၃. ပုစ္ဆာဝါရ
၁. ပစ္စယာနုလောမ
ဧကမူလက
(၁.) ကုသလပဒ
၂၅. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလံ ဓမ္မံ ပဋိစ္စ အကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလံ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလံ ဓမ္မံ ပဋိစ္စ ကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလံ ဓမ္မံ ပဋိစ္စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလံ ဓမ္မံ ပဋိစ္စ ကုသလော စ အကုသလော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလံ ဓမ္မံ ပဋိစ္စ ကုသလော စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။
(၂) အကုသလပဒံ
၂၆. သိယာ အကုသလံ ဓမ္မံ ပဋိစ္စ အကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ အကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ အကုသလံ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇေယျ ဟေတုပစ္စယာ ။ သိယာ အကုသလံ ဓမ္မံ ပဋိစ္စ ကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ အကုသလံ ဓမ္မံ ပဋိစ္စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ ။ သိယာ အကုသလံ ဓမ္မံ ပဋိစ္စ ကုသလော စ အကုသလော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ အကုသလံ ဓမ္မံ ပဋိစ္စ ကုသလော စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။
(၃) အဗျာကတပဒံ
၂၇. သိယာ အဗျာကတံ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇေယျ ဟေတုပစ္စယာ။ သိယာ အဗျာကတံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ အဗျာကတံ ဓမ္မံ ပဋိစ္စ အကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ အဗျာကတံ ဓမ္မံ ပဋိစ္စ ကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ အဗျာကတံ ဓမ္မံ ပဋိစ္စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ အဗျာကတံ ဓမ္မံ ပဋိစ္စ ကုသလော စ အကုသလော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ အဗျာကတံ ဓမ္မံ ပဋိစ္စ ကုသလော စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။
(၄) ကုသလာဗျာကတပဒံ
၂၈. သိယာ ကုသလဉ္စ အဗျာကတဉ္စ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလဉ္စ အဗျာကတဉ္စ ဓမ္မံ ပဋိစ္စ အကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလဉ္စ အဗျာကတဉ္စ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလဉ္စ အဗျာကတဉ္စ ဓမ္မံ ပဋိစ္စ ကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလဉ္စ အဗျာကတဉ္စ ဓမ္မံ ပဋိစ္စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလဉ္စ အဗျာကတဉ္စ ဓမ္မံ ပဋိစ္စ ကုသလော စ အကုသလော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလဉ္စ အဗျာကတဉ္စ ဓမ္မံ ပဋိစ္စ ကုသလော စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။
(၅) အကုသလာဗျာကတပဒံ
၂၉. သိယာ အကုသလဉ္စ အဗျာကတဉ္စ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ အကုသလဉ္စ အဗျာကတဉ္စ ဓမ္မံ ပဋိစ္စ အကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ အကုသလဉ္စ အဗျာကတဉ္စ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇေယျ ဟေတုပစ္စယာ။ သိယာ အကုသလဉ္စ အဗျာကတဉ္စ ဓမ္မံ ပဋိစ္စ ကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ အကုသလဉ္စ အဗျာကတဉ္စ ဓမ္မံ ပဋိစ္စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ အကုသလဉ္စ အဗျာကတဉ္စ ဓမ္မံ ပဋိစ္စ ကုသလော စ အကုသလော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ အကုသလဉ္စ အဗျာကတဉ္စ ဓမ္မံ ပဋိစ္စ ကုသလော စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။
(၆) ကုသလာကုသလပဒံ
၃၀. သိယာ ကုသလဉ္စ အကုသလဉ္စ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလဉ္စ အကုသလဉ္စ ဓမ္မံ ပဋိစ္စ အကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလဉ္စ အကုသလဉ္စ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလဉ္စ အကုသလဉ္စ ဓမ္မံ ပဋိစ္စ ကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလဉ္စ အကုသလဉ္စ ဓမ္မံ ပဋိစ္စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလဉ္စ အကုသလဉ္စ ဓမ္မံ ပဋိစ္စ ကုသလော စ အကုသလော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလဉ္စ အကုသလဉ္စ ဓမ္မံ ပဋိစ္စ ကုသလော စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။
(၇) ကုသလာကုသလာဗျာကတပဒံ
၃၁. သိယာ ကုသလဉ္စ အကုသလဉ္စ အဗျာကတဉ္စ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလဉ္စ အကုသလဉ္စ အဗျာကတဉ္စ ဓမ္မံ ပဋိစ္စ အကုသလော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလဉ္စ အကုသလဉ္စ အဗျာကတဉ္စ ဓမ္မံ ပဋိစ္စ အဗျာကတော ဓမ္မော ဥပ္ပဇ္ဇေယျ ဟေတုပစ္စယာ။ သိယာ ကုသလဉ္စ အကုသလဉ္စ အဗျာကတဉ္စ ဓမ္မံ ပဋိစ္စ ကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလဉ္စ အကုသလဉ္စ အဗျာကတဉ္စ ဓမ္မံ ပဋိစ္စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလဉ္စ အကုသလဉ္စ အဗျာကတဉ္စ ဓမ္မံ ပဋိစ္စ ကုသလော စ အကုသလော စ ဓမ္မာ ဥပ္ပဇ္ဇေယျုံ ဟေတုပစ္စယာ။ သိယာ ကုသလဉ္စ အကုသလဉ္စ အဗျာကတဉ္စ ဓမ္မံ ပဋိစ္စ ကုသလော စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ။
ဟေတုပစ္စယဝါရော။
၃၂. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ အာရမ္မဏပစ္စယာ ။
(ယထာ ဟေတုပစ္စယော ဝိတ္ထာရိတော၊ ဧဝံ အာရမ္မဏပစ္စယောပိ ဝိတ္ထာရေတဗ္ဗော ဝါစနာမဂ္ဂေန။)
၃၃. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ အဓိပတိပစ္စယာ။ အနန္တရပစ္စယာ။ သမနန္တရပစ္စယာ။ သဟဇာတပစ္စယာ။ အညမညပစ္စယာ။ နိဿယပစ္စယာ။ ဥပနိဿယပစ္စယာ။ ပုရေဇာတပစ္စယာ။ ပစ္ဆာဇာတပစ္စယာ။ အာသေဝနပစ္စယာ။ ကမ္မပစ္စယာ။ ဝိပါကပစ္စယာ။ အာဟာရပစ္စယာ။ ဣန္ဒြိယပစ္စယာ။ ဈာနပစ္စယာ။ မဂ္ဂပစ္စယာ။ သမ္ပယုတ္တပစ္စယာ။ ဝိပ္ပယုတ္တပစ္စယာ။ အတ္ထိပစ္စယာ။ နတ္ထိပစ္စယာ။ ဝိဂတပစ္စယာ။
၃၄. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ အဝိဂတပစ္စယာ။ပေ.။ အကုသလံ ဓမ္မံ ပဋိစ္စ။ အဗျာကတံ ဓမ္မံ ပဋိစ္စ။ ကုသလဉ္စ အဗျာကတဉ္စ ဓမ္မံ ပဋိစ္စ။ အကုသလဉ္စ အဗျာကတဉ္စ ဓမ္မံ ပဋိစ္စ။ ကုသလဉ္စ အကုသလဉ္စ ဓမ္မံ ပဋိစ္စ။ ကုသလဉ္စ အကုသလဉ္စ အဗျာကတဉ္စ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ။ အကုသလော ဓမ္မော ဥပ္ပဇ္ဇေယျ။ အဗျာကတော ဓမ္မော ဥပ္ပဇ္ဇေယျ။ ကုသလော စ အဗျာကတော စ ဓမ္မာ ဥပ္ပဇ္ဇေယျုံ။ အကုသလော စ အဗျာကတော စ ဓမ္မာ ဥပ္ပဇ္ဇေယျုံ။ ကုသလော စ အကုသလော စ ဓမ္မာ ဥပ္ပဇ္ဇေယျုံ။ ကုသလော စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ အဝိဂတပစ္စယာ။
(ယထာ ဟေတုပစ္စယော ဝိတ္ထာရိတော၊ ဧဝံ အဝိဂတပစ္စယောပိ ဝိတ္ထာရေတဗ္ဗော ဝါစနာမဂ္ဂေန။)
ဧကမူလကံ။
ဒုမူလကာဒိ
ဟေတုမူလကံ
၃၅. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ အာရမ္မဏပစ္စယာ။ပေ.။ သိယာ ကုသလဉ္စ အကုသလဉ္စ အဗျာကတဉ္စ ဓမ္မံ ပဋိစ္စ ကုသလော စ အကုသလော စ အဗျာကတော စ ဓမ္မာ ဥပ္ပဇ္ဇေယျုံ ဟေတုပစ္စယာ အာရမ္မဏပစ္စယာ။
၃၆. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ အဓိပတိပစ္စယာ ။ပေ.။ ဟေတုပစ္စယာ အနန္တရပစ္စယာ။ ဟေတုပစ္စယာ သမနန္တရပစ္စယာ။ပေ.။ ဟေတုပစ္စယာ အဝိဂတပစ္စယာ။
ဒုမူလကံ။
၃၇. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ အာရမ္မဏပစ္စယာ အဓိပတိပစ္စယာ။ပေ.။ ဟေတုပစ္စယာ အာရမ္မဏပစ္စယာ အနန္တရပစ္စယာ။ပေ.။ ဟေတုပစ္စယာ အာရမ္မဏပစ္စယာ အဝိဂတပစ္စယာ။
တိမူလကံ။
၃၈. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ အာရမ္မဏပစ္စယာ အဓိပတိပစ္စယာ အနန္တရပစ္စယာ။ပေ.။ ဟေတုပစ္စယာ အာရမ္မဏပစ္စယာ အဓိပတိပစ္စယာ အဝိဂတပစ္စယာ။
စတုမူလကံ။
(ပဉ္စမူလကာဒိကာ သံခိတ္တာ။ ဧကမူလကံ၊ ဒုမူလကံ၊ တိမူလကံ၊ စတုမူလကံ၊ ပဉ္စမူလကံ၊ သဗ္ဗမူလကံ အသမ္မုယှန္တေန ဝိတ္ထာရေတဗ္ဗံ။)
ဟေတုမူလကံ။
အာရမ္မဏမူလကာဒိ
၃၉. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ အာရမ္မဏပစ္စယာ ဟေတုပစ္စယာ။ အာရမ္မဏပစ္စယာ အဓိပတိပစ္စယာ။ပေ.။ အာရမ္မဏပစ္စယာ အဝိဂတပစ္စယာ။
သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ အဓိပတိပစ္စယာ။ အနန္တရပစ္စယာ။ သမနန္တရပစ္စယာ။ သဟဇာတပစ္စယာ။ အညမညပစ္စယာ။ပေ.။ အဝိဂတပစ္စယာ ဟေတုပစ္စယာ။ အဝိဂတပစ္စယာ အာရမ္မဏပစ္စယာ။ အဝိဂတပစ္စယာ အဓိပတိပစ္စယာ။ပေ.။ အဝိဂတပစ္စယာ ဝိဂတပစ္စယာ။
ဒုမူလကံ။
၄၀. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ အဝိဂတပစ္စယာ ဟေတုပစ္စယာ အာရမ္မဏပစ္စယာ။ အဝိဂတပစ္စယာ ဟေတုပစ္စယာ အဓိပတိပစ္စယာ။ အဝိဂတပစ္စယာ ဟေတုပစ္စယာ အနန္တရပစ္စယာ။ပေ.။ အဝိဂတပစ္စယာ ဟေတုပစ္စယာ ဝိဂတပစ္စယာ။
၄၁. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ အဝိဂတပစ္စယာ ဟေတုပစ္စယာ အာရမ္မဏပစ္စယာ အဓိပတိပစ္စယာ။ အဝိဂတပစ္စယာ ဟေတုပစ္စယာ အာရမ္မဏပစ္စယာ အနန္တရပစ္စယာ။ပေ.။ ဝိဂတပစ္စယာ။
(ဧကေကဿ ပဒဿ ဧကမူလကံ၊ ဒုမူလကံ၊ တိမူလကံ၊ စတုမူလကံ၊ ပဉ္စမူလကံ၊ သဗ္ဗမူလကံ အသမ္မုယှန္တေန ဝိတ္ထာရေတဗ္ဗံ။ )
(က) တိကဉ္စ ပဋ္ဌာနဝရံ ဒုကုတ္တမံ၊
ဒုကံ တိကဉ္စေဝ တိကံ ဒုကဉ္စ။
တိကံ တိကဉ္စေဝ ဒုကံ ဒုကဉ္စ၊
ဆ အနုလောမမှိ နယာ သုဂမ္ဘီရာတိ။
၂. ပစ္စယပစ္စနီယံ
၄၂. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နဟေတုပစ္စယာ ။
(ယထာ အနုလောမေ ဟေတုပစ္စယော ဝိတ္ထာရိတော၊ ဧဝံ ပစ္စနီယေပိ နဟေတုပစ္စယော ဝိတ္ထာရေတဗ္ဗော။)
၄၃. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နအာရမ္မဏပစ္စယာ။ နအဓိပတိပစ္စယာ။ နအနန္တရပစ္စယာ။ နသမနန္တရပစ္စယာ။ နသဟဇာတပစ္စယာ။ နအညမညပစ္စယာ။ နနိဿယပစ္စယာ။ နဥပနိဿယပစ္စယာ။ နပုရေဇာတပစ္စယာ။ နပစ္ဆာဇာတပစ္စယာ ။ နအာသေဝနပစ္စယာ။ နကမ္မပစ္စယာ။ နဝိပါကပစ္စယာ။ နအာဟာရပစ္စယာ။ နဣန္ဒြိယပစ္စယာ။ နဈာနပစ္စယာ။ နမဂ္ဂပစ္စယာ။ နသမ္ပယုတ္တပစ္စယာ။ နဝိပ္ပယုတ္တပစ္စယာ။ နောအတ္ထိပစ္စယာ။ နောနတ္ထိပစ္စယာ။ နောဝိဂတပစ္စယာ။ နောအဝိဂတပစ္စယာ။
၄၄. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နဟေတုပစ္စယာ နအာရမ္မဏပစ္စယာ။။
(ယထာ အနုလောမေ ဧကေကဿ ပဒဿ ဧကမူလကံ၊ ဒုမူလကံ၊ တိမူလကံ၊ စတုမူလကံ၊ ယာဝ တေဝီသတိမူလကံ ဧဝံ ပစ္စနီယေပိ ဝိတ္ထာရေတဗ္ဗံ။ )
(ခ) တိကဉ္စ ပဋ္ဌာနဝရံ ဒုကုတ္တမံ၊
ဒုကံ တိကဉ္စေဝ တိကံ ဒုကဉ္စ။
တိကံ တိကဉ္စေဝ ဒုကံ ဒုကဉ္စ၊
ဆ ပစ္စနီယမှိ နယာ သုဂမ္ဘီရာတိ။
၃. ပစ္စယာနုလောမပစ္စနီယံ
၄၅. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ နအာရမ္မဏပစ္စယာ။ သိယာ ကုသလံ ဓမ္မံ ပဋိစ္စ အကုသလော ဓမ္မော ဥပ္ပဇ္ဇေယျ ဟေတုပစ္စယာ နအာရမ္မဏပစ္စယာ။
(ယထာ အနုလောမေ ဟေတုပစ္စယော ဝိတ္ထာရိတော၊ ဧဝံ အနုလောမပစ္စနီယေပိ ပဒံ ဝိတ္ထာရေတဗ္ဗံ။)
၄၆. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ နအဓိပတိပစ္စယာ။ ဟေတုပစ္စယာ နအနန္တရပစ္စယာ။ပေ.။ ဟေတုပစ္စယာ နောအဝိဂတပစ္စယာ။
၄၇. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ ဟေတုပစ္စယာ အာရမ္မဏပစ္စယာ နအဓိပတိပစ္စယာ။ ဟေတုပစ္စယာ အာရမ္မဏပစ္စယာ နအနန္တရပစ္စယာ။ပေ.။ ဟေတုပစ္စယာ အာရမ္မဏပစ္စယာ နောအဝိဂတပစ္စယာ။
ဟေတုပစ္စယာ အာရမ္မဏပစ္စယာ အဓိပတိပစ္စယာ နအနန္တရပစ္စယာ။ပေ.။ ဟေတုပစ္စယာ အာရမ္မဏပစ္စယာ အဓိပတိပစ္စယာ နောအဝိဂတပစ္စယာ။
ဟေတုပစ္စယာ အာရမ္မဏပစ္စယာ အဓိပတိပစ္စယာ အနန္တရပစ္စယာ နသမနန္တရပစ္စယာ။ပေ.။ ဟေတုပစ္စယာ အာရမ္မဏပစ္စယာ အဓိပတိပစ္စယာ အနန္တရပစ္စယာ နောအဝိဂတပစ္စယာ။ပေ.။။
ဟေတုပစ္စယာ အာရမ္မဏပစ္စယာ အဓိပတိပစ္စယာ အနန္တရပစ္စယာ သမနန္တရပစ္စယာ သဟဇာတပစ္စယာ အညမညပစ္စယာ နိဿယပစ္စယာ ဥပနိဿယပစ္စယာ ပုရေဇာတပစ္စယာ ပစ္ဆာဇာတပစ္စယာ အာသေဝနပစ္စယာ ကမ္မပစ္စယာ ဝိပါကပစ္စယာ အာဟာရပစ္စယာ ဣန္ဒြိယပစ္စယာ ဈာနပစ္စယာ မဂ္ဂပစ္စယာ သမ္ပယုတ္တပစ္စယာ ဝိပ္ပယုတ္တပစ္စယာ အတ္ထိပစ္စယာ နတ္ထိပစ္စယာ ဝိဂတပစ္စယာ နောအဝိဂတပစ္စယာ။
၄၈. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ အာရမ္မဏပစ္စယာ။ အဓိပတိပစ္စယာ။ အနန္တရပစ္စယာ။ပေ.။ အဝိဂတပစ္စယာ နဟေတုပစ္စယာ ။ အဝိဂတပစ္စယာ နအာရမ္မဏပစ္စယာ။ပေ.။ အဝိဂတပစ္စယာ နောဝိဂတပစ္စယာ။
အဝိဂတပစ္စယာ ဟေတုပစ္စယာ နအာရမ္မဏပစ္စယာ။ပေ.။ အဝိဂတပစ္စယာ ဟေတုပစ္စယာ နောဝိဂတပစ္စယာ။
အဝိဂတပစ္စယာ ဟေတုပစ္စယာ အာရမ္မဏပစ္စယာ နအဓိပတိပစ္စယာ။ပေ.။ အဝိဂတပစ္စယာ ဟေတုပစ္စယာ အာရမ္မဏပစ္စယာ နောဝိဂတပစ္စယာ။
အဝိဂတပစ္စယာ ဟေတုပစ္စယာ အာရမ္မဏပစ္စယာ အဓိပတိပစ္စယာ အနန္တရပစ္စယာ သမနန္တရပစ္စယာ သဟဇာတပစ္စယာ။ပေ.။ နောဝိဂတပစ္စယာ။
(ဂ) တိကဉ္စ ပဋ္ဌာနဝရံ ဒုကုတ္တမံ၊
ဒုကံ တိကဉ္စေဝ တိကံ ဒုကဉ္စ။
တိကံ တိကဉ္စေဝ ဒုကံ ဒုကဉ္စ၊
ဆ အနုလောမပစ္စနီယမှိ နယာ သုဂမ္ဘီရာတိ။
၄. ပစ္စယပစ္စနီယာနုလောမံ
၄၉. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နဟေတုပစ္စယာ အာရမ္မဏပစ္စယာ။ သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နဟေတုပစ္စယာ အဓိပတိပစ္စယာ။ပေ.။ နဟေတုပစ္စယာ အဝိဂတပစ္စယာ။
၅၀. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နဟေတုပစ္စယာ နအာရမ္မဏပစ္စယာ အဓိပတိပစ္စယာ။ပေ.။ အဝိဂတပစ္စယာ။
နဟေတုပစ္စယာ နအာရမ္မဏပစ္စယာ နအဓိပတိပစ္စယာ။ပေ.။ အဝိဂတပစ္စယာ။
နဟေတုပစ္စယာ နအာရမ္မဏပစ္စယာ နအဓိပတိပစ္စယာ နအနန္တရပစ္စယာ နသမနန္တရပစ္စယာ။ပေ.။ နောအတ္ထိပစ္စယာ နောနတ္ထိပစ္စယာ နောဝိဂတပစ္စယာ အဝိဂတပစ္စယာ။
၅၁. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နအာရမ္မဏပစ္စယာ ဟေတုပစ္စယာ။
၅၂. သိယာ ကုသလံ ဓမ္မံ ပဋိစ္စ ကုသလော ဓမ္မော ဥပ္ပဇ္ဇေယျ နအာရမ္မဏပစ္စယာ အဓိပတိပစ္စယာ။ပေ.။ နအာရမ္မဏပစ္စယာ အဝိဂတပစ္စယာ။ပေ.။ နောအဝိဂတပစ္စယာ ဟေတုပစ္စယာ။ နောအဝိဂတပစ္စယာ အာရမ္မဏပစ္စယာ။ပေ.။ နောအဝိဂတပစ္စယာ ဝိဂတပစ္စယာ။
နောအဝိဂတပစ္စယာ နဟေတုပစ္စယာ အာရမ္မဏပစ္စယာ။ပေ.။ နောအဝိဂတပစ္စယာ နဟေတုပစ္စယာ ဝိဂတပစ္စယာ။
နောအဝိဂတပစ္စယာ နဟေတုပစ္စယာ နအာရမ္မဏပစ္စယာ နအဓိပတိပစ္စယာ။ပေ.။ နောအတ္ထိပစ္စယာ နောနတ္ထိပစ္စယာ ဝိဂတပစ္စယာ။
(ဃ) တိကဉ္စ ပဋ္ဌာနဝရံ ဒုကုတ္တမံ၊
ဒုကံ တိကဉ္စေဝ တိကံ ဒုကဉ္စ။
တိကံ တိကဉ္စေဝ ဒုကံ ဒုကဉ္စ၊
ဆ ပစ္စနီယာနုလောမမှိ နယာ သုဂမ္ဘီရာတိ။
ပုစ္ဆာဝါရော။
နိဒ္ဒေသဝါရေ တေဝီသတိပစ္စယာ။