၅. သံကိလိဋ္ဌတ္တိက
၁. ပဋိစ္စဝါရ
၁. ပစ္စယာနုလောမ
၁. ဝိဘင်္ဂဝါရ
ဟေတု
၁. သံကိလိဋ္ဌသံကိလေသိကံ ဓမ္မံ ပဋိစ္စ သံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ – သံကိလိဋ္ဌသံကိလေသိကံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ။ (၁)
သံကိလိဋ္ဌသံကိလေသိကံ ဓမ္မံ ပဋိစ္စ အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ – သံကိလိဋ္ဌသံကိလေသိကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
သံကိလိဋ္ဌသံကိလေသိကံ ဓမ္မံ ပဋိစ္စ သံကိလိဋ္ဌသံကိလေသိကော စ အသံကိလိဋ္ဌသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ – သံကိလိဋ္ဌသံကိလေသိကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ (၃)
အသံကိလိဋ္ဌသံကိလေသိကံ ဓမ္မံ ပဋိစ္စ အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ – အသံကိလိဋ္ဌသံကိလေသိကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ ; ပဋိသန္ဓိက္ခဏေ အသံကိလိဋ္ဌသံကိလေသိကံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ ကဋတ္တာ စ ရူပံ; ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ; ဧကံ မဟာဘူတံ ပဋိစ္စ တယော မဟာဘူတာ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)
၂. အသံကိလိဋ္ဌအသံကိလေသိကံ ဓမ္မံ ပဋိစ္စ အသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ – အသံကိလိဋ္ဌအသံကိလေသိကံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ။ (၁)
အသံကိလိဋ္ဌအသံကိလေသိကံ ဓမ္မံ ပဋိစ္စ အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ – အသံကိလိဋ္ဌအသံကိလေသိကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အသံကိလိဋ္ဌအသံကိလေသိကံ ဓမ္မံ ပဋိစ္စ အသံကိလိဋ္ဌသံကိလေသိကော စ အသံကိလိဋ္ဌအသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ – အသံကိလိဋ္ဌအသံကိလေသိကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ (၃)
အသံကိလိဋ္ဌသံကိလေသိကဉ္စ အသံကိလိဋ္ဌအသံကိလေသိကဉ္စ ဓမ္မံ ပဋိစ္စ အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ – အသံကိလိဋ္ဌအသံကိလေသိကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
သံကိလိဋ္ဌသံကိလေသိကဉ္စ အသံကိလိဋ္ဌသံကိလေသိကဉ္စ ဓမ္မံ ပဋိစ္စ အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ – သံကိလိဋ္ဌသံကိလေသိကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (သံခိတ္တံ)။ (၁)
၁. ပစ္စယာနုလောမံ
၂. သင်္ချာဝါရော
၃. ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ၊ အနန္တရေ တီဏိ၊ သမနန္တရေ တီဏိ၊ သဟဇာတေ နဝ၊ အညမညေ တီဏိ၊ နိဿယေ နဝ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ နဝ၊ ဝိပါကေ ပဉ္စ၊ အာဟာရေ နဝ။ပေ.။ မဂ္ဂေ နဝ၊ သမ္ပယုတ္တေ တီဏိ၊ ဝိပ္ပယုတ္တေ နဝ။ပေ.။ အဝိဂတေ နဝ (သံခိတ္တံ။)
(ယထာ ကုသလတ္တိကေ ဝိဘတ္တံ၊ ဧဝံ ဝိဘဇိတဗ္ဗံ။)
၂. ပစ္စယပစ္စနီယံ
နဟေတုပစ္စယော
၄. သံကိလိဋ္ဌသံကိလေသိကံ ဓမ္မံ ပဋိစ္စ သံကိလိဋ္ဌသံကိလေသိကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
အသံကိလိဋ္ဌသံကိလေသိကံ ဓမ္မံ ပဋိစ္စ အသံကိလိဋ္ဌသံကိလေသိကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အသံကိလိဋ္ဌသံကိလေသိကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ အဟေတုကပဋိသန္ဓိက္ခဏေ။ပေ.။ အသညသတ္တာနံ ဧကံ မဟာဘူတံ။ (သံခိတ္တံ။) (၁)
(ယထာ ကုသလတ္တိကေ ဝိဘတ္တံ၊ ဧဝံ ဝိဘဇိတဗ္ဗံ။)
သုဒ္ဓံ
၅. နဟေတုယာ ဒွေ၊ နအာရမ္မဏေ ပဉ္စ၊ နအဓိပတိယာ ဆ၊ နအနန္တရေ ပဉ္စ။ပေ.။ နဥပနိဿယေ ပဉ္စ၊ နပုရေဇာတေ သတ္တ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ။ပေ.။ နမဂ္ဂေ ဧကံ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ။ (သံခိတ္တံ။)
၃. ပစ္စယာနုလောမပစ္စနီယံ
ဟေတုဒုကံ
၆. ဟေတုပစ္စယာ နအာရမ္မဏေ ပဉ္စ၊ နအဓိပတိယာ ဆ။ပေ.။ နပုရေဇာတေ သတ္တ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ။ (သံခိတ္တံ။)
၄. ပစ္စယပစ္စနီယာနုလောမံ
နဟေတုဒုကံ
၇. နဟေတုပစ္စယာ အာရမ္မဏေ ဒွေ။ပေ.။ ဝိပါကေ ဧကံ။ပေ.။ မဂ္ဂေ ဧကံ။ပေ.။ အဝိဂတေ ဒွေ။ (သံခိတ္တံ။)
ပဋိစ္စဝါရော။
၂-၆ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော
(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ဝိတ္ထာရေတဗ္ဗော။)
၇. ပဉှာဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၈. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ ဟေတုပစ္စယေန ပစ္စယော – သံကိလိဋ္ဌသံကိလေသိကာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
သံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဟေတုပစ္စယေန ပစ္စယော – သံကိလိဋ္ဌသံကိလေသိကာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)
သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ စ အသံကိလိဋ္ဌသံကိလေသိကဿ စ ဓမ္မဿ ဟေတုပစ္စယေန ပစ္စယော – သံကိလိဋ္ဌသံကိလေသိကာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဟေတုပစ္စယေန ပစ္စယော – အသံကိလိဋ္ဌသံကိလေသိကာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော; ပဋိသန္ဓိက္ခဏေ အသံကိလိဋ္ဌသံကိလေသိကာ ဟေတူ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဟေတုပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ ဟေတုပစ္စယေန ပစ္စယော – အသံကိလိဋ္ဌအသံကိလေသိကာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဟေတုပစ္စယေန ပစ္စယော – အသံကိလိဋ္ဌအသံကိလေသိကာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ စ အသံကိလိဋ္ဌအသံကိလေသိကဿ စ ဓမ္မဿ ဟေတုပစ္စယေန ပစ္စယော – အသံကိလိဋ္ဌအသံကိလေသိကာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
၉. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အာရမ္မဏပစ္စယေန ပစ္စယော – ရာဂံ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဒေါမနဿံ ဥပ္ပဇ္ဇတိ ။ ဒိဋ္ဌိံ အဿာဒေတိ။ပေ.။ ဝိစိကိစ္ဆံ အာရဗ္ဘ။ပေ.။ ဥဒ္ဓစ္စံ အာရဗ္ဘ။ပေ.။ ဒေါမနဿံ အာရဗ္ဘ။ပေ.။။ (၁)
(ယထာ ကုသလတ္တိကေ ဝိဘတ္တံ၊ ဧဝံ ဝိဘဇိတဗ္ဗံ။)
သံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အာရမ္မဏပစ္စယေန ပစ္စယော – အရိယာ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ သံကိလိဋ္ဌသံကိလေသိကေ ခန္ဓေ အနိစ္စတော ဒုက္ခတော အနတ္တတော ဝိပဿန္တိ၊ စေတောပရိယဉာဏေန သံကိလိဋ္ဌသံကိလေသိကစိတ္တသမင်္ဂိဿ စိတ္တံ ဇာနန္တိ; သေက္ခါ ဝါ ပုထုဇ္ဇနာ ဝါ သံကိလိဋ္ဌသံကိလေသိကေ ခန္ဓေ အနိစ္စတော ဒုက္ခတော အနတ္တတော ဝိပဿန္တိ၊ ကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ; သံကိလိဋ္ဌသံကိလေသိကေ ခန္ဓေ အဿာဒေန္တိ အဘိနန္ဒန္တိ။ပေ.။ ဒေါမနဿံ ဥပ္ပဇ္ဇတိ၊ အကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ။ သံကိလိဋ္ဌသံကိလေသိကာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)
၁၀. အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ၊ သီလံ သမာဒိယိတွာ ၊ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ; ဈာနာ ဝုဋ္ဌဟိတွာ ဈာနံ ပစ္စဝေက္ခတိ၊ အရိယာ ဂေါတြဘုံ ပစ္စဝေက္ခန္တိ၊ ဝေါဒါနံ ပစ္စဝေက္ခန္တိ၊ စက္ခုံ အနိစ္စတော ဒုက္ခတော အနတ္တတော ဝိပဿန္တိ ; သောတံ။ ဃာနံ။ ဇိဝှံ။ ကာယံ။ ရူပေ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ။ ဝတ္ထုံ အသံကိလိဋ္ဌသံကိလေသိကေ ခန္ဓေ အနိစ္စတော ဒုက္ခတော အနတ္တတော ဝိပဿန္တိ; ဒိဗ္ဗေန စက္ခုနာ ရူပံ ပဿန္တိ၊ ဒိဗ္ဗာယ သောတဓါတုယာ သဒ္ဒံ သုဏန္တိ၊ စေတောပရိယဉာဏေန အသံကိလိဋ္ဌသံကိလေသိကစိတ္တသမင်္ဂိဿ စိတ္တံ ဇာနန္တိ။ အာကာသာနဉ္စာယတနံ ဝိညာဏဉ္စာယတနဿ။ပေ.။ အာကိဉ္စညာယတနံ နေဝသညာနာသညာယတနဿ အာရမ္မဏပစ္စယေန ပစ္စယော။ ရူပါယတနံ စက္ခုဝိညာဏဿ အာရမ္မဏပစ္စယေန ပစ္စယော။ပေ.။ ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော။ အသံကိလိဋ္ဌသံကိလေသိကာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ၊ သီလံ သမာဒိယိတွာ၊ ဥပေါသထကမ္မံ ကတွာ တံ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ; ပုဗ္ဗေ သုစိဏ္ဏာနိ အဿာဒေတိ။ပေ.။ ဈာနာ ဝုဋ္ဌဟိတွာ ဈာနံ အဿာဒေတိ။ပေ.။ စက္ခုံ အဿာဒေတိ ။ ဖောဋ္ဌဗ္ဗေ။ ဝတ္ထုံ။ အသံကိလိဋ္ဌသံကိလေသိကေ ခန္ဓေ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ။ ဒေါမနဿံ ဥပ္ပဇ္ဇတိ။ (၂)
အသံကိလိဋ္ဌအသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ မဂ္ဂဿ၊ ဖလဿ အာရမ္မဏပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ နိဗ္ဗာနံ ပစ္စဝေက္ခန္တိ။ နိဗ္ဗာနံ ဂေါတြဘုဿ၊ ဝေါဒါနဿ၊ အာဝဇ္ဇနာယ အာရမ္မဏပစ္စယေန ပစ္စယော။ အရိယာ စေတောပရိယဉာဏေန အသံကိလိဋ္ဌအသံကိလေသိကစိတ္တသမင်္ဂိဿ စိတ္တံ ဇာနန္တိ။ အသံကိလိဋ္ဌအသံကိလေသိကာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)
အဓိပတိပစ္စယော
၁၁. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ရာဂံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ; ဒိဋ္ဌိံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – သံကိလိဋ္ဌသံကိလေသိကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
သံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သံကိလိဋ္ဌသံကိလေသိကာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ စ အသံကိလိဋ္ဌသံကိလေသိကဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သံကိလိဋ္ဌသံကိလေသိကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
၁၂. အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ၊ သီလံ သမာဒိယိတွာ၊ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ၊ ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ၊ သေက္ခါ ဂေါတြဘုံ ဂရုံ ကတွာ ပစ္စဝေက္ခန္တိ၊ ဝေါဒါနံ ဂရုံ ကတွာ ပစ္စဝေက္ခန္တိ။ သဟဇာတာဓိပတိ – အသံကိလိဋ္ဌသံကိလေသိကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒါနံ ဒတွာ၊ သီလံ သမာဒိယိတွာ၊ ဥပေါသထကမ္မံ ကတွာ တံ ဂရုံ ကတွာ အဿာဒေတိ အဘိနန္ဒတိ ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ပုဗ္ဗေ သုစိဏ္ဏာနိ ဂရုံ ကတွာ အဿာဒေတိ အဘိနန္ဒတိ။ပေ.။ ဈာနာ ဝုဋ္ဌဟိတွာ ဈာနံ ဂရုံ ကတွာ အဿာဒေတိ အဘိနန္ဒတိ။ပေ.။ စက္ခုံ ဂရုံ ကတွာ အဿာဒေတိ အဘိနန္ဒတိ။ပေ.။ ဖောဋ္ဌဗ္ဗေ။ပေ.။ ဝတ္ထုံ အသံကိလိဋ္ဌသံကိလေသိကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၂)
အသံကိလိဋ္ဌအသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – နိဗ္ဗာနံ မဂ္ဂဿ၊ ဖလဿ အဓိပတိပစ္စယေန ပစ္စယော။ သဟဇာတာဓိပတိ – အသံကိလိဋ္ဌအသံကိလေသိကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ အဓိပတိပစ္စယေန ပစ္စယော။ သဟဇာတာဓိပတိ – အသံကိလိဋ္ဌအသံကိလေသိကာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ စ အသံကိလိဋ္ဌအသံကိလေသိကဿ စ ဓမ္မဿ အဓိပတိပစ္စယေန ပစ္စယော ။ သဟဇာတာဓိပတိ – အသံကိလိဋ္ဌအသံကိလေသိကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
အနန္တရပစ္စယော
၁၃. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သံကိလိဋ္ဌသံကိလေသိကာ ခန္ဓာ ပစ္ဆိမာနံ ပစ္ဆိမာနံ သံကိလိဋ္ဌသံကိလေသိကာနံ ခန္ဓာနံ အနန္တရပစ္စယေန ပစ္စယော။ (၁)
သံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အနန္တရပစ္စယေန ပစ္စယော – သံကိလိဋ္ဌသံကိလေသိကာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)
အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အသံကိလိဋ္ဌသံကိလေသိကာ ခန္ဓာ ပစ္ဆိမာနံ ပစ္ဆိမာနံ အသံကိလိဋ္ဌသံကိလေသိကာနံ ခန္ဓာနံ အနန္တရပစ္စယေန ပစ္စယော။ အနုလောမံ ဂေါတြဘုဿ။ အနုလောမံ ဝေါဒါနဿ။ အာဝဇ္ဇနာ အသံကိလိဋ္ဌသံကိလေသိကာနံ ခန္ဓာနံ အနန္တရပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အနန္တရပစ္စယေန ပစ္စယော – အာဝဇ္ဇနာ သံကိလိဋ္ဌသံကိလေသိကာနံ ခန္ဓာနံ အနန္တရပစ္စယေန ပစ္စယော။ (၂)
အသံကိလိဋ္ဌသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ အနန္တရပစ္စယေန ပစ္စယော – ဂေါတြဘု မဂ္ဂဿ။ ဝေါဒါနံ မဂ္ဂဿ ။ အနုလောမံ ဖလသမာပတ္တိယာ။ နိရောဓါ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၃)
အသံကိလိဋ္ဌအသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အသံကိလိဋ္ဌအသံကိလေသိကာ ခန္ဓာ ပစ္ဆိမာနံ ပစ္ဆိမာနံ အသံကိလိဋ္ဌအသံကိလေသိကာနံ ခန္ဓာနံ အနန္တရပစ္စယေန ပစ္စယော။ မဂ္ဂေါ ဖလဿ။ ဖလံ ဖလဿ အနန္တရပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အနန္တရပစ္စယေန ပစ္စယော – ဖလံ ဝုဋ္ဌာနဿ အနန္တရပစ္စယေန ပစ္စယော။ (၂)
သမနန္တရပစ္စယာဒိ
၁၄. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ သမနန္တရပစ္စယေန ပစ္စယော။ပေ.။ သဟဇာတပစ္စယေန ပစ္စယော။ အညမညပစ္စယေန ပစ္စယော။ နိဿယပစ္စယေန ပစ္စယော။ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော ။ပေ.။။ ပကတူပနိဿယော – ရာဂံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ။ပေ.။ ဒေါသံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ။ ရာဂေါ။ပေ.။ ပတ္ထနာ ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ ပါဏာတိပါတော ပါဏာတိပါတဿ ဥပနိဿယပစ္စယေန ပစ္စယော။ပေ.။ နိယတမိစ္ဆာဒိဋ္ဌိ နိယတမိစ္ဆာဒိဋ္ဌိယာ ဥပနိဿယပစ္စယေန ပစ္စယော။ပေ.။။ (၁)
သံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ရာဂံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ဈာနံ။ ဝိပဿနံ။ အဘိညံ ဥပ္ပါဒေတိ၊ သမာပတ္တိံ ဥပ္ပါဒေတိ။ပေ.။ ပတ္ထနံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ။ ရာဂေါ။ပေ.။ ပတ္ထနာ သဒ္ဓါယ။ပေ.။ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ ပါဏံ ဟန္တွာ တဿ ပဋိဃာတတ္ထာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ဈာနံ ဥပ္ပါဒေတိ၊ ဝိပဿနံ ဥပ္ပါဒေတိ၊ အဘိညံ ဥပ္ပါဒေတိ၊ သမာပတ္တိံ ဥပ္ပါဒေတိ။ပေ.။ သံဃံ ဘိန္ဒိတွာ တဿ ပဋိဃာတတ္ထာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ။ အကုသလံ ကမ္မံ ဝိပါကဿ ဥပနိဿယပစ္စယေန ပစ္စယော။ (၂)
သံကိလိဋ္ဌသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – ရာဂံ ဥပနိဿာယ မဂ္ဂံ ဥပ္ပါဒေတိ၊ ဖလသမာပတ္တိံ သမာပဇ္ဇတိ။ ဒေါသံ။ပေ.။ ပတ္ထနံ ဥပနိဿာယ မဂ္ဂံ ဥပ္ပါဒေတိ၊ ဖလသမာပတ္တိံ သမာပဇ္ဇတိ။ ရာဂေါ။ပေ.။ ပတ္ထနာ မဂ္ဂဿ။ ဖလသမာပတ္တိယာ ဥပနိဿယပစ္စယေန ပစ္စယော။ (၃)
၁၅. အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ။ သီလံ။ သုတံ။ စာဂံ။ ပညံ။ ကာယိကံ သုခံ။ ကာယိကံ ဒုက္ခံ။ ဥတုံ။ ဘောဇနံ။ သေနာသနံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ။ သဒ္ဓါ။ပေ.။ သေနာသနံ သဒ္ဓါယ။ပေ.။ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ ကုသလံ ကမ္မံ ဝိပါကဿ ဥပနိဿယပစ္စယေန ပစ္စယော ။ ပဌမဿ ဈာနဿ ပရိကမ္မံ ပဌမဿ ဈာနဿ။ပေ.။ အာကိဉ္စညာယတနံ နေဝသညာနာသညာယတနဿ။ပေ.။။ (၁)
အသံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – သဒ္ဓံ ဥပနိဿာယ မာနံ ဇပ္ပေတိ၊ ဒိဋ္ဌိံ ဂဏှာတိ; သီလံ။ပေ.။ သေနာသနံ ဥပနိဿာယ ပါဏံ ဟနတိ။ပေ.။ သံဃံ ဘိန္ဒတိ၊ သဒ္ဓါ။ပေ.။ သေနာသနံ ရာဂဿ။ပေ.။ ပတ္ထနာယ ဥပနိဿယပစ္စယေန ပစ္စယော။ (၂)
အသံကိလိဋ္ဌသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ပဌမဿ မဂ္ဂဿ ပရိကမ္မံ ပဌမဿ မဂ္ဂဿ။ပေ.။ ဒုတိယဿ မဂ္ဂဿ။ပေ.။ တတိယဿ မဂ္ဂဿ။ပေ.။ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၃)
၁၆. အသံကိလိဋ္ဌအသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ။ပေ.။ ဒုတိယော မဂ္ဂေါ တတိယဿ မဂ္ဂဿ။ပေ.။ တတိယော မဂ္ဂေါ စတုတ္ထဿ မဂ္ဂဿ။ပေ.။ မဂ္ဂေါ ဖလသမာပတ္တိယာ ဥပနိဿယပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – အရိယာ မဂ္ဂံ ဥပနိဿာယ အနုပ္ပန္နံ သမာပတ္တိံ ဥပ္ပါဒေန္တိ၊ ဥပ္ပန္နံ သမာပတ္တိံ သမာပဇ္ဇန္တိ၊ သင်္ခါရေ အနိစ္စတော ဒုက္ခတော အနတ္တတော ဝိပဿန္တိ။ မဂ္ဂေါ အရိယာနံ အတ္ထပ္ပဋိသမ္ဘိဒါယ။ပေ.။ ဌာနာဌာနကောသလ္လဿ ဥပနိဿယပစ္စယေန ပစ္စယော။ ဖလသမာပတ္တိ ကာယိကဿ သုခဿ ဥပနိဿယပစ္စယေန ပစ္စယော။ (၂)
ပုရေဇာတပစ္စယော
၁၇. အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ; သောတံ။ ဃာနံ။ ဇိဝှံ။ ကာယံ။ ရူပေ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ။ ဝတ္ထုံ အနိစ္စတော ဒုက္ခတော အနတ္တတော ဝိပဿတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထု အသံကိလိဋ္ဌသံကိလေသိကာနံ ခန္ဓာနံ ပုရေဇာတပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ သောတံ။ပေ.။ ဖောဋ္ဌဗ္ဗေ။ ဝတ္ထုံ အဿာဒေတိ အဘိနန္ဒတိ ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု သံကိလိဋ္ဌသံကိလေသိကာနံ ခန္ဓာနံ ပုရေဇာတပစ္စယေန ပစ္စယော။ (၂)
အသံကိလိဋ္ဌသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ ပုရေဇာတပစ္စယေန ပစ္စယော – ဝတ္ထု အသံကိလိဋ္ဌအသံကိလေသိကာနံ ခန္ဓာနံ ပုရေဇာတပစ္စယေန ပစ္စယော။ (၃)
ပစ္ဆာဇာတပစ္စယော
၁၈. သံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ သံကိလိဋ္ဌသံကိလေသိကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အသံကိလိဋ္ဌသံကိလေသိကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အသံကိလိဋ္ဌအသံကိလေသိကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)
အာသေဝနပစ္စယော
၁၉. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ သံကိလိဋ္ဌသံကိလေသိကာ ခန္ဓာ ပစ္ဆိမာနံ ပစ္ဆိမာနံ သံကိလိဋ္ဌသံကိလေသိကာနံ ခန္ဓာနံ အာသေဝနပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ။ပေ.။ အနုလောမံ ဂေါတြဘုဿ။ အနုလောမံ ဝေါဒါနဿ အာသေဝနပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ အာသေဝနပစ္စယေန ပစ္စယော – ဂေါတြဘု မဂ္ဂဿ။ ဝေါဒါနံ မဂ္ဂဿ အာသေဝနပစ္စယေန ပစ္စယော။ (၂)
ကမ္မပစ္စယော
၂၀. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ ကမ္မပစ္စယေန ပစ္စယော – သံကိလိဋ္ဌသံကိလေသိကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)
သံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သံကိလိဋ္ဌသံကိလေသိကာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ နာနာက္ခဏိကာ – သံကိလိဋ္ဌသံကိလေသိကာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ စ အသံကိလိဋ္ဌသံကိလေသိကဿ စ ဓမ္မဿ ကမ္မပစ္စယေန ပစ္စယော – သံကိလိဋ္ဌသံကိလေသိကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အသံကိလိဋ္ဌသံကိလေသိကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ။ပေ.။။ နာနာက္ခဏိကာ – အသံကိလိဋ္ဌသံကိလေသိကာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အသံကိလိဋ္ဌအသံကိလေသိကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – အသံကိလိဋ္ဌအသံကိလေသိကာ ကုသလာ စေတနာ ဝိပါကာနံ အသံကိလိဋ္ဌအသံကိလေသိကာနံ ခန္ဓာနံ ကမ္မပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ကမ္မပစ္စယေန ပစ္စယော – သဟဇာတာ အသံကိလိဋ္ဌအသံကိလေသိကာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ (၂)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ စ အသံကိလိဋ္ဌအသံကိလေသိကဿ စ ဓမ္မဿ ကမ္မပစ္စယေန ပစ္စယော – သဟဇာတာ အသံကိလိဋ္ဌအသံကိလေသိကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယော
၂၁. အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဝိပါကပစ္စယေန ပစ္စယော – ဝိပါကော အသံကိလိဋ္ဌသံကိလေသိကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ။ပေ.။ ပဋိသန္ဓိက္ခဏေ အသံကိလိဋ္ဌသံကိလေသိကော ဧကော ခန္ဓော တိဏ္ဏန္နံ ခန္ဓာနံ ကဋတ္တာ စ ရူပါနံ ဝိပါကပစ္စယေန ပစ္စယော =၁၉ ။ပေ.။ ဒွေ ခန္ဓာ ဒွိန္နံ ခန္ဓာနံ။ပေ.။ ခန္ဓာ ဝတ္ထုဿ ဝိပါကပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ ဝိပါကပစ္စယေန ပစ္စယော – ဝိပါကော အသံကိလိဋ္ဌအသံကိလေသိကော ဧကော ခန္ဓော တိဏ္ဏန္နံ ခန္ဓာနံ ဝိပါကပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ။ပေ.။။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဝိပါကပစ္စယေန ပစ္စယော – ဝိပါကာ အသံကိလိဋ္ဌအသံကိလေသိကာ ခန္ဓာ စိတ္တသမုဋ္ဌာနာနံ ရူပါနံ ဝိပါကပစ္စယေန ပစ္စယော။ (၂) အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ စ အသံကိလိဋ္ဌအသံကိလေသိကဿ စ ဓမ္မဿ ဝိပါကပစ္စယေန ပစ္စယော – ဝိပါကော အသံကိလိဋ္ဌအသံကိလေသိကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော။ပေ.။ ဒွေ ခန္ဓာ။ပေ.။။ (၃)
အာဟာရပစ္စယော
၂၂. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အာဟာရပစ္စယေန ပစ္စယော။ တီဏိ။
အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အာဟာရပစ္စယေန ပစ္စယော – အသံကိလိဋ္ဌသံကိလေသိကာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ ပဋိသန္ဓိက္ခဏေ။ပေ.။ ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။
အသံကိလိဋ္ဌအသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ အာဟာရပစ္စယေန ပစ္စယော။ တီဏိ။
ဣန္ဒြိယပစ္စယော
၂၃. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ ဣန္ဒြိယပစ္စယေန ပစ္စယော။ တီဏိ။
အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဣန္ဒြိယပစ္စယေန ပစ္စယော – အသံကိလိဋ္ဌသံကိလေသိကာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော; ပဋိသန္ဓိက္ခဏေ။ပေ.။ စက္ခုန္ဒြိယံ စက္ခုဝိညာဏဿ။ပေ.။ ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော။ ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။
အသံကိလိဋ္ဌအသံကိလေသိကော ဓမ္မော။ တီဏိ။
ဈာနပစ္စယာဒိ
၂၄. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ ဈာနပစ္စယေန ပစ္စယော။ မဂ္ဂပစ္စယေန ပစ္စယော။ သမ္ပယုတ္တပစ္စယေန ပစ္စယော။
ဝိပ္ပယုတ္တပစ္စယော
၂၅. သံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – သံကိလိဋ္ဌသံကိလေသိကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – သံကိလိဋ္ဌသံကိလေသိကာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – အသံကိလိဋ္ဌသံကိလေသိကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော; ပဋိသန္ဓိက္ခဏေ အသံကိလိဋ္ဌသံကိလေသိကာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ခန္ဓာ ဝတ္ထုဿ။ပေ.။ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ ဝိပ္ပယုတ္တပစ္စယေန ပစ္စယော။ ဝတ္ထု အသံကိလိဋ္ဌသံကိလေသိကာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အသံကိလိဋ္ဌသံကိလေသိကာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သံကိလိဋ္ဌသံကိလေသိကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)
အသံကိလိဋ္ဌသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အသံကိလိဋ္ဌအသံကိလေသိကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အသံကိလိဋ္ဌအသံကိလေသိကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အသံကိလိဋ္ဌအသံကိလေသိကာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)
အတ္ထိပစ္စယော
၂၆. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အတ္ထိပစ္စယေန ပစ္စယော – သံကိလိဋ္ဌသံကိလေသိကော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ (၁)
သံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – သံကိလိဋ္ဌသံကိလေသိကာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – သံကိလိဋ္ဌသံကိလေသိကာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ စ အသံကိလိဋ္ဌသံကိလေသိကဿ စ ဓမ္မဿ အတ္ထိပစ္စယေန ပစ္စယော – သံကိလိဋ္ဌသံကိလေသိကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။ ဒွေ ခန္ဓာ။ပေ.။။ (၃)
၂၇. အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ ၊ ဣန္ဒြိယံ။ သဟဇာတော – အသံကိလိဋ္ဌသံကိလေသိကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။ ပဋိသန္ဓိက္ခဏေ။ပေ.။ အသညသတ္တာနံ ဧကံ မဟာဘူတံ တိဏ္ဏန္နံ မဟာဘူတာနံ အတ္ထိပစ္စယေန ပစ္စယော။ပေ.။ ပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ။ သောတံ။ပေ.။ ကာယံ။ ရူပေ။ပေ.။ ဖောဋ္ဌဗ္ဗေ။ ဝတ္ထုံ အနိစ္စတော ဒုက္ခတော အနတ္တတော ဝိပဿတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ အတ္ထိပစ္စယေန ပစ္စယော။ စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ။ပေ.။ ဝတ္ထု အသံကိလိဋ္ဌသံကိလေသိကာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – အသံကိလိဋ္ဌသံကိလေသိကာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ကဗဠီကာရော အာဟာရော ဣမဿ ကာယဿ။ပေ.။ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – စက္ခုံ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ; ဝတ္ထုံ အဿာဒေတိ။ပေ.။ ဝတ္ထု သံကိလိဋ္ဌသံကိလေသိကာနံ ခန္ဓာနံ အတ္ထိပစ္စယေန ပစ္စယော။ (၂)
အသံကိလိဋ္ဌသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – ဝတ္ထု အသံကိလိဋ္ဌအသံကိလေသိကာနံ ခန္ဓာနံ အတ္ထိပစ္စယေန ပစ္စယော။ (၃)
၂၈. အသံကိလိဋ္ဌအသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ အတ္ထိပစ္စယေန ပစ္စယော – အသံကိလိဋ္ဌအသံကိလေသိကော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော။။ (၁)
အသံကိလိဋ္ဌအသံကိလေသိကော ဓမ္မော အသင်္ကိလိဋ္ဌသံကိလိသိကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အသံကိလိဋ္ဌအသံကိလေသိကာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – အသံကိလိဋ္ဌအသံကိလေသိကာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ စ အသံကိလိဋ္ဌအသံကိလေသိကဿ စ ဓမ္မဿ အတ္ထိပစ္စယေန ပစ္စယော – အသံကိလိဋ္ဌအသံကိလေသိကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။။ (၃)
၂၉. အသံကိလိဋ္ဌသံကိလေသိကော စ အသံကိလိဋ္ဌအသံကိလေသိကော စ ဓမ္မာ အသံကိလိဋ္ဌသံကိလေသိကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – အသံကိလိဋ္ဌအသံကိလေသိကာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – အသံကိလိဋ္ဌအသံကိလေသိကာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အသံကိလိဋ္ဌသံကိလေသိကာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
အသံကိလိဋ္ဌသံကိလေသိကော စ အသံကိလိဋ္ဌအသံကိလေသိကော စ ဓမ္မာ အသံကိလိဋ္ဌအသံကိလေသိကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – အသံကိလိဋ္ဌအသံကိလေသိကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ.။။ (၂)
သံကိလိဋ္ဌသံကိလေသိကော စ အသံကိလိဋ္ဌသံကိလေသိကော စ ဓမ္မာ သံကိလိဋ္ဌသံကိလေသိကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – သံကိလိဋ္ဌသံကိလေသိကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ ဒွေ ခန္ဓာ။ပေ.။။ (၁)
သံကိလိဋ္ဌသံကိလေသိကော စ အသံကိလိဋ္ဌသံကိလေသိကော စ ဓမ္မာ အသံကိလိဋ္ဌသံကိလေသိကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – သံကိလိဋ္ဌသံကိလေသိကာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – သံကိလိဋ္ဌသံကိလေသိကာ ခန္ဓာ စ ကဗဠီကာရော အာဟာရော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သံကိလိဋ္ဌသံကိလေသိကာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)
နတ္ထိ-ဝိဂတာဝိဂတပစ္စယာ
၃၀. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ နတ္ထိပစ္စယေန ပစ္စယော။ ဝိဂတပစ္စယေန ပစ္စယော။ အဝိဂတပစ္စယေန ပစ္စယော။
၁. ပစ္စယာနုလောမံ
၂. သင်္ချာဝါရော
သုဒ္ဓံ
၃၁. ဟေတုယာ သတ္တ၊ အာရမ္မဏေ ဆ၊ အဓိပတိယာ အဋ္ဌ၊ အနန္တရေ သတ္တ၊ သမနန္တရေ သတ္တ၊ သဟဇာတေ နဝ၊ အညမညေ တီဏိ၊ နိဿယေ တေရသ၊ ဥပနိဿယေ အဋ္ဌ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ တီဏိ၊ ကမ္မေ သတ္တ၊ ဝိပါကေ စတ္တာရိ၊ အာဟာရေ သတ္တ၊ ဣန္ဒြိယေ သတ္တ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ ပဉ္စ၊ အတ္ထိယာ တေရသ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ တေရသ။
ဟေတုသဘာဂံ
ဟေတုပစ္စယာ အဓိပတိယာ စတ္တာရိ၊ သဟဇာတေ သတ္တ၊ အညမညေ တီဏိ၊ နိဿယေ သတ္တ၊ ဝိပါကေ စတ္တာရိ၊ ဣန္ဒြိယေ စတ္တာရိ၊ မဂ္ဂေ စတ္တာရိ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ သတ္တ၊ အဝိဂတေ သတ္တ။
ဟေတုသာမညဃဋနာ (၉)
၃၂. ဟေတု-သဟဇာတ-နိဿယ-အတ္ထိ-အဝိဂတန္တိ သတ္တ။ ဟေတု-သဟဇာတ-အညမည-နိဿယအတ္ထိ-အဝိဂတန္တိ တီဏိ။ ဟေတု-သဟဇာတ-အညမည-နိဿယ-သမ္ပယုတ္တ-အတ္ထိ-အဝိဂတန္တိ တီဏိ။ ဟေတု-သဟဇာတ-နိဿယ-ဝိပ္ပယုတ္တ-အတ္ထိ-အဝိဂတန္တိ တီဏိ။ (အဝိပါကံ – ၄)
ဟေတု-သဟဇာတ-နိဿယ-ဝိပါက-အတ္ထိ-အဝိဂတန္တိ စတ္တာရိ။ ဟေတု-သဟဇာတ-အညမညနိဿယ-ဝိပါက-အတ္ထိ-အဝိဂတန္တိ ဒွေ။ ဟေတု-သဟဇာတ-အညမည-နိဿယ-ဝိပါကသမ္ပယုတ္တ-အတ္ထိ-အဝိဂတန္တိ ဒွေ။ ဟေတု-သဟဇာတ-နိဿယ-ဝိပါက-ဝိပ္ပယုတ္တ-အတ္ထိ-အဝိဂတန္တိ ဒွေ။ ဟေတု-သဟဇာတ-အညမည-နိဿယ-ဝိပါက-ဝိပ္ပယုတ္တ-အတ္ထိ-အဝိဂတန္တိ ဧကံ။ (သဝိပါကံ – ၅) (သံခိတ္တံ။)
(ယထာ ကုသလတ္တိကေ၊ ဧဝံ ဝိတ္ထာရေတဗ္ဗံ)။
အနုလောမံ။
ပစ္စနီယုဒ္ဓါရော
၃၃. သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)
သံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ (၂)
သံကိလိဋ္ဌသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ ဥပနိဿယပစ္စယေန ပစ္စယော။ (၃)
သံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ စ အသံကိလိဋ္ဌသံကိလေသိကဿ စ ဓမ္မဿ သဟဇာတပစ္စယေန ပစ္စယော။ (၄)
၃၄. အသံကိလိဋ္ဌသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၁)
အသံကိလိဋ္ဌသံကိလေသိကော ဓမ္မော သံကိလိဋ္ဌသံကိလေသိကဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၂)
အသံကိလိဋ္ဌသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၃)
အသံကိလိဋ္ဌအသံကိလေသိကော ဓမ္မော အသံကိလိဋ္ဌအသံကိလေသိကဿ ဓမ္မဿ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ (၂)
အသံကိလိဋ္ဌအသံကိလေသိကော ဓမ္မော အသံကိလိဋ္ဌသံကိလေသိကဿ စ အသံကိလိဋ္ဌအသံကိလေသိကဿ စ ဓမ္မဿ သဟဇာတပစ္စယေန ပစ္စယော။ (၃)
အသံကိလိဋ္ဌသံကိလေသိကော စ အသံကိလိဋ္ဌအသံကိလေသိကော စ ဓမ္မာ အသံကိလိဋ္ဌသံကိလေသိကဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ (၁)
အသံကိလိဋ္ဌသံကိလေသိကော စ အသံကိလိဋ္ဌအသံကိလေသိကော စ ဓမ္မာ အသံကိလိဋ္ဌအသံကိလေသိကဿ ဓမ္မဿ သဟဇာတံ၊ ပုရေဇာတံ။ (၂)
သံကိလိဋ္ဌသံကိလေသိကော စ အသံကိလိဋ္ဌသံကိလေသိကော စ ဓမ္မာ သံကိလိဋ္ဌသံကိလေသိကဿ ဓမ္မဿ သဟဇာတံ၊ ပုရေဇာတံ။ (၁)
သံကိလိဋ္ဌသံကိလေသိကော စ အသံကိလိဋ္ဌသံကိလေသိကော စ ဓမ္မာ အသံကိလိဋ္ဌသံကိလေသိကဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ (၂)
၂. ပစ္စယပစ္စနီယံ
သုဒ္ဓံ
၃၅. နဟေတုယာ စုဒ္ဒသ၊ နအာရမ္မဏေ စုဒ္ဒသ၊ နအဓိပတိယာ စုဒ္ဒသ၊ နအနန္တရေ စုဒ္ဒသ၊ နသမနန္တရေ စုဒ္ဒသ၊ နသဟဇာတေ ဒသ၊ နအညမညေ ဒသ၊ နနိဿယေ ဒသ၊ နဥပနိဿယေ တေရသ၊ နပုရေဇာတေ ဒွါဒသ၊ နပစ္ဆာဇာတေ စုဒ္ဒသ၊ နအာသေဝနေ စုဒ္ဒသ၊ နကမ္မေ စုဒ္ဒသ၊ နဝိပါကေ စုဒ္ဒသ ၊ နအာဟာရေ စုဒ္ဒသ၊ နဣန္ဒြိယေ စုဒ္ဒသ၊ နဈာနေ စုဒ္ဒသ၊ နမဂ္ဂေ စုဒ္ဒသ၊ နသမ္ပယုတ္တေ ဒသ၊ နဝိပ္ပယုတ္တေ အဋ္ဌ၊ နောအတ္ထိယာ အဋ္ဌ၊ နောနတ္ထိယာ စုဒ္ဒသ၊ နောဝိဂတေ စုဒ္ဒသ၊ နောအဝိဂတေ အဋ္ဌ။
ဒုကံ
နဟေတုပစ္စယာ နအာရမ္မဏေ စုဒ္ဒသ (သံခိတ္တံ။)
(ယထာ ကုသလတ္တိကေ ပစ္စနီယဂဏနာ၊ ဧဝံ ဂဏေတဗ္ဗံ။)
ပစ္စနီယံ။
၃. ပစ္စယာနုလောမပစ္စနီယံ
ဟေတုဒုကံ
၃၆. ဟေတုပစ္စယာ နအာရမ္မဏေ သတ္တ၊ နအဓိပတိယာ သတ္တ၊ နအနန္တရေ သတ္တ၊ နသမနန္တရေ သတ္တ၊ နအညမညေ တီဏိ၊ နဥပနိဿယေ သတ္တ၊ နပုရေဇာတေ သတ္တ၊ နပစ္ဆာဇာတေ သတ္တ၊ နအာသေဝနေ သတ္တ၊ နကမ္မေ သတ္တ၊ နဝိပါကေ သတ္တ၊ နအာဟာရေ သတ္တ၊ နဣန္ဒြိယေ သတ္တ၊ နဈာနေ သတ္တ၊ နမဂ္ဂေ သတ္တ၊ နသမ္ပယုတ္တေ တီဏိ၊ နဝိပ္ပယုတ္တေ တီဏိ၊ နောနတ္ထိယာ သတ္တ၊ နောဝိဂတေ သတ္တ။
ဃဋနာ
ဟေတု-သဟဇာတ-နိဿယ-အတ္ထိ-အဝိဂတန္တိ နအာရမ္မဏေ သတ္တ။ပေ.။ နအညမညေ တီဏိ။ပေ.။ နသမ္ပယုတ္တေ တီဏိ၊ နဝိပ္ပယုတ္တေ တီဏိ။ပေ.။ နောဝိဂတေ သတ္တ (သံခိတ္တံ။)
(ယထာ ကုသလတ္တိကေ အနုလောမပစ္စနီယဂဏနာ ဝိဘတ္တာ၊ ဧဝံ ဝိဘဇိတဗ္ဗံ။)
အနုလောမပစ္စနီယံ။
၄. ပစ္စယပစ္စနီယာနုလောမံ
နဟေတုဒုကံ
၃၇. နဟေတုပစ္စယာ အာရမ္မဏေ ဆ၊ အဓိပတိယာ အဋ္ဌ၊ အနန္တရေ သတ္တ၊ သမနန္တရေ သတ္တ၊ သဟဇာတေ နဝ၊ အညမညေ တီဏိ၊ နိဿယေ တေရသ၊ ဥပနိဿယေ အဋ္ဌ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ တီဏိ ၊ ကမ္မေ သတ္တ၊ ဝိပါကေ စတ္တာရိ၊ အာဟာရေ သတ္တ၊ ဣန္ဒြိယေ သတ္တ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ ပဉ္စ၊ အတ္ထိယာ တေရသ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ တေရသ။
တိကံ
နဟေတုပစ္စယာ နအာရမ္မဏပစ္စယာ အဓိပတိယာ သတ္တ (သံခိတ္တံ။)
(ယထာ ကုသလတ္တိကေ ပစ္စနီယာနုလောမဂဏနာ ဝိဘတ္တာ၊ ဧဝံ ဝိဘဇိတဗ္ဗံ။)
ပစ္စနီယာနုလောမံ။
သံကိလိဋ္ဌတ္တိကံ နိဋ္ဌိတံ။
ပဋ္ဌာနပါဠိ ပဌမော ဘာဂေါ နိဋ္ဌိတော။