၁-၇. ကုသလတ္တိက-သပ္ပစ္စယဒုက
၁-၇. ပဋိစ္စဒိဝါရ
ပစ္စယစတုက္က
၁. ကုသလံ သပ္ပစ္စယံ ဓမ္မံ ပဋိစ္စ ကုသလော သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ သပ္ပစ္စယံ ဓမ္မံ ပဋိစ္စ အဗျာကတော သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ သပ္ပစ္စယံ ဓမ္မံ ပဋိစ္စ ကုသလော သပ္ပစ္စယော စ အဗျာကတော သပ္ပစ္စယော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အကုသလံ သပ္ပစ္စယံ ဓမ္မံ ပဋိစ္စ အကုသလော သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ သပ္ပစ္စယံ ဓမ္မံ ပဋိစ္စ အဗျာကတော သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ သပ္ပစ္စယဉ္စ အဗျာကတံ သပ္ပစ္စယဉ္စ ဓမ္မံ ပဋိစ္စ အဗျာကတော သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ သပ္ပစ္စယဉ္စ အဗျာကတံ သပ္ပစ္စယဉ္စ ဓမ္မံ ပဋိစ္စ အဗျာကတော သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ။ (၁)
၂. ကုသလံ သပ္ပစ္စယံ ဓမ္မံ ပဋိစ္စ ကုသလော သပ္ပစ္စယော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အကုသလံ သပ္ပစ္စယံ ဓမ္မံ ပဋိစ္စ အကုသလော သပ္ပစ္စယော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အဗျာကတံ သပ္ပစ္စယံ ဓမ္မံ ပဋိစ္စ အဗျာကတော သပ္ပစ္စယော ဓမ္မော ဥပ္ပဇ္ဇတိ အာရမ္မဏပစ္စယာ။ (၁) (သံခိတ္တံ။)
၃. ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ။ပေ.။ အဝိဂတေ နဝ (သံခိတ္တံ)။
ပစ္စနီယံ
နဟေတုပစ္စယော
၄. အကုသလံ သပ္ပစ္စယံ ဓမ္မံ ပဋိစ္စ အကုသလော သပ္ပစ္စယော ဓမ္မော ဥပ္ပဇ္ဇတိ နဟေတုပစ္စယာ။ (၁)
အဗျာကတံ သပ္ပစ္စယံ ဓမ္မံ ပဋိစ္စ အဗျာကတော သပ္ပစ္စယော ဓမ္မော ဥပ္ပဇ္ဇတိ နဟေတုပစ္စယာ။ (၁) (သံခိတ္တံ။)
၅. နဟေတုယာ ဒွေ၊ နအာရမ္မဏေ ပဉ္စ၊ နအဓိပတိယာ နဝ။ပေ.။ နောဝိဂတေ ပဉ္စ (သံခိတ္တံ)။
ဟေတုပစ္စယာ နအာရမ္မဏေ ပဉ္စ (သံခိတ္တံ)။
နဟေတုပစ္စယာ အာရမ္မဏေ ဒွေ (သံခိတ္တံ)။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ။)
ဟေတု-အာရမ္မဏပစ္စယာ
၆. ကုသလော သပ္ပစ္စယော ဓမ္မော ကုသလဿ သပ္ပစ္စယဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော သပ္ပစ္စယော ဓမ္မော အကုသလဿ သပ္ပစ္စယဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော သပ္ပစ္စယော ဓမ္မော အဗျာကတဿ သပ္ပစ္စယဿ ဓမ္မဿ ဟေတုပစ္စယေန ပစ္စယော။ (၁)
၇. ကုသလော သပ္ပစ္စယော ဓမ္မော ကုသလဿ သပ္ပစ္စယဿ ဓမ္မဿ အာရမ္မဏပစ္စယေန ပစ္စယော။ တီဏိ။
အကုသလော သပ္ပစ္စယော ဓမ္မော အကုသလဿ သပ္ပစ္စယဿ ဓမ္မဿ အာရမ္မဏပစ္စယေန ပစ္စယော။ တီဏိ။
အဗျာကတော သပ္ပစ္စယော ဓမ္မော အဗျာကတဿ သပ္ပစ္စယဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ)။
၈. ဟေတုယာ သတ္တ၊ အာရမ္မဏေ နဝ၊ အဓိပတိယာ ဒသ၊ အနန္တရေ သတ္တ။ပေ.။ သဟဇာတေ နဝ။ပေ.။ ဥပနိဿယေ နဝ။ပေ.။ အဝိဂတေ တေရသ (သံခိတ္တံ)။
နဟေတုယာ ပန္နရသ၊ နအာရမ္မဏေ ပန္နရသ (သံခိတ္တံ)။
ဟေတုပစ္စယာ နအာရမ္မဏေ သတ္တ (သံခိတ္တံ)။
နဟေတုပစ္စယာ အာရမ္မဏေ နဝ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁-၈. ကုသလတ္တိက-သင်္ခတဒုကံ
၁-၇. ပဋိစ္စဝါရာဒိ
ပစ္စယစတုက္ကံ
၉. ကုသလံ သင်္ခတံ ဓမ္မံ ပဋိစ္စ ကုသလော သင်္ခတော ဓမ္မော ဥပ္ပဇ္ဇတိ ဟေတုပစ္စယာ (သပ္ပစ္စယဒုကသဒိသံ)။
၁-၉. ကုသလတ္တိက-သနိဒဿနဒုကံ
၁-၇. ပဋိစ္စဝါရာဒိ
ပစ္စယစတုက္ကံ
၁၀. ကုသလံ အနိဒဿနံ ဓမ္မံ ပဋိစ္စ ကုသလော အနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အကုသလံ အနိဒဿနံ ဓမ္မံ ပဋိစ္စ အကုသလော အနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ အနိဒဿနံ ဓမ္မံ ပဋိစ္စ အဗျာကတော အနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အနိဒဿနဉ္စ အဗျာကတံ အနိဒဿနဉ္စ ဓမ္မံ ပဋိစ္စ အဗျာကတော အနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အနိဒဿနဉ္စ အဗျာကတံ အနိဒဿနဉ္စ ဓမ္မံ ပဋိစ္စ အဗျာကတော အနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ (၁)
၁၁. ကုသလံ အနိဒဿနံ ဓမ္မံ ပဋိစ္စ ကုသလော အနိဒဿနော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အကုသလံ အနိဒဿနံ ဓမ္မံ ပဋိစ္စ အကုသလော အနိဒဿနော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အဗျာကတံ အနိဒဿနံ ဓမ္မံ ပဋိစ္စ အဗျာကတော အနိဒဿနော ဓမ္မော ဥပ္ပဇ္ဇတိ အာရမ္မဏပစ္စယာ ။ (၁) (သံခိတ္တံ။)
၁၂. ဟေတုယာ နဝ၊ အာရမ္မဏေ တီဏိ။ပေ.။ အဝိဂတေ နဝ (သံခိတ္တံ)။
ပစ္စနီယံ –နဟေတုပစ္စယော
၁၃. အကုသလံ အနိဒဿနံ ဓမ္မံ ပဋိစ္စ အကုသလော အနိဒဿနော ဓမ္မော ဥပ္ပဇ္ဇတိ နဟေတုပစ္စယာ။ (၁)
အဗျာကတံ အနိဒဿနံ ဓမ္မံ ပဋိစ္စ အဗျာကတော အနိဒဿနော ဓမ္မော ဥပ္ပဇ္ဇတိ နဟေတုပစ္စယာ။ (၁) (သံခိတ္တံ။)
နဟေတုယာ ဒွေ၊ နအာရမ္မဏေ ပဉ္စ၊ နအဓိပတိယာ နဝ။ပေ.။ နောဝိဂတေ ပဉ္စ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
ဟေတု-အာရမ္မဏပစ္စယာ
၁၄. ကုသလော အနိဒဿနော ဓမ္မော ကုသလဿ အနိဒဿနဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော အနိဒဿနော ဓမ္မော အကုသလဿ အနိဒဿနဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော အနိဒဿနော ဓမ္မော အဗျာကတဿ အနိဒဿနဿ ဓမ္မဿ ဟေတုပစ္စယေန ပစ္စယော။ (၁)
၁၅. ကုသလော အနိဒဿနော ဓမ္မော ကုသလဿ အနိဒဿနဿ ဓမ္မဿ အာရမ္မဏပစ္စယေန ပစ္စယော။ တီဏိ။
အကုသလော အနိဒဿနော ဓမ္မော အကုသလဿ အနိဒဿနဿ ဓမ္မဿ အာရမ္မဏပစ္စယေန ပစ္စယော။ တီဏိ။
အဗျာကတော အနိဒဿနော ဓမ္မော အဗျာကတဿ အနိဒဿနဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ)။
၁၆. ဟေတုယာ သတ္တ၊ အာရမ္မဏေ နဝ၊ အဓိပတိယာ ဒသ၊ အနန္တရေ သတ္တ။ပေ.။ ဥပနိဿယေ နဝ။ပေ.။ အဝိဂတေ တေရသ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁-၁၀. ကုသလတ္တိက-သပ္ပဋိဃဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၇. အဗျာကတံ သပ္ပဋိဃံ ဓမ္မံ ပဋိစ္စ အဗျာကတော သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၁၈. ကုသလံ အပ္ပဋိဃံ ဓမ္မံ ပဋိစ္စ ကုသလော အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အကုသလံ အပ္ပဋိဃံ ဓမ္မံ ပဋိစ္စ အကုသလော အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ အပ္ပဋိဃံ ဓမ္မံ ပဋိစ္စ အဗျာကတော အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ အပ္ပဋိဃဉ္စ အဗျာကတံ အပ္ပဋိဃဉ္စ ဓမ္မံ ပဋိစ္စ အဗျာကတော အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အပ္ပဋိဃဉ္စ အဗျာကတံ အပ္ပဋိဃဉ္စ ဓမ္မံ ပဋိစ္စ အဗျာကတော အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ (၁)
အာရမ္မဏပစ္စယော
၁၉. ကုသလံ အပ္ပဋိဃံ ဓမ္မံ ပဋိစ္စ ကုသလော အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အကုသလံ အပ္ပဋိဃံ ဓမ္မံ ပဋိစ္စ အကုသလော အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အဗျာကတံ အပ္ပဋိဃံ ဓမ္မံ ပဋိစ္စ အဗျာကတော အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ ။ (၁) (သံခိတ္တံ။)
၂၀. ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ။ပေ.။ အဝိဂတေ နဝ (သံခိတ္တံ)။
ပစ္စနီယံ
နဟေတုပစ္စယော
၂၁. အကုသလံ အပ္ပဋိဃံ ဓမ္မံ ပဋိစ္စ အကုသလော အပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ။ (၁)
အဗျာကတံ အပ္ပဋိဃံ ဓမ္မံ ပဋိစ္စ အဗျာကတော အပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ။ (၁) (သံခိတ္တံ။)
၂၂. နဟေတုယာ ဒွေ၊ နအာရမ္မဏေ ပဉ္စ၊ နအဓိပတိယာ နဝ။ပေ.။ နောဝိဂတေ ပဉ္စ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
ဟေတုပစ္စယော
၂၃. ကုသလော အပ္ပဋိဃော ဓမ္မော ကုသလဿ အပ္ပဋိဃဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော အပ္ပဋိဃော ဓမ္မော အကုသလဿ အပ္ပဋိဃဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော အပ္ပဋိဃော ဓမ္မော အဗျာကတဿ အပ္ပဋိဃဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၂၄. ဟေတုယာ သတ္တ၊ အာရမ္မဏေ နဝ၊ အဓိပတိယာ ဒသ။ပေ.။ အဝိဂတေ တေရသ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ)။
၁-၁၁. ကုသလတ္တိက-ရူဣဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၅. အဗျာကတံ ရူပိံ ဓမ္မံ ပဋိစ္စ အဗျာကတော ရူဣ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၂၆. ကုသလံ အရူပိံ ဓမ္မံ ပဋိစ္စ ကုသလော အရူဣ ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ အရူပိံ ဓမ္မံ ပဋိစ္စ အကုသလော အရူဣ ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ အရူပိံ ဓမ္မံ ပဋိစ္စ အဗျာကတော အရူဣ ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၂၇. ဟေတုယာ တီဏိ၊ အာရမ္မဏေ တီဏိ။ပေ.။ အဝိဂတေ တီဏိ (သံခိတ္တံ)။
နဟေတုယာ ဒွေ၊ နအဓိပတိယာ တီဏိ။ပေ.။ (သံခိတ္တံ)။
(သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
ဟေတု-အာရမ္မဏပစ္စယာ
၂၈. ကုသလော အရူဣ ဓမ္မော ကုသလဿ အရူပိဿ ဓမ္မဿ ဟေတုပစ္စယေန ပစ္စယော။ (၁)
အကုသလော အရူဣ ဓမ္မော အကုသလဿ အရူပိဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော အရူဣ ဓမ္မော အဗျာကတဿ အရူပိဿ ဓမ္မဿ ဟေတုပစ္စယေန ပစ္စယော။ (၁)
ကုသလော အရူဣ ဓမ္မော ကုသလဿ အရူပိဿ ဓမ္မဿ အာရမ္မဏပစ္စယေန ပစ္စယော။ တီဏိ။
အကုသလော အရူဣ ဓမ္မော အကုသလဿ အရူပိဿ ဓမ္မဿ အာရမ္မဏပစ္စယေန ပစ္စယော။ တီဏိ။
အဗျာကတော အရူဣ ဓမ္မော အဗျာကတဿ အရူပိဿ ဓမ္မဿ အာရမ္မဏပစ္စယေန ပစ္စယော (သံခိတ္တံ)။
၂၉. ဟေတုယာ တီဏိ၊ အာရမ္မဏေ နဝ၊ အဓိပတိယာ သတ္တ။ပေ.။ အဝိဂတေ တီဏိ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁-၁၂. ကုသလတ္တိက-လောကိယဒုကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၃၀. ကုသလံ လောကိယံ ဓမ္မံ ပဋိစ္စ ကုသလော လောကိယော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ လောကိယံ ဓမ္မံ ပဋိစ္စ အဗျာကတော လောကိယော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ လောကိယံ ဓမ္မံ ပဋိစ္စ ကုသလော လောကိယော စ အဗျာကတော လောကိယော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အကုသလံ လောကိယံ ဓမ္မံ ပဋိစ္စ အကုသလော လောကိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ လောကိယံ ဓမ္မံ ပဋိစ္စ အဗျာကတော လောကိယော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ လောကိယဉ္စ အဗျာကတံ လောကိယဉ္စ ဓမ္မံ ပဋိစ္စ အဗျာကတော လောကိယော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ လောကိယဉ္စ အဗျာကတံ လောကိယဉ္စ ဓမ္မံ ပဋိစ္စ အဗျာကတော လောကိယော ဓမ္မော ဥပ္ပဇ္ဇတိ ဟေတုပစ္စယာ (၁) (သံခိတ္တံ။)
၃၁. ဟေတုယာ နဝ၊ အာရမ္မဏေ တီဏိ။ပေ.။ အဝိဂတေ နဝ (သံခိတ္တံ)။
ပစ္စနီယံ
နဟေတုပစ္စယော
၃၂. အကုသလံ လောကိယံ ဓမ္မံ ပဋိစ္စ အကုသလော လောကိယော ဓမ္မော ဥပ္ပဇ္ဇတိ နဟေတုပစ္စယာ။ (၁)
အဗျာကတံ လောကိယံ ဓမ္မံ ပဋိစ္စ အဗျာကတော လောကိယော ဓမ္မော ဥပ္ပဇ္ဇတိ နဟေတုပစ္စယာ။ (၁) (သံခိတ္တံ။)
၃၃. နဟေတုယာ ဒွေ၊ နအာရမ္မဏေ ပဉ္စ၊ နအဓိပတိယာ နဝ။ပေ.။ နောဝိဂတေ ပဉ္စ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
ဟေတု-အာရမ္မဏပစ္စယာ
၃၄. ကုသလော လောကိယော ဓမ္မော ကုသလဿ လောကိယဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော လောကိယော ဓမ္မော အကုသလဿ လောကိယဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော လောကိယော ဓမ္မော အဗျာကတဿ လောကိယဿ ဓမ္မဿ ဟေတုပစ္စယေန ပစ္စယော။ (၁)
၃၅. ကုသလော လောကိယော ဓမ္မော ကုသလဿ လောကိယဿ ဓမ္မဿ အာရမ္မဏပစ္စယေန ပစ္စယော။ တီဏိ။
အကုသလော လောကိယော ဓမ္မော အကုသလဿ လောကိယဿ ဓမ္မဿ အာရမ္မဏပစ္စယေန ပစ္စယော။ တီဏိ။
အဗျာကတော လောကိယော ဓမ္မော အဗျာကတဿ လောကိယဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ)။
၃၆. ဟေတုယာ သတ္တ၊ အာရမ္မဏေ နဝ၊ အဓိပတိယာ နဝ။ပေ.။ အဝိဂတေ တေရသ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ)။
လောကုတ္တရပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၃၇. ကုသလံ လောကုတ္တရံ ဓမ္မံ ပဋိစ္စ ကုသလော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁)
အဗျာကတံ လောကုတ္တရံ ဓမ္မံ ပဋိစ္စ အဗျာကတော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၃၈. ဟေတုယာ ဒွေ၊ အာရမ္မဏေ ဒွေ၊ အဓိပတိယာ ဒွေ။ပေ.။ အဝိဂတေ ဒွေ (သံခိတ္တံ)။
နအဓိပတိယာ ဒွေ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
ဟေတုအာရမ္မဏပစ္စယာဒိ
၃၉. ကုသလော လောကုတ္တရော ဓမ္မော ကုသလဿ လောကုတ္တရဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော လောကုတ္တရော ဓမ္မော အဗျာကတဿ လောကုတ္တရဿ ဓမ္မဿ ဟေတုပစ္စယေန ပစ္စယော။ (၁)
အဗျာကတော လောကုတ္တရော ဓမ္မော အဗျာကတဿ လောကုတ္တရဿ ဓမ္မဿ အာရမ္မဏပစ္စယေန ပစ္စယော။ အဗျာကတော လောကုတ္တရော ဓမ္မော ကုသလဿ လောကုတ္တရဿ ဓမ္မဿ အာရမ္မဏပစ္စယေန ပစ္စယော။ (၂)
ကုသလော လောကုတ္တရော ဓမ္မော ကုသလဿ လောကုတ္တရဿ ဓမ္မဿ အဓိပတိပစ္စယေန ပစ္စယော။ (၁)
အဗျာကတော လောကုတ္တရော ဓမ္မော အဗျာကတဿ လောကုတ္တရဿ ဓမ္မဿ အဓိပတိပစ္စယေန ပစ္စယော။ အဗျာကတော လောကုတ္တရော ဓမ္မော ကုသလဿ လောကုတ္တရဿ ဓမ္မဿ အဓိပတိပစ္စယေန ပစ္စယော။ (၂)
ကုသလော လောကုတ္တရော ဓမ္မော အဗျာကတဿ လောကုတ္တရဿ ဓမ္မဿ အနန္တရပစ္စယေန ပစ္စယော။ (၁)
အဗျာကတော လောကုတ္တရော ဓမ္မော အဗျာကတဿ လောကုတ္တရဿ ဓမ္မဿ အနန္တရပစ္စယေန ပစ္စယော။ (၁) (သံခိတ္တံ။)
၄၀. ဟေတုယာ ဒွေ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဒွေ၊ သမနန္တရေ ဒွေ၊ သဟဇာတေ ဒွေ၊ အညမညေ ဒွေ၊ နိဿယေ ဒွေ၊ ဥပနိဿယေ စတ္တာရိ။ပေ.။ အဝိဂတေ ဒွေ (သံခိတ္တံ)။
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ။)
၁-၁၃. ကုသလတ္တိက-ကေနစိဝိညေယျဒုကံ
၁-၇. ပဋိစ္စဝါရာဒိ
ပစ္စယစတုက္ကံ
၄၁. ကုသလံ ကေနစိ ဝိညေယျံ ဓမ္မံ ပဋိစ္စ ကုသလော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ ကေနစိ ဝိညေယျံ ဓမ္မံ ပဋိစ္စ အဗျာကတော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ကုသလံ ကေနစိ ဝိညေယျံ ဓမ္မံ ပဋိစ္စ ကုသလော ကေနစိ ဝိညေယျော စ အဗျာကတော ကေနစိ ဝိညေယျော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အကုသလံ ကေနစိ ဝိညေယျံ ဓမ္မံ ပဋိစ္စ အကုသလော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အဗျာကတံ ကေနစိ ဝိညေယျံ ဓမ္မံ ပဋိစ္စ အဗျာကတော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ (၁)
ကုသလံ ကေနစိ ဝိညေယျဉ္စ အဗျာကတံ ကေနစိ ဝိညေယျဉ္စ ဓမ္မံ ပဋိစ္စ အဗျာကတော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ (၁)
အကုသလံ ကေနစိ ဝိညေယျဉ္စ အဗျာကတံ ကေနစိ ဝိညေယျဉ္စ ဓမ္မံ ပဋိစ္စ အဗျာကတော ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ (၁)
၄၂. ကုသလံ ကေနစိ ဝိညေယျံ ဓမ္မံ ပဋိစ္စ ကုသလော ကေနစိ ဝိညေယျော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အကုသလံ ကေနစိ ဝိညေယျံ ဓမ္မံ ပဋိစ္စ အကုသလော ကေနစိ ဝိညေယျော ဓမ္မော ဥပ္ပဇ္ဇတိ အာရမ္မဏပစ္စယာ။ (၁)
အဗျာကတံ ကေနစိ ဝိညေယျံ ဓမ္မံ ပဋိစ္စ အဗျာကတော ကေနစိ ဝိညေယျော ဓမ္မော ဥပ္ပဇ္ဇတိ အာရမ္မဏပစ္စယာ။ (၁) (သံခိတ္တံ။)
၄၃. ဟေတုယာ နဝ၊ အာရမ္မဏေ တီဏိ။ပေ.။ အဝိဂတေ နဝ (သံခိတ္တံ)။
ပစ္စနီယံ
နဟေတုပစ္စယော
၄၄. အကုသလံ ကေနစိ ဝိညေယျံ ဓမ္မံ ပဋိစ္စ အကုသလော ကေနစိ ဝိညေယျော ဓမ္မော ဥပ္ပဇ္ဇတိ နဟေတုပစ္စယာ။ (၁)
အဗျာကတံ ကေနစိ ဝိညေယျံ ဓမ္မံ ပဋိစ္စ အဗျာကတော ကေနစိ ဝိညေယျော ဓမ္မော ဥပ္ပဇ္ဇတိ နဟေတုပစ္စယာ။ (၁) (သံခိတ္တံ။)
၄၅. နဟေတုယာ ဒွေ၊ နအာရမ္မဏေ ပဉ္စ၊ နအဓိပတိယာ နဝ။ပေ.။ နောဝိဂတေ ပဉ္စ (သံခိတ္တံ။ သဟဇာတဝါရမ္ပိ။ပေ.။ သမ္ပယုတ္တဝါရမ္ပိ ပဋိစ္စဝါရသဒိသံ)။
ဟေတုပစ္စယော
၄၆. ကုသလော ကေနစိ ဝိညေယျော ဓမ္မော ကုသလဿ ကေနစိ ဝိညေယျဿ ဓမ္မဿ ဟေတုပစ္စယေန ပစ္စယော။ တီဏိ။
အကုသလော ကေနစိ ဝိညေယျော ဓမ္မော အကုသလဿ ကေနစိ ဝိညေယျဿ ဓမ္မဿ ဟေတုပစ္စယေန ပစ္စယော။ တီဏိ။
အဗျာကတော ကေနစိ ဝိညေယျော ဓမ္မော အဗျာကတဿ ကေနစိ ဝိညေယျဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၄၇. ဟေတုယာ သတ္တ၊ အာရမ္မဏေ နဝ။ပေ.။ အဝိဂတေ တေရသ (သံခိတ္တံ။ ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ)။
၄၈. ကုသလံ နကေနစိ ဝိညေယျံ ဓမ္မံ ပဋိစ္စ ကုသလော နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ (ကေနစိဝိညေယျသဒိသံ)။
ကုသလတ္တိကစူဠန္တရဒုကံ နိဋ္ဌိတံ။