၂၀-၁. သညောဇနဒုက-ကုသလတ္တိက
၁-၇. ပဋိစ္စဝါရ
ပစ္စယစတုက္က
ဟေတုပစ္စယော
၁. နောသညောဇနံ ကုသလံ ဓမ္မံ ပဋိစ္စ နောသညောဇနော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၂. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၃. သညောဇနံ အကုသလံ ဓမ္မံ ပဋိစ္စ သညောဇနော အကုသလော ဓမ္မော ဥပ္ပဇ္ဇတိ ဟေတုပစ္စယာ။ သညောဇနံ အကုသလံ ဓမ္မံ ပဋိစ္စ နောသညောဇနော အကုသလော ဓမ္မော ဥပ္ပဇ္ဇတိ ဟေတုပစ္စယာ။ သညောဇနံ အကုသလံ ဓမ္မံ ပဋိစ္စ သညောဇနော အကုသလော စ နောသညောဇနော အကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃) (သံခိတ္တံ။)
၄. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ.။ အဝိဂတေ နဝ (သံခိတ္တံ)။
နဟေတုယာ တီဏိ၊ နအဓိပတိယာ နဝ။ပေ.။ နကမ္မေ တီဏိ။ပေ.။ နဝိပ္ပယုတ္တေ နဝ (သံခိတ္တံ)။
(သဟဇာတဝါရောပိ။ပေ.။ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ။)
၇. ပဉှာဝါရော
ပစ္စယစတုက္ကံ
ဟေတုပစ္စယော
၅. သညောဇနော အကုသလော ဓမ္မော သညောဇနဿ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။
၆. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ။ပေ.။ ဥပနိဿယေ အာသေဝနေ နဝ၊ ကမ္မေ တီဏိ၊ အာဟာရေ ဣန္ဒြိယေ ဈာနေ တီဏိ၊ မဂ္ဂေ သမ္ပယုတ္တေ နဝ။ပေ.။ အဝိဂတေ နဝ (သံခိတ္တံ)။
၇. နဟေတုယာ နဝ၊ နအာရမ္မဏေ နဝ (သံခိတ္တံ)။
ဟေတုပစ္စယာ နအာရမ္မဏေ တီဏိ (သံခိတ္တံ)။
နဟေတုပစ္စယာ အာရမ္မဏေ နဝ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
အဗျာကတပဒံ
ဟေတုပစ္စယော
၈. နောသညောဇနံ အဗျာကတံ ဓမ္မံ ပဋိစ္စ နောသညောဇနော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၉. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၂၁-၁. သညောဇနိယဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၀. သညောဇနိယံ ကုသလံ ဓမ္မံ ပဋိစ္စ သညောဇနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အသညောဇနိယံ ကုသလံ ဓမ္မံ ပဋိစ္စ အသညောဇနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၁၁. ဟေတုယာ ဒွေ၊ အာရမ္မဏေ ဒွေ (သံခိတ္တံ)။
(ယထာ စူဠန္တရဒုကေ လောကိယဒုကဂမနံ၊ ဧဝံ ဣမမ္ပိ ဉာတဗ္ဗံ။ သဟဇာတဝါရောပိ။ပေ.။ ပဉှာဝါရောပိ ဝိတ္ထာရေတဗ္ဗာ။)
၁၂. သညောဇနိယံ အကုသလံ ဓမ္မံ ပဋိစ္စ သညောဇနိယော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၁၃. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
အဗျာကတပဒံ
ဟေတုပစ္စယော
၁၄. သညောဇနိယံ အဗျာကတံ ဓမ္မံ ပဋိစ္စ သညောဇနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အသညောဇနိယံ အဗျာကတံ ဓမ္မံ ပဋိစ္စ အသညောဇနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ ။ အသညောဇနိယံ အဗျာကတံ ဓမ္မံ ပဋိစ္စ သညောဇနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ အသညောဇနိယံ အဗျာကတံ ဓမ္မံ ပဋိစ္စ သညောဇနိယော အဗျာကတော စ အသညောဇနိယော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
သညောဇနိယံ အဗျာကတဉ္စ အသညောဇနိယံ အဗျာကတဉ္စ ဓမ္မံ ပဋိစ္စ သညောဇနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
၁၅. ဟေတုယာ ပဉ္စ၊ အာရမ္မဏေ ဒွေ၊ အဓိပတိယာ ပဉ္စ။ပေ.။ အဝိဂတေ ပဉ္စ (သံခိတ္တံ)။
စူဠန္တရဒုကေ လောကိယဒုကသဒိသံ။ (သဟဇာတဝါရောပိ။ပေ.။ သမ္ပယုတ္တဝါရောပိ ဝိတ္ထာရေတဗ္ဗာ။)
၇. ပဉှာဝါရော
ဟေတုပစ္စယော
၁၆. သညောဇနိယော အဗျာကတော ဓမ္မော သညောဇနိယဿ အဗျာကတဿ ဓမ္မဿ ဟေတုပစ္စယေန ပစ္စယော။ (၁)
အသညောဇနိယော အဗျာကတော ဓမ္မော အသညောဇနိယဿ အဗျာကတဿ ဓမ္မဿ ဟေတုပစ္စယေန ပစ္စယော။ တီဏိ (သံခိတ္တံ)။
၁၇. ဟေတုယာ စတ္တာရိ၊ အာရမ္မဏေ တီဏိ၊ အဓိပတိယာ စတ္တာရိ။ပေ.။ အဝိဂတေ သတ္တ (သံခိတ္တံ)။
ပစ္စနီယုဒ္ဓါရော
၁၈. သညောဇနိယော အဗျာကတော ဓမ္မော သညောဇနိယဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော (သံခိတ္တံ)။
၁၉. နဟေတုယာ သတ္တ၊ နအာရမ္မဏေ သတ္တ (သံခိတ္တံ)။
ဟေတုပစ္စယာ နအာရမ္မဏေ စတ္တာရိ (သံခိတ္တံ)။
နဟေတုပစ္စယာ အာရမ္မဏေ တီဏိ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
၂၂-၁. သညောဇနသမ္ပယုတ္တဒုက-ကုသလတ္တိကံ
၁-၆. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၀. သညောဇနဝိပ္ပယုတ္တံ ကုသလံ ဓမ္မံ ပဋိစ္စ သညောဇနဝိပ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ ။ပေ.။ ပဉှာဝါရေပိ သဗ္ဗတ္ထ ဧကံ။)
၂၁. သညောဇနသမ္ပယုတ္တံ အကုသလံ ဓမ္မံ ပဋိစ္စ သညောဇနသမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သညောဇနသမ္ပယုတ္တံ အကုသလံ ဓမ္မံ ပဋိစ္စ သညောဇနသမ္ပယုတ္တော အကုသလော ဓမ္မော ဥပ္ပဇ္ဇတိ အာရမ္မဏပစ္စယာ (သံခိတ္တံ)။
၂၂. ဟေတုယာ တီဏိ၊ အာရမ္မဏေ ပဉ္စ၊ အဓိပတိယာ ဧကံ။ပေ.။ အဝိဂတေ ပဉ္စ (သံခိတ္တံ၊ အနုလောမံ)။
ပစ္စနီယံ
နဟေတုပစ္စယော
၂၃. သညောဇနသမ္ပယုတ္တံ အကုသလံ ဓမ္မံ ပဋိစ္စ သညောဇနသမ္ပယုတ္တော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ သညောဇနသမ္ပယုတ္တံ အကုသလံ ဓမ္မံ ပဋိစ္စ သညောဇနဝိပ္ပယုတ္တော အကုသလော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပဋိစ္စ ဥဒ္ဓစ္စသဟဂတော မောဟော။ (၂) (သံခိတ္တံ။)
၂၄. နဟေတုယာ ဒွေ၊ နအဓိပတိယာ ပဉ္စ၊ နပုရေဇာတေ ပဉ္စ။ပေ.။ နကမ္မေ တီဏိ။ပေ.။ နဝိပ္ပယုတ္တေ ပဉ္စ (သံခိတ္တံ၊ ပစ္စနီယံ)။
၇. ပဉှာဝါရော
ဟေတုပစ္စယော
၂၅. သညောဇနသမ္ပယုတ္တော အကုသလော ဓမ္မော သညောဇနသမ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော။ (၁)
သညောဇနဝိပ္ပယုတ္တော အကုသလော ဓမ္မော သညောဇနသမ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော။ (၁)
သညောဇနသမ္ပယုတ္တော အကုသလော ဓမ္မော သညောဇနသမ္ပယုတ္တဿ အကုသလဿ ဓမ္မဿ အာရမ္မဏပစ္စယေန ပစ္စယော။ နဝ။
သညောဇနသမ္ပယုတ္တော အကုသလော ဓမ္မော သညောဇနသမ္ပယုတ္တဿ အကုသလဿ ဓမ္မဿ အဓိပတိပစ္စယေန ပစ္စယော။ (၁) (သံခိတ္တံ။)
၂၆. အဓိပတိယာ ဧကံ၊ အနန္တရေ သမနန္တရေ နဝ၊ သဟဇာတေ ပဉ္စ၊ ဥပနိဿယေ အာသေဝနေ နဝ၊ ကမ္မေ တီဏိ၊ မဂ္ဂေ တီဏိ၊ သမ္ပယုတ္တေ ပဉ္စ၊ အတ္ထိယာ ပဉ္စ။ (သံခိတ္တံ။)
အဗျာကတပဒံ
ဟေတုပစ္စယော
၂၇. သညောဇနဝိပ္ပယုတ္တံ အဗျာကတံ ဓမ္မံ ပဋိစ္စ သညောဇနဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၂၃-၁. သညောဇနသညောဇနိယဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၈. သညောဇနိယဉ္စေဝ နော စ သညောဇနံ ကုသလံ ဓမ္မံ ပဋိစ္စ သညောဇနိယော စေဝ နော စ သညောဇနော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၂၉. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၃၀. သညောဇနဉ္စေဝ သညောဇနိယဉ္စ အကုသလံ ဓမ္မံ ပဋိစ္စ သညောဇနော စေဝ သညောဇနိယော စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ)။
၃၁. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ.။ အဝိဂတေ နဝ (သံခိတ္တံ)။
နဟေတုယာ တီဏိ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ)။
(သဟဇာတဝါရောပိ။ပေ.။ သမ္ပယုတ္တဝါရောပိ ပဋိစ္စဝါရသဒိသာ။)
၃၂. သညောဇနော စေဝ သညောဇနိယော စ အကုသလော ဓမ္မော သညောဇနဿ စေဝ သညောဇနိယဿ စ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။
၃၃. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ။ပေ.။ ဥပနိဿယေ အာသေဝနေ နဝ၊ ကမ္မေ အာဟာရေ ဣန္ဒြိယေ ဈာနေ တီဏိ၊ မဂ္ဂေ သမ္ပယုတ္တေ နဝ။ပေ.။ အဝိဂတေ နဝ (သံခိတ္တံ)။
၃၄. နဟေတုယာ နဝ နအာရမ္မဏေ နဝ (သံခိတ္တံ)။
ဟေတုပစ္စယာ နအာရမ္မဏေ တီဏိ (သံခိတ္တံ)။
နဟေတုပစ္စယာ အာရမ္မဏေ နဝ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
၃၅. သညောဇနိယဉ္စေဝ နော စ သညောဇနံ အဗျာကတံ ဓမ္မံ ပဋိစ္စ သညောဇနိယော စေဝ နော စ သညောဇနော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၃၆. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၂၄-၁. သညောဇနသညောဇနသမ္ပယုတ္တဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၃၇. သညောဇနဉ္စေဝ သညောဇနသမ္ပယုတ္တဉ္စ အကုသလံ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သညောဇနသမ္ပယုတ္တဉ္စေဝ နော စ သညောဇနံ အကုသလံ ဓမ္မံ ပဋိစ္စ သညောဇနသမ္ပယုတ္တော စေဝ နော စ သညောဇနော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သညောဇနဉ္စေဝ သညောဇနသမ္ပယုတ္တံ အကုသလဉ္စ သညောဇနသမ္ပယုတ္တဉ္စေဝ နော စ သညောဇနံ အကုသလဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ)။
၃၈. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ.။ အဝိဂတေ နဝ (သံခိတ္တံ)။
နဟေတုယာ တီဏိ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ)။
(သဟဇာတဝါရောပိ။ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ။)
၃၉. သညောဇနော စေဝ သညောဇနသမ္ပယုတ္တော စ အကုသလော ဓမ္မော သညောဇနဿ စေဝ သညောဇနသမ္ပယုတ္တဿ စ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။
၄၀. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ။ပေ.။ ဥပနိဿယေ အာသေဝနေ နဝ၊ ကမ္မေ အာဟာရေ ဣန္ဒြိယေ ဈာနေ တီဏိ၊ မဂ္ဂေ သမ္ပယုတ္တေ နဝ။ပေ.။ အဝိဂတေ နဝ (သံခိတ္တံ)။
၄၁. နဟေတုယာ နဝ၊ နအာရမ္မဏေ နဝ၊ နအဓိပတိယာ နဝ (သံခိတ္တံ)။
ဟေတုပစ္စယာ နအာရမ္မဏေ တီဏိ (သံခိတ္တံ)။
နဟေတုပစ္စယာ အာရမ္မဏေ နဝ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
၂၅-၁. သညောဇနဝိပ္ပယုတ္တသညောဇနိယဒုက-ကုသလတ္တိကံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၄၂. သညောဇနဝိပ္ပယုတ္တံ သညောဇနိယံ ကုသလံ ဓမ္မံ ပဋိစ္စ သညောဇနဝိပ္ပယုတ္တော သညောဇနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
သညောဇနဝိပ္ပယုတ္တံ အသညောဇနိယံ ကုသလံ ဓမ္မံ ပဋိစ္စ သညောဇနဝိပ္ပယုတ္တော အသညောဇနိယော ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
၄၃. ဟေတုယာ ဒွေ၊ အာရမ္မဏေ ဒွေ။ပေ.။ အဝိဂတေ ဒွေ (သံခိတ္တံ)။
(ယထာ စူဠန္တရဒုကေ လောကိယဒုကသဒိသံ။ သဟဇာတဝါရောပိ။ပေ.။ ပဉှာဝါရောပိ သဗ္ဗတ္ထ ဝိတ္ထာရေတဗ္ဗာ။)
၄၄. သညောဇနဝိပ္ပယုတ္တော သညောဇနိယော အကုသလော ဓမ္မော သညောဇနဝိပ္ပယုတ္တဿ သညောဇနိယဿ အကုသလဿ ဓမ္မဿ အာရမ္မဏပစ္စယေန ပစ္စယော (သံခိတ္တံ)။
၄၅. အာရမ္မဏေ ဧကံ (သဗ္ဗတ္ထ ဧကံ၊ သံခိတ္တံ)။
၄၆. သညောဇနဝိပ္ပယုတ္တံ သညောဇနိယံ အဗျာကတံ ဓမ္မံ ပဋိစ္စ သညောဇနဝိပ္ပယုတ္တော သညောဇနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
သညောဇနဝိပ္ပယုတ္တံ အသညောဇနိယံ အဗျာကတံ ဓမ္မံ ပဋိစ္စ သညောဇနဝိပ္ပယုတ္တော အသညောဇနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ သညောဇနဝိပ္ပယုတ္တံ အသညောဇနိယံ အဗျာကတံ ဓမ္မံ ပဋိစ္စ သညောဇနဝိပ္ပယုတ္တော သညောဇနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ သညောဇနဝိပ္ပယုတ္တံ အသညောဇနိယံ အဗျာကတံ ဓမ္မံ ပဋိစ္စ သညောဇနဝိပ္ပယုတ္တော သညောဇနိယော အဗျာကတော စ သညောဇနဝိပ္ပယုတ္တော အသညောဇနိယော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
သညောဇနဝိပ္ပယုတ္တံ သညောဇနိယံ အဗျာကတဉ္စ သညောဇနဝိပ္ပယုတ္တံ အသညောဇနိယံ အဗျာကတဉ္စ ဓမ္မံ ပဋိစ္စ သညောဇနဝိပ္ပယုတ္တော သညောဇနိယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၄၇. ဟေတုယာ ပဉ္စ၊ အာရမ္မဏေ ဒွေ၊ အဓိပတိယာ ပဉ္စ။ပေ.။ အာသေဝနေ ဧကံ၊ ကမ္မေ ပဉ္စ၊ ဝိပါကေ ပဉ္စ။ပေ.။ အဝိဂတေ ပဉ္စ (သံခိတ္တံ)။
နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ ဒွေ၊ နပုရေဇာတေ စတ္တာရိ၊ နပစ္ဆာဇာတေ ပဉ္စ ၊ နအာသေဝနေ ပဉ္စ၊ နကမ္မေ ဧကံ၊ နဝိပါကေ ဧကံ၊ နဝိပ္ပယုတ္တေ ဒွေ။ပေ.။ နောဝိဂတေ တီဏိ (သံခိတ္တံ)။
(သဟဇာတဝါရောပိ။ပေ.။ သမ္ပယုတ္တဝါရောပိ ပဋိစ္စဝါရသဒိသာ။)
၄၈. သညောဇနဝိပ္ပယုတ္တော သညောဇနိယော အဗျာကတော ဓမ္မော သညောဇနဝိပ္ပယုတ္တဿ သညောဇနိယဿ အဗျာကတဿ ဓမ္မဿ ဟေတုပစ္စယေန ပစ္စယော (သံခိတ္တံ)။
၄၉. ဟေတုယာ စတ္တာရိ၊ အာရမ္မဏေ တီဏိ၊ အဓိပတိယာ စတ္တာရိ၊ အနန္တရေ စတ္တာရိ။ပေ.။ အဝိဂတေ သတ္တ (သံခိတ္တံ)။
၅၀. နဟေတုယာ သတ္တ၊ နအာရမ္မဏေ သတ္တ (သံခိတ္တံ)။
ဟေတုပစ္စယာ နအာရမ္မဏေ စတ္တာရိ (သံခိတ္တံ)။
နဟေတုပစ္စယာ အာရမ္မဏေ တီဏိ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
သညောဇနဂေါစ္ဆကကုသလတ္တိကံ နိဋ္ဌိတံ။