ပရိတ္တာရမ္မဏတ္တိက

၁၃. ပရိတ္တာရမ္မဏတ္တိက

၁. ပဋိစ္စဝါရ

၁. ပစ္စယာနုလောမ

၁. ဝိဘင်္ဂဝါရ

ဟေတုပစ္စယော

၁. ပရိတ္တာရမ္မဏံ ဓမ္မံ ပဋိစ္စ ပရိတ္တာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – ပရိတ္တာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ ပဋိသန္ဓိက္ခဏေ ပရိတ္တာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ (၁)

မဟဂ္ဂတာရမ္မဏံ ဓမ္မံ ပဋိစ္စ မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – မဟဂ္ဂတာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ ပဋိသန္ဓိက္ခဏေ မဟဂ္ဂတာရမ္မဏံ။ပေ.။။ (၁)

အပ္ပမာဏာရမ္မဏံ ဓမ္မံ ပဋိစ္စ အပ္ပမာဏာရမ္မဏော ဓမ္မော ဥပ္ပဇ္ဇတိ ဟေတုပစ္စယာ – အပ္ပမာဏာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ (၁)

အာရမ္မဏပစ္စယာဒိ

၂. ပရိတ္တာရမ္မဏံ ဓမ္မံ ပဋိစ္စ ပရိတ္တာရမ္မဏော ဓမ္မော ဥပ္ပဇ္ဇတိ အာရမ္မဏပစ္စယာ။ အဓိပတိပစ္စယာ (သံခိတ္တံ)။ အဝိဂတပစ္စယာ။

၁. ပစ္စယာနုလောမံ

၂. သင်္ချာဝါရော

၃. ဟေတုယာ တီဏိ၊ အာရမ္မဏေ တီဏိ၊ အဓိပတိယာ တီဏိ။ပေ.။ အဝိဂတေ တီဏိ (ဧဝံ ဂဏေတဗ္ဗံ)။

အနုလောမံ။

၂. ပစ္စယပစ္စနီယံ

၁. ဝိဘင်္ဂဝါရော

နဟေတုပစ္စယော

၄. ပရိတ္တာရမ္မဏံ ဓမ္မံ ပဋိစ္စ ပရိတ္တာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပရိတ္တာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ အဟေတုကပဋိသန္ဓိက္ခဏေ ပရိတ္တာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

မဟဂ္ဂတာရမ္မဏံ ဓမ္မံ ပဋိစ္စ မဟဂ္ဂတာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ မဟဂ္ဂတာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

အပ္ပမာဏာရမ္မဏံ ဓမ္မံ ပဋိစ္စ အပ္ပမာဏာရမ္မဏော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အပ္ပမာဏာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ (၁)

နအဓိပတိပစ္စယော

၅. ပရိတ္တာရမ္မဏံ ဓမ္မံ ပဋိစ္စ ပရိတ္တာရမ္မဏော ဓမ္မော ဥပ္ပဇ္ဇတိ နအဓိပတိပစ္စယာ – ပရိတ္တာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ ပဋိသန္ဓိက္ခဏေ။ပေ.။။ (၁)

မဟဂ္ဂတာရမ္မဏံ ဓမ္မံ ပဋိစ္စ မဟဂ္ဂတာရမ္မဏော ဓမ္မော ဥပ္ပဇ္ဇတိ နအဓိပတိပစ္စယာ – မဟဂ္ဂတာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ ပဋိသန္ဓိက္ခဏေ။ပေ.။။ (၁)

အပ္ပမာဏာရမ္မဏံ ဓမ္မံ ပဋိစ္စ အပ္ပမာဏာရမ္မဏော ဓမ္မော ဥပ္ပဇ္ဇတိ နအဓိပတိပစ္စယာ – အပ္ပမာဏာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ (၁)

နပုရေဇာတပစ္စယာဒိ

၆. ပရိတ္တာရမ္မဏံ ဓမ္မံ ပဋိစ္စ ပရိတ္တာရမ္မဏော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ပရိတ္တာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ပဋိသန္ဓိက္ခဏေ။ပေ.။။ (၁)

မဟဂ္ဂတာရမ္မဏံ ဓမ္မံ ပဋိစ္စ မဟဂ္ဂတာရမ္မဏော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ မဟဂ္ဂတာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ (မဟဂ္ဂတာရမ္မဏေ ပဋိသန္ဓိ နတ္ထိ)။ (၁)

အပ္ပမာဏာရမ္မဏံ ဓမ္မံ ပဋိစ္စ အပ္ပမာဏာရမ္မဏော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အပ္ပမာဏာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ (နပစ္ဆာဇာတပစ္စယဉ္စ နအာသေဝနပစ္စယဉ္စ နအဓိပတိသဒိသံ)။

နကမ္မပစ္စယော

၇. ပရိတ္တာရမ္မဏံ ဓမ္မံ ပဋိစ္စ ပရိတ္တာရမ္မဏော ဓမ္မော ဥပ္ပဇ္ဇတိ နကမ္မပစ္စယာ – ပရိတ္တာရမ္မဏေ ခန္ဓေ ပဋိစ္စ ပရိတ္တာရမ္မဏာ စေတနာ။ (၁)

မဟဂ္ဂတာရမ္မဏံ ဓမ္မံ ပဋိစ္စ မဟဂ္ဂတာရမ္မဏော ဓမ္မော ဥပ္ပဇ္ဇတိ နကမ္မပစ္စယာ – မဟဂ္ဂတာရမ္မဏေ ခန္ဓေ ပဋိစ္စ မဟဂ္ဂတာရမ္မဏာ စေတနာ။ (၁)

အပ္ပမာဏာရမ္မဏံ ဓမ္မံ ပဋိစ္စ အပ္ပမာဏာရမ္မဏော ဓမ္မော ဥပ္ပဇ္ဇတိ နကမ္မပစ္စယာ – အပ္ပမာဏာရမ္မဏေ ခန္ဓေ ပဋိစ္စ အပ္ပမာဏာရမ္မဏာ စေတနာ။ (၁)

နဝိပါကပစ္စယာဒိ

၈. ပရိတ္တာရမ္မဏံ ဓမ္မံ ပဋိစ္စ ပရိတ္တာရမ္မဏော ဓမ္မော ဥပ္ပဇ္ဇတိ နဝိပါကပစ္စယာ (ပဋိသန္ဓိ နတ္ထိ)။ နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။နမဂ္ဂပစ္စယာ – အဟေတုကံ ပရိတ္တာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ; အဟေတုကပဋိသန္ဓိက္ခဏေ။ပေ.။ ဒွေ ခန္ဓာ။ပေ.။။

မဟဂ္ဂတာရမ္မဏံ ဓမ္မံ ပဋိစ္စ မဟဂ္ဂတာရမ္မဏော ဓမ္မော ဥပ္ပဇ္ဇတိ နမဂ္ဂပစ္စယာ – အဟေတုကံ မဟဂ္ဂတာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ (၁)

အပ္ပမာဏာရမ္မဏံ ဓမ္မံ ပဋိစ္စ အပ္ပမာဏာရမ္မဏော ဓမ္မော ဥပ္ပဇ္ဇတိ နမဂ္ဂပစ္စယာ – အဟေတုကံ အပ္ပမာဏာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ (၁)

နဝိပ္ပယုတ္တပစ္စယော

၉. ပရိတ္တာရမ္မဏံ ဓမ္မံ ပဋိစ္စ ပရိတ္တာရမ္မဏော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ပရိတ္တာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။။ (၁)

မဟဂ္ဂတာရမ္မဏံ ဓမ္မံ ပဋိစ္စ မဟဂ္ဂတာရမ္မဏော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ မဟဂ္ဂတာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။။ (၁)

အပ္ပမာဏာရမ္မဏံ ဓမ္မံ ပဋိစ္စ အပ္ပမာဏာရမ္မဏော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အပ္ပမာဏာရမ္မဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ (၁)

၂. ပစ္စယပစ္စနီယံ

၂. သင်္ချာဝါရော

၁၀. နဟေတုယာ တီဏိ၊ နအဓိပတိယာ တီဏိ။ပေ.။ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဈာနေ ဧကံ၊ နမဂ္ဂေ တီဏိ၊ နဝိပ္ပယုတ္တေ တီဏိ (ဧဝံ ဂဏေတဗ္ဗံ)။

ပစ္စနီယံ။

၃. ပစ္စယာနုလောမပစ္စနီယံ

၁၁. ဟေတုပစ္စယာ နအဓိပတိယာ တီဏိ၊ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဝိပ္ပယုတ္တေ တီဏိ (ဧဝံ ဂဏေတဗ္ဗံ)။

အနုလောမပစ္စနီယံ။

၄. ပစ္စယပစ္စနီယာနုလောမံ

နဟေတုဒုကံ

၁၂. နဟေတုပစ္စယာ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ ဒွေ၊ ကမ္မေ တီဏိ၊ ဝိပါကေ ဧကံ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ ဒွေ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယာနုလောမံ။

ပဋိစ္စဝါရော။

၂-၆. သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသော)။

၇. ပဉှာဝါရော

၁. ပစ္စယာနုလောမံ

၁. ဝိဘင်္ဂဝါရော

ဟေတုပစ္စယော

၁၃. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ ဟေတုပစ္စယေန ပစ္စယော – ပရိတ္တာရမ္မဏာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ ပရိတ္တာရမ္မဏာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)

မဟဂ္ဂတာရမ္မဏော ဓမ္မော မဟဂ္ဂတာရမ္မဏဿ ဓမ္မဿ ဟေတုပစ္စယေန ပစ္စယော – မဟဂ္ဂတာရမ္မဏာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ။ပေ.။။ (၁)

အပ္ပမာဏာရမ္မဏော ဓမ္မော အပ္ပမာဏာရမ္မဏဿ ဓမ္မဿ ဟေတုပစ္စယေန ပစ္စယော – အပ္ပမာဏာရမ္မဏာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)

အာရမ္မဏပစ္စယော

၁၄. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ အရိယာ ပရိတ္တာရမ္မဏေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ ပရိတ္တာရမ္မဏေ ပရိတ္တေ ခန္ဓေ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ ပရိတ္တာရမ္မဏော ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ စေတောပရိယဉာဏေန ပရိတ္တာရမ္မဏပရိတ္တစိတ္တသမင်္ဂိဿ စိတ္တံ ဇာနာတိ။ ပရိတ္တာရမ္မဏာ ပရိတ္တာ ခန္ဓာ စေတောပရိယဉာဏဿ ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

ပရိတ္တာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အာရမ္မဏပစ္စယေန ပစ္စယော – ဒိဗ္ဗံ စက္ခုံ ပစ္စဝေက္ခတိ၊ ဒိဗ္ဗံ သောတဓါတုံ ပစ္စဝေက္ခတိ၊ ပရိတ္တာရမ္မဏံ ဣဒ္ဓိဝိဓဉာဏံ ပစ္စဝေက္ခတိ၊ စေတောပရိယဉာဏံ။ပေ.။ ပုဗ္ဗေနိဝါသာနုဿတိဉာဏံ။ပေ.။ ယထာကမ္မူပဂဉာဏံ။ပေ.။ အနာဂတံသဉာဏံ ပစ္စဝေက္ခတိ။ ပရိတ္တာရမ္မဏေ မဟဂ္ဂတေ ခန္ဓေ အနိစ္စတော။ပေ.။ ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ မဟဂ္ဂတာရမ္မဏော ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ စေတောပရိယဉာဏေန ပရိတ္တာရမ္မဏမဟဂ္ဂတစိတ္တသမင်္ဂိဿ စိတ္တံ ဇာနာတိ။ ပရိတ္တာရမ္မဏာ မဟဂ္ဂတာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)

၁၅. မဟဂ္ဂတာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အာရမ္မဏပစ္စယေန ပစ္စယော – ဝိညာဏဉ္စာယတနံ ပစ္စဝေက္ခတိ၊ နေဝသညာနာသညာယတနံ ပစ္စဝေက္ခတိ၊ မဟဂ္ဂတာရမ္မဏံ ဣဒ္ဓိဝိဓဉာဏံ ပစ္စဝေက္ခတိ၊ စေတောပရိယဉာဏံဌ္စေတောပရိယဉာဏံ။ပေ.။ ပုဗ္ဗေနိဝါသာနုဿတိဉာဏံ။ပေ.။ ယထာကမ္မူပဂဉာဏံ။ပေ.။ အနာဂတံသဉာဏံ ပစ္စဝေက္ခတိ။ မဟဂ္ဂတာရမ္မဏေ မဟဂ္ဂတေ ခန္ဓေ အနိစ္စတော။ပေ.။ ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ မဟဂ္ဂတာရမ္မဏော ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ စေတောပရိယဉာဏေန မဟဂ္ဂတာရမ္မဏမဟဂ္ဂတစိတ္တသမင်္ဂိဿ စိတ္တံ ဇာနာတိ။ မဟဂ္ဂတာရမ္မဏာ မဟဂ္ဂတာ ခန္ဓာ စေတောပရိယဉာဏဿ ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

မဟဂ္ဂတာရမ္မဏော ဓမ္မော ပရိတ္တာရမ္မဏဿ ဓမ္မဿ အာရမ္မဏပစ္စယေန ပစ္စယော – ပဌမဇ္ဈာနပစ္စဝေက္ခဏံ ပစ္စဝေက္ခတိ။ပေ.။ နေဝသညာနာသညာယတနပစ္စဝေက္ခဏံ ပစ္စဝေက္ခတိ၊ ဒိဗ္ဗစက္ခုပစ္စဝေက္ခဏံ ပစ္စဝေက္ခတိ၊ ဒိဗ္ဗသောတဓါတုပစ္စဝေက္ခဏံ ပစ္စဝေက္ခတိ၊ ဣဒ္ဓိဝိဓဉာဏပစ္စဝေက္ခဏံ။ပေ.။ စေတောပရိယဉာဏပစ္စဝေက္ခဏံ။ပေ.။ ပုဗ္ဗေနိဝါသာနုဿတိဉာဏပစ္စဝေက္ခဏံ။ပေ.။ ယထာကမ္မူပဂဉာဏပစ္စဝေက္ခဏံ။ပေ.။ အနာဂတံသဉာဏပစ္စဝေက္ခဏံ ပစ္စဝေက္ခတိ၊ အရိယာ မဟဂ္ဂတာရမ္မဏေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ မဟဂ္ဂတာရမ္မဏေ ပရိတ္တေ ခန္ဓေ အနိစ္စတော။ပေ.။ ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ ပရိတ္တာရမ္မဏော ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ စေတောပရိယဉာဏေန မဟဂ္ဂတာရမ္မဏပရိတ္တစိတ္တသမင်္ဂိဿ စိတ္တံ ဇာနာတိ။ မဟဂ္ဂတာရမ္မဏာ ပရိတ္တာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)

၁၆. အပ္ပမာဏာရမ္မဏော ဓမ္မော အပ္ပမာဏာရမ္မဏဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ။ စေတောပရိယဉာဏေန အပ္ပမာဏာရမ္မဏအပ္ပမာဏစိတ္တသမင်္ဂိဿ စိတ္တံ ဇာနာတိ။ အပ္ပမာဏာရမ္မဏာ အပ္ပမာဏာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

အပ္ပမာဏာရမ္မဏော ဓမ္မော ပရိတ္တာရမ္မဏဿ ဓမ္မဿ အာရမ္မဏပစ္စယေန ပစ္စယော – အရိယာ ဂေါတြဘုံ ပစ္စဝေက္ခန္တိ၊ ဝေါဒါနံ ပစ္စဝေက္ခန္တိ၊ မဂ္ဂပစ္စဝေက္ခဏံ ပစ္စဝေက္ခန္တိ၊ ဖလပစ္စဝေက္ခဏံ ပစ္စဝေက္ခန္တိ၊ နိဗ္ဗာနပစ္စဝေက္ခဏံ ပစ္စဝေက္ခန္တိ။ အပ္ပမာဏာရမ္မဏေ ပရိတ္တေ ခန္ဓေ အနိစ္စတော။ပေ.။ ဝိပဿတိ၊ စေတောပရိယဉာဏေန အပ္ပမာဏာရမ္မဏပရိတ္တစိတ္တသမင်္ဂိဿ စိတ္တံ ဇာနာတိ။ အပ္ပမာဏာရမ္မဏာ ပရိတ္တာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ ၊ ယထာကမ္မူပဂဉာဏဿ၊ အနာဂတံသဉာဏဿ အာဝဇ္ဇနာယ အာရမ္မဏပစ္စယေန ပစ္စယော။ (၂)

အပ္ပမာဏာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အာရမ္မဏပစ္စယေန ပစ္စယော – အရိယာ အပ္ပမာဏာရမ္မဏံ စေတောပရိယဉာဏံ ပစ္စဝေက္ခန္တိ၊ ပုဗ္ဗေနိဝါသာနုဿတိဉာဏံ ပစ္စဝေက္ခန္တိ၊ အနာဂတံသဉာဏံ ပစ္စဝေက္ခန္တိ။ စေတောပရိယဉာဏေန အပ္ပမာဏာရမ္မဏမဟဂ္ဂတစိတ္တသမင်္ဂိဿ စိတ္တံ ဇာနန္တိ။ အပ္ပမာဏာရမ္မဏံ မဟဂ္ဂတာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၃)

အဓိပတိပစ္စယော

၁၇. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ၊ ပရိတ္တာရမ္မဏေ ပရိတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ပရိတ္တာရမ္မဏော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – ပရိတ္တာရမ္မဏာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

ပရိတ္တာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒိဗ္ဗံ စက္ခုံ ဂရုံ ကတွာ ပစ္စဝေက္ခတိ၊ ဒိဗ္ဗံ သောတဓါတုံ။ပေ.။ ပရိတ္တာရမ္မဏံ ဣဒ္ဓိဝိဓဉာဏံ။ပေ.။ စေတောပရိယဉာဏံ။ပေ.။ ပုဗ္ဗေနိဝါသာနုဿတိဉာဏံ။ပေ.။ ယထာကမ္မူပဂဉာဏံ။ပေ.။ အနာဂတံသဉာဏံ ဂရုံ ကတွာ ပစ္စဝေက္ခတိ။ ပရိတ္တာရမ္မဏေ မဟဂ္ဂတေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ မဟဂ္ဂတာရမ္မဏော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၂)

၁၈. မဟဂ္ဂတာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဝိညာဏဉ္စာယတနံ ဂရုံ ကတွာ ပစ္စဝေက္ခတိ၊ နေဝသညာနာသညာယတနံ။ပေ.။ မဟဂ္ဂတာရမ္မဏံ ဣဒ္ဓိဝိဓဉာဏံ။ပေ.။ စေတောပရိယဉာဏံ ။ပေ.။ ပုဗ္ဗေနိဝါသာနုဿတိဉာဏံ။ပေ.။ ယထာကမ္မူပဂဉာဏံ။ပေ.။ အနာဂတံသဉာဏံ ဂရုံ ကတွာ ပစ္စဝေက္ခတိ။ မဟဂ္ဂတာရမ္မဏေ မဟဂ္ဂတေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ မဟဂ္ဂတာရမ္မဏော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – မဟဂ္ဂတာရမ္မဏာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

မဟဂ္ဂတာရမ္မဏော ဓမ္မော ပရိတ္တာရမ္မဏဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ပဌမဇ္ဈာနပစ္စဝေက္ခဏံ ဂရုံ ကတွာ ပစ္စဝေက္ခတိ။ပေ.။ အနာဂတံသဉာဏပစ္စဝေက္ခဏံ ဂရုံ ကတွာ ပစ္စဝေက္ခတိ။ မဟဂ္ဂတာရမ္မဏေ ပရိတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ပရိတ္တာရမ္မဏော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၂)

၁၉. အပ္ပမာဏာရမ္မဏော ဓမ္မော အပ္ပမာဏာရမ္မဏဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ ပစ္စဝေက္ခန္တိ။ သဟဇာတာဓိပတိ – အပ္ပမာဏာရမ္မဏာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

အပ္ပမာဏာရမ္မဏော ဓမ္မော ပရိတ္တာရမ္မဏဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သေက္ခါ ဂေါတြဘုံ ဂရုံ ကတွာ ပစ္စဝေက္ခန္တိ၊ ဝေါဒါနံ ဂရုံ ကတွာ ပစ္စဝေက္ခန္တိ၊ မဂ္ဂပစ္စဝေက္ခဏံ ဂရုံ ကတွာ ပစ္စဝေက္ခန္တိ၊ ဖလပစ္စဝေက္ခဏံ ဂရုံ ကတွာ ပစ္စဝေက္ခန္တိ၊ နိဗ္ဗာနပစ္စဝေက္ခဏံ ဂရုံ ကတွာ ပစ္စဝေက္ခန္တိ။ (၂)

အပ္ပမာဏာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သေက္ခါ အပ္ပမာဏာရမ္မဏံ စေတောပရိယဉာဏံ ဂရုံ ကတွာ ပစ္စဝေက္ခန္တိ။ ပုဗ္ဗေနိဝါသာနုဿတိဉာဏံ။ပေ.။ အနာဂတံသဉာဏံ ဂရုံ ကတွာ ပစ္စဝေက္ခန္တိ။ (၃)

အနန္တရပစ္စယော

၂၀. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ပရိတ္တာရမ္မဏာ ခန္ဓာ ပစ္ဆိမာနံ ပစ္ဆိမာနံ ပရိတ္တာရမ္မဏာနံ ခန္ဓာနံ အနန္တရပစ္စယေန ပစ္စယော။ (၁)

ပရိတ္တာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အနန္တရပစ္စယေန ပစ္စယော – ပရိတ္တာရမ္မဏံ စုတိစိတ္တံ မဟဂ္ဂတာရမ္မဏဿ ဥပပတ္တိစိတ္တဿ အနန္တရပစ္စယေန ပစ္စယော။ ပရိတ္တာရမ္မဏံ ဘဝင်္ဂံ မဟဂ္ဂတာရမ္မဏာယ အာဝဇ္ဇနာယ အနန္တရပစ္စယေန ပစ္စယော။ ပရိတ္တာရမ္မဏာ ခန္ဓာ မဟဂ္ဂတာရမ္မဏဿ ဝုဋ္ဌာနဿ အနန္တရပစ္စယေန ပစ္စယော။ (၂)

ပရိတ္တာရမ္မဏော ဓမ္မော အပ္ပမာဏာရမ္မဏဿ ဓမ္မဿ အနန္တရပစ္စယေန ပစ္စယော – ပရိတ္တာရမ္မဏံ ဘဝင်္ဂံ အပ္ပမာဏာရမ္မဏာယ အာဝဇ္ဇနာယ အနန္တရပစ္စယေန ပစ္စယော။ ပရိတ္တာရမ္မဏံ အနုလောမံ ဂေါတြဘုဿ။ အနုလောမံ ဝေါဒါနဿ။ အနုလောမံ ဖလသမာပတ္တိယာ အနန္တရပစ္စယေန ပစ္စယော။ (၃)

၂၁. မဟဂ္ဂတာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ မဟဂ္ဂတာရမ္မဏာ ခန္ဓာ ပစ္ဆိမာနံ ပစ္ဆိမာနံ မဟဂ္ဂတာရမ္မဏာနံ ခန္ဓာနံ အနန္တရပစ္စယေန ပစ္စယော။ (၁)

မဟဂ္ဂတာရမ္မဏော ဓမ္မော ပရိတ္တာရမ္မဏဿ ဓမ္မဿ အနန္တရပစ္စယေန ပစ္စယော – မဟဂ္ဂတာရမ္မဏံ စုတိစိတ္တံ ပရိတ္တာရမ္မဏဿ ဥပပတ္တိစိတ္တဿ အနန္တရပစ္စယေန ပစ္စယော။ မဟဂ္ဂတာရမ္မဏံ ဘဝင်္ဂံ ပရိတ္တာရမ္မဏာယ အာဝဇ္ဇနာယ အနန္တရပစ္စယေန ပစ္စယော။ မဟဂ္ဂတာရမ္မဏာ ခန္ဓာ ပရိတ္တာရမ္မဏဿ ဝုဋ္ဌာနဿ အနန္တရပစ္စယေန ပစ္စယော။ (၂)

မဟဂ္ဂတာရမ္မဏော ဓမ္မော အပ္ပမာဏာရမ္မဏဿ ဓမ္မဿ အနန္တရပစ္စယေန ပစ္စယော – မဟဂ္ဂတာရမ္မဏံ ဘဝင်္ဂံ အပ္ပမာဏာရမ္မဏာယ အာဝဇ္ဇနာယ အနန္တရပစ္စယေန ပစ္စယော။ မဟဂ္ဂတာရမ္မဏံ အနုလောမံ ဂေါတြဘုဿ။ အနုလောမံ ဝေါဒါနဿ။ အနုလောမံ ဖလသမာပတ္တိယာ။ နိရောဓါ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၃)

၂၂. အပ္ပမာဏာရမ္မဏော ဓမ္မော အပ္ပမာဏာရမ္မဏဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အပ္ပမာဏာရမ္မဏာ ခန္ဓာ ပစ္ဆိမာနံ ပစ္ဆိမာနံ အပ္ပမာဏာရမ္မဏာနံ ခန္ဓာနံ အနန္တရပစ္စယေန ပစ္စယော။ ဂေါတြဘု မဂ္ဂဿ။ ဝေါဒါနံ မဂ္ဂဿ။ မဂ္ဂေါ ဖလဿ။ ဖလံ ဖလဿ အနန္တရပစ္စယေန ပစ္စယော။ (၁)

အပ္ပမာဏာရမ္မဏော ဓမ္မော ပရိတ္တာရမ္မဏဿ ဓမ္မဿ အနန္တရပစ္စယေန ပစ္စယော – မဂ္ဂပစ္စဝေက္ခဏံ ပရိတ္တာရမ္မဏဿ ဝုဋ္ဌာနဿ။ ဖလပစ္စဝေက္ခဏံ ပရိတ္တာရမ္မဏဿ ဝုဋ္ဌာနဿ။ နိဗ္ဗာနပစ္စဝေက္ခဏံ ပရိတ္တာရမ္မဏဿ ဝုဋ္ဌာနဿ။ အပ္ပမာဏာရမ္မဏံ စေတောပရိယဉာဏံ ပရိတ္တာရမ္မဏဿ ဝုဋ္ဌာနဿ။ ပုဗ္ဗေနိဝါသာနုဿတိဉာဏံ ပရိတ္တာရမ္မဏဿ ဝုဋ္ဌာနဿ။ အနာဂတံသဉာဏံ ပရိတ္တာရမ္မဏဿ ဝုဋ္ဌာနဿ။ ဖလံ ပရိတ္တာရမ္မဏဿ ဝုဋ္ဌာနဿ အနန္တရပစ္စယေန ပစ္စယော။ (၂)

အပ္ပမာဏာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အနန္တရပစ္စယေန ပစ္စယော – မဂ္ဂပစ္စဝေက္ခဏံ မဟဂ္ဂတာရမ္မဏဿ ဝုဋ္ဌာနဿ။ ဖလပစ္စဝေက္ခဏံ မဟဂ္ဂတာရမ္မဏဿ ဝုဋ္ဌာနဿ။ နိဗ္ဗာနပစ္စဝေက္ခဏံ မဟဂ္ဂတာရမ္မဏဿ ဝုဋ္ဌာနဿ။ ဖလံ မဟဂ္ဂတာရမ္မဏဿ ဝုဋ္ဌာနဿ အနန္တရပစ္စယေန ပစ္စယော။ (၃)

သမနန္တရပစ္စယော

၂၃. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ သမနန္တရပစ္စယေန ပစ္စယော (အနန္တရသဒိသံ)။

သဟဇာတပစ္စယာဒိ

၂၄. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ သဟဇာတပစ္စယေန ပစ္စယော။ အညမညပစ္စယေန ပစ္စယော။ နိဿယပစ္စယေန ပစ္စယော။ တီဏိ (ပဋိစ္စဝါရသဒိသာ ကာတဗ္ဗာ)။

ဥပနိဿယပစ္စယော

၂၅. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ပရိတ္တာရမ္မဏံ သဒ္ဓံ ဥပနိဿာယ ဒါနံ ဒေတိ၊ သီလံ။ပေ.။ ဥပေါသထကမ္မံ။ပေ.။ ပရိတ္တာရမ္မဏံ ဈာနံ ဥပ္ပါဒေတိ၊ ဝိပဿနံ။ပေ.။ အဘိညံ။ပေ.။ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ ပရိတ္တာရမ္မဏံ သီလံ။ပေ.။ ပညံ။ ရာဂံ ဒေါသံ။ မောဟံ။ မာနံ။ ဒိဋ္ဌိံ။ ပတ္ထနံ။ ကာယိကံ သုခံ။ ကာယိကံ ဒုက္ခံ ဥပနိဿာယ ဒါနံ ဒေတိ၊ သီလံ။ပေ.။ ဥပေါသထကမ္မံ။ပေ.။ ပရိတ္တာရမ္မဏံ ဈာနံ ဥပ္ပါဒေတိ၊ ဝိပဿနံ။ပေ.။ အဘိညံ။ပေ.။ သမာပတ္တိံ ဥပ္ပါဒေတိ၊ ပါဏံ ဟနတိ။ပေ.။ သံဃံ ဘိန္ဒတိ။ ပရိတ္တာရမ္မဏာ သဒ္ဓါ။ပေ.။ ပညာ၊ ရာဂေါ။ပေ.။ ပတ္ထနာ၊ ကာယိကံ သုခံ။ ကာယိကံ ဒုက္ခံ။ ပရိတ္တာရမ္မဏာယ သဒ္ဓါယ။ပေ.။ ပညာယ ရာဂဿ။ပေ.။ ပတ္ထနာယ၊ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၁)

ပရိတ္တာရမ္မဏော ဓမ္မော မဟဂ္ဂတာရမ္မဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ပရိတ္တာရမ္မဏံ သဒ္ဓံ ဥပနိဿာယ မဟဂ္ဂတာရမ္မဏံ ဈာနံ ဥပ္ပါဒေတိ၊ ဝိပဿနံ။ပေ.။ အဘိညံ။ပေ.။ သမာပတ္တိံ ဥပ္ပါဒေတိ ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ ပရိတ္တာရမ္မဏံ သီလံ။ပေ.။ ပညံ။ ရာဂံ။ပေ.။ ပတ္ထနံ။ ကာယိကံ သုခံ၊ ကာယိကံ ဒုက္ခံ ဥပနိဿာယ မဟဂ္ဂတာရမ္မဏံ ဈာနံ ဥပ္ပါဒေတိ၊ ဝိပဿနံ။ပေ.။ အဘိညံ။ပေ.။ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ ပရိတ္တာရမ္မဏာ သဒ္ဓါ။ပေ.။ ကာယိကံ သုခံ၊ ကာယိကံ ဒုက္ခံ၊ မဟဂ္ဂတာရမ္မဏာယ သဒ္ဓါယ။ပေ.။ ပညာယ ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ (၂)

ပရိတ္တာရမ္မဏော ဓမ္မော အပ္ပမာဏာရမ္မဏဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ပရိတ္တာရမ္မဏံ သဒ္ဓံ ဥပနိဿာယ အပ္ပမာဏာရမ္မဏံ ဈာနံ ဥပ္ပါဒေတိ ၊ မဂ္ဂံ။ပေ.။ အဘိညံ။ပေ.။ သမာပတ္တိံ ဥပ္ပါဒေတိ။ ပရိတ္တာရမ္မဏံ သီလံ။ပေ.။ ပညံ၊ ရာဂံ။ပေ.။ ကာယိကံ သုခံ၊ ကာယိကံ ဒုက္ခံ ဥပနိဿာယ အပ္ပမာဏာရမ္မဏံ ဈာနံ ဥပ္ပါဒေတိ၊ မဂ္ဂံ။ အဘိညံ။ သမာပတ္တိံ ဥပ္ပါဒေတိ။ ပရိတ္တာရမ္မဏာ သဒ္ဓါ။ပေ.။ ကာယိကံ သုခံ၊ ကာယိကံ ဒုက္ခံ အပ္ပမာဏာရမ္မဏာယ သဒ္ဓါယ။ပေ.။ ပညာယ ဥပနိဿယပစ္စယေန ပစ္စယော။ (၃)

၂၆. မဟဂ္ဂတာရမ္မဏော ဓမ္မော မဟဂ္ဂတာရမ္မဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – မဟဂ္ဂတာရမ္မဏံ သဒ္ဓံ ဥပနိဿာယ မဟဂ္ဂတာရမ္မဏံ ဈာနံ ဥပ္ပါဒေတိ၊ ဝိပဿနံ။ အဘိညံ။ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ မဟဂ္ဂတာရမ္မဏံ သီလံ။ပေ.။ ပညံ၊ ရာဂံ။ပေ.။ ပတ္ထနံ ဥပနိဿာယ မဟဂ္ဂတာရမ္မဏံ ဈာနံ ဥပ္ပါဒေတိ။ပေ.။ ဒိဋ္ဌိံ ဂဏှာတိ ။ မဟဂ္ဂတာရမ္မဏာ သဒ္ဓါ။ပေ.။ ပညာ၊ ရာဂေါ။ပေ.။ ပတ္ထနာ မဟဂ္ဂတာရမ္မဏာယ သဒ္ဓါယ။ပေ.။ ပတ္ထနာယ ဥပနိဿယပစ္စယေန ပစ္စယော။ (၁)

မဟဂ္ဂတာရမ္မဏော ဓမ္မော ပရိတ္တာရမ္မဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – မဟဂ္ဂတာရမ္မဏံ သဒ္ဓံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ပရိတ္တာရမ္မဏံ ဈာနံ ဥပ္ပါဒေတိ၊ ဝိပဿနံ။ အဘိညံ။ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ မဟဂ္ဂတာရမ္မဏံ သီလံ။ပေ.။ ပတ္ထနံ ဥပနိဿာယ ဒါနံ ဒေတိ။ပေ.။ ဒိဋ္ဌိံ ဂဏှာတိ။ မဟဂ္ဂတာရမ္မဏာ သဒ္ဓါ။ပေ.။ ပတ္ထနာ ပရိတ္တာရမ္မဏာယ သဒ္ဓါယ။ပေ.။ ပတ္ထနာယ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၂)

မဟဂ္ဂတာရမ္မဏော ဓမ္မော အပ္ပမာဏာရမ္မဏဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – မဟဂ္ဂတာရမ္မဏံ သဒ္ဓံ ဥပနိဿာယ အပ္ပမာဏာရမ္မဏံ ဈာနံ ဥပ္ပါဒေတိ၊ မဂ္ဂံ။ အဘိညံ။ သမာပတ္တိံ ဥပ္ပါဒေတိ။ မဟဂ္ဂတာရမ္မဏံ သီလံ။ပေ.။ ပတ္ထနံ ဥပနိဿာယ အပ္ပမာဏာရမ္မဏံ ဈာနံ ဥပ္ပါဒေတိ။ပေ.။ သမာပတ္တိံ ဥပ္ပါဒေတိ။ မဟဂ္ဂတာရမ္မဏာ သဒ္ဓါ။ပေ.။ ပတ္ထနာ အပ္ပမာဏာရမ္မဏာယ သဒ္ဓါယ။ပေ.။ ပညာယ ဥပနိဿယပစ္စယေန ပစ္စယော (၃)

၂၇. အပ္ပမာဏာရမ္မဏော ဓမ္မော အပ္ပမာဏာရမ္မဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော ၊ ပကတူပနိဿယော။ပေ.။။ ပကတူပနိဿယော – အပ္ပမာဏာရမ္မဏံ သဒ္ဓံ ဥပနိဿာယ အပ္ပမာဏာရမ္မဏံ ဈာနံ ဥပ္ပါဒေတိ၊ မဂ္ဂံ။ အဘိညံ။ သမာပတ္တိံ ဥပ္ပါဒေတိ။ အပ္ပမာဏာရမ္မဏံ သီလံ။ပေ.။ ပညံ ဥပနိဿာယ အပ္ပမာဏာရမ္မဏံ ဈာနံ ဥပ္ပါဒေတိ။ မဂ္ဂံ။ပေ.။ အဘိညံ။ပေ.။ သမာပတ္တိံ ဥပ္ပါဒေတိ အပ္ပမာဏာရမ္မဏာ သဒ္ဓါ။ပေ.။ ပညာ အပ္ပမာဏာရမ္မဏာယ သဒ္ဓါယ။ပေ.။ ပညာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၁)

အပ္ပမာဏာရမ္မဏော ဓမ္မော ပရိတ္တာရမ္မဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – အပ္ပမာဏာရမ္မဏံ သဒ္ဓံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ပရိတ္တာရမ္မဏံ ဈာနံ ဥပ္ပါဒေတိ၊ ဝိပဿနံ။ အဘိညံ။ သမာပတ္တိံ ဥပ္ပါဒေတိ။ အပ္ပမာဏာရမ္မဏံ သီလံ။ပေ.။ ပညံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ။ အပ္ပမာဏာရမ္မဏာ သဒ္ဓါ။ပေ.။ ပညာ ပရိတ္တာရမ္မဏာယ သဒ္ဓါယ။ပေ.။ ပညာယ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၂)

အပ္ပမာဏာရမ္မဏော ဓမ္မော မဟဂ္ဂတာရမ္မဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – အပ္ပမာဏာရမ္မဏံ သဒ္ဓံ ဥပနိဿာယ မဟဂ္ဂတာရမ္မဏံ ဈာနံ ဥပ္ပါဒေတိ၊ ဝိပဿနံ။ အဘိညံ။ သမာပတ္တိံ ဥပ္ပါဒေတိ။ အပ္ပမာဏာရမ္မဏံ သီလံ။ပေ.။ ပညံ ဥပနိဿာယ မဟဂ္ဂတာရမ္မဏံ ဈာနံ ဥပ္ပါဒေတိ၊ ဝိပဿနံ။ အဘိညံ။ သမာပတ္တိံ ဥပ္ပါဒေတိ။ အပ္ပမာဏာရမ္မဏာ သဒ္ဓါ။ပေ.။ ပညာ မဟဂ္ဂတာရမ္မဏာယ သဒ္ဓါယ။ပေ.။ ပညာယ ဥပနိဿယပစ္စယေန ပစ္စယော။ (၃)

အာသေဝနပစ္စယော

၂၈. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ ပရိတ္တာရမ္မဏာ ခန္ဓာ ပစ္ဆိမာနံ ပစ္ဆိမာနံ ပရိတ္တာရမ္မဏာနံ ခန္ဓာနံ အာသေဝနပစ္စယေန ပစ္စယော။ (၁)

ပရိတ္တာရမ္မဏော ဓမ္မော အပ္ပမာဏာရမ္မဏဿ ဓမ္မဿ အာသေဝနပစ္စယေန ပစ္စယော – ပရိတ္တာရမ္မဏံ အနုလောမံ ဂေါတြဘုဿ။ အနုလောမံ ဝေါဒါနဿ အာသေဝနပစ္စယေန ပစ္စယော။ (၂)

၂၉. မဟဂ္ဂတာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ မဟဂ္ဂတာရမ္မဏာ ခန္ဓာ ပစ္ဆိမာနံ ပစ္ဆိမာနံ မဟဂ္ဂတာရမ္မဏာနံ ခန္ဓာနံ အာသေဝနပစ္စယေန ပစ္စယော။ (၁)

မဟဂ္ဂတာရမ္မဏော ဓမ္မော အပ္ပမာဏာရမ္မဏဿ ဓမ္မဿ အာသေဝနပစ္စယေန ပစ္စယော – မဟဂ္ဂတာရမ္မဏံ အနုလောမံ ဂေါတြဘုဿ။ အနုလောမံ ဝေါဒါနဿ အာသေဝနပစ္စယေန ပစ္စယော။ (၂)

၃၀. အပ္ပမာဏာရမ္မဏော ဓမ္မော အပ္ပမာဏာရမ္မဏဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အပ္ပမာဏာရမ္မဏာ ခန္ဓာ ပစ္ဆိမာနံ ပစ္ဆိမာနံ အပ္ပမာဏာရမ္မဏာနံ ခန္ဓာနံ အာသေဝနပစ္စယေန ပစ္စယော။ ဂေါတြဘု မဂ္ဂဿ။ ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)

ကမ္မပစ္စယော

၃၁. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – ပရိတ္တာရမ္မဏာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ။ပေ.။။ နာနာက္ခဏိကာ – ပရိတ္တာရမ္မဏာ စေတနာ ဝိပါကာနံ ပရိတ္တာရမ္မဏာနံ ခန္ဓာနံ ကမ္မပစ္စယေန ပစ္စယော။ (၁)

မဟဂ္ဂတာရမ္မဏော ဓမ္မော မဟဂ္ဂတာရမ္မဏဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – မဟဂ္ဂတာရမ္မဏာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ။ပေ.။။ နာနာက္ခဏိကာ – မဟဂ္ဂတာရမ္မဏာ စေတနာ ဝိပါကာနံ မဟဂ္ဂတာရမ္မဏာနံ ခန္ဓာနံ ကမ္မပစ္စယေန ပစ္စယော။ (၁)

မဟဂ္ဂတာရမ္မဏော ဓမ္မော ပရိတ္တာရမ္မဏဿ ဓမ္မဿ ကမ္မပစ္စယေန ပစ္စယော။ နာနာက္ခဏိကာ – မဟဂ္ဂတာရမ္မဏာ စေတနာ ဝိပါကာနံ ပရိတ္တာရမ္မဏာနံ ခန္ဓာနံ ကမ္မပစ္စယေန ပစ္စယော။ (၂)

၃၂. အပ္ပမာဏာရမ္မဏော ဓမ္မော အပ္ပမာဏာရမ္မဏဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အပ္ပမာဏာရမ္မဏာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – အပ္ပမာဏာရမ္မဏာ စေတနာ ဝိပါကာနံ အပ္ပမာဏာရမ္မဏာနံ ခန္ဓာနံ ကမ္မပစ္စယေန ပစ္စယော။ (၁)

အပ္ပမာဏာရမ္မဏော ဓမ္မော ပရိတ္တာရမ္မဏဿ ဓမ္မဿ ကမ္မပစ္စယေန ပစ္စယော။ နာနာက္ခဏိကာ – အပ္ပမာဏာရမ္မဏာ စေတနာ ဝိပါကာနံ ပရိတ္တာရမ္မဏာနံ ခန္ဓာနံ ကမ္မပစ္စယေန ပစ္စယော။ (၂)

ဝိပါကပစ္စယာဒိ

၃၃. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ ဝိပါကပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ ဈာနပစ္စယေန ပစ္စယော။ မဂ္ဂပစ္စယေန ပစ္စယော။ သမ္ပယုတ္တပစ္စယေန ပစ္စယ။ အတ္ထိပစ္စယေန ပစ္စယော။ နတ္ထိပစ္စယေန ပစ္စယော။ ဝိဂတပစ္စယေန ပစ္စယ။ အဝိဂတပစ္စယေန ပစ္စယော။

၁. ပစ္စယာနုလောမံ

၂. သင်္ချာဝါရော

၃၄. ဟေတုယာ တီဏိ၊ အာရမ္မဏေ သတ္တ၊ အဓိပတိယာ သတ္တ၊ အနန္တရေ နဝ၊ သမနန္တရေ နဝ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ အာသေဝနေ ပဉ္စ၊ ကမ္မေ ပဉ္စ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ ဈာနေ မဂ္ဂေ သမ္ပယုတ္တေ အတ္ထိယာ တီဏိ၊ နတ္ထိယာ နဝ၊ ဝိဂတေ နဝ၊ အဝိဂတေ တီဏိ (ဧဝံ ဂဏေတဗ္ဗံ)။

အနုလောမံ။

ပစ္စနီယုဒ္ဓါရော

၃၅. ပရိတ္တာရမ္မဏော ဓမ္မော ပရိတ္တာရမ္မဏဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ကမ္မပစ္စယေန ပစ္စယော။ (၁)

ပရိတ္တာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ (၂)

ပရိတ္တာရမ္မဏော ဓမ္မော အပ္ပမာဏာရမ္မဏဿ ဓမ္မဿ ဥပနိဿယပစ္စယေန ပစ္စယော။ (၃)

၃၆. မဟဂ္ဂတာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)

မဟဂ္ဂတာရမ္မဏော ဓမ္မော ပရိတ္တာရမ္မဏဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ ကမ္မပစ္စယေန ပစ္စယော။ (၂)

မဟဂ္ဂတာရမ္မဏော ဓမ္မော အပ္ပမာဏာရမ္မဏဿ ဓမ္မဿ ဥပနိဿယပစ္စယေန ပစ္စယော။ (၃)

၃၇. အပ္ပမာဏာရမ္မဏော ဓမ္မော အပ္ပမာဏာရမ္မဏဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)

အပ္ပမာဏာရမ္မဏော ဓမ္မော ပရိတ္တာရမ္မဏဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ ကမ္မပစ္စယေန ပစ္စယော။ (၂)

အပ္ပမာဏာရမ္မဏော ဓမ္မော မဟဂ္ဂတာရမ္မဏဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ (၃)

၂. ပစ္စယပစ္စနီယံ

၂. သင်္ချာဝါရော

၃၈. နဟေတုယာ နဝ၊ နအာရမ္မဏေ နဝ၊ နအဓိပတိယာ နဝ၊ နအနန္တရေ နဝ၊ နသမနန္တရေ နဝ၊ နသဟဇာတေ နဝ၊ နအညမညေ နဝ ၊ နနိဿယေ နဝ၊ နဥပနိဿယေ သတ္တ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ။ပေ.။ နမဂ္ဂေ နဝ၊ နသမ္ပယုတ္တေ နဝ၊ နဝိပ္ပယုတ္တေ နဝ၊ နောအတ္ထိယာ နဝ၊ နောနတ္ထိယာ နဝ၊ နောဝိဂတေ နဝ၊ နောအဝိဂတေ နဝ (ဧဝံ ဂဏေတဗ္ဗံ)။

ပစ္စနီယံ။

၃. ပစ္စယာနုလောမပစ္စနီယံ

နဟေတုဒုကံ

၃၉. ဟေတုပစ္စယာ နအာရမ္မဏေ တီဏိ၊ နအဓိပတိယာ နအနန္တရေ နသမနန္တရေ နဥပနိဿယေ နပုရေဇာတေ နပစ္ဆာဇာတေ နအာသေဝနေ တီဏိ။ပေ.။ နမဂ္ဂေ နဝိပ္ပယုတ္တေ နောနတ္ထိယာ နောဝိဂတေ တီဏိ (ဧဝံ ဂဏေတဗ္ဗံ)။

အနုလောမပစ္စနီယံ။

၄. ပစ္စယပစ္စနီယာနုလောမံ

ဟေတုဒုကံ

၄၀. နဟေတုပစ္စယာ အာရမ္မဏေ သတ္တ၊ အဓိပတိယာ သတ္တ၊ အနန္တရေ နဝ၊ သမနန္တရေ နဝ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ အာသေဝနေ ပဉ္စ၊ ကမ္မေ ပဉ္စ၊ ဝိပါကေ တီဏိ။ပေ.။ သမ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ နဝ၊ ဝိဂတေ နဝ၊ အဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယာနုလောမံ။

ပဉှာဝါရော။

ပရိတ္တာရမ္မဏတ္တိကံ နိဋ္ဌိတံ။