၁၄-၁. အာသဝဒုက-ကုသလတ္တိက
၁. ကုသလပဒ
၁-၇. ပဋိစ္စဒိဝါရ
ဟေတုပစ္စယော
၁. နောအာသဝံ ကုသလံ ဓမ္မံ ပဋိစ္စ နောအာသဝေါ ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၂. ဟေတုယာ ဧကံ၊ အာရမ္မဏေ ဧကံ။ပေ.။ ကမ္မေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၂. အကုသလပဒံ
ဟေတုပစ္စယော
၃. အာသဝံ အကုသလံ ဓမ္မံ ပဋိစ္စ အာသဝေါ အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၄. ဟေတုယာ နဝ၊ အာရမ္မဏေ နဝ။ပေ.။ အဝိဂတေ နဝ (သံခိတ္တံ)။
နဟေတုယာ ဧကံ၊ နအဓိပတိယာ နဝ။ပေ.။ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ)။
(သဟဇာတဝါရောပိ။ပေ.။ သမ္ပယုတ္တဝါရောပိ သဗ္ဗတ္ထ ဝိတ္ထာရေတဗ္ဗော။)
၅. အာသဝေါ အကုသလော ဓမ္မော အာသဝဿ အကုသလဿ ဓမ္မဿ ဟေတုပစ္စယေန ပစ္စယော။
၆. ဟေတုယာ သတ္တ၊ အာရမ္မဏေ နဝ၊ အဓိပတိယာ နဝ (မဇ္ဈေ တိဏ္ဏံ သဟဇာတာဓိပတိ လဗ္ဘတိ) ၊ အနန္တရေ နဝ။ပေ.။ ဥပနိဿယေ နဝ၊ အာသေဝနေ နဝ၊ ကမ္မေ တီဏိ။ပေ.။ ဈာနေ တီဏိ၊ မဂ္ဂေ နဝ။ပေ.။ အဝိဂတေ နဝ (သံခိတ္တံ)။
၃. အဗျာကတပဒံ
ဟေတုပစ္စယော
၇. နောအာသဝံ အဗျာကတံ ဓမ္မံ ပဋိစ္စ နောအာသဝေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၈. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ။ (သံခိတ္တံ။ သဟဇာတဝါရေပိ ပစ္စယဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
အာသဝဒုကကုသလတ္တိကံ နိဋ္ဌိတံ။
၁၅-၁. သာသဝဒုက-ကုသလတ္တိကံ
၁. ကုသလပဒံ
ဟေတုပစ္စယော
၉. သာသဝံ ကုသလံ ဓမ္မံ ပဋိစ္စ သာသဝေါ ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနာသဝံ ကုသလံ ဓမ္မံ ပဋိစ္စ အနာသဝေါ ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၁၀. ဟေတုယာ ဒွေ၊ အာရမ္မဏေ ဒွေ၊ အဓိပတိယာ ဒွေ။ပေ.။ အဝိဂတေ ဒွေ (သံခိတ္တံ၊ အနုလောမံ)။
၁၁. နအဓိပတိယာ ဒွေ။ပေ.။ နအာသေဝနေ ဧကံ။ပေ.။ နဝိပ္ပယုတ္တေ ဒွေ (သံခိတ္တံ။ ပစ္စနီယံ။ သဟဇာတဝါရေပိ။ပေ.။ သမ္ပယုတ္တဝါရေပိ သဗ္ဗတ္ထ ဒွေ)။
၇. ပဉှာဝါရော
ဟေတုပစ္စယော
၁၂. သာသဝေါ ကုသလော ဓမ္မော သာသဝဿ ကုသလဿ ဓမ္မဿ ဟေတုပစ္စယေန ပစ္စယော။ (၁)
အနာသဝေါ ကုသလော ဓမ္မော အနာသဝဿ ကုသလဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၁၃. ဟေတုယာ ဒွေ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဒွေ။ပေ.။ နိဿယေ ဒွေ၊ ဥပနိဿယေ စတ္တာရိ၊ အာသေဝနေ ဒွေ။ပေ.။ အဝိဂတေ ဒွေ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
၂. အကုသလပဒံ
ဟေတုပစ္စယော
၁၄. သာသဝံ အကုသလံ ဓမ္မံ ပဋိစ္စ သာသဝေါ အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၁၅. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ ။ပေ.။ ပဉှာဝါရေပိ သဗ္ဗတ္ထ ဧကံ။)
၃. အဗျာကတပဒံ
ဟေတုပစ္စယော
၁၆. သာသဝံ အဗျာကတံ ဓမ္မံ ပဋိစ္စ သာသဝေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အနာသဝံ အဗျာကတံ ဓမ္မံ ပဋိစ္စ အနာသဝေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ အနာသဝံ အဗျာကတံ ဓမ္မံ ပဋိစ္စ သာသဝေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ ။ အနာသဝံ အဗျာကတံ ဓမ္မံ ပဋိစ္စ သာသဝေါ အဗျာကတော စ အနာသဝေါ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
သာသဝံ အဗျာကတဉ္စ အနာသဝံ အဗျာကတဉ္စ ဓမ္မံ ပဋိစ္စ သာသဝေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၁၇. ဟေတုယာ ပဉ္စ၊ အာရမ္မဏေ ဒွေ၊ အဓိပတိယာ ပဉ္စ။ပေ.။ အာသေဝနေ ဧကံ။ပေ.။ ဝိပါကေ ပဉ္စ။ပေ.။ အဝိဂတေ ပဉ္စ (သံခိတ္တံ)။
နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ ဒွေ၊ နပုရေဇာတေ စတ္တာရိ၊ နပစ္ဆာဇာတေ နအာသေဝနေ ပဉ္စ၊ နကမ္မေ။ပေ.။ နမဂ္ဂေ ဧကံ။ပေ.။ နဝိပ္ပယုတ္တေ ဒွေ။ပေ.။ နောဝိဂတေ တီဏိ (သံခိတ္တံ)။
(သဟဇာတဝါရောပိ။ပေ.။ သမ္ပယုတ္တဝါရောပိ သဗ္ဗတ္ထ ဝိတ္ထာရေတဗ္ဗော။)
၇. ပဉှာဝါရော
ဟေတုပစ္စယော
၁၈. သာသဝေါ အဗျာကတော ဓမ္မော သာသဝဿ အဗျာကတဿ ဓမ္မဿ ဟေတုပစ္စယေန ပစ္စယော။ (၁)
အနာသဝေါ အဗျာကတော ဓမ္မော အနာသဝဿ အဗျာကတဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၁၉. ဟေတုယာ စတ္တာရိ၊ အာရမ္မဏေ တီဏိ၊ အဓိပတိယာ အနန္တရေ သမနန္တရေ စတ္တာရိ၊ သဟဇာတေ ပဉ္စ၊ အညမညေ ဒွေ၊ နိဿယေ သတ္တ၊ ဥပနိဿယေ စတ္တာရိ၊ ပုရေဇာတေ ပစ္ဆာဇာတေ ဒွေ၊ အာသေဝနေ ဧကံ၊ ကမ္မေ။ပေ.။ မဂ္ဂေ စတ္တာရိ၊ သမ္ပယုတ္တေ ဒွေ၊ ဝိပ္ပယုတ္တေ တီဏိ။ပေ.။ အဝိဂတေ သတ္တ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
သာသဝဒုကကုသလတ္တိကံ နိဋ္ဌိတံ။
၁၆-၁. အာသဝသမ္ပယုတ္တဒုက-ကုသလတ္တိကံ
၁. ကုသလပဒံ
၁-၇. ပဋိစ္စဝါရာဒိ
ဟေတုပစ္စယော
၂၀. အာသဝဝိပ္ပယုတ္တံ ကုသလံ ဓမ္မံ ပဋိစ္စ အာသဝဝိပ္ပယုတ္တော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၂၁. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ။ သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ)။
၂. အကုသလပဒံ
ဟေတုပစ္စယော
၂၂. အာသဝသမ္ပယုတ္တံ အကုသလံ ဓမ္မံ ပဋိစ္စ အာသဝသမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အာသဝဝိပ္ပယုတ္တံ အကုသလံ ဓမ္မံ ပဋိစ္စ အာသဝသမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
အာသဝသမ္ပယုတ္တံ အကုသလဉ္စ အာသဝဝိပ္ပယုတ္တံ အကုသလဉ္စ ဓမ္မံ ပဋိစ္စ အာသဝသမ္ပယုတ္တော အကုသလော ဓမ္မော ဥပ္ပဇ္ဇတိ ဟေတုပစ္စယာ။ (၁)
၂၃. ဟေတုယာ ပဉ္စ၊ အာရမ္မဏေ ပဉ္စ။ပေ.။ အဝိဂတေ ပဉ္စ (သံခိတ္တံ။ သဟဇာတဝါရေပိ။ပေ.။ သမ္ပယုတ္တဝါရေပိ သဗ္ဗတ္ထ ပဉ္စ။)
နဟေတုယာ ဧကံ၊ နအဓိပတိယာ ပဉ္စ၊ နပုရေဇာတေ ပဉ္စ။ပေ.။ နကမ္မေ တီဏိ၊ နဝိပါကေ ပဉ္စ၊ နဝိပ္ပယုတ္တေ ပဉ္စ (သံခိတ္တံ)။
၂၄. အာသဝသမ္ပယုတ္တော အကုသလော ဓမ္မော အာသဝသမ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော။ တီဏိ။
အာသဝဝိပ္ပယုတ္တော အကုသလော ဓမ္မော အာသဝသမ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော။ (၁)
အာသဝသမ္ပယုတ္တော အကုသလော စ အာသဝဝိပ္ပယုတ္တော အကုသလော စ ဓမ္မာ အာသဝသမ္ပယုတ္တဿ အကုသလဿ ဓမ္မဿ ဟေတုပစ္စယေန ပစ္စယော။ (၁) (သံခိတ္တံ။)
၂၅. ဟေတုယာ ပဉ္စ၊ အာရမ္မဏေ နဝ၊ အဓိပတိယာ ဧကံ၊ အနန္တရေ သမနန္တရေ နဝ၊ သဟဇာတေ အညမညေ နိဿယေ ပဉ္စ၊ ဥပနိဿယေ အာသေဝနေ နဝ၊ ကမ္မေ အာဟာရေ ဣန္ဒြိယေ ဈာနေ မဂ္ဂေ တီဏိ၊ သမ္ပယုတ္တေ ပဉ္စ။ပေ.။ အဝိဂတေ ပဉ္စ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
၃. အဗျာကတပဒံ
ဟေတုပစ္စယော
၂၆. အာသဝဝိပ္ပယုတ္တံ အဗျာကတံ ဓမ္မံ ပဋိစ္စ အာသဝဝိပ္ပယုတ္တော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၂၇. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
နဟေတုယာ ဧကံ၊ နအာရမ္မဏေ ဧကံ၊ နအဓိပတိယာ ဧကံ။ပေ.။ နောဝိဂတေ ဧကံ (သံခိတ္တံ။ သဟဇာတဝါရေပိ။ပေ.။ သမ္ပယုတ္တဝါရေပိ သဗ္ဗတ္ထ ဧကံ)။
၂၈. အာသဝဝိပ္ပယုတ္တော အဗျာကတော ဓမ္မော အာသဝဝိပ္ပယုတ္တဿ အဗျာကတဿ ဓမ္မဿ ဟေတုပစ္စယေန ပစ္စယော (သံခိတ္တံ)။
၂၉. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
အာသဝသမ္ပယုတ္တဒုကကုသလတ္တိကံ နိဋ္ဌိတံ။
၁၇-၁. အာသဝသာသဝဒုက-ကုသလတ္တိကံ
၁. ကုသလပဒံ
၁-၆. ပဋိစ္စဝါရာဒိ
ဟေတုပစ္စယော
၃၀. သာသဝဉ္စေဝ နော စ အာသဝံ ကုသလံ ဓမ္မံ ပဋိစ္စ သာသဝေါ စေဝ နော စ အာသဝေါ ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၃၁. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ။ပေ.။ ပဉှာဝါရေပိ သဗ္ဗတ္ထ ဧကံ။)
၂. အကုသလပဒံ
ဟေတုပစ္စယော
၃၂. အာသဝဉ္စေဝ သာသဝဉ္စ အကုသလံ ဓမ္မံ ပဋိစ္စ အာသဝေါ စေဝ သာသဝေါ စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
သာသဝဉ္စေဝ နော စ အာသဝံ အကုသလံ ဓမ္မံ ပဋိစ္စ သာသဝေါ စေဝ နော စ အာသဝေါ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အာသဝဉ္စေဝ သာသဝဉ္စ အကုသလဉ္စ သာသဝဉ္စေဝ နော စ အာသဝံ အကုသလဉ္စ ဓမ္မံ ပဋိစ္စ အာသဝေါ စေဝ သာသဝေါ စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ)။
၃၃. ဟေတုယာ နဝ၊ အာရမ္မဏေ နဝ။ပေ.။ အဝိဂတေ နဝ (သံခိတ္တံ)။
ပစ္စနီယံ
နဟေတုပစ္စယော
၃၄. သာသဝဉ္စေဝ နော စ အာသဝံ အကုသလံ ဓမ္မံ ပဋိစ္စ အာသဝေါ စေဝ သာသဝေါ စ အကုသလော ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ)။
၃၅. နဟေတုယာ ဧကံ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ)။
(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ဝိတ္ထာရေတဗ္ဗာ။)
၇. ပဉှာဝါရော
ဟေတုပစ္စယော
၃၆. အာသဝေါ စေဝ သာသဝေါစ အကုသလော ဓမ္မော အာသဝဿ စေဝ သာသဝဿ စ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။
၃၇. ဟေတုယာ သတ္တ၊ အာရမ္မဏေ နဝ၊ အဓိပတိယာ နဝ။ပေ.။ ဥပနိဿယေ အာသေဝနေ နဝ၊ ကမ္မေ အာဟာရေ ဣန္ဒြိယေ ဈာနေ တီဏိ၊ မဂ္ဂေ သမ္ပယုတ္တေ နဝ။ပေ.။ အဝိဂတေ နဝ (သံခိတ္တံ)။
ပစ္စနီယုဒ္ဓါရော
၃၈. အာသဝေါ စေဝ သာသဝေါ စ အကုသလော ဓမ္မော အာသဝဿ စေဝ သာသဝဿ စ အကုသလဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ)။
၃၉. နဟေတုယာ နဝ၊ နအာရမ္မဏေ နဝ (သံခိတ္တံ)။
ဟေတုပစ္စယာ နအာရမ္မဏေ သတ္တ (သံခိတ္တံ)။
နဟေတုပစ္စယာ အာရမ္မဏေ နဝ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
၃. အဗျာကတပဒံ
ဟေတုပစ္စယော
၄၀. သာသဝဉ္စေဝ နော စ အာသဝံ အဗျာကတံ ဓမ္မံ ပဋိစ္စ သာသဝေါ စေဝ နော စ အာသဝေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ)။
၄၁. ဟေတုယာ ဧကံ၊ အာရမ္မဏေ ဧကံ။ပေ.။ အဝိဂတေ ဧကံ (သံခိတ္တံ)။
(သဟဇာတဝါရေပိ ။ပေ.။ ပဉှာဝါရေပိ သဗ္ဗတ္ထ ဧကံ။)
အာသဝသာသဝဒုကကုသလတ္တိကံ နိဋ္ဌိတံ။
၁၈-၁. အာသဝအာသဝသမ္ပယုတ္တဒုက-ကုသလတ္တိကံ
၁-၆. ပဋိစ္စဝါရာဒိ
အကုသလပဒံ
ဟေတုပစ္စယော
၄၂. အာသဝဉ္စေဝ အာသဝသမ္ပယုတ္တဉ္စ အကုသလံ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အာသဝသမ္ပယုတ္တဉ္စေဝ နော စ အာသဝံ အကုသလံ ဓမ္မံ ပဋိစ္စ အာသဝသမ္ပယုတ္တော စေဝ နော စ အာသဝေါ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
အာသဝဉ္စေဝ အာသဝသမ္ပယုတ္တဉ္စ အကုသလဉ္စ အာသဝသမ္ပယုတ္တဉ္စေဝ နော စ အာသဝံ အကုသလဉ္စ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ အကုသလော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ)။
၄၃. ဟေတုယာ နဝ၊ အာရမ္မဏေ နဝ။ပေ.။ အဝိဂတေ နဝ (သံခိတ္တံ)။
ပစ္စနီယံ
နအဓိပတိပစ္စယော
၄၄. အာသဝဉ္စေဝ အာသဝသမ္ပယုတ္တဉ္စ အကုသလံ ဓမ္မံ ပဋိစ္စ အာသဝေါ စေဝ အာသဝသမ္ပယုတ္တော စ အကုသလော ဓမ္မော ဥပ္ပဇ္ဇတိ နအဓိပတိပစ္စယာ။
၄၅. နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ)။
(သဟဇာတဝါရေပိ။ သမ္ပယုတ္တဝါရေပိ သဗ္ဗတ္ထ နဝ။)
၇. ပဉှာဝါရော
ပစ္စယစတုက္ကံ
ဟေတုပစ္စယော
၄၆. အာသဝေါ စေဝ အာသဝသမ္ပယုတ္တော စ အကုသလော ဓမ္မော အာသဝဿ စေဝ အာသဝသမ္ပယုတ္တဿ စ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ)။
၄၇. ဟေတုယာ စတ္တာရိ၊ အာရမ္မဏေ နဝ၊ အဓိပတိယာ နဝ။ပေ.။ အဝိဂတေ နဝ (သံခိတ္တံ)။
နဟေတုယာ နဝ၊ နအာရမ္မဏေ နဝ (သံခိတ္တံ)။
ဟေတုပစ္စယာ နအာရမ္မဏေ စတ္တာရိ (သံခိတ္တံ)။
နဟေတုပစ္စယာ အာရမ္မဏေ နဝ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
အာသဝအာသဝသမ္ပယုတ္တဒုကကုသလတ္တိကံ နိဋ္ဌိတံ။
၁၉-၁. အာသဝဝိပ္ပယုတ္တသာသဝဒုက-ကုသလတ္တိကံ
ကုသလပဒံ
ဟေတုပစ္စယော
၄၈. အာသဝဝိပ္ပယုတ္တံ သာသဝံ ကုသလံ ဓမ္မံ ပဋိစ္စ အာသဝဝိပ္ပယုတ္တော သာသဝေါ ကုသလော ဓမ္မော ဥပ္ပဇ္ဇတိ ဟေတုပစ္စယာ။ အာသဝဝိပ္ပယုတ္တံ အနာသဝံ ကုသလံ ဓမ္မံ ပဋိစ္စ အာသဝဝိပ္ပယုတ္တော အနာသဝေါ ကုသလော ဓမ္မော ဥပ္ပဇ္ဇတိ ဟေတုပစ္စယာ။ (၂) (သံခိတ္တံ။)
၄၉. ဟေတုယာ ဒွေ၊ အာရမ္မဏေ ဒွေ။ပေ.။ အဝိဂတေ ဒွေ (သံခိတ္တံ)။
(သဟဇာတဝါရောပိ။ပေ.။ ပဉှာဝါရောပိ ဝိတ္ထာရေတဗ္ဗော။)
အဗျာကတပဒံ
ဟေတုပစ္စယော
၅၀. အာသဝဝိပ္ပယုတ္တံ သာသဝံ အဗျာကတံ ဓမ္မံ ပဋိစ္စ အာသဝဝိပ္ပယုတ္တော သာသဝေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁)
အာသဝဝိပ္ပယုတ္တံ အနာသဝံ အဗျာကတံ ဓမ္မံ ပဋိစ္စ အာသဝဝိပ္ပယုတ္တော အနာသဝေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ အာသဝဝိပ္ပယုတ္တံ အနာသဝံ အဗျာကတံ ဓမ္မံ ပဋိစ္စ အာသဝဝိပ္ပယုတ္တော သာသဝေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ အာသဝဝိပ္ပယုတ္တံ အနာသဝံ အဗျာကတံ ဓမ္မံ ပဋိစ္စ အာသဝဝိပ္ပယုတ္တော သာသဝေါ အဗျာကတော စ အာသဝဝိပ္ပယုတ္တော အနာသဝေါ အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ (၃)
အာသဝဝိပ္ပယုတ္တံ သာသဝံ အဗျာကတဉ္စ အာသဝဝိပ္ပယုတ္တံ အနာသဝံ အဗျာကတဉ္စ ဓမ္မံ ပဋိစ္စ အာသဝဝိပ္ပယုတ္တော သာသဝေါ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ (၁) (သံခိတ္တံ။)
၅၁. ဟေတုယာ ပဉ္စ၊ အာရမ္မဏေ ဒွေ၊ အဓိပတိယာ ပဉ္စ။ပေ.။ အာသေဝနေ ဧကံ၊ ကမ္မေ ပဉ္စ၊ ဝိပါကေ ပဉ္စ။ပေ.။ အဝိဂတေ ပဉ္စ (သံခိတ္တံ)။
ပစ္စနီယံ
နဟေတုပစ္စယော
၅၂. အာသဝဝိပ္ပယုတ္တံ သာသဝံ အဗျာကတံ ဓမ္မံ ပဋိစ္စ အာသဝဝိပ္ပယုတ္တော သာသဝေါ အဗျာကတော ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ)။
၅၃. နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ ဒွေ ။ပေ.။ နပုရေဇာတေ စတ္တာရိ၊ နပစ္ဆာဇာတေ နအာသေဝနေ ပဉ္စ၊ နကမ္မေ နဝိပါကေ။ပေ.။ နမဂ္ဂေ ဧကံ။ပေ.။ နဝိပ္ပယုတ္တေ ဒွေ။ပေ.။ နောဝိဂတေ တီဏိ (သံခိတ္တံ)။
(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ။)
၇. ပဉှာဝါရော
ပစ္စယစတုက္ကံ
ဟေတု-အာရမ္မဏပစ္စယာ
၅၄. အာသဝဝိပ္ပယုတ္တော သာသဝေါ အဗျာကတော ဓမ္မော အာသဝဝိပ္ပယုတ္တဿ သာသဝဿ အဗျာကတဿ ဓမ္မဿ ဟေတုပစ္စယေန ပစ္စယော။
အာသဝဝိပ္ပယုတ္တော အနာသဝေါ အဗျာကတော ဓမ္မော အာသဝဝိပ္ပယုတ္တဿ အနာသဝဿ အဗျာကတဿ ဓမ္မဿ ဟေတုပစ္စယေန ပစ္စယော။ အာသဝဝိပ္ပယုတ္တော အနာသဝေါ အဗျာကတော ဓမ္မော အာသဝဝိပ္ပယုတ္တဿ သာသဝဿ အဗျာကတဿ ဓမ္မဿ ဟေတုပစ္စယေန ပစ္စယော။ အာသဝဝိပ္ပယုတ္တော အနာသဝေါ အဗျာကတော ဓမ္မော အာသဝဝိပ္ပယုတ္တဿ သာသဝဿ အဗျာကတဿ စ အာသဝဝိပ္ပယုတ္တဿ အနာသဝဿ အဗျာကတဿ စ ဓမ္မဿ ဟေတုပစ္စယေန ပစ္စယော။ (၃)
အာသဝဝိပ္ပယုတ္တော သာသဝေါ အဗျာကတော ဓမ္မော အာသဝဝိပ္ပယုတ္တဿ သာသဝဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ (၁)
အာသဝဝိပ္ပယုတ္တော အနာသဝေါ အဗျာကတော ဓမ္မော အာသဝဝိပ္ပယုတ္တဿ အနာသဝဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ အာသဝဝိပ္ပယုတ္တော အနာသဝေါ အဗျာကတော ဓမ္မော အာသဝဝိပ္ပယုတ္တဿ သာသဝဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ (၂) (သံခိတ္တံ။)
၅၅. ဟေတုယာ စတ္တာရိ၊ အာရမ္မဏေ တီဏိ၊ အဓိပတိယာ စတ္တာရိ၊ အနန္တရေ စတ္တာရိ၊ သမနန္တရေ စတ္တာရိ၊ သဟဇာတေ ပဉ္စ ၊ အညမညေ ဒွေ၊ နိဿယေ သတ္တ၊ ဥပနိဿယေ စတ္တာရိ၊ ပုရေဇာတေ ဒွေ၊ အာသေဝနေ ဧကံ၊ ကမ္မေ စတ္တာရိ၊ ဝိပါကေ စတ္တာရိ၊ အာဟာရေ စတ္တာရိ။ပေ.။ အဝိဂတေ သတ္တ (သံခိတ္တံ)။
ပစ္စနီယုဒ္ဓါရော
၅၆. အာသဝဝိပ္ပယုတ္တော သာသဝေါ အဗျာကတော ဓမ္မော အာသဝဝိပ္ပယုတ္တဿ သာသဝဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော (သံခိတ္တံ)။
၅၇. နဟေတုယာ သတ္တ၊ နအာရမ္မဏေ သတ္တ (သံခိတ္တံ)။
ဟေတုပစ္စယာ နအာရမ္မဏေ စတ္တာရိ (သံခိတ္တံ)။
နဟေတုပစ္စယာ အာရမ္မဏေ တီဏိ (သံခိတ္တံ)။
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ။)
အာသဝဝိပ္ပယုတ္တသာသဝဒုကကုသလတ္တိကံ နိဋ္ဌိတံ။
အာသဝဂေါစ္ဆကံ နိဋ္ဌိတံ။