၄၄-၁. နီဝရဏဒုက-ကုသလတ္တိက
၁-၇. ပဋိစ္စဒိဝါရ
ပစ္စယစတုက္က
ဟေတုပစ္စယော
၁. နောနီဝရဏံ ကုသလံ ဓမ္မံ ပဋိစ္စ နောနီဝရဏော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၂. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ)။
၃. နီဝရဏံ အကုသလံ ဓမ္မံ ပဋိစ္စ နီဝရဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ နီဝရဏံ အကုသလံ ဓမ္မံ ပဋိစ္စ နောနီဝရဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ နီဝရဏံ အကုသလံ ဓမ္မံ ပဋိစ္စ နီဝရဏော အကုသလော စ နောနီဝရဏော အကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
၄. ဟေတုယာ နဝ၊ အာရမ္မဏေ နဝ။ပေ.။ အဝိဂတေ နဝ (သံခိတ္တံ)။
ပစ္စနီယံ
နဟေတုပစ္စယော
၅. နီဝရဏံ အကုသလံ ဓမ္မံ ပဋိစ္စ နီဝရဏော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာနီဝရဏံ ဥဒ္ဓစ္စနီဝရဏံ ပဋိစ္စ အဝိဇ္ဇာနီဝရဏံ။ (၁)
နောနီဝရဏံ အကုသလံ ဓမ္မံ ပဋိစ္စ နီဝရဏော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ အဝိဇ္ဇာနီဝရဏံ။ (၁)
နီဝရဏဉ္စ နောနီဝရဏဉ္စ အကုသလံ ဓမ္မံ ပဋိစ္စ နီဝရဏော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာနီဝရဏဉ္စ ဥဒ္ဓစ္စနီဝရဏဉ္စ သမ္ပယုတ္တကေ စ ခန္ဓေ ပဋိစ္စ အဝိဇ္ဇာနီဝရဏံ။ (၁) (သံခိတ္တံ။)
၆. နဟေတုယာ တီဏိ၊ နအဓိပတိယာ နဝ၊ နပုရေဇာတေ နဝ။ပေ.။ နကမ္မေ တီဏိ။ပေ.။ နဝိပ္ပယုတ္တေ နဝ (သံခိတ္တံ)။
(သဟဇာတဝါရေပိ။ သမ္ပယုတ္တဝါရေပိ သဗ္ဗတ္ထ နဝ။)
၇. နီဝရဏော အကုသလော ဓမ္မော နီဝရဏဿ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။
၈. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ။ပေ.။ အာသေဝနေ နဝ၊ ကမ္မေ အာဟာရေ ဣန္ဒြိယေ ဈာနေ မဂ္ဂေ တီဏိ၊ သမ္ပယုတ္တေ နဝ။ပေ.။ အဝိဂတေ နဝ (သံခိတ္တံ)။
နဟေတုယာ နဝ၊ နအာရမ္မဏေ နဝ (သံခိတ္တံ)။
ဟေတုပစ္စယာ နအာရမ္မဏေ တီဏိ (သံခိတ္တံ)။
နဟေတုပစ္စယာ အာရမ္မဏေ နဝ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ)။
၉. နောနီဝရဏံ အဗျာကတံ ဓမ္မံ ပဋိစ္စ နောနီဝရဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၁၀. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၄၅-၁. နီဝရဏိယဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၁. နီဝရဏိယံ ကုသလံ ဓမ္မံ ပဋိစ္စ နီဝရဏိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနီဝရဏိယံ ကုသလံ ဓမ္မံ ပဋိစ္စ အနီဝရဏိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၁၂. ဟေတုယာ ဒွေ၊ အာရမ္မဏေ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရောပိ။ပေ.။ ပဉှာဝါရောပိ ဝိတ္ထာရေတဗ္ဗာ)။
၁၃. နီဝရဏိယံ အကုသလံ ဓမ္မံ ပဋိစ္စ နီဝရဏိယော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၁၄. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၁၅. နီဝရဏိယံ အဗျာကတံ ဓမ္မံ ပဋိစ္စ နီဝရဏိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနီဝရဏိယံ အဗျာကတံ ဓမ္မံ ပဋိစ္စ အနီဝရဏိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နီဝရဏိယံ အဗျာကတဉ္စ အနီဝရဏိယံ အဗျာကတဉ္စ ဓမ္မံ ပဋိစ္စ နီဝရဏိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ)။
၁၆. ဟေတုယာ ပဉ္စ၊ အာရမ္မဏေ ဒွေ။ပေ.။ အာသေဝနေ ဧကံ။ပေ.။ ဝိပါကေ ပဉ္စ။ပေ.။ အဝိဂတေ ပဉ္စ (သံခိတ္တံ)။ (သဟဇာတဝါရောပိ။ပေ.။ ပဉှာဝါရောပိ ဝိတ္ထာရေတဗ္ဗာ။)
၄၆-၁. နီဝရဏသမ္ပယုတ္တဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၇. နီဝရဏဝိပ္ပယုတ္တံ ကုသလံ ဓမ္မံ ပဋိစ္စ နီဝရဏဝိပ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၁၈. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၁၉. နီဝရဏသမ္ပယုတ္တံ အကုသလံ ဓမ္မံ ပဋိစ္စ နီဝရဏသမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၂၀. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၂၁. နီဝရဏဝိပ္ပယုတ္တံ အဗျာကတံ ဓမ္မံ ပဋိစ္စ နီဝရဏဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၂၂. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၄၇-၁. နီဝရဏနီဝရဏိယဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၃. နီဝရဏိယဉ္စေဝ နော စ နီဝရဏံ ကုသလံ ဓမ္မံ ပဋိစ္စ နီဝရဏိယော စေဝ နော စ နီဝရဏော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၂၄. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၂၅. နီဝရဏဉ္စေဝ နီဝရဏိယဉ္စ အကုသလံ ဓမ္မံ ပဋိစ္စ နီဝရဏော စေဝ နီဝရဏိယော စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နီဝရဏိယဉ္စေဝ နော စ နီဝရဏံ အကုသလံ ဓမ္မံ ပဋိစ္စ နီဝရဏိယော စေဝ နော စ နီဝရဏော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နီဝရဏဉ္စေဝ နီဝရဏိယံ အကုသလဉ္စ နီဝရဏိယဉ္စေဝ နော စ နီဝရဏံ အကုသလဉ္စ ဓမ္မံ ပဋိစ္စ နီဝရဏော စ နီဝရဏိယော စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ)။
၂၆. ဟေတုယာ နဝ၊ အာရမ္မဏေ နဝ။ပေ.။ အဝိဂတေ နဝ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ နဝ။)
၂၇. နီဝရဏိယဉ္စေဝ နော စ နီဝရဏံ အဗျာကတံ ဓမ္မံ ပဋိစ္စ နီဝရဏိယော စေဝ နော စ နီဝရဏော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၂၈. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၄၈-၁. နီဝရဏနီဝရဏသမ္ပယုတ္တဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၉. နီဝရဏဉ္စေဝ နီဝရဏသမ္ပယုတ္တဉ္စ အကုသလံ ဓမ္မံ ပဋိစ္စ နီဝရဏော စေဝ နီဝရဏသမ္ပယုတ္တော စ အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၃၀. ဟေတုယာ နဝ၊ အာရမ္မဏေ နဝ။ပေ.။ အဝိဂတေ နဝ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ နဝ။)
၄၉-၁. နီဝရဏဝိပ္ပယုတ္တနီဝရဏိယဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၃၁. နီဝရဏဝိပ္ပယုတ္တံ နီဝရဏိယံ ကုသလံ ဓမ္မံ ပဋိစ္စ နီဝရဏဝိပ္ပယုတ္တော နီဝရဏိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
နီဝရဏဝိပ္ပယုတ္တံ အနီဝရဏိယံ ကုသလံ ဓမ္မံ ပဋိစ္စ နီဝရဏဝိပ္ပယုတ္တော အနီဝရဏိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၃၂. ဟေတုယာ ဒွေ၊ အာရမ္မဏေ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရောပိ။ပေ.။ ပဉှာဝါရောပိ ဝိတ္ထာရေတဗ္ဗာ။)
၃၃. နီဝရဏဝိပ္ပယုတ္တံ နီဝရဏိယံ အဗျာကတံ ဓမ္မံ ပဋိစ္စ နီဝရဏဝိပ္ပယုတ္တော နီဝရဏိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
နီဝရဏဝိပ္ပယုတ္တံ အနီဝရဏိယံ အဗျာကတံ ဓမ္မံ ပဋိစ္စ နီဝရဏဝိပ္ပယုတ္တော အနီဝရဏိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
နီဝရဏဝိပ္ပယုတ္တံ နီဝရဏိယံ အဗျာကတဉ္စ နီဝရဏဝိပ္ပယုတ္တံ အနီဝရဏိယံ အဗျာကတဉ္စ ဓမ္မံ ပဋိစ္စ နီဝရဏဝိပ္ပယုတ္တော နီဝရဏိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၃၄. ဟေတုယာ ပဉ္စ၊ အာရမ္မဏေ ဒွေ။ပေ.။ ဝိပါကေ ပဉ္စ (သံခိတ္တံ)။
(သဟဇာတဝါရေပိ ။ပေ.။ ပဉှာဝါရေပိ သဗ္ဗတ္ထ ဝိတ္ထာရေတဗ္ဗံ။)
နီဝရဏဂေါစ္ဆကကုသလတ္တိကံ နိဋ္ဌိတံ။