၁၄. ဟီနတ္တိက
၁. ပဋိစ္စဝါရ
၁. ပစ္စယာနုလောမ
၁. ဝိဘင်္ဂဝါရ
ဟေတုပစ္စယော
၁. ဟီနံ ဓမ္မံ ပဋိစ္စ ဟီနော ဓမ္မော ဥပ္ပဇ္ဇတိ ဟေတုပစ္စယာ – ဟီနံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ။ (၁)
ဟီနံ ဓမ္မံ ပဋိစ္စ မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ – ဟီနေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
ဟီနံ ဓမ္မံ ပဋိစ္စ ဟီနော စ မဇ္ဈိမော စ ဓမ္မာ ဥပ္ပဇ္ဇန္တိ ဟေတုပစ္စယာ – ဟီနံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
၂. မဇ္ဈိမံ ဓမ္မံ ပဋိစ္စ မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ – မဇ္ဈိမံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ; ဧကံ မဟာဘူတံ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
၃. ပဏီတံ ဓမ္မံ ပဋိစ္စ ပဏီတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
၄. မဇ္ဈိမဉ္စ ပဏီတဉ္စ ဓမ္မံ ပဋိစ္စ မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ – ပဏီတေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
၅. ဟီနဉ္စ မဇ္ဈိမဉ္စ ဓမ္မံ ပဋိစ္စ မဇ္ဈိမော ဓမ္မော ဥပ္ပဇ္ဇတိ ဟေတုပစ္စယာ – ဟီနေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
(ဟီနတ္တိကံ သံကိလိဋ္ဌတ္တိကသဒိသံ ဝိတ္ထာရေတဗ္ဗံ ပရိပုဏ္ဏံ။)
ဟီနတ္တိကံ နိဋ္ဌိတံ။