၁၂. ပရိတ္တတ္တိက
၁. ပဋိစ္စဝါရ
၁. ပစ္စယာနုလောမ
၁. ဝိဘင်္ဂဝါရ
ဟေတုပစ္စယော
၁. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ ဟေတုပစ္စယာ – ပရိတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ ပရိတ္တံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ.။ ဒွေ ခန္ဓေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ ပဋိစ္စ တယော မဟာဘူတာ။ပေ.။ ဒွေ မဟာဘူတေ ပဋိစ္စ စိတ္တသမုဋ္ဌာနံ ရူပံ။ပေ.။။ (၁)
ပရိတ္တံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ မဟဂ္ဂတာ ခန္ဓာ။ (၂)
ပရိတ္တံ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ မဟဂ္ဂတာ ခန္ဓာ၊ မဟာဘူတေ ပဋိစ္စ ကဋတ္တာရူပံ။ (၃)
၂. မဟဂ္ဂတံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ – မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ ဟေတုပစ္စယာ – မဟဂ္ဂတေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ မဟဂ္ဂတေ ခန္ဓေ ပဋိစ္စ ကဋတ္တာရူပံ။ (၂)
မဟဂ္ဂတံ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ပဋိသန္ဓိက္ခဏေ မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ.။ ဒွေ ခန္ဓေ။ပေ.။။ (၃)
၃. အပ္ပမာဏံ ဓမ္မံ ပဋိစ္စ အပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ – အပ္ပမာဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
အပ္ပမာဏံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ ဟေတုပစ္စယာ – အပ္ပမာဏေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အပ္ပမာဏံ ဓမ္မံ ပဋိစ္စ ပရိတ္တော စ အပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ – အပ္ပမာဏံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
၄. ပရိတ္တဉ္စ အပ္ပမာဏဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ ဟေတုပစ္စယာ – အပ္ပမာဏေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ ဟေတုပစ္စယာ – မဟဂ္ဂတေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ။ပေ.။။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၂)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ မဟဂ္ဂတေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)
အာရမ္မဏပစ္စယော
၅. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ပရိတ္တံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ ဝတ္ထုံ ပဋိစ္စ ခန္ဓာ။ (၁)
ပရိတ္တံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ မဟဂ္ဂတာ ခန္ဓာ။ (၂)
မဟဂ္ဂတံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ အာရမ္မဏပစ္စယာ – မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။။ (၁)
အပ္ပမာဏံ ဓမ္မံ ပဋိစ္စ အပ္ပမာဏော ဓမ္မော ဥပ္ပဇ္ဇတိ အာရမ္မဏပစ္စယာ – အပ္ပမာဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
အဓိပတိပစ္စယော
၆. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ အဓိပတိပစ္စယာ – ပရိတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ၊ ဒွေ ခန္ဓေ။ပေ.။ ဧကံ မဟာဘူတံ ပဋိစ္စ တယော မဟာဘူတာ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)
မဟဂ္ဂတံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ အဓိပတိပစ္စယာ – မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
မဟဂ္ဂတံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ အဓိပတိပစ္စယာ – မဟဂ္ဂတေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
မဟဂ္ဂတံ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ အဓိပတိပစ္စယာ – မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
အပ္ပမာဏံ ဓမ္မံ ပဋိစ္စ အပ္ပမာဏော ဓမ္မော ဥပ္ပဇ္ဇတိ အဓိပတိပစ္စယာ – အပ္ပမာဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
အပ္ပမာဏံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ အဓိပတိပစ္စယာ – အပ္ပမာဏေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အပ္ပမာဏံ ဓမ္မံ ပဋိစ္စ ပရိတ္တော စ အပ္ပမာဏော စ ဓမ္မာ ဥပ္ပဇ္ဇန္တိ အဓိပတိပစ္စယာ – အပ္ပမာဏံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
၇. ပရိတ္တဉ္စ အပ္ပမာဏဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ အဓိပတိပစ္စယာ – အပ္ပမာဏေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ အဓိပတိပစ္စယာ – မဟဂ္ဂတေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
အနန္တရပစ္စယာဒိ
၈. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ အနန္တရပစ္စယာ။ သမနန္တရပစ္စယာ။ သဟဇာတပစ္စယာ (သဗ္ဗေပိ မဟာဘူတာ ကာတဗ္ဗာ)။ အညမညပစ္စယာ။ နိဿယပစ္စယာ။ ဥပနိဿယပစ္စယာ ။ ပုရေဇာတပစ္စယာ (တိဿော ပဉှာ ကာတဗ္ဗာ)။ အာသေဝနပစ္စယာ (တိဿော ပဉှာ ကာတဗ္ဗာ)။ ကမ္မပစ္စယာ။ ဝိပါကပစ္စယာ (တေရသ ပဉှာ)။ အာဟာရပစ္စယာ။ ဣန္ဒြိယပစ္စယာ။ ဈာနပစ္စယာ။ မဂ္ဂပစ္စယာ၊။ သမ္ပယုတ္တပစ္စယာ။ ဝိပ္ပယုတ္တပစ္စယာ။ အတ္ထိပစ္စယာ။ နတ္ထိပစ္စယာ။ ဝိဂတပစ္စယာ။ အဝိဂတပစ္စယာ။
၁. ပစ္စယာနုလောမံ
၂. သင်္ချာဝါရော
၉. ဟေတုယာ တေရသ၊ အာရမ္မဏေ ပဉ္စ၊ အဓိပတိယာ နဝ၊ အနန္တရေ ပဉ္စ၊ သမနန္တရေ ပဉ္စ၊ သဟဇာတေ တေရသ၊ အညမညေ သတ္တ၊ နိဿယေ တေရသ၊ ဥပနိဿယေ ပဉ္စ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ တေရသ၊ ဝိပါကေ တေရသ၊ အာဟာရေ ဣန္ဒြိယေ ဈာနေ မဂ္ဂေ တေရသ၊ သမ္ပယုတ္တေ ပဉ္စ၊ ဝိပ္ပယုတ္တေ တေရသ၊ အတ္ထိယာ တေရသ၊ နတ္ထိယာ ပဉ္စ၊ ဝိဂတေ ပဉ္စ၊ အဝိဂတေ တေရသ။
အနုလောမံ။
၂. ပစ္စယပစ္စနီယံ
၁. ဝိဘင်္ဂဝါရော
နဟေတုပစ္စယော
၁၀. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပရိတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ အဟေတုကပဋိသန္ဓိက္ခဏေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ; ဧကံ မဟာဘူတံ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ ဧကံ မဟာဘူတံ။ပေ.။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအာရမ္မဏပစ္စယော
၁၁. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – ပရိတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ ပရိတ္တေ ခန္ဓေ ပဋိစ္စ ကဋတ္တာရူပံ၊ ခန္ဓေ ပဋိစ္စ ဝတ္ထု။ပေ.။ ဧကံ မဟာဘူတံ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ ဧကံ မဟာဘူတံ။ပေ.။။ (၁)
မဟဂ္ဂတံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – မဟဂ္ဂတေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ မဟဂ္ဂတေ ခန္ဓေ ပဋိစ္စ ကဋတ္တာရူပံ။ (၁)
အပ္ပမာဏံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – အပ္ပမာဏေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)
ပရိတ္တဉ္စ အပ္ပမာဏဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – အပ္ပမာဏေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအာရမ္မဏပစ္စယာ – မဟဂ္ဂတေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ မဟဂ္ဂတေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၁)
နအဓိပတိပစ္စယော
၁၂. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအဓိပတိပစ္စယာ – ပရိတ္တံ ဧကံ ခန္ဓံ ပဋိစ္စ တယော ခန္ဓာ။ပေ.။ ပဋိသန္ဓိက္ခဏေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ; ဧကံ မဟာဘူတံ။ပေ.။ အသညသတ္တာနံ။ပေ.။။ (၁)
ပရိတ္တံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နအဓိပတိပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ မဟဂ္ဂတာ ခန္ဓာ။ (၂)
ပရိတ္တံ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ မဟဂ္ဂတာ ခန္ဓာ၊ မဟာဘူတေ ပဋိစ္စ ကဋတ္တာရူပံ။ (၃)
၁၃. မဟဂ္ဂတံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နအဓိပတိပစ္စယာ – မဟဂ္ဂတေ ခန္ဓေ ပဋိစ္စ မဟဂ္ဂတာဓိပတိ၊ ဝိပါကံ မဟဂ္ဂတံ ဧကံ ခန္ဓံ ပဋိစ္စ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအဓိပတိပစ္စယာ – ဝိပါကေ မဟဂ္ဂတေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ မဟဂ္ဂတေ ခန္ဓေ ပဋိစ္စ ကဋတ္တာရူပံ။ (၂)
မဟဂ္ဂတံ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ဝိပါကံ မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။။ (၃)
၁၄. အပ္ပမာဏံ ဓမ္မံ ပဋိစ္စ အပ္ပမာဏော ဓမ္မော ဥပ္ပဇ္ဇတိ နအဓိပတိပစ္စယာ – အပ္ပမာဏေ ခန္ဓေ ပဋိစ္စ အပ္ပမာဏာဓိပတိ။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအဓိပတိပစ္စယာ – ဝိပါကေ မဟဂ္ဂတေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ မဟဂ္ဂတေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နအဓိပတိပစ္စယာ – ပဋိသန္ဓိက္ခဏေ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၂)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ပဋိသန္ဓိက္ခဏေ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ မဟဂ္ဂတေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)
နအနန္တရပစ္စယာဒိ
၁၅. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအနန္တရပစ္စယာ။ နသမနန္တရပစ္စယာ။ နအညမညပစ္စယာ။ နဥပနိဿယပစ္စယာ။
နပုရေဇာတပစ္စယော
၁၆. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ပရိတ္တံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ ပရိတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ ပရိတ္တံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ.။ ဒွေ ခန္ဓေ။ပေ.။ (သဗ္ဗေ မဟာဘူတာ ဝိတ္ထာရေတဗ္ဗာ၊ အရူပေ ပရိတ္တမူလကေ တိဿော ပဉှာ)။
မဟဂ္ဂတံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နပုရေဇာတပစ္စယာ – မဟဂ္ဂတံ ဧကံ ခန္ဓံ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နပုရေဇာတပစ္စယာ – မဟဂ္ဂတေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ မဟဂ္ဂတေ ခန္ဓေ ပဋိစ္စ ကဋတ္တာရူပံ။ (၂)
မဟဂ္ဂတံ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – ပဋိသန္ဓိက္ခဏေ မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ.။ ဒွေ ခန္ဓေ။ပေ.။။ (၃)
၁၇. အပ္ပမာဏံ ဓမ္မံ ပဋိစ္စ အပ္ပမာဏော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အပ္ပမာဏံ ဧကံ ခန္ဓံ။ပေ.။။ (၁)
အပ္ပမာဏံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အပ္ပမာဏေ ခန္ဓေ ပဋိစ္စ စိတ္တသမုဋ္ဌာနံ ရူပံ။(၂)
ပရိတ္တဉ္စ အပ္ပမာဏဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အပ္ပမာဏေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၃)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နပုရေဇာတပစ္စယာ – မဟဂ္ဂတေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ။ပေ.။။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နပုရေဇာတပစ္စယာ – ပဋိသန္ဓိက္ခဏေ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ.။။ (၂)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – ပဋိသန္ဓိက္ခဏေ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ မဟဂ္ဂတေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)
နပစ္ဆာဇာတပစ္စယာဒိ
၁၈. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နပစ္ဆာဇာတပစ္စယာ။ နအာသေဝနပစ္စယာ – ပရိတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ; ဧကံ မဟာဘူတံ။ပေ.။ အသညသတ္တာနံ ဧကံ မဟာဘူတံ။ပေ.။။(၁)
ပရိတ္တံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နအာသေဝနပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ မဟဂ္ဂတာ ခန္ဓာ။ (၂)
ပရိတ္တံ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နအာသေဝနပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ မဟဂ္ဂတာ ခန္ဓာ၊ မဟာဘူတေ ပဋိစ္စ ကဋတ္တာရူပံ။ (၃)
၁၉. မဟဂ္ဂတံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နအာသေဝနပစ္စယာ – ဝိပါကံ မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ။ပေ.။။ (၁) မဟဂ္ဂတံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအာသေဝနပစ္စယာ – မဟဂ္ဂတေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ။ပေ.။။ (၂)
မဟဂ္ဂတံ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နအာသေဝနပစ္စယာ – ဝိပါကံ မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ မဟဂ္ဂတံ ဧကံ ခန္ဓံ။ပေ.။။ (၃)
၂၀. အပ္ပမာဏံ ဓမ္မံ ပဋိစ္စ အပ္ပမာဏော ဓမ္မော ဥပ္ပဇ္ဇတိ နအာသေဝနပစ္စယာ – ဝိပါကံ အပ္ပမာဏံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ။ (၁)
အပ္ပမာဏံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအာသေဝနပစ္စယာ – အပ္ပမာဏေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အပ္ပမာဏံ ဓမ္မံ ပဋိစ္စ ပရိတ္တော စ အပ္ပမာဏော စ ဓမ္မာ ဥပ္ပဇ္ဇန္တိ နအာသေဝနပစ္စယာ – ဝိပါကံ အပ္ပမာဏံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။။ (၃)
၂၁. ပရိတ္တဉ္စ အပ္ပမာဏဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအာသေဝနပစ္စယာ – အပ္ပမာဏေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအာသေဝနပစ္စယာ – မဟဂ္ဂတေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ မဟဂ္ဂတေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နအာသေဝနပစ္စယာ – ပဋိသန္ဓိက္ခဏေ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၂)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နအာသေဝနပစ္စယာ – ပဋိသန္ဓိက္ခဏေ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ မဟဂ္ဂတေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)
နကမ္မပစ္စယော
၂၂. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နကမ္မပစ္စယာ – ပရိတ္တေ ခန္ဓေ ပဋိစ္စ ပရိတ္တာ စေတနာ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ ဧကံ မဟာဘူတံ။ပေ.။။ (၁)
မဟဂ္ဂတံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နကမ္မပစ္စယာ – မဟဂ္ဂတေ ခန္ဓေ ပဋိစ္စ မဟဂ္ဂတာ စေတနာ။ (၁)
အပ္ပမာဏံ ဓမ္မံ ပဋိစ္စ အပ္ပမာဏော ဓမ္မော ဥပ္ပဇ္ဇတိ နကမ္မပစ္စယာ – ကုသလေ အပ္ပမာဏေ ခန္ဓေ ပဋိစ္စ အပ္ပမာဏာ စေတနာ။ (၁)
နဝိပါကပစ္စယော
၂၃. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နဝိပါကပစ္စယာ – ပရိတ္တံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ဧကံ မဟာဘူတံ ပဋိစ္စ တယော မဟာဘူတာ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ; ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ ဧကံ မဟာဘူတံ။ပေ.။။ (၁)
မဟဂ္ဂတံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နဝိပါကပစ္စယာ – မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
မဟဂ္ဂတံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နဝိပါကပစ္စယာ – မဟဂ္ဂတေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
မဟဂ္ဂတံ ဓမ္မံ ပဋိစ္စ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နဝိပါကပစ္စယာ – မဟဂ္ဂတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
အပ္ပမာဏံ ဓမ္မံ ပဋိစ္စ အပ္ပမာဏော ဓမ္မော ဥပ္ပဇ္ဇတိ နဝိပါကပစ္စယာ – ကုသလံ အပ္ပမာဏံ ဧကံ ခန္ဓံ ပဋိစ္စ တယော ခန္ဓာ။ပေ.။။ (၁)
အပ္ပမာဏံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နဝိပါကပစ္စယာ – ကုသလေ အပ္ပမာဏေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အပ္ပမာဏံ ဓမ္မံ ပဋိစ္စ ပရိတ္တော စ အပ္ပမာဏော စ ဓမ္မာ ဥပ္ပဇ္ဇန္တိ နဝိပါကပစ္စယာ – ကုသလံ အပ္ပမာဏံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)
ပရိတ္တဉ္စ အပ္ပမာဏဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နဝိပါကပစ္စယာ – ကုသလေ အပ္ပမာဏေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
ပရိတ္တဉ္စ မဟဂ္ဂတဉ္စ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နဝိပါကပစ္စယာ – မဟဂ္ဂတေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
နအာဟာရပစ္စယာဒိ
၂၄. ပရိတ္တံ ဓမ္မံ ပဋိစ္စ ပရိတ္တော ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ။ ဥတုသမုဋ္ဌာနံ။ အသညသတ္တာနံ (ဝိတ္ထာရေတဗ္ဗံ)။ နဣန္ဒြိယပစ္စယာ – ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ။ပေ.။ မဟာဘူတေ ပဋိစ္စ ရူပဇီဝိတိန္ဒြိယံ၊ နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ။ပေ.။ ဗာဟိရံ။ပေ.။ အသညသတ္တာနံ ဧကံ မဟာဘူတံ ။ပေ.။ (သဗ္ဗေ မဟာဘူတာ ကာတဗ္ဗာ)၊ နမဂ္ဂပစ္စယာ – အဟေတုကံ ပရိတ္တံ ဧကံ ခန္ဓံ။ပေ.။ အဟေတုကပဋိသန္ဓိက္ခဏေ ဧကံ။ပေ.။ (သဗ္ဗေ မဟာဘူတာ ကာတဗ္ဗာ) နသမ္ပယုတ္တပစ္စယာ။ နဝိပ္ပယုတ္တပစ္စယာ – အရူပေ ပရိတ္တံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ။ပေ.။။
မဟဂ္ဂတံ ဓမ္မံ ပဋိစ္စ မဟဂ္ဂတော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ မဟဂ္ဂတံ ဧကံ ခန္ဓံ။ပေ.။။ (၁)
အပ္ပမာဏံ ဓမ္မံ ပဋိစ္စ အပ္ပမာဏော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အပ္ပမာဏံ ဧကံ ခန္ဓံ။ပေ.။ နောနတ္ထိပစ္စယာ။ နောဝိဂတပစ္စယာ။
၂. ပစ္စယပစ္စနီယံ
၂. သင်္ချာဝါရော
၂၅. နဟေတုယာ ဧကံ၊ နအာရမ္မဏေ ပဉ္စ၊ နအဓိပတိယာ ဒသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ နဥပနိဿယေ ပဉ္စ၊ နပုရေဇာတေ ဒွါဒသ၊ နပစ္ဆာဇာတေ တေရသ၊ နအာသေဝနေ တေရသ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ နဈာနေ နမဂ္ဂေ ဧကံ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ (ဧဝံ ဂဏေတဗ္ဗံ)။
ပစ္စနီယံ။
၃. ပစ္စယာနုလောမပစ္စနီယံ
၂၆. ဟေတုပစ္စယာ နအာရမ္မဏေ ပဉ္စ၊ နအဓိပတိယာ ဒသ၊ နအနန္တရေ ပဉ္စ၊ နသမနန္တရေ နအညမညေ နဥပနိဿယေ ပဉ္စ၊ နပုရေဇာတေ ဒွါဒသ၊ နပစ္ဆာဇာတေ တေရသ၊ နအာသေဝနေ တေရသ၊ နကမ္မေ တီဏိ၊ နဝိပါကေ နဝ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ (ဧဝံ ဂဏေတဗ္ဗံ)။
အနုလောမပစ္စနီယံ။
၄. ပစ္စယပစ္စနီယာနုလောမံ
၂၇. နဟေတုပစ္စယာ အာရမ္မဏေ ဧကံ၊ အနန္တရေ ဧကံ။ပေ.။ ဝိဂတေ ဧကံ၊ အဝိဂတေ ဧကံ (ဧဝံ ဂဏေတဗ္ဗံ)။
ပစ္စနီယာနုလောမံ။
ပဋိစ္စဝါရော။
၂. သဟဇာတဝါရော
(သဟဇာတဝါရောပိ ပဋိစ္စဝါရသဒိသော။)
၃. ပစ္စယဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၂၈. ပရိတ္တံ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ ဟေတုပစ္စယာ – ပရိတ္တံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ; ဧကံ မဟာဘူတံ ပစ္စယာ။ပေ.။ ဥပါဒါရူပံ၊ ဝတ္ထုံ ပစ္စယာ ပရိတ္တာ ခန္ဓာ။ (၁)
ပရိတ္တံ ဓမ္မံ ပစ္စယာ မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ မဟဂ္ဂတာ ခန္ဓာ။ ပဋိသန္ဓိက္ခဏေ ဝတ္ထုံ ပစ္စယာ မဟဂ္ဂတာ ခန္ဓာ။ (၂)
ပရိတ္တံ ဓမ္မံ ပစ္စယာ အပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ အပ္ပမာဏာ ခန္ဓာ။ (၃)
ပရိတ္တံ ဓမ္မံ ပစ္စယာ ပရိတ္တော စ အပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ အပ္ပမာဏာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ (၄)
ပရိတ္တံ ဓမ္မံ ပစ္စယာ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ မဟဂ္ဂတာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ ဝတ္ထုံ ပစ္စယာ မဟဂ္ဂတာ ခန္ဓာ။ (၅)
၂၉. မဟဂ္ဂတံ ဓမ္မံ ပစ္စယာ မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ – မဟဂ္ဂတံ ဧကံ ခန္ဓံ ပစ္စယာ တယော ခန္ဓာ။ပေ.။ ပဋိသန္ဓိက္ခဏေ မဟဂ္ဂတံ ဧကံ ခန္ဓံ။ပေ.။။ (၁)
မဟဂ္ဂတံ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ ဟေတုပစ္စယာ – မဟဂ္ဂတေ ခန္ဓေ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ။ပေ.။။ (၂)
မဟဂ္ဂတံ ဓမ္မံ ပစ္စယာ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – မဟဂ္ဂတံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ မဟဂ္ဂတံ ဧကံ ခန္ဓံ။ပေ.။။ (၃)
အပ္ပမာဏံ ဓမ္မံ ပစ္စယာ အပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ – အပ္ပမာဏေ။ တီဏိ။
၃၀. ပရိတ္တဉ္စ အပ္ပမာဏဉ္စ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ ဟေတုပစ္စယာ – အပ္ပမာဏေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၁)
ပရိတ္တဉ္စ အပ္ပမာဏဉ္စ ဓမ္မံ ပစ္စယာ အပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ – အပ္ပမာဏံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။။ (၂)
ပရိတ္တဉ္စ အပ္ပမာဏဉ္စ ဓမ္မံ ပစ္စယာ ပရိတ္တော စ အပ္ပမာဏော စ ဓမ္မာ ဥပ္ပဇ္ဇန္တိ ဟေတုပစ္စယာ – အပ္ပမာဏံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ အပ္ပမာဏေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၃)
ပရိတ္တဉ္စ မဟဂ္ဂတဉ္စ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (ပဋိသန္ဓိက္ခဏေ တီဏိပိ ကာတဗ္ဗာ)။
အာရမ္မဏပစ္စယာဒိ
၃၁. ပရိတ္တံ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ပရိတ္တံ ဧကံ ခန္ဓံ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ ဝတ္ထုံ ပစ္စယာ ခန္ဓာ၊ စက္ခါယတနံ ပစ္စယာ စက္ခုဝိညာဏံ။ပေ.။ ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ ပရိတ္တာ ခန္ဓာ (အဝသေသာ ဆ ပဉှာ ဟေတုပစ္စယသဒိသာ သတ္တ ကာတဗ္ဗာ)၊ အဓိပတိပစ္စယာ (ပဋိသန္ဓိ နတ္ထိ၊ သတ္တရသ ပဉှာ ပရိပုဏ္ဏာ)၊ အနန္တရပစ္စယာ။ပေ.။ အဝိဂတပစ္စယာ။
၁. ပစ္စယာနုလောမံ
၂. သင်္ချာဝါရော
၃၂. ဟေတုယာ သတ္တရသ၊ အာရမ္မဏေ သတ္တ၊ အဓိပတိယာ သတ္တရသ၊ အနန္တရေ သတ္တ၊ သမနန္တရေ သတ္တ၊ သဟဇာတေ သတ္တရသ၊ အညမညေ နဝ၊ နိဿယေ သတ္တရသ၊ ဥပနိဿယေ သတ္တ၊ ပုရေဇာတေ သတ္တ၊ အာသေဝနေ သတ္တ၊ ကမ္မေ သတ္တရသ၊ ဝိပါကေ သတ္တရသ၊ အာဟာရေ သတ္တရသ၊ ဣန္ဒြိယေ ဈာနေ မဂ္ဂေ သတ္တရသ၊ သမ္ပယုတ္တေ သတ္တ၊ ဝိပ္ပယုတ္တေ သတ္တရသ၊ အတ္ထိယာ သတ္တရသ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ သတ္တရသ (ဧဝံ ဂဏေတဗ္ဗံ)
အနုလောမံ။
၂. ပစ္စယပစ္စနီယံ
၁. ဝိဘင်္ဂဝါရော
နဟေတုပစ္စယော
၃၃. ပရိတ္တံ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပရိတ္တံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ အဟေတုကပဋိသန္ဓိက္ခဏေ။ပေ.။ ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ; ဧကံ မဟာဘူတံ။ပေ.။ အသညသတ္တာနံ။ပေ.။ စက္ခါယတနံ ပစ္စယာ စက္ခုဝိညာဏံ။ပေ.။ ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ ပရိတ္တာ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအာရမ္မဏပစ္စယော
၃၄. ပရိတ္တံ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ နအာရမ္မဏပစ္စယာ (ပဋိစ္စဝါရသဒိသံ။ ပဉ္စ)။
နအဓိပတိပစ္စယော
၃၅. ပရိတ္တံ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ နအဓိပတိပစ္စယာ – ပရိတ္တံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။ ၅၃အသညသတ္တာနံ။ပေ.။ စက္ခါယတနံ။ပေ.။ ကာယာယတနံ။ပေ.။ ဝတ္ထုံ ပစ္စယာ ပရိတ္တာ ခန္ဓာ။ (၁)
ပရိတ္တံ ဓမ္မံ ပစ္စယာ မဟဂ္ဂတော ဓမ္မော ဥပ္ပဇ္ဇတိ နအဓိပတိပစ္စယာ – ဝတ္ထုံ ပစ္စယာ မဟဂ္ဂတာဓိပတိ၊ ဝတ္ထုံ ပစ္စယာ ဝိပါကာ မဟဂ္ဂတာ ခန္ဓာ။ ပဋိသန္ဓိက္ခဏေ ဝတ္ထုံ ပစ္စယာ မဟဂ္ဂတာ ခန္ဓာ။ (၂)
ပရိတ္တံ ဓမ္မံ ပစ္စယာ အပ္ပမာဏော ဓမ္မော ဥပ္ပဇ္ဇတိ နအဓိပတိပစ္စယာ – ဝတ္ထုံ ပစ္စယာ အပ္ပမာဏာဓိပတိ။ (၃)
ပရိတ္တံ ဓမ္မံ ပစ္စယာ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ဝတ္ထုံ ပစ္စယာ ဝိပါကာ မဟဂ္ဂတာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ။ပေ.။။ (၄)
၃၆. မဟဂ္ဂတံ ဓမ္မံ ပစ္စယာ မဟဂ္ဂတော ဓမ္မော ဥပ္ပဇ္ဇတိ နအဓိပတိပစ္စယာ – မဟဂ္ဂတေ ခန္ဓေ ပစ္စယာ မဟဂ္ဂတာဓိပတိ၊ ဝိပါကံ မဟဂ္ဂတံ ဧကံ ခန္ဓံ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတံ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ နအဓိပတိပစ္စယာ – ဝိပါကေ မဟဂ္ဂတေ ခန္ဓေ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ။ပေ.။။ (၂)
မဟဂ္ဂတံ ဓမ္မံ ပစ္စယာ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ဝိပါကံ မဟဂ္ဂတံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။။ (၃)
အပ္ပမာဏံ ဓမ္မံ ပစ္စယာ အပ္ပမာဏော ဓမ္မော ဥပ္ပဇ္ဇတိ နအဓိပတိပစ္စယာ – အပ္ပမာဏေ ခန္ဓေ ပစ္စယာ အပ္ပမာဏာဓိပတိ။ (၁)
၃၇. ပရိတ္တဉ္စ အပ္ပမာဏဉ္စ ဓမ္မံ ပစ္စယာ အပ္ပမာဏော ဓမ္မော ဥပ္ပဇ္ဇတိ နအဓိပတိပစ္စယာ – အပ္ပမာဏေ ခန္ဓေ စ ဝတ္ထုဉ္စ ပစ္စယာ အပ္ပမာဏာဓိပတိ။ (၁)
ပရိတ္တဉ္စ မဟဂ္ဂတဉ္စ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ နအဓိပတိပစ္စယာ – ဝိပါကေ မဟဂ္ဂတေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ။ပေ.။။ (၁)
ပရိတ္တဉ္စ မဟဂ္ဂတဉ္စ ဓမ္မံ ပစ္စယာ မဟဂ္ဂတော ဓမ္မော ဥပ္ပဇ္ဇတိ နအဓိပတိပစ္စယာ – မဟဂ္ဂတေ ခန္ဓေ စ ဝတ္ထုဉ္စ ပစ္စယာ မဟဂ္ဂတာဓိပတိ၊ ဝိပါကံ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။။ (၂)
ပရိတ္တဉ္စ မဟဂ္ဂတဉ္စ ဓမ္မံ ပစ္စယာ ပရိတ္တော စ မဟဂ္ဂတော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ဝိပါကံ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ ဝိပါကေ မဟဂ္ဂတေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ ဝိပါကံ မဟဂ္ဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ ဝိပါကေ မဟဂ္ဂတေ ခန္ဓေ စ မဟာဘူတေ စ ပစ္စယာ ကဋတ္တာရူပံ။ (၃)
နအနန္တရပစ္စယာဒိ
၃၈. ပရိတ္တံ ဓမ္မံ ပစ္စယာ ပရိတ္တော ဓမ္မော ဥပ္ပဇ္ဇတိ နအနန္တရပစ္စယာ။ နသမနန္တရပစ္စယာ။ နအညမညပစ္စယာ။ နဥပနိဿယပစ္စယာ။ နပုရေဇာတပစ္စယာ။ (ပဋိစ္စဝါရသဒိသာ ဒွါဒသ ပဉှာ) နပစ္ဆာဇာတပစ္စယာ။ နအာသေဝနပစ္စယာ။ (ပရိပုဏ္ဏံ၊ ဝိပါကောတိ နိဒ္ဒိသိတဗ္ဗံ စိတ္တသမုဋ္ဌာနံ ရူပံ ဝိပါကောတိ န ကာတဗ္ဗံ) နကမ္မပစ္စယာ။ နဝိပါကပစ္စယာ။ (ပဋိသန္ဓိဝိပါကောပိ နတ္ထိ) နအာဟာရပစ္စယာ။ နဣန္ဒြိယပစ္စယာ။ နဈာနပစ္စယာ။ နမဂ္ဂပစ္စယာ။ နသမ္ပယုတ္တပစ္စယာ။ နဝိပ္ပယုတ္တပစ္စယာ။ နောနတ္ထိပစ္စယာ။ နောဝိဂတပစ္စယာ။
၂. ပစ္စယပစ္စနီယံ
၂. သင်္ချာဝါရော
၃၉. နဟေတုယာ ဧကံ၊ နအာရမ္မဏေ ပဉ္စ၊ နအဓိပတိယာ ဒွါဒသ၊ နအနန္တရေ ပဉ္စ၊ နသမနန္တရေ နအညမညေ နဥပနိဿယေ ပဉ္စ၊ နပုရေဇာတေ ဒွါဒသ၊ နပစ္ဆာဇာတေ သတ္တရသ၊ နအာသေဝနေ သတ္တရသ၊ နကမ္မေ သတ္တ၊ နဝိပါကေ သတ္တရသ၊ နအာဟာရေ နဣန္ဒြိယေ နဈာနေ နမဂ္ဂေ ဧကံ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ (ဧဝံ ဂဏေတဗ္ဗံ)။
ပစ္စနီယံ။
၃. ပစ္စယာနုလောမပစ္စနီယံ
၄၀. ဟေတုပစ္စယာ နအာရမ္မဏေ ပဉ္စ၊ နအဓိပတိယာ ဒွါဒသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ ဒွါဒသ၊ နပစ္ဆာဇာတေ သတ္တရသ၊ နအာသေဝနေ သတ္တရသ၊ နကမ္မေ သတ္တ၊ နဝိပါကေ သတ္တရသ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ (ဧဝံ ဂဏေတဗ္ဗံ)။
အနုလောမပစ္စနီယံ။
၄. ပစ္စယပစ္စနီယာနုလောမံ
၄၁. နဟေတုပစ္စယာ အာရမ္မဏေ ဧကံ၊ အနန္တရေ သမနန္တရေ သဟဇာတေ။ပေ.။ ဝိဂတေ အဝိဂတေ ဧကံ (ဧဝံ ဂဏေတဗ္ဗံ)။
ပစ္စနီယာနုလောမံ။
ပစ္စယဝါရော။
၄. နိဿယဝါရော
(နိဿယဝါရော ပစ္စယဝါရသဒိသော။)
၅. သံသဋ္ဌဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၄၂. ပရိတ္တံ ဓမ္မံ သံသဋ္ဌော ပရိတ္တော ဓမ္မော ဥပ္ပဇ္ဇတိ ဟေတုပစ္စယာ – ပရိတ္တံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတံ ဓမ္မံ သံသဋ္ဌော မဟဂ္ဂတော ဓမ္မော ဥပ္ပဇ္ဇတိ ဟေတုပစ္စယာ – မဟဂ္ဂတံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။။ (၁)
အပ္ပမာဏံ ဓမ္မံ သံသဋ္ဌော အပ္ပမာဏော ဓမ္မော ဥပ္ပဇ္ဇတိ ဟေတုပစ္စယာ – အပ္ပမာဏံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ။ပေ.။။ (၁)
အာရမ္မဏပစ္စယာဒိ
၄၃. ပရိတ္တံ ဓမ္မံ သံသဋ္ဌော ပရိတ္တော ဓမ္မော ဥပ္ပဇ္ဇတိ အာရမ္မဏပစ္စယာ။ အဓိပတိပစ္စယာ (ပဋိသန္ဓိ နတ္ထိ)။ အနန္တရပစ္စယာ။ သမနန္တရပစ္စယာ။ သဟဇာတပစ္စယာ။ အညမညပစ္စယာ။ နိဿယပစ္စယာ။ ဥပနိဿယပစ္စယာ။ ပုရေဇာတပစ္စယာ (ပဋိသန္ဓိ နတ္ထိ)။ အာသေဝနပစ္စယာ(ဝိပါကောပိ ပဋိသန္ဓိပိ နတ္ထိ)။ ကမ္မပစ္စယာ။ ဝိပါကပစ္စယာ။ အာဟာရပစ္စယာ။ ဣန္ဒြိယပစ္စယာ။ ဈာနပစ္စယာ။ မဂ္ဂပစ္စယာ။ သမ္ပယုတ္တပစ္စယာ။ ဝိပ္ပယုတ္တပစ္စယာ။ အတ္ထိပစ္စယာ။ နတ္ထိပစ္စယာ။ ဝိဂတပစ္စယာ။ အဝိဂတပစ္စယာ။
၁. ပစ္စယာနုလောမံ
၂. သင်္ချာဝါရော
၄၄. ဟေတုယာ တီဏိ၊ အာရမ္မဏေ တီဏိ၊ အဓိပတိယာ တီဏိ။ပေ.။ အဝိဂတေ တီဏိ (ဧဝံ ဂဏေတဗ္ဗံ)။
အနုလောမံ။
၂. ပစ္စယပစ္စနီယံ
၁. ဝိဘင်္ဂဝါရော
နဟေတုပစ္စယော
၄၅. ပရိတ္တံ ဓမ္မံ သံသဋ္ဌော ပရိတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပရိတ္တံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ။ပေ.။ အဟေတုကပဋိသန္ဓိက္ခဏေ။ပေ.။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအဓိပတိပစ္စယော
၄၆. ပရိတ္တံ ဓမ္မံ သံသဋ္ဌော ပရိတ္တော ဓမ္မော ဥပ္ပဇ္ဇတိ နအဓိပတိပစ္စယာ – ပရိတ္တံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတံ ဓမ္မံ သံသဋ္ဌော မဟဂ္ဂတော ဓမ္မော ဥပ္ပဇ္ဇတိ နအဓိပတိပစ္စယာ – မဟဂ္ဂတေ ခန္ဓေ သံသဋ္ဌာ မဟဂ္ဂတာ အဓိပတိ၊ ဝိပါကံ မဟဂ္ဂတံ ဧကံ ခန္ဓံ သံသဋ္ဌာ။ပေ.။ ပဋိသန္ဓိက္ခဏေ။ပေ.။။ (၁)
အပ္ပမာဏံ ဓမ္မံ သံသဋ္ဌော အပ္ပမာဏော ဓမ္မော ဥပ္ပဇ္ဇတိ နအဓိပတိပစ္စယာ – အပ္ပမာဏေ ခန္ဓေ သံသဋ္ဌာ အပ္ပမာဏာ အဓိပတိ။ (၁)
နပုရေဇာတပစ္စယော
၄၇. ပရိတ္တံ ဓမ္မံ သံသဋ္ဌော ပရိတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ပရိတ္တံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတံ ဓမ္မံ သံသဋ္ဌော မဟဂ္ဂတော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ မဟဂ္ဂတံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ပဋိသန္ဓိက္ခဏေ။ပေ.။။ (၁)
အပ္ပမာဏံ ဓမ္မံ သံသဋ္ဌော အပ္ပမာဏော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အပ္ပမာဏံ ဧကံ ခန္ဓံ သံသဋ္ဌာ တယော ခန္ဓာ။ပေ.။။ (၁)
နပစ္ဆာဇာတ-နအာသေဝနပစ္စယာ
၄၈. ပရိတ္တံ ဓမ္မံ သံသဋ္ဌော ပရိတ္တော ဓမ္မော ဥပ္ပဇ္ဇတိ နပစ္ဆာဇာတပစ္စယာ။ နအာသေဝနပစ္စယာ – ပရိတ္တံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတံ ဓမ္မံ သံသဋ္ဌော မဟဂ္ဂတော ဓမ္မော ဥပ္ပဇ္ဇတိ နအာသေဝနပစ္စယာ – ဝိပါကံ မဟဂ္ဂတံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ပဋိသန္ဓိက္ခဏေ။ပေ.။ ။ (၁)
အပ္ပမာဏံ ဓမ္မံ သံသဋ္ဌော အပ္ပမာဏော ဓမ္မော ဥပ္ပဇ္ဇတိ နအာသေဝနပစ္စယာ – ဝိပါကံ အပ္ပမာဏံ ဧကံ ခန္ဓံ သံသဋ္ဌာ တယော ခန္ဓာ။ပေ.။။ (၁)
နကမ္မပစ္စယော
၄၉. ပရိတ္တံ ဓမ္မံ သံသဋ္ဌော ပရိတ္တော ဓမ္မော ဥပ္ပဇ္ဇတိ နကမ္မပစ္စယာ – ပရိတ္တေ ခန္ဓေ သံသဋ္ဌာ ပရိတ္တာ စေတနာ။ (၁)
မဟဂ္ဂတံ ဓမ္မံ သံသဋ္ဌော မဟဂ္ဂတော ဓမ္မော ဥပ္ပဇ္ဇတိ နကမ္မပစ္စယာ – မဟဂ္ဂတေ ခန္ဓေ သံသဋ္ဌာ မဟဂ္ဂတာ စေတနာ။ (၁)
အပ္ပမာဏံ ဓမ္မံ သံသဋ္ဌော အပ္ပမာဏော ဓမ္မော ဥပ္ပဇ္ဇတိ နကမ္မပစ္စယာ – ကုသလေ အပ္ပမာဏေ ခန္ဓေ သံသဋ္ဌာ အပ္ပမာဏာ စေတနာ။ (၁)
နဝိပါကပစ္စယော
၅၀. ပရိတ္တံ ဓမ္မံ သံသဋ္ဌော ပရိတ္တော ဓမ္မော ဥပ္ပဇ္ဇတိ နဝိပါကပစ္စယာ – ပရိတ္တံ ဧကံ ခန္ဓံ သံသဋ္ဌာ တယော ခန္ဓာ။ပေ.။။ (၁)
မဟဂ္ဂတံ ဓမ္မံ သံသဋ္ဌော မဟဂ္ဂတော ဓမ္မော ဥပ္ပဇ္ဇတိ နဝိပါကပစ္စယာ – မဟဂ္ဂတံ ဧကံ ခန္ဓံ သံသဋ္ဌာ တယော ခန္ဓာ။ပေ.။။ (၁)
အပ္ပမာဏံ ဓမ္မံ သံသဋ္ဌော အပ္ပမာဏော ဓမ္မော ဥပ္ပဇ္ဇတိ နဝိပါကပစ္စယာ – ကုသလံ အပ္ပမာဏံ ဧကံ ခန္ဓံ သံသဋ္ဌာ တယော ခန္ဓာ။ပေ.။။ (၁)
နဈာနပစ္စယာဒိ
၅၁. ပရိတ္တံ ဓမ္မံ သံသဋ္ဌော ပရိတ္တော ဓမ္မော ဥပ္ပဇ္ဇတိ နဈာနပစ္စယာ။ နမဂ္ဂပစ္စယာ။ နဝိပ္ပယုတ္တပစ္စယာ – အရူပေ ပရိတ္တံ ဧကံ ခန္ဓံ သံသဋ္ဌာ တယော ခန္ဓာ။ပေ.။။ (၁)
မဟဂ္ဂတံ ဓမ္မံ သံသဋ္ဌော မဟဂ္ဂတော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ မဟဂ္ဂတံ ဧကံ ခန္ဓံ သံသဋ္ဌာ တယော ခန္ဓာ။ပေ.။။ (၁)
အပ္ပမာဏံ ဓမ္မံ သံသဋ္ဌော အပ္ပမာဏော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အပ္ပမာဏံ ဧကံ ခန္ဓံ သံသဋ္ဌာ တယော ခန္ဓာ။ပေ.။။ (၁)
၂. ပစ္စယပစ္စနီယံ
၂. သင်္ချာဝါရော
၅၂. နဟေတုယာ ဧကံ၊ နအဓိပတိယာ တီဏိ၊ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ တီဏိ (ဧဝံ ဂဏေတဗ္ဗံ)။
ပစ္စနီယံ။
၃. ပစ္စယာနုလောမပစ္စနီယံ
၅၃. ဟေတုပစ္စယာ နအဓိပတိယာ တီဏိ၊ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပါကေ နဝိပ္ပယုတ္တေ တီဏိ (ဧဝံ ဂဏတဗ္ဗံ)။
အနုလောမပစ္စနီယံ။
၄. ပစ္စယပစ္စနီယာနုလောမံ
၅၄. နဟေတုပစ္စယာ အာရမ္မဏေ ဧကံ၊ အနန္တရေ ဧကံ။ပေ.။ အဝိဂတေ ဧက (ဧဝံ ဂဏေတဗ္ဗံ)။
ပစ္စနီယာနုလောမံ။
သံသဋ္ဌဝါရော။
၆. သမ္ပယုတ္တဝါရော
(သမ္ပယုတ္တဝါရော သံသဋ္ဌဝါရသဒိသော)။
၇. ပဉှာဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၅၅. ပရိတ္တော ဓမ္မော ပရိတ္တဿ ဓမ္မဿ ဟေတုပစ္စယေန ပစ္စယော – ပရိတ္တာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ။ပေ.။။ (၁)
မဟဂ္ဂတော ဓမ္မော မဟဂ္ဂတဿ ဓမ္မဿ ဟေတုပစ္စယေန ပစ္စယော။ တီဏိ (ပဝတ္တိပဋိသန္ဓိ ကာတဗ္ဗာ)။
အပ္ပမာဏော ဓမ္မော အပ္ပမာဏဿ ဓမ္မဿ ဟေတုပစ္စယေန ပစ္စယော။ တီဏိ။
အာရမ္မဏပစ္စယော
၅၆. ပရိတ္တော ဓမ္မော ပရိတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ အရိယာ ဂေါတြဘုံ ပစ္စဝေက္ခန္တိ၊ ဝေါဒါနံ ပစ္စဝေက္ခန္တိ၊ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ စက္ခုံ။ပေ.။ ဝတ္ထုံ။ ပရိတ္တေ ခန္ဓေ အနိစ္စတော။ပေ.။ ဝိပဿန္တိ အဿာဒေန္တိ အဘိနန္ဒန္တိ၊ တံ အာရဗ္ဘ ရာဂေါ ဥပ္ပဇ္ဇတိ ။ပေ.။ ဒေါမနဿံ ဥပ္ပဇ္ဇတိ။ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော။ (၁)
ပရိတ္တော ဓမ္မော မဟဂ္ဂတဿ ဓမ္မဿ အာရမ္မဏပစ္စယေန ပစ္စယော – ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ၊ စေတောပရိယဉာဏေန ပရိတ္တစိတ္တသမင်္ဂိဿ စိတ္တံ ဇာနာတိ။ ပရိတ္တာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ ပုဗ္ဗေနိဝါသာနုဿတိဉာဏဿ ယထာကမ္မူပဂဉာဏဿ အနာဂတံသဉာဏဿ အာရမ္မဏပစ္စယေန ပစ္စယော။ (၂)
၅၇. မဟဂ္ဂတော ဓမ္မော မဟဂ္ဂတဿ ဓမ္မဿ အာရမ္မဏပစ္စယေန ပစ္စယော – စေတောပရိယဉာဏေန မဟဂ္ဂတစိတ္တသမင်္ဂိဿ စိတ္တံ ဇာနာတိ၊ အာကာသာနဉ္စာယတနံ ဝိညာဏဉ္စာယတနဿ။ အာကိဉ္စညာယတနံ နေဝသညာနာသညာယတနဿ အာရမ္မဏပစ္စယေန ပစ္စယော ။ မဟဂ္ဂတာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ ပုဗ္ဗေနိဝါသာနုဿတိဉာဏဿ ယထာကမ္မူပဂဉာဏဿ အနာဂတံသဉာဏဿ အာရမ္မဏပစ္စယေန ပစ္စယော။ (၁)
မဟဂ္ဂတော ဓမ္မော ပရိတ္တဿ ဓမ္မဿ အာရမ္မဏပစ္စယေန ပစ္စယော – ပဌမံ ဈာနံ ပစ္စဝေက္ခတိ။ပေ.။ နေဝသညာနာသညာယတနံ ပစ္စဝေက္ခတိ၊ ဒိဗ္ဗံ စက္ခုံ ပစ္စဝေက္ခတိ၊ ဒိဗ္ဗံ သောတဓါတုံ ပစ္စဝေက္ခတိ၊ ဣဒ္ဓိဝိဓဉာဏံ ပစ္စဝေက္ခတိ၊ စေတောပရိယဉာဏံ ပစ္စဝေက္ခတိ၊ ပုဗ္ဗေနိဝါသာနုဿတိဉာဏံ ပစ္စဝေက္ခတိ၊ ယထာကမ္မူပဂဉာဏံ ပစ္စဝေက္ခတိ၊ အနာဂတံသဉာဏံ ပစ္စဝေက္ခတိ။ မဟဂ္ဂတေ ခန္ဓေ အနိစ္စတော။ပေ.။ ဝိပ္ပဿတိ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ (၂)
၅၈. အပ္ပမာဏော ဓမ္မော အပ္ပမာဏဿ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ မဂ္ဂဿ၊ ဖလဿ အာရမ္မဏပစ္စယေန ပစ္စယော။ (၁)
အပ္ပမာဏော ဓမ္မော ပရိတ္တဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)
အပ္ပမာဏော ဓမ္မော မဟဂ္ဂတဿ ဓမ္မဿ အာရမ္မဏပစ္စယေန ပစ္စယော – အရိယာ စေတောပရိယဉာဏေန အပ္ပမာဏစိတ္တသမင်္ဂိဿ စိတ္တံ ဇာနန္တိ၊ အပ္ပမာဏာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ အာရမ္မဏပစ္စယေန ပစ္စယော။ (၃)
အဓိပတိပစ္စယော
၅၉. ပရိတ္တော ဓမ္မော ပရိတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ။ သေက္ခါ ဂေါတြဘုံ ဂရုံ ကတွာ ပစ္စဝေက္ခန္တိ၊ ဝေါဒါနံ ဂရုံ ကတွာ ပစ္စဝေက္ခန္တိ။ စက္ခုံ။ပေ.။ ဝတ္ထုံ။ ပရိတ္တေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – ပရိတ္တာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
မဟဂ္ဂတော ဓမ္မော မဟဂ္ဂတဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဟဂ္ဂတာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
မဟဂ္ဂတော ဓမ္မော ပရိတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ပဌမံ ဈာနံ ဂရုံ ကတွာ။ပေ.။ နေဝသညာနာသညာယတနံ။ပေ.။ ဒိဗ္ဗံ စက္ခုံ။ပေ.။ အနာဂတံသဉာဏံ ဂရုံ ကတွာ ပစ္စဝေက္ခတိ။ မဟဂ္ဂတေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ။ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – မဟဂ္ဂတာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
မဟဂ္ဂတော ဓမ္မော ပရိတ္တဿ စ မဟဂ္ဂတဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – မဟဂ္ဂတာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
၆၀. အပ္ပမာဏော ဓမ္မော အပ္ပမာဏဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – နိဗ္ဗာနံ မဂ္ဂဿ။ ဖလဿ အဓိပတိပစ္စယေန ပစ္စယော။ သဟဇာတာဓိပတိ – အပ္ပမာဏာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
အပ္ပမာဏော ဓမ္မော ပရိတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ အဓိပတိပစ္စယေန ပစ္စယော ။ သဟဇာတာဓိပတိ – အပ္ပမာဏာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
အပ္ပမာဏော ဓမ္မော ပရိတ္တဿ စ အပ္ပမာဏဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အပ္ပမာဏာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
အနန္တရပစ္စယော
၆၁. ပရိတ္တော ဓမ္မော ပရိတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ပရိတ္တာ ခန္ဓာ ပစ္ဆိမာနံ ပစ္ဆိမာနံ ပရိတ္တာနံ ခန္ဓာနံ အနန္တရပစ္စယေန ပစ္စယော။ အနုလောမံ ဂေါတြဘုဿ။ အနုလောမံ ဝေါဒါနဿ။ အာဝဇ္ဇနာ ပရိတ္တာနံ ခန္ဓာနံ အနန္တရပစ္စယေန ပစ္စယော။ (၁)
ပရိတ္တော ဓမ္မော မဟဂ္ဂတဿ ဓမ္မဿ အနန္တရပစ္စယေန ပစ္စယော – ပရိတ္တံ စုတိစိတ္တံ မဟဂ္ဂတဿ ဥပပတ္တိစိတ္တဿ အနန္တရပစ္စယေန ပစ္စယော။ ပရိတ္တာ ခန္ဓာ မဟဂ္ဂတဿ ဝုဋ္ဌာနဿ အနန္တရပစ္စယေန ပစ္စယော။ ပဌမဿ ဈာနဿ ပရိကမ္မံ။ပေ.။ နေဝသညာနာသညာယတနဿ ပရိကမ္မံ။ပေ.။ ဒိဗ္ဗဿ စက္ခုဿ ပရိကမ္မံ။ပေ.။ အနာဂတံသဉာဏဿ ပရိကမ္မံ အနာဂတံသဉာဏဿ အနန္တရပစ္စယေန ပစ္စယော။ (၂)
ပရိတ္တော ဓမ္မော အပ္ပမာဏဿ ဓမ္မဿ အနန္တရပစ္စယေန ပစ္စယော – ဂေါတြဘု မဂ္ဂဿ။ ဝေါဒါနံ မဂ္ဂဿ။ အနုလောမံ ဖလသမာပတ္တိယာ အနန္တရပစ္စယေန ပစ္စယော။ (၃)
၆၂. မဟဂ္ဂတော ဓမ္မော မဟဂ္ဂတဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ မဟဂ္ဂတာ ခန္ဓာ ပစ္ဆိမာနံ ပစ္ဆိမာနံ မဟဂ္ဂတာနံ ခန္ဓာနံ အနန္တရပစ္စယေန ပစ္စယော။ (၁)
မဟဂ္ဂတော ဓမ္မော ပရိတ္တဿ ဓမ္မဿ အနန္တရပစ္စယေန ပစ္စယော – မဟဂ္ဂတံ စုတိစိတ္တံ ပရိတ္တဿ ဥပပတ္တိစိတ္တဿ အနန္တရပစ္စယေန ပစ္စယော။ မဟဂ္ဂတံ ဘဝင်္ဂံ အာဝဇ္ဇနာယ အနန္တရပစ္စယေန ပစ္စယော။ မဟဂ္ဂတာ ခန္ဓာ ပရိတ္တဿ ဝုဋ္ဌာနဿ အနန္တရပစ္စယေန ပစ္စယော။ (၂)
မဟဂ္ဂတော ဓမ္မော အပ္ပမာဏဿ ဓမ္မဿ အနန္တရပစ္စယေန ပစ္စယော – နေဝသညာနာသညာယတနံ နိရောဓါ ဝုဋ္ဌဟန္တဿ ဖလသမာပတ္တိယာ အနန္တရပစ္စယေန ပစ္စယော။ (၃)
၆၃. အပ္ပမာဏော ဓမ္မော အပ္ပမာဏဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အပ္ပမာဏာ ခန္ဓာ ပစ္ဆိမာနံ ပစ္ဆိမာနံ အပ္ပမာဏာနံ ခန္ဓာနံ အနန္တရပစ္စယေန ပစ္စယော။ မဂ္ဂေါ ဖလဿ။ ဖလံ ဖလဿ အနန္တရပစ္စယေန ပစ္စယော။ (၁)
အပ္ပမာဏော ဓမ္မော ပရိတ္တဿ ဓမ္မဿ အနန္တရပစ္စယေန ပစ္စယော – ဖလံ ပရိတ္တဿ ဝုဋ္ဌာနဿ အနန္တရပစ္စယေန ပစ္စယော။ (၂)
အပ္ပမာဏော ဓမ္မော မဟဂ္ဂတဿ ဓမ္မဿ အနန္တရပစ္စယေန ပစ္စယော – ဖလံ မဟဂ္ဂတဿ ဝုဋ္ဌာနဿ အနန္တရပစ္စယေန ပစ္စယော။ (၃)
(သမနန္တရပစ္စယံ အနန္တရပစ္စယသဒိသံ။)
သဟဇာတပစ္စယော
၆၄. ပရိတ္တော ဓမ္မော ပရိတ္တဿ ဓမ္မဿ သဟဇာတပစ္စယေန ပစ္စယော – ပရိတ္တော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။ ခန္ဓာ ဝတ္ထုဿ၊ ဝတ္ထု ခန္ဓာနံ သဟဇာတပစ္စယေန ပစ္စယော; ဧကံ မဟာဘူတံ။ပေ.။ အသညသတ္တာနံ။ပေ.။။ (၁)
ပရိတ္တော ဓမ္မော မဟဂ္ဂတဿ ဓမ္မဿ သဟဇာတပစ္စယေန ပစ္စယော – ပဋိသန္ဓိက္ခဏေ ဝတ္ထု မဟဂ္ဂတာနံ ခန္ဓာနံ သဟဇာတပစ္စယေန ပစ္စယော။ (၂)
၆၅. မဟဂ္ဂတော ဓမ္မော မဟဂ္ဂတဿ ဓမ္မဿ သဟဇာတပစ္စယေန ပစ္စယော – မဟဂ္ဂတော ဧကော ခန္ဓော တိဏ္ဏန္နံ ခန္ဓာနံ။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတော ဓမ္မော ပရိတ္တဿ ဓမ္မဿ သဟဇာတပစ္စယေန ပစ္စယော – မဟဂ္ဂတာ ခန္ဓာ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ မဟဂ္ဂတာ ခန္ဓာ ကဋတ္တာရူပါနံ သဟဇာတပစ္စယေန ပစ္စယော။ (၂)
မဟဂ္ဂတော ဓမ္မော ပရိတ္တဿ စ မဟဂ္ဂတဿ စ ဓမ္မဿ သဟဇာတပစ္စယေန ပစ္စယော – မဟဂ္ဂတော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။။ (၃)
၆၆. အပ္ပမာဏော ဓမ္မော အပ္ပမာဏဿ ဓမ္မဿ သဟဇာတပစ္စယေန ပစ္စယော – အပ္ပမာဏော ဧကော ခန္ဓော တိဏ္ဏန္နံ ခန္ဓာနံ သဟဇာတပစ္စယေန ပစ္စယော။ပေ.။။ (၁)
အပ္ပမာဏော ဓမ္မော ပရိတ္တဿ ဓမ္မဿ သဟဇာတပစ္စယေန ပစ္စယော – အပ္ပမာဏာ ခန္ဓာ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ (၂)
အပ္ပမာဏော ဓမ္မော ပရိတ္တဿ စ အပ္ပမာဏဿ စ ဓမ္မဿ သဟဇာတပစ္စယေန ပစ္စယော – အပ္ပမာဏော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ပေ.။။ (၃)
၆၇. ပရိတ္တော စ အပ္ပမာဏော စ ဓမ္မာ ပရိတ္တဿ ဓမ္မဿ သဟဇာတပစ္စယေန ပစ္စယော – အပ္ပမာဏာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ (၁)
ပရိတ္တော စ မဟဂ္ဂတော စ ဓမ္မာ ပရိတ္တဿ ဓမ္မဿ သဟဇာတပစ္စယေန ပစ္စယော – မဟဂ္ဂတာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ မဟဂ္ဂတာ ခန္ဓာ စ မဟာဘူတာ စ ကဋတ္တာရူပါနံ သဟဇာတပစ္စယေန ပစ္စယော။ (၁)
ပရိတ္တော စ မဟဂ္ဂတော စ ဓမ္မာ မဟဂ္ဂတဿ ဓမ္မဿ သဟဇာတပစ္စယေန ပစ္စယော – ပဋိသန္ဓိက္ခဏေ မဟဂ္ဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ သဟဇာတပစ္စယေန ပစ္စယော။ပေ.။။ (၂)
အညမညပစ္စယော
၆၈. ပရိတ္တော ဓမ္မော ပရိတ္တဿ ဓမ္မဿ အညမညပစ္စယေန ပစ္စယော – ပရိတ္တော ဧကော ခန္ဓော တိဏ္ဏန္နံ ခန္ဓာနံ အညမညပစ္စယေန ပစ္စယော။ပေ.။ ပဋိသန္ဓိက္ခဏေ။ပေ.။ ခန္ဓာ ဝတ္ထုဿ။ပေ.။ ဝတ္ထု ခန္ဓာနံ အညမညပစ္စယေန ပစ္စယော; ဧကံ မဟာဘူတံ။ပေ.။ အသညသတ္တာနံ။ပေ.။။ (၁)
ပရိတ္တော ဓမ္မော မဟဂ္ဂတဿ ဓမ္မဿ အညမညပစ္စယေန ပစ္စယော။ပေ.။ ပဋိသန္ဓိက္ခဏေ ဝတ္ထု မဟဂ္ဂတာနံ ခန္ဓာနံ အညမညပစ္စယေန ပစ္စယော။ပေ.။။ (၂)
မဟဂ္ဂတော ဓမ္မော မဟဂ္ဂတဿ ဓမ္မဿ အညမညပစ္စယေန ပစ္စယော – မဟဂ္ဂတော ဧကော ခန္ဓော တိဏ္ဏန္နံ ခန္ဓာနံ အညမညပစ္စယေန ပစ္စယော။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတော ဓမ္မော ပရိတ္တဿ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ မဟဂ္ဂတာ ခန္ဓာ ဝတ္ထုဿ အညမညပစ္စယေန ပစ္စယော။ (၂)
မဟဂ္ဂတော ဓမ္မော ပရိတ္တဿ စ မဟဂ္ဂတဿ စ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ မဟဂ္ဂတော ဧကော ခန္ဓော တိဏ္ဏန္နံ ခန္ဓာနံ ဝတ္ထုဿ စ အညမညပစ္စယေန ပစ္စယော။ပေ.။။ (၃)
အပ္ပမာဏော ဓမ္မော အပ္ပမာဏဿ ဓမ္မဿ အညမညပစ္စယေန ပစ္စယော – အပ္ပမာဏော ဧကော ခန္ဓော တိဏ္ဏန္နံ ခန္ဓာနံ အညမညပစ္စယေန ပစ္စယော။ပေ.။ ဒွေ ခန္ဓာ။ပေ.။။ (၁)
ပရိတ္တော စ မဟဂ္ဂတော စ ဓမ္မာ မဟဂ္ဂတဿ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ မဟဂ္ဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အညမညပစ္စယေန ပစ္စယော။ပေ.။။ (၁)
နိဿယပစ္စယော
၆၉. ပရိတ္တော ဓမ္မော ပရိတ္တဿ ဓမ္မဿ နိဿယပစ္စယေန ပစ္စယော – ပရိတ္တော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ နိဿယပစ္စယေန ပစ္စယော။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။ ခန္ဓာ ဝတ္ထုဿ။ပေ.။ ဝတ္ထု ခန္ဓာနံ နိဿယပစ္စယေန ပစ္စယော။ပေ.။ ဧကံ မဟာဘူတံ။ပေ.။ အသညသတ္တာနံ ဧကံ မဟာဘူတံ။ပေ.။ စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ။ ဝတ္ထု ပရိတ္တာနံ ခန္ဓာနံ နိဿယပစ္စယေန ပစ္စယော။ (၁)
ပရိတ္တော ဓမ္မော မဟဂ္ဂတဿ ဓမ္မဿ နိဿယပစ္စယေန ပစ္စယော – ဝတ္ထု မဟဂ္ဂတာနံ ခန္ဓာနံ နိဿယပစ္စယေန ပစ္စယော။ ပဋိသန္ဓိက္ခဏေ ဝတ္ထု မဟဂ္ဂတာနံ ခန္ဓာနံ နိဿယပစ္စယေန ပစ္စယော။ (၂)
ပရိတ္တော ဓမ္မော အပ္ပမာဏဿ ဓမ္မဿ နိဿယပစ္စယေန ပစ္စယော – ဝတ္ထု အပ္ပမာဏာနံ ခန္ဓာနံ နိဿယပစ္စယေန ပစ္စယော။ (၃)
၇၀. မဟဂ္ဂတော ဓမ္မော မဟဂ္ဂတဿ ဓမ္မဿ နိဿယပစ္စယေန ပစ္စယော – မဟဂ္ဂတော ဧကော ခန္ဓော တိဏ္ဏန္နံ ခန္ဓာနံ။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတော ဓမ္မော ပရိတ္တဿ ဓမ္မဿ နိဿယပစ္စယေန ပစ္စယော – မဟဂ္ဂတာ ခန္ဓာ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ ပဋိသန္ဓိက္ခဏေ မဟဂ္ဂတာ ခန္ဓာ ကဋတ္တာရူပါနံ နိဿယပစ္စယေန ပစ္စယော။ (၂)
မဟဂ္ဂတော ဓမ္မော ပရိတ္တဿ စ မဟဂ္ဂတဿ စ ဓမ္မဿ နိဿယပစ္စယေန ပစ္စယော – မဟဂ္ဂတော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ နိဿယပစ္စယေန ပစ္စယော။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။။ (၃)
၇၁. အပ္ပမာဏော ဓမ္မော အပ္ပမာဏဿ ဓမ္မဿ နိဿယပစ္စယေန ပစ္စယော – အပ္ပမာဏော ဧကော ခန္ဓော တိဏ္ဏန္နံ ခန္ဓာနံ နိဿယပစ္စယေန ပစ္စယော။ပေ.။။ (၁)
အပ္ပမာဏော ဓမ္မော ပရိတ္တဿ ဓမ္မဿ နိဿယပစ္စယေန ပစ္စယော – အပ္ပမာဏာ ခန္ဓာ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ (၂)
အပ္ပမာဏော ဓမ္မော ပရိတ္တဿ စ အပ္ပမာဏဿ စ ဓမ္မဿ နိဿယပစ္စယေန ပစ္စယော – အပ္ပမာဏော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ နိဿယပစ္စယေန ပစ္စယော။ပေ.။။ (၃)
ပရိတ္တော စ အပ္ပမာဏော စ ဓမ္မာ ပရိတ္တဿ ဓမ္မဿ နိဿယပစ္စယေန ပစ္စယော – အပ္ပမာဏာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ (၁)
ပရိတ္တော စ အပ္ပမာဏော စ ဓမ္မာ အပ္ပမာဏဿ ဓမ္မဿ နိဿယပစ္စယေန ပစ္စယော – အပ္ပမာဏော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ နိဿယပစ္စယေန ပစ္စယော။ပေ.။ ဒွေ ခန္ဓာ။ပေ.။။ (၂)
ပရိတ္တော စ မဟဂ္ဂတော စ ဓမ္မာ ပရိတ္တဿ ဓမ္မဿ နိဿယပစ္စယေန ပစ္စယော – မဟဂ္ဂတာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ ပဋိသန္ဓိက္ခဏေ မဟဂ္ဂတာ ခန္ဓာ စ မဟာဘူတာ စ ကဋတ္တာရူပါနံ နိဿယပစ္စယေန ပစ္စယော။ (၁)
ပရိတ္တော စ မဟဂ္ဂတော စ ဓမ္မာ မဟဂ္ဂတဿ ဓမ္မဿ နိဿယပစ္စယေန ပစ္စယော – မဟဂ္ဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ နိဿယပစ္စယေန ပစ္စယော။ပေ.။ ပဋိသန္ဓိက္ခဏေ မဟဂ္ဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ နိဿယပစ္စယေန ပစ္စယော။ပေ.။ ဒွေ ခန္ဓာ။ပေ.။။ (၂)
ဥပနိဿယပစ္စယော
၇၂. ပရိတ္တော ဓမ္မော ပရိတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ပရိတ္တံ သဒ္ဓံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ဝိပဿနံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ၊ ပရိတ္တံ သီလံ။ပေ.။ ပညံ။ ရာဂံ။ပေ.။ ပတ္ထနံ။ ကာယိကံ သုခံ။ပေ.။ သေနာသနံ ဥပနိဿာယ ဒါနံ ဒေတိ၊ သီလံ။ပေ.။ ဥပေါသထံ။ပေ.။ ဝိပဿနံ ဥပ္ပါဒေတိ၊ ပါဏံ ဟနတိ။ပေ.။ သံဃံ ဘိန္ဒတိ။ ပရိတ္တာ သဒ္ဓါ။ပေ.။ ပညာ၊ ရာဂေါ။ပေ.။ ပတ္ထနာ၊ ကာယိကံ သုခံ။ပေ.။ သေနာသနံ ပရိတ္တာယ သဒ္ဓါယ။ပေ.။ ပညာယ ၊ ရာဂဿ။ပေ.။ ပတ္ထနာယ၊ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ ကုသလာကုသလံ ကမ္မံ ဝိပါကဿ ဥပနိဿယပစ္စယေန ပစ္စယော။ ပါဏာတိပါတော ပါဏာတိပါတဿ ဥပနိဿယပစ္စယေန ပစ္စယော (စက္ကံ ကာတဗ္ဗံ)။ မာတုဃာတိကမ္မံ မာတုဃာတိကမ္မဿ ဥပနိဿယပစ္စယေန ပစ္စယော (စက္ကံ ကာတဗ္ဗံ ကုသလတ္တိကသဒိသံ)။ (၁)
ပရိတ္တော ဓမ္မော မဟဂ္ဂတဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ပရိတ္တံ သဒ္ဓံ ဥပနိဿာယ မဟဂ္ဂတံ ဈာနံ ဥပ္ပါဒေတိ၊ အဘိညံ ဥပ္ပါဒေတိ၊ သမာပတ္တိံ ဥပ္ပါဒေတိ။ ပရိတ္တံ သီလံ။ပေ.။ ပညံ။ ရာဂံ။ပေ.။ သေနာသနံ ဥပနိဿာယ မဟဂ္ဂတံ ဈာနံ ဥပ္ပါဒေတိ၊ အဘိညံ ဥပ္ပါဒေတိ၊ သမာပတ္တိံ ဥပ္ပါဒေတိ။ ပရိတ္တာ သဒ္ဓါ။ပေ.။ သေနာသနံ မဟဂ္ဂတာယ သဒ္ဓါယ။ပေ.။ ပညာယ ဥပနိဿယပစ္စယေန ပစ္စယော။ ပဌမဿ ဈာနဿ ပရိကမ္မံ။ပေ.။ နေဝသညာနာသညာယတနဿ ပရိကမ္မံ နေဝသညာနာသညာယတနဿ ဥပနိဿယပစ္စယေန ပစ္စယော။ ဒိဗ္ဗဿ စက္ခုဿ ပရိကမ္မံ။ပေ.။ အနာဂတံသဉာဏဿ ပရိကမ္မံ။ပေ.။။ (၂)
ပရိတ္တော ဓမ္မော အပ္ပမာဏဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော ပရိတ္တံ သဒ္ဓံ ဥပနိဿာယ အပ္ပမာဏံ ဈာနံ ဥပ္ပါဒေတိ၊ မဂ္ဂံ ဥပ္ပါဒေတိ၊ ဖလသမာပတ္တိံ ဥပ္ပါဒေတိ။ ပရိတ္တံ သီလံ။ပေ.။ ပညံ။ ရာဂံ။ပေ.။ ပတ္ထနံ။ ကာယိကံ သုခံ။ပေ.။ သေနာသနံ ဥပနိဿာယ အပ္ပမာဏံ ဈာနံ ဥပ္ပါဒေတိ၊ မဂ္ဂံ ဥပ္ပါဒေတိ၊ ဖလသမာပတ္တိံ ဥပ္ပါဒေတိ။ ပရိတ္တာ သဒ္ဓါ။ပေ.။ သေနာသနံ အပ္ပမာဏာယ သဒ္ဓါယ။ပေ.။ ပညာယ၊ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ ပဌမဿ မဂ္ဂဿ ပရိကမ္မံ ပဌမဿ မဂ္ဂဿ။ပေ.။ စတုတ္ထဿ မဂ္ဂဿ ပရိကမ္မံ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၃)
၇၃. မဟဂ္ဂတော ဓမ္မော မဟဂ္ဂတဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – မဟဂ္ဂတံ သဒ္ဓံ ဥပနိဿာယ မဟဂ္ဂတံ ဈာနံ ဥပ္ပါဒေတိ၊ အဘိညံ ဥပ္ပါဒေတိ၊ သမာပတ္တိံ ဥပ္ပါဒေတိ။ မဟဂ္ဂတံ သီလံ။ပေ.။ ပညံ ဥပနိဿာယ မဟဂ္ဂတံ ဈာနံ ဥပ္ပါဒေတိ၊ အဘိညံ ဥပ္ပါဒေတိ၊ သမာပတ္တိံ ဥပ္ပါဒေတိ။ မဟဂ္ဂတာ သဒ္ဓါ။ပေ.။ ပညာ မဟဂ္ဂတာယ သဒ္ဓါယ။ပေ.။ ပညာယ ဥပနိဿယပစ္စယေန ပစ္စယော။ ပဌမံ ဈာနံ ဒုတိယဿ ဈာနဿ။ပေ.။ အာကိဉ္စညာယတနံ နေဝသညာနာသညာယတနဿ ဥပနိဿယပစ္စယေန ပစ္စယော။ (၁)
မဟဂ္ဂတော ဓမ္မော ပရိတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – မဟဂ္ဂတံ သဒ္ဓံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ဝိပဿနံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ၊ မဟဂ္ဂတံ သီလံ။ပေ.။ ပညံ ဥပနိဿာယ ဒါနံ ဒေတိ။ပေ.။ ဝိပဿနံ ဥပ္ပါဒေတိ။ပေ.။ မဟဂ္ဂတာ သဒ္ဓါ။ပေ.။ ပညာ ပရိတ္တာယ သဒ္ဓါယ။ပေ.။ ပညာယ။ပေ.။ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၂)
မဟဂ္ဂတော ဓမ္မော အပ္ပမာဏဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – မဟဂ္ဂတံ သဒ္ဓံ ဥပနိဿာယ အပ္ပမာဏံ ဈာနံ ဥပ္ပါဒေတိ၊ မဂ္ဂံ ဥပ္ပါဒေတိ၊ ဖလသမာပတ္တိံ ဥပ္ပါဒေတိ ။ မဟဂ္ဂတံ သီလံ။ပေ.။ ပညံ ဥပနိဿာယ အပ္ပမာဏံ ဈာနံ ဥပ္ပါဒေတိ၊ မဂ္ဂံ ဥပ္ပါဒေတိ၊ ဖလသမာပတ္တိံ ဥပ္ပါဒေတိ။ မဟဂ္ဂတာ သဒ္ဓါ။ပေ.။ ပညာ အပ္ပမာဏာယ သဒ္ဓါယ။ပေ.။ ပညာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၃)
၇၄. အပ္ပမာဏော ဓမ္မော အပ္ပမာဏဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – အပ္ပမာဏံ သဒ္ဓံ ဥပနိဿာယ အပ္ပမာဏံ ဈာနံ ဥပ္ပါဒေတိ၊ မဂ္ဂံ ဥပ္ပါဒေတိ၊ ဖလသမာပတ္တိံ ဥပ္ပါဒေတိ။ အပ္ပမာဏံ သီလံ။ပေ.။ ပညံ ဥပနိဿာယ အပ္ပမာဏံ ဈာနံ ဥပ္ပါဒေတိ၊ မဂ္ဂံ ဥပ္ပါဒေတိ၊ ဖလသမာပတ္တိံ ဥပ္ပါဒေတိ။ အပ္ပမာဏာ သဒ္ဓါ။ပေ.။ ပညာ အပ္ပမာဏာယ သဒ္ဓါယ။ပေ.။ ပညာယ ဥပနိဿယပစ္စယေန ပစ္စယော။ ပဌမော မဂ္ဂေါ ဒုတိယဿ မဂ္ဂဿ။ပေ.။ တတိယော မဂ္ဂေါ စတုတ္ထဿ မဂ္ဂဿ။ မဂ္ဂေါ ဖလသမာပတ္တိယာ ဥပနိဿယပစ္စယေန ပစ္စယော။ (၁)
အပ္ပမာဏော ဓမ္မော ပရိတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – အပ္ပမာဏံ သဒ္ဓံ ဥပနိဿာယ ဒါနံ ဒေတိ၊ သီလံ။ပေ.။ ဥပေါသထကမ္မံ။ ဝိပဿနံ ဥပ္ပါဒေတိ။ အပ္ပမာဏံ သီလံ။ပေ.။ ပညံ ဥပနိဿာယ ဒါနံ ဒေတိ၊ သီလံ။ပေ.။ ဥပေါသထကမ္မံ။ ဝိပဿနံ။ အပ္ပမာဏာ သဒ္ဓါ။ပေ.။ ပညာ ပရိတ္တာယ သဒ္ဓါယ။ပေ.။ ပညာယ။ပေ.။ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ ဖလသမာပတ္တိ ကာယိကဿ သုခဿ ဥပနိဿယပစ္စယေန ပစ္စယော။ အရိယာ မဂ္ဂံ ဥပနိဿာယ သင်္ခါရေ အနိစ္စတော။ပေ.။ ဝိပဿန္တိ၊ မဂ္ဂေါ အရိယာနံ အတ္ထပ္ပဋိသမ္ဘိဒါယ။ပေ.။ ပဋိဘာနပ္ပဋိသမ္ဘိဒါယ။ ဌာနာဌာနကောသလ္လဿ ဥပနိဿယပစ္စယေန ပစ္စယော။ (၂)
အပ္ပမာဏော ဓမ္မော မဟဂ္ဂတဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – အပ္ပမာဏံ သဒ္ဓံ ဥပနိဿာယ မဟဂ္ဂတံ ဈာနံ ဥပ္ပါဒေတိ၊ အဘိညံ ဥပ္ပါဒေတိ၊ သမာပတ္တိံ ဥပ္ပါဒေတိ၊ အပ္ပမာဏံ သီလံ။ပေ.။ ပညံ ဥပနိဿာယ မဟဂ္ဂတံ ဈာနံ ဥပ္ပါဒေတိ၊ အဘိညံ ဥပ္ပါဒေတိ၊ သမာပတ္တိံ ဥပ္ပါဒေတိ။ အပ္ပမာဏာ သဒ္ဓါ။ပေ.။ ပညာ မဟဂ္ဂတာယ သဒ္ဓါယ။ပေ.။ ပညာယ ဥပနိဿယပစ္စယေန ပစ္စယော၊ အရိယာ မဂ္ဂံ ဥပနိဿာယ အနုပ္ပန္နံ သမာပတ္တိံ ဥပ္ပါဒေန္တိ၊ ဥပ္ပန္နံ သမာပဇ္ဇန္တိ။ (၃)
ပုရေဇာတပစ္စယော
၇၅. ပရိတ္တော ဓမ္မော ပရိတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အနိစ္စတော။ပေ.။ ဝိပဿတိ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ သောတံ။ပေ.။ ဝတ္ထုံ အနိစ္စတော။ပေ.။ ဒေါမနဿံ ဥပ္ပဇ္ဇတိ။ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ။ ဝတ္ထု ပရိတ္တာနံ ခန္ဓာနံ ပုရေဇာတပစ္စယေန ပစ္စယော။ (၁)
ပရိတ္တော ဓမ္မော မဟဂ္ဂတဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု မဟဂ္ဂတာနံ ခန္ဓာနံ ပုရေဇာတပစ္စယေန ပစ္စယော။ (၂)
ပရိတ္တော ဓမ္မော အပ္ပမာဏဿ ဓမ္မဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – ဝတ္ထု အပ္ပမာဏာနံ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယော
၇၆. ပရိတ္တော ဓမ္မော ပရိတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ပရိတ္တာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
မဟဂ္ဂတော ဓမ္မော ပရိတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ မဟဂ္ဂတာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အပ္ပမာဏော ဓမ္မော ပရိတ္တဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အပ္ပမာဏာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသေဝနပစ္စယော
၇၇. ပရိတ္တော ဓမ္မော ပရိတ္တဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ ပရိတ္တာ ခန္ဓာ ပစ္ဆိမာနံ ပစ္ဆိမာနံ ပရိတ္တာနံ ခန္ဓာနံ။ပေ.။ အနုလောမံ ဂေါတြဘုဿ၊ အနုလောမံ ဝေါဒါနဿ အာသေဝနပစ္စယေန ပစ္စယော။ (၁)
ပရိတ္တော ဓမ္မော မဟဂ္ဂတဿ ဓမ္မဿ အာသေဝနပစ္စယေန ပစ္စယော – ပဌမဿ ဈာနဿ ပရိကမ္မံ တဿေဝ [ပဌမဿ ဈာနဿ (?)] အာသေဝနပစ္စယေန ပစ္စယော။ပေ.။ နေဝသညာနာသညာယတနဿ ပရိကမ္မံ တဿေဝ [နေဝသညာနာသညာယတနဿ (?) အညေသု တိကေသု ဩလောကေတဗ္ဗံ] အာသေဝနပစ္စယေန ပစ္စယော။ ဒိဗ္ဗဿ စက္ခုဿ ပရိကမ္မံ။ပေ.။ အနာဂတံသဉာဏဿ ပရိကမ္မံ အနာဂတံသဉာဏဿ အာသေဝနပစ္စယေန ပစ္စယော။ (၂)
ပရိတ္တော ဓမ္မော အပ္ပမာဏဿ ဓမ္မဿ အာသေဝနပစ္စယေန ပစ္စယော – ဂေါတြဘု မဂ္ဂဿ။ ဝေါဒါနံ မဂ္ဂဿ အာသေဝနပစ္စယေန ပစ္စယော။ (၃)
မဟဂ္ဂတော ဓမ္မော မဟဂ္ဂတဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ မဟဂ္ဂတာ ခန္ဓာ ပစ္ဆိမာနံ ပစ္ဆိမာနံ မဟဂ္ဂတာနံ ခန္ဓာနံ။ပေ.။ အာသေဝနပစ္စယေန ပစ္စယော။ (၁)
ကမ္မပစ္စယော
၇၈. ပရိတ္တော ဓမ္မော ပရိတ္တဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – ပရိတ္တာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ ပရိတ္တာ စေတနာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ နာနာက္ခဏိကာ – ပရိတ္တာ စေတနာ ဝိပါကာနံ ပရိတ္တာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
မဟဂ္ဂတော ဓမ္မော မဟဂ္ဂတဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – မဟဂ္ဂတာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ မဟဂ္ဂတာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – မဟဂ္ဂတာ စေတနာ ဝိပါကာနံ မဟဂ္ဂတာနံ ခန္ဓာနံ ကမ္မပစ္စယေန ပစ္စယော။ (၁)
မဟဂ္ဂတော ဓမ္မော ပရိတ္တဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – မဟဂ္ဂတာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ မဟဂ္ဂတာ စေတနာ ကဋတ္တာရူပါနံ ကမ္မပစ္စယေန ပစ္စယော။ နာနာက္ခဏိကာ – မဟဂ္ဂတာ စေတနာ ကဋတ္တာရူပါနံ ကမ္မပစ္စယေန ပစ္စယော။ (၂)
မဟဂ္ဂတော ဓမ္မော ပရိတ္တဿ စ မဟဂ္ဂတဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – မဟဂ္ဂတာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ မဟဂ္ဂတာ စေတနာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ နာနာက္ခဏိကာ – မဟဂ္ဂတာ စေတနာ ဝိပါကာနံ မဟဂ္ဂတာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၃)
၇၉. အပ္ပမာဏော ဓမ္မော အပ္ပမာဏဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အပ္ပမာဏာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – အပ္ပမာဏာ စေတနာ ဝိပါကာနံ အပ္ပမာဏာနံ ခန္ဓာနံ ကမ္မပစ္စယေန ပစ္စယော။ (၁)
အပ္ပမာဏော ဓမ္မော ပရိတ္တဿ ဓမ္မဿ ကမ္မပစ္စယေန ပစ္စယော – အပ္ပမာဏာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော ။ (၂)
အပ္ပမာဏော ဓမ္မော ပရိတ္တဿ စ အပ္ပမာဏဿ စ ဓမ္မဿ ကမ္မပစ္စယေန ပစ္စယော – အပ္ပမာဏာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယော
၈၀. ပရိတ္တော ဓမ္မော ပရိတ္တဿ ဓမ္မဿ ဝိပါကပစ္စယေန ပစ္စယော – ဝိပါကော ပရိတ္တော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော။ပေ.။ ပဋိသန္ဓိက္ခဏေ။ပေ.။ ခန္ဓာ ဝတ္ထုဿ ဝိပါကပစ္စယေန ပစ္စယော။ (၁)
မဟဂ္ဂတော ဓမ္မော မဟဂ္ဂတဿ ဓမ္မဿ ဝိပါကပစ္စယေန ပစ္စယော။ပေ.။ (တိဿော ပဉှာ၊ ပဝတ္တိပဋိသန္ဓိ ကာတဗ္ဗာ)။ (၃)
အပ္ပမာဏော ဓမ္မော အပ္ပမာဏဿ ဓမ္မဿ ဝိပါကပစ္စယေန ပစ္စယော။ တီဏိ (ပဝတ္တိမေဝ)။
အာဟာရပစ္စယာဒိ
၈၁. ပရိတ္တော ဓမ္မော ပရိတ္တဿ ဓမ္မဿ အာဟာရပစ္စယေန ပစ္စယော။ပေ.။ ဣန္ဒြိယပစ္စယေန ပစ္စယော။ ဈာနပစ္စယေန ပစ္စယော။ မဂ္ဂပစ္စယေန ပစ္စယော။ သမ္ပယုတ္တပစ္စယေန ပစ္စယော။ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – ပရိတ္တာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပဋိသန္ဓိက္ခဏေ ပရိတ္တာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ခန္ဓာ ဝတ္ထုဿ။ပေ.။ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခါယတနံ စက္ခုဝိညာဏဿ ဝိပ္ပယုတ္တပစ္စယေန ပစ္စယော။ပေ.။ ကာယာယတနံ ကာယဝိညာဏဿ ဝိပ္ပယုတ္တပစ္စယေန ပစ္စယော။ ဝတ္ထု ပရိတ္တာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ပရိတ္တာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
ပရိတ္တော ဓမ္မော မဟဂ္ဂတဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု မဟဂ္ဂတာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု မဟဂ္ဂတာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
ပရိတ္တော ဓမ္မော အပ္ပမာဏဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အပ္ပမာဏာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
၈၂. မဟဂ္ဂတော ဓမ္မော ပရိတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – မဟဂ္ဂတာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပဋိသန္ဓိက္ခဏေ။ပေ.။ ပစ္ဆာဇာတာ – မဟဂ္ဂတာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အပ္ပမာဏော ဓမ္မော ပရိတ္တဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အပ္ပမာဏာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အပ္ပမာဏာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော ။ (၁)
အတ္ထိပစ္စယော
၈၃. ပရိတ္တော ဓမ္မော ပရိတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – ပရိတ္တော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။ ခန္ဓာ ဝတ္ထုဿ အတ္ထိပစ္စယေန ပစ္စယော။ ဝတ္ထု ခန္ဓာနံ အတ္ထိပစ္စယေန ပစ္စယော; ဧကံ မဟာဘူတံ။ပေ.။ အသညသတ္တာနံ။ပေ.။။ ပုရေဇာတံ – စက္ခုံ။ပေ.။ ဝတ္ထုံ အနိစ္စတော။ပေ.။ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ၊ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ အတ္ထိပစ္စယေန ပစ္စယော။ စက္ခါယတနံ စက္ခုဝိညာဏဿ အတ္ထိပစ္စယေန ပစ္စယော။ပေ.။ ကာယာယတနံ ကာယဝိညာဏဿ။ပေ.။ ဝတ္ထု ပရိတ္တာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – ပရိတ္တာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ကဗဠီကာရော အာဟာရော ဣမဿ ကာယဿ အတ္ထိပစ္စယေန ပစ္စယော။ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)
ပရိတ္တော ဓမ္မော မဟဂ္ဂတဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု မဟဂ္ဂတာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ၊ ဝတ္ထု မဟဂ္ဂတာနံ ခန္ဓာနံ အတ္ထိပစ္စယေန ပစ္စယော။ (၂)
ပရိတ္တော ဓမ္မော အပ္ပမာဏဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – ဝတ္ထု အပ္ပမာဏာနံ ခန္ဓာနံ အတ္ထိပစ္စယေန ပစ္စယော။ (၃)
၈၄. မဟဂ္ဂတော ဓမ္မော မဟဂ္ဂတဿ ဓမ္မဿ အတ္ထိပစ္စယေန ပစ္စယော။ မဟဂ္ဂတော ဧကော ခန္ဓော တိဏ္ဏန္နံ ခန္ဓာနံ။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။။ (၁)
မဟဂ္ဂတော ဓမ္မော ပရိတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – မဟဂ္ဂတာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ မဟဂ္ဂတာ ခန္ဓာ ကဋတ္တာရူပါနံ အတ္ထိပစ္စယေန ပစ္စယော။ ပစ္ဆာဇာတာ – မဟဂ္ဂတာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
မဟဂ္ဂတော ဓမ္မော ပရိတ္တဿ စ မဟဂ္ဂတဿ စ ဓမ္မဿ အတ္ထိပစ္စယေန ပစ္စယော – မဟဂ္ဂတော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ။ပေ.။။ (၃)
၈၅. အပ္ပမာဏော ဓမ္မော အပ္ပမာဏဿ ဓမ္မဿ အတ္ထိပစ္စယေန ပစ္စယော – အပ္ပမာဏော ဧကော ခန္ဓော တိဏ္ဏန္နံ ခန္ဓာနံ။ပေ.။။ (၁)
အပ္ပမာဏော ဓမ္မော ပရိတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အပ္ပမာဏာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – အပ္ပမာဏာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
အပ္ပမာဏော ဓမ္မော ပရိတ္တဿ စ အပ္ပမာဏဿ စ ဓမ္မဿ အတ္ထိပစ္စယေန ပစ္စယော – အပ္ပမာဏော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။။ (၃)
၈၆. ပရိတ္တော စ အပ္ပမာဏော စ ဓမ္မာ ပရိတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – အပ္ပမာဏာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – အပ္ပမာဏာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အပ္ပမာဏာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
ပရိတ္တော စ အပ္ပမာဏော စ ဓမ္မာ အပ္ပမာဏဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – အပ္ပမာဏော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ.။ ဒွေ ခန္ဓာ။ပေ.။။ (၂)
ပရိတ္တော စ မဟဂ္ဂတော စ ဓမ္မာ ပရိတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – မဟဂ္ဂတာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ မဟဂ္ဂတာ ခန္ဓာ စ မဟာဘူတာ စ ကဋတ္တာရူပါနံ အတ္ထိပစ္စယေန ပစ္စယော။ ပစ္ဆာဇာတာ – မဟဂ္ဂတာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – မဟဂ္ဂတာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
ပရိတ္တော စ မဟဂ္ဂတော စ ဓမ္မာ မဟဂ္ဂတဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – မဟဂ္ဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ.။ ဒွေ ခန္ဓာ။ပေ.။ ပဋိသန္ဓိက္ခဏေ မဟဂ္ဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ.။ ဒွေ ခန္ဓာ စ ဝတ္ထု စ။ပေ.။ နတ္ထိပစ္စယေန ပစ္စယော။ ဝိဂတပစ္စယေန ပစ္စယော။ အဝိဂတပစ္စယေန ပစ္စယော။ (၂)
၁. ပစ္စယာနုလောမံ
၂. သင်္ချာဝါရော
၈၇. ဟေတုယာ သတ္တ၊ အာရမ္မဏေ သတ္တ၊ အဓိပတိယာ သတ္တ၊ အနန္တရေ နဝ၊ သမနန္တရေ နဝ၊ သဟဇာတေ ဧကာဒသ၊ အညမညေ သတ္တ၊ နိဿယေ တေရသ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ စတ္တာရိ၊ ကမ္မေ သတ္တ၊ ဝိပါကေ အာဟာရေ ဣန္ဒြိယေ ဈာနေ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ ပဉ္စ၊ အတ္ထိယာ တေရသ၊ နတ္ထိယာ နဝ၊ ဝိဂတေ နဝ၊ အဝိဂတေ တေရသ (ဧဝံ ဂဏေတဗ္ဗံ)။
အနုလောမံ။
ပစ္စနီယုဒ္ဓါရော
၈၈. ပရိတ္တော ဓမ္မော ပရိတ္တဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၁)
ပရိတ္တော ဓမ္မော မဟဂ္ဂတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၂)
ပရိတ္တော ဓမ္မော အပ္ပမာဏဿ ဓမ္မဿ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၃)
မဟဂ္ဂတော ဓမ္မော မဟဂ္ဂတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)
မဟဂ္ဂတော ဓမ္မော ပရိတ္တဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော ။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ (၂)
မဟဂ္ဂတော ဓမ္မော အပ္ပမာဏဿ ဓမ္မဿ ဥပနိဿယပစ္စယေန ပစ္စယော။ (၃)
မဟဂ္ဂတော ဓမ္မော ပရိတ္တဿ စ မဟဂ္ဂတဿ စ ဓမ္မဿ သဟဇာတပစ္စယေန ပစ္စယော။ ကမ္မပစ္စယေန ပစ္စယော။ (၄)
၈၉. အပ္ပမာဏော ဓမ္မော အပ္ပမာဏဿ ဓမ္မဿ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)
အပ္ပမာဏော ဓမ္မော ပရိတ္တဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ (၂)
အပ္ပမာဏော ဓမ္မော မဟဂ္ဂတဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ (၃)
အပ္ပမာဏော ဓမ္မော ပရိတ္တဿ စ အပ္ပမာဏဿ စ ဓမ္မဿ သဟဇာတပစ္စယေန ပစ္စယော။ (၄)
ပရိတ္တော စ အပ္ပမာဏော စ ဓမ္မာ ပရိတ္တဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ (၁)
ပရိတ္တော စ အပ္ပမာဏော စ ဓမ္မာ အပ္ပမာဏဿ ဓမ္မဿ သဟဇာတံ၊ ပုရေဇာတံ။ (၂)
ပရိတ္တော စ မဟဂ္ဂတော စ ဓမ္မာ ပရိတ္တဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ (၁)
ပရိတ္တော စ မဟဂ္ဂတော စ ဓမ္မာ မဟဂ္ဂတဿ ဓမ္မဿ သဟဇာတံ၊ ပုရေဇာတံ။ (၂)
၂. ပစ္စယပစ္စနီယံ
၂. သင်္ချာဝါရော
၉၀. နဟေတုယာ ပန္နရသ၊ နအာရမ္မဏေ ပန္နရသ၊ နအဓိပတိယာ နအနန္တရေ နသမနန္တရေ ပန္နရသ၊ နသဟဇာတေ ဒွါဒသ၊ နအညမညေ ဒွါဒသ၊ နနိဿယေ ဒွါဒသ၊ နဥပနိဿယေ စုဒ္ဒသ၊ နပုရေဇာတေ စုဒ္ဒသ၊ နပစ္ဆာဇာတေ ပန္နရသ၊ နအာသေဝနေ ပန္နရသ။ပေ.။ နမဂ္ဂေ ပန္နရသ၊ နသမ္ပယုတ္တေ ဒွါဒသ၊ နဝိပ္ပယုတ္တေ ဒသ၊ နောအတ္ထိယာ ဒသ၊ နောနတ္ထိယာ ပန္နရသ၊ နောဝိဂတေ ပန္နရသ၊ နောအဝိဂတေ ဒသ (ဧဝံ ဂဏေတဗ္ဗံ)။
ပစ္စနီယံ။
၃. ပစ္စယာနုလောမပစ္စနီယံ
ဟေတုဒုကံ
၉၁. ဟေတုပစ္စယာ နအာရမ္မဏေ သတ္တ၊ နအဓိပတိယာ နအနန္တရေ နသမနန္တရေ သတ္တ၊ နအညမညေ တီဏိ၊ နဥပနိဿယေ သတ္တ၊ နပုရေဇာတေ သတ္တ။ပေ.။ နမဂ္ဂေ သတ္တ၊ နသမ္ပယုတ္တေ တီဏိ၊ နဝိပ္ပယုတ္တေ တီဏိ၊ နောနတ္ထိယာ သတ္တ၊ နောဝိဂတေ သတ္တ (ဧဝံ ဂဏေတဗ္ဗံ)။
အနုလောမပစ္စနီယံ။
၄. ပစ္စယပစ္စနီယာနုလောမံ
နဟေတုဒုကံ
၉၂. နဟေတုပစ္စယာ အာရမ္မဏေ သတ္တ၊ အဓိပတိယာ သတ္တ၊ အနန္တရေ နဝ၊ သမနန္တရေ နဝ၊ သဟဇာတေ ဧကာဒသ၊ အညမညေ သတ္တ၊ နိဿယေ တေရသ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ စတ္တာရိ၊ ကမ္မေ သတ္တ။ပေ.။ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ ပဉ္စ၊ အတ္ထိယာ တေရသ၊ နတ္ထိယာ နဝ၊ ဝိဂတေ နဝ၊ အဝိဂတေ တေရသ။
ပစ္စနီယာနုလောမံ။
ပရိတ္တတ္တိကံ နိဋ္ဌိတံ။