။ နမော တဿ ဘဂဝတော အရဟတော သမ္မာသမ္ဗုဒ္ဓဿ။
အဘိဓမ္မပိဋက
ယမကပါဠိ (ဒုတိယော ဘာဂေါ)
၆. သခႅါရယမက
၁. ပဏ္ဏတ္တိဝါရ
(က) ဥဒ္ဒေသ
၁. တယော သခႅါရာ – ကာယသခႅါရော, ဝစီသခႅါရော, စိတ္တသခႅါရောတိ။ အဿာသပဿာသာ ကာယသခႅါရော, ဝိတက္ကဝိစာရာ ဝစီသခႅါရော, သညာ စ ဝေဒနာ စ စိတ္တသင်္ခါရော။ ဌပေတွာ ဝိတက္ကဝိစာရေ သဗ္ဗေပိ စိတ္တသမ္ပယုတ္တကာ ဓမ္မာ စိတ္တသင်္ခါရော။
၁. ပဒသောဓနဝါရော
(က) အနုလောမံ
၂. (က) ကာယော ကာယသင်္ခါရော?
(ခ) ကာယသင်္ခါရော ကာယော?
(က) ဝစီ ဝစီသင်္ခါရော?
(ခ) ဝစီသင်္ခါရော ဝစီ?
(က) စိတ္တံ စိတ္တသင်္ခါရော?
(ခ) စိတ္တသင်္ခါရော စိတ္တံ?
(ခ) ပစ္စနီကံ
၃. (က) န ကာယော န ကာယသင်္ခါရော?
(ခ) န ကာယသင်္ခါရော န ကာယော?
(က) န ဝစီ န ဝစီသင်္ခါရော?
(ခ) န ဝစီသင်္ခါရော န ဝစီ?
(က) န စိတ္တံ န စိတ္တသင်္ခါရော?
(ခ) န စိတ္တသင်္ခါရော န စိတ္တံ?
၂. ပဒသောဓနမူလစက္ကဝါရော
(က) အနုလောမံ
၄. (က) ကာယော ကာယသင်္ခါရော?
(ခ) သင်္ခါရာ ဝစီသင်္ခါရော?
(က) ကာယော ကာယသင်္ခါရော?
(ခ) သင်္ခါရာ စိတ္တသင်္ခါရော?
(က) ဝစီ ဝစီသင်္ခါရော?
(ခ) သင်္ခါရာ ကာယသင်္ခါရော?
(က) ဝစီ ဝစီသင်္ခါရော?
(ခ) သင်္ခါရာ စိတ္တသင်္ခါရော?
(က) စိတ္တံ စိတ္တသင်္ခါရော?
(ခ) သင်္ခါရာ ကာယသင်္ခါရော?
(က) စိတ္တံ စိတ္တသင်္ခါရော?
(ခ) သင်္ခါရာ ဝစီသင်္ခါရော?
(ခ) ပစ္စနီကံ
၅. (က) န ကာယော န ကာယသင်္ခါရော?
(ခ) န သင်္ခါရာ န ဝစီသင်္ခါရော?
(က) န ကာယော န ကာယသင်္ခါရော?
(ခ) န သင်္ခါရာ န စိတ္တသင်္ခါရော?
(က) န ဝစီ န ဝစီသင်္ခါရော?
(ခ) န သင်္ခါရာ န ကာယသင်္ခါရော?
(က) န ဝစီ န ဝစီသင်္ခါရော?
(ခ) န သင်္ခါရာ န စိတ္တသင်္ခါရော?
(က) န စိတ္တံ န စိတ္တသင်္ခါရော?
(ခ) န သင်္ခါရာ န ကာယသင်္ခါရော?
(က) န စိတ္တံ န စိတ္တသင်္ခါရော?
(ခ) န သင်္ခါရာ န ဝစီသင်္ခါရော?
၃. သုဒ္ဓသင်္ခါရဝါရော
(က) အနုလောမံ
၆. (က) ကာယသင်္ခါရော ဝစီသင်္ခါရော?
(ခ) ဝစီသင်္ခါရော ကာယသင်္ခါရော?
(က) ကာယသင်္ခါရော စိတ္တသင်္ခါရော?
(ခ) စိတ္တသင်္ခါရော ကာယသင်္ခါရော?
(က) ဝစီသင်္ခါရော စိတ္တသင်္ခါရော?
(ခ) စိတ္တသင်္ခါရော ဝစီသင်္ခါရော?
(ခ) ပစ္စနီကံ
၇. (က) န ကာယသင်္ခါရော န ဝစီသင်္ခါရော?
(ခ) န ဝစီသင်္ခါရော န ကာယသင်္ခါရော?
(က) န ကာယသင်္ခါရော န စိတ္တသင်္ခါရော?
(ခ) န စိတ္တသင်္ခါရော န ကာယသင်္ခါရော?
(က) န ဝစီသင်္ခါရော န စိတ္တသင်္ခါရော?
(ခ) န စိတ္တသင်္ခါရော န ဝစီသင်္ခါရော?
ပဏ္ဏတ္တိဥဒ္ဒေသဝါရော။
ပဏ္ဏတ္တိဝါရော။
(ခ) နိဒ္ဒေသော
၁. ပဒသောဓနဝါရော
(က) အနုလောမံ
၈. (က) ကာယော ကာယသင်္ခါရောတိ? နော။
(ခ) ကာယသင်္ခါရော ကာယောတိ? နော။
(က) ဝစီ ဝစီသင်္ခါရောတိ? နော။
(ခ) ဝစီသင်္ခါရော ဝစီတိ? နော။
(က) စိတ္တံ စိတ္တသင်္ခါရောတိ? နော။
(ခ) စိတ္တသင်္ခါရော စိတ္တန္တိ? နော။
(ခ) ပစ္စနီကံ
၉. (က) န ကာယော န ကာယသင်္ခါရောတိ?
ကာယသင်္ခါရော န ကာယော, ကာယသင်္ခါရော။ ကာယဉ္စ ကာယသင်္ခါရဉ္စ ဌပေတွာ အဝသေသာ န စေဝ ကာယော န စ ကာယသင်္ခါရော။
(ခ) န ကာယသင်္ခါရော န ကာယောတိ?
ကာယော န ကာယသင်္ခါရော, ကာယော။ ကာယဉ္စ ကာယသင်္ခါရဉ္စ ဌပေတွာ အဝသေသာ န စေဝ ကာယော န စ ကာယသင်္ခါရော။
(က) န ဝစီ န ဝစီသင်္ခါရောတိ?
ဝစီသင်္ခါရော န ဝစီ, ဝစီသင်္ခါရော။ ဝစိဉ္စ ဝစီသင်္ခါရဉ္စ ဌပေတွာ အဝသေသာ န စေဝ ဝစီ န စ ဝစီသင်္ခါရော။
(ခ) န ဝစီသင်္ခါရော န ဝစီတိ?
ဝစီ န ဝစီသင်္ခါရော, ဝစီ။ ဝစိဉ္စ ဝစီသင်္ခါရဉ္စ ဌပေတွာ အဝသေသာ န စေဝ ဝစီ န စ ဝစီသင်္ခါရော။
(က) န စိတ္တံ န စိတ္တသင်္ခါရောတိ?
စိတ္တသင်္ခါရော န စိတ္တံ, စိတ္တသင်္ခါရော။ စိတ္တဉ္စ စိတ္တသင်္ခါရဉ္စ ဌပေတွာ အဝသေသာ န စေဝ စိတ္တံ န စ စိတ္တသင်္ခါရော။
(ခ) န စိတ္တသင်္ခါရော န စိတ္တန္တိ?
စိတ္တံ န စိတ္တသင်္ခါရော, စိတ္တံ။ စိတ္တဉ္စ စိတ္တသင်္ခါရဉ္စ ဌပေတွာ အဝသေသာ န စေဝ စိတ္တံ န စ စိတ္တသင်္ခါရော။
၂. ပဒသောဓနမူလစက္ကဝါရော
(က) အနုလောမံ
၁၀. (က) ကာယော ကာယသင်္ခါရောတိ? နော။
(ခ) သင်္ခါရာ ဝစီသင်္ခါရောတိ?
ဝစီသင်္ခါရော သင်္ခါရော စေဝ ဝစီသင်္ခါရော စ။ အဝသေသာ သင်္ခါရာ [အဝသေသာ သင်္ခါရာ သင်္ခါရာ (သီ. သျာ. ကံ.)] န ဝစီသင်္ခါရော။
(က) ကာယော ကာယသင်္ခါရောတိ? နော။
(ခ) သင်္ခါရာ စိတ္တသင်္ခါရောတိ?
စိတ္တသင်္ခါရော သင်္ခါရော စေဝ စိတ္တသင်္ခါရော စ။ အဝသေသာ သင်္ခါရာ န စိတ္တသင်္ခါရော။
၁၁. (က) ဝစီ ဝစီသင်္ခါရောတိ? နော။
(ခ) သင်္ခါရာ ကာယသင်္ခါရောတိ?
ကာယသင်္ခါရော သင်္ခါရော စေဝ ကာယသင်္ခါရော စ။ အဝသေသာ သင်္ခါရာ န ကာယသင်္ခါရော။
(က) ဝစီ ဝစီသင်္ခါရောတိ? နော။
(ခ) သင်္ခါရာ စိတ္တသင်္ခါရောတိ?
စိတ္တသင်္ခါရော သင်္ခါရော စေဝ စိတ္တသင်္ခါရော စ။ အဝသေသာ သင်္ခါရာ န စိတ္တသင်္ခါရော။
၁၂. (က) စိတ္တံ စိတ္တသင်္ခါရောတိ? နော။
(ခ) သင်္ခါရာ ကာယသင်္ခါရောတိ?
ကာယသင်္ခါရော သင်္ခါရော စေဝ ကာယသင်္ခါရော စ။ အဝသေသာ သင်္ခါရာ န ကာယသင်္ခါရော။
(က) စိတ္တံ စိတ္တသင်္ခါရောတိ? နော။
(ခ) သင်္ခါရာ ဝစီသင်္ခါရောတိ?
ဝစီသင်္ခါရော သင်္ခါရော စေဝ ဝစီသင်္ခါရော စ။ အဝသေသာ သင်္ခါရာ န ဝစီသင်္ခါရော။
(ခ) ပစ္စနီကံ
၁၃. (က) န ကာယော န ကာယသင်္ခါရောတိ?
ကာယသင်္ခါရော န ကာယော, ကာယသင်္ခါရော။ ကာယဉ္စ ကာယသင်္ခါရဉ္စ ဌပေတွာ အဝသေသာ န စေဝ ကာယော န စ ကာယသင်္ခါရော။
(ခ) န သင်္ခါရာ န ဝစီသင်္ခါရောတိ? အာမန္တာ။
(က) န ကာယော န ကာယသင်္ခါရောတိ?
ကာယသင်္ခါရော န ကာယော, ကာယသင်္ခါရော။ ကာယဉ္စ ကာယသင်္ခါရဉ္စ ဌပေတွာ အဝသေသာ န စေဝ ကာယော န စ ကာယသင်္ခါရော။
(ခ) န သင်္ခါရာ န စိတ္တသင်္ခါရောတိ? အာမန္တာ။
၁၄. (က) န ဝစီ န ဝစီသင်္ခါရောတိ?
ဝစီသင်္ခါရော န ဝစီ, ဝစီသင်္ခါရော။ ဝစိဉ္စ ဝစီသင်္ခါရဉ္စ ဌပေတွာ အဝသေသာ န စေဝ ဝစီ န စ ဝစီသင်္ခါရော။
(ခ) န သင်္ခါရာ န ကာယသင်္ခါရောတိ? အာမန္တာ။
(က) န ဝစီ န ဝစီသင်္ခါရောတိ?
ဝစီသင်္ခါရော န ဝစီ, ဝစီသင်္ခါရော။ ဝစိဉ္စ ဝစီသင်္ခါရဉ္စ ဌပေတွာ အဝသေသာ န စေဝ ဝစီ န စ ဝစီသင်္ခါရော။
(ခ) န သင်္ခါရာ န စိတ္တသင်္ခါရောတိ? အာမန္တာ။
၁၅. (က) န စိတ္တံ န စိတ္တသင်္ခါရောတိ?
စိတ္တသင်္ခါရော န စိတ္တံ, စိတ္တသင်္ခါရော။ စိတ္တဉ္စ စိတ္တသင်္ခါရဉ္စ ဌပေတွာ အဝသေသာ န စေဝ စိတ္တံ န စ စိတ္တသင်္ခါရော။
(ခ) န သင်္ခါရာ န ကာယသင်္ခါရောတိ? အာမန္တာ။
(က) န စိတ္တံ န စိတ္တသင်္ခါရောတိ?
စိတ္တသင်္ခါရော န စိတ္တံ, စိတ္တသင်္ခါရော။ စိတ္တဉ္စ စိတ္တသင်္ခါရဉ္စ ဌပေတွာ အဝသေသာ န စေဝ စိတ္တံ န စ စိတ္တသင်္ခါရော။
(ခ) န သင်္ခါရာ န ဝစီသင်္ခါရောတိ? အာမန္တာ။
၃. သုဒ္ဓသင်္ခါရဝါရော
(က) အနုလောမံ
၁၆. (က) ကာယသင်္ခါရော ဝစီသင်္ခါရောတိ? နော။
(ခ) ဝစီသင်္ခါရော ကာယသင်္ခါရောတိ? နော။
(က) ကာယသင်္ခါရော စိတ္တသင်္ခါရောတိ? နော။
(ခ) စိတ္တသင်္ခါရော ကာယသင်္ခါရောတိ? နော။
(က) ဝစီသင်္ခါရော စိတ္တသင်္ခါရောတိ? နော။
(ခ) စိတ္တသင်္ခါရော ဝစီသင်္ခါရောတိ? နော။
(ခ) ပစ္စနီကံ
၁၇. (က) န ကာယသင်္ခါရော န ဝစီသင်္ခါရောတိ?
ဝစီသင်္ခါရော န ကာယသင်္ခါရော, ဝစီသင်္ခါရော။ ကာယသင်္ခါရဉ္စ ဝစီသင်္ခါရဉ္စ ဌပေတွာ အဝသေသာ န စေဝ ကာယသင်္ခါရော န စ ဝစီသင်္ခါရော။
(ခ) န ဝစီသင်္ခါရော န ကာယသင်္ခါရောတိ?
ကာယသင်္ခါရော န ဝစီသင်္ခါရော, ကာယသင်္ခါရော။ ဝစီသင်္ခါရဉ္စ ကာယသင်္ခါရဉ္စ ဌပေတွာ အဝသေသာ န စေဝ ဝစီသင်္ခါရော န စ ကာယသင်္ခါရော။
(က) န ကာယသင်္ခါရော န စိတ္တသင်္ခါရောတိ?
စိတ္တသင်္ခါရော န ကာယသင်္ခါရော, စိတ္တသင်္ခါရော။ ကာယသင်္ခါရဉ္စ စိတ္တသင်္ခါရဉ္စ ဌပေတွာ အဝသေသာ န စေဝ ကာယသင်္ခါရော န စ စိတ္တသင်္ခါရော။
(ခ) န စိတ္တသင်္ခါရော န ကာယသင်္ခါရောတိ?
ကာယသင်္ခါရော န စိတ္တသင်္ခါရော, ကာယသင်္ခါရော။ စိတ္တသင်္ခါရဉ္စ ကာယသင်္ခါရဉ္စ ဌပေတွာ အဝသေသာ န စေဝ စိတ္တသင်္ခါရော န စ ကာယသင်္ခါရော။
၁၈. (က) န ဝစီသင်္ခါရော န စိတ္တသင်္ခါရောတိ?
စိတ္တသင်္ခါရော န ဝစီသင်္ခါရော, စိတ္တသင်္ခါရော။ ဝစီသင်္ခါရဉ္စ စိတ္တသင်္ခါရဉ္စ ဌပေတွာ အဝသေသာ န စေဝ ဝစီသင်္ခါရော န စ စိတ္တသင်္ခါရော။
(ခ) န စိတ္တသင်္ခါရော န ဝစီသင်္ခါရောတိ?
ဝစီသင်္ခါရော န စိတ္တသင်္ခါရော, ဝစီသင်္ခါရော။ စိတ္တသင်္ခါရဉ္စ ဝစီသင်္ခါရဉ္စ ဌပေတွာ အဝသေသာ န စေဝ စိတ္တသင်္ခါရော န စ ဝစီသင်္ခါရော။
ပဏ္ဏတ္တိနိဒ္ဒေသဝါရော။
၂. ပဝတ္တိဝါရော ၁. ဥပ္ပါဒဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၁၉. (က) ယဿ ကာယသင်္ခါရော ဥပ္ပဇ္ဇတိ တဿ ဝစီသင်္ခါရော ဥပ္ပဇ္ဇတီတိ?
ဝိနာ ဝိတက္ကဝိစာရေဟိ အဿာသပဿာသာနံ ဥပ္ပါဒက္ခဏေ တေသံ ကာယသင်္ခါရော ဥပ္ပဇ္ဇတိ, နော စ တေသံ ဝစီသင်္ခါရော ဥပ္ပဇ္ဇတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံ ကာယသင်္ခါရော စ ဥပ္ပဇ္ဇတိ ဝစီသင်္ခါရော စ ဥပ္ပဇ္ဇတိ။
(ခ) ယဿ ဝါ ပန ဝစီသင်္ခါရော ဥပ္ပဇ္ဇတိ တဿ ကာယသင်္ခါရော ဥပ္ပဇ္ဇတီတိ?
ဝိနာ အဿာသပဿာသေဟိ ဝိတက္ကဝိစာရာနံ ဥပ္ပါဒက္ခဏေ တေသံ ဝစီသင်္ခါရော ဥပ္ပဇ္ဇတိ, နော စ တေသံ ကာယသင်္ခါရော ဥပ္ပဇ္ဇတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံ ဝစီသင်္ခါရော စ ဥပ္ပဇ္ဇတိ ကာယသင်္ခါရော စ ဥပ္ပဇ္ဇတိ။
(က) ယဿ ကာယသင်္ခါရော ဥပ္ပဇ္ဇတိ တဿ စိတ္တသင်္ခါရော ဥပ္ပဇ္ဇတီတိ? အာမန္တာ။
(ခ) ယဿ ဝါ ပန စိတ္တသင်္ခါရော ဥပ္ပဇ္ဇတိ တဿ ကာယသင်္ခါရော ဥပ္ပဇ္ဇတီတိ?
ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ တေသံ စိတ္တသင်္ခါရော ဥပ္ပဇ္ဇတိ, နော စ တေသံ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ စိတ္တသင်္ခါရော စ ဥပ္ပဇ္ဇတိ ကာယသင်္ခါရော စ ဥပ္ပဇ္ဇတိ။
၂၀. (က) ယဿ ဝစီသင်္ခါရော ဥပ္ပဇ္ဇတိ တဿ စိတ္တသင်္ခါရော ဥပ္ပဇ္ဇတီတိ? အာမန္တာ။
(ခ) ယဿ ဝါ ပန စိတ္တသင်္ခါရော ဥပ္ပဇ္ဇတိ တဿ ဝစီသင်္ခါရော ဥပ္ပဇ္ဇတီတိ?
ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ တေသံ စိတ္တသင်္ခါရော ဥပ္ပဇ္ဇတိ, နော စ တေသံ ဝစီသင်္ခါရော ဥပ္ပဇ္ဇတိ။ ဝိတက္ကဝိစာရာနံ ဥပ္ပါဒက္ခဏေ တေသံ စိတ္တသင်္ခါရော စ ဥပ္ပဇ္ဇတိ ဝစီသင်္ခါရော စ ဥပ္ပဇ္ဇတိ။
(ခ) အနုလောမဩကာသော
၂၁. (က) ယတ္ထ ကာယသင်္ခါရော ဥပ္ပဇ္ဇတိ တတ္ထ ဝစီသင်္ခါရော ဥပ္ပဇ္ဇတီတိ?
ဒုတိယဇ္ဈာနေ တတိယဇ္ဈာနေ တတ္ထ ကာယသင်္ခါရော ဥပ္ပဇ္ဇတိ, နော စ တတ္ထ ဝစီသင်္ခါရော ဥပ္ပဇ္ဇတိ။ ပဌမဇ္ဈာနေ ကာမာဝစရေ တတ္ထ ကာယသင်္ခါရော စ ဥပ္ပဇ္ဇတိ ဝစီသင်္ခါရော စ ဥပ္ပဇ္ဇတိ။
(ခ) ယတ္ထ ဝါ ပန ဝစီသင်္ခါရော ဥပ္ပဇ္ဇတိ တတ္ထ ကာယသင်္ခါရော ဥပ္ပဇ္ဇတီတိ?
ရူပါဝစရေ အရူပါဝစရေ တတ္ထ ဝစီသင်္ခါရော ဥပ္ပဇ္ဇတိ, နော စ တတ္ထ ကာယသင်္ခါရော ဥပ္ပဇ္ဇတိ။ ပဌမဇ္ဈာနေ ကာမာဝစရေ တတ္ထ ဝစီသင်္ခါရော စ ဥပ္ပဇ္ဇတိ ကာယသင်္ခါရော စ ဥပ္ပဇ္ဇတိ။
(က) ယတ္ထ ကာယသင်္ခါရော ဥပ္ပဇ္ဇတိ တတ္ထ စိတ္တသင်္ခါရော ဥပ္ပဇ္ဇတီတိ? အာမန္တာ။
(ခ) ယတ္ထ ဝါ ပန စိတ္တသင်္ခါရော ဥပ္ပဇ္ဇတိ တတ္ထ ကာယသင်္ခါရော ဥပ္ပဇ္ဇတီတိ?
စတုတ္ထဇ္ဈာနေ ရူပါဝစရေ အရူပါဝစရေ တတ္ထ စိတ္တသင်္ခါရော ဥပ္ပဇ္ဇတိ, နော စ တတ္ထ ကာယသင်္ခါရော ဥပ္ပဇ္ဇတိ။ ပဌမဇ္ဈာနေ ဒုတိယဇ္ဈာနေ တတိယဇ္ဈာနေ ကာမာဝစရေ တတ္ထ စိတ္တသင်္ခါရော စ ဥပ္ပဇ္ဇတိ ကာယသင်္ခါရော စ ဥပ္ပဇ္ဇတိ။
၂၂. (က) ယတ္ထ ဝစီသင်္ခါရော ဥပ္ပဇ္ဇတိ တတ္ထ စိတ္တသင်္ခါရော ဥပ္ပဇ္ဇတီတိ? အာမန္တာ။
(ခ) ယတ္ထ ဝါ ပန စိတ္တသင်္ခါရော ဥပ္ပဇ္ဇတိ တတ္ထ ဝစီသင်္ခါရော ဥပ္ပဇ္ဇတီတိ?
ဒုတိယဇ္ဈာနေ တတိယဇ္ဈာနေ စတုတ္ထဇ္ဈာနေ တတ္ထ စိတ္တသင်္ခါရော ဥပ္ပဇ္ဇတိ, နော စ တတ္ထ ဝစီသင်္ခါရော ဥပ္ပဇ္ဇတိ။ ပဌမဇ္ဈာနေ ကာမာဝစရေ ရူပါဝစရေ အရူပါဝစရေ တတ္ထ စိတ္တသင်္ခါရော စ ဥပ္ပဇ္ဇတိ ဝစီသင်္ခါရော စ ဥပ္ပဇ္ဇတိ။
(ဂ) အနုလောမပုဂ္ဂလောကာသာ
၂၃. ယဿ ယတ္ထ ကာယသင်္ခါရော ဥပ္ပဇ္ဇတိ။ပေ.။။
(ယဿကမ္ပိ ယဿယတ္ထကမ္ပိ သဒိသံ။)
(ဃ) ပစ္စနီကပုဂ္ဂလော
၂၄. (က) ယဿ ကာယသင်္ခါရော နုပ္ပဇ္ဇတိ တဿ ဝစီသင်္ခါရော နုပ္ပဇ္ဇတီတိ?
ဝိနာ အဿာသပဿာသေဟိ ဝိတက္ကဝိစာရာနံ ဥပ္ပါဒက္ခဏေ တေသံ ကာယသင်္ခါရော နုပ္ပဇ္ဇတိ, နော စ တေသံ ဝစီသင်္ခါရော နုပ္ပဇ္ဇတိ။ သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ အဝိတက္ကအဝိစာရစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော စ နုပ္ပဇ္ဇတိ ဝစီသင်္ခါရော စ နုပ္ပဇ္ဇတိ။
(ခ) ယဿ ဝါ ပန ဝစီသင်္ခါရော နုပ္ပဇ္ဇတိ တဿ ကာယသင်္ခါရော နုပ္ပဇ္ဇတီတိ?
ဝိနာ ဝိတက္ကဝိစာရေဟိ အဿာသပဿာသာနံ ဥပ္ပါဒက္ခဏေ တေသံ ဝစီသင်္ခါရော နုပ္ပဇ္ဇတိ, နော စ တေသံ ကာယသင်္ခါရော နုပ္ပဇ္ဇတိ။ သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ အဝိတက္ကအဝိစာရစိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော စ နုပ္ပဇ္ဇတိ ကာယသင်္ခါရော စ နုပ္ပဇ္ဇတိ။
(က) ယဿ ကာယသင်္ခါရော နုပ္ပဇ္ဇတိ တဿ စိတ္တသင်္ခါရော နုပ္ပဇ္ဇတီတိ?
ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ တေသံ ကာယသင်္ခါရော နုပ္ပဇ္ဇတိ, နော စ တေသံ စိတ္တသင်္ခါရော နုပ္ပဇ္ဇတိ။ သဗ္ဗေသံ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော စ နုပ္ပဇ္ဇတိ စိတ္တသင်္ခါရော စ နုပ္ပဇ္ဇတိ။
(ခ) ယဿ ဝါ ပန စိတ္တသင်္ခါရော နုပ္ပဇ္ဇတိ တဿ ကာယသင်္ခါရော နုပ္ပဇ္ဇတီတိ? အာမန္တာ။
၂၅. (က) ယဿ ဝစီသင်္ခါရော နုပ္ပဇ္ဇတိ တဿ စိတ္တသင်္ခါရော နုပ္ပဇ္ဇတီတိ?
ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ တေသံ ဝစီသင်္ခါရော နုပ္ပဇ္ဇတိ, နော စ တေသံ စိတ္တသင်္ခါရော နုပ္ပဇ္ဇတိ။ သဗ္ဗေသံ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော စ နုပ္ပဇ္ဇတိ စိတ္တသင်္ခါရော စ နုပ္ပဇ္ဇတိ။
(ခ) ယဿ ဝါ ပန စိတ္တသင်္ခါရော နုပ္ပဇ္ဇတိ တဿ ဝစီသင်္ခါရော နုပ္ပဇ္ဇတီတိ? အာမန္တာ။
(င) ပစ္စနီကဩကာသော
၂၆. (က) ယတ္ထ ကာယသင်္ခါရော နုပ္ပဇ္ဇတိ တတ္ထ ဝစီသင်္ခါရော နုပ္ပဇ္ဇတီတိ?
ရူပါဝစရေ အရူပါဝစရေ တတ္ထ ကာယသင်္ခါရော နုပ္ပဇ္ဇတိ, နော စ တတ္ထ ဝစီသင်္ခါရော နုပ္ပဇ္ဇတိ။ စတုတ္ထဇ္ဈာနေ အသညသတ္တေ တတ္ထ ကာယသင်္ခါရော စ နုပ္ပဇ္ဇတိ ဝစီသင်္ခါရော စ နုပ္ပဇ္ဇတိ။
(ခ) ယတ္ထ ဝါ ပန ဝစီသင်္ခါရော နုပ္ပဇ္ဇတိ တတ္ထ ကာယသင်္ခါရော နုပ္ပဇ္ဇတီတိ?
ဒုတိယဇ္ဈာနေ တတိယဇ္ဈာနေ တတ္ထ ဝစီသင်္ခါရော နုပ္ပဇ္ဇတိ, နော စ တတ္ထ ကာယသင်္ခါရော နုပ္ပဇ္ဇတိ။ စတုတ္ထဇ္ဈာနေ အသညသတ္တေ တတ္ထ ဝစီသင်္ခါရော စ နုပ္ပဇ္ဇတိ ကာယသင်္ခါရော စ နုပ္ပဇ္ဇတိ။
(က) ယတ္ထ ကာယသင်္ခါရော နုပ္ပဇ္ဇတိ တတ္ထ စိတ္တသင်္ခါရော နုပ္ပဇ္ဇတီတိ?
စတုတ္ထဇ္ဈာနေ ရူပါဝစရေ အရူပါဝစရေ တတ္ထ ကာယသင်္ခါရော နုပ္ပဇ္ဇတိ, နော စ တတ္ထ စိတ္တသင်္ခါရော နုပ္ပဇ္ဇတိ။ အသညသတ္တေ တတ္ထ ကာယသင်္ခါရော စ နုပ္ပဇ္ဇတိ စိတ္တသင်္ခါရော စ နုပ္ပဇ္ဇတိ။
(ခ) ယတ္ထ ဝါ ပန။ပေ.။? အာမန္တာ။
၂၇. (က) ယတ္ထ ဝစီသင်္ခါရော နုပ္ပဇ္ဇတိ တတ္ထ စိတ္တသင်္ခါရော နုပ္ပဇ္ဇတီတိ?
ဒုတိယဇ္ဈာနေ တတိယဇ္ဈာနေ စတုတ္ထဇ္ဈာနေ တတ္ထ ဝစီသင်္ခါရော နုပ္ပဇ္ဇတိ, နော စ တတ္ထ စိတ္တသင်္ခါရော နုပ္ပဇ္ဇတိ။ အသညသတ္တေ တတ္ထ ဝစီသင်္ခါရော စ နုပ္ပဇ္ဇတိ စိတ္တသင်္ခါရော စ နုပ္ပဇ္ဇတိ။
(ခ) ယတ္ထ ဝါ ပန။ပေ.။? အာမန္တာ။
(စ) ပစ္စနီကပုဂ္ဂလောကာသာ
၂၈. (က) ယဿ ယတ္ထ ကာယသင်္ခါရော နုပ္ပဇ္ဇတိ တဿ တတ္ထ ဝစီသင်္ခါရော နုပ္ပဇ္ဇတီတိ?
ဝိနာ အဿာသပဿာသေဟိ ဝိတက္ကဝိစာရာနံ ဥပ္ပါဒက္ခဏေ တေသံ တတ္ထ ကာယသင်္ခါရော နုပ္ပဇ္ဇတိ, နော စ တေသံ တတ္ထ ဝစီသင်္ခါရော နုပ္ပဇ္ဇတိ။ သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ အဝိတက္ကအဝိစာရစိတ္တဿ ဥပ္ပါဒက္ခဏေ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇတိ ဝစီသင်္ခါရော စ နုပ္ပဇ္ဇတိ။
(ခ) ယဿ ဝါ ပန ယတ္ထ။ပေ.။? အာမန္တာ။
(ယဿကမ္ပိ ယဿယတ္ထကမ္ပိ သဒိသံ ဝိတ္ထာရေတဗ္ဗံ, ယဿယတ္ထကေ နိရောဓသမာပန္နာနန္တိ န လဗ္ဘတိ။)
(၂) အတီတဝါရော
(က) အနုလောမပုဂ္ဂလော
၂၉. (က) ယဿ ကာယသင်္ခါရော ဥပ္ပဇ္ဇိတ္ထ တဿ ဝစီသင်္ခါရော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန။ပေ.။? အာမန္တာ။
(က) ယဿ ကာယသင်္ခါရော ဥပ္ပဇ္ဇိတ္ထ တဿ စိတ္တသင်္ခါရော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန။ပေ.။? အာမန္တာ။
၃၀. (က) ယဿ ဝစီသင်္ခါရော ဥပ္ပဇ္ဇိတ္ထ တဿ စိတ္တသင်္ခါရော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန။ပေ.။? အာမန္တာ။
(ခ) အနုလောမဩကာသော
၃၁. ယတ္ထ ကာယသင်္ခါရော ဥပ္ပဇ္ဇိတ္ထ။ပေ.။
(ယတ္ထကမ္ပိ သဗ္ဗတ္ထ ဧကသဒိသံ)။
(ဂ) အနုလောမပုဂ္ဂလောကာသာ
၃၂. (က) ယဿ ယတ္ထ ကာယသင်္ခါရော ဥပ္ပဇ္ဇိတ္ထ တဿ တတ္ထ ဝစီသင်္ခါရော ဥပ္ပဇ္ဇိတ္ထာတိ?
ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ကာယသင်္ခါရော ဥပ္ပဇ္ဇိတ္ထ, နော စ တေသံ တတ္ထ ဝစီသင်္ခါရော ဥပ္ပဇ္ဇိတ္ထ။ ပဌမဇ္ဈာနံ သမာပန္နာနံ ကာမာဝစရာနံ တေသံ တတ္ထ ကာယသင်္ခါရော စ ဥပ္ပဇ္ဇိတ္ထ ဝစီသင်္ခါရော စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ ဝစီသင်္ခါရော ဥပ္ပဇ္ဇိတ္ထ တဿ တတ္ထ ကာယသင်္ခါရော ဥပ္ပဇ္ဇိတ္ထာတိ?
ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော ဥပ္ပဇ္ဇိတ္ထ, နော စ တေသံ တတ္ထ ကာယသင်္ခါရော ဥပ္ပဇ္ဇိတ္ထ။ ပဌမဇ္ဈာနံ သမာပန္နာနံ ကာမာဝစရာနံ တေသံ တတ္ထ ဝစီသင်္ခါရော စ ဥပ္ပဇ္ဇိတ္ထ ကာယသင်္ခါရော စ ဥပ္ပဇ္ဇိတ္ထ။
(က) ယဿ ယတ္ထ ကာယသင်္ခါရော ဥပ္ပဇ္ဇိတ္ထ တဿ တတ္ထ စိတ္တသင်္ခါရော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော ဥပ္ပဇ္ဇိတ္ထ တဿ တတ္ထ ကာယသင်္ခါရော ဥပ္ပဇ္ဇိတ္ထာတိ?
စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ စိတ္တသင်္ခါရော ဥပ္ပဇ္ဇိတ္ထ, နော စ တေသံ တတ္ထ ကာယသင်္ခါရော ဥပ္ပဇ္ဇိတ္ထ။ ပဌမဇ္ဈာနံ ဒုတိယဇ္ဈာနံ တတိယဇ္ဈာနံ သမာပန္နာနံ ကာမာဝစရာနံ တေသံ တတ္ထ စိတ္တသင်္ခါရော စ ဥပ္ပဇ္ဇိတ္ထ ကာယသင်္ခါရော စ ဥပ္ပဇ္ဇိတ္ထ။
၃၃. (က) ယဿ ယတ္ထ ဝစီသင်္ခါရော ဥပ္ပဇ္ဇိတ္ထ တဿ တတ္ထ စိတ္တသင်္ခါရော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော ဥပ္ပဇ္ဇိတ္ထ တဿ တတ္ထ ဝစီသင်္ခါရော ဥပ္ပဇ္ဇိတ္ထာတိ?
ဒုတိယဇ္ဈာနံ တတိယဇ္ဈာနံ စတုတ္ထဇ္ဈာနံ သမာပန္နာနံ သုဒ္ဓါဝါသာနံ ဒုတိယေ စိတ္တေ ဝတ္တမာနေ တေသံ တတ္ထ စိတ္တသင်္ခါရော ဥပ္ပဇ္ဇိတ္ထ, နော စ တေသံ တတ္ထ ဝစီသင်္ခါရော ဥပ္ပဇ္ဇိတ္ထ။ ပဌမဇ္ဈာနံ သမာပန္နာနံ ကာမာဝစရာနံ ဣတရေသံ ရူပါဝစရာနံ အရူပါဝစရာနံ တေသံ တတ္ထ စိတ္တသင်္ခါရော စ ဥပ္ပဇ္ဇိတ္ထ ဝစီသင်္ခါရော စ ဥပ္ပဇ္ဇိတ္ထ။
(ဃ) ပစ္စနီကပုဂ္ဂလော
၃၄. (က) ယဿ ကာယသင်္ခါရော နုပ္ပဇ္ဇိတ္ထ တဿ ဝစီသင်္ခါရော နုပ္ပဇ္ဇိတ္ထာတိ? နတ္ထိ။
(ခ) ယဿ ဝါ ပန ဝစီသင်္ခါရော နုပ္ပဇ္ဇိတ္ထ တဿ ကာယသင်္ခါရော နုပ္ပဇ္ဇိတ္ထာတိ? နတ္ထိ။
(က) ယဿ ကာယသင်္ခါရော နုပ္ပဇ္ဇိတ္ထ တဿ စိတ္တသင်္ခါရော နုပ္ပဇ္ဇိတ္ထာတိ? နတ္ထိ။
(ခ) ယဿ ဝါ ပန။ပေ.။? နတ္ထိ။
၃၅. (က) ယဿ ဝစီသင်္ခါရော နုပ္ပဇ္ဇိတ္ထ တဿ စိတ္တသင်္ခါရော နုပ္ပဇ္ဇိတ္ထာတိ? နတ္ထိ။
(ခ) ယဿ ဝါ ပန။ပေ.။? နတ္ထိ။
(င) ပစ္စနီကဩကာသော
၃၆. ယတ္ထ ကာယသင်္ခါရော နုပ္ပဇ္ဇိတ္ထ။ပေ.။။
(စ) ပစ္စနီကပုဂ္ဂလောကာသာ
၃၇. (က) ယဿ ယတ္ထ ကာယသင်္ခါရော နုပ္ပဇ္ဇိတ္ထ တဿ တတ္ထ ဝစီသင်္ခါရော နုပ္ပဇ္ဇိတ္ထာတိ?
ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇိတ္ထ, နော စ တေသံ တတ္ထ ဝစီသင်္ခါရော နုပ္ပဇ္ဇိတ္ထ။ စတုတ္ထဇ္ဈာနံ သမာပန္နာနံ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇိတ္ထ ဝစီသင်္ခါရော စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဝစီသင်္ခါရော နုပ္ပဇ္ဇိတ္ထ တဿ တတ္ထ ကာယသင်္ခါရော နုပ္ပဇ္ဇိတ္ထာတိ?
ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ဝစီသင်္ခါရော နုပ္ပဇ္ဇိတ္ထ, နော စ တေသံ တတ္ထ ကာယသင်္ခါရော နုပ္ပဇ္ဇိတ္ထ။ စတုတ္ထဇ္ဈာနံ သမာပန္နာနံ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇိတ္ထ ကာယသင်္ခါရော စ နုပ္ပဇ္ဇိတ္ထ။
(က) ယဿ ယတ္ထ ကာယသင်္ခါရော နုပ္ပဇ္ဇိတ္ထ တဿ တတ္ထ စိတ္တသင်္ခါရော နုပ္ပဇ္ဇိတ္ထာတိ?
စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇိတ္ထ, နော စ တေသံ တတ္ထ စိတ္တသင်္ခါရော နုပ္ပဇ္ဇိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇိတ္ထ စိတ္တသင်္ခါရော စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ။ပေ.။? အာမန္တာ။
၃၈. (က) ယဿ ယတ္ထ ဝစီသင်္ခါရော နုပ္ပဇ္ဇိတ္ထ တဿ တတ္ထ စိတ္တသင်္ခါရော နုပ္ပဇ္ဇိတ္ထာတိ?
ဒုတိယဇ္ဈာနံ တတိယဇ္ဈာနံ စတုတ္ထဇ္ဈာနံ သမာပန္နာနံ သုဒ္ဓါဝါသာနံ ဒုတိယေ စိတ္တေ ဝတ္တမာနေ တေသံ တတ္ထ ဝစီသင်္ခါရော နုပ္ပဇ္ဇိတ္ထ, နော စ တေသံ တတ္ထ စိတ္တသင်္ခါရော နုပ္ပဇ္ဇိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇိတ္ထ စိတ္တသင်္ခါရော စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ။ပေ.။? အာမန္တာ။
(၃) အနာဂတဝါရော
(က) အနုလောမပုဂ္ဂလော
၃၉. (က) ယဿ ကာယသင်္ခါရော ဥပ္ပဇ္ဇိဿတိ တဿ ဝစီသင်္ခါရော ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ဝစီသင်္ခါရော ဥပ္ပဇ္ဇိဿတိ တဿ ကာယသင်္ခါရော ဥပ္ပဇ္ဇိဿတီတိ?
ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဝစီသင်္ခါရော ဥပ္ပဇ္ဇိဿတိ, နော စ တေသံ ကာယသင်္ခါရော ဥပ္ပဇ္ဇိဿတိ။ ဣတရေသံ တေသံ ဝစီသင်္ခါရော စ ဥပ္ပဇ္ဇိဿတိ ကာယသင်္ခါရော စ ဥပ္ပဇ္ဇိဿတိ။
(က) ယဿ ကာယသင်္ခါရော ဥပ္ပဇ္ဇိဿတိ တဿ စိတ္တသင်္ခါရော ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန စိတ္တသင်္ခါရော ဥပ္ပဇ္ဇိဿတိ တဿ ကာယသင်္ခါရော ဥပ္ပဇ္ဇိဿတီတိ?
ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စိတ္တသင်္ခါရော ဥပ္ပဇ္ဇိဿတိ, နော စ တေသံ ကာယသင်္ခါရော ဥပ္ပဇ္ဇိဿတိ။ ဣတရေသံ တေသံ စိတ္တသင်္ခါရော စ ဥပ္ပဇ္ဇိဿတိ ကာယသင်္ခါရော စ ဥပ္ပဇ္ဇိဿတိ။
၄၀. (က) ယဿ ဝစီသင်္ခါရော ဥပ္ပဇ္ဇိဿတိ တဿ စိတ္တသင်္ခါရော ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန စိတ္တသင်္ခါရော ဥပ္ပဇ္ဇိဿတိ တဿ ဝစီသင်္ခါရော ဥပ္ပဇ္ဇိဿတီတိ?
ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ စိတ္တသင်္ခါရော ဥပ္ပဇ္ဇိဿတိ, နော စ တေသံ ဝစီသင်္ခါရော ဥပ္ပဇ္ဇိဿတိ။ ဣတရေသံ တေသံ စိတ္တသင်္ခါရော စ ဥပ္ပဇ္ဇိဿတိ ဝစီသင်္ခါရော စ ဥပ္ပဇ္ဇိဿတိ။
(ခ) အနုလောမဩကာသော
၄၁. ယတ္ထ ကာယသင်္ခါရော ဥပ္ပဇ္ဇိဿတိ။ပေ.။။
(ဂ) အနုလောမပုဂ္ဂလောကာသာ
၄၂. (က) ယဿ ယတ္ထ ကာယသင်္ခါရော ဥပ္ပဇ္ဇိဿတိ တဿ တတ္ထ ဝစီသင်္ခါရော ဥပ္ပဇ္ဇိဿတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ကာယသင်္ခါရော ဥပ္ပဇ္ဇိဿတိ, နော စ တေသံ တတ္ထ ဝစီသင်္ခါရော ဥပ္ပဇ္ဇိဿတိ။ ပဌမဇ္ဈာနံ သမာပန္နာနံ ကာမာဝစရာနံ တေသံ တတ္ထ ကာယသင်္ခါရော စ ဥပ္ပဇ္ဇိဿတိ ဝစီသင်္ခါရော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဝစီသင်္ခါရော ဥပ္ပဇ္ဇိဿတိ တဿ တတ္ထ ကာယသင်္ခါရော ဥပ္ပဇ္ဇိဿတီတိ?
ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော ဥပ္ပဇ္ဇိဿတိ, နော စ တေသံ တတ္ထ ကာယသင်္ခါရော ဥပ္ပဇ္ဇိဿတိ။ ပဌမဇ္ဈာနံ သမာပန္နာနံ ဣတရေသံ ကာမာဝစရာနံ တေသံ တတ္ထ ဝစီသင်္ခါရော စ ဥပ္ပဇ္ဇိဿတိ ကာယသင်္ခါရော စ ဥပ္ပဇ္ဇိဿတိ။
(က) ယဿ ယတ္ထ ကာယသင်္ခါရော ဥပ္ပဇ္ဇိဿတိ တဿ တတ္ထ စိတ္တသင်္ခါရော ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော ဥပ္ပဇ္ဇိဿတိ တဿ တတ္ထ ကာယသင်္ခါရော ဥပ္ပဇ္ဇိဿတီတိ?
ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ စိတ္တသင်္ခါရော ဥပ္ပဇ္ဇိဿတိ, နော စ တေသံ တတ္ထ ကာယသင်္ခါရော ဥပ္ပဇ္ဇိဿတိ။ ပဌမဇ္ဈာနံ ဒုတိယဇ္ဈာနံ တတိယဇ္ဈာနံ သမာပန္နာနံ ဣတရေသံ ကာမာဝစရာနံ တေသံ တတ္ထ စိတ္တသင်္ခါရော စ ဥပ္ပဇ္ဇိဿတိ ကာယသင်္ခါရော စ ဥပ္ပဇ္ဇိဿတိ။
၄၃. (က) ယဿ ယတ္ထ ဝစီသင်္ခါရော ဥပ္ပဇ္ဇိဿတိ တဿ တတ္ထ စိတ္တသင်္ခါရော ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော ဥပ္ပဇ္ဇိဿတိ တဿ တတ္ထ ဝစီသင်္ခါရော ဥပ္ပဇ္ဇိဿတီတိ?
ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ စတုတ္ထဇ္ဈာနံ သမာပန္နာနံ တေသံ တတ္ထ စိတ္တသင်္ခါရော ဥပ္ပဇ္ဇိဿတိ, နော စ တေသံ တတ္ထ ဝစီသင်္ခါရော ဥပ္ပဇ္ဇိဿတိ။ ပဌမဇ္ဈာနံ သမာပန္နာနံ ကာမာဝစရာနံ ဣတရေသံ ရူပါဝစရာနံ အရူပါဝစရာနံ တေသံ တတ္ထ စိတ္တသင်္ခါရော စ ဥပ္ပဇ္ဇိဿတိ ဝစီသင်္ခါရော စ ဥပ္ပဇ္ဇိဿတိ။
(ဃ) ပစ္စနီကပုဂ္ဂလော
၄၄. (က) ယဿ ကာယသင်္ခါရော နုပ္ပဇ္ဇိဿတိ တဿ ဝစီသင်္ခါရော နုပ္ပဇ္ဇိဿတီတိ?
ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ကာယသင်္ခါရော နုပ္ပဇ္ဇိဿတိ, နော စ တေသံ ဝစီသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ကာယသင်္ခါရော စ နုပ္ပဇ္ဇိဿတိ ဝစီသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန။ပေ.။? အာမန္တာ။
(က) ယဿ ကာယသင်္ခါရော နုပ္ပဇ္ဇိဿတိ တဿ စိတ္တသင်္ခါရော နုပ္ပဇ္ဇိဿတီတိ?
ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ကာယသင်္ခါရော နုပ္ပဇ္ဇိဿတိ, နော စ တေသံ စိတ္တသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ တေသံ ကာယသင်္ခါရော စ နုပ္ပဇ္ဇိဿတိ စိတ္တသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန စိတ္တသင်္ခါရော။ပေ.။? အာမန္တာ။
၄၅. (က) ယဿ ဝစီသင်္ခါရော နုပ္ပဇ္ဇိဿတိ တဿ စိတ္တသင်္ခါရော နုပ္ပဇ္ဇိဿတီတိ?
ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ဝစီသင်္ခါရော နုပ္ပဇ္ဇိဿတိ, နော စ တေသံ စိတ္တသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ တေသံ ဝစီသင်္ခါရော စ နုပ္ပဇ္ဇိဿတိ စိတ္တသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန။ပေ.။? အာမန္တာ။
(င) ပစ္စနီကဩကာသော
၄၆. ယတ္ထ ကာယသင်္ခါရော နုပ္ပဇ္ဇိဿတိ။ပေ.။။
(စ) ပစ္စနီကပုဂ္ဂလောကာသာ
၄၇. (က) ယဿ ယတ္ထ ကာယသင်္ခါရော နုပ္ပဇ္ဇိဿတိ တဿ တတ္ထ ဝစီသင်္ခါရော နုပ္ပဇ္ဇိဿတီတိ?
ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇိဿတိ, နော စ တေသံ တတ္ထ ဝစီသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇိဿတိ ဝစီသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဝစီသင်္ခါရော နုပ္ပဇ္ဇိဿတိ တဿ တတ္ထ ကာယသင်္ခါရော နုပ္ပဇ္ဇိဿတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ဝစီသင်္ခါရော နုပ္ပဇ္ဇိဿတိ, နော စ တေသံ တတ္ထ ကာယသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇိဿတိ ကာယသင်္ခါရော စ နုပ္ပဇ္ဇိဿတိ။
(က) ယဿ ယတ္ထ ကာယသင်္ခါရော နုပ္ပဇ္ဇိဿတိ တဿ တတ္ထ စိတ္တသင်္ခါရော နုပ္ပဇ္ဇိဿတီတိ?
ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇိဿတိ, နော စ တေသံ တတ္ထ စိတ္တသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇိဿတိ စိတ္တသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။
၄၈. (က) ယဿ ယတ္ထ ဝစီသင်္ခါရော နုပ္ပဇ္ဇိဿတိ တဿ တတ္ထ စိတ္တသင်္ခါရော နုပ္ပဇ္ဇိဿတီတိ?
ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ စတုတ္ထဇ္ဈာနံ သမာပန္နာနံ တေသံ တတ္ထ ဝစီသင်္ခါရော နုပ္ပဇ္ဇိဿတိ, နော စ တေသံ တတ္ထ စိတ္တသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇိဿတိ စိတ္တသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၄၉. (က) ယဿ ကာယသင်္ခါရော ဥပ္ပဇ္ဇတိ တဿ ဝစီသင်္ခါရော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ဝစီသင်္ခါရော ဥပ္ပဇ္ဇိတ္ထ တဿ ကာယသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော ဥပ္ပဇ္ဇိတ္ထ , နော စ တေသံ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ ဝစီသင်္ခါရော စ ဥပ္ပဇ္ဇိတ္ထ ကာယသင်္ခါရော စ ဥပ္ပဇ္ဇတိ။
(က) ယဿ ကာယသင်္ခါရော ဥပ္ပဇ္ဇတိ တဿ စိတ္တသင်္ခါရော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန စိတ္တသင်္ခါရော ဥပ္ပဇ္ဇိတ္ထ တဿ ကာယသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော ဥပ္ပဇ္ဇိတ္ထ, နော စ တေသံ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ စိတ္တသင်္ခါရော စ ဥပ္ပဇ္ဇိတ္ထ ကာယသင်္ခါရော စ ဥပ္ပဇ္ဇတိ။
၅၀. (က) ယဿ ဝစီသင်္ခါရော ဥပ္ပဇ္ဇတိ တဿ စိတ္တသင်္ခါရော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန စိတ္တသင်္ခါရော ဥပ္ပဇ္ဇိတ္ထ တဿ ဝစီသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော ဥပ္ပဇ္ဇိတ္ထ, နော စ တေသံ ဝစီသင်္ခါရော ဥပ္ပဇ္ဇတိ။ ဝိတက္ကဝိစာရာနံ ဥပ္ပါဒက္ခဏေ တေသံ စိတ္တသင်္ခါရော စ ဥပ္ပဇ္ဇိတ္ထ ဝစီသင်္ခါရော စ ဥပ္ပဇ္ဇတိ။
(ခ) အနုလောမဩကာသော
၅၁. ယတ္ထ ကာယသင်္ခါရော ဥပ္ပဇ္ဇတိ။ပေ.။။
(ဂ) အနုလောမပုဂ္ဂလောကာသာ
၅၂. (က) ယဿ ယတ္ထ ကာယသင်္ခါရော ဥပ္ပဇ္ဇတိ တဿ တတ္ထ ဝစီသင်္ခါရော ဥပ္ပဇ္ဇိတ္ထာတိ?
ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ကာယသင်္ခါရော ဥပ္ပဇ္ဇတိ, နော စ တေသံ တတ္ထ ဝစီသင်္ခါရော ဥပ္ပဇ္ဇိတ္ထ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ကာယသင်္ခါရော စ ဥပ္ပဇ္ဇတိ ဝစီသင်္ခါရော စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ ဝစီသင်္ခါရော ဥပ္ပဇ္ဇိတ္ထ တဿ တတ္ထ ကာယသင်္ခါရော ဥပ္ပဇ္ဇတီတိ?
ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော ဥပ္ပဇ္ဇိတ္ထ, နော စ တေသံ တတ္ထ ကာယသင်္ခါရော ဥပ္ပဇ္ဇတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ဝစီသင်္ခါရော စ ဥပ္ပဇ္ဇိတ္ထ ကာယသင်္ခါရော စ ဥပ္ပဇ္ဇတိ။
(က) ယဿ ယတ္ထ ကာယသင်္ခါရော ဥပ္ပဇ္ဇတိ တဿ တတ္ထ စိတ္တသင်္ခါရော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော ဥပ္ပဇ္ဇိတ္ထ တဿ တတ္ထ ကာယသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ တေသံ တတ္ထ စိတ္တသင်္ခါရော ဥပ္ပဇ္ဇိတ္ထ, နော စ တေသံ တတ္ထ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ တတ္ထ စိတ္တသင်္ခါရော စ ဥပ္ပဇ္ဇိတ္ထ ကာယသင်္ခါရော စ ဥပ္ပဇ္ဇတိ။
၅၃. (က) ယဿ ယတ္ထ ဝစီသင်္ခါရော ဥပ္ပဇ္ဇတိ တဿ တတ္ထ စိတ္တသင်္ခါရော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော ဥပ္ပဇ္ဇိတ္ထ တဿ တတ္ထ ဝစီသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ တေသံ တတ္ထ စိတ္တသင်္ခါရော ဥပ္ပဇ္ဇိတ္ထ, နော စ တေသံ တတ္ထ ဝစီသင်္ခါရော ဥပ္ပဇ္ဇတိ။ ဝိတက္ကဝိစာရာနံ ဥပ္ပါဒက္ခဏေ တေသံ တတ္ထ စိတ္တသင်္ခါရော စ ဥပ္ပဇ္ဇိတ္ထ ဝစီသင်္ခါရော စ ဥပ္ပဇ္ဇတိ။
(ဃ) ပစ္စနီကပုဂ္ဂလော
၅၄. (က) ယဿ ကာယသင်္ခါရော နုပ္ပဇ္ဇတိ တဿ ဝစီသင်္ခါရော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယဿ ဝါ ပန ဝစီသင်္ခါရော နုပ္ပဇ္ဇိတ္ထ တဿ ကာယသင်္ခါရော နုပ္ပဇ္ဇတီတိ? နတ္ထိ။
(က) ယဿ ကာယသင်္ခါရော နုပ္ပဇ္ဇတိ တဿ စိတ္တသင်္ခါရော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယဿ ဝါ ပန စိတ္တသင်္ခါရော နုပ္ပဇ္ဇိတ္ထ တဿ ကာယသင်္ခါရော နုပ္ပဇ္ဇတီတိ? နတ္ထိ။
၅၅. (က) ယဿ ဝစီသင်္ခါရော နုပ္ပဇ္ဇတိ တဿ စိတ္တသင်္ခါရော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယဿ ဝါ ပန။ပေ.။? နတ္ထိ။
(င) ပစ္စနီကဩကာသော
၅၆. ယတ္ထ ကာယသင်္ခါရော နုပ္ပဇ္ဇတိ။ပေ.။။
(စ) ပစ္စနီကပုဂ္ဂလောကာသာ
၅၇. (က) ယဿ ယတ္ထ ကာယသင်္ခါရော နုပ္ပဇ္ဇတိ တဿ တတ္ထ ဝစီသင်္ခါရော နုပ္ပဇ္ဇိတ္ထာတိ?
ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇတိ, နော စ တေသံ တတ္ထ ဝစီသင်္ခါရော နုပ္ပဇ္ဇိတ္ထ။ ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ စတုတ္ထဇ္ဈာနံ သမာပန္နာနံ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇတိ ဝစီသင်္ခါရော စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဝစီသင်္ခါရော နုပ္ပဇ္ဇိတ္ထ တဿ တတ္ထ ကာယသင်္ခါရော နုပ္ပဇ္ဇတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ဝစီသင်္ခါရော နုပ္ပဇ္ဇိတ္ထ, နော စ တေသံ တတ္ထ ကာယသင်္ခါရော နုပ္ပဇ္ဇတိ။ ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ စတုတ္ထဇ္ဈာနံ သမာပန္နာနံ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇိတ္ထ ကာယသင်္ခါရော စ နုပ္ပဇ္ဇတိ။
(က) ယဿ ယတ္ထ ကာယသင်္ခါရော နုပ္ပဇ္ဇတိ တဿ တတ္ထ စိတ္တသင်္ခါရော နုပ္ပဇ္ဇိတ္ထာတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ တေသံ တတ္ထ ကာယသင်္ခါရော နုပ္ပဇ္ဇတိ, နော စ တေသံ တတ္ထ စိတ္တသင်္ခါရော နုပ္ပဇ္ဇိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇတိ စိတ္တသင်္ခါရော စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ စိတ္တသင်္ခါရော နုပ္ပဇ္ဇိတ္ထ တဿ တတ္ထ ကာယသင်္ခါရော နုပ္ပဇ္ဇတီတိ? အာမန္တာ။
၅၈. (က) ယဿ ယတ္ထ ဝစီသင်္ခါရော နုပ္ပဇ္ဇတိ တဿ တတ္ထ စိတ္တသင်္ခါရော နုပ္ပဇ္ဇိတ္ထာတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ တေသံ တတ္ထ ဝစီသင်္ခါရော နုပ္ပဇ္ဇတိ, နော စ တေသံ တတ္ထ စိတ္တသင်္ခါရော နုပ္ပဇ္ဇိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇတိ စိတ္တသင်္ခါရော စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ။ပေ.။? အာမန္တာ။
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၅၉. (က) ယဿ ကာယသင်္ခါရော ဥပ္ပဇ္ဇတိ တဿ ဝစီသင်္ခါရော ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ဝစီသင်္ခါရော ဥပ္ပဇ္ဇိဿတိ တဿ ကာယသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော ဥပ္ပဇ္ဇိဿတိ, နော စ တေသံ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ ဝစီသင်္ခါရော စ ဥပ္ပဇ္ဇိဿတိ ကာယသင်္ခါရော စ ဥပ္ပဇ္ဇတိ။
(က) ယဿ ကာယသင်္ခါရော ဥပ္ပဇ္ဇတိ တဿ စိတ္တသင်္ခါရော ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန စိတ္တသင်္ခါရော ဥပ္ပဇ္ဇိဿတိ တဿ ကာယသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော ဥပ္ပဇ္ဇိဿတိ, နော စ တေသံ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ စိတ္တသင်္ခါရော စ ဥပ္ပဇ္ဇိဿတိ ကာယသင်္ခါရော စ ဥပ္ပဇ္ဇတိ။
၆၀. (က) ယဿ ဝစီသင်္ခါရော ဥပ္ပဇ္ဇတိ တဿ စိတ္တသင်္ခါရော ဥပ္ပဇ္ဇိဿတီတိ?
သဝိတက္ကသဝိစာရပစ္ဆိမစိတ္တဿ ဥပ္ပါဒက္ခဏေ တေသံ ဝစီသင်္ခါရော ဥပ္ပဇ္ဇတိ, နော စ တေသံ စိတ္တသင်္ခါရော ဥပ္ပဇ္ဇိဿတိ။ ဣတရေသံ ဝိတက္ကဝိစာရာနံ ဥပ္ပါဒက္ခဏေ တေသံ ဝစီသင်္ခါရော စ ဥပ္ပဇ္ဇတိ စိတ္တသင်္ခါရော စ ဥပ္ပဇ္ဇိဿတိ။
(ခ) ယဿ ဝါ ပန စိတ္တသင်္ခါရော ဥပ္ပဇ္ဇိဿတိ တဿ ဝစီသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော ဥပ္ပဇ္ဇိဿတိ, နော စ တေသံ ဝစီသင်္ခါရော ဥပ္ပဇ္ဇတိ။ ဝိတက္ကဝိစာရာနံ ဥပ္ပါဒက္ခဏေ တေသံ စိတ္တသင်္ခါရော စ ဥပ္ပဇ္ဇိဿတိ ဝစီသင်္ခါရော စ ဥပ္ပဇ္ဇတိ။
(ခ) အနုလောမဩကာသော
၆၁. ယတ္ထ ကာယသင်္ခါရော ဥပ္ပဇ္ဇတိ။ပေ.။။
(ဂ) အနုလောမပုဂ္ဂလောကာသာ
၆၂. (က) ယဿ ယတ္ထ ကာယသင်္ခါရော ဥပ္ပဇ္ဇတိ တဿ တတ္ထ ဝစီသင်္ခါရော ဥပ္ပဇ္ဇိဿတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ကာယသင်္ခါရော ဥပ္ပဇ္ဇတိ, နော စ တေသံ တတ္ထ ဝစီသင်္ခါရော ဥပ္ပဇ္ဇိဿတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ကာယသင်္ခါရော စ ဥပ္ပဇ္ဇတိ ဝစီသင်္ခါရော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဝစီသင်္ခါရော ဥပ္ပဇ္ဇိဿတိ တဿ တတ္ထ ကာယသင်္ခါရော ဥပ္ပဇ္ဇတီတိ?
ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော ဥပ္ပဇ္ဇိဿတိ, နော စ တေသံ တတ္ထ ကာယသင်္ခါရော ဥပ္ပဇ္ဇတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ဝစီသင်္ခါရော စ ဥပ္ပဇ္ဇိဿတိ ကာယသင်္ခါရော စ ဥပ္ပဇ္ဇတိ။
(က) ယဿ ယတ္ထ ကာယသင်္ခါရော ဥပ္ပဇ္ဇတိ တဿ တတ္ထ စိတ္တသင်္ခါရော ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော ဥပ္ပဇ္ဇိဿတိ တဿ တတ္ထ ကာယသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ တေသံ တတ္ထ စိတ္တသင်္ခါရော ဥပ္ပဇ္ဇိဿတိ, နော စ တေသံ တတ္ထ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ တတ္ထ စိတ္တသင်္ခါရော စ ဥပ္ပဇ္ဇိဿတိ ကာယသင်္ခါရော စ ဥပ္ပဇ္ဇတိ။
၆၃. (က) ယဿ ယတ္ထ ဝစီသင်္ခါရော ဥပ္ပဇ္ဇတိ တဿ တတ္ထ စိတ္တသင်္ခါရော ဥပ္ပဇ္ဇိဿတီတိ?
သဝိတက္ကသဝိစာရပစ္ဆိမစိတ္တဿ ဥပ္ပါဒက္ခဏေ တေသံ တတ္ထ ဝစီသင်္ခါရော ဥပ္ပဇ္ဇတိ, နော စ တေသံ တတ္ထ စိတ္တသင်္ခါရော ဥပ္ပဇ္ဇိဿတိ။ ဣတရေသံ ဝိတက္ကဝိစာရာနံ ဥပ္ပါဒက္ခဏေ တေသံ တတ္ထ ဝစီသင်္ခါရော စ ဥပ္ပဇ္ဇတိ စိတ္တသင်္ခါရော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ စိတ္တသင်္ခါရော ဥပ္ပဇ္ဇိဿတိ တဿ တတ္ထ ဝစီသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ တေသံ တတ္ထ စိတ္တသင်္ခါရော ဥပ္ပဇ္ဇိဿတိ, နော စ တေသံ တတ္ထ ဝစီသင်္ခါရော ဥပ္ပဇ္ဇတိ။ ဝိတက္ကဝိစာရာနံ ဥပ္ပါဒက္ခဏေ တေသံ တတ္ထ စိတ္တသင်္ခါရော စ ဥပ္ပဇ္ဇိဿတိ ဝစီသင်္ခါရော စ ဥပ္ပဇ္ဇတိ။
(ဃ) ပစ္စနီကပုဂ္ဂလော
၆၄. (က) ယဿ ကာယသင်္ခါရော နုပ္ပဇ္ဇတိ တဿ ဝစီသင်္ခါရော နုပ္ပဇ္ဇိဿတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော နုပ္ပဇ္ဇတိ, နော စ တေသံ ဝစီသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ကာယသင်္ခါရော စ နုပ္ပဇ္ဇတိ ဝစီသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန ဝစီသင်္ခါရော နုပ္ပဇ္ဇိဿတိ တဿ ကာယသင်္ခါရော နုပ္ပဇ္ဇတီတိ? အာမန္တာ။
(က) ယဿ ကာယသင်္ခါရော နုပ္ပဇ္ဇတိ တဿ စိတ္တသင်္ခါရော နုပ္ပဇ္ဇိဿတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော နုပ္ပဇ္ဇတိ, နော စ တေသံ စိတ္တသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ တေသံ ကာယသင်္ခါရော စ နုပ္ပဇ္ဇတိ စိတ္တသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန။ပေ.။? အာမန္တာ။
၆၅. (က) ယဿ ဝစီသင်္ခါရော နုပ္ပဇ္ဇတိ တဿ စိတ္တသင်္ခါရော နုပ္ပဇ္ဇိဿတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော နုပ္ပဇ္ဇတိ, နော စ တေသံ စိတ္တသင်္ခါရော နုပ္ပဇ္ဇိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ တေသံ ဝစီသင်္ခါရော စ နုပ္ပဇ္ဇတိ စိတ္တသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန စိတ္တသင်္ခါရော နုပ္ပဇ္ဇိဿတိ တဿ ဝစီသင်္ခါရော နုပ္ပဇ္ဇတီတိ?
သဝိတက္ကသဝိစာရပစ္ဆိမစိတ္တဿ ဥပ္ပါဒက္ခဏေ တေသံ စိတ္တသင်္ခါရော နုပ္ပဇ္ဇိဿတိ, နော စ တေသံ ဝစီသင်္ခါရော နုပ္ပဇ္ဇတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ တေသံ စိတ္တသင်္ခါရော စ နုပ္ပဇ္ဇိဿတိ ဝစီသင်္ခါရော စ နုပ္ပဇ္ဇတိ။
၄ (င) ပစ္စနီကဩကာသော
၆၆. ယတ္ထ ကာယသင်္ခါရော နုပ္ပဇ္ဇတိ။ပေ.။။
(စ) ပစ္စနီကပုဂ္ဂလောကာသာ
၆၇. (က) ယဿ ယတ္ထ ကာယသင်္ခါရော နုပ္ပဇ္ဇတိ တဿ တတ္ထ ဝစီသင်္ခါရော နုပ္ပဇ္ဇိဿတီတိ?
ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇတိ, နော စ တေသံ တတ္ထ ဝစီသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇတိ ဝစီသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဝစီသင်္ခါရော နုပ္ပဇ္ဇိဿတိ တဿ တတ္ထ ကာယသင်္ခါရော နုပ္ပဇ္ဇတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ဝစီသင်္ခါရော နုပ္ပဇ္ဇိဿတိ, နော စ တေသံ တတ္ထ ကာယသင်္ခါရော နုပ္ပဇ္ဇတိ။ ပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇိဿတိ ကာယသင်္ခါရော စ နုပ္ပဇ္ဇတိ။
(က) ယဿ ယတ္ထ ကာယသင်္ခါရော နုပ္ပဇ္ဇတိ တဿ တတ္ထ စိတ္တသင်္ခါရော နုပ္ပဇ္ဇိဿတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ တေသံ တတ္ထ ကာယသင်္ခါရော နုပ္ပဇ္ဇတိ, နော စ တေသံ တတ္ထ စိတ္တသင်္ခါရော နုပ္ပဇ္ဇိဿတိ။ ပစ္ဆိမစိတ္တသမင္ဂီနံ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇတိ စိတ္တသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ စိတ္တသင်္ခါရော နုပ္ပဇ္ဇိဿတိ တဿ တတ္ထ ကာယသင်္ခါရော နုပ္ပဇ္ဇတီတိ? အာမန္တာ။
၆၈. (က) ယဿ ယတ္ထ ဝစီသင်္ခါရော နုပ္ပဇ္ဇတိ တဿ တတ္ထ စိတ္တသင်္ခါရော နုပ္ပဇ္ဇိဿတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ တေသံ တတ္ထ ဝစီသင်္ခါရော နုပ္ပဇ္ဇတိ, နော စ တေသံ တတ္ထ စိတ္တသင်္ခါရော နုပ္ပဇ္ဇိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇတိ စိတ္တသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ စိတ္တသင်္ခါရော နုပ္ပဇ္ဇိဿတိ တဿ တတ္ထ ဝစီသင်္ခါရော နုပ္ပဇ္ဇတီတိ?
သဝိတက္ကသဝိစာရပစ္ဆိမစိတ္တဿ ဥပ္ပါဒက္ခဏေ တေသံ တတ္ထ စိတ္တသင်္ခါရော နုပ္ပဇ္ဇိဿတိ, နော စ တေသံ တတ္ထ ဝစီသင်္ခါရော နုပ္ပဇ္ဇတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ အသညသတ္တာနံ တေသံ တတ္ထ စိတ္တသင်္ခါရော စ နုပ္ပဇ္ဇိဿတိ ဝစီသင်္ခါရော စ နုပ္ပဇ္ဇတိ။
(၆) အတီတာနာဂတဝါရော
(က) အနုလောမပုဂ္ဂလော
၆၉. (က) ယဿ ကာယသင်္ခါရော ဥပ္ပဇ္ဇိတ္ထ တဿ ဝစီသင်္ခါရော ဥပ္ပဇ္ဇိဿတီတိ?
ပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ကာယသင်္ခါရော ဥပ္ပဇ္ဇိတ္ထ, နော စ တေသံ ဝစီသင်္ခါရော ဥပ္ပဇ္ဇိဿတိ ။ ဣတရေသံ တေသံ ကာယသင်္ခါရော စ ဥပ္ပဇ္ဇိတ္ထ ဝစီသင်္ခါရော စ ဥပ္ပဇ္ဇိဿတိ။
(ခ) ယဿ ဝါ ပန။ပေ.။? အာမန္တာ။
(က) ယဿ ကာယသင်္ခါရော ဥပ္ပဇ္ဇိတ္ထ တဿ စိတ္တသင်္ခါရော ဥပ္ပဇ္ဇိဿတီတိ?
ပစ္ဆိမစိတ္တသမင္ဂီနံ တေသံ ကာယသင်္ခါရော ဥပ္ပဇ္ဇိတ္ထ, နော စ တေသံ စိတ္တသင်္ခါရော ဥပ္ပဇ္ဇိဿတိ။ ဣတရေသံ တေသံ ကာယသင်္ခါရော စ ဥပ္ပဇ္ဇိတ္ထ စိတ္တသင်္ခါရော စ ဥပ္ပဇ္ဇိဿတိ။
(ခ) ယဿ ဝါ ပန။ပေ.။။ အာမန္တာ။
၇၀. (က) ယဿ ဝစီသင်္ခါရော ဥပ္ပဇ္ဇိတ္ထ တဿ စိတ္တသင်္ခါရော ဥပ္ပဇ္ဇိဿတီတိ?
ပစ္ဆိမစိတ္တသမင္ဂီနံ တေသံ ဝစီသင်္ခါရော ဥပ္ပဇ္ဇိတ္ထ, နော စ တေသံ စိတ္တသင်္ခါရော ဥပ္ပဇ္ဇိဿတိ။ ဣတရေသံ တေသံ ဝစီသင်္ခါရော စ ဥပ္ပဇ္ဇိတ္ထ စိတ္တသင်္ခါရော စ ဥပ္ပဇ္ဇိဿတိ။
(ခ) ယဿ ဝါ ပန။ပေ.။? အာမန္တာ။
(ခ) အနုလောမဩကာသော
၇၁. ယတ္ထ ကာယသင်္ခါရော ဥပ္ပဇ္ဇိတ္ထ။ပေ.။။
(ဂ) အနုလောမပုဂ္ဂလောကာသာ
၇၂. (က) ယဿ ယတ္ထ ကာယသင်္ခါရော ဥပ္ပဇ္ဇိတ္ထ တဿ တတ္ထ ဝစီသင်္ခါရော ဥပ္ပဇ္ဇိဿတီတိ?
ကာမာဝစရေ ပစ္ဆိမစိတ္တသမင္ဂီနံ ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ကာယသင်္ခါရော ဥပ္ပဇ္ဇိတ္ထ, နော စ တေသံ တတ္ထ ဝစီသင်္ခါရော ဥပ္ပဇ္ဇိဿတိ။ ပဌမဇ္ဈာနံ သမာပန္နာနံ ဣတရေသံ ကာမာဝစရာနံ တေသံ တတ္ထ ကာယသင်္ခါရော စ ဥပ္ပဇ္ဇိတ္ထ ဝစီသင်္ခါရော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဝစီသင်္ခါရော ဥပ္ပဇ္ဇိဿတိ တဿ တတ္ထ ကာယသင်္ခါရော ဥပ္ပဇ္ဇိတ္ထာတိ?
ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော ဥပ္ပဇ္ဇိဿတိ, နော စ တေသံ တတ္ထ ကာယသင်္ခါရော ဥပ္ပဇ္ဇိတ္ထ။ ပဌမဇ္ဈာနံ သမာပန္နာနံ ကာမာဝစရာနံ တေသံ တတ္ထ ဝစီသင်္ခါရော စ ဥပ္ပဇ္ဇိဿတိ ကာယသင်္ခါရော စ ဥပ္ပဇ္ဇိတ္ထ။
(က) ယဿ ယတ္ထ ကာယသင်္ခါရော ဥပ္ပဇ္ဇိတ္ထ တဿ တတ္ထ စိတ္တသင်္ခါရော ဥပ္ပဇ္ဇိဿတီတိ?
ကာမာဝစရေ ပစ္ဆိမစိတ္တသမင္ဂီနံ တေသံ တတ္ထ ကာယသင်္ခါရော ဥပ္ပဇ္ဇိတ္ထ, နော စ တေသံ တတ္ထ စိတ္တသင်္ခါရော ဥပ္ပဇ္ဇိဿတိ။ ပဌမဇ္ဈာနံ ဒုတိယဇ္ဈာနံ တတိယဇ္ဈာနံ သမာပန္နာနံ ဣတရေသံ ကာမာဝစရာနံ တေသံ တတ္ထ ကာယသင်္ခါရော စ ဥပ္ပဇ္ဇိတ္ထ စိတ္တသင်္ခါရော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ စိတ္တသင်္ခါရော ဥပ္ပဇ္ဇိဿတိ တဿ တတ္ထ ကာယသင်္ခါရော ဥပ္ပဇ္ဇိတ္ထာတိ?
စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ စိတ္တသင်္ခါရော ဥပ္ပဇ္ဇိဿတိ, နော စ တေသံ တတ္ထ ကာယသင်္ခါရော ဥပ္ပဇ္ဇိတ္ထ။ ပဌမဇ္ဈာနံ ဒုတိယဇ္ဈာနံ တတိယဇ္ဈာနံ သမာပန္နာနံ ကာမာဝစရာနံ တေသံ တတ္ထ စိတ္တသင်္ခါရော စ ဥပ္ပဇ္ဇိဿတိ ကာယသင်္ခါရော စ ဥပ္ပဇ္ဇိတ္ထ။
၇၃. (က) ယဿ ယတ္ထ ဝစီသင်္ခါရော ဥပ္ပဇ္ဇိတ္ထ တဿ တတ္ထ စိတ္တသင်္ခါရော ဥပ္ပဇ္ဇိဿတီတိ?
သဝိတက္ကသဝိစာရဘူမိယံ ပစ္ဆိမစိတ္တသမင္ဂီနံ တေသံ တတ္ထ ဝစီသင်္ခါရော ဥပ္ပဇ္ဇိတ္ထ, နော စ တေသံ တတ္ထ စိတ္တသင်္ခါရော ဥပ္ပဇ္ဇိဿတိ။ ဣတရေသံ သဝိတက္ကသဝိစာရဘူမိယံ တေသံ တတ္ထ ဝစီသင်္ခါရော စ ဥပ္ပဇ္ဇိတ္ထ စိတ္တသင်္ခါရော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ စိတ္တသင်္ခါရော ဥပ္ပဇ္ဇိဿတိ တဿ တတ္ထ ဝစီသင်္ခါရော ဥပ္ပဇ္ဇိတ္ထာတိ?
အဝိတက္ကအဝိစာရဘူမိယံ တေသံ တတ္ထ စိတ္တသင်္ခါရော ဥပ္ပဇ္ဇိဿတိ, နော စ တေသံ တတ္ထ ဝစီသင်္ခါရော ဥပ္ပဇ္ဇိတ္ထ။ သဝိတက္ကသဝိစာရဘူမိယံ တေသံ တတ္ထ စိတ္တသင်္ခါရော စ ဥပ္ပဇ္ဇိဿတိ ဝစီသင်္ခါရော စ ဥပ္ပဇ္ဇိတ္ထ။
(ဃ) ပစ္စနီကပုဂ္ဂလော
၇၄. (က) ယဿ ကာယသင်္ခါရော နုပ္ပဇ္ဇိတ္ထ တဿ ဝစီသင်္ခါရော နုပ္ပဇ္ဇိဿတီတိ? နတ္ထိ။
(ခ) ယဿ ဝါ ပန ဝစီသင်္ခါရော နုပ္ပဇ္ဇိဿတိ တဿ ကာယသင်္ခါရော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(က) ယဿ ကာယသင်္ခါရော နုပ္ပဇ္ဇိတ္ထ တဿ စိတ္တသင်္ခါရော နုပ္ပဇ္ဇိဿတီတိ? နတ္ထိ။
(ခ) ယဿ ဝါ ပန စိတ္တသင်္ခါရော နုပ္ပဇ္ဇိဿတိ တဿ ကာယသင်္ခါရော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
၇၅. (က) ယဿ ဝစီသင်္ခါရော နုပ္ပဇ္ဇိတ္ထ တဿ စိတ္တသင်္ခါရော နုပ္ပဇ္ဇိဿတီတိ? နတ္ထိ။
(ခ) ယဿ ဝါ ပန စိတ္တသင်္ခါရော နုပ္ပဇ္ဇိဿတိ တဿ ဝစီသင်္ခါရော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(င) ပစ္စနီကဩကာသော
၇၆. ယတ္ထ ကာယသင်္ခါရော နုပ္ပဇ္ဇိတ္ထ။ပေ.။။
(စ) ပစ္စနီကပုဂ္ဂလောကာသာ
၇၇. (က) ယဿ ယတ္ထ ကာယသင်္ခါရော နုပ္ပဇ္ဇိတ္ထ တဿ တတ္ထ ဝစီသင်္ခါရော နုပ္ပဇ္ဇိဿတီတိ?
ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇိတ္ထ, နော စ တေသံ တတ္ထ ဝစီသင်္ခါရော နုပ္ပဇ္ဇိဿတိ။ ရူပါဝစရေ အရူပါဝစရေ ပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇိတ္ထ ဝစီသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဝစီသင်္ခါရော နုပ္ပဇ္ဇိဿတိ တဿ တတ္ထ ကာယသင်္ခါရော နုပ္ပဇ္ဇိတ္ထာတိ?
ကာမာဝစရေ ပစ္ဆိမစိတ္တသမင္ဂီနံ ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ဝစီသင်္ခါရော နုပ္ပဇ္ဇိဿတိ, နော စ တေသံ တတ္ထ ကာယသင်္ခါရော နုပ္ပဇ္ဇိတ္ထ။ ရူပါဝစရေ အရူပါဝစရေ ပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇိဿတိ ကာယသင်္ခါရော စ နုပ္ပဇ္ဇိတ္ထ။
(က) ယဿ ယတ္ထ ကာယသင်္ခါရော နုပ္ပဇ္ဇိတ္ထ တဿ တတ္ထ စိတ္တသင်္ခါရော နုပ္ပဇ္ဇိဿတီတိ?
စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇိတ္ထ, နော စ တေသံ တတ္ထ စိတ္တသင်္ခါရော နုပ္ပဇ္ဇိဿတိ။ ရူပါဝစရေ အရူပါဝစရေ ပစ္ဆိမစိတ္တသမင္ဂီနံ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇိတ္ထ စိတ္တသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ စိတ္တသင်္ခါရော နုပ္ပဇ္ဇိဿတိ တဿ တတ္ထ ကာယသင်္ခါရော နုပ္ပဇ္ဇိတ္ထာတိ?
ကာမာဝစရေ ပစ္ဆိမစိတ္တသမင္ဂီနံ တေသံ တတ္ထ စိတ္တသင်္ခါရော နုပ္ပဇ္ဇိဿတိ, နော စ တေသံ တတ္ထ ကာယသင်္ခါရော နုပ္ပဇ္ဇိတ္ထ။ ရူပါဝစရေ အရူပါဝစရေ ပစ္ဆိမစိတ္တသမင္ဂီနံ အသညသတ္တာနံ တေသံ တတ္ထ စိတ္တသင်္ခါရော စ နုပ္ပဇ္ဇိဿတိ ကာယသင်္ခါရော စ နုပ္ပဇ္ဇိတ္ထ။
၇၈. (က) ယဿ ယတ္ထ ဝစီသင်္ခါရော နုပ္ပဇ္ဇိတ္ထ တဿ တတ္ထ စိတ္တသင်္ခါရော နုပ္ပဇ္ဇိဿတီတိ?
အဝိတက္ကအဝိစာရဘူမိယံ တေသံ တတ္ထ ဝစီသင်္ခါရော နုပ္ပဇ္ဇိတ္ထ, နော စ တေသံ တတ္ထ စိတ္တသင်္ခါရော နုပ္ပဇ္ဇိဿတိ။ အဝိတက္ကအဝိစာရဘူမိယံ ပစ္ဆိမစိတ္တသမင္ဂီနံ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇိတ္ထ စိတ္တသင်္ခါရော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ စိတ္တသင်္ခါရော နုပ္ပဇ္ဇိဿတိ တဿ တတ္ထ ဝစီသင်္ခါရော နုပ္ပဇ္ဇိတ္ထာတိ?
သဝိတက္ကသဝိစာရဘူမိယံ ပစ္ဆိမစိတ္တသမင္ဂီနံ တေသံ တတ္ထ စိတ္တသင်္ခါရော နုပ္ပဇ္ဇိဿတိ, နော စ တေသံ တတ္ထ ဝစီသင်္ခါရော နုပ္ပဇ္ဇိတ္ထ။ အဝိတက္ကအဝိစာရဘူမိယံ ပစ္ဆိမစိတ္တသမင္ဂီနံ အသညသတ္တာနံ တေသံ တတ္ထ စိတ္တသင်္ခါရော စ နုပ္ပဇ္ဇိဿတိ ဝစီသင်္ခါရော စ နုပ္ပဇ္ဇိတ္ထ။
ဥပ္ပါဒဝါရော။
၂. နိရောဓဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၇၉. (က) ယဿ ကာယသင်္ခါရော နိရုဇ္ဈတိ တဿ ဝစီသင်္ခါရော နိရုဇ္ဈတီတိ?
ဝိနာ ဝိတက္ကဝိစာရေဟိ အဿာသပဿာသာနံ ဘင်္ဂက္ခဏေ တေသံ ကာယသင်္ခါရော နိရုဇ္ဈတိ, နော စ တေသံ ဝစီသင်္ခါရော နိရုဇ္ဈတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံ ကာယသင်္ခါရော စ နိရုဇ္ဈတိ ဝစီသင်္ခါရော စ နိရုဇ္ဈတိ။
(ခ) ယဿ ဝါ ပန ဝစီသင်္ခါရော နိရုဇ္ဈတိ တဿ ကာယသင်္ခါရော နိရုဇ္ဈတီတိ?
ဝိနာ အဿာသပဿာသေဟိ ဝိတက္ကဝိစာရာနံ ဘင်္ဂက္ခဏေ တေသံ ဝစီသင်္ခါရော နိရုဇ္ဈတိ, နော စ တေသံ ကာယသင်္ခါရော နိရုဇ္ဈတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံ ဝစီသင်္ခါရော စ နိရုဇ္ဈတိ ကာယသင်္ခါရော စ နိရုဇ္ဈတိ။
(က) ယဿ ကာယသင်္ခါရော နိရုဇ္ဈတိ တဿ စိတ္တသင်္ခါရော နိရုဇ္ဈတီတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈတိ တဿ ကာယသင်္ခါရော နိရုဇ္ဈတီတိ?
ဝိနာ အဿာသပဿာသေဟိ စိတ္တဿ ဘင်္ဂက္ခဏေ တေသံ စိတ္တသင်္ခါရော နိရုဇ္ဈတိ, နော စ တေသံ ကာယသင်္ခါရော နိရုဇ္ဈတိ။ အဿာသပဿာသာနံ ဘင်္ဂက္ခဏေ တေသံ စိတ္တသင်္ခါရော စ နိရုဇ္ဈတိ ကာယသင်္ခါရော စ နိရုဇ္ဈတိ။
၈၀. (က) ယဿ ဝစီသင်္ခါရော နိရုဇ္ဈတိ တဿ စိတ္တသင်္ခါရော နိရုဇ္ဈတီတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈတိ တဿ ဝစီသင်္ခါရော နိရုဇ္ဈတီတိ?
ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ တေသံ စိတ္တသင်္ခါရော နိရုဇ္ဈတိ, နော စ တေသံ ဝစီသင်္ခါရော နိရုဇ္ဈတိ။ ဝိတက္ကဝိစာရာနံ ဘင်္ဂက္ခဏေ တေသံ စိတ္တသင်္ခါရော စ နိရုဇ္ဈတိ ဝစီသင်္ခါရော စ နိရုဇ္ဈတိ။
(ခ) အနုလောမဩကာသော
၈၁. ယတ္ထ ကာယသင်္ခါရော နိရုဇ္ဈတိ တတ္ထ ဝစီသင်္ခါရော နိရုဇ္ဈတီတိ?။ပေ.။။
(ဂ) အနုလောမပုဂ္ဂလောကာသာ
၈၂. ယဿ ယတ္ထ ကာယသင်္ခါရော နိရုဇ္ဈတိ တဿ တတ္ထ ဝစီသင်္ခါရော နိရုဇ္ဈတီတိ?။ပေ.။။ (ယဿကမ္ပိ ယဿယတ္ထကမ္ပိ သဒိသံ။)
(ဃ) ပစ္စနီကပုဂ္ဂလော
၈၃. (က) ယဿ ကာယသင်္ခါရော န နိရုဇ္ဈတိ တဿ ဝစီသင်္ခါရော န နိရုဇ္ဈတီတိ?
ဝိနာ အဿာသပဿာသေဟိ ဝိတက္ကဝိစာရာနံ ဘင်္ဂက္ခဏေ တေသံ ကာယသင်္ခါရော န နိရုဇ္ဈတိ, နော စ တေသံ ဝစီသင်္ခါရော န နိရုဇ္ဈတိ။ သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ အဝိတက္ကအဝိစာရစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော စ န နိရုဇ္ဈတိ ဝစီသင်္ခါရော စ န နိရုဇ္ဈတိ။
(ခ) ယဿ ဝါ ပန ဝစီသင်္ခါရော န နိရုဇ္ဈတိ တဿ ကာယသင်္ခါရော န နိရုဇ္ဈတီတိ?
ဝိနာ ဝိတက္ကဝိစာရေဟိ အဿာသပဿာသာနံ ဘင်္ဂက္ခဏေ တေသံ ဝစီသင်္ခါရော န နိရုဇ္ဈတိ, နော စ တေသံ ကာယသင်္ခါရော န နိရုဇ္ဈတိ။ သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ အဝိတက္ကအဝိစာရစိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော စ န နိရုဇ္ဈတိ ကာယသင်္ခါရော စ န နိရုဇ္ဈတိ။
(က) ယဿ ကာယသင်္ခါရော န နိရုဇ္ဈတိ တဿ စိတ္တသင်္ခါရော န နိရုဇ္ဈတီတိ?
ဝိနာ အဿာသပဿာသေဟိ စိတ္တဿ ဘင်္ဂက္ခဏေ တေသံ ကာယသင်္ခါရော န နိရုဇ္ဈတိ, နော စ တေသံ စိတ္တသင်္ခါရော န နိရုဇ္ဈတိ။ သဗ္ဗေသံ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော စ န နိရုဇ္ဈတိ စိတ္တသင်္ခါရော စ န နိရုဇ္ဈတိ။
(ခ) ယဿ ဝါ ပန။ပေ.။? အာမန္တာ။
၈၄. (က) ယဿ ဝစီသင်္ခါရော န နိရုဇ္ဈတိ တဿ စိတ္တသင်္ခါရော န နိရုဇ္ဈတီတိ?
ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ တေသံ ဝစီသင်္ခါရော န နိရုဇ္ဈတိ, နော စ တေသံ စိတ္တသင်္ခါရော န နိရုဇ္ဈတိ။ သဗ္ဗေသံ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော စ န နိရုဇ္ဈတိ စိတ္တသင်္ခါရော စ န နိရုဇ္ဈတိ။
(ခ) ယဿ ဝါ ပန။ပေ.။? အာမန္တာ။
(င) ပစ္စနီကဩကာသာ
၈၅. ယတ္ထ ကာယသင်္ခါရော န နိရုဇ္ဈတိ။ပေ.။။
(စ) ပစ္စနီကပုဂ္ဂလောကာသာ
၈၆. ယဿ ယတ္ထ ကာယသင်္ခါရော န နိရုဇ္ဈတိ တဿ တတ္ထ ဝစီသင်္ခါရော န နိရုဇ္ဈတီတိ?
ဝိနာ အဿာသပဿာသေဟိ ဝိတက္ကဝိစာရာနံ ဘင်္ဂက္ခဏေ တေသံ တတ္ထ ကာယသင်္ခါရော န နိရုဇ္ဈတိ, နော စ တေသံ တတ္ထ ဝစီသင်္ခါရော န နိရုဇ္ဈတိ။ သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ အဝိတက္ကအဝိစာရစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကာယသင်္ခါရော စ န နိရုဇ္ဈတိ ဝစီသင်္ခါရော စ န နိရုဇ္ဈတိ။
ယဿ ဝါ ပန ယတ္ထ ဝစီသင်္ခါရော န နိရုဇ္ဈတိ။ပေ.။။
(ယဿကမ္ပိ ယဿယတ္ထကမ္ပိ သဒိသံ ဝိတ္ထာရေတဗ္ဗံ, ယဿယတ္ထကေ နိရောဓသမာပန္နာနန္တိ န ကာတဗ္ဗံ။)
(၂) အတီတဝါရော
(က) အနုလောမပုဂ္ဂလော
၈၇. (က) ယဿ ကာယသင်္ခါရော နိရုဇ္ဈိတ္ထ တဿ ဝစီသင်္ခါရော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန။ပေ.။? အာမန္တာ။
(ယထာ ဥပ္ပါဒဝါရေ အတီတာ ပုစ္ဆာ ယဿကမ္ပိ ယဿယတ္ထကမ္ပိ အနုလောမမ္ပိ ပစ္စနီကမ္ပိ ဝိဘတ္တံ ဧဝံ နိရောဓဝါရေပိ ဝိဘဇိတဗ္ဗံ, နတ္ထိ နာနာကရဏံ။)
(၃) အနာဂတဝါရော
(က) အနုလောမပုဂ္ဂလော
၈၈. (က) ယဿ ကာယသင်္ခါရော နိရုဇ္ဈိဿတိ တဿ ဝစီသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဝစီသင်္ခါရော နိရုဇ္ဈိဿတိ တဿ ကာယသင်္ခါရော နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဝစီသင်္ခါရော နိရုဇ္ဈိဿတိ, နော စ တေသံ ကာယသင်္ခါရော နိရုဇ္ဈိဿတိ။ ဣတရေသံ တေသံ ဝစီသင်္ခါရော စ နိရုဇ္ဈိဿတိ ကာယသင်္ခါရော စ နိရုဇ္ဈိဿတိ။
(က) ယဿ ကာယသင်္ခါရော နိရုဇ္ဈိဿတိ တဿ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈိဿတိ တဿ ကာယသင်္ခါရော နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စိတ္တသင်္ခါရော နိရုဇ္ဈိဿတိ, နော စ တေသံ ကာယသင်္ခါရော နိရုဇ္ဈိဿတိ။ ဣတရေသံ တေသံ စိတ္တသင်္ခါရော စ နိရုဇ္ဈိဿတိ ကာယသင်္ခါရော စ နိရုဇ္ဈိဿတိ။
၈၉. (က) ယဿ ဝစီသင်္ခါရော နိရုဇ္ဈိဿတိ တဿ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈိဿတိ တဿ ဝစီသင်္ခါရော နိရုဇ္ဈိဿတီတိ?
အဝိတက္ကအဝိစာရပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ စိတ္တသင်္ခါရော နိရုဇ္ဈိဿတိ, နော စ တေသံ ဝစီသင်္ခါရော နိရုဇ္ဈိဿတိ။ ဣတရေသံ တေသံ စိတ္တသင်္ခါရော စ နိရုဇ္ဈိဿတိ ဝစီသင်္ခါရော စ နိရုဇ္ဈိဿတိ။
(ခ) အနုလောမဩကာသော
၉၀. ယတ္ထ ကာယသင်္ခါရော နိရုဇ္ဈိဿတိ။ပေ.။။
(ဂ) အနုလောမပုဂ္ဂလောကာသာ
၉၁. (က) ယဿ ယတ္ထ ကာယသင်္ခါရော နိရုဇ္ဈိဿတိ တဿ တတ္ထ ဝစီသင်္ခါရော နိရုဇ္ဈိဿတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ကာယသင်္ခါရော နိရုဇ္ဈိဿတိ, နော စ တေသံ တတ္ထ ဝစီသင်္ခါရော နိရုဇ္ဈိဿတိ။ ပဌမဇ္ဈာနံ သမာပန္နာနံ ကာမာဝစရာနံ တေသံ တတ္ထ ကာယသင်္ခါရော စ နိရုဇ္ဈိဿတိ ဝစီသင်္ခါရော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝစီသင်္ခါရော နိရုဇ္ဈိဿတိ တဿ တတ္ထ ကာယသင်္ခါရော နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော နိရုဇ္ဈိဿတိ , နော စ တေသံ တတ္ထ ကာယသင်္ခါရော နိရုဇ္ဈိဿတိ။ ပဌမဇ္ဈာနံ သမာပန္နာနံ ဣတရေသံ ကာမာဝစရာနံ တေသံ တတ္ထ ဝစီသင်္ခါရော စ နိရုဇ္ဈိဿတိ ကာယသင်္ခါရော စ နိရုဇ္ဈိဿတိ။
(က) ယဿ ယတ္ထ ကာယသင်္ခါရော နိရုဇ္ဈိဿတိ တဿ တတ္ထ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိဿတိ တဿ တတ္ထ ကာယသင်္ခါရော နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ စိတ္တသင်္ခါရော နိရုဇ္ဈိဿတိ, နော စ တေသံ တတ္ထ ကာယသင်္ခါရော နိရုဇ္ဈိဿတိ။ ပဌမဇ္ဈာနံ ဒုတိယဇ္ဈာနံ တတိယဇ္ဈာနံ သမာပန္နာနံ ဣတရေသံ ကာမာဝစရာနံ တေသံ တတ္ထ စိတ္တသင်္ခါရော စ နိရုဇ္ဈိဿတိ ကာယသင်္ခါရော စ နိရုဇ္ဈိဿတိ။
၉၂. (က) ယဿ ယတ္ထ ဝစီသင်္ခါရော နိရုဇ္ဈိဿတိ တဿ တတ္ထ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိဿတိ တဿ တတ္ထ ဝစီသင်္ခါရော နိရုဇ္ဈိဿတီတိ?
အဝိတက္ကအဝိစာရပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ စတုတ္ထဇ္ဈာနံ သမာပန္နာနံ တေသံ တတ္ထ စိတ္တသင်္ခါရော နိရုဇ္ဈိဿတိ, နော စ တေသံ တတ္ထ ဝစီသင်္ခါရော နိရုဇ္ဈိဿတိ။ ပဌမဇ္ဈာနံ သမာပန္နာနံ ကာမာဝစရာနံ ဣတရေသံ ရူပါဝစရာနံ အရူပါဝစရာနံ တေသံ တတ္ထ စိတ္တသင်္ခါရော စ နိရုဇ္ဈိဿတိ ဝစီသင်္ခါရော စ နိရုဇ္ဈိဿတိ။
(ဃ) ပစ္စနီကပုဂ္ဂလော
၉၃. (က) ယဿ ကာယသင်္ခါရော န နိရုဇ္ဈိဿတိ တဿ ဝစီသင်္ခါရော န နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ကာယသင်္ခါရော န နိရုဇ္ဈိဿတိ, နော စ တေသံ ဝစီသင်္ခါရော န နိရုဇ္ဈိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ကာယသင်္ခါရော စ န နိရုဇ္ဈိဿတိ ဝစီသင်္ခါရော စ န နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
(က) ယဿ ကာယသင်္ခါရော န နိရုဇ္ဈိဿတိ တဿ စိတ္တသင်္ခါရော န နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ကာယသင်္ခါရော န နိရုဇ္ဈိဿတိ, နော စ တေသံ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ တေသံ ကာယသင်္ခါရော စ န နိရုဇ္ဈိဿတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
၉၄. (က) ယဿ ဝစီသင်္ခါရော န နိရုဇ္ဈိဿတိ တဿ စိတ္တသင်္ခါရော န နိရုဇ္ဈိဿတီတိ?
အဝိတက္ကအဝိစာရပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ဝစီသင်္ခါရော န နိရုဇ္ဈိဿတိ, နော စ တေသံ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ တေသံ ဝစီသင်္ခါရော စ န နိရုဇ္ဈိဿတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
(င) ပစ္စနီကဩကာသော
၉၅. ယတ္ထ ကာယသင်္ခါရော န နိရုဇ္ဈိဿတိ။ပေ.။။
(စ) ပစ္စနီကပုဂ္ဂလောကာသာ
၉၆. (က) ယဿ ယတ္ထ ကာယသင်္ခါရော န နိရုဇ္ဈိဿတိ တဿ တတ္ထ ဝစီသင်္ခါရော န နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော န နိရုဇ္ဈိဿတိ, နော စ တေသံ တတ္ထ ဝစီသင်္ခါရော န နိရုဇ္ဈိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ကာယသင်္ခါရော စ န နိရုဇ္ဈိဿတိ ဝစီသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝစီသင်္ခါရော န နိရုဇ္ဈိဿတိ တဿ တတ္ထ ကာယသင်္ခါရော န နိရုဇ္ဈိဿတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ဝစီသင်္ခါရော န နိရုဇ္ဈိဿတိ, နော စ တေသံ တတ္ထ ကာယသင်္ခါရော န နိရုဇ္ဈိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ဝစီသင်္ခါရော စ န နိရုဇ္ဈိဿတိ ကာယသင်္ခါရော စ န နိရုဇ္ဈိဿတိ။
(က) ယဿ ယတ္ထ ကာယသင်္ခါရော န နိရုဇ္ဈိဿတိ တဿ တတ္ထ စိတ္တသင်္ခါရော န နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော န နိရုဇ္ဈိဿတိ, နော စ တေသံ တတ္ထ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကာယသင်္ခါရော စ န နိရုဇ္ဈိဿတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ စိတ္တသင်္ခါရော န နိရုဇ္ဈိဿတိ တဿ တတ္ထ ကာယသင်္ခါရော န နိရုဇ္ဈိဿတီတိ? အာမန္တာ။
၉၇. (က) ယဿ ယတ္ထ ဝစီသင်္ခါရော န နိရုဇ္ဈိဿတိ တဿ တတ္ထ စိတ္တသင်္ခါရော န နိရုဇ္ဈိဿတီတိ?
အဝိတက္ကအဝိစာရပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ စတုတ္ထဇ္ဈာနံ သမာပန္နာနံ တေသံ တတ္ထ ဝစီသင်္ခါရော န နိရုဇ္ဈိဿတိ, နော စ တေသံ တတ္ထ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ဝစီသင်္ခါရော စ န နိရုဇ္ဈိဿတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ စိတ္တသင်္ခါရော န နိရုဇ္ဈိဿတိ တဿ တတ္ထ ဝစီသင်္ခါရော န နိရုဇ္ဈိဿတီတိ? အာမန္တာ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၉၈. (က) ယဿ ကာယသင်္ခါရော နိရုဇ္ဈတိ တဿ ဝစီသင်္ခါရော နိရုဇ္ဈိတ္ထာတိ ? အာမန္တာ။
(ခ) ယဿ ဝါ ပန ဝစီသင်္ခါရော နိရုဇ္ဈိတ္ထ တဿ ကာယသင်္ခါရော နိရုဇ္ဈတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော နိရုဇ္ဈိတ္ထ, နော စ တေသံ ကာယသင်္ခါရော နိရုဇ္ဈတိ။ အဿာသပဿာသာနံ ဘင်္ဂက္ခဏေ တေသံ ဝစီသင်္ခါရော စ နိရုဇ္ဈိတ္ထ ကာယသင်္ခါရော စ နိရုဇ္ဈတိ။
(က) ယဿ ကာယသင်္ခါရော နိရုဇ္ဈတိ တဿ စိတ္တသင်္ခါရော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈိတ္ထ တဿ ကာယသင်္ခါရော နိရုဇ္ဈတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော နိရုဇ္ဈိတ္ထ, နော စ တေသံ ကာယသင်္ခါရော နိရုဇ္ဈတိ။ အဿာသပဿာသာနံ ဘင်္ဂက္ခဏေ တေသံ စိတ္တသင်္ခါရော စ နိရုဇ္ဈိတ္ထ ကာယသင်္ခါရော စ နိရုဇ္ဈတိ။
၉၉. (က) ယဿ ဝစီသင်္ခါရော နိရုဇ္ဈတိ တဿ စိတ္တသင်္ခါရော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈိတ္ထ တဿ ဝစီသင်္ခါရော နိရုဇ္ဈတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော နိရုဇ္ဈိတ္ထ, နော စ တေသံ ဝစီသင်္ခါရော နိရုဇ္ဈတိ။ ဝိတက္ကဝိစာရာနံ ဘင်္ဂက္ခဏေ တေသံ စိတ္တသင်္ခါရော စ နိရုဇ္ဈိတ္ထ ဝစီသင်္ခါရော စ နိရုဇ္ဈတိ။
(ခ) အနုလောမဩကာသော
၁၀၀. ယတ္ထ ကာယသင်္ခါရော နိရုဇ္ဈတိ။ပေ.။။
(ဂ) အနုလောမပုဂ္ဂလောကာသာ
၁၀၁. (က) ယဿ ယတ္ထ ကာယသင်္ခါရော နိရုဇ္ဈတိ တဿ တတ္ထ ဝစီသင်္ခါရော နိရုဇ္ဈိတ္ထာတိ?
ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဘင်္ဂက္ခဏေ တေသံ တတ္ထ ကာယသင်္ခါရော နိရုဇ္ဈတိ, နော စ တေသံ တတ္ထ ဝစီသင်္ခါရော နိရုဇ္ဈိတ္ထ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံ တတ္ထ ကာယသင်္ခါရော စ နိရုဇ္ဈတိ ဝစီသင်္ခါရော စ နိရုဇ္ဈိတ္ထ။
(ခ) ယဿ ဝါ ပန ယတ္ထ ဝစီသင်္ခါရော နိရုဇ္ဈိတ္ထ တဿ တတ္ထ ကာယသင်္ခါရော နိရုဇ္ဈတီတိ?
ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဘင်္ဂက္ခဏေ ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော နိရုဇ္ဈိတ္ထ, နော စ တေသံ တတ္ထ ကာယသင်္ခါရော နိရုဇ္ဈတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံ တတ္ထ ဝစီသင်္ခါရော စ နိရုဇ္ဈိတ္ထ ကာယသင်္ခါရော စ နိရုဇ္ဈတိ။
(က) ယဿ ယတ္ထ ကာယသင်္ခါရော နိရုဇ္ဈတိ တဿ တတ္ထ စိတ္တသင်္ခါရော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိတ္ထ တဿ တတ္ထ ကာယသင်္ခါရော နိရုဇ္ဈတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ စိတ္တဿ ဘင်္ဂက္ခဏေ တေသံ တတ္ထ စိတ္တသင်္ခါရော နိရုဇ္ဈိတ္ထ , နော စ တေသံ တတ္ထ ကာယသင်္ခါရော နိရုဇ္ဈတိ။ အဿာသပဿာသာနံ ဘင်္ဂက္ခဏေ တေသံ တတ္ထ စိတ္တသင်္ခါရော စ နိရုဇ္ဈိတ္ထ ကာယသင်္ခါရော စ နိရုဇ္ဈတိ။
၁၀၂. (က) ယဿ ယတ္ထ ဝစီသင်္ခါရော နိရုဇ္ဈတိ တဿ တတ္ထ စိတ္တသင်္ခါရော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိတ္ထ တဿ တတ္ထ ဝစီသင်္ခါရော နိရုဇ္ဈတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ တေသံ တတ္ထ စိတ္တသင်္ခါရော နိရုဇ္ဈိတ္ထ, နော စ တေသံ တတ္ထ ဝစီသင်္ခါရော နိရုဇ္ဈတိ။ ဝိတက္ကဝိစာရာနံ ဘင်္ဂက္ခဏေ တေသံ တတ္ထ စိတ္တသင်္ခါရော စ နိရုဇ္ဈိတ္ထ ဝစီသင်္ခါရော စ နိရုဇ္ဈတိ။
(ဃ) ပစ္စနီကပုဂ္ဂလော
၁၀၃. (က) ယဿ ကာယသင်္ခါရော န နိရုဇ္ဈတိ တဿ ဝစီသင်္ခါရော န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန ဝစီသင်္ခါရော န နိရုဇ္ဈိတ္ထ တဿ ကာယသင်္ခါရော န နိရုဇ္ဈတီတိ? နတ္ထိ။
(က) ယဿ ကာယသင်္ခါရော န နိရုဇ္ဈတိ တဿ စိတ္တသင်္ခါရော န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန စိတ္တသင်္ခါရော န နိရုဇ္ဈိတ္ထ တဿ ကာယသင်္ခါရော န နိရုဇ္ဈတီတိ? နတ္ထိ။
၁၀၄. (က) ယဿ ဝစီသင်္ခါရော န နိရုဇ္ဈတိ တဿ စိတ္တသင်္ခါရော န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန စိတ္တသင်္ခါရော န နိရုဇ္ဈိတ္ထ တဿ ဝစီသင်္ခါရော န နိရုဇ္ဈတီတိ? နတ္ထိ။
(င) ပစ္စနီကဩကာသော
၁၀၅. ယတ္ထ ကာယသင်္ခါရော န နိရုဇ္ဈတိ။ပေ.။။
(စ) ပစ္စနီကပုဂ္ဂလောကာသာ
၁၀၆. (က) ယဿ ယတ္ထ ကာယသင်္ခါရော န နိရုဇ္ဈတိ တဿ တတ္ထ ဝစီသင်္ခါရော န နိရုဇ္ဈိတ္ထာတိ?
ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဘင်္ဂက္ခဏေ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော န နိရုဇ္ဈတိ, နော စ တေသံ တတ္ထ ဝစီသင်္ခါရော န နိရုဇ္ဈိတ္ထ။ ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဥပ္ပါဒက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဘင်္ဂက္ခဏေ စတုတ္ထဇ္ဈာနံ သမာပန္နာနံ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ကာယသင်္ခါရော စ န နိရုဇ္ဈတိ ဝစီသင်္ခါရော စ န နိရုဇ္ဈိတ္ထ။
(ခ) ယဿ ဝါ ပန ယတ္ထ ဝစီသင်္ခါရော န နိရုဇ္ဈိတ္ထ တဿ တတ္ထ ကာယသင်္ခါရော န နိရုဇ္ဈတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဘင်္ဂက္ခဏေ တေသံ တတ္ထ ဝစီသင်္ခါရော န နိရုဇ္ဈိတ္ထ, နော စ တေသံ တတ္ထ ကာယသင်္ခါရော န နိရုဇ္ဈတိ။ ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဥပ္ပါဒက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဘင်္ဂက္ခဏေ စတုတ္ထဇ္ဈာနံ သမာပန္နာနံ သုဒ္ဓါဝါသာနံ ဒုတိယေ စိတ္တေ ဝတ္တမာနေ အသညသတ္တာနံ တေသံ တတ္ထ ဝစီသင်္ခါရော စ န နိရုဇ္ဈိတ္ထ ကာယသင်္ခါရော စ န နိရုဇ္ဈတိ။
(က) ယဿ ယတ္ထ ကာယသင်္ခါရော န နိရုဇ္ဈတိ တဿ တတ္ထ စိတ္တသင်္ခါရော န နိရုဇ္ဈိတ္ထာတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ စိတ္တဿ ဘင်္ဂက္ခဏေ တေသံ တတ္ထ ကာယသင်္ခါရော န နိရုဇ္ဈတိ, နော စ တေသံ တတ္ထ စိတ္တသင်္ခါရော န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ ကာယသင်္ခါရော စ န နိရုဇ္ဈတိ စိတ္တသင်္ခါရော စ န နိရုဇ္ဈိတ္ထ။
(ခ) ယဿ ဝါ ပန ယတ္ထ စိတ္တသင်္ခါရော န နိရုဇ္ဈိတ္ထ တဿ တတ္ထ ကာယသင်္ခါရော န နိရုဇ္ဈတီတိ? အာမန္တာ။
၁၀၇. (က) ယဿ ယတ္ထ ဝစီသင်္ခါရော န နိရုဇ္ဈတိ တဿ တတ္ထ စိတ္တသင်္ခါရော န နိရုဇ္ဈိတ္ထာတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ တေသံ တတ္ထ ဝစီသင်္ခါရော န နိရုဇ္ဈတိ, နော စ တေသံ တတ္ထ စိတ္တသင်္ခါရော န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ ဝစီသင်္ခါရော စ န နိရုဇ္ဈတိ စိတ္တသင်္ခါရော စ န နိရုဇ္ဈိတ္ထ။
(ခ) ယဿ ဝါ ပန ယတ္ထ စိတ္တသင်္ခါရော န နိရုဇ္ဈိတ္ထ တဿ တတ္ထ ဝစီသင်္ခါရော န နိရုဇ္ဈတီတိ? အာမန္တာ။
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၁၀၈. (က) ယဿ ကာယသင်္ခါရော နိရုဇ္ဈတိ တဿ ဝစီသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဝစီသင်္ခါရော နိရုဇ္ဈိဿတိ တဿ ကာယသင်္ခါရော နိရုဇ္ဈတီတိ ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော နိရုဇ္ဈိဿတိ, နော စ တေသံ ကာယသင်္ခါရော နိရုဇ္ဈတိ။ အဿာသပဿာသာနံ ဘင်္ဂက္ခဏေ တေသံ ဝစီသင်္ခါရော စ နိရုဇ္ဈိဿတိ ကာယသင်္ခါရော စ နိရုဇ္ဈတိ။
(က) ယဿ ကာယသင်္ခါရော နိရုဇ္ဈတိ တဿ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈိဿတိ တဿ ကာယသင်္ခါရော နိရုဇ္ဈတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော နိရုဇ္ဈိဿတိ, နော စ တေသံ ကာယသင်္ခါရော နိရုဇ္ဈတိ။ အဿာသပဿာသာနံ ဘင်္ဂက္ခဏေ တေသံ စိတ္တသင်္ခါရော စ နိရုဇ္ဈိဿတိ ကာယသင်္ခါရော စ နိရုဇ္ဈတိ။
၁၀၉. (က) ယဿ ဝစီသင်္ခါရော နိရုဇ္ဈတိ တဿ စိတ္တသင်္ခါရော နိရုဇ္ဈိဿတီတိ?
သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ တေသံ ဝစီသင်္ခါရော နိရုဇ္ဈတိ, နော စ တေသံ စိတ္တသင်္ခါရော နိရုဇ္ဈိဿတိ။ ဣတရေသံ ဝိတက္ကဝိစာရာနံ ဘင်္ဂက္ခဏေ တေသံ ဝစီသင်္ခါရော စ နိရုဇ္ဈတိ စိတ္တသင်္ခါရော စ နိရုဇ္ဈိဿတိ။
(ခ) ယဿ ဝါ ပန စိတ္တသင်္ခါရော နိရုဇ္ဈိဿတိ တဿ ဝစီသင်္ခါရော နိရုဇ္ဈတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော နိရုဇ္ဈိဿတိ, နော စ တေသံ ဝစီသင်္ခါရော နိရုဇ္ဈတိ။ ဝိတက္ကဝိစာရာနံ ဘင်္ဂက္ခဏေ တေသံ စိတ္တသင်္ခါရော စ နိရုဇ္ဈိဿတိ ဝစီသင်္ခါရော စ နိရုဇ္ဈတိ။
(ခ) အနုလောမဩကာသော
၁၁၀. ယတ္ထ ကာယသင်္ခါရော နိရုဇ္ဈတိ။ပေ.။။
(ဂ) အနုလောမပုဂ္ဂလောကာသာ
၁၁၁. (က) ယဿ ယတ္ထ ကာယသင်္ခါရော နိရုဇ္ဈတိ တဿ တတ္ထ ဝစီသင်္ခါရော နိရုဇ္ဈိဿတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဘင်္ဂက္ခဏေ တေသံ တတ္ထ ကာယသင်္ခါရော နိရုဇ္ဈတိ, နော စ တေသံ တတ္ထ ဝစီသင်္ခါရော နိရုဇ္ဈိဿတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံ တတ္ထ ကာယသင်္ခါရော စ နိရုဇ္ဈတိ ဝစီသင်္ခါရော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝစီသင်္ခါရော နိရုဇ္ဈိဿတိ တဿ တတ္ထ ကာယသင်္ခါရော နိရုဇ္ဈတီတိ?
ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဘင်္ဂက္ခဏေ ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော နိရုဇ္ဈိဿတိ, နော စ တေသံ တတ္ထ ကာယသင်္ခါရော နိရုဇ္ဈတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံ တတ္ထ ဝစီသင်္ခါရော စ နိရုဇ္ဈိဿတိ ကာယသင်္ခါရော စ နိရုဇ္ဈတိ။
(က) ယဿ ယတ္ထ ကာယသင်္ခါရော နိရုဇ္ဈတိ တဿ တတ္ထ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိဿတိ တဿ တတ္ထ ကာယသင်္ခါရော နိရုဇ္ဈတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ စိတ္တဿ ဘင်္ဂက္ခဏေ တေသံ တတ္ထ စိတ္တသင်္ခါရော နိရုဇ္ဈိဿတိ, နော စ တေသံ တတ္ထ ကာယသင်္ခါရော နိရုဇ္ဈတိ။ အဿာသပဿာသာနံ ဘင်္ဂက္ခဏေ တေသံ တတ္ထ စိတ္တသင်္ခါရော စ နိရုဇ္ဈိဿတိ ကာယသင်္ခါရော စ နိရုဇ္ဈတိ။
၁၁၂. (က) ယဿ ယတ္ထ ဝစီသင်္ခါရော နိရုဇ္ဈတိ တဿ တတ္ထ စိတ္တသင်္ခါရော နိရုဇ္ဈိဿတီတိ?
သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ တေသံ တတ္ထ ဝစီသင်္ခါရော နိရုဇ္ဈတိ, နော စ တေသံ တတ္ထ စိတ္တသင်္ခါရော နိရုဇ္ဈိဿတိ။ ဣတရေသံ ဝိတက္ကဝိစာရာနံ ဘင်္ဂက္ခဏေ တေသံ တတ္ထ ဝစီသင်္ခါရော စ နိရုဇ္ဈတိ စိတ္တသင်္ခါရော စ နိရုဇ္ဈိဿတိ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိဿတိ တဿ တတ္ထ ဝစီသင်္ခါရော နိရုဇ္ဈတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ တေသံ တတ္ထ စိတ္တသင်္ခါရော နိရုဇ္ဈိဿတိ, နော စ တေသံ တတ္ထ ဝစီသင်္ခါရော နိရုဇ္ဈတိ။ ဝိတက္ကဝိစာရာနံ ဘင်္ဂက္ခဏေ တေသံ တတ္ထ စိတ္တသင်္ခါရော စ နိရုဇ္ဈိဿတိ ဝစီသင်္ခါရော စ နိရုဇ္ဈတိ။
(ဃ) ပစ္စနီကပုဂ္ဂလော
၁၁၃. (က) ယဿ ကာယသင်္ခါရော န နိရုဇ္ဈတိ တဿ ဝစီသင်္ခါရော န နိရုဇ္ဈိဿတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော န နိရုဇ္ဈတိ, နော စ တေသံ ဝစီသင်္ခါရော န နိရုဇ္ဈိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ကာယသင်္ခါရော စ န နိရုဇ္ဈတိ ဝစီသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ဝစီသင်္ခါရော န နိရုဇ္ဈိဿတိ တဿ ကာယသင်္ခါရော န နိရုဇ္ဈတီတိ? အာမန္တာ။
(က) ယဿ ကာယသင်္ခါရော န နိရုဇ္ဈတိ တဿ စိတ္တသင်္ခါရော န နိရုဇ္ဈိဿတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော န နိရုဇ္ဈတိ, နော စ တေသံ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ တေသံ ကာယသင်္ခါရော စ န နိရုဇ္ဈတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
၁၁၄. (က) ယဿ ဝစီသင်္ခါရော န နိရုဇ္ဈတိ တဿ စိတ္တသင်္ခါရော န နိရုဇ္ဈိဿတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော န နိရုဇ္ဈတိ, နော စ တေသံ စိတ္တသင်္ခါရော န နိရုဇ္ဈိဿတိ။ အဝိတက္ကအဝိစာရပစ္ဆိမစိတ္တဿ ဘင်္ဂက္ခဏေ တေသံ ဝစီသင်္ခါရော စ န နိရုဇ္ဈတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန စိတ္တသင်္ခါရော န နိရုဇ္ဈိဿတိ တဿ ဝစီသင်္ခါရော န နိရုဇ္ဈတီတိ?
သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ တေသံ စိတ္တသင်္ခါရော န နိရုဇ္ဈိဿတိ, နော စ တေသံ ဝစီသင်္ခါရော န နိရုဇ္ဈတိ။ အဝိတက္ကအဝိစာရပစ္ဆိမစိတ္တဿ ဘင်္ဂက္ခဏေ တေသံ စိတ္တသင်္ခါရော စ န နိရုဇ္ဈိဿတိ ဝစီသင်္ခါရော စ န နိရုဇ္ဈတိ။
(င) ပစ္စနီကဩကာသော
၁၁၅. ယတ္ထ ကာယသင်္ခါရော န နိရုဇ္ဈတိ။ပေ.။။
(စ) ပစ္စနီကပုဂ္ဂလောကာသာ
၁၁၆. (က) ယဿ ယတ္ထ ကာယသင်္ခါရော န နိရုဇ္ဈတိ တဿ တတ္ထ ဝစီသင်္ခါရော န နိရုဇ္ဈိဿတီတိ?
ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဘင်္ဂက္ခဏေ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော န နိရုဇ္ဈတိ, နော စ တေသံ တတ္ထ ဝစီသင်္ခါရော န နိရုဇ္ဈိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဥပ္ပါဒက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဘင်္ဂက္ခဏေ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ကာယသင်္ခါရော စ န နိရုဇ္ဈတိ ဝစီသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝစီသင်္ခါရော န နိရုဇ္ဈိဿတိ တဿ တတ္ထ ကာယသင်္ခါရော န နိရုဇ္ဈတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဘင်္ဂက္ခဏေ တေသံ တတ္ထ ဝစီသင်္ခါရော န နိရုဇ္ဈိဿတိ, နော စ တေသံ တတ္ထ ကာယသင်္ခါရော န နိရုဇ္ဈတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဥပ္ပါဒက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဘင်္ဂက္ခဏေ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ဝစီသင်္ခါရော စ န နိရုဇ္ဈိဿတိ ကာယသင်္ခါရော စ န နိရုဇ္ဈတိ။
(က) ယဿ ယတ္ထ ကာယသင်္ခါရော န နိရုဇ္ဈတိ တဿ တတ္ထ စိတ္တသင်္ခါရော န နိရုဇ္ဈိဿတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ အဿာသပဿာသေဟိ စိတ္တဿ ဘင်္ဂက္ခဏေ တေသံ တတ္ထ ကာယသင်္ခါရော န နိရုဇ္ဈတိ, နော စ တေသံ တတ္ထ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကာယသင်္ခါရော စ န နိရုဇ္ဈတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
၁၁၇. (က) ယဿ ယတ္ထ ဝစီသင်္ခါရော န နိရုဇ္ဈတိ တဿ တတ္ထ စိတ္တသင်္ခါရော န နိရုဇ္ဈိဿတီတိ?
သဗ္ဗေသံ စိတ္တဿ ဥပ္ပါဒက္ခဏေ ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ တေသံ တတ္ထ ဝစီသင်္ခါရော န နိရုဇ္ဈတိ, နော စ တေသံ တတ္ထ စိတ္တသင်္ခါရော န နိရုဇ္ဈိဿတိ။ အဝိတက္ကအဝိစာရပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ဝစီသင်္ခါရော စ န နိရုဇ္ဈတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ စိတ္တသင်္ခါရော န နိရုဇ္ဈိဿတိ တဿ တတ္ထ ဝစီသင်္ခါရော န နိရုဇ္ဈတီတိ?
သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ တေသံ တတ္ထ စိတ္တသင်္ခါရော န နိရုဇ္ဈိဿတိ, နော စ တေသံ တတ္ထ ဝစီသင်္ခါရော န နိရုဇ္ဈတိ။ အဝိတက္ကအဝိစာရပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ စိတ္တသင်္ခါရော စ န နိရုဇ္ဈိဿတိ ဝစီသင်္ခါရော စ န နိရုဇ္ဈတိ။
(၆) အတီတာနာဂတဝါရော
(က) အနုလောမပုဂ္ဂလော
၁၁၈. (က) ယဿ ကာယသင်္ခါရော နိရုဇ္ဈိတ္ထ တဿ ဝစီသင်္ခါရော နိရုဇ္ဈိဿတီတိ?
သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ကာယသင်္ခါရော နိရုဇ္ဈိတ္ထ, နော စ တေသံ ဝစီသင်္ခါရော နိရုဇ္ဈိဿတိ။ ဣတရေသံ တေသံ ကာယသင်္ခါရော စ နိရုဇ္ဈိတ္ထ ဝစီသင်္ခါရော စ နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
(က) ယဿ ကာယသင်္ခါရော နိရုဇ္ဈိတ္ထ တဿ စိတ္တသင်္ခါရော နိရုဇ္ဈိဿတီတိ?
ပစ္ဆိမစိတ္တဿ ဘင်္ဂက္ခဏေ တေသံ ကာယသင်္ခါရော နိရုဇ္ဈိတ္ထ, နော စ တေသံ စိတ္တသင်္ခါရော နိရုဇ္ဈိဿတိ။ ဣတရေသံ တေသံ ကာယသင်္ခါရော စ နိရုဇ္ဈိတ္ထ စိတ္တသင်္ခါရော စ နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
၁၁၉. (က) ယဿ ဝစီသင်္ခါရော နိရုဇ္ဈိတ္ထ တဿ စိတ္တသင်္ခါရော နိရုဇ္ဈိဿတီတိ?
ပစ္ဆိမစိတ္တဿ ဘင်္ဂက္ခဏေ တေသံ ဝစီသင်္ခါရော နိရုဇ္ဈိတ္ထ, နော စ တေသံ စိတ္တသင်္ခါရော နိရုဇ္ဈိဿတိ။ ဣတရေသံ တေသံ ဝစီသင်္ခါရော စ နိရုဇ္ဈိတ္ထ စိတ္တသင်္ခါရော စ နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
(ခ) အနုလောမဩကာသော
၁၂၀. ယတ္ထ ကာယသင်္ခါရော နိရုဇ္ဈိတ္ထ။ပေ.။။
(ဂ) အနုလောမပုဂ္ဂလောကာသာ
၁၂၁. (က) ယဿ ယတ္ထ ကာယသင်္ခါရော နိရုဇ္ဈိတ္ထ တဿ တတ္ထ ဝစီသင်္ခါရော နိရုဇ္ဈိဿတီတိ?
ကာမာဝစရေ ပစ္ဆိမစိတ္တဿ ဘင်္ဂက္ခဏေ ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ကာယသင်္ခါရော နိရုဇ္ဈိတ္ထ, နော စ တေသံ တတ္ထ ဝစီသင်္ခါရော နိရုဇ္ဈိဿတိ။ ပဌမဇ္ဈာနံ သမာပန္နာနံ ဣတရေသံ ကာမာဝစရာနံ တေသံ တတ္ထ ကာယသင်္ခါရော န နိရုဇ္ဈိတ္ထ ဝစီသင်္ခါရော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝစီသင်္ခါရော နိရုဇ္ဈိဿတိ တဿ တတ္ထ ကာယသင်္ခါရော နိရုဇ္ဈိတ္ထာတိ?
ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော နိရုဇ္ဈိဿတိ, နော စ တေသံ တတ္ထ ကာယသင်္ခါရော နိရုဇ္ဈိတ္ထ။ ပဌမဇ္ဈာနံ သမာပန္နာနံ ကာမာဝစရာနံ တေသံ တတ္ထ ဝစီသင်္ခါရော စ နိရုဇ္ဈိဿတိ ကာယသင်္ခါရော စ နိရုဇ္ဈိတ္ထ။
(က) ယဿ ယတ္ထ ကာယသင်္ခါရော နိရုဇ္ဈိတ္ထ တဿ တတ္ထ စိတ္တသင်္ခါရော နိရုဇ္ဈိဿတီတိ?
ကာမာဝစရေ ပစ္ဆိမစိတ္တဿ ဘင်္ဂက္ခဏေ တေသံ တတ္ထ ကာယသင်္ခါရော နိရုဇ္ဈိတ္ထ, နော စ တေသံ တတ္ထ စိတ္တသင်္ခါရော နိရုဇ္ဈိဿတိ။ ပဌမဇ္ဈာနံ ဒုတိယဇ္ဈာနံ တတိယဇ္ဈာနံ သမာပန္နာနံ ဣတရေသံ ကာမာဝစရာနံ တေသံ တတ္ထ ကာယသင်္ခါရော စ နိရုဇ္ဈိတ္ထ စိတ္တသင်္ခါရော စ နိရုဇ္ဈိဿတိ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိဿတိ တဿ တတ္ထ ကာယသင်္ခါရော နိရုဇ္ဈိတ္ထာတိ?
စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ စိတ္တသင်္ခါရော နိရုဇ္ဈိဿတိ, နော စ တေသံ တတ္ထ ကာယသင်္ခါရော နိရုဇ္ဈိတ္ထ။ ပဌမဇ္ဈာနံ ဒုတိယဇ္ဈာနံ တတိယဇ္ဈာနံ သမာပန္နာနံ ကာမာဝစရာနံ တေသံ တတ္ထ စိတ္တသင်္ခါရော စ နိရုဇ္ဈိဿတိ ကာယသင်္ခါရော စ နိရုဇ္ဈိတ္ထ။
၁၂၂. (က) ယဿ ယတ္ထ ဝစီသင်္ခါရော နိရုဇ္ဈိတ္ထ တဿ တတ္ထ စိတ္တသင်္ခါရော နိရုဇ္ဈိဿတီတိ?
သဝိတက္ကသဝိစာရဘူမိယံ ပစ္ဆိမစိတ္တဿ ဘင်္ဂက္ခဏေ တေသံ တတ္ထ ဝစီသင်္ခါရော နိရုဇ္ဈိတ္ထ, နော စ တေသံ တတ္ထ စိတ္တသင်္ခါရော နိရုဇ္ဈိဿတိ။ ဣတရေသံ သဝိတက္ကသဝိစာရဘူမိယံ တေသံ တတ္ထ ဝစီသင်္ခါရော စ နိရုဇ္ဈိတ္ထ စိတ္တသင်္ခါရော စ နိရုဇ္ဈိဿတိ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိဿတိ တဿ တတ္ထ ဝစီသင်္ခါရော နိရုဇ္ဈိတ္ထာတိ?
အဝိတက္ကအဝိစာရဘူမိယံ တေသံ တတ္ထ စိတ္တသင်္ခါရော နိရုဇ္ဈိဿတိ, နော စ တေသံ တတ္ထ ဝစီသင်္ခါရော နိရုဇ္ဈိတ္ထ။ သဝိတက္ကသဝိစာရဘူမိယံ တေသံ တတ္ထ စိတ္တသင်္ခါရော စ နိရုဇ္ဈိဿတိ ဝစီသင်္ခါရော စ နိရုဇ္ဈိတ္ထ။
(ဃ) ပစ္စနီကပုဂ္ဂလော
၁၂၃. (က) ယဿ ကာယသင်္ခါရော န နိရုဇ္ဈိတ္ထ တဿ ဝစီသင်္ခါရော န နိရုဇ္ဈိဿတီတိ? နတ္ထိ။
(ခ) ယဿ ဝါ ပန ဝစီသင်္ခါရော န နိရုဇ္ဈိဿတိ တဿ ကာယသင်္ခါရော န နိရုဇ္ဈိတ္ထာတိ? နိရုဇ္ဈိတ္ထ။
(က) ယဿ ကာယသင်္ခါရော န နိရုဇ္ဈိတ္ထ တဿ စိတ္တသင်္ခါရော န နိရုဇ္ဈိဿတီတိ? နတ္ထိ။
(ခ) ယဿ ဝါ ပန စိတ္တသင်္ခါရော န နိရုဇ္ဈိဿတိ တဿ ကာယသင်္ခါရော န နိရုဇ္ဈိတ္ထာတိ? နိရုဇ္ဈိတ္ထ။
၁၂၄. (က) ယဿ ဝစီသင်္ခါရော န နိရုဇ္ဈိတ္ထ တဿ စိတ္တသင်္ခါရော န နိရုဇ္ဈိဿတီတိ? နတ္ထိ။
(ခ) ယဿ ဝါ ပန စိတ္တသင်္ခါရော န နိရုဇ္ဈိဿတိ တဿ ဝစီသင်္ခါရော န နိရုဇ္ဈိတ္ထာတိ? နိရုဇ္ဈိတ္ထ။
(င) ပစ္စနီကဩကာသော
၁၂၅. ယတ္ထ ကာယသင်္ခါရော န နိရုဇ္ဈိတ္ထ။ပေ.။။
(စ) ပစ္စနီကပုဂ္ဂလောကာသာ
၁၂၆. (က) ယဿ ယတ္ထ ကာယသင်္ခါရော န နိရုဇ္ဈိတ္ထ တဿ တတ္ထ ဝစီသင်္ခါရော န နိရုဇ္ဈိဿတီတိ?
ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော န နိရုဇ္ဈိတ္ထ, နော စ တေသံ တတ္ထ ဝစီသင်္ခါရော န နိရုဇ္ဈိဿတိ။ ရူပါဝစရေ အရူပါဝစရေ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ကာယသင်္ခါရော စ န နိရုဇ္ဈိတ္ထ ဝစီသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝစီသင်္ခါရော န နိရုဇ္ဈိဿတိ တဿ တတ္ထ ကာယသင်္ခါရော န နိရုဇ္ဈိတ္ထာတိ?
ကာမာဝစရေ ပစ္ဆိမစိတ္တဿ ဘင်္ဂက္ခဏေ ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ဝစီသင်္ခါရော န နိရုဇ္ဈိဿတိ, နော စ တေသံ တတ္ထ ကာယသင်္ခါရော န နိရုဇ္ဈိတ္ထ။ ရူပါဝစရေ အရူပါဝစရေ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ဝစီသင်္ခါရော စ န နိရုဇ္ဈိဿတိ ကာယသင်္ခါရော စ န နိရုဇ္ဈိတ္ထ။
(က) ယဿ ယတ္ထ ကာယသင်္ခါရော န နိရုဇ္ဈိတ္ထ တဿ တတ္ထ စိတ္တသင်္ခါရော န နိရုဇ္ဈိဿတီတိ?
စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော န နိရုဇ္ဈိတ္ထ, နော စ တေသံ တတ္ထ စိတ္တသင်္ခါရော န နိရုဇ္ဈိဿတိ။ ရူပါဝစရေ အရူပါဝစရေ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကာယသင်္ခါရော စ န နိရုဇ္ဈိတ္ထ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ စိတ္တသင်္ခါရော န နိရုဇ္ဈိဿတိ တဿ တတ္ထ ကာယသင်္ခါရော န နိရုဇ္ဈိတ္ထာတိ?
ကာမာဝစရေ ပစ္ဆိမစိတ္တဿ ဘင်္ဂက္ခဏေ တေသံ တတ္ထ စိတ္တသင်္ခါရော န နိရုဇ္ဈိဿတိ, နော စ တေသံ တတ္ထ ကာယသင်္ခါရော န နိရုဇ္ဈိတ္ထ။ ရူပါဝစရေ အရူပါဝစရေ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ စိတ္တသင်္ခါရော စ န နိရုဇ္ဈိဿတိ ကာယသင်္ခါရော စ န နိရုဇ္ဈိတ္ထ။
၁၂၇. (က) ယဿ ယတ္ထ ဝစီသင်္ခါရော န နိရုဇ္ဈိတ္ထ တဿ တတ္ထ စိတ္တသင်္ခါရော န နိရုဇ္ဈိဿတီတိ?
အဝိတက္ကအဝိစာရဘူမိယံ တေသံ တတ္ထ ဝစီသင်္ခါရော န နိရုဇ္ဈိတ္ထ, နော စ တေသံ တတ္ထ စိတ္တသင်္ခါရော န နိရုဇ္ဈိဿတိ။ အဝိတက္ကအဝိစာရဘူမိယံ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ဝစီသင်္ခါရော စ န နိရုဇ္ဈိတ္ထ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ စိတ္တသင်္ခါရော န နိရုဇ္ဈိဿတိ တဿ တတ္ထ ဝစီသင်္ခါရော န နိရုဇ္ဈိတ္ထာတိ?
သဝိတက္ကသဝိစာရဘူမိယံ ပစ္ဆိမစိတ္တဿ ဘင်္ဂက္ခဏေ တေသံ တတ္ထ စိတ္တသင်္ခါရော န နိရုဇ္ဈိဿတိ, နော စ တေသံ တတ္ထ ဝစီသင်္ခါရော န နိရုဇ္ဈိတ္ထ။ အဝိတက္ကအဝိစာရဘူမိယံ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ စိတ္တသင်္ခါရော စ န နိရုဇ္ဈိဿတိ ဝစီသင်္ခါရော စ န နိရုဇ္ဈိတ္ထ။
နိရောဓဝါရော။
၂. ပဝတ္တိ ၃. ဥပ္ပါဒနိရောဓဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၁၂၈. (က) ယဿ ကာယသင်္ခါရော ဥပ္ပဇ္ဇတိ တဿ ဝစီသင်္ခါရော နိရုဇ္ဈတီတိ? နော။
(ခ) ယဿ ဝါ ပန ဝစီသင်္ခါရော နိရုဇ္ဈတိ တဿ ကာယသင်္ခါရော ဥပ္ပဇ္ဇတီတိ? နော။
(က) ယဿ ကာယသင်္ခါရော ဥပ္ပဇ္ဇတိ တဿ စိတ္တသင်္ခါရော နိရုဇ္ဈတီတိ? နော။
(ခ) ယဿ ဝါ ပန စိတ္တသင်္ခါရော နိရုဇ္ဈတိ တဿ ကာယသင်္ခါရော ဥပ္ပဇ္ဇတီတိ? နော။
၁၂၉. (က) ယဿ ဝစီသင်္ခါရော ဥပ္ပဇ္ဇတိ တဿ စိတ္တသင်္ခါရော နိရုဇ္ဈတီတိ? နော။
(ခ) ယဿ ဝါ ပန။ပေ.။? နော။
(ခ) အနုလောမဩကာသော
၁၃၀. ယတ္ထ ကာယသင်္ခါရော ဥပ္ပဇ္ဇတိ တတ္ထ ဝစီသင်္ခါရော နိရုဇ္ဈတီတိ?
ဒုတိယဇ္ဈာနေ တတိယဇ္ဈာနေ တတ္ထ။ပေ.။ (ဣတရေသံ ယတ္ထကာနံ သဒိသံ)။
(ဂ) အနုလောမပုဂ္ဂလောကာသာ
၁၃၁. ယဿ ယတ္ထ ကာယသင်္ခါရော ဥပ္ပဇ္ဇတိ။ပေ.။ (ယဿကမ္ပိ ယဿယတ္ထကမ္ပိ သဒိသံ)။
(ဃ) ပစ္စနီကပုဂ္ဂလော
၁၃၂. (က) ယဿ ကာယသင်္ခါရော နုပ္ပဇ္ဇတိ တဿ ဝစီသင်္ခါရော န နိရုဇ္ဈတီတိ?
ဝိတက္ကဝိစာရာနံ ဘင်္ဂက္ခဏေ တေသံ ကာယသင်္ခါရော နုပ္ပဇ္ဇတိ, နော စ တေသံ ဝစီသင်္ခါရော န နိရုဇ္ဈတိ။ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော စ နုပ္ပဇ္ဇတိ ဝစီသင်္ခါရော စ န နိရုဇ္ဈတိ။
(ခ) ယဿ ဝါ ပန ဝစီသင်္ခါရော န နိရုဇ္ဈတိ တဿ ကာယသင်္ခါရော နုပ္ပဇ္ဇတီတိ?
အဿာသပဿာသာနံ ဥပ္ပါဒက္ခဏေ တေသံ ဝစီသင်္ခါရော န နိရုဇ္ဈတိ, နော စ တေသံ ကာယသင်္ခါရော နုပ္ပဇ္ဇတိ။ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ ဝိနာ ဝိတက္ကဝိစာရေဟိ စိတ္တဿ ဘင်္ဂက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော စ န နိရုဇ္ဈတိ ကာယသင်္ခါရော စ နုပ္ပဇ္ဇတိ။
(က) ယဿ ကာယသင်္ခါရော နုပ္ပဇ္ဇတိ တဿ စိတ္တသင်္ခါရော နိရုဇ္ဈတီတိ?
သဗ္ဗေသံ စိတ္တဿ ဘင်္ဂက္ခဏေ တေသံ ကာယသင်္ခါရော နုပ္ပဇ္ဇတိ, နော စ တေသံ စိတ္တသင်္ခါရော န နိရုဇ္ဈတိ။ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော စ နုပ္ပဇ္ဇတိ စိတ္တသင်္ခါရော စ န နိရုဇ္ဈတိ။
(ခ) ယဿ ဝါ ပန စိတ္တသင်္ခါရော န နိရုဇ္ဈတိ တဿ ကာယသင်္ခါရော နုပ္ပဇ္ဇတီတိ?
အဿာသပဿာသာနံ ဥပ္ပါဒက္ခဏေ တေသံ စိတ္တသင်္ခါရော န နိရုဇ္ဈတိ, နော စ တေသံ ကာယသင်္ခါရော နုပ္ပဇ္ဇတိ။ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော စ န နိရုဇ္ဈတိ ကာယသင်္ခါရော စ နုပ္ပဇ္ဇတိ။
၁၃၃. (က) ယဿ ဝစီသင်္ခါရော နုပ္ပဇ္ဇတိ တဿ စိတ္တသင်္ခါရော န နိရုဇ္ဈတီတိ?
သဗ္ဗေသံ စိတ္တဿ ဘင်္ဂက္ခဏေ တေသံ ဝစီသင်္ခါရော နုပ္ပဇ္ဇတိ, နော စ တေသံ စိတ္တသင်္ခါရော န နိရုဇ္ဈတိ။ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော စ နုပ္ပဇ္ဇတိ စိတ္တသင်္ခါရော စ န နိရုဇ္ဈတိ။
(ခ) ယဿ ဝါ ပန စိတ္တသင်္ခါရော န နိရုဇ္ဈတိ တဿ ဝစီသင်္ခါရော နုပ္ပဇ္ဇတီတိ?
ဝိတက္ကဝိစာရာနံ ဥပ္ပါဒက္ခဏေ တေသံ စိတ္တသင်္ခါရော န နိရုဇ္ဈတိ, နော စ တေသံ ဝစီသင်္ခါရော နုပ္ပဇ္ဇတိ။ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော စ န နိရုဇ္ဈတိ ဝစီသင်္ခါရော စ နုပ္ပဇ္ဇတိ။
(င) ပစ္စနီကဩကာသော
၁၃၄. ယတ္ထ ကာယသင်္ခါရော နုပ္ပဇ္ဇတိ။ပေ.။။
(စ) ပစ္စနီကပုဂ္ဂလောကာသာ
၁၃၅. ယဿ ယတ္ထ ကာယသင်္ခါရော နုပ္ပဇ္ဇတိ။ပေ.။။
(ယဿကမ္ပိ ယဿယတ္ထကမ္ပိ သဒိသံ, ယဿယတ္ထကေ နိရောဓသမာပန္နာနန္တိ န လဗ္ဘတိ)။
(၂) အတီတဝါရော
(က) အနုလောမပုဂ္ဂလော
၁၃၆. ယဿ ကာယသင်္ခါရော ဥပ္ပဇ္ဇိတ္ထ တဿ ဝစီသင်္ခါရော နိရုဇ္ဈိတ္ထာတိ? အာမန္တာ။
(အတီတာ ပုစ္ဆာ ဥပ္ပါဒဝါရေပိ နိရောဓဝါရေပိ ဥပ္ပါဒနိရောဓဝါရေပိ သဒိသံ ဝိတ္ထာရေတဗ္ဗာ)။
(၃) အနာဂတဝါရော
(က) အနုလောမပုဂ္ဂလော
၁၃၇. (က) ယဿ ကာယသင်္ခါရော ဥပ္ပဇ္ဇိဿတိ တဿ ဝစီသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဝစီသင်္ခါရော နိရုဇ္ဈိဿတိ တဿ ကာယသင်္ခါရော ဥပ္ပဇ္ဇိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဝစီသင်္ခါရော နိရုဇ္ဈိဿတိ, နော စ တေသံ ကာယသင်္ခါရော ဥပ္ပဇ္ဇိဿတိ ။ ဣတရေသံ တေသံ ဝစီသင်္ခါရော စ နိရုဇ္ဈိဿတိ ကာယသင်္ခါရော စ ဥပ္ပဇ္ဇိဿတိ။
(က) ယဿ ကာယသင်္ခါရော ဥပ္ပဇ္ဇိဿတိ တဿ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈိဿတိ တဿ ကာယသင်္ခါရော ဥပ္ပဇ္ဇိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စိတ္တသင်္ခါရော နိရုဇ္ဈိဿတိ, နော စ တေသံ ကာယသင်္ခါရော ဥပ္ပဇ္ဇိဿတိ။ ဣတရေသံ တေသံ စိတ္တသင်္ခါရော စ နိရုဇ္ဈိဿတိ ကာယသင်္ခါရော စ ဥပ္ပဇ္ဇိဿတိ။
၁၃၈. (က) ယဿ ဝစီသင်္ခါရော ဥပ္ပဇ္ဇိဿတိ တဿ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈိဿတိ တဿ ဝစီသင်္ခါရော ဥပ္ပဇ္ဇိဿတီတိ?
ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ စိတ္တသင်္ခါရော နိရုဇ္ဈိဿတိ, နော စ တေသံ ဝစီသင်္ခါရော ဥပ္ပဇ္ဇိဿတိ။ ဣတရေသံ တေသံ စိတ္တသင်္ခါရော စ နိရုဇ္ဈိဿတိ ဝစီသင်္ခါရော စ ဥပ္ပဇ္ဇိဿတိ။
(ခ) အနုလောမဩကာသော
၁၃၉. ယတ္ထ ကာယသင်္ခါရော ဥပ္ပဇ္ဇိဿတိ။ပေ.။။
(ဂ) အနုလောမပုဂ္ဂလောကာသာ
၁၄၀. (က) ယဿ ယတ္ထ ကာယသင်္ခါရော ဥပ္ပဇ္ဇိဿတိ တဿ တတ္ထ ဝစီသင်္ခါရော နိရုဇ္ဈိဿတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ကာယသင်္ခါရော ဥပ္ပဇ္ဇိဿတိ, နော စ တေသံ တတ္ထ ဝစီသင်္ခါရော နိရုဇ္ဈိဿတိ။ ပဌမဇ္ဈာနံ သမာပန္နာနံ ကာမာဝစရာနံ တေသံ တတ္ထ ကာယသင်္ခါရော စ ဥပ္ပဇ္ဇိဿတိ ဝစီသင်္ခါရော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝစီသင်္ခါရော နိရုဇ္ဈိဿတိ တဿ တတ္ထ ကာယသင်္ခါရော ဥပ္ပဇ္ဇိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော နိရုဇ္ဈိဿတိ, နော စ တေသံ တတ္ထ ကာယသင်္ခါရော ဥပ္ပဇ္ဇိဿတိ။ ပဌမဇ္ဈာနံ သမာပန္နာနံ ဣတရေသံ ကာမာဝစရာနံ တေသံ တတ္ထ ဝစီသင်္ခါရော စ နိရုဇ္ဈိဿတိ ကာယသင်္ခါရော စ ဥပ္ပဇ္ဇိဿတိ။
(က) ယဿ ယတ္ထ ကာယသင်္ခါရော ဥပ္ပဇ္ဇိဿတိ တဿ တတ္ထ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိဿတိ တဿ တတ္ထ ကာယသင်္ခါရော ဥပ္ပဇ္ဇိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ စိတ္တသင်္ခါရော နိရုဇ္ဈိဿတိ, နော စ တေသံ တတ္ထ ကာယသင်္ခါရော ဥပ္ပဇ္ဇိဿတိ။ ပဌမဇ္ဈာနံ ဒုတိယဇ္ဈာနံ တတိယဇ္ဈာနံ သမာပန္နာနံ ဣတရေသံ ကာမာဝစရာနံ တေသံ တတ္ထ စိတ္တသင်္ခါရော စ နိရုဇ္ဈိဿတိ ကာယသင်္ခါရော စ ဥပ္ပဇ္ဇိဿတိ။
၁၄၁. (က) ယဿ ယတ္ထ ဝစီသင်္ခါရော ဥပ္ပဇ္ဇိဿတိ တဿ တတ္ထ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိဿတိ တဿ တတ္ထ ဝစီသင်္ခါရော ဥပ္ပဇ္ဇိဿတီတိ?
ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ စတုတ္ထဇ္ဈာနံ သမာပန္နာနံ တေသံ တတ္ထ စိတ္တသင်္ခါရော နိရုဇ္ဈိဿတိ, နော စ တေသံ တတ္ထ ဝစီသင်္ခါရော ဥပ္ပဇ္ဇိဿတိ။ ပဌမဇ္ဈာနံ သမာပန္နာနံ ကာမာဝစရာနံ ဣတရေသံ ရူပါဝစရာနံ အရူပါဝစရာနံ တေသံ တတ္ထ စိတ္တသင်္ခါရော စ နိရုဇ္ဈိဿတိ ဝစီသင်္ခါရော စ ဥပ္ပဇ္ဇိဿတိ။
(ဃ) ပစ္စနီကပုဂ္ဂလော
၁၄၂. (က) ယဿ ကာယသင်္ခါရော နုပ္ပဇ္ဇိဿတိ တဿ ဝစီသင်္ခါရော န နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ကာယသင်္ခါရော နုပ္ပဇ္ဇိဿတိ, နော စ တေသံ ဝစီသင်္ခါရော န နိရုဇ္ဈိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ကာယသင်္ခါရော စ နုပ္ပဇ္ဇိဿတိ ဝစီသင်္ခါရော စ န နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
(က) ယဿ ကာယသင်္ခါရော နုပ္ပဇ္ဇိဿတိ တဿ စိတ္တသင်္ခါရော န နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ကာယသင်္ခါရော နုပ္ပဇ္ဇိဿတိ, နော စ တေသံ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ တေသံ ကာယသင်္ခါရော စ နုပ္ပဇ္ဇိဿတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
၁၄၃. (က) ယဿ ဝစီသင်္ခါရော နုပ္ပဇ္ဇိဿတိ တဿ စိတ္တသင်္ခါရော န နိရုဇ္ဈိဿတီတိ?
ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ဝစီသင်္ခါရော နုပ္ပဇ္ဇိဿတိ, နော စ တေသံ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ တေသံ ဝစီသင်္ခါရော စ နုပ္ပဇ္ဇိဿတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
(င) ပစ္စနီကဩကာသော
၁၄၄. ယတ္ထ ကာယသင်္ခါရော နုပ္ပဇ္ဇိဿတိ။ပေ.။။
(စ) ပစ္စနီကပုဂ္ဂလောကာသာ
၁၄၅. (က) ယဿ ယတ္ထ ကာယသင်္ခါရော နုပ္ပဇ္ဇိဿတိ တဿ တတ္ထ ဝစီသင်္ခါရော န နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇိဿတိ, နော စ တေသံ တတ္ထ ဝစီသင်္ခါရော န နိရုဇ္ဈိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇိဿတိ ဝစီသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝစီသင်္ခါရော န နိရုဇ္ဈိဿတိ တဿ တတ္ထ ကာယသင်္ခါရော နုပ္ပဇ္ဇိဿတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ တေသံ တတ္ထ ဝစီသင်္ခါရော န နိရုဇ္ဈိဿတိ, နော စ တေသံ တတ္ထ ကာယသင်္ခါရော နုပ္ပဇ္ဇိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ဝစီသင်္ခါရော စ န နိရုဇ္ဈိဿတိ ကာယသင်္ခါရော စ နုပ္ပဇ္ဇိဿတိ။
(က) ယဿ ယတ္ထ ကာယသင်္ခါရော နုပ္ပဇ္ဇိဿတိ တဿ တတ္ထ စိတ္တသင်္ခါရော န နိရုဇ္ဈိဿတီတိ?
ကာမာဝစရာနံ ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ ကာမာဝစရာနံ ပစ္ဆိမစိတ္တံ ဥပ္ပဇ္ဇိဿတိ စတုတ္ထဇ္ဈာနံ သမာပန္နာနံ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇိဿတိ, နော စ တေသံ တတ္ထ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇိဿတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။
၁၄၆. (က) ယဿ ယတ္ထ ဝစီသင်္ခါရော နုပ္ပဇ္ဇိဿတိ တဿ တတ္ထ စိတ္တသင်္ခါရော န နိရုဇ္ဈိဿတီတိ?
ပစ္ဆိမစိတ္တဿ ဥပ္ပါဒက္ခဏေ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ စတုတ္ထဇ္ဈာနံ သမာပန္နာနံ တေသံ တတ္ထ ဝစီသင်္ခါရော နုပ္ပဇ္ဇိဿတိ, နော စ တေသံ တတ္ထ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇိဿတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၁၄၇. (က) ယဿ ကာယသင်္ခါရော ဥပ္ပဇ္ဇတိ တဿ ဝစီသင်္ခါရော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ဝစီသင်္ခါရော နိရုဇ္ဈိတ္ထ တဿ ကာယသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော နိရုဇ္ဈိတ္ထ , နော စ တေသံ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ ဝစီသင်္ခါရော စ နိရုဇ္ဈိတ္ထ ကာယသင်္ခါရော စ ဥပ္ပဇ္ဇတိ။
(ယထာ ဥပ္ပါဒဝါရေ ပစ္စုပ္ပန္နာတီတာ ပုစ္ဆာ အနုလောမမ္ပိ ပစ္စနီကမ္ပိ ဝိဘတ္တာ ဧဝံ ဥပ္ပါဒဝါရနိရောဓဝါရေပိ ပစ္စုပ္ပန္နာတီတာ ပုစ္ဆာ အနုလောမမ္ပိ ပစ္စနီကမ္ပိ ဝိဘဇိတဗ္ဗာ။)
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၁၄၈. (က) ယဿ ကာယသင်္ခါရော ဥပ္ပဇ္ဇတိ တဿ ဝစီသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဝစီသင်္ခါရော နိရုဇ္ဈိဿတိ တဿ ကာယသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော နိရုဇ္ဈိဿတိ, နော စ တေသံ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ ဝစီသင်္ခါရော စ နိရုဇ္ဈိဿတိ ကာယသင်္ခါရော စ ဥပ္ပဇ္ဇတိ။
(က) ယဿ ကာယသင်္ခါရော ဥပ္ပဇ္ဇတိ တဿ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈိဿတိ တဿ ကာယသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော နိရုဇ္ဈိဿတိ, နော စ တေသံ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ စိတ္တသင်္ခါရော စ နိရုဇ္ဈိဿတိ ကာယသင်္ခါရော စ ဥပ္ပဇ္ဇတိ။
၁၄၉. (က) ယဿ ဝစီသင်္ခါရော ဥပ္ပဇ္ဇတိ တဿ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန စိတ္တသင်္ခါရော နိရုဇ္ဈိဿတိ တဿ ဝစီသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ စိတ္တသင်္ခါရော နိရုဇ္ဈိဿတိ, နော စ တေသံ ဝစီသင်္ခါရော ဥပ္ပဇ္ဇတိ။ ဝိတက္ကဝိစာရာနံ ဥပ္ပါဒက္ခဏေ တေသံ စိတ္တသင်္ခါရော စ နိရုဇ္ဈိဿတိ ဝစီသင်္ခါရော စ ဥပ္ပဇ္ဇတိ။
(ခ) အနုလောမဩကာသော
၁၅၀. ယတ္ထ ကာယသင်္ခါရော ဥပ္ပဇ္ဇတိ။ပေ.။။
(ဂ) အနုလောမပုဂ္ဂလောကာသာ
၁၅၁. (က) ယဿ ယတ္ထ ကာယသင်္ခါရော ဥပ္ပဇ္ဇတိ တဿ တတ္ထ ဝစီသင်္ခါရော နိရုဇ္ဈိဿတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ကာယသင်္ခါရော ဥပ္ပဇ္ဇတိ, နော စ တေသံ တတ္ထ ဝစီသင်္ခါရော နိရုဇ္ဈိဿတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ကာယသင်္ခါရော စ ဥပ္ပဇ္ဇတိ ဝစီသင်္ခါရော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝစီသင်္ခါရော နိရုဇ္ဈိဿတိ တဿ တတ္ထ ကာယသင်္ခါရော ဥပ္ပဇ္ဇတီတိ?
ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ ရူပါဝစရာနံ အရူပါဝစရာနံ တေသံ တတ္ထ ဝစီသင်္ခါရော နိရုဇ္ဈိဿတိ, နော စ တေသံ တတ္ထ ကာယသင်္ခါရော ဥပ္ပဇ္ဇတိ။ ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ဝစီသင်္ခါရော စ နိရုဇ္ဈိဿတိ ကာယသင်္ခါရော စ ဥပ္ပဇ္ဇတိ။
(က) ယဿ ယတ္ထ ကာယသင်္ခါရော ဥပ္ပဇ္ဇတိ တဿ တတ္ထ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိဿတိ တဿ တတ္ထ ကာယသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ တေသံ တတ္ထ စိတ္တသင်္ခါရော နိရုဇ္ဈိဿတိ, နော စ တေသံ တတ္ထ ကာယသင်္ခါရော ဥပ္ပဇ္ဇတိ။ အဿာသပဿာသာနံ ဥပ္ပါဒက္ခဏေ တေသံ တတ္ထ စိတ္တသင်္ခါရော စ နိရုဇ္ဈိဿတိ ကာယသင်္ခါရော စ ဥပ္ပဇ္ဇတိ။
၁၅၂. (က) ယဿ ယတ္ထ ဝစီသင်္ခါရော ဥပ္ပဇ္ဇတိ တဿ တတ္ထ စိတ္တသင်္ခါရော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ စိတ္တသင်္ခါရော နိရုဇ္ဈိဿတိ တဿ တတ္ထ ဝစီသင်္ခါရော ဥပ္ပဇ္ဇတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ တေသံ တတ္ထ စိတ္တသင်္ခါရော နိရုဇ္ဈိဿတိ, နော စ တေသံ တတ္ထ ဝစီသင်္ခါရော ဥပ္ပဇ္ဇတိ။ ဝိတက္ကဝိစာရာနံ ဥပ္ပါဒက္ခဏေ တေသံ တတ္ထ စိတ္တသင်္ခါရော စ နိရုဇ္ဈိဿတိ ဝစီသင်္ခါရော စ ဥပ္ပဇ္ဇတိ။
(ဃ) ပစ္စနီကပုဂ္ဂလော
၁၅၃. (က) ယဿ ကာယသင်္ခါရော နုပ္ပဇ္ဇတိ တဿ ဝစီသင်္ခါရော န နိရုဇ္ဈိဿတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော နုပ္ပဇ္ဇတိ, နော စ တေသံ ဝစီသင်္ခါရော န နိရုဇ္ဈိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ကာယသင်္ခါရော စ နုပ္ပဇ္ဇတိ ဝစီသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ဝစီသင်္ခါရော န နိရုဇ္ဈိဿတိ တဿ ကာယသင်္ခါရော နုပ္ပဇ္ဇတီတိ? အာမန္တာ။
(က) ယဿ ကာယသင်္ခါရော နုပ္ပဇ္ဇတိ တဿ စိတ္တသင်္ခါရော န နိရုဇ္ဈိဿတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ကာယသင်္ခါရော နုပ္ပဇ္ဇတိ, နော စ တေသံ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ တေသံ ကာယသင်္ခါရော စ နုပ္ပဇ္ဇတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန စိတ္တသင်္ခါရော န နိရုဇ္ဈိဿတိ တဿ ကာယသင်္ခါရော နုပ္ပဇ္ဇတီတိ? အာမန္တာ။
၁၅၄. (က) ယဿ ဝစီသင်္ခါရော နုပ္ပဇ္ဇတိ တဿ စိတ္တသင်္ခါရော န နိရုဇ္ဈိဿတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ နိရောဓသမာပန္နာနံ အသညသတ္တာနံ တေသံ ဝစီသင်္ခါရော နုပ္ပဇ္ဇတိ, နော စ တေသံ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ တေသံ ဝစီသင်္ခါရော စ နုပ္ပဇ္ဇတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန စိတ္တသင်္ခါရော န နိရုဇ္ဈိဿတိ တဿ ဝစီသင်္ခါရော နုပ္ပဇ္ဇတီတိ? အာမန္တာ။
(င) ပစ္စနီကဩကာသော
၁၅၅. ယတ္ထ ကာယသင်္ခါရော နုပ္ပဇ္ဇတိ။ပေ.။။
(စ) ပစ္စနီကပုဂ္ဂလောကာသာ
၁၅၆. (က) ယဿ ယတ္ထ ကာယသင်္ခါရော နုပ္ပဇ္ဇတိ တဿ တတ္ထ ဝစီသင်္ခါရော န နိရုဇ္ဈိဿတီတိ?
ပဌမဇ္ဈာနံ သမာပန္နာနံ ကာမာဝစရာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ ရူပါဝစရာနံ အရူပါဝစရာနံ တေသံ တတ္ထ ကာယသင်္ခါရော နုပ္ပဇ္ဇတိ, နော စ တေသံ တတ္ထ ဝစီသင်္ခါရော န နိရုဇ္ဈိဿတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇတိ ဝစီသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝစီသင်္ခါရော န နိရုဇ္ဈိဿတိ တဿ တတ္ထ ကာယသင်္ခါရော နုပ္ပဇ္ဇတီတိ?
ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဥပ္ပါဒက္ခဏေ တေသံ တတ္ထ ဝစီသင်္ခါရော န နိရုဇ္ဈိဿတိ, နော စ တေသံ တတ္ထ ကာယသင်္ခါရော နုပ္ပဇ္ဇတိ။ သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ ဒုတိယဇ္ဈာနံ တတိယဇ္ဈာနံ သမာပန္နာနံ အဿာသပဿာသာနံ ဘင်္ဂက္ခဏေ တေသံယေဝ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ စတုတ္ထဇ္ဈာနံ သမာပန္နာနံ အသညသတ္တာနံ တေသံ တတ္ထ ဝစီသင်္ခါရော စ န နိရုဇ္ဈိဿတိ ကာယသင်္ခါရော စ နုပ္ပဇ္ဇတိ။
(က) ယဿ ယတ္ထ ကာယသင်္ခါရော နုပ္ပဇ္ဇတိ တဿ တတ္ထ စိတ္တသင်္ခါရော န နိရုဇ္ဈိဿတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ အဿာသပဿာသေဟိ စိတ္တဿ ဥပ္ပါဒက္ခဏေ တေသံ တတ္ထ ကာယသင်္ခါရော နုပ္ပဇ္ဇတိ, နော စ တေသံ တတ္ထ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ကာယသင်္ခါရော စ နုပ္ပဇ္ဇတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ စိတ္တသင်္ခါရော န နိရုဇ္ဈိဿတိ တဿ တတ္ထ ကာယသင်္ခါရော နုပ္ပဇ္ဇတီတိ? အာမန္တာ။
၁၅၇. (က) ယဿ ယတ္ထ ဝစီသင်္ခါရော နုပ္ပဇ္ဇတိ တဿ တတ္ထ စိတ္တသင်္ခါရော န နိရုဇ္ဈိဿတီတိ?
သဗ္ဗေသံ စိတ္တဿ ဘင်္ဂက္ခဏေ ဝိနာ ဝိတက္ကဝိစာရေဟိ စိတ္တဿ ဥပ္ပါဒက္ခဏေ တေသံ တတ္ထ ဝစီသင်္ခါရော နုပ္ပဇ္ဇတိ, နော စ တေသံ တတ္ထ စိတ္တသင်္ခါရော န နိရုဇ္ဈိဿတိ။ ပစ္ဆိမစိတ္တဿ ဘင်္ဂက္ခဏေ အသညသတ္တာနံ တေသံ တတ္ထ ဝစီသင်္ခါရော စ နုပ္ပဇ္ဇတိ စိတ္တသင်္ခါရော စ န နိရုဇ္ဈိဿတိ။
(ခ) ယဿ ဝါ ပန ယတ္ထ စိတ္တသင်္ခါရော န နိရုဇ္ဈိဿတိ တဿ တတ္ထ ဝစီသင်္ခါရော နုပ္ပဇ္ဇတီတိ? အာမန္တာ။
(၆) အတီတာနာဂတဝါရော
(က) အနုလောမပုဂ္ဂလော
၁၅၈. (က) ယဿ ကာယသင်္ခါရော ဥပ္ပဇ္ဇိတ္ထ တဿ ဝစီသင်္ခါရော နိရုဇ္ဈိဿတီတိ?
သဝိတက္ကသဝိစာရပစ္ဆိမစိတ္တဿ ဘင်္ဂက္ခဏေ အဝိတက္ကအဝိစာရပစ္ဆိမစိတ္တသမင္ဂီနံ ယဿ စိတ္တဿ အနန္တရာ အဝိတက္ကအဝိစာရံ ပစ္ဆိမစိတ္တံ ဥပ္ပဇ္ဇိဿတိ တေသံ ကာယသင်္ခါရော ဥပ္ပဇ္ဇိတ္ထ, နော စ တေသံ ဝစီသင်္ခါရော နိရုဇ္ဈိဿတိ။ ဣတရေသံ တေသံ ကာယသင်္ခါရော စ ဥပ္ပဇ္ဇိတ္ထ ဝစီသင်္ခါရော စ နိရုဇ္ဈိဿတိ။
(ခ) ယဿ ဝါ ပန ဝစီသင်္ခါရော နိရုဇ္ဈိဿတိ တဿ ကာယသင်္ခါရော ဥပ္ပဇ္ဇိတ္ထာတိ? အာမန္တာ။
(က) ယဿ ကာယသင်္ခါရော ဥပ္ပဇ္ဇိတ္ထ တဿ စိတ္တသင်္ခါရော နိရုဇ္ဈိဿတီတိ?
ပစ္ဆိမစိတ္တဿ ဘင်္ဂက္ခဏေ တေသံ ကာယသင်္ခါရော ဥပ္ပဇ္ဇိတ္ထ, နော စ တေသံ စိတ္တသင်္ခါရော နိရုဇ္ဈိဿတိ။ ဣတရေသံ တေသံ ကာယသင်္ခါရော စ ဥပ္ပဇ္ဇိတ္ထ စိတ္တသင်္ခါရော စ နိရုဇ္ဈိဿတိ။
(ခ) ယဿ ဝါ ပန စိတ္တသင်္ခါရော နိရုဇ္ဈိဿတိ တဿ ကာယသင်္ခါရော ဥပ္ပဇ္ဇိတ္ထာတိ? အာမန္တာ။
(ယထာ နိရောဓဝါရေ အတီတာနာဂတာ ပုစ္ဆာ အနုလောမမ္ပိ ပစ္စနီကမ္ပိ ဧဝံ ဥပ္ပါဒနိရောဓဝါရေပိ အတီတာနာဂတာ ပုစ္ဆာ အနုလောမမ္ပိ ပစ္စနီကမ္ပိ ဝိဘဇိတဗ္ဗံ အသမ္မောဟန္တေန နိရောဓဝါရေန သဒိသံ, နတ္ထိ နာနာကရဏံ။)
ဥပ္ပါဒနိရောဓဝါရော။
၃. ပရိညာဝါရော
၁-၆. ပစ္စုပ္ပန္နဝါရာဒိ
၁၅၉. (က) ယော ကာယသင်္ခါရံ ပရိဇာနာတိ သော ဝစီသင်္ခါရံ ပရိဇာနာတီတိ? အာမန္တာ။
(ခ) ယော ဝါ ပန ဝစီသင်္ခါရံ ပရိဇာနာတိ သော ကာယသင်္ခါရံ ပရိဇာနာတီတိ? အာမန္တာ။
(ယထာ ခန္ဓယမကေ ပရိညာဝါရံ ဝိဘတ္တံ ဧဝံ သင်္ခါရယမကေပိ ပရိညာဝါရံ ဝိဘဇိတဗ္ဗံ။)
ပရိညာဝါရော။
သင်္ခါရယမကံ နိဋ္ဌိတံ။
။ နမော တဿ ဘဂဝတော အရဟတော သမ္မာသမ္ဗုဒ္ဓဿ။