၂၂. သနိဒဿနသပ္ပဋိဃတ္တိက
၁. ပဋိစ္စဝါရ
၁. ပစ္စယာနုလောမ
၁. ဝိဘင်္ဂဝါရ
ဟေတုပစ္စယော
၁. အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ ပဋိစ္စ ဧကံ မဟာဘူတံ။ အနိဒဿနသပ္ပဋိဃေ မဟာဘူတေ ပဋိစ္စ အနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ စက္ခါယတနံ။ပေ.။ ရသာယတနံ။ပေ.။။ (၁)
အနိဒဿနသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနသပ္ပဋိဃေ မဟာဘူတေ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ ရူပါယတနံ။ (၂)
အနိဒဿနသပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနသပ္ပဋိဃေ မဟာဘူတေ ပဋိစ္စ အနိဒဿနအပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ အာပေါဓါတု၊ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၃)
အနိဒဿနသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနသပ္ပဋိဃေ မဟာဘူတေ ပဋိစ္စ သနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ ရူပါယတနံ၊ အာပေါဓါတု၊ ဣန္ဒြိယံ။ပေ.။ ကဗဠီကာရော အာဟာရော။ (၄)
အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ အာပေါဓါတု စ၊ ဒွေ မဟာဘူတေ ပဋိစ္စ ဧကံ မဟာဘူတံ အာပေါဓါတု စ။ အနိဒဿနသပ္ပဋိဃေ မဟာဘူတေ ပဋိစ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ စက္ခါယတနံ။ပေ.။ ရသာယတနံ၊ အာပေါဓါတု၊ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၅)
အနိဒဿနသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနသပ္ပဋိဃေ မဟာဘူတေ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ ရူပါယတနံ၊ စက္ခါယတနံ။ပေ.။ ရသာယတနံ။ (၆)
အနိဒဿနသပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနသပ္ပဋိဃေ မဟာဘူတေ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ ရူပါယတနံ၊ စက္ခါယတနံ။ပေ.။ ရသာယတနံ၊ အာပေါဓါတု၊ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၇)
၂. အနိဒဿနအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အနိဒဿနအပ္ပဋိဃဉ္စ ကဋတ္တာရူပံ။ပေ.။ ဒွေ ခန္ဓေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ အာပေါဓါတုံ ပဋိစ္စ အနိဒဿနအပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာပေါဓါတုံ ပဋိစ္စ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၁)
အနိဒဿနအပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနအပ္ပဋိဃေ ခန္ဓေ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ ပဋိစ္စ သနိဒဿနသပ္ပဋိဃံ ကဋတ္တာရူပံ။ အာပေါဓါတုံ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာပေါဓါတုံ ပဋိစ္စ ရူပါယတနံ။ (၂)
အနိဒဿနအပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနအပ္ပဋိဃေ ခန္ဓေ ပဋိစ္စ အနိဒဿနသပ္ပဋိဃံ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ ပဋိစ္စ အနိဒဿနသပ္ပဋိဃံ ကဋတ္တာရူပံ။ အာပေါဓါတုံ ပဋိစ္စ အနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာပေါဓါတုံ ပဋိစ္စ စက္ခါယတနံ။ပေ.။ ရသာယတနံ။ (၃)
အနိဒဿနအပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ သနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ။ သနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ကဋတ္တာရူပံ။ပေ.။ ဒွေ ခန္ဓေ။ပေ.။ အာပေါဓါတုံ ပဋိစ္စ သနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာပေါဓါတုံ ပဋိစ္စ ရူပါယတနံ၊ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၄)
အနိဒဿနအပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ကဋတ္တာရူပံ။ပေ.။ ဒွေ ခန္ဓေ။ပေ.။ အာပေါဓါတုံ ပဋိစ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာပေါဓါတုံ ပဋိစ္စ စက္ခါယတနံ။ပေ.။ ရသာယတနံ၊ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၅)
အနိဒဿနအပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနအပ္ပဋိဃေ ခန္ဓေ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ ကဋတ္တာရူပံ။ အာပေါဓါတုံ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာပေါဓါတုံ ပဋိစ္စ ရူပါယတနံ၊ စက္ခါယတနံ။ပေ.။ ရသာယတနံ။ (၆)
အနိဒဿနအပ္ပဋိဃံ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ကဋတ္တာရူပံ။ပေ.။ ဒွေ ခန္ဓေ။ပေ.။ အာပေါဓါတုံ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာပေါဓါတုံ ပဋိစ္စ ရူပါယတနံ စက္ခါယတနံ။ပေ.။ ရသာယတနံ၊ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၇)
၃. အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃံ ကဋတ္တာရူပံ။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနဉ္စ အာပေါဓါတုဉ္စ ပဋိစ္စ ရူပါယတနံ။ (၁)
အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ အနိဒဿနသပ္ပဋိဃံ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ အနိဒဿနသပ္ပဋိဃံ ကဋတ္တာရူပံ။ အနိဒဿနသပ္ပဋိဃံ ဧကံ မဟာဘူတဉ္စ အာပေါဓါတုဉ္စ ပဋိစ္စ ဒွေ မဟာဘူတာ၊ ဒွေ မဟာဘူတေ စ အာပေါဓါတုဉ္စ ပဋိစ္စ ဧကံ မဟာဘူတံ။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ အနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနဉ္စ အာပေါဓါတုဉ္စ ပဋိစ္စ စက္ခါယတနံ။ပေ.။ ရသာယတနံ။ (၂)
အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ အနိဒဿနအပ္ပဋိဃံ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ အနိဒဿနအပ္ပဋိဃံ ကဋတ္တာရူပံ။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ အနိဒဿနအပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနဉ္စ အာပေါဓါတုဉ္စ ပဋိစ္စ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၃)
အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ကဋတ္တာရူပံ ။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနဉ္စ အာပေါဓါတုဉ္စ ပဋိစ္စ ရူပါယတနံ၊ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၄)
အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ကဋတ္တာရူပံ။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ ကဋတာရူပံ ဥပါဒါရူပံ။ ဖောဋ္ဌဗ္ဗာယတနဉ္စ အာပေါဓါတုဉ္စ ပဋိစ္စ စက္ခါယတနံ။ပေ.။ ရသာယတနံ၊ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၅)
အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ ကဋတ္တာရူပံ။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနဉ္စ အာပေါဓါတုဉ္စ ပဋိစ္စ ရူပါယတနံ၊ စက္ခါယတနံ။ပေ.။ ရသာယတနံ။ (၆)
အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ သနိဒဿနသပ္ပဋိဃော စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ကဋတ္တာရူပံ။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃဉ္စ အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ ။ ဖောဋ္ဌဗ္ဗာယတနဉ္စ အာပေါဓါတုဉ္စ ပဋိစ္စ ရူပါယတနံ၊ စက္ခါယတနံ။ပေ.။ ရသာယတနံ၊ ဣတ္ထိန္ဒြိယံ။ပေ.။ ကဗဠီကာရော အာဟာရော။ (၇)
အာရမ္မဏပစ္စယော
၄. အနိဒဿနအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ – အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ။ပေ.။ ပဋိသန္ဓိက္ခဏေ အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ ဝတ္ထုံ ပဋိစ္စ ခန္ဓာ။ (၁)
အဓိပတိပစ္စယော
၅. အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ အဓိပတိပစ္စယာ – အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ ပဋိစ္စ ဧကံ မဟာဘူတံ။ အနိဒဿနသပ္ပဋိဃေ မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)
(အနိဒဿနသပ္ပဋိဃမူလကေ ဣမိနာ ကာရဏေန သတ္တ ပဉှာ ဝိဘဇိတဗ္ဗာ၊ ပရိယောသာနပဒါ နတ္ထိ။)
၆. အနိဒဿနအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ အဓိပတိပစ္စယာ – အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အနိဒဿနအပ္ပဋိဃဉ္စ စိတ္တသမုဋ္ဌာနံ ရူပံ။ပေ.။ ဒွေ ခန္ဓေ။ပေ.။ အာပေါဓါတုံ ပဋိစ္စ အနိဒဿနအပ္ပဋိဃံ စိတ္တသမုဋ္ဌာနံ ရူပံ ဥပါဒါရူပံ။
(ဣမိနာ ကာရဏေန အနိဒဿနအပ္ပဋိဃမူလကေ သတ္တ ပဉှာ ဝိဘဇိတဗ္ဗာ၊ နိဋ္ဌာနပဒါ နတ္ထိ။)
၇. အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ သနိဒဿနသပ္ပဋိဃော ဓမ္မော ဥပ္ပဇ္ဇတိ အဓိပတိပစ္စယာ – အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ။ အနိဒဿနအပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ ဥပါဒါရူပံ။
(ဣမိနာ ကာရဏေန သတ္တပိ ပဉှာ ဝိဘဇိတဗ္ဗာ။)
အနန္တရ-သမနန္တရပစ္စယာ
၈. အနိဒဿနအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ အနန္တရပစ္စယာ။ သမနန္တရပစ္စယာ (အာရမ္မဏသဒိသံ)။
သဟဇာတပစ္စယော
၉. အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ သဟဇာတပစ္စယာ – အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ ပဋိစ္စ ဧကံ မဟာဘူတံ။ အနိဒဿနသပ္ပဋိဃေ မဟာဘူတေ ပဋိစ္စ အနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ စက္ခါယတနံ။ပေ.။ ရသာယတနံ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ ဧကံ မဟာဘူတံ ပဋိစ္စ ဒွေ မဟာဘူတာ။ပေ.။။
(အနိဒဿနသပ္ပဋိဃမူလကာ သတ္တ ပဉှာ ဣမိနာ ကာရဏေန ဝိဘဇိတဗ္ဗာ။)
၁၀. အနိဒဿနအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ သဟဇာတပစ္စယာ – အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အနိဒဿနအပ္ပဋိဃံ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အနိဒဿနအပ္ပဋိဃံ ကဋတ္တာ စ ရူပံ။ပေ.။ ဒွေ ခန္ဓေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ အာပေါဓါတုံ ပဋိစ္စ အနိဒဿနအပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာပေါဓါတုံ ပဋိစ္စ ဣတ္ထိန္ဒြိယံ။ပေ.။ ကဗဠီကာရော အာဟာရော။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ အာပေါဓါတုံ ပဋိစ္စ အနိဒဿနအပ္ပဋိဃံ ကဋတ္တာရူပံ ဥပါဒါရူပံ။
(အနိဒဿနအပ္ပဋိဃမူလကေ သတ္တ ပဉှာ ဣမိနာ ကာရဏေန ကာတဗ္ဗာ။)
၁၁. အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ သနိဒဿနသပ္ပဋိဃော ဓမ္မော ဥပ္ပဇ္ဇတိ သဟဇာတပစ္စယာ – အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃံ ကဋတ္တာရူပံ။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနဉ္စ အာပေါဓါတုဉ္စ ပဋိစ္စ ရူပါယတနံ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃံ ကဋတ္တာရူပံ ဥပါဒါရူပံ။
(ဣမိနာ ကာရဏေန သတ္တ ပဉှာ ဝိဘဇိတဗ္ဗာ။)
အညမညပစ္စယော
၁၂. အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ ပဋိစ္စ ဧကံ မဟာဘူတံ။ (၁)
အနိဒဿနသပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – အနိဒဿနသပ္ပဋိဃေ မဟာဘူတေ ပဋိစ္စ အာပေါဓါတု။ (၂)
အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ ဥပ္ပဇ္ဇန္တိ အညမညပစ္စယာ – အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ အာပေါဓါတု စ၊ ဒွေ မဟာဘူတေ ပဋိစ္စ ဧကံ မဟာဘူတံ အာပေါဓါတု စ။ ဗာဟိရံ။ပေ.။။ (၃)
၁၃. အနိဒဿနအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ ဝတ္ထု စ။ပေ.။ ဒွေ ခန္ဓေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ (၁)
အနိဒဿနအပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – အာပေါဓါတုံ ပဋိစ္စ အနိဒဿနသပ္ပဋိဃာ မဟာဘူတာ။ ဗာဟိရံ။ပေ.။။ (၂)
၁၄. အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – အနိဒဿနသပ္ပဋိဃံ ဧကံ မဟာဘူတဉ္စ အာပေါဓါတုဉ္စ ပဋိစ္စ ဒွေ မဟာဘူတာ၊ ဒွေ မဟာဘူတေ စ အာပေါဓါတုဉ္စ ပဋိစ္စ ဧကံ မဟာဘူတံ။ ဗာဟိရံ။ပေ.။။ (၁)
နိဿယပစ္စယာဒိ
၁၅. အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ နိဿယပစ္စယာ။ ဥပနိဿယပစ္စယာ။ ပုရေဇာတပစ္စယာ။ အာသေဝနပစ္စယာ။ ကမ္မပစ္စယာ။ ဝိပါကပစ္စယာ။ အာဟာရပစ္စယာ။ ဣန္ဒြိယပစ္စယာ။ ဈာနပစ္စယာ။ မဂ္ဂပစ္စယာ။ သမ္ပယုတ္တပစ္စယာ။ ဝိပ္ပယုတ္တပစ္စယာ။ အတ္ထိပစ္စယာ။ နတ္ထိပစ္စယာ။ ဝိဂတပစ္စယာ။ အဝိဂတပစ္စယာ။
၁. ပစ္စယာနုလောမံ
၂. သင်္ချာဝါရော
သုဒ္ဓံ
၁၆. ဟေတုယာ ဧကဝီသ၊ အာရမ္မဏေ ဧကံ၊ အဓိပတိယာ ဧကဝီသ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကဝီသ၊ အညမညေ ဆ၊ နိဿယေ ဧကဝီသ၊ ဥပနိဿယေ ဧကံ၊ ပုရေဇာတေ ဧကံ၊ အာသေဝနေ ဧကံ၊ ကမ္မေ ဧကဝီသ၊ ဝိပါကေ အာဟာရေ ဧကဝီသ၊ ဣန္ဒြိယေ ဧကဝီသ၊ ဈာနေ မဂ္ဂေ ဧကဝီသ၊ သမ္ပယုတ္တေ ဧကံ၊ ဝိပ္ပယုတ္တေ ဧကဝီသ၊ အတ္ထိယာ ဧကဝီသ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ဧကဝီသ (ဧဝံ ဂဏေတဗ္ဗံ)။
အနုလောမံ။
၂. ပစ္စယပစ္စနီယံ
၁. ဝိဘင်္ဂဝါရော
နဟေတုပစ္စယော
၁၇. အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ – အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ ပဋိစ္စ ဧကံ မဟာဘူတံ။ အနိဒဿနသပ္ပဋိဃေ မဟာဘူတေ ပဋိစ္စ အနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ စက္ခါယတနံ။ပေ.။ ရသာယတနံ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ ပဋိစ္စ ဧကံ မဟာဘူတံ၊ မဟာဘူတေ ပဋိစ္စ။ပေ.။။
(အနိဒဿနသပ္ပဋိဃမူလကေ ဣမိနာ ကာရဏေန သတ္တပိ ပဉှာ ဝိဘဇိတဗ္ဗာ။)
၁၈. အနိဒဿနအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အနိဒဿနအပ္ပဋိဃဉ္စ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ အဟေတုကပဋိသန္ဓိက္ခဏေ အနိဒဿနအပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အနိဒဿနအပ္ပဋိဃဉ္စ ကဋတ္တာရူပံ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ အာပေါဓါတုံ ပဋိစ္စ အနိဒဿနအပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာပေါဓါတုံ ပဋိစ္စ ဣတ္ထိန္ဒြိယံ။ပေ.။ ကဗဠီကာရော အာဟာရော။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ အာပေါဓါတုံ ပဋိစ္စ အနိဒဿနအပ္ပဋိဃံ ကဋတ္တာရူပံ ဥပါဒါရူပံ။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။
(အနိဒဿနအပ္ပဋိဃမူလကာ ဣမိနာ ကာရဏေန သတ္တ ပဉှာ ဝိဘဇိတဗ္ဗာ။)
၁၉. အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ သနိဒဿနသပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ။ အဟေတုကပဋိသန္ဓိက္ခဏေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃံ ကဋတ္တာရူပံ။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနဉ္စ အာပေါဓါတုဉ္စ ပဋိစ္စ ရူပါယတနံ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃံ ကဋတ္တာရူပံ ဥပါဒါရူပံ။
(ဣမိနာ ကာရဏေန သတ္တ ပဉှာ ဝိတ္ထာရေတဗ္ဗာ အသမ္မောဟန္တေန။)
နအာရမ္မဏပစ္စယော
၂၀. အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ နအာရမ္မဏပစ္စယာ – အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ ပဋိစ္စ ဧကံ မဟာဘူတံ။ အနိဒဿနသပ္ပဋိဃေ မဟာဘူတေ ပဋိစ္စ အနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ စက္ခါယတနံ။ပေ.။ ရသာယတနံ။ ဗာဟိရံ။ အာဟာရသမုဋ္ဌာနံ။ ၊ ဥတုသမုဋ္ဌာနံ။ အသညသတ္တာနံ အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ ပဋိစ္စ ဧကံ မဟာဘူတံ။ပေ.။။
(အနိဒဿနသပ္ပဋိဃမူလကာ ဣမိနာ ကာရဏေန သတ္တပိ ပဉှာ ဝိတ္ထာရေတဗ္ဗာ။)
၂၁. အနိဒဿနအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ နအာရမ္မဏပစ္စယာ – အနိဒဿနအပ္ပဋိဃေ ခန္ဓေ ပဋိစ္စ အနိဒဿနအပ္ပဋိဃံ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ ပဋိစ္စ အနိဒဿနအပ္ပဋိဃံ ကဋတ္တာရူပံ။ ခန္ဓေ ပဋိစ္စ ဝတ္ထု။ပေ.။ အာပေါဓါတုံ ပဋိစ္စ အနိဒဿနအပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ အာပေါဓါတုံ ပဋိစ္စ ဣတ္ထိန္ဒြိယံ။ပေ.။ ကဗဠီကာရော အာဟာရော။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ အာပေါဓါတုံ ပဋိစ္စ အနိဒဿနအပ္ပဋိဃံ ကဋတ္တာရူပံ ဥပါဒါရူပံ။
(အနိဒဿနအပ္ပဋိဃမူလကေ ဣမိနာ ကာရဏေန သတ္တပိ ပဉှာ ဝိတ္ထာရေတဗ္ဗာ။)
၂၂. အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ သနိဒဿနသပ္ပဋိဃော ဓမ္မော ဥပ္ပဇ္ဇတိ နအာရမ္မဏပစ္စယာ – အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အနိဒဿနအပ္ပဋိဃေ ခန္ဓေ စ မဟာဘူတေ စ ပဋိစ္စ သနိဒဿနသပ္ပဋိဃံ ကဋတ္တာရူပံ။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနဉ္စ အာပေါဓါတုဉ္စ ပဋိစ္စ ရူပါယတနံ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃံ ကဋတ္တာရူပံ ဥပါဒါရူပံ။
(ဃဋနေ ဣမိနာ ကာရဏေန သတ္တပိ ပဉှာ ဝိဘဇိတဗ္ဗာ။)
နအဓိပတိပစ္စယာဒိ
၂၃. အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ နအဓိပတိပစ္စယာ (သဟဇာတသဒိသံ)။ နအနန္တရပစ္စယာ။ နသမနန္တရပစ္စယာ။ နအညမညပစ္စယာ – အနိဒဿနသပ္ပဋိဃေ မဟာဘူတေ ပဋိစ္စ အနိဒဿနသပ္ပဋိဃံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဖောဋ္ဌဗ္ဗာယတနံ ပဋိစ္စ စက္ခါယတနံ။ပေ.။ ရသာယတနံ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ မဟာဘူတေ ပဋိစ္စ အနိဒဿနသပ္ပဋိဃံ ကဋတ္တာရူပံ ဥပါဒါရူပံ။
(ဣမိနာ ကာရဏေန ဧကဝီသ ပဉှာ ဝိဘဇိတဗ္ဗာ။)
နဥပနိဿယပစ္စယာ။ နပုရေဇာတပစ္စယာ။ နပစ္ဆာဇာတပစ္စယာ။ နအာသေဝနပစ္စယာ။ နကမ္မပစ္စယာ – ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အနိဒဿနသပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ ပဋိစ္စ ဧကံ မဟာဘူတံ။ အနိဒဿနသပ္ပဋိဃေ မဟာဘူတေ ပဋိစ္စ အနိဒဿနသပ္ပဋိဃံ ဥပါဒါရူပံ (ကမ္မံ ဝိဘဇိတွာ နကမ္မေနေဝ ဧကဝီသ ပဉှာ ကာတဗ္ဗာ)၊ နဝိပါကပစ္စယာ (ပဋိသန္ဓိပိ ကဋတ္တာပိ နတ္ထိ၊ ပဉ္စဝေါကာရေယေဝ ကာတဗ္ဗာ)၊ နအာဟာရပစ္စယာ – ဗာဟိရံ။ ဥတုသမုဋ္ဌာနံ။ အသညသတ္တာနံ။ပေ.။ (ဣမိနာ ကာရဏေန ဝိဘဇိတဗ္ဗာ ဧကဝီသာပိ)။
နဣန္ဒြိယပစ္စယာဒိ
၂၄. အနိဒဿနသပ္ပဋိဃံ ဓမ္မံ ပဋိစ္စ အနိဒဿနသပ္ပဋိဃော ဓမ္မော ဥပ္ပဇ္ဇတိ နဣန္ဒြိယပစ္စယာ – ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အနိဒဿနသပ္ပဋိဃံ ဧကံ မဟာဘူတံ။ပေ.။ အသညသတ္တာနံ မဟာဘူတေ ပဋိစ္စ ရူပဇီဝိတိန္ဒြိယံ (သံခိတ္တံ၊ သဗ္ဗေ ပဉှာ ဝိဘဇိတဗ္ဗာ)။ နဈာနပစ္စယာ – ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ ဧကံ မဟာဘူတံ (သံခိတ္တံ၊ သတ္တပိ ပဉှာ ဝိဘဇိတဗ္ဗာ)။
အနိဒဿနအပ္ပဋိဃံ ဓမ္မံ ပဋိစ္စ အနိဒဿနအပ္ပဋိဃော ဓမ္မော ဥပ္ပဇ္ဇတိ နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ အာပေါဓါတုံ ပဋိစ္စ အနိဒဿနအပ္ပဋိဃံ ကဋတ္တာရူပံ ဥပါဒါရူပံ။
(ဧဝံ သတ္တပိ ပဉှာ ဝိဘဇိတဗ္ဗာ။)
၂၅. အနိဒဿနသပ္ပဋိဃဉ္စ အနိဒဿနအပ္ပဋိဃဉ္စ ဓမ္မံ ပဋိစ္စ သနိဒဿနသပ္ပဋိဃော ဓမ္မော ဥပ္ပဇ္ဇတိ နဈာနပစ္စယာ – ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ ၊ အသညသတ္တာနံ။ပေ.။ အနိဒဿနသပ္ပဋိဃေ မဟာဘူတေ စ အာပေါဓါတုဉ္စ ပဋိစ္စ သနိဒဿနသပ္ပဋိဃံ ကဋတ္တာရူပံ ဥပါဒါရူပံ။
(ဧဝံ သတ္တပိ ပဉှာ ဝိဘဇိတဗ္ဗာ)၊ နမဂ္ဂပစ္စယာ။ (နဟေတုသဒိသံ ကာတဗ္ဗံ။ ပရိပုဏ္ဏံ။ မောဟော နတ္ထိ)။ နသမ္ပယုတ္တပစ္စယာ။ နဝိပ္ပယုတ္တပစ္စယာ (ပရိပုဏ္ဏံ)။ နောနတ္ထိပစ္စယာ။ နောဝိဂတပစ္စယာ။
၂. ပစ္စယပစ္စနီယံ
၂. သင်္ချာဝါရော
သုဒ္ဓံ
၂၆. နဟေတုယာ ဧကဝီသ၊ နအာရမ္မဏေ ဧကဝီသ၊ နအဓိပတိယာ ဧကဝီသ (သံခိတ္တံ၊ သဗ္ဗတ္ထ ဧကဝီသ)၊ နောနတ္ထိယာ ဧကဝီသ၊ နောဝိဂတေ ဧကဝီသ (ဧဝံ ဂဏေတဗ္ဗံ)။
ပစ္စနီယံ။
၃. ပစ္စယာနုလောမပစ္စနီယံ
ဟေတုဒုကံ
၂၇. ဟေတုပစ္စယာ နအာရမ္မဏေ ဧကဝီသ၊ နအဓိပတိယာ ဧကဝီသ။ပေ.။ နကမ္မေ ဧကံ၊ နဝိပါကေ ဧကဝီသ၊ နသမ္ပယုတ္တေ ဧကဝီသ၊ နဝိပ္ပယုတ္တေ ဧကံ၊ နောနတ္ထိယာ ဧကဝီသ၊ နောဝိဂတေ ဧကဝီသ (ဧဝံ ဂဏေတဗ္ဗံ)။
အနုလောမပစ္စနီယံ။
၄. ပစ္စယပစ္စနီယာနုလောမံ
နဟေတုဒုကံ
၂၈. နဟေတုပစ္စယာ အာရမ္မဏေ ဧကံ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကဝီသ ။ပေ.။ ဈာနေ ဧကဝီသ၊ မဂ္ဂေ ဧကံ၊ သမ္ပယုတ္တေ ဧကံ ၊ ဝိပ္ပယုတ္တေ ဧကဝီသ၊ အတ္ထိယာ ဧကဝီသ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ဧကဝီသ (ဧဝံ ဂဏေတဗ္ဗံ)။
ပစ္စနီယာနုလောမံ။
ပဋိစ္စဝါရော။
၂-၆. သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(သဟဇာတဝါရောပိ ပစ္စယဝါရောပိ နိဿယဝါရောပိ ပဋိစ္စဝါရသဒိသာ၊ သံသဋ္ဌဝါရောပိ သမ္ပယုတ္တဝါရောပိ အရူပေယေဝ ကာတဗ္ဗာ။)
၇. ပဉှာဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၂၉. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ဟေတုပစ္စယေန ပစ္စယော – အနိဒဿနအပ္ပဋိဃာ ဟေတူ သမ္ပယုတ္တကာနံ ခန္ဓာနံ အနိဒဿနအပ္ပဋိဃာနဉ္စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ အနိဒဿနအပ္ပဋိဃာ ဟေတူ သမ္ပယုတ္တကာနံ ခန္ဓာနံ အနိဒဿနအပ္ပဋိဃာနဉ္စ ကဋတ္တာရူပါနံ ဟေတုပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ ဟေတုပစ္စယေန ပစ္စယော – အနိဒဿနအပ္ပဋိဃာ ဟေတူ သနိဒဿနသပ္ပဋိဃာနံ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ။ပေ.။။ (၂)
(အနိဒဿနအပ္ပဋိဃမူလကေယေဝ ဣမိနာ ကာရဏေန သတ္တ ပဉှာ ဝိဘဇိတဗ္ဗာ။)
အာရမ္မဏပစ္စယော
၃၀. သနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အာရမ္မဏပစ္စယေန ပစ္စယော – ရူပေ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ရူပါယတနံ စက္ခုဝိညာဏဿ အာရမ္မဏပစ္စယေန ပစ္စယော။ သနိဒဿနသပ္ပဋိဃာ ခန္ဓာ ဣဒ္ဓိဝိဓဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)
အနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အာရမ္မဏပစ္စယေန ပစ္စယော။ စက္ခုံ။ပေ.။ ကာယံ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ။ အနိစ္စတော။ပေ.။ ဒေါမနဿံ ဥပ္ပဇ္ဇတိ၊ ဒိဗ္ဗာယ သောတဓါတုယာ သဒ္ဒံ သုဏာတိ၊ သဒ္ဒါယတနံ သောတဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ။ပေ.။ အနိဒဿနသပ္ပဋိဃာ ခန္ဓာ ဣဒ္ဓိဝိဓဉာဏဿ ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)
၃၁. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ ဈာနာ။ပေ.။ အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော။ အရိယာ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ပေ.။ ဝတ္ထုံ။ ဣတ္ထိန္ဒြိယံ။ ပုရိသိန္ဒြိယံ။ ဇီဝိတိန္ဒြိယံ။ အာပေါဓါတုံ။ ကဗဠီကာရံ အာဟာရံ။ အနိဒဿနအပ္ပဋိဃေ ခန္ဓေ အနိစ္စတော။ပေ.။ ဒေါမနဿံ ဥပ္ပဇ္ဇတိ၊ စေတောပရိယဉာဏေန အနိဒဿနအပ္ပဋိဃစိတ္တသမင်္ဂိဿ စိတ္တံ ဇာနာတိ၊ အာကာသာနဉ္စာယတနံ ဝိညာဏဉ္စာယတနဿ အာရမ္မဏပစ္စယေန ပစ္စယော။ အာကိဉ္စညာယတနံ နေဝသညာနာသညာယတနဿ။ပေ.။ အနိဒဿနအပ္ပဋိဃာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)
အဓိပတိပစ္စယော
၃၂. သနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ရူပံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၁)
အနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စက္ခုံ။ပေ.။ ကာယံ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ။ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၁)
၃၃. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဂရုံ ကတွာ။ပေ.။ ဈာနာ ဝုဋ္ဌဟိတွာ။ပေ.။ အရိယာ မဂ္ဂါ ဝုဋ္ဌဟိတွာ။ပေ.။ ဖလာ ဝုဋ္ဌဟိတွာ။ပေ.။ ဖလံ ဂရုံ ကတွာ။ပေ.။ နိဗ္ဗာနံ ဂရုံ ကတွာ။ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော။ ဝတ္ထုံ။ ဣတ္ထိန္ဒြိယံ။ ပုရိသိန္ဒြိယံ။ ဇီဝိတိန္ဒြိယံ။ အာပေါဓါတုံ။ ကဗဠီကာရံ အာဟာရံ။ အနိဒဿနအပ္ပဋိဃေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အနိဒဿနအပ္ပဋိဃာဓိပတိ သမ္ပယုတ္တကာနံ ခန္ဓာနံ အနိဒဿနအပ္ပဋိဃာနဉ္စ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အနိဒဿနအပ္ပဋိဃာဓိပတိ သနိဒဿနသပ္ပဋိဃာနံ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
(အနိဒဿနအပ္ပဋိဃမူလကေ သတ္တပိ ပဉှာ ဝိဘဇိတဗ္ဗာ၊ အဓိပတိ တိဝိဓရူပသင်္ဂဟေန။)
အနန္တရပစ္စယော
၃၄. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အနိဒဿနအပ္ပဋိဃာ ခန္ဓာ ပစ္ဆိမာနံ ပစ္ဆိမာနံ အနိဒဿနအပ္ပဋိဃာနံ ခန္ဓာနံ အနန္တရပစ္စယေန ပစ္စယော။ အနုလောမံ ဂေါတြဘုဿ။ အနုလောမံ ဝေါဒါနဿ။ ဂေါတြဘု မဂ္ဂဿ။ ဝေါဒါနံ မဂ္ဂဿ။ မဂ္ဂေါ ဖလဿ။ ဖလံ ဖလဿ။ အနုလောမံ ဖလသမာပတ္တိယာ။ နိရောဓါ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)
သမနန္တရပစ္စယော
၃၅. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ သမနန္တရပစ္စယေန ပစ္စယော (အနန္တရသဒိသံ)။
သဟဇာတပစ္စယာဒိ
၃၆. အနိဒဿနသပ္ပဋိဃော ဓမ္မော အနိဒဿနသပ္ပဋိဃဿ ဓမ္မဿ သဟဇာတပစ္စယေန ပစ္စယော (ပဋိစ္စဝါရသဒိသံ သာဓုကံ ကာတဗ္ဗံ။ အညမညပစ္စယေ ပဋိစ္စဝါရေ အညမညသဒိသံ၊ နိဿယပစ္စယေ ပဋိစ္စဝါရသဒိသံ)။
ဥပနိဿယပစ္စယော
၃၇. သနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော။ပေ.။။ ပကတူပနိဿယော – ဝဏ္ဏသမ္ပဒံ ပတ္ထယမာနော ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ။ပေ.။ ဝဏ္ဏသမ္ပဒါ သဒ္ဓါယ။ပေ.။ ပညာယ၊ ရာဂဿ။ပေ.။ ပတ္ထနာယ၊ ကာယိကဿ သုခဿ၊ ကာယိကဿ ဒုက္ခဿ၊ မဂ္ဂဿ၊ ဖလသမာပတ္တိယာ ဥပနိဿယပစ္စယေန ပစ္စယော။ (၁)
အနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော။ပေ.။။ ပကတူပနိဿယော – စက္ခုသမ္ပဒံ ပတ္ထယမာနော။ပေ.။ ကာယသမ္ပဒံ။ သဒ္ဒသမ္ပဒံ။ပေ.။ ဖောဋ္ဌဗ္ဗသမ္ပဒံ ပတ္ထယမာနော ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ။ ဥတုံ။ သေနာသနံ ဥပနိဿာယ ဒါနံ ဒေတိ သီလံ သမာဒိယတိ။ ဥပေါသထကမ္မံ၊ ဈာနံ။ ဝိပဿနံ။ မဂ္ဂံ။ အဘိညံ။ သမာပတ္တိံ ဥပ္ပါဒေတိ ပါဏံ ဟနတိ။ပေ.။ သံဃံ ဘိန္ဒတိ။ စက္ခုသမ္ပဒါ။ပေ.။ ဖောဋ္ဌဗ္ဗသမ္ပဒါ၊ ဥတု၊ သေနာသနံ သဒ္ဓါယ။ပေ.။ ပညာယ၊ ရာဂဿ။ပေ.။ ပတ္ထနာယ၊ ကာယိကဿ သုခဿ၊ ကာယိကဿ ဒုက္ခဿ၊ မဂ္ဂဿ၊ ဖလသမာပတ္တိယာ ဥပနိဿယပစ္စယေန ပစ္စယော။ (၁)
၃၈. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ။ ဈာနံ။ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ သီလံ။ပေ.။ ပညံ။ ရာဂံ။ပေ.။ ပတ္ထနံ၊ ကာယိကံ သုခံ။ ကာယိကံ ဒုက္ခံ။ ဘောဇနံ ဥပနိဿာယ ဒါနံ ဒေတိ။ပေ.။ သံဃံ ဘိန္ဒတိ။ သဒ္ဓါ ။ပေ.။ ပညာ၊ ရာဂေါ။ပေ.။ ပတ္ထနာ၊ ကာယိကံ သုခံ။ ကာယိကံ ဒုက္ခံ။ ဘောဇနံ သဒ္ဓါယ။ပေ.။ ပညာယ၊ မဂ္ဂဿ၊ ဖလသမာပတ္တိယာ ဥပနိဿယပစ္စယေန ပစ္စယော။ (၁)
ပုရေဇာတပစ္စယော
၃၉. သနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – ရူပေ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ၊ ဒိဋ္ဌိ။ပေ.။ ဝိစိကိစ္ဆာ။ပေ.။ ဥဒ္ဓစ္စံ။ပေ.။ ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ရူပါယတနံ စက္ခုဝိညာဏဿ ပုရေဇာတပစ္စယေန ပစ္စယော။ (၁)
အနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ကာယံ။ သဒ္ဒေ။ပေ.။ ဖောဋ္ဌဗ္ဗေ အနိစ္စတော။ပေ.။ ဒေါမနဿံ ဥပ္ပဇ္ဇတိ၊ ဒိဗ္ဗာယ သောတဓါတုယာ သဒ္ဒံ သုဏာတိ၊ သဒ္ဒါယတနံ သောတဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ ပုရေဇာတပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – ဝတ္ထုံ။ ဣတ္ထိန္ဒြိယံ။ ပုရိသိန္ဒြိယံ။ ဇီဝိတိန္ဒြိယံ။ အာပေါဓါတုံ။ ကဗဠီကာရံ အာဟာရံ။ အနိစ္စတော။ပေ.။ ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု အနိဒဿနအပ္ပဋိဃာနံ ခန္ဓာနံ ပုရေဇာတပစ္စယေန ပစ္စယော။ (၁)
၄၀. သနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ ရူပါယတနဉ္စ ဝတ္ထု စ အနိဒဿနအပ္ပဋိဃာနံ ခန္ဓာနံ ပုရေဇာတပစ္စယေန ပစ္စယော။ (၁)
အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ ၊ ဝတ္ထုပုရေဇာတံ။ စက္ခါယတနဉ္စ ဝတ္ထု စ။ပေ.။ ဖောဋ္ဌဗ္ဗာယတနဉ္စ ဝတ္ထု စ အနိဒဿနအပ္ပဋိဃာနံ ခန္ဓာနံ ပုရေဇာတပစ္စယေန ပစ္စယော။ (၁)
သနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ ရူပါယတနဉ္စ စက္ခါယတနဉ္စ စက္ခုဝိညာဏဿ ပုရေဇာတပစ္စယေန ပစ္စယော။ (၁)
ပစ္ဆာဇာတပစ္စယော
၄၁. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနိဒဿနအပ္ပဋိဃာ ခန္ဓာ ပုရေဇာတဿ ဣမဿ အနိဒဿနအပ္ပဋိဃဿ ကာယဿ ပစ္ဆာဇာတပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနိဒဿနအပ္ပဋိဃာ ခန္ဓာ ပုရေဇာတဿ ဣမဿ သနိဒဿနသပ္ပဋိဃဿ ကာယဿ ပစ္ဆာဇာတပစ္စယေန ပစ္စယော။ (၂)
(ဧဝံ သတ္တ ပဉှာ ဝိဘဇိတဗ္ဗာ၊ တိဝိဓရူပသင်္ဂဟော။) (၇)
အာသေဝနပစ္စယော
၄၂. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အနိဒဿနအပ္ပဋိဃာ ခန္ဓာ ပစ္ဆိမာနံ ပစ္ဆိမာနံ အနိဒဿနအပ္ပဋိဃာနံ ခန္ဓာနံ အာသေဝနပစ္စယေန ပစ္စယော။ အနုလောမံ ဂေါတြဘုဿ။ အနုလောမံ ဝေါဒါနဿ။ ဂေါတြဘု မဂ္ဂဿ။ ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)
ကမ္မပစ္စယော
၄၃. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အနိဒဿနအပ္ပဋိဃာ စေတနာ သမ္ပယုတ္တကာနံ ခန္ဓာနံ အနိဒဿနအပ္ပဋိဃာနဉ္စ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ။ပေ.။။ နာနာက္ခဏိကာ – အနိဒဿနအပ္ပဋိဃာ စေတနာ ဝိပါကာနံ ခန္ဓာနံ အနိဒဿနအပ္ပဋိဃာနဉ္စ ကဋတ္တာရူပါနံ ကမ္မပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အနိဒဿနအပ္ပဋိဃာ စေတနာ သနိဒဿနသပ္ပဋိဃာနံ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ။ပေ.။။ နာနာက္ခဏိကာ – အနိဒဿနအပ္ပဋိဃာ စေတနာ သနိဒဿနသပ္ပဋိဃာနံ ကဋတ္တာရူပါနံ ကမ္မပစ္စယေန ပစ္စယော။ (၂)
(ဧဝံ သတ္တ ပဉှာ သဟဇာတာ နာနာက္ခဏိကာ ဣမိနာ ကာရဏေန ဝိဘဇိတဗ္ဗာ၊ တိဝိဓရူပသင်္ဂဟော။) (၇)
ဝိပါကပစ္စယော
၄၄. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ဝိပါကပစ္စယေန ပစ္စယော – ဝိပါကော အနိဒဿနအပ္ပဋိဃော ဧကော ခန္ဓော တိဏ္ဏန္နံ ခန္ဓာနံ အနိဒဿနအပ္ပဋိဃာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ အနိဒဿနအပ္ပဋိဃော ဧကော ခန္ဓော တိဏ္ဏန္နံ ခန္ဓာနံ အနိဒဿနအပ္ပဋိဃာနဉ္စ ကဋတ္တာရူပါနံ ဝိပါကပစ္စယေန ပစ္စယော။ပေ.။ ခန္ဓာ ဝတ္ထုဿ ဝိပါကပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ ဝိပါကပစ္စယေန ပစ္စယော – ဝိပါကာ အနိဒဿနအပ္ပဋိဃာ ခန္ဓာ သနိဒဿနသပ္ပဋိဃာနံ စိတ္တသမုဋ္ဌာနာနံ ရူပါနံ ဝိပါကပစ္စယေန ပစ္စယော။ ပဋိသန္ဓိက္ခဏေ အနိဒဿနအပ္ပဋိဃာ ခန္ဓာ သနိဒဿနသပ္ပဋိဃာနံ ကဋတ္တာရူပါနံ ဝိပါကပစ္စယေန ပစ္စယော။ (၂)
(ဧဝံ သတ္တ ပဉှာ ဝိတ္ထာရေတဗ္ဗာ၊ ပဝတ္တိပဋိသန္ဓိ။) (၇)
အာဟာရပစ္စယော
၄၅. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အာဟာရပစ္စယေန ပစ္စယော – အနိဒဿနအပ္ပဋိဃာ အာဟာရာ သမ္ပယုတ္တကာနံ ခန္ဓာနံ အနိဒဿနအပ္ပဋိဃာနဉ္စ စိတ္တသမုဋ္ဌာနာနံ ရူပါနံ အာဟာရပစ္စယေန ပစ္စယော။ ပဋိသန္ဓိက္ခဏေ အနိဒဿနအပ္ပဋိဃာ အာဟာရာ သမ္ပယုတ္တကာနံ ခန္ဓာနံ အနိဒဿနအပ္ပဋိဃာနဉ္စ ကဋတ္တာရူပါနံ အာဟာရပစ္စယေန ပစ္စယော။ ကဗဠီကာရော အာဟာရော ဣမဿ အနိဒဿနအပ္ပဋိဃဿ ကာယဿ အာဟာရပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ အာဟာရပစ္စယေန ပစ္စယော – အနိဒဿနအပ္ပဋိဃာ အာဟာရာ သနိဒဿနသပ္ပဋိဃာနံ စိတ္တသမုဋ္ဌာနာနံ ရူပါနံ အာဟာရပစ္စယေန ပစ္စယော။ ပဋိသန္ဓိက္ခဏေ အနိဒဿနအပ္ပဋိဃာ အာဟာရာ သနိဒဿနသပ္ပဋိဃာနံ ကဋတ္တာရူပါနံ အာဟာရပစ္စယေန ပစ္စယော။ ကဗဠီကာရော အာဟာရော ဣမဿ သနိဒဿနသပ္ပဋိဃဿ ကာယဿ အာဟာရပစ္စယေန ပစ္စယော။ (၂)
(ဧဝံ သတ္တ ပဉှာ ပဝတ္တိပဋိသန္ဓိ ဝိဘဇိတဗ္ဗာ၊ သတ္တသုပိ ကဗဠီကာရော အာဟာရော ကာတဗ္ဗော။) (၇)
ဣန္ဒြိယပစ္စယော
၄၆. အနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယံ စက္ခုဝိညာဏဿ။ပေ.။ ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ဣန္ဒြိယပစ္စယေန ပစ္စယော – အနိဒဿနအပ္ပဋိဃာ ဣန္ဒြိယာ သမ္ပယုတ္တကာနံ ခန္ဓာနံ အနိဒဿနအပ္ပဋိဃာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော။ ပဋိသန္ဓိက္ခဏေ အနိဒဿနအပ္ပဋိဃာ ဣန္ဒြိယာ သမ္ပယုတ္တကာနံ ခန္ဓာနံ အနိဒဿနအပ္ပဋိဃာနဉ္စ ကဋတ္တာရူပါနံ ဣန္ဒြိယပစ္စယေန ပစ္စယော။ ရူပဇီဝိတိန္ဒြိယံ အနိဒဿနအပ္ပဋိဃာနံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ ဣန္ဒြိယပစ္စယေန ပစ္စယော – အနိဒဿနအပ္ပဋိဃာ ဣန္ဒြိယာ သနိဒဿနသပ္ပဋိဃာနံ စိတ္တသမုဋ္ဌာနာနံ ရူပါနံ ဣန္ဒြိယပစ္စယေန ပစ္စယော။ ပဋိသန္ဓိက္ခဏေ အနိဒဿနအပ္ပဋိဃာ ဣန္ဒြိယာ သနိဒဿနသပ္ပဋိဃာနံ ကဋတ္တာရူပါနံ ဣန္ဒြိယပစ္စယေန ပစ္စယော။ ရူပဇီဝိတိန္ဒြိယံ သနိဒဿနသပ္ပဋိဃာနံ ကဋတ္တာရူပါနံ ဣန္ဒြိယပစ္စယေန ပစ္စယော။ (၂)
(ဧဝံ ပဝတ္တိပဋိသန္ဓိ သတ္တ ပဉှာ ဝိဘဇိတဗ္ဗာ၊ ရူပဇီဝိတိန္ဒြိယဉ္စ အန္တေ အန္တေ။) (၇)
၄၇. အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယဉ္စ စက္ခုဝိညာဏဉ္စ စက္ခုဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော။ပေ.။ ကာယိန္ဒြိယဉ္စ ကာယဝိညာဏဉ္စ ကာယဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော။ (၁)
ဈာနပစ္စယာဒိ
၄၈. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ဈာနပစ္စယေန ပစ္စယော။ မဂ္ဂပစ္စယေန ပစ္စယော။ သမ္ပယုတ္တပစ္စယေန ပစ္စယော – အနိဒဿနအပ္ပဋိဃော ဧကော ခန္ဓော တိဏ္ဏန္နံ ခန္ဓာနံ သမ္ပယုတ္တပစ္စယေန ပစ္စယော။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။။
ဝိပ္ပယုတ္တပစ္စယော
၄၉. အနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ ဝိပ္ပယုတ္တပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – အနိဒဿနအပ္ပဋိဃာ ခန္ဓာ အနိဒဿနအပ္ပဋိဃာနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပဋိသန္ဓိက္ခဏေ အနိဒဿနအပ္ပဋိဃာ ခန္ဓာ အနိဒဿနအပ္ပဋိဃာနံ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော။ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အနိဒဿနအပ္ပဋိဃာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနိဒဿနအပ္ပဋိဃာ ခန္ဓာ ပုရေဇာတဿ ဣမဿ အနိဒဿနအပ္ပဋိဃဿ ကာယဿ ဝိပ္ပယုတ္တပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အနိဒဿနအပ္ပဋိဃာ ခန္ဓာ သနိဒဿနသပ္ပဋိဃာနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပဋိသန္ဓိက္ခဏေ အနိဒဿနအပ္ပဋိဃာ ခန္ဓာ သနိဒဿနသပ္ပဋိဃာနံ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနိဒဿနအပ္ပဋိဃာ ခန္ဓာ ပုရေဇာတဿ ဣမဿ သနိဒဿနသပ္ပဋိဃဿ ကာယဿ ဝိပ္ပယုတ္တပစ္စယေန ပစ္စယော။ (၂)
(အဝသေသာ ပဉ္စ ပဉှာ ဧဝံ ဝိတ္ထာရေတဗ္ဗာ။ သဟဇာတာ၊ ပစ္ဆာဇာတာ။)
အတ္ထိပစ္စယော
၅၀. သနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – ရူပေ အနိစ္စတော။ပေ.။ ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ရူပါယတနံ စက္ခုဝိညာဏဿ အတ္ထိပစ္စယေန ပစ္စယော။ (၁)
၅၁. အနိဒဿနသပ္ပဋိဃော ဓမ္မော အနိဒဿနသပ္ပဋိဃဿ ဓမ္မဿ အတ္ထိပစ္စယေန ပစ္စယော – အနိဒဿနသပ္ပဋိဃံ ဧကံ မဟာဘူတံ ဒွိန္နံ မဟာဘူတာနံ အတ္ထိပစ္စယေန ပစ္စယော။ ဒွေ မဟာဘူတာ ဧကဿ မဟာဘူတဿ အတ္ထိပစ္စယေန ပစ္စယော။ အနိဒဿနသပ္ပဋိဃာ မဟာဘူတာ အနိဒဿနသပ္ပဋိဃာနံ စိတ္တသမုဋ္ဌာနာနံ ရူပါနံ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော။ ဖောဋ္ဌဗ္ဗာယတနံ စက္ခါယတနဿ။ပေ.။ ရသာယတနဿ အတ္ထိပစ္စယေန ပစ္စယော။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ ဧကံ မဟာဘူတံ ဒွိန္နံ မဟာဘူတာနံ အတ္ထိပစ္စယေန ပစ္စယော။ ဒွေ မဟာဘူတာ ဧကဿ မဟာဘူတဿ အတ္ထိပစ္စယေန ပစ္စယော။ ဥတုသမုဋ္ဌာနာ မဟာဘူတာ အနိဒဿနသပ္ပဋိဃာနံ ဥပါဒါရူပါနံ အတ္ထိပစ္စယေန ပစ္စယော။ အသညသတ္တာနံ အနိဒဿနသပ္ပဋိဃံ ဧကံ မဟာဘူတံ ဒွိန္နံ မဟာဘူတာနံ အတ္ထိပစ္စယေန ပစ္စယော။ ဒွေ မဟာဘူတာ။ပေ.။။ (၁)
အနိဒဿနသပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ အတ္ထိပစ္စယေန ပစ္စယော။ (၂)
(ပဋိစ္စဝါရေ နိဿယပစ္စယသဒိသံ။)
အနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတာ – အနိဒဿနသပ္ပဋိဃာ မဟာဘူတာ အနိဒဿနအပ္ပဋိဃာနံ စိတ္တသမုဋ္ဌာနာနံ ရူပါနံ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော (ယာဝ အသညသတ္တာ ဝိတ္ထာရေတဗ္ဗာ)။ ပုရေဇာတံ – စက္ခုံ။ပေ.။ ကာယံ၊ သဒ္ဒေ။ပေ.။ ဖောဋ္ဌဗ္ဗေ အနိစ္စတော။ပေ.။ ဒေါမနဿံ ဥပ္ပဇ္ဇတိ၊ စက္ခါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ အတ္ထိပစ္စယေန ပစ္စယော။ (၃)
(အဝသေသာ စတ္တာရော ပဉှာ ဝိတ္ထာရေတဗ္ဗာ။ ပဋိစ္စဝါရေ သဟဇာတပစ္စယသဒိသာ၊ နိန္နာနာကရဏာ။) (၇)
၅၂. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – အနိဒဿနအပ္ပဋိဃော ဧကော ခန္ဓော တိဏ္ဏန္နံ ခန္ဓာနံ အနိဒဿနအပ္ပဋိဃာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။ အာပေါဓါတု အနိဒဿနအပ္ပဋိဃာနံ စိတ္တသမုဋ္ဌာနာနံ ရူပါနံ ကဋတ္တာရူပါနံ ဥပါဒါရူပါနံ။ပေ.။ အာပေါဓါတု ဣတ္ထိန္ဒြိယဿ။ပေ.။ ကဗဠီကာရာဟာရဿ စ အတ္ထိပစ္စယေန ပစ္စယော။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ အာပေါဓါတု အနိဒဿနအပ္ပဋိဃာနံ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော။ ပုရေဇာတံ – ဝတ္ထုံ။ ဣတ္ထိန္ဒြိယံ။ ပုရိသိန္ဒြိယံ။ ဇီဝိတိန္ဒြိယံ။ အာပေါဓါတုံ။ ကဗဠီကာရံ အာဟာရံ။ အနိစ္စတော။ပေ.။ ဒေါမနဿံ ဥပ္ပဇ္ဇတိ၊ ဝတ္ထု အနိဒဿနအပ္ပဋိဃာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – အနိဒဿနအပ္ပဋိဃာ ခန္ဓာ ပုရေဇာတဿ ဣမဿ အနိဒဿနအပ္ပဋိဃဿ ကာယဿ အတ္ထိပစ္စယေန ပစ္စယော။ ကဗဠီကာရော အာဟာရော ဣမဿ အနိဒဿနအပ္ပဋိဃဿ ကာယဿ အတ္ထိပစ္စယေန ပစ္စယော။ ရူပဇီဝိတိန္ဒြိယံ အနိဒဿနအပ္ပဋိဃာနံ ကဋတ္တာရူပါနံ အတ္ထိပစ္စယေန ပစ္စယော (ဧဝံ အဝသေသာ ဆ ပဉှာ ဝိဘဇိတဗ္ဗာ။ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယမ္ပိ ကာတဗ္ဗာ)။ (၇)
၅၃. သနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – ရူပါယတနဉ္စ ဝတ္ထု စ အနိဒဿနအပ္ပဋိဃာနံ ခန္ဓာနံ အတ္ထိပစ္စယေန ပစ္စယော ။ (၁)
အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ သနိဒဿနသပ္ပဋိဃဿ ဓမ္မဿ အတ္ထိပစ္စယေန ပစ္စယော – အနိဒဿနအပ္ပဋိဃာ ခန္ဓာ စ မဟာဘူတာ စ သနိဒဿနသပ္ပဋိဃာနံ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ။ (သံခိတ္တံ၊ အသညသတ္တာနဉ္စ ကာတဗ္ဗာ)။ (၁)
အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနသပ္ပဋိဃဿ ဓမ္မဿ အတ္ထိပစ္စယေန ပစ္စယော (သံခိတ္တံ)။ (၂)
၅၄. အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတာ – အနိဒဿနအပ္ပဋိဃာ ခန္ဓာ စ မဟာဘူတာ စ အနိဒဿနအပ္ပဋိဃာနံ စိတ္တသမုဋ္ဌာနာနံ ရူပါနံ။ပေ.။ (ယာဝ အသညသတ္တာ ကာတဗ္ဗာ)။ ပုရေဇာတံ – စက္ခါယတနဉ္စ ဝတ္ထု စ။ပေ.။ ဖောဋ္ဌဗ္ဗာယတနဉ္စ ဝတ္ထု စ အနိဒဿနအပ္ပဋိဃာနံ ခန္ဓာနံ အတ္ထိပစ္စယေန ပစ္စယော။ (၃) (အဝသေသာ စတဿော ပဉှာ ဝိဘဇိတဗ္ဗာ။) (၇)
၅၅. သနိဒဿနသပ္ပဋိဃော စ အနိဒဿနသပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – ရူပါယတနဉ္စ စက္ခါယတနဉ္စ စက္ခုဝိညာဏဿ အတ္ထိပစ္စယေန ပစ္စယော။ (၁)
သနိဒဿနသပ္ပဋိဃော စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ ရူပါယတနဉ္စ စက္ခါယတနဉ္စ စက္ခုဝိညာဏဉ္စ စက္ခုဝိညာဏသဟဂတာနံ ခန္ဓာနံ အတ္ထိပစ္စယေန ပစ္စယော။ (၁)
(နတ္ထိဝိဂတပစ္စယံ အနန္တရသဒိသံ။ အဝိဂတပစ္စယံ အတ္ထိသဒိသံ။)
၁. ပစ္စယာနုလောမံ
၂. သင်္ချာဝါရော
သုဒ္ဓံ
၅၆. ဟေတုယာ သတ္တ၊ အာရမ္မဏေ တီဏိ၊ အဓိပတိယာ နဝ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကဝီသ၊ အညမညေ ဆ၊ နိဿယေ ဧကဝီသ၊ ဥပနိဿယေ တီဏိ၊ ပုရေဇာတေ ဆ၊ ပစ္ဆာဇာတေ သတ္တ၊ အာသေဝနေ ဧကံ၊ ကမ္မေ သတ္တ၊ ဝိပါကေ သတ္တ၊ အာဟာရေ သတ္တ၊ ဣန္ဒြိယေ နဝ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ ဧကံ၊ ဝိပ္ပယုတ္တေ အဋ္ဌ၊ အတ္ထိယာ ပဉ္စဝီသ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ပဉ္စဝီသ။
ဟေတုသဘာဂံ
၅၇. ဟေတုပစ္စယာ အဓိပတိယာ သတ္တ၊ သဟဇာတေ သတ္တ၊ အညမညေ ဧကံ၊ နိဿယေ သတ္တ၊ ဝိပါကေ သတ္တ၊ ဣန္ဒြိယေ သတ္တ၊ မဂ္ဂေ သတ္တ၊ သမ္ပယုတ္တေ ဧကံ၊ ဝိပ္ပယုတ္တေ သတ္တ၊ အတ္ထိယာ သတ္တ၊ အဝိဂတေ သတ္တ။
ဟေတုသာမညဃဋနာ (၉)
၅၈. ဟေတု-သဟဇာတ-နိဿယ-အတ္ထိ-အဝိဂတန္တိ သတ္တ။ ဟေတု-သဟဇာတ-အညမညနိဿယ-အတ္ထိ-အဝိဂတန္တိ ဧကံ။ ဟေတု-သဟဇာတ-အညမည-နိဿယ-သမ္ပယုတ္တ-အတ္ထိ-အဝိဂတန္တိ ဧကံ။ ဟေတု-သဟဇာတ-နိဿယ-ဝိပ္ပယုတ္တ-အတ္ထိ -အဝိဂတန္တိ သတ္တ (အဝိပါကံ-၄)။
ဟေတု-သဟဇာတ-နိဿယ-ဝိပါက-အတ္ထိ-အဝိဂတန္တိ သတ္တ။ ဟေတု-သဟဇာတ-အညမည-နိဿယဝိပါက-အတ္ထိ-အဝိဂတန္တိ ဧကံ။ ဟေတု-သဟဇာတ-အညမည-နိဿယ-ဝိပါက-သမ္ပယုတ္တ-အတ္ထိအဝိဂတန္တိ ဧကံ။ ဟေတု-သဟဇာတ-နိဿယ-ဝိပါက-ဝိပ္ပယုတ္တ-အတ္ထိ-အဝိဂတန္တိ သတ္တ။ ဟေတု-သဟဇာတ-အညမည-နိဿယ-ဝိပါက-ဝိပ္ပယုတ္တ-အတ္ထိ-အဝိဂတန္တိ ဧကံ (သဝိပါကံ-၅)။
(ဧဝံ သဗ္ဗော ဂဏနဝါရော ဂဏေတဗ္ဗော။)
အနုလောမံ။
၂. ပစ္စနီယုဒ္ဓါရော
၅၉. သနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၁)
အနိဒဿနသပ္ပဋိဃော ဓမ္မော အနိဒဿနသပ္ပဋိဃဿ ဓမ္မဿ သဟဇာတပစ္စယေန ပစ္စယော။ (၁)
အနိဒဿနသပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ သဟဇာတပစ္စယေန ပစ္စယော။ (၂)
အနိဒဿနသပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၃)
အနိဒဿနသပ္ပဋိဃော ဓမ္မော သနိဒဿနသပ္ပဋိဃဿ စ အနိဒဿနအပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၄)
အနိဒဿနသပ္ပဋိဃော ဓမ္မော အနိဒဿနသပ္ပဋိဃဿ စ အနိဒဿနအပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၅)
အနိဒဿနသပ္ပဋိဃော ဓမ္မော သနိဒဿနသပ္ပဋိဃဿ စ အနိဒဿနသပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၆)
အနိဒဿနသပ္ပဋိဃော ဓမ္မော သနိဒဿနသပ္ပဋိဃဿ စ အနိဒဿနသပ္ပဋိဃဿ စ အနိဒဿနအပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၇)
၆၀. အနိဒဿနအပ္ပဋိဃော ဓမ္မော အနိဒဿနအပ္ပဋိဃဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၁)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ ဓမ္မဿ သဟဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၂)
အနိဒဿနအပ္ပဋိဃော ဓမ္မော အနိဒဿနသပ္ပဋိဃဿ ဓမ္မဿ သဟဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၃)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ စ အနိဒဿနအပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၄)
အနိဒဿနအပ္ပဋိဃော ဓမ္မော အနိဒဿနသပ္ပဋိဃဿ စ အနိဒဿနအပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၅)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ စ အနိဒဿနသပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၆)
အနိဒဿနအပ္ပဋိဃော ဓမ္မော သနိဒဿနသပ္ပဋိဃဿ စ အနိဒဿနသပ္ပဋိဃဿ စ အနိဒဿနအပ္ပဋိဃဿ စ ဓမ္မဿ သဟဇာတပစ္စယေန ပစ္စယော ။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၇)
၆၁. သနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ ပုရေဇာတံ။ (၁)
အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ သနိဒဿနသပ္ပဋိဃဿ ဓမ္မဿ သဟဇာတပစ္စယေန ပစ္စယော။ (၁)
အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနသပ္ပဋိဃဿ ဓမ္မဿ သဟဇာတပစ္စယေန ပစ္စယော။ (၂)
အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ သဟဇာတံ၊ ပုရေဇာတံ။ (၃)
အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ သနိဒဿနသပ္ပဋိဃဿ စ အနိဒဿနအပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၄)
အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနသပ္ပဋိဃဿ စ အနိဒဿနအပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၅)
အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ သနိဒဿနသပ္ပဋိဃဿ စ အနိဒဿနသပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၆)
အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ သနိဒဿနသပ္ပဋိဃဿ စ အနိဒဿနသပ္ပဋိဃဿ စ အနိဒဿနအပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၇)
၆၂. သနိဒဿနသပ္ပဋိဃော စ အနိဒဿနသပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ ပုရေဇာတံ။ (၁)
သနိဒဿနသပ္ပဋိဃော စ အနိဒဿနသပ္ပဋိဃော စ အနိဒဿနအပ္ပဋိဃော စ ဓမ္မာ အနိဒဿနအပ္ပဋိဃဿ ဓမ္မဿ သဟဇာတပစ္စယေန ပစ္စယော။ ပုရေဇာတပစ္စယေန ပစ္စယော။ (၁)
၂. ပစ္စယပစ္စနီယံ
၂. သင်္ချာဝါရော
သုဒ္ဓံ
၆၃. နဟေတုယာ ပဉ္စဝီသ၊ နအာရမ္မဏေ ဒွါဝီသ၊ နအဓိပတိယာ ပဉ္စဝီသ၊ နအနန္တရေ ပဉ္စဝီသ၊ နသမနန္တရေ ပဉ္စဝီသ၊ နသဟဇာတေ ဒွါဒသ၊ နအညမညေ စတုဝီသ၊ နနိဿယေ နဝ၊ နဥပနိဿယေ ပဉ္စဝီသ၊ နပုရေဇာတေ ဗာဝီသ၊ နပစ္ဆာဇာတေ ပဉ္စဝီသ၊ နအာသေဝနေ ပဉ္စဝီသ၊ နကမ္မေ ပဉ္စဝီသ၊ နဝိပါကေ စတုဝီသ၊ နအာဟာရေ ပဉ္စဝီသ၊ နဣန္ဒြိယေ တေဝီသ၊ နဈာနေ ပဉ္စဝီသ၊ နမဂ္ဂေ ပဉ္စဝီသ၊ နသမ္ပယုတ္တေ စတုဝီသ၊ နဝိပ္ပယုတ္တေ ဗာဝီသ၊ နောအတ္ထိယာ နဝ၊ နောနတ္ထိယာ ပဉ္စဝီသ၊ နောဝိဂတေ ပဉ္စဝီသ၊ နောအဝိဂတေ နဝ။
နဟေတုဒုကံ
နဟေတုပစ္စယာ နအာရမ္မဏေ ဗာဝီသ (ပဌမဂမနသဒိသံ)၊ နောအဝိဂတေ နဝ။
နဟေတုတိကံ
နဟေတုပစ္စယာ နအာရမ္မဏပစ္စယာ နအဓိပတိယာ ဗာဝီသ၊ နအနန္တရေ ဗာဝီသ၊ နသမနန္တရေ ဗာဝီသ၊ နသဟဇာတေ နဝ၊ နအညမညေ ဗာဝီသ၊ နနိဿယေ နဝ၊ နဥပနိဿယေ ဧကဝီသ၊ နပုရေဇာတေ ဗာဝီသ၊ နပစ္ဆာဇာတေ ဗာဝီသ။ပေ.။ နသမ္ပယုတ္တေ ဗာဝီသ၊ နဝိပ္ပယုတ္တေ ဗာဝီသ ၊ နောအတ္ထိယာ နဝ၊ နောနတ္ထိယာ ဗာဝီသ၊ နောဝိဂတေ ဗာဝီသ၊ နောအဝိဂတေ နဝ (ဧဝံ ဂဏေတဗ္ဗံ)။
ပစ္စနီယံ။
၃. ပစ္စယာနုလောမပစ္စနီယံ
ဟေတုဒုကံ
၆၄. ဟေတုပစ္စယာ နအာရမ္မဏေ သတ္တ၊ နအဓိပတိယာ သတ္တ၊ နအနန္တရေ သတ္တ၊ နသမနန္တရေ သတ္တ၊ နအညမညေ သတ္တ၊ နဥပနိဿယေ သတ္တ၊ နပုရေဇာတေ သတ္တ၊ နပစ္ဆာဇာတေ သတ္တ။ပေ.။ နသမ္ပယုတ္တေ သတ္တ၊ နဝိပ္ပယုတ္တေ ဧကံ၊ နောနတ္ထိယာ သတ္တ၊ နောဝိဂတေ သတ္တ။
ဟေတုသာမညဃဋနာ
၆၅. ဟေတု-သဟဇာတ-နိဿယ-အတ္ထိ-အဝိဂတန္တိ နအာရမ္မဏေ သတ္တ။ပေ.။ နအနန္တရေ သတ္တ၊ နသမနန္တရေ သတ္တ၊ နအညမညေ သတ္တ (ဣဓါပိ သံခိတ္တံ)၊ နသမ္ပယုတ္တေ သတ္တ၊ နဝိပ္ပယုတ္တေ ဧကံ၊ နောနတ္ထိယာ သတ္တ၊ နောဝိဂတေ သတ္တ။
ဟေတု -သဟဇာတ-အညမည-နိဿယ-အတ္ထိ-အဝိဂတန္တိ နအာရမ္မဏေ ဧကံ (သဗ္ဗတ္ထ ဧကံ)၊ နောဝိဂတေ ဧကံ (ဧဝံ ဂဏေတဗ္ဗံ)။
အနုလောမပစ္စနီယံ။
၄. ပစ္စယပစ္စနီယာနုလောမံ
နဟေတုဒုကံ
၆၆. နဟေတုပစ္စယာ အာရမ္မဏေ တီဏိ၊ အဓိပတိယာ နဝ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကဝီသ၊ အညမညေ ဆ၊ နိဿယေ ဧကဝီသ၊ ဥပနိဿယေ တီဏိ၊ ပုရေဇာတေ ဆ၊ ပစ္ဆာဇာတေ သတ္တ၊ အာသေဝနေ ဧကံ၊ ကမ္မေ သတ္တ၊ ဝိပါကေ သတ္တ၊ အာဟာရေ သတ္တ၊ ဣန္ဒြိယေ နဝ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ ဧကံ၊ ဝိပ္ပယုတ္တေ အဋ္ဌ၊ အတ္ထိယာ ပဉ္စဝီသ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ပဉ္စဝီသ (ဧဝံ ဂဏေတဗ္ဗံ)။
ပစ္စနီယာနုလောမံ။
ပဉှာဝါရော နိဋ္ဌိတော။
သနိဒဿနသပ္ပဋိဃတ္တိကံ နိဋ္ဌိတံ။
ဓမ္မာနုလောမေ တိကပဋ္ဌာနံ နိဋ္ဌိတံ။
ဒုတိယော ဘာဂေါ နိဋ္ဌိတော။