၁-၁၄. ကုသလတ္တိက-အာသဝဒုက
၁-၇. ပဋိစ္စဒိဝါရ
ပစ္စယစတုက္က
ဟေတုပစ္စယော
၁. အကုသလံ အာသဝံ ဓမ္မံ ပဋိစ္စ အကုသလော အာသဝေါ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ သမ္ပယုတ္တဝါရေပိ ပဉှာဝါရေပိ သဗ္ဗတ္ထ ဧကံ)။
၂. ကုသလံ နောအာသဝံ ဓမ္မံ ပဋိစ္စ ကုသလော နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ကုသလံ နောအာသဝံ ဓမ္မံ ပဋိစ္စ အဗျာကတော နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ကုသလံ နောအာသဝံ ဓမ္မံ ပဋိစ္စ ကုသလော နောအာသဝေါ စ အဗျာကတော နောအာသဝေါ စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အကုသလံ နောအာသဝံ ဓမ္မံ ပဋိစ္စ အကုသလော နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ နောအာသဝံ ဓမ္မံ ပဋိစ္စ အဗျာကတော နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ နောအာသဝဉ္စ အဗျာကတံ နောအာသဝဉ္စ ဓမ္မံ ပဋိစ္စ အဗျာကတော နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ နောအာသဝဉ္စ အဗျာကတံ နောအာသဝဉ္စ ဓမ္မံ ပဋိစ္စ အဗျာကတော နောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အာရမ္မဏပစ္စယော
၃. ကုသလံ နောအာသဝံ ဓမ္မံ ပဋိစ္စ ကုသလော နောအာသဝေါ ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အကုသလံ နောအာသဝံ ဓမ္မံ ပဋိစ္စ အကုသလော နောအာသဝေါ ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အဗျာကတံ နောအာသဝံ ဓမ္မံ ပဋိစ္စ အဗျာကတော နောအာသဝေါ ဓမ္မော ဥပ္ပဇ္ဇတိ အာရမ္မဏပစ္စယာ။ (၁) (သံခိတ္တံ။)
၄. ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ။ပေ.။ အဝိဂတေ နဝ (သံခိတ္တံ)။
နဟေတုယာ ဧကံ၊ နအာရမ္မဏေ ပဉ္စ၊ နအဓိပတိယာ နဝ။ပေ.။ နောဝိဂတေ ပဉ္စ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
ဟေတု-အာရမ္မဏပစ္စယာ
၅. ကုသလော နောအာသဝေါ ဓမ္မော ကုသလဿ နောအာသဝဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော နောအာသဝေါ ဓမ္မော အကုသလဿ နောအာသဝဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော နောအာသဝေါ ဓမ္မော အဗျာကတဿ နောအာသဝဿ ဓမ္မဿ ဟေတုပစ္စယေန ပစ္စယော။ (၁)
ကုသလော နောအာသဝေါ ဓမ္မော ကုသလဿ နောအာသဝဿ ဓမ္မဿ အာရမ္မဏပစ္စယေန ပစ္စယော (သံခိတ္တံ)။
၆. ဟေတုယာ သတ္တ၊ အာရမ္မဏေ နဝ၊ အဓိပတိယာ ဒသ။ပေ.။ အဝိဂတေ တေရသ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ)။
၁-၁၅. ကုသလတ္တိက-သာသဝဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၇. ကုသလံ သာသဝံ ဓမ္မံ ပဋိစ္စ ကုသလော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အကုသလံ သာသဝံ ဓမ္မံ ပဋိစ္စ အကုသလော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ သာသဝံ ဓမ္မံ ပဋိစ္စ အဗျာကတော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ သာသဝဉ္စ အဗျာကတံ သာသဝဉ္စ ဓမ္မံ ပဋိစ္စ အဗျာကတော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ သာသဝဉ္စ အဗျာကတံ သာသဝဉ္စ ဓမ္မံ ပဋိစ္စ အဗျာကတော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၈. ဟေတုယာ နဝ၊ အာရမ္မဏေ တီဏိ။ပေ.။ အဝိဂတေ နဝ (သံခိတ္တံ)။
နဟေတုယာ ဒွေ၊ နအာရမ္မဏေ ပဉ္စ၊ နအဓိပတိယာ နဝ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၉. ကုသလော သာသဝေါ ဓမ္မော ကုသလဿ သာသဝဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော သာသဝေါ ဓမ္မော အကုသလဿ သာသဝဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော သာသဝေါ ဓမ္မော အဗျာကတဿ သာသဝဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
ဟေတုယာ သတ္တ၊ အာရမ္မဏေ နဝ။ပေ.။ အဝိဂတေ တေရသ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
အနာသဝပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၀. ကုသလံ အနာသဝံ ဓမ္မံ ပဋိစ္စ ကုသလော အနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အနာသဝံ ဓမ္မံ ပဋိစ္စ အဗျာကတော အနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၁၁. ဟေတုယာ ဒွေ။ပေ.။ အဝိဂတေ ဒွေ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
ဟေတုအာရမ္မဏပစ္စယာဒိ
၁၂. ကုသလော အနာသဝေါ ဓမ္မော ကုသလဿ အနာသဝဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အနာသဝေါ ဓမ္မော အဗျာကတဿ အနာသဝဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အနာသဝေါ ဓမ္မော အဗျာကတဿ အနာသဝဿ ဓမ္မဿ အာရမ္မဏပစ္စယေန ပစ္စယော။ အဗျာကတော အနာသဝေါ ဓမ္မော ကုသလဿ အနာသဝဿ ဓမ္မဿ အာရမ္မဏပစ္စယေန ပစ္စယော။ (၂)
ကုသလော အနာသဝေါ ဓမ္မော ကုသလဿ အနာသဝဿ ဓမ္မဿ အဓိပတိပစ္စယေန ပစ္စယော။ (၁)
အဗျာကတော အနာသဝေါ ဓမ္မော အဗျာကတဿ အနာသဝဿ ဓမ္မဿ အဓိပတိပစ္စယေန ပစ္စယော။ အဗျာကတော အနာသဝေါ ဓမ္မော ကုသလဿ အနာသဝဿ ဓမ္မဿ အဓိပတိပစ္စယေန ပစ္စယော။ (၂)
ကုသလော အနာသဝေါ ဓမ္မော အဗျာကတဿ အနာသဝဿ ဓမ္မဿ အနန္တရပစ္စယေန ပစ္စယော။ (၁)
အဗျာကတော အနာသဝေါ ဓမ္မော အဗျာကတဿ အနာသဝဿ ဓမ္မဿ အနန္တရပစ္စယေန ပစ္စယော။ (၁) (သံခိတ္တံ။)
၁၃. ဟေတုယာ ဒွေ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဒွေ၊ သမနန္တရေ ဒွေ၊ သဟဇာတေ ဒွေ၊ အညမညေ ဒွေ၊ နိဿယေ ဒွေ၊ ဥပနိဿယေ စတ္တာရိ။ပေ.။ အဝိဂတေ ဒွေ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ)။
၁-၁၆. ကုသလတ္တိက-အာသဝသမ္ပယုတ္တဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၄. အကုသလံ အာသဝသမ္ပယုတ္တံ ဓမ္မံ ပဋိစ္စ အကုသလော အာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ၊ အာမမ္မဏေ ဧကံ (သံခိတ္တံ)။
(သဟဇာတဝါရေပိ။ပေ.။ သမ္ပယုတ္တဝါရေပိ ပဉှာဝါရေပိ သဗ္ဗတ္ထ ဧကံ။)
၁၅. ကုသလံ အာသဝဝိပ္ပယုတ္တံ ဓမ္မံ ပဋိစ္စ ကုသလော အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ အာသဝဝိပ္ပယုတ္တံ ဓမ္မံ ပဋိစ္စ အဗျာကတော အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ အာသဝဝိပ္ပယုတ္တံ ဓမ္မံ ပဋိစ္စ ကုသလော အာသဝဝိပ္ပယုတ္တော စ အဗျာကတော အာသဝဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အကုသလံ အာသဝဝိပ္ပယုတ္တံ ဓမ္မံ ပဋိစ္စ အဗျာကတော အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အာသဝဝိပ္ပယုတ္တံ ဓမ္မံ ပဋိစ္စ အဗျာကတော အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အာသဝဝိပ္ပယုတ္တဉ္စ အဗျာကတံ အာသဝဝိပ္ပယုတ္တဉ္စ ဓမ္မံ ပဋိစ္စ အဗျာကတော အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အာသဝဝိပ္ပယုတ္တဉ္စ အဗျာကတံ အာသဝဝိပ္ပယုတ္တဉ္စ ဓမ္မံ ပဋိစ္စ အဗျာကတော အာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၁၆. ဟေတုယာ သတ္တ၊ အာရမ္မဏေ ဒွေ၊ အဓိပတိယာ သတ္တ။ပေ.။ အဝိဂတေ သတ္တ (သံခိတ္တံ)။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၁၇. ကုသလော အာသဝဝိပ္ပယုတ္တော ဓမ္မော ကုသလဿ အာသဝဝိပ္ပယုတ္တဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော အာသဝဝိပ္ပယုတ္တော ဓမ္မော အဗျာကတဿ အာသဝဝိပ္ပယုတ္တဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အာသဝဝိပ္ပယုတ္တော ဓမ္မော အဗျာကတဿ အာသဝဝိပ္ပယုတ္တဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၁၈. ဟေတုယာ ပဉ္စ၊ အာရမ္မဏေ နဝ၊ အဓိပတိယာ ပဉ္စ။ပေ.။ အဝိဂတေ ဒသ (သံခိတ္တံ။)
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁-၁၇. ကုသလတ္တိက-အာသဝသာသဝဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၉. အကုသလံ အာသဝဉ္စေဝ သာသဝဉ္စ ဓမ္မံ ပဋိစ္စ အကုသလော အာသဝေါ စေဝ သာသဝေါ စ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ သမ္ပယုတ္တဝါရေပိ ပဉှာဝါရေပိ သဗ္ဗတ္ထ ဧကံ)။
၂၀. ကုသလံ သာသဝဉ္စေဝ နော စ အာသဝံ ဓမ္မံ ပဋိစ္စ ကုသလော သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အကုသလံ သာသဝဉ္စေဝ နော စ အာသဝံ ဓမ္မံ ပဋိစ္စ အကုသလော သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ သာသဝဉ္စေဝ နော စ အာသဝံ ဓမ္မံ ပဋိစ္စ အဗျာကတော သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ သာသဝဉ္စေဝ နော စ အာသဝဉ္စ အဗျာကတံ သာသဝဉ္စေဝ နော စ အာသဝဉ္စ ဓမ္မံ ပဋိစ္စ အဗျာကတော သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ သာသဝဉ္စေဝ နော စ အာသဝဉ္စ အဗျာကတံ သာသဝဉ္စေဝ နော စ အာသဝဉ္စ ဓမ္မံ ပဋိစ္စ အဗျာကတော သာသဝေါ စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၂၁. ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ။ပေ.။ အဝိဂတေ နဝ (သံခိတ္တံ)။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
၂၂. ကုသလော သာသဝေါ စေဝ နော စ အာသဝေါ ဓမ္မော ကုသလဿ သာသဝဿ စေဝ နော စ အာသဝဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော သာသဝေါ စေဝ နော စ အာသဝေါ ဓမ္မော အကုသလဿ သာသဝဿ စေဝ နော စ အာသဝဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော သာသဝေါ စေဝ နော စ အာသဝေါ ဓမ္မော အဗျာကတဿ သာသဝဿ စေဝ နော စ အာသဝဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၂၃. ဟေတုယာ သတ္တ၊ အာရမ္မဏေ နဝ၊ အဓိပတိယာ နဝ။ပေ.။ အဝိဂတေ တေရသ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ)။
၁-၁၈. ကုသလတ္တိက-အာသဝအာသဝသမ္ပယုတ္တဒုကံ
၁-၇. ပဋိစ္စဝါရာဒိ
ပစ္စယစတုက္ကံ
၂၄. အကုသလံ အာသဝဉ္စေဝ အာသဝသမ္ပယုတ္တဉ္စ ဓမ္မံ ပဋိစ္စ အကုသလော အာသဝေါ စေဝ အာသဝသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ သမ္ပယုတ္တဝါရေပိ ပဉှာဝါရေပိ သဗ္ဗတ္ထ ဧကံ)။
၂၅. အကုသလံ အာသဝသမ္ပယုတ္တဉ္စေဝ နော စ အာသဝံ ဓမ္မံ ပဋိစ္စ အကုသလော အာသဝသမ္ပယုတ္တော စေဝ နော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ သမ္ပယုတ္တဝါရေပိ ပဉှာဝါရေပိ သဗ္ဗတ္ထ ဧကံ။)
၂၆. ကုသလံ အာသဝဝိပ္ပယုတ္တံ သာသဝံ ဓမ္မံ ပဋိစ္စ ကုသလော အာသဝဝိပ္ပယုတ္တော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အကုသလံ အာသဝဝိပ္ပယုတ္တံ သာသဝံ ဓမ္မံ ပဋိစ္စ အဗျာကတော အာသဝဝိပ္ပယုတ္တော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အာသဝဝိပ္ပယုတ္တံ သာသဝံ ဓမ္မံ ပဋိစ္စ အဗျာကတော အာသဝဝိပ္ပယုတ္တော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အာသဝဝိပ္ပယုတ္တံ သာသဝဉ္စ အဗျာကတံ အာသဝဝိပ္ပယုတ္တံ သာသဝဉ္စ ဓမ္မံ ပဋိစ္စ အဗျာကတော အာသဝဝိပ္ပယုတ္တော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အာသဝဝိပ္ပယုတ္တံ သာသဝဉ္စ အဗျာကတံ အာသဝဝိပ္ပယုတ္တံ သာသဝဉ္စ ဓမ္မံ ပဋိစ္စ အဗျာကတော အာသဝဝိပ္ပယုတ္တော သာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၂၇. ဟေတုယာ သတ္တ၊ အာရမ္မဏေ ဒွေ။ပေ.။ အဝိဂတေ သတ္တ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
၂၈. ကုသလော အာသဝဝိပ္ပယုတ္တော သာသဝေါ ဓမ္မော ကုသလဿ အာသဝဝိပ္ပယုတ္တဿ သာသဝဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော အာသဝဝိပ္ပယုတ္တော သာသဝေါ ဓမ္မော အဗျာကတဿ အာသဝဝိပ္ပယုတ္တဿ သာသဝဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အာသဝဝိပ္ပယုတ္တော သာသဝေါ ဓမ္မော အဗျာကတဿ အာသဝဝိပ္ပယုတ္တဿ သာသဝဿ ဓမ္မဿ ဟေတုပစ္စယေန ပစ္စယော (သံခိတ္တံ)။
၂၉. ဟေတုယာ ပဉ္စ၊ အာရမ္မဏေ နဝ၊ အဓိပတိယာ စတ္တာရိ။ပေ.။ အဝိဂတေ ဒသ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ)။
၁-၁၉. ကုသလတ္တိက-အာသဝဝိပ္ပယုတ္တသာသဝဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၃၀. ကုသလံ အာသဝဝိပ္ပယုတ္တံ အနာသဝံ ဓမ္မံ ပဋိစ္စ ကုသလော အာသဝဝိပ္ပယုတ္တော အနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အာသဝဝိပ္ပယုတ္တံ အနာသဝံ ဓမ္မံ ပဋိစ္စ အဗျာကတော အာသဝဝိပ္ပယုတ္တော အနာသဝေါ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၃၁. ဟေတုယာ ဒွေ၊ အာရမ္မဏေ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
ဟေတုအာရမ္မဏပစ္စယာဒိ
၃၂. ကုသလော အာသဝဝိပ္ပယုတ္တော အနာသဝေါ ဓမ္မော ကုသလဿ အာသဝဝိပ္ပယုတ္တဿ အနာသဝဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အာသဝဝိပ္ပယုတ္တော အနာသဝေါ ဓမ္မော အဗျာကတဿ အာသဝဝိပ္ပယုတ္တဿ အနာသဝဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အာသဝဝိပ္ပယုတ္တော အနာသဝေါ ဓမ္မော အဗျာကတဿ အာသဝဝိပ္ပယုတ္တဿ အနာသဝဿ ဓမ္မဿ အာရမ္မဏပစ္စယေန ပစ္စယော။ (၁)
အဗျာကတော အာသဝဝိပ္ပယုတ္တော အနာသဝေါ ဓမ္မော ကုသလဿ အာသဝဝိပ္ပယုတ္တဿ အနာသဝဿ ဓမ္မဿ အာရမ္မဏပစ္စယေန ပစ္စယော။ (၁)
ကုသလော အာသဝဝိပ္ပယုတ္တော အနာသဝေါ ဓမ္မော ကုသလဿ အာသဝဝိပ္ပယုတ္တဿ အနာသဝဿ ဓမ္မဿ အဓိပတိပစ္စယေန ပစ္စယော။ (၁)
အဗျာကတော အာသဝဝိပ္ပယုတ္တော အနာသဝေါ ဓမ္မော အဗျာကတဿ အာသဝဝိပ္ပယုတ္တဿ အနာသဝဿ ဓမ္မဿ အဓိပတိပစ္စယေန ပစ္စယော။ (၁)
အဗျာကတော အာသဝဝိပ္ပယုတ္တော အနာသဝေါ ဓမ္မော ကုသလဿ အာသဝဝိပ္ပယုတ္တဿ အနာသဝဿ ဓမ္မဿ အဓိပတိပစ္စယေန ပစ္စယော။ (၁)
ကုသလော အာသဝဝိပ္ပယုတ္တော အနာသဝေါ ဓမ္မော အဗျာကတဿ အာသဝဝိပ္ပယုတ္တဿ အနာသဝဿ ဓမ္မဿ အနန္တရပစ္စယေန ပစ္စယော။ (၁)
အဗျာကတော အာသဝဝိပ္ပယုတ္တော အနာသဝေါ ဓမ္မော အဗျာကတဿ အာသဝဝိပ္ပယုတ္တဿ အနာသဝဿ ဓမ္မဿ အနန္တရပစ္စယေန ပစ္စယော။ (၁) (သံခိတ္တံ။)
၃၃. ဟေတုယာ ဒွေ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဒွေ၊ သမနန္တရေ ဒွေ၊ သဟဇာတေ ဒွေ၊ အညမညေ ဒွေ၊ နိဿယေ ဒွေ၊ ဥပနိဿယေ စတ္တာရိ။ပေ.။ အဝိဂတေ ဒွေ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
ကုသလတ္တိကအာသဝဂေါစ္ဆကံ နိဋ္ဌိတံ။
၁-၂၀-၅၄. ကုသလတ္တိက-သညောဇနာဒိဒုကာနိ
၃၄. အကုသလံ သညောဇနံ ဓမ္မံ ပဋိစ္စ။ပေ.။ အကုသလံ ဂန္ထံ။ ဩဃံ။ ယောဂံ။ နီဝရဏံ။။
ကုသလံ နောပရာမာသံ ဓမ္မံ ပဋိစ္စ ကုသလော နောပရာမာသော ဓမ္မော ဥပ္ပဇ္ဇတိ ဟေတုပစ္စယာ။ (အာသဝဂေါစ္ဆကသဒိသံ။) ဒိဋ္ဌိံ ပဋိစ္စ ဒိဋ္ဌိ န ဥပ္ပဇ္ဇတိ။
ကုသလတ္တိကေ ဆ ဂေါစ္ဆကံ နိဋ္ဌိတံ။