၄. ဥပါဒိန္နတ္တိက
၁. ပဋိစ္စဝါရ
၁. ပစ္စယာနုလောမ
၁. ဝိဘင်္ဂဝါရ
ဟေတု
၁. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ; ပဋိသန္ဓိက္ခဏေ ဥပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ ကဋတ္တာ စ ရူပံ; ခန္ဓေ ပဋိစ္စ ဝတ္ထု၊ ဝတ္ထုံ ခန္ဓာ; ဥပါဒိန္နုပါဒါနိယံ ဧကံ မဟာဘူတံ ပဋိစ္စ တယော မဟာဘူတာ။ပေ.။ ဒွေ မဟာဘူတေ ပဋိစ္စ ဒွေ မဟာဘူတာ၊ မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)
ဥပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နုပါဒါနိယေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ (၃)
အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ; အနုပါဒိန္နုပါဒါနိယံ ဧကံ မဟာဘူတံ ပဋိစ္စ တယော မဟာဘူတာ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နအနုပါဒါနိယံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ။ (၁)
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နအနုပါဒါနိယေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ – အနုပါဒိန္နအနုပါဒါနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ (၃)
အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နအနုပါဒါနိယေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နုပါဒါနိယေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
အာရမ္မဏပစ္စယော
၂. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ အာရမ္မဏပစ္စယာ – ဥပါဒိန္နုပါဒါနိယံ ဧကံ ခန္ဓံ ပဋိစ္စ။ပေ.။ ပဋိသန္ဓိက္ခဏေ။ပေ.။။
အနုပါဒိန္နုပါဒါနိယံ ဓမ္မံ ပဋိစ္စ။ပေ.။။
အနုပါဒိန္နအနုပါဒါနိယံ ဓမ္မံ ပဋိစ္စ။ပေ.။ အာရမ္မဏပစ္စယာ။ တီဏိ။
အဓိပတိပစ္စယော
၃. အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ အဓိပတိပစ္စယာ – အနုပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဧကံ မဟာဘူတံ ပဋိစ္စ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)
အနုပါဒိန္နအနုပါဒါနိယံ ဓမ္မံ ပဋိစ္စ။ တီဏိ။
အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ အဓိပတိပစ္စယာ – အနုပါဒိန္နအနုပါဒါနိယေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
အနန္တရပစ္စယာဒိ
၄. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ အနန္တရပစ္စယာ။ သမနန္တရပစ္စယာ။ သဟဇာတပစ္စယာ – ဥပါဒိန္နုပါဒါနိယံ ဧကံ ခန္ဓံ ပဋိစ္စ။ပေ.။ ပဋိသန္ဓိက္ခဏေ။ပေ.။ ဧကံ မဟာဘူတံ ပဋိစ္စ။ပေ.။ မဟာဘူတေ ပဋိစ္စ ကဋတ္တာရူပံ ဥပါဒါရူပံ; အသညသတ္တာနံ ဧကံ မဟာဘူတံ ပဋိစ္စ။ပေ.။ မဟာဘူတေ ပဋိစ္စ ကဋတ္တာရူပံ ဥပါဒါရူပံ ။
ဥပါဒိန္နုပါဒါနိယံ ဓမ္မံ ပဋိစ္စ။ တီဏိ။
အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ သဟဇာတပစ္စယာ – အနုပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ ။ပေ.။ ဧကံ မဟာဘူတံ ပဋိစ္စ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ ပဋိစ္စ။ပေ.။။
အနုပါဒိန္နအနုပါဒါနိယံ ဓမ္မံ ပဋိစ္စ။ တီဏိ။
အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပဋိစ္စ။ပေ.။ အနုပါဒိန္နုပါဒါနိယော။ပေ.။။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပဋိစ္စ အနုပါဒိန္နုပါဒါနိယော။ပေ.။။ (၁)
အညမညပစ္စယော
၅. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ အညမညပစ္စယာ – ဥပါဒိန္နုပါဒါနိယံ ဧကံ ခန္ဓံ ပဋိစ္စ။ပေ.။ ပဋိသန္ဓိက္ခဏေ ဥပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ ဝတ္ထု စ။ပေ.။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ; ဧကံ မဟာဘူတံ ပဋိစ္စ။ပေ.။ ဒွေ မဟာဘူတေ ပဋိစ္စ ဒွေ မဟာဘူတာ; အသညသတ္တာနံ ဧကံ မဟာဘူတံ။ပေ.။။ (၁)
အနုပါဒိန္နုပါဒါနိယံ ဓမ္မံ ပဋိစ္စ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ။ပေ.။။ (၁)
အနုပါဒိန္နအနုပါဒါနိယံ ဓမ္မံ ပဋိစ္စ။ပေ.။။ (၁)
နိဿယ-ဥပနိဿယပစ္စယာ
၆. ဥပါဒိန္နုပါဒါနိယံ ဓမ္မံ ပဋိစ္စ နိဿယပစ္စယာ။ နဝ။ ဥပနိဿယပစ္စယာ။ တီဏိ။
ပုရေဇာတပစ္စယော
၇. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ ပုရေဇာတပစ္စယာ။ တီဏိ။
အာသေဝနပစ္စယော
၈. အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ အာသေဝနပစ္စယာ – အနုပါဒိန္နုပါဒါနိယံ ဧကံ ခန္ဓံ ပဋိစ္စ။ပေ.။။ (၁)
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ အာသေဝနပစ္စယာ – အနုပါဒိန္နအနုပါဒါနိယံ ဧကံ ခန္ဓံ ပဋိစ္စ။ပေ.။။ (၁)
ကမ္မပစ္စယော
၉. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ ကမ္မပစ္စယာ (ဟေတုပစ္စယသဒိသာ နဝ)။
ဝိပါကပစ္စယော
၁၀. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ ဝိပါကပစ္စယာ။ တီဏိ။
အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဝိပါကပစ္စယာ – ဧကံ မဟာဘူတံ ပဋိစ္စ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဝိပါကပစ္စယာ – ဝိပါကံ အနုပါဒိန္နအနုပါဒါနိယံ ဧကံ ခန္ဓံ ပဋိစ္စ တယော ခန္ဓာ။ပေ.။ နဝ။
အာဟာရပစ္စယာဒိ
၁၁. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ အာဟာရပစ္စယာ။ပေ.။ ဣန္ဒြိယပစ္စယာ။ ဈာနပစ္စယာ။ မဂ္ဂပစ္စယာ။ သမ္ပယုတ္တပစ္စယာ။ ဝိပ္ပယုတ္တပစ္စယာ။ အတ္ထိပစ္စယာ။ နတ္ထိပစ္စယာ။ ဝိဂတပစ္စယာ။ အဝိဂတပစ္စယာ။
(ယထာ ကုသလတ္တိကဿ ပဋိစ္စဝါရော သဇ္ဈာယမဂ္ဂေန ဝိတ္ထာရိတော၊ ဧဝံ ဝိတ္ထာရေတဗ္ဗံ။)
၁. ပစ္စယာနုလောမံ
၂. သင်္ချာဝါရော
သုဒ္ဓံ
၁၂. ဟေတုယာ နဝ၊ အာရမ္မဏေ တီဏိ၊ အဓိပတိယာ ပဉ္စ၊ အနန္တရေ တီဏိ၊ သမနန္တရေ တီဏိ၊ သဟဇာတေ နဝ၊ အညမညေ တီဏိ၊ နိဿယေ နဝ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ ဒွေ၊ ကမ္မေ နဝ၊ ဝိပါကေ နဝ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ တီဏိ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ နဝ။
ဟေတုဒုကံ
ဟေတုပစ္စယာ အာရမ္မဏေ တီဏိ။ပေ.။ အဝိဂတေ နဝ။
(ယထာ ကုသလတ္တိကေ ပဋိစ္စဂဏနာ သဇ္ဈာယမဂ္ဂေန ဂဏိတာ၊ ဧဝံ ဂဏေတဗ္ဗံ။)
အနုလောမံ။
၂. ပစ္စယပစ္စနီယံ
၁. ဝိဘင်္ဂဝါရော
နဟေတုပစ္စယော
၁၃. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဥပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ၊ ဒွေ ခန္ဓေ ပဋိစ္စ ဒွေ ခန္ဓာ၊ အဟေတုကပဋိသန္ဓိက္ခဏေ ဥပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ ကဋတ္တာ စ ရူပံ; ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ; ဧကံ မဟာဘူတံ ပဋိစ္စ တယော မဟာဘူတာ။ပေ.။ မဟာဘူတေ ပဋိစ္စ ကဋတ္တာရူပံ ဥပါဒါရူပံ; အသညသတ္တာနံ ဧကံ မဟာဘူတံ ပဋိစ္စ။ပေ.။ မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)
ဥပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ ဥပါဒိန္နုပါဒါနိယေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ ဥပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ (၃)
အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနုပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ အနုပါဒိန္နုပါဒါနိယံ ဧကံ မဟာဘူတံ။ပေ.။ မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ ပဋိစ္စ။ပေ.။ မဟာဘူတေ ပဋိစ္စ ဥပါဒါရူပံ။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ ဥပါဒိန္နုပါဒါနိယေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
နအာရမ္မဏပစ္စယော
၁၄. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နအာရမ္မဏပစ္စယာ – ပဋိသန္ဓိက္ခဏေ ဥပါဒိန္နုပါဒါနိယေ ခန္ဓေ ပဋိစ္စ ကဋတ္တာရူပံ၊ ခန္ဓေ ပဋိစ္စ ဝတ္ထု၊ ဧကံ မဟာဘူတံ ပဋိစ္စ။ပေ.။ အသညသတ္တာနံ ဧကံ မဟာဘူတံ ပဋိစ္စ။ပေ.။။ (၁)
ဥပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နအာရမ္မဏပစ္စယာ – ဥပါဒိန္နုပါဒါနိယေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)
အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နအာရမ္မဏပစ္စယာ – အနုပါဒိန္နုပါဒါနိယေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဧကံ မဟာဘူတံ ပဋိစ္စ ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ ပဋိစ္စ။ပေ.။။ (၁)
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နအာရမ္မဏပစ္စယာ – အနုပါဒိန္နအနုပါဒါနိယေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)
အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နအာရမ္မဏပစ္စယာ – အနုပါဒိန္နအနုပါဒါနိယေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နအာရမ္မဏပစ္စယာ – ဥပါဒိန္နုပါဒါနိယေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
နအဓိပတိပစ္စယော
၁၅. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ (ပဋိသန္ဓိ ပရိပုဏ္ဏံ)။ တီဏိ။
အနုပါဒိန္နုပါဒါနိယံ ဓမ္မံ ပဋိစ္စ။ ဧကာ။
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ – အနုပါဒိန္နအနုပါဒါနိယေ ခန္ဓေ ပဋိစ္စ အနုပါဒိန္နအနုပါဒါနိယာ အဓိပတိ။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ – ဥပါဒိန္နုပါဒါနိယေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။
နအနန္တရပစ္စယာဒိ
၁၆. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နအနန္တရပစ္စယာ။ပေ.။ နသမနန္တရပစ္စယာ။. နအညမညပစ္စယာ။ နဥပနိဿယပစ္စယာ။ နပုရေဇာတပစ္စယာ။ နပစ္ဆာဇာတပစ္စယာ။ နအာသေဝနပစ္စယာ။ပေ.။။
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နအာသေဝနပစ္စယာ – ဝိပါကံ အနုပါဒိန္နအနုပါဒါနိယံ ဧကံ ခန္ဓံ ပဋိစ္စ တယော ခန္ဓာ (သံခိတ္တံ)။
နကမ္မပစ္စယော
၁၇. အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နကမ္မပစ္စယာ – အနုပါဒိန္နုပါဒါနိယေ ခန္ဓေ ပဋိစ္စ အနုပါဒိန္နုပါဒါနိယာ စေတနာ ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ ပဋိစ္စ။ပေ.။။ (၁)
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နကမ္မပစ္စယာ – ကုသလေ အနုပါဒိန္နအနုပါဒါနိယေ ခန္ဓေ ပဋိစ္စ အနုပါဒိန္နအနုပါဒါနိယာ စေတနာ။ (၂)
နဝိပါကပစ္စယော
၁၈. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နဝိပါကပစ္စယာ – အသညသတ္တာနံ ဧကံ မဟာဘူတံ ပဋိစ္စ။ပေ.။ မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)
အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဝိပါကပစ္စယာ။ ဧကာ ။
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နဝိပါကပစ္စယာ – ကုသလံ အနုပါဒိန္နအနုပါဒါနိယံ ဧကံ ခန္ဓံ ပဋိစ္စ တယော ခန္ဓာ။ တီဏိ။
အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဝိပါကပစ္စယာ – ကုသလေ အနုပါဒိန္နအနုပါဒါနိယေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)
နအာဟာရပစ္စယော
၁၉. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နအာဟာရပစ္စယာ – အသညသတ္တာနံ ဧကံ မဟာဘူတံ ပဋိစ္စ။ပေ.။။ (၁)
အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ။ ဥတုသမုဋ္ဌာနံ ဧကံ မဟာဘူတံ ပဋိစ္စ။ပေ.။။ (၁)
နဣန္ဒြိယပစ္စယော
၂၀. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နဣန္ဒြိယပစ္စယာ – အသညသတ္တာနံ မဟာဘူတေ ပဋိစ္စ ရူပဇီဝိတိန္ဒြိယံ။ (၁)
အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဣန္ဒြိယပစ္စယာ – ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ ပဋိစ္စ။ပေ.။။ (၁)
နဈာနပစ္စယော
၂၁. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ ပဋိစ္စ တယော ခန္ဓာ။ပေ.။ အသညသတ္တာနံ ဧကံ မဟာဘူတံ ပဋိစ္စ ။ပေ.။။ (၁)
အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဈာနပစ္စယာ – ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ ပဋိစ္စ။ပေ.။။ (၁)
နမဂ္ဂပစ္စယော
၂၂. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နမဂ္ဂပစ္စယာ – အဟေတုကံ ဥပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ။ ပဉ္စ။
နသမ္ပယုတ္တပစ္စယော
၂၃. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နသမ္ပယုတ္တပစ္စယာ (နအာရမ္မဏပစ္စယသဒိသံ)။
နဝိပ္ပယုတ္တပစ္စယော
၂၄. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဥပါဒိန္နုပါဒါနိယံ ဧကံ ခန္ဓံ ပဋိစ္စ တယော ခန္ဓာ။ပေ.။ အသညသတ္တာနံ ဧကံ မဟာဘူတံ ပဋိစ္စ။ပေ.။။ (၁)
အနုပါဒိန္နုပါဒါနိယံ ဓမ္မံ ပဋိစ္စ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အနုပါဒိန္နုပါဒါနိယံ ဧကံ ခန္ဓံ ပဋိစ္စ တယောခန္ဓာ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ ပဋိစ္စ။ပေ.။။ (၁)
အနုပါဒိန္နအနုပါဒါနိယံ ဓမ္မံ ပဋိစ္စ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အနုပါဒိန္နအနုပါဒါနိယံ ဧကံ ခန္ဓံ ပဋိစ္စ တယော ခန္ဓာ။ပေ.။ ဒွေ ခန္ဓေ ပဋိစ္စ ဒွေ ခန္ဓာ။ (၁)
နောနတ္ထိ-နောဝိဂတပစ္စယာ
၂၅. ဥပါဒိန္နုပါဒါနိယံ ဓမ္မံ ပဋိစ္စ ဥပါဒိန္နုပါဒါနိယော ဓမ္မော ဥပ္ပဇ္ဇတိ နောနတ္ထိပစ္စယာ။ နောဝိဂတပစ္စယာ။
(ယထာ ကုသလတ္တိကေ ပစ္စနီယဝါရော ဝိတ္ထာရိတော၊ ဧဝံ ဝိတ္ထာရေတဗ္ဗော။)
၂. ပစ္စယပစ္စနီယံ
၂. သင်္ချာဝါရော
သုဒ္ဓံ
၂၆. နဟေတုယာ ပဉ္စ၊ နအာရမ္မဏေ ဆ၊ နအဓိပတိယာ ဆ၊ နအနန္တရေ ဆ၊ နသမနန္တရေ ဆ၊ နအညမညေ ဆ၊ နဥပနိဿယေ ဆ၊ နပုရေဇာတေ သတ္တ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ ဒွေ၊ နဝိပါကေ ဆ၊ နအာဟာရေ ဒွေ၊ နဣန္ဒြိယေ ဒွေ၊ နဈာနေ ဒွေ၊ နမဂ္ဂေ ပဉ္စ၊ နသမ္ပယုတ္တေ ဆ၊ နဝိပ္ပယုတ္တေ တီဏိ၊ နောနတ္ထိယာ ဆ၊ နောဝိဂတေ ဆ။
နဟေတုဒုကံ
နဟေတုပစ္စယာ နအာရမ္မဏေ စတ္တာရိ၊ နအဓိပတိယာ ပဉ္စ၊ နအနန္တရေ စတ္တာရိ။ပေ.။ နအာသေဝနေ ပဉ္စ၊ နကမ္မေ ဧကံ၊ နဝိပါကေ ဒွေ။ပေ.။ နဈာနေ ဒွေ၊ နမဂ္ဂေ ပဉ္စ၊ နသမ္ပယုတ္တေ စတ္တာရိ၊ နဝိပ္ပယုတ္တေ ဒွေ။ပေ.။ နောဝိဂတေ စတ္တာရိ။
(ယထာ ကုသလတ္တိကေ ဂဏနာ၊ ဧဝံ ဂဏေတဗ္ဗံ။)
ပစ္စနီယံ။
၃. ပစ္စယာနုလောမပစ္စနီယံ
ဟေတုဒုကံ
၂၇. ဟေတုပစ္စယာ နအာရမ္မဏေ ဆ။ပေ.။ နပုရေဇာတေ သတ္တ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ ဒွေ၊ နဝိပါကေ ဆ၊ နသမ္ပယုတ္တေ ဆ၊ နဝိပ္ပယုတ္တေ တီဏိ။ပေ.။ နောဝိဂတေ ဆ။
(ယထာ ကုသလတ္တိကေ အနုလောမပစ္စနီယဂဏနာ၊ ဧဝံ ဂဏေတဗ္ဗာ။)
အနုလောမပစ္စနီယံ။
၄. ပစ္စယပစ္စနီယာနုလောမံ
နဟေတုဒုကံ
၂၈. နဟေတုပစ္စယာ အာရမ္မဏေ ဒွေ။ပေ.။ သဟဇာတေ ပဉ္စ၊ အညမညေ ဒွေ၊ နိဿယေ ပဉ္စ၊ ဥပနိဿယေ ဒွေ၊ ပုရေဇာတေ ဒွေ၊ အာသေဝနေ ဧကံ၊ ကမ္မေ ပဉ္စ။ပေ.။ ဈာနေ ပဉ္စ၊ မဂ္ဂေ ဧကံ၊ သမ္ပယုတ္တေ ဒွေ၊ ဝိပ္ပယုတ္တေ ပဉ္စ။ပေ.။ အဝိဂတေ ပဉ္စ။
(ယထာ ကုသလတ္တိကေ ပစ္စနီယာနုလောမဂဏနာ၊ ဧဝံ ဂဏေတဗ္ဗာ။)
ပစ္စနီယာနုလောမံ။
ပဋိစ္စဝါရော။
၂. သဟဇာတဝါရော
၁-၄. ပစ္စယစတုက္ကံ
၂၉. ဥပါဒိန္နုပါဒါနိယံ ဓမ္မံ သဟဇာတော ဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ (ပဋိစ္စဝါရောပိ သဟဇာတဝါရောပိ သဒိသော။)
သဟဇာတဝါရော။
၃. ပစ္စယဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၃၀. ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နုပါဒါနိယံ ဧကံ ခန္ဓံ ပစ္စယာ တယော ခန္ဓာ။ပေ.။ ပဋိသန္ဓိက္ခဏေ။ပေ.။ ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ; ဧကံ မဟာဘူတံ ပစ္စယာ တယော မဟာဘူတာ။ပေ.။ မဟာဘူတေ ပစ္စယာ ကဋတ္တာရူပံ ဥပါဒါရူပံ; ဝတ္ထုံ ပစ္စယာ ဥပါဒိန္နုပါဒါနိယာ ခန္ဓာ။ (၁)
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နုပါဒါနိယေ ခန္ဓေ ပစ္စယာ စိတ္တသမုဋ္ဌာနံ ရူပံ; ဝတ္ထုံ ပစ္စယာ အနုပါဒိန္နုပါဒါနိယာ ခန္ဓာ။ (၂)
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ အနုပါဒိန္နအနုပါဒါနိယာ ခန္ဓာ။ (၃)
ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥပါဒိန္နုပါဒါနိယံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။။ (၄)
၃၁. အနုပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ ဧကာ။
အနုပါဒိန္နအနုပါဒါနိယံ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။
ဥပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နအနုပါဒါနိယံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ။ (၁)
အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နအနုပါဒါနိယေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နုပါဒါနိယေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ; အနုပါဒိန္နုပါဒါနိယံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ။ (၁)
အာရမ္မဏပစ္စယော
၃၂. ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော ဓမ္မော ဥပ္ပဇ္ဇတိ အာရမ္မဏပစ္စယာ – ဥပါဒိန္နုပါဒါနိယံ ဧကံ ခန္ဓံ ပစ္စယာ တယော ခန္ဓာ။ပေ.။ ဒွေ ခန္ဓေ ပစ္စယာ ဒွေ ခန္ဓာ; ပဋိသန္ဓိက္ခဏေ ဥပါဒိန္နုပါဒါနိယံ ဧကံ ခန္ဓံ ပစ္စယာ တယော ခန္ဓာ။ပေ.။ ဒွေ ခန္ဓေ ပစ္စယာ ဒွေ ခန္ဓာ; ဝတ္ထုံ ပစ္စယာ ခန္ဓာ; စက္ခါယတနံ ပစ္စယာ စက္ခုဝိညာဏံ။ပေ.။ ကာယာယတနံ ပစ္စယာ ကာယဝိညာဏံ; ဝတ္ထုံ ပစ္စယာ ဥပါဒိန္နုပါဒါနိယာ ခန္ဓာ။ (၁)
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ အနုပါဒိန္နုပါဒါနိယာ ခန္ဓာ။ (၂)
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ အနုပါဒိန္နအနုပါဒါနိယာ ခန္ဓာ ။ (၃)
အနုပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ အာရမ္မဏပစ္စယာ – အနုပါဒိန္နုပါဒါနိယံ ဧကံ ခန္ဓံ ပစ္စယာ တယော ခန္ဓာ။ပေ.။ ဒွေ ခန္ဓေ ပစ္စယာ ဒွေ ခန္ဓာ။ (၁)
အနုပါဒိန္နအနုပါဒါနိယံ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ အာရမ္မဏပစ္စယာ – အနုပါဒိန္နအနုပါဒါနိယံ ဧကံ ခန္ဓံ ပစ္စယာ တယော ခန္ဓာ။ပေ.။ ဒွေ ခန္ဓေ ပစ္စယာ ဒွေ ခန္ဓာ။ (၁)
ဥပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ အာရမ္မဏပစ္စယာ – အနုပါဒိန္နအနုပါဒါနိယံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ အာရမ္မဏပစ္စယာ – အနုပါဒိန္နုပါဒါနိယံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ။ (၁)
အဓိပတိပစ္စယော
၃၃. ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ အဓိပတိပစ္စယာ – ဝတ္ထုံ ပစ္စယာ အနုပါဒိန္နုပါဒါနိယာ ခန္ဓာ။ (၁)
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ အဓိပတိပစ္စယာ – ဝတ္ထုံ ပစ္စယာ အနုပါဒိန္နအနုပါဒါနိယာ ခန္ဓာ။ (၂)
အနုပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ အဓိပတိပစ္စယာ။ ဧကာ။
အနုပါဒိန္နအနုပါဒါနိယံ ဓမ္မံ ပစ္စယာ။ တိဿော။
ဥပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပစ္စယာ။ပေ.။ အဓိပတိပစ္စယာ။ပေ.။။ (၁)
အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပစ္စယာ။ပေ.။ အဓိပတိပစ္စယာ။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ အဓိပတိပစ္စယာ – အနုပါဒိန္နုပါဒါနိယံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ။ (၁)
အနန္တရပစ္စယော
၃၄. ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော ဓမ္မော ဥပ္ပဇ္ဇတိ အနန္တရပစ္စယာ။
(စတုဝီသတိပစ္စယာ ဝိတ္ထာရေတဗ္ဗာ၊ အဝိဂတပစ္စယာ။)
၁. ပစ္စယာနုလောမံ
၂. သင်္ချာဝါရော
သုဒ္ဓံ
၃၅. ဟေတုယာ ဧကာဒသ၊ အာရမ္မဏေ သတ္တ၊ အဓိပတိယာ နဝ၊ အနန္တရေ သတ္တ၊ သမနန္တရေ သတ္တ၊ သဟဇာတေ ဧကာဒသ၊ အညမညေ သတ္တ၊ နိဿယေ ဧကာဒသ၊ ဥပနိဿယေ သတ္တ၊ ပုရေဇာတေ သတ္တ၊ အာသေဝနေ ဆ၊ ကမ္မေ ဧကာဒသ၊ ဝိပါကေ ဧကာဒသ၊ အာဟာရေ ဧကာဒသ၊ ဣန္ဒြိယေ ဧကာဒသ၊ ဈာနေ ဧကာဒသ၊ မဂ္ဂေ ဧကာဒသ၊ သမ္ပယုတ္တေ သတ္တ၊ ဝိပ္ပယုတ္တေ ဧကာဒသ၊ အတ္ထိယာ ဧကာဒသ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ ဧကာဒသ။
ဟေတုဒုကံ
ဟေတုပစ္စယာ အာရမ္မဏေ သတ္တ။ပေ.။ အဝိဂတေ ဧကာဒသ။
(ယထာ ကုသလတ္တိကေ ဂဏနာ ဧဝံ ဂဏေတဗ္ဗာ။)
အနုလောမံ။
၂. ပစ္စယပစ္စနီယံ
၁. ဝိဘင်္ဂဝါရော
နဟေတုပစ္စယော
၃၆. ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဥပါဒိန္နုပါဒါနိယံ ဧကံ ခန္ဓံ ပစ္စယာ။ပေ.။ အဟေတုကပဋိသန္ဓိက္ခဏေ။ပေ.။ အသညသတ္တာနံ ဧကံ မဟာဘူတံ။ပေ.။ စက္ခါယတနံ ပစ္စယာ စက္ခုဝိညာဏံ။ပေ.။ ကာယာယတနံ ပစ္စယာ ကာယဝိညာဏံ; ဝတ္ထုံ ပစ္စယာ အဟေတုကာ ဥပါဒိန္နုပါဒါနိယာ ခန္ဓာ။ (၁)
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ ဥပါဒိန္နုပါဒါနိယေ ခန္ဓေ ပစ္စယာ စိတ္တသမုဋ္ဌာနံ ရူပံ; ဝတ္ထုံ ပစ္စယာ အဟေတုကာ အနုပါဒိန္နုပါဒါနိယာ ခန္ဓာ; ဝတ္ထုံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)
ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ ဥပါဒိန္နုပါဒါနိယံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။။ (၃)
အနုပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနုပါဒိန္နုပါဒါနိယံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ။ပေ.။ ရူပံ; ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ ဥပါဒိန္နုပါဒါနိယေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ; အဟေတုကံ အနုပါဒိန္နုပါဒါနိယံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ; ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)
နအာရမ္မဏပစ္စယော
၃၇. ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော ဓမ္မော ဥပ္ပဇ္ဇတိ နအာရမ္မဏပစ္စယာ (သံခိတ္တံ)။
နအဓိပတိပစ္စယော
၃၈. ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ – ဥပါဒိန္နုပါဒါနိယံ ဧကံ ခန္ဓံ ပစ္စယာ။ပေ.။။ (၁)
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ – ဥပါဒိန္နုပါဒါနိယေ ခန္ဓေ ပစ္စယာ စိတ္တသမုဋ္ဌာနံ ရူပံ; ဝတ္ထုံ ပစ္စယာ အနုပါဒိန္နုပါဒါနိယာ ခန္ဓာ။ (၂)
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ – ဝတ္ထုံ ပစ္စယာ အနုပါဒိန္နအနုပါဒါနိယာ အဓိပတိ။ (၃)
ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ဥပါဒိန္နုပါဒါနိယံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ။ပေ.။။ (၄)
အနုပါဒိန္နုပါဒါနိယံ ဓမ္မံ ပစ္စယာ။ (ဧကာ ပဉှာ။)
အနုပါဒိန္နအနုပါဒါနိယံ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ – အနုပါဒိန္နအနုပါဒါနိယေ ခန္ဓေ ပစ္စယာ အနုပါဒိန္နအနုပါဒါနိယာ အဓိပတိ။ (၁)
ဥပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ န အဓိပတိပစ္စယာ – အနုပါဒိန္နအနုပါဒါနိယေ ခန္ဓေ စ ဝတ္ထုဉ္စ ပစ္စယာ အနုပါဒိန္နအနုပါဒါနိယာ အဓိပတိ။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ – ဥပါဒိန္နုပါဒါနိယေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ; အနုပါဒိန္နုပါဒါနိယံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ။ (၁)
နအနန္တရပစ္စယာဒိ
၃၉. ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော ဓမ္မော ဥပ္ပဇ္ဇတိ နအနန္တရပစ္စယာ။ နသမနန္တရပစ္စယာ။ နအညမညပစ္စယာ။ နဥပနိဿယပစ္စယာ။ နပုရေဇာတပစ္စယာ။ နပစ္ဆာဇာတပစ္စယာ။ နအာသေဝနပစ္စယာ။ပေ.။။
နကမ္မပစ္စယော
၄၀. ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နကမ္မပစ္စယာ – ဝတ္ထုံ ပစ္စယာ အနုပါဒိန္နုပါဒါနိယာ စေတနာ။ (၁)
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နကမ္မပစ္စယာ – ဝတ္ထုံ ပစ္စယာ ကုသလာ အနုပါဒိန္နအနုပါဒါနိယာ စေတနာ။ (၂)
အနုပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နကမ္မပစ္စယာ – အနုပါဒိန္နုပါဒါနိယေ ခန္ဓေ ပစ္စယာ အနုပါဒိန္နုပါဒါနိယာ စေတနာ။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ ပစ္စယာ။ပေ.။။ (၁)
အနုပါဒိန္နအနုပါဒါနိယံ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နကမ္မပစ္စယာ – ကုသလေ အနုပါဒိန္နအနုပါဒါနိယေ ခန္ဓေ ပစ္စယာ အနုပါဒိန္နအနုပါဒါနိယာ စေတနာ။ (၁)
ဥပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နကမ္မပစ္စယာ – ကုသလေ အနုပါဒိန္နအနုပါဒါနိယေ ခန္ဓေ စ ဝတ္ထုဉ္စ ပစ္စယာ အနုပါဒိန္နအနုပါဒါနိယာ ကုသလာ စေတနာ။ (၁)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နကမ္မပစ္စယာ – အနုပါဒိန္နုပါဒါနိယေ ခန္ဓေ စ ဝတ္ထုဉ္စ ပစ္စယာ အနုပါဒိန္နုပါဒါနိယာ စေတနာ။ (၁)
နဝိပါကပစ္စယော
၄၁. ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော ဓမ္မော ဥပ္ပဇ္ဇတိ နဝိပါကပစ္စယာ – အသညသတ္တာနံ ဧကံ မဟာဘူတံ ပစ္စယာ။ပေ.။ (၁)။
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဝိပါကပစ္စယာ; ဝတ္ထုံ ပစ္စယာ အနုပါဒိန္နုပါဒါနိယာ ခန္ဓာ။ (၂)
ဥပါဒိန္နုပါဒါနိယံ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နဝိပါကပစ္စယာ – ဝတ္ထုံ ပစ္စယာ ကုသလာ အနုပါဒိန္နအနုပါဒါနိယာ ခန္ဓာ။ (၃)
အနုပါဒိန္နုပါဒါနိယံ ဓမ္မံ ပစ္စယာ။ ဧကာ။
အနုပါဒိန္နအနုပါဒါနိယံ ဓမ္မံ ပစ္စယာ။ တီဏိ။
ဥပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပစ္စယာ အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နဝိပါကပစ္စယာ။ (သံခိတ္တံ။)
အနုပါဒိန္နုပါဒါနိယဉ္စ အနုပါဒိန္နအနုပါဒါနိယဉ္စ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဝိပါကပစ္စယာ။ (သံခိတ္တံ။)
ဥပါဒိန္နုပါဒါနိယဉ္စ အနုပါဒိန္နုပါဒါနိယဉ္စ ဓမ္မံ ပစ္စယာ အနုပါဒိန္နုပါဒါနိယော ဓမ္မော ဥပ္ပဇ္ဇတိ နဝိပါကပစ္စယာ – အနုပါဒိန္နုပါဒါနိယံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ။ပေ.။ ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ။
နအာဟာရပစ္စယာဒိ
၄၂. ဥပါဒိန္နုပါဒါနိယံ ဓမ္မံ ပစ္စယာ ဥပါဒိန္နုပါဒါနိယော ဓမ္မော ဥပ္ပဇ္ဇတိ နအာဟာရပစ္စယာ။ နဣန္ဒြိယပစ္စယာ။ နဈာနပစ္စယာ။ နမဂ္ဂပစ္စယာ။ နသမ္ပယုတ္တပစ္စယာ။ နဝိပ္ပယုတ္တပစ္စယာ။ နောနတ္ထိပစ္စယာ။ နောဝိဂတပစ္စယာ (သံခိတ္တံ)။
၂. ပစ္စယပစ္စနီယံ
၂. သင်္ချာဝါရော
၄၃. နဟေတုယာ ပဉ္စ၊ နအာရမ္မဏေ ဆ၊ နအဓိပတိယာ အဋ္ဌ၊ နအနန္တရေ ဆ၊ နသမနန္တရေ ဆ၊ နအညမညေ ဆ၊ နဥပနိဿယေ ဆ၊ နပုရေဇာတေ သတ္တ၊ နပစ္ဆာဇာတေ ဧကာဒသ၊ နအာသေဝနေ ဧကာဒသ ၊ နကမ္မေ ဆ၊ နဝိပါကေ ဒသ၊ နအာဟာရေ ဒွေ၊ နဣန္ဒြိယေ ဒွေ၊ နဈာနေ ဒွေ၊ နမဂ္ဂေ ပဉ္စ၊ န သမ္ပယုတ္တေ ဆ၊ နဝိပ္ပယုတ္တေ တီဏိ၊ နောနတ္ထိယာ ဆ၊ နောဝိဂတေ ဆ (ဝိတ္ထာရေန ဂဏေတဗ္ဗံ)။
၃. ပစ္စယာနုလောမပစ္စနီယံ
၄၄. ဟေတုပစ္စယာ နအာရမ္မဏေ ဆ။ပေ.။ နောဝိဂတေ ဆ။ (ဝိတ္ထာရေန ဂဏေတဗ္ဗံ။)
၄. ပစ္စယပစ္စနီယာနုလောမံ
၄၅. နဟေတုပစ္စယာ အာရမ္မဏေ စတ္တာရိ။ပေ.။ အဝိဂတေ ပဉ္စ။
ပစ္စယဝါရော။
၄. နိဿယဝါရော
၄၆. ဥပါဒိန္နုပါဒါနိယံ ဓမ္မံ နိဿာယ ဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နုပါဒါနိယံ ဧကံ ခန္ဓံ နိဿာယ တယော ခန္ဓာ၊ တယော ခန္ဓေ နိဿာယ။ (သံခိတ္တံ)။ (ပစ္စယဝါရောပိ နိဿယဝါရောပိ သဒိသော)။
နိဿယဝါရော။
၅. သံသဋ္ဌဝါရော
၁. ပစ္စယာနုလောမံ
ဟေတုပစ္စယော
၄၇. ဥပါဒိန္နုပါဒါနိယံ ဓမ္မံ သံသဋ္ဌော ဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – ဥပါဒိန္နုပါဒါနိယံ ဧကံ ခန္ဓံ သံသဋ္ဌာ တယော ခန္ဓာ၊ တယော ခန္ဓေ သံသဋ္ဌော ဧကော ခန္ဓော၊ ဒွေ ခန္ဓေ သံသဋ္ဌာ ဒွေ ခန္ဓာ၊ ပဋိသန္ဓိက္ခဏေ ဥပါဒိန္နုပါဒါနိယံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ သံသဋ္ဌာ ဒွေ ခန္ဓာ။ (၁)
အနုပါဒိန္နုပါဒါနိယံ ဓမ္မံ သံသဋ္ဌော အနုပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နုပါဒါနိယံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ သံသဋ္ဌာ ဒွေ ခန္ဓာ။ (၁)
အနုပါဒိန္နအနုပါဒါနိယံ ဓမ္မံ သံသဋ္ဌော အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ – အနုပါဒိန္နအနုပါဒါနိယံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ သံသဋ္ဌာ ဒွေ ခန္ဓာ။ (၁) (သံခိတ္တံ။)
သင်္ချာဝါရော
၄၈. ဟေတုယာ တီဏိ။ပေ.။ အဓိပတိယာ ဒွေ။ပေ.။ အာသေဝနေ ဒွေ။ပေ.။ ဝိပါကေ ဒွေ။ပေ.။ အဝိဂတေ တီဏိ။
(ယထာ ကုသလတ္တိကေ ဂဏနာ၊ ဧဝံ ဂဏေတဗ္ဗာ။)
အနုလောမံ။
၂. ပစ္စယပစ္စနီယံ
နဟေတုပစ္စယော
၄၉. ဥပါဒိန္နုပါဒါနိယံ ဓမ္မံ သံသဋ္ဌော ဥပါဒိန္နုပါဒါနိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဥပါဒိန္နုပါဒါနိယံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ သံသဋ္ဌာ ဒွေ ခန္ဓာ; အဟေတုကပဋိသန္ဓိက္ခဏေ။ပေ.။။ (၁)
အနုပါဒိန္နုပါဒါနိယံ ဓမ္မံ သံသဋ္ဌော အနုပါဒိန္နုပါဒါနိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနုပါဒိန္နုပါဒါနိယံ ဧကံ ခန္ဓံ သံသဋ္ဌာ တယော ခန္ဓာ။ပေ.။ ဒွေ ခန္ဓေ သံသဋ္ဌာ ဒွေ ခန္ဓာ; ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁) (သံခိတ္တံ။)
နဟေတုယာ ဒွေ၊ န အဓိပတိယာ တီဏိ။ပေ.။ နဝိပ္ပယုတ္တေ တီဏိ။ (သံခိတ္တံ။)
ပစ္စနီယံ
၃. ပစ္စယာနုလောမပစ္စနီယံ
ဟေတုပစ္စယာ နအဓိပတိယာ တီဏိ။ပေ.။ နဝိပ္ပယုတ္တေ တီဏိ။
၄. ပစ္စယပစ္စနီယာနုလောမံ
နဟေတုပစ္စယာ အာရမ္မဏေ ဒွေ။ပေ.။ အဝိဂတေ ဒွေ။
သံသဋ္ဌဝါရော။
၆. သမ္ပယုတ္တဝါရော
၅၀. ဥပါဒိန္နုပါဒါနိယံ ဓမ္မံ သမ္ပယုတ္တော ဥပါဒိန္နုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ (သံခိတ္တံ။) ဟေတုယာ တီဏိ။ပေ.။ အဝိဂတေ တီဏိ။
(သံသဋ္ဌဝါရောပိ သမ္ပယုတ္တဝါရောပိ သဒိသော ။)
သမ္ပယုတ္တဝါရော။
၇. ပဉှာဝါရော
၁. ပစ္စယာနုလောမံ
၁. ဝိဘင်္ဂဝါရော
ဟေတုပစ္စယော
၅၁. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဟေတုပစ္စယေန ပစ္စယော – ဥပါဒိန္နုပါဒါနိယာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော; ပဋိသန္ဓိက္ခဏေ ဥပါဒိန္နုပါဒါနိယာ ဟေတူ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဟေတုပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဟေတုပစ္စယေန ပစ္စယော – ဥပါဒိန္နုပါဒါနိယာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ဟေတုပစ္စယေန ပစ္စယော – ဥပါဒိန္နုပါဒါနိယာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဟေတုပစ္စယေန ပစ္စယော – အနုပါဒိန္နုပါဒါနိယာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ဟေတုပစ္စယေန ပစ္စယော – အနုပါဒိန္နအနုပါဒါနိယာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဟေတုပစ္စယေန ပစ္စယော – အနုပါဒိန္နအနုပါဒါနိယာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ ဟေတုပစ္စယေန ပစ္စယော – အနုပါဒိန္နအနုပါဒါနိယာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)
အာရမ္မဏပစ္စယော
၅၂. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော – သေက္ခါ ဝါ ပုထုဇ္ဇနာ ဝါ စက္ခုံ အနိစ္စတော ဒုက္ခတော အနတ္တတော ဝိပဿန္တိ၊ အဿာဒေန္တိ အဘိနန္ဒန္တိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ; ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ။ သောတံ။ ဃာနံ။ ဇိဝှံ။ ကာယံ။ ဥပါဒိန္နုပါဒါနိယေ ရူပေ။ ဂန္ဓေ။ ရသေ။ ဖောဋ္ဌဗ္ဗေ။ ဝတ္ထုံ။ ဥပါဒိန္နုပါဒါနိယေ ခန္ဓေ အနိစ္စတော ဒုက္ခတော အနတ္တတော ဝိပ္ပဿန္တိ၊ အဿာဒေန္တိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ။ ဥပါဒိန္နုပါဒါနိယံ ရူပါယတနံ စက္ခုဝိညာဏဿ။ပေ.။ ဥပါဒိန္နုပါဒါနိယံ ဂန္ဓာယတနံ။ ရသာယတနံ။ ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော – စက္ခုံ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ သောတံ။ ဃာနံ။ ဇိဝှံ။ ကာယံ။ ဥပါဒိန္နုပါဒါနိယေ ရူပေ။ ဂန္ဓေ။ ရသေ။ ဖောဋ္ဌဗ္ဗေ။ ဝတ္ထုံ။ ဥပါဒိန္နုပါဒါနိယေ ခန္ဓေ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ ဥပါဒိန္နုပါဒါနိယံ ရူပံ ပဿတိ၊ စေတောပရိယဉာဏေန ဥပါဒိန္နုပါဒါနိယစိတ္တသမင်္ဂိဿ စိတ္တံ ဇာနာတိ။ ဥပါဒိန္နုပါဒါနိယာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)
၅၃. အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ၊ သီလံ သမာဒိယိတွာ၊ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ ဈာနာ ဝုဋ္ဌဟိတွာ ဈာနံ ပစ္စဝေက္ခတိ၊ အရိယာ ဂေါတြဘုံ ပစ္စဝေက္ခန္တိ၊ ဝေါဒါနံ ပစ္စဝေက္ခန္တိ၊ အရိယာ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ; အနုပါဒိန္နုပါဒါနိယေ ရူပေ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ။ အနုပါဒိန္နုပါဒါနိယေ ခန္ဓေ အနိစ္စတော ဒုက္ခတော အနတ္တတော ဝိပဿန္တိ၊ အဿာဒေန္တိ အဘိနန္ဒန္တိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ အနုပါဒိန္နုပါဒါနိယံ ရူပံ ပဿန္တိ၊ ဒိဗ္ဗာယ သောတဓါတုယာ သဒ္ဒံ သုဏန္တိ၊ စေတောပရိယဉာဏေန အနုပါဒိန္နုပါဒါနိယစိတ္တသမင်္ဂိဿ စိတ္တံ ဇာနန္တိ။ အာကာသာနဉ္စာယတနံ ဝိညာဏဉ္စာယတနဿ အာရမ္မဏပစ္စယေန ပစ္စယော။ အာကိဉ္စညာယတနံ နေဝသညာနာသညာယတနဿ အာရမ္မဏပစ္စယေန ပစ္စယော။ အနုပါဒိန္နုပါဒါနိယာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော – သေက္ခါ ဝါ ပုထုဇ္ဇနာ ဝါ အနုပါဒိန္နုပါဒါနိယေ ရူပေ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ။ အနုပါဒိန္နုပါဒါနိယေ ခန္ဓေ အနိစ္စတော ဒုက္ခတော အနတ္တတော ဝိပဿန္တိ၊ အဿာဒေန္တိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ။ အာကာသာနဉ္စာယတနကုသလံ ဝိညာဏဉ္စာယတနဝိပါကဿ အာရမ္မဏပစ္စယေန ပစ္စယော။ အာကိဉ္စညာယတနကုသလံ နေဝသညာနာသညာယတနဝိပါကဿ အာရမ္မဏပစ္စယေန ပစ္စယော။ အနုပါဒိန္နုပါဒါနိယံ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော။ (၂)
၅၄. အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ မဂ္ဂဿ၊ ဖလဿ အာရမ္မဏပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ နိဗ္ဗာနံ ပစ္စဝေက္ခန္တိ; နိဗ္ဗာနံ ဂေါတြဘုဿ၊ ဝေါဒါနဿ၊ အာဝဇ္ဇနာယ အာရမ္မဏပစ္စယေန ပစ္စယော။ အရိယာ စေတောပရိယဉာဏေန အနုပါဒိန္နအနုပါဒါနိယစိတ္တသမင်္ဂိဿ စိတ္တံ ဇာနန္တိ; အနုပါဒိန္နအနုပါဒါနိယာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)
အဓိပတိပစ္စယော
၅၅. ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စက္ခုံ ဂရုံ ကတွာ အဿာဒေတိ အဘိနန္ဒတိ; တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သောတံ။ ဃာနံ။ ဇိဝှံ။ ကာယံ။ ဥပါဒိန္နုပါဒါနိယေ ရူပေ။ ဂန္ဓေ။ ရသေ။ ဖောဋ္ဌဗ္ဗေ။ ဝတ္ထုံ။ ဥပါဒိန္နုပါဒါနိယေ ခန္ဓေ ဂရုံ ကတွာ အဿာဒေတိ အဘိနန္ဒတိ; တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၁)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ၊ သီလံ သမာဒိယိတွာ၊ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ; ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ; သေက္ခါ ဂေါတြဘုံ ဂရုံ ကတွာ ပစ္စဝေက္ခန္တိ၊ ဝေါဒါနံ ဂရုံ ကတွာ ပစ္စဝေက္ခန္တိ။ အနုပါဒိန္နုပါဒါနိယေ ရူပေ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ။ အနုပါဒိန္နုပါဒါနိယေ ခန္ဓေ ဂရုံ ကတွာ အဿာဒေန္တိ အဘိနန္ဒန္တိ; တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အနုပါဒိန္နုပါဒါနိယာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – နိဗ္ဗာနံ မဂ္ဂဿ ဖလဿ အဓိပတိပစ္စယေန ပစ္စယော။ သဟဇာတာဓိပတိ – အနုပါဒိန္နအနုပါဒါနိယာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂရုံ ကတွာ ပစ္စဝေက္ခန္တိ။ နိဗ္ဗာနံ ဂေါတြဘုဿ၊ ဝေါဒါနဿ အဓိပတိပစ္စယေန ပစ္စယော။ သဟဇာတာဓိပတိ – အနုပါဒိန္နအနုပါဒါနိယာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ အဓိပတိပစ္စယေန ပစ္စယော ။ သဟဇာတာဓိပတိ – အနုပါဒိန္နအနုပါဒါနိယာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)
အနန္တရပစ္စယော
၅၆. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥပါဒိန္နုပါဒါနိယာ ခန္ဓာ ပစ္ဆိမာနံ ပစ္ဆိမာနံ ဥပါဒိန္နုပါဒါနိယာနံ ခန္ဓာနံ အနန္တရပစ္စယေန ပစ္စယော; ပဉ္စဝိညာဏံ ဝိပါကမနောဓါတုယာ အနန္တရပစ္စယေန ပစ္စယော; ဝိပါကမနောဓါတု ဝိပါကမနောဝိညာဏဓါတုယာ အနန္တရပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အနန္တရပစ္စယေန ပစ္စယော – ဘဝင်္ဂံ အာဝဇ္ဇနာယ၊ ဝိပါကမနောဝိညာဏဓါတု ကိရိယမနောဝိညာဏဓါတုယာ အနန္တရပစ္စယေန ပစ္စယော။ (၂)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အနုပါဒိန္နုပါဒါနိယာ ခန္ဓာ ပစ္ဆိမာနံ ပစ္ဆိမာနံ အနုပါဒိန္နုပါဒါနိယာနံ ခန္ဓာနံ အနန္တရပစ္စယေန ပစ္စယော; အနုလောမံ ဂေါတြဘုဿ။ အနုလောမံ ဝေါဒါနဿ။ အာဝဇ္ဇနာ အနုပါဒိန္နုပါဒါနိယာနံ ခန္ဓာနံ အနန္တရပစ္စယေန ပစ္စယော။ (၁)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အနန္တရပစ္စယေန ပစ္စယော – အာဝဇ္ဇနာ ပဉ္စန္နံ ဝိညာဏာနံ အနန္တရပစ္စယေန ပစ္စယော; အနုပါဒိန္နုပါဒါနိယာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)
အနုပါဒိန္နုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ အနန္တရပစ္စယေန ပစ္စယော – ဂေါတြဘု မဂ္ဂဿ။ ဝေါဒါနံ မဂ္ဂဿ။ အနုလောမံ ဖလသမာပတ္တိယာ။ နိရောဓါ ဝုဋ္ဌဟန္တဿ။ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၃)
အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အနုပါဒိန္နအနုပါဒါနိယာ ခန္ဓာ ပစ္ဆိမာနံ ပစ္ဆိမာနံ အနုပါဒိန္နအနုပါဒါနိယာနံ ခန္ဓာနံ အနန္တရပစ္စယေန ပစ္စယော။ မဂ္ဂေါ ဖလဿ။ ဖလံ ဖလဿ အနန္တရပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အနန္တရပစ္စယေန ပစ္စယော – ဖလံ ဝုဋ္ဌာနဿ အနန္တရပစ္စယေန ပစ္စယော။ (၂)
သမနန္တရပစ္စယော
၅၇. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ သမနန္တရပစ္စယေန ပစ္စယော (အနန္တရပစ္စယသဒိသံ)။
သဟဇာတပစ္စယော
၅၈. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ သဟဇာတပစ္စယေန ပစ္စယော – ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ သဟဇာတပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ။ပေ.။ ပဋိသန္ဓိက္ခဏေ ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ ကဋတ္တာ စ ရူပါနံ သဟဇာတပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ ကဋတ္တာ စ ရူပါနံ။ပေ.။ ခန္ဓာ ဝတ္ထုဿ။ပေ.။ ဝတ္ထု ခန္ဓာနံ။ပေ.။ ဧကံ မဟာဘူတံ တိဏ္ဏန္နံ မဟာဘူတာနံ။ပေ.။ တယော မဟာဘူတာ ဧကဿ မဟာဘူတဿ ။ပေ.။ ဒွေ မဟာဘူတာ ဒွိန္နံ မဟာဘူတာနံ။ပေ.။ မဟာဘူတာ ကဋတ္တာရူပါနံ ဥပါဒါရူပါနံ သဟဇာတပစ္စယေန ပစ္စယော။ အသညသတ္တာနံ ဧကံ မဟာဘူတံ။ပေ.။။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ သဟဇာတပစ္စယေန ပစ္စယော – ဥပါဒိန္နုပါဒါနိယာ ခန္ဓာ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ သဟဇာတပစ္စယေန ပစ္စယော – ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ (၃)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ သဟဇာတပစ္စယေန ပစ္စယော – အနုပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ အနုပါဒိန္နုပါဒါနိယံ ဧကံ မဟာဘူတံ။ပေ.။ မဟာဘူတာ စိတ္တသမုဋ္ဌာနာနံ ရူပါနံ ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ။ပေ.။ မဟာဘူတာ ဥပါဒါရူပါနံ သဟဇာတပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ သဟဇာတပစ္စယေန ပစ္စယော – အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ။ပေ.။ ဒွေ ခန္ဓာ ဒွိန္နံ ခန္ဓာနံ သဟဇာတပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ သဟဇာတပစ္စယေန ပစ္စယော – အနုပါဒိန္နအနုပါဒါနိယာ ခန္ဓာ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ သဟဇာတပစ္စယေန ပစ္စယော; အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ (၃)
အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ အနုပါဒိန္နုပါဒါနိယဿ ဓမ္မဿ သဟဇာတပစ္စယေန ပစ္စယော – အနုပါဒိန္နအနုပါဒါနိယာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ (၁)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ အနုပါဒိန္နုပါဒါနိယဿ ဓမ္မဿ သဟဇာတပစ္စယေန ပစ္စယော – ဥပါဒိန္နုပါဒါနိယာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ (၁)
အညမညပစ္စယော
၅၉. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အညမညပစ္စယေန ပစ္စယော – ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ အညမညပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ။ပေ.။ ပဋိသန္ဓိက္ခဏေ ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ ဝတ္ထုဿ စ။ပေ.။ ခန္ဓာ ဝတ္ထုဿ။ပေ.။ ဝတ္ထု ခန္ဓာနံ။ပေ.။ ဧကံ မဟာဘူတံ တိဏ္ဏန္နံ မဟာဘူတာနံ။ပေ.။ ဒွေ မဟာဘူတာ ဒွိန္နံ မဟာဘူတာနံ။ပေ.။ အသညသတ္တာနံ ဧကံ မဟာဘူတံ။ပေ.။။ (၁)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အညမညပစ္စယေန ပစ္စယော – အနုပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ။ပေ.။ ဒွေ ခန္ဓာ ဒွိန္နံ ခန္ဓာနံ အညမညပစ္စယေန ပစ္စယော။ ဧကံ မဟာဘူတံ။ပေ.။ ဗာဟိရံ။ အာဟာရသမုဋ္ဌာနံ။ ဥတုသမုဋ္ဌာနံ ဧကံ မဟာဘူတံ။ပေ.။။ (၁)
အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ အညမညပစ္စယေန ပစ္စယော – အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ။ပေ.။ ဒွေ ခန္ဓာ ဒွိန္နံ ခန္ဓာနံ။ပေ.။။ (၁)
နိဿယပစ္စယော
၆၀. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ နိဿယပစ္စယေန ပစ္စယော – ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ နိဿယပစ္စယေန ပစ္စယော။ပေ.။ ပဋိသန္ဓိက္ခဏေ။ပေ.။ ဧကံ မဟာဘူတံ။ပေ.။ အသညသတ္တာနံ ဧကံ မဟာဘူတံ။ပေ.။ စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ။ပေ.။ ဝတ္ထု ဥပါဒိန္နုပါဒါနိယာနံ ခန္ဓာနံ နိဿယပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ နိဿယပစ္စယေန ပစ္စယော – ဥပါဒိန္နုပါဒါနိယာ ခန္ဓာ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ ဝတ္ထု အနုပါဒိန္နုပါဒါနိယာနံ ခန္ဓာနံ နိဿယပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ နိဿယပစ္စယေန ပစ္စယော – ဝတ္ထု အနုပါဒိန္နအနုပါဒါနိယာနံ ခန္ဓာနံ နိဿယပစ္စယေန ပစ္စယော။ (၃)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ နိဿယပစ္စယေန ပစ္စယော – ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ နိဿယပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ နိဿယပစ္စယေန ပစ္စယော။ (၄)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ။ ဧကာ။
အနုပါဒိန္နအနုပါဒါနိယော ဓမ္မော။ တီဏိ။
ဥပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ အနုပါဒိန္နအနုပါဒါနိယဿ ဓမ္မဿ နိဿယပစ္စယေန ပစ္စယော – အနုပါဒိန္နအနုပါဒါနိယော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ နိဿယပစ္စယေန ပစ္စယော။ပေ.။ ဒွေ ခန္ဓာ စ ဝတ္ထု စ ဒွိန္နံ ခန္ဓာနံ နိဿယပစ္စယေန ပစ္စယော။ (၁)
အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ အနုပါဒိန္နုပါဒါနိယဿ ဓမ္မဿ နိဿယပစ္စယေန ပစ္စယော – အနုပါဒိန္နအနုပါဒါနိယာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ (၁)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ အနုပါဒိန္နုပါဒါနိယဿ ဓမ္မဿ နိဿယပစ္စယေန ပစ္စယော – ဥပါဒိန္နုပါဒါနိယာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ အနုပါဒိန္နုပါဒါနိယော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ နိဿယပစ္စယေန ပစ္စယော။ပေ.။ ဒွေ ခန္ဓာ စ ဝတ္ထု စ ဒွိန္နံ ခန္ဓာနံ နိဿယပစ္စယေန ပစ္စယော။ (၁)
ဥပနိဿယပစ္စယော
၆၁. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ကာယိကံ သုခံ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ ကာယိကံ ဒုက္ခံ ကာယိကဿ သုခဿ၊ ကာယိကဿ ဒုက္ခဿ။ပေ.။ ဥတု ကာယိကဿ သုခဿ၊ ကာယိကဿ ဒုက္ခဿ။ပေ.။ ဘောဇနံ ကာယိကဿ သုခဿ၊ ကာယိကဿ ဒုက္ခဿ။ပေ.။ ကာယိကံ သုခံ။ ကာယိကံ ဒုက္ခံ။ ဥတု။ ဘောဇနံ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ကာယိကံ သုခံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ဈာနံ ဥပ္ပါဒေတိ၊ ဝိပဿနံ ဥပ္ပါဒေတိ၊ အဘိညံ ဥပ္ပါဒေတိ၊ သမာပတ္တိံ ဥပ္ပါဒေတိ၊ ပါဏံ ဟနတိ။ပေ.။ သံဃံ ဘိန္ဒတိ။ ကာယိကံ ဒုက္ခံ။ ဥတုံ။ ဘောဇနံ ဥပနိဿာယ ဒါနံ ဒေတိ။ပေ.။ သံဃံ ဘိန္ဒတိ။ ကာယိကံ သုခံ။ ကာယိကံ ဒုက္ခံ။ ဥတု။ ဘောဇနံ အနုပါဒိန္နုပါဒါနိယာယ သဒ္ဓါယ။ သီလဿ။ သုတဿ။ စာဂဿ။ ပညာယ။ ရာဂဿ။ ဒေါသဿ။ မောဟဿ။ မာနဿ။ ဒိဋ္ဌိယာ။ ပတ္ထနာယ ဥပနိဿယပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ဥပနိဿယပစ္စယေန ပစ္စယော။ ပကတူပနိဿယော – ကာယိကံ သုခံ ဥပနိဿာယ မဂ္ဂံ ဥပ္ပါဒေတိ၊ ဖလသမာပတ္တိံ သမာပဇ္ဇတိ။ ကာယိကံ ဒုက္ခံ။ ဥတုံ။ ဘောဇနံ ဥပနိဿာယ မဂ္ဂံ ဥပ္ပါဒေတိ၊ ဖလသမာပတ္တိံ သမာပဇ္ဇတိ။ ကာယိကံ သုခံ။ ကာယိကံ ဒုက္ခံ။ ဥတု။ ဘောဇနံ မဂ္ဂဿ။ ဖလသမာပတ္တိယာ ဥပနိဿယပစ္စယေန ပစ္စယော။ (၃)
၆၂. အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – အနုပါဒိန္နုပါဒါနိယံ သဒ္ဓံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ဈာနံ ဥပ္ပါဒေတိ၊ ဝိပဿနံ ဥပ္ပါဒေတိ၊ အဘိညံ ဥပ္ပါဒေတိ၊ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ အနုပါဒိန္နုပါဒါနိယံ သီလံ။ သုတံ။ စာဂံ။ ပညံ။ ရာဂံ။ ဒေါသံ။ မောဟံ။ မာနံ ။ ဒိဋ္ဌိံ။ ပတ္ထနံ။ ဥတုံ။ ဘောဇနံ။ သေနာသနံ ဥပနိဿာယ ဒါနံ ဒေတိ။ပေ.။ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ၊ ပါဏံ ဟနတိ။ပေ.။ သံဃံ ဘိန္ဒတိ။ အနုပါဒိန္နုပါဒါနိယာ သဒ္ဓါ။ သီလံ။ သုတံ။ စာဂေါ။ ပညာ။ ရာဂေါ။ ဒေါသော။ မောဟော။ မာနော။ ဒိဋ္ဌိ။ ပတ္ထနာ။ ဥတု။ ဘောဇနံ။ သေနာသနံ။ အနုပါဒိန္နုပါဒါနိယာယ သဒ္ဓါယ။ သီလဿ။ သုတဿ။ စာဂဿ။ ပညာယ။ ရာဂဿ။ ဒေါသဿ။ မောဟဿ။ မာနဿ။ ဒိဋ္ဌိယာ။ ပတ္ထနာယ ဥပနိဿယပစ္စယေန ပစ္စယော။ ပဌမဿ ဈာနဿ ပရိကမ္မံ ပဌမဿ ဈာနဿ။ပေ.။ နေဝသညာနာသညာယတနဿ ပရိကမ္မံ နေဝသညာနာသညာယတနဿ။ပေ.။ ပဌမံ ဈာနံ ဒုတိယဿ။ပေ.။ အာကိဉ္စညာယတနံ နေဝသညာနာသညာယတနဿ။ပေ.။ ပါဏာတိပါတော ပါဏာတိပါတဿ။ပေ.။ နိယတမိစ္ဆာဒိဋ္ဌိ နိယတမိစ္ဆာဒိဋ္ဌိယာ။ပေ.။။ (၁)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – အနုပါဒိန္နုပါဒါနိယံ သဒ္ဓံ ဥပနိဿာယ အတ္တာနံ အာတာပေတိ ပရိတာပေတိ၊ ပရိယိဋ္ဌိမူလကံ ဒုက္ခံ ပစ္စနုဘောတိ။ အနုပါဒိန္နုပါဒါနိယံ သီလံ ။ပေ.။ သေနာသနံ ဥပနိဿာယ အတ္တာနံ အာတာပေတိ ပရိတာပေတိ၊ ပရိယိဋ္ဌိမူလကံ ဒုက္ခံ ပစ္စနုဘောတိ။ အနုပါဒိန္နုပါဒါနိယာ သဒ္ဓါ။ပေ.။ သေနာသနံ ကာယိကဿ သုခဿ ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ ကုသလာကုသလံ ကမ္မံ ဝိပါကဿ ဥပနိဿယပစ္စယေန ပစ္စယော။ (၂)
အနုပါဒိန္နုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ပဌမဿ မဂ္ဂဿ ပရိကမ္မံ ပဌမဿ မဂ္ဂဿ ဥပနိဿယပစ္စယေန ပစ္စယော။ ဒုတိယဿ မဂ္ဂဿ။ပေ.။ တတိယဿ မဂ္ဂဿ။ပေ.။ စတုတ္ထဿ မဂ္ဂဿ ပရိကမ္မံ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၃)
၆၃. အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ ဥပနိဿယပစ္စယေန ပစ္စယော။ ဒုတိယော မဂ္ဂေါ တတိယဿ မဂ္ဂဿ။ပေ.။ တတိယော မဂ္ဂေါ စတုတ္ထဿ မဂ္ဂဿ။ပေ.။ မဂ္ဂေါ ဖလသမာပတ္တိယာ ဥပနိဿယပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ.။။ ပကတူပနိဿယော – ဖလသမာပတ္တိ ကာယိကဿ သုခဿ ဥပနိဿယပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူနိဿယော။ပေ.။။ ပကတူပနိဿယော – အရိယာ မဂ္ဂံ ဥပနိဿာယ အနုပ္ပန္နံ သမာပတ္တိံ ဥပ္ပါဒေန္တိ၊ ဥပ္ပန္နံ သမာပတ္တိံ သမာပဇ္ဇန္တိ၊ သင်္ခါရေ အနိစ္စတော ဒုက္ခတော အနတ္တတော ဝိပဿန္တိ။ မဂ္ဂေါ အရိယာနံ အတ္ထပ္ပဋိသမ္ဘိဒါယ ဓမ္မပ္ပဋိသမ္ဘိဒါယ နိရုတ္တိပ္ပဋိသမ္ဘိဒါယ ပဋိဘာနပ္ပဋိသမ္ဘိဒါယ ဌာနာဌာနကောသလ္လဿ ဥပနိဿယပစ္စယေန ပစ္စယော။ (၃)
ပုရေဇာတပစ္စယော
၆၄. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – သေက္ခါ ဝါ ပုထုဇ္ဇနာ ဝါ စက္ခုံ အနိစ္စတော ဒုက္ခတော အနတ္တတော ဝိပဿန္တိ၊ အဿာဒေန္တိ အဘိနန္ဒန္တိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ; ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ။ သောတံ။ ဃာနံ။ ဇိဝှံ။ ကာယံ။ ဥပါဒိန္နုပါဒါနိယေ ရူပေ။ ဂန္ဓေ။ ရသေ။ ဖောဋ္ဌဗ္ဗေ။ ဝတ္ထုံ အနိစ္စတော ဒုက္ခတော အနတ္တတော ဝိပဿန္တိ၊ အဿာဒေန္တိ အဘိနန္ဒန္တိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ။ ဥပါဒိန္နုပါဒါနိယံ ရူပါယတနံ စက္ခုဝိညာဏဿ။ပေ.။ ဥပါဒိန္နုပါဒါနိယံ ဂန္ဓာယတနံ။ ရသာယတနံ။ ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ။ပေ.။ ဝတ္ထု ဥပါဒိန္နုပါဒါနိယာနံ ခန္ဓာနံ ပုရေဇာတပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿန္တိ၊ အဿာဒေန္တိ အဘိနန္ဒန္တိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ သောတံ။ပေ.။ ဝတ္ထုံ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ ဥပါဒိန္နုပါဒါနိယံ ရူပံ ပဿန္တိ။ ဝတ္ထုပုရေဇာတံ – ဝတ္ထု အနုပါဒိန္နုပါဒါနိယာနံ ခန္ဓာနံ ပုရေဇာတပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – ဝတ္ထု အနုပါဒိန္နအနုပါဒါနိယာနံ ခန္ဓာနံ ပုရေဇာတပစ္စယေန ပစ္စယော။ (၃)
၆၅. အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – အနုပါဒိန္နုပါဒါနိယေ ရူပေ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ ။ပေ.။ ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ အနုပါဒိန္နုပါဒါနိယံ ရူပံ ပဿတိ၊ ဒိဗ္ဗာယ သောတဓါတုယာ သဒ္ဒံ သုဏာတိ။ (၁)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ပုရေဇာတပစ္စယေန ပစ္စယော။ အာရမ္မဏပုရေဇာတံ – အနုပါဒိန္နုပါဒါနိယေ ရူပေ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ။ အနုပါဒိန္နုပါဒါနိယံ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ (၂)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပါဒိန္နုပါဒါနိယဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အနုပါဒိန္နုပါဒါနိယံ ရူပါယတနဉ္စ စက္ခါယတနဉ္စ စက္ခုဝိညာဏဿ ပုရေဇာတပစ္စယေန ပစ္စယော။ပေ.။ အနုပါဒိန္နုပါဒါနိယံ ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ ပုရေဇာတပစ္စယေန ပစ္စယော။ အနုပါဒိန္နုပါဒါနိယံ ရူပါယတနဉ္စ ဝတ္ထု စ ဥပါဒိန္နုပါဒါနိယာနံ ခန္ဓာနံ ပုရေဇာတပစ္စယေန ပစ္စယော။ပေ.။ အနုပါဒိန္နုပါဒါနိယံ ဖောဋ္ဌဗ္ဗာယတနဉ္စ ဝတ္ထု စ ဥပါဒိန္နုပါဒါနိယာနံ ခန္ဓာနံ ပုရေဇာတပစ္စယေန ပစ္စယော။ (၁)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ အနုပါဒိန္နုပါဒါနိယဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အနုပါဒိန္နုပါဒါနိယံ ရူပါယတနဉ္စ ဝတ္ထု စ အနုပါဒိန္နုပါဒါနိယာနံ ခန္ဓာနံ ပုရေဇာတပစ္စယေန ပစ္စယော။ပေ.။ အနုပါဒိန္နုပါဒါနိယံ ဖောဋ္ဌဗ္ဗာယတနဉ္စ ဝတ္ထု စ အနုပါဒိန္နုပါဒါနိယာနံ ခန္ဓာနံ ပုရေဇာတပစ္စယေန ပစ္စယော။ (၂)
ပစ္ဆာဇာတပစ္စယော
၆၆. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဥပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ ကာယဿ ပစ္ဆာဇာတပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဥပါဒိန္နုပါဒါနိယာ ခန္ဓာ ပုရေဇာတဿ ဣမဿ အနုပါဒိန္နုပါဒါနိယဿ ကာယဿ ပစ္ဆာဇာတပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဥပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ ပစ္ဆာဇာတပစ္စယေန ပစ္စယော။ (၃)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနုပါဒိန္နုပါဒါနိယာ ခန္ဓာ ပုရေဇာတဿ ဣမဿ အနုပါဒိန္နုပါဒါနိယဿ ကာယဿ ပစ္ဆာဇာတပစ္စယေန ပစ္စယော။ (၁)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနုပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ ကာယဿ ပစ္ဆာဇာတပစ္စယေန ပစ္စယော။ (၂)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနုပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ ပစ္ဆာဇာတပစ္စယေန ပစ္စယော။ (၃)
၆၇. အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနုပါဒိန္နအနုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ ကာယဿ ပစ္ဆာဇာတပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနုပါဒိန္နအနုပါဒါနိယာ ခန္ဓာ ပုရေဇာတဿ ဣမဿ အနုပါဒိန္နုပါဒါနိယဿ ကာယဿ ပစ္ဆာဇာတပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနုပါဒိန္နအနုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ ပစ္ဆာဇာတပစ္စယေန ပစ္စယော။ (၃)
အာသေဝနပစ္စယော
၆၈. အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အနုပါဒိန္နုပါဒါနိယာ ခန္ဓာ ပစ္ဆိမာနံ ပစ္ဆိမာနံ အနုပါဒိန္နုပါဒါနိယာနံ ခန္ဓာနံ အာသေဝနပစ္စယေန ပစ္စယော။ အနုလောမံ ဂေါတြဘုဿ။ အနုလောမံ ဝေါဒါနဿ အာသေဝနပစ္စယေန ပစ္စယော။ (၁)
အနုပါဒိန္နုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ အာသေဝနပစ္စယေန ပစ္စယော – ဂေါတြဘု မဂ္ဂဿ။ ဝေါဒါနံ မဂ္ဂဿ အာသေဝနပစ္စယေန ပစ္စယော။ (၂)
ကမ္မပစ္စယော
၆၉. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ကမ္မပစ္စယေန ပစ္စယော – ဥပါဒိန္နုပါဒါနိယာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော; ပဋိသန္ဓိက္ခဏေ ဥပါဒိန္နုပါဒါနိယာ စေတနာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ စေတနာ ဝတ္ထုဿ ကမ္မပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ကမ္မပစ္စယေန ပစ္စယော – ဥပါဒိန္နုပါဒါနိယာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ကမ္မပစ္စယေန ပစ္စယော – ဥပါဒိန္နုပါဒါနိယာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ကမ္မပစ္စယေန ပစ္စယော – အနုပါဒိန္နုပါဒါနိယာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၁)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ကမ္မပစ္စယေန ပစ္စယော – နာနာက္ခဏိကာ အနုပါဒိန္နုပါဒါနိယာ စေတနာ ဝိပါကာနံ ဥပါဒိန္နုပါဒါနိယာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)
၇၀. အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အနုပါဒိန္နအနုပါဒါနိယာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – အနုပါဒိန္နအနုပါဒါနိယာ ကုသလာ စေတနာ ဝိပါကာနံ အနုပါဒိန္နအနုပါဒါနိယာနံ ခန္ဓာနံ ကမ္မပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ကမ္မပစ္စယေန ပစ္စယော – အနုပါဒိန္နအနုပါဒါနိယာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ ကမ္မပစ္စယေန ပစ္စယော – အနုပါဒိန္နအနုပါဒါနိယာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)
ဝိပါကပစ္စယော
၇၁. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဝိပါကပစ္စယေန ပစ္စယော – ဝိပါကော ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ ဝိပါကပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ ဝိပါကပစ္စယေန ပစ္စယော; ပဋိသန္ဓိက္ခဏေ ဝိပါကော ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ ကဋတ္တာ စ ရူပါနံ ဝိပါကပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ ကဋတ္တာ စ ရူပါနံ ဝိပါကပစ္စယေန ပစ္စယော။ ခန္ဓာ ဝတ္ထုဿ ဝိပါကပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဝိပါကပစ္စယေန ပစ္စယော – ဝိပါကာ ဥပါဒိန္နုပါဒါနိယာ ခန္ဓာ စိတ္တသမုဋ္ဌာနာနံ ရူပါနံ ဝိပါကပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ဝိပါကပစ္စယေန ပစ္စယော – ဝိပါကော ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော ။ပေ.။ ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော။ (၃)
အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ဝိပါကပစ္စယေန ပစ္စယော – ဝိပါကော အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ ဝိပါကပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ ဝိပါကပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဝိပါကပစ္စယေန ပစ္စယော – ဝိပါကာ အနုပါဒိန္နအနုပါဒါနိယာ ခန္ဓာ စိတ္တသမုဋ္ဌာနာနံ ရူပါနံ ဝိပါကပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ ဝိပါကပစ္စယေန ပစ္စယော – ဝိပါကော အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော။ (၃)
အာဟာရပစ္စယော
၇၂. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အာဟာရပစ္စယေန ပစ္စယော – ဥပါဒိန္နုပါဒါနိယာ အာဟာရာ သမ္ပယုတ္တကာနံ ခန္ဓာနံ အာဟာရပစ္စယေန ပစ္စယော; ပဋိသန္ဓိက္ခဏေ ဥပါဒိန္နုပါဒါနိယာ အာဟာရာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ အာဟာရပစ္စယေန ပစ္စယော။ ဥပါဒိန္နုပါဒါနိယော ကဗဠီကာရော အာဟာရော ဥပါဒိန္နုပါဒါနိယဿ ကာယဿ အာဟာရပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အာဟာရပစ္စယေန ပစ္စယော – ဥပါဒိန္နုပါဒါနိယာ အာဟာရာ စိတ္တသမုဋ္ဌာနာနံ ရူပါနံ အာဟာရပစ္စယေန ပစ္စယော; ဥပါဒိန္နုပါဒါနိယော ကဗဠီကာရော အာဟာရော အနုပါဒိန္နုပါဒါနိယဿ ကာယဿ အာဟာရပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ အာဟာရပစ္စယေန ပစ္စယော – ဥပါဒိန္နုပါဒါနိယာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော ။ ဥပါဒိန္နုပါဒါနိယော ကဗဠီကာရော အာဟာရော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အာဟာရပစ္စယေန ပစ္စယော။ (၃)
၇၃. အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အာဟာရပစ္စယေန ပစ္စယော – အနုပါဒိန္နုပါဒါနိယာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ အနုပါဒိန္နုပါဒါနိယော ကဗဠီကာရော အာဟာရော အနုပါဒိန္နုပါဒါနိယဿ ကာယဿ အာဟာရပစ္စယေန ပစ္စယော။ (၁)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အာဟာရပစ္စယေန ပစ္စယော – အနုပါဒိန္နုပါဒါနိယော ကဗဠီကာရော အာဟာရော ဥပါဒိန္နုပါဒါနိယဿ ကာယဿ အာဟာရပစ္စယေန ပစ္စယော။ (၂)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ အာဟာရပစ္စယေန ပစ္စယော – အနုပါဒိန္နုပါဒါနိယော ကဗဠီကာရော အာဟာရော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အာဟာရပစ္စယေန ပစ္စယော။ (၃)
အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ အာဟာရပစ္စယေန ပစ္စယော – အနုပါဒိန္နအနုပါဒါနိယာ အာဟာရာ သမ္ပယုတ္တကာနံ ခန္ဓာနံ အာဟာရပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အာဟာရပစ္စယေန ပစ္စယော – အနုပါဒိန္နအနုပါဒါနိယာ အာဟာရာ စိတ္တသမုဋ္ဌာနာနံ ရူပါနံ အာဟာရပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ အာဟာရပစ္စယေန ပစ္စယော – အနုပါဒိန္နအနုပါဒါနိယာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ (၃)
၇၄. ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပါဒိန္နုပါဒါနိယဿ ဓမ္မဿ အာဟာရပစ္စယေန ပစ္စယော – ဥပါဒိန္နုပါဒါနိယော စ အနုပါဒိန္နုပါဒါနိယော စ ကဗဠီကာရော အာဟာရော ဥပါဒိန္နုပါဒါနိယဿ ကာယဿ အာဟာရပစ္စယေန ပစ္စယော။ (၁)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ အနုပါဒိန္နုပါဒါနိယဿ ဓမ္မဿ အာဟာရပစ္စယေန ပစ္စယော – ဥပါဒိန္နုပါဒါနိယော စ အနုပါဒိန္နုပါဒါနိယော စ ကဗဠီကာရော အာဟာရော အနုပါဒိန္နုပါဒါနိယဿ ကာယဿ အာဟာရပစ္စယေန ပစ္စယော။ (၂)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ အာဟာရပစ္စယေန ပစ္စယော – ဥပါဒိန္နုပါဒါနိယော စ အနုပါဒိန္နုပါဒါနိယော စ ကဗဠီကာရော အာဟာရော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အာဟာရပစ္စယေန ပစ္စယော။ (၃)
ဣန္ဒြိယပစ္စယော
၇၅. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဣန္ဒြိယပစ္စယေန ပစ္စယော – ဥပါဒိန္နုပါဒါနိယာ ဣန္ဒြိယာ သမ္ပယုတ္တကာနံ ခန္ဓာနံ ဣန္ဒြိယပစ္စယေန ပစ္စယော; ပဋိသန္ဓိက္ခဏေ ဥပါဒိန္နုပါဒါနိယာ ဣန္ဒြိယာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဣန္ဒြိယပစ္စယေန ပစ္စယော။ စက္ခုန္ဒြိယံ စက္ခုဝိညာဏဿ။ပေ.။ ကာယိန္ဒြိယံ ကာယဝိညာဏဿ။ပေ.။ ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဣန္ဒြိယပစ္စယေန ပစ္စယော – ဥပါဒိန္နုပါဒါနိယာ ဣန္ဒြိယာ စိတ္တသမုဋ္ဌာနာနံ ရူပါနံ ဣန္ဒြိယပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ဣန္ဒြိယပစ္စယေန ပစ္စယော – ဥပါဒိန္နုပါဒါနိယာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော။ (၃)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဣန္ဒြိယပစ္စယေန ပစ္စယော – အနုပါဒိန္နုပါဒါနိယာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ဣန္ဒြိယပစ္စယေန ပစ္စယော – အနုပါဒိန္နအနုပါဒါနိယာ ဣန္ဒြိယာ သမ္ပယုတ္တကာနံ ခန္ဓာနံ ဣန္ဒြိယပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဣန္ဒြိယပစ္စယေန ပစ္စယော – အနုပါဒိန္နအနုပါဒါနိယာ ဣန္ဒြိယာ စိတ္တသမုဋ္ဌာနာနံ ရူပါနံ ဣန္ဒြိယပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ ဣန္ဒြိယပစ္စယေန ပစ္စယော – အနုပါဒိန္နအနုပါဒါနိယာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော။ (၃)
ဈာနပစ္စယော
၇၆. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဈာနပစ္စယေန ပစ္စယော – ဥပါဒိန္နုပါဒါနိယာနိ ဈာနင်္ဂါနိ သမ္ပယုတ္တကာနံ ခန္ဓာနံ ဈာနပစ္စယေန ပစ္စယော; ပဋိသန္ဓိက္ခဏေ ဥပါဒိန္နုပါဒါနိယာနိ ဈာနင်္ဂါနိ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဈာနပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဈာနပစ္စယေန ပစ္စယော – ဥပါဒိန္နုပါဒါနိယာနိ ဈာနင်္ဂါနိ စိတ္တသမုဋ္ဌာနာနံ ရူပါနံ ဈာနပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ဈာနပစ္စယေန ပစ္စယော – ဥပါဒိန္နုပါဒါနိယာနိ ဈာနင်္ဂါနိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဈာနပစ္စယေန ပစ္စယော။ (၃)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဈာနပစ္စယေန ပစ္စယော – အနုပါဒိန္နုပါဒါနိယာနိ ဈာနင်္ဂါနိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဈာနပစ္စယေန ပစ္စယော။ (၁)
၇၇. အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ဈာနပစ္စယေန ပစ္စယော – အနုပါဒိန္နအနုပါဒါနိယာနိ ဈာနင်္ဂါနိ သမ္ပယုတ္တကာနံ ခန္ဓာနံ ဈာနပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဈာနပစ္စယေန ပစ္စယော – အနုပါဒိန္နအနုပါဒါနိယာနိ ဈာနင်္ဂါနိ စိတ္တသမုဋ္ဌာနာနံ ရူပါနံ ဈာနပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ ဈာနပစ္စယေန ပစ္စယော – အနုပါဒိန္နအနုပါဒါနိယာနိ ဈာနင်္ဂါနိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဈာနပစ္စယေန ပစ္စယော။ (၃)
မဂ္ဂပစ္စယော
၇၈. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ မဂ္ဂပစ္စယေန ပစ္စယော – ဥပါဒိန္နုပါဒါနိယာနိ မဂ္ဂင်္ဂါနိ သမ္ပယုတ္တကာနံ ခန္ဓာနံ မဂ္ဂပစ္စယေန ပစ္စယော။ ပဋိသန္ဓိက္ခဏေ။ပေ.။။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ မဂ္ဂပစ္စယေန ပစ္စယော – ဥပါဒိန္နုပါဒါနိယာနိ မဂ္ဂင်္ဂါနိ စိတ္တသမုဋ္ဌာနာနံ ရူပါနံ မဂ္ဂပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ မဂ္ဂပစ္စယေန ပစ္စယော – ဥပါဒိန္နုပါဒါနိယာနိ မဂ္ဂင်္ဂါနိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ မဂ္ဂပစ္စယေန ပစ္စယော။ (၃)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ မဂ္ဂပစ္စယေန ပစ္စယော – အနုပါဒိန္နုပါဒါနိယာနိ မဂ္ဂင်္ဂါနိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ မဂ္ဂပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ မဂ္ဂပစ္စယေန ပစ္စယော – အနုပါဒိန္နအနုပါဒါနိယာနိ မဂ္ဂင်္ဂါနိ သမ္ပယုတ္တကာနံ ခန္ဓာနံ မဂ္ဂပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ မဂ္ဂပစ္စယေန ပစ္စယော – အနုပါဒိန္နအနုပါဒါနိယာနိ မဂ္ဂင်္ဂါနိ စိတ္တသမုဋ္ဌာနာနံ ရူပါနံ မဂ္ဂပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ မဂ္ဂပစ္စယေန ပစ္စယော – အနုပါဒိန္နအနုပါဒါနိယာနိ မဂ္ဂင်္ဂါနိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ မဂ္ဂပစ္စယေန ပစ္စယော။ (၃)
သမ္ပယုတ္တပစ္စယော
၇၉. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ သမ္ပယုတ္တပစ္စယေန ပစ္စယော – ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ သမ္ပယုတ္တပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ။ပေ.။ ပဋိသန္ဓိက္ခဏေ။ပေ.။။ (၁)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ သမ္ပယုတ္တပစ္စယေန ပစ္စယော – အနုပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ သမ္ပယုတ္တပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ။ပေ.။။ (၁)
အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ သမ္ပယုတ္တပစ္စယေန ပစ္စယော – အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ သမ္ပယုတ္တပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ။ပေ.။။ (၁)
ဝိပ္ပယုတ္တပစ္စယော
၈၀. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – ပဋိသန္ဓိက္ခဏေ ဥပါဒိန္နုပါဒါနိယာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော။ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခါယတနံ စက္ခုဝိညာဏဿ ဝိပ္ပယုတ္တပစ္စယေန ပစ္စယော။ပေ.။ ကာယာယတနံ ကာယဝိညာဏဿ ဝိပ္ပယုတ္တပစ္စယေန ပစ္စယော။ ဝတ္ထု ဥပါဒိန္နုပါဒါနိယာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဥပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ ကာယဿ ဝိပ္ပယုတ္တပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – ဥပါဒိန္နုပါဒါနိယာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အနုပါဒိန္နုပါဒါနိယာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဥပါဒိန္နုပါဒါနိယာ ခန္ဓာ ပုရေဇာတဿ ဣမဿ အနုပါဒိန္နုပါဒါနိယဿ ကာယဿ ဝိပ္ပယုတ္တပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အနုပါဒိန္နအနုပါဒါနိယာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၃)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဥပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ ဝိပ္ပယုတ္တပစ္စယေန ပစ္စယော။ (၄)
၈၁. အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အနုပါဒိန္နုပါဒါနိယာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနုပါဒိန္နုပါဒါနိယာ ခန္ဓာ ပုရေဇာတဿ ဣမဿ အနုပါဒိန္နုပါဒါနိယဿ ကာယဿ ဝိပ္ပယုတ္တပစ္စယေန ပစ္စယော။ (၁)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနုပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ ကာယဿ ဝိပ္ပယုတ္တပစ္စယေန ပစ္စယော။ (၂)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနုပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ ဝိပ္ပယုတ္တပစ္စယေန ပစ္စယော။ (၃)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ ကာယဿ ဝိပ္ပယုတ္တပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အနုပါဒိန္နအနုပါဒါနိယာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ ပုရေဇာတဿ ဣမဿ အနုပါဒိန္နုပါဒါနိယဿ ကာယဿ ဝိပ္ပယုတ္တပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ ဝိပ္ပယုတ္တပစ္စယေန ပစ္စယော။ (၃)
အတ္ထိပစ္စယော
၈၂. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ အတ္ထိပစ္စယေန ပစ္စယော; ပဋိသန္ဓိက္ခဏေ ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ ကဋတ္တာ စ ရူပါနံ အတ္ထိပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ ကဋတ္တာ စ ရူပါနံ အတ္ထိပစ္စယေန ပစ္စယော။ ခန္ဓာ ဝတ္ထုဿ။ပေ.။ ဝတ္ထု ခန္ဓာနံ။ပေ.။ ဧကံ မဟာဘူတံ။ပေ.။ မဟာဘူတာ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော။ အသညသတ္တာနံ ဧကံ မဟာဘူတံ။ပေ.။ မဟာဘူတာ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော။
ပုရေဇာတံ – သေက္ခါ ဝါ ပုထုဇ္ဇနာ ဝါ စက္ခုံ အနိစ္စတော ဒုက္ခတော အနတ္တတော ဝိပဿန္တိ၊ အဿာဒေန္တိ အဘိနန္ဒန္တိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ။ သောတံ။ ဃာနံ။ ဇိဝှံ။ ကာယံ။ ဥပါဒိန္နုပါဒါနိယေ ရူပေ။ ဂန္ဓေ။ ရသေ။ ဖောဋ္ဌဗ္ဗေ။ ဝတ္ထုံ အနိစ္စတော ဒုက္ခတော အနတ္တတော ဝိပဿန္တိ၊ အဿာဒေန္တိ အဘိနန္ဒန္တိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ။ ဥပါဒိန္နုပါဒါနိယံ ရူပါယတနံ စက္ခုဝိညာဏဿ။ပေ.။ ဥပါဒိန္နုပါဒါနိယံ ဂန္ဓာယတနံ။ ရသာယတနံ။ ဖောဋ္ဌဗ္ဗာယတနံ ကာယဝိညာဏဿ။ပေ.။ စက္ခါယတနံ စက္ခုဝိညာဏဿ။ပေ.။ ကာယာယတနံ ကာယဝိညာဏဿ။ပေ.။ ဝတ္ထု ဥပါဒိန္နုပါဒါနိယာနံ ခန္ဓာနံ အတ္ထိပစ္စယေန ပစ္စယော။
ပစ္ဆာဇာတာ – ဥပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ ဥပါဒိန္နုပါဒါနိယော ကဗဠီကာရော အာဟာရော ဥပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ။ သဟဇာတာ – ဥပါဒိန္နုပါဒါနိယာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ သောတံ။ ဃာနံ။ ဇိဝှံ။ ကာယံ။ ဥပါဒိန္နုပါဒါနိယေ ရူပေ။ ဂန္ဓေ။ ရသေ။ ဖောဋ္ဌဗ္ဗေ။ ဝတ္ထုံ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ ဥပါဒိန္နုပါဒါနိယံ ရူပံ ပဿတိ။ ဝတ္ထု အနုပါဒိန္နုပါဒါနိယံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – ဥပါဒိန္နုပါဒါနိယာ ခန္ဓာ ပုရေဇာတဿ ဣမဿ အနုပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ ဥပါဒိန္နုပါဒါနိယော ကဗဠီကာရော အာဟာရော အနုပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – ဝတ္ထု အနုပါဒိန္နအနုပါဒါနိယာနံ ခန္ဓာနံ အတ္ထိပစ္စယေန ပစ္စယော။ (၃)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ။ သဟဇာတော – ဥပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – ဥပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ ဥပါဒိန္နုပါဒါနိယော ကဗဠီကာရော အာဟာရော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ (၄)
၈၃. အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ။ သဟဇာတော – အနုပါဒိန္နုပါဒါနိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ဧကံ မဟာဘူတံ တိဏ္ဏန္နံ မဟာဘူတာနံ ။ပေ.။ မဟာဘူတာ စိတ္တသမုဋ္ဌာနာနံ ရူပါနံ ဥပါဒါရူပါနံ အတ္ထိပစ္စယေန ပစ္စယော။ ဗာဟိရံ။ အာဟာရသမုဋ္ဌာနံ ။ ဥတုသမုဋ္ဌာနံ ဧကံ မဟာဘူတံ။ပေ.။။ ပုရေဇာတံ – အနုပါဒိန္နုပါဒါနိယေ ရူပေ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ အနုပါဒိန္နုပါဒါနိယံ ရူပံ ပဿတိ။ ဒိဗ္ဗာယ သောတဓါတုယာ သဒ္ဒံ သုဏာတိ။ ပစ္ဆာဇာတာ – အနုပါဒိန္နုပါဒါနိယာ ခန္ဓာ ပုရေဇာတဿ ဣမဿ အနုပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ အနုပါဒိန္နုပါဒါနိယော ကဗဠီကာရော အာဟာရော အနုပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ (၁)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – ပုရေဇာတံ၊ ပစ္ဆာဇာတံ၊ အာဟာရံ။ ပုရေဇာတံ – အနုပါဒိန္နုပါဒါနိယေ ရူပေ။ သဒ္ဒေ။ ဂန္ဓေ။ ရသေ။ ဖောဋ္ဌဗ္ဗေ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ; တံ အာရဗ္ဘ ရာဂေါ ဥပ္ပဇ္ဇတိ။ပေ.။ ဒေါမနဿံ ဥပ္ပဇ္ဇတိ။ ကုသလာကုသလေ နိရုဒ္ဓေ ဝိပါကော တဒါရမ္မဏတာ ဥပ္ပဇ္ဇတိ။ အနုပါဒိန္နုပါဒါနိယံ ရူပါယတနံ စက္ခုဝိညာဏဿ။ပေ.။ ဖောဋ္ဌဗ္ဗာယတနံ ကာယဝိညာဏဿ အတ္ထိပစ္စယေန ပစ္စယော။ ပစ္ဆာဇာတာ – အနုပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ အနုပါဒိန္နုပါဒါနိယော ကဗဠီကာရော အာဟာရော ဥပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ (၂)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ အတ္ထိပစ္စယေန ပစ္စယော – ပစ္ဆာဇာတံ၊ အာဟာရံ။ ပစ္ဆာဇာတာ – အနုပါဒိန္နုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ အနုပါဒိန္နုပါဒါနိယော ကဗဠီကာရော အာဟာရော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ (၃)
၈၄. အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ အတ္ထိပစ္စယေန ပစ္စယော – အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ပေ.။ ဒွေ ခန္ဓာ ဒွိန္နံ ခန္ဓာနံ အတ္ထိပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အနုပါဒိန္နအနုပါဒါနိယာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ ပုရေဇာတဿ ဣမဿ အနုပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ (၃)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတော – အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ ပုရေဇာတဿ ဣမဿ ဥပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ တယော ခန္ဓာ ဧကဿ ခန္ဓဿ ပုရေဇာတဿ ဣမဿ ဥပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ ဒွေ ခန္ဓာ ဒွိန္နံ ခန္ဓာနံ ပုရေဇာတဿ ဣမဿ ဥပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ (၄)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတော – အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ တယော ခန္ဓာ ဧကဿ ခန္ဓဿ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ သဟဇာတော – အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ ပုရေဇာတဿ ဣမဿ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ တယော ခန္ဓာ ဧကဿ ခန္ဓဿ ပုရေဇာတဿ ဣမဿ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ ဒွေ ခန္ဓာ ဒွိန္နံ ခန္ဓာနံ ပုရေဇာတဿ ဣမဿ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ (၅)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ အတ္ထိပစ္စယေန ပစ္စယော။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ (၆)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတော – အနုပါဒိန္နအနုပါဒါနိယော ဧကော ခန္ဓော တိဏ္ဏန္နံ ခန္ဓာနံ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ တယော ခန္ဓာ ဧကဿ ခန္ဓဿ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ ဒွေ ခန္ဓာ ဒွိန္နံ ခန္ဓာနံ ပုရေဇာတဿ ဣမဿ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ (၇)
၈၅. ဥပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ ဥပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – ပစ္ဆာဇာတံ၊ ဣန္ဒြိယံ။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
ဥပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ အနုပါဒိန္နအနုပါဒါနိယဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ ။ သဟဇာတော – အနုပါဒိန္နအနုပါဒါနိယော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော။ တယော ခန္ဓာ စ ဝတ္ထု စ ဧကဿ ခန္ဓဿ အတ္ထိပစ္စယေန ပစ္စယော။ ဒွေ ခန္ဓာ စ ဝတ္ထု စ ဒွိန္နံ ခန္ဓာနံ အတ္ထိပစ္စယေန ပစ္စယော။ (၂)
အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ ဥပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – ပစ္ဆာဇာတံ၊ အာဟာရံ။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ စ အနုပါဒိန္နုပါဒါနိယော ကဗဠီကာရော အာဟာရော စ ဥပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ (၁)
အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ အနုပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ။ သဟဇာတာ – အနုပါဒိန္နအနုပါဒါနိယာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ စ အနုပါဒိန္နုပါဒါနိယော ကဗဠီကာရော အာဟာရော စ အနုပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ (၂)
အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ အတ္ထိပစ္စယေန ပစ္စယော – ပစ္ဆာဇာတံ၊ အာဟာရံ။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ စ အနုပါဒိန္နုပါဒါနိယော ကဗဠီကာရော အာဟာရော စ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ (၃)
၈၆. ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ ပုရေဇာတံ – အနုပါဒိန္နုပါဒါနိယံ ရူပါယတနဉ္စ စက္ခါယတနဉ္စ စက္ခုဝိညာဏဿ အတ္ထိပစ္စယေန ပစ္စယော။ပေ.။ အနုပါဒိန္နုပါဒါနိယံ ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ အတ္ထိပစ္စယေန ပစ္စယော။ အနုပါဒိန္နုပါဒါနိယံ ရူပါယတနဉ္စ ဝတ္ထု စ ဥပါဒိန္နုပါဒါနိယာနံ ခန္ဓာနံ။ပေ.။ အနုပါဒိန္နုပါဒါနိယံ ဖောဋ္ဌဗ္ဗာယတနဉ္စ ဝတ္ထု စ ဥပါဒိန္နုပါဒါနိယာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – ဥပါဒိန္နုပါဒါနိယာ ခန္ဓာ စ အနုပါဒိန္နုပါဒါနိယော ကဗဠီကာရော အာဟာရော စ ဥပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ ဥပါဒိန္နုပါဒါနိယော စ အနုပါဒိန္နုပါဒါနိယော စ ကဗဠီကာရော အာဟာရော ဥပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အနုပါဒိန္နုပါဒါနိယာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ အနုပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ။ သဟဇာတာ – ဥပါဒိန္နုပါဒါနိယာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပုရေဇာတံ – အနုပါဒိန္နုပါဒါနိယံ ရူပါယတနဉ္စ ဝတ္ထု စ အနုပါဒိန္နုပါဒါနိယာနံ ခန္ဓာနံ။ပေ.။ အနုပါဒိန္နုပါဒါနိယံ ဖောဋ္ဌဗ္ဗာယတနဉ္စ ဝတ္ထု စ အနုပါဒိန္နုပါဒါနိယာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – ဥပါဒိန္နုပါဒါနိယာ ခန္ဓာ စ အနုပါဒိန္နုပါဒါနိယော ကဗဠီကာရော အာဟာရော စ အနုပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ ဥပါဒိန္နုပါဒါနိယော စ အနုပါဒိန္နုပါဒါနိယော စ ကဗဠီကာရော အာဟာရော အနုပါဒိန္နုပါဒါနိယဿ ကာယဿ အတ္ထိပစ္စယေန ပစ္စယော။ (၂)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ အတ္ထိပစ္စယေန ပစ္စယော။ အာဟာရံ။ ဥပါဒိန္နုပါဒါနိယော စ အနုပါဒိန္နုပါဒါနိယော စ ကဗဠီကာရော အာဟာရော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ကာယဿ အတ္ထိပစ္စယေန ပစ္စယော။ (၃)
ဥပါဒိန္နုပါဒါနိယော စ အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ ဥပါဒိန္နုပါဒါနိယဿ ဓမ္မဿ အတ္ထိပစ္စယေန ပစ္စယော – ပစ္ဆာဇာတံ၊ အာဟာရံ၊ ဣန္ဒြိယံ။ ပစ္ဆာဇာတာ – အနုပါဒိန္နအနုပါဒါနိယာ ခန္ဓာ စ အနုပါဒိန္နအနုပါဒါနိယော ကဗဠီကာရော အာဟာရော စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)
နတ္ထိ-ဝိဂတာဝိဂတပစ္စယာ
၈၇. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ နတ္ထိပစ္စယေန ပစ္စယော။ ဝိဂတပစ္စယေန ပစ္စယော။ အဝိဂတပစ္စယေန ပစ္စယော။ (သံခိတ္တံ။)
၁. ပစ္စယာနုလောမံ
၂. သင်္ချာဝါရော
သုဒ္ဓံ
၈၈. ဟေတုယာ သတ္တ၊ အာရမ္မဏေ ဆ၊ အဓိပတိယာ ပဉ္စ၊ အနန္တရေ သတ္တ၊ သမနန္တရေ သတ္တ၊ သဟဇာတေ နဝ၊ အညမညေ တီဏိ၊ နိဿယေ ဧကာဒသ၊ ဥပနိဿယေ နဝ၊ ပုရေဇာတေ သတ္တ၊ ပစ္ဆာဇာတေ နဝ၊ အာသေဝနေ ဒွေ၊ ကမ္မေ အဋ္ဌ၊ ဝိပါကေ ဆ၊ အာဟာရေ ဒွါဒသ၊ ဣန္ဒြိယေ သတ္တ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ ဒသ၊ အတ္ထိယာ တေဝီသ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ တေဝီသ။
သဘာဂံ
ဟေတုပစ္စယာ အဓိပတိယာ စတ္တာရိ၊ သဟဇာတေ သတ္တ၊ အညမညေ တီဏိ၊ နိဿယေ သတ္တ၊ ဝိပါကေ ဆ၊ ဣန္ဒြိယေ သတ္တ၊ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ စတ္တာရိ၊ အတ္ထိယာ သတ္တ၊ အဝိဂတေ သတ္တ (သံခိတ္တံ)။
(ယထာ ကုသလတ္တိကဿ ဂဏနာ သဇ္ဈာယမဂ္ဂေန ဂဏိတာ၊ ဧဝံ ဂဏေတဗ္ဗာ။ ကုသလတ္တိကဿ ဂဏနတော ဥပါဒိန္နတ္တိကေ ဂဏနာ ဂမ္ဘီရာ သုခုမတရာ စ၊ ဧဝံ ကာတူန အသမ္မောဟန္တေန ဂဏေတဗ္ဗံ။)
အနုလောမံ။
ပစ္စနီယုဒ္ဓါရော
၈၉. ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော ။ ပစ္ဆာဇာတပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော။ (၁)
ဥပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ အာဟာရပစ္စယေန ပစ္စယော။ (၂)
ဥပါဒိန္နုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ (၃)
ဥပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ သဟဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ အာဟာရပစ္စယေန ပစ္စယော။ (၄)
အနုပါဒိန္နုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ အာဟာရပစ္စယေန ပစ္စယော။ (၁)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ (၂)
အနုပါဒိန္နုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ ဥပနိဿယပစ္စယေန ပစ္စယော။ (၃)
အနုပါဒိန္နုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ပစ္ဆာဇာတပစ္စယေန ပစ္စယော။ အာဟာရပစ္စယေန ပစ္စယော။ (၄)
၉၀. အနုပါဒိန္နအနုပါဒါနိယော ဓမ္မော အနုပါဒိန္နအနုပါဒါနိယဿ ဓမ္မဿ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ (၁)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ ဓမ္မဿ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ (၂)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ (၃)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ သဟဇာတံ၊ ပစ္ဆာဇာတံ။ (၄)
အနုပါဒိန္နအနုပါဒါနိယော ဓမ္မော အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ သဟဇာတံ၊ ပစ္ဆာဇာတံ။ (၅)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ပစ္ဆာဇာတပစ္စယေန ပစ္စယော။ (၆)
အနုပါဒိန္နအနုပါဒါနိယော ဓမ္မော ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ အနုပါဒိန္နအနုပါဒါနိယဿ စ ဓမ္မဿ သဟဇာတံ၊ ပစ္ဆာဇာတံ။ (၇)
ဥပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ ဥပါဒိန္နုပါဒါနိယဿ ဓမ္မဿ ပစ္ဆာဇာတံ၊ ဣန္ဒြိယံ။ (၁)
ဥပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ အနုပါဒိန္နအနုပါဒါနိယဿ ဓမ္မဿ သဟဇာတံ၊ ပုရေဇာတံ။ (၂)
အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ ဥပါဒိန္နုပါဒါနိယဿ ဓမ္မဿ ပစ္ဆာဇာတံ၊ အာဟာရံ။ (၁)
အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ အနုပါဒိန္နုပါဒါနိယဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ။ (၂)
အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ ပစ္ဆာဇာတံ၊ အာဟာရံ။ (၃)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပါဒိန္နုပါဒါနိယဿ ဓမ္မဿ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ (၁)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ အနုပါဒိန္နုပါဒါနိယဿ ဓမ္မဿ သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ။ (၂)
ဥပါဒိန္နုပါဒါနိယော စ အနုပါဒိန္နုပါဒါနိယော စ ဓမ္မာ ဥပါဒိန္နုပါဒါနိယဿ စ အနုပါဒိန္နုပါဒါနိယဿ စ ဓမ္မဿ အာဟာရံ။ (၃)
ဥပါဒိန္နုပါဒါနိယော စ အနုပါဒိန္နုပါဒါနိယော စ အနုပါဒိန္နအနုပါဒါနိယော စ ဓမ္မာ ဥပါဒိန္နုပါဒါနိယဿ ဓမ္မဿ ပစ္ဆာဇာတံ၊ အာဟာရံ၊ ဣန္ဒြိယံ။ (၁)
၂. ပစ္စယပစ္စနီယံ
၂. သင်္ချာဝါရော
သုဒ္ဓံ
၉၁. နဟေတုယာ စတုဝီသတိ၊ နအာရမ္မဏေ စတုဝီသတိ၊ နအဓိပတိယာ စတုဝီသတိ၊ နအနန္တရေ စတုဝီသတိ၊ နသမနန္တရေ စတုဝီသတိ၊ နသဟဇာတေ ဝီသတိ၊ နအညမညေ ဝီသတိ၊ နနိဿယေ ဝီသတိ၊ နဥပနိဿယေ တေဝီသတိ၊ နပုရေဇာတေ တေဝီသတိ၊ နပစ္ဆာဇာတေ သတ္တရသ၊ နအာသေဝနေ စတုဝီသတိ၊ နကမ္မေ စတုဝီသတိ၊ နဝိပါကေ စတုဝီသတိ၊ နအာဟာရေ ဝီသတိ၊ နဣန္ဒြိယေ ဗာဝီသတိ၊ နဈာနေ စတုဝီသတိ၊ နမဂ္ဂေ စတုဝီသတိ၊ နသမ္ပယုတ္တေ ဝီသတိ၊ နဝိပ္ပယုတ္တေ စုဒ္ဒသ၊ နောအတ္ထိယာ နဝ၊ နောနတ္ထိယာ စတုဝီသတိ၊ နောဝိဂတေ စတုဝီသတိ၊ နောအဝိဂတေ နဝ။
ဒုကံ
၉၂. နဟေတုပစ္စယာ နအာရမ္မဏေ စတုဝီသတိ (သံခိတ္တံ)။
(ယထာ ကုသလတ္တိကေ ပစ္စနီယဂဏနာ ဝိတ္ထာရိတာ၊ ဧဝံ ဝိတ္ထာရေတဗ္ဗံ။)
ပစ္စနီယံ။
၃. ပစ္စယာနုလောမပစ္စနီယံ
ဟေတုဒုကံ
၉၃. ဟေတုပစ္စယာ နအာရမ္မဏေ သတ္တ၊ နအဓိပတိယာ သတ္တ၊ နအနန္တရေ သတ္တ၊ နသမနန္တရေ သတ္တ၊ နအညမညေ စတ္တာရိ၊ နဥပနိဿယေ သတ္တ၊ နပုရေဇာတေ သတ္တ၊ နပစ္ဆာဇာတေ သတ္တ၊ နအာသေဝနေ သတ္တ၊ နကမ္မေ သတ္တ၊ နဝိပါကေ စတ္တာရိ၊ နအာဟာရေ သတ္တ၊ နဣန္ဒြိယေ သတ္တ၊ နဈာနေ သတ္တ၊ နမဂ္ဂေ သတ္တ၊ နသမ္ပယုတ္တေ စတ္တာရိ၊ နဝိပ္ပယုတ္တေ တီဏိ၊ နောနတ္ထိယာ သတ္တ၊ နောဝိဂတေ သတ္တ။
ဟေတုဃဋနာ
၉၄. ဟေတု-သဟဇာတ-နိဿယ-အတ္ထိ-အဝိဂတန္တိ နအာရမ္မဏေ သတ္တ၊ နအဓိပတိယာ သတ္တ၊ နအနန္တရေ သတ္တ။ပေ.။ နအညမညေ စတ္တာရိ။ပေ.။ နဝိပါကေ စတ္တာရိ။ပေ.။ နသမ္ပယုတ္တေ စတ္တာရိ၊ နဝိပ္ပယုတ္တေ တီဏိ၊ နောနတ္ထိယာ သတ္တ၊ နောဝိဂတေ သတ္တ (သံခိတ္တံ)။
(ယထာ ကုသလတ္တိကေ အနုလောမပစ္စနီယဂဏနာ ဝိဘတ္တာ၊ ဧဝံ ဂဏေတဗ္ဗာ။)
အနုလောမပစ္စနီယံ။
၄. ပစ္စယပစ္စနီယာနုလောမံ
နဟေတုဒုကံ
၉၅. နဟေတုပစ္စယာ အာရမ္မဏေ ဆ၊ အဓိပတိယာ ပဉ္စ၊ အနန္တရေ သတ္တ၊ သမနန္တရေ သတ္တ၊ သဟဇာတေ နဝ၊ အညမညေ တီဏိ၊ နိဿယေ ဧကာဒသ၊ ဥပနိဿယေ နဝ၊ ပုရေဇာတေ သတ္တ၊ ပစ္ဆာဇာတေ နဝ၊ အာသေဝနေ ဒွေ၊ ကမ္မေ အဋ္ဌ၊ ဝိပါကေ ဆ၊ အာဟာရေ ဒွါဒသ၊ ဣန္ဒြိယေ သတ္တ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ ဒသ၊ အတ္ထိယာ တေဝီသတိ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ တေဝီသတိ (သံခိတ္တံ)။
(ယထာ ကုသလတ္တိကေ ပစ္စနီယာနုလောမဂဏနာ ဝိဘတ္တာ၊ ဧဝံ ဂဏေတဗ္ဗာ။)
ပစ္စနီယာနုလောမံ။
ဥပါဒိန္နတ္တိကံ နိဋ္ဌိတံ။