။ နမော တဿ ဘဂဝတော အရဟတော သမ္မာသမ္ဗုဒ္ဓဿ။
အဘိဓမ္မပိဋ
ယမကပါဠိ (တတိယော ဘာဂေါ)
၉. ဓမ္မယမက
၁. ပဏ္ဏတ္တိဝါရ
(က) ဥဒ္ဒေသ
၁. ပဒသောဓနဝါရ
(က) အနုလောမ
၁. (က) ကုသလာ ကုသလာ ဓမ္မာ?
(ခ) ကုသလာ ဓမ္မာ ကုသလာ?
(က) အကုသလာ အကုသလာ ဓမ္မာ?
(ခ) အကုသလာ ဓမ္မာ အကုသလာ?
(က) အဗျာကတာ အဗျာကတာ ဓမ္မာ?
(ခ) အဗျာကတာ ဓမ္မာ အဗျာကတာ?
(ခ) ပစ္စနီကံ
၂. (က) န ကုသလာ န ကုသလာ ဓမ္မာ?
(ခ) န ကုသလာ ဓမ္မာ န ကုသလာ?
(က) န အကုသလာ န အကုသလာ ဓမ္မာ?
(ခ) န အကုသလာ ဓမ္မာ န အကုသလာ?
(က) န အဗျာကတာ န အဗျာကတာ ဓမ္မာ?
(ခ) န အဗျာကတာ ဓမ္မာ န အဗျာကတာ?
၂. ပဒသောဓနမူလစက္ကဝါရော
(က) အနုလောမံ
၃. (က) ကုသလာ ကုသလာ ဓမ္မာ?
(ခ) ဓမ္မာ အကုသလာ ဓမ္မာ?
(က) ကုသလာ ကုသလာ ဓမ္မာ?
(ခ) ဓမ္မာ အဗျာကတာ ဓမ္မာ?
၄. (က) အကုသလာ အကုသလာ ဓမ္မာ?
(ခ) ဓမ္မာ ကုသလာ ဓမ္မာ?
(က) အကုသလာ အကုသလာ ဓမ္မာ?
(ခ) ဓမ္မာ အဗျာကတာ ဓမ္မာ?
၅. (က) အဗျာကတာ အဗျာကတာ ဓမ္မာ?
(ခ) ဓမ္မာ ကုသလာ ဓမ္မာ?
(က) အဗျာကတာ အဗျာကတာ ဓမ္မာ?
(ခ) ဓမ္မာ အကုသလာ ဓမ္မာ?
(ခ) ပစ္စနီကံ
၆. (က) န ကုသလာ န ကုသလာ ဓမ္မာ?
(ခ) န ဓမ္မာ န အကုသလာ ဓမ္မာ?
(က) န ကုသလာ န ကုသလာ ဓမ္မာ?
(ခ) န ဓမ္မာ န အဗျာကတာ ဓမ္မာ?
၇. (က) န အကုသလာ န အကုသလာ ဓမ္မာ?
(ခ) န ဓမ္မာ န ကုသလာ ဓမ္မာ?
(က) န အကုသလာ န အကုသလာ ဓမ္မာ?
(ခ) န ဓမ္မာ န အဗျာကတာ ဓမ္မာ?
၈. (က) န အဗျာကတာ န အဗျာကတာ ဓမ္မာ?
(ခ) န ဓမ္မာ န ကုသလာ ဓမ္မာ?
(က) န အဗျာကတာ န အဗျာကတာ ဓမ္မာ?
(ခ) န ဓမ္မာ န အကုသလာ ဓမ္မာ?
၃ သုဒ္ဓဓမ္မဝါရော
(က) အနုလောမံ
၉. (က) ကုသလာ ဓမ္မာ?
(ခ) ဓမ္မာ ကုသလာ?
(က) အကုသလာ ဓမ္မာ?
(ခ) ဓမ္မာ အကုသလာ?
(က) အဗျာကတာ ဓမ္မာ?
(ခ) ဓမ္မာ အဗျာကတာ?
(ခ) ပစ္စနီကံ
၁၀. (က) န ကုသလာ န ဓမ္မာ?
(ခ) န ဓမ္မာ န ကုသလာ?
(က) န အကုသလာ န ဓမ္မာ?
(ခ) န ဓမ္မာ န အကုသလာ?
(က) န အဗျာကတာ န ဓမ္မာ?
(ခ) န ဓမ္မာ န အဗျာကတာ?
၄ သုဒ္ဓဓမ္မမူလစက္ကဝါရော
(က) အနုလောမံ
၁၁. (က) ကုသလာ ဓမ္မာ?
(ခ) ဓမ္မာ အကုသလာ?
(က) ကုသလာ ဓမ္မာ?
(ခ) ဓမ္မာ အဗျာကတာ?
၁၂. (က) အကုသလာ ဓမ္မာ?
(ခ) ဓမ္မာ ကုသလာ?
(က) အကုသလာ ဓမ္မာ?
(ခ) ဓမ္မာ အဗျာကတာ?
၁၃. (က) အဗျာကတာ ဓမ္မာ?
(ခ) ဓမ္မာ ကုသလာ?
(က) အဗျာကတာ ဓမ္မာ?
(ခ) ဓမ္မာ အကုသလာ?
(ခ) ပစ္စနီကံ
၁၄. (က) န ကုသလာ န ဓမ္မာ?
(ခ) န ဓမ္မာ န အကုသလာ?
(က) န ကုသလာ န ဓမ္မာ?
(ခ) န ဓမ္မာ န အဗျာကတာ?
၁၅. (က) န အကုသလာ န ဓမ္မာ?
(ခ) န ဓမ္မာ န ကုသလာ?
(က) န အကုသလာ န ဓမ္မာ?
(ခ) န ဓမ္မာ န အဗျာကတာ?
၁၆. (က) န အဗျာကတာ န ဓမ္မာ?
(ခ) န ဓမ္မာ န ကုသလာ?
(က) န အဗျာကတာ န ဓမ္မာ?
(ခ) န ဓမ္မာ န အကုသလာ?
(ခ) နိဒ္ဒေသော
၁. ပဒသောဓနဝါရော
(က) အနုလောမံ
၁၇. (က) ကုသလာ ကုသလာ ဓမ္မာတိ? အာမန္တာ။
(ခ) ကုသလာ ဓမ္မာ ကုသလာတိ? အာမန္တာ။
(က) အကုသလာ အကုသလာ ဓမ္မာတိ? အာမန္တာ။
(ခ) အကုသလာ ဓမ္မာ အကုသလာတိ? အာမန္တာ။
(က) အဗျာကတာ အဗျာကတာ ဓမ္မာတိ? အာမန္တာ။
(ခ) အဗျာကတာ ဓမ္မာ အဗျာကတာတိ? အာမန္တာ။
(ခ) ပစ္စနီကံ
၁၈. (က) န ကုသလာ န ကုသလာ ဓမ္မာတိ? အာမန္တာ။
(ခ) န ကုသလာ ဓမ္မာ န ကုသလာတိ? အာမန္တာ။
(က) န အကုသလာ န အကုသလာ ဓမ္မာတိ? အာမန္တာ။
(ခ) န အကုသလာ ဓမ္မာ န အကုသလာတိ? အာမန္တာ။
(က) န အဗျာကတာ န အဗျာကတာ ဓမ္မာတိ? အာမန္တာ။
(ခ) န အဗျာကတာ ဓမ္မာ န အဗျာကတာတိ? အာမန္တာ။
၂. ပဒသောဓနမူလစက္ကဝါရော
(က) အနုလောမံ
၁၉. (က) ကုသလာ ကုသလာ ဓမ္မာတိ? အာမန္တာ။
(ခ) ဓမ္မာ အကုသလာ ဓမ္မာတိ?
အကုသလာ ဓမ္မာ ဓမ္မာ စေဝ အကုသလာ ဓမ္မာ စ။ အဝသေသာ ဓမ္မာ န အကုသလာ ဓမ္မာ။
(က) ကုသလာ ကုသလာ ဓမ္မာတိ? အာမန္တာ။
(ခ) ဓမ္မာ အဗျာကတာ ဓမ္မာတိ?
အဗျာကတာ ဓမ္မာ ဓမ္မာ စေဝ အဗျာကတာ ဓမ္မာ စ။ အဝသေသာ ဓမ္မာ န အဗျာကတာ ဓမ္မာ။
၂၀. (က) အကုသလာ အကုသလာ ဓမ္မာတိ? အာမန္တာ။
(ခ) ဓမ္မာ ကုသလာ ဓမ္မာတိ?
ကုသလာ ဓမ္မာ ဓမ္မာ စေဝ ကုသလာ ဓမ္မာ စ။ အဝသေသာ ဓမ္မာ န ကုသလာ ဓမ္မာ။
(က) အကုသလာ အကုသလာ ဓမ္မာတိ? အာမန္တာ။
(ခ) ဓမ္မာ အဗျာကတာ ဓမ္မာတိ?
အဗျာကတာ ဓမ္မာ ဓမ္မာ စေဝ အဗျာကတာ ဓမ္မာ စ။ အဝသေသာ ဓမ္မာ န အဗျာကတာ ဓမ္မာ။
၂၁. (က) အဗျာကတာ အဗျာကတာ ဓမ္မာတိ? အာမန္တာ။
(ခ) ဓမ္မာ ကုသလာ ဓမ္မာတိ?
ကုသလာ ဓမ္မာ ဓမ္မာ စေဝ ကုသလာ ဓမ္မာ စ။ အဝသေသာ ဓမ္မာ န ကုသလာ ဓမ္မာ။
(က) အဗျာကတာ အဗျာကတာ ဓမ္မာတိ? အာမန္တာ။
(ခ) ဓမ္မာ အကုသလာ ဓမ္မာတိ?
အကုသလာ ဓမ္မာ ဓမ္မာ စေဝ အကုသလာ ဓမ္မာ စ။ အဝသေသာ ဓမ္မာ န အကုသလာ ဓမ္မာ။
(ခ) ပစ္စနီကံ
၂၂. (က) န ကုသလာ န ကုသလာ ဓမ္မာတိ? အာမန္တာ။
(ခ) န ဓမ္မာ န အကုသလာ ဓမ္မာတိ? အာမန္တာ။
(က) န ကုသလာ န ကုသလာ ဓမ္မာတိ? အာမန္တာ။
(ခ) န ဓမ္မာ န အဗျာကတာ ဓမ္မာတိ? အာမန္တာ။
၂၃. (က) န အကုသလာ န အကုသလာ ဓမ္မာတိ? အာမန္တာ။
(ခ) န ဓမ္မာ န ကုသလာ ဓမ္မာတိ? အာမန္တာ။
(က) န အကုသလာ န အကုသလာ ဓမ္မာတိ? အာမန္တာ။
(ခ) န ဓမ္မာ န အဗျာကတာ ဓမ္မာတိ? အာမန္တာ။
၂၄. (က) န အဗျာကတာ န အဗျာကတာ ဓမ္မာတိ? အာမန္တာ။
(ခ) န ဓမ္မာ န ကုသလာ ဓမ္မာတိ? အာမန္တာ။
(က) န အဗျာကတာ န အဗျာကတာ ဓမ္မာတိ? အာမန္တာ။
(ခ) န ဓမ္မာ န အကုသလာ ဓမ္မာတိ? အာမန္တာ။
၃. သုဒ္ဓဓမ္မဝါရော
(က) အနုလောမံ
၂၅. (က) ကုသလာ ဓမ္မာတိ? အာမန္တာ။
(ခ) ဓမ္မာ ကုသလာ ဓမ္မာတိ?
ကုသလာ ဓမ္မာ ဓမ္မာ စေဝ ကုသလာ ဓမ္မာ စ။ အဝသေသာ ဓမ္မာ န ကုသလာ ဓမ္မာ။
(က) အကုသလာ ဓမ္မာတိ? အာမန္တာ။
(ခ) ဓမ္မာ အကုသလာ ဓမ္မာတိ?
အကုသလာ ဓမ္မာ ဓမ္မာ စေဝ အကုသလာ ဓမ္မာ စ။ အဝသေသာ ဓမ္မာ န အကုသလာ ဓမ္မာ။
(က) အဗျာကတာ ဓမ္မာတိ? အာမန္တာ။
(ခ) ဓမ္မာ အဗျာကတာ ဓမ္မာတိ?
အဗျာကတာ ဓမ္မာ ဓမ္မာ စေဝ အဗျာကတာ ဓမ္မာ စ။ အဝသေသာ ဓမ္မာ န အဗျာကတာ ဓမ္မာ။
(ခ) ပစ္စနီကံ
၂၆. (က) န ကုသလာ န ဓမ္မာတိ?
ကုသလံ ဌပေတွာ အဝသေသာ ဓမ္မာ န ကုသလာ၊ ဓမ္မာ။ ကုသလဉ္စ ဓမ္မေ စ ဌပေတွာ အဝသေသာ န စေဝ ကုသလာ န စ ဓမ္မာ။
(ခ) န ဓမ္မာ န ကုသလာ ဓမ္မာတိ? အာမန္တာ။
(က) န အကုသလာ န ဓမ္မာတိ?
အကုသလံ ဌပေတွာ အဝသေသာ ဓမ္မာ န အကုသလာ၊ ဓမ္မာ။ အကုသလဉ္စ ဓမ္မေ စ ဌပေတွာ အဝသေသာ န စေဝ အကုသလာ န စ ဓမ္မာ။
(ခ) န ဓမ္မာ န အကုသလာ ဓမ္မာတိ? အာမန္တာ။
(က) န အဗျာကတာ န ဓမ္မာတိ?
အဗျာကတံ ဌပေတွာ အဝသေသာ ဓမ္မာ န အဗျာကတာ၊ ဓမ္မာ။ အဗျာကတဉ္စ ဓမ္မေ စ ဌပေတွာ အဝသေသာ န စေဝ အဗျာကတာ န စ ဓမ္မာ။
(ခ) န ဓမ္မာ န အဗျာကတာ ဓမ္မာတိ? အာမန္တာ။
၄. သုဒ္ဓဓမ္မမူလစက္ကဝါရော
(က) အနုလောမံ
၂၇. (က) ကုသလာ ဓမ္မာတိ? အာမန္တာ။
(ခ) ဓမ္မာ အကုသလာ ဓမ္မာတိ?
အကုသလာ ဓမ္မာ ဓမ္မာ စေဝ အကုသလာ ဓမ္မာ စ။ အဝသေသာ ဓမ္မာ န အကုသလာ ဓမ္မာ။
(က) ကုသလာ ဓမ္မာတိ? အာမန္တာ။
(ခ) ဓမ္မာ အဗျာကတာ ဓမ္မာတိ?
အဗျာကတာ ဓမ္မာ ဓမ္မာ စေဝ အဗျာကတာ ဓမ္မာ စ။ အဝသေသာ ဓမ္မာ န အဗျာကတာ ဓမ္မာ။
၂၈. (က) အကုသလာ ဓမ္မာတိ? အာမန္တာ။
(ခ) ဓမ္မာ ကုသလာ ဓမ္မာတိ?
ကုသလာ ဓမ္မာ ဓမ္မာ စေဝ ကုသလာ ဓမ္မာ စ။ အဝသေသာ ဓမ္မာ န ကုသလာ ဓမ္မာ။
(က) အကုသလာ ဓမ္မာတိ? အာမန္တာ။
(ခ) ဓမ္မာ အဗျာကတာ ဓမ္မာတိ?
အဗျာကတာ ဓမ္မာ ဓမ္မာ စေဝ အဗျာကတာ ဓမ္မာ စ။ အဝသေသာ ဓမ္မာ န အဗျာကတာ ဓမ္မာ။
၂၉. (က) အဗျာကတာ ဓမ္မာတိ? အာမန္တာ။
(ခ) ဓမ္မာ ကုသလာ ဓမ္မာတိ?
ကုသလာ ဓမ္မာ ဓမ္မာ စေဝ ကုသလာ ဓမ္မာ စ။ အဝသေသာ ဓမ္မာ န ကုသလာ ဓမ္မာ။
(က) အဗျာကတာ ဓမ္မာတိ? အာမန္တာ။
(ခ) ဓမ္မာ အကုသလာ ဓမ္မာတိ?
အကုသလာ ဓမ္မာ ဓမ္မာ စေဝ အကုသလာ ဓမ္မာ စ။ အဝသေသာ ဓမ္မာ န အကုသလာ ဓမ္မာ။
(ခ) ပစ္စနီကံ
၃၀. (က) န ကုသလာ န ဓမ္မာတိ?
ကုသလံ ဌပေတွာ အဝသေသာ ဓမ္မာ န ကုသလာ၊ ဓမ္မာ။ ကုသလဉ္စ ဓမ္မေ စ ဌပေတွာ အဝသေသာ န စေဝ ကုသလာ န စ ဓမ္မာ။
(ခ) န ဓမ္မာ န အကုသလာ ဓမ္မာတိ? အာမန္တာ။
(က) န ကုသလာ န ဓမ္မာတိ?
ကုသလံ ဌပေတွာ အဝသေသာ ဓမ္မာ န ကုသလာ၊ ဓမ္မာ။ ကုသလဉ္စ ဓမ္မေ စ ဌပေတွာ အဝသေသာ န စေဝ ကုသလာ န စ ဓမ္မာ။
(ခ) န ဓမ္မာ န အဗျာကတာ ဓမ္မာတိ? အာမန္တာ။
၃၁. (က) န အကုသလာ န ဓမ္မာတိ?
အကုသလံ ဌပေတွာ အဝသေသာ ဓမ္မာ န အကုသလာ၊ ဓမ္မာ။ အကုသလဉ္စ ဓမ္မေ စ ဌပေတွာ အဝသေသာ န စေဝ အကုသလာ န စ ဓမ္မာ။
(ခ) န ဓမ္မာ န အကုသလာ ဓမ္မာတိ? အာမန္တာ။
(က) န အကုသလာ န ဓမ္မာတိ?
အကုသလံ ဌပေတွာ အဝသေသာ ဓမ္မာ န အကုသလာ၊ ဓမ္မာ။ အကုသလဉ္စ ဓမ္မေ စ ဌပေတွာ အဝသေသာ န စေဝ အကုသလာ န စ ဓမ္မာ။
(ခ) န ဓမ္မာ န အဗျာကတာ ဓမ္မာတိ? အာမန္တာ။
၃၂. (က) န အဗျာကတာ န ဓမ္မာတိ?
အဗျာကတံ ဌပေတွာ အဝသေသာ ဓမ္မာ န အဗျာကတာ၊ ဓမ္မာ။ အဗျာကတဉ္စ ဓမ္မေ စ ဌပေတွာ အဝသေသာ န စေဝ အဗျာကတာ န စ ဓမ္မာ။
(ခ) န ဓမ္မာ န ကုသလာ ဓမ္မာတိ? အာမန္တာ။
(က) န အဗျာကတာ န ဓမ္မာတိ?
အဗျာကတံ ဌပေတွာ အဝသေသာ ဓမ္မာ န အဗျာကတာ၊ ဓမ္မာ။ အဗျာကတဉ္စ ဓမ္မေ စ ဌပေတွာ အဝသေသာ န စေဝ အဗျာကတာ န စ ဓမ္မာ။
(ခ) န ဓမ္မာ န အကုသလာ ဓမ္မာတိ? အာမန္တာ။
ပဏ္ဏတ္တိနိဒ္ဒေသဝါရော။
၂. ပဝတ္တိဝါရော
၁. ဥပ္ပါဒဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၃၃. (က) ယဿ ကုသလာ ဓမ္မာ ဥပ္ပဇ္ဇန္တိ တဿ အကုသလာ ဓမ္မာ ဥပ္ပဇ္ဇန္တီတိ? နော။
(ခ) ယဿ ဝါ ပန အကုသလာ ဓမ္မာ ဥပ္ပဇ္ဇန္တိ တဿ ကုသလာ ဓမ္မာ ဥပ္ပဇ္ဇန္တီတိ? နော။
(က) ယဿ ကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ ဥပ္ပဇ္ဇန္တီတိ?
အရူပေ ကုသလာနံ ဥပ္ပါဒက္ခဏေ တေသံ ကုသလာ ဓမ္မာ ဥပ္ပဇ္ဇန္တိ၊ နော စ တေသံ အဗျာကတာ ဓမ္မာ ဥပ္ပဇ္ဇန္တိ။ ပဉ္စဝေါကာရေ ကုသလာနံ ဥပ္ပါဒက္ခဏေ တေသံ ကုသလာ စ ဓမ္မာ ဥပ္ပဇ္ဇန္တိ အဗျာကတာ စ ဓမ္မာ ဥပ္ပဇ္ဇန္တိ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇန္တိ တဿ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ ဥပပဇ္ဇန္တာနံ ပဝတ္တေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ အဗျာကတာ ဓမ္မာ ဥပ္ပဇ္ဇန္တိ၊ နော စ တေသံ ကုသလာ ဓမ္မာ ဥပ္ပဇ္ဇန္တိ။ ပဉ္စဝေါကာရေ ကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ ဥပ္ပဇ္ဇန္တိ ကုသလာ စ ဓမ္မာ ဥပ္ပဇ္ဇန္တိ။
၃၄. (က) ယဿ အကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ ဥပ္ပဇ္ဇန္တီတိ?
အရူပေ အကုသလာနံ ဥပ္ပါဒက္ခဏေ တေသံ အကုသလာ ဓမ္မာ ဥပ္ပဇ္ဇန္တိ၊ နော စ တေသံ အဗျာကတာ ဓမ္မာ ဥပ္ပဇ္ဇန္တိ။ ပဉ္စဝေါကာရေ အကုသလာနံ ဥပ္ပါဒက္ခဏေ တေသံ အကုသလာ စ ဓမ္မာ ဥပ္ပဇ္ဇန္တိ အဗျာကတာ စ ဓမ္မာ ဥပ္ပဇ္ဇန္တိ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇန္တိ တဿ အကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ ဥပပဇ္ဇန္တာနံ ပဝတ္တေ အကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ အဗျာကတာ ဓမ္မာ ဥပ္ပဇ္ဇန္တိ၊ နော စ တေသံ အကုသလာ ဓမ္မာ ဥပ္ပဇ္ဇန္တိ။ ပဉ္စဝေါကာရေ အကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ ဥပ္ပဇ္ဇန္တိ အကုသလာ စ ဓမ္မာ ဥပ္ပဇ္ဇန္တိ။
(ခ) အနုလောမဩကာသော
၃၅. (က) ယတ္ထ ကုသလာ ဓမ္မာ ဥပ္ပဇ္ဇန္တိ တတ္ထ အကုသလာ ဓမ္မာ ဥပ္ပဇ္ဇန္တီတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ ဥပ္ပဇ္ဇန္တိ တတ္ထ ကုသလာ ဓမ္မာ ဥပ္ပဇ္ဇန္တီတိ? အာမန္တာ။
(က) ယတ္ထ ကုသလာ ဓမ္မာ ဥပ္ပဇ္ဇန္တိ တတ္ထ အဗျာကတာ ဓမ္မာ ဥပ္ပဇ္ဇန္တီတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ ဥပ္ပဇ္ဇန္တိ တတ္ထ ကုသလာ ဓမ္မာ ဥပ္ပဇ္ဇန္တီတိ?
အသညသတ္တေ တတ္ထ အဗျာကတာ ဓမ္မာ ဥပ္ပဇ္ဇန္တိ၊ နော စ တတ္ထ ကုသလာ ဓမ္မာ ဥပ္ပဇ္ဇန္တိ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ ဥပ္ပဇ္ဇန္တိ ကုသလာ စ ဓမ္မာ ဥပ္ပဇ္ဇန္တိ။
၃၆. (က) ယတ္ထ အကုသလာ ဓမ္မာ ဥပ္ပဇ္ဇန္တိ တတ္ထ အဗျာကတာ ဓမ္မာ ဥပ္ပဇ္ဇန္တီတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ ဥပ္ပဇ္ဇန္တိ တတ္ထ အကုသလာ ဓမ္မာ ဥပ္ပဇ္ဇန္တီတိ?
အသညသတ္တေ တတ္ထ အဗျာကတာ ဓမ္မာ ဥပ္ပဇ္ဇန္တိ၊ နော စ တတ္ထ အကုသလာ ဓမ္မာ ဥပ္ပဇ္ဇန္တိ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ ဥပ္ပဇ္ဇန္တိ အကုသလာ စ ဓမ္မာ ဥပ္ပဇ္ဇန္တိ။
(ဂ) အနုလောမပုဂ္ဂလောကာသာ
၃၇. (က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အကုသလာ ဓမ္မာ ဥပ္ပဇ္ဇန္တီတိ? နော။
(ခ) ယဿ ဝါ ပန ယတ္ထ အကုသလာ ဓမ္မာ ဥပ္ပဇ္ဇန္တိ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ? နော။
(က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ ဥပ္ပဇ္ဇန္တီတိ?
အရူပေ ကုသလာနံ ဥပ္ပါဒက္ခဏေ တေသံ တတ္ထ ကုသလာ ဓမ္မာ ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ ဥပ္ပဇ္ဇန္တိ။ ပဉ္စဝေါကာရေ ကုသလာနံ ဥပ္ပါဒက္ခဏေ တေသံ တတ္ထ ကုသလာ စ ဓမ္မာ ဥပ္ပဇ္ဇန္တိ အဗျာကတာ စ ဓမ္မာ ဥပ္ပဇ္ဇန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇန္တိ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ ဥပပဇ္ဇန္တာနံ ပဝတ္တေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ အဗျာကတာ ဓမ္မာ ဥပ္ပဇ္ဇန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇန္တိ။ ပဉ္စဝေါကာရေ ကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ ဥပ္ပဇ္ဇန္တိ ကုသလာ စ ဓမ္မာ ဥပ္ပဇ္ဇန္တိ။
၃၈. (က) ယဿ ယတ္ထ အကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ ဥပ္ပဇ္ဇန္တီတိ?
အရူပေ အကုသလာနံ ဥပ္ပါဒက္ခဏေ တေသံ တတ္ထ အကုသလာ ဓမ္မာ ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ ဥပ္ပဇ္ဇန္တိ။ ပဉ္စဝေါကာရေ အကုသလာနံ ဥပ္ပါဒက္ခဏေ တေသံ တတ္ထ အကုသလာ စ ဓမ္မာ ဥပ္ပဇ္ဇန္တိ အဗျာကတာ စ ဓမ္မာ ဥပ္ပဇ္ဇန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇန္တိ တဿ တတ္ထ အကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ ဥပပဇ္ဇန္တာနံ ပဝတ္တေ အကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ အဗျာကတာ ဓမ္မာ ဥပ္ပဇ္ဇန္တိ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇန္တိ။ ပဉ္စဝေါကာရေ အကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ ဥပ္ပဇ္ဇန္တိ အကုသလာ စ ဓမ္မာ ဥပ္ပဇ္ဇန္တိ။
(ဃ) ပစ္စနီကပုဂ္ဂလော
၃၉. (က) ယဿ ကုသလာ ဓမ္မာ န ဥပ္ပဇ္ဇန္တိ တဿ အကုသလာ ဓမ္မာ န ဥပ္ပဇ္ဇန္တီတိ?
အကုသလာနံ ဥပ္ပါဒက္ခဏေ တေသံ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ အကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တအကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကုသလာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န ဥပ္ပဇ္ဇန္တိ။
(ခ) ယဿ ဝါ ပန အကုသလာ ဓမ္မာ န ဥပ္ပဇ္ဇန္တိ တဿ ကုသလာ ဓမ္မာ န ဥပ္ပဇ္ဇန္တီတိ?
ကုသလာနံ ဥပ္ပါဒက္ခဏေ တေသံ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ ကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အကုသလာ စ ဓမ္မာ န ဥပ္ပဇ္ဇန္တိ ကုသလာ စ ဓမ္မာ န ဥပ္ပဇ္ဇန္တိ။
(က) ယဿ ကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န ဥပ္ပဇ္ဇန္တီတိ?
သဗ္ဗေသံ ဥပပဇ္ဇန္တာနံ ပဝတ္တေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ အဗျာကတာ ဓမ္မာ န ဥပ္ပဇ္ဇန္တိ။ သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ အရူပေ အကုသလာနံ ဥပ္ပါဒက္ခဏေ တေသံ ကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န ဥပ္ပဇ္ဇန္တိ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇန္တိ တဿ ကုသလာ ဓမ္မာ န ဥပ္ပဇ္ဇန္တီတိ?
အရူပေ ကုသလာနံ ဥပ္ပါဒက္ခဏေ တေသံ အဗျာကတာ ဓမ္မာ န ဥပ္ပဇ္ဇန္တိ၊ နော စ တေသံ ကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ အရူပေ အကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ န ဥပ္ပဇ္ဇန္တိ ကုသလာ စ ဓမ္မာ န ဥပ္ပဇ္ဇန္တိ။
၄၀. (က) ယဿ အကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န ဥပ္ပဇ္ဇန္တီတိ?
သဗ္ဗေသံ ဥပပဇ္ဇန္တာနံ ပဝတ္တေ အကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ အဗျာကတာ ဓမ္မာ န ဥပ္ပဇ္ဇန္တိ။ သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ အရူပေ ကုသလာနံ ဥပ္ပါဒက္ခဏေ တေသံ အကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န ဥပ္ပဇ္ဇန္တိ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇန္တိ တဿ အကုသလာ ဓမ္မာ န ဥပ္ပဇ္ဇန္တီတိ?
အရူပေ အကုသလာနံ ဥပ္ပါဒက္ခဏေ တေသံ အဗျာကတာ ဓမ္မာ န ဥပ္ပဇ္ဇန္တိ၊ နော စ တေသံ အကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ အရူပေ ကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န ဥပ္ပဇ္ဇန္တိ။
(င) ပစ္စနီကဩကာသော
၄၁. (က) ယတ္ထ ကုသလာ ဓမ္မာ န ဥပ္ပဇ္ဇန္တိ တတ္ထ အကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ န ဥပ္ပဇ္ဇန္တိ တတ္ထ ကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(က) ယတ္ထ ကုသလာ ဓမ္မာ န ဥပ္ပဇ္ဇန္တိ တတ္ထ အဗျာကတာ ဓမ္မာ န ဥပ္ပဇ္ဇန္တီတိ? ဥပ္ပဇ္ဇန္တိ။
(ခ) ယတ္ထ ဝါ ပန အဗျာကတာ ဓမ္မာ န ဥပ္ပဇ္ဇန္တိ တတ္ထ ကုသလာ ဓမ္မာ န ဥပ္ပဇ္ဇန္တီတိ? နတ္ထိ။
၄၂. (က) ယတ္ထ အကုသလာ ဓမ္မာ န ဥပ္ပဇ္ဇန္တိ တတ္ထ အဗျာကတာ ဓမ္မာ န ဥပ္ပဇ္ဇန္တီတိ? ဥပ္ပဇ္ဇန္တိ။
(ခ) ယတ္ထ ဝါ ပန အဗျာကတာ ဓမ္မာ န ဥပ္ပဇ္ဇန္တိ တတ္ထ အကုသလာ ဓမ္မာ န ဥပ္ပဇ္ဇန္တီတိ? နတ္ထိ။
(စ) ပစ္စနီကပုဂ္ဂလောကာသာ
၄၃. (က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အကုသလာ ဓမ္မာ န ဥပ္ပဇ္ဇန္တီတိ?
အကုသလာနံ ဥပ္ပါဒက္ခဏေ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တအကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န ဥပ္ပဇ္ဇန္တိ။
(ခ) ယဿ ဝါ ပန ယတ္ထ အကုသလာ ဓမ္မာ န ဥပ္ပဇ္ဇန္တိ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ?
ကုသလာနံ ဥပ္ပါဒက္ခဏေ တေသံ တတ္ထ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အကုသလာ စ ဓမ္မာ န ဥပ္ပဇ္ဇန္တိ ကုသလာ စ ဓမ္မာ န ဥပ္ပဇ္ဇန္တိ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န ဥပ္ပဇ္ဇန္တီတိ?
သဗ္ဗေသံ ဥပပဇ္ဇန္တာနံ ပဝတ္တေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န ဥပ္ပဇ္ဇန္တိ။ သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ အရူပေ အကုသလာနံ ဥပ္ပါဒက္ခဏေ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န ဥပ္ပဇ္ဇန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇန္တိ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ?
အရူပေ ကုသလာနံ ဥပ္ပါဒက္ခဏေ တေသံ တတ္ထ အဗျာကတာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ အရူပေ အကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ န ဥပ္ပဇ္ဇန္တိ ကုသလာ စ ဓမ္မာ န ဥပ္ပဇ္ဇန္တိ။
၄၄. (က) ယဿ ယတ္ထ အကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န ဥပ္ပဇ္ဇန္တီတိ?
သဗ္ဗေသံ ဥပပဇ္ဇန္တာနံ ပဝတ္တေ အကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န ဥပ္ပဇ္ဇန္တိ။ သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ အရူပေ ကုသလာနံ ဥပ္ပါဒက္ခဏေ တေသံ တတ္ထ အကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န ဥပ္ပဇ္ဇန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇန္တိ တဿ တတ္ထ အကုသလာ ဓမ္မာ န ဥပ္ပဇ္ဇန္တီတိ?
အရူပေ အကုသလာနံ ဥပ္ပါဒက္ခဏေ တေသံ တတ္ထ အဗျာကတာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ အရူပေ ကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န ဥပ္ပဇ္ဇန္တိ။
(၂) အတီတဝါရော
(က) အနုလောမပုဂ္ဂလော
၄၅. (က) ယဿ ကုသလာ ဓမ္မာ ဥပ္ပဇ္ဇိတ္ထ တဿ အကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန အကုသလာ ဓမ္မာ ဥပ္ပဇ္ဇိတ္ထ တဿ ကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(က) ယဿ ကုသလာ ဓမ္မာ ဥပ္ပဇ္ဇိတ္ထ တဿ အဗျာကတာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇိတ္ထ တဿ ကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
၄၆. (က) ယဿ အကုသလာ ဓမ္မာ ဥပ္ပဇ္ဇိတ္ထ တဿ အဗျာကတာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇိတ္ထ တဿ အကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) အနုလောမဩကာသော
၄၇. (က) ယတ္ထ ကုသလာ ဓမ္မာ ဥပ္ပဇ္ဇိတ္ထ တတ္ထ အကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ ဥပ္ပဇ္ဇိတ္ထ တတ္ထ ကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(က) ယတ္ထ ကုသလာ ဓမ္မာ ဥပ္ပဇ္ဇိတ္ထ တတ္ထ အဗျာကတာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ ဥပ္ပဇ္ဇိတ္ထ တတ္ထ ကုသလာ ဓမ္မာ ဥပ္ပဇ္ဇိတ္ထာတိ?
အသညသတ္တေ တတ္ထ အဗျာကတာ ဓမ္မာ ဥပ္ပဇ္ဇိတ္ထ၊ နော စ တတ္ထ ကုသလာ ဓမ္မာ ဥပ္ပဇ္ဇိတ္ထ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ ဥပ္ပဇ္ဇိတ္ထ ကုသလာ စ ဓမ္မာ ဥပ္ပဇ္ဇိတ္ထ။
၄၈. (က) ယတ္ထ အကုသလာ ဓမ္မာ ဥပ္ပဇ္ဇိတ္ထ တတ္ထ အဗျာကတာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ ဥပ္ပဇ္ဇိတ္ထ တတ္ထ အကုသလာ ဓမ္မာ ဥပ္ပဇ္ဇိတ္ထာတိ?
အသညသတ္တေ တတ္ထ အဗျာကတာ ဓမ္မာ ဥပ္ပဇ္ဇိတ္ထ၊ နော စ တတ္ထ အကုသလာ ဓမ္မာ ဥပ္ပဇ္ဇိတ္ထ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ ဥပ္ပဇ္ဇိတ္ထ အကုသလာ စ ဓမ္မာ ဥပ္ပဇ္ဇိတ္ထ။
(ဂ) အနုလောမပုဂ္ဂလောကာသာ
၄၉. (က) ယဿ ယတ္ထ ကုသလာ ဓမ္မာ ဥပ္ပဇ္ဇိတ္ထ တဿ တတ္ထ အကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ အကုသလာ ဓမ္မာ ဥပ္ပဇ္ဇိတ္ထ တဿ တတ္ထ ကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ အကုသလေ စိတ္တေ ဝတ္တမာနေ တေသံ တတ္ထ အကုသလာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အကုသလာ စ ဓမ္မာ ဥပ္ပဇ္ဇိတ္ထ ကုသလာ စ ဓမ္မာ ဥပ္ပဇ္ဇိတ္ထ။
(က) ယဿ ယတ္ထ ကုသလာ ဓမ္မာ ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇိတ္ထ တဿ တတ္ထ ကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ ဥပ္ပဇ္ဇိတ္ထ ကုသလာ စ ဓမ္မာ ဥပ္ပဇ္ဇိတ္ထ။
၅၀. (က) ယဿ ယတ္ထ အကုသလာ ဓမ္မာ ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇိတ္ထ တဿ တတ္ထ အကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ ဥပ္ပဇ္ဇိတ္ထ အကုသလာ စ ဓမ္မာ ဥပ္ပဇ္ဇိတ္ထ။
(ဃ) ပစ္စနီကပုဂ္ဂလော
၅၁. (က) ယဿ ကုသလာ ဓမ္မာ န ဥပ္ပဇ္ဇိတ္ထ တဿ အကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
(ခ) ယဿ ဝါ ပန အကုသလာ ဓမ္မာ န ဥပ္ပဇ္ဇိတ္ထ တဿ ကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
(က) ယဿ ကုသလာ ဓမ္မာ န ဥပ္ပဇ္ဇိတ္ထ တဿ အဗျာကတာ ဓမ္မာ န ဥပ္ပဇ္ဇိတ္ထာတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇိတ္ထ တဿ ကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
၅၂. (က) ယဿ အကုသလာ ဓမ္မာ န ဥပ္ပဇ္ဇိတ္ထ တဿ အဗျာကတာ ဓမ္မာ န ဥပ္ပဇ္ဇိတ္ထာတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇိတ္ထ တဿ အကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
(င) ပစ္စနီကဩကာသော
၅၃. (က) ယတ္ထ ကုသလာ ဓမ္မာ န ဥပ္ပဇ္ဇိတ္ထ တတ္ထ အကုသလာ ဓမ္မာ န ဥပ္ပဇ္ဇိတ္ထာတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ န ဥပ္ပဇ္ဇိတ္ထ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ? အာမန္တာ။
(က) ယတ္ထ ကုသလာ ဓမ္မာ န ဥပ္ပဇ္ဇိတ္ထ တတ္ထ အဗျာကတာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယတ္ထ ဝါ ပန အဗျာကတာ ဓမ္မာ န ဥပ္ပဇ္ဇိတ္ထ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
၅၄. (က) ယတ္ထ အကုသလာ ဓမ္မာ န ဥပ္ပဇ္ဇိတ္ထ တတ္ထ အဗျာကတာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယတ္ထ ဝါ ပန အဗျာကတာ ဓမ္မာ န ဥပ္ပဇ္ဇိတ္ထ တတ္ထ အကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
(စ) ပစ္စနီကပုဂ္ဂလောကာသာ
၅၅. (က) ယဿ ယတ္ထ ကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အကုသလာ ဓမ္မာ န ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ အကုသလေ စိတ္တေ ဝတ္တမာနေ တေသံ တတ္ထ ကုသလာ ဓမ္မာ န ဥပ္ပဇ္ဇိတ္ထ၊ နော စ တေသံ တတ္ထ အကုသလာ ဓမ္မာ န ဥပ္ပဇ္ဇိတ္ထ။ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇိတ္ထ အကုသလာ စ ဓမ္မာ န ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ အကုသလာ ဓမ္မာ န ဥပ္ပဇ္ဇိတ္ထ တဿ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ? အာမန္တာ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ န ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကုသလာ ဓမ္မာ န ဥပ္ပဇ္ဇိတ္ထ၊ နော စ တေသံ တတ္ထ အဗျာကတာ ဓမ္မာ န ဥပ္ပဇ္ဇိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇိတ္ထ အဗျာကတာ စ ဓမ္မာ န ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇိတ္ထ တဿ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ? အာမန္တာ။
၅၆. (က) ယဿ ယတ္ထ အကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ န ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အကုသလာ ဓမ္မာ န ဥပ္ပဇ္ဇိတ္ထ၊ နော စ တေသံ တတ္ထ အဗျာကတာ ဓမ္မာ န ဥပ္ပဇ္ဇိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ အကုသလာ စ ဓမ္မာ န ဥပ္ပဇ္ဇိတ္ထ အဗျာကတာ စ ဓမ္မာ န ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇိတ္ထ တဿ တတ္ထ အကုသလာ ဓမ္မာ န ဥပ္ပဇ္ဇိတ္ထာတိ? အာမန္တာ။
(၃) အနာဂတဝါရော
(က) အနုလောမပုဂ္ဂလော
၅၇. (က) ယဿ ကုသလာ ဓမ္မာ ဥပ္ပဇ္ဇိဿန္တိ တဿ အကုသလာ ဓမ္မာ ဥပ္ပဇ္ဇိဿန္တီတိ?
ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ ကုသလာ ဓမ္မာ ဥပ္ပဇ္ဇိဿန္တိ၊ နော စ တေသံ အကုသလာ ဓမ္မာ ဥပ္ပဇ္ဇိဿန္တိ။ ဣတရေသံ တေသံ ကုသလာ စ ဓမ္မာ ဥပ္ပဇ္ဇိဿန္တိ အကုသလာ စ ဓမ္မာ ဥပ္ပဇ္ဇိဿန္တိ။
(ခ) ယဿ ဝါ ပန အကုသလာ ဓမ္မာ ဥပ္ပဇ္ဇိဿန္တိ တဿ ကုသလာ ဓမ္မာ ဥပ္ပဇ္ဇိဿန္တီတိ? အာမန္တာ။
(က) ယဿ ကုသလာ ဓမ္မာ ဥပ္ပဇ္ဇိဿန္တိ တဿ အဗျာကတာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇိဿန္တိ တဿ ကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ တေသံ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တေသံ ကုသလာ ဓမ္မာ ဥပ္ပဇ္ဇိဿန္တိ။ ဣတရေသံ တေသံ အဗျာကတာ စ ဓမ္မာ ဥပ္ပဇ္ဇိဿန္တိ ကုသလာ စ ဓမ္မာ ဥပ္ပဇ္ဇိဿန္တိ။
၅၈. (က) ယဿ အကုသလာ ဓမ္မာ ဥပ္ပဇ္ဇိဿန္တိ တဿ အဗျာကတာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇိဿန္တိ တဿ အကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တေသံ အကုသလာ ဓမ္မာ ဥပ္ပဇ္ဇိဿန္တိ။ ဣတရေသံ တေသံ အဗျာကတာ စ ဓမ္မာ ဥပ္ပဇ္ဇိဿန္တိ အကုသလာ စ ဓမ္မာ ဥပ္ပဇ္ဇိဿန္တိ။
(ခ) အနုလောမဩကာသော
၅၉. (က) ယတ္ထ ကုသလာ ဓမ္မာ ဥပ္ပဇ္ဇိဿန္တိ တတ္ထ အကုသလာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ ဥပ္ပဇ္ဇိဿန္တိ တတ္ထ ကုသလာ ဓမ္မာ ဥပ္ပဇ္ဇိဿန္တီတိ? အာမန္တာ။
(က) ယတ္ထ ကုသလာ ဓမ္မာ ဥပ္ပဇ္ဇိဿန္တိ တတ္ထ အဗျာကတာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ ဥပ္ပဇ္ဇိဿန္တိ တတ္ထ ကုသလာ ဓမ္မာ ဥပ္ပဇ္ဇိဿန္တီတိ?
အသညသတ္တေ တတ္ထ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တတ္ထ ကုသလာ ဓမ္မာ ဥပ္ပဇ္ဇိဿန္တိ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ ဥပ္ပဇ္ဇိဿန္တိ ကုသလာ စ ဓမ္မာ ဥပ္ပဇ္ဇိဿန္တိ။
၆၀. (က) ယတ္ထ အကုသလာ ဓမ္မာ ဥပ္ပဇ္ဇိဿန္တိ တတ္ထ အဗျာကတာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ ဥပ္ပဇ္ဇိဿန္တိ တတ္ထ အကုသလာ ဓမ္မာ ဥပ္ပဇ္ဇိဿန္တီတိ?
အသညသတ္တေ တတ္ထ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တတ္ထ အကုသလာ ဓမ္မာ ဥပ္ပဇ္ဇိဿန္တိ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ ဥပ္ပဇ္ဇိဿန္တိ အကုသလာ စ ဓမ္မာ ဥပ္ပဇ္ဇိဿန္တိ။
(ဂ) အနုလောမပုဂ္ဂလောကာသာ
၆၁. (က) ယဿ ယတ္ထ ကုသလာ ဓမ္မာ ဥပ္ပဇ္ဇိဿန္တိ တဿ တတ္ထ အကုသလာ ဓမ္မာ ဥပ္ပဇ္ဇိဿန္တီတိ?
ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ ကုသလာ ဓမ္မာ ဥပ္ပဇ္ဇိဿန္တိ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ကုသလာ စ ဓမ္မာ ဥပ္ပဇ္ဇိဿန္တိ အကုသလာ စ ဓမ္မာ ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇိဿန္တီတိ? အာမန္တာ။
(က) ယဿ ယတ္ထ ကုသလာ ဓမ္မာ ဥပ္ပဇ္ဇိဿန္တိ တဿ တတ္ထ အဗျာကတာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ အသညသတ္တာနံ တေသံ တတ္ထ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ ဥပ္ပဇ္ဇိဿန္တိ ကုသလာ စ ဓမ္မာ ဥပ္ပဇ္ဇိဿန္တိ။
၆၂. (က) ယဿ ယတ္ထ အကုသလာ ဓမ္မာ ဥပ္ပဇ္ဇိဿန္တိ တဿ တတ္ထ အဗျာကတာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇိဿန္တိ တဿ တတ္ထ အကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ အသညသတ္တာနံ တေသံ တတ္ထ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ ဥပ္ပဇ္ဇိဿန္တိ အကုသလာ စ ဓမ္မာ ဥပ္ပဇ္ဇိဿန္တိ။
(ဃ) ပစ္စနီကပုဂ္ဂလော
၆၃. (က) ယဿ ကုသလာ ဓမ္မာ န ဥပ္ပဇ္ဇိဿန္တိ တဿ အကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
(ခ) ယဿ ဝါ ပန အကုသလာ ဓမ္မာ န ဥပ္ပဇ္ဇိဿန္တိ တဿ ကုသလာ ဓမ္မာ န ဥပ္ပဇ္ဇိဿန္တီတိ?
ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ အကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ ကုသလာ ဓမ္မာ န ဥပ္ပဇ္ဇိဿန္တိ။ အဂ္ဂမဂ္ဂသမင်္ဂီနံ အရဟန္တာနံ တေသံ အကုသလာ စ ဓမ္မာ န ဥပ္ပဇ္ဇိဿန္တိ ကုသလာ စ ဓမ္မာ န ဥပ္ပဇ္ဇိဿန္တိ။
(က) ယဿ ကုသလာ ဓမ္မာ န ဥပ္ပဇ္ဇိဿန္တိ တဿ အဗျာကတာ ဓမ္မာ န ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ တေသံ ကုသလာ ဓမ္မာ န ဥပ္ပဇ္ဇိဿန္တိ ၊ နော စ တေသံ အဗျာကတာ ဓမ္မာ န ဥပ္ပဇ္ဇိဿန္တိ။ ပစ္ဆိမစိတ္တသမင်္ဂီနံ တေသံ ကုသလာ စ ဓမ္မာ န ဥပ္ပဇ္ဇိဿန္တိ အဗျာကတာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇိဿန္တိ တဿ ကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
၆၄. (က) ယဿ အကုသလာ ဓမ္မာ န ဥပ္ပဇ္ဇိဿန္တိ တဿ အဗျာကတာ ဓမ္မာ န ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ အကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ အဗျာကတာ ဓမ္မာ န ဥပ္ပဇ္ဇိဿန္တိ။ ပစ္ဆိမစိတ္တသမင်္ဂီနံ တေသံ အကုသလာ စ ဓမ္မာ န ဥပ္ပဇ္ဇိဿန္တိ အဗျာကတာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇိဿန္တိ တဿ အကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
(င) ပစ္စနီကဩကာသော
၆၅. (က) ယတ္ထ ကုသလာ ဓမ္မာ န ဥပ္ပဇ္ဇိဿန္တိ တတ္ထ အကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ န ဥပ္ပဇ္ဇိဿန္တိ တတ္ထ ကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
(က) ယတ္ထ ကုသလာ ဓမ္မာ န ဥပ္ပဇ္ဇိဿန္တိ တတ္ထ အဗျာကတာ ဓမ္မာ န ဥပ္ပဇ္ဇိဿန္တီတိ? ဥပ္ပဇ္ဇိဿန္တိ။
(ခ) ယတ္ထ ဝါ ပန အဗျာကတာ ဓမ္မာ န ဥပ္ပဇ္ဇိဿန္တိ တတ္ထ ကုသလာ ဓမ္မာ န ဥပ္ပဇ္ဇိဿန္တီတိ? နတ္ထိ။
၆၆. (က) ယတ္ထ အကုသလာ ဓမ္မာ န ဥပ္ပဇ္ဇိဿန္တိ တတ္ထ အဗျာကတာ ဓမ္မာ န ဥပ္ပဇ္ဇိဿန္တီတိ? ဥပ္ပဇ္ဇိဿန္တိ။
(ခ) ယတ္ထ ဝါ ပန အဗျာကတာ ဓမ္မာ န ဥပ္ပဇ္ဇိဿန္တိ တတ္ထ အကုသလာ ဓမ္မာ န ဥပ္ပဇ္ဇိဿန္တီတိ? နတ္ထိ။
(စ) ပစ္စနီကပုဂ္ဂလောကာသာ
၆၇. (က) ယဿ ယတ္ထ ကုသလာ ဓမ္မာ န ဥပ္ပဇ္ဇိဿန္တိ တဿ တတ္ထ အကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
(ခ) ယဿ ဝါ ပန ယတ္ထ အကုသလာ ဓမ္မာ န ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇိဿန္တီတိ?
ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ အကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ တတ္ထ ကုသလာ ဓမ္မာ န ဥပ္ပဇ္ဇိဿန္တိ။ အဂ္ဂမဂ္ဂသမင်္ဂီနံ အရဟန္တာနံ အသညသတ္တာနံ တေသံ တတ္ထ အကုသလာ စ ဓမ္မာ န ဥပ္ပဇ္ဇိဿန္တိ ကုသလာ စ ဓမ္မာ န ဥပ္ပဇ္ဇိဿန္တိ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇိဿန္တိ တဿ တတ္ထ အဗျာကတာ ဓမ္မာ န ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ အသညသတ္တာနံ တေသံ တတ္ထ ကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ တတ္ထ အဗျာကတာ ဓမ္မာ န ဥပ္ပဇ္ဇိဿန္တိ။ ပစ္ဆိမစိတ္တသမင်္ဂီနံ တေသံ တတ္ထ ကုသလာ စ ဓမ္မာ န ဥပ္ပဇ္ဇိဿန္တိ အဗျာကတာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
၆၈. (က) ယဿ ယတ္ထ အကုသလာ ဓမ္မာ န ဥပ္ပဇ္ဇိဿန္တိ တဿ တတ္ထ အဗျာကတာ ဓမ္မာ န ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ အသညသတ္တာနံ တေသံ တတ္ထ အကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ တတ္ထ အဗျာကတာ ဓမ္မာ န ဥပ္ပဇ္ဇိဿန္တိ။ ပစ္ဆိမစိတ္တသမင်္ဂီနံ တေသံ တတ္ထ အကုသလာ စ ဓမ္မာ န ဥပ္ပဇ္ဇိဿန္တိ အဗျာကတာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇိဿန္တိ တဿ တတ္ထ အကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၆၉. (က) ယဿ ကုသလာ ဓမ္မာ ဥပ္ပဇ္ဇန္တိ တဿ အကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန အကုသလာ ဓမ္မာ ဥပ္ပဇ္ဇိတ္ထ တဿ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အကုသလာ ဓမ္မာ ဥပ္ပဇ္ဇိတ္ထ၊ နော စ တေသံ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ အကုသလာ စ ဓမ္မာ ဥပ္ပဇ္ဇိတ္ထ ကုသလာ စ ဓမ္မာ ဥပ္ပဇ္ဇန္တိ။
(က) ယဿ ကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇိတ္ထ တဿ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ ဥပ္ပဇ္ဇိတ္ထ၊ နော စ တေသံ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ ဥပ္ပဇ္ဇိတ္ထ ကုသလာ စ ဓမ္မာ ဥပ္ပဇ္ဇန္တိ။
၇၀. (က) ယဿ အကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇိတ္ထ တဿ အကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ ဥပ္ပဇ္ဇိတ္ထ၊ နော စ တေသံ အကုသလာ ဓမ္မာ ဥပ္ပဇ္ဇန္တိ။ အကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ ဥပ္ပဇ္ဇိတ္ထ အကုသလာ စ ဓမ္မာ ဥပ္ပဇ္ဇန္တိ။
(ခ) အနုလောမဩကာသော
၇၁. ယတ္ထ ကုသလာ ဓမ္မာ ဥပ္ပဇ္ဇန္တိ တတ္ထ အကုသလာ ဓမ္မာ ဥပ္ပဇ္ဇိတ္ထာတိ?။ပေ.။။
(ဂ) အနုလောမပုဂ္ဂလောကာသာ
၇၂. (က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ အကုသလာ ဓမ္မာ ဥပ္ပဇ္ဇိတ္ထ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ အကုသလာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ တတ္ထ အကုသလာ စ ဓမ္မာ ဥပ္ပဇ္ဇိတ္ထ ကုသလာ စ ဓမ္မာ ဥပ္ပဇ္ဇန္တိ။
(က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇိတ္ထ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ ဥပ္ပဇ္ဇိတ္ထ ကုသလာ စ ဓမ္မာ ဥပ္ပဇ္ဇန္တိ။
၇၃. (က) ယဿ ယတ္ထ အကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇိတ္ထ တဿ တတ္ထ အကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇန္တိ။ အကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ ဥပ္ပဇ္ဇိတ္ထ အကုသလာ စ ဓမ္မာ ဥပ္ပဇ္ဇန္တိ။
(ဃ) ပစ္စနီကပုဂ္ဂလော
၇၄. (က) ယဿ ကုသလာ ဓမ္မာ န ဥပ္ပဇ္ဇန္တိ တဿ အကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယဿ ဝါ ပန အကုသလာ ဓမ္မာ န ဥပ္ပဇ္ဇိတ္ထ တဿ ကုသလာ ဓမ္မာ န ဥပ္ပဇ္ဇန္တီတိ? နတ္ထိ။
(က) ယဿ ကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇိတ္ထ တဿ ကုသလာ ဓမ္မာ န ဥပ္ပဇ္ဇန္တီတိ? နတ္ထိ။
၇၅. (က) ယဿ အကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇိတ္ထ တဿ အကုသလာ ဓမ္မာ န ဥပ္ပဇ္ဇန္တီတိ? နတ္ထိ။
(င) ပစ္စနီကဩကာသော
၇၆. ယတ္ထ ကုသလာ ဓမ္မာ န ဥပ္ပဇ္ဇန္တိ တတ္ထ အကုသလာ ဓမ္မာ န ဥပ္ပဇ္ဇိတ္ထာတိ?။ပေ.။။
(စ) ပစ္စနီကပုဂ္ဂလောကာသာ
၇၇. (က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အကုသလာ ဓမ္မာ န ဥပ္ပဇ္ဇိတ္ထာတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အကုသလာ ဓမ္မာ န ဥပ္ပဇ္ဇိတ္ထ။ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ အကုသလာ ဓမ္မာ န ဥပ္ပဇ္ဇိတ္ထ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န ဥပ္ပဇ္ဇိတ္ထာတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န ဥပ္ပဇ္ဇိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇိတ္ထ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ? အာမန္တာ။
၇၈. (က) ယဿ ယတ္ထ အကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န ဥပ္ပဇ္ဇိတ္ထာတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န ဥပ္ပဇ္ဇိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ အကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇိတ္ထ တဿ တတ္ထ အကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၇၉. (က) ယဿ ကုသလာ ဓမ္မာ ဥပ္ပဇ္ဇန္တိ တဿ အကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ တေသံ ကုသလာ ဓမ္မာ ဥပ္ပဇ္ဇန္တိ၊ နော စ တေသံ အကုသလာ ဓမ္မာ ဥပ္ပဇ္ဇိဿန္တိ။ ဣတရေသံ ကုသလာနံ ဥပ္ပါဒက္ခဏေ တေသံ ကုသလာ စ ဓမ္မာ ဥပ္ပဇ္ဇန္တိ အကုသလာ စ ဓမ္မာ ဥပ္ပဇ္ဇိဿန္တိ။
(ခ) ယဿ ဝါ ပန အကုသလာ ဓမ္မာ ဥပ္ပဇ္ဇိဿန္တိ တဿ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အကုသလာ ဓမ္မာ ဥပ္ပဇ္ဇိဿန္တိ၊ နော စ တေသံ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ အကုသလာ စ ဓမ္မာ ဥပ္ပဇ္ဇိဿန္တိ ကုသလာ စ ဓမ္မာ ဥပ္ပဇ္ဇန္တိ။
(က) ယဿ ကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇိဿန္တိ တဿ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တေသံ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ ဥပ္ပဇ္ဇိဿန္တိ ကုသလာ စ ဓမ္မာ ဥပ္ပဇ္ဇန္တိ။
၈၀. (က) ယဿ အကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇိဿန္တိ တဿ အကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တေသံ အကုသလာ ဓမ္မာ ဥပ္ပဇ္ဇန္တိ။ အကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ ဥပ္ပဇ္ဇိဿန္တိ အကုသလာ စ ဓမ္မာ ဥပ္ပဇ္ဇန္တိ။
(ခ) အနုလောမဩကာသော
၈၁. ယတ္ထ ကုသလာ ဓမ္မာ ဥပ္ပဇ္ဇန္တိ တတ္ထ အကုသလာ ဓမ္မာ ဥပ္ပဇ္ဇိဿန္တီတိ?။ပေ.။။
(ဂ) အနုလောမပုဂ္ဂလောကာသာ
၈၂. (က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ တေသံ တတ္ထ ကုသလာ ဓမ္မာ ဥပ္ပဇ္ဇန္တိ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇိဿန္တိ။ ဣတရေသံ ကုသလာနံ ဥပ္ပါဒက္ခဏေ တေသံ တတ္ထ ကုသလာ စ ဓမ္မာ ဥပ္ပဇ္ဇန္တိ အကုသလာ စ ဓမ္မာ ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ အကုသလာ ဓမ္မာ ဥပ္ပဇ္ဇိဿန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ တတ္ထ အကုသလာ စ ဓမ္မာ ဥပ္ပဇ္ဇိဿန္တိ ကုသလာ စ ဓမ္မာ ဥပ္ပဇ္ဇန္တိ။
(က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ ဥပ္ပဇ္ဇိဿန္တိ ကုသလာ စ ဓမ္မာ ဥပ္ပဇ္ဇန္တိ။
၈၃. (က) ယဿ ယတ္ထ အကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ ဥပ္ပဇ္ဇိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇိဿန္တိ တဿ တတ္ထ အကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇန္တိ။ အကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ ဥပ္ပဇ္ဇိဿန္တိ အကုသလာ စ ဓမ္မာ ဥပ္ပဇ္ဇန္တိ။
(ဃ) ပစ္စနီကပုဂ္ဂလော
၈၄. (က) ယဿ ကုသလာ ဓမ္မာ န ဥပ္ပဇ္ဇန္တိ တဿ အကုသလာ ဓမ္မာ န ဥပ္ပဇ္ဇိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ အကုသလာ ဓမ္မာ န ဥပ္ပဇ္ဇိဿန္တိ။ အဂ္ဂမဂ္ဂဿ ဘင်္ဂက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ တေသံ ကုသလာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန အကုသလာ ဓမ္မာ န ဥပ္ပဇ္ဇိဿန္တိ တဿ ကုသလာ ဓမ္မာ န ဥပ္ပဇ္ဇန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ တေသံ အကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ ကုသလာ ဓမ္မာ န ဥပ္ပဇ္ဇန္တိ။ အဂ္ဂမဂ္ဂဿ ဘင်္ဂက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ တေသံ အကုသလာ စ ဓမ္မာ န ဥပ္ပဇ္ဇိဿန္တိ ကုသလာ စ ဓမ္မာ န ဥပ္ပဇ္ဇန္တိ။
(က) ယဿ ကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န ဥပ္ပဇ္ဇိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ အဗျာကတာ ဓမ္မာ န ဥပ္ပဇ္ဇိဿန္တိ။ ပစ္ဆိမစိတ္တသမင်္ဂီနံ တေသံ ကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇိဿန္တိ တဿ ကုသလာ ဓမ္မာ န ဥပ္ပဇ္ဇန္တီတိ? အာမန္တာ။
၈၅. (က) ယဿ အကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န ဥပ္ပဇ္ဇိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ အဗျာကတာ ဓမ္မာ န ဥပ္ပဇ္ဇိဿန္တိ။ ပစ္ဆိမစိတ္တသမင်္ဂီနံ တေသံ အကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇိဿန္တိ တဿ အကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(င) ပစ္စနီကဩကာသော
၈၆. ယတ္ထ ကုသလာ ဓမ္မာ န ဥပ္ပဇ္ဇန္တိ တတ္ထ အကုသလာ ဓမ္မာ န ဥပ္ပဇ္ဇိဿန္တီတိ?။ပေ.။။
(စ) ပစ္စနီကပုဂ္ဂလောကာသာ
၈၇. (က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အကုသလာ ဓမ္မာ န ဥပ္ပဇ္ဇိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အကုသလာ ဓမ္မာ န ဥပ္ပဇ္ဇိဿန္တိ။ အဂ္ဂမဂ္ဂဿ ဘင်္ဂက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ န ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ တေသံ တတ္ထ အကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ။ အဂ္ဂမဂ္ဂဿ ဘင်္ဂက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ အသညသတ္တာနံ တေသံ တတ္ထ အကုသလာ စ ဓမ္မာ န ဥပ္ပဇ္ဇိဿန္တိ ကုသလာ စ ဓမ္မာ န ဥပ္ပဇ္ဇန္တိ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န ဥပ္ပဇ္ဇိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န ဥပ္ပဇ္ဇိဿန္တိ။ ပစ္ဆိမစိတ္တသမင်္ဂီနံ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ? အာမန္တာ။
၈၈. (က) ယဿ ယတ္ထ အကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န ဥပ္ပဇ္ဇိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န ဥပ္ပဇ္ဇိဿန္တိ။ ပစ္ဆိမစိတ္တသမင်္ဂီနံ တေသံ တတ္ထ အကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇိဿန္တိ တဿ တတ္ထ အကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(၆) အတီတာနာဂတဝါရော
(က) အနုလောမပုဂ္ဂလော
၈၉. (က) ယဿ ကုသလာ ဓမ္မာ ဥပ္ပဇ္ဇိတ္ထ တဿ အကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ ကုသလာ ဓမ္မာ ဥပ္ပဇ္ဇိတ္ထ၊ နော စ တေသံ အကုသလာ ဓမ္မာ ဥပ္ပဇ္ဇိဿန္တိ။ ဣတရေသံ တေသံ ကုသလာ စ ဓမ္မာ ဥပ္ပဇ္ဇိတ္ထ အကုသလာ စ ဓမ္မာ ဥပ္ပဇ္ဇိဿန္တိ။
(ခ) ယဿ ဝါ ပန အကုသလာ ဓမ္မာ ဥပ္ပဇ္ဇိဿန္တိ တဿ ကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(က) ယဿ ကုသလာ ဓမ္မာ ဥပ္ပဇ္ဇိတ္ထ တဿ အဗျာကတာ ဓမ္မာ ဥပ္ပဇ္ဇိဿန္တီတိ?
ပစ္ဆိမစိတ္တသမင်္ဂီနံ တေသံ ကုသလာ ဓမ္မာ ဥပ္ပဇ္ဇိတ္ထ၊ နော စ တေသံ အဗျာကတာ ဓမ္မာ ဥပ္ပဇ္ဇိဿန္တိ။ ဣတရေသံ တေသံ ကုသလာ စ ဓမ္မာ ဥပ္ပဇ္ဇိတ္ထ အဗျာကတာ စ ဓမ္မာ ဥပ္ပဇ္ဇိဿန္တိ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇိဿန္တိ တဿ ကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
၉၀. (က) ယဿ အကုသလာ ဓမ္မာ ဥပ္ပဇ္ဇိတ္ထ တဿ အဗျာကတာ ဓမ္မာ ဥပ္ပဇ္ဇိဿန္တီတိ?
ပစ္ဆိမစိတ္တသမင်္ဂီနံ တေသံ အကုသလာ ဓမ္မာ ဥပ္ပဇ္ဇိတ္ထ ၊ နော စ တေသံ အဗျာကတာ ဓမ္မာ ဥပ္ပဇ္ဇိဿန္တိ။ ဣတရေသံ တေသံ အကုသလာ စ ဓမ္မာ ဥပ္ပဇ္ဇိတ္ထ အဗျာကတာ စ ဓမ္မာ ဥပ္ပဇ္ဇိဿန္တိ။
(ခ) ယဿ ဝါ ပန အဗျာကတာ ဓမ္မာ ဥပ္ပဇ္ဇိဿန္တိ တဿ အကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) အနုလောမဩကာသော
၉၁. ယတ္ထ ကုသလာ ဓမ္မာ ဥပ္ပဇ္ဇိတ္ထ တတ္ထ အကုသလာ ဓမ္မာ ဥပ္ပဇ္ဇိဿန္တီတိ?။ပေ.။။
(ဂ) အနုလောမပုဂ္ဂလောကာသာ
၉၂. (က) ယဿ ယတ္ထ ကုသလာ ဓမ္မာ ဥပ္ပဇ္ဇိတ္ထ တဿ တတ္ထ အကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ကုသလာ စ ဓမ္မာ ဥပ္ပဇ္ဇိတ္ထ အကုသလာ စ ဓမ္မာ ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ တေသံ တတ္ထ အကုသလာ ဓမ္မာ ဥပ္ပဇ္ဇိဿန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အကုသလာ စ ဓမ္မာ ဥပ္ပဇ္ဇိဿန္တိ ကုသလာ စ ဓမ္မာ ဥပ္ပဇ္ဇိတ္ထ။
(က) ယဿ ယတ္ထ ကုသလာ ဓမ္မာ ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ ဥပ္ပဇ္ဇိဿန္တီတိ?
ပစ္ဆိမစိတ္တသမင်္ဂီနံ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ အဗျာကတာ ဓမ္မာ ဥပ္ပဇ္ဇိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ကုသလာ စ ဓမ္မာ ဥပ္ပဇ္ဇိတ္ထ အဗျာကတာ စ ဓမ္မာ ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ ဥပ္ပဇ္ဇိဿန္တိ ကုသလာ စ ဓမ္မာ ဥပ္ပဇ္ဇိတ္ထ။
၉၃. (က) ယဿ ယတ္ထ အကုသလာ ဓမ္မာ ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ ဥပ္ပဇ္ဇိဿန္တီတိ?
ပစ္ဆိမစိတ္တသမင်္ဂီနံ တေသံ တတ္ထ အကုသလာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ အဗျာကတာ ဓမ္မာ ဥပ္ပဇ္ဇိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အကုသလာ စ ဓမ္မာ ဥပ္ပဇ္ဇိတ္ထ အဗျာကတာ စ ဓမ္မာ ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ ဥပ္ပဇ္ဇိဿန္တိ တဿ တတ္ထ အကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ ဥပ္ပဇ္ဇိဿန္တိ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ ဥပ္ပဇ္ဇိဿန္တိ အကုသလာ စ ဓမ္မာ ဥပ္ပဇ္ဇိတ္ထ။
(ဃ) ပစ္စနီကပုဂ္ဂလော
၉၄. (က) ယဿ ကုသလာ ဓမ္မာ န ဥပ္ပဇ္ဇိတ္ထ တဿ အကုသလာ ဓမ္မာ န ဥပ္ပဇ္ဇိဿန္တီတိ? နတ္ထိ။
(ခ) ယဿ ဝါ ပန အကုသလာ ဓမ္မာ န ဥပ္ပဇ္ဇိဿန္တိ တဿ ကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
(က) ယဿ ကုသလာ ဓမ္မာ န ဥပ္ပဇ္ဇိတ္ထ တဿ အဗျာကတာ ဓမ္မာ န ဥပ္ပဇ္ဇိဿန္တီတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇိဿန္တိ တဿ ကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
၉၅. (က) ယဿ အကုသလာ ဓမ္မာ န ဥပ္ပဇ္ဇိတ္ထ တဿ အဗျာကတာ ဓမ္မာ န ဥပ္ပဇ္ဇိဿန္တီတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န ဥပ္ပဇ္ဇိဿန္တိ တဿ အကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
(င) ပစ္စနီကဩကာသော
၉၆. ယတ္ထ ကုသလာ ဓမ္မာ န ဥပ္ပဇ္ဇိတ္ထ တတ္ထ အကုသလာ ဓမ္မာ န ဥပ္ပဇ္ဇိဿန္တီတိ?။ပေ.။။
(စ) ပစ္စနီကပုဂ္ဂလောကာသာ
၉၇. (က) ယဿ ယတ္ထ ကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အကုသလာ ဓမ္မာ န ဥပ္ပဇ္ဇိဿန္တီတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ တေသံ တတ္ထ ကုသလာ ဓမ္မာ န ဥပ္ပဇ္ဇိတ္ထ၊ နော စ တေသံ တတ္ထ အကုသလာ ဓမ္မာ န ဥပ္ပဇ္ဇိဿန္တိ။ အသညသတ္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇိတ္ထ အကုသလာ စ ဓမ္မာ န ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ န ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ အကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ တတ္ထ ကုသလာ ဓမ္မာ န ဥပ္ပဇ္ဇိတ္ထ။ အသညသတ္တာနံ တေသံ တတ္ထ အကုသလာ စ ဓမ္မာ န ဥပ္ပဇ္ဇိဿန္တိ ကုသလာ စ ဓမ္မာ န ဥပ္ပဇ္ဇိတ္ထ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ န ဥပ္ပဇ္ဇိဿန္တီတိ? ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
၉၈. (က) ယဿ ယတ္ထ အကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ န ဥပ္ပဇ္ဇိဿန္တီတိ? ဥပ္ပဇ္ဇိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န ဥပ္ပဇ္ဇိဿန္တိ တဿ တတ္ထ အကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
ဥပ္ပါဒဝါရော။
၂. နိရောဓဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၉၉. (က) ယဿ ကုသလာ ဓမ္မာ နိရုဇ္ဈန္တိ တဿ အကုသလာ ဓမ္မာ နိရုဇ္ဈန္တီတိ? နော။
(ခ) ယဿ ဝါ ပန အကုသလာ ဓမ္မာ နိရုဇ္ဈန္တိ တဿ ကုသလာ ဓမ္မာ နိရုဇ္ဈန္တီတိ? နော။
(က) ယဿ ကုသလာ ဓမ္မာ နိရုဇ္ဈန္တိ တဿ အဗျာကတာ ဓမ္မာ နိရုဇ္ဈန္တီတိ?
အရူပေ ကုသလာနံ ဘင်္ဂက္ခဏေ တေသံ ကုသလာ ဓမ္မာ နိရုဇ္ဈန္တိ၊ နော စ တေသံ အဗျာကတာ ဓမ္မာ နိရုဇ္ဈန္တိ။ ပဉ္စဝေါကာရေ ကုသလာနံ ဘင်္ဂက္ခဏေ တေသံ ကုသလာ စ ဓမ္မာ နိရုဇ္ဈန္တိ အဗျာကတာ စ ဓမ္မာ နိရုဇ္ဈန္တိ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈန္တိ တဿ ကုသလာ ဓမ္မာ နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ ကုသလဝိပ္ပယုတ္တစိတ္တဿ ဘင်္ဂက္ခဏေ တေသံ အဗျာကတာ ဓမ္မာ နိရုဇ္ဈန္တိ၊ နော စ တေသံ ကုသလာ ဓမ္မာ နိရုဇ္ဈန္တိ။ ပဉ္စဝေါကာရေ ကုသလာနံ ဘင်္ဂက္ခဏေ တေသံ အဗျာကတာ စ ဓမ္မာ နိရုဇ္ဈန္တိ ကုသလာ စ ဓမ္မာ နိရုဇ္ဈန္တိ။
၁၀၀. (က) ယဿ အကုသလာ ဓမ္မာ နိရုဇ္ဈန္တိ တဿ အဗျာကတာ ဓမ္မာ နိရုဇ္ဈန္တီတိ?
အရူပေ အကုသလာနံ ဘင်္ဂက္ခဏေ တေသံ အကုသလာ ဓမ္မာ နိရုဇ္ဈန္တိ၊ နော စ တေသံ အဗျာကတာ ဓမ္မာ နိရုဇ္ဈန္တိ။ ပဉ္စဝေါကာရေ အကုသလာနံ ဘင်္ဂက္ခဏေ တေသံ အကုသလာ စ ဓမ္မာ နိရုဇ္ဈန္တိ အဗျာကတာ စ ဓမ္မာ နိရုဇ္ဈန္တိ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈန္တိ တဿ အကုသလာ ဓမ္မာ နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ အကုသလဝိပ္ပယုတ္တစိတ္တဿ ဘင်္ဂက္ခဏေ တေသံ အဗျာကတာ ဓမ္မာ နိရုဇ္ဈန္တိ၊ နော စ တေသံ အကုသလာ ဓမ္မာ နိရုဇ္ဈန္တိ။ ပဉ္စဝေါကာရေ အကုသလာနံ ဘင်္ဂက္ခဏေ တေသံ အဗျာကတာ စ ဓမ္မာ နိရုဇ္ဈန္တိ အကုသလာ စ ဓမ္မာ နိရုဇ္ဈန္တိ။
(ခ) အနုလောမဩကာသော
၁၀၁. (က) ယတ္ထ ကုသလာ ဓမ္မာ နိရုဇ္ဈန္တိ တတ္ထ အကုသလာ ဓမ္မာ နိရုဇ္ဈန္တီတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ နိရုဇ္ဈန္တိ တတ္ထ ကုသလာ ဓမ္မာ နိရုဇ္ဈန္တီတိ? အာမန္တာ။
(က) ယတ္ထ ကုသလာ ဓမ္မာ နိရုဇ္ဈန္တိ တတ္ထ အဗျာကတာ ဓမ္မာ နိရုဇ္ဈန္တီတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ နိရုဇ္ဈန္တိ တတ္ထ ကုသလာ ဓမ္မာ နိရုဇ္ဈန္တီတိ?
အသညသတ္တေ တတ္ထ အဗျာကတာ ဓမ္မာ နိရုဇ္ဈန္တိ၊ နော စ တတ္ထ ကုသလာ ဓမ္မာ နိရုဇ္ဈန္တိ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ နိရုဇ္ဈန္တိ ကုသလာ စ ဓမ္မာ နိရုဇ္ဈန္တိ။
၁၀၂. (က) ယတ္ထ အကုသလာ ဓမ္မာ နိရုဇ္ဈန္တိ တတ္ထ အဗျာကတာ ဓမ္မာ နိရုဇ္ဈန္တီတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ နိရုဇ္ဈန္တိ တတ္ထ အကုသလာ ဓမ္မာ နိရုဇ္ဈန္တီတိ?
အသညသတ္တေ တတ္ထ အဗျာကတာ ဓမ္မာ နိရုဇ္ဈန္တိ၊ နော စ တတ္ထ အကုသလာ ဓမ္မာ နိရုဇ္ဈန္တိ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ နိရုဇ္ဈန္တိ အကုသလာ စ ဓမ္မာ နိရုဇ္ဈန္တိ။
(ဂ) အနုလောမပုဂ္ဂလောကာသာ
၁၀၃. (က) ယဿ ယတ္ထ ကုသလာ ဓမ္မာ နိရုဇ္ဈန္တိ တဿ တတ္ထ အကုသလာ ဓမ္မာ နိရုဇ္ဈန္တီတိ? နော။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈန္တိ တဿ တတ္ထ ကုသလာ ဓမ္မာ နိရုဇ္ဈန္တီတိ? နော။
(က) ယဿ ယတ္ထ ကုသလာ ဓမ္မာ နိရုဇ္ဈန္တိ တဿ တတ္ထ အဗျာကတာ ဓမ္မာ နိရုဇ္ဈန္တီတိ?
အရူပေ ကုသလာနံ ဘင်္ဂက္ခဏေ တေသံ တတ္ထ ကုသလာ ဓမ္မာ နိရုဇ္ဈန္တိ၊ နော စ တေသံ တတ္ထ အဗျာကတာ ဓမ္မာ နိရုဇ္ဈန္တိ။ ပဉ္စဝေါကာရေ ကုသလာနံ ဘင်္ဂက္ခဏေ တေသံ တတ္ထ ကုသလာ စ ဓမ္မာ နိရုဇ္ဈန္တိ အဗျာကတာ စ ဓမ္မာ နိရုဇ္ဈန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈန္တိ တဿ တတ္ထ ကုသလာ ဓမ္မာ နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ ကုသလဝိပ္ပယုတ္တစိတ္တဿ ဘင်္ဂက္ခဏေ တေသံ တတ္ထ အဗျာကတာ ဓမ္မာ နိရုဇ္ဈန္တိ၊ နော စ တေသံ တတ္ထ ကုသလာ ဓမ္မာ နိရုဇ္ဈန္တိ။ ပဉ္စဝေါကာရေ ကုသလာနံ ဘင်္ဂက္ခဏေ တေသံ တတ္ထ အဗျာကတာ စ ဓမ္မာ နိရုဇ္ဈန္တိ ကုသလာ စ ဓမ္မာ နိရုဇ္ဈန္တိ။
၁၀၄. (က) ယဿ ယတ္ထ အကုသလာ ဓမ္မာ နိရုဇ္ဈန္တိ တဿ တတ္ထ အဗျာကတာ ဓမ္မာ နိရုဇ္ဈန္တီတိ?
အရူပေ အကုသလာနံ ဘင်္ဂက္ခဏေ တေသံ တတ္ထ အကုသလာ ဓမ္မာ နိရုဇ္ဈန္တိ၊ နော စ တေသံ တတ္ထ အဗျာကတာ ဓမ္မာ နိရုဇ္ဈန္တိ။ ပဉ္စဝေါကာရေ အကုသလာနံ ဘင်္ဂက္ခဏေ တေသံ တတ္ထ အကုသလာ စ ဓမ္မာ နိရုဇ္ဈန္တိ အဗျာကတာ စ ဓမ္မာ နိရုဇ္ဈန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈန္တိ တဿ တတ္ထ အကုသလာ ဓမ္မာ နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ အကုသလဝိပ္ပယုတ္တစိတ္တဿ ဘင်္ဂက္ခဏေ တေသံ တတ္ထ အဗျာကတာ ဓမ္မာ နိရုဇ္ဈန္တိ၊ နော စ တေသံ တတ္ထ အကုသလာ ဓမ္မာ နိရုဇ္ဈန္တိ။ ပဉ္စဝေါကာရေ အကုသလာနံ ဘင်္ဂက္ခဏေ တေသံ တတ္ထ အဗျာကတာ စ ဓမ္မာ နိရုဇ္ဈန္တိ အကုသလာ စ ဓမ္မာ နိရုဇ္ဈန္တိ။
(ဃ) ပစ္စနီကပုဂ္ဂလော
၁၀၅. (က) ယဿ ကုသလာ ဓမ္မာ န နိရုဇ္ဈန္တိ တဿ အကုသလာ ဓမ္မာ န နိရုဇ္ဈန္တီတိ?
အကုသလာနံ ဘင်္ဂက္ခဏေ တေသံ ကုသလာ ဓမ္မာ န နိရုဇ္ဈန္တိ၊ နော စ တေသံ အကုသလာ ဓမ္မာ န နိရုဇ္ဈန္တိ။ သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တအကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ကုသလာ စ ဓမ္မာ န နိရုဇ္ဈန္တိ အကုသလာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန အကုသလာ ဓမ္မာ န နိရုဇ္ဈန္တိ တဿ ကုသလာ ဓမ္မာ န နိရုဇ္ဈန္တီတိ?
ကုသလာနံ ဘင်္ဂက္ခဏေ တေသံ အကုသလာ ဓမ္မာ န နိရုဇ္ဈန္တိ၊ နော စ တေသံ ကုသလာ ဓမ္မာ န နိရုဇ္ဈန္တိ။ သဗ္ဗေသံ စိတ္တဿ ဥပ္ပါဒက္ခဏေ အကုသလဝိပ္ပယုတ္တကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ အကုသလာ စ ဓမ္မာ န နိရုဇ္ဈန္တိ ကုသလာ စ ဓမ္မာ န နိရုဇ္ဈန္တိ။
(က) ယဿ ကုသလာ ဓမ္မာ န နိရုဇ္ဈန္တိ တဿ အဗျာကတာ ဓမ္မာ န နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ ကုသလဝိပ္ပယုတ္တစိတ္တဿ ဘင်္ဂက္ခဏေ တေသံ ကုသလာ ဓမ္မာ န နိရုဇ္ဈန္တိ၊ နော စ တေသံ အဗျာကတာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ အရူပေ အကုသလာနံ ဘင်္ဂက္ခဏေ တေသံ ကုသလာ စ ဓမ္မာ န နိရုဇ္ဈန္တိ အဗျာကတာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈန္တိ တဿ ကုသလာ ဓမ္မာ န နိရုဇ္ဈန္တီတိ?
အရူပေ ကုသလာနံ ဘင်္ဂက္ခဏေ တေသံ အဗျာကတာ ဓမ္မာ န နိရုဇ္ဈန္တိ၊ နော စ တေသံ ကုသလာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ အရူပေ အကုသလာနံ ဘင်္ဂက္ခဏေ တေသံ အဗျာကတာ စ ဓမ္မာ န နိရုဇ္ဈန္တိ ကုသလာ စ ဓမ္မာ န နိရုဇ္ဈန္တိ။
၁၀၆. (က) ယဿ အကုသလာ ဓမ္မာ န နိရုဇ္ဈန္တိ တဿ အဗျာကတာ ဓမ္မာ န နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ အကုသလဝိပ္ပယုတ္တစိတ္တဿ ဘင်္ဂက္ခဏေ တေသံ အကုသလာ ဓမ္မာ န နိရုဇ္ဈန္တိ၊ နော စ တေသံ အဗျာကတာ ဓမ္မာ န နိရုဇ္ဈန္တိ ။ သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ အရူပေ ကုသလာနံ ဘင်္ဂက္ခဏေ တေသံ အကုသလာ စ ဓမ္မာ န နိရုဇ္ဈန္တိ အဗျာကတာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈန္တိ တဿ အကုသလာ ဓမ္မာ န နိရုဇ္ဈန္တီတိ?
အရူပေ အကုသလာနံ ဘင်္ဂက္ခဏေ တေသံ အဗျာကတာ ဓမ္မာ န နိရုဇ္ဈန္တိ၊ နော စ တေသံ အကုသလာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ အရူပေ ကုသလာနံ ဘင်္ဂက္ခဏေ တေသံ အဗျာကတာ စ ဓမ္မာ န နိရုဇ္ဈန္တိ အကုသလာ စ ဓမ္မာ န နိရုဇ္ဈန္တိ။
(င) ပစ္စနီကဩကာသော
၁၀၇. (က) ယတ္ထ ကုသလာ ဓမ္မာ န နိရုဇ္ဈန္တိ တတ္ထ အကုသလာ ဓမ္မာ န နိရုဇ္ဈန္တီတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ န နိရုဇ္ဈန္တိ တတ္ထ ကုသလာ ဓမ္မာ န နိရုဇ္ဈန္တီတိ? အာမန္တာ။
(က) ယတ္ထ ကုသလာ ဓမ္မာ န နိရုဇ္ဈန္တိ တတ္ထ အဗျာကတာ ဓမ္မာ န နိရုဇ္ဈန္တီတိ? နိရုဇ္ဈန္တိ။
(ခ) ယတ္ထ ဝါ ပန အဗျာကတာ ဓမ္မာ န နိရုဇ္ဈန္တိ တတ္ထ ကုသလာ ဓမ္မာ န နိရုဇ္ဈန္တီတိ? နတ္ထိ။
၁၀၈. (က) ယတ္ထ အကုသလာ ဓမ္မာ န နိရုဇ္ဈန္တိ တတ္ထ အဗျာကတာ ဓမ္မာ န နိရုဇ္ဈန္တီတိ? နိရုဇ္ဈန္တိ။
(ခ) ယတ္ထ ဝါ ပန အဗျာကတာ ဓမ္မာ န နိရုဇ္ဈန္တိ တတ္ထ အကုသလာ ဓမ္မာ န နိရုဇ္ဈန္တီတိ? နတ္ထိ။
(စ) ပစ္စနီကပုဂ္ဂလောကာသာ
၁၀၉. (က) ယဿ ယတ္ထ ကုသလာ ဓမ္မာ န နိရုဇ္ဈန္တိ တဿ တတ္ထ အကုသလာ ဓမ္မာ န နိရုဇ္ဈန္တီတိ?
အကုသလာနံ ဘင်္ဂက္ခဏေ တေသံ တတ္ထ ကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ အကုသလာ ဓမ္မာ န နိရုဇ္ဈန္တိ။ သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တအကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကုသလာ စ ဓမ္မာ န နိရုဇ္ဈန္တိ အကုသလာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈန္တိ တဿ တတ္ထ ကုသလာ ဓမ္မာ န နိရုဇ္ဈန္တီတိ?
ကုသလာနံ ဘင်္ဂက္ခဏေ တေသံ တတ္ထ အကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ ကုသလာ ဓမ္မာ န နိရုဇ္ဈန္တိ။ သဗ္ဗေသံ စိတ္တဿ ဥပ္ပါဒက္ခဏေ အကုသလဝိပ္ပယုတ္တကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ အကုသလာ စ ဓမ္မာ န နိရုဇ္ဈန္တိ ကုသလာ စ ဓမ္မာ န နိရုဇ္ဈန္တိ။
(က) ယဿ ယတ္ထ ကုသလာ ဓမ္မာ န နိရုဇ္ဈန္တိ တဿ တတ္ထ အဗျာကတာ ဓမ္မာ န နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ ကုသလဝိပ္ပယုတ္တစိတ္တဿ ဘင်္ဂက္ခဏေ တေသံ တတ္ထ ကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ အရူပေ အကုသလာနံ ဘင်္ဂက္ခဏေ တေသံ တတ္ထ ကုသလာ စ ဓမ္မာ န နိရုဇ္ဈန္တိ အဗျာကတာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈန္တိ တဿ တတ္ထ ကုသလာ ဓမ္မာ န နိရုဇ္ဈန္တီတိ?
အရူပေ ကုသလာနံ ဘင်္ဂက္ခဏေ တေသံ တတ္ထ အဗျာကတာ ဓမ္မာ န နိရုဇ္ဈန္တိ၊ နော စ တေသံ တတ္ထ ကုသလာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ အရူပေ အကုသလာနံ ဘင်္ဂက္ခဏေ တေသံ တတ္ထ အဗျာကတာ စ ဓမ္မာ န နိရုဇ္ဈန္တိ ကုသလာ စ ဓမ္မာ န နိရုဇ္ဈန္တိ။
၁၁၀. (က) ယဿ ယတ္ထ အကုသလာ ဓမ္မာ န နိရုဇ္ဈန္တိ တဿ တတ္ထ အဗျာကတာ ဓမ္မာ န နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ အကုသလဝိပ္ပယုတ္တစိတ္တဿ ဘင်္ဂက္ခဏေ တေသံ တတ္ထ အကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ အရူပေ ကုသလာနံ ဘင်္ဂက္ခဏေ တေသံ တတ္ထ အကုသလာ စ ဓမ္မာ န နိရုဇ္ဈန္တိ အဗျာကတာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈန္တိ တဿ တတ္ထ အကုသလာ ဓမ္မာ န နိရုဇ္ဈန္တီတိ?
အရူပေ အကုသလာနံ ဘင်္ဂက္ခဏေ တေသံ တတ္ထ အဗျာကတာ ဓမ္မာ န နိရုဇ္ဈန္တိ၊ နော စ တေသံ တတ္ထ အကုသလာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ စိတ္တဿ ဥပ္ပါဒက္ခဏေ အရူပေ ကုသလာနံ ဘင်္ဂက္ခဏေ တေသံ တတ္ထ အဗျာကတာ စ ဓမ္မာ န နိရုဇ္ဈန္တိ အကုသလာ စ ဓမ္မာ န နိရုဇ္ဈန္တိ။
(၂) အတီတဝါရော
(က) အနုလောမပုဂ္ဂလော
၁၁၁. (က) ယဿ ကုသလာ ဓမ္မာ နိရုဇ္ဈိတ္ထ တဿ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အကုသလာ ဓမ္မာ နိရုဇ္ဈိတ္ထ တဿ ကုသလာ ဓမ္မာ နိရုဇ္ဈိတ္ထာတိ? အာမန္တာ။
(က) ယဿ ကုသလာ ဓမ္မာ နိရုဇ္ဈိတ္ထ တဿ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိတ္ထ တဿ ကုသလာ ဓမ္မာ နိရုဇ္ဈိတ္ထာတိ? အာမန္တာ။
၁၁၂. (က) ယဿ အကုသလာ ဓမ္မာ နိရုဇ္ဈိတ္ထ တဿ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိတ္ထ တဿ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) အနုလောမဩကာသော
၁၁၃. (က) ယတ္ထ ကုသလာ ဓမ္မာ နိရုဇ္ဈိတ္ထ တတ္ထ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ နိရုဇ္ဈိတ္ထ တတ္ထ ကုသလာ ဓမ္မာ နိရုဇ္ဈိတ္ထာတိ? အာမန္တာ။
(က) ယတ္ထ ကုသလာ ဓမ္မာ နိရုဇ္ဈိတ္ထ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ နိရုဇ္ဈိတ္ထ တတ္ထ ကုသလာ ဓမ္မာ နိရုဇ္ဈိတ္ထာတိ?
အသညသတ္တေ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တတ္ထ ကုသလာ ဓမ္မာ နိရုဇ္ဈိတ္ထ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ နိရုဇ္ဈိတ္ထ ကုသလာ စ ဓမ္မာ နိရုဇ္ဈိတ္ထ။
၁၁၄. (က) ယတ္ထ အကုသလာ ဓမ္မာ နိရုဇ္ဈိတ္ထ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ နိရုဇ္ဈိတ္ထ တတ္ထ အကုသလာ ဓမ္မာ နိရုဇ္ဈိတ္ထာတိ?
အသညသတ္တေ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တတ္ထ အကုသလာ ဓမ္မာ နိရုဇ္ဈိတ္ထ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ နိရုဇ္ဈိတ္ထ အကုသလာ စ ဓမ္မာ နိရုဇ္ဈိတ္ထ။
(ဂ) အနုလောမပုဂ္ဂလောကာသာ
၁၁၅. (က) ယဿ ယတ္ထ ကုသလာ ဓမ္မာ နိရုဇ္ဈိတ္ထ တဿ တတ္ထ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈိတ္ထ တဿ တတ္ထ ကုသလာ ဓမ္မာ နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ အကုသလေ စိတ္တေ ဝတ္တမာနေ တေသံ တတ္ထ အကုသလာ ဓမ္မာ နိရုဇ္ဈိတ္ထ၊ နော စ တေသံ တတ္ထ ကုသလာ ဓမ္မာ နိရုဇ္ဈိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အကုသလာ စ ဓမ္မာ နိရုဇ္ဈိတ္ထ ကုသလာ စ ဓမ္မာ နိရုဇ္ဈိတ္ထ။
(က) ယဿ ယတ္ထ ကုသလာ ဓမ္မာ နိရုဇ္ဈိတ္ထ တဿ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိတ္ထ တဿ တတ္ထ ကုသလာ ဓမ္မာ နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တေသံ တတ္ထ ကုသလာ ဓမ္မာ နိရုဇ္ဈိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိတ္ထ ကုသလာ စ ဓမ္မာ နိရုဇ္ဈိတ္ထ။
၁၁၆. (က) ယဿ ယတ္ထ အကုသလာ ဓမ္မာ နိရုဇ္ဈိတ္ထ တဿ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိတ္ထ တဿ တတ္ထ အကုသလာ ဓမ္မာ နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တေသံ တတ္ထ အကုသလာ ဓမ္မာ နိရုဇ္ဈိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိတ္ထ အကုသလာ စ ဓမ္မာ နိရုဇ္ဈိတ္ထ။
(ဃ) ပစ္စနီကပုဂ္ဂလော
၁၁၇. (က) ယဿ ကုသလာ ဓမ္မာ န နိရုဇ္ဈိတ္ထ တဿ အကုသလာ ဓမ္မာ န နိရုဇ္ဈိတ္ထာတိ? နတ္ထိ။
(ခ) ယဿ ဝါ ပန အကုသလာ ဓမ္မာ န နိရုဇ္ဈိတ္ထ တဿ ကုသလာ ဓမ္မာ န နိရုဇ္ဈိတ္ထာတိ? နတ္ထိ။
(က) ယဿ ကုသလာ ဓမ္မာ န နိရုဇ္ဈိတ္ထ တဿ အဗျာကတာ ဓမ္မာ န နိရုဇ္ဈိတ္ထာတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိတ္ထ တဿ ကုသလာ ဓမ္မာ န နိရုဇ္ဈိတ္ထာတိ? နတ္ထိ။
၁၁၈. (က) ယဿ အကုသလာ ဓမ္မာ န နိရုဇ္ဈိတ္ထ တဿ အဗျာကတာ ဓမ္မာ န နိရုဇ္ဈိတ္ထာတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိတ္ထ တဿ အကုသလာ ဓမ္မာ န နိရုဇ္ဈိတ္ထာတိ? နတ္ထိ။
(င) ပစ္စနီကဩကာသော
၁၁၉. (က) ယတ္ထ ကုသလာ ဓမ္မာ န နိရုဇ္ဈိတ္ထ တတ္ထ အကုသလာ ဓမ္မာ န နိရုဇ္ဈိတ္ထာတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ န နိရုဇ္ဈိတ္ထ တတ္ထ ကုသလာ ဓမ္မာ န နိရုဇ္ဈိတ္ထာတိ? အာမန္တာ။
(က) ယတ္ထ ကုသလာ ဓမ္မာ န နိရုဇ္ဈိတ္ထ တတ္ထ အဗျာကတာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယတ္ထ ဝါ ပန အဗျာကတာ ဓမ္မာ န နိရုဇ္ဈိတ္ထ တတ္ထ ကုသလာ ဓမ္မာ န နိရုဇ္ဈိတ္ထာတိ? နတ္ထိ။
၁၂၀. (က) ယတ္ထ အကုသလာ ဓမ္မာ န နိရုဇ္ဈိတ္ထ တတ္ထ အဗျာကတာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယတ္ထ ဝါ ပန အဗျာကတာ ဓမ္မာ န နိရုဇ္ဈိတ္ထ တတ္ထ အကုသလာ ဓမ္မာ န နိရုဇ္ဈိတ္ထာတိ? နတ္ထိ။
(စ) ပစ္စနီကပုဂ္ဂလောကာသာ
၁၂၁. (က) ယဿ ယတ္ထ ကုသလာ ဓမ္မာ န နိရုဇ္ဈိတ္ထ တဿ တတ္ထ အကုသလာ ဓမ္မာ န နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ အကုသလေ စိတ္တေ ဝတ္တမာနေ တေသံ တတ္ထ ကုသလာ ဓမ္မာ န နိရုဇ္ဈိတ္ထ၊ နော စ တေသံ တတ္ထ အကုသလာ ဓမ္မာ န နိရုဇ္ဈိတ္ထ။ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကုသလာ စ ဓမ္မာ န နိရုဇ္ဈိတ္ထ အကုသလာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈိတ္ထ တဿ တတ္ထ ကုသလာ ဓမ္မာ န နိရုဇ္ဈိတ္ထာတိ? အာမန္တာ။
(က) ယဿ ယတ္ထ ကုသလာ ဓမ္မာ န နိရုဇ္ဈိတ္ထ တဿ တတ္ထ အဗျာကတာ ဓမ္မာ န နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကုသလာ ဓမ္မာ န နိရုဇ္ဈိတ္ထ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ ကုသလာ စ ဓမ္မာ န နိရုဇ္ဈိတ္ထ အဗျာကတာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိတ္ထ တဿ တတ္ထ ကုသလာ ဓမ္မာ န နိရုဇ္ဈိတ္ထာတိ? အာမန္တာ။
၁၂၂. (က) ယဿ ယတ္ထ အကုသလာ ဓမ္မာ န နိရုဇ္ဈိတ္ထ တဿ တတ္ထ အဗျာကတာ ဓမ္မာ န နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အကုသလာ ဓမ္မာ န နိရုဇ္ဈိတ္ထ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ အကုသလာ စ ဓမ္မာ န နိရုဇ္ဈိတ္ထ အဗျာကတာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိတ္ထ တဿ တတ္ထ အကုသလာ ဓမ္မာ န နိရုဇ္ဈိတ္ထာတိ? အာမန္တာ။
(၃) အနာဂတဝါရော
(က) အနုလောမပုဂ္ဂလော
၁၂၃. (က) ယဿ ကုသလာ ဓမ္မာ နိရုဇ္ဈိဿန္တိ တဿ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ ကုသလာ ဓမ္မာ နိရုဇ္ဈိဿန္တိ၊ နော စ တေသံ အကုသလာ ဓမ္မာ နိရုဇ္ဈိဿန္တိ။ ဣတရေသံ တေသံ ကုသလာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန အကုသလာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ နိရုဇ္ဈိဿန္တီတိ? အာမန္တာ။
(က) ယဿ ကုသလာ ဓမ္မာ နိရုဇ္ဈိဿန္တိ တဿ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂဿ ဘင်္ဂက္ခဏေ အရဟန္တာနံ တေသံ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ ကုသလာ ဓမ္မာ နိရုဇ္ဈိဿန္တိ။ ဣတရေသံ တေသံ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ နိရုဇ္ဈိဿန္တိ။
၁၂၄. (က) ယဿ အကုသလာ ဓမ္မာ နိရုဇ္ဈိဿန္တိ တဿ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ အကုသလာ ဓမ္မာ နိရုဇ္ဈိဿန္တိ။ ဣတရေသံ တေသံ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ နိရုဇ္ဈိဿန္တိ။
(ခ) အနုလောမဩကာသော
၁၂၅. ယတ္ထ ကုသလာ ဓမ္မာ နိရုဇ္ဈိဿန္တိ တတ္ထ အကုသလာ ဓမ္မာ နိရုဇ္ဈိဿန္တီတိ?။ပေ.။။
(ဂ) အနုလောမပုဂ္ဂလောကာသာ
၁၂၆. (က) ယဿ ယတ္ထ ကုသလာ ဓမ္မာ နိရုဇ္ဈိဿန္တိ တဿ တတ္ထ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ ကုသလာ ဓမ္မာ နိရုဇ္ဈိဿန္တိ၊ နော စ တေသံ တတ္ထ အကုသလာ ဓမ္မာ နိရုဇ္ဈိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ကုသလာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ နိရုဇ္ဈိဿန္တီတိ? အာမန္တာ။
(က) ယဿ ယတ္ထ ကုသလာ ဓမ္မာ နိရုဇ္ဈိဿန္တိ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂဿ ဘင်္ဂက္ခဏေ အရဟန္တာနံ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ နိရုဇ္ဈိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ နိရုဇ္ဈိဿန္တိ။
၁၂၇. (က) ယဿ ယတ္ထ အကုသလာ ဓမ္မာ နိရုဇ္ဈိဿန္တိ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ အကုသလာ ဓမ္မာ နိရုဇ္ဈိဿန္တီတိ ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ အကုသလာ ဓမ္မာ နိရုဇ္ဈိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ နိရုဇ္ဈိဿန္တိ။
(ဃ) ပစ္စနီကပုဂ္ဂလော
၁၂၈. (က) ယဿ ကုသလာ ဓမ္မာ န နိရုဇ္ဈိဿန္တိ တဿ အကုသလာ ဓမ္မာ န နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန အကုသလာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န နိရုဇ္ဈိဿန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ အကုသလာ ဓမ္မာ န နိရုဇ္ဈိဿန္တိ၊ နော စ တေသံ ကုသလာ ဓမ္မာ န နိရုဇ္ဈိဿန္တိ။ အဂ္ဂမဂ္ဂဿ ဘင်္ဂက္ခဏေ အရဟန္တာနံ တေသံ အကုသလာ စ ဓမ္မာ န နိရုဇ္ဈိဿန္တိ ကုသလာ စ ဓမ္မာ န နိရုဇ္ဈိဿန္တိ။
(က) ယဿ ကုသလာ ဓမ္မာ န နိရုဇ္ဈိဿန္တိ တဿ အဗျာကတာ ဓမ္မာ န နိရုဇ္ဈိဿန္တီတိ?
အဂ္ဂမဂ္ဂဿ ဘင်္ဂက္ခဏေ အရဟန္တာနံ တေသံ ကုသလာ ဓမ္မာ န နိရုဇ္ဈိဿန္တိ၊ နော စ တေသံ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ ကုသလာ စ ဓမ္မာ န နိရုဇ္ဈိဿန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န နိရုဇ္ဈိဿန္တီတိ? အာမန္တာ။
၁၂၉. (က) ယဿ အကုသလာ ဓမ္မာ န နိရုဇ္ဈိဿန္တိ တဿ အဗျာကတာ ဓမ္မာ န နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ အကုသလာ ဓမ္မာ န နိရုဇ္ဈိဿန္တိ၊ နော စ တေသံ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ အကုသလာ စ ဓမ္မာ န နိရုဇ္ဈိဿန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ အကုသလာ ဓမ္မာ န နိရုဇ္ဈိဿန္တီတိ? အာမန္တာ။
(င) ပစ္စနီကဩကာသော
၁၃၀. ယတ္ထ ကုသလာ ဓမ္မာ န နိရုဇ္ဈိဿန္တိ တတ္ထ အကုသလာ ဓမ္မာ န နိရုဇ္ဈိဿန္တီတိ?။ပေ.။။
(စ) ပစ္စနီကပုဂ္ဂလောကာသာ
၁၃၁. (က) ယဿ ယတ္ထ ကုသလာ ဓမ္မာ န နိရုဇ္ဈိဿန္တိ တဿ တတ္ထ အကုသလာ ဓမ္မာ န နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န နိရုဇ္ဈိဿန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ အကုသလာ ဓမ္မာ န နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ န နိရုဇ္ဈိဿန္တိ။ အဂ္ဂမဂ္ဂဿ ဘင်္ဂက္ခဏေ အရဟန္တာနံ အသညသတ္တာနံ တေသံ တတ္ထ အကုသလာ စ ဓမ္မာ န နိရုဇ္ဈိဿန္တိ ကုသလာ စ ဓမ္မာ န နိရုဇ္ဈိဿန္တိ။
(က) ယဿ ယတ္ထ ကုသလာ ဓမ္မာ န နိရုဇ္ဈိဿန္တိ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ?
အဂ္ဂမဂ္ဂဿ ဘင်္ဂက္ခဏေ အရဟန္တာနံ အသညသတ္တာနံ တေသံ တတ္ထ ကုသလာ ဓမ္မာ န နိရုဇ္ဈိဿန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ တတ္ထ ကုသလာ စ ဓမ္မာ န နိရုဇ္ဈိဿန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န နိရုဇ္ဈိဿန္တီတိ? အာမန္တာ။
၁၃၂. (က) ယဿ ယတ္ထ အကုသလာ ဓမ္မာ န နိရုဇ္ဈိဿန္တိ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ အသညသတ္တာနံ တေသံ တတ္ထ အကုသလာ ဓမ္မာ န နိရုဇ္ဈိဿန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ တတ္ထ အကုသလာ စ ဓမ္မာ န နိရုဇ္ဈိဿန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ အကုသလာ ဓမ္မာ န နိရုဇ္ဈိဿန္တီတိ? အာမန္တာ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၁၃၃. (က) ယဿ ကုသလာ ဓမ္မာ နိရုဇ္ဈန္တိ တဿ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အကုသလာ ဓမ္မာ နိရုဇ္ဈိတ္ထ တဿ ကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ အကုသလာ ဓမ္မာ နိရုဇ္ဈိတ္ထ၊ နော စ တေသံ ကုသလာ ဓမ္မာ နိရုဇ္ဈန္တိ။ ကုသလာနံ ဘင်္ဂက္ခဏေ တေသံ အကုသလာ စ ဓမ္မာ နိရုဇ္ဈိတ္ထ ကုသလာ စ ဓမ္မာ နိရုဇ္ဈန္တိ။
(က) ယဿ ကုသလာ ဓမ္မာ နိရုဇ္ဈန္တိ တဿ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိတ္ထ တဿ ကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ နိရုဇ္ဈိတ္ထ၊ နော စ တေသံ ကုသလာ ဓမ္မာ နိရုဇ္ဈန္တိ။ ကုသလာနံ ဘင်္ဂက္ခဏေ တေသံ အဗျာကတာ စ ဓမ္မာ နိရုဇ္ဈိတ္ထ ကုသလာ စ ဓမ္မာ နိရုဇ္ဈန္တိ။
၁၃၄. (က) ယဿ အကုသလာ ဓမ္မာ နိရုဇ္ဈန္တိ တဿ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိတ္ထ တဿ အကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ အကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ နိရုဇ္ဈိတ္ထ၊ နော စ တေသံ အကုသလာ ဓမ္မာ နိရုဇ္ဈန္တိ။ အကုသလာနံ ဘင်္ဂက္ခဏေ တေသံ အဗျာကတာ စ ဓမ္မာ နိရုဇ္ဈိတ္ထ အကုသလာ စ ဓမ္မာ နိရုဇ္ဈန္တိ။
(ခ) အနုလောမဩကာသော
၁၃၅. ယတ္ထ ကုသလာ ဓမ္မာ နိရုဇ္ဈန္တိ တတ္ထ အကုသလာ ဓမ္မာ နိရုဇ္ဈိတ္ထာတိ?။ပေ.။။
(ဂ) အနုလောမပုဂ္ဂလောကာသာ
၁၃၆. (က) ယဿ ယတ္ထ ကုသလာ ဓမ္မာ နိရုဇ္ဈန္တိ တဿ တတ္ထ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈိတ္ထ တဿ တတ္ထ ကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ တေသံ တတ္ထ အကုသလာ ဓမ္မာ နိရုဇ္ဈိတ္ထ၊ နော စ တေသံ တတ္ထ ကုသလာ ဓမ္မာ နိရုဇ္ဈန္တိ။ ကုသလာနံ ဘင်္ဂက္ခဏေ တေသံ တတ္ထ အကုသလာ စ ဓမ္မာ နိရုဇ္ဈိတ္ထ ကုသလာ စ ဓမ္မာ နိရုဇ္ဈန္တိ။
(က) ယဿ ယတ္ထ ကုသလာ ဓမ္မာ နိရုဇ္ဈန္တိ တဿ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိတ္ထ တဿ တတ္ထ ကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တေသံ တတ္ထ ကုသလာ ဓမ္မာ နိရုဇ္ဈန္တိ။ ကုသလာနံ ဘင်္ဂက္ခဏေ တေသံ တတ္ထ အဗျာကတာ စ ဓမ္မာ နိရုဇ္ဈိတ္ထ ကုသလာ စ ဓမ္မာ နိရုဇ္ဈန္တိ။
၁၃၇. (က) ယဿ ယတ္ထ အကုသလာ ဓမ္မာ နိရုဇ္ဈန္တိ တဿ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိတ္ထ တဿ တတ္ထ အကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ အကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တေသံ တတ္ထ အကုသလာ ဓမ္မာ နိရုဇ္ဈန္တိ။ အကုသလာနံ ဘင်္ဂက္ခဏေ တေသံ တတ္ထ အဗျာကတာ စ ဓမ္မာ နိရုဇ္ဈိတ္ထ အကုသလာ စ ဓမ္မာ နိရုဇ္ဈန္တိ။
(ဃ) ပစ္စနီကပုဂ္ဂလော
၁၃၈. (က) ယဿ ကုသလာ ဓမ္မာ န နိရုဇ္ဈန္တိ တဿ အကုသလာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန အကုသလာ ဓမ္မာ န နိရုဇ္ဈိတ္ထ တဿ ကုသလာ ဓမ္မာ န နိရုဇ္ဈန္တီတိ? နတ္ထိ။
(က) ယဿ ကုသလာ ဓမ္မာ န နိရုဇ္ဈန္တိ တဿ အဗျာကတာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိတ္ထ တဿ ကုသလာ ဓမ္မာ န နိရုဇ္ဈန္တီတိ? နတ္ထိ။
၁၃၉. (က) ယဿ အကုသလာ ဓမ္မာ န နိရုဇ္ဈန္တိ တဿ အဗျာကတာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိတ္ထ တဿ အကုသလာ ဓမ္မာ န နိရုဇ္ဈန္တီတိ? နတ္ထိ။
(င) ပစ္စနီကဩကာသော
၁၄၀. ယတ္ထ ကုသလာ ဓမ္မာ န နိရုဇ္ဈန္တိ တတ္ထ အကုသလာ ဓမ္မာ န နိရုဇ္ဈိတ္ထာတိ?။ပေ.။။
(စ) ပစ္စနီကပုဂ္ဂလောကာသာ
၁၄၁. (က) ယဿ ယတ္ထ ကုသလာ ဓမ္မာ န နိရုဇ္ဈန္တိ တဿ တတ္ထ အကုသလာ ဓမ္မာ န နိရုဇ္ဈိတ္ထာတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ တေသံ တတ္ထ ကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ အကုသလာ ဓမ္မာ န နိရုဇ္ဈိတ္ထ။ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကုသလာ စ ဓမ္မာ န နိရုဇ္ဈန္တိ အကုသလာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈိတ္ထ တဿ တတ္ထ ကုသလာ ဓမ္မာ န နိရုဇ္ဈန္တီတိ? အာမန္တာ။
(က) ယဿ ယတ္ထ ကုသလာ ဓမ္မာ န နိရုဇ္ဈန္တိ တဿ တတ္ထ အဗျာကတာ ဓမ္မာ န နိရုဇ္ဈိတ္ထာတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ ကုသလာ စ ဓမ္မာ န နိရုဇ္ဈန္တိ အဗျာကတာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိတ္ထ တဿ တတ္ထ ကုသလာ ဓမ္မာ န နိရုဇ္ဈန္တီတိ? အာမန္တာ။
၁၄၂. (က) ယဿ ယတ္ထ အကုသလာ ဓမ္မာ န နိရုဇ္ဈန္တိ တဿ တတ္ထ အဗျာကတာ ဓမ္မာ န နိရုဇ္ဈိတ္ထာတိ?
သဗ္ဗေသံ စိတ္တဿ ဥပ္ပါဒက္ခဏေ အကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ အကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ အကုသလာ စ ဓမ္မာ န နိရုဇ္ဈန္တိ အဗျာကတာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိတ္ထ တဿ တတ္ထ အကုသလာ ဓမ္မာ န နိရုဇ္ဈန္တီတိ? အာမန္တာ။
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၁၄၃. (က) ယဿ ကုသလာ ဓမ္မာ နိရုဇ္ဈန္တိ တဿ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂဿ ဘင်္ဂက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ တေသံ ကုသလာ ဓမ္မာ နိရုဇ္ဈန္တိ၊ နော စ တေသံ အကုသလာ ဓမ္မာ နိရုဇ္ဈိဿန္တိ။ ဣတရေသံ ကုသလာနံ ဘင်္ဂက္ခဏေ တေသံ ကုသလာ စ ဓမ္မာ နိရုဇ္ဈန္တိ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန အကုသလာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ အကုသလာ ဓမ္မာ နိရုဇ္ဈိဿန္တိ၊ နော စ တေသံ ကုသလာ ဓမ္မာ နိရုဇ္ဈန္တိ။ ကုသလာနံ ဘင်္ဂက္ခဏေ တေသံ အကုသလာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ နိရုဇ္ဈန္တိ။
(က) ယဿ ကုသလာ ဓမ္မာ နိရုဇ္ဈန္တိ တဿ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ ကုသလာ ဓမ္မာ နိရုဇ္ဈန္တိ။ ကုသလာနံ ဘင်္ဂက္ခဏေ တေသံ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ နိရုဇ္ဈန္တိ။
၁၄၄. (က) ယဿ အကုသလာ ဓမ္မာ နိရုဇ္ဈန္တိ တဿ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ အကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ အကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ အကုသလာ ဓမ္မာ နိရုဇ္ဈန္တိ။ အကုသလာနံ ဘင်္ဂက္ခဏေ တေသံ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ နိရုဇ္ဈန္တိ။
(ခ) အနုလောမဩကာသော
၁၄၅. ယတ္ထ ကုသလာ ဓမ္မာ နိရုဇ္ဈန္တိ တတ္ထ အကုသလာ ဓမ္မာ နိရုဇ္ဈိဿန္တီတိ?။ပေ.။။
(ဂ) အနုလောမပုဂ္ဂလောကာသာ
၁၄၆. (က) ယဿ ယတ္ထ ကုသလာ ဓမ္မာ နိရုဇ္ဈန္တိ တဿ တတ္ထ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂဿ ဘင်္ဂက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ တေသံ တတ္ထ ကုသလာ ဓမ္မာ နိရုဇ္ဈန္တိ၊ နော စ တေသံ တတ္ထ အကုသလာ ဓမ္မာ နိရုဇ္ဈိဿန္တိ။ ဣတရေသံ ကုသလာနံ ဘင်္ဂက္ခဏေ တေသံ တတ္ထ ကုသလာ စ ဓမ္မာ နိရုဇ္ဈန္တိ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ တေသံ တတ္ထ အကုသလာ ဓမ္မာ နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ နိရုဇ္ဈန္တိ။ ကုသလာနံ ဘင်္ဂက္ခဏေ တေသံ တတ္ထ အကုသလာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ နိရုဇ္ဈန္တိ။
(က) ယဿ ယတ္ထ ကုသလာ ဓမ္မာ နိရုဇ္ဈန္တိ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ နိရုဇ္ဈန္တိ။ ကုသလာနံ ဘင်္ဂက္ခဏေ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ နိရုဇ္ဈန္တိ။
၁၄၇. (က) ယဿ ယတ္ထ အကုသလာ ဓမ္မာ နိရုဇ္ဈန္တိ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ အကုသလာ ဓမ္မာ နိရုဇ္ဈန္တီတိ?
သဗ္ဗေသံ စိတ္တဿ ဥပ္ပါဒက္ခဏေ အကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ အကုသလာ ဓမ္မာ နိရုဇ္ဈန္တိ။ အကုသလာနံ ဘင်္ဂက္ခဏေ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ နိရုဇ္ဈန္တိ။
(ဃ) ပစ္စနီကပုဂ္ဂလော
၁၄၈. (က) ယဿ ကုသလာ ဓမ္မာ န နိရုဇ္ဈန္တိ တဿ အကုသလာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ကုသလာ ဓမ္မာ န နိရုဇ္ဈန္တိ၊ နော စ တေသံ အကုသလာ ဓမ္မာ န နိရုဇ္ဈိဿန္တိ။ အဂ္ဂမဂ္ဂဿ ဥပ္ပါဒက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ တေသံ ကုသလာ စ ဓမ္မာ န နိရုဇ္ဈန္တိ အကုသလာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန အကုသလာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န နိရုဇ္ဈန္တီတိ?
အဂ္ဂမဂ္ဂဿ ဘင်္ဂက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ တေသံ အကုသလာ ဓမ္မာ န နိရုဇ္ဈိဿန္တိ၊ နော စ တေသံ ကုသလာ ဓမ္မာ န နိရုဇ္ဈန္တိ။ အဂ္ဂမဂ္ဂဿ ဥပ္ပါဒက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ တေသံ အကုသလာ စ ဓမ္မာ န နိရုဇ္ဈိဿန္တိ ကုသလာ စ ဓမ္မာ န နိရုဇ္ဈန္တိ။
(က) ယဿ ကုသလာ ဓမ္မာ န နိရုဇ္ဈန္တိ တဿ အဗျာကတာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ကုသလာ ဓမ္မာ န နိရုဇ္ဈန္တိ၊ နော စ တေသံ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ ကုသလာ စ ဓမ္မာ န နိရုဇ္ဈန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န နိရုဇ္ဈန္တီတိ? အာမန္တာ။
၁၄၉. (က) ယဿ အကုသလာ ဓမ္မာ န နိရုဇ္ဈန္တိ တဿ အဗျာကတာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဥပ္ပါဒက္ခဏေ အကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ အကုသလာ ဓမ္မာ န နိရုဇ္ဈန္တိ၊ နော စ တေသံ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ အကုသလာ စ ဓမ္မာ န နိရုဇ္ဈန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ အကုသလာ ဓမ္မာ န နိရုဇ္ဈန္တီတိ? အာမန္တာ။
(င) ပစ္စနီကဩကာသော
၁၅၀. ယတ္ထ ကုသလာ ဓမ္မာ န နိရုဇ္ဈန္တိ တတ္ထ အကုသလာ ဓမ္မာ န နိရုဇ္ဈိဿန္တီတိ?။ပေ.။။
(စ) ပစ္စနီကပုဂ္ဂလောကာသာ
၁၅၁. (က) ယဿ ယတ္ထ ကုသလာ ဓမ္မာ န နိရုဇ္ဈန္တိ တဿ တတ္ထ အကုသလာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ တေသံ တတ္ထ ကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ အကုသလာ ဓမ္မာ န နိရုဇ္ဈိဿန္တိ။ အဂ္ဂမဂ္ဂဿ ဥပ္ပါဒက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ ကုသလာ စ ဓမ္မာ န နိရုဇ္ဈန္တိ အကုသလာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န နိရုဇ္ဈန္တီတိ?
အဂ္ဂမဂ္ဂဿ ဘင်္ဂက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ တေသံ တတ္ထ အကုသလာ ဓမ္မာ န နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ န နိရုဇ္ဈန္တိ။ အဂ္ဂမဂ္ဂဿ ဥပ္ပါဒက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အကုသလာ စ ဓမ္မာ န နိရုဇ္ဈိဿန္တိ ကုသလာ စ ဓမ္မာ န နိရုဇ္ဈန္တိ။
(က) ယဿ ယတ္ထ ကုသလာ ဓမ္မာ န နိရုဇ္ဈန္တိ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဥပ္ပါဒက္ခဏေ ကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ တတ္ထ ကုသလာ စ ဓမ္မာ န နိရုဇ္ဈန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န နိရုဇ္ဈန္တီတိ? အာမန္တာ။
၁၅၂. (က) ယဿ ယတ္ထ အကုသလာ ဓမ္မာ န နိရုဇ္ဈန္တိ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဥပ္ပါဒက္ခဏေ အကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ အကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ တတ္ထ အကုသလာ စ ဓမ္မာ န နိရုဇ္ဈန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ အကုသလာ ဓမ္မာ န နိရုဇ္ဈန္တီတိ? အာမန္တာ။
(၆) အတီတာနာဂတဝါရော
(က) အနုလောမပုဂ္ဂလော
၁၅၃. (က) ယဿ ကုသလာ ဓမ္မာ နိရုဇ္ဈိတ္ထ တဿ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ ကုသလာ ဓမ္မာ နိရုဇ္ဈိတ္ထ၊ နော စ တေသံ အကုသလာ ဓမ္မာ နိရုဇ္ဈိဿန္တိ။ ဣတရေသံ တေသံ ကုသလာ စ ဓမ္မာ နိရုဇ္ဈိတ္ထ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန အကုသလာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ နိရုဇ္ဈိတ္ထာတိ? အာမန္တာ။
(က) ယဿ ကုသလာ ဓမ္မာ နိရုဇ္ဈိတ္ထ တဿ အဗျာကတာ ဓမ္မာ နိရုဇ္ဈိဿန္တီတိ?
ပစ္ဆိမစိတ္တဿ ဘင်္ဂက္ခဏေ တေသံ ကုသလာ ဓမ္မာ နိရုဇ္ဈိတ္ထ၊ နော စ တေသံ အဗျာကတာ ဓမ္မာ နိရုဇ္ဈိဿန္တိ။ ဣတရေသံ တေသံ ကုသလာ စ ဓမ္မာ နိရုဇ္ဈိတ္ထ အဗျာကတာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ နိရုဇ္ဈိတ္ထာတိ? အာမန္တာ။
၁၅၄. (က) ယဿ အကုသလာ ဓမ္မာ နိရုဇ္ဈိတ္ထ တဿ အဗျာကတာ ဓမ္မာ နိရုဇ္ဈိဿန္တီတိ?
ပစ္ဆိမစိတ္တဿ ဘင်္ဂက္ခဏေ တေသံ အကုသလာ ဓမ္မာ နိရုဇ္ဈိတ္ထ၊ နော စ တေသံ အဗျာကတာ ဓမ္မာ နိရုဇ္ဈိဿန္တိ။ ဣတရေသံ တေသံ အကုသလာ စ ဓမ္မာ နိရုဇ္ဈိတ္ထ အဗျာကတာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) အနုလောမဩကာသော
၁၅၅. ယတ္ထ ကုသလာ ဓမ္မာ နိရုဇ္ဈိတ္ထ တတ္ထ အကုသလာ ဓမ္မာ နိရုဇ္ဈိဿန္တီတိ?။ပေ.။။
(ဂ) အနုလောမပုဂ္ဂလောကာသာ
၁၅၆. (က) ယဿ ယတ္ထ ကုသလာ ဓမ္မာ နိရုဇ္ဈိတ္ထ တဿ တတ္ထ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ ကုသလာ ဓမ္မာ နိရုဇ္ဈိတ္ထ၊ နော စ တေသံ တတ္ထ အကုသလာ ဓမ္မာ နိရုဇ္ဈိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ကုသလာ စ ဓမ္မာ နိရုဇ္ဈိတ္ထ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ တေသံ တတ္ထ အကုသလာ ဓမ္မာ နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ နိရုဇ္ဈိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အကုသလာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ နိရုဇ္ဈိတ္ထ။
(က) ယဿ ယတ္ထ ကုသလာ ဓမ္မာ နိရုဇ္ဈိတ္ထ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ?
ပစ္ဆိမစိတ္တဿ ဘင်္ဂက္ခဏေ တေသံ တတ္ထ ကုသလာ ဓမ္မာ နိရုဇ္ဈိတ္ထ၊ နော စ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ကုသလာ စ ဓမ္မာ နိရုဇ္ဈိတ္ထ အဗျာကတာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ နိရုဇ္ဈိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ နိရုဇ္ဈိတ္ထ။
၁၅၇. (က) ယဿ ယတ္ထ အကုသလာ ဓမ္မာ နိရုဇ္ဈိတ္ထ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ?
ပစ္ဆိမစိတ္တဿ ဘင်္ဂက္ခဏေ တေသံ တတ္ထ အကုသလာ ဓမ္မာ နိရုဇ္ဈိတ္ထ၊ နော စ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အကုသလာ စ ဓမ္မာ နိရုဇ္ဈိတ္ထ အဗျာကတာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ အကုသလာ ဓမ္မာ နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ အကုသလာ ဓမ္မာ နိရုဇ္ဈိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ နိရုဇ္ဈိတ္ထ။
(ဃ) ပစ္စနီကပုဂ္ဂလော
၁၅၈. (က) ယဿ ကုသလာ ဓမ္မာ န နိရုဇ္ဈိတ္ထ တဿ အကုသလာ ဓမ္မာ န နိရုဇ္ဈိဿန္တီတိ? နတ္ထိ။
(ခ) ယဿ ဝါ ပန အကုသလာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(က) ယဿ ကုသလာ ဓမ္မာ န နိရုဇ္ဈိတ္ထ တဿ အဗျာကတာ ဓမ္မာ န နိရုဇ္ဈိဿန္တီတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
၁၅၉. (က) ယဿ အကုသလာ ဓမ္မာ န နိရုဇ္ဈိတ္ထ တဿ အဗျာကတာ ဓမ္မာ န နိရုဇ္ဈိဿန္တီတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ အကုသလာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(င) ပစ္စနီကဩကာသော
၁၆၀. ယတ္ထ ကုသလာ ဓမ္မာ န နိရုဇ္ဈိတ္ထ တတ္ထ အကုသလာ ဓမ္မာ န နိရုဇ္ဈိဿန္တီတိ?။ပေ.။။
(စ) ပစ္စနီကပုဂ္ဂလောကာသာ
၁၆၁. (က) ယဿ ယတ္ထ ကုသလာ ဓမ္မာ န နိရုဇ္ဈိတ္ထ တဿ တတ္ထ အကုသလာ ဓမ္မာ န နိရုဇ္ဈိဿန္တီတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ တေသံ တတ္ထ ကုသလာ ဓမ္မာ န နိရုဇ္ဈိတ္ထ၊ နော စ တေသံ တတ္ထ အကုသလာ ဓမ္မာ န နိရုဇ္ဈိဿန္တိ။ အသညသတ္တာနံ တေသံ တတ္ထ ကုသလာ စ ဓမ္မာ န နိရုဇ္ဈိတ္ထ အကုသလာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န နိရုဇ္ဈိတ္ထာတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ အကုသလာ ဓမ္မာ န နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ န နိရုဇ္ဈိတ္ထ။ အသညသတ္တာနံ တေသံ တတ္ထ အကုသလာ စ ဓမ္မာ န နိရုဇ္ဈိဿန္တိ ကုသလာ စ ဓမ္မာ န နိရုဇ္ဈိတ္ထ။
(က) ယဿ ယတ္ထ ကုသလာ ဓမ္မာ န နိရုဇ္ဈိတ္ထ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ? နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
၁၆၂. (က) ယဿ ယတ္ထ အကုသလာ ဓမ္မာ န နိရုဇ္ဈိတ္ထ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ? နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ အကုသလာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
နိရောဓဝါရော။
၃. ဥပ္ပါဒနိရောဓဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၁၆၃. (က) ယဿ ကုသလာ ဓမ္မာ ဥပ္ပဇ္ဇန္တိ တဿ အကုသလာ ဓမ္မာ နိရုဇ္ဈန္တီတိ? နော။
(ခ) ယဿ ဝါ ပန အကုသလာ ဓမ္မာ နိရုဇ္ဈန္တိ တဿ ကုသလာ ဓမ္မာ ဥပ္ပဇ္ဇန္တီတိ? နော။
(က) ယဿ ကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ နိရုဇ္ဈန္တီတိ? နော။
(ခ) ယဿ ဝါ ပန အဗျာကတာ ဓမ္မာ နိရုဇ္ဈန္တိ တဿ ကုသလာ ဓမ္မာ ဥပ္ပဇ္ဇန္တီတိ? နော။
၁၆၄. (က) ယဿ အကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ နိရုဇ္ဈန္တီတိ? နော။
(ခ) ယဿ ဝါ ပန အဗျာကတာ ဓမ္မာ နိရုဇ္ဈန္တိ တဿ အကုသလာ ဓမ္မာ ဥပ္ပဇ္ဇန္တီတိ? နော။
(ခ) အနုလောမဩကာသော
၁၆၅. (က) ယတ္ထ ကုသလာ ဓမ္မာ ဥပ္ပဇ္ဇန္တိ တတ္ထ အကုသလာ ဓမ္မာ နိရုဇ္ဈန္တီတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ နိရုဇ္ဈန္တိ တတ္ထ ကုသလာ ဓမ္မာ ဥပ္ပဇ္ဇန္တီတိ? အာမန္တာ။
(က) ယတ္ထ ကုသလာ ဓမ္မာ ဥပ္ပဇ္ဇန္တိ တတ္ထ အဗျာကတာ ဓမ္မာ နိရုဇ္ဈန္တီတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ နိရုဇ္ဈန္တိ တတ္ထ ကုသလာ ဓမ္မာ ဥပ္ပဇ္ဇန္တီတိ?
အသညသတ္တေ တတ္ထ အဗျာကတာ ဓမ္မာ နိရုဇ္ဈန္တိ၊ နော စ တတ္ထ ကုသလာ ဓမ္မာ ဥပ္ပဇ္ဇန္တိ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ နိရုဇ္ဈန္တိ ကုသလာ စ ဓမ္မာ ဥပ္ပဇ္ဇန္တိ။
၁၆၆. (က) ယတ္ထ အကုသလာ ဓမ္မာ ဥပ္ပဇ္ဇန္တိ တတ္ထ အဗျာကတာ ဓမ္မာ နိရုဇ္ဈန္တီတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ နိရုဇ္ဈန္တိ တတ္ထ အကုသလာ ဓမ္မာ ဥပ္ပဇ္ဇန္တီတိ?
အသညသတ္တေ တတ္ထ အဗျာကတာ ဓမ္မာ နိရုဇ္ဈန္တိ၊ နော စ တတ္ထ အကုသလာ ဓမ္မာ ဥပ္ပဇ္ဇန္တိ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ နိရုဇ္ဈန္တိ အကုသလာ စ ဓမ္မာ ဥပ္ပဇ္ဇန္တိ။
(ဂ) အနုလောမပုဂ္ဂလောကာသာ
၁၆၇. (က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အကုသလာ ဓမ္မာ နိရုဇ္ဈန္တီတိ? နော။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈန္တိ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ? နော။
(က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ နိရုဇ္ဈန္တီတိ? နော။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈန္တိ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ? နော။
၁၆၈. (က) ယဿ ယတ္ထ အကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ နိရုဇ္ဈန္တီတိ? နော။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈန္တိ တဿ တတ္ထ အကုသလာ ဓမ္မာ ဥပ္ပဇ္ဇန္တီတိ? နော။
(ဃ) ပစ္စနီကပုဂ္ဂလော
၁၆၉. (က) ယဿ ကုသလာ ဓမ္မာ န ဥပ္ပဇ္ဇန္တိ တဿ အကုသလာ ဓမ္မာ န နိရုဇ္ဈန္တီတိ?
အကုသလာနံ ဘင်္ဂက္ခဏေ တေသံ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ အကုသလာ ဓမ္မာ န နိရုဇ္ဈန္တိ။ ကုသလဝိပ္ပယုတ္တစိတ္တဿ ဥပ္ပါဒက္ခဏေ အကုသလဝိပ္ပယုတ္တစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ကုသလာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန အကုသလာ ဓမ္မာ န နိရုဇ္ဈန္တိ တဿ ကုသလာ ဓမ္မာ န ဥပ္ပဇ္ဇန္တီတိ?
ကုသလာနံ ဥပ္ပါဒက္ခဏေ တေသံ အကုသလာ ဓမ္မာ န နိရုဇ္ဈန္တိ၊ နော စ တေသံ ကုသလာ ဓမ္မာ န ဥပ္ပဇ္ဇန္တိ။ အကုသလဝိပ္ပယုတ္တစိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အကုသလာ စ ဓမ္မာ န နိရုဇ္ဈန္တိ ကုသလာ စ ဓမ္မာ န ဥပ္ပဇ္ဇန္တိ။
(က) ယဿ ကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ တေသံ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ အဗျာကတာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အရူပေ ကုသလာကုသလာနံ ဘင်္ဂက္ခဏေ တေသံ ကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈန္တိ တဿ ကုသလာ ဓမ္မာ န ဥပ္ပဇ္ဇန္တီတိ?
ကုသလာနံ ဥပ္ပါဒက္ခဏေ တေသံ အဗျာကတာ ဓမ္မာ န နိရုဇ္ဈန္တိ၊ နော စ တေသံ ကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ ဥပပဇ္ဇန္တာနံ ပဝတ္တေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အရူပေ ကုသလာကုသလာနံ ဘင်္ဂက္ခဏေ တေသံ အဗျာကတာ စ ဓမ္မာ န နိရုဇ္ဈန္တိ ကုသလာ စ ဓမ္မာ န ဥပ္ပဇ္ဇန္တိ။
၁၇၀. (က) ယဿ အကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ တေသံ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ အဗျာကတာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အရူပေ ကုသလာကုသလာနံ ဘင်္ဂက္ခဏေ တေသံ အကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈန္တိ တဿ အကုသလာ ဓမ္မာ န ဥပ္ပဇ္ဇန္တီတိ?
အကုသလာနံ ဥပ္ပါဒက္ခဏေ တေသံ အဗျာကတာ ဓမ္မာ န နိရုဇ္ဈန္တိ၊ နော စ တေသံ အကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ ဥပပဇ္ဇန္တာနံ ပဝတ္တေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အရူပေ ကုသလာကုသလာနံ ဘင်္ဂက္ခဏေ တေသံ အဗျာကတာ စ ဓမ္မာ န နိရုဇ္ဈန္တိ အကုသလာ စ ဓမ္မာ န ဥပ္ပဇ္ဇန္တိ။
(င) ပစ္စနီကဩကာသော
၁၇၁. (က) ယတ္ထ ကုသလာ ဓမ္မာ န ဥပ္ပဇ္ဇန္တိ တတ္ထ အကုသလာ ဓမ္မာ န နိရုဇ္ဈန္တီတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ န နိရုဇ္ဈန္တိ တတ္ထ ကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(က) ယတ္ထ ကုသလာ ဓမ္မာ န ဥပ္ပဇ္ဇန္တိ တတ္ထ အဗျာကတာ ဓမ္မာ န နိရုဇ္ဈန္တီတိ? နိရုဇ္ဈန္တိ။
(ခ) ယတ္ထ ဝါ ပန အဗျာကတာ ဓမ္မာ န နိရုဇ္ဈန္တိ တတ္ထ ကုသလာ ဓမ္မာ န ဥပ္ပဇ္ဇန္တီတိ? နတ္ထိ။
၁၇၂. (က) ယတ္ထ အကုသလာ ဓမ္မာ န ဥပ္ပဇ္ဇန္တိ တတ္ထ အဗျာကတာ ဓမ္မာ န နိရုဇ္ဈန္တီတိ? နိရုဇ္ဈန္တိ။
(ခ) ယတ္ထ ဝါ ပန အဗျာကတာ ဓမ္မာ န နိရုဇ္ဈန္တိ တတ္ထ အကုသလာ ဓမ္မာ န ဥပ္ပဇ္ဇန္တီတိ? နတ္ထိ။
(စ) ပစ္စနီကပုဂ္ဂလောကာသာ
၁၇၃. (က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အကုသလာ ဓမ္မာ န နိရုဇ္ဈန္တီတိ?
အကုသလာနံ ဘင်္ဂက္ခဏေ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ ၊ နော စ တေသံ တတ္ထ အကုသလာ ဓမ္မာ န နိရုဇ္ဈန္တိ။ ကုသလဝိပ္ပယုတ္တစိတ္တဿ ဥပ္ပါဒက္ခဏေ အကုသလဝိပ္ပယုတ္တစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈန္တိ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ?
ကုသလာနံ ဥပ္ပါဒက္ခဏေ တေသံ တတ္ထ အကုသလာ ဓမ္မာ န နိရုဇ္ဈန္တိ၊ နော စ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ။ အကုသလဝိပ္ပယုတ္တစိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အကုသလာ စ ဓမ္မာ န နိရုဇ္ဈန္တိ ကုသလာ စ ဓမ္မာ န ဥပ္ပဇ္ဇန္တိ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အရူပေ ကုသလာကုသလာနံ ဘင်္ဂက္ခဏေ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈန္တိ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ?
ကုသလာနံ ဥပ္ပါဒက္ခဏေ တေသံ တတ္ထ အဗျာကတာ ဓမ္မာ န နိရုဇ္ဈန္တိ၊ နော စ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ ဥပပဇ္ဇန္တာနံ ပဝတ္တေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အရူပေ ကုသလာကုသလာနံ ဘင်္ဂက္ခဏေ တေသံ တတ္ထ အဗျာကတာ စ ဓမ္မာ န နိရုဇ္ဈန္တိ ကုသလာ စ ဓမ္မာ န ဥပ္ပဇ္ဇန္တိ။
၁၇၄. (က) ယဿ ယတ္ထ အကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န နိရုဇ္ဈန္တီတိ?
သဗ္ဗေသံ စဝန္တာနံ ပဝတ္တေ စိတ္တဿ ဘင်္ဂက္ခဏေ တေသံ တတ္ထ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈန္တိ။ သဗ္ဗေသံ ဥပပဇ္ဇန္တာနံ ပဝတ္တေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အရူပေ ကုသလာကုသလာနံ ဘင်္ဂက္ခဏေ တေသံ တတ္ထ အကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န နိရုဇ္ဈန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈန္တိ တဿ တတ္ထ အကုသလာ ဓမ္မာ န ဥပ္ပဇ္ဇန္တီတိ?
အကုသလာနံ ဥပ္ပါဒက္ခဏေ တေသံ တတ္ထ အဗျာကတာ ဓမ္မာ န နိရုဇ္ဈန္တိ၊ နော စ တေသံ တတ္ထ အကုသလာ ဓမ္မာ န ဥပ္ပဇ္ဇန္တိ။ သဗ္ဗေသံ ဥပပဇ္ဇန္တာနံ ပဝတ္တေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အရူပေ ကုသလာကုသလာနံ ဘင်္ဂက္ခဏေ တေသံ တတ္ထ အဗျာကတာ စ ဓမ္မာ န နိရုဇ္ဈန္တိ အကုသလာ စ ဓမ္မာ န ဥပ္ပဇ္ဇန္တိ။
(၂) အတီတဝါရော
(က) အနုလောမပုဂ္ဂလော
၁၇၅. (က) ယဿ ကုသလာ ဓမ္မာ ဥပ္ပဇ္ဇိတ္ထ တဿ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အကုသလာ ဓမ္မာ နိရုဇ္ဈိတ္ထ တဿ ကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(က) ယဿ ကုသလာ ဓမ္မာ ဥပ္ပဇ္ဇိတ္ထ တဿ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိတ္ထ တဿ ကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
၁၇၆. (က) ယဿ အကုသလာ ဓမ္မာ ဥပ္ပဇ္ဇိတ္ထ တဿ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိတ္ထ တဿ အကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) အနုလောမဩကာသော
၁၇၇. (က) ယတ္ထ ကုသလာ ဓမ္မာ ဥပ္ပဇ္ဇိတ္ထ တတ္ထ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ နိရုဇ္ဈိတ္ထ တတ္ထ ကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(က) ယတ္ထ ကုသလာ ဓမ္မာ ဥပ္ပဇ္ဇိတ္ထ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ နိရုဇ္ဈိတ္ထ တတ္ထ ကုသလာ ဓမ္မာ ဥပ္ပဇ္ဇိတ္ထာတိ?
အသညသတ္တေ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တတ္ထ ကုသလာ ဓမ္မာ ဥပ္ပဇ္ဇိတ္ထ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ နိရုဇ္ဈိတ္ထ ကုသလာ စ ဓမ္မာ ဥပ္ပဇ္ဇိတ္ထ။
၁၇၈. (က) ယတ္ထ အကုသလာ ဓမ္မာ ဥပ္ပဇ္ဇိတ္ထ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ နိရုဇ္ဈိတ္ထ တတ္ထ အကုသလာ ဓမ္မာ ဥပ္ပဇ္ဇိတ္ထာတိ?
အသညသတ္တေ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တတ္ထ အကုသလာ ဓမ္မာ ဥပ္ပဇ္ဇိတ္ထ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ နိရုဇ္ဈိတ္ထ အကုသလာ စ ဓမ္မာ ဥပ္ပဇ္ဇိတ္ထ။
(ဂ) အနုလောမပုဂ္ဂလောကာသာ
၁၇၉. (က) ယဿ ယတ္ထ ကုသလာ ဓမ္မာ ဥပ္ပဇ္ဇိတ္ထ တဿ တတ္ထ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈိတ္ထ တဿ တတ္ထ ကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ အကုသလေ စိတ္တေ ဝတ္တမာနေ တေသံ တတ္ထ အကုသလာ ဓမ္မာ နိရုဇ္ဈိတ္ထ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အကုသလာ စ ဓမ္မာ နိရုဇ္ဈိတ္ထ ကုသလာ စ ဓမ္မာ ဥပ္ပဇ္ဇိတ္ထ။
(က) ယဿ ယတ္ထ ကုသလာ ဓမ္မာ ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိတ္ထ တဿ တတ္ထ ကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိတ္ထ ကုသလာ စ ဓမ္မာ ဥပ္ပဇ္ဇိတ္ထ။
၁၈၀. (က) ယဿ ယတ္ထ အကုသလာ ဓမ္မာ ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိတ္ထ တဿ တတ္ထ အကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိတ္ထ အကုသလာ စ ဓမ္မာ ဥပ္ပဇ္ဇိတ္ထ။
(ဃ) ပစ္စနီကပုဂ္ဂလော
၁၈၁. (က) ယဿ ကုသလာ ဓမ္မာ န ဥပ္ပဇ္ဇိတ္ထ တဿ အကုသလာ ဓမ္မာ န နိရုဇ္ဈိတ္ထာတိ? နတ္ထိ။
(ခ) ယဿ ဝါ ပန အကုသလာ ဓမ္မာ န နိရုဇ္ဈိတ္ထ တဿ ကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
(က) ယဿ ကုသလာ ဓမ္မာ န ဥပ္ပဇ္ဇိတ္ထ တဿ အဗျာကတာ ဓမ္မာ န နိရုဇ္ဈိတ္ထာတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိတ္ထ တဿ ကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
၁၈၂. (က) ယဿ အကုသလာ ဓမ္မာ န ဥပ္ပဇ္ဇိတ္ထ တဿ အဗျာကတာ ဓမ္မာ န နိရုဇ္ဈိတ္ထာတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိတ္ထ တဿ အကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
(င) ပစ္စနီကဩကာသော
၁၈၃. (က) ယတ္ထ ကုသလာ ဓမ္မာ န ဥပ္ပဇ္ဇိတ္ထ တတ္ထ အကုသလာ ဓမ္မာ န နိရုဇ္ဈိတ္ထာတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ န နိရုဇ္ဈိတ္ထ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ? အာမန္တာ။
(က) ယတ္ထ ကုသလာ ဓမ္မာ န ဥပ္ပဇ္ဇိတ္ထ တတ္ထ အဗျာကတာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယတ္ထ ဝါ ပန အဗျာကတာ ဓမ္မာ န နိရုဇ္ဈိတ္ထ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
၁၈၄. (က) ယတ္ထ အကုသလာ ဓမ္မာ န ဥပ္ပဇ္ဇိတ္ထ တတ္ထ အဗျာကတာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယတ္ထ ဝါ ပန အဗျာကတာ ဓမ္မာ န နိရုဇ္ဈိတ္ထ တတ္ထ အကုသလာ ဓမ္မာ န ဥပ္ပဇ္ဇိတ္ထာတိ? နတ္ထိ။
(စ) ပစ္စနီကပုဂ္ဂလောကာသာ
၁၈၅. (က) ယဿ ယတ္ထ ကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အကုသလာ ဓမ္မာ န နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ အကုသလေ စိတ္တေ ဝတ္တမာနေ တေသံ တတ္ထ ကုသလာ ဓမ္မာ န ဥပ္ပဇ္ဇိတ္ထ၊ နော စ တေသံ တတ္ထ အကုသလာ ဓမ္မာ န နိရုဇ္ဈိတ္ထ။ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇိတ္ထ အကုသလာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈိတ္ထ တဿ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ? အာမန္တာ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ န နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကုသလာ ဓမ္မာ န ဥပ္ပဇ္ဇိတ္ထ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇိတ္ထ အဗျာကတာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိတ္ထ တဿ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ? အာမန္တာ။
၁၈၆. (က) ယဿ ယတ္ထ အကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ န နိရုဇ္ဈိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အကုသလာ ဓမ္မာ န ဥပ္ပဇ္ဇိတ္ထ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ အကုသလာ စ ဓမ္မာ န ဥပ္ပဇ္ဇိတ္ထ အဗျာကတာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိတ္ထ တဿ တတ္ထ အကုသလာ ဓမ္မာ န ဥပ္ပဇ္ဇိတ္ထာတိ? အာမန္တာ။
(၃) အနာဂတဝါရော
(က) အနုလောမပုဂ္ဂလော
၁၈၇. (က) ယဿ ကုသလာ ဓမ္မာ ဥပ္ပဇ္ဇိဿန္တိ တဿ အကုသလာ ဓမ္မာ နိရုဇ္ဈိဿန္တီတိ?
ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ ကုသလာ ဓမ္မာ ဥပ္ပဇ္ဇိဿန္တိ၊ နော စ တေသံ အကုသလာ ဓမ္မာ နိရုဇ္ဈိဿန္တိ။ ဣတရေသံ တေသံ ကုသလာ စ ဓမ္မာ ဥပ္ပဇ္ဇိဿန္တိ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန အကုသလာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ ဥပ္ပဇ္ဇိဿန္တီတိ? အာမန္တာ။
(က) ယဿ ကုသလာ ဓမ္မာ ဥပ္ပဇ္ဇိဿန္တိ တဿ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ တေသံ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ ကုသလာ ဓမ္မာ ဥပ္ပဇ္ဇိဿန္တိ။ ဣတရေသံ တေသံ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ ဥပ္ပဇ္ဇိဿန္တိ။
၁၈၈. (က) ယဿ အကုသလာ ဓမ္မာ ဥပ္ပဇ္ဇိဿန္တိ တဿ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ အကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ အဗျာကတာ ဓမ္မာ နိရုဇ္ဈိဿန္တိ ၊ နော စ တေသံ အကုသလာ ဓမ္မာ ဥပ္ပဇ္ဇိဿန္တိ။ ဣတရေသံ တေသံ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ ဥပ္ပဇ္ဇိဿန္တိ။
(ခ) အနုလောမဩကာသော
၁၈၉. (က) ယတ္ထ ကုသလာ ဓမ္မာ ဥပ္ပဇ္ဇိဿန္တိ တတ္ထ အကုသလာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ နိရုဇ္ဈိဿန္တိ တတ္ထ ကုသလာ ဓမ္မာ ဥပ္ပဇ္ဇိဿန္တီတိ? အာမန္တာ။
(က) ယတ္ထ ကုသလာ ဓမ္မာ ဥပ္ပဇ္ဇိဿန္တိ တတ္ထ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ နိရုဇ္ဈိဿန္တိ တတ္ထ ကုသလာ ဓမ္မာ ဥပ္ပဇ္ဇိဿန္တီတိ?
အသညသတ္တေ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တတ္ထ ကုသလာ ဓမ္မာ ဥပ္ပဇ္ဇိဿန္တိ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ ဥပ္ပဇ္ဇိဿန္တိ။
၁၉၀. (က) ယတ္ထ အကုသလာ ဓမ္မာ ဥပ္ပဇ္ဇိဿန္တိ တတ္ထ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယတ္ထ ဝါ ပန အဗျာကတာ ဓမ္မာ နိရုဇ္ဈိဿန္တိ တတ္ထ အကုသလာ ဓမ္မာ ဥပ္ပဇ္ဇိဿန္တီတိ?
အသညသတ္တေ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တတ္ထ အကုသလာ ဓမ္မာ ဥပ္ပဇ္ဇိဿန္တိ။ စတုဝေါကာရေ ပဉ္စဝေါကာရေ တတ္ထ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ ဥပ္ပဇ္ဇိဿန္တိ။
(ဂ) အနုလောမပုဂ္ဂလောကာသာ
၁၉၁. (က) ယဿ ယတ္ထ ကုသလာ ဓမ္မာ ဥပ္ပဇ္ဇိဿန္တိ တဿ တတ္ထ အကုသလာ ဓမ္မာ နိရုဇ္ဈိဿန္တီတိ?
ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ ကုသလာ ဓမ္မာ ဥပ္ပဇ္ဇိဿန္တိ၊ နော စ တေသံ တတ္ထ အကုသလာ ဓမ္မာ နိရုဇ္ဈိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ကုသလာ စ ဓမ္မာ ဥပ္ပဇ္ဇိဿန္တိ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇိဿန္တီတိ? အာမန္တာ။
(က) ယဿ ယတ္ထ ကုသလာ ဓမ္မာ ဥပ္ပဇ္ဇိဿန္တိ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ ဥပ္ပဇ္ဇိဿန္တိ။
၁၉၂. (က) ယဿ ယတ္ထ အကုသလာ ဓမ္မာ ဥပ္ပဇ္ဇိဿန္တိ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ အကုသလာ ဓမ္မာ ဥပ္ပဇ္ဇိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ၊ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ ဥပ္ပဇ္ဇိဿန္တိ။
(ဃ) ပစ္စနီကပုဂ္ဂလော
၁၉၃. (က) ယဿ ကုသလာ ဓမ္မာ န ဥပ္ပဇ္ဇိဿန္တိ တဿ အကုသလာ ဓမ္မာ န နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန အကုသလာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န ဥပ္ပဇ္ဇိဿန္တီတိ?
ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ အကုသလာ ဓမ္မာ န နိရုဇ္ဈိဿန္တိ၊ နော စ တေသံ ကုသလာ ဓမ္မာ န ဥပ္ပဇ္ဇိဿန္တိ။ အဂ္ဂမဂ္ဂသမင်္ဂီနံ အရဟန္တာနံ တေသံ အကုသလာ စ ဓမ္မာ န နိရုဇ္ဈိဿန္တိ ကုသလာ စ ဓမ္မာ န ဥပ္ပဇ္ဇိဿန္တိ။
(က) ယဿ ကုသလာ ဓမ္မာ န ဥပ္ပဇ္ဇိဿန္တိ တဿ အဗျာကတာ ဓမ္မာ န နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ တေသံ ကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ ကုသလာ စ ဓမ္မာ န ဥပ္ပဇ္ဇိဿန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
၁၉၄. (က) ယဿ အကုသလာ ဓမ္မာ န ဥပ္ပဇ္ဇိဿန္တိ တဿ အဗျာကတာ ဓမ္မာ န နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ အကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ အကုသလာ စ ဓမ္မာ န ဥပ္ပဇ္ဇိဿန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ အကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
(င) ပစ္စနီကဩကာသော
၁၉၅. (က) ယတ္ထ ကုသလာ ဓမ္မာ န ဥပ္ပဇ္ဇိဿန္တိ တတ္ထ အကုသလာ ဓမ္မာ န နိရုဇ္ဈိဿန္တီတိ? အာမန္တာ။
(ခ) ယတ္ထ ဝါ ပန အကုသလာ ဓမ္မာ န နိရုဇ္ဈိဿန္တိ တတ္ထ ကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
(က) ယတ္ထ ကုသလာ ဓမ္မာ န ဥပ္ပဇ္ဇိဿန္တိ တတ္ထ အဗျာကတာ ဓမ္မာ န နိရုဇ္ဈိဿန္တီတိ? နိရုဇ္ဈိဿန္တိ။
(ခ) ယတ္ထ ဝါ ပန အဗျာကတာ ဓမ္မာ န နိရုဇ္ဈိဿန္တိ တတ္ထ ကုသလာ ဓမ္မာ န ဥပ္ပဇ္ဇိဿန္တီတိ? နတ္ထိ။
၁၉၆. (က) ယတ္ထ အကုသလာ ဓမ္မာ န ဥပ္ပဇ္ဇိဿန္တိ တတ္ထ အဗျာကတာ ဓမ္မာ န နိရုဇ္ဈိဿန္တီတိ? နိရုဇ္ဈိဿန္တိ။
(ခ) ယတ္ထ ဝါ ပန အဗျာကတာ ဓမ္မာ န နိရုဇ္ဈိဿန္တိ တတ္ထ အကုသလာ ဓမ္မာ န ဥပ္ပဇ္ဇိဿန္တီတိ? နတ္ထိ။
(စ) ပစ္စနီကပုဂ္ဂလောကာသာ
၁၉၇. (က) ယဿ ယတ္ထ ကုသလာ ဓမ္မာ န ဥပ္ပဇ္ဇိဿန္တိ တဿ တတ္ထ အကုသလာ ဓမ္မာ န နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇိဿန္တီတိ?
ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ အကုသလာ ဓမ္မာ န နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ န ဥပ္ပဇ္ဇိဿန္တိ။ အဂ္ဂမဂ္ဂသမင်္ဂီနံ အရဟန္တာနံ အသညသတ္တာနံ တေသံ တတ္ထ အကုသလာ စ ဓမ္မာ န နိရုဇ္ဈိဿန္တိ ကုသလာ စ ဓမ္မာ န ဥပ္ပဇ္ဇိဿန္တိ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇိဿန္တိ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ အသညသတ္တာနံ တေသံ တတ္ထ ကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ တတ္ထ ကုသလာ စ ဓမ္မာ န ဥပ္ပဇ္ဇိဿန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
၁၉၈. (က) ယဿ ယတ္ထ အကုသလာ ဓမ္မာ န ဥပ္ပဇ္ဇိဿန္တိ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ အသညသတ္တာနံ တေသံ တတ္ထ အကုသလာ ဓမ္မာ န ဥပ္ပဇ္ဇိဿန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ တတ္ထ အကုသလာ စ ဓမ္မာ န ဥပ္ပဇ္ဇိဿန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ အကုသလာ ဓမ္မာ န ဥပ္ပဇ္ဇိဿန္တီတိ? အာမန္တာ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၁၉၉. (က) ယဿ ကုသလာ ဓမ္မာ ဥပ္ပဇ္ဇန္တိ တဿ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အကုသလာ ဓမ္မာ နိရုဇ္ဈိတ္ထ တဿ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အကုသလာ ဓမ္မာ နိရုဇ္ဈိတ္ထ၊ နော စ တေသံ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ အကုသလာ စ ဓမ္မာ နိရုဇ္ဈိတ္ထ ကုသလာ စ ဓမ္မာ ဥပ္ပဇ္ဇန္တိ။
(က) ယဿ ကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိတ္ထ တဿ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ နိရုဇ္ဈိတ္ထ၊ နော စ တေသံ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ နိရုဇ္ဈိတ္ထ ကုသလာ စ ဓမ္မာ ဥပ္ပဇ္ဇန္တိ။
၂၀၀. (က) ယဿ အကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိတ္ထ တဿ အကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ နိရုဇ္ဈိတ္ထ၊ နော စ တေသံ အကုသလာ ဓမ္မာ ဥပ္ပဇ္ဇန္တိ။ အကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ နိရုဇ္ဈိတ္ထ အကုသလာ စ ဓမ္မာ ဥပ္ပဇ္ဇန္တိ။
(ခ) အနုလောမဩကာသော
၂၀၁. ယတ္ထ ကုသလာ ဓမ္မာ ဥပ္ပဇ္ဇန္တိ တတ္ထ အကုသလာ ဓမ္မာ နိရုဇ္ဈိတ္ထာတိ?။ပေ.။။
(ဂ) အနုလောမပုဂ္ဂလောကာသာ
၂၀၂. (က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အကုသလာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈိတ္ထ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ အကုသလာ ဓမ္မာ နိရုဇ္ဈိတ္ထ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ တတ္ထ အကုသလာ စ ဓမ္မာ နိရုဇ္ဈိတ္ထ ကုသလာ စ ဓမ္မာ ဥပ္ပဇ္ဇန္တိ။
(က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိတ္ထ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ နိရုဇ္ဈိတ္ထ ကုသလာ စ ဓမ္မာ ဥပ္ပဇ္ဇန္တိ။
၂၀၃. (က) ယဿ ယတ္ထ အကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိတ္ထ တဿ တတ္ထ အကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိတ္ထ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇန္တိ။ အကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ နိရုဇ္ဈိတ္ထ အကုသလာ စ ဓမ္မာ ဥပ္ပဇ္ဇန္တိ။
(ဃ) ပစ္စနီကပုဂ္ဂလော
၂၀၄. (က) ယဿ ကုသလာ ဓမ္မာ န ဥပ္ပဇ္ဇန္တိ တဿ အကုသလာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန အကုသလာ ဓမ္မာ န နိရုဇ္ဈိတ္ထ တဿ ကုသလာ ဓမ္မာ န ဥပ္ပဇ္ဇန္တီတိ? နတ္ထိ။
(က) ယဿ ကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိတ္ထ တဿ ကုသလာ ဓမ္မာ န ဥပ္ပဇ္ဇန္တီတိ? နတ္ထိ။
၂၀၅. (က) ယဿ အကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိတ္ထ တဿ အကုသလာ ဓမ္မာ န ဥပ္ပဇ္ဇန္တီတိ? နတ္ထိ။
(င) ပစ္စနီကဩကာသော
၂၀၆. ယတ္ထ ကုသလာ ဓမ္မာ န ဥပ္ပဇ္ဇန္တိ တတ္ထ အကုသလာ ဓမ္မာ န နိရုဇ္ဈိတ္ထာတိ?။ပေ.။။
(စ) ပစ္စနီကပုဂ္ဂလောကာသာ
၂၀၇. (က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အကုသလာ ဓမ္မာ န နိရုဇ္ဈိတ္ထာတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အကုသလာ ဓမ္မာ န နိရုဇ္ဈိတ္ထ။ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈိတ္ထ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န နိရုဇ္ဈိတ္ထာတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိတ္ထ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ? အာမန္တာ။
၂၀၈. (က) ယဿ ယတ္ထ အကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န နိရုဇ္ဈိတ္ထာတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ အကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န နိရုဇ္ဈိတ္ထ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိတ္ထ တဿ တတ္ထ အကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၂၀၉. (က) ယဿ ကုသလာ ဓမ္မာ ဥပ္ပဇ္ဇန္တိ တဿ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ တေသံ ကုသလာ ဓမ္မာ ဥပ္ပဇ္ဇန္တိ၊ နော စ တေသံ အကုသလာ ဓမ္မာ နိရုဇ္ဈိဿန္တိ။ ဣတရေသံ ကုသလာနံ ဥပ္ပါဒက္ခဏေ တေသံ ကုသလာ စ ဓမ္မာ ဥပ္ပဇ္ဇန္တိ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန အကုသလာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အကုသလာ ဓမ္မာ နိရုဇ္ဈိဿန္တိ၊ နော စ တေသံ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ အကုသလာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ ဥပ္ပဇ္ဇန္တိ။
(က) ယဿ ကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ ဥပ္ပဇ္ဇန္တိ။
၂၁၀. (က) ယဿ အကုသလာ ဓမ္မာ ဥပ္ပဇ္ဇန္တိ တဿ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ အကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ အကုသလာ ဓမ္မာ ဥပ္ပဇ္ဇန္တိ။ အကုသလာနံ ဥပ္ပါဒက္ခဏေ တေသံ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ ဥပ္ပဇ္ဇန္တိ။
(ခ) အနုလောမဩကာသော
၂၁၁. ယတ္ထ ကုသလာ ဓမ္မာ ဥပ္ပဇ္ဇန္တိ တတ္ထ အကုသလာ ဓမ္မာ နိရုဇ္ဈိဿန္တီတိ?။ပေ.။။
(ဂ) အနုလောမပုဂ္ဂလောကာသာ
၂၁၂. (က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ တေသံ တတ္ထ ကုသလာ ဓမ္မာ ဥပ္ပဇ္ဇန္တိ၊ နော စ တေသံ တတ္ထ အကုသလာ ဓမ္မာ နိရုဇ္ဈိဿန္တိ။ ဣတရေသံ ကုသလာနံ ဥပ္ပါဒက္ခဏေ တေသံ တတ္ထ ကုသလာ စ ဓမ္မာ ဥပ္ပဇ္ဇန္တိ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ အကုသလာ ဓမ္မာ နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ တတ္ထ အကုသလာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ ဥပ္ပဇ္ဇန္တိ။
(က) ယဿ ယတ္ထ ကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇန္တိ။ ကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ ဥပ္ပဇ္ဇန္တိ။
၂၁၃. (က) ယဿ ယတ္ထ အကုသလာ ဓမ္မာ ဥပ္ပဇ္ဇန္တိ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ? အာမန္တာ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ အကုသလာ ဓမ္မာ ဥပ္ပဇ္ဇန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇန္တိ။ အကုသလာနံ ဥပ္ပါဒက္ခဏေ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ ဥပ္ပဇ္ဇန္တိ။
(ဃ) ပစ္စနီကပုဂ္ဂလော
၂၁၄. (က) ယဿ ကုသလာ ဓမ္မာ န ဥပ္ပဇ္ဇန္တိ တဿ အကုသလာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ အကုသလာ ဓမ္မာ န နိရုဇ္ဈိဿန္တိ။ အဂ္ဂမဂ္ဂဿ ဘင်္ဂက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ တေသံ ကုသလာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန အကုသလာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န ဥပ္ပဇ္ဇန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ တေသံ အကုသလာ ဓမ္မာ န နိရုဇ္ဈိဿန္တိ၊ နော စ တေသံ ကုသလာ ဓမ္မာ န ဥပ္ပဇ္ဇန္တိ။ အဂ္ဂမဂ္ဂဿ ဘင်္ဂက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ တေသံ အကုသလာ စ ဓမ္မာ န နိရုဇ္ဈိဿန္တိ ကုသလာ စ ဓမ္မာ န ဥပ္ပဇ္ဇန္တိ။
(က) ယဿ ကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ ကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န ဥပ္ပဇ္ဇန္တီတိ? အာမန္တာ။
၂၁၅. (က) ယဿ အကုသလာ ဓမ္မာ န ဥပ္ပဇ္ဇန္တိ တဿ အဗျာကတာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ အကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ အကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(င) ပစ္စနီကဩကာသော
၂၁၆. ယတ္ထ ကုသလာ ဓမ္မာ န ဥပ္ပဇ္ဇန္တိ တတ္ထ အကုသလာ ဓမ္မာ န နိရုဇ္ဈိဿန္တီတိ?။ပေ.။။
(စ) ပစ္စနီကပုဂ္ဂလောကာသာ
၂၁၇. (က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အကုသလာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အကုသလာ ဓမ္မာ န နိရုဇ္ဈိဿန္တိ။ အဂ္ဂမဂ္ဂဿ ဘင်္ဂက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အကုသလာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ?
အဂ္ဂမဂ္ဂဿ ဥပ္ပါဒက္ခဏေ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဥပ္ပါဒက္ခဏေ တေသံ တတ္ထ အကုသလာ ဓမ္မာ န နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ။ အဂ္ဂမဂ္ဂဿ ဘင်္ဂက္ခဏေ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တဿ စိတ္တဿ ဘင်္ဂက္ခဏေ အသညသတ္တာနံ တေသံ တတ္ထ အကုသလာ စ ဓမ္မာ န နိရုဇ္ဈိဿန္တိ ကုသလာ စ ဓမ္မာ န ဥပ္ပဇ္ဇန္တိ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ ကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ ကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ တတ္ထ ကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇန္တီတိ? အာမန္တာ။
၂၁၈. (က) ယဿ ယတ္ထ အကုသလာ ဓမ္မာ န ဥပ္ပဇ္ဇန္တိ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ?
သဗ္ဗေသံ စိတ္တဿ ဘင်္ဂက္ခဏေ အကုသလဝိပ္ပယုတ္တစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ အကုသလာ ဓမ္မာ န ဥပ္ပဇ္ဇန္တိ၊ နော စ တေသံ တတ္ထ အဗျာကတာ ဓမ္မာ န နိရုဇ္ဈိဿန္တိ။ ပစ္ဆိမစိတ္တဿ ဘင်္ဂက္ခဏေ တေသံ တတ္ထ အကုသလာ စ ဓမ္မာ န ဥပ္ပဇ္ဇန္တိ အဗျာကတာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ အကုသလာ ဓမ္မာ န ဥပ္ပဇ္ဇန္တီတိ? အာမန္တာ။
(၆) အတီတာနာဂတဝါရော
(က) အနုလောမပုဂ္ဂလော
၂၁၉. (က) ယဿ ကုသလာ ဓမ္မာ ဥပ္ပဇ္ဇိတ္ထ တဿ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ ကုသလာ ဓမ္မာ ဥပ္ပဇ္ဇိတ္ထ၊ နော စ တေသံ အကုသလာ ဓမ္မာ နိရုဇ္ဈိဿန္တိ။ ဣတရေသံ တေသံ ကုသလာ စ ဓမ္မာ ဥပ္ပဇ္ဇိတ္ထ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန အကုသလာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(က) ယဿ ကုသလာ ဓမ္မာ ဥပ္ပဇ္ဇိတ္ထ တဿ အဗျာကတာ ဓမ္မာ နိရုဇ္ဈိဿန္တီတိ?
ပစ္ဆိမစိတ္တဿ ဘင်္ဂက္ခဏေ တေသံ ကုသလာ ဓမ္မာ ဥပ္ပဇ္ဇိတ္ထ၊ နော စ တေသံ အဗျာကတာ ဓမ္မာ နိရုဇ္ဈိဿန္တိ။ ဣတရေသံ တေသံ ကုသလာ စ ဓမ္မာ ဥပ္ပဇ္ဇိတ္ထ အဗျာကတာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ ကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
၂၂၀. (က) ယဿ အကုသလာ ဓမ္မာ ဥပ္ပဇ္ဇိတ္ထ တဿ အဗျာကတာ ဓမ္မာ နိရုဇ္ဈိဿန္တီတိ?
ပစ္ဆိမစိတ္တဿ ဘင်္ဂက္ခဏေ တေသံ အကုသလာ ဓမ္မာ ဥပ္ပဇ္ဇိတ္ထ၊ နော စ တေသံ အဗျာကတာ ဓမ္မာ နိရုဇ္ဈိဿန္တိ။ ဣတရေသံ တေသံ အကုသလာ စ ဓမ္မာ ဥပ္ပဇ္ဇိတ္ထ အဗျာကတာ စ ဓမ္မာ နိရုဇ္ဈိဿန္တိ ။
(ခ) ယဿ ဝါ ပန အဗျာကတာ ဓမ္မာ နိရုဇ္ဈိဿန္တိ တဿ အကုသလာ ဓမ္မာ ဥပ္ပဇ္ဇိတ္ထာတိ? အာမန္တာ။
(ခ) အနုလောမဩကာသော
၂၂၁. ယတ္ထ ကုသလာ ဓမ္မာ ဥပ္ပဇ္ဇိတ္ထ တတ္ထ အကုသလာ ဓမ္မာ နိရုဇ္ဈိဿန္တီတိ?။ပေ.။။
(ဂ) အနုလောမပုဂ္ဂလောကာသာ
၂၂၂. (က) ယဿ ယတ္ထ ကုသလာ ဓမ္မာ ဥပ္ပဇ္ဇိတ္ထ တဿ တတ္ထ အကုသလာ ဓမ္မာ နိရုဇ္ဈိဿန္တီတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ အကုသလာ ဓမ္မာ နိရုဇ္ဈိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ကုသလာ စ ဓမ္မာ ဥပ္ပဇ္ဇိတ္ထ အကုသလာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ တေသံ တတ္ထ အကုသလာ ဓမ္မာ နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အကုသလာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ ဥပ္ပဇ္ဇိတ္ထ။
(က) ယဿ ယတ္ထ ကုသလာ ဓမ္မာ ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ?
ပစ္ဆိမစိတ္တဿ ဘင်္ဂက္ခဏေ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ကုသလာ စ ဓမ္မာ ဥပ္ပဇ္ဇိတ္ထ အဗျာကတာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ ကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ ကုသလာ စ ဓမ္မာ ဥပ္ပဇ္ဇိတ္ထ။
၂၂၃. (က) ယဿ ယတ္ထ အကုသလာ ဓမ္မာ ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ နိရုဇ္ဈိဿန္တီတိ?
ပစ္ဆိမစိတ္တဿ ဘင်္ဂက္ခဏေ တေသံ တတ္ထ အကုသလာ ဓမ္မာ ဥပ္ပဇ္ဇိတ္ထ၊ နော စ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အကုသလာ စ ဓမ္မာ ဥပ္ပဇ္ဇိတ္ထ အဗျာကတာ စ ဓမ္မာ နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ နိရုဇ္ဈိဿန္တိ တဿ တတ္ထ အကုသလာ ဓမ္မာ ဥပ္ပဇ္ဇိတ္ထာတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ အဗျာကတာ ဓမ္မာ နိရုဇ္ဈိဿန္တိ၊ နော စ တေသံ တတ္ထ အကုသလာ ဓမ္မာ ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ အဗျာကတာ စ ဓမ္မာ နိရုဇ္ဈိဿန္တိ အကုသလာ စ ဓမ္မာ ဥပ္ပဇ္ဇိတ္ထ။
(ဃ) ပစ္စနီကပုဂ္ဂလော
၂၂၄. (က) ယဿ ကုသလာ ဓမ္မာ န ဥပ္ပဇ္ဇိတ္ထ တဿ အကုသလာ ဓမ္မာ န နိရုဇ္ဈိဿန္တီတိ? နတ္ထိ။
(ခ) ယဿ ဝါ ပန အကုသလာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
(က) ယဿ ကုသလာ ဓမ္မာ န ဥပ္ပဇ္ဇိတ္ထ တဿ အဗျာကတာ ဓမ္မာ န နိရုဇ္ဈိဿန္တီတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ ကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
၂၂၅. (က) ယဿ အကုသလာ ဓမ္မာ န ဥပ္ပဇ္ဇိတ္ထ တဿ အဗျာကတာ ဓမ္မာ န နိရုဇ္ဈိဿန္တီတိ? နတ္ထိ။
(ခ) ယဿ ဝါ ပန အဗျာကတာ ဓမ္မာ န နိရုဇ္ဈိဿန္တိ တဿ အကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
(င) ပစ္စနီကဩကာသော
၂၂၆. ယတ္ထ ကုသလာ ဓမ္မာ န ဥပ္ပဇ္ဇိတ္ထ တတ္ထ အကုသလာ ဓမ္မာ န နိရုဇ္ဈိဿန္တီတိ?။ပေ.။။
(စ) ပစ္စနီကပုဂ္ဂလောကာသာ
၂၂၇. (က) ယဿ ယတ္ထ ကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အကုသလာ ဓမ္မာ န နိရုဇ္ဈိဿန္တီတိ?
သုဒ္ဓါဝါသာနံ ဒုတိယေ စိတ္တေ ဝတ္တမာနေ တေသံ တတ္ထ ကုသလာ ဓမ္မာ န ဥပ္ပဇ္ဇိတ္ထ၊ နော စ တေသံ တတ္ထ အကုသလာ ဓမ္မာ န နိရုဇ္ဈိဿန္တိ။ အသညသတ္တာနံ တေသံ တတ္ထ ကုသလာ စ ဓမ္မာ န ဥပ္ပဇ္ဇိတ္ထ အကုသလာ စ ဓမ္မာ န နိရုဇ္ဈိဿန္တိ။
(ခ) ယဿ ဝါ ပန ယတ္ထ အကုသလာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ?
အဂ္ဂမဂ္ဂသမင်္ဂီနံ အရဟန္တာနံ ယဿ စိတ္တဿ အနန္တရာ အဂ္ဂမဂ္ဂံ ပဋိလဘိဿန္တိ တေသံ တတ္ထ အကုသလာ ဓမ္မာ န နိရုဇ္ဈိဿန္တိ၊ နော စ တေသံ တတ္ထ ကုသလာ ဓမ္မာ န ဥပ္ပဇ္ဇိတ္ထ။ အသညသတ္တာနံ တေသံ တတ္ထ အကုသလာ စ ဓမ္မာ န နိရုဇ္ဈိဿန္တိ ကုသလာ စ ဓမ္မာ န ဥပ္ပဇ္ဇိတ္ထ။
(က) ယဿ ယတ္ထ ကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ? နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ ကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
၂၂၈. (က) ယဿ ယတ္ထ အကုသလာ ဓမ္မာ န ဥပ္ပဇ္ဇိတ္ထ တဿ တတ္ထ အဗျာကတာ ဓမ္မာ န နိရုဇ္ဈိဿန္တီတိ? နိရုဇ္ဈိဿန္တိ။
(ခ) ယဿ ဝါ ပန ယတ္ထ အဗျာကတာ ဓမ္မာ န နိရုဇ္ဈိဿန္တိ တဿ တတ္ထ အကုသလာ ဓမ္မာ န ဥပ္ပဇ္ဇိတ္ထာတိ? ဥပ္ပဇ္ဇိတ္ထ။
ဥပ္ပါဒနိရောဓဝါရော။
ပဝတ္တိဝါရော နိဋ္ဌိတော။
၃. ဘာဝနာဝါရော
၂၂၉. (က) ယော ကုသလံ ဓမ္မံ ဘာဝေတိ သော အကုသလံ ဓမ္မံ ပဇဟတီတိ? အာမန္တာ။
(ခ) ယော ဝါ ပန အကုသလံ ဓမ္မံ ပဇဟတိ သော ကုသလံ ဓမ္မံ ဘာဝေတီတိ? အာမန္တာ။
(က) ယော ကုသလံ ဓမ္မံ န ဘာဝေတိ သော အကုသလံ ဓမ္မံ နပ္ပဇဟတီတိ? အာမန္တာ။
(ခ) ယော ဝါ ပန အကုသလံ ဓမ္မံ နပ္ပဇဟတိ သော ကုသလံ ဓမ္မံ န ဘာဝေတီတိ? အာမန္တာ။ပေ.။။
ဘာဝနာဝါရော။
ဓမ္မယမကံ နိဋ္ဌိတံ။
။ နမော တဿ ဘဂဝတော အရဟတော သမ္မာသမ္ဗုဒ္ဓဿ။