၄. သညောဇနဂေါစ္ဆက
၂၀. သညောဇနဒုက
၁. ပဋိစ္စဝါရ
၁. ပစ္စယာနုလောမ
၁. ဝိဘင်္ဂဝါရ
ဟေတုပစ္စယော
၁. သညောဇနံ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ၊ ကာမရာဂသညောဇနံ ပဋိစ္စ သီလဗ္ဗတပရာမာသသညောဇနံ အဝိဇ္ဇာသညောဇနံ၊ ကာမရာဂသညောဇနံ ပဋိစ္စ မာနသညောဇနံ အဝိဇ္ဇာသညောဇနံ၊ ကာမရာဂသညောဇနံ ပဋိစ္စ အဝိဇ္ဇာသညောဇနံ၊ ပဋိဃသညောဇနံ ပဋိစ္စ ဣဿာသညောဇနံ အဝိဇ္ဇာသညောဇနံ၊ ပဋိဃသညောဇနံ ပဋိစ္စ မစ္ဆရိယသညောဇနံ အဝိဇ္ဇာသညောဇနံ၊ ပဋိဃသညောဇနံ ပဋိစ္စ အဝိဇ္ဇာသညောဇနံ၊ မာနသညောဇနံ ပဋိစ္စ ဘဝရာဂသညောဇနံ အဝိဇ္ဇာသညောဇနံ၊ ဘဝရာဂသညောဇနံ ပဋိစ္စ အဝိဇ္ဇာသညောဇနံ၊ ဝိစိကိစ္ဆာသညောဇနံ ပဋိစ္စ အဝိဇ္ဇာသညောဇနံ။ (၁)
သညောဇနံ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနေ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၂)
သညောဇနံ ဓမ္မံ ပဋိစ္စ သညောဇနော စ နောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ (စက္ကံ ဗန္ဓိတဗ္ဗံ)။ (၃)
၂. နောသညောဇနံ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
နောသညောဇနံ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနေ ခန္ဓေ ပဋိစ္စ သညောဇနာ။ (၂)
နောသညောဇနံ ဓမ္မံ ပဋိစ္စ သညောဇနော စ နောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောသညောဇနံ ဧကံ ခန္ဓံ ပဋိစ္စ တယော ခန္ဓာ သညောဇနာ စ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
၃. သညောဇနဉ္စ နောသညောဇနဉ္စ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနဉ္စ သမ္ပယုတ္တကေ စ ခန္ဓေ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ (စက္ကံ ဗန္ဓိတဗ္ဗံ)။ (၁)
သညောဇနဉ္စ နောသညောဇနဉ္စ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနံ ဧကံ ခန္ဓဉ္စ သညောဇနေ စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ စ။ပေ.။။ (၂)
သညောဇနဉ္စ နောသညောဇနဉ္စ ဓမ္မံ ပဋိစ္စ သညောဇနော စ နောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောသညောဇနံ ဧကံ ခန္ဓဉ္စ ကာမရာဂသညောဇနဉ္စ ပဋိစ္စ တယော ခန္ဓာ ဒိဋ္ဌိသညောဇနံ အဝိဇ္ဇာသညောဇနံ စိတ္တသမုဋ္ဌာနဉ္စ ရူပံ။ပေ.။ (စက္ကံ ဗန္ဓိတဗ္ဗံ)။ (၃)
(အာရမ္မဏပစ္စယေ ရူပံ နတ္ထိ။ အဓိပတိပစ္စယော ဟေတုသဒိသော၊ ဝိစိကိစ္ဆာသညောဇနံ နတ္ထိ။) အနန္တရပစ္စယာ။ပေ.။ အဝိဂတပစ္စယာ။
၁. ပစ္စယာနုလောမံ
၂. သင်္ချာဝါရော
သုဒ္ဓံ
၄. ဟေတုယာ နဝ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ (သဗ္ဗတ္ထ နဝ)၊ ဝိပါကေ ဧကံ၊ အာဟာရေ နဝ။ပေ.။ အဝိဂတေ နဝ။
အနုလောမံ။
၂. ပစ္စယပစ္စနီယံ
၁. ဝိဘင်္ဂဝါရော
နဟေတုပစ္စယော
၅. သညောဇနံ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသညောဇနံ ပဋိစ္စ အဝိဇ္ဇာသညောဇနံ။ (၁)
နောသညောဇနံ ဓမ္မံ ပဋိစ္စ နောသညောဇနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နောသညောဇနံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ (ယာဝ အသညသတ္တာ)။ (၁)
နောသညောဇနံ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ အဝိဇ္ဇာသညောဇနံ။ (၂)
သညောဇနဉ္စ နောသညောဇနဉ္စ ဓမ္မံ ပဋိစ္စ သညောဇနော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသညောဇနဉ္စ သမ္ပယုတ္တကေ စ ခန္ဓေ ပဋိစ္စ အဝိဇ္ဇာသညောဇနံ။ (၃)
(သံခိတ္တံ။ အာသဝဂေါစ္ဆကသဒိသံ။ နအာရမ္မဏာပိ သဗ္ဗေ ဥဒ္ဓရိတဗ္ဗာ။)
၂. ပစ္စယပစ္စနီယံ
၂. သင်္ချာဝါရော
သုဒ္ဓံ
၆. နဟေတုယာ စတ္တာရိ၊ နအာရမ္မဏေ တီဏိ၊ နအဓိပတိယာ နဝ ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ နဝ၊ နောနတ္ထိယာ တီဏိ၊ နောဝိဂတေ တီဏိ။
ပစ္စနီယံ။
၃. ပစ္စယာနုလောမပစ္စနီယံ
ဟေတုဒုကံ
၇. ဟေတုပစ္စယာ နအာရမ္မဏေ တီဏိ၊ နအဓိပတိယာ နဝ (ဧဝံ သဗ္ဗံ ဂဏေတဗ္ဗံ)။
၄. ပစ္စယပစ္စနီယာနုလောမံ
နဟေတုဒုကံ
၈. နဟေတုပစ္စယာ အာရမ္မဏေ စတ္တာရိ (သဗ္ဗတ္ထ စတ္တာရိ) ဝိပါကေ ဧကံ၊ အာဟာရေ စတ္တာရိ။ပေ.။ မဂ္ဂေ တီဏိ၊ သမ္ပယုတ္တေ စတ္တာရိ။ပေ.။ အဝိဂတေ စတ္တာရိ။
ပစ္စနီယာနုလောမံ။
၂. သဟဇာတဝါရော
၉. သညောဇနံ ဓမ္မံ သဟဇာတော သညောဇနော ဓမ္မော ဥပ္ပဇ္ဇတိ ဟေတုပစ္စယာ (ပဋိစ္စဝါရသဒိသံ)။
၃. ပစ္စယဝါရော
၁-၄. ပစ္စယာနုလောမာဒိ
ဟေတုပစ္စယော
၁၀. သညောဇနံ ဓမ္မံ ပစ္စယာ သညောဇနော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (ပဋိစ္စသဒိသံ)။
နောသညောဇနံ ဓမ္မံ ပစ္စယာ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ၊ ဧကံ မဟာဘူတံ။ပေ.။ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ ဝတ္ထုံ ပစ္စယာ နောသညောဇနာ ခန္ဓာ။ (၁)
နောသညောဇနံ ဓမ္မံ ပစ္စယာ သညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနေ ခန္ဓေ ပစ္စယာ သညောဇနာ၊ ဝတ္ထုံ ပစ္စယာ သညောဇနာ။ (၂)
နောသညောဇနံ ဓမ္မံ ပစ္စယာ သညောဇနော စ နောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောသညောဇနံ ဧကံ ခန္ဓံ ပစ္စယာ တယော ခန္ဓာ သညောဇနဉ္စ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ဝတ္ထုံ ပစ္စယာ သညောဇနာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဝတ္ထုံ ပစ္စယာ သညောဇနာ သမ္ပယုတ္တကာ စ ခန္ဓာ။ (၃)
၁၁. သညောဇနဉ္စ နောသညောဇနဉ္စ ဓမ္မံ ပစ္စယာ သညောဇနော ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနဉ္စ သမ္ပယုတ္တကေ စ ခန္ဓေ ပစ္စယာ ဒိဋ္ဌိသညောဇနံ အဝိဇ္ဇာသညောဇနံ၊ ကာမရာဂသညောဇနဉ္စ ဝတ္ထုဉ္စ ပစ္စယာ ဒိဋ္ဌိသညောဇနံ အဝိဇ္ဇာသညောဇနံ (စက္ကံ) (၁)
သညောဇနဉ္စ နောသညောဇနဉ္စ ဓမ္မံ ပစ္စယာ နောသညောဇနော ဓမ္မော ဥပ္ပဇ္ဇတိ ဟေတုပစ္စယာ – နောသညောဇနံ ဧကံ ခန္ဓဉ္စ သညောဇနေ စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ (စက္ကံ)။ သညောဇနေ စ ဝတ္ထုဉ္စ ပစ္စယာ နောသညောဇနာ ခန္ဓာ။ (၂)
သညောဇနဉ္စ နောသညောဇနဉ္စ ဓမ္မံ ပစ္စယာ သညောဇနော စ နောသညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – နောသညောဇနံ ဧကံ ခန္ဓဉ္စ ကာမရာဂသညောဇနဉ္စ ပစ္စယာ တယော ခန္ဓာ ဒိဋ္ဌိသညောဇနံ အဝိဇ္ဇာသညောဇနံ စိတ္တသမုဋ္ဌာနဉ္စ ရူပံ၊ ဒွေ ခန္ဓေ။ပေ.။ (စက္ကံ)။ ကာမရာဂသညောဇနဉ္စ ဝတ္ထုဉ္စ ပစ္စယာ ဒိဋ္ဌိသညောဇနံ အဝိဇ္ဇာသညောဇနံ သမ္ပယုတ္တကာ စ ခန္ဓာ (စက္ကံ။ သံခိတ္တံ)။ (၃)
၁၂. ဟေတုယာ နဝ၊ အာရမ္မဏေ နဝ (သဗ္ဗတ္ထ နဝ)၊ ဝိပါကေ ဧကံ။ပေ.။ အဝိဂတေ နဝ။
၁၃. နဟေတုယာ စတ္တာရိ (ယတ္ထ ယတ္ထ ဝတ္ထု လဗ္ဘတိ၊ တတ္ထ တတ္ထ နိန္နေတဗ္ဗံ)၊ နအာရမ္မဏေ တီဏိ။ပေ.။ နောဝိဂတေ တီဏိ။
၄. နိဿယဝါရော
(ဧဝံ ဣတရေပိ ဒွေ ဂဏနာ စ နိဿယဝါရော စ ကာတဗ္ဗော။)
၅. သံသဋ္ဌဝါရော
၁. ပစ္စယာနုလောမံ
ဟေတုပစ္စယော
၁၄. သညောဇနံ ဓမ္မံ သံသဋ္ဌော သညောဇနော ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနံ သံသဋ္ဌံ ဒိဋ္ဌိသညောဇနံ အဝိဇ္ဇာသညောဇနံ (ဧဝံ နဝ ပဉှာ။ အရူပါယေဝ ကာတဗ္ဗာ)။
၆. သမ္ပယုတ္တဝါရော
(သံသဋ္ဌဝါရောပိ သမ္ပယုတ္တဝါရောပိ ဧဝံ ကာတဗ္ဗာ။)
၇. ပဉှာဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၁၅. သညောဇနော ဓမ္မော သညောဇနဿ ဓမ္မဿ ဟေတုပစ္စယေန ပစ္စယော – သညောဇနာ ဟေတူ သမ္ပယုတ္တကာနံ သညောဇနာနံ ဟေတုပစ္စယေန ပစ္စယော။ (၁)
သညောဇနော ဓမ္မော နောသညောဇနဿ ဓမ္မဿ ဟေတုပစ္စယေန ပစ္စယော – သညောဇနာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၂)
သညောဇနော ဓမ္မော သညောဇနဿ စ နောသညောဇနဿ စ ဓမ္မဿ ဟေတုပစ္စယေန ပစ္စယော – သညောဇနာ ဟေတူ သမ္ပယုတ္တကာနံ ခန္ဓာနံ သညောဇနာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
၁၆. နောသညောဇနော ဓမ္မော နောသညောဇနဿ ဓမ္မဿ ဟေတုပစ္စယေန ပစ္စယော – နောသညောဇနာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော; ပဋိသန္ဓိက္ခဏေ။ပေ.။။ (၁)
အာရမ္မဏပစ္စယော
၁၇. သညောဇနော ဓမ္မော သညောဇနဿ ဓမ္မဿ အာရမ္မဏပစ္စယေန ပစ္စယော – သညောဇနေ အာရဗ္ဘ သညောဇနာ ဥပ္ပဇ္ဇန္တိ။ (မူလံ ကာတဗ္ဗံ) သညောဇနေ အာရဗ္ဘ နောသညောဇနာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) သညောဇနေ အာရဗ္ဘ သညောဇနာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
၁၈. နောသညောဇနော ဓမ္မော နောသညောဇနဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ။ပေ.။ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ။ပေ.။ ဈာနာ။ပေ.။ အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ။ပေ.။ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော; အရိယာ နောသညောဇနေ ပဟီနေ ကိလေသေ။ပေ.။ ဝိက္ခမ္ဘိတေ ကိလေသေ။ပေ.။ ပုဗ္ဗေ။ပေ.။ စက္ခုံ ။ပေ.။ ဝတ္ထုံ နောသညောဇနေ ခန္ဓေ အနိစ္စတော။ပေ.။ ဒေါမနဿံ ဥပ္ပဇ္ဇတိ; ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ၊ စေတောပရိယဉာဏေန နောသညောဇနစိတ္တသမင်္ဂိဿ စိတ္တံ ဇာနာတိ၊ အာကာသာနဉ္စာယတနံ ဝိညာဏဉ္စာယတနဿ။ပေ.။ အာကိဉ္စညာယတနံ နေဝသညာနာသညာယတနဿ။ပေ.။ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ။ပေ.။ နောသညောဇနာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)
နောသညောဇနော ဓမ္မော သညောဇနဿ ဓမ္မဿ အာရမ္မဏပစ္စယေန ပစ္စယော – ဒါနံ။ပေ.။ သီလံ။ပေ.။ ဥပေါသထကမ္မံ။ပေ.။ ပုဗ္ဗေ။ပေ.။ ဈာနာ။ပေ.။ စက္ခုံ။ပေ.။ ဝတ္ထုံ နောသညောဇနေ ခန္ဓေ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ။ပေ.။ ဥပေါသထကမ္မံ။ပေ.။ ပုဗ္ဗေ။ပေ.။ ဈာနာ။ပေ.။ စက္ခုံ။ပေ.။ ဝတ္ထုံ နောသညောဇနေ ခန္ဓေ အဿာဒေတိ အဘိနန္ဒတိ၊ တံ အာရဗ္ဘ သညောဇနာ စ သညောဇနသမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
သညောဇနော စ နောသညောဇနော စ ဓမ္မာ သညောဇနဿ ဓမ္မဿ အာရမ္မဏပစ္စယေန ပစ္စယော။ တီဏိ (အာရဗ္ဘယေဝ ကာတဗ္ဗာ)။
အဓိပတိပစ္စယော
၁၉. သညောဇနော ဓမ္မော သညောဇနဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သညောဇနံ ဂရုံ ကတွာ။ပေ.။ တီဏိ (ဂရုကာရမ္မဏာ)။
နောသညောဇနော ဓမ္မော နောသညောဇနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ။ပေ.။ တီဏိ (တိဏ္ဏမ္ပိ အာရမ္မဏာဓိပတိ၊ သဟဇာတာဓိပတိပိ ကာတဗ္ဗာ၊ ဝိဘဇိတဗ္ဗာ တီဏိပိ)။
သညောဇနော စ နောသညောဇနော စ ဓမ္မာ သညောဇနဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သညောဇနေ စ သမ္ပယုတ္တကေ စ ခန္ဓေ ဂရုံ ကတွာ။ပေ.။ တီဏိ။
အနန္တရပစ္စယော
၂၀. သညောဇနော ဓမ္မော သညောဇနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သညောဇနာ ပစ္ဆိမာနံ ပစ္ဆိမာနံ သညောဇနာနံ အနန္တရပစ္စယေန ပစ္စယော။ တီဏိ။
နောသညောဇနော ဓမ္မော နောသညောဇနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောသညောဇနာ ခန္ဓာ ပစ္ဆိမာနံ။ပေ.။ ဖလသမာပတ္တိယာ အနန္တရပစ္စယေန ပစ္စယော။ (၁)
နောသညောဇနော ဓမ္မော သညောဇနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နောသညောဇနာ ခန္ဓာ ပစ္ဆိမာနံ ပစ္ဆိမာနံ သညောဇနာနံ အနန္တရပစ္စယေန ပစ္စယော; အာဝဇ္ဇနာ သညောဇနာနံ အနန္တရပစ္စယေန ပစ္စယော (ဧဝံ ဒွေပိ ကာတဗ္ဗာ)။ (၃)
သညောဇနော စ နောသညောဇနော စ ဓမ္မာ သညောဇနဿ ဓမ္မဿ အနန္တရပစ္စယေန ပစ္စယော။ တီဏိ။
သမနန္တရပစ္စယာဒိ
၂၁. သညောဇနော ဓမ္မော သညောဇနဿ ဓမ္မဿ သမနန္တရပစ္စယေန ပစ္စယော။ နဝ။ သဟဇာတပစ္စယေန ပစ္စယော။ နဝ။ အညမညပစ္စယေန ပစ္စယော။ နဝ။ နိဿယပစ္စယေန ပစ္စယော။ နဝ။
ဥပနိဿယပစ္စယော
၂၂. သညောဇနော ဓမ္မော သညောဇနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သညောဇနာ သညောဇနာနံ ဥပနိဿယပစ္စယေန ပစ္စယော (ဧဝံ တီဏိပိ)။
၂၃. နောသညောဇနော ဓမ္မော နောသညောဇနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ ၊ မာနံ ဇပ္ပေတိ၊ ဒိဋ္ဌိံ ဂဏှာတိ; သီလံ။ပေ.။ ပညံ၊ ရာဂံ။ပေ.။ ပတ္ထနံ။ပေ.။ သေနာသနံ ဥပနိဿာယ ဒါနံ ဒေတိ။ပေ.။ သံဃံ ဘိန္ဒတိ; သဒ္ဓါ။ပေ.။ သေနာသနံ သဒ္ဓါယ။ပေ.။ ဖလသမာပတ္တိယာ ဥပနိဿယပစ္စယေန ပစ္စယော။ (၁)
နောသညောဇနော ဓမ္မော သညောဇနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ၊ ဒိဋ္ဌိံ ဂဏှာတိ; သီလံ။ပေ.။ သေနာသနံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ; သဒ္ဓါ။ပေ.။ သေနာသနံ ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ၊ ဒိဋ္ဌိံ ဂဏှာတိ; သီလံ။ပေ.။ သေနာသနံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ; သဒ္ဓါ။ပေ.။ သေနာသနံ သညောဇနာနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၃)
သညောဇနော စ နောသညောဇနော စ ဓမ္မာ သညောဇနဿ ဓမ္မဿ ဥပနိဿယပစ္စယေန ပစ္စယော။ တီဏိ။
ပုရေဇာတပစ္စယော
၂၄. နောသညောဇနော ဓမ္မော နောသညောဇနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ဝတ္ထုံ အနိစ္စတော။ပေ.။ ဒေါမနဿံ ဥပ္ပဇ္ဇတိ; ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ၊ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ။ပေ.။။ ဝတ္ထုပုရေဇာတံ – စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ။ပေ.။ ဝတ္ထု နောသညောဇနာနံ ခန္ဓာနံ ပုရေဇာတပစ္စယေန ပစ္စယော။ (၁)
နောသညောဇနော ဓမ္မော သညောဇနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ဝတ္ထုံ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု သညောဇနာနံ ပုရေဇာတပစ္စယေန ပစ္စယော။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ဝတ္ထုံ အဿာဒေတိ၊ အဘိနန္ဒတိ၊ တံ အာရဗ္ဘ သညောဇနာ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု သညောဇနာနံ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယော
၂၅. သညောဇနော ဓမ္မော နောသညောဇနဿ ဓမ္မဿ ပစ္ဆာဇာတပစ္စယေန ပစ္စယော။ ဧကံ။
နောသညောဇနော ဓမ္မော နောသညောဇနဿ ဓမ္မဿ ပစ္ဆာဇာတပစ္စယေန ပစ္စယော။ပေ.။။ (၁)
သညောဇနော စ နောသညောဇနော စ ဓမ္မာ နောသညောဇနဿ ဓမ္မဿ ပစ္ဆာဇာတပစ္စယေန ပစ္စယော။ပေ.။။ (၁)
အာသေဝနပစ္စယော
၂၆. သညောဇနော ဓမ္မော သညောဇနဿ ဓမ္မဿ အာသေဝနပစ္စယေန ပစ္စယော။ နဝ။
ကမ္မပစ္စယာဒိ
၂၇. နောသညောဇနော ဓမ္မော နောသညောဇနဿ ဓမ္မဿ ကမ္မပစ္စယေန ပစ္စယော။ တီဏိ။ ဝိပါကပစ္စယေန ပစ္စယော။ ဧကံ။ အာဟာရပစ္စယေန ပစ္စယော။ တီဏိ။ ဣန္ဒြိယပစ္စယေန ပစ္စယော။ တီဏိ။ ဈာနပစ္စယေန ပစ္စယော။ တီဏိ။ မဂ္ဂပစ္စယေန ပစ္စယော။ နဝ။ သမ္ပယုတ္တပစ္စယေန ပစ္စယော။ နဝ။
ဝိပ္ပယုတ္တပစ္စယော
၂၈. သညောဇနော ဓမ္မော နောသညောဇနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ (ဝိဘဇိတဗ္ဗံ)။ (၁)
နောသညောဇနော ဓမ္မော နောသညောဇနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ (ဝိဘဇိတဗ္ဗံ)။ (၁)
နောသညောဇနော ဓမ္မော သညောဇနဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သညောဇနာနံ ဝိပ္ပယုတ္တပစ္စယေန ပစ္စယော။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သညောဇနာနံ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
သညောဇနော စ နောသညောဇနော စ ဓမ္မာ နောသညောဇနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ (ဝိဘဇိတဗ္ဗံ)။ (၁)
အတ္ထိပစ္စယော
၂၉. သညောဇနော ဓမ္မော သညောဇနဿ ဓမ္မဿ အတ္ထိပစ္စယေန ပစ္စယော။ ဧကံ (ပဋိစ္စသဒိသံ)။ (၁)
သညောဇနော ဓမ္မော နောသညောဇနဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ (သံခိတ္တံ)။ (၂)
သညောဇနော ဓမ္မော သညောဇနဿ စ နောသညောဇနဿ စ ဓမ္မဿ အတ္ထိပစ္စယေန ပစ္စယော (ပဋိစ္စသဒိသံ)။ (၃)
၃၀. နောသညောဇနော ဓမ္မော နောသညောဇနဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ (သံခိတ္တံ)။ (၁)
နောသညောဇနော ဓမ္မော သညောဇနဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတာ – နောသညောဇနာ ခန္ဓာ သမ္ပယုတ္တကာနံ သညောဇနာနံ အတ္ထိပစ္စယေန ပစ္စယော။ ပုရေဇာတံ – စက္ခုံ။ပေ.။ ဝတ္ထုံ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ၊ ဝတ္ထု သညောဇနာနံ အတ္ထိပစ္စယေန ပစ္စယော။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – နောသညောဇနော။ပေ.။ (သံခိတ္တံ၊ အာသဝသဒိသံ)။ (၃)
၃၁. သညောဇနော စ နောသညောဇနော စ ဓမ္မာ သညောဇနဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ (အာသဝသဒိသံ)။ (၁)
သညောဇနော စ နောသညောဇနော စ ဓမ္မာ နောသညောဇနဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ (ဝိဘဇိတဗ္ဗံ အာသဝသဒိသံ)။ (၂)
သညောဇနော စ နောသညောဇနော စ ဓမ္မာ သညောဇနဿ စ နောသညောဇနဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ (ဝိဘဇိတဗ္ဗံ အာသဝသဒိသံ)။ (၃)
၁. ပစ္စယာနုလောမံ
၂. သင်္ချာဝါရော
သုဒ္ဓံ
၃၂. ဟေတုယာ စတ္တာရိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ တီဏိ၊ ဝိပါကေ ဧကံ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ။
အနုလောမံ။
ပစ္စနီယုဒ္ဓါရော
၃၃. သညောဇနော ဓမ္မော သညောဇနဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)
သညောဇနော ဓမ္မော နောသညောဇနဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ (၂)
သညောဇနော ဓမ္မော သညောဇနဿ စ နောသညောဇနဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၃)
၃၄. နောသညောဇနော ဓမ္မော နောသညောဇနဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၁)
နောသညောဇနော ဓမ္မော သညောဇနဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၂)
နောသညောဇနော ဓမ္မော သညောဇနဿ စ နောသညောဇနဿ စ ဓမ္မဿ အာရမ္မဏပစ္စယေန ပစ္စယော ။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၃)
၃၅. သညောဇနော စ နောသညောဇနော စ ဓမ္မာ သညောဇနဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)
သညောဇနော စ နောသညောဇနော စ ဓမ္မာ နောသညောဇနဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ (၂)
သညောဇနော စ နောသညောဇနော စ ဓမ္မာ သညောဇနဿ စ နောသညောဇနဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၃)
၂. ပစ္စယပစ္စနီယံ
၂. သင်္ချာဝါရော
၃၆. နဟေတုယာ နဝ၊ နအာရမ္မဏေ နဝ (သဗ္ဗတ္ထ နဝ)၊ နောအဝိဂတေ နဝ။
၃. ပစ္စယာနုလောမပစ္စနီယံ
ဟေတုဒုကံ
၃၇. ဟေတုပစ္စယာ နအာရမ္မဏေ စတ္တာရိ။ပေ.။ နသမနန္တရေ စတ္တာရိ၊ နအညမညေ ဒွေ၊ နဥပနိဿယေ စတ္တာရိ။ပေ.။ နမဂ္ဂေ စတ္တာရိ၊ နသမ္ပယုတ္တေ ဒွေ၊ နဝိပ္ပယုတ္တေ စတ္တာရိ၊ နောနတ္ထိယာ စတ္တာရိ၊ နောဝိဂတေ စတ္တာရိ။
၄. ပစ္စယပစ္စနီယာနုလောမံ
နဟေတုဒုကံ
၃၈. နဟေတုပစ္စယာ အာရမ္မဏေ နဝ၊ အဓိပတိယာ နဝ (အနုလောမမာတိကာ) ၊ အဝိဂတေ နဝ။
သညောဇနဒုကံ နိဋ္ဌိတံ။
၂၁. သညောဇနိယဒုကံ
၁-၇. ပဋိစ္စဝါရာဒိ
၃၉. သညောဇနိယံ ဓမ္မံ ပဋိစ္စ သညောဇနိယော ဓမ္မော ဥပ္ပဇ္ဇတိ ဟေတုပစ္စယာ – သညောဇနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ။ပေ.။။
(စူဠန္တရဒုကေ လောကိယဒုကသဒိသံ၊ နိန္နာနာကရဏံ။)
သညောဇနိယဒုကံ နိဋ္ဌိတံ။
၂၂. သညောဇနသမ္ပယုတ္တဒုကံ
၁. ပဋိစ္စဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၄၀. သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
သညောဇနသမ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
၄၁. သညောဇနဝိပ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ ။ပေ.။ ဒွေ ခန္ဓေ။ပေ.။ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ; ပဋိသန္ဓိက္ခဏေ။ပေ.။ ဧကံ မဟာဘူတံ။ပေ.။။ (၁)
သညောဇနဝိပ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)
သညောဇနဝိပ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၃)
၄၂. သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပဋိစ္စ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
အာရမ္မဏပစ္စယော
၄၃. သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – သညောဇနသမ္ပယုတ္တံ ဧကံ ခန္ဓံ။ပေ.။ ဒွေ ခန္ဓေ။ပေ.။။ (၁)
သညောဇနသမ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတေ ခန္ဓေ ပဋိစ္စ ဥဒ္ဓစ္စသဟဂတော မောဟော။ (၂)
သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ။ပေ.။ ဒွေ ခန္ဓေ။ပေ.။။ (၃)
၄၄. သညောဇနဝိပ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – သညောဇနဝိပ္ပယုတ္တံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ ဝတ္ထုံ ပဋိစ္စ ခန္ဓာ။ (၁)
သညောဇနဝိပ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
အဓိပတိပစ္စယော
၄၅. သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ။ တီဏိ။
သညောဇနဝိပ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ။ ဧကံ။
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ – သညောဇနသမ္ပယုတ္တကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁) (သံခိတ္တံ။)
၁. ပစ္စယာနုလောမံ
၂. သင်္ချာဝါရော
သုဒ္ဓံ
၄၆. ဟေတုယာ နဝ၊ အာရမ္မဏေ ဆ၊ အဓိပတိယာ ပဉ္စ၊ အနန္တရေ ဆ၊ သမနန္တရေ ဆ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ ဆ၊ ပုရေဇာတေ ဆ၊ အာသေဝနေ ဆ၊ ကမ္မေ နဝ၊ ဝိပါကေ ဧကံ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ ဆ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ ဆ၊ ဝိဂတေ ဆ၊ အဝိဂတေ နဝ။
အနုလောမံ။
၂. ပစ္စယပစ္စနီယံ
၁. ဝိဘင်္ဂဝါရော
နဟေတုပစ္စယော
၄၇. သညောဇနသမ္ပယုတ္တံ ဓမ္မံ ပဋိစ္စ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၁)
သညောဇနသမ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပဋိစ္စ ဥဒ္ဓစ္စသဟဂတော မောဟော။ (၂)
သညောဇနဝိပ္ပယုတ္တံ ဓမ္မံ ပဋိစ္စ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သညောဇနဝိပ္ပယုတ္တံ ဧကံ ခန္ဓံ။ပေ.။ (ယာဝ အသညသတ္တာ၊ သံခိတ္တံ)။ (၁)
၂. ပစ္စယပစ္စနီယံ
၂. သင်္ချာဝါရော
သုဒ္ဓံ
၄၈. နဟေတုယာ တီဏိ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ သတ္တ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ စတ္တာရိ ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ ဆ၊ နောနတ္ထိယာ တီဏိ၊ နောဝိဂတေ တီဏိ။
ပစ္စနီယံ။
၃. ပစ္စယာနုလောမပစ္စနီယံ
ဟေတုဒုကံ
၄၉. ဟေတုပစ္စယာ နအာရမ္မဏေ တီဏိ၊ နအဓိပတိယာ နဝ။ပေ.။ နဥပနိဿယေ တီဏိ၊ နပုရေဇာတေ ဆ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ စတ္တာရိ၊ နဝိပါကေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ စတ္တာရိ၊ နောနတ္ထိယာ တီဏိ၊ နောဝိဂတေ တီဏိ။
၄. ပစ္စယပစ္စနီယာနုလောမံ
နဟေတုဒုကံ
၅၀. နဟေတုပစ္စယာ အာရမ္မဏေ တီဏိ။ပေ.။ ဝိပါကေ ဧကံ၊ အာဟာရေ တီဏိ။ပေ.။ မဂ္ဂေ ဒွေ။ပေ.။ အဝိဂတေ တီဏိ။
၂. သဟဇာတဝါရော
(သဟဇာတဝါရော ပဋိစ္စဝါရသဒိသော။)
၃. ပစ္စယဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၅၁. သညောဇနသမ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (ပဋိစ္စသဒိသံ)။
သညောဇနဝိပ္ပယုတ္တံ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ (ယာဝ ပဋိသန္ဓိ)၊ ဧကံ မဟာဘူတံ။ပေ.။ ဝတ္ထုံ ပစ္စယာ သညောဇနဝိပ္ပယုတ္တာ ခန္ဓာ၊ ဝတ္ထုံ ပစ္စယာ ဥဒ္ဓစ္စသဟဂတော မောဟော။ (၁)
သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ သညောဇနသမ္ပယုတ္တကာ ခန္ဓာ၊ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)
သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ သညောဇနသမ္ပယုတ္တကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၃)
၅၂. သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ ။ပေ.။ ဒွေ ခန္ဓေ။ပေ.။ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဥဒ္ဓစ္စသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ။ (၂)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ သညောဇနသမ္ပယုတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
အာရမ္မဏပစ္စယော
၅၃. သညောဇနသမ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ။ တီဏိ (ပဋိစ္စသဒိသာ)။
သညောဇနဝိပ္ပယုတ္တံ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ (ယာဝ ပဋိသန္ဓိ)၊ ဝတ္ထုံ ပစ္စယာ သညောဇနဝိပ္ပယုတ္တာ ခန္ဓာ ၊ စက္ခါယတနံ ပစ္စယာ စက္ခုဝိညာဏံ။ပေ.။ ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ သညောဇနဝိပ္ပယုတ္တာ ခန္ဓာ၊ ဝတ္ထုံ ပစ္စယာ ဥဒ္ဓစ္စသဟဂတော မောဟော။ (၁)
သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ သညောဇနသမ္ပယုတ္တကာ ခန္ဓာ၊ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)
သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝတ္ထုံ ပစ္စယာ ဥဒ္ဓစ္စသဟဂတာ ခန္ဓာ စ မောဟော စ။ (၃)
၅၄. သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – သညောဇနသမ္ပယုတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဥဒ္ဓစ္စသဟဂတော မောဟော။ (၂)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ။ပေ.။ ဒွေ ခန္ဓေ။ပေ.။။ (၃)
အဓိပတိပစ္စယာဒိ
၅၅. သညောဇနသမ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ အဓိပတိပစ္စယာ။ပေ.။ အဝိဂတပစ္စယာ။ပေ.။။
၁. ပစ္စယာနုလောမံ
၂. သင်္ချာဝါရော
သုဒ္ဓံ
၅၆. ဟေတုယာ နဝ၊ အာရမ္မဏေ နဝ၊ အဓိပတိယာ နဝ (သဗ္ဗတ္ထ နဝ)၊ ဝိပါကေ ဧကံ၊ အာဟာရေ နဝ။ပေ.။ အဝိဂတေ နဝ။
အနုလောမံ။
၂. ပစ္စယပစ္စနီယံ
၁. ဝိဘင်္ဂဝါရော
နဟေတုပစ္စယော
၅၇. သညောဇနသမ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပစ္စယာ ဝိစိကိစ္ဆာသဟဂတော မောဟော။ (၁)
သညောဇနသမ္ပယုတ္တံ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပစ္စယာ ဥဒ္ဓစ္စသဟဂတော မောဟော။ (၂)
၅၈. သညောဇနဝိပ္ပယုတ္တံ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သညောဇနဝိပ္ပယုတ္တံ ဧကံ ခန္ဓံ။ပေ.။ (ယာဝ အသညသတ္တာ)၊ စက္ခါယတနံ ပစ္စယာ စက္ခုဝိညာဏံ။ပေ.။ ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ သညောဇနဝိပ္ပယုတ္တာ ခန္ဓာ စ ဥဒ္ဓစ္စသဟဂတော မောဟော စ။ (၁)
သညောဇနဝိပ္ပယုတ္တံ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝတ္ထုံ ပစ္စယာ ဝိစိကိစ္ဆာသဟဂတော မောဟော။ (၂)
၅၉. သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနသမ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော။ (၁)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ ပစ္စယာ သညောဇနဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဥဒ္ဓစ္စသဟဂတော မောဟော (သံခိတ္တံ)။ (၂)
၂. ပစ္စယပစ္စနီယံ
၂. သင်္ချာဝါရော
သုဒ္ဓံ
၆၀. နဟေတုယာ ဆ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ သတ္တ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ စတ္တာရိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ ဆ၊ နောနတ္ထိယာ တီဏိ၊ နောဝိဂတေ တီဏိ။
၃. ပစ္စယာနုလောမပစ္စနီယံ
ဟေတုဒုကံ
၆၁. ဟေတုပစ္စယာ နအာရမ္မဏေ တီဏိ၊ နအဓိပတိယာ နဝ (သံခိတ္တံ၊ ဧဝံ ကာတဗ္ဗံ)။
၄. ပစ္စယပစ္စနီယာနုလောမံ
နဟေတုဒုကံ
၆၂. နဟေတုပစ္စယာ အာရမ္မဏေ ဆ (သဗ္ဗတ္ထ ဆ)၊ ဝိပါကေ ဧကံ၊ အာဟာရေ ဆ။ပေ.။ မဂ္ဂေ ဆ။ပေ.။ အဝိဂတေ ဆ။
၄. နိဿယဝါရော
(နိဿယဝါရောပိ ပစ္စယဝါရသဒိသော။)
၅. သံသဋ္ဌဝါရော
၁-၄. ပစ္စယာနုလောမာဒိ
၆၃. သညောဇနသမ္ပယုတ္တံ ဓမ္မံ သံသဋ္ဌော သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ။ပေ.။။(၁)
သညောဇနဝိပ္ပယုတ္တံ ဓမ္မံ သံသဋ္ဌော သညောဇနဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – သညောဇနဝိပ္ပယုတ္တံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။။ (၁)
သညောဇနဝိပ္ပယုတ္တံ ဓမ္မံ သံသဋ္ဌော သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ မောဟံ သံသဋ္ဌာ သမ္ပယုတ္တကာ ခန္ဓာ။ (၂)
သညောဇနသမ္ပယုတ္တဉ္စ သညောဇနဝိပ္ပယုတ္တဉ္စ ဓမ္မံ သံသဋ္ဌော သညောဇနသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ။ပေ.။ ဒွေ ခန္ဓေ။ပေ.။။ (၁) (သံခိတ္တံ။)
၆၄. ဟေတုယာ စတ္တာရိ၊ အာရမ္မဏေ ဆ၊ အဓိပတိယာ ဒွေ၊ အနန္တရေ ဆ၊ သမနန္တရေ ဆ။ပေ.။ အဝိဂတေ ဆ။
၆၅. နဟေတုယာ တီဏိ၊ နအဓိပတိယာ ဆ၊ နပုရေဇာတေ ဆ၊ နပစ္ဆာဇာတေ ဆ၊ နအာသေဝနေ ဆ၊ နကမ္မေ စတ္တာရိ၊ နဝိပါကေ ဆ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ ဆ။
၆. သမ္ပယုတ္တဝါရော
(ဣတရေ ဒွေ ဂဏနာပိ သမ္ပယုတ္တဝါရောပိ ကာတဗ္ဗော။)
၇. ပဉှာဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၆၆. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ဟေတုပစ္စယေန ပစ္စယော – သညောဇနသမ္ပယုတ္တာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – သညောဇနသမ္ပယုတ္တာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – သညောဇနသမ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
၆၇. သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဟေတုပစ္စယေန ပစ္စယော – သညောဇနဝိပ္ပယုတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ဥဒ္ဓစ္စသဟဂတော မောဟော စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော; ပဋိသန္ဓိက္ခဏေ။ပေ.။။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ဟေတုပစ္စယေန ပစ္စယော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဟေတုပစ္စယေန ပစ္စယော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
၆၈. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – သညောဇနသမ္ပယုတ္တေ ခန္ဓေ အာရဗ္ဘ သညောဇနသမ္ပယုတ္တကာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) သညောဇနသမ္ပယုတ္တေ ခန္ဓေ အာရဗ္ဘ သညောဇနဝိပ္ပယုတ္တာ ခန္ဓာ စ မောဟော စ ဥပ္ပဇ္ဇန္တိ။ (မူလံ ကာတဗ္ဗံ) သညောဇနသမ္ပယုတ္တေ ခန္ဓေ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
၆၉. သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ။ပေ.။ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ။ပေ.။ ဈာနာ။ပေ.။ အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော; အရိယာ သညောဇနဝိပ္ပယုတ္တေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ စက္ခုံ။ပေ.။ ဝတ္ထုံ သညောဇနဝိပ္ပယုတ္တေ ခန္ဓေ စ မောဟဉ္စ အနိစ္စတော။ပေ.။ ဝိပဿတိ။ပေ.။ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ၊ စေတောပရိယဉာဏေန သညောဇနဝိပ္ပယုတ္တစိတ္တသမင်္ဂိဿ စိတ္တံ ဇာနာတိ၊ အာကာသာနဉ္စာယတနံ ဝိညာဏဉ္စာယတနဿ။ပေ.။ ရူပါယတနံ။ပေ.။ ဖောဋ္ဌဗ္ဗာယတနံ။ပေ.။ သညောဇနဝိပ္ပယုတ္တာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ ၊ အာဝဇ္ဇနာယ မောဟဿ စ အာရမ္မဏပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ။ပေ.။ ဥပေါသထကမ္မံ။ပေ.။ ပုဗ္ဗေ သုစိဏ္ဏာနိ။ပေ.။ ဈာနာ ဝုဋ္ဌဟိတွာ ဈာနံ။ပေ.။ စက္ခုံ။ပေ.။ ဝတ္ထုံ သညောဇနဝိပ္ပယုတ္တေ ခန္ဓေ စ မောဟဉ္စ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – စက္ခုံ။ပေ.။ ဝတ္ထုံ သညောဇနဝိပ္ပယုတ္တေ ခန္ဓေ စ မောဟဉ္စ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
၇၀. သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော – ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ သညောဇနသမ္ပယုတ္တကာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ သညောဇနဝိပ္ပယုတ္တာ ခန္ဓာ စ မောဟော စ ဥပ္ပဇ္ဇန္တိ။ (မူလံ ကာတဗ္ဗံ) ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)
အဓိပတိပစ္စယော
၇၁. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ရာဂံ။ပေ.။ ဒိဋ္ဌိံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – သညောဇနသမ္ပယုတ္တာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သညောဇနသမ္ပယုတ္တာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သညောဇနသမ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
၇၂. သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ။ပေ.။ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ။ပေ.။ ဈာနာ။ပေ.။ အရိယာ မဂ္ဂါ။ပေ.။ ဖလံ။ပေ.။ နိဗ္ဗာနံ။ပေ.။ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော။ သဟဇာတာဓိပတိ – သညောဇနဝိပ္ပယုတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒါနံ ဒတွာ သီလံ။ပေ.။ ဥပေါသထကမ္မံ ကတွာ တံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ပုဗ္ဗေ သုစိဏ္ဏာနိ။ပေ.။ ဈာနာ။ပေ.။ စက္ခုံ။ပေ.။ ဝတ္ထုံ သညောဇနဝိပ္ပယုတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၂)
အနန္တရပစ္စယော
၇၃. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သညောဇနသမ္ပယုတ္တာ ခန္ဓာ ပစ္ဆိမာနံ ပစ္ဆိမာနံ သညောဇနသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ ပစ္ဆိမဿ ပစ္ဆိမဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော; သညောဇနသမ္ပယုတ္တာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
၇၄. သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဥဒ္ဓစ္စသဟဂတော မောဟော ပစ္ဆိမဿ ပစ္ဆိမဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော; ပုရိမာ ပုရိမာ သညောဇနဝိပ္ပယုတ္တာ ခန္ဓာ ပစ္ဆိမာနံ။ပေ.။ ဖလသမာပတ္တိယာ အနန္တရပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန ပစ္စယော; အာဝဇ္ဇနာ သညောဇနသမ္ပယုတ္တကာနံ ခန္ဓာနံ အနန္တရပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော; အာဝဇ္ဇနာ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
၇၅. သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန ပစ္စယော။ (၁)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမဿ ပစ္ဆိမဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော; ဥဒ္ဓစ္စသဟဂတာ ခန္ဓာ စ မောဟော စ ဝုဋ္ဌာနဿ အနန္တရပစ္စယေန ပစ္စယော။ (၂)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)
သမနန္တရပစ္စယာဒိ
၇၆. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ သမနန္တရပစ္စယေန ပစ္စယော ။ နဝ။ သဟဇာတပစ္စယေန ပစ္စယော။ နဝ။ အညမညပစ္စယေန ပစ္စယော။ ဆ။ နိဿယပစ္စယေန ပစ္စယော။ နဝ။
ဥပနိဿယပစ္စယော
၇၇. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သညောဇနသမ္ပယုတ္တာ ခန္ဓာ သညောဇနသမ္ပယုတ္တကာနံ ခန္ဓာနံ ဥပနိဿယပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သညောဇနသမ္ပယုတ္တာ ခန္ဓာ သညောဇနဝိပ္ပယုတ္တာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သညောဇနသမ္ပယုတ္တာ ခန္ဓာ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
၇၈. သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ; သီလံ။ပေ.။ ပညံ။ ကာယိကံ သုခံ။ ကာယိကံ ဒုက္ခံ။ ဥတုံ။ ဘောဇနံ။ သေနာသနံ မောဟံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ; သဒ္ဓါ။ပေ.။ သေနာသနံ မောဟော စ သဒ္ဓါယ။ပေ.။ ဖလသမာပတ္တိယာ မောဟဿ စ ဥပနိဿယပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ၊ ဒိဋ္ဌိံ ဂဏှာတိ; သီလံ။ပေ.။ ပညံ။ ကာယိကံ သုခံ။ ကာယိကံ ဒုက္ခံ။ ဥတုံ။ ဘောဇနံ။ သေနာသနံ မောဟံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ; သဒ္ဓါ။ပေ.။ သေနာသနံ မောဟော ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓါ။ပေ.။ ပညာ။ ကာယိကံ သုခံ။ပေ.။ သေနာသနံ မောဟော စ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
၇၉. သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ သညောဇနသမ္ပယုတ္တကာနံ ခန္ဓာနံ ဥပနိဿယပစ္စယေန ပစ္စယော။ (၁)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ သညောဇနဝိပ္ပယုတ္တာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၂)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)
ပုရေဇာတပစ္စယော
၈၀. သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ဝတ္ထုံ အနိစ္စတော ။ပေ.။ ဝိပဿတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ၊ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ။ပေ.။။ ဝတ္ထုပုရေဇာတံ – စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ။ပေ.။ ဝတ္ထု သညောဇနဝိပ္ပယုတ္တာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ဝတ္ထုံ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု သညောဇနသမ္ပယုတ္တကာနံ ခန္ဓာနံ ပုရေဇာတပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ဝတ္ထုံ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဥဒ္ဓစ္စသဟဂတာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယော
၈၁. သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ သညောဇနသမ္ပယုတ္တာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ သညောဇနဝိပ္ပယုတ္တာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသေဝနပစ္စယော
၈၂. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာသေဝနပစ္စယေန ပစ္စယော။ နဝ (အာဝဇ္ဇနာပိ ဝုဋ္ဌာနမ္ပိ နတ္ထိ )။
ကမ္မပစ္စယော
၈၃. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ကမ္မပစ္စယေန ပစ္စယော – သညောဇနသမ္ပယုတ္တာ စေတနာ သညောဇနသမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သညောဇနသမ္ပယုတ္တာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော ; ဥဒ္ဓစ္စသဟဂတာ စေတနာ မောဟဿ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ နာနာက္ခဏိကာ – သညောဇနသမ္ပယုတ္တကာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ကမ္မပစ္စယေန ပစ္စယော – သညောဇနသမ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော; ဥဒ္ဓစ္စသဟဂတာ စေတနာ သမ္ပယုတ္တကာနံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သညောဇနဝိပ္ပယုတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော; ပဋိသန္ဓိက္ခဏေ။ပေ.။။ နာနာက္ခဏိကာ – သညောဇနဝိပ္ပယုတ္တာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။
ဝိပါကပစ္စယော
၈၄. သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဝိပါကပစ္စယေန ပစ္စယော။ ဧကံ။
အာဟာရပစ္စယာဒိ
၈၅. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာဟာရပစ္စယေန ပစ္စယော။ စတ္တာရိ။ ဣန္ဒြိယပစ္စယေန ပစ္စယော။ စတ္တာရိ။ ဈာနပစ္စယေန ပစ္စယော။ စတ္တာရိ။ မဂ္ဂပစ္စယေန ပစ္စယော။ စတ္တာရိ။ သမ္ပယုတ္တပစ္စယေန ပစ္စယော။ ဆ။
ဝိပ္ပယုတ္တပစ္စယော
၈၆. သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ (သံခိတ္တံ)။ (၁)
သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ (သံခိတ္တံ)။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သညောဇနသမ္ပယုတ္တကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဥဒ္ဓစ္စသဟဂတာနံ ခန္ဓာနံ မောဟဿ စ ဝိပ္ပယုတ္တပစ္စယေန ပစ္စယော။ (၃)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ (သံခိတ္တံ)။ (၁)
အတ္ထိပစ္စယာဒိ
၈၇. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အတ္ထိပစ္စယေန ပစ္စယော။ ဧကံ (ပဋိစ္စဝါရသဒိသံ)။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – သညောဇနသမ္ပယုတ္တာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော; ဥဒ္ဓစ္စသဟဂတာ ခန္ဓာ မောဟဿ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – သညောဇနသမ္ပယုတ္တာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သညောဇနသမ္ပယုတ္တော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။ ဒွေ ခန္ဓာ။ပေ.။ ဥဒ္ဓစ္စသဟဂတော ဧကော ခန္ဓော တိဏ္ဏန္နံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။။ (၃)
၈၈. သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ (သံခိတ္တံ။ ဝိတ္ထာရေတဗ္ဗံ)။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ။ပေ.။ ဝတ္ထုံ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ၊ ဝတ္ထု သညောဇနသမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပုရေဇာတံ – စက္ခုံ ။ပေ.။ ဝတ္ထုံ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ၊ ဝတ္ထု ဥဒ္ဓစ္စသဟဂတာနံ ခန္ဓာနံ မောဟဿ စ အတ္ထိပစ္စယေန ပစ္စယော။ (၃)
၈၉. သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – သညောဇနသမ္ပယုတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ.။ ဒွေ ခန္ဓာ စ။ပေ.။ ဥဒ္ဓစ္စသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ.။ ဒွေ ခန္ဓာ စ။ပေ.။။ (၁)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – သညောဇနသမ္ပယုတ္တာ ခန္ဓာ စ မောဟော စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော; ဥဒ္ဓစ္စသဟဂတာ ခန္ဓာ စ မောဟော စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော; ဥဒ္ဓစ္စသဟဂတာ ခန္ဓာ စ ဝတ္ထု စ မောဟဿ အတ္ထိပစ္စယေန ပစ္စယော။ ပစ္ဆာဇာတာ – ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သညောဇနသမ္ပယုတ္တာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သညောဇနသမ္ပယုတ္တာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဥဒ္ဓစ္စသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။ ဒွေ ခန္ဓာ စ။ပေ.။။ သဟဇာတော – ဥဒ္ဓစ္စသဟဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ မောဟဿ စ အတ္ထိပစ္စယေန ပစ္စယော။ပေ.။ ဒွေ ခန္ဓာ။ပေ.။။ (၃)
နတ္ထိပစ္စယေန ပစ္စယော။ ဝိဂတပစ္စယေန ပစ္စယော။ အဝိဂတပစ္စယေန ပစ္စယော။
၁. ပစ္စယာနုလောမံ
၂. သင်္ချာဝါရော
သုဒ္ဓံ
၉၀. ဟေတုယာ ဆ၊ အာရမ္မဏေ နဝ၊ အဓိပတိယာ ပဉ္စ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ စတ္တာရိ၊ ဝိပါကေ ဧကံ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ စတ္တာရိ၊ မဂ္ဂေ စတ္တာရိ၊ သမ္ပယုတ္တေ ဆ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ။
အနုလောမံ။
ပစ္စနီယုဒ္ဓါရော
၉၁. သညောဇနသမ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)
သညောဇနသမ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ (၂)
သညောဇနသမ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၃)
၉၂. သညောဇနဝိပ္ပယုတ္တော ဓမ္မော သညောဇနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော၊ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော ။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၁)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၂)
သညောဇနဝိပ္ပယုတ္တော ဓမ္မော သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၃)
၉၃. သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ (၂)
သညောဇနသမ္ပယုတ္တော စ သညောဇနဝိပ္ပယုတ္တော စ ဓမ္မာ သညောဇနသမ္ပယုတ္တဿ စ သညောဇနဝိပ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၃)
၂. ပစ္စယပစ္စနီယံ
၂. သင်္ချာဝါရော
၉၄. နဟေတုယာ နဝ၊ နအာရမ္မဏေ နဝ (သဗ္ဗတ္ထ နဝ)၊ နောဝိဂတေ နဝ၊ နောအဝိဂတေ နဝ။
၃. ပစ္စယာနုလောမပစ္စနီယံ
ဟေတုဒုကံ
၉၅. ဟေတုပစ္စယာ နအာရမ္မဏေ ဆ။ပေ.။ နသမနန္တရေ ဆ၊ နအညမညေ ဒွေ၊ နဥပနိဿယေ ဆ။ပေ.။ နမဂ္ဂေ ဆ၊ နသမ္ပယုတ္တေ ဒွေ၊ နဝိပ္ပယုတ္တေ တီဏိ၊ နောနတ္ထိယာ ဆ၊ နောဝိဂတေ ဆ။
၄. ပစ္စယပစ္စနီယာနုလောမံ
၉၆. နဟေတုပစ္စယာ အာရမ္မဏေ နဝ၊ အဓိပတိယာ ပဉ္စ (အနုလောမပဒါနိ ဂဏိတဗ္ဗာနိ)၊ အဝိဂတေ နဝ။
သညောဇနသမ္ပယုတ္တဒုကံ နိဋ္ဌိတံ။
၂၃. သညောဇနသညောဇနိယဒုကံ
၁. ပဋိစ္စဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၉၇. သညောဇနဉ္စေဝ သညောဇနိယဉ္စ ဓမ္မံ ပဋိစ္စ သညောဇနော စေဝ သညောဇနိယော စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ (စက္ကံ)။ (၁)
သညောဇနဉ္စေဝ သညောဇနိယဉ္စ ဓမ္မံ ပဋိစ္စ သညောဇနိယော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနေ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၂)
သညောဇနဉ္စေဝ သညောဇနိယဉ္စ ဓမ္မံ ပဋိစ္စ သညောဇနော စေဝ သညောဇနိယော စ သညောဇနိယော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ (စက္ကံ)။ (၃)
၉၈. သညောဇနိယဉ္စေဝ နော စ သညောဇနံ ဓမ္မံ ပဋိစ္စ သညောဇနိယော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနိယဉ္စေဝ နော စ သညောဇနံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ (ယာဝ မဟာဘူတာ)။ (၁)
သညောဇနိယဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနိယော စ ဓမ္မော ဥပ္ပဇ္ဇတိ ဟေတုပစ္စယာ – သညောဇနိယေ စေဝ နော စ သညောဇနေ ခန္ဓေ ပဋိစ္စ သညောဇနာ။ (၂)
သညောဇနိယဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနိယော စ သညောဇနိယော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနိယဉ္စေဝ နော စ သညောဇနံ ဧကံ ခန္ဓံ ပဋိစ္စ တယော ခန္ဓာ သညောဇနာ စ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
၉၉. သညောဇနဉ္စေဝ သညောဇနိယဉ္စ သညောဇနိယဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနိယော စ ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနဉ္စ သမ္ပယုတ္တကေ စ ခန္ဓေ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ (စက္ကံ)။ (၁)
သညောဇနဉ္စေဝ သညောဇနိယဉ္စ သညောဇနိယဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနိယော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနိယဉ္စေဝ နော စ သညောဇနံ ဧကံ ခန္ဓဉ္စ သညောဇနေ စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၂)
သညောဇနဉ္စေဝ သညောဇနိယဉ္စ သညောဇနိယဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနော စေဝ သညောဇနိယော စ သညောဇနိယော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနိယဉ္စေဝ နော စ သညောဇနံ ဧကံ ခန္ဓဉ္စ ကာမရာဂသညောဇနဉ္စ ပဋိစ္စ တယော ခန္ဓာ ဒိဋ္ဌိသညောဇနံ အဝိဇ္ဇာသညောဇနံ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ စ။ပေ.။ (စက္ကံ ဗန္ဓိတဗ္ဗံ)။ (၃)
(သညောဇနဂေါစ္ဆကေ ပဌမဒုကသဒိသံ။)
(ဧဝံ ဣမမ္ပိ ဒုကံ ဝိတ္ထာရေတဗ္ဗံ၊ နိန္နာနာကရဏံ ဌပေတွာ လောကုတ္တရံ)။
သညောဇနသညောဇနိယဒုကံ နိဋ္ဌိတံ။
၂၄. သညောဇနသညောဇနသမ္ပယုတ္တဒုကံ
၁. ပဋိစ္စဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၁၀၀. သညောဇနဉ္စေဝ သညောဇနသမ္ပယုတ္တဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ (စက္ကံ)။ (၁)
သညောဇနဉ္စေဝ သညောဇနသမ္ပယုတ္တဉ္စ ဓမ္မံ ပဋိစ္စ သညောဇနသမ္ပယုတ္တော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနေ ပဋိစ္စ သမ္ပယုတ္တကာ ခန္ဓာ။ (၂)
သညောဇနဉ္စေဝ သညောဇနသမ္ပယုတ္တဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ သညောဇနသမ္ပယုတ္တော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – ကာမရာဂသညောဇနံ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ သမ္ပယုတ္တကာ စ ခန္ဓာ (စက္ကံ)။ (၃)
၁၀၁. သညောဇနသမ္ပယုတ္တဉ္စေဝ နော စ သညောဇနံ ဓမ္မံ ပဋိစ္စ သညောဇနသမ္ပယုတ္တော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တဉ္စေဝ နော စ သညောဇနံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
သညောဇနသမ္ပယုတ္တဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တေ စေဝ နော စ သညောဇနေ ခန္ဓေ ပဋိစ္စ သညောဇနာ (၂)
သညောဇနသမ္ပယုတ္တဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ သညောဇနသမ္ပယုတ္တော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနသမ္ပယုတ္တဉ္စေဝ နော စ သညောဇနံ ဧကံ ခန္ဓံ ပဋိစ္စ တယော ခန္ဓာ သညောဇနာ စ။ပေ.။ ဒွေ ခန္ဓေ။ပေ.။။ (၃)
၁၀၂. သညောဇနဉ္စေဝ သညောဇနသမ္ပယုတ္တဉ္စ သညောဇနသမ္ပယုတ္တဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – ကာမရာဂသညောဇနဉ္စ သမ္ပယုတ္တကေ စ ခန္ဓေ ပဋိစ္စ ဒိဋ္ဌိသညောဇနံ အဝိဇ္ဇာသညောဇနံ (စက္ကံ)။ (၁)
သညောဇနဉ္စေဝ သညောဇနသမ္ပယုတ္တဉ္စ သညောဇနသမ္ပယုတ္တဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနသမ္ပယုတ္တော စေဝ နော စ သညောဇနော ဓမ္မော ဥပ္ပဇ္ဇတိ ဟေတုပစ္စယာ – သညောဇနသမ္ပယုတ္တဉ္စေဝ နော စ သညောဇနံ ဧကံ ခန္ဓဉ္စ သညောဇနေ စ ပဋိစ္စ တယော ခန္ဓာ။ပေ.။ ဒွေ ခန္ဓေ စ။ပေ.။။ (၂)
သညောဇနဉ္စေဝ သညောဇနသမ္ပယုတ္တဉ္စ သညောဇနသမ္ပယုတ္တဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ သညောဇနသမ္ပယုတ္တော စေဝ နော စ သညောဇနော စ ဓမ္မာ ဥပ္ပဇ္ဇန္တိ ဟေတုပစ္စယာ – သညောဇနသမ္ပယုတ္တဉ္စေဝ နော စ သညောဇနံ ဧကံ ခန္ဓဉ္စ ကာမရာဂသညောဇနဉ္စ ပဋိစ္စ တယော ခန္ဓာ ဒိဋ္ဌိသညောဇနံ အဝိဇ္ဇာသညောဇနံ။ပေ.။ ဒွေ ခန္ဓေ စ။ပေ.။ (စက္ကံ)။ (၃)
၁. ပစ္စယာနုလောမံ
၂. သင်္ချာဝါရော
သုဒ္ဓံ
၁၀၃. ဟေတုယာ နဝ၊ အာရမ္မဏေ နဝ၊ အဓိပတိယာ နဝ (သဗ္ဗတ္ထ နဝ)၊ ကမ္မေ နဝ၊ အာဟာရေ နဝ။ပေ.။ အဝိဂတေ နဝ။
အနုလောမံ။
၂. ပစ္စယပစ္စနီယံ
၁. ဝိဘင်္ဂဝါရော
နဟေတုပစ္စယော
၁၀၄. သညောဇနဉ္စေဝ သညောဇနသမ္ပယုတ္တဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသညောဇနံ ပဋိစ္စ အဝိဇ္ဇာသညောဇနံ။ (၁)
သညောဇနသမ္ပယုတ္တဉ္စေဝ နော စ သညောဇနံ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၁)
သညောဇနဉ္စေဝ သညောဇနသမ္ပယုတ္တဉ္စ သညောဇနသမ္ပယုတ္တဉ္စေဝ နော စ သညောဇနဉ္စ ဓမ္မံ ပဋိစ္စ သညောဇနော စေဝ သညောဇနသမ္ပယုတ္တော စ ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသညောဇနဉ္စ သမ္ပယုတ္တကေ စ ခန္ဓေ ပဋိစ္စ အဝိဇ္ဇာသညောဇနံ။ (၁)
၂. ပစ္စယပစ္စနီယံ
၂. သင်္ချာဝါရော
သုဒ္ဓံ
၁၀၅. နဟေတုယာ တီဏိ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ။
၂-၆. သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(ဧဝံ ဣတရေ ဒွေ ဂဏနာပိ သဟဇာတဝါရောပိ ကာတဗ္ဗော။ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ။)
၇. ပဉှာဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၁၀၆. သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ ဟေတုပစ္စယေန ပစ္စယော – ကာမရာဂသညောဇနော ဒိဋ္ဌိသညောဇနဿ အဝိဇ္ဇာသညောဇနဿ ဟေတုပစ္စယေန ပစ္စယော (စက္ကံ)။ (၁)
သညောဇနော စေဝ သညောဇနသမ္ပယုတ္တော စ ဓမ္မော သညောဇနသမ္ပယုတ္တဿ စေဝ နော စ သညောဇနဿ ဓမ္မဿ ဟေတုပစ္စယေန ပစ္စယော – သညောဇနာ စေဝ သညောဇနသမ္ပယုတ္တာ စ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)
သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ သညောဇနသမ္ပယုတ္တဿ စေဝ နော စ သညောဇနဿ စ ဓမ္မဿ ဟေတုပစ္စယေန ပစ္စယော – ကာမရာဂသညောဇနော ဒိဋ္ဌိသညောဇနဿ အဝိဇ္ဇာသညောဇနဿ သမ္ပယုတ္တကာနဉ္စ ခန္ဓာနံ ဟေတုပစ္စယေန ပစ္စယော (စက္ကံ)။ (၃)
အာရမ္မဏပစ္စယော
၁၀၇. သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – သညောဇနေ အာရဗ္ဘ သညောဇနာ ဥပ္ပဇ္ဇန္တိ။ (မူလံ ကာတဗ္ဗံ) သညောဇနေ အာရဗ္ဘ သညောဇနသမ္ပယုတ္တာ စေဝ နော စ သညောဇနာ ခန္ဓာ ဥပ္ပဇ္ဇန္တိ။ (မူလံ ကာတဗ္ဗံ) သညောဇနေ အာရဗ္ဘ သညောဇနာ စ သညောဇနသမ္ပယုတ္တကာ စ ခန္ဓာ ဥပ္ပဇ္ဇန္တိ။ (၁)
သညောဇနသမ္ပယုတ္တော စေဝ နော စ သညောဇနော ဓမ္မော သညောဇနသမ္ပယုတ္တဿ စေဝ နော စ သညောဇနဿ ဓမ္မဿ အာရမ္မဏပစ္စယေန ပစ္စယော – သညောဇနသမ္ပယုတ္တေ စေဝ နော စ သညောဇနေ ခန္ဓေ အာရဗ္ဘ သညောဇနသမ္ပယုတ္တာ စေဝ နော စ သညောဇနာ ခန္ဓာ ဥပ္ပဇ္ဇန္တိ။ (၁)
သညောဇနသမ္ပယုတ္တော စေဝ နော စ သညောဇနော ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော – သညောဇနသမ္ပယုတ္တေ စေဝ နော စ သညောဇနေ ခန္ဓေ အာရဗ္ဘ သညောဇနာ ဥပ္ပဇ္ဇန္တိ။ (၂)
သညောဇနသမ္ပယုတ္တော စေဝ နော စ သညောဇနော ဓမ္မော သညောဇနဿ စေဝ သညောဇနသမ္ပယုတ္တဿ စ သညောဇနသမ္ပယုတ္တဿ စေဝ နော စ သညောဇနဿ စ ဓမ္မဿ အာရမ္မဏပစ္စယေန ပစ္စယော – သညောဇနသမ္ပယုတ္တေ စေဝ နော စ သညောဇနေ ခန္ဓေ အာရဗ္ဘ သညောဇနာ စ သညောဇနသမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)
သညောဇနော စေဝ သညောဇနသမ္ပယုတ္တော စ သညောဇနသမ္ပယုတ္တော စေဝ နော စ သညောဇနော စ ဓမ္မာ သညောဇနဿ စေဝ သညောဇနသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော။ တီဏိ။
အဓိပတိပစ္စယော
၁၀၈. သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။ တီဏိ။
သညောဇနသမ္ပယုတ္တော စေဝ နော စ သညောဇနော ဓမ္မော သညောဇနသမ္ပယုတ္တဿ စေဝ နော စ သညောဇနဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ (ဣမာသု တီသုပိ ပဉှာသု အာရမ္မဏာဓိပတိပိ သဟဇာတာဓိပတိပိ ကာတဗ္ဗာ)။
သညောဇနော စေဝ သညောဇနသမ္ပယုတ္တော စ သညောဇနသမ္ပယုတ္တော စေဝ နော စ သညောဇနော စ ဓမ္မာ သညောဇနဿ စေဝ သညောဇနသမ္ပယုတ္တဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။ တီဏိ။
အနန္တရပစ္စယာဒိ
၁၀၉. သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ အနန္တရပစ္စယေန ပစ္စယော။ နဝ (နိန္နာနာကရဏံ၊ ဝိဘဇနာ နတ္ထိ။ အာရမ္မဏသဒိသာ)။ သမနန္တရပစ္စယေန ပစ္စယော။ နဝ။ သဟဇာတပစ္စယေန ပစ္စယော။ နဝ။ အညမညပစ္စယေန ပစ္စယော။ နဝ။ နိဿယပစ္စယေန ပစ္စယော။ နဝ။ ဥပနိဿယပစ္စယေန ပစ္စယော။ နဝ (အာရမ္မဏနယေန ကာတဗ္ဗာ)။ အာသေဝနပစ္စယေန ပစ္စယော။ နဝ။
ကမ္မပစ္စယာဒိ
၁၁၀. သညောဇနသမ္ပယုတ္တော စေဝ နော စ သညောဇနော ဓမ္မော သညောဇနသမ္ပယုတ္တဿ စေဝ နော စ သညောဇနဿ ဓမ္မဿ ကမ္မပစ္စယေန ပစ္စယော။ တီဏိ။ အာဟာရပစ္စယေန ပစ္စယော။ တီဏိ။ ဣန္ဒြိယပစ္စယေန ပစ္စယော။ တီဏိ။ ဈာနပစ္စယေန ပစ္စယော။ တီဏိ။ မဂ္ဂပစ္စယေန ပစ္စယော။ နဝ ။ သမ္ပယုတ္တပစ္စယေန ပစ္စယော။ နဝ။ အတ္ထိပစ္စယေန ပစ္စယော ။ နဝ။ နတ္ထိပစ္စယေန ပစ္စယော။ နဝ။ ဝိဂတပစ္စယေန ပစ္စယော။ နဝ။ အဝိဂတပစ္စယေန ပစ္စယော။ နဝ။
၁. ပစ္စယာနုလောမံ
၂. သင်္ချာဝါရော
သုဒ္ဓံ
၁၁၁. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ။
အနုလောမံ။
ပစ္စနီယုဒ္ဓါရော
၁၁၂. သညောဇနော စေဝ သညောဇနသမ္ပယုတ္တော စ ဓမ္မော သညောဇနဿ စေဝ သညောဇနသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။။ (သံခိတ္တံ။ ဧဝံ နဝ ပဉှာ ကာတဗ္ဗာ။ တီသုယေဝ ပဒေသု ပရိဝတ္တေတဗ္ဗာ၊ နာနာက္ခဏိကာ နတ္ထိ။)
၂. ပစ္စယပစ္စနီယံ
၂. သင်္ချာဝါရော
၁၁၃. နဟေတုယာ နဝ၊ နအာရမ္မဏေ နဝ (သဗ္ဗတ္ထ နဝ)၊ နောအဝိဂတေ နဝ။
၃. ပစ္စယာနုလောမပစ္စနီယံ
ဟေတုဒုကံ
၁၁၄. ဟေတုပစ္စယာ နအာရမ္မဏေ တီဏိ။ပေ.။ နသမနန္တရေ တီဏိ၊ နဥပနိဿယေ တီဏိ၊ နပုရေဇာတေ တီဏိ။ပေ.။ နမဂ္ဂေ တီဏိ၊ နသမ္ပယုတ္တေ တီဏိ၊ နဝိပ္ပယုတ္တေ တီဏိ၊ နောနတ္ထိယာ တီဏိ ၊ နောဝိဂတေ တီဏိ။
၄. ပစ္စယပစ္စနီယာနုလောမံ
၁၁၅. နဟေတုပစ္စယာ အာရမ္မဏေ နဝ၊ အဓိပတိယာ နဝ (အနုလောမပဒါနိ ကာတဗ္ဗာနိ)။ပေ.။ အဝိဂတေ နဝ။
သညောဇနသညောဇနသမ္ပယုတ္တဒုကံ နိဋ္ဌိတံ။
၂၅. သညောဇနဝိပ္ပယုတ္တသညောဇနိယဒုကံ
၁. ပဋိစ္စဝါရော
၁. ပစ္စယာနုလောမံ
၁. ဝိဘင်္ဂဝါရော
၁၁၆. သညောဇနဝိပ္ပယုတ္တံ သညောဇနိယံ ဓမ္မံ ပဋိစ္စ သညောဇနဝိပ္ပယုတ္တော သညောဇနိယော ဓမ္မော ဥပ္ပဇ္ဇတိ ဟေတုပစ္စယာ – သညောဇနဝိပ္ပယုတ္တံ သညောဇနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ (ယာဝ အသညသတ္တာ၊ မဟာဘူတာ)။
သညောဇနဝိပ္ပယုတ္တံ အသညောဇနိယံ ဓမ္မံ ပဋိစ္စ သညောဇနဝိပ္ပယုတ္တော အသညောဇနိယော ဓမ္မော ဥပ္ပဇ္ဇတိ ဟေတုပစ္စယာ – သညောဇနဝိပ္ပယုတ္တံ အသညောဇနိယံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။
သညောဇနဝိပ္ပယုတ္တံ အသညောဇနိယံ ဓမ္မံ။ပေ.။ (ဒွေ ပဉှာ ကာတဗ္ဗာ)။
(ဣမံ ဒုကံ စူဠန္တရဒုကေ လောကိယဒုကသဒိသံ နိန္နာနာကရဏံ။)
သညောဇနဝိပ္ပယုတ္တသညောဇနိယဒုကံ နိဋ္ဌိတံ။
သညောဇနဂေါစ္ဆကံ နိဋ္ဌိတံ။