ဒဿနေနပဟာတဗ္ဗဟေတုကတ္တိက

၉. ဒဿနေနပဟာတဗ္ဗဟေတုကတ္တိက

၁. ပဋိစ္စဝါရ

၁. ပစ္စယာနုလောမ

၁. ဝိဘင်္ဂဝါရ

ဟေတုပစ္စယော

၁. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓာ။ပေ.။။ (၃)

၂. ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)

၃. နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ; ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ.။ ဒွေ ခန္ဓာ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ; ဧကံ မဟာဘူတံ ပဋိစ္စ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၅)

၄. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ စ မောဟဉ္စ ပဋိစ္စ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ; ဝိစိကိစ္ဆာသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ စ မောဟဉ္စ ပဋိစ္စ ဒွေ ခန္ဓာ။ပေ.။။ (၃)

၅. ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ စ မောဟဉ္စ ပဋိစ္စ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ; ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။။ (၃)

အာရမ္မဏပစ္စယော

၆. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၂)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဧကံ ခန္ဓံ ပဋိစ္စ တယော ခန္ဓာ စ မောဟော စ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စ မောဟော စ။ (၃)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ။ တီဏိ။ (ဒဿနေန သဒိသံ ဝိဘဇိတဗ္ဗံ။)

၇. နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ။ပေ.။ ဝတ္ထုံ ပဋိစ္စ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၃)

၈. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ စ မောဟဉ္စ ပဋိစ္စ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ။ပေ.။ ဒွေ ခန္ဓေ စ မောဟဉ္စ ပဋိစ္စ ဒွေ ခန္ဓာ။ (၁)

အဓိပတိပစ္စယော

၉. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ။ တီဏိ (ဟေတုသဒိသာ)။

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ။ပေ.။ တီဏိ (ဟေတုသဒိသာ၊ အဓိပတိယာ မောဟော နတ္ထိ)။

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓာ။ ဧကံ မဟာဘူတံ ပဋိစ္စ တယော မဟာဘူတာ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)

၁၀. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဘာဝနာယ ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

အနန္တရ-သမနန္တရပစ္စယာ

၁၁. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အနန္တရပစ္စယာ။ သမနန္တရပစ္စယာ (အာရမ္မဏသဒိသံ)။

သဟဇာတပစ္စယော

၁၂. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ; ဝိစိကိစ္ဆာသဟဂတေ ခန္ဓေ ပဋိစ္စ မောဟော စိတ္တသမုဋ္ဌာနဉ္စ ရူပံ။ (၂)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ; ဝိစိကိစ္ဆာသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ။ပေ.။။ (၃)

၁၃. ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဘာဝနာယ ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ; ဥဒ္ဓစ္စသဟဂတေ ခန္ဓေ ပဋိစ္စ မောဟော စ စိတ္တသမုဋ္ဌာနဉ္စ ရူပံ။ (၂)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ; ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ။ပေ.။။ (၃)

၁၄. နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ; ဧကံ မဟာဘူတံ ပဋိစ္စ တယော မဟာဘူတာ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ ဧကံ။ပေ.။။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ (သံခိတ္တံ။ ဟေတုသဒိသံ ကာတဗ္ဗံ)။ (၃)

အညမညပစ္စယာဒိ

၁၅. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အညမညပစ္စယာ၊ နိဿယပစ္စယာ၊ ဥပနိဿယပစ္စယာ၊ ပုရေဇာတပစ္စယာ၊ အာသေဝနပစ္စယာ၊ ကမ္မပစ္စယာ၊ ဝိပါကပစ္စယာ၊ အာဟာရပစ္စယာ၊ ဣန္ဒြိယပစ္စယာ၊ ဈာနပစ္စယာ၊ မဂ္ဂပစ္စယာ၊ သမ္ပယုတ္တပစ္စယာ ၊ ဝိပ္ပယုတ္တပစ္စယာ၊ အတ္ထိပစ္စယာ၊ နတ္ထိပစ္စယာ၊ ဝိဂတပစ္စယာ၊ အဝိဂတပစ္စယာ။

၁. ပစ္စယာနုလောမံ

၂. သင်္ချာဝါရော

သုဒ္ဓံ

၁၆. ဟေတုယာ သတ္တရသ၊ အာရမ္မဏေ ဧကာဒသ၊ အဓိပတိယာ နဝ၊ အနန္တရေ ဧကာဒသ၊ သမနန္တရေ ဧကာဒသ၊ သဟဇာတေ သတ္တရသ၊ အညမညေ ဧကာဒသ၊ နိဿယေ သတ္တရသ၊ ဥပနိဿယေ ဧကာဒသ၊ ပုရေဇာတေ ဧကာဒသ၊ အာသေဝနေ ဧကာဒသ၊ ကမ္မေ သတ္တရသ၊ ဝိပါကေ ဧကံ၊ အာဟာရေ သတ္တရသ၊ ဣန္ဒြိယေ သတ္တရသ၊ ဈာနေ သတ္တရသ၊ မဂ္ဂေ သတ္တရသ၊ သမ္ပယုတ္တေ ဧကာဒသ၊ ဝိပ္ပယုတ္တေ သတ္တရသ၊ အတ္ထိယာ သတ္တရသ၊ နတ္ထိယာ ဧကာဒသ၊ ဝိဂတေ ဧကာဒသ၊ အဝိဂတေ သတ္တရသ (ဧဝံ ဂဏေတဗ္ဗံ)။

အနုလောမံ။

၂. ပစ္စယပစ္စနီယံ

၁. ဝိဘင်္ဂဝါရော

နဟေတုပစ္စယော

၁၇. ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၁)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပဋိစ္စ ဥဒ္ဓစ္စသဟဂတော မောဟော။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓာ; အဟေတုကပဋိသန္ဓိက္ခဏေ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ; ဧကံ မဟာဘူတံ ပဋိစ္စ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ။ပေ.။။ (၁)

နအာရမ္မဏပစ္စယော

၁၈. ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဒဿနေန ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဘာဝနာယ ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ; ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပဋိစ္စ ကဋတ္တာရူပံ၊ ခန္ဓေ ပဋိစ္စ ဝတ္ထု။ပေ.။ ဧကံ မဟာဘူတံ။ပေ.။ အသညသတ္တာနံ။ပေ.။။ (၁)

၁၉. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ; ဝိစိကိစ္ဆာသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဘာဝနာယ ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ; ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၁)

နအဓိပတိပစ္စယာဒိ

၂၀. ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအဓိပတိပစ္စယာ။ (သဟဇာတသဒိသံ) နအနန္တရပစ္စယာ။ နသမနန္တရပစ္စယာ။ နအညမညပစ္စယာ။ နဥပနိဿယပစ္စယာ။

နပုရေဇာတပစ္စယော

၂၁. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ။ပေ.။။ (၁)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော; ဒဿနေန ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ။ပေ.။ ဒွေ ခန္ဓေ။ပေ.။။ (၃)

ဘာဝနာယ ပဟာတဗ္ဗဟေတုကံ ဓမ္မံ။ တီဏိ (ဒဿနေန သဒိသံ)။

၂၂. နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓာ၊ နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ; ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ။ပေ.။ အသညသတ္တာနံ။ပေ.။။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၃)

၂၃. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ။ပေ.။။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ; ဝိစိကိစ္ဆာသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ (ဣမေပိ ဒွေ ကာတဗ္ဗာ)။

နပစ္ဆာဇာတပစ္စယာဒိ

၂၄. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နပစ္ဆာဇာတပစ္စယာ။ နအာသေဝနပစ္စယာ။

နကမ္မပစ္စယော

၂၅. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဒဿနေန ပဟာတဗ္ဗဟေတုကေ ခန္ဓေ ပဋိစ္စ ဒဿနေန ပဟာတဗ္ဗဟေတုကာ စေတနာ။ (၁)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဘာဝနာယ ပဟာတဗ္ဗဟေတုကေ ခန္ဓေ ပဋိစ္စ ဘာဝနာယ ပဟာတဗ္ဗဟေတုကာ စေတနာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကာ စေတနာ; ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ပေ.။။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ စေတနာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ စေတနာ။ (၃)

၂၆. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဝိစိကိစ္ဆာသဟဂတေ ခန္ဓေ စ မောဟဉ္စ ပဋိစ္စ သမ္ပယုတ္တကာ စေတနာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ သမ္ပယုတ္တကာ စေတနာ။ (၁)

နဝိပါကပစ္စယော

၂၇. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပါကပစ္စယာ (ပဋိသန္ဓိ နတ္ထိ)။

နအာဟာရပစ္စယာဒိ

၂၈. နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ။ ဥတုသမုဋ္ဌာနံ။ အသညသတ္တာနံ။ပေ.။ နဣန္ဒြိယပစ္စယာ – ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ၊ အသညသတ္တာနံ။ပေ.။ မဟာဘူတေ ပဋိစ္စ ရူပဇီဝိတိန္ဒြိယံ။ နဈာနပစ္စယာ – ပဉ္စဝိညာဏံ။ပေ.။ (မဟာဘူတာ ကာတဗ္ဗာ) နမဂ္ဂပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ။ပေ.။ အသညသတ္တာနံ။ပေ.။ နသမ္ပယုတ္တပစ္စယာ။

နဝိပ္ပယုတ္တပစ္စယာဒိ

၂၉. ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ။ပေ.။။ (၁)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၂)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ။ပေ.။ ဒွေ ခန္ဓေ။ပေ.။။ (၃)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဘာဝနာယ။ တီဏိ။

၃၀. နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ; ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ။ပေ.။။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၃)

၃၁. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ။ပေ.။ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ။ပေ.။ ဒွေ ခန္ဓာ။ နောနတ္ထိပစ္စယာ။ နောဝိဂတပစ္စယာ။

၂. ပစ္စယပစ္စနီယံ

၂. သင်္ချာဝါရော

သုဒ္ဓံ

၃၂. နဟေတုယာ တီဏိ၊ နအာရမ္မဏေ ပဉ္စ၊ နအဓိပတိယာ သတ္တရသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ တေရသ၊ နပစ္ဆာဇာတေ သတ္တရသ၊ နအာသေဝနေ သတ္တရသ၊ နကမ္မေ သတ္တ၊ နဝိပါကေ သတ္တရသ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ ပဉ္စ၊ နဝိပ္ပယုတ္တေ ဧကာဒသ၊ နောနတ္ထိယာ ပဉ္စ၊ နောဝိဂတေ ပဉ္စ (ဧဝံ ဂဏေတဗ္ဗံ)။

ပစ္စနီယံ။

၃. ပစ္စယာနုလောမပစ္စနီယံ

၃၃. ဟေတုပစ္စယာ နအာရမ္မဏေ ပဉ္စ၊ နအဓိပတိယာ သတ္တရသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ တေရသ၊ နပစ္ဆာဇာတေ သတ္တရသ၊ နအာသေဝနေ သတ္တရသ၊ နကမ္မေ သတ္တ၊ နဝိပါကေ သတ္တရသ၊ နသမ္ပယုတ္တေ ပဉ္စ၊ နဝိပ္ပယုတ္တေ ဧကာဒသ၊ နောနတ္ထိယာ ပဉ္စ၊ နောဝိဂတေ ပဉ္စ (ဧဝံ ဂဏေတဗ္ဗံ)။

အနုလောမပစ္စနီယံ။

၄. ပစ္စယပစ္စနီယာနုလောမံ

၃၄. နဟေတုပစ္စယာ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ တီဏိ၊ ဝိပါကေ ဧကံ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ ဒွေ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယာနုလောမံ။

ပဋိစ္စဝါရော။

၂. သဟဇာတဝါရော

(သဟဇာတဝါရော ပဋိစ္စဝါရသဒိသော။)

၃. ပစ္စယဝါရော

၁. ပစ္စယာနုလောမံ

၁. ဝိဘင်္ဂဝါရော

ဟေတုပစ္စယော

၃၅. ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (ပဋိစ္စဝါရသဒိသံ)။

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ။ တီဏိ (ပဋိစ္စဝါရသဒိသံ)။

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ။ ဧကံ (ပဋိစ္စဝါရသဒိသံ)။ ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ; ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ; ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ; မဟာဘူတေ ပစ္စယာ စိတ္တသမုဋ္ဌာနံ ရူပံ; ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ; မဟာဘူတေ ပစ္စယာ စိတ္တသမုဋ္ဌာနံ ရူပံ; ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၅)

၃၆. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ။ပေ.။ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ မောဟဉ္စ ပစ္စယာ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ; ဝိစိကိစ္ဆာသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ; ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ; ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။။ (၃)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။

အာရမ္မဏပစ္စယော

၃၇. ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ။ တီဏိ (ပဋိစ္စဝါရေ အာရမ္မဏသဒိသာ)။

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ။ တီဏိ (ပဋိစ္စဝါရသဒိသာ)။

၃၈. နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ။ပေ.။ ဒွေ ခန္ဓာ။ ပဋိသန္ဓိက္ခဏေ။ပေ.။ ဝတ္ထုံ ပစ္စယာ ခန္ဓာ။ စက္ခါယတနံ ပစ္စယာ စက္ခုဝိညာဏံ။ပေ.။ ကာယာယတနံ ပစ္စယာ ကာယဝိညာဏံ; ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ; ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ; ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝတ္ထုံ ပစ္စယာ ဝိစိကိစ္ဆာသဟဂတာ ခန္ဓာ စ မောဟော စ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝတ္ထုံ ပစ္စယာ ဥဒ္ဓစ္စသဟဂတာ ခန္ဓာ စ မောဟော စ။ (၅)

၃၉. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓာ; ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ မောဟဉ္စ ပစ္စယာ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော။ (၂)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ။ပေ.။ ဒွေ ခန္ဓေ စ ဝတ္ထုဉ္စ။ပေ.။။ (၃)

၄၀. ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓာ; ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ။ပေ.။ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဥဒ္ဓစ္စသဟဂတော မောဟော။ (၂)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ။ပေ.။ ဒွေ ခန္ဓေ စ။ပေ.။။ (၃)

အဓိပတိပစ္စယာဒိ

၄၁. ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ။ တီဏိ။

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ။ တီဏိ။

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဧကံ။ပေ.။ ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အဓိပတိပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ; မဟာဘူတေ ပစ္စယာ စိတ္တသမုဋ္ဌာနံ ရူပံ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အဓိပတိပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ; မဟာဘူတေ ပစ္စယာ စိတ္တသမုဋ္ဌာနံ ရူပံ။ (၅)

၄၂. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ။ပေ.။။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အဓိပတိပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ။ပေ.။ ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၃)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ တီဏိ။ (ဒဿနေန သဒိသာ) အနန္တရပစ္စယာ။ သမနန္တရပစ္စယာ။

သဟဇာတပစ္စယော

၄၃. ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ။ပေ.။။ (၁)

ဒဿနေန ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကေ ခန္ဓေ ပစ္စယာ စိတ္တသမုဋ္ဌာနံ ရူပံ; ဝိစိကိစ္ဆာသဟဂတေ ခန္ဓေ ပစ္စယာ ဝိစိကိစ္ဆာသဟဂတော မောဟော စိတ္တသမုဋ္ဌာနဉ္စ ရူပံ။ (၂)

ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဝိစိကိစ္ဆာသဟဂတံ ဧကံ ခန္ဓံ ပစ္စယာ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။။ (၃)

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ။ တီဏိ (သံခိတ္တံ။ ဒဿနေန သဒိသာ )။

၄၄. နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ။ပေ.။ ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ; ဧကံ မဟာဘူတံ ပစ္စယာ တယော မဟာဘူတာ။ပေ.။ အသညသတ္တာနံ။ပေ.။ စက္ခါယတနံ ပစ္စယာ စက္ခုဝိညာဏံ။ပေ.။ ကာယာယတနံ ပစ္စယာ ကာယဝိညာဏံ; ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ; ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ; ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ; မဟာဘူတေ ပစ္စယာ စိတ္တသမုဋ္ဌာနံ ရူပံ; ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ; ဝတ္ထုံ ပစ္စယာ ဝိစိကိစ္ဆာသဟဂတာ ခန္ဓာ စ မောဟော စ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ; မဟာဘူတေ ပစ္စယာ စိတ္တသမုဋ္ဌာနံ ရူပံ; ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ; ဝတ္ထုံ ပစ္စယာ ဥဒ္ဓစ္စသဟဂတာ ခန္ဓာ စ မောဟော စ။ (၅)

၄၅. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ။ပေ.။။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ; ဝိစိကိစ္ဆာသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ; ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော။ (၂)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ; ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ; စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ဝိစိကိစ္ဆာသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ။ပေ.။ ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ မောဟော စ။ (၃)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ။ တီဏိ။

အညမညပစ္စယာဒိ

၄၆. ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အညမညပစ္စယာ။ နိဿယပစ္စယာ။ ဥပနိဿယပစ္စယာ။ ပုရေဇာတပစ္စယာ။ အာသေဝနပစ္စယာ။ ကမ္မပစ္စယာ။ ဝိပါကပစ္စယာ။ အာဟာရပစ္စယာ။ ဣန္ဒြိယပစ္စယာ။ ဈာနပစ္စယာ။ မဂ္ဂပစ္စယာ။ သမ္ပယုတ္တပစ္စယာ။

ဝိပ္ပယုတ္တပစ္စယော

၄၇. ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ။ပေ.။ ဒွေ ခန္ဓာ၊ ခန္ဓာ ဝတ္ထုံ ဝိပ္ပယုတ္တပစ္စယာ။ (၁)

ဒဿနေန ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကေ ခန္ဓေ ပစ္စယာ စိတ္တသမုဋ္ဌာနံ ရူပံ၊ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတေ ခန္ဓေ ပစ္စယာ မောဟော စိတ္တသမုဋ္ဌာနဉ္စ ရူပံ၊ မောဟော ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ (၂)

ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတံ ဧကံ ခန္ဓံ ပစ္စယာ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ။ပေ.။ ခန္ဓာ စ မောဟော စ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ (၃)

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ။ တီဏိ (ဒဿနေန သဒိသာ)။

၄၈. နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ ဒွေ ခန္ဓေ။ပေ.။ ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ စိတ္တသမုဋ္ဌာနံ ရူပံ၊ မောဟံ ဝိပ္ပယုတ္တပစ္စယာ။ ပဋိသန္ဓိက္ခဏေ။ပေ.။ ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ။ ခန္ဓာ ဝတ္ထုံ ဝိပ္ပယုတ္တပစ္စယာ။ ဝတ္ထု ခန္ဓေ ဝိပ္ပယုတ္တပစ္စယာ။ ဧကံ မဟာဘူတံ ပစ္စယာ တယော မဟာဘူတာ။ပေ.။ မဟာဘူတေ ပစ္စယာ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ ၊ ခန္ဓေ ဝိပ္ပယုတ္တပစ္စယာ။ စက္ခါယတနံ ပစ္စယာ စက္ခုဝိညာဏံ။ပေ.။ ကာယာယတနံ ပစ္စယာ ကာယဝိညာဏံ; ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ၊ ဝတ္ထုံ ဝိပ္ပယုတ္တပစ္စယာ ။ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ; မဟာဘူတေ ပစ္စယာ စိတ္တသမုဋ္ဌာနံ ရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ၊ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ မောဟံ ဝိပ္ပယုတ္တပစ္စယာ။ ဝတ္ထုံ ပစ္စယာ ဝိစိကိစ္ဆာသဟဂတာ ခန္ဓာ စ မောဟော စ၊ ဝတ္ထုံ ဝိပ္ပယုတ္တပစ္စယာ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ။ပေ.။ (ဒဿနေန သဒိသံ)။ (၅)

၄၉. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ ဝတ္ထုံ ဝိပ္ပယုတ္တပစ္စယာ။ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ ဝတ္ထုံ ဝိပ္ပယုတ္တပစ္စယာ။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ၊ ခန္ဓေ စ မောဟဉ္စ ဝိပ္ပယုတ္တပစ္စယာ။ ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော၊ ဝတ္ထုံ ဝိပ္ပယုတ္တပစ္စယာ။ (၂)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ။ပေ.။ ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ စ။ပေ.။ ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ၊ ခန္ဓေ စ မောဟဉ္စ ဝိပ္ပယုတ္တပစ္စယာ။ ဝိစိကိစ္ဆာသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ။ပေ.။ ဒွေ ခန္ဓေ စ။ပေ.။ ဝတ္ထုံ ဝိပ္ပယုတ္တပစ္စယာ။ (၃)

ဘာဝနာယ ပဟာတဗ္ဗဟေတုကဉ္စ။ပေ.။ တီဏိ (ဒဿနေန သဒိသာ)။

အတ္ထိပစ္စယာဒိ

၅၀. ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အတ္ထိပစ္စယာ။ နတ္ထိပစ္စယာ။ ဝိဂတပစ္စယာ။ အဝိဂတပစ္စယာ။

၁. ပစ္စယာနုလောမံ

၂. သင်္ချာဝါရော

သုဒ္ဓံ

၅၁. ဟေတုယာ သတ္တရသ၊ အာရမ္မဏေ သတ္တရသ၊ အဓိပတိယာ သတ္တရသ၊ အနန္တရေ သတ္တရသ၊ သမနန္တရေ သတ္တရသ၊ သဟဇာတေ သတ္တရသ၊ အညမညေ သတ္တာရသ နိဿယေ သတ္တရသ၊ ဥပနိဿယေ သတ္တရသ၊ ပုရေဇာတေ သတ္တရသ၊ အာသေဝနေ သတ္တရသ၊ ကမ္မေ သတ္တရသ၊ ဝိပါကေ ဧကံ၊ အာဟာရေ သတ္တရသ၊ ဣန္ဒြိယေ သတ္တရသ၊ ဈာနေ သတ္တရသ၊ မဂ္ဂေ သတ္တရသ၊ သမ္ပယုတ္တေ သတ္တရသ၊ ဝိပ္ပယုတ္တေ သတ္တရသ၊ အတ္ထိယာ သတ္တရသ၊ နတ္ထိယာ သတ္တရသ၊ ဝိဂတေ သတ္တရသ၊ အဝိဂတေ သတ္တရသ (ဧဝံ ဂဏေတဗ္ဗံ)။

အနုလောမံ။

၂. ပစ္စယပစ္စနီယံ

၁. ဝိဘင်္ဂဝါရော

နဟေတုပစ္စယော

၅၂. ဒဿနေန ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပစ္စယာ ဝိစိကိစ္ဆာသဟဂတော မောဟော။ (၁)

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပစ္စယာ ဥဒ္ဓစ္စသဟဂတော မောဟော။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ အဟေတုကပဋိသန္ဓိက္ခဏေ (ပရိပုဏ္ဏံ) စက္ခါယတနံ ပစ္စယာ စက္ခုဝိညာဏံ။ပေ.။ ကာယာယတနံ ပစ္စယာ ကာယဝိညာဏံ; ဝတ္ထုံ ပစ္စယာ အဟေတုကာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ; ဝတ္ထုံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

၅၃. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဥဒ္ဓစ္စသဟဂတော မောဟော။ (၁)

နအာရမ္မဏပစ္စယော

၅၄. ဒဿနေန ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဒဿနေန ပဟာတဗ္ဗဟေတုကေ ခန္ဓေ ပစ္စယာ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဘာဝနာယ ပဟာတဗ္ဗဟေတုကေ ခန္ဓေ ပစ္စယာ စိတ္တသမုဋ္ဌာနံ ရူပံ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပစ္စယာ ကဋတ္တာရူပံ; ခန္ဓေ ပစ္စယာ ဝတ္ထု။ပေ.။ ဧကံ မဟာဘူတံ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ။ပေ.။။ (၁)

၅၅. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ; ဝိစိကိစ္ဆာသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဘာဝနာယ ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ; ဥဒ္ဓစ္စသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ။ (၁)

နအဓိပတိပစ္စယာဒိ

၅၆. ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နအဓိပတိပစ္စယာ (သဟဇာတသဒိသံ)။ နအနန္တရပစ္စယာ ။ နသမနန္တရပစ္စယာ။ နအညမညပစ္စယာ။ နဥပနိဿယပစ္စယာ။ နပုရေဇာတပစ္စယာ (ပဋိစ္စဝါရေ ပစ္စနီယသဒိသံ၊ တေရသ ပဉှာ။ နိန္နာနံ)။ နပစ္ဆာဇာတပစ္စယာ။ နအာသေဝနပစ္စယာ။

နကမ္မပစ္စယော

၅၇. ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဒဿနေန ပဟာတဗ္ဗဟေတုကေ ခန္ဓေ ပစ္စယာ ဒဿနေန ပဟာတဗ္ဗဟေတုကာ စေတနာ။ (၁)

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဘာဝနာယ ပဟာတဗ္ဗဟေတုကေ ခန္ဓေ ပစ္စယာ ဘာဝနာယ ပဟာတဗ္ဗဟေတုကာ စေတနာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ စေတနာ; ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ပေ.။ ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ စေတနာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ စေတနာ; ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ စေတနာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ စေတနာ; ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ စေတနာ။ (၃)

၅၈. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဒဿနေန ပဟာတဗ္ဗဟေတုကေ ခန္ဓေ စ ဝတ္ထုဉ္စ ပစ္စယာ ဒဿနေန ပဟာတဗ္ဗဟေတုကာ စေတနာ; ဝိစိကိစ္ဆာသဟဂတေ ခန္ဓေ စ မောဟဉ္စ ပစ္စယာ သမ္ပယုတ္တကာ စေတနာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဘာဝနာယ ပဟာတဗ္ဗဟေတုကေ ခန္ဓေ စ ဝတ္ထုဉ္စ ပစ္စယာ ဘာဝနာယ ပဟာတဗ္ဗဟေတုကာ စေတနာ; ဥဒ္ဓစ္စသဟဂတေ ခန္ဓေ စ မောဟဉ္စ ပစ္စယာ သမ္ပယုတ္တကာ စေတနာ။ (၁)

နဝိပါကပစ္စယာဒိ

၅၉. ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပါကပစ္စယာ (ပရိပုဏ္ဏံ၊ ပဋိသန္ဓိ နတ္ထိ)၊ နအာဟာရပစ္စယာ – ဗာဟိရံ။ ဥတုသမုဋ္ဌာနံ။ အသညသတ္တာနံ။ပေ.။ နဣန္ဒြိယပစ္စယာ – ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ။ပေ.။ မဟာဘူတေ ပစ္စယာ ရူပဇီဝိတိန္ဒြိယံ။ နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ အသညသတ္တာနံ။ပေ.။ နမဂ္ဂပစ္စယာ – အဟေတုကံ ဧကံ။ပေ.။ နသမ္ပယုတ္တပစ္စယာ။ နဝိပ္ပယုတ္တပစ္စယာ။ (ပဋိစ္စဝါရပစ္စနီယေ နဝိပ္ပယုတ္တသဒိသံ၊ နိန္နာနံ။ ဧကာဒသ)။ နောနတ္ထိပစ္စယာ။ နောဝိဂတပစ္စယာ။

၂. ပစ္စယပစ္စနီယံ

၂. သင်္ချာဝါရော

၆၀. နဟေတုယာ ပဉ္စ၊ နအာရမ္မဏေ ပဉ္စ၊ နအဓိပတိယာ သတ္တရသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ တေရသ၊ နပစ္ဆာဇာတေ သတ္တရသ၊ နအာသေဝနေ သတ္တရသ၊ နကမ္မေ သတ္တ၊ နဝိပါကေ သတ္တရသ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ ပဉ္စ၊ နဝိပ္ပယုတ္တေ ဧကာဒသ၊ နောနတ္ထိယာ ပဉ္စ၊ နောဝိဂတေ ပဉ္စ (ဧဝံ ဂဏေတဗ္ဗံ)။

ပစ္စနီယံ။

၃. ပစ္စယာနုလောမပစ္စနီယံ

ဟေတုဒုကံ

၆၁. ဟေတုပစ္စယာ နအာရမ္မဏေ ပဉ္စ၊ နအဓိပတိယာ သတ္တရသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ တေရသ၊ နပစ္ဆာဇာတေ သတ္တရသ၊ နအာသေဝနေ သတ္တရသ၊ နကမ္မေ သတ္တ၊ နဝိပါကေ သတ္တရသ၊ နသမ္ပယုတ္တေ ပဉ္စ၊ နဝိပ္ပယုတ္တေ ဧကာဒသ၊ နောနတ္ထိယာ ပဉ္စ၊ နောဝိဂတေ ပဉ္စ ( ဧဝံ ဂဏေတဗ္ဗံ)။

အနုလောမပစ္စနီယံ။

၄. ပစ္စယပစ္စနီယာနုလောမံ

နဟေတုဒုကံ

၆၂. နဟေတုပစ္စယာ အာရမ္မဏေ ပဉ္စ၊ အနန္တရေ ပဉ္စ၊ သမနန္တရေ ပဉ္စ၊ သဟဇာတေ ပဉ္စ၊ အညမညေ ပဉ္စ၊ နိဿယေ ပဉ္စ၊ ဥပနိဿယေ ပဉ္စ၊ ပုရေဇာတေ ပဉ္စ၊ အာသေဝနေ ပဉ္စ၊ ကမ္မေ ပဉ္စ၊ ဝိပါကေ ဧကံ၊ အာဟာရေ ပဉ္စ၊ ဣန္ဒြိယေ ပဉ္စ၊ ဈာနေ ပဉ္စ၊ မဂ္ဂေ ပဉ္စ၊ သမ္ပယုတ္တေ ပဉ္စ၊ ဝိပ္ပယုတ္တေ ပဉ္စ၊ အတ္ထိယာ ပဉ္စ၊ နတ္ထိယာ ပဉ္စ၊ ဝိဂတေ ပဉ္စ၊ အဝိဂတေ ပဉ္စ (ဧဝံ ဂဏေတဗ္ဗံ)။

ပစ္စနီယာနုလောမံ။

ပစ္စယဝါရော။

၄. နိဿယဝါရော

(နိဿယဝါရော ပစ္စယဝါရသဒိသော။)

၅. သံသဋ္ဌဝါရော

၁. ပစ္စယာနုလောမံ

၁. ဝိဘင်္ဂဝါရော

ဟေတုပစ္စယော

၆၃. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ သံသဋ္ဌာ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ သံသဋ္ဌာ ဒွေ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ပဋိသန္ဓိက္ခဏေ။ပေ.။။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ မောဟံ သံသဋ္ဌာ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ မောဟံ သံသဋ္ဌာ သမ္ပယုတ္တကာ ခန္ဓာ။ (၃)

၆၄. ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ။ပေ.။ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ။ပေ.။ ဒွေ ခန္ဓာ။ (၁)

အာရမ္မဏပစ္စယော

၆၅. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကံ ဓမ္မံ သံသဋ္ဌော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော မောဟော။ (၂)

ဒဿနေန ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဧကံ ခန္ဓံ သံသဋ္ဌာ တယော ခန္ဓာ မောဟော စ။ပေ.။ ဒွေ ခန္ဓေ။ပေ.။။ (၃)

ဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော။ တီဏိ။

၆၆. နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ သံသဋ္ဌာ ဒွေ ခန္ဓာ။ ပဋိသန္ဓိက္ခဏေ။ပေ.။။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ မောဟံ သံသဋ္ဌာ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတံ မောဟံ သံသဋ္ဌာ သမ္ပယုတ္တကာ ခန္ဓာ။ (၃)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ။ပေ.။ ဒွေ ခန္ဓေ စ မောဟဉ္စ သံသဋ္ဌာ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ သံသဋ္ဌော ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ။ပေ.။ ဒွေ ခန္ဓာ။ (၁)

အဓိပတိပစ္စယာဒိ

၆၇. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော။ ဧကံ။

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓာ; အနန္တရပစ္စယာ။ သမနန္တရပစ္စယာ။

သဟဇာတပစ္စယာဒိ

၆၈. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ။ အညမညပစ္စယာ။ နိဿယပစ္စယာ။ ဥပနိဿယပစ္စယာ။ ပုရေဇာတပစ္စယာ။ အာသေဝနပစ္စယာ။ ကမ္မပစ္စယာ။ ဝိပါကပစ္စယာ။ အာဟာရပစ္စယာ။ ဣန္ဒြိယပစ္စယာ ။ ဈာနပစ္စယာ။ မဂ္ဂပစ္စယာ။ သမ္ပယုတ္တပစ္စယာ။ ဝိပ္ပယုတ္တပစ္စယာ။ အတ္ထိပစ္စယာ။ နတ္ထိပစ္စယာ။ ဝိဂတပစ္စယာ။ အဝိဂတပစ္စယာ။။

၁. ပစ္စယာနုလောမံ

၂. သင်္ချာဝါရော

၆၉. ဟေတုယာ သတ္တ၊ အာရမ္မဏေ ဧကာဒသ၊ အဓိပတိယာ တီဏိ၊ အနန္တရေ ဧကာဒသ၊ သမနန္တရေ ဧကာဒသ၊ သဟဇာတေ ဧကာဒသ၊ အညမညေ ဧကာဒသ၊ နိဿယေ ဧကာဒသ၊ ဥပနိဿယေ ဧကာဒသ၊ ပုရေဇာတေ ဧကာဒသ၊ အာသေဝနေ ဧကာဒသ၊ ကမ္မေ ဧကာဒသ၊ ဝိပါကေ ဧကံ၊ အာဟာရေ ဧကာဒသ၊ ဣန္ဒြိယေ ဧကာဒသ၊ ဈာနေ ဧကာဒသ၊ မဂ္ဂေ ဧကာဒသ၊ သမ္ပယုတ္တေ ဧကာဒသ၊ ဝိပ္ပယုတ္တေ ဧကာဒသ၊ အတ္ထိယာ ဧကာဒသ၊ နတ္ထိယာ ဧကာဒသ၊ ဝိဂတေ ဧကာဒသ၊ အဝိဂတေ ဧကာဒသ (ဧဝံ ဂဏေတဗ္ဗံ)။

အနုလောမံ။

၂. ပစ္စယပစ္စနီယံ

၁. ဝိဘင်္ဂဝါရော

နဟေတုပစ္စယော

၇၀. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော မောဟော။(၁)

ဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ သံသဋ္ဌော ဥဒ္ဓစ္စသဟဂတော မောဟော။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ သံသဋ္ဌော နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ သံသဋ္ဌာ ဒွေ ခန္ဓာ။ အဟေတုကပဋိသန္ဓိက္ခဏေ။ပေ.။။ (၁)

နအဓိပတိပစ္စယာဒိ

၇၁. ဒဿနေန ပဟာတဗ္ဗဟေတုကံ ဓမ္မံ သံသဋ္ဌော။ပေ.။ နအဓိပတိပစ္စယာ (သဟဇာတသဒိသံ)။ နပုရေဇာတပစ္စယာ။ နပစ္ဆာဇာတပစ္စယာ၊ နအာသေဝနပစ္စယာ။ နကမ္မပစ္စယာ။ သတ္တ၊ နဝိပါကပစ္စယာ။ နဈာနပစ္စယာ။ နမဂ္ဂပစ္စယာ။ နဝိပ္ပယုတ္တပစ္စယာ။။

၂. ပစ္စယပစ္စနီယံ

၂. သင်္ချာဝါရော

၇၂. နဟေတုယာ တီဏိ၊ နအဓိပတိယာ ဧကာဒသ၊ နပုရေဇာတေ ဧကာဒသ၊ နပစ္ဆာဇာတေ ဧကာဒသ၊ နအာသေဝနေ ဧကာဒသ၊ နကမ္မေ သတ္တ၊ နဝိပါကေ ဧကာဒသ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ ဧကာဒသ (ဧဝံ ဂဏေတဗ္ဗံ)။

ပစ္စနီယံ။

၃. ပစ္စယာနုလောမပစ္စနီယံ

၇၃. ဟေတုပစ္စယာ နအဓိပတိယာ သတ္တ၊ နပုရေဇာတေ သတ္တ၊ နပစ္ဆာဇာတေ သတ္တ၊ နအာသေဝနေ သတ္တ၊ နကမ္မေ သတ္တ၊ နဝိပါကေ သတ္တ ၊ နဝိပ္ပယုတ္တေ သတ္တ (ဧဝံ ဂဏေတဗ္ဗံ)။

အနုလောမပစ္စနီယံ။

၄. ပစ္စယပစ္စနီယာနုလောမံ

၇၄. နဟေတုပစ္စယာ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ တီဏိ၊ ဝိပါကေ ဧကံ ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ ဒွေ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယာနုလောမံ။

သံသဋ္ဌဝါရော။

၆. သမ္ပယုတ္တဝါရော

(သမ္ပယုတ္တဝါရော သံသဋ္ဌဝါရသဒိသော)။

၇. ပဉှာဝါရော

၁. ပစ္စယာနုလောမံ

၁. ဝိဘင်္ဂဝါရော

ဟေတုပစ္စယော

၇၅. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ဟေတုပစ္စယေန ပစ္စယော – ဒဿနေန ပဟာတဗ္ဗဟေတုကာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)

ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဟေတုပစ္စယေန ပစ္စယော – ဒဿနေန ပဟာတဗ္ဗဟေတုကာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဟေတုပစ္စယေန ပစ္စယော – ဒဿနေန ပဟာတဗ္ဗဟေတုကာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)

ဘာဝနာယ ပဟာတဗ္ဗဟေတုကော ဓမ္မော။ တီဏိ။

၇၆. နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဟေတုပစ္စယေန ပစ္စယော။ပေ.။။

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ဟေတုပစ္စယေန ပစ္စယော – ဝိစိကိစ္ဆာသဟဂတော မောဟော သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ ဟေတုပစ္စယေန ပစ္စယော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၃)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဟေတုပစ္စယေန ပစ္စယော – ဝိစိကိစ္ဆာသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၄)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဟေတုပစ္စယေန ပစ္စယော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၅)

အာရမ္မဏပစ္စယော

၇၇. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဒဿနေန ပဟာတဗ္ဗဟေတုကံ ရာဂံ အဿာဒေတိ အဘိနန္ဒတိ; တံ အာရဗ္ဘ ဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ။ ဒိဋ္ဌိံ အဿာဒေတိ အဘိနန္ဒတိ; တံ အာရဗ္ဘ ဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ။ ဝိစိကိစ္ဆံ အာရဗ္ဘ ဝိစိကိစ္ဆာ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ။ ဒဿနေန ပဟာတဗ္ဗဟေတုကံ ဒေါမနဿံ အာရဗ္ဘ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ။ (၁)

ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – အရိယာ ဒဿနေန ပဟာတဗ္ဗဟေတုကေ ပဟီနေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ ဒဿနေန ပဟာတဗ္ဗဟေတုကေ ခန္ဓေ အနိစ္စတော။ပေ.။ စေတောပရိယဉာဏေန။ပေ.။ ဒဿနေန ပဟာတဗ္ဗဟေတုကာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ အနာဂတံသဉာဏဿ၊ အာဝဇ္ဇနာယ မောဟဿ စ အာရမ္မဏပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော – ဒဿနေန ပဟာတဗ္ဗဟေတုကေ ခန္ဓေ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)

၇၈. ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဘာဝနာယ ပဟာတဗ္ဗဟေတုကံ ရာဂံ အဿာဒေတိ အဘိနန္ဒတိ; တံ အာရဗ္ဘ ဘာဝနာယ ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ။ ဥဒ္ဓစ္စံ အာရဗ္ဘ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ။ ဘာဝနာယ ပဟာတဗ္ဗဟေတုကံ ဒေါမနဿံ အာရဗ္ဘ ဘာဝနာယ ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ။ (၁)

ဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဘာဝနာယ ပဟာတဗ္ဗဟေတုကံ ရာဂံ အဿာဒေတိ အဘိနန္ဒတိ; တံ အာရဗ္ဘ ဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ။ ဥဒ္ဓစ္စံ အာရဗ္ဘ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ။ ဘာဝနာယ ပဟာတဗ္ဗဟေတုကံ ဒေါမနဿံ အာရဗ္ဘ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ။ (၂)

ဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – အရိယာ ဘာဝနာယ ပဟာတဗ္ဗဟေတုကေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ ဘာဝနာယ ပဟာတဗ္ဗဟေတုကေ ခန္ဓေ အနိစ္စတော။ပေ.။ စေတောပရိယဉာဏေန။ပေ.။ ဘာဝနာယ ပဟာတဗ္ဗဟေတုကာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ မောဟဿ စ အာရမ္မဏပစ္စယေန ပစ္စယော။ (၃)

ဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော – ဘာဝနာယ ပဟာတဗ္ဗဟေတုကေ ခန္ဓေ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၄)

ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော – ဘာဝနာယ ပဟာတဗ္ဗဟေတုကေ ခန္ဓေ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၅)

၇၉. နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ။(ဝိတ္ထာရေတဗ္ဗံ ဒဿနတ္တိကသဒိသံ) အာဝဇ္ဇနာယ မောဟဿ စ အာရမ္မဏပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ။ (ယထာ ဒဿနတ္တိကံ)။ (၂)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ။ (ယထာ ဒဿနတ္တိကံ)။ (၃)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော – စက္ခုံ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ။ သောတံ။ပေ.။ ဝတ္ထုံ။ နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၄)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော – စက္ခုံ။ပေ.။ ဝတ္ထုံ။ နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၅)

၈၀. ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဝိစိကိစ္ဆာသဟဂတေ ခန္ဓေ စ မောဟဉ္စ အာရဗ္ဘ ဒဿနေန ပဟာတဗ္ဗဟေတုကာ ခန္ဓာ ဥပ္ပဇ္ဇန္တိ။ (၁)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဝိစိကိစ္ဆာသဟဂတေ ခန္ဓေ စ မောဟဉ္စ အာရဗ္ဘ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ စ မောဟော စ ဥပ္ပဇ္ဇန္တိ။ (၂)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော – ဝိစိကိစ္ဆာသဟဂတေ ခန္ဓေ စ မောဟဉ္စ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)

၈၁. ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ ဒဿနေန ပဟာတဗ္ဗဟေတုကာ ခန္ဓာ ဥပ္ပဇ္ဇန္တိ။ (၁)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ ဘာဝနာယ ပဟာတဗ္ဗဟေတုကာ ခန္ဓာ ဥပ္ပဇ္ဇန္တိ။ (၂)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော – ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ စ မောဟော စ ဥပ္ပဇ္ဇန္တိ။ (၃)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော – ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၄)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော – ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၅)

အဓိပတိပစ္စယော

၈၂. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အဓိပတိပစ္စယေန ပစ္စယော (ဒဿနတ္တိကသဒိသံ၊ ဒသ ပဉှာ)။

အနန္တရပစ္စယော

၈၃. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဒဿနေန ပဟာတဗ္ဗဟေတုကာ ခန္ဓာ ပစ္ဆိမာနံ ပစ္ဆိမာနံ ဒဿနေန ပဟာတဗ္ဗဟေတုကာနံ ခန္ဓာနံ အနန္တရပစ္စယေန ပစ္စယော။ (၁)

ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ခန္ဓာ ပစ္ဆိမဿ ပစ္ဆိမဿ မောဟဿ အနန္တရပစ္စယေန ပစ္စယော; ဒဿနေန ပဟာတဗ္ဗဟေတုကာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ခန္ဓာ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)

၈၄. ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဘာဝနာယ ပဟာတဗ္ဗဟေတုကာ ခန္ဓာ ပစ္ဆိမာနံ ပစ္ဆိမာနံ ဘာဝနာယ ပဟာတဗ္ဗဟေတုကာနံ ခန္ဓာနံ အနန္တရပစ္စယေန ပစ္စယော။ (၁)

ဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ ပစ္ဆိမဿ ပစ္ဆိမဿ မောဟဿ အနန္တရပစ္စယေန ပစ္စယော; ဘာဝနာယ ပဟာတဗ္ဗဟေတုကာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)

ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥဒ္ဓစ္စသဟဂတာ ခန္ဓာ ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)

၈၅. နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစိကိစ္ဆာသဟဂတော ဥဒ္ဓစ္စသဟဂတော မောဟော ပစ္ဆိမဿ ပစ္ဆိမဿ ဝိစိကိစ္ဆာသဟဂတဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော; ပုရိမာ ပုရိမာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ ပစ္ဆိမာနံ ပစ္ဆိမာနံ နေဝဒဿနေန နဘာဝနာယ ပဟာတဗ္ဗဟေတုကာနံ ခန္ဓာနံ အနန္တရပစ္စယေန ပစ္စယော; အနုလောမံ ဂေါတြဘုဿ။ အနုလောမံ ဝေါဒါနဿ။ပေ.။ နိရောဓါ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစိကိစ္ဆာသဟဂတော မောဟော ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ အနန္တရပစ္စယေန ပစ္စယော; အာဝဇ္ဇနာ ဒဿနေန ပဟာတဗ္ဗဟေတုကာနံ ခန္ဓာနံ အနန္တရပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန ပစ္စယော; အာဝဇ္ဇနာ ဘာဝနာယ ပဟာတဗ္ဗဟေတုကာနံ ခန္ဓာနံ အနန္တရပစ္စယေန ပစ္စယော။ (၃)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစိကိစ္ဆာသဟဂတော မောဟော ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော; အာဝဇ္ဇနာ ဝိစိကိစ္ဆာသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၄)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော; အာဝဇ္ဇနာ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၅)

၈၆. ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ အနန္တရပစ္စယေန ပစ္စယော။ (၁)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ခန္ဓာ စ မောဟော စ ပစ္ဆိမဿ ပစ္ဆိမဿ မောဟဿ အနန္တရပစ္စယေန ပစ္စယော; ဝိစိကိစ္ဆာသဟဂတာ ခန္ဓာ စ မောဟော စ ဝုဋ္ဌာနဿ အနန္တရပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဘာဝနာယ ပဟာတဗ္ဗဟေတုကဿ ဓမ္မဿ အနန္တရပစ္စယေန ပစ္စယော။ တီဏိ (ဒဿနေန သဒိသံ ဂမနံ)။

သမနန္တရပစ္စယာဒိ

၈၇. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ သမနန္တရပစ္စယေန ပစ္စယော။ (အနန္တရသဒိသံ) သဟဇာတပစ္စယေန ပစ္စယော။ (သံခိတ္တံ။ ပဋိစ္စဝါရေ သဟဇာတသဒိသံ) အညမညပစ္စယေန ပစ္စယော။ (သံခိတ္တံ။ ပဋိစ္စဝါရေ အညမညသဒိသံ) နိဿယပစ္စယေန ပစ္စယော။ (သံခိတ္တံ။ ပစ္စယဝါရေ နိဿယဝါရသဒိသံ။ ဝိသုံ ဃဋနာ နတ္ထိ)။

ဥပနိဿယပစ္စယော

၈၈. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ၅၁အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဒဿနေန ပဟာတဗ္ဗဟေတုကံ ရာဂံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ။ ဒဿနေန ပဟာတဗ္ဗဟေတုကံ ဒေါသံ။ မောဟံ။ ဒိဋ္ဌိံ။ ပတ္ထနံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ။ ဒဿနေန ပဟာတဗ္ဗဟေတုကော ရာဂေါ။ ဒေါသော။ မောဟော။ ဒိဋ္ဌိ။ ပတ္ထနာ ဒဿနေန ပဟာတဗ္ဗဟေတုကဿ ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ (၁)

ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဒဿနေန ပဟာတဗ္ဗဟေတုကံ ရာဂံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ။ ဒဿနေန ပဟာတဗ္ဗဟေတုကံ ဒေါသံ။ မောဟံ။ ဒိဋ္ဌိံ။ ပတ္ထနံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ။ ဒဿနေန ပဟာတဗ္ဗဟေတုကော ရာဂေါ။ပေ.။ ပတ္ထနာ။ သဒ္ဓါယ။ပေ.။ ပညာယ။ ကာယိကဿ သုခဿ၊ ကာယိကဿ ဒုက္ခဿ ဖလသမာပတ္တိယာ မောဟဿ စ ဥပနိဿယပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဒဿနေန ပဟာတဗ္ဗဟေတုကော ရာဂေါ။ ဒေါသော။ မောဟော။ ဒိဋ္ဌိ။ ပတ္ထနာ ဝိစိကိစ္ဆာသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)

၈၉. ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဘာဝနာယ ပဟာတဗ္ဗဟေတုကော ရာဂေါ။ ဒေါသော။ မောဟော။ မာနော။ ပတ္ထနာ ဘာဝနာယ ပဟာတဗ္ဗဟေတုကဿ ရာဂဿ။ ဒေါသဿ။ မောဟဿ။ မာနဿ။ ပတ္ထနာယ ဥပနိဿယပစ္စယေန ပစ္စယော။ (၁)

ဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော။ပေ.။။ ပကတူပနိဿယော – ဘာဝနာယ ပဟာတဗ္ဗဟေတုကံ ရာဂံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ။ ဘာဝနာယ ပဟာတဗ္ဗဟေတုကံ ဒေါသံ။ မောဟံ။ မာနံ။ ပတ္ထနံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ။ ဘာဝနာယ ပဟာတဗ္ဗဟေတုကော ရာဂေါ။ပေ.။ ပတ္ထနာ ဒဿနေန ပဟာတဗ္ဗဟေတုကဿ ရာဂဿ။ ဒေါသဿ။ မောဟဿ။ ဒိဋ္ဌိယာ။ ပတ္ထနာယ ဥပနိဿယပစ္စယေန ပစ္စယော။ သကဘဏ္ဍေ ဆန္ဒရာဂေါ ပရဘဏ္ဍေ ဆန္ဒရာဂဿ ဥပနိဿယပစ္စယေန ပစ္စယော။ သကပရိဂ္ဂဟေ ဆန္ဒရာဂေါ ပရပရိဂ္ဂဟေ ဆန္ဒရာဂဿ ဥပနိဿယပစ္စယေန ပစ္စယော။ (၂)

ဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဘာဝနာယ ပဟာတဗ္ဗဟေတုကံ ရာဂံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ။ ဘာဝနာယ ပဟာတဗ္ဗဟေတုကံ ဒေါသံ။ မောဟံ။ မာနံ။ ပတ္ထနံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ။ ဘာဝနာယ ပဟာတဗ္ဗဟေတုကော ရာဂေါ။ပေ.။ ပတ္ထနာ သဒ္ဓါယ။ပေ.။ ပညာယ။ ကာယိကဿ သုခဿ၊ ကာယိကဿ ဒုက္ခဿ ဖလသမာပတ္တိယာ မောဟဿ စ ဥပနိဿယပစ္စယေန ပစ္စယော။ (၃)

ဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဥပနိဿယပစ္စယေန ပစ္စယော။။ ပကတူပနိဿယော – ဘာဝနာယ ပဟာတဗ္ဗဟေတုကော ရာဂေါ။ပေ.။ ပတ္ထနာ ဝိစိကိစ္ဆာသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၄)

ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဘာဝနာယ ပဟာတဗ္ဗဟေတုကော ရာဂေါ။ပေ.။ ပတ္ထနာ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၅)

၉၀. နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ။ သီလံ။ပေ.။ ပညံ။ ကာယိကံ သုခံ။ ကာယိကံ ဒုက္ခံ။ ဥတုံ။ ဘောဇနံ။ သေနာသနံ။ မောဟံ ဥပနိဿာယ ဒါနံ ဒေတိ။ပေ.။ သဒ္ဓါ။ပေ.။ မောဟော သဒ္ဓါယ။ပေ.။ ဖလသမာပတ္တိယာ မောဟဿ စ ဥပနိဿယပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ ဒိဋ္ဌိံ ဂဏှာတိ။ သီလံ။ပေ.။ ပညံ။ ကာယိကံ သုခံ။ ကာယိကံ ဒုက္ခံ။ပေ.။ သေနာသနံ။ မောဟံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ။ သဒ္ဓါ။ပေ.။ သေနာသနံ မောဟော စ ဒဿနေန ပဟာတဗ္ဗဟေတုကဿ ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ။ပေ.။ မောဟံ ဥပနိဿာယ မာနံ ဇပ္ပေတိ။ သဒ္ဓါ။ပေ.။ သေနာသနံ မောဟော စ ဘာဝနာယ ပဟာတဗ္ဗဟေတုကဿ ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ (၃)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓါ။ပေ.။ ပညာ။ ကာယိကံ သုခံ။ ကာယိကံ ဒုက္ခံ။ပေ.။ သေနာသနံ မောဟော စ ဝိစိကိစ္ဆာသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၄)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓါ။ပေ.။ သေနာသနံ မောဟော စ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၅)

၉၁. ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဝိစိကိစ္ဆာသဟဂတာ ခန္ဓာ စ မောဟော စ ဒဿနေန ပဟာတဗ္ဗဟေတုကဿ ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ (၁)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဝိစိကိစ္ဆာသဟဂတာ ခန္ဓာ စ မောဟော စ သဒ္ဓါယ။ပေ.။ ပညာယ။ ကာယိကဿ သုခဿ၊ ကာယိကဿ ဒုက္ခဿ ဖလသမာပတ္တိယာ မောဟဿ စ ဥပနိဿယပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဝိစိကိစ္ဆာသဟဂတာ ခန္ဓာ စ မောဟော စ ဝိစိကိစ္ဆာသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)

၉၂. ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ ဒဿနေန ပဟာတဗ္ဗဟေတုကဿ ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ (၁)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ ဘာဝနာယ ပဟာတဗ္ဗဟေတုကဿ ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ (၂)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ သဒ္ဓါယ။ပေ.။ ဖလသမာပတ္တိယာ မောဟဿ စ ဥပနိဿယပစ္စယေန ပစ္စယော။ (၃)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ ဝိစိကိစ္ဆာသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၄)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဥဒ္ဓစ္စသဟဂတာ ခန္ဓာ စ မောဟော စ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၅)

ပုရေဇာတပစ္စယော

၉၃. နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အနိစ္စတော။ပေ.။ ဝိပဿတိ၊ သောတံ။ပေ.။ ဝတ္ထုံ အနိစ္စတော။ပေ.။ ဝိပဿတိ; ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ၊ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ။ပေ.။ ဝတ္ထု နေဝဒဿနေန နဘာဝနာယ ပဟာတဗ္ဗဟေတုကာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ဝတ္ထုံ အဿာဒေတိ အဘိနန္ဒတိ; တံ အာရဗ္ဘ ဒဿနေန ပဟာတဗ္ဗဟေတုကော ရာဂေါ။ပေ.။ ဒိဋ္ဌိ။ပေ.။ ဝိစိကိစ္ဆာ။ပေ.။ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ ။ ဝတ္ထုပုရေဇာတံ – ဝတ္ထု ဒဿနေန ပဟာတဗ္ဗဟေတုကာနံ ခန္ဓာနံ ပုရေဇာတပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ဝတ္ထုံ အဿာဒေတိ အဘိနန္ဒတိ; တံ အာရဗ္ဘ ဘာဝနာယ ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ဘာဝနာယ ပဟာတဗ္ဗဟေတုကာနံ ခန္ဓာနံ ပုရေဇာတပစ္စယေန ပစ္စယော။ (၃)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ဝတ္ထုံ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဝိစိကိစ္ဆာသဟဂတာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၄)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ။ပေ.။ ဝတ္ထုံ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဥဒ္ဓစ္စသဟဂတာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၅)

ပစ္ဆာဇာတပစ္စယော

၉၄. ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဒဿနေန ပဟာတဗ္ဗဟေတုကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

ဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဘာဝနာယ ပဟာတဗ္ဗဟေတုကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဝိစိကိစ္ဆာသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

အာသေဝနပစ္စယော

၉၅. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ ဒဿနေန ပဟာတဗ္ဗဟေတုကာ ခန္ဓာ ပစ္ဆိမာနံ ပစ္ဆိမာနံ ဒဿနေန ပဟာတဗ္ဗဟေတုကာနံ ခန္ဓာနံ အာသေဝနပစ္စယေန ပစ္စယော။ (၁)

ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ခန္ဓာ ပစ္ဆိမဿ ပစ္ဆိမဿ မောဟဿ အာသေဝနပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ခန္ဓာ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ခန္ဓာနံ မောဟဿ စ အာသေဝနပစ္စယေန ပစ္စယော။

ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ (သံခိတ္တံ) တီဏိ။

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော။ပေ.။။ (အာသေဝနမူလကေ ဝုဋ္ဌာနဿပိ အာဝဇ္ဇနာယပိ ပဟာတဗ္ဗံ၊ သတ္တရသ ပဉှာ ပရိပုဏ္ဏာ၊ အနန္တရသဒိသာ)။

ကမ္မပစ္စယော

၉၆. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ကမ္မပစ္စယေန ပစ္စယော – ဒဿနေန ပဟာတဗ္ဗဟေတုကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)

ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ ဒဿနေန ပဟာတဗ္ဗဟေတုကာ စေတနာ မောဟဿ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ နာနာက္ခဏိကာ – ဒဿနေန ပဟာတဗ္ဗဟေတုကာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ကမ္မပစ္စယေန ပစ္စယော – ဒဿနေန ပဟာတဗ္ဗဟေတုကာ စေတနာ သမ္ပယုတ္တကာနံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)

၉၇. ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ ကမ္မပစ္စယေန ပစ္စယော – ဘာဝနာယ ပဟာတဗ္ဗဟေတုကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)

ဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ကမ္မပစ္စယေန ပစ္စယော – ဘာဝနာယ ပဟာတဗ္ဗဟေတုကာ စေတနာ မောဟဿ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၂)

ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ကမ္မပစ္စယေန ပစ္စယော – ဘာဝနာယ ပဟာတဗ္ဗဟေတုကာ စေတနာ သမ္ပယုတ္တကာနံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)

၉၈. နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – နေဝဒဿနေန နဘာဝနာယ ပဟာတဗ္ဗဟေတုကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ။ပေ.။။ နာနာက္ခဏိကာ – နေဝဒဿနေန နဘာဝနာယ ပဟာတဗ္ဗဟေတုကာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)

ဝိပါကပစ္စယော

၉၉. နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဝိပါကပစ္စယေန ပစ္စယော (ပဝတ္တိပဋိသန္ဓိ) ဝိပါကာ ခန္ဓာ ဝတ္ထုဿ။ပေ.။။

အာဟာရပစ္စယော

၁၀၀. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာဟာရပစ္စယေန ပစ္စယော – ဒဿနေန ပဟာတဗ္ဗဟေတုကာ အာဟာရာ သမ္ပယုတ္တကာနံ ခန္ဓာနံ အာဟာရပစ္စယေန ပစ္စယော။ (၁)

ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာဟာရပစ္စယေန ပစ္စယော – ဒဿနေန ပဟာတဗ္ဗဟေတုကာ အာဟာရာ မောဟဿ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာဟာရပစ္စယေန ပစ္စယော – ဒဿနေန ပဟာတဗ္ဗဟေတုကာ အာဟာရာ သမ္ပယုတ္တကာနံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ (၃)

ဘာဝနာယ ပဟာတဗ္ဗဟေတုကော ဓမ္မော။ တီဏိ (ဒဿနေန သဒိသံ)။

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာဟာရပစ္စယေန ပစ္စယော – နေဝဒဿနေန နဘာဝနာယ ပဟာတဗ္ဗဟေတုကာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ ပဋိသန္ဓိက္ခဏေ။ပေ.။ ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။

ဣန္ဒြိယပစ္စယာဒိ

၁၀၁. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ဣန္ဒြိယပစ္စယေန ပစ္စယော။ တီဏိ (အာဟာရသဒိသံ။ မောဟော ကာတဗ္ဗော)။

ဘာဝနာယ ပဟာတဗ္ဗဟေတုကော ဓမ္မော။ တီဏိ။

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဣန္ဒြိယပစ္စယေန ပစ္စယော – နေဝဒဿနေန နဘာဝနာယ ပဟာတဗ္ဗဟေတုကာ ဣန္ဒြိယာ သမ္ပယုတ္တကာနံ ခန္ဓာနံ။ပေ.။ စက္ခုန္ဒြိယံ စက္ခုဝိညာဏဿ။ပေ.။ ကာယိန္ဒြိယံ ကာယဝိညာဏဿ။ပေ.။ ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ ဈာနပစ္စယေန ပစ္စယော။ မဂ္ဂပစ္စယေန ပစ္စယော။ (ဣမေ သဟေတုကာ ကာတဗ္ဗာ) သမ္ပယုတ္တပစ္စယေန ပစ္စယော (ပဋိစ္စဝါရေ သမ္ပယုတ္တဝါရသဒိသံ)။

ဝိပ္ပယုတ္တပစ္စယော

၁၀၂. ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ (ဒဿနတ္တိကသဒိသံ)။

ဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ (ဒဿနတ္တိကသဒိသံ)။

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ (ဒဿနတ္တိကသဒိသံ)။ ပစ္ဆာဇာတာ – နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ စ မောဟော စ ပုရေဇာတဿ ဣမဿ ကာယဿ။ပေ.။။ (၁)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဒဿနေန ပဟာတဗ္ဗဟေတုကာနံ ခန္ဓာနံ။ပေ.။။ (၂)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဘာဝနာယ ပဟာတဗ္ဗဟေတုကာနံ ခန္ဓာနံ။ပေ.။။ (၃)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဝိစိကိစ္ဆာသဟဂတာနံ ခန္ဓာနံ မောဟဿ စ ဝိပ္ပယုတ္တပစ္စယေန ပစ္စယော။ (၄)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဥဒ္ဓစ္စသဟဂတာနံ ခန္ဓာနံ မောဟဿ စ ဝိပ္ပယုတ္တပစ္စယေန ပစ္စယော။ (၅)

၁၀၃. ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – ဝိစိကိစ္ဆာသဟဂတာ ခန္ဓာ စ မောဟော စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဝိစိကိစ္ဆာသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – ဥဒ္ဓစ္စသဟဂတာ ခန္ဓာ စ မောဟော စ စိတ္တသမုဋ္ဌာနာနံ ရူပါနံ။ပေ.။။ ပစ္ဆာဇာတာ – ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

အတ္ထိပစ္စယာဒိ

၁၀၄. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – ဒဿနေန ပဟာတဗ္ဗဟေတုကော ဧကော ခန္ဓော တိဏ္ဏန္နံ ခန္ဓာနံ။ပေ.။။ (၁)

ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – ဒဿနေန ပဟာတဗ္ဗဟေတုကာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတာ – ဝိစိကိစ္ဆာသဟဂတာ ခန္ဓာ မောဟဿ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – ဒဿနေန ပဟာတဗ္ဗဟေတုကာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အတ္ထိပစ္စယေန ပစ္စယော – ဒဿနေန ပဟာတဗ္ဗဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ဝိစိကိစ္ဆာသဟဂတော ဧကော ခန္ဓော တိဏ္ဏန္နံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။။ (၃)

ဘာဝနာယ ပဟာတဗ္ဗဟေတုကော ဓမ္မော။ တီဏိ။

၁၀၅. နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – နေဝဒဿနေန နဘာဝနာယ ပဟာတဗ္ဗဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။ ဝိစိကိစ္ဆာသဟဂတော ဥဒ္ဓစ္စသဟဂတော မောဟော စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ။ပေ.။ အသညသတ္တာနံ။ပေ.။။ ပုရေဇာတံ – စက္ခုံ။ပေ.။ ဝတ္ထုံ အနိစ္စတော။ပေ.။ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ၊ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ။ပေ.။ စက္ခါယတနံ။ပေ.။ ကာယာယတနံ။ပေ.။ ဝတ္ထု နေဝဒဿနေန နဘာဝနာယ ပဟာတဗ္ဗဟေတုကာနံ ခန္ဓာနံ မောဟဿ စ အတ္ထိပစ္စယေန ပစ္စယော။ ပစ္ဆာဇာတာ – နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ စ မောဟော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော; ကဗဠီကာရော အာဟာရော ဣမဿ ကာယဿ။ပေ.။ ရူပဇီဝိတိန္ဒြိယံ ကဋတ္တာရူပါနံ။ပေ.။။ (၁)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဝိစိကိစ္ဆာသဟဂတော မောဟော သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ။ပေ.။ ဝတ္ထုံ အဿာဒေတိ အဘိနန္ဒတိ; တံ အာရဗ္ဘ ဒဿနေန ပဟာတဗ္ဗဟေတုကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဒဿနေန ပဟာတဗ္ဗဟေတုကံ ဒေါမနဿံ ဥပ္ပဇ္ဇတိ၊ ဝတ္ထု ဒဿနေန ပဟာတဗ္ဗဟေတုကာနံ ခန္ဓာနံ အတ္ထိပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ။ပေ.။ ဝတ္ထုံ အဿာဒေတိ အဘိနန္ဒတိ။ပေ.။ ဝတ္ထု ဘာဝနာယ ပဟာတဗ္ဗဟေတုကာနံ ခန္ဓာနံ အတ္ထိပစ္စယေန ပစ္စယော။ (၃)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဝိစိကိစ္ဆာသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပုရေဇာတံ – စက္ခုံ အာရဗ္ဘ ဝိစိကိစ္ဆာသဟဂတာ ခန္ဓာ စ မောဟော စ ဥပ္ပဇ္ဇန္တိ။ပေ.။ ဝတ္ထုံ အာရဗ္ဘ။ပေ.။ ဝတ္ထု ဝိစိကိစ္ဆာသဟဂတာနံ ခန္ဓာနံ မောဟဿ စ အတ္ထိပစ္စယေန ပစ္စယော။ (၄)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပုရေဇာတံ – စက္ခုံ အာရဗ္ဘ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ပေ.။ ဝတ္ထုံ အာရဗ္ဘ။ပေ.။ ဝတ္ထု ဥဒ္ဓစ္စသဟဂတာနံ ခန္ဓာနံ မောဟဿ စ အတ္ထိပစ္စယေန ပစ္စယော။ (၅)

၁၀၆. ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဒဿနေန ပဟာတဗ္ဗဟေတုကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော ။ပေ.။ ဒွေ ခန္ဓာ။ပေ.။ ဝိစိကိစ္ဆာသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ.။ ဒွေ ခန္ဓာ။ပေ.။။ (၁)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – ဒဿနေန ပဟာတဗ္ဗဟေတုကာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတာ – ဝိစိကိစ္ဆာသဟဂတာ ခန္ဓာ စ မောဟော စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတာ – ဝိစိကိစ္ဆာသဟဂတာ ခန္ဓာ စ ဝတ္ထု စ မောဟဿ အတ္ထိပစ္စယေန ပစ္စယော။ ပစ္ဆာဇာတာ – ဝိစိကိစ္ဆာသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဒဿနေန ပဟာတဗ္ဗဟေတုကာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဒဿနေန ပဟာတဗ္ဗဟေတုကာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဝိစိကိစ္ဆာသဟဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ မောဟဿ စ အတ္ထိပစ္စယေန ပစ္စယော။ပေ.။ ဒွေ ခန္ဓာ။ပေ.။ ဝိစိကိစ္ဆာသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။ ဒွေ ခန္ဓာ စ မောဟော စ။ပေ.။။ (၃)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဘာဝနာယ ပဟာတဗ္ဗဟေတုကဿ ဓမ္မဿ အတ္ထိပစ္စယေန ပစ္စယော (သံခိတ္တံ။ တိဿော ပဉှာ၊ ဒဿနေန နယေန ဝိဘဇိတဗ္ဗာ၊ ‘‘ဥဒ္ဓစ္စ’’န္တိ နိယာမေတဗ္ဗံ) နတ္ထိပစ္စယေန ပစ္စယော။ ဝိဂတပစ္စယေန ပစ္စယော။ အဝိဂတပစ္စယေန ပစ္စယော။။

၁. ပစ္စယာနုလောမံ

၂. သင်္ချာဝါရော

သုဒ္ဓံ

၁၀၇. ဟေတုယာ ဧကာဒသ၊ အာရမ္မဏေ ဧကဝီသ၊ အဓိပတိယာ ဒသ၊ အနန္တရေ သတ္တရသ၊ သမနန္တရေ သတ္တရသ၊ သဟဇာတေ သတ္တရသ၊ အညမညေ ဧကာဒသ၊ နိဿယေ သတ္တရသ၊ ဥပနိဿယေ ဧကဝီသ၊ ပုရေဇာတေ ပဉ္စ၊ ပစ္ဆာဇာတေ ပဉ္စ၊ အာသေဝနေ သတ္တရသ၊ ကမ္မေ သတ္တ၊ ဝိပါကေ ဧကံ၊ အာဟာရေ သတ္တ၊ ဣန္ဒြိယေ သတ္တ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ ဧကာဒသ၊ ဝိပ္ပယုတ္တေ နဝ၊ အတ္ထိယာ သတ္တရသ၊ နတ္ထိယာ သတ္တရသ၊ ဝိဂတေ သတ္တရသ၊ အဝိဂတေ သတ္တရသ (ဧဝံ ဂဏေတဗ္ဗံ)။

အနုလောမံ။

ပစ္စနီယုဒ္ဓါရော

၁၀၈. ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)

ဒဿနေန ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ (၂)

ဒဿနေန ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၃)

၁၀၉. ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)

ဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ (၂)

ဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ (၃)

ဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ (၄)

ဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၅)

၁၁၀. နေဝဒဿနေန နဘာဝနာယ ပဟာတဗ္ဗဟေတုကော ဓမ္မော နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၃)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၄)

နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၅)

၁၁၁. ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)

(ဣဓ သဟဇာတံ၊ ပုရေဇာတံ၊ မိဿဂတံ အတ္ထိ၊ ပါဠိယံ ကာတဗ္ဗံ။ ဂဏနာယ ဥပဓါရေတွာ ဂဏေတဗ္ဗံ။)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ (၂)

(ဣဓါပိ အာရမ္မဏပစ္စယာ ဥပနိဿယပစ္စယာ အတ္ထိ၊ ပါဠိယံ နတ္ထိ။ ဂဏေန္တေန ဥပဓါရေတွာ ဂဏေတဗ္ဗံ။)

ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၃)

(ဣဓါပိ ‘‘သဟဇာတံ၊ ပုရေဇာတံ’’ ယံ မိဿကပဉှာ အတ္ထိ၊ ပါဠိယံ ကာတဗ္ဗံ)။

၁၁၂. ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ (၁)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဘာဝနာယ ပဟာတဗ္ဗဟေတုကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (ဣဓါပိ ‘‘သဟဇာတံ၊ ပုရေဇာတံ’’ ယံ မိဿကပဉှာ အတ္ထိ )။ (၂)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ နေဝဒဿနေန နဘာဝနာယ ပဟာတဗ္ဗဟေတုကဿ ဓမ္မဿ သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ (ဣဓါပိ အာရမ္မဏဥပနိဿယာ အတ္ထိ)။ (၃)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဒဿနေန ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ (၄)

ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဘာဝနာယ ပဟာတဗ္ဗဟေတုကဿ စ နေဝဒဿနေန နဘာဝနာယ ပဟာတဗ္ဗဟေတုကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၅)

(ဣဓါပိ သဟဇာတံ၊ ပုရေဇာတံ အတ္ထိ။ ယေ တေ ပဉှာ န လိခိတာ၊ တေ ပါဠိယံ ဂဏေန္တာနံ ဗျဉ္ဇနေန န သမေန္တိ။ တေ ပါဠိယံ န လိခိတာ ဂဏနာ ပါကဋာ ဟောန္တိ။ ယဒိ သံသယော ဥပ္ပဇ္ဇတိ၊ အနုလောမေ အတ္ထိပစ္စယေ ပေက္ခိတဗ္ဗံ။)

၂. ပစ္စယပစ္စနီယံ

၂. သင်္ချာဝါရော

သုဒ္ဓံ

၁၁၃. နဟေတုယာ ဧကဝီသ၊ နအာရမ္မဏေ နအဓိပတိယာ နအနန္တရေ နသမနန္တရေ နသဟဇာတေ နအညမညေ နနိဿယေ နဥပနိဿယေ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပါကေ နအာဟာရေ နဣန္ဒြိယေ နဈာနေ နမဂ္ဂေ နသမ္ပယုတ္တေ နဝိပ္ပယုတ္တေ နောအတ္ထိယာ နောနတ္ထိယာ နောဝိဂတေ နောအဝိဂတေ သဗ္ဗတ္ထ ဧကဝီသ (ဧဝံ ဂဏေတဗ္ဗံ)။

ပစ္စနီယံ။

၃. ပစ္စယာနုလောမပစ္စနီယံ

ဟေတုဒုကံ

၁၁၄. ဟေတုပစ္စယာ နအာရမ္မဏေ ဧကာဒသ၊ နအဓိပတိယာ နအနန္တရေ နသမနန္တရေ ဧကာဒသ၊ နအညမညေ တီဏိ၊ နဥပနိဿယေ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပါကေ နအာဟာရေ နဣန္ဒြိယေ နဈာနေ နမဂ္ဂေ ဧကာဒသ၊ နသမ္ပယုတ္တေ တီဏိ၊ နဝိပ္ပယုတ္တေ ပဉ္စ ၊ နောနတ္ထိယာ ဧကာဒသ၊ နောဝိဂတေ ဧကာဒသ (ဧဝံ ဂဏေတဗ္ဗံ)။

အနုလောမပစ္စနီယံ။

၄. ပစ္စယပစ္စနီယာနုလောမံ

နဟေတုဒုကံ

၁၁၅. နဟေတုပစ္စယာ အာရမ္မဏေ ဧကဝီသ၊ အဓိပတိယာ ဒသ၊ အနန္တရေ သတ္တရသ၊ သမနန္တရေ သတ္တရသ၊ သဟဇာတေ သတ္တရသ၊ အညမညေ ဧကာဒသ၊ နိဿယေ သတ္တရသ၊ ဥပနိဿယေ ဧကဝီသ၊ ပုရေဇာတေ ပဉ္စ၊ ပစ္ဆာဇာတေ ပဉ္စ၊ အာသေဝနေ သတ္တရသ၊ ကမ္မေ သတ္တ၊ ဝိပါကေ ဧကံ၊ အာဟာရေ သတ္တ၊ ဣန္ဒြိယေ သတ္တ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ ဧကာဒသ၊ ဝိပ္ပယုတ္တေ နဝ၊ အတ္ထိယာ သတ္တရသ၊ နတ္ထိယာ သတ္တရသ၊ ဝိဂတေ သတ္တရသ၊ အဝိဂတေ သတ္တရသ (ဧဝံ ဂဏေတဗ္ဗံ)။

ပစ္စနီယာနုလောမံ။

ပဉှာဝါရော။

ဒဿနေနပဟာတဗ္ဗဟေတုကတ္တိကံ နိဋ္ဌိတံ။