဉှာဝါရော
ဟေတု-အာရမ္မဏပစ္စယာ
၁၂၀. ဥပ္ပန္နော သရဏော ဓမ္မော ဥပ္ပန္နဿ သရဏဿ ဓမ္မဿ ဟေတုပစ္စယေန ပစ္စယော (သံခိတ္တံ)။
ဟေတုယာ ဧကံ၊ အာရမ္မဏေ ဒွေ၊ အဓိပတိယာ ဒွေ၊ သဟဇာတေ အညမညေ နိဿယေ ဧကံ၊ ဥပနိဿယေ ဒွေ၊ ကမ္မေ။ပေ.။ သမ္ပယုတ္တေ ဧကံ။ပေ.။ အဝိဂတေ ဧကံ (သံခိတ္တံ)။
၁၂၁. ဥပ္ပန္နော အရဏော ဓမ္မော ဥပ္ပန္နဿ အရဏဿ ဓမ္မဿ ဟေတုပစ္စယေန ပစ္စယော (သံခိတ္တံ)။
ဟေတုယာ ဧကံ၊ အာရမ္မဏေ တီဏိ၊ အဓိပတိယာ တီဏိ။ပေ.။ ဥပနိဿယေ တီဏိ။ပေ.။ အဝိဂတေ ဧကံ (သံခိတ္တံ)။
၁၈-၁၀၀. အတီတတ္တိက-သရဏဒုကံ
၇. ပဉှာဝါရော
ဟေတုပစ္စယော
၁၂၂. ပစ္စုပ္ပန္နော သရဏော ဓမ္မော ပစ္စုပ္ပန္နဿ သရဏဿ ဓမ္မဿ ဟေတုပစ္စယေန ပစ္စယော (သံခိတ္တံ)။
ဟေတုယာ ဧကံ၊ အာရမ္မဏေ တီဏိ၊ အဓိပတိယာ တီဏိ။ပေ.။ ဥပနိဿယေ တီဏိ။ပေ.။ အဝိဂတေ ဧကံ (သံခိတ္တံ)။
၁၂၃. ပစ္စုပ္ပန္နော အရဏော ဓမ္မော ပစ္စုပ္ပန္နဿ အရဏဿ ဓမ္မဿ ဟေတုပစ္စယေန ပစ္စယော (သံခိတ္တံ)။
ဟေတုယာ ဧကံ၊ အာရမ္မဏေ တီဏိ။ပေ.။ အဝိဂတေ ဧကံ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁၉-၁၀၀. အတီတာရမ္မဏတ္တိက-သရဏဒုကံ
၁-၇. ပဋိစ္စဝါရာဒိ
ဟေတု-အာရမ္မဏပစ္စယာ
၁၂၄. အတီတာရမ္မဏံ သရဏံ ဓမ္မံ ပဋိစ္စ အတီတာရမ္မဏော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနာဂတာရမ္မဏံ သရဏံ ဓမ္မံ ပဋိစ္စ အနာဂတာရမ္မဏော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ပစ္စုပ္ပန္နာရမ္မဏံ သရဏံ ဓမ္မံ ပဋိစ္စ ပစ္စုပ္ပန္နာရမ္မဏော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ တီဏိ။ပေ.။ အဝိဂတေ တီဏိ (သံခိတ္တံ)။
(သဟဇာတဝါရမ္ပိ ။ပေ.။ ပဉှာဝါရမ္ပိ သဗ္ဗတ္ထ ဝိတ္ထာရေတဗ္ဗံ။)
၁၂၅. အတီတာရမ္မဏံ အရဏံ ဓမ္မံ ပဋိစ္စ အတီတာရမ္မဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနာဂတာရမ္မဏံ အရဏံ ဓမ္မံ ပဋိစ္စ အနာဂတာရမ္မဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ပစ္စုပ္ပန္နာရမ္မဏံ အရဏံ ဓမ္မံ ပဋိစ္စ ပစ္စုပ္ပန္နာရမ္မဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ တီဏိ။ပေ.။ အဝိဂတေ တီဏိ (သံခိတ္တံ)။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၁၂၆. အတီတာရမ္မဏော အရဏော ဓမ္မော အတီတာရမ္မဏဿ အရဏဿ ဓမ္မဿ ဟေတုပစ္စယေန ပစ္စယော။ (၁)
အနာဂတာရမ္မဏော အရဏော ဓမ္မော အနာဂတာရမ္မဏဿ အရဏဿ ဓမ္မဿ ဟေတုပစ္စယေန ပစ္စယော။ (၁)
ပစ္စုပ္ပန္နာရမ္မဏော အရဏော ဓမ္မော ပစ္စုပ္ပန္နာရမ္မဏဿ အရဏဿ ဓမ္မဿ ဟေတုပစ္စယေန ပစ္စယော။ (၁)
အတီတာရမ္မဏော အရဏော ဓမ္မော အတီတာရမ္မဏဿ အရဏဿ ဓမ္မဿ အာရမ္မဏပစ္စယေန ပစ္စယော။ (သံခိတ္တံ။)
၁၂၇. ဟေတုယာ တီဏိ၊ အာရမ္မဏေ နဝ။ပေ.။ အဝိဂတေ တီဏိ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ)။
၂၀-၁၀၀. အဇ္ဈတ္တတ္တိက-သရဏဒုကံ
၁-၇. ပဋိစ္စဝါရာဒိ
ဟေတုပစ္စယော
၁၂၈. အဇ္ဈတ္တံ သရဏံ ဓမ္မံ ပဋိစ္စ အဇ္ဈတ္တော သရဏော ဓမ္မော ဥပ္ပဇ္ဇတိ ဟေတုပစ္စယာ။
ဗဟိဒ္ဓါ သရဏံ ဓမ္မံ ပဋိစ္စ ဗဟိဒ္ဓါ သရဏော ဓမ္မော ဥပ္ပဇ္ဇတိ ဟေတုပစ္စယာ။
ဟေတုယာ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁၂၉. အဇ္ဈတ္တံ အရဏံ ဓမ္မံ ပဋိစ္စ အဇ္ဈတ္တော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဗဟိဒ္ဓါ အရဏံ ဓမ္မံ ပဋိစ္စ ဗဟိဒ္ဓါ အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၂၁-၁၀၀. အဇ္ဈတ္တာရမ္မဏတ္တိက-သရဏဒုကံ
၁-၇. ပဋိစ္စဝါရာဒိ
ဟေတုပစ္စယော
၁၃၀. အဇ္ဈတ္တာရမ္မဏံ သရဏံ ဓမ္မံ ပဋိစ္စ အဇ္ဈတ္တာရမ္မဏော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဗဟိဒ္ဓါရမ္မဏံ သရဏံ ဓမ္မံ ပဋိစ္စ ဗဟိဒ္ဓါရမ္မဏော သရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၁၃၁. အဇ္ဈတ္တာရမ္မဏံ အရဏံ ဓမ္မံ ပဋိစ္စ အဇ္ဈတ္တာရမ္မဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁)
ဗဟိဒ္ဓါရမ္မဏံ အရဏံ ဓမ္မံ ပဋိစ္စ ဗဟိဒ္ဓါရမ္မဏော အရဏော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
ဟေတုယာ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဝိတ္ထာရော။)
၂၂-၁၀၀. သနိဒဿနတ္တိက-သရဏဒုကံ
၁-၇. ပဋိစ္စဝါရာဒိ
ဟေတုပစ္စယော
၁၃၂. အနိဒဿနအပ္ပဋိဃံ သရဏံ ဓမ္မံ ပဋိစ္စ အနိဒဿနအပ္ပဋိဃော သရဏော ဓမ္မော ဥပ္ပဇ္ဇတိ ဟေတုပစ္စယာ (သဗ္ဗတ္ထ ဧကံ)။
အနိဒဿနအပ္ပဋိဃံ အရဏံ ဓမ္မံ ပဋိစ္စ အနိဒဿနအပ္ပဋိဃော အရဏော ဓမ္မော ဥပ္ပဇ္ဇတိ ဟေတုပစ္စယာ။ သတ္တ (သံခိတ္တံ)။
၁၃၃. ဟေတုယာ ဧကဝီသ။ပေ.။ အဝိဂတေ ဧကဝီသ (သံခိတ္တံ)။ (သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၁၃၄. အနိဒဿနအပ္ပဋိဃော အရဏော ဓမ္မော အနိဒဿနအပ္ပဋိဃဿ အရဏဿ ဓမ္မဿ ဟေတုပစ္စယေန ပစ္စယော (သံခိတ္တံ)။
ဟေတုယာ သတ္တ၊ အာရမ္မဏေ တီဏိ။ပေ.။ အဝိဂတေ ပဉ္စဝီသ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
သနိဒဿနတ္တိကသရဏဒုကံ နိဋ္ဌိတံ။
ဓမ္မာနုလောမေ တိကဒုကပဋ္ဌာနံ နိဋ္ဌိတံ။
စတုတ္ထော ဘာဂေါ နိဋ္ဌိတော။