၄. ဓါတုယမက
၁. ပဏ္ဏတ္တိဝါရ
(က) ဥဒ္ဒေသ
၁. အဋ္ဌာရသ ဓါတုယော – စက္ခုဓါတု, သောတဓါတု, ဃာနဓါတု, ဇိဝှာဓါတု, ကာယဓါတု, ရူပဓါတု, သဒ္ဒဓါတု, ဂန္ဓဓါတု, ရသဓါတု, ဖောဋ္ဌဗ္ဗဓါတု, စက္ခုဝိညာဏဓါတု, သောတဝိညာဏဓါတု, ဃာနဝိညာဏဓါတု, ဇိဝှာဝိညာဏဓါတု, ကာယဝိညာဏဓါတု, မနောဓါတု, မနောဝိညာဏဓါတု, ဓမ္မဓါတု။
၁. ပဒသောဓနဝါရ
(က) အနုလောမ
၂. (က) စက္ခု စက္ခုဓါတု?
(ခ) စက္ခုဓါတု စက္ခု?
(က) သောတံ သောတဓါတု?
(ခ) သောတဓါတု သောတံ?။ပေ.။
(က) စက္ခုဝိညာဏံ စက္ခုဝိညာဏဓါတု?
(ခ) စက္ခုဝိညာဏဓါတု စက္ခုဝိညာဏံ?။ပေ.။
(က) မနော မနောဓါတု?
(ခ) မနောဓါတု မနော?
(က) မနောဝိညာဏံ မနောဝိညာဏဓါတု?
(ခ) မနောဝိညာဏဓါတု မနောဝိညာဏံ?
(က) ဓမ္မော ဓမ္မဓါတု?
(ခ) ဓမ္မဓါတု ဓမ္မော?
(ခ) ပစ္စနီကံ
၃. (က) န စက္ခု န စက္ခုဓါတု?
(ခ) န စက္ခုဓါတု န စက္ခု?
(က) န သောတံ န သောတဓါတု?
(ခ) န သောတဓါတု န သောတံ?။ပေ.။
(က) န စက္ခုဝိညာဏံ န စက္ခုဝိညာဏဓါတု?
(ခ) န စက္ခုဝိညာဏဓါတု န စက္ခုဝိညာဏံ?။ပေ.။
(က) န မနော န မနောဓါတု?
(ခ) န မနောဓါတု န မနော?
(က) န မနောဝိညာဏံ န မနောဝိညာဏဓါတု?
(ခ) န မနောဝိညာဏဓါတု န မနောဝိညာဏံ?
(က) န ဓမ္မော န ဓမ္မဓါတု?
(ခ) န ဓမ္မဓါတု န ဓမ္မော?
၂. ပဒသောဓနမူလစက္ကဝါရော
(က) အနုလောမံ
၄. (က) စက္ခု စက္ခုဓါတု?
(ခ) ဓါတူ [ဓါတု (သီ. က.) အညေဟိ ယမကေဟိ သံသန္ဒိတဗ္ဗံ] သောတဓါတု?။ပေ.။
(က) စက္ခု စက္ခုဓါတု?
(ခ) ဓါတူ ဓမ္မဓါတု?
(ယထာ အာယတနယမကေ စက္ကံ ဗန္ဓိတံ ဧဝမိဓ စက္ကံ ဗန္ဓိတဗ္ဗံ။)
(ခ) ပစ္စနီကံ
၅. (က) န စက္ခု န စက္ခုဓါတု?
(ခ) န ဓါတူ န သောတဓါတု?
(က) န စက္ခု န စက္ခုဓါတု?
(ခ) န ဓါတူ န ဃာနဓါတု?။ပေ.။
(က) န စက္ခု န စက္ခုဓါတု?
(ခ) န ဓါတူ န ဓမ္မဓါတု?။ပေ.။
(က) န ဓမ္မော န ဓမ္မဓါတု?
(ခ) န ဓါတူ န စက္ခုဓါတု?။ပေ.။
(က) န ဓမ္မော န ဓမ္မဓါတု?
(ခ) န ဓါတူ န မနောဝိညာဏဓါတု? (စက္ကံ ဗန္ဓိတဗ္ဗံ)။
၃. သုဒ္ဓဓါတုဝါရော
(က) အနုလောမံ
၆. (က) စက္ခု ဓါတု?
(ခ) ဓါတူ စက္ခု?
(က) သောတံ ဓါတု?
(ခ) ဓါတူ သောတံ?
ဃာနံ ဓါတု?။ပေ.။ ဇိဝှာ ဓါတု?။ ကာယော ဓါတု?။ ရူပံ ဓါတု?။ သဒ္ဒေါ ဓါတု?။ ဂန္ဓော ဓါတု?။ ရသော ဓါတု?။ ဖောဋ္ဌဗ္ဗော ဓါတု?။
(က) စက္ခုဝိညာဏံ ဓါတု?
(ခ) ဓါတူ စက္ခုဝိညာဏံ?
(က) သောတဝိညာဏံ ဓါတု?
(ခ) ဓါတူ သောတဝိညာဏံ?
။ ဃာနဝိညာဏံ?။ပေ.။ ဇိဝှာဝိညာဏံ?။ ကာယဝိညာဏံ?
(က) မနော ဓါတု?
(ခ) ဓါတူ မနော?
(က) မနောဝိညာဏံ ဓါတု?
(ခ) ဓါတူ မနောဝိညာဏံ?
(က) ဓမ္မော ဓါတု?
(ခ) ဓါတူ ဓမ္မော?
(ခ) ပစ္စနီကံ
၇. (က) န စက္ခု န ဓါတု?
(ခ) န ဓါတူ န စက္ခု?
(က) န သောတံ န ဓါတု?
(ခ) န ဓါတူ န သောတံ?
။ န ဃာနံ?။ န ဇိဝှာ?။ န ကာယော?။ န ရူပံ? ။ န သဒ္ဒေါ?။ န ဂန္ဓော?။ န ရသော?။ န ဖောဋ္ဌဗ္ဗော?
(က) န စက္ခုဝိညာဏံ န ဓါတု?
(ခ) န ဓါတူ န စက္ခုဝိညာဏံ?
။ န သောတဝိညာဏံ?။ပေ.။ န ဃာနဝိညာဏံ?။ န ဇိဝှာဝိညာဏံ?
(က) န ကာယဝိညာဏံ န ဓါတု?
(ခ) န ဓါတူ န ကာယဝိညာဏံ?
(က) န မနော န ဓါတု?
(ခ) န ဓါတူ န မနော?
(က) န မနောဝိညာဏံ န ဓါတု?
(ခ) န ဓါတူ န မနောဝိညာဏံ?
(က) န ဓမ္မော န ဓါတု?
(ခ) န ဓါတူ န ဓမ္မော?
၄. သုဒ္ဓဓါတုမူလစက္ကဝါရော
(က) အနုလောမံ
၈. (က) စက္ခု ဓါတု?
(ခ) ဓါတူ သောတံ?။ပေ.။
(က) စက္ခု ဓါတု?
(ခ) ဓါတူ ဓမ္မော?။ပေ.။
(က) ဓမ္မော ဓါတု?
(ခ) ဓါတူ စက္ခု?။ပေ.။
(က) ဓမ္မော ဓါတု?
(ခ) ဓါတူ မနောဝိညာဏံ? (စက္ကံ ဗန္ဓိတဗ္ဗံ)။
(ခ) ပစ္စနီကံ
၉. (က) န စက္ခု န ဓါတု?
(ခ) န ဓါတူ န သောတံ?
(က) န စက္ခု န ဓါတု?
(ခ) န ဓါတူ န ဃာနံ?။ပေ.။။
(က) န စက္ခု န ဓါတု?
(ခ) န ဓါတူ န ဓမ္မော?။ပေ.။
(က) န ဓမ္မော န ဓါတု?
(ခ) န ဓါတူ န စက္ခု?။ပေ.။
(က) န ဓမ္မော န ဓါတု?
(ခ) န ဓါတူ န မနောဝိညာဏံ? (စက္ကံ ဗန္ဓိတဗ္ဗံ)။
ပဏ္ဏတ္တိဥဒ္ဒေသဝါရော။
(ခ) နိဒ္ဒေသော
၁. ပဒသောဓနဝါရော
(က) အနုလောမံ
၁၀. (က) စက္ခု စက္ခုဓါတူတိ?
ဒိဗ္ဗစက္ခု ပညာစက္ခု စက္ခု, န စက္ခုဓါတု။ စက္ခုဓါတု စက္ခု စေဝ စက္ခုဓါတု စ။
(ခ) စက္ခုဓါတု စက္ခူတိ? အာမန္တာ။
(က) သောတံ သောတဓါတူတိ?
ဒိဗ္ဗသောတံ တဏှာသောတံ သောတံ, န သောတဓါတု။ သောတဓါတု သောတဉ္စေဝ သောတဓါတု စ။
(ခ) သောတဓါတု သောတန္တိ? အာမန္တာ။
(က) ဃာနံ ဃာနဓါတူတိ? အာမန္တာ။
(ခ) ဃာနဓါတု ဃာနန္တိ? အာမန္တာ။ (ဇိဝှာပိ ဃာနဓါတုသဒိသာ)။
(က) ကာယော ကာယဓါတူတိ?
ကာယဓါတုံ ဌပေတွာ အဝသေသော ကာယော [အဝသေသော ကာယော ကာယော (သျာ.)], န ကာယဓါတု။ ကာယဓါတု ကာယော စေဝ ကာယဓါတု စ။
(ခ) ကာယဓါတု ကာယောတိ? အာမန္တာ။
(က) ရူပံ ရူပဓါတူတိ?
ရူပဓါတုံ ဌပေတွာ အဝသေသံ ရူပံ, န ရူပဓါတု။ ရူပဓါတု ရူပဉ္စေဝ ရူပဓါတု စ။
(ခ) ရူပဓါတု ရူပန္တိ? အာမန္တာ။ (သဒ္ဒေါ ဃာနသဒိသော)။
(က) ဂန္ဓော ဂန္ဓဓါတူတိ?
သီလဂန္ဓော သမာဓိဂန္ဓော ပညာဂန္ဓော ဂန္ဓော, န ဂန္ဓဓါတု။ ဂန္ဓဓါတု ဂန္ဓော စေဝ ဂန္ဓဓါတု စ။
(ခ) ဂန္ဓဓါတု ဂန္ဓောတိ? အာမန္တာ။
(က) ရသော ရသဓါတူတိ?
အတ္ထရသော ဓမ္မရသော ဝိမုတ္တိရသော ရသော, န ရသဓါတု။ ရသဓါတု ရသော စေဝ ရသဓါတု စ။
(ခ) ရသဓါတု ရသောတိ? အာမန္တာ။ (ဖောဋ္ဌဗ္ဗော ဃာနသဒိသော)။
(က) စက္ခုဝိညာဏံ စက္ခုဝိညာဏဓါတူတိ? အာမန္တာ။
(ခ) စက္ခုဝိညာဏဓါတု စက္ခုဝိညာဏန္တိ? အာမန္တာ။
သောတဝိညာဏံ။ပေ.။ ဃာနဝိညာဏံ။ ဇိဝှာဝိညာဏံ။ ကာယဝိညာဏံ။။
(က) မနော မနောဓါတူတိ?
မနောဓါတုံ ဌပေတွာ အဝသေသော မနော, န မနောဓါတု။ မနောဓါတု မနော စေဝ မနောဓါတု စ။
(ခ) မနောဓါတု မနောတိ? အာမန္တာ။
(က) မနောဝိညာဏံ မနောဝိညာဏဓါတူတိ? အာမန္တာ။
(ခ) မနောဝိညာဏဓါတု မနောဝိညာဏန္တိ? အာမန္တာ။
(က) ဓမ္မော ဓမ္မဓါတူတိ?
ဓမ္မဓါတုံ ဌပေတွာ အဝသေသော ဓမ္မော, န ဓမ္မဓါတု။ ဓမ္မဓါတု ဓမ္မော စေဝ ဓမ္မဓါတု စ။
(ခ) ဓမ္မဓါတု ဓမ္မောတိ? အာမန္တာ။
(ခ) ပစ္စနီကံ
၁၁. (က) န စက္ခု န စက္ခုဓါတူတိ? အာမန္တာ။
(ခ) န စက္ခုဓါတု န စက္ခူတိ?
ဒိဗ္ဗစက္ခု ပညာစက္ခု န စက္ခုဓါတု, စက္ခု။ စက္ခုဉ္စ စက္ခုဓါတုဉ္စ ဌပေတွာ အဝသေသံ န စေဝ စက္ခု န စ စက္ခုဓါတု။
(က) န သောတံ န သောတဓါတူတိ? အာမန္တာ။
(ခ) န သောတဓါတု န သောတန္တိ?
ဒိဗ္ဗသောတံ တဏှာသောတံ န သောတဓါတု, သောတံ။ သောတဉ္စ သောတဓါတုဉ္စ ဌပေတွာ အဝသေသံ န စေဝ သောတံ န စ သောတဓါတု။
(က) န ဃာနံ န ဃာနဓါတူတိ? အာမန္တာ။
(ခ) န ဃာနဓါတု န ဃာနန္တိ? အာမန္တာ။
န ဇိဝှာ။ (သံခိတ္တံ [ယံ သံခိတ္တံ (သျာ.)], ဥဘတော အာမန္တာ)။
(က) န ကာယော န ကာယဓါတူတိ? အာမန္တာ။
(ခ) န ကာယဓါတု န ကာယောတိ?
ကာယဓါတုံ ဌပေတွာ အဝသေသော န ကာယဓါတု, ကာယော။ ကာယဉ္စ ကာယဓါတုဉ္စ ဌပေတွာ အဝသေသော [အဝသေသော ကာယော (သျာ.)] န စေဝ ကာယော န စ ကာယဓါတု။
(က) န ရူပံ န ရူပဓါတူတိ? အာမန္တာ။
(ခ) န ရူပဓါတု န ရူပန္တိ?
ရူပဓါတုံ ဌပေတွာ အဝသေသံ န ရူပဓါတု, ရူပံ။ ရူပဉ္စ ရူပဓါတုဉ္စ ဌပေတွာ အဝသေသံ န စေဝ ရူပံ န စ ရူပဓါတု။
န သဒ္ဒေါ။ပေ.။ န ဂန္ဓော န ဂန္ဓဓါတူတိ? အာမန္တာ။
န ဂန္ဓဓါတု န ဂန္ဓောတိ?
သီလဂန္ဓော သမာဓိဂန္ဓော ပညာဂန္ဓော န ဂန္ဓဓါတု, ဂန္ဓော။ ဂန္ဓဉ္စ ဂန္ဓဓါတုဉ္စ ဌပေတွာ အဝသေသော န စေဝ ဂန္ဓော န စ ဂန္ဓဓါတု။
(က) န ရသော န ရသဓါတူတိ? အာမန္တာ။
(ခ) န ရသဓါတု န ရသောတိ?
အတ္ထရသော ဓမ္မရသော ဝိမုတ္တိရသော န ရသဓါတု, ရသော။ ရသဉ္စ ရသဓါတုဉ္စ ဌပေတွာ အဝသေသော န စေဝ ရသော န စ ရသဓါတု။
န ဖောဋ္ဌဗ္ဗော။ပေ.။ န စက္ခုဝိညာဏံ န စက္ခုဝိညာဏဓါတူတိ? အာမန္တာ။
န စက္ခုဝိညာဏဓါတု န စက္ခုဝိညာဏန္တိ? အာမန္တာ။
န သောတဝိညာဏံ။ပေ.။ န ဃာနဝိညာဏံ။ န ဇိဝှာဝိညာဏံ။ န ကာယဝိညာဏံ။။
(က) န မနော န မနောဓါတူတိ? အာမန္တာ။
(ခ) န မနောဓါတု န မနောတိ?
မနောဓါတုံ ဌပေတွာ အဝသေသော န မနောဓါတု, မနော။ မနဉ္စ မနောဓါတုဉ္စ ဌပေတွာ အဝသေသော န စေဝ မနော န စ မနောဓါတု။
(က) န မနောဝိညာဏံ န မနောဝိညာဏဓါတူတိ? အာမန္တာ။
(ခ) န မနောဝိညာဏဓါတု န မနောဝိညာဏန္တိ? အာမန္တာ။
(က) န ဓမ္မော န ဓမ္မဓါတူတိ? အာမန္တာ။
(ခ) န ဓမ္မဓါတု န ဓမ္မောတိ?
ဓမ္မဓါတုံ ဌပေတွာ အဝသေသော န ဓမ္မဓါတု, ဓမ္မော။ ဓမ္မဉ္စ ဓမ္မဓါတုဉ္စ ဌပေတွာ အဝသေသော န စေဝ ဓမ္မော န စ ဓမ္မဓါတု။
၂. ပဒသောဓနမူလစက္ကဝါရော
(က) အနုလောမံ
၁၂. (က) စက္ခု စက္ခုဓါတူတိ?
ဒိဗ္ဗစက္ခု ပညာစက္ခု စက္ခု, န စက္ခုဓါတု။ စက္ခုဓါတု စက္ခု စေဝ စက္ခုဓါတု စ။
(ခ) ဓါတူ သောတဓါတူတိ?
သောတဓါတု ဓါတု စေဝ သောတဓါတု စ။ အဝသေသာ ဓါတူ [အဝသေသာ ဓါတူ ဓါတူ (သျာ.)] န သောတဓါတု။
(က) စက္ခု စက္ခုဓါတူတိ?
ဒိဗ္ဗစက္ခု ပညာစက္ခု စက္ခု, န စက္ခုဓါတု။ စက္ခုဓါတု စက္ခု စေဝ စက္ခုဓါတု စ။ ဓါတူ ဃာနဓါတု။ပေ.။ ဓါတူ ဓမ္မဓါတူတိ?
ဓမ္မဓါတု ဓါတု စေဝ ဓမ္မဓါတု စ။ အဝသေသာ ဓါတူ န ဓမ္မဓါတု။
(ယထာ အာယတနယမကေ ပဏ္ဏတ္တိ ဧဝံ ဓါတုယမကေပိ ပဏ္ဏတ္တိ။ စက္ကံ ဗန္ဓိတဗ္ဗံ)။
(ခ) ပစ္စနီကံ
၁၃. (က) န စက္ခု န စက္ခုဓါတူတိ? အာမန္တာ။
(ခ) န ဓါတူ န သောတဓါတူတိ? အာမန္တာ။
န စက္ခု န စက္ခုဓါတူတိ? အာမန္တာ။
န ဓါတူ န ဃာနဓါတု။ပေ.။ န ဓါတူ န ဓမ္မဓါတူတိ? အာမန္တာ။
(စက္ကံ ဗန္ဓိတဗ္ဗံ, သဗ္ဗေ အာမန္တာ ဥဘတောပိ သေသေပိ)။
၃. သုဒ္ဓဓါတုဝါရော
(က) အနုလောမံ
၁၄. (က) စက္ခု ဓါတူတိ? အာမန္တာ။
(ခ) ဓါတူ စက္ခုဓါတူတိ?
စက္ခုဓါတု ဓါတု စေဝ စက္ခုဓါတု စ။ အဝသေသာ ဓါတူ န စက္ခုဓါတု။
သောတံ ဓါတူတိ? အာမန္တာ။
ဃာနံ။ပေ.။ ဇိဝှာ။ ကာယော။ ရူပံ။ သဒ္ဒေါ။ ဂန္ဓော။ ရသော။ ဖောဋ္ဌဗ္ဗော။။
(က) စက္ခုဝိညာဏံ ဓါတူတိ? အာမန္တာ။
(ခ) ဓါတူ စက္ခုဝိညာဏဓါတူတိ?
စက္ခုဝိညာဏဓါတု ဓါတု စေဝ စက္ခုဝိညာဏဓါတု စ။ အဝသေသာ ဓါတူ န စက္ခုဝိညာဏဓါတု။ သောတဝိညာဏံ။ပေ.။ ဃာနဝိညာဏံ။ ဇိဝှာဝိညာဏံ။ ကာယဝိညာဏံ။။
(က) မနော ဓါတူတိ? အာမန္တာ။
(ခ) ဓါတူ မနောဓါတူတိ?
မနောဓါတု ဓါတု စေဝ မနောဓါတု စ။ အဝသေသာ ဓါတူ န မနောဓါတု။
(က) မနောဝိညာဏံ ဓါတူတိ? အာမန္တာ။
(ခ) ဓါတူ မနောဝိညာဏဓါတူတိ?
မနောဝိညာဏဓါတု ဓါတု စေဝ မနောဝိညာဏဓါတု စ။ အဝသေသာ ဓါတူ န မနောဝိညာဏဓါတု။
(က) ဓမ္မော ဓါတူတိ? အာမန္တာ။
(ခ) ဓါတူ ဓမ္မဓါတူတိ?
ဓမ္မဓါတု ဓါတု စေဝ ဓမ္မဓါတု စ။ အဝသေသာ ဓါတူ န ဓမ္မဓါတု။
(ခ) ပစ္စနီကံ
၁၅. (က) န စက္ခု န ဓါတူတိ?
စက္ခုံ ဌပေတွာ အဝသေသာ ဓါတူ န စက္ခု, ဓါတု။ စက္ခုဉ္စ ဓါတုဉ္စ ဌပေတွာ အဝသေသာ န စေဝ စက္ခု န စ ဓါတူ။
(ခ) န ဓါတူ န စက္ခူတိ? အာမန္တာ။
န သောတံ န ဓါတူတိ?
သောတံ ဌပေတွာ။ပေ.။ ဃာနံ ဌပေတွာ။ပေ.။ ဇိဝ္ဟ ဌပေတွာ။ပေ.။။
(က) န ကာယော န ဓါတူတိ? အာမန္တာ။
(ခ) န ဓါတူ န ကာယဓါတူတိ? အာမန္တာ။
န ရူပံ န ဓါတူတိ?
ရူပံ ဌပေတွာ။ပေ.။ သဒ္ဒံ။ ဂန္ဓံ။ ရသံ။ ဖောဋ္ဌဗ္ဗံ။ စက္ခုဝိညာဏံ။ပေ.။ မနောဝိညာဏံ ဌပေတွာ။ပေ.။။
(က) န ဓမ္မော န ဓါတူတိ? အာမန္တာ။
(ခ) န ဓါတူ န ဓမ္မဓါတူတိ? အာမန္တာ။
၄. သုဒ္ဓဓါတုမူလစက္ကဝါရော
(က) အနုလောမံ
၁၆. (က) စက္ခု ဓါတူတိ? အာမန္တာ။
(ခ) ဓါတူ သောတဓါတူတိ?
သောတဓါတု ဓါတု စေဝ သောတဓါတု စ။ အဝသေသာ ဓါတူ န သောတဓါတု။
စက္ခု ဓါတူတိ? အာမန္တာ။
ဓါတူ ဃာနဓါတု။ပေ.။ ဓါတူ ဓမ္မဓါတူတိ?
ဓမ္မဓါတု ဓါတု စေဝ ဓမ္မဓါတု စ။ အဝသေသာ ဓါတူ န ဓမ္မဓါတု။ (စက္ကံ ဗန္ဓိတဗ္ဗံ)။
(ခ) ပစ္စနီကံ
၁၇. (က) န စက္ခု န ဓါတူတိ?
စက္ခုံ ဌပေတွာ အဝသေသာ ဓါတူ န စက္ခုဓါတု။ စက္ခုဉ္စ ဓါတုဉ္စ ဌပေတွာ အဝသေသာ န စေဝ စက္ခု န စ ဓါတု။
(ခ) န ဓါတူ န သောတဓါတူတိ? အာမန္တာ။
န စက္ခု န ဓါတူတိ?
စက္ခုံ ဌပေတွာ အဝသေသာ ဓါတူ န စက္ခု, ဓါတု။ စက္ခု စ ဓါတုဉ္စ ဌပေတွာ အဝသေသာ န စေဝ စက္ခု န စ ဓါတု။ န ဓါတူ န ဃာနဓါတု။ပေ.။ န ဓါတူ န ဓမ္မဓါတူတိ? အာမန္တာ။
(က) န ဓမ္မော န ဓါတူတိ? အာမန္တာ။
(ခ) န ဓါတူ န စက္ခုဓါတူတိ? အာမန္တာ။
န ဓမ္မော န ဓါတူတိ? အာမန္တာ။
န ဓါတူ န သောတဓါတု။ပေ.။ န ဓါတူ န မနောဝိညာဏဓါတူတိ? အာမန္တာ။ (စက္ကံ ဗန္ဓိတဗ္ဗံ)။
(ယထာ အာယတနယမကဿ ပဏ္ဏတ္တိ ဧဝံ ဓါတုယမကဿ ပဏ္ဏတ္တိ ဝိတ္ထာရေတဗ္ဗာ)
ပဏ္ဏတ္တိနိဒ္ဒေသဝါရော။
၂. ပဝတ္တိဝါရော ၁. ဥပ္ပါဒဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၁၈. (က) ယဿ စက္ခုဓါတု ဥပ္ပဇ္ဇတိ တဿ သောတဓါတု ဥပ္ပဇ္ဇတီတိ?
သစက္ခုကာနံ အသောတကာနံ ဥပပဇ္ဇန္တာနံ တေသံ စက္ခုဓါတု ဥပ္ပဇ္ဇတိ, နော စ တေသံ သောတဓါတု ဥပ္ပဇ္ဇတိ။ သစက္ခုကာနံ သသောတကာနံ ဥပပဇ္ဇန္တာနံ တေသံ စက္ခုဓါတု စ ဥပ္ပဇ္ဇတိ သောတဓါတု စ ဥပ္ပဇ္ဇတိ။
(ခ) ယဿ ဝါ ပန သောတဓါတု ဥပ္ပဇ္ဇတိ တဿ စက္ခုဓါတု ဥပ္ပဇ္ဇတီတိ?
သသောတကာနံ အစက္ခုကာနံ ဥပပဇ္ဇန္တာနံ တေသံ သောတဓါတု ဥပ္ပဇ္ဇတိ, နော စ တေသံ စက္ခုဓါတု ဥပ္ပဇ္ဇတိ။ သသောတကာနံ သစက္ခုကာနံ ဥပပဇ္ဇန္တာနံ တေသံ သောတဓါတု စ ဥပ္ပဇ္ဇတိ စက္ခုဓါတု စ ဥပ္ပဇ္ဇတိ။
(က) ယဿ စက္ခုဓါတု ဥပ္ပဇ္ဇတိ တဿ ဃာနဓါတု ဥပ္ပဇ္ဇတီတိ?
သစက္ခုကာနံ အဃာနကာနံ ဥပပဇ္ဇန္တာနံ တေသံ စက္ခုဓါတု ဥပ္ပဇ္ဇတိ, နော စ တေသံ ဃာနဓါတု ဥပ္ပဇ္ဇတိ။ သစက္ခုကာနံ သဃာနကာနံ ဥပပဇ္ဇန္တာနံ တေသံ စက္ခုဓါတု စ ဥပ္ပဇ္ဇတိ ဃာနဓါတု စ ဥပ္ပဇ္ဇတိ။
(ခ) ယဿ ဝါ ပန ဃာနဓါတု ဥပ္ပဇ္ဇတိ တဿ စက္ခုဓါတု ဥပ္ပဇ္ဇတီတိ?
သဃာနကာနံ အစက္ခုကာနံ ဥပပဇ္ဇန္တာနံ တေသံ ဃာနဓါတု ဥပ္ပဇ္ဇတိ, နော စ တေသံ စက္ခုဓါတု ဥပ္ပဇ္ဇတိ။ သဃာနကာနံ သစက္ခုကာနံ ဥပပဇ္ဇန္တာနံ တေသံ ဃာနဓါတု စ ဥပ္ပဇ္ဇတိ စက္ခုဓါတု စ ဥပ္ပဇ္ဇတိ။
(က) ယဿ စက္ခုဓါတု ဥပ္ပဇ္ဇတိ တဿ ရူပဓါတု ဥပ္ပဇ္ဇတီတိ? အာမန္တာ။
(ခ) ယဿ ဝါ ပန ရူပဓါတု ဥပ္ပဇ္ဇတိ တဿ စက္ခုဓါတု ဥပ္ပဇ္ဇတီတိ?
သရူပကာနံ အစက္ခုကာနံ ဥပပဇ္ဇန္တာနံ တေသံ ရူပဓါတု ဥပ္ပဇ္ဇတိ , နော စ တေသံ စက္ခုဓါတု ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ ရူပဓါတု စ ဥပ္ပဇ္ဇတိ စက္ခုဓါတု စ ဥပ္ပဇ္ဇတိ။
(က) ယဿ စက္ခုဓါတု ဥပ္ပဇ္ဇတိ တဿ မနောဝိညာဏဓါတု ဥပ္ပဇ္ဇတီတိ? အာမန္တာ။
(ခ) ယဿ ဝါ ပန မနောဝိညာဏဓါတု ဥပ္ပဇ္ဇတိ တဿ စက္ခုဓါတု ဥပ္ပဇ္ဇတီတိ?
သစိတ္တကာနံ အစက္ခုကာနံ ဥပပဇ္ဇန္တာနံ တေသံ မနောဝိညာဏဓါတု ဥပ္ပဇ္ဇတိ, နော စ တေသံ စက္ခုဓါတု ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ မနောဝိညာဏဓါတု စ ဥပ္ပဇ္ဇတိ စက္ခုဓါတု စ ဥပ္ပဇ္ဇတိ။
(က) ယဿ စက္ခုဓါတု ဥပ္ပဇ္ဇတိ တဿ ဓမ္မဓါတု ဥပ္ပဇ္ဇတီတိ? အာမန္တာ။
(ခ) ယဿ ဝါ ပန ဓမ္မဓါတု ဥပ္ပဇ္ဇတိ တဿ စက္ခုဓါတု ဥပ္ပဇ္ဇတီတိ?
အစက္ခုကာနံ ဥပပဇ္ဇန္တာနံ တေသံ ဓမ္မဓါတု ဥပ္ပဇ္ဇတိ, နော စ တေသံ စက္ခုဓါတု ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ ဓမ္မဓါတု စ ဥပ္ပဇ္ဇတိ စက္ခုဓါတု စ ဥပ္ပဇ္ဇတိ။
(ယထာ အာယတနယမကံ ဝိဘတ္တံ ဧဝံ ဓါတုယမကမ္ပိ ဝိဘဇိတဗ္ဗံ, သဒိသံ ကာတဗ္ဗံ)။
၃. ပရိညာဝါရော
၁၉. ယော စက္ခုဓါတုံ ပရိဇာနာတိ သော သောတဓါတုံ ပရိဇာနာတီတိ? အာမန္တာ။။ပေ.။ (ဓါတုယမကံ ပရိပုဏ္ဏံ ပေယျာလေန)။
ဓါတုယမကံ နိဋ္ဌိတံ။
။ နမော တဿ ဘဂဝတော အရဟတော သမ္မာသမ္ဗုဒ္ဓဿ။