၃. အာယတနယမက
၁. ပဏ္ဏတ္တိဝါရ
(က) ဥဒ္ဒေသ
၁. ဒွါဒသာယတနာနိ – စက္ခာယတနံ, သောတာယတနံ ဃာနာယတနံ, ဇိဝှာယတနံ, ကာယာယတနံ, ရူပါယတနံ, သဒ္ဒါယတနံ, ဂန္ဓာယတနံ, ရသာယတနံ, ဖောဋ္ဌဗ္ဗာယတနံ, မနာယတနံ, ဓမ္မာယတနံ။
၁. ပဒသောဓနဝါရ
(က) အနုလောမ
၂. (က) စက္ခု စက္ခာယတနံ?
(ခ) စက္ခာယတနံ စက္ခု?
(က) သောတံ သောတာယတနံ?
(ခ) သောတာယတနံ သောတံ?
(က) ဃာနံ ဃာနာယတနံ?
(ခ) ဃာနာယတနံ ဃာနံ?
(က) ဇိဝှာ ဇိဝှာယတနံ?
(ခ) ဇိဝှာယတနံ ဇိဝှာ?
(က) ကာယော ကာယာယတနံ?
(ခ) ကာယာယတနံ ကာယော?
(က) ရူပံ ရူပါယတနံ?
(ခ) ရူပါယတနံ ရူပံ?
(က) သဒ္ဒေါ သဒ္ဒါယတနံ?
(ခ) သဒ္ဒါယတနံ သဒ္ဒေါ?
(က) ဂန္ဓော ဂန္ဓာယတနံ?
(ခ) ဂန္ဓာယတနံ ဂန္ဓော?
(က) ရသော ရသာယတနံ?
(ခ) ရသာယတနံ ရသော?
(က) ဖောဋ္ဌဗ္ဗော ဖောဋ္ဌဗ္ဗာယတနံ?
(ခ) ဖောဋ္ဌဗ္ဗာယတနံ ဖောဋ္ဌဗ္ဗော?
(က) မနော မနာယတနံ?
(ခ) မနာယတနံ မနော?
(က) ဓမ္မော ဓမ္မာယတနံ?
(ခ) ဓမ္မာယတနံ ဓမ္မော?
(ခ) ပစ္စနီကံ
၃. (က) န စက္ခု န စက္ခာယတနံ?
(ခ) န စက္ခာယတနံ န စက္ခု?
(က) န သောတံ န သောတာယတနံ?
(ခ) န သောတာယတနံ န သောတံ?
(က) န ဃာနံ န ဃာနာယတနံ?
(ခ) န ဃာနာယတနံ န ဃာနံ?
(က) န ဇိဝှာ န ဇိဝှာယတနံ?
(ခ) န ဇိဝှာယတနံ န ဇိဝှာ?
(က) န ကာယော န ကာယာယတနံ?
(ခ) န ကာယာယတနံ န ကာယော?
(က) န ရူပံ န ရူပါယတနံ?
(ခ) န ရူပါယတနံ န ရူပံ?
(က) န သဒ္ဒေါ န သဒ္ဒါယတနံ?
(ခ) န သဒ္ဒါယတနံ န သဒ္ဒေါ?
(က) န ဂန္ဓော န ဂန္ဓာယတနံ?
(ခ) န ဂန္ဓာယတနံ န ဂန္ဓော?
(က) န ရသော န ရသာယတနံ?
(ခ) န ရသာယတနံ န ရသော?
(က) န ဖောဋ္ဌဗ္ဗော န ဖောဋ္ဌဗ္ဗာယတနံ?
(ခ) န ဖောဋ္ဌဗ္ဗာယတနံ န ဖောဋ္ဌဗ္ဗော?
(က) န မနော န မနာယတနံ?
(ခ) န မနာယတနံ န မနော?
(က) န ဓမ္မော န ဓမ္မာယတနံ?
(ခ) န ဓမ္မာယတနံ န ဓမ္မော?
၂. ပဒသောဓနမူလစက္ကဝါရော
(က) အနုလောမံ
၄. (က) စက္ခု စက္ခာယတနံ?
(ခ) အာယတနာ သောတာယတနံ?
(က) စက္ခု စက္ခာယတနံ?
(ခ) အာယတနာ ဃာနာယတနံ?
(က) စက္ခု စက္ခာယတနံ?
(ခ) အာယတနာ ဇိဝှာယတနံ?။ပေ.။
(က) စက္ခု စက္ခာယတနံ?
(ခ) အာယတနာ ဓမ္မာယတနံ?
(က) သောတံ သောတာယတနံ?
(ခ) အာယတနာ စက္ခာယတနံ?
(က) သောတံ သောတာယတနံ?
(ခ) အာယတနာ ဃာနာယတနံ?။ပေ.။
(က) သောတံ သောတာယတနံ?
(ခ) အာယတနာ ဓမ္မာယတနံ?
(က) ဃာနံ ဃာနာယတနံ?
(ခ) အာယတနာ စက္ခာယတနံ?။ပေ.။
(က) ဃာနံ ဃာနာယတနံ?
(ခ) အာယတနာ ဓမ္မာယတနံ?။ပေ.။
(က) ဓမ္မော ဓမ္မာယတနံ?
(ခ) အာယတနာ စက္ခာယတနံ?
(က) ဓမ္မော ဓမ္မာယတနံ?
(ခ) အာယတနာ သောတာယတနံ?။ပေ.။
(က) ဓမ္မော ဓမ္မာယတနံ?
(ခ) အာယတနာ မနာယတနံ?
(စက္ကံ ဗန္ဓိတဗ္ဗံ)
(ခ) ပစ္စနီကံ
၅. (က) န စက္ခု န စက္ခာယတနံ?
(ခ) နာယတနာ န သောတာယတနံ?
(က) န စက္ခု န စက္ခာယတနံ?
(ခ) နာယတနာ န ဃာနာယတနံ?။ပေ.။
(က) န စက္ခု န စက္ခာယတနံ?
(ခ) နာယတနာ န ဓမ္မာယတနံ?
(က) န သောတံ န သောတာယတနံ?
(ခ) နာယတနာ န စက္ခာယတနံ?။ပေ.။
(က) န သောတံ န သောတာယတနံ?
(ခ) နာယတနာ န ဓမ္မာယတနံ?
(က) န ဃာနံ န ဃာနာယတနံ?
(ခ) နာယတနာ န စက္ခာယတနံ?။ပေ.။
(က) န ဃာနံ န ဃာနာယတနံ?
(ခ) နာယတနာ န ဓမ္မာယတနံ?။ပေ.။
(က) န ဓမ္မော န ဓမ္မာယတနံ?
(ခ) နာယတနာ န စက္ခာယတနံ?
(က) န ဓမ္မော န ဓမ္မာယတနံ?
(ခ) နာယတနာ န သောတာယတနံ?။ပေ.။
(က) န ဓမ္မော န ဓမ္မာယတနံ?
(ခ) နာယတနာ န မနာယတနံ?
(စက္ကံ ဗန္ဓိတဗ္ဗံ)
၃. သုဒ္ဓါယတနဝါရော
(က) အနုလောမံ
၆. (က) စက္ခု အာယတနံ?
(ခ) အာယတနာ စက္ခု?
(က) သောတံ အာယတနံ?
(ခ) အာယတနာ သောတံ?
(က) ဃာနံ အာယတနံ?
(ခ) အာယတနာ ဃာနံ?
(က) ဇိဝှာ အာယတနံ?
(ခ) အာယတနာ ဇိဝှာ?
(က) ကာယော အာယတနံ?
(ခ) အာယတနာ ကာယော?
(က) ရူပံ အာယတနံ?
(ခ) အာယတနာ ရူပံ?
(က) သဒ္ဒေါ အာယတနံ?
(ခ) အာယတနာ သဒ္ဒေါ?
(က) ဂန္ဓော အာယတနံ?
(ခ) အာယတနာ ဂန္ဓော?
(က) ရသော အာယတနံ?
(ခ) အာယတနာ ရသော?
(က) ဖောဋ္ဌဗ္ဗော အာယတနံ?
(ခ) အာယတနာ ဖောဋ္ဌဗ္ဗော?
(က) မနော အာယတနံ?
(ခ) အာယတနာ မနော?
(က) ဓမ္မော အာယတနံ?
(ခ) အာယတနာ ဓမ္မော?
(ခ) ပစ္စနီကံ
၇. (က) န စက္ခု နာယတနံ?
(ခ) နာယတနာ န စက္ခု?
(က) န သောတံ နာယတနံ?
(ခ) နာယတနာ န သောတံ?
(က) န ဃာနံ နာယတနံ?
(ခ) နာယတနာ န ဃာနံ?
(က) န ဇိဝှာ နာယတနံ?
(ခ) နာယတနာ န ဇိဝှာ?
(က) န ကာယော နာယတနံ?
(ခ) နာယတနာ န ကာယော?
(က) န ရူပံ နာယတနံ?
(ခ) နာယတနာ န ရူပံ?
(က) န သဒ္ဒေါ နာယတနံ?
(ခ) နာယတနာ န သဒ္ဒေါ?
(က) န ဂန္ဓော နာယတနံ?
(ခ) နာယတနာ န ဂန္ဓော?
(က) န ရသော နာယတနံ?
(ခ) နာယတနာ န ရသော?
(က) န ဖောဋ္ဌဗ္ဗော နာယတနံ?
(ခ) နာယတနာ န ဖောဋ္ဌဗ္ဗော?
(က) န မနော နာယတနံ?
(ခ) နာယတနာ န မနော?
(က) န ဓမ္မော နာယတနံ?
(ခ) နာယတနာ န ဓမ္မော?
၄. သုဒ္ဓါယတနမူလစက္ကဝါရော
(က) အနုလောမံ
၈. (က) စက္ခု အာယတနံ?
(ခ) အာယတနာ သောတံ?။ပေ.။
(က) စက္ခု အာယတနံ?
(ခ) အာယတနာ ဓမ္မော?
(က) သောတံ အာယတနံ?
(ခ) အာယတနာ စက္ခု?။ပေ.။
(က) သောတံ အာယတနံ?
(ခ) အာယတနာ ဓမ္မော?
(က) ဃာနံ အာယတနံ?
(ခ) အာယတနာ စက္ခု?။ပေ.။
(က) ဃာနံ အာယတနံ?
(ခ) အာယတနာ ဓမ္မော?။ပေ.။
(က) ဓမ္မော အာယတနံ?
(ခ) အာယတနာ စက္ခု?
(က) ဓမ္မော အာယတနံ?
(ခ) အာယတနာ သောတံ?။ပေ.။
(က) ဓမ္မော အာယတနံ?
(ခ) အာယတနာ မနော?
(စက္ကံ ဗန္ဓိတဗ္ဗံ)
(ခ) ပစ္စနီကံ
၉. (က) န စက္ခု နာယတနံ?
(ခ) နာယတနာ န သောတံ?
(က) န စက္ခု နာယတနံ?
(ခ) နာယတနာ န ဃာနံ?။ပေ.။
(က) န စက္ခု နာယတနံ?
(ခ) နာယတနာ န ဓမ္မော?
(က) န သောတံ နာယတနံ?
(ခ) နာယတနာ န စက္ခု?။ပေ.။
(က) န သောတံ နာယတနံ?
(ခ) နာယတနာ န ဓမ္မော?
(က) န ဃာနံ နာယတနံ?
(ခ) နာယတနာ န စက္ခု?။ပေ.။
(က) န ဃာနံ နာယတနံ?
(ခ) နာယတနာ န ဓမ္မော?။ပေ.။
(က) န ဓမ္မော နာယတနံ?
(ခ) နာယတနာ န စက္ခု?
(က) န ဓမ္မော နာယတနံ?
(ခ) နာယတနာ န သောတံ?။ပေ.။
(က) န ဓမ္မော နာယတနံ?
(ခ) နာယတနာ န မနော?
(စက္ကံ ဗန္ဓိတဗ္ဗံ)
ပဏ္ဏတ္တိဥဒ္ဒေသဝါရော။
(ခ) နိဒ္ဒေသော
၁. ပဏ္ဏတ္တိဝါရနိဒ္ဒေသ
၁. ပဒသောဓနဝါရော
(က) အနုလောမံ
၁၀. (က) စက္ခု စက္ခာယတနန္တိ?
ဒိဗ္ဗစက္ခု ပညာစက္ခု စက္ခု, န စက္ခာယတနံ။ စက္ခာယတနံ စက္ခု စေဝ စက္ခာယတနဉ္စ။
(ခ) စက္ခာယတနံ စက္ခူတိ? အာမန္တာ။
(က) သောတံ သောတာယတနန္တိ?
ဒိဗ္ဗသောတံ တဏှာသောတံ သောတံ, န သောတာယတနံ။ သောတာယတနံ သောတဉ္စေဝ သောတာယတနဉ္စ။
(ခ) သောတာယတနံ သောတန္တိ? အာမန္တာ။
(က) ဃာနံ ဃာနာယတနန္တိ? အာမန္တာ။
(ခ) ဃာနာယတနံ ဃာနန္တိ? အာမန္တာ။
(က) ဇိဝှာ ဇိဝှာယတနန္တိ? အာမန္တာ။
(ခ) ဇိဝှာယတနံ ဇိဝှာတိ? အာမန္တာ။
(က) ကာယော ကာယာယတနန္တိ?
ကာယာယတနံ ဌပေတွာ အဝသေသော ကာယော, န ကာယာယတနံ။ ကာယာယတနံ ကာယော စေဝ ကာယာယတနဉ္စ။
(ခ) ကာယာယတနံ ကာယောတိ? အာမန္တာ။
(က) ရူပံ ရူပါယတနန္တိ?
ရူပါယတနံ ဌပေတွာ အဝသေသံ ရူပံ, န ရူပါယတနံ။ ရူပါယတနံ ရူပဉ္စေဝ ရူပါယတနဉ္စ။
(ခ) ရူပါယတနံ ရူပန္တိ? အာမန္တာ။
(က) သဒ္ဒေါ သဒ္ဒါယတနန္တိ? အာမန္တာ။
(ခ) သဒ္ဒါယတနံ သဒ္ဒေါတိ? အာမန္တာ။
(က) ဂန္ဓော ဂန္ဓာယတနန္တိ?
သီလဂန္ဓော သမာဓိဂန္ဓော ပညာဂန္ဓော ဂန္ဓော, န ဂန္ဓာယတနံ။ ဂန္ဓာယတနံ ဂန္ဓော စေဝ ဂန္ဓာယတနဉ္စ။
(ခ) ဂန္ဓာယတနံ ဂန္ဓောတိ? အာမန္တာ။
(က) ရသော ရသာယတနန္တိ?
အတ္ထရသော ဓမ္မရသော ဝိမုတ္တိရသော ရသော, န ရသာယတနံ။ ရသာယတနံ ရသော စေဝ ရသာယတနဉ္စ။
(ခ) ရသာယတနံ ရသောတိ? အာမန္တာ။
(က) ဖောဋ္ဌဗ္ဗော ဖောဋ္ဌဗ္ဗာယတနန္တိ? အာမန္တာ။
(ခ) ဖောဋ္ဌဗ္ဗာယတနံ ဖောဋ္ဌဗ္ဗောတိ? အာမန္တာ။
(က) မနော မနာယတနန္တိ? အာမန္တာ။
(ခ) မနာယတနံ မနောတိ? အာမန္တာ။
(က) ဓမ္မော ဓမ္မာယတနန္တိ?
ဓမ္မာယတနံ ဌပေတွာ အဝသေသော ဓမ္မော, န ဓမ္မာယတနံ။ ဓမ္မာယတနံ ဓမ္မော စေဝ ဓမ္မာယတနဉ္စ။
(ခ) ဓမ္မာယတနံ ဓမ္မောတိ? အာမန္တာ။
(ခ) ပစ္စနီကံ
၁၁. (က) န စက္ခု န စက္ခာယတနန္တိ? အာမန္တာ။
(ခ) န စက္ခာယတနံ န စက္ခူတိ?
ဒိဗ္ဗစက္ခု ပညာစက္ခု န စက္ခာယတနံ, စက္ခု။ စက္ခုဉ္စ စက္ခာယတနဉ္စ ဌပေတွာ အဝသေသံ [အဝသေသာ (သျာ. ဣ.)] န စေဝ စက္ခု န စ စက္ခာယတနံ။
(က) န သောတံ န သောတာယတနန္တိ? အာမန္တာ။
(ခ) န သောတာယတနံ န သောတန္တိ?
ဒိဗ္ဗသောတံ တဏှာသောတံ န သောတာယတနံ, သောတံ။ သောတဉ္စ သောတာယတနဉ္စ ဌပေတွာ အဝသေသံ န စေဝ သောတံ န စ သောတာယတနံ။
(က) န ဃာနံ န ဃာနာယတနန္တိ? အာမန္တာ။
(ခ) န ဃာနာယတနံ န ဃာနန္တိ? အာမန္တာ။
(က) န ဇိဝှာ န ဇိဝှာယတနန္တိ? အာမန္တာ။
(ခ) န ဇိဝှာယတနံ န ဇိဝှာတိ? အာမန္တာ ။
(က) န ကာယော န ကာယာယတနန္တိ? အာမန္တာ။
(ခ) န ကာယာယတနံ န ကာယောတိ?
ကာယာယတနံ ဌပေတွာ အဝသေသော န ကာယာယတနံ, ကာယော။ ကာယဉ္စ ကာယာယတနဉ္စ ဌပေတွာ အဝသေသံ [အဝသေသော (သျာ.)] န စေဝ ကာယော န စ ကာယာယတနံ။
(က) န ရူပံ န ရူပါယတနန္တိ? အာမန္တာ။
(ခ) န ရူပါယတနံ န ရူပန္တိ?
ရူပါယတနံ ဌပေတွာ အဝသေသံ န ရူပါယတနံ, ရူပံ။ ရူပဉ္စ ရူပါယတနဉ္စ ဌပေတွာ အဝသေသံ န စေဝ ရူပံ န စ ရူပါယတနံ။
(က) န သဒ္ဒေါ န သဒ္ဒါယတနန္တိ? အာမန္တာ။
(ခ) န သဒ္ဒါယတနံ န သဒ္ဒေါတိ? အာမန္တာ။
(က) န ဂန္ဓော န ဂန္ဓာယတနန္တိ? အာမန္တာ။
(ခ) န ဂန္ဓာယတနံ န ဂန္ဓောတိ?
သီလဂန္ဓော သမာဓိဂန္ဓော ပညာဂန္ဓော န ဂန္ဓာယတနံ, ဂန္ဓော။ ဂန္ဓဉ္စ ဂန္ဓာယတနဉ္စ ဌပေတွာ အဝသေသံ [အဝသေသာ (သျာ.)] န စေဝ ဂန္ဓော န စ ဂန္ဓာယတနံ။
(က) န ရသော န ရသာယတနန္တိ? အာမန္တာ။
(ခ) န ရသာယတနံ န ရသောတိ?
အတ္ထရသော ဓမ္မရသော ဝိမုတ္တိရသော န ရသာယတနံ, ရသော။ ရသဉ္စ ရသာယတနဉ္စ ဌပေတွာ အဝသေသံ န စေဝ ရသော န စ ရသာယတနံ။
(က) န ဖောဋ္ဌဗ္ဗော န ဖောဋ္ဌဗ္ဗာယတနန္တိ? အာမန္တာ။
(ခ) န ဖောဋ္ဌဗ္ဗာယတနံ န ဖောဋ္ဌဗ္ဗောတိ? အာမန္တာ။
(က) န မနော န မနာယတနန္တိ? အာမန္တာ။
(ခ) န မနာယတနံ န မနောတိ? အာမန္တာ။
(က) န ဓမ္မော န ဓမ္မာယတနန္တိ? အာမန္တာ။
(ခ) န ဓမ္မာယတနံ န ဓမ္မောတိ?
ဓမ္မာယတနံ ဌပေတွာ အဝသေသော န ဓမ္မာယတနံ, ဓမ္မော။ ဓမ္မဉ္စ ဓမ္မာယတနဉ္စ ဌပေတွာ အဝသေသံ န စေဝ ဓမ္မော န စ ဓမ္မာယတနံ။
၂. ပဒသောဓနမူလစက္ကဝါရော
(က) အနုလောမံ
၁၂. (က) စက္ခု စက္ခာယတနန္တိ?
ဒိဗ္ဗစက္ခု ပညာစက္ခု စက္ခု, န စက္ခာယတနံ။ စက္ခာယတနံ စက္ခု စေဝ စက္ခာယတနဉ္စ။ပေ.။။
(ခ) အာယတနာ သောတာယတနန္တိ?
သောတာယတနံ အာယတနဉ္စေဝ သောတာယတနဉ္စ။ အဝသေသာ အာယတနာ န သောတာယတနံ။
စက္ခု စက္ခာယတနန္တိ?
ဒိဗ္ဗစက္ခု ပညာစက္ခု စက္ခု, န စက္ခာယတနံ။ စက္ခာယတနံ စက္ခု စေဝ စက္ခာယတနဉ္စ။ပေ.။။
အာယတနာ ဃာနာယတနန္တိ။ပေ.။ အာယတနာ ဓမ္မာယတနန္တိ?
ဓမ္မာယတနံ အာယတနဉ္စေဝ ဓမ္မာယတနဉ္စ။ အဝသေသာ အာယတနာ န ဓမ္မာယတနံ။
သောတံ သောတာယတနန္တိ?။ပေ.။ အဝသေသာ အာယတနာ န ဓမ္မာယတနံ။ပေ.။။
ဓမ္မော ဓမ္မာယတနန္တိ?
ဓမ္မာယတနံ ဌပေတွာ အဝသေသော ဓမ္မော, န ဓမ္မာယတနံ။ ဓမ္မာယတနံ ဓမ္မော စေဝ ဓမ္မာယတနဉ္စ။ပေ.။။
အာယတနာ စက္ခာယတနန္တိ?
စက္ခာယတနံ အာယတနဉ္စေဝ စက္ခာယတနဉ္စ။ အဝသေသာ အာယတနာ န စက္ခာယတနံ။
ဓမ္မော ဓမ္မာယတနန္တိ?
ဓမ္မာယတနံ ဌပေတွာ အဝသေသော ဓမ္မော, န ဓမ္မာယတနံ။ ဓမ္မာယတနံ ဓမ္မော စေဝ ဓမ္မာယတနဉ္စ။
အာယတနာ သောတာယတနန္တိ။ပေ.။ အာယတနာ မနာယတနန္တိ?
မနာယတနံ အာယတနဉ္စေဝ မနာယတနဉ္စ။ အဝသေသာ အာယတနာ န မနာယတနံ။
(ဧကေကပဒမူလကံ စက္ကံ ဗန္ဓိတဗ္ဗံ အသမ္မောဟန္တေန)။
(ခ) ပစ္စနီကံ
၁၃. (က) န စက္ခု န စက္ခာယတနန္တိ? အာမန္တာ။
(ခ) နာယတနာ န သောတာယနန္တိ? အာမန္တာ။
(က) န စက္ခု န စက္ခာယတနန္တိ? အာမန္တာ။
(ခ) နာယတနာ န ဃာနာယတနန္တိ? အာမန္တာ။။ပေ.။။
နာယတနာ န ဓမ္မာယတနန္တိ? အာမန္တာ။
န သောတံ န သောတာယတနန္တိ? အာမန္တာ။
နာယတနာ န စက္ခာယတနံ။ပေ.။ နာယတနာ န ဓမ္မာယတနန္တိ? အာမန္တာ။
န ဃာနံ န ဃာနာယတနံ။ပေ.။ နာယတနာ န ဓမ္မာယတနန္တိ?
အာမန္တာ။။ပေ.။။
(က) န ဓမ္မော န ဓမ္မာယတနန္တိ? အာမန္တာ။
(ခ) နာယတနာ န စက္ခာယတနန္တိ? အာမန္တာ။
န ဓမ္မော န ဓမ္မာယတနန္တိ? အာမန္တာ။
နာယတနာ န သောတာယတနံ။ပေ.။ နာယတနာ န မနာယတနန္တိ? အာမန္တာ။
(စက္ကံ ဗန္ဓန္တေန သဗ္ဗတ္ထ အာမန္တာတိ ကာတဗ္ဗံ)။
၃. သုဒ္ဓါယတနဝါရော
(က) အနုလောမံ
၁၄. (က) စက္ခု အာယတနန္တိ? အာမန္တာ။
(ခ) အာယတနာ စက္ခာယတနန္တိ?
စက္ခာယတနံ အာယတနဉ္စေဝ စက္ခာယတနဉ္စ။ အဝသေသာ အာယတနာ န စက္ခာယတနံ။
သောတံ အာယတနန္တိ?
အာမန္တာ။။ပေ.။ ဃာနံ။ ဇိဝှာ။ ကာယော။ ရူပံ။ သဒ္ဒေါ။ ဂန္ဓော။ ရသော။ ဖောဋ္ဌဗ္ဗော။ မနော။ ဓမ္မော အာယတနန္တိ?
အာမန္တာ။
အာယတနာ ဓမ္မာယတနန္တိ?
ဓမ္မာယတနံ အာယတနဉ္စေဝ ဓမ္မာယတနဉ္စ။ အဝသေသာ အာယတနာ န ဓမ္မာယတနံ။
(ခ) ပစ္စနီကံ
၁၅. (က) န စက္ခု နာယတနန္တိ?
စက္ခုံ ဌပေတွာ အဝသေသာ အာယတနာ န စက္ခု, အာယတနာ။ စက္ခုဉ္စ အာယတနဉ္စ ဌပေတွာ အဝသေသာ န စေဝ စက္ခု န စ အာယတနာ။
(ခ) နာယတနာ န စက္ခာယတနန္တိ? အာမန္တာ။
န သောတံ နာယတနန္တိ?
သောတံ ဌပေတွာ။ပေ.။ ဃာနံ ဌပေတွာ။ပေ.။ ဇိဝှံ ဌပေတွာ။ပေ.။ န စ အာယတနာ။
နာယတနာ န ဇိဝှာယတနန္တိ? အာမန္တာ။
(က) န ကာယော နာယတနန္တိ? အာမန္တာ။
(ခ) နာယတနာ န ကာယာယတနန္တိ? အာမန္တာ။
န ရူပံ နာယတနန္တိ?
ရူပံ ဌပေတွာ။ပေ.။ သဒ္ဒံ ဌပေတွာ။ပေ.။ ဂန္ဓံ ဌပေတွာ။ပေ.။ ရသံ ဌပေတွာ။ပေ.။ ဖောဋ္ဌဗ္ဗံ ဌပေတွာ။ပေ.။ န စ အာယတနာ။ နာယတနာ န ဖောဋ္ဌဗ္ဗာယတနန္တိ? အာမန္တာ။
(က) န မနော နာယတနန္တိ?
မနံ ဌပေတွာ အဝသေသာ အာယတနာ န မနော, အာယတနာ။ မနဉ္စ အာယတနဉ္စ ဌပေတွာ အဝသေသာ န စေဝ မနော န စ အာယတနာ။
(ခ) နာယတနာ န မနာယတနန္တိ? အာမန္တာ။
(က) န ဓမ္မော နာယတနန္တိ? အာမန္တာ။
(ခ) နာယတနာ န ဓမ္မာယတနန္တိ? အာမန္တာ။
၄. သုဒ္ဓါယတနမူလစက္ကဝါရော
(က) အနုလောမံ
၁၆. (က) စက္ခု အာယတနန္တိ? အာမန္တာ။
(ခ) အာယတနာ သောတာယတနန္တိ?
သောတာယတနံ အာယတနဉ္စေဝ သောတာယတနဉ္စ။ အဝသေသာ အာယတနာ န သောတာယတနံ။
စက္ခု အာယတနန္တိ? အာမန္တာ။
အာယတနာ ဃာနာယတနံ။ပေ.။ အာယတနာ ဓမ္မာယတနန္တိ?
ဓမ္မာယတနံ အာယတနဉ္စေဝ ဓမ္မာယတနဉ္စ။ အဝသေသာ အာယတနာ န ဓမ္မာယတနံ။
သောတံ အာယတနန္တိ? အာမန္တာ။
အာယတနာ စက္ခာယတနန္တိ?။ပေ.။ န စက္ခာယတနံ။ပေ.။။ အာယတနာ ဓမ္မာယတနန္တိ?။ပေ.။ န ဓမ္မာယတနံ။
ဃာနံ အာယတနန္တိ? အာမန္တာ။
အာယတနာ စက္ခာယတနန္တိ?။ပေ.။ အာယတနာ ဓမ္မာယတနန္တိ? ။ပေ.။ န ဓမ္မာယတနံ။ပေ.။။
ဓမ္မော အာယတနန္တိ? အာမန္တာ။
အာယတနာ စက္ခာယတနံ။ပေ.။ အာယတနာ မနာယတနန္တိ?
မနာယတနံ အာယတနဉ္စေဝ မနာယတနဉ္စ။ အဝသေသာ အာယတနာ န မနာယတနံ။
(စက္ကံ ဗန္ဓိတဗ္ဗံ)
(ခ) ပစ္စနီကံ
၁၇. (က) န စက္ခု နာယတနန္တိ?
စက္ခုံ ဌပေတွာ အဝသေသာ အာယတနာ န စက္ခု, အာယတနာ။ စက္ခုဉ္စ အာယတနဉ္စ ဌပေတွာ အဝသေသာ န စေဝ စက္ခု န စ အာယတနာ။
(ခ) နာယတနာ န သောတာယတနန္တိ? အာမန္တာ။
န စက္ခု နာယတနန္တိ?
စက္ခုံ ဌပေတွာ အဝသေသာ အာယတနာ န စက္ခု, အာယတနာ။ စက္ခုဉ္စ အာယတနဉ္စ ဌပေတွာ အဝသေသာ န စေဝ စက္ခု န စ အာယတနာ။။
နာယတနာ န ဃာနာယတနံ။ပေ.။ နာယတနာ န ဓမ္မာယတနန္တိ?
အာမန္တာ။
န သောတံ နာယတနန္တိ?
သောတံ ဌပေတွာ။ပေ.။ ဃာနံ ဌပေတွာ။ပေ.။ ဇိဝှံ ဌပေတွာ။ပေ.။ န စ အာယတနာ။ နာယတနာ န ဓမ္မာယတနန္တိ? အာမန္တာ။
န ကာယော နာယတနန္တိ? အာမန္တာ။
နာယတနာ န စက္ခာယတနန္တိ? အာမန္တာ။။ပေ.။။ နာယတနာ န ဓမ္မာယတနန္တိ? အာမန္တာ။။ပေ.။။
(က) န ဓမ္မော နာယတနန္တိ? အာမန္တာ။
(ခ) နာယတနာ န စက္ခာယတနန္တိ? အာမန္တာ။
(က) န ဓမ္မော နာယတနန္တိ? အာမန္တာ။
(ခ) နာယတနာ န သောတာယတနန္တိ? အာမန္တာ။။ပေ.။။
နာယတနာ န မနာယတနန္တိ? အာမန္တာ။
(စက္ကံ ဗန္ဓိတဗ္ဗံ)
ပဏ္ဏတ္တိနိဒ္ဒေသဝါရော။
၂. ပဝတ္တိဝါရော ၁. ဥပ္ပါဒဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၁၈. (က) ယဿ စက္ခာယတနံ ဥပ္ပဇ္ဇတိ တဿ သောတာယတနံ ဥပ္ပဇ္ဇတီတိ?
သစက္ခုကာနံ အသောတကာနံ ဥပပဇ္ဇန္တာနံ တေသံ စက္ခာယတနံ ဥပ္ပဇ္ဇတိ , နော စ တေသံ သောတာယတနံ ဥပ္ပဇ္ဇတိ။ သစက္ခုကာနံ သသောတကာနံ ဥပပဇ္ဇန္တာနံ တေသံ စက္ခာယတနဉ္စ ဥပ္ပဇ္ဇတိ သောတာယတနဉ္စ ဥပ္ပဇ္ဇတိ။
(ခ) ယဿ ဝါ ပန သောတာယတနံ ဥပ္ပဇ္ဇတိ တဿ စက္ခာယတနံ ဥပ္ပဇ္ဇတီတိ?
သသောတကာနံ အစက္ခုကာနံ ဥပပဇ္ဇန္တာနံ တေသံ သောတာယတနံ ဥပ္ပဇ္ဇတိ, နော စ တေသံ စက္ခာယတနံ ဥပ္ပဇ္ဇတိ။ သသောတကာနံ သစက္ခုကာနံ ဥပပဇ္ဇန္တာနံ တေသံ သောတာယတနဉ္စ ဥပ္ပဇ္ဇတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ ဃာနာယတနံ ဥပ္ပဇ္ဇတီတိ?
သစက္ခုကာနံ အဃာနကာနံ ဥပပဇ္ဇန္တာနံ တေသံ စက္ခာယတနံ ဥပ္ပဇ္ဇတိ, နော စ တေသံ ဃာနာယတနံ ဥပ္ပဇ္ဇတိ။ သစက္ခုကာနံ သဃာနကာနံ ဥပပဇ္ဇန္တာနံ တေသံ စက္ခာယတနဉ္စ ဥပ္ပဇ္ဇတိ ဃာနာယတနဉ္စ ဥပ္ပဇ္ဇတိ။
(ခ) ယဿ ဝါ ပန ဃာနာယတနံ ဥပ္ပဇ္ဇတိ တဿ စက္ခာယတနံ ဥပ္ပဇ္ဇတီတိ?
သဃာနကာနံ အစက္ခုကာနံ ဥပပဇ္ဇန္တာနံ တေသံ ဃာနာယတနံ ဥပ္ပဇ္ဇတိ, နော စ တေသံ စက္ခာယတနံ ဥပ္ပဇ္ဇတိ။ သဃာနကာနံ သစက္ခုကာနံ ဥပပဇ္ဇန္တာနံ တေသံ ဃာနာယတနဉ္စ ဥပ္ပဇ္ဇတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ ရူပါယတနံ ဥပ္ပဇ္ဇတီတိ? အာမန္တာ။
(ခ) ယဿ ဝါ ပန ရူပါယတနံ ဥပ္ပဇ္ဇတိ တဿ စက္ခာယတနံ ဥပ္ပဇ္ဇတီတိ?
သရူပကာနံ အစက္ခုကာနံ ဥပပဇ္ဇန္တာနံ တေသံ ရူပါယတနံ ဥပ္ပဇ္ဇတိ, နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ ရူပါယတနဉ္စ ဥပ္ပဇ္ဇတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ မနာယတနံ ဥပ္ပဇ္ဇတီတိ? အာမန္တာ။
(ခ) ယဿ ဝါ ပန မနာယတနံ ဥပ္ပဇ္ဇတိ တဿ စက္ခာယတနံ ဥပ္ပဇ္ဇတီတိ?
သစိတ္တကာနံ အစက္ခုကာနံ ဥပပဇ္ဇန္တာနံ တေသံ မနာယတနံ ဥပ္ပဇ္ဇတိ , နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ မနာယတနဉ္စ ဥပ္ပဇ္ဇတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ ဓမ္မာယတနံ ဥပ္ပဇ္ဇတီတိ? အာမန္တာ။
(ခ) ယဿ ဝါ ပန ဓမ္မာယတနံ ဥပ္ပဇ္ဇတိ တဿ စက္ခာယတနံ ဥပ္ပဇ္ဇတီတိ?
အစက္ခုကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇတိ, နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇတိ စက္ခာယတနဉ္စ ဥပ္ပဇ္ဇတိ။ (စက္ခာယတနမူလကံ)
၁၉. (က) ယဿ ဃာနာယတနံ ဥပ္ပဇ္ဇတိ တဿ ရူပါယတနံ ဥပ္ပဇ္ဇတီတိ? အာမန္တာ။
(ခ) ယဿ ဝါ ပန ရူပါယတနံ ဥပ္ပဇ္ဇတိ တဿ ဃာနာယတနံ ဥပ္ပဇ္ဇတီတိ ?
သရူပကာနံ အဃာနကာနံ ဥပပဇ္ဇန္တာနံ တေသံ ရူပါယတနံ ဥပ္ပဇ္ဇတိ, နော စ တေသံ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ ရူပါယတနဉ္စ ဥပ္ပဇ္ဇတိ ဃာနာယတနဉ္စ ဥပ္ပဇ္ဇတိ။
(က) ယဿ ဃာနာယတနံ ဥပ္ပဇ္ဇတိ တဿ မနာယတနံ ဥပ္ပဇ္ဇတီတိ? အာမန္တာ။
(ခ) ယဿ ဝါ ပန မနာယတနံ ဥပ္ပဇ္ဇတိ တဿ ဃာနာယတနံ ဥပ္ပဇ္ဇတီတိ?
သစိတ္တကာနံ အဃာနကာနံ ဥပပဇ္ဇန္တာနံ တေသံ မနာယတနံ ဥပ္ပဇ္ဇတိ, နော စ တေသံ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ မနာယတနဉ္စ ဥပ္ပဇ္ဇတိ ဃာနာယတနဉ္စ ဥပ္ပဇ္ဇတိ။
(က) ယဿ ဃာနာယတနံ ဥပ္ပဇ္ဇတိ တဿ ဓမ္မာယတနံ ဥပ္ပဇ္ဇတီတိ? အာမန္တာ။
(ခ) ယဿ ဝါ ပန ဓမ္မာယတနံ ဥပ္ပဇ္ဇတိ တဿ ဃာနာယတနံ ဥပ္ပဇ္ဇတီတိ?
အဃာနကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇတိ, နော စ တေသံ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇတိ ဃာနာယတနဉ္စ ဥပ္ပဇ္ဇတိ။ (ဃာနာယတနမူလကံ)
၂၀. (က) ယဿ ရူပါယတနံ ဥပ္ပဇ္ဇတိ တဿ မနာယတနံ ဥပ္ပဇ္ဇတီတိ?
အစိတ္တကာနံ ဥပပဇ္ဇန္တာနံ တေသံ ရူပါယတနံ ဥပ္ပဇ္ဇတိ, နော စ တေသံ မနာယတနံ ဥပ္ပဇ္ဇတိ။ သရူပကာနံ သစိတ္တကာနံ ဥပပဇ္ဇန္တာနံ တေသံ ရူပါယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇတိ။
(ခ) ယဿ ဝါ ပန မနာယတနံ ဥပ္ပဇ္ဇတိ တဿ ရူပါယတနံ ဥပ္ပဇ္ဇတီတိ?
အရူပကာနံ ဥပပဇ္ဇန္တာနံ တေသံ မနာယတနံ ဥပ္ပဇ္ဇတိ, နော စ တေသံ ရူပါယတနံ ဥပ္ပဇ္ဇတိ။ သစိတ္တကာနံ သရူပကာနံ ဥပပဇ္ဇန္တာနံ တေသံ မနာယတနဉ္စ ဥပ္ပဇ္ဇတိ ရူပါယတနဉ္စ ဥပ္ပဇ္ဇတိ။
(က) ယဿ ရူပါယတနံ ဥပ္ပဇ္ဇတိ တဿ ဓမ္မာယတနံ ဥပ္ပဇ္ဇတီတိ? အာမန္တာ။
(ခ) ယဿ ဝါ ပန ဓမ္မာယတနံ ဥပ္ပဇ္ဇတိ တဿ ရူပါယတနံ ဥပ္ပဇ္ဇတီတိ?
အရူပကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇတိ, နော စ တေသံ ရူပါယတနံ ဥပ္ပဇ္ဇတိ။ သရူပကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇတိ ရူပါယတနဉ္စ ဥပ္ပဇ္ဇတိ။ (ရူပါယတနမူလကံ)
၂၁. (က) ယဿ မနာယတနံ ဥပ္ပဇ္ဇတိ တဿ ဓမ္မာယတနံ ဥပ္ပဇ္ဇတီတိ? အာမန္တာ။
(ခ) ယဿ ဝါ ပန ဓမ္မာယတနံ ဥပ္ပဇ္ဇတိ တဿ မနာယတနံ ဥပ္ပဇ္ဇတီတိ?
အစိတ္တကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇတိ, နော စ တေသံ မနာယတနံ ဥပ္ပဇ္ဇတိ။ သစိတ္တကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇတိ။ (မနာယတနမူလကံ)
(ခ) အနုလောမဩကာသော
၂၂. (က) ယတ္ထ စက္ခာယတနံ ဥပ္ပဇ္ဇတိ တတ္ထ သောတာယတနံ ဥပ္ပဇ္ဇတီတိ? အာမန္တာ။
(ခ) ယတ္ထ ဝါ ပန သောတာယတနံ ဥပ္ပဇ္ဇတိ တတ္ထ စက္ခာယတနံ ဥပ္ပဇ္ဇတီတိ? အာမန္တာ။
(က) ယတ္ထ စက္ခာယတနံ ဥပ္ပဇ္ဇတိ တတ္ထ ဃာနာယတနံ ဥပ္ပဇ္ဇတီတိ?
ရူပါဝစရေ တတ္ထ စက္ခာယတနံ ဥပ္ပဇ္ဇတိ, နော စ တတ္ထ ဃာနာယတနံ ဥပ္ပဇ္ဇတိ ။ ကာမာဝစရေ တတ္ထ စက္ခာယတနဉ္စ ဥပ္ပဇ္ဇတိ ဃာနာယတနဉ္စ ဥပ္ပဇ္ဇတိ။
(ခ) ယတ္ထ ဝါ ပန ဃာနာယတနံ ဥပ္ပဇ္ဇတိ တတ္ထ စက္ခာယတနံ ဥပ္ပဇ္ဇတီတိ? အာမန္တာ။
(က) ယတ္ထ စက္ခာယတနံ ဥပ္ပဇ္ဇတိ တတ္ထ ရူပါယတနံ ဥပ္ပဇ္ဇတီတိ? အာမန္တာ။
(ခ) ယတ္ထ ဝါ ပန ရူပါယတနံ ဥပ္ပဇ္ဇတိ တတ္ထ စက္ခာယတနံ ဥပ္ပဇ္ဇတီတိ?
အသညသတ္တေ တတ္ထ ရူပါယတနံ ဥပ္ပဇ္ဇတိ, နော စ တတ္ထ စက္ခာယတနံ ဥပ္ပဇ္ဇတိ။ ပဉ္စဝေါကာရေ တတ္ထ ရူပါယတနဉ္စ ဥပ္ပဇ္ဇတိ စက္ခာယတနဉ္စ ဥပ္ပဇ္ဇတိ။
(က) ယတ္ထ စက္ခာယတနံ ဥပ္ပဇ္ဇတိ တတ္ထ မနာယတနံ ဥပ္ပဇ္ဇတီတိ? အာမန္တာ။
(ခ) ယတ္ထ ဝါ ပန မနာယတနံ ဥပ္ပဇ္ဇတိ တတ္ထ စက္ခာယတနံ ဥပ္ပဇ္ဇတီတိ?
အရူပေ တတ္ထ မနာယတနံ ဥပ္ပဇ္ဇတိ, နော စ တတ္ထ စက္ခာယတနံ ဥပ္ပဇ္ဇတိ။ ပဉ္စဝေါကာရေ တတ္ထ မနာယတနဉ္စ ဥပ္ပဇ္ဇတိ စက္ခာယတနဉ္စ ဥပ္ပဇ္ဇတိ။
(က) ယတ္ထ စက္ခာယတနံ ဥပ္ပဇ္ဇတိ တတ္ထ ဓမ္မာယတနံ ဥပ္ပဇ္ဇတီတိ? အာမန္တာ။
(ခ) ယတ္ထ ဝါ ပန ဓမ္မာယတနံ ဥပ္ပဇ္ဇတိ တတ္ထ စက္ခာယတနံ ဥပ္ပဇ္ဇတီတိ ?
အသညသတ္တေ အရူပေ တတ္ထ ဓမ္မာယတနံ ဥပ္ပဇ္ဇတိ, နော စ တတ္ထ စက္ခာယတနံ ဥပ္ပဇ္ဇတိ။ ပဉ္စဝေါကာရေ တတ္ထ ဓမ္မာယတနဉ္စ ဥပ္ပဇ္ဇတိ စက္ခာယတနဉ္စ ဥပ္ပဇ္ဇတိ။ (စက္ခာယတနမူလကံ)
၂၃. (က) ယတ္ထ ဃာနာယတနံ ဥပ္ပဇ္ဇတိ တတ္ထ ရူပါယတနံ ဥပ္ပဇ္ဇတီတိ? အာမန္တာ။
(ခ) ယတ္ထ ဝါ ပန ရူပါယတနံ ဥပ္ပဇ္ဇတိ တတ္ထ ဃာနာယတနံ ဥပ္ပဇ္ဇတီတိ?
ရူပါဝစရေ တတ္ထ ရူပါယတနံ ဥပ္ပဇ္ဇတိ, နော စ တတ္ထ ဃာနာယတနံ ဥပ္ပဇ္ဇတိ။ ကာမာဝစရေ တတ္ထ ရူပါယတနဉ္စ ဥပ္ပဇ္ဇတိ ဃာနာယတနဉ္စ ဥပ္ပဇ္ဇတိ။
(ယတ္ထ ဃာနာယတနံ ဥပ္ပဇ္ဇတိ တတ္ထ မနာယတနံ ဓမ္မာယတနဉ္စ ဧကသဒိသံ, နာနံ နတ္ထိ, ဥပရိ ပန ဝါရသင်္ခေပေါ [ဥပရိဝါရေ သင်္ခေပေါ (သျာ.), ဥပရိဝါရေ သင်္ခေပံ (သီ. က.)] တီတိ ဇာနိတဗ္ဗံ။)
(က) ယတ္ထ ဃာနာယတနံ ဥပ္ပဇ္ဇတိ တတ္ထ ဓမ္မာယတနံ ဥပ္ပဇ္ဇတီတိ? အာမန္တာ။
(ခ) ယတ္ထ ဝါ ပန ဓမ္မာယတနံ ဥပ္ပဇ္ဇတိ တတ္ထ ဃာနာယတနံ ဥပ္ပဇ္ဇတီတိ?
ရူပါဝစရေ အရူပါဝစရေ တတ္ထ ဓမ္မာယတနံ ဥပ္ပဇ္ဇတိ, နော စ တတ္ထ ဃာနာယတနံ ဥပ္ပဇ္ဇတိ။ ကာမာဝစရေ တတ္ထ ဓမ္မာယတနဉ္စ ဥပ္ပဇ္ဇတိ ဃာနာယတနဉ္စ ဥပ္ပဇ္ဇတိ။ (ဃာနာယတနမူလကံ)
၂၄. (က) ယတ္ထ ရူပါယတနံ ဥပ္ပဇ္ဇတိ တတ္ထ မနာယတနံ ဥပ္ပဇ္ဇတီတိ?
အသညသတ္တေ တတ္ထ ရူပါယတနံ ဥပ္ပဇ္ဇတိ, နော စ တတ္ထ မနာယတနံ ဥပ္ပဇ္ဇတိ။ ပဉ္စဝေါကာရေ တတ္ထ ရူပါယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇတိ။
(ခ) ယတ္ထ ဝါ ပန မနာယတနံ ဥပ္ပဇ္ဇတိ တတ္ထ ရူပါယတနံ ဥပ္ပဇ္ဇတီတိ?
အရူပေ တတ္ထ မနာယတနံ ဥပ္ပဇ္ဇတိ, နော စ တတ္ထ ရူပါယတနံ ဥပ္ပဇ္ဇတိ။ ပဉ္စဝေါကာရေ တတ္ထ မနာယတနဉ္စ ဥပ္ပဇ္ဇတိ ရူပါယတနဉ္စ ဥပ္ပဇ္ဇတိ။
(က) ယတ္ထ ရူပါယတနံ ဥပ္ပဇ္ဇတိ တတ္ထ ဓမ္မာယတနံ ဥပ္ပဇ္ဇတီတိ? အာမန္တာ။
(ခ) ယတ္ထ ဝါ ပန ဓမ္မာယတနံ ဥပ္ပဇ္ဇတိ တတ္ထ ရူပါယတနံ ဥပ္ပဇ္ဇတီတိ?
အရူပေ တတ္ထ ဓမ္မာယတနံ ဥပ္ပဇ္ဇတိ, နော စ တတ္ထ ရူပါယတနံ ဥပ္ပဇ္ဇတိ။ ပဉ္စဝေါကာရေ အသညသတ္တေ တတ္ထ ဓမ္မာယတနဉ္စ ဥပ္ပဇ္ဇတိ ရူပါယတနဉ္စ ဥပ္ပဇ္ဇတိ။ (ရူပါယတနမူလကံ)
၂၅. (က) ယတ္ထ မနာယတနံ ဥပ္ပဇ္ဇတိ တတ္ထ ဓမ္မာယတနံ ဥပ္ပဇ္ဇတီတိ? အာမန္တာ။
(ခ) ယတ္ထ ဝါ ပန ဓမ္မာယတနံ ဥပ္ပဇ္ဇတိ တတ္ထ မနာယတနံ ဥပ္ပဇ္ဇတီတိ?
အသညသတ္တေ တတ္ထ ဓမ္မာယတနံ ဥပ္ပဇ္ဇတိ, နော စ တတ္ထ မနာယတနံ ဥပ္ပဇ္ဇတိ။ စတုဝေါကာရေ ပဉ္စဝေါကာရေ တတ္ထ ဓမ္မာယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇတိ။ (မနာယတနမူလကံ)
(ဂ) အနုလောမပုဂ္ဂလောကာသာ
၂၆. (က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ သောတာယတနံ ဥပ္ပဇ္ဇတီတိ?
သစက္ခုကာနံ အသောတကာနံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ သောတာယတနံ ဥပ္ပဇ္ဇတိ။ သစက္ခုကာနံ သသောတကာနံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ သောတာယတနဉ္စ ဥပ္ပဇ္ဇတိ။
(ခ) ယဿ ဝါ ပန ယတ္ထ သောတာယတနံ ဥပ္ပဇ္ဇတိ တဿ တတ္ထ စက္ခာယတနံ ဥပ္ပဇ္ဇတီတိ?
သသောတကာနံ အစက္ခုကာနံ ဥပပဇ္ဇန္တာနံ တေသံ တတ္ထ သောတာယတနံ ဥပ္ပဇ္ဇတိ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သသောတကာနံ သစက္ခုကာနံ ဥပပဇ္ဇန္တာနံ တေသံ တတ္ထ သောတာယတနဉ္စ ဥပ္ပဇ္ဇတိ စက္ခာယတနဉ္စ ဥပ္ပဇ္ဇတိ (သံခိတ္တံ ယဿကသဒိသံ [ယဿကမ္ပိ သဒိသံ (သီ.), ယဿေကသဒိသံ (သျာ.)] )။
၂၇. (က) ယဿ ယတ္ထ မနာယတနံ ဥပ္ပဇ္ဇတိ တဿ တတ္ထ ဓမ္မာယတနံ ဥပ္ပဇ္ဇတီတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇတိ တဿ တတ္ထ မနာယတနံ ဥပ္ပဇ္ဇတီတိ?
အစိတ္တကာနံ ဥပပဇ္ဇန္တာနံ တေသံ တတ္ထ ဓမ္မာယတနံ ဥပ္ပဇ္ဇတိ, နော စ တေသံ တတ္ထ မနာယတနံ ဥပ္ပဇ္ဇတိ။ သစိတ္တကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇတိ။
(ဃ) ပစ္စနီကပုဂ္ဂလော
၂၈. (က) ယဿ စက္ခာယတနံ နုပ္ပဇ္ဇတိ တဿ သောတာယတနံ နုပ္ပဇ္ဇတီတိ?
အစက္ခုကာနံ သသောတကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ သောတာယတနံ နုပ္ပဇ္ဇတိ။ သဗ္ဗေသံ စဝန္တာနံ အစက္ခုကာနံ အသောတကာနံ ဥပပဇ္ဇန္တာနံ တေသံ စက္ခာယတနဉ္စ နုပ္ပဇ္ဇတိ သောတာယတနဉ္စ နုပ္ပဇ္ဇတိ။
(ခ) ယဿ ဝါ ပန သောတာယတနံ နုပ္ပဇ္ဇတိ တဿ စက္ခာယတနံ နုပ္ပဇ္ဇတီတိ?
အသောတကာနံ သစက္ခုကာနံ ဥပပဇ္ဇန္တာနံ တေသံ သောတာယတနံ နုပ္ပဇ္ဇတိ, နော စ တေသံ စက္ခာယတနံ နုပ္ပဇ္ဇတိ။ သဗ္ဗေသံ စဝန္တာနံ အသောတကာနံ အစက္ခုကာနံ ဥပပဇ္ဇန္တာနံ တေသံ သောတာယတနဉ္စ နုပ္ပဇ္ဇတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ ဃာနာယတနံ နုပ္ပဇ္ဇတီတိ?
အစက္ခုကာနံ သဃာနကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ဃာနာယတနံ နုပ္ပဇ္ဇတိ။ သဗ္ဗေသံ စဝန္တာနံ အစက္ခုကာနံ အဃာနကာနံ ဥပပဇ္ဇန္တာနံ တေသံ စက္ခာယတနဉ္စ နုပ္ပဇ္ဇတိ ဃာနာယတနဉ္စ နုပ္ပဇ္ဇတိ။
(ခ) ယဿ ဝါ ပန ဃာနာယတနံ နုပ္ပဇ္ဇတိ တဿ စက္ခာယတနံ နုပ္ပဇ္ဇတီတိ?
အဃာနကာနံ သစက္ခုကာနံ ဥပပဇ္ဇန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ စက္ခာယတနံ နုပ္ပဇ္ဇတိ။ သဗ္ဗေသံ စဝန္တာနံ အဃာနကာနံ အစက္ခုကာနံ ဥပပဇ္ဇန္တာနံ တေသံ ဃာနာယတနဉ္စ နုပ္ပဇ္ဇတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ ရူပါယတနံ နုပ္ပဇ္ဇတီတိ?
အစက္ခုကာနံ သရူပကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ရူပါယတနံ နုပ္ပဇ္ဇတိ။ သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ စက္ခာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇတိ။
(ခ) ယဿ ဝါ ပန ရူပါယတနံ နုပ္ပဇ္ဇတိ တဿ စက္ခာယတနံ နုပ္ပဇ္ဇတီတိ? အာမန္တာ။
(က) ယဿ စက္ခာယတနံ နုပ္ပဇ္ဇတိ တဿ မနာယတနံ နုပ္ပဇ္ဇတီတိ?
အစက္ခုကာနံ သစိတ္တကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ မနာယတနံ နုပ္ပဇ္ဇတိ။ သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ စက္ခာယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇတိ။
(ခ) ယဿ ဝါ ပန မနာယတနံ နုပ္ပဇ္ဇတိ တဿ စက္ခာယတနံ နုပ္ပဇ္ဇတီတိ? အာမန္တာ။
(က) ယဿ စက္ခာယတနံ နုပ္ပဇ္ဇတိ တဿ ဓမ္မာယတနံ နုပ္ပဇ္ဇတီတိ?
အစက္ခုကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ဓမ္မာယတနံ နုပ္ပဇ္ဇတိ။ သဗ္ဗေသံ စဝန္တာနံ တေသံ စက္ခာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇတိ။
(ခ) ယဿ ဝါ ပန ဓမ္မာယတနံ နုပ္ပဇ္ဇတိ တဿ စက္ခာယတနံ နုပ္ပဇ္ဇတီတိ? အာမန္တာ။ (စက္ခာယတနမူလကံ)
၂၉. (က) ယဿ ဃာနာယတနံ နုပ္ပဇ္ဇတိ တဿ ရူပါယတနံ နုပ္ပဇ္ဇတီတိ?
အဃာနကာနံ သရူပကာနံ ဥပပဇ္ဇန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ ရူပါယတနံ နုပ္ပဇ္ဇတိ။ သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ ဃာနာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇတိ။
(ခ) ယဿ ဝါ ပန ရူပါယတနံ နုပ္ပဇ္ဇတိ တဿ ဃာနာယတနံ နုပ္ပဇ္ဇတီတိ? အာမန္တာ။
(က) ယဿ ဃာနာယတနံ နုပ္ပဇ္ဇတိ တဿ မနာယတနံ နုပ္ပဇ္ဇတီတိ?
အဃာနကာနံ သစိတ္တကာနံ ဥပပဇ္ဇန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ မနာယတနံ နုပ္ပဇ္ဇတိ။ သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ ဃာနာယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇတိ။
(ခ) ယဿ ဝါ ပန မနာယတနံ နုပ္ပဇ္ဇတိ တဿ ဃာနာယတနံ နုပ္ပဇ္ဇတီတိ? အာမန္တာ။
(က) ယဿ ဃာနာယတနံ နုပ္ပဇ္ဇတိ တဿ ဓမ္မာယတနံ နုပ္ပဇ္ဇတီတိ?
အဃာနကာနံ ဥပပဇ္ဇန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ ဓမ္မာယတနံ နုပ္ပဇ္ဇတိ ။ သဗ္ဗေသံ စဝန္တာနံ တေသံ ဃာနာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇတိ။
(ခ) ယဿ ဝါ ပန ဓမ္မာယတနံ နုပ္ပဇ္ဇတိ တဿ ဃာနာယတနံ နုပ္ပဇ္ဇတီတိ? အာမန္တာ။ (ဃာနာယတနမူလကံ)
၃၀. (က) ယဿ ရူပါယတနံ နုပ္ပဇ္ဇတိ တဿ မနာယတနံ နုပ္ပဇ္ဇတီတိ?
အရူပကာနံ ဥပပဇ္ဇန္တာနံ တေသံ ရူပါယတနံ နုပ္ပဇ္ဇတိ, နော စ တေသံ မနာယတနံ နုပ္ပဇ္ဇတိ။ သဗ္ဗေသံ စဝန္တာနံ တေသံ ရူပါယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇတိ။
(ခ) ယဿ ဝါ ပန မနာယတနံ နုပ္ပဇ္ဇတိ တဿ ရူပါယတနံ နုပ္ပဇ္ဇတီတိ?
အစိတ္တကာနံ ဥပပဇ္ဇန္တာနံ တေသံ မနာယတနံ နုပ္ပဇ္ဇတိ, နော စ တေသံ ရူပါယတနံ နုပ္ပဇ္ဇတိ။ သဗ္ဗေသံ စဝန္တာနံ တေသံ မနာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇတိ။
(က) ယဿ ရူပါယတနံ နုပ္ပဇ္ဇတိ တဿ ဓမ္မာယတနံ နုပ္ပဇ္ဇတီတိ?
အရူပကာနံ ဥပပဇ္ဇန္တာနံ တေသံ ရူပါယတနံ နုပ္ပဇ္ဇတိ, နော စ တေသံ ဓမ္မာယတနံ နုပ္ပဇ္ဇတိ။ သဗ္ဗေသံ စဝန္တာနံ တေသံ ရူပါယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇတိ။
(ခ) ယဿ ဝါ ပန ဓမ္မာယတနံ နုပ္ပဇ္ဇတိ တဿ ရူပါယတနံ နုပ္ပဇ္ဇတီတိ? အာမန္တာ။ (ရူပါယတနမူလကံ)
၃၁. (က) ယဿ မနာယတနံ နုပ္ပဇ္ဇတိ တဿ ဓမ္မာယတနံ နုပ္ပဇ္ဇတီတိ?
အစိတ္တကာနံ ဥပပဇ္ဇန္တာနံ တေသံ မနာယတနံ နုပ္ပဇ္ဇတိ, နော စ တေသံ ဓမ္မာယတနံ နုပ္ပဇ္ဇတိ။ သဗ္ဗေသံ စဝန္တာနံ တေသံ မနာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇတိ။
(ခ) ယဿ ဝါ ပန ဓမ္မာယတနံ နုပ္ပဇ္ဇတိ တဿ မနာယတနံ နုပ္ပဇ္ဇတီတိ? အာမန္တာ။ (မနာယတနမူလကံ)
(င) ပစ္စနီကဩကာသော
၃၂. (က) ယတ္ထ စက္ခာယတနံ နုပ္ပဇ္ဇတိ တတ္ထ သောတာယတနံ နုပ္ပဇ္ဇတီတိ? အာမန္တာ။
(ခ) ယတ္ထ ဝါ ပန သောတာယတနံ နုပ္ပဇ္ဇတိ တတ္ထ စက္ခာယတနံ နုပ္ပဇ္ဇတီတိ? အာမန္တာ။
(က) ယတ္ထ စက္ခာယတနံ နုပ္ပဇ္ဇတိ တတ္ထ ဃာနာယတနံ နုပ္ပဇ္ဇတီတိ? အာမန္တာ။
(ခ) ယတ္ထ ဝါ ပန ဃာနာယတနံ နုပ္ပဇ္ဇတိ တတ္ထ စက္ခာယတနံ နုပ္ပဇ္ဇတီတိ?
ရူပါဝစရေ တတ္ထ ဃာနာယတနံ နုပ္ပဇ္ဇတိ, နော စ တတ္ထ စက္ခာယတနံ နုပ္ပဇ္ဇတိ။ အသညသတ္တေ အရူပေ တတ္ထ ဃာနာယတနဉ္စ နုပ္ပဇ္ဇတိ စက္ခာယတနဉ္စ နုပ္ပဇ္ဇတိ။
(က) ယတ္ထ စက္ခာယတနံ နုပ္ပဇ္ဇတိ တတ္ထ ရူပါယတနံ နုပ္ပဇ္ဇတီတိ?
အသညသတ္တေ တတ္ထ စက္ခာယတနံ နုပ္ပဇ္ဇတိ, နော စ တတ္ထ ရူပါယတနံ နုပ္ပဇ္ဇတိ။ အရူပေ တတ္ထ စက္ခာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇတိ။
(ခ) ယတ္ထ ဝါ ပန ရူပါယတနံ နုပ္ပဇ္ဇတိ တတ္ထ စက္ခာယတနံ နုပ္ပဇ္ဇတီတိ? အာမန္တာ။
(က) ယတ္ထ စက္ခာယတနံ နုပ္ပဇ္ဇတိ တတ္ထ မနာယတနံ နုပ္ပဇ္ဇတီတိ?
အရူပေ တတ္ထ စက္ခာယတနံ နုပ္ပဇ္ဇတိ, နော စ တတ္ထ မနာယတနံ နုပ္ပဇ္ဇတိ။ အသညသတ္တေ တတ္ထ စက္ခာယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇတိ။
(ခ) ယတ္ထ ဝါ ပန မနာယတနံ နုပ္ပဇ္ဇတိ တတ္ထ စက္ခာယတနံ နုပ္ပဇ္ဇတီတိ? အာမန္တာ။
(က) ယတ္ထ စက္ခာယတနံ နုပ္ပဇ္ဇတိ တတ္ထ ဓမ္မာယတနံ နုပ္ပဇ္ဇတီတိ? ဥပ္ပဇ္ဇတိ။
(ခ) ယတ္ထ ဝါ ပန ဓမ္မာယတနံ နုပ္ပဇ္ဇတိ တတ္ထ စက္ခာယတနံ နုပ္ပဇ္ဇတီတိ? နတ္ထိ။ (စက္ခာယတနမူလကံ)
၃၃. (က) ယတ္ထ ဃာနာယတနံ နုပ္ပဇ္ဇတိ တတ္ထ ရူပါယတနံ နုပ္ပဇ္ဇတီတိ?
ရူပါဝစရေ တတ္ထ ဃာနာယတနံ နုပ္ပဇ္ဇတိ, နော စ တတ္ထ ရူပါယတနံ နုပ္ပဇ္ဇတိ ။ အရူပေ တတ္ထ ဃာနာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇတိ။
(ခ) ယတ္ထ ဝါ ပန ရူပါယတနံ နုပ္ပဇ္ဇတိ တတ္ထ ဃာနာယတနံ နုပ္ပဇ္ဇတီတိ? အာမန္တာ။
(က) ယတ္ထ ဃာနာယတနံ နုပ္ပဇ္ဇတိ တတ္ထ မနာယတနံ နုပ္ပဇ္ဇတီတိ?
ရူပါဝစရေ အရူပါဝစရေ တတ္ထ ဃာနာယတနံ နုပ္ပဇ္ဇတိ, နော စ တတ္ထ မနာယတနံ နုပ္ပဇ္ဇတိ။ အသညသတ္တေ တတ္ထ ဃာနာယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇတိ။
(ခ) ယတ္ထ ဝါ ပန မနာယတနံ နုပ္ပဇ္ဇတိ တတ္ထ ဃာနာယတနံ နုပ္ပဇ္ဇတီတိ? အာမန္တာ။
(က) ယတ္ထ ဃာနာယတနံ နုပ္ပဇ္ဇတိ တတ္ထ ဓမ္မာယတနံ နုပ္ပဇ္ဇတီတိ? ဥပ္ပဇ္ဇတိ။
(ခ) ယတ္ထ ဝါ ပန ဓမ္မာယတနံ နုပ္ပဇ္ဇတိ တတ္ထ ဃာနာယတနံ နုပ္ပဇ္ဇတီတိ? နတ္ထိ။ (ဃာနာယတနမူလကံ)
၃၄. (က) ယတ္ထ ရူပါယတနံ နုပ္ပဇ္ဇတိ တတ္ထ မနာယတနံ နုပ္ပဇ္ဇတီတိ? ဥပ္ပဇ္ဇတိ။
(ခ) ယတ္ထ ဝါ ပန မနာယတနံ နုပ္ပဇ္ဇတိ တတ္ထ ရူပါယတနံ နုပ္ပဇ္ဇတီတိ? ဥပ္ပဇ္ဇတိ။
(က) ယတ္ထ ရူပါယတနံ နုပ္ပဇ္ဇတိ တတ္ထ ဓမ္မာယတနံ နုပ္ပဇ္ဇတီတိ? ဥပ္ပဇ္ဇတိ။
(ခ) ယတ္ထ ဝါ ပန ဓမ္မာယတနံ နုပ္ပဇ္ဇတိ တတ္ထ ရူပါယတနံ နုပ္ပဇ္ဇတီတိ? နတ္ထိ။ (ရူပါယတနမူလကံ)
၃၅. (က) ယတ္ထ မနာယတနံ နုပ္ပဇ္ဇတိ တတ္ထ ဓမ္မာယတနံ နုပ္ပဇ္ဇတီတိ? ဥပ္ပဇ္ဇတိ။
(ခ) ယတ္ထ ဝါ ပန ဓမ္မာယတနံ နုပ္ပဇ္ဇတိ တတ္ထ မနာယတနံ နုပ္ပဇ္ဇတီတိ? နတ္ထိ။ (မနာယတနမူလကံ)
(စ) ပစ္စနီကပုဂ္ဂလောကာသာ
၃၆. (က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ သောတာယတနံ နုပ္ပဇ္ဇတီတိ?
အစက္ခုကာနံ သသောတကာနံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ သောတာယတနံ နုပ္ပဇ္ဇတိ။ သဗ္ဗေသံ စဝန္တာနံ အစက္ခုကာနံ အသောတကာနံ ဥပပဇ္ဇန္တာနံ တေသံ တတ္ထ စက္ခာယတနဉ္စ နုပ္ပဇ္ဇတိ သောတာယတနဉ္စ နုပ္ပဇ္ဇတိ။
(ခ) ယဿ ဝါ ပန ယတ္ထ သောတာယတနံ နုပ္ပဇ္ဇတိ တဿ တတ္ထ စက္ခာယတနံ နုပ္ပဇ္ဇတီတိ?
အသောတကာနံ သစက္ခုကာနံ ဥပပဇ္ဇန္တာနံ တေသံ တတ္ထ သောတာယတနံ နုပ္ပဇ္ဇတိ, နော စ တေသံ တတ္ထ စက္ခာယတနံ နုပ္ပဇ္ဇတိ။ သဗ္ဗေသံ စဝန္တာနံ အသောတကာနံ အစက္ခုကာနံ ဥပပဇ္ဇန္တာနံ တေသံ တတ္ထ သောတာယတနဉ္စ နုပ္ပဇ္ဇတိ စက္ခာယတနဉ္စ နုပ္ပဇ္ဇတိ။ပေ.။။
၃၇. (က) ယဿ ယတ္ထ မနာယတနံ နုပ္ပဇ္ဇတိ တဿ တတ္ထ ဓမ္မာယတနံ နုပ္ပဇ္ဇတီတိ?
အစိတ္တကာနံ ဥပပဇ္ဇန္တာနံ တေသံ တတ္ထ မနာယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ နုပ္ပဇ္ဇတိ။ သဗ္ဗေသံ စဝန္တာနံ တေသံ တတ္ထ မနာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇတိ တဿ တတ္ထ မနာယတနံ နုပ္ပဇ္ဇတီတိ? အာမန္တာ။
(၂) အတီတဝါရော
(က) အနုလောမပုဂ္ဂလော
၃၈. (က) ယဿ စက္ခာယတနံ ဥပ္ပဇ္ဇိတ္ထ တဿ သောတာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန သောတာယတနံ ဥပ္ပဇ္ဇိတ္ထ တဿ စက္ခာယတနံ ဥပ္ပဇ္ဇိတ္ထာတိ? အာမန္တာ။
ယဿ စက္ခာယတနံ ဥပ္ပဇ္ဇိတ္ထ တဿ ဃာနာယတနံ။ပေ.။ ရူပါယတနံ။ မနာယတနံ။ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
ယဿ ဝါ ပန ဓမ္မာယတနံ ဥပ္ပဇ္ဇိတ္ထ တဿ စက္ခာယတနံ ဥပ္ပဇ္ဇိတ္ထာတိ? အာမန္တာ။
၃၉. ယဿ ဃာနာယတနံ။ပေ.။ ရူပါယတနံ။ မနာယတနံ ဥပ္ပဇ္ဇိတ္ထ တဿ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
ယဿ ဝါ ပန ဓမ္မာယတနံ ဥပ္ပဇ္ဇိတ္ထ တဿ မနာယတနံ ဥပ္ပဇ္ဇိတ္ထာတိ? အာမန္တာ။
(ခ) အနုလောမဩကာသော
၄၀. (က) ယတ္ထ စက္ခာယတနံ ဥပ္ပဇ္ဇိတ္ထ။ပေ.။ (ယတ္ထကံ ပစ္စုပ္ပန္နေပိ အတီတေပိ အနာဂတေပိ ပစ္စုပ္ပန္နာတီတေပိ ပစ္စုပ္ပန္နာနာဂတေပိ အတီတာနာဂတေပိ သဗ္ဗတ္ထ သဒိသံ, ဥပ္ပဇ္ဇတိ ဥပ္ပဇ္ဇိတ္ထာတိ နာမံ အတိရေကံ ကာတဗ္ဗံ)။
(ဂ) အနုလောမပုဂ္ဂလောကာသာ
၄၁. (က) ယဿ ယတ္ထ စက္ခာယတနံ ဥပ္ပဇ္ဇိတ္ထ တဿ တတ္ထ သောတာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ သောတာယတနံ ဥပ္ပဇ္ဇိတ္ထ တဿ တတ္ထ စက္ခာယတနံ ဥပ္ပဇ္ဇိတ္ထာတိ? အာမန္တာ။
(က) ယဿ ယတ္ထ စက္ခာယတနံ ဥပ္ပဇ္ဇိတ္ထ တဿ တတ္ထ ဃာနာယတနံ ဥပ္ပဇ္ဇိတ္ထာတိ?
ရူပါဝစရာနံ တေသံ တတ္ထ စက္ခာယတနံ ဥပ္ပဇ္ဇိတ္ထ, နော စ တေသံ တတ္ထ ဃာနာယတနံ ဥပ္ပဇ္ဇိတ္ထ။ ကာမာဝစရာနံ တေသံ တတ္ထ စက္ခာယတနဉ္စ ဥပ္ပဇ္ဇိတ္ထ ဃာနာယတနဉ္စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ ဃာနာယတနံ ဥပ္ပဇ္ဇိတ္ထ တဿ တတ္ထ စက္ခာယတနံ ဥပ္ပဇ္ဇိတ္ထာတိ? အာမန္တာ။
(က) ယဿ ယတ္ထ စက္ခာယတနံ ဥပ္ပဇ္ဇိတ္ထ တဿ တတ္ထ ရူပါယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ ဥပ္ပဇ္ဇိတ္ထ တဿ တတ္ထ စက္ခာယတနံ ဥပ္ပဇ္ဇိတ္ထာတိ?
အသညသတ္တာနံ တေသံ တတ္ထ ရူပါယတနံ ဥပ္ပဇ္ဇိတ္ထ, နော စ တေသံ တတ္ထ စက္ခာယတနံ ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ ရူပါယတနဉ္စ ဥပ္ပဇ္ဇိတ္ထ စက္ခာယတနဉ္စ ဥပ္ပဇ္ဇိတ္ထ။
(က) ယဿ ယတ္ထ စက္ခာယတနံ ဥပ္ပဇ္ဇိတ္ထ တဿ တတ္ထ မနာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိတ္ထ တဿ တတ္ထ စက္ခာယတနံ ဥပ္ပဇ္ဇိတ္ထာတိ?
အရူပါနံ တေသံ တတ္ထ မနာယတနံ ဥပ္ပဇ္ဇိတ္ထ, နော စ တေသံ တတ္ထ စက္ခာယတနံ ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ မနာယတနဉ္စ ဥပ္ပဇ္ဇိတ္ထ စက္ခာယတနဉ္စ ဥပ္ပဇ္ဇိတ္ထ။
(က) ယဿ ယတ္ထ စက္ခာယတနံ ဥပ္ပဇ္ဇိတ္ထ တဿ တတ္ထ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိတ္ထ တဿ တတ္ထ စက္ခာယတနံ ဥပ္ပဇ္ဇိတ္ထာတိ?
အသညသတ္တာနံ အရူပါနံ တေသံ တတ္ထ ဓမ္မာယတနံ ဥပ္ပဇ္ဇိတ္ထ, နော စ တေသံ တတ္ထ စက္ခာယတနံ ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ ဓမ္မာယတနဉ္စ ဥပ္ပဇ္ဇိတ္ထ စက္ခာယတနဉ္စ ဥပ္ပဇ္ဇိတ္ထ။ (စက္ခာယတနမူလကံ)
၄၂. (က) ယဿ ယတ္ထ ဃာနာယတနံ ဥပ္ပဇ္ဇိတ္ထ တဿ တတ္ထ ရူပါယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ ဥပ္ပဇ္ဇိတ္ထ တဿ တတ္ထ ဃာနာယတနံ ဥပ္ပဇ္ဇိတ္ထာတိ?
ရူပါဝစရာနံ တေသံ တတ္ထ ရူပါယတနံ ဥပ္ပဇ္ဇိတ္ထ, နော စ တေသံ တတ္ထ ဃာနာယတနံ ဥပ္ပဇ္ဇိတ္ထ။ ကာမာဝစရာနံ တေသံ တတ္ထ ရူပါယတနဉ္စ ဥပ္ပဇ္ဇိတ္ထ ဃာနာယတနဉ္စ ဥပ္ပဇ္ဇိတ္ထ။
(က) ယဿ ယတ္ထ ဃာနာယတနံ ဥပ္ပဇ္ဇိတ္ထ တဿ တတ္ထ မနာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိတ္ထ တဿ တတ္ထ ဃာနာယတနံ ဥပ္ပဇ္ဇိတ္ထာတိ?
ရူပါဝစရာနံ အရူပါဝစရာနံ တေသံ တတ္ထ မနာယတနံ ဥပ္ပဇ္ဇိတ္ထ, နော စ တေသံ တတ္ထ ဃာနာယတနံ ဥပ္ပဇ္ဇိတ္ထ။ ကာမာဝစရာနံ တေသံ တတ္ထ မနာယတနဉ္စ ဥပ္ပဇ္ဇိတ္ထ ဃာနာယတနဉ္စ ဥပ္ပဇ္ဇိတ္ထ။
(က) ယဿ ယတ္ထ ဃာနာယတနံ ဥပ္ပဇ္ဇိတ္ထ တဿ တတ္ထ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိတ္ထ တဿ တတ္ထ ဃာနာယတနံ ဥပ္ပဇ္ဇိတ္ထာတိ?
ရူပါဝစရာနံ အရူပါဝစရာနံ တေသံ တတ္ထ ဓမ္မာယတနံ ဥပ္ပဇ္ဇိတ္ထ, နော စ တေသံ တတ္ထ ဃာနာယတနံ ဥပ္ပဇ္ဇိတ္ထ။ ကာမာဝစရာနံ တေသံ တတ္ထ ဓမ္မာယတနဉ္စ ဥပ္ပဇ္ဇိတ္ထ ဃာနာယတနဉ္စ ဥပ္ပဇ္ဇိတ္ထ။ (ဃာနာယတနမူလကံ)
၄၃. (က) ယဿ ယတ္ထ ရူပါယတနံ ဥပ္ပဇ္ဇိတ္ထ တဿ တတ္ထ မနာယတနံ ဥပ္ပဇ္ဇိတ္ထာတိ?
အသညသတ္တာနံ တေသံ တတ္ထ ရူပါယတနံ ဥပ္ပဇ္ဇိတ္ထ, နော စ တေသံ တတ္ထ မနာယတနံ ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ ရူပါယတနဉ္စ ဥပ္ပဇ္ဇိတ္ထ မနာယတနဉ္စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိတ္ထ တဿ တတ္ထ ရူပါယတနံ ဥပ္ပဇ္ဇိတ္ထာတိ?
အရူပါနံ တေသံ တတ္ထ မနာယတနံ ဥပ္ပဇ္ဇိတ္ထ, နော စ တေသံ တတ္ထ ရူပါယတနံ ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ မနာယတနဉ္စ ဥပ္ပဇ္ဇိတ္ထ ရူပါယတနဉ္စ ဥပ္ပဇ္ဇိတ္ထ။
(က) ယဿ ယတ္ထ ရူပါယတနံ ဥပ္ပဇ္ဇိတ္ထ တဿ တတ္ထ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိတ္ထ တဿ တတ္ထ ရူပါယတနံ ဥပ္ပဇ္ဇိတ္ထာတိ ?
အရူပါနံ တေသံ တတ္ထ ဓမ္မာယတနံ ဥပ္ပဇ္ဇိတ္ထ, နော စ တေသံ တတ္ထ ရူပါယတနံ ဥပ္ပဇ္ဇိတ္ထ။ ပဉ္စဝေါကာရာနံ အသညသတ္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိတ္ထရူပါယတနဉ္စ ဥပ္ပဇ္ဇိတ္ထ။ (ရူပါယတနမူလကံ)။
၄၄. (က) ယဿ ယတ္ထ မနာယတနံ ဥပ္ပဇ္ဇိတ္ထ တဿ တတ္ထ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိတ္ထ တဿ တတ္ထ မနာယတနံ ဥပ္ပဇ္ဇိတ္ထာတိ?
အသညသတ္တာနံ တေသံ တတ္ထ ဓမ္မာယတနံ ဥပ္ပဇ္ဇိတ္ထ, နော စ တေသံ တတ္ထ မနာယတနံ ဥပ္ပဇ္ဇိတ္ထ။ စတုဝေါကာရာနံ ပဉ္စဝေါကာရာနံ တေသံ တတ္ထ ဓမ္မာယတနဉ္စ ဥပ္ပဇ္ဇိတ္ထ မနာယတနဉ္စ ဥပ္ပဇ္ဇိတ္ထ။ (မနာယတနမူလကံ)
(ဃ) ပစ္စနီကပုဂ္ဂလော
၄၅. (က) ယဿ စက္ခာယတနံ နုပ္ပဇ္ဇိတ္ထ တဿ သောတာယတနံ နုပ္ပဇ္ဇိတ္ထာတိ? နတ္ထိ။
(ခ) ယဿ ဝါ ပန သောတာယတနံ နုပ္ပဇ္ဇိတ္ထ တဿ စက္ခာယတနံ နုပ္ပဇ္ဇိတ္ထာတိ? နတ္ထိ။ (သံခိတ္တံ)။
၄၆. (က) ယဿ မနာယတနံ နုပ္ပဇ္ဇိတ္ထ တဿ ဓမ္မာယတနံ နုပ္ပဇ္ဇိတ္ထာတိ ? နတ္ထိ။
(ခ) ယဿ ဝါ ပန ဓမ္မာယတနံ နုပ္ပဇ္ဇိတ္ထ တဿ မနာယတနံ နုပ္ပဇ္ဇိတ္ထာတိ? နတ္ထိ။။ပေ.။။
(င) ပစ္စနီကဩကာသော
၄၇. ယတ္ထ စက္ခာယတနံ နုပ္ပဇ္ဇိတ္ထ။ပေ.။။
(စ) ပစ္စနီကပုဂ္ဂလောကာသာ
၄၈. (က) ယဿ ယတ္ထ စက္ခာယတနံ နုပ္ပဇ္ဇိတ္ထ တဿ တတ္ထ သောတာယတနံ နုပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ သောတာယတနံ နုပ္ပဇ္ဇိတ္ထ တဿ တတ္ထ စက္ခာယတနံ နုပ္ပဇ္ဇိတ္ထာတိ? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇိတ္ထ တဿ တတ္ထ ဃာနာယတနံ နုပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ ဃာနာယတနံ နုပ္ပဇ္ဇိတ္ထ တဿ တတ္ထ စက္ခာယတနံ နုပ္ပဇ္ဇိတ္ထာတိ?
ရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိတ္ထ, နော စ တေသံ တတ္ထ စက္ခာယတနံ နုပ္ပဇ္ဇိတ္ထ။ သုဒ္ဓါဝါသာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇိတ္ထ စက္ခာယတနဉ္စ နုပ္ပဇ္ဇိတ္ထ။
(က) ယဿ ယတ္ထ စက္ခာယတနံ နုပ္ပဇ္ဇိတ္ထ တဿ တတ္ထ ရူပါယတနံ နုပ္ပဇ္ဇိတ္ထာတိ?
အသညသတ္တာနံ တေသံ တတ္ထ စက္ခာယတနံ နုပ္ပဇ္ဇိတ္ထ, နော စ တေသံ တတ္ထ ရူပါယတနံ နုပ္ပဇ္ဇိတ္ထ။ သုဒ္ဓါဝါသာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇိတ္ထ ရူပါယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ရူပါယတနံ နုပ္ပဇ္ဇိတ္ထ တဿ တတ္ထ စက္ခာယတနံ နုပ္ပဇ္ဇိတ္ထာတိ? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇိတ္ထ တဿ တတ္ထ မနာယတနံ နုပ္ပဇ္ဇိတ္ထာတိ?
အရူပါနံ တေသံ တတ္ထ စက္ခာယတနံ နုပ္ပဇ္ဇိတ္ထ, နော စ တေသံ တတ္ထ မနာယတနံ နုပ္ပဇ္ဇိတ္ထ။ သုဒ္ဓါဝါသာနံ အသညသတ္တာနံ တေသံ တတ္ထ စက္ခာယတနဉ္စ နုပ္ပဇ္ဇိတ္ထ မနာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိတ္ထ တဿ တတ္ထ စက္ခာယတနံ နုပ္ပဇ္ဇိတ္ထာတိ? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇိတ္ထ တဿ တတ္ထ ဓမ္မာယတနံ နုပ္ပဇ္ဇိတ္ထာတိ?
အသညသတ္တာနံ အရူပါနံ တေသံ တတ္ထ စက္ခာယတနံ နုပ္ပဇ္ဇိတ္ထ, နော စ တေသံ တတ္ထ ဓမ္မာယတနံ နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ စက္ခာယတနဉ္စ နုပ္ပဇ္ဇိတ္ထ ဓမ္မာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိတ္ထ တဿ တတ္ထ စက္ခာယတနံ နုပ္ပဇ္ဇိတ္ထာတိ? အာမန္တာ။ (စက္ခာယတနမူလကံ)
၄၉. (က) ယဿ ယတ္ထ ဃာနာယတနံ နုပ္ပဇ္ဇိတ္ထ တဿ တတ္ထ ရူပါယတနံ နုပ္ပဇ္ဇိတ္ထာတိ?
ရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိတ္ထ, နော စ တေသံ တတ္ထ ရူပါယတနံ နုပ္ပဇ္ဇိတ္ထ။ သုဒ္ဓါဝါသာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇိတ္ထ ရူပါယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ရူပါယတနံ နုပ္ပဇ္ဇိတ္ထ တဿ တတ္ထ ဃာနာယတနံ နုပ္ပဇ္ဇိတ္ထာတိ? အာမန္တာ။
(က) ယဿ ယတ္ထ ဃာနာယတနံ နုပ္ပဇ္ဇိတ္ထ တဿ တတ္ထ မနာယတနံ နုပ္ပဇ္ဇိတ္ထာတိ?
ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိတ္ထ, နော စ တေသံ တတ္ထ မနာယတနံ နုပ္ပဇ္ဇိတ္ထ။ သုဒ္ဓါဝါသာနံ အသညသတ္တာနံ တေသံ တတ္ထ ဃာနာယတနဉ္စ နုပ္ပဇ္ဇိတ္ထ မနာယတနဉ္စ နုပ္ပဇ္ဇိတ္ထ ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိတ္ထ တဿ တတ္ထ ဃာနာယတနံ နုပ္ပဇ္ဇိတ္ထာတိ? အာမန္တာ။
(က) ယဿ ယတ္ထ ဃာနာယတနံ နုပ္ပဇ္ဇိတ္ထ တဿ တတ္ထ ဓမ္မာယတနံ နုပ္ပဇ္ဇိတ္ထာတိ?
ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိတ္ထ, နော စ တေသံ တတ္ထ ဓမ္မာယတနံ နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ ဃာနာယတနဉ္စ နုပ္ပဇ္ဇိတ္ထ ဓမ္မာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိတ္ထ တဿ တတ္ထ ဃာနာယတနံ နုပ္ပဇ္ဇိတ္ထာတိ? အာမန္တာ။ (ဃာနာယတနမူလကံ)
၅၀. (က) ယဿ ယတ္ထ ရူပါယတနံ နုပ္ပဇ္ဇိတ္ထ တဿ တတ္ထ မနာယတနံ နုပ္ပဇ္ဇိတ္ထာတိ?
အရူပါနံ တေသံ တတ္ထ ရူပါယတနံ နုပ္ပဇ္ဇိတ္ထ, နော စ တေသံ တတ္ထ မနာယတနံ နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ ရူပါယတနဉ္စ နုပ္ပဇ္ဇိတ္ထ မနာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိတ္ထ တဿ တတ္ထ ရူပါယတနံ နုပ္ပဇ္ဇိတ္ထာတိ?
အသညသတ္တာနံ တေသံ တတ္ထ မနာယတနံ နုပ္ပဇ္ဇိတ္ထ, နော စ တေသံ တတ္ထ ရူပါယတနံ နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ မနာယတနဉ္စ နုပ္ပဇ္ဇိတ္ထ ရူပါယတနဉ္စ နုပ္ပဇ္ဇိတ္ထ။
(က) ယဿ ယတ္ထ ရူပါယတနံ နုပ္ပဇ္ဇိတ္ထ တဿ တတ္ထ ဓမ္မာယတနံ နုပ္ပဇ္ဇိတ္ထာတိ?
အရူပါနံ တေသံ တတ္ထ ရူပါယတနံ နုပ္ပဇ္ဇိတ္ထ, နော စ တေသံ တတ္ထ ဓမ္မာယတနံ နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ ရူပါယတနဉ္စ နုပ္ပဇ္ဇိတ္ထ ဓမ္မာယတနဉ္စ နုပ္ပဇ္ဇိတ္ထ။
(က) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိတ္ထ တဿ တတ္ထ ရူပါယတနံ နုပ္ပဇ္ဇိတ္ထာတိ? အာမန္တာ။ (ရူပါယတနမူလကံ)
၅၁. (က) ယဿ ယတ္ထ မနာယတနံ နုပ္ပဇ္ဇိတ္ထ တဿ တတ္ထ ဓမ္မာယတနံ နုပ္ပဇ္ဇိတ္ထာတိ?
အသညသတ္တာနံ တေသံ တတ္ထ မနာယတနံ နုပ္ပဇ္ဇိတ္ထ, နော စ တေသံ တတ္ထ ဓမ္မာယတနံ နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ မနာယတနဉ္စ နုပ္ပဇ္ဇိတ္ထ ဓမ္မာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိတ္ထ တဿ တတ္ထ မနာယတနံ နုပ္ပဇ္ဇိတ္ထာတိ? အာမန္တာ။ (မနာယတနမူလကံ)
(၃) အနာဂတဝါရော
(က) အနုလောမပုဂ္ဂလော
၅၂. (က) ယဿ စက္ခာယတနံ ဥပ္ပဇ္ဇိဿတိ တဿ သောတာယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန သောတာယတနံ ဥပ္ပဇ္ဇိဿတိ တဿ စက္ခာယတနံ ဥပ္ပဇ္ဇိဿတီတိ? အာမန္တာ။
(က) ယဿ စက္ခာယတနံ ဥပ္ပဇ္ဇိဿတိ တဿ ဃာနာယတနံ ဥပ္ပဇ္ဇိဿတီတိ?
ယေ ရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စက္ခာယတနံ ဥပ္ပဇ္ဇိဿတိ, နော စ တေသံ ဃာနာယတနံ ဥပ္ပဇ္ဇိဿတိ။ ဣတရေသံ တေသံ စက္ခာယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ဃာနာယတနံ ဥပ္ပဇ္ဇိဿတိ တဿ စက္ခာယတနံ ဥပ္ပဇ္ဇိဿတီတိ? အာမန္တာ။
(က) ယဿ စက္ခာယတနံ ဥပ္ပဇ္ဇိဿတိ တဿ ရူပါယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ရူပါယတနံ ဥပ္ပဇ္ဇိဿတိ တဿ စက္ခာယတနံ ဥပ္ပဇ္ဇိဿတီတိ? အာမန္တာ။
ယဿ စက္ခာယတနံ ဥပ္ပဇ္ဇိဿတိ (တဿ မနာယတနဉ္စ ဓမ္မာယတနဉ္စ သဒိသံ, ဣမေ ဒွေ သဒိသာယေဝ ဟောန္တိ)။
(က) ယဿ စက္ခာယတနံ ဥပ္ပဇ္ဇိဿတိ တဿ ဓမ္မာယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ဓမ္မာယတနံ ဥပ္ပဇ္ဇိဿတိ တဿ စက္ခာယတနံ ဥပ္ပဇ္ဇိဿတီတိ?
ယေ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဓမ္မာယတနံ ဥပ္ပဇ္ဇိဿတိ, နော စ တေသံ စက္ခာယတနံ ဥပ္ပဇ္ဇိဿတိ။ ဣတရေသံ တေသံ ဓမ္မာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇိဿတိ။ (စက္ခာယတနမူလကံ)
၅၃. (က) ယဿ ဃာနာယတနံ ဥပ္ပဇ္ဇိဿတိ တဿ ရူပါယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ရူပါယတနံ ဥပ္ပဇ္ဇိဿတိ တဿ ဃာနာယတနံ ဥပ္ပဇ္ဇိဿတီတိ?
ယေ ရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ရူပါယတနံ ဥပ္ပဇ္ဇိဿတိ, နော စ တေသံ ဃာနာယတနံ ဥပ္ပဇ္ဇိဿတိ။ ဣတရေသံ တေသံ ရူပါယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇိဿတိ။
ယဿ ဃာနာယတနံ ဥပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ ဥပ္ပဇ္ဇိဿတီတိ? အာမန္တာ။
ယဿ ဝါ ပန ဓမ္မာယတနံ ဥပ္ပဇ္ဇိဿတိ တဿ ဃာနာယတနံ ဥပ္ပဇ္ဇိဿတီတိ?
ယေ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဓမ္မာယတနံ ဥပ္ပဇ္ဇိဿတိ, နော စ တေသံ ဃာနာယတနံ ဥပ္ပဇ္ဇိဿတိ။ ဣတရေသံ တေသံ ဓမ္မာယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇိဿတိ။ (ဃာနာယတနမူလကံ)
၅၄. ယဿ ရူပါယတနံ ဥပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ ဥပ္ပဇ္ဇိဿတီတိ? အာမန္တာ။
ယဿ ဝါ ပန ဓမ္မာယတနံ ဥပ္ပဇ္ဇိဿတိ တဿ ရူပါယတနံ ဥပ္ပဇ္ဇိဿတီတိ?
ယေ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဓမ္မာယတနံ ဥပ္ပဇ္ဇိဿတိ, နော စ တေသံ ရူပါယတနံ ဥပ္ပဇ္ဇိဿတိ။ ဣတရေသံ တေသံ ဓမ္မာယတနဉ္စ ဥပ္ပဇ္ဇိဿတိ ရူပါယတနဉ္စ ဥပ္ပဇ္ဇိဿတိ။ (ရူပါယတနမူလကံ)။
၅၅. (က) ယဿ မနာယတနံ ဥပ္ပဇ္ဇိဿတိ တဿ ဓမ္မာယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ဓမ္မာယတနံ ဥပ္ပဇ္ဇိဿတိ တဿ မနာယတနံ ဥပ္ပဇ္ဇိဿတီတိ? အာမန္တာ။ (မနာယတနမူလကံ)
(ခ) အနုလောမဩကာသော
၅၆. ယတ္ထ စက္ခာယတနံ ဥပ္ပဇ္ဇိဿတိ။ပေ.။။
(ဂ) အနုလောမပုဂ္ဂလောကာသာ
၅၇. (က) ယဿ ယတ္ထ စက္ခာယတနံ ဥပ္ပဇ္ဇိဿတိ တဿ တတ္ထ သောတာယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ သောတာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇိဿတီတိ? အာမန္တာ။
(က) ယဿ ယတ္ထ စက္ခာယတနံ ဥပ္ပဇ္ဇိဿတိ တဿ တတ္ထ ဃာနာယတနံ ဥပ္ပဇ္ဇိဿတီတိ?
ရူပါဝစရာနံ တေသံ တတ္ထ စက္ခာယတနံ ဥပ္ပဇ္ဇိဿတိ, နော စ တေသံ တတ္ထ ဃာနာယတနံ ဥပ္ပဇ္ဇိဿတိ။ ကာမာဝစရာနံ တေသံ တတ္ထ စက္ခာယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဃာနာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇိဿတီတိ? အာမန္တာ။
(က) ယဿ ယတ္ထ စက္ခာယတနံ ဥပ္ပဇ္ဇိဿတိ တဿ တတ္ထ ရူပါယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇိဿတီတိ?
အသညသတ္တာနံ တေသံ တတ္ထ ရူပါယတနံ ဥပ္ပဇ္ဇိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိဿတိ။ ပဉ္စဝေါကာရာနံ တေသံ တတ္ထ ရူပါယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇိဿတိ။
(က) ယဿ ယတ္ထ စက္ခာယတနံ ဥပ္ပဇ္ဇိဿတိ တဿ တတ္ထ မနာယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇိဿတီတိ?
အရူပါနံ တေသံ တတ္ထ မနာယတနံ ဥပ္ပဇ္ဇိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိဿတိ။ ပဉ္စဝေါကာရာနံ တေသံ တတ္ထ မနာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇိဿတိ။
(က) ယဿ ယတ္ထ စက္ခာယတနံ ဥပ္ပဇ္ဇိဿတိ တဿ တတ္ထ ဓမ္မာယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇိဿတီတိ?
အသညသတ္တာနံ အရူပါနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိဿတိ။ ပဉ္စဝေါကာရာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇိဿတိ။ (စက္ခာယတနမူလကံ)
၅၈. (က) ယဿ ယတ္ထ ဃာနာယတနံ ဥပ္ပဇ္ဇိဿတိ တဿ တတ္ထ ရူပါယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ ဥပ္ပဇ္ဇိဿတိ တဿ တတ္ထ ဃာနာယတနံ ဥပ္ပဇ္ဇိဿတီတိ?
ရူပါဝစရာနံ တေသံ တတ္ထ ရူပါယတနံ ဥပ္ပဇ္ဇိဿတိ, နော စ တေသံ တတ္ထ ဃာနာယတနံ ဥပ္ပဇ္ဇိဿတိ။ ကာမာဝစရာနံ တေသံ တတ္ထ ရူပါယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇိဿတိ။
ယဿ ယတ္ထ ဃာနာယတနံ ဥပ္ပဇ္ဇိဿတိ တဿ တတ္ထ မနာယတနံ။ပေ.။ ဓမ္မာယတနံ ဥပ္ပဇ္ဇိဿတီတိ? အာမန္တာ။
ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ ဃာနာယတနံ ဥပ္ပဇ္ဇိဿတီတိ?
ရူပါဝစရာနံ အရူပါဝစရာနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ ဃာနာယတနံ ဥပ္ပဇ္ဇိဿတိ။ ကာမာဝစရာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇိဿတိ။ (ဃာနာယတနမူလကံ)
၅၉. (က) ယဿ ယတ္ထ ရူပါယတနံ ဥပ္ပဇ္ဇိဿတိ တဿ တတ္ထ မနာယတနံ ဥပ္ပဇ္ဇိဿတီတိ?
အသညသတ္တာနံ တေသံ တတ္ထ ရူပါယတနံ ဥပ္ပဇ္ဇိဿတိ, နော စ တေသံ တတ္ထ မနာယတနံ ဥပ္ပဇ္ဇိဿတိ။ ပဉ္စဝေါကာရာနံ တေသံ တတ္ထ ရူပါယတနဉ္စ ဥပ္ပဇ္ဇိဿတိ မနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိဿတိ တဿ တတ္ထ ရူပါယတနံ ဥပ္ပဇ္ဇိဿတီတိ?
အရူပါနံ တေသံ တတ္ထ မနာယတနံ ဥပ္ပဇ္ဇိဿတိ, နော စ တေသံ တတ္ထ ရူပါယတနံ ဥပ္ပဇ္ဇိဿတိ။ ပဉ္စဝေါကာရာနံ တေသံ တတ္ထ မနာယတနဉ္စ ဥပ္ပဇ္ဇိဿတိ ရူပါယတနဉ္စ ဥပ္ပဇ္ဇိဿတိ။
(က) ယဿ ယတ္ထ ရူပါယတနံ ဥပ္ပဇ္ဇိဿတိ တဿ တတ္ထ ဓမ္မာယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ ရူပါယတနံ ဥပ္ပဇ္ဇိဿတီတိ?
အရူပါနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ ရူပါယတနံ ဥပ္ပဇ္ဇိဿတိ။ ပဉ္စဝေါကာရာနံ အသညသတ္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ ရူပါယတနဉ္စ ဥပ္ပဇ္ဇိဿတိ။ (ရူပါယတနမူလကံ)
၆၀. (က) ယဿ ယတ္ထ မနာယတနံ ဥပ္ပဇ္ဇိဿတိ တဿ တတ္ထ ဓမ္မာယတနံ ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ မနာယတနံ ဥပ္ပဇ္ဇိဿတီတိ?
အသညသတ္တာနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ မနာယတနံ ဥပ္ပဇ္ဇိဿတိ။ စတုဝေါကာရာနံ ပဉ္စဝေါကာရာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ မနာယတနဉ္စ ဥပ္ပဇ္ဇိဿတိ။ (မနာယတနမူလကံ)
(ဃ) ပစ္စနီကပုဂ္ဂလော
၆၁. (က) ယဿ စက္ခာယတနံ နုပ္ပဇ္ဇိဿတိ တဿ သောတာယတနံ နုပ္ပဇ္ဇိဿတီတိ? အာမန္တာ။
(ခ) ယဿ ဝါ ပန သောတာယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇိဿတီတိ? အာမန္တာ။
(က) ယဿ စက္ခာယတနံ နုပ္ပဇ္ဇိဿတိ တဿ ဃာနာယတနံ နုပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ဃာနာယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇိဿတီတိ?
ယေ ရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဃာနာယတနံ နုပ္ပဇ္ဇိဿတိ, နော စ တေသံ စက္ခာယတနံ နုပ္ပဇ္ဇိဿတိ။ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဃာနာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇိဿတိ။
(က) ယဿ စက္ခာယတနံ နုပ္ပဇ္ဇိဿတိ တဿ ရူပါယတနံ နုပ္ပဇ္ဇိဿတီတိ ? အာမန္တာ။
(ခ) ယဿ ဝါ ပန ရူပါယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇိဿတီတိ? အာမန္တာ။
ယဿ စက္ခာယတနံ နုပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ နုပ္ပဇ္ဇိဿတီတိ?
ယေ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စက္ခာယတနံ နုပ္ပဇ္ဇိဿတိ, နော စ တေသံ ဓမ္မာယတနံ နုပ္ပဇ္ဇိဿတိ။ ပစ္ဆိမဘဝိကာနံ တေသံ စက္ခာယတနဉ္စ နုပ္ပဇ္ဇိဿတိ ဓမ္မာယတနဉ္စ နုပ္ပဇ္ဇိဿတိ။
ယဿ ဝါ ပန ဓမ္မာယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇိဿတီတိ? အာမန္တာ။ (စက္ခာယတနမူလကံ)
၆၂. (က) ယဿ ဃာနာယတနံ နုပ္ပဇ္ဇိဿတိ တဿ ရူပါယတနံ နုပ္ပဇ္ဇိဿတီတိ?
ယေ ရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဃာနာယတနံ နုပ္ပဇ္ဇိဿတိ, နော စ တေသံ ရူပါယတနံ နုပ္ပဇ္ဇိဿတိ။ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဃာနာယတနဉ္စ နုပ္ပဇ္ဇိဿတိ ရူပါယတနဉ္စ နုပ္ပဇ္ဇိဿတိ ။
(ခ) ယဿ ဝါ ပန ရူပါယတနံ နုပ္ပဇ္ဇိဿတိ တဿ ဃာနာယတနံ နုပ္ပဇ္ဇိဿတီတိ? အာမန္တာ။
ယဿ ဃာနာယတနံ နုပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ နုပ္ပဇ္ဇိဿတီတိ?
ယေ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဃာနာယတနံ နုပ္ပဇ္ဇိဿတိ, နော စ တေသံ ဓမ္မာယတနံ နုပ္ပဇ္ဇိဿတိ။ ပစ္ဆိမဘဝိကာနံ တေသံ ဃာနာယတနဉ္စ နုပ္ပဇ္ဇိဿတိ ဓမ္မာယတနဉ္စ နုပ္ပဇ္ဇိဿတိ။
ယဿ ဝါ ပန ဓမ္မာယတနံ နုပ္ပဇ္ဇိဿတိ တဿ ဃာနာယတနံ နုပ္ပဇ္ဇိဿတီတိ? အာမန္တာ။ (ဃာနာယတနမူလကံ)
၆၃. ယဿ ရူပါယတနံ နုပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ နုပ္ပဇ္ဇိဿတီတိ?
ယေ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ရူပါယတနံ နုပ္ပဇ္ဇိဿတိ , နော စ တေသံ ဓမ္မာယတနံ နုပ္ပဇ္ဇိဿတိ။ ပစ္ဆိမဘဝိကာနံ တေသံ ရူပါယတနဉ္စ နုပ္ပဇ္ဇိဿတိ ဓမ္မာယတနဉ္စ နုပ္ပဇ္ဇိဿတိ။
ယဿ ဝါ ပန ဓမ္မာယတနံ နုပ္ပဇ္ဇိဿတိ တဿ ရူပါယတနံ နုပ္ပဇ္ဇိဿတီတိ? အာမန္တာ။ (ရူပါယတနမူလကံ)
၆၄. (က) ယဿ မနာယတနံ နုပ္ပဇ္ဇိဿတိ တဿ ဓမ္မာယတနံ နုပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ဓမ္မာယတနံ နုပ္ပဇ္ဇိဿတိ တဿ မနာယတနံ နုပ္ပဇ္ဇိဿတီတိ? အာမန္တာ။ (မနာယတနမူလကံ)
(င) ပစ္စနီကဩကာသော
၆၅. ယတ္ထ စက္ခာယတနံ နုပ္ပဇ္ဇိဿတိ။ပေ.။။
(စ) ပစ္စနီကပုဂ္ဂလောကာသာ
၆၆. (က) ယဿ ယတ္ထ စက္ခာယတနံ နုပ္ပဇ္ဇိဿတိ တဿ တတ္ထ သောတာယတနံ နုပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ သောတာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇိဿတီတိ? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇိဿတိ တဿ တတ္ထ ဃာနာယတနံ နုပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ ဃာနာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇိဿတီတိ?
ရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇိဿတိ။ ပဉ္စဝေါကာရေ ပစ္ဆိမဘဝိကာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇိဿတိ။
(က) ယဿ ယတ္ထ စက္ခာယတနံ နုပ္ပဇ္ဇိဿတိ တဿ တတ္ထ ရူပါယတနံ နုပ္ပဇ္ဇိဿတီတိ?
အသညသတ္တာနံ တေသံ တတ္ထ စက္ခာယတနံ နုပ္ပဇ္ဇိဿတိ, နော စ တေသံ တတ္ထ ရူပါယတနံ နုပ္ပဇ္ဇိဿတိ။ ပဉ္စဝေါကာရေ ပစ္ဆိမဘဝိကာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇိဿတိ ရူပါယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ရူပါယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇိဿတီတိ? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇိဿတိ တဿ တတ္ထ မနာယတနံ နုပ္ပဇ္ဇိဿတီတိ?
အရူပါနံ တေသံ တတ္ထ စက္ခာယတနံ နုပ္ပဇ္ဇိဿတိ, နော စ တေသံ တတ္ထ မနာယတနံ နုပ္ပဇ္ဇိဿတိ။ ပစ္ဆိမဘဝိကာနံ အသညသတ္တာနံ တေသံ တတ္ထ စက္ခာယတနဉ္စ နုပ္ပဇ္ဇိဿတိ မနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇိဿတီတိ? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇိဿတိ တဿ တတ္ထ ဓမ္မာယတနံ နုပ္ပဇ္ဇိဿတီတိ?
အသညသတ္တာနံ အရူပါနံ တေသံ တတ္ထ စက္ခာယတနံ နုပ္ပဇ္ဇိဿတိ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ ပစ္ဆိမဘဝိကာနံ တေသံ တတ္ထ စက္ခာယတနဉ္စ နုပ္ပဇ္ဇိဿတိ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇိဿတီတိ? အာမန္တာ။ (စက္ခာယတနမူလကံ)
၆၇. (က) ယဿ ယတ္ထ ဃာနာယတနံ နုပ္ပဇ္ဇိဿတိ တဿ တတ္ထ ရူပါယတနံ နုပ္ပဇ္ဇိဿတီတိ?
ရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိဿတိ, နော စ တေသံ တတ္ထ ရူပါယတနံ နုပ္ပဇ္ဇိဿတိ။ ပဉ္စဝေါကာရေ ပစ္ဆိမဘဝိကာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇိဿတိ ရူပါယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ရူပါယတနံ နုပ္ပဇ္ဇိဿတိ တဿ တတ္ထ ဃာနာယတနံ နုပ္ပဇ္ဇိဿတီတိ? အာမန္တာ။
(က) ယဿ ယတ္ထ ဃာနာယတနံ နုပ္ပဇ္ဇိဿတိ တဿ တတ္ထ မနာယတနံ နုပ္ပဇ္ဇိဿတီတိ?
ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိဿတိ, နော စ တေသံ တတ္ထ မနာယတနံ နုပ္ပဇ္ဇိဿတိ။ ပစ္ဆိမဘဝိကာနံ အသညသတ္တာနံ တေသံ တတ္ထ ဃာနာယတနဉ္စ နုပ္ပဇ္ဇိဿတိ မနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိဿတိ တဿ တတ္ထ ဃာနာယတနံ နုပ္ပဇ္ဇိဿတီတိ? အာမန္တာ။
(က) ယဿ ယတ္ထ ဃာနာယတနံ နုပ္ပဇ္ဇိဿတိ တဿ တတ္ထ ဓမ္မာယတနံ နုပ္ပဇ္ဇိဿတီတိ?
ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိဿတိ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ ပစ္ဆိမဘဝိကာနံ တေသံ တတ္ထ ဃာနာယတနဉ္စ နုပ္ပဇ္ဇိဿတိ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ ဃာနာယတနံ နုပ္ပဇ္ဇိဿတီတိ? အာမန္တာ။ (ဃာနာယတနမူလကံ)
၆၈. (က) ယဿ ယတ္ထ ရူပါယတနံ နုပ္ပဇ္ဇိဿတိ တဿ တတ္ထ မနာယတနံ နုပ္ပဇ္ဇိဿတီတိ?
အရူပါနံ တေသံ တတ္ထ ရူပါယတနံ နုပ္ပဇ္ဇိဿတိ, နော စ တေသံ တတ္ထ မနာယတနံ နုပ္ပဇ္ဇိဿတိ။ ပစ္ဆိမဘဝိကာနံ တေသံ တတ္ထ ရူပါယတနဉ္စ နုပ္ပဇ္ဇိဿတိ မနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိဿတိ တဿ တတ္ထ ရူပါယတနံ နုပ္ပဇ္ဇိဿတီတိ ?
အသညသတ္တာနံ တေသံ တတ္ထ မနာယတနံ နုပ္ပဇ္ဇိဿတိ, နော စ တေသံ တတ္ထ ရူပါယတနံ နုပ္ပဇ္ဇိဿတိ။ ပစ္ဆိမဘဝိကာနံ တေသံ တတ္ထ မနာယတနဉ္စ နုပ္ပဇ္ဇိဿတိ ရူပါယတနဉ္စ နုပ္ပဇ္ဇိဿတိ။
(က) ယဿ ယတ္ထ ရူပါယတနံ နုပ္ပဇ္ဇိဿတိ တဿ တတ္ထ ဓမ္မာယတနံ နုပ္ပဇ္ဇိဿတီတိ?
အရူပါနံ တေသံ တတ္ထ ရူပါယတနံ နုပ္ပဇ္ဇိဿတိ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ ပစ္ဆိမဘဝိကာနံ တေသံ တတ္ထ ရူပါယတနဉ္စ နုပ္ပဇ္ဇိဿတိ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ ရူပါယတနံ နုပ္ပဇ္ဇိဿတီတိ? အာမန္တာ။ (ရူပါယတနမူလကံ)
၆၉. (က) ယဿ ယတ္ထ မနာယတနံ နုပ္ပဇ္ဇိဿတိ တဿ တတ္ထ ဓမ္မာယတနံ နုပ္ပဇ္ဇိဿတီတိ?
အသညသတ္တာနံ တေသံ တတ္ထ မနာယတနံ နုပ္ပဇ္ဇိဿတိ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ ပစ္ဆိမဘဝိကာနံ တေသံ တတ္ထ မနာယတနဉ္စ နုပ္ပဇ္ဇိဿတိ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ မနာယတနံ နုပ္ပဇ္ဇိဿတီတိ? အာမန္တာ။ (မနာယတနမူလကံ)
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၇၀. (က) ယဿ စက္ခာယတနံ ဥပ္ပဇ္ဇတိ တဿ သောတာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန သောတာယတနံ ဥပ္ပဇ္ဇိတ္ထ တဿ စက္ခာယတနံ ဥပ္ပဇ္ဇတီတိ ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ သောတာယတနံ ဥပ္ပဇ္ဇိတ္ထ , နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ သောတာယတနဉ္စ ဥပ္ပဇ္ဇိတ္ထ စက္ခာယတနဉ္စ ဥပ္ပဇ္ဇတိ။
ယဿ စက္ခာယတနံ ဥပ္ပဇ္ဇတိ တဿ ဃာနာယတနံ။ပေ.။ ရူပါယတနံ။ မနာယတနံ။ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
ယဿ ဝါ ပန ဓမ္မာယတနံ ဥပ္ပဇ္ဇိတ္ထ တဿ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇိတ္ထ, နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇိတ္ထ စက္ခာယတနဉ္စ ဥပ္ပဇ္ဇတိ။ (စက္ခာယတနမူလကံ)
၇၁. ယဿ ဃာနာယတနံ ဥပ္ပဇ္ဇတိ တဿ ရူပါယတနံ။ပေ.။ မနာယတနံ။ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
ယဿ ဝါ ပန ဓမ္မာယတနံ ဥပ္ပဇ္ဇိတ္ထ တဿ ဃာနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇိတ္ထ, နော စ တေသံ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇိတ္ထ ဃာနာယတနဉ္စ ဥပ္ပဇ္ဇတိ။ (ဃာနာယတနမူလကံ)
၇၂. ယဿ ရူပါယတနံ ဥပ္ပဇ္ဇတိ တဿ မနာယတနံ။ပေ.။ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
ယဿ ဝါ ပန ဓမ္မာယတနံ ဥပ္ပဇ္ဇိတ္ထ တဿ ရူပါယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇိတ္ထ, နော စ တေသံ ရူပါယတနံ ဥပ္ပဇ္ဇတိ။ သရူပကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇိတ္ထ ရူပါယတနဉ္စ ဥပ္ပဇ္ဇတိ။ (ရူပါယတနမူလကံ)
၇၃. (က) ယဿ မနာယတနံ ဥပ္ပဇ္ဇတိ တဿ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ဓမ္မာယတနံ ဥပ္ပဇ္ဇိတ္ထ တဿ မနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇိတ္ထ, နော စ တေသံ မနာယတနံ ဥပ္ပဇ္ဇတိ။ သစိတ္တကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇိတ္ထ မနာယတနဉ္စ ဥပ္ပဇ္ဇတိ။ (မနာယတနမူလကံ)
(ခ) အနုလောမဩကာသော
၇၄. ယတ္ထ စက္ခာယတနံ ဥပ္ပဇ္ဇတိ တတ္ထ သောတာယတနံ ဥပ္ပဇ္ဇိတ္ထာတိ? အာမန္တာ။။ပေ.။။
(ဂ) အနုလောမပုဂ္ဂလောကာသာ
၇၅. (က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ သောတာယတနံ ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ သောတာယတနံ ဥပ္ပဇ္ဇိတ္ထ။ ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ သောတာယတနဉ္စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ သောတာယတနံ ဥပ္ပဇ္ဇိတ္ထ တဿ တတ္ထ စက္ခာယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ သောတာယတနံ ဥပ္ပဇ္ဇိတ္ထ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ သောတာယတနဉ္စ ဥပ္ပဇ္ဇိတ္ထ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ ဃာနာယတနံ ဥပ္ပဇ္ဇိတ္ထာတိ?
ရူပါဝစရံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ ဃာနာယတနံ ဥပ္ပဇ္ဇိတ္ထ။ သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ ဃာနာယတနဉ္စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ ဃာနာယတနံ ဥပ္ပဇ္ဇိတ္ထ တဿ တတ္ထ စက္ခာယတနံ ဥပ္ပဇ္ဇတီတိ?
ကာမာဝစရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနာယတနံ ဥပ္ပဇ္ဇိတ္ထ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနာယတနဉ္စ ဥပ္ပဇ္ဇိတ္ထ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ ရူပါယတနံ ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ ရူပါယတနံ ဥပ္ပဇ္ဇိတ္ထ။ ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ ရူပါယတနဉ္စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ ရူပါယတနံ ဥပ္ပဇ္ဇိတ္ထ တဿ တတ္ထ စက္ခာယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အသညသတ္တာနံ တေသံ တတ္ထ ရူပါယတနံ ဥပ္ပဇ္ဇိတ္ထ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ ရူပါယတနဉ္စ စ ဥပ္ပဇ္ဇိတ္ထ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ မနာယတနံ ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ မနာယတနံ ဥပ္ပဇ္ဇိတ္ထ။ ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိတ္ထ တဿ တတ္ထ စက္ခာယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အရူပါနံ တေသံ တတ္ထ မနာယတနံ ဥပ္ပဇ္ဇိတ္ထ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ မနာယတနဉ္စ ဥပ္ပဇ္ဇိတ္ထ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ ဓမ္မာယတနံ ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ ဓမ္မာယတနံ ဥပ္ပဇ္ဇိတ္ထ။ ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ ဓမ္မာယတနဉ္စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိတ္ထ တဿ တတ္ထ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ တတ္ထ ဓမ္မာယတနံ ဥပ္ပဇ္ဇိတ္ထ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိတ္ထ စက္ခာယတနဉ္စ ဥပ္ပဇ္ဇတိ။ (စက္ခာယတနမူလကံ)
၇၆. (က) ယဿ ယတ္ထ ဃာနာယတနံ ဥပ္ပဇ္ဇတိ တဿ တတ္ထ ရူပါယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ ဥပ္ပဇ္ဇိတ္ထ တဿ တတ္ထ ဃာနာယတနံ ဥပ္ပဇ္ဇတီတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ တေသံ တတ္ထ ရူပါယတနံ ဥပ္ပဇ္ဇိတ္ထ, နော စ တေသံ တတ္ထ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ တတ္ထ ရူပါယတနဉ္စ ဥပ္ပဇ္ဇိတ္ထ ဃာနာယတနဉ္စ ဥပ္ပဇ္ဇတိ။
(က) ယဿ ယတ္ထ ဃာနာယတနံ ဥပ္ပဇ္ဇတိ တဿ တတ္ထ မနာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိတ္ထ တဿ တတ္ထ ဃာနာယတနံ ဥပ္ပဇ္ဇတီတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ အရူပါဝစရာနံ တေသံ တတ္ထ မနာယတနံ ဥပ္ပဇ္ဇိတ္ထ, နော စ တေသံ တတ္ထ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ တတ္ထ မနာယတနဉ္စ ဥပ္ပဇ္ဇိတ္ထ ဃာနာယတနဉ္စ ဥပ္ပဇ္ဇတိ။
(က) ယဿ ယတ္ထ ဃာနာယတနံ ဥပ္ပဇ္ဇတိ တဿ တတ္ထ ဓမ္မာယတနံ ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိတ္ထ တဿ တတ္ထ ဃာနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ တတ္ထ ဓမ္မာယတနံ ဥပ္ပဇ္ဇိတ္ထ, နော စ တေသံ တတ္ထ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိတ္ထ ဃာနာယတနဉ္စ ဥပ္ပဇ္ဇတိ။ (ဃာနာယတနမူလကံ)
၇၇. (က) ယဿ ယတ္ထ ရူပါယတနံ ဥပ္ပဇ္ဇတိ တဿ တတ္ထ မနာယတနံ ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ ရူပါယတနံ ဥပ္ပဇ္ဇတိ, နော စ တေသံ တတ္ထ မနာယတနံ ဥပ္ပဇ္ဇိတ္ထ ။ ဣတရေသံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ရူပါယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိတ္ထ တဿ တတ္ထ ရူပါယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ မနာယတနံ ဥပ္ပဇ္ဇိတ္ထ, နော စ တေသံ တတ္ထ ရူပါယတနံ ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ တေသံ တတ္ထ မနာယတနဉ္စ ဥပ္ပဇ္ဇိတ္ထ ရူပါယတနဉ္စ ဥပ္ပဇ္ဇတိ။
(က) ယဿ ယတ္ထ ရူပါယတနံ ဥပ္ပဇ္ဇတိ တဿ တတ္ထ ဓမ္မာယတနံ ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ ရူပါယတနံ ဥပ္ပဇ္ဇတိ, နော စ တေသံ တတ္ထ ဓမ္မာယတနံ ဥပ္ပဇ္ဇိတ္ထ။ ဣတရေသံ သရူပကာနံ ဥပပဇ္ဇန္တာနံ တေသံ တတ္ထ ရူပါယတနဉ္စ ဥပ္ပဇ္ဇတိ ဓမ္မာယတနဉ္စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိတ္ထ တဿ တတ္ထ ရူပါယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ တတ္ထ ဓမ္မာယတနံ ဥပ္ပဇ္ဇိတ္ထ, နော စ တေသံ တတ္ထ ရူပါယတနံ ဥပ္ပဇ္ဇတိ။ သရူပကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိတ္ထ ရူပါယတနဉ္စ ဥပ္ပဇ္ဇတိ။ (ရူပါယတနမူလကံ)
၇၈. (က) ယဿ ယတ္ထ မနာယတနံ ဥပ္ပဇ္ဇတိ တဿ တတ္ထ ဓမ္မာယတနံ ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ မနာယတနံ ဥပ္ပဇ္ဇတိ, နော စ တေသံ တတ္ထ ဓမ္မာယတနံ ဥပ္ပဇ္ဇိတ္ထ။ ဣတရေသံ သစိတ္တကာနံ ဥပပဇ္ဇန္တာနံ တေသံ တတ္ထ မနာယတနဉ္စ ဥပ္ပဇ္ဇတိ ဓမ္မာယတနဉ္စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိတ္ထ တဿ တတ္ထ မနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ တတ္ထ ဓမ္မာယတနံ ဥပ္ပဇ္ဇိတ္ထ, နော စ တေသံ တတ္ထ မနာယတနံ ဥပ္ပဇ္ဇတိ။ သစိတ္တကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိတ္ထ မနာယတနဉ္စ ဥပ္ပဇ္ဇတိ။ (မနာယတနမူလကံ)
(ဃ) ပစ္စနီကပုဂ္ဂလော
၇၉. (က) ယဿ စက္ခာယတနံ နုပ္ပဇ္ဇတိ တဿ သောတာယတနံ နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယဿ ဝါ ပန သောတာယတနံ နုပ္ပဇ္ဇိတ္ထ တဿ စက္ခာယတနံ နုပ္ပဇ္ဇတီတိ? နတ္ထိ။
ယဿ စက္ခာယတနံ နုပ္ပဇ္ဇတိ တဿ ဃာနာယတနံ။ပေ.။ ရူပါယတနံ။ မနာယတနံ။ ဓမ္မာယတနံ နုပ္ပဇ္ဇိတ္ထာတိ? ဥပ္ပဇ္ဇိတ္ထ။
ယဿ ဝါ ပန ဓမ္မာယတနံ နုပ္ပဇ္ဇိတ္ထ တဿ စက္ခာယတနံ နုပ္ပဇ္ဇတီတိ? နတ္ထိ။
၈၀. ယဿ ဃာနာယတနံ။ပေ.။ ရူပါယတနံ။ မနာယတနံ နုပ္ပဇ္ဇတိ တဿ ဓမ္မာယတနံ နုပ္ပဇ္ဇိတ္ထာတိ? ဥပ္ပဇ္ဇိတ္ထ။
ယဿ ဝါ ပန ဓမ္မာယတနံ နုပ္ပဇ္ဇိတ္ထ တဿ မနာယတနံ နုပ္ပဇ္ဇတီတိ? နတ္ထိ။
(င) ပစ္စနီကဩကာသော
၈၁. ယတ္ထ စက္ခာယတနံ နုပ္ပဇ္ဇတိ။ပေ.။။
(စ) ပစ္စနီကပုဂ္ဂလောကာသာ
၈၂. (က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ သောတာယတနံ နုပ္ပဇ္ဇိတ္ထာတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ သောတာယတနံ နုပ္ပဇ္ဇိတ္ထ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇတိ သောတာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ သောတာယတနံ နုပ္ပဇ္ဇိတ္ထ တဿ တတ္ထ စက္ခာယတနံ နုပ္ပဇ္ဇတီတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ သောတာယတနံ နုပ္ပဇ္ဇိတ္ထ, နော စ တေသံ တတ္ထ စက္ခာယတနံ နုပ္ပဇ္ဇတိ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ အရူပါနံ တေသံ တတ္ထ သောတာယတနဉ္စ နုပ္ပဇ္ဇိတ္ထ စက္ခာယတနဉ္စ နုပ္ပဇ္ဇတိ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ ဃာနာယတနံ နုပ္ပဇ္ဇိတ္ထာတိ?
ကာမာဝစရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ ဃာနာယတနံ နုပ္ပဇ္ဇိတ္ထ။ ရူပါဝစရာ စဝန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇတိ ဃာနာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဃာနာယတနံ နုပ္ပဇ္ဇိတ္ထ တဿ တတ္ထ စက္ခာယတနံ နုပ္ပဇ္ဇတီတိ?
ရူပါဝစရံ ဥပပဇ္ဇန္တာနံ တေသံ တတ္ထ ဃာနာယတနံ နုပ္ပဇ္ဇိတ္ထ, နော စ တေသံ တတ္ထ စက္ခာယတနံ နုပ္ပဇ္ဇတိ။ ရူပါဝစရာ စဝန္တာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇိတ္ထ စက္ခာယတနဉ္စ နုပ္ပဇ္ဇတိ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ ရူပါယတနံ နုပ္ပဇ္ဇိတ္ထာတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အသညသတ္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ ရူပါယတနံ နုပ္ပဇ္ဇိတ္ထ။ သုဒ္ဓါဝါသေ ပရိနိဗ္ဗန္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ရူပါယတနံ နုပ္ပဇ္ဇိတ္ထ တဿ တတ္ထ စက္ခာယတနံ နုပ္ပဇ္ဇတီတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ ရူပါယတနံ နုပ္ပဇ္ဇိတ္ထ, နော စ တေသံ တတ္ထ စက္ခာယတနံ နုပ္ပဇ္ဇတိ။ သုဒ္ဓါဝါသေ ပရိနိဗ္ဗန္တာနံ အရူပါနံ တေသံ တတ္ထ ရူပါယတနဉ္စ နုပ္ပဇ္ဇိတ္ထ စက္ခာယတနဉ္စ နုပ္ပဇ္ဇတိ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ မနာယတနံ နုပ္ပဇ္ဇိတ္ထာတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အရူပါနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ မနာယတနံ နုပ္ပဇ္ဇိတ္ထ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ တေသံ တတ္ထ စက္ခာယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိတ္ထ တဿ တတ္ထ စက္ခာယတနံ နုပ္ပဇ္ဇတီတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ မနာယတနံ နုပ္ပဇ္ဇိတ္ထ, နော စ တေသံ တတ္ထ စက္ခာယတနံ နုပ္ပဇ္ဇတိ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ တေသံ တတ္ထ မနာယတနဉ္စ နုပ္ပဇ္ဇိတ္ထ စက္ခာယတနဉ္စ နုပ္ပဇ္ဇတိ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ ဓမ္မာယတနံ နုပ္ပဇ္ဇိတ္ထာတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ နုပ္ပဇ္ဇိတ္ထ။ သုဒ္ဓါဝါသေ ပရိနိဗ္ဗန္တာနံ တေသံ တတ္ထ စက္ခာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိတ္ထ တဿ တတ္ထ စက္ခာယတနံ နုပ္ပဇ္ဇတီတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ ဓမ္မာယတနံ နုပ္ပဇ္ဇိတ္ထ, နော စ တေသံ တတ္ထ စက္ခာယတနံ နုပ္ပဇ္ဇတိ။ သုဒ္ဓါဝါသေ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ နုပ္ပဇ္ဇိတ္ထ စက္ခာယတနဉ္စ နုပ္ပဇ္ဇတိ။ (စက္ခာယတနမူလကံ)
၈၃. (က) ယဿ ယတ္ထ ဃာနာယတနံ နုပ္ပဇ္ဇတိ တဿ တတ္ထ ရူပါယတနံ နုပ္ပဇ္ဇိတ္ထာတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ တေသံ တတ္ထ ဃာနာယတနံ နုပ္ပဇ္ဇတိ, နော စ တေသံ တတ္ထ ရူပါယတနံ နုပ္ပဇ္ဇိတ္ထ။ သုဒ္ဓါဝါသာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ရူပါယတနံ နုပ္ပဇ္ဇိတ္ထ တဿ တတ္ထ ဃာနာယတနံ နုပ္ပဇ္ဇတီတိ? အာမန္တာ။
(က) ယဿ ယတ္ထ ဃာနာယတနံ နုပ္ပဇ္ဇတိ တဿ တတ္ထ မနာယတနံ နုပ္ပဇ္ဇိတ္ထာတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇတိ, နော စ တေသံ တတ္ထ မနာယတနံ နုပ္ပဇ္ဇိတ္ထ။ သုဒ္ဓါဝါသာနံ အသညသတ္တာနံ တေသံ တတ္ထ ဃာနာယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိတ္ထ တဿ တတ္ထ ဃာနာယတနံ နုပ္ပဇ္ဇတီတိ? အာမန္တာ။
(က) ယဿ ယတ္ထ ဃာနာယတနံ နုပ္ပဇ္ဇတိ တဿ တတ္ထ ဓမ္မာယတနံ နုပ္ပဇ္ဇိတ္ထာတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ တတ္ထ ဃာနာယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ ဃာနာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိတ္ထ တဿ တတ္ထ ဃာနာယတနံ နုပ္ပဇ္ဇတီတိ? အာမန္တာ။ (ဃာနာယတနမူလကံ)
၈၄. (က) ယဿ ယတ္ထ ရူပါယတနံ နုပ္ပဇ္ဇတိ တဿ တတ္ထ မနာယတနံ နုပ္ပဇ္ဇိတ္ထာတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ ရူပါယတနံ နုပ္ပဇ္ဇတိ, နော စ တေသံ တတ္ထ မနာယတနံ နုပ္ပဇ္ဇိတ္ထ။ သုဒ္ဓါဝါသေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ရူပါယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိတ္ထ တဿ တတ္ထ ရူပါယတနံ နုပ္ပဇ္ဇတီတိ?
သုဒ္ဓါဝါသံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ မနာယတနံ နုပ္ပဇ္ဇိတ္ထ, နော စ တေသံ တတ္ထ ရူပါယတနံ နုပ္ပဇ္ဇတိ။ သုဒ္ဓါဝါသေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ မနာယတနဉ္စ နုပ္ပဇ္ဇိတ္ထ ရူပါယတနဉ္စ နုပ္ပဇ္ဇတိ။
(က) ယဿ ယတ္ထ ရူပါယတနံ နုပ္ပဇ္ဇတိ တဿ တတ္ထ ဓမ္မာယတနံ နုပ္ပဇ္ဇိတ္ထာတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ တတ္ထ ရူပါယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ နုပ္ပဇ္ဇိတ္ထ။ သုဒ္ဓါဝါသေ ပရိနိဗ္ဗန္တာနံ တေသံ တတ္ထ ရူပါယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိတ္ထ တဿ တတ္ထ ရူပါယတနံ နုပ္ပဇ္ဇတီတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ ဓမ္မာယတနံ နုပ္ပဇ္ဇိတ္ထ, နော စ တေသံ တတ္ထ ရူပါယတနံ နုပ္ပဇ္ဇတိ။ သုဒ္ဓါဝါသေ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ နုပ္ပဇ္ဇိတ္ထ ရူပါယတနဉ္စ နုပ္ပဇ္ဇတိ။ (ရူပါယတနမူလကံ)
၈၅. (က) ယဿ ယတ္ထ မနာယတနံ နုပ္ပဇ္ဇတိ တဿ တတ္ထ ဓမ္မာယတနံ နုပ္ပဇ္ဇိတ္ထာတိ?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ တတ္ထ မနာယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ နုပ္ပဇ္ဇိတ္ထ။ သုဒ္ဓါဝါသေ ပရိနိဗ္ဗန္တာနံ တေသံ တတ္ထ မနာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိတ္ထ တဿ တတ္ထ မနာယတနံ နုပ္ပဇ္ဇတီတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ ဓမ္မာယတနံ နုပ္ပဇ္ဇိတ္ထ, နော စ တေသံ တတ္ထ မနာယတနံ နုပ္ပဇ္ဇတိ။ သုဒ္ဓါဝါသေ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ နုပ္ပဇ္ဇိတ္ထ မနာယတနဉ္စ နုပ္ပဇ္ဇတိ။ (မနာယတနမူလကံ)
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၈၆. (က) ယဿ စက္ခာယတနံ ဥပ္ပဇ္ဇတိ တဿ သောတာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခာယတနံ ဥပ္ပဇ္ဇတိ, နော စ တေသံ သောတာယတနံ ဥပ္ပဇ္ဇိဿတိ။ ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခာယတနဉ္စ ဥပ္ပဇ္ဇတိ သောတာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန သောတာယတနံ ဥပ္ပဇ္ဇိဿတိ တဿ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ သောတာယတနံ ဥပ္ပဇ္ဇိဿတိ, နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ သောတာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ ဃာနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခာယတနံ ဥပ္ပဇ္ဇတိ, နော စ တေသံ ဃာနာယတနံ ဥပ္ပဇ္ဇိဿတိ။ ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခာယတနဉ္စ ဥပ္ပဇ္ဇတိ ဃာနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ဃာနာယတနံ ဥပ္ပဇ္ဇိဿတိ တဿ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ ဃာနာယတနံ ဥပ္ပဇ္ဇိဿတိ , နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ ဃာနာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ ရူပါယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခာယတနံ ဥပ္ပဇ္ဇတိ, နော စ တေသံ ရူပါယတနံ ဥပ္ပဇ္ဇိဿတိ။ ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခာယတနဉ္စ ဥပ္ပဇ္ဇတိ ရူပါယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ရူပါယတနံ ဥပ္ပဇ္ဇိဿတိ တဿ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ ရူပါယတနံ ဥပ္ပဇ္ဇိဿတိ, နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ ရူပါယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ မနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ စက္ခာယတနံ ဥပ္ပဇ္ဇတိ, နော စ တေသံ မနာယတနံ ဥပ္ပဇ္ဇိဿတိ။ ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခာယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန မနာယတနံ ဥပ္ပဇ္ဇိဿတိ တဿ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ မနာယတနံ ဥပ္ပဇ္ဇိဿတိ, နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ မနာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ စက္ခာယတနံ ဥပ္ပဇ္ဇတိ, နော စ တေသံ ဓမ္မာယတနံ ဥပ္ပဇ္ဇိဿတိ။ ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခာယတနဉ္စ ဥပ္ပဇ္ဇတိ ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ဓမ္မာယတနံ ဥပ္ပဇ္ဇိဿတိ တဿ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇိဿတိ, နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇတိ။ (စက္ခာယတနမူလကံ)
၈၇. (က) ယဿ ဃာနာယတနံ ဥပ္ပဇ္ဇတိ တဿ ရူပါယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ဃာနာယတနံ ဥပ္ပဇ္ဇတိ, နော စ တေသံ ရူပါယတနံ ဥပ္ပဇ္ဇိဿတိ။ ဣတရေသံ သဃာနကာနံ ဥပပဇ္ဇန္တာနံ တေသံ ဃာနာယတနဉ္စ ဥပ္ပဇ္ဇတိ ရူပါယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ရူပါယတနံ ဥပ္ပဇ္ဇိဿတိ တဿ ဃာနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ရူပါယတနံ ဥပ္ပဇ္ဇိဿတိ, နော စ တေသံ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ ရူပါယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇတိ။
(က) ယဿ ဃာနာယတနံ ဥပ္ပဇ္ဇတိ တဿ မနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ ဃာနာယတနံ ဥပ္ပဇ္ဇတိ, နော စ တေသံ မနာယတနံ ဥပ္ပဇ္ဇိဿတိ။ ဣတရေသံ သဃာနကာနံ ဥပပဇ္ဇန္တာနံ တေသံ ဃာနာယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန မနာယတနံ ဥပ္ပဇ္ဇိဿတိ တဿ ဃာနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ မနာယတနံ ဥပ္ပဇ္ဇိဿတိ, နော စ တေသံ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ မနာယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇတိ။
(က) ယဿ ဃာနာယတနံ ဥပ္ပဇ္ဇတိ တဿ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ ဃာနာယတနံ ဥပ္ပဇ္ဇတိ , နော စ တေသံ ဓမ္မာယတနံ ဥပ္ပဇ္ဇိဿတိ။ ဣတရေသံ သဃာနကာနံ ဥပပဇ္ဇန္တာနံ တေသံ ဃာနာယတနဉ္စ ဥပ္ပဇ္ဇတိ ဓမ္မာယတနဉ္စ ဥပ္ပဇ္ဇိဿတိ ။
(ခ) ယဿ ဝါ ပန ဓမ္မာယတနံ ဥပ္ပဇ္ဇိဿတိ တဿ ဃာနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇိဿတိ, နော စ တေသံ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇတိ။ (ဃာနာယတနမူလကံ)
၈၈. (က) ယဿ ရူပါယတနံ ဥပ္ပဇ္ဇတိ တဿ မနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ ရူပါယတနံ ဥပ္ပဇ္ဇတိ, နော စ တေသံ မနာယတနံ ဥပ္ပဇ္ဇိဿတိ။ ဣတရေသံ သရူပကာနံ ဥပပဇ္ဇန္တာနံ တေသံ ရူပါယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန မနာယတနံ ဥပ္ပဇ္ဇိဿတိ တဿ ရူပါယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ မနာယတနံ ဥပ္ပဇ္ဇိဿတိ, နော စ တေသံ ရူပါယတနံ ဥပ္ပဇ္ဇတိ ။ သရူပကာနံ ဥပပဇ္ဇန္တာနံ တေသံ မနာယတနဉ္စ ဥပ္ပဇ္ဇိဿတိ ရူပါယတနဉ္စ ဥပ္ပဇ္ဇတိ။
(က) ယဿ ရူပါယတနံ ဥပ္ပဇ္ဇတိ တဿ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ ရူပါယတနံ ဥပ္ပဇ္ဇတိ, နော စ တေသံ ဓမ္မာယတနံ ဥပ္ပဇ္ဇိဿတိ။ ဣတရေသံ သရူပကာနံ ဥပပဇ္ဇန္တာနံ တေသံ ရူပါယတနဉ္စ ဥပ္ပဇ္ဇတိ ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ဓမ္မာယတနံ ဥပ္ပဇ္ဇိဿတိ တဿ ရူပါယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇိဿတိ, နော စ တေသံ ရူပါယတနံ ဥပ္ပဇ္ဇတိ။ သရူပကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇိဿတိ ရူပါယတနဉ္စ ဥပ္ပဇ္ဇတိ။ (ရူပါယတနမူလကံ)
၈၉. (က) ယဿ မနာယတနံ ဥပ္ပဇ္ဇတိ တဿ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ မနာယတနံ ဥပ္ပဇ္ဇတိ, နော စ တေသံ ဓမ္မာယတနံ ဥပ္ပဇ္ဇိဿတိ။ ဣတရေသံ သစိတ္တကာနံ ဥပပဇ္ဇန္တာနံ တေသံ မနာယတနဉ္စ ဥပ္ပဇ္ဇတိ, ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ဓမ္မာယတနံ ဥပ္ပဇ္ဇိဿတိ တဿ မနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ ဓမ္မာယတနံ ဥပ္ပဇ္ဇိဿတိ, နော စ တေသံ မနာယတနံ ဥပ္ပဇ္ဇတိ။ သစိတ္တကာနံ ဥပပဇ္ဇန္တာနံ တေသံ ဓမ္မာယတနဉ္စ ဥပ္ပဇ္ဇိဿတိ မနာယတနဉ္စ ဥပ္ပဇ္ဇတိ။
(ခ) အနုလောမဩကာသော
၉၀. ယတ္ထ စက္ခာယတနံ ဥပ္ပဇ္ဇတိ။ပေ.။။
(ဂ) အနုလောမပုဂ္ဂလောကာသာ
၉၁. (က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ သောတာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ သောတာယတနံ ဥပ္ပဇ္ဇိဿတိ။ ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ သောတာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ သောတာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ သောတာယတနံ ဥပ္ပဇ္ဇိဿတိ, နော စ တေသံ တတ္ထ စက္ခာယတနံ ဥပ္ပဇ္ဇတိ ။ သစက္ခုကာနံ ဥပပဇ္ဇန္တာနံ တေသံ တတ္ထ သောတာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ ဃာနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ရူပါဝစရံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ ဃာနာယတနံ ဥပ္ပဇ္ဇိဿတိ။ ဣတရေသံ သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ ဃာနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဃာနာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇတီတိ?
ကာမာဝစရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနာယတနံ ဥပ္ပဇ္ဇိဿတိ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ ရူပါယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ ရူပါယတနံ ဥပ္ပဇ္ဇိဿတိ။ ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ ရူပါယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ရူပါယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အသညသတ္တာနံ တေသံ တတ္ထ ရူပါယတနံ ဥပ္ပဇ္ဇိဿတိ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ ရူပါယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ မနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ မနာယတနံ ဥပ္ပဇ္ဇိဿတိ။ ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အရူပါနံ တေသံ တတ္ထ မနာယတနံ ဥပ္ပဇ္ဇိဿတိ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ မနာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ ဓမ္မာယတနံ ဥပ္ပဇ္ဇိဿတိ။ ဣတရေသံ သစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ တတ္ထ ဓမ္မာယတနံ ဥပ္ပဇ္ဇိဿတိ , နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇတိ။ (စက္ခာယတနမူလကံ)
၉၂. (က) ယဿ ယတ္ထ ဃာနာယတနံ ဥပ္ပဇ္ဇတိ တဿ တတ္ထ ရူပါယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနာယတနံ ဥပ္ပဇ္ဇတိ , နော စ တေသံ တတ္ထ ရူပါယတနံ ဥပ္ပဇ္ဇိဿတိ။ ဣတရေသံ သဃာနကာနံ ဥပပဇ္ဇန္တာနံ တေသံ တတ္ထ ဃာနာယတနဉ္စ ဥပ္ပဇ္ဇတိ ရူပါယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ရူပါယတနံ ဥပ္ပဇ္ဇိဿတိ တဿ တတ္ထ ဃာနာယတနံ ဥပ္ပဇ္ဇတီတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ တေသံ တတ္ထ ရူပါယတနံ ဥပ္ပဇ္ဇိဿတိ, နော စ တေသံ တတ္ထ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ တတ္ထ ရူပါယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇတိ။
(က) ယဿ ယတ္ထ ဃာနာယတနံ ဥပ္ပဇ္ဇတိ တဿ တတ္ထ မနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနာယတနံ ဥပ္ပဇ္ဇတိ, နော စ တေသံ တတ္ထ မနာယတနံ ဥပ္ပဇ္ဇိဿတိ။ ဣတရေသံ သဃာနကာနံ ဥပပဇ္ဇန္တာနံ တေသံ တတ္ထ ဃာနာယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိဿတိ တဿ တတ္ထ ဃာနာယတနံ ဥပ္ပဇ္ဇတီတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ အရူပါဝစရာနံ တေသံ တတ္ထ မနာယတနံ ဥပ္ပဇ္ဇိဿတိ, နော စ တေသံ တတ္ထ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ တတ္ထ မနာယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇတိ။
(က) ယဿ ယတ္ထ ဃာနာယတနံ ဥပ္ပဇ္ဇတိ တဿ တတ္ထ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနာယတနံ ဥပ္ပဇ္ဇတိ, နော စ တေသံ တတ္ထ ဓမ္မာယတနံ ဥပ္ပဇ္ဇိဿတိ။ ဣတရေသံ သဃာနကာနံ ဥပပဇ္ဇန္တာနံ တေသံ တတ္ထ ဃာနာယတနဉ္စ ဥပ္ပဇ္ဇတိ ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ ဃာနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇတိ။ (ဃာနာယတနမူလကံ)
၉၃. (က) ယဿ ယတ္ထ ရူပါယတနံ ဥပ္ပဇ္ဇတိ တဿ တတ္ထ မနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ ရူပါယတနံ ဥပ္ပဇ္ဇတိ, နော စ တေသံ တတ္ထ မနာယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ရူပါယတနဉ္စ ဥပ္ပဇ္ဇတိ မနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိဿတိ တဿ တတ္ထ ရူပါယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ မနာယတနံ ဥပ္ပဇ္ဇိဿတိ , နော စ တေသံ တတ္ထ ရူပါယတနံ ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ တေသံ တတ္ထ မနာယတနဉ္စ ဥပ္ပဇ္ဇိဿတိ ရူပါယတနဉ္စ ဥပ္ပဇ္ဇတိ။
(က) ယဿ ယတ္ထ ရူပါယတနံ ဥပ္ပဇ္ဇတိ တဿ တတ္ထ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ရူပါယတနံ ဥပ္ပဇ္ဇတိ, နော စ တေသံ တတ္ထ ဓမ္မာယတနံ ဥပ္ပဇ္ဇိဿတိ။ ဣတရေသံ သရူပကာနံ ဥပပဇ္ဇန္တာနံ တေသံ တတ္ထ ရူပါယတနဉ္စ ဥပ္ပဇ္ဇတိ ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ ရူပါယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ ရူပါယတနံ ဥပ္ပဇ္ဇတိ။ သရူပကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ ရူပါယတနဉ္စ ဥပ္ပဇ္ဇတိ။ (ရူပါယတနမူလကံ)
၉၄. (က) ယဿ ယတ္ထ မနာယတနံ ဥပ္ပဇ္ဇတိ တဿ တတ္ထ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ တတ္ထ မနာယတနံ ဥပ္ပဇ္ဇတိ, နော စ တေသံ တတ္ထ ဓမ္မာယတနံ ဥပ္ပဇ္ဇိဿတိ။ ဣတရေသံ သစိတ္တကာနံ ဥပပဇ္ဇန္တာနံ တေသံ တတ္ထ မနာယတနဉ္စ ဥပ္ပဇ္ဇတိ ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ မနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ မနာယတနံ ဥပ္ပဇ္ဇတိ။ သစိတ္တကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ မနာယတနဉ္စ ဥပ္ပဇ္ဇတိ။ (မနာယတနမူလကံ)
(ဃ) ပစ္စနီကပုဂ္ဂလော
၉၅. (က) ယဿ စက္ခာယတနံ နုပ္ပဇ္ဇတိ တဿ သောတာယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ သောတာယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနဉ္စ နုပ္ပဇ္ဇတိ သောတာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန သောတာယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ သောတာယတနံ နုပ္ပဇ္ဇိဿတိ, နော စ တေသံ စက္ခာယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ သောတာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ ဃာနာယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ဃာနာယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနဉ္စ နုပ္ပဇ္ဇတိ ဃာနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ဃာနာယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ဃာနာယတနံ နုပ္ပဇ္ဇိဿတိ, နော စ တေသံ စက္ခာယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ ရူပါယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ရူပါယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ရူပါယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ရူပါယတနံ နုပ္ပဇ္ဇိဿတိ, နော စ တေသံ စက္ခာယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ရူပါယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ မနာယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ မနာယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ စက္ခာယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန မနာယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ မနာယတနံ နုပ္ပဇ္ဇိဿတိ, နော စ တေသံ စက္ခာယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ မနာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ ဓမ္မာယတနံ နုပ္ပဇ္ဇိဿတီတိ ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ဓမ္မာယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ စက္ခာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ဓမ္မာယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ ဓမ္မာယတနံ နုပ္ပဇ္ဇိဿတိ, နော စ တေသံ စက္ခာယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ ဓမ္မာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇတိ။ (စက္ခာယတနမူလကံ)
၉၆. (က) ယဿ ဃာနာယတနံ နုပ္ပဇ္ဇတိ တဿ ရူပါယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ ရူပါယတနံ နုပ္ပဇ္ဇိဿတိ။ ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ရူပါယတနံ နုပ္ပဇ္ဇိဿတိ တဿ ဃာနာယတနံ နုပ္ပဇ္ဇတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ရူပါယတနံ နုပ္ပဇ္ဇိဿတိ, နော စ တေသံ ဃာနာယတနံ နုပ္ပဇ္ဇတိ။ ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ရူပါယတနဉ္စ နုပ္ပဇ္ဇိဿတိ ဃာနာယတနဉ္စ နုပ္ပဇ္ဇတိ။
ယဿ ဃာနာယတနံ နုပ္ပဇ္ဇတိ တဿ မနာယတနံ။ပေ.။ ဓမ္မာယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ ဓမ္မာယတနံ နုပ္ပဇ္ဇိဿတိ။ ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ တေသံ ဃာနာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိဿတိ။
ယဿ ဝါ ပန ဓမ္မာယတနံ နုပ္ပဇ္ဇိဿတိ တဿ ဃာနာယတနံ နုပ္ပဇ္ဇတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ ဓမ္မာယတနံ နုပ္ပဇ္ဇိဿတိ, နော စ တေသံ ဃာနာယတနံ နုပ္ပဇ္ဇတိ။ ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ တေသံ ဓမ္မာယတနဉ္စ နုပ္ပဇ္ဇိဿတိ ဃာနာယတနဉ္စ နုပ္ပဇ္ဇတိ။ (ဃာနာယတနမူလကံ)
၉၇. ယဿ ရူပါယတနံ နုပ္ပဇ္ဇတိ တဿ မနာယတနံ။ပေ.။ ဓမ္မာယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ ရူပါယတနံ နုပ္ပဇ္ဇတိ, နော စ တေသံ ဓမ္မာယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ ရူပါယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိဿတိ။
ယဿ ဝါ ပန ဓမ္မာယတနံ နုပ္ပဇ္ဇိဿတိ တဿ ရူပါယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ ဓမ္မာယတနံ နုပ္ပဇ္ဇိဿတိ, နော စ တေသံ ရူပါယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ ဓမ္မာယတနဉ္စ နုပ္ပဇ္ဇိဿတိ ရူပါယတနဉ္စ နုပ္ပဇ္ဇတိ။ (ရူပါယတနမူလကံ)
၉၈. (က) ယဿ မနာယတနံ နုပ္ပဇ္ဇတိ တဿ ဓမ္မာယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ မနာယတနံ နုပ္ပဇ္ဇတိ, နော စ တေသံ ဓမ္မာယတနံ နုပ္ပဇ္ဇိဿတိ။ ပရိနိဗ္ဗန္တာနံ တေသံ မနာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ဓမ္မာယတနံ နုပ္ပဇ္ဇိဿတိ တဿ မနာယတနံ နုပ္ပဇ္ဇတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ ဓမ္မာယတနံ နုပ္ပဇ္ဇိဿတိ, နော စ တေသံ မနာယတနံ နုပ္ပဇ္ဇတိ။ ပရိနိဗ္ဗန္တာနံ တေသံ ဓမ္မာယတနဉ္စ နုပ္ပဇ္ဇိဿတိ မနာယတနဉ္စ နုပ္ပဇ္ဇတိ။ (မနာယတနမူလကံ)
(င) ပစ္စနီကဩကာသော
၉၉. ယတ္ထ စက္ခာယတနံ နုပ္ပဇ္ဇတိ။ပေ.။။
(စ) ပစ္စနီကပုဂ္ဂလောကာသာ
၁၀၀. (က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ သောတာယတနံ နုပ္ပဇ္ဇိဿတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ သောတာယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇတိ သောတာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ သောတာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ သောတာယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အသညသတ္တာနံ အရူပါနံ တေသံ တတ္ထ သောတာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇတိ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ ဃာနာယတနံ နုပ္ပဇ္ဇိဿတီတိ?
ကာမာဝစရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ ဃာနာယတနံ နုပ္ပဇ္ဇိဿတိ။ ကာမာဝစရေ ပရိနိဗ္ဗန္တာနံ ရူပါဝစရာ စဝန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇတိ ဃာနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဃာနာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ရူပါဝစရံ ဥပပဇ္ဇန္တာနံ တေသံ တတ္ထ ဃာနာယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇတိ။ ကာမာဝစရေ ပရိနိဗ္ဗန္တာနံ ရူပါဝစရာ စဝန္တာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇတိ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ ရူပါယတနံ နုပ္ပဇ္ဇိဿတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အသညသတ္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ ရူပါယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ရူပါယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ရူပါယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပါနံ တေသံ တတ္ထ ရူပါယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇတိ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ မနာယတနံ နုပ္ပဇ္ဇိဿတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အရူပါနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ မနာယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ အသညသတ္တာနံ တေသံ တတ္ထ စက္ခာယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ မနာယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ အသညသတ္တာနံ တေသံ တတ္ထ မနာယတနံ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇတိ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ ဓမ္မာယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ တတ္ထ စက္ခာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ဓမ္မာယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ တတ္ထ ဓမ္မာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇတိ။ (စက္ခာယတနမူလကံ)
၁၀၁. (က) ယဿ ယတ္ထ ဃာနာယတနံ နုပ္ပဇ္ဇတိ တဿ တတ္ထ ရူပါယတနံ နုပ္ပဇ္ဇိဿတီတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ တေသံ တတ္ထ ဃာနာယတနံ နုပ္ပဇ္ဇတိ, နော စ တေသံ တတ္ထ ရူပါယတနံ နုပ္ပဇ္ဇိဿတိ။ ကာမာဝစရေ ပရိနိဗ္ဗန္တာနံ ရူပါဝစရေ ပစ္ဆိမဘဝိကာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇတိ ရူပါယတနဉ္စ နုပ္ပဇ္ဇိဿတိ ။
(ခ) ယဿ ဝါ ပန ယတ္ထ ရူပါယတနံ နုပ္ပဇ္ဇိဿတိ တဿ တတ္ထ ဃာနာယတနံ နုပ္ပဇ္ဇတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ တတ္ထ ရူပါယတနံ နုပ္ပဇ္ဇိဿတိ, နော စ တေသံ တတ္ထ ဃာနာယတနံ နုပ္ပဇ္ဇတိ။ ကာမာဝစရေ ပရိနိဗ္ဗန္တာနံ ရူပါဝစရေ ပစ္ဆိမဘဝိကာနံ အရူပါနံ တေသံ တတ္ထ ရူပါယတနဉ္စ နုပ္ပဇ္ဇိဿတိ ဃာနာယတနဉ္စ နုပ္ပဇ္ဇတိ။
(က) ယဿ ယတ္ထ ဃာနာယတနံ နုပ္ပဇ္ဇတိ တဿ တတ္ထ မနာယတနံ နုပ္ပဇ္ဇိဿတီတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇတိ, နော စ တေသံ တတ္ထ မနာယတနံ နုပ္ပဇ္ဇိဿတိ။ ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ အသညသတ္တာနံ တေသံ တတ္ထ ဃာနာယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိဿတိ တဿ တတ္ထ ဃာနာယတနံ နုပ္ပဇ္ဇတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ တတ္ထ မနာယတနံ နုပ္ပဇ္ဇိဿတိ, နော စ တေသံ တတ္ထ ဃာနာယတနံ နုပ္ပဇ္ဇတိ။ ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ အသညသတ္တာနံ တေသံ တတ္ထ မနာယတနဉ္စ နုပ္ပဇ္ဇိဿတိ ဃာနာယတနဉ္စ နုပ္ပဇ္ဇတိ။
(က) ယဿ ယတ္ထ ဃာနာယတနံ နုပ္ပဇ္ဇတိ တဿ တတ္ထ ဓမ္မာယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ တတ္ထ ဃာနာယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ တေသံ တတ္ထ ဃာနာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ ဃာနာယတနံ နုပ္ပဇ္ဇတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ တတ္ထ ဓမ္မာယတနံ နုပ္ပဇ္ဇိဿတိ, နော စ တေသံ တတ္ထ ဃာနာယတနံ နုပ္ပဇ္ဇတိ။ ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ တေသံ တတ္ထ ဓမ္မာယတနဉ္စ နုပ္ပဇ္ဇိဿတိ ဃာနာယတနဉ္စ နုပ္ပဇ္ဇတိ။ (ဃာနာယတနမူလကံ)
၁၀၂. (က) ယဿ ယတ္ထ ရူပါယတနံ နုပ္ပဇ္ဇတိ တဿ တတ္ထ မနာယတနံ နုပ္ပဇ္ဇိဿတီတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ ရူပါယတနံ နုပ္ပဇ္ဇတိ, နော စ တေသံ တတ္ထ မနာယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ အသညသတ္တာ စဝန္တာနံ တေသံ တတ္ထ ရူပါယတနဉ္စ နုပ္ပဇ္ဇတိ မနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိဿတိ တဿ တတ္ထ ရူပါယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ မနာယတနံ နုပ္ပဇ္ဇိဿတိ, နော စ တေသံ တတ္ထ ရူပါယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ အသညသတ္တာ စဝန္တာနံ တေသံ တတ္ထ မနာယတနဉ္စ နုပ္ပဇ္ဇိဿတိ ရူပါယတနဉ္စ နုပ္ပဇ္ဇတိ။
(က) ယဿ ယတ္ထ ရူပါယတနံ နုပ္ပဇ္ဇတိ တဿ တတ္ထ ဓမ္မာယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ တတ္ထ ရူပါယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ တတ္ထ ရူပါယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ ရူပါယတနံ နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ဓမ္မာယတနံ နုပ္ပဇ္ဇိဿတိ, နော စ တေသံ တတ္ထ ရူပါယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ တတ္ထ ဓမ္မာယတနဉ္စ နုပ္ပဇ္ဇိဿတိ ရူပါယတနဉ္စ နုပ္ပဇ္ဇတိ။ (ရူပါယတနမူလကံ)
၁၀၃. (က) ယဿ ယတ္ထ မနာယတနံ နုပ္ပဇ္ဇတိ တဿ တတ္ထ ဓမ္မာယတနံ နုပ္ပဇ္ဇိဿတီတိ?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ တတ္ထ မနာယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ ပရိနိဗ္ဗန္တာနံ တေသံ တတ္ထ မနာယတနဉ္စ နုပ္ပဇ္ဇတိ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ မနာယတနံ နုပ္ပဇ္ဇတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ တတ္ထ ဓမ္မာယတနံ နုပ္ပဇ္ဇိဿတိ, နော စ တေသံ တတ္ထ မနာယတနံ နုပ္ပဇ္ဇတိ။ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ နုပ္ပဇ္ဇိဿတိ မနာယတနဉ္စ နုပ္ပဇ္ဇတိ။ (မနာယတနမူလကံ)
(၆) အတီတာနာဂတဝါရော
(က) အနုလောမပုဂ္ဂလော
၁၀၄. (က) ယဿ စက္ခာယတနံ ဥပ္ပဇ္ဇိတ္ထ တဿ သောတာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စက္ခာယတနံ ဥပ္ပဇ္ဇိတ္ထ, နော စ တေသံ သောတာယတနံ ဥပ္ပဇ္ဇိဿတိ။ ဣတရေသံ တေသံ စက္ခာယတနဉ္စ ဥပ္ပဇ္ဇိတ္ထ သောတာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန သောတာယတနံ ဥပ္ပဇ္ဇိဿတိ တဿ စက္ခာယတနံ ဥပ္ပဇ္ဇိတ္ထာတိ ? အာမန္တာ။
(က) ယဿ စက္ခာယတနံ ဥပ္ပဇ္ဇိတ္ထ တဿ ဃာနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စက္ခာယတနံ ဥပ္ပဇ္ဇိတ္ထ, နော စ တေသံ ဃာနာယတနံ ဥပ္ပဇ္ဇိဿတိ။ ဣတရေသံ တေသံ စက္ခာယတနဉ္စ ဥပ္ပဇ္ဇိတ္ထ ဃာနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန။ပေ.။ ဥပ္ပဇ္ဇိတ္ထာတိ? အာမန္တာ။
(က) ယဿ စက္ခာယတနံ ဥပ္ပဇ္ဇိတ္ထ တဿ ရူပါယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စက္ခာယတနံ ဥပ္ပဇ္ဇိတ္ထ, နော စ တေသံ ရူပါယတနံ ဥပ္ပဇ္ဇိဿတိ။ ဣတရေသံ တေသံ စက္ခာယတနဉ္စ ဥပ္ပဇ္ဇိတ္ထ ရူပါယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန။ပေ.။ ဥပ္ပဇ္ဇိတ္ထာတိ? အာမန္တာ။
ယဿ စက္ခာယတနံ ဥပ္ပဇ္ဇိတ္ထ တဿ မနာယတနံ။ပေ.။ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ တေသံ စက္ခာယတနံ ဥပ္ပဇ္ဇိတ္ထ, နော စ တေသံ ဓမ္မာယတနံ ဥပ္ပဇ္ဇိဿတိ။ ဣတရေသံ တေသံ စက္ခာယတနဉ္စ ဥပ္ပဇ္ဇိတ္ထ ဓမ္မာယတနဉ္စ ဥပ္ပဇ္ဇိဿတိ။ ယဿ ဝါ ပန။ပေ.။ ဥပ္ပဇ္ဇိတ္ထာတိ? အာမန္တာ။ (စက္ခာယတနမူလကံ)
၁၀၅. (က) ယဿ ဃာနာယတနံ ဥပ္ပဇ္ဇိတ္ထ တဿ ရူပါယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဃာနာယတနံ ဥပ္ပဇ္ဇိတ္ထ, နော စ တေသံ ရူပါယတနံ ဥပ္ပဇ္ဇိဿတိ။ ဣတရေသံ တေသံ ဃာနာယတနဉ္စ ဥပ္ပဇ္ဇိတ္ထ ရူပါယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန။ပေ.။ ဥပ္ပဇ္ဇိတ္ထာတိ? အာမန္တာ။
ယဿ ဃာနာယတနံ ဥပ္ပဇ္ဇိတ္ထ တဿ မနာယတနံ။ပေ.။ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ တေသံ ဃာနာယတနံ ဥပ္ပဇ္ဇိတ္ထ, နော စ တေသံ ဓမ္မာယတနံ ဥပ္ပဇ္ဇိဿတိ။ ဣတရေသံ တေသံ ဃာနာယတနဉ္စ ဥပ္ပဇ္ဇိတ္ထ ဓမ္မာယတနဉ္စ ဥပ္ပဇ္ဇိဿတိ။
ယဿ ဝါ ပန ဓမ္မာယတနံ။ပေ.။ ဥပ္ပဇ္ဇိတ္ထာတိ? အာမန္တာ။
၁၀၆. ယဿ ရူပါယတနံ ဥပ္ပဇ္ဇိတ္ထ တဿ မနာယတနံ။ပေ.။ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ တေသံ ရူပါယတနံ ဥပ္ပဇ္ဇိတ္ထ, နော စ တေသံ ဓမ္မာယတနံ ဥပ္ပဇ္ဇိဿတိ။ ဣတရေသံ တေသံ ရူပါယတနဉ္စ ဥပ္ပဇ္ဇိတ္ထ ဓမ္မာယတနဉ္စ ဥပ္ပဇ္ဇိဿတိ။
ယဿ ဝါ ပန။ပေ.။ ဥပ္ပဇ္ဇိတ္ထာတိ? အာမန္တာ။
၁၀၇. (က) ယဿ မနာယတနံ ဥပ္ပဇ္ဇိတ္ထ တဿ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ တေသံ မနာယတနံ ဥပ္ပဇ္ဇိတ္ထ, နော စ တေသံ ဓမ္မာယတနံ ဥပ္ပဇ္ဇိဿတိ။ ဣတရေသံ တေသံ မနာယတနဉ္စ ဥပ္ပဇ္ဇိတ္ထ ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ဓမ္မာယတနံ ဥပ္ပဇ္ဇိဿတိ တဿ မနာယတနံ ဥပ္ပဇ္ဇိတ္ထာတိ? အာမန္တာ။
(ခ) အနုလောမဩကာသော
၁၀၈. ယတ္ထ စက္ခာယတနံ ဥပ္ပဇ္ဇိတ္ထ။ပေ.။။
(ဂ) အနုလောမပုဂ္ဂလောကာသာ
၁၀၉. (က) ယဿ ယတ္ထ စက္ခာယတနံ ဥပ္ပဇ္ဇိတ္ထ တဿ တတ္ထ သောတာယတနံ ဥပ္ပဇ္ဇိဿတီတိ?
ပဉ္စဝေါကာရေ ပစ္ဆိမဘဝိကာနံ တေသံ တတ္ထ စက္ခာယတနံ ဥပ္ပဇ္ဇိတ္ထ, နော စ တေသံ တတ္ထ သောတာယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ စက္ခာယတနဉ္စ ဥပ္ပဇ္ဇိတ္ထ သောတာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ သောတာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇိတ္ထာတိ? အာမန္တာ။
(က) ယဿ ယတ္ထ စက္ခာယတနံ ဥပ္ပဇ္ဇိတ္ထ တဿ တတ္ထ ဃာနာယတနံ ဥပ္ပဇ္ဇိဿတီတိ?
ကာမာဝစရေ ပစ္ဆိမဘဝိကာနံ ရူပါဝစရာနံ တေသံ တတ္ထ စက္ခာယတနံ ဥပ္ပဇ္ဇိတ္ထ, နော စ တေသံ တတ္ထ ဃာနာယတနံ ဥပ္ပဇ္ဇိဿတိ။ ဣတရေသံ ကာမာဝစရာနံ တေသံ တတ္ထ စက္ခာယတနဉ္စ ဥပ္ပဇ္ဇိတ္ထ ဃာနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ။ပေ.။ ဥပ္ပဇ္ဇိတ္ထာတိ? အာမန္တာ။
(က) ယဿ ယတ္ထ စက္ခာယတနံ ဥပ္ပဇ္ဇိတ္ထ တဿ တတ္ထ ရူပါယတနံ ဥပ္ပဇ္ဇိဿတီတိ?
ပဉ္စဝေါကာရေ ပစ္ဆိမဘဝိကာနံ တေသံ တတ္ထ စက္ခာယတနံ ဥပ္ပဇ္ဇိတ္ထ, နော စ တေသံ တတ္ထ ရူပါယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ စက္ခာယတနဉ္စ ဥပ္ပဇ္ဇိတ္ထ ရူပါယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ရူပါယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇိတ္ထာတိ ?
အသညသတ္တာနံ တေသံ တတ္ထ ရူပါယတနံ ဥပ္ပဇ္ဇိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ ရူပါယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇိတ္ထ။
(က) ယဿ ယတ္ထ စက္ခာယတနံ ဥပ္ပဇ္ဇိတ္ထ တဿ တတ္ထ မနာယတနံ ဥပ္ပဇ္ဇိဿတီတိ?
ပဉ္စဝေါကာရေ ပစ္ဆိမဘဝိကာနံ တေသံ တတ္ထ စက္ခာယတနံ ဥပ္ပဇ္ဇိတ္ထ, နော စ တေသံ တတ္ထ မနာယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ စက္ခာယတနဉ္စ ဥပ္ပဇ္ဇိတ္ထ မနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇိတ္ထာတိ?
အရူပါနံ တေသံ တတ္ထ မနာယတနံ ဥပ္ပဇ္ဇိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ မနာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇိတ္ထ။
(က) ယဿ ယတ္ထ စက္ခာယတနံ ဥပ္ပဇ္ဇိတ္ထ တဿ တတ္ထ ဓမ္မာယတနံ ဥပ္ပဇ္ဇိဿတီတိ?
ပဉ္စဝေါကာရေ ပစ္ဆိမဘဝိကာနံ တေသံ တတ္ထ စက္ခာယတနံ ဥပ္ပဇ္ဇိတ္ထ, နော စ တေသံ တတ္ထ ဓမ္မာယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ စက္ခာယတနဉ္စ ဥပ္ပဇ္ဇိတ္ထ ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ စက္ခာယတနံ ဥပ္ပဇ္ဇိတ္ထာတိ?
အသညသတ္တာနံ အရူပါနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ စက္ခာယတနဉ္စ ဥပ္ပဇ္ဇိတ္ထ။ (စက္ခာယတနမူလကံ)
၁၁၀. (က) ယဿ ယတ္ထ ဃာနာယတနံ ဥပ္ပဇ္ဇိတ္ထ တဿ တတ္ထ ရူပါယတနံ ဥပ္ပဇ္ဇိဿတီတိ ?
ကာမာဝစရေ ပစ္ဆိမဘဝိကာနံ တေသံ တတ္ထ ဃာနာယတနံ ဥပ္ပဇ္ဇိတ္ထ, နော စ တေသံ တတ္ထ ရူပါယတနံ ဥပ္ပဇ္ဇိဿတိ။ ဣတရေသံ ကာမာဝစရာနံ တေသံ တတ္ထ ဃာနာယတနဉ္စ ဥပ္ပဇ္ဇိတ္ထ ရူပါယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ရူပါယတနံ ဥပ္ပဇ္ဇိဿတိ တဿ တတ္ထ ဃာနာယတနံ ဥပ္ပဇ္ဇိတ္ထာတိ?
ရူပါဝစရာနံ တေသံ တတ္ထ ရူပါယတနံ ဥပ္ပဇ္ဇိဿတိ, နော စ တေသံ တတ္ထ ဃာနာယတနံ ဥပ္ပဇ္ဇိတ္ထ။ ကာမာဝစရာနံ တေသံ တတ္ထ ရူပါယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇိတ္ထ။
ယဿ ယတ္ထ ဃာနာယတနံ ဥပ္ပဇ္ဇိတ္ထ တဿ တတ္ထ မနာယတနံ။ပေ.။ ဓမ္မာယတနံ ဥပ္ပဇ္ဇိဿတီတိ?
ကာမာဝစရေ ပစ္ဆိမဘဝိကာနံ တေသံ တတ္ထ ဃာနာယတနံ ဥပ္ပဇ္ဇိတ္ထ, နော စ တေသံ တတ္ထ ဓမ္မာယတနံ ဥပ္ပဇ္ဇိဿတိ။ ဣတရေသံ ကာမာဝစရာနံ တေသံ တတ္ထ ဃာနာယတနဉ္စ ဥပ္ပဇ္ဇိတ္ထ ဓမ္မာယတနဉ္စ ဥပ္ပဇ္ဇိဿတိ။
ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ ဃာနာယတနံ ဥပ္ပဇ္ဇိတ္ထာတိ?
ရူပါဝစရာနံ အရူပါဝစရာနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ ဃာနာယတနံ ဥပ္ပဇ္ဇိတ္ထ။ ကာမာဝစရာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ ဃာနာယတနဉ္စ ဥပ္ပဇ္ဇိတ္ထ။ (ဃာနာယတနမူလကံ)
၁၁၁. (က) ယဿ ယတ္ထ ရူပါယတနံ ဥပ္ပဇ္ဇိတ္ထ တဿ တတ္ထ မနာယတနံ ဥပ္ပဇ္ဇိဿတီတိ?
ပဉ္စဝေါကာရေ ပစ္ဆိမဘဝိကာနံ အသညသတ္တာနံ တေသံ တတ္ထ ရူပါယတနံ ဥပ္ပဇ္ဇိတ္ထ, နော စ တေသံ တတ္ထ မနာယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ ရူပါယတနဉ္စ ဥပ္ပဇ္ဇိတ္ထ မနာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ ဥပ္ပဇ္ဇိဿတိ တဿ တတ္ထ ရူပါယတနံ ဥပ္ပဇ္ဇိတ္ထာတိ?
အရူပါနံ တေသံ တတ္ထ မနာယတနံ ဥပ္ပဇ္ဇိဿတိ, နော စ တေသံ တတ္ထ ရူပါယတနံ ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ မနာယတနဉ္စ ဥပ္ပဇ္ဇိဿတိ ရူပါယတနဉ္စ ဥပ္ပဇ္ဇိတ္ထ။
(က) ယဿ ယတ္ထ ရူပါယတနံ ဥပ္ပဇ္ဇိတ္ထ တဿ တတ္ထ ဓမ္မာယတနံ ဥပ္ပဇ္ဇိဿတီတိ?
ပဉ္စဝေါကာရေ ပစ္ဆိမဘဝိကာနံ တေသံ တတ္ထ ရူပါယတနံ ဥပ္ပဇ္ဇိတ္ထ, နော စ တေသံ တတ္ထ ဓမ္မာယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ အသညသတ္တာနံ တေသံ တတ္ထ ရူပါယတနဉ္စ ဥပ္ပဇ္ဇိတ္ထ ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ ရူပါယတနံ ဥပ္ပဇ္ဇိတ္ထာတိ?
အရူပါနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ ရူပါယတနံ ဥပ္ပဇ္ဇိတ္ထ။ ပဉ္စဝေါကာရာနံ အသညသတ္တာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ ရူပါယတနဉ္စ ဥပ္ပဇ္ဇိတ္ထ။ (ရူပါယတနမူလကံ)
၁၁၂. (က) ယဿ ယတ္ထ မနာယတနံ ဥပ္ပဇ္ဇိတ္ထ တဿ တတ္ထ ဓမ္မာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ တေသံ တတ္ထ မနာယတနံ ဥပ္ပဇ္ဇိတ္ထ, နော စ တေသံ တတ္ထ ဓမ္မာယတနံ ဥပ္ပဇ္ဇိဿတိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ မနာယတနဉ္စ ဥပ္ပဇ္ဇိတ္ထ ဓမ္မာယတနဉ္စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ ဥပ္ပဇ္ဇိဿတိ တဿ တတ္ထ မနာယတနံ ဥပ္ပဇ္ဇိတ္ထာတိ?
အသညသတ္တာနံ တေသံ တတ္ထ ဓမ္မာယတနံ ဥပ္ပဇ္ဇိဿတိ, နော စ တေသံ တတ္ထ မနာယတနံ ဥပ္ပဇ္ဇိတ္ထ။ စတုဝေါကာရာနံ ပဉ္စဝေါကာရာနံ တေသံ တတ္ထ ဓမ္မာယတနဉ္စ ဥပ္ပဇ္ဇိဿတိ မနာယတနဉ္စ ဥပ္ပဇ္ဇိတ္ထ။ (မနာယတနမူလကံ)
(ဃ) ပစ္စနီကပုဂ္ဂလော
၁၁၃. (က) ယဿ စက္ခာယတနံ နုပ္ပဇ္ဇိတ္ထ တဿ သောတာယတနံ နုပ္ပဇ္ဇိဿတီတိ? နတ္ထိ။
(ခ) ယဿ ဝါ ပန သောတာယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇိတ္ထာတိ? ဥပ္ပဇ္ဇိတ္ထ။
ယဿ စက္ခာယတနံ နုပ္ပဇ္ဇိတ္ထ တဿ ဃာနာယတနံ။ပေ.။ ရူပါယတနံ။ မနာယတနံ။ ဓမ္မာယတနံ နုပ္ပဇ္ဇိဿတီတိ? နတ္ထိ။
ယဿ ဝါ ပန ဓမ္မာယတနံ နုပ္ပဇ္ဇိဿတိ တဿ စက္ခာယတနံ နုပ္ပဇ္ဇိတ္ထာတိ? ဥပ္ပဇ္ဇိတ္ထ။
၁၁၄. ယဿ ဃာနာယတနံ။ပေ.။ ရူပါယတနံ။ မနာယတနံ နုပ္ပဇ္ဇိတ္ထ တဿ ဓမ္မာယတနံ နုပ္ပဇ္ဇိဿတီတိ? နတ္ထိ။ ယဿ ဝါ ပန ဓမ္မာယတနံ နုပ္ပဇ္ဇိဿတိ တဿ မနာယတနံ နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(င) ပစ္စနီကဩကာသော
၁၁၅. ယတ္ထ စက္ခာယတနံ နုပ္ပဇ္ဇိတ္ထ။ပေ.။။
(စ) ပစ္စနီကပုဂ္ဂလောကာသာ
၁၁၆. (က) ယဿ ယတ္ထ စက္ခာယတနံ နုပ္ပဇ္ဇိတ္ထ တဿ တတ္ထ သောတာယတနံ နုပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ သောတာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇိတ္ထာတိ?
ပဉ္စဝေါကာရေ ပစ္ဆိမဘဝိကာနံ တေသံ တတ္ထ သောတာယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇိတ္ထ။ သုဒ္ဓါဝါသာနံ အသညသတ္တာနံ အရူပါနံ တေသံ တတ္ထ သောတာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇိတ္ထ။
(က) ယဿ ယတ္ထ စက္ခာယတနံ နုပ္ပဇ္ဇိတ္ထ တဿ တတ္ထ ဃာနာယတနံ နုပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ ဃာနာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇိတ္ထာတိ?
ကာမာဝစရေ ပစ္ဆိမဘဝိကာနံ ရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇိတ္ထ။ သုဒ္ဓါဝါသာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇိတ္ထ။
(က) ယဿ ယတ္ထ စက္ခာယတနံ နုပ္ပဇ္ဇိတ္ထ တဿ တတ္ထ ရူပါယတနံ နုပ္ပဇ္ဇိဿတီတိ?
အသညသတ္တာနံ တေသံ တတ္ထ စက္ခာယတနံ နုပ္ပဇ္ဇိတ္ထ, နော စ တေသံ တတ္ထ ရူပါယတနံ နုပ္ပဇ္ဇိဿတိ။ သုဒ္ဓါဝါသာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇိတ္ထ ရူပါယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ရူပါယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇိတ္ထာတိ?
ပဉ္စဝေါကာရေ ပစ္ဆိမဘဝိကာနံ တေသံ တတ္ထ ရူပါယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇိတ္ထ။ သုဒ္ဓါဝါသာနံ အရူပါနံ တေသံ တတ္ထ ရူပါယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇိတ္ထ။
(က) ယဿ ယတ္ထ စက္ခာယတနံ နုပ္ပဇ္ဇိတ္ထ တဿ တတ္ထ မနာယတနံ နုပ္ပဇ္ဇိဿတီတိ?
အရူပါနံ တေသံ တတ္ထ စက္ခာယတနံ နုပ္ပဇ္ဇိတ္ထ, နော စ တေသံ တတ္ထ မနာယတနံ နုပ္ပဇ္ဇိဿတိ။ သုဒ္ဓါဝါသာနံ အရူပေ ပစ္ဆိမဘဝိကာနံ အသညသတ္တာနံ တေသံ တတ္ထ စက္ခာယတနဉ္စ နုပ္ပဇ္ဇိတ္ထ မနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇိတ္ထာတိ?
ပဉ္စဝေါကာရေ ပစ္ဆိမဘဝိကာနံ တေသံ တတ္ထ မနာယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇိတ္ထ။ သုဒ္ဓါဝါသာနံ အရူပေ ပစ္ဆိမဘဝိကာနံ အသညသတ္တာနံ တေသံ တတ္ထ မနာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇိတ္ထ။
(က) ယဿ ယတ္ထ စက္ခာယတနံ နုပ္ပဇ္ဇိတ္ထ တဿ တတ္ထ ဓမ္မာယတနံ နုပ္ပဇ္ဇိဿတီတိ?
အသညသတ္တာနံ အရူပါနံ တေသံ တတ္ထ စက္ခာယတနံ နုပ္ပဇ္ဇိတ္ထ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ သုဒ္ဓါဝါသာနံ အရူပေ ပစ္ဆိမဘဝိကာနံ တေသံ တတ္ထ စက္ခာယတနဉ္စ နုပ္ပဇ္ဇိတ္ထ ဓမ္မာယတနံ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ စက္ခာယတနံ နုပ္ပဇ္ဇိတ္ထာတိ?
ပဉ္စဝေါကာရေ ပစ္ဆိမဘဝိကာနံ တေသံ တတ္ထ ဓမ္မာယတနံ နုပ္ပဇ္ဇိဿတိ, နော စ တေသံ တတ္ထ စက္ခာယတနံ နုပ္ပဇ္ဇိတ္ထ။ သုဒ္ဓါဝါသာနံ အရူပေ ပစ္ဆိမဘဝိကာနံ တေသံ တတ္ထ ဓမ္မာယတနဉ္စ နုပ္ပဇ္ဇိဿတိ စက္ခာယတနဉ္စ နုပ္ပဇ္ဇိတ္ထ။ (စက္ခာယတနမူလကံ)
၁၁၇. (က) ယဿ ယတ္ထ ဃာနာယတနံ နုပ္ပဇ္ဇိတ္ထ တဿ တတ္ထ ရူပါယတနံ နုပ္ပဇ္ဇိဿတီတိ?
ရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိတ္ထ, နော စ တေသံ တတ္ထ ရူပါယတနံ နုပ္ပဇ္ဇိဿတိ။ ရူပါဝစရေ ပစ္ဆိမဘဝိကာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇိတ္ထ ရူပါယတနဉ္စ နုပ္ပဇ္ဇိဿတိ ။
(ခ) ယဿ ဝါ ပန ယတ္ထ ရူပါယတနံ နုပ္ပဇ္ဇိဿတိ တဿ တတ္ထ ဃာနာယတနံ နုပ္ပဇ္ဇိတ္ထာတိ?
ကာမာဝစရေ ပစ္ဆိမဘဝိကာနံ တေသံ တတ္ထ ရူပါယတနံ နုပ္ပဇ္ဇိဿတိ, နော စ တေသံ တတ္ထ ဃာနာယတနံ နုပ္ပဇ္ဇိတ္ထ။ ရူပါဝစရေ ပစ္ဆိမဘဝိကာနံ အရူပါနံ တေသံ တတ္ထ ရူပါယတနဉ္စ နုပ္ပဇ္ဇိဿတိ ဃာနာယတနဉ္စ နုပ္ပဇ္ဇိတ္ထ။
(က) ယဿ ယတ္ထ ဃာနာယတနံ နုပ္ပဇ္ဇိတ္ထ တဿ တတ္ထ မနာယတနံ နုပ္ပဇ္ဇိဿတီတိ?
ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိတ္ထ, နော စ တေသံ တတ္ထ မနာယတနံ နုပ္ပဇ္ဇိဿတိ။ ရူပါဝစရေ အရူပါဝစရေ ပစ္ဆိမဘဝိကာနံ အသညသတ္တာနံ တေသံ တတ္ထ ဃာနာယတနဉ္စ နုပ္ပဇ္ဇိတ္ထ မနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိဿတိ တဿ တတ္ထ ဃာနာယတနံ နုပ္ပဇ္ဇိတ္ထာတိ?
ကာမာဝစရေ ပစ္ဆိမဘဝိကာနံ တေသံ တတ္ထ မနာယတနံ နုပ္ပဇ္ဇိဿတိ, နော စ တေသံ တတ္ထ ဃာနာယတနံ နုပ္ပဇ္ဇိတ္ထ။ ရူပါဝစရေ အရူပါဝစရေ ပစ္ဆိမဘဝိကာနံ အသညသတ္တာနံ တေသံ တတ္ထ မနာယတနဉ္စ နုပ္ပဇ္ဇိဿတိ ဃာနာယတနဉ္စ နုပ္ပဇ္ဇိတ္ထ။
(က) ယဿ ယတ္ထ ဃာနာယတနံ နုပ္ပဇ္ဇိတ္ထ တဿ တတ္ထ ဓမ္မာယတနံ နုပ္ပဇ္ဇိဿတီတိ?
ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိတ္ထ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ ရူပါဝစရေ အရူပါဝစရေ ပစ္ဆိမဘဝိကာနံ တေသံ တတ္ထ ဃာနာယတနဉ္စ နုပ္ပဇ္ဇိတ္ထ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ ဃာနာယတနံ နုပ္ပဇ္ဇိတ္ထာတိ?
ကာမာဝစရေ ပစ္ဆိမဘဝိကာနံ တေသံ တတ္ထ ဓမ္မာယတနံ နုပ္ပဇ္ဇိဿတိ, နော စ တေသံ တတ္ထ ဃာနာယတနံ နုပ္ပဇ္ဇိတ္ထ။ ရူပါဝစရေ အရူပါဝစရေ ပစ္ဆိမဘဝိကာနံ တေသံ တတ္ထ ဓမ္မာယတနဉ္စ နုပ္ပဇ္ဇိဿတိ ဃာနာယတနဉ္စ နုပ္ပဇ္ဇိတ္ထ။ (ဃာနာယတနမူလကံ)
၁၁၈. (က) ယဿ ယတ္ထ ရူပါယတနံ နုပ္ပဇ္ဇိတ္ထ တဿ တတ္ထ မနာယတနံ နုပ္ပဇ္ဇိဿတီတိ?
အရူပါနံ တေသံ တတ္ထ ရူပါယတနံ နုပ္ပဇ္ဇိတ္ထ, နော စ တေသံ တတ္ထ မနာယတနံ နုပ္ပဇ္ဇိဿတိ။ သုဒ္ဓါဝါသာနံ အရူပေ ပစ္ဆိမဘဝိကာနံ တေသံ တတ္ထ ရူပါယတနဉ္စ နုပ္ပဇ္ဇိတ္ထ မနာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ မနာယတနံ နုပ္ပဇ္ဇိဿတိ တဿ တတ္ထ ရူပါယတနံ နုပ္ပဇ္ဇိတ္ထာတိ?
ပဉ္စဝေါကာရေ ပစ္ဆိမဘဝိကာနံ အသညသတ္တာနံ တေသံ တတ္ထ မနာယတနံ နုပ္ပဇ္ဇိဿတိ, နော စ တေသံ တတ္ထ ရူပါယတနံ နုပ္ပဇ္ဇိတ္ထ။ သုဒ္ဓါဝါသာနံ အရူပေ ပစ္ဆိမဘဝိကာနံ တေသံ တတ္ထ မနာယတနဉ္စ နုပ္ပဇ္ဇိဿတိ ရူပါယတနဉ္စ နုပ္ပဇ္ဇိတ္ထ။
(က) ယဿ =၉၃ ယတ္ထ ရူပါယတနံ နုပ္ပဇ္ဇိတ္ထ တဿ တတ္ထ ဓမ္မာယတနံ နုပ္ပဇ္ဇိဿတီတိ?
အရူပါနံ တေသံ တတ္ထ ရူပါယတနံ နုပ္ပဇ္ဇိတ္ထ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ သုဒ္ဓါဝါသာနံ အရူပေ ပစ္ဆိမဘဝိကာနံ တေသံ တတ္ထ ရူပါယတနဉ္စ နုပ္ပဇ္ဇိတ္ထ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ ရူပါယတနံ နုပ္ပဇ္ဇိတ္ထာတိ?
ပဉ္စဝေါကာရေ ပစ္ဆိမဘဝိကာနံ တေသံ တတ္ထ ဓမ္မာယတနံ နုပ္ပဇ္ဇိဿတိ, နော စ တေသံ တတ္ထ ရူပါယတနံ နုပ္ပဇ္ဇိတ္ထ ။ သုဒ္ဓါဝါသာနံ အရူပေ ပစ္ဆိမဘဝိကာနံ တေသံ တတ္ထ ဓမ္မာယတနဉ္စ နုပ္ပဇ္ဇိဿတိ ရူပါယတနဉ္စ နုပ္ပဇ္ဇိတ္ထ။ (ရူပါယတနမူလကံ)
၁၁၉. (က) ယဿ ယတ္ထ မနာယတနံ နုပ္ပဇ္ဇိတ္ထ တဿ တတ္ထ ဓမ္မာယတနံ နုပ္ပဇ္ဇိဿတီတိ?
အသညသတ္တာနံ တေသံ တတ္ထ မနာယတနံ နုပ္ပဇ္ဇိတ္ထ, နော စ တေသံ တတ္ထ ဓမ္မာယတနံ နုပ္ပဇ္ဇိဿတိ။ သုဒ္ဓါဝါသာနံ တေသံ တတ္ထ မနာယတနဉ္စ နုပ္ပဇ္ဇိတ္ထ ဓမ္မာယတနဉ္စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဓမ္မာယတနံ နုပ္ပဇ္ဇိဿတိ တဿ တတ္ထ မနာယတနံ နုပ္ပဇ္ဇိတ္ထာတိ?
ပစ္ဆိမဘဝိကာနံ တေသံ တတ္ထ ဓမ္မာယတနံ နုပ္ပဇ္ဇိဿတိ, နော စ တေသံ တတ္ထ မနာယတနံ နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ ဓမ္မာယတနဉ္စ နုပ္ပဇ္ဇိဿတိ မနာယတနဉ္စ နုပ္ပဇ္ဇိတ္ထ။
ဥပ္ပါဒဝါရော။
၂. ပဝတ္တိ ၂. နိရောဓဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၁၂၀. (က) ယဿ စက္ခာယတနံ နိရုဇ္ဈတိ တဿ သောတာယတနံ နိရုဇ္ဈတီတိ?
သစက္ခုကာနံ အသောတကာနံ စဝန္တာနံ တေသံ စက္ခာယတနံ နိရုဇ္ဈတိ, နော စ တေသံ သောတာယတနံ နိရုဇ္ဈတိ။ သစက္ခုကာနံ သသောတကာနံ စဝန္တာနံ တေသံ စက္ခာယတနဉ္စ နိရုဇ္ဈတိ သောတာယတနဉ္စ နိရုဇ္ဈတိ။
(ခ) ယဿ ဝါ ပန သောတာယတနံ နိရုဇ္ဈတိ တဿ စက္ခာယတနံ နိရုဇ္ဈတီတိ?
သသောတကာနံ အစက္ခုကာနံ စဝန္တာနံ တေသံ သောတာယတနံ နိရုဇ္ဈတိ, နော စ တေသံ စက္ခာယတနံ နိရုဇ္ဈတိ။ သသောတကာနံ သစက္ခုကာနံ စဝန္တာနံ တေသံ သောတာယတနဉ္စ နိရုဇ္ဈတိ စက္ခာယတနဉ္စ နိရုဇ္ဈတိ။
(က) ယဿ စက္ခာယတနံ နိရုဇ္ဈတိ တဿ ဃာနာယတနံ နိရုဇ္ဈတီတိ?
သစက္ခုကာနံ အဃာနကာနံ စဝန္တာနံ တေသံ စက္ခာယတနံ နိရုဇ္ဈတိ, နော စ တေသံ ဃာနာယတနံ နိရုဇ္ဈတိ။ သစက္ခုကာနံ သဃာနကာနံ စဝန္တာနံ တေသံ စက္ခာယတနဉ္စ နိရုဇ္ဈတိ ဃာနာယတနဉ္စ နိရုဇ္ဈတိ။
(ခ) ယဿ ဝါ ပန ဃာနာယတနံ နိရုဇ္ဈတိ တဿ စက္ခာယတနံ နိရုဇ္ဈတီတိ?
သဃာနကာနံ အစက္ခုကာနံ စဝန္တာနံ တေသံ ဃာနာယတနံ နိရုဇ္ဈတိ, နော စ တေသံ စက္ခာယတနံ နိရုဇ္ဈတိ။ သဃာနကာနံ သစက္ခုကာနံ စဝန္တာနံ တေသံ ဃာနာယတနဉ္စ နိရုဇ္ဈတိ စက္ခာယတနဉ္စ နိရုဇ္ဈတိ။
(က) ယဿ စက္ခာယတနံ နိရုဇ္ဈတိ တဿ ရူပါယတနံ နိရုဇ္ဈတီတိ? အာမန္တာ။
(ခ) ယဿ ဝါ ပန ရူပါယတနံ နိရုဇ္ဈတိ တဿ စက္ခာယတနံ နိရုဇ္ဈတီတိ?
သရူပကာနံ အစက္ခုကာနံ စဝန္တာနံ တေသံ ရူပါယတနံ နိရုဇ္ဈတိ, နော စ တေသံ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ ရူပါယတနဉ္စ နိရုဇ္ဈတိ စက္ခာယတနဉ္စ နိရုဇ္ဈတိ။
(က) ယဿ စက္ခာယတနံ နိရုဇ္ဈတိ တဿ မနာယတနံ နိရုဇ္ဈတီတိ? အာမန္တာ။
(ခ) ယဿ ဝါ ပန မနာယတနံ နိရုဇ္ဈတိ တဿ စက္ခာယတနံ နိရုဇ္ဈတီတိ?
သစိတ္တကာနံ အစက္ခုကာနံ စဝန္တာနံ တေသံ မနာယတနံ နိရုဇ္ဈတိ, နော စ တေသံ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ မနာယတနဉ္စ နိရုဇ္ဈတိ စက္ခာယတနဉ္စ နိရုဇ္ဈတိ။
(က) ယဿ စက္ခာယတနံ နိရုဇ္ဈတိ တဿ ဓမ္မာယတနံ နိရုဇ္ဈတီတိ? အာမန္တာ။
(ခ) ယဿ ဝါ ပန ဓမ္မာယတနံ နိရုဇ္ဈတိ တဿ စက္ခာယတနံ နိရုဇ္ဈတီတိ?
အစက္ခုကာနံ စဝန္တာနံ တေသံ ဓမ္မာယတနံ နိရုဇ္ဈတိ, နော စ တေသံ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ ဓမ္မာယတနဉ္စ နိရုဇ္ဈတိ စက္ခာယတနဉ္စ နိရုဇ္ဈတိ။ (စက္ခာယတနမူလကံ)
၁၂၁. (က) ယဿ ဃာနာယတနံ နိရုဇ္ဈတိ တဿ ရူပါယတနံ နိရုဇ္ဈတီတိ? အာမန္တာ။
(ခ) ယဿ ဝါ ပန ရူပါယတနံ နိရုဇ္ဈတိ တဿ ဃာနာယတနံ နိရုဇ္ဈတီတိ?
သရူပကာနံ အဃာနကာနံ စဝန္တာနံ တေသံ ရူပါယတနံ နိရုဇ္ဈတိ, နော စ တေသံ ဃာနာယတနံ နိရုဇ္ဈတိ။ သဃာနကာနံ စဝန္တာနံ တေသံ ရူပါယတနဉ္စ နိရုဇ္ဈတိ ဃာနာယတနဉ္စ နိရုဇ္ဈတိ။
(က) ယဿ ဃာနာယတနံ နိရုဇ္ဈတိ တဿ မနာယတနံ နိရုဇ္ဈတီတိ? အာမန္တာ။
(ခ) ယဿ ဝါ ပန မနာယတနံ နိရုဇ္ဈတိ တဿ ဃာနာယတနံ နိရုဇ္ဈတီတိ?
သစိတ္တကာနံ အဃာနကာနံ စဝန္တာနံ တေသံ မနာယတနံ နိရုဇ္ဈတိ, နော စ တေသံ ဃာနာယတနံ နိရုဇ္ဈတိ။ သဃာနကာနံ စဝန္တာနံ တေသံ မနာယတနဉ္စ နိရုဇ္ဈတိ ဃာနာယတနဉ္စ နိရုဇ္ဈတိ။
(က) ယဿ ဃာနာယတနံ နိရုဇ္ဈတိ တဿ ဓမ္မာယတနံ နိရုဇ္ဈတီတိ? အာမန္တာ။
(ခ) ယဿ ဝါ ပန ဓမ္မာယတနံ နိရုဇ္ဈတိ တဿ ဃာနာယတနံ နိရုဇ္ဈတီတိ?
အဃာနကာနံ စဝန္တာနံ တေသံ ဓမ္မာယတနံ နိရုဇ္ဈတိ, နော စ တေသံ ဃာနာယတနံ နိရုဇ္ဈတိ။ သဃာနကာနံ စဝန္တာနံ တေသံ ဓမ္မာယတနဉ္စ နိရုဇ္ဈတိ ဃာနာယတနဉ္စ နိရုဇ္ဈတိ။ (ဃာနာယတနမူလကံ)
၁၂၂. (က) ယဿ ရူပါယတနံ နိရုဇ္ဈတိ တဿ မနာယတနံ နိရုဇ္ဈတီတိ?
အစိတ္တကာနံ စဝန္တာနံ တေသံ ရူပါယတနံ နိရုဇ္ဈတိ, နော စ တေသံ မနာယတနံ နိရုဇ္ဈတိ။ သရူပကာနံ သစိတ္တကာနံ စဝန္တာနံ တေသံ ရူပါယတနဉ္စ နိရုဇ္ဈတိ မနာယတနဉ္စ နိရုဇ္ဈတိ။
(ခ) ယဿ ဝါ ပန မနာယတနံ နိရုဇ္ဈတိ တဿ ရူပါယတနံ နိရုဇ္ဈတီတိ?
အရူပကာနံ စဝန္တာနံ တေသံ မနာယတနံ နိရုဇ္ဈတိ, နော စ တေသံ ရူပါယတနံ နိရုဇ္ဈတိ။ သရူပကာနံ သစိတ္တကာနံ စဝန္တာနံ တေသံ မနာယတနဉ္စ နိရုဇ္ဈတိ ရူပါယတနဉ္စ နိရုဇ္ဈတိ။
(က) ယဿ ရူပါယတနံ နိရုဇ္ဈတိ တဿ ဓမ္မာယတနံ နိရုဇ္ဈတီတိ? အာမန္တာ။
(ခ) ယဿ ဝါ ပန ဓမ္မာယတနံ နိရုဇ္ဈတိ တဿ ရူပါယတနံ နိရုဇ္ဈတီတိ?
အရူပကာနံ စဝန္တာနံ တေသံ ဓမ္မာယတနံ နိရုဇ္ဈတိ, နော စ တေသံ ရူပါယတနံ နိရုဇ္ဈတိ။ သရူပကာနံ စဝန္တာနံ တေသံ ဓမ္မာယတနဉ္စ နိရုဇ္ဈတိ ရူပါယတနဉ္စ နိရုဇ္ဈတိ။
၁၂၃. (က) ယဿ မနာယတနံ နိရုဇ္ဈတိ တဿ ဓမ္မာယတနံ နိရုဇ္ဈတီတိ? အာမန္တာ။
(ခ) ယဿ ဝါ ပန ဓမ္မာယတနံ နိရုဇ္ဈတိ တဿ မနာယတနံ နိရုဇ္ဈတီတိ?
အစိတ္တကာနံ စဝန္တာနံ တေသံ ဓမ္မာယတနံ နိရုဇ္ဈတိ, နော စ တေသံ မနာယတနံ နိရုဇ္ဈတိ။ သစိတ္တကာနံ စဝန္တာနံ တေသံ ဓမ္မာယတနဉ္စ နိရုဇ္ဈတိ မနာယတနဉ္စ နိရုဇ္ဈတိ။
(ခ) အနုလောမဩကာသော
၁၂၄. ယတ္ထ စက္ခာယတနံ နိရုဇ္ဈတိ။ပေ.။ (ဥပ္ပါဒေပိ နိရောဓေပိ ဥပ္ပါဒနိရောဓေပိ ယတ္ထကံ သဗ္ဗတ္ထ သဒိသံ)။
(ဂ) အနုလောမပုဂ္ဂလောကာသာ
၁၂၅. ယဿ ယတ္ထ စက္ခာယတနံ နိရုဇ္ဈတိ တဿ တတ္ထ သောတာယတနံ နိရုဇ္ဈတီတိ။ပေ.။ ဃာနာယတနံ။ ရူပါယတနံ။ မနာယတနံ။ ဓမ္မာယတနံ နိရုဇ္ဈတီတိ? (ယဿ ယတ္ထကမ္ပိ သဒိသံ ဝိတ္ထာရေတဗ္ဗံ)။
(ဃ) ပစ္စနီကပုဂ္ဂလော
၁၂၆. (က) ယဿ စက္ခာယတနံ န နိရုဇ္ဈတိ တဿ သောတာယတနံ န နိရုဇ္ဈတီတိ?
အစက္ခုကာနံ သသောတကာနံ စဝန္တာနံ တေသံ စက္ခာယတနံ န နိရုဇ္ဈတိ, နော စ တေသံ သောတာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ အစက္ခုကာနံ အသောတကာနံ စဝန္တာနံ တေသံ စက္ခာယတနဉ္စ န နိရုဇ္ဈတိ သောတာယတနဉ္စ န နိရုဇ္ဈတိ။
(ခ) ယဿ ဝါ ပန သောတာယတနံ န နိရုဇ္ဈတိ တဿ စက္ခာယတနံ န နိရုဇ္ဈတီတိ?
အသောတကာနံ သစက္ခုကာနံ စဝန္တာနံ တေသံ သောတာယတနံ န နိရုဇ္ဈတိ, နော စ တေသံ စက္ခာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ အသောတကာနံ အစက္ခုကာနံ စဝန္တာနံ တေသံ သောတာယတနဉ္စ န နိရုဇ္ဈတိ စက္ခာယတနဉ္စ န နိရုဇ္ဈတိ။
(က) ယဿ စက္ခာယတနံ န နိရုဇ္ဈတိ တဿ ဃာနာယတနံ န နိရုဇ္ဈတီတိ?
အစက္ခုကာနံ သဃာနကာနံ စဝန္တာနံ တေသံ စက္ခာယတနံ န နိရုဇ္ဈတိ, နော စ တေသံ ဃာနာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ အစက္ခုကာနံ အဃာနကာနံ စဝန္တာနံ တေသံ စက္ခာယတနဉ္စ န နိရုဇ္ဈတိ ဃာနာယတနဉ္စ န နိရုဇ္ဈတိ။
(ခ) ယဿ ဝါ ပန ဃာနာယတနံ န နိရုဇ္ဈတိ တဿ စက္ခာယတနံ န နိရုဇ္ဈတီတိ?
အဃာနကာနံ သစက္ခုကာနံ စဝန္တာနံ တေသံ ဃာနာယတနံ န နိရုဇ္ဈတိ, နော စ တေသံ စက္ခာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ အဃာနကာနံ အစက္ခုကာနံ စဝန္တာနံ တေသံ ဃာနာယတနဉ္စ န နိရုဇ္ဈတိ စက္ခာယတနဉ္စ န နိရုဇ္ဈတိ။
(က) ယဿ စက္ခာယတနံ န နိရုဇ္ဈတိ တဿ ရူပါယတနံ န နိရုဇ္ဈတီတိ?
အစက္ခုကာနံ သရူပကာနံ စဝန္တာနံ တေသံ စက္ခာယတနံ န နိရုဇ္ဈတိ, နော စ တေသံ ရူပါယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ အရူပကာနံ စဝန္တာနံ တေသံ စက္ခာယတနဉ္စ န နိရုဇ္ဈတိ ရူပါယတနဉ္စ န နိရုဇ္ဈတိ။
(ခ) ယဿ ဝါ ပန ရူပါယတနံ န နိရုဇ္ဈတိ တဿ စက္ခာယတနံ န နိရုဇ္ဈတီတိ? အာမန္တာ။
(က) ယဿ စက္ခာယတနံ န နိရုဇ္ဈတိ တဿ မနာယတနံ န နိရုဇ္ဈတီတိ?
အစက္ခုကာနံ သစိတ္တကာနံ စဝန္တာနံ တေသံ စက္ခာယတနံ န နိရုဇ္ဈတိ, နော စ တေသံ မနာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ အစိတ္တကာနံ စဝန္တာနံ တေသံ စက္ခာယတနဉ္စ န နိရုဇ္ဈတိ မနာယတနဉ္စ န နိရုဇ္ဈတိ။
(ခ) ယဿ ဝါ ပန မနာယတနံ န နိရုဇ္ဈတိ တဿ စက္ခာယတနံ န နိရုဇ္ဈတီတိ? အာမန္တာ။
(က) ယဿ စက္ခာယတနံ န နိရုဇ္ဈတိ တဿ ဓမ္မာယတနံ န နိရုဇ္ဈတီတိ?
အစက္ခုကာနံ စဝန္တာနံ တေသံ စက္ခာယတနံ န နိရုဇ္ဈတိ, နော စ တေသံ ဓမ္မာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ တေသံ စက္ခာယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈတိ။
(ခ) ယဿ ဝါ ပန ဓမ္မာယတနံ န နိရုဇ္ဈတိ တဿ စက္ခာယတနံ န နိရုဇ္ဈတီတိ? အာမန္တာ။ (စက္ခာယတနမူလကံ)
၁၂၇. (က) ယဿ ဃာနာယတနံ န နိရုဇ္ဈတိ တဿ ရူပါယတနံ န နိရုဇ္ဈတီတိ?
အဃာနကာနံ သရူပကာနံ စဝန္တာနံ တေသံ ဃာနာယတနံ န နိရုဇ္ဈတိ, နော စ တေသံ ရူပါယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ အရူပကာနံ စဝန္တာနံ တေသံ ဃာနာယတနဉ္စ န နိရုဇ္ဈတိ ရူပါယတနဉ္စ န နိရုဇ္ဈတိ။
(ခ) ယဿ ဝါ ပန ရူပါယတနံ န နိရုဇ္ဈတိ တဿ ဃာနာယတနံ န နိရုဇ္ဈတီတိ? အာမန္တာ။
(က) ယဿ ဃာနာယတနံ န နိရုဇ္ဈတိ တဿ မနာယတနံ န နိရုဇ္ဈတီတိ?
အဃာနကာနံ သစိတ္တကာနံ စဝန္တာနံ တေသံ ဃာနာယတနံ န နိရုဇ္ဈတိ, နော စ တေသံ မနာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ အစိတ္တကာနံ စဝန္တာနံ တေသံ ဃာနာယတနဉ္စ န နိရုဇ္ဈတိ မနာယတနဉ္စ န နိရုဇ္ဈတိ။
(ခ) ယဿ ဝါ ပန မနာယတနံ န နိရုဇ္ဈတိ တဿ ဃာနာယတနံ န နိရုဇ္ဈတီတိ? အာမန္တာ။
(က) ယဿ ဃာနာယတနံ န နိရုဇ္ဈတိ တဿ ဓမ္မာယတနံ န နိရုဇ္ဈတီတိ?
အဃာနကာနံ စဝန္တာနံ တေသံ ဃာနာယတနံ န နိရုဇ္ဈတိ, နော စ တေသံ ဓမ္မာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ တေသံ ဃာနာယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈတိ။
(ခ) ယဿ ဝါ ပန ဓမ္မာယတနံ န နိရုဇ္ဈတိ တဿ ဃာနာယတနံ န နိရုဇ္ဈတီတိ? အာမန္တာ။ (ဃာနာယတနမူလကံ)
၁၂၈. (က) ယဿ ရူပါယတနံ န နိရုဇ္ဈတိ တဿ မနာယတနံ န နိရုဇ္ဈတီတိ?
အရူပကာနံ စဝန္တာနံ တေသံ ရူပါယတနံ န နိရုဇ္ဈတိ, နော စ တေသံ မနာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ တေသံ ရူပါယတနဉ္စ န နိရုဇ္ဈတိ မနာယတနဉ္စ န နိရုဇ္ဈတိ။
(ခ) ယဿ ဝါ ပန မနာယတနံ န နိရုဇ္ဈတိ တဿ ရူပါယတနံ န နိရုဇ္ဈတီတိ?
အစိတ္တကာနံ စဝန္တာနံ တေသံ မနာယတနံ န နိရုဇ္ဈတိ, နော စ တေသံ ရူပါယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ တေသံ မနာယတနဉ္စ န နိရုဇ္ဈတိ ရူပါယတနဉ္စ န နိရုဇ္ဈတိ။
(က) ယဿ ရူပါယတနံ န နိရုဇ္ဈတိ တဿ ဓမ္မာယတနံ န နိရုဇ္ဈတီတိ?
အရူပကာနံ စဝန္တာနံ တေသံ ရူပါယတနံ န နိရုဇ္ဈတိ, နော စ တေသံ ဓမ္မာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ တေသံ ရူပါယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈတိ။
(ခ) ယဿ ဝါ ပန ဓမ္မာယတနံ န နိရုဇ္ဈတိ တဿ ရူပါယတနံ န နိရုဇ္ဈတီတိ? အာမန္တာ။ (ရူပါယတနမူလကံ)
၁၂၉. (က) ယဿ မနာယတနံ န နိရုဇ္ဈတိ တဿ ဓမ္မာယတနံ န နိရုဇ္ဈတီတိ?
အစိတ္တကာနံ စဝန္တာနံ တေသံ မနာယတနံ န နိရုဇ္ဈတိ, နော စ တေသံ ဓမ္မာယတနံ န နိရုဇ္ဈတိ။ သဗ္ဗေသံ ဥပပဇ္ဇန္တာနံ တေသံ မနာယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈတိ။
(ခ) ယဿ ဝါ ပန ဓမ္မာယတနံ န နိရုဇ္ဈတိ တဿ မနာယတနံ န နိရုဇ္ဈတီတိ? အာမန္တာ။
(င) ပစ္စနီကဩကာသော
၁၃၀. ယတ္ထ စက္ခာယတနံ န နိရုဇ္ဈတိ။ပေ.။။
(စ) ပစ္စနီကပုဂ္ဂလောကာသာ
၁၃၁. ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ သောတာယတနံ န နိရုဇ္ဈတီ တိ။ပေ.။ (ယဿ ယတ္ထကမ္ပိ ယဿကသဒိသံ)။
(၂) အတီတဝါရော
(က) အနုလောမပုဂ္ဂလော
၁၃၂. ယဿ စက္ခာယတနံ နိရုဇ္ဈိတ္ထ တဿ သောတာယတနံ နိရုဇ္ဈိတ္ထာတိ?
အာမန္တာ။ (ဥပ္ပါဒဝါရေပိ နိရောဓဝါရေပိ ဥပ္ပါဒနိရောဓဝါရေပိ အတီတာ ပုစ္ဆာ အနုလောမမ္ပိ ပစ္စနီကမ္ပိ [ပစ္စနိယမ္ပိ (သီ. သျာ. က.)] သဒိသံ။)
(၃) အနာဂတဝါရော
(က) အနုလောမပုဂ္ဂလော
၁၃၃. (က) ယဿ စက္ခာယတနံ နိရုဇ္ဈိဿတိ တဿ သောတာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန သောတာယတနံ နိရုဇ္ဈိဿတိ တဿ စက္ခာယတနံ နိရုဇ္ဈိဿတီတိ? အာမန္တာ။
(က) ယဿ စက္ခာယတနံ နိရုဇ္ဈိဿတိ တဿ ဃာနာယတနံ နိရုဇ္ဈိဿတီတိ ?
ပစ္ဆိမဘဝိကာနံ ရူပါဝစရံ ဥပပဇ္ဇန္တာနံ ယေ စ ရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနံ နိရုဇ္ဈိဿတိ, နော စ တေသံ ဃာနာယတနံ နိရုဇ္ဈိဿတိ။ ဣတရေသံ တေသံ စက္ခာယတနဉ္စ နိရုဇ္ဈိဿတိ ဃာနာယတနဉ္စ နိရုဇ္ဈိဿတိ။
(ခ) ယဿ ဝါ ပန ဃာနာယတနံ နိရုဇ္ဈိဿတိ တဿ စက္ခာယတနံ နိရုဇ္ဈိဿတီတိ? အာမန္တာ။
(က) ယဿ စက္ခာယတနံ နိရုဇ္ဈိဿတိ တဿ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ရူပါယတနံ နိရုဇ္ဈိဿတိ တဿ စက္ခာယတနံ နိရုဇ္ဈိဿတီတိ? အာမန္တာ။
ယဿ စက္ခာယတနံ နိရုဇ္ဈိဿတိ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိဿတိ တဿ စက္ခာယတနံ နိရုဇ္ဈိဿတီတိ?
ပစ္ဆိမဘဝိကာနံ အရူပံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဓမ္မာယတနံ နိရုဇ္ဈိဿတိ, နော စ တေသံ စက္ခာယတနံ နိရုဇ္ဈိဿတိ။ ဣတရေသံ တေသံ ဓမ္မာယတနဉ္စ နိရုဇ္ဈိဿတိ စက္ခာယတနဉ္စ နိရုဇ္ဈိဿတိ။ (စက္ခာယတနမူလကံ)
၁၃၄. (က) ယဿ ဃာနာယတနံ နိရုဇ္ဈိဿတိ တဿ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ရူပါယတနံ နိရုဇ္ဈိဿတိ တဿ ဃာနာယတနံ နိရုဇ္ဈိဿတီတိ?
ပစ္ဆိမဘဝိကာနံ ရူပါဝစရံ ဥပပဇ္ဇန္တာနံ ယေ စ ရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ရူပါယတနံ နိရုဇ္ဈိဿတိ, နော စ တေသံ ဃာနာယတနံ နိရုဇ္ဈိဿတိ။ ဣတရေသံ တေသံ ရူပါယတနဉ္စ နိရုဇ္ဈိဿတိ ဃာနာယတနဉ္စ နိရုဇ္ဈိဿတိ။
ယဿ ဃာနာယတနံ နိရုဇ္ဈိဿတိ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိဿတိ တဿ ဃာနာယတနံ နိရုဇ္ဈိဿတီတိ?
ပစ္ဆိမဘဝိကာနံ ရူပါဝစရံ အရူပါဝစရံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဓမ္မာယတနံ နိရုဇ္ဈိဿတိ, နော စ တေသံ ဃာနာယတနံ နိရုဇ္ဈိဿတိ။ ဣတရေသံ တေသံ ဓမ္မာယတနဉ္စ နိရုဇ္ဈိဿတိ ဃာနာယတနဉ္စ နိရုဇ္ဈိဿတိ။ (ဃာနာယတနမူလကံ)
၁၃၅. ယဿ ရူပါယတနံ နိရုဇ္ဈိဿတိ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိဿတိ တဿ ရူပါယတနံ နိရုဇ္ဈိဿတီတိ?
ပစ္ဆိမဘဝိကာနံ အရူပံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဓမ္မာယတနံ နိရုဇ္ဈိဿတိ, နော စ တေသံ ရူပါယတနံ နိရုဇ္ဈိဿတိ။ ဣတရေသံ တေသံ ဓမ္မာယတနဉ္စ နိရုဇ္ဈိဿတိ ရူပါယတနဉ္စ နိရုဇ္ဈိဿတိ။
၁၃၆. (က) ယဿ မနာယတနံ နိရုဇ္ဈိဿတိ တဿ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဓမ္မာယတနံ နိရုဇ္ဈိဿတိ တဿ မနာယတနံ နိရုဇ္ဈိဿတီတိ? အာမန္တာ။
(ခ) အနုလောမဩကာသော
၁၃၇. ယတ္ထ စက္ခာယတနံ နိရုဇ္ဈိဿတိ။ပေ.။။
(ဂ) အနုလောမပုဂ္ဂလောကာသာ
၁၃၈. (က) ယဿ ယတ္ထ စက္ခာယတနံ နိရုဇ္ဈိဿတိ တဿ တတ္ထ သောတာယတနံ နိရုဇ္ဈိဿတီတိ ? အာမန္တာ။
(ခ) ယဿ ဝါ ပန ယတ္ထ။ပေ.။? အာမန္တာ။
(က) ယဿ ယတ္ထ စက္ခာယတနံ နိရုဇ္ဈိဿတိ တဿ တတ္ထ ဃာနာယတနံ နိရုဇ္ဈိဿတီတိ?
ရူပါဝစရာနံ။ပေ.။ ကာမာဝစရာနံ။ပေ.။။
(ခ) ယဿ ဝါ ပန ယတ္ထ။ပေ.။? အာမန္တာ။
(က) ယဿ ယတ္ထ စက္ခာယတနံ နိရုဇ္ဈိဿတိ တဿ တတ္ထ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ နိရုဇ္ဈိဿတိ တဿ တတ္ထ စက္ခာယတနံ နိရုဇ္ဈိဿတီတိ?
အသညသတ္တာနံ။ပေ.။ ပဉ္စဝေါကာရာနံ။ပေ.။။
(က) ယဿ ယတ္ထ စက္ခာယတနံ နိရုဇ္ဈိဿတိ တဿ တတ္ထ မနာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ။ပေ.။?
အရူပါနံ။ပေ.။ ပဉ္စဝေါကာရာနံ။ပေ.။။
(က) ယဿ ယတ္ထ စက္ခာယတနံ နိရုဇ္ဈိဿတိ တဿ တတ္ထ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ။ပေ.။?
အသညသတ္တာနံ အရူပါနံ။ပေ.။ ပဉ္စဝေါကာရာနံ။ပေ.။။ (စက္ခာယတနမူလကံ)
၁၃၉. (က) ယဿ ယတ္ထ ဃာနာယတနံ နိရုဇ္ဈိဿတိ တဿ တတ္ထ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ။ပေ.။?
ရူပါဝစရာနံ။ပေ.။ ကာမာဝစရာနံ။ပေ.။။
(က) ယဿ ယတ္ထ ဃာနာယတနံ နိရုဇ္ဈိဿတိ တဿ တတ္ထ မနာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ။ပေ.။?
ရူပါဝစရာနံ အရူပါဝစရာနံ။ပေ.။ ကာမာဝစရာနံ။ပေ.။။
(က) ယဿ ယတ္ထ ဃာနာယတနံ နိရုဇ္ဈိဿတိ တဿ တတ္ထ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ။ပေ.။?
ရူပါဝစရာနံ အရူပါဝစရာနံ။ပေ.။ ကာမာဝစရာနံ။ပေ.။။ (ဃာနာယတနမူလကံ)
၁၄၀. (က) ယဿ ယတ္ထ ရူပါယတနံ နိရုဇ္ဈိဿတိ တဿ တတ္ထ မနာယတနံ နိရုဇ္ဈိဿတီတိ?
အသညသတ္တာနံ။ပေ.။ ပဉ္စဝေါကာရာနံ။ပေ.။။
(ခ) ယဿ ဝါ ပန ယတ္ထ။ပေ.။?
အရူပါနံ။ပေ.။ ပဉ္စဝေါကာရာနံ။ပေ.။။
(က) ယဿ ယတ္ထ ရူပါယတနံ နိရုဇ္ဈိဿတိ တဿ တတ္ထ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ။ပေ.။?
အရူပါနံ။ပေ.။ ပဉ္စဝေါကာရာနံ အသညသတ္တာနံ။ပေ.။။ (ရူပါယတနမူလကံ)
၁၄၁. (က) ယဿ ယတ္ထ မနာယတနံ။ပေ.။? အာမန္တာ။
(ခ) ယဿ ဝါ ပန ယတ္ထ။ပေ.။?
အသညသတ္တာနံ။ပေ.။ စတုဝေါကာရာနံ ပဉ္စဝေါကာရာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ မနာယတနဉ္စ နိရုဇ္ဈိဿတိ။ (ယထာ ဥပ္ပါဒဝါရေ ယဿ ယတ္ထကေ အနာဂတာ ပုစ္ဆာ ဝိတ္ထာရိတာ, ဧဝံ နိရောဓေပိ ဝိတ္ထာရေတဗ္ဗာ)။
(ဃ) ပစ္စနီကပုဂ္ဂလော
၁၄၂. (က) ယဿ စက္ခာယတနံ န နိရုဇ္ဈိဿတိ တဿ သောတာယတနံ န နိရုဇ္ဈိဿတီတိ? အာမန္တာ။
(ခ) ယဿ ဝါ ပန သောတာယတနံ န နိရုဇ္ဈိဿတိ တဿ စက္ခာယတနံ န နိရုဇ္ဈိဿတီတိ? အာမန္တာ။
(က) ယဿ စက္ခာယတနံ န နိရုဇ္ဈိဿတိ တဿ ဃာနာယတနံ န နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဃာနာယတနံ န နိရုဇ္ဈိဿတိ တဿ စက္ခာယတနံ န နိရုဇ္ဈိဿတီတိ?
ပစ္ဆိမဘဝိကာနံ ရူပါဝစရံ ဥပပဇ္ဇန္တာနံ ယေ စ ရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနံ န နိရုဇ္ဈိဿတိ, နော စ တေသံ စက္ခာယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈိဿတိ။
(က) ယဿ စက္ခာယတနံ န နိရုဇ္ဈိဿတိ တဿ ရူပါယတနံ န နိရုဇ္ဈိဿတီတိ? အာမန္တာ။
(ခ) ယဿ ဝါ ပန ရူပါယတနံ န နိရုဇ္ဈိဿတိ တဿ စက္ခာယတနံ န နိရုဇ္ဈိဿတီတိ? အာမန္တာ။
ယဿ စက္ခာယတနံ န နိရုဇ္ဈိဿတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ အရူပံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနံ န နိရုဇ္ဈိဿတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ စက္ခာယတနဉ္စ န နိရုဇ္ဈိဿတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ န နိရုဇ္ဈိဿတိ တဿ စက္ခာယတနံ န နိရုဇ္ဈိဿတီတိ? အာမန္တာ။ (စက္ခာယတနမူလကံ)
၁၄၃. (က) ယဿ ဃာနာယတနံ န နိရုဇ္ဈိဿတိ တဿ ရူပါယတနံ န နိရုဇ္ဈိဿတီတိ?
ပစ္ဆိမဘဝိကာနံ ရူပါဝစရံ ဥပပဇ္ဇန္တာနံ ယေ စ ရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနံ န နိရုဇ္ဈိဿတိ, နော စ တေသံ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနဉ္စ န နိရုဇ္ဈိဿတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ရူပါယတနံ န နိရုဇ္ဈိဿတိ တဿ ဃာနာယတနံ န နိရုဇ္ဈိဿတီတိ? အာမန္တာ။
ယဿ ဃာနာယတနံ န နိရုဇ္ဈိဿတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ ရူပါဝစရံ အရူပါဝစရံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနံ န နိရုဇ္ဈိဿတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ ဃာနာယတနဉ္စ န နိရုဇ္ဈိဿတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ န နိရုဇ္ဈိဿတိ တဿ ဃာနာယတနံ န နိရုဇ္ဈိဿတီတိ? အာမန္တာ။
၁၄၄. ယဿ ရူပါယတနံ န နိရုဇ္ဈိဿတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ အရူပံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ရူပါယတနံ န နိရုဇ္ဈိဿတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ ရူပါယတနဉ္စ န နိရုဇ္ဈိဿတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ န နိရုဇ္ဈိဿတိ တဿ ရူပါယတနံ န နိရုဇ္ဈိဿတီတိ? အာမန္တာ။
၁၄၅. (က) ယဿ မနာယတနံ န နိရုဇ္ဈိဿတိ တဿ ဓမ္မာယတနံ န နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဓမ္မာယတနံ န နိရုဇ္ဈိဿတိ တဿ မနာယတနံ န နိရုဇ္ဈိဿတီတိ? အာမန္တာ။
(င) ပစ္စနီကဩကာသော
၁၄၆. ယတ္ထ စက္ခာယတနံ န နိရုဇ္ဈိဿတိ။ပေ.။။
(စ) ပစ္စနီကပုဂ္ဂလောကာသာ
၁၄၇. (က) ယဿ ယတ္ထ စက္ခာယတနံ န နိရုဇ္ဈိဿတိ တဿ တတ္ထ သောတာယတနံ န နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ သောတာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈိဿတီတိ? အာမန္တာ။
(က) ယဿ ယတ္ထ စက္ခာယတနံ န နိရုဇ္ဈိဿတိ တဿ တတ္ထ ဃာနာယတနံ န နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ဃာနာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈိဿတီတိ?
ရူပါဝစရာနံ တေသံ တတ္ထ ဃာနာယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈိဿတိ။
(က) ယဿ ယတ္ထ စက္ခာယတနံ န နိရုဇ္ဈိဿတိ တဿ တတ္ထ ရူပါယတနံ န နိရုဇ္ဈိဿတီတိ?
အသညသတ္တာနံ တေသံ တတ္ထ စက္ခာယတနံ န နိရုဇ္ဈိဿတိ, နော စ တေသံ တတ္ထ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပါနံ တေသံ တတ္ထ စက္ခာယတနဉ္စ န နိရုဇ္ဈိဿတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ရူပါယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈိဿတီတိ? အာမန္တာ။
(က) ယဿ ယတ္ထ စက္ခာယတနံ န နိရုဇ္ဈိဿတိ တဿ တတ္ထ မနာယတနံ န နိရုဇ္ဈိဿတီတိ?
အရူပါနံ တေသံ တတ္ထ စက္ခာယတနံ န နိရုဇ္ဈိဿတိ, နော စ တေသံ တတ္ထ မနာယတနံ န နိရုဇ္ဈိဿတိ။ ပရိနိဗ္ဗန္တာနံ အသညသတ္တာနံ တေသံ တတ္ထ စက္ခာယတနဉ္စ န နိရုဇ္ဈိဿတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈိဿတီတိ? အာမန္တာ။
(က) ယဿ ယတ္ထ စက္ခာယတနံ န နိရုဇ္ဈိဿတိ တဿ တတ္ထ ဓမ္မာယတနံ န နိရုဇ္ဈိဿတီတိ?
အသညသတ္တာနံ အရူပါနံ တေသံ တတ္ထ စက္ခာယတနံ န နိရုဇ္ဈိဿတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ စက္ခာယတနဉ္စ န နိရုဇ္ဈိဿတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈိဿတီတိ? အာမန္တာ။ (စက္ခာယတနမူလကံ)
၁၄၈. (က) ယဿ ယတ္ထ ဃာနာယတနံ န နိရုဇ္ဈိဿတိ တဿ တတ္ထ ရူပါယတနံ န နိရုဇ္ဈိဿတီတိ?
ရူပါဝစရာနံ တေသံ တတ္ထ ဃာနာယတနံ န နိရုဇ္ဈိဿတိ, နော စ တေသံ တတ္ထ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပါနံ တေသံ တတ္ထ ဃာနာယတနဉ္စ န နိရုဇ္ဈိဿတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ရူပါယတနံ န နိရုဇ္ဈိဿတိ တဿ တတ္ထ ဃာနာယတနံ န နိရုဇ္ဈိဿတီတိ? အာမန္တာ။
(က) ယဿ ယတ္ထ ဃာနာယတနံ န နိရုဇ္ဈိဿတိ တဿ တတ္ထ မနာယတနံ န နိရုဇ္ဈိဿတီတိ?
ရူပါဝစရာနံ အရူပါဝစရာနံ တေသံ တတ္ထ ဃာနာယတနံ န နိရုဇ္ဈိဿတိ, နော စ တေသံ တတ္ထ မနာယတနံ န နိရုဇ္ဈိဿတိ, ပရိနိဗ္ဗန္တာနံ အသညသတ္တာနံ တေသံ တတ္ထ ဃာနာယတနဉ္စ န နိရုဇ္ဈိဿတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ ဃာနာယတနံ န နိရုဇ္ဈိဿတီတိ? အာမန္တာ။
(က) ယဿ ယတ္ထ ဃာနာယတနံ န နိရုဇ္ဈိဿတိ တဿ တတ္ထ ဓမ္မာယတနံ န နိရုဇ္ဈိဿတီတိ?
ရူပါဝစရာနံ အရူပါဝစရာနံ တေသံ တတ္ထ ဃာနာယတနံ န နိရုဇ္ဈိဿတိ , နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ဃာနာယတနဉ္စ န နိရုဇ္ဈိဿတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ ဃာနာယတနံ န နိရုဇ္ဈိဿတီတိ?
အာမန္တာ။ (ဃာနာယတနမူလကံ)
၁၄၉. (က) ယဿ ယတ္ထ ရူပါယတနံ န နိရုဇ္ဈိဿတိ တဿ တတ္ထ မနာယတနံ န နိရုဇ္ဈိဿတီတိ?
အရူပါနံ တေသံ တတ္ထ ရူပါယတနံ န နိရုဇ္ဈိဿတိ, နော စ တေသံ တတ္ထ မနာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ရူပါယတနဉ္စ န နိရုဇ္ဈိဿတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ ရူပါယတနံ န နိရုဇ္ဈိဿတီတိ?
အသညသတ္တာနံ တေသံ တတ္ထ မနာယတနံ န နိရုဇ္ဈိဿတိ, နော စ တေသံ တတ္ထ ရူပါယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ မနာယတနဉ္စ န နိရုဇ္ဈိဿတိ ရူပါယတနဉ္စ န နိရုဇ္ဈိဿတိ။
(က) ယဿ ယတ္ထ ရူပါယတနံ န နိရုဇ္ဈိဿတိ တဿ တတ္ထ ဓမ္မာယတနံ န နိရုဇ္ဈိဿတီတိ?
အရူပါနံ တေသံ တတ္ထ ရူပါယတနံ န နိရုဇ္ဈိဿတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ရူပါယတနဉ္စ န နိရုဇ္ဈိဿတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ ရူပါယတနံ န နိရုဇ္ဈိဿတီတိ? အာမန္တာ။ (ရူပါယတနမူလကံ)
၁၅၀. (က) ယဿ ယတ္ထ မနာယတနံ န နိရုဇ္ဈိဿတိ တဿ တတ္ထ ဓမ္မာယတနံ န နိရုဇ္ဈိဿတီတိ?
အသညသတ္တာနံ တေသံ တတ္ထ မနာယတနံ န နိရုဇ္ဈိဿတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ မနာယတနဉ္စ န နိရုဇ္ဈိဿတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ မနာယတနံ န နိရုဇ္ဈိဿတီတိ? အာမန္တာ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၁၅၁. (က) ယဿ စက္ခာယတနံ နိရုဇ္ဈတိ တဿ သောတာယတနံ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန သောတာယတနံ နိရုဇ္ဈိတ္ထ တဿ စက္ခာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ သောတာယတနံ နိရုဇ္ဈိတ္ထ, နော စ တေသံ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ သောတာယတနဉ္စ နိရုဇ္ဈိတ္ထ စက္ခာယတနဉ္စ နိရုဇ္ဈတိ။
ယဿ စက္ခာယတနံ နိရုဇ္ဈတိ တဿ ဃာနာယတနံ။ပေ.။ ရူပါယတနံ ။ပေ.။ မနာယတနံ။ပေ.။ ဓမ္မာယတနံ နိရုဇ္ဈိတ္ထာတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိတ္ထ တဿ စက္ခာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ ဓမ္မာယတနံ နိရုဇ္ဈိတ္ထ, နော စ တေသံ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ ဓမ္မာယတနဉ္စ နိရုဇ္ဈိတ္ထ စက္ခာယတနဉ္စ နိရုဇ္ဈတိ။
၁၅၂. ယဿ ဃာနာယတနံ နိရုဇ္ဈတိ တဿ ရူပါယတနံ။ပေ.။ မနာယတနံ။ပေ.။ ဓမ္မာယတနံ နိရုဇ္ဈိတ္ထာတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိတ္ထ တဿ ဃာနာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အဃာနကာနံ စဝန္တာနံ တေသံ ဓမ္မာယတနံ နိရုဇ္ဈိတ္ထ, နော စ တေသံ ဃာနာယတနံ နိရုဇ္ဈတိ။ သဃာနကာနံ စဝန္တာနံ တေသံ ဓမ္မာယတနဉ္စ နိရုဇ္ဈိတ္ထ ဃာနာယတနဉ္စ နိရုဇ္ဈတိ။
၁၅၃. ယဿ ရူပါယတနံ နိရုဇ္ဈတိ တဿ မနာယတနံ။ပေ.။ ဓမ္မာယတနံ နိရုဇ္ဈိတ္ထာတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိတ္ထ တဿ ရူပါယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အရူပကာနံ စဝန္တာနံ တေသံ ဓမ္မာယတနံ နိရုဇ္ဈိတ္ထ, နော စ တေသံ ရူပါယတနံ နိရုဇ္ဈတိ။ သရူပကာနံ စဝန္တာနံ တေသံ ဓမ္မာယတနဉ္စ နိရုဇ္ဈိတ္ထ ရူပါယတနဉ္စ နိရုဇ္ဈတိ။
၁၅၄. (က) ယဿ မနာယတနံ နိရုဇ္ဈတိ တဿ ဓမ္မာယတနံ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ဓမ္မာယတနံ နိရုဇ္ဈိတ္ထ တဿ မနာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အစိတ္တကာနံ စဝန္တာနံ တေသံ ဓမ္မာယတနံ နိရုဇ္ဈိတ္ထ, နော စ တေသံ မနာယတနံ နိရုဇ္ဈတိ။ သစိတ္တကာနံ စဝန္တာနံ တေသံ ဓမ္မာယတနဉ္စ နိရုဇ္ဈိတ္ထ မနာယတနဉ္စ နိရုဇ္ဈတိ။
(ခ) အနုလောမဩကာသော
၁၅၅. ယတ္ထ စက္ခာယတနံ နိရုဇ္ဈတိ။ပေ.။။
(ဂ) အနုလောမပုဂ္ဂလောကာသာ
၁၅၆. (က) ယဿ ယတ္ထ စက္ခာယတနံ နိရုဇ္ဈတိ တဿ တတ္ထ သောတာယတနံ နိရုဇ္ဈိတ္ထာတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈတိ, နော စ တေသံ တတ္ထ သောတာယတနံ နိရုဇ္ဈိတ္ထ။ ဣတရေသံ သစက္ခုကာနံ စဝန္တာနံ တေသံ တတ္ထ စက္ခာယတနဉ္စ နိရုဇ္ဈတိ သောတာယတနဉ္စ နိရုဇ္ဈိတ္ထ။
(ခ) ယဿ ဝါ ပန ယတ္ထ သောတာယတနံ နိရုဇ္ဈိတ္ထ တဿ တတ္ထ စက္ခာယတနံ နိရုဇ္ဈတီတိ?
ပဉ္စဝေါကာရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ တေသံ တတ္ထ သောတာယတနံ နိရုဇ္ဈိတ္ထ, နော စ တေသံ တတ္ထ စက္ခာယတနံ နိရုဇ္ဈတိ ။ သစက္ခုကာနံ စဝန္တာနံ တေသံ တတ္ထ သောတာယတနဉ္စ နိရုဇ္ဈိတ္ထ စက္ခာယတနဉ္စ နိရုဇ္ဈတိ။
(က) ယဿ ယတ္ထ စက္ခာယတနံ နိရုဇ္ဈတိ တဿ တတ္ထ ဃာနာယတနံ နိရုဇ္ဈိတ္ထာတိ?
ရူပါဝစရာ စဝန္တာနံ တေသံ တတ္ထ စက္ခာယတနံ နိရုဇ္ဈတိ, နော စ တေသံ တတ္ထ ဃာနာယတနံ နိရုဇ္ဈိတ္ထ။ သစက္ခုကာနံ ကာမာဝစရာ စဝန္တာနံ တေသံ တတ္ထ စက္ခာယတနဉ္စ နိရုဇ္ဈတိ ဃာနာယတနဉ္စ နိရုဇ္ဈိတ္ထ။
(ခ) ယဿ ဝါ ပန ယတ္ထ ဃာနာယတနံ နိရုဇ္ဈိတ္ထ တဿ တတ္ထ စက္ခာယတနံ နိရုဇ္ဈတီတိ?
ကာမာဝစရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ တေသံ တတ္ထ ဃာနာယတနံ နိရုဇ္ဈိတ္ထ, နော စ တေသံ တတ္ထ စက္ခာယတနံ နိရုဇ္ဈတိ။ သစက္ခုကာနံ ကာမာဝစရာ စဝန္တာနံ တေသံ တတ္ထ ဃာနာယတနဉ္စ နိရုဇ္ဈိတ္ထ စက္ခာယတနဉ္စ နိရုဇ္ဈတိ။
(က) ယဿ ယတ္ထ စက္ခာယတနံ နိရုဇ္ဈတိ တဿ တတ္ထ ရူပါယတနံ နိရုဇ္ဈိတ္ထာတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈတိ, နော စ တေသံ တတ္ထ ရူပါယတနံ နိရုဇ္ဈိတ္ထ။ ဣတရေသံ သစက္ခုကာနံ စဝန္တာနံ တေသံ တတ္ထ စက္ခာယတနဉ္စ နိရုဇ္ဈတိ ရူပါယတနဉ္စ နိရုဇ္ဈိတ္ထ။
(ခ) ယဿ ဝါ ပန ယတ္ထ ရူပါယတနံ နိရုဇ္ဈိတ္ထ တဿ တတ္ထ စက္ခာယတနံ နိရုဇ္ဈတီတိ?
ပဉ္စဝေါကာရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ အသညသတ္တာနံ တေသံ တတ္ထ ရူပါယတနံ နိရုဇ္ဈိတ္ထ, နော စ တေသံ တတ္ထ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ တတ္ထ ရူပါယတနဉ္စ နိရုဇ္ဈိတ္ထ စက္ခာယတနဉ္စ နိရုဇ္ဈတိ။
(က) ယဿ ယတ္ထ စက္ခာယတနံ နိရုဇ္ဈတိ တဿ တတ္ထ မနာယတနံ နိရုဇ္ဈိတ္ထာတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈတိ, နော စ တေသံ တတ္ထ မနာယတနံ နိရုဇ္ဈိတ္ထ။ ဣတရေသံ သစက္ခုကာနံ စဝန္တာနံ တေသံ တတ္ထ စက္ခာယတနဉ္စ နိရုဇ္ဈတိ မနာယတနဉ္စ နိရုဇ္ဈိတ္ထ။
(ခ) ယဿ ဝါ ပန ယတ္ထ မနာယတနံ နိရုဇ္ဈိတ္ထ တဿ တတ္ထ စက္ခာယတနံ နိရုဇ္ဈတီတိ?
ပဉ္စဝေါကာရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ အရူပါနံ တေသံ တတ္ထ မနာယတနံ နိရုဇ္ဈိတ္ထ, နော စ တေသံ တတ္ထ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ တတ္ထ မနာယတနဉ္စ နိရုဇ္ဈိတ္ထ စက္ခာယတနဉ္စ နိရုဇ္ဈတိ။
(က) ယဿ ယတ္ထ စက္ခာယတနံ နိရုဇ္ဈတိ တဿ တတ္ထ ဓမ္မာယတနံ နိရုဇ္ဈိတ္ထာတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈတိ, နော စ တေသံ တတ္ထ ဓမ္မာယတနံ နိရုဇ္ဈိတ္ထ။ ဣတရေသံ သစက္ခုကာနံ စဝန္တာနံ တေသံ တတ္ထ စက္ခာယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိတ္ထ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိတ္ထ တဿ တတ္ထ စက္ခာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ တတ္ထ ဓမ္မာယတနံ နိရုဇ္ဈိတ္ထ, နော စ တေသံ တတ္ထ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ တတ္ထ ဓမ္မာယတနဉ္စ နိရုဇ္ဈိတ္ထ စက္ခာယတနဉ္စ နိရုဇ္ဈတိ။ (စက္ခာယတနမူလကံ)
၁၅၇. (က) ယဿ ယတ္ထ ဃာနာယတနံ နိရုဇ္ဈတိ တဿ တတ္ထ ရူပါယတနံ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ နိရုဇ္ဈိတ္ထ တဿ တတ္ထ ဃာနာယတနံ နိရုဇ္ဈတီတိ?
ကာမာဝစရံ ဥပပဇ္ဇန္တာနံ အဃာနကာနံ ကာမာဝစရာ စဝန္တာနံ ရူပါဝစရာနံ တေသံ တတ္ထ ရူပါယတနံ နိရုဇ္ဈိတ္ထ, နော စ တေသံ တတ္ထ ဃာနာယတနံ နိရုဇ္ဈတိ။ သဃာနကာနံ စဝန္တာနံ တေသံ တတ္ထ ရူပါယတနဉ္စ နိရုဇ္ဈိတ္ထ ဃာနာယတနဉ္စ နိရုဇ္ဈတိ။
(က) ယဿ ယတ္ထ ဃာနာယတနံ နိရုဇ္ဈတိ တဿ တတ္ထ မနာယတနံ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ မနာယတနံ နိရုဇ္ဈိတ္ထ တဿ တတ္ထ ဃာနာယတနံ နိရုဇ္ဈတီတိ?
ကာမာဝစရံ ဥပပဇ္ဇန္တာနံ အဃာနကာနံ ကာမာဝစရာ စဝန္တာနံ ရူပါဝစရာနံ အရူပါဝစရာနံ တေသံ တတ္ထ မနာယတနံ နိရုဇ္ဈိတ္ထ, နော စ တေသံ တတ္ထ ဃာနာယတနံ နိရုဇ္ဈတိ ။ သဃာနကာနံ စဝန္တာနံ တေသံ တတ္ထ မနာယတနဉ္စ နိရုဇ္ဈိတ္ထ ဃာနာယတနဉ္စ နိရုဇ္ဈတိ။
(က) ယဿ ယတ္ထ ဃာနာယတနံ နိရုဇ္ဈတိ တဿ တတ္ထ ဓမ္မာယတနံ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိတ္ထ တဿ တတ္ထ ဃာနာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အဃာနကာနံ စဝန္တာနံ တေသံ တတ္ထ ဓမ္မာယတနံ နိရုဇ္ဈိတ္ထ, နော စ တေသံ တတ္ထ ဃာနာယတနံ နိရုဇ္ဈတိ။ သဃာနကာနံ စဝန္တာနံ တေသံ တတ္ထ ဓမ္မာယတနဉ္စ နိရုဇ္ဈိတ္ထ ဃာနာယတနဉ္စ နိရုဇ္ဈတိ။ (ဃာနာယတနမူလကံ)
၁၅၈. (က) ယဿ ယတ္ထ ရူပါယတနံ နိရုဇ္ဈတိ တဿ တတ္ထ မနာယတနံ နိရုဇ္ဈိတ္ထာတိ?
သုဒ္ဓါဝါသေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ရူပါယတနံ နိရုဇ္ဈတိ, နော စ တေသံ တတ္ထ မနာယတနံ နိရုဇ္ဈိတ္ထ။ ဣတရေသံ ပဉ္စဝေါကာရာ စဝန္တာနံ တေသံ တတ္ထ ရူပါယတနဉ္စ နိရုဇ္ဈတိ မနာယတနဉ္စ နိရုဇ္ဈိတ္ထ။
(ခ) ယဿ ဝါ ပန ယတ္ထ မနာယတနံ နိရုဇ္ဈိတ္ထ တဿ တတ္ထ ရူပါယတနံ နိရုဇ္ဈတီတိ?
ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ မနာယတနံ နိရုဇ္ဈိတ္ထ, နော စ တေသံ တတ္ထ ရူပါယတနံ နိရုဇ္ဈတိ။ ပဉ္စဝေါကာရာ စဝန္တာနံ တေသံ တတ္ထ မနာယတနဉ္စ နိရုဇ္ဈိတ္ထ ရူပါယတနဉ္စ နိရုဇ္ဈတိ။
(က) ယဿ ယတ္ထ ရူပါယတနံ နိရုဇ္ဈတိ တဿ တတ္ထ ဓမ္မာယတနံ နိရုဇ္ဈိတ္ထာတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ ရူပါယတနံ နိရုဇ္ဈတိ, နော စ တေသံ တတ္ထ ဓမ္မာယတနံ နိရုဇ္ဈိတ္ထ။ ဣတရေသံ သရူပကာနံ စဝန္တာနံ တေသံ တတ္ထ ရူပါယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိတ္ထ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိတ္ထ တဿ တတ္ထ ရူပါယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အရူပကာနံ စဝန္တာနံ တေသံ တတ္ထ ဓမ္မာယတနံ နိရုဇ္ဈိတ္ထ, နော စ တေသံ တတ္ထ ရူပါယတနံ နိရုဇ္ဈတိ။ သရူပကာနံ စဝန္တာနံ တေသံ တတ္ထ ဓမ္မာယတနဉ္စ နိရုဇ္ဈိတ္ထ ရူပါယတနဉ္စ နိရုဇ္ဈတိ။ (ရူပါယတနမူလကံ)
၁၅၉. (က) ယဿ ယတ္ထ မနာယတနံ နိရုဇ္ဈတိ တဿ တတ္ထ ဓမ္မာယတနံ နိရုဇ္ဈိတ္ထာတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ မနာယတနံ နိရုဇ္ဈတိ, နော စ တေသံ တတ္ထ ဓမ္မာယတနံ နိရုဇ္ဈိတ္ထ။ ဣတရေသံ သစိတ္တကာနံ စဝန္တာနံ တေသံ တတ္ထ မနာယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိတ္ထ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိတ္ထ တဿ တတ္ထ မနာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အစိတ္တကာနံ စဝန္တာနံ တေသံ တတ္ထ ဓမ္မာယတနံ နိရုဇ္ဈိတ္ထ, နော စ တေသံ တတ္ထ မနာယတနံ နိရုဇ္ဈတိ။ သစိတ္တကာနံ စဝန္တာနံ တေသံ တတ္ထ ဓမ္မာယတနဉ္စ နိရုဇ္ဈိတ္ထ မနာယတနဉ္စ နိရုဇ္ဈတိ။
(ဃ) ပစ္စနီကပုဂ္ဂလော
၁၆၀. (က) ယဿ စက္ခာယတနံ န နိရုဇ္ဈတိ တဿ သောတာယတနံ န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန သောတာယတနံ န နိရုဇ္ဈိတ္ထ တဿ စက္ခာယတနံ န နိရုဇ္ဈတီတိ? နတ္ထိ။
ယဿ စက္ခာယတနံ။ပေ.။ ဃာနာယတနံ။ပေ.။ ရူပါယတနံ။ပေ.။ မနာယတနံ န နိရုဇ္ဈတိ တဿ ဓမ္မာယတနံ န နိရုဇ္ဈိတ္ထာတိ? နိရုဇ္ဈိတ္ထ။
ယဿ ဝါ ပန ဓမ္မာယတနံ န နိရုဇ္ဈိတ္ထ တဿ မနာယတနံ န နိရုဇ္ဈတီတိ? နတ္ထိ။
(င) ပစ္စနီကဩကာသော
၁၆၁. ယတ္ထ စက္ခာယတနံ န နိရုဇ္ဈတိ။ပေ.။။
(စ) ပစ္စနီကပုဂ္ဂလောကာသာ
၁၆၂. (က) ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ သောတာယတနံ န နိရုဇ္ဈိတ္ထာတိ?
ပဉ္စဝေါကာရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ တေသံ တတ္ထ စက္ခာယတနံ န နိရုဇ္ဈတိ, နော စ တေသံ တတ္ထ သောတာယတနံ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ န နိရုဇ္ဈတိ သောတာယတနဉ္စ န နိရုဇ္ဈိတ္ထ။
(ခ) ယဿ ဝါ ပန ယတ္ထ သောတာယတနံ န နိရုဇ္ဈိတ္ထ တဿ တတ္ထ စက္ခာယတနံ န နိရုဇ္ဈတီတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ သောတာယတနံ န နိရုဇ္ဈိတ္ထ, နော စ တေသံ တတ္ထ စက္ခာယတနံ န နိရုဇ္ဈတိ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ အရူပါနံ တေသံ တတ္ထ သောတာယတနဉ္စ န နိရုဇ္ဈိတ္ထ စက္ခာယတနဉ္စ န နိရုဇ္ဈတိ။
(က) ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ ဃာနာယတနံ န နိရုဇ္ဈိတ္ထာတိ?
ကာမာဝစရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ တေသံ တတ္ထ စက္ခာယတနံ န နိရုဇ္ဈတိ, နော စ တေသံ တတ္ထ ဃာနာယတနံ န နိရုဇ္ဈိတ္ထ။ ရူပါဝစရံ ဥပပဇ္ဇန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ န နိရုဇ္ဈတိ ဃာနာယတနဉ္စ န နိရုဇ္ဈိတ္ထ ။
(ခ) ယဿ ဝါ ပန ယတ္ထ ဃာနာယတနံ န နိရုဇ္ဈိတ္ထ တဿ တတ္ထ စက္ခာယတနံ န နိရုဇ္ဈတီတိ?
ရူပါဝစရာ စဝန္တာနံ တေသံ တတ္ထ ဃာနာယတနံ န နိရုဇ္ဈိတ္ထ, နော စ တေသံ တတ္ထ စက္ခာယတနံ န နိရုဇ္ဈတိ။ ရူပါဝစရံ ဥပပဇ္ဇန္တာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ န နိရုဇ္ဈိတ္ထ စက္ခာယတနဉ္စ န နိရုဇ္ဈတိ။
(က) ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ ရူပါယတနံ န နိရုဇ္ဈိတ္ထာတိ?
ပဉ္စဝေါကာရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ အသညသတ္တာနံ တေသံ တတ္ထ စက္ခာယတနံ န နိရုဇ္ဈတိ, နော စ တေသံ တတ္ထ ရူပါယတနံ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ စက္ခာယတနဉ္စ န နိရုဇ္ဈတိ ရူပါယတနဉ္စ န နိရုဇ္ဈိတ္ထ။
(ခ) ယဿ ဝါ ပန ယတ္ထ ရူပါယတနံ န နိရုဇ္ဈိတ္ထ တဿ တတ္ထ စက္ခာယတနံ န နိရုဇ္ဈတီတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ ရူပါယတနံ န နိရုဇ္ဈိတ္ထ, နော စ တေသံ တတ္ထ စက္ခာယတနံ န နိရုဇ္ဈတိ။ သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ ရူပါယတနဉ္စ န နိရုဇ္ဈိတ္ထ စက္ခာယတနဉ္စ န နိရုဇ္ဈတိ။
(က) ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ မနာယတနံ န နိရုဇ္ဈိတ္ထာတိ?
ပဉ္စဝေါကာရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ အရူပါနံ တေသံ တတ္ထ စက္ခာယတနံ န နိရုဇ္ဈတိ, နော စ တေသံ တတ္ထ မနာယတနံ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ စက္ခာယတနဉ္စ န နိရုဇ္ဈတိ မနာယတနဉ္စ န နိရုဇ္ဈိတ္ထ ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိတ္ထ တဿ တတ္ထ စက္ခာယတနံ န နိရုဇ္ဈတီတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ မနာယတနံ န နိရုဇ္ဈိတ္ထ, နော စ တေသံ တတ္ထ စက္ခာယတနံ န နိရုဇ္ဈတိ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ မနာယတနဉ္စ န နိရုဇ္ဈိတ္ထ စက္ခာယတနဉ္စ န နိရုဇ္ဈတိ။
(က) ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ ဓမ္မာယတနံ န နိရုဇ္ဈိတ္ထာတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ တတ္ထ စက္ခာယတနံ န နိရုဇ္ဈတိ, နော စ တေသံ တတ္ထ ဓမ္မာယတနံ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ စက္ခာယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈိတ္ထ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိတ္ထ တဿ တတ္ထ စက္ခာယတနံ န နိရုဇ္ဈတီတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ ဓမ္မာယတနံ န နိရုဇ္ဈိတ္ထ, နော စ တေသံ တတ္ထ စက္ခာယတနံ န နိရုဇ္ဈတိ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ န နိရုဇ္ဈိတ္ထ စက္ခာယတနဉ္စ န နိရုဇ္ဈတိ။ (စက္ခာယတနမူလကံ)
၁၆၃. (က) ယဿ ယတ္ထ ဃာနာယတနံ န နိရုဇ္ဈတိ တဿ တတ္ထ ရူပါယတနံ န နိရုဇ္ဈိတ္ထာတိ?
ကာမာဝစရံ ဥပပဇ္ဇန္တာနံ အဃာနကာနံ ကာမာဝစရာ စဝန္တာနံ ရူပါဝစရာနံ တေသံ တတ္ထ ဃာနာယတနံ န နိရုဇ္ဈတိ, နော စ တေသံ တတ္ထ ရူပါယတနံ န နိရုဇ္ဈိတ္ထ။ သုဒ္ဓါဝါသာနံ အရူပါနံ တေသံ တတ္ထ ဃာနာယတနဉ္စ န နိရုဇ္ဈတိ ရူပါယတနဉ္စ န နိရုဇ္ဈိတ္ထ။
(ခ) ယဿ ဝါ ပန ယတ္ထ ရူပါယတနံ န နိရုဇ္ဈိတ္ထ တဿ တတ္ထ ဃာနာယတနံ န နိရုဇ္ဈတီတိ ? အာမန္တာ။
(က) ယဿ ယတ္ထ ဃာနာယတနံ န နိရုဇ္ဈတိ တဿ တတ္ထ မနာယတနံ န နိရုဇ္ဈိတ္ထာတိ?
ကာမာဝစရံ ဥပပဇ္ဇန္တာနံ အဃာနကာနံ ကာမာဝစရာ စဝန္တာနံ ရူပါဝစရာနံ အရူပါဝစရာနံ တေသံ တတ္ထ ဃာနာယတနံ န နိရုဇ္ဈတိ, နော စ တေသံ တတ္ထ မနာယတနံ န နိရုဇ္ဈိတ္ထ။ သုဒ္ဓါဝါသာနံ အသညသတ္တာနံ တေသံ တတ္ထ ဃာနာယတနဉ္စ န နိရုဇ္ဈတိ မနာယတနဉ္စ န နိရုဇ္ဈိတ္ထ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိတ္ထ တဿ တတ္ထ ဃာနာယတနံ န နိရုဇ္ဈတီတိ? အာမန္တာ။
(က) ယဿ ယတ္ထ ဃာနာယတနံ န နိရုဇ္ဈတိ တဿ တတ္ထ ဓမ္မာယတနံ န နိရုဇ္ဈိတ္ထာတိ?
သဗ္ဗေသံ ဥပပဇ္ဇန္တာနံ အဃာနကာနံ စဝန္တာနံ တေသံ တတ္ထ ဃာနာယတနံ န နိရုဇ္ဈတိ, နော စ တေသံ တတ္ထ ဓမ္မာယတနံ န နိရုဇ္ဈိတ္ထ။ သုဒ္ဓါဝါသာနံ တေသံ တတ္ထ ဃာနာယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈိတ္ထ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိတ္ထ တဿ တတ္ထ ဃာနာယတနံ န နိရုဇ္ဈတီတိ? အာမန္တာ။ (ဃာနာယတနမူလကံ)
၁၆၄. (က) ယဿ ယတ္ထ ရူပါယတနံ န နိရုဇ္ဈတိ တဿ တတ္ထ မနာယတနံ န နိရုဇ္ဈိတ္ထာတိ?
ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ရူပါယတနံ န နိရုဇ္ဈတိ, နော စ တေသံ တတ္ထ မနာယတနံ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ ရူပါယတနဉ္စ န နိရုဇ္ဈတိ မနာယတနဉ္စ န နိရုဇ္ဈိတ္ထ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိတ္ထ တဿ တတ္ထ ရူပါယတနံ န နိရုဇ္ဈတီတိ?
သုဒ္ဓါဝါသေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ မနာယတနံ န နိရုဇ္ဈိတ္ထ, နော စ တေသံ တတ္ထ ရူပါယတနံ န နိရုဇ္ဈတိ။ သုဒ္ဓါဝါသံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ မနာယတနဉ္စ န နိရုဇ္ဈိတ္ထ ရူပါယတနဉ္စ န နိရုဇ္ဈတိ။
(က) ယဿ ယတ္ထ ရူပါယတနံ န နိရုဇ္ဈတိ တဿ တတ္ထ ဓမ္မာယတနံ န နိရုဇ္ဈိတ္ထာတိ?
သဗ္ဗေသံ ဥပပဇ္ဇန္တာနံ အရူပကာနံ စဝန္တာနံ တေသံ တတ္ထ ရူပါယတနံ န နိရုဇ္ဈတိ, နော စ တေသံ တတ္ထ ဓမ္မာယတနံ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ ရူပါယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈိတ္ထ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိတ္ထ တဿ တတ္ထ ရူပါယတနံ န နိရုဇ္ဈတီတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ ဓမ္မာယတနံ န နိရုဇ္ဈိတ္ထ, နော စ တေသံ တတ္ထ ရူပါယတနံ န နိရုဇ္ဈတိ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ န နိရုဇ္ဈိတ္ထ ရူပါယတနဉ္စ န နိရုဇ္ဈတိ။
၁၆၅. (က) ယဿ ယတ္ထ မနာယတနံ န နိရုဇ္ဈတိ တဿ တတ္ထ ဓမ္မာယတနံ န နိရုဇ္ဈိတ္ထာတိ?
သဗ္ဗေသံ ဥပပဇ္ဇန္တာနံ အစိတ္တကာနံ စဝန္တာနံ တေသံ တတ္ထ မနာယတနံ န နိရုဇ္ဈတိ, နော စ တေသံ တတ္ထ ဓမ္မာယတနံ န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ မနာယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈိတ္ထ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိတ္ထ တဿ တတ္ထ မနာယတနံ န နိရုဇ္ဈတီတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ ဓမ္မာယတနံ န နိရုဇ္ဈိတ္ထ, နော စ တေသံ တတ္ထ မနာယတနံ န နိရုဇ္ဈတိ။ သုဒ္ဓါဝါသံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ န နိရုဇ္ဈိတ္ထ မနာယတနဉ္စ န နိရုဇ္ဈတိ။
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၁၆၆. (က) ယဿ စက္ခာယတနံ နိရုဇ္ဈတိ တဿ သောတာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနံ နိရုဇ္ဈတိ, နော စ တေသံ သောတာယတနံ နိရုဇ္ဈိဿတိ။ ဣတရေသံ သစက္ခုကာနံ စဝန္တာနံ တေသံ စက္ခာယတနဉ္စ နိရုဇ္ဈတိ သောတာယတနဉ္စ နိရုဇ္ဈိဿတိ။
(ခ) ယဿ ဝါ ပန သောတာယတနံ နိရုဇ္ဈိဿတိ တဿ စက္ခာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ သောတာယတနံ နိရုဇ္ဈိဿတိ, နော စ တေသံ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ သောတာယတနဉ္စ နိရုဇ္ဈိဿတိ စက္ခာယတနဉ္စ နိရုဇ္ဈတိ။
(က) ယဿ စက္ခာယတနံ နိရုဇ္ဈတိ တဿ ဃာနာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနံ နိရုဇ္ဈတိ, နော စ တေသံ ဃာနာယတနံ နိရုဇ္ဈိဿတိ။ ဣတရေသံ သစက္ခုကာနံ စဝန္တာနံ တေသံ စက္ခာယတနဉ္စ နိရုဇ္ဈတိ ဃာနာယတနဉ္စ နိရုဇ္ဈိဿတိ။
(ခ) ယဿ ဝါ ပန ဃာနာယတနံ။ပေ.။။
(က) ယဿ စက္ခာယတနံ နိရုဇ္ဈတိ တဿ ရူပါယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနံ နိရုဇ္ဈတိ, နော စ တေသံ ရူပါယတနံ နိရုဇ္ဈိဿတိ။ ဣတရေသံ သစက္ခုကာနံ စဝန္တာနံ တေသံ စက္ခာယတနဉ္စ နိရုဇ္ဈတိ ရူပါယတနဉ္စ နိရုဇ္ဈိဿတိ။
(ခ) ယဿ ဝါ ပန ရူပါယတနံ။ပေ.။။
ယဿ စက္ခာယတနံ နိရုဇ္ဈတိ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ စက္ခာယတနံ နိရုဇ္ဈတိ, နော စ တေသံ ဓမ္မာယတနံ နိရုဇ္ဈိဿတိ။ ဣတရေသံ သစက္ခုကာနံ စဝန္တာနံ တေသံ စက္ခာယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိဿတိ။
ယဿ ဝါ ပန ဓမ္မာယတနံ နိရုဇ္ဈိဿတိ တဿ စက္ခာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ။ပေ.။ သစက္ခုကာနံ စဝန္တာနံ တေသံ။ပေ.။။
၁၆၇. (က) ယဿ ဃာနာယတနံ နိရုဇ္ဈတိ တဿ ရူပါယတနံ နိရုဇ္ဈိဿတီတိ?
ကာမာဝစရေ ပရိနိဗ္ဗန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနံ နိရုဇ္ဈတိ, နော စ တေသံ ရူပါယတနံ နိရုဇ္ဈိဿတိ။ ဣတရေသံ သဃာနကာနံ စဝန္တာနံ တေသံ ဃာနာယတနဉ္စ နိရုဇ္ဈတိ ရူပါယတနဉ္စ နိရုဇ္ဈိဿတိ။
(ခ) ယဿ ဝါ ပန ရူပါယတနံ နိရုဇ္ဈိဿတိ တဿ ဃာနာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အဃာနကာနံ စဝန္တာနံ တေသံ ရူပါယတနံ နိရုဇ္ဈိဿတိ, နော စ တေသံ ဃာနာယတနံ နိရုဇ္ဈတိ။ သဃာနကာနံ စဝန္တာနံ တေသံ ရူပါယတနဉ္စ နိရုဇ္ဈိဿတိ ဃာနာယတနဉ္စ နိရုဇ္ဈတိ။
ယဿ ဃာနာယတနံ နိရုဇ္ဈတိ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ?
ကာမာဝစရေ ပရိနိဗ္ဗန္တာနံ တေသံ ဃာနာယတနံ နိရုဇ္ဈတိ, နော စ တေသံ ဓမ္မာယတနံ နိရုဇ္ဈိဿတိ။ ဣတရေသံ သဃာနကာနံ စဝန္တာနံ တေသံ ဃာနာယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိဿတိ။
ယဿ ဝါ ပန ဓမ္မာယတနံ။ပေ.။။
၁၆၈. ယဿ ရူပါယတနံ နိရုဇ္ဈတိ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ ရူပါယတနံ နိရုဇ္ဈတိ, နော စ တေသံ ဓမ္မာယတနံ နိရုဇ္ဈိဿတိ။ ဣတရေသံ သရူပကာနံ စဝန္တာနံ တေသံ ရူပါယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိဿတိ။
ယဿ ဝါ ပန ဓမ္မာယတနံ နိရုဇ္ဈိဿတိ တဿ ရူပါယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အရူပကာနံ စဝန္တာနံ တေသံ ဓမ္မာယတနံ နိရုဇ္ဈိဿတိ , နော စ တေသံ ရူပါယတနံ နိရုဇ္ဈတိ။ သရူပကာနံ စဝန္တာနံ တေသံ ဓမ္မာယတနဉ္စ နိရုဇ္ဈိဿတိ ရူပါယတနဉ္စ နိရုဇ္ဈတိ။
၁၆၉. (က) ယဿ မနာယတနံ နိရုဇ္ဈတိ တဿ ဓမ္မာယတနံ နိရုဇ္ဈိဿတီတိ?
ပရိနိဗ္ဗန္တာနံ တေသံ မနာယတနံ နိရုဇ္ဈတိ, နော စ တေသံ ဓမ္မာယတနံ နိရုဇ္ဈိဿတိ။ ဣတရေသံ သစိတ္တကာနံ စဝန္တာနံ တေသံ မနာယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိဿတိ။
(ခ) ယဿ ဝါ ပန ဓမ္မာယတနံ နိရုဇ္ဈိဿတိ တဿ မနာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အစိတ္တကာနံ စဝန္တာနံ တေသံ ဓမ္မာယတနံ နိရုဇ္ဈိဿတိ, နော စ တေသံ မနာယတနံ နိရုဇ္ဈတိ။ သစိတ္တကာနံ စဝန္တာနံ တေသံ ဓမ္မာယတနဉ္စ နိရုဇ္ဈိဿတိ မနာယတနဉ္စ နိရုဇ္ဈတိ။
(ခ) အနုလောမဩကာသော
၁၇၀. ယတ္ထ စက္ခာယတနံ နိရုဇ္ဈတိ။ပေ.။။
(ဂ) အနုလောမပုဂ္ဂလောကာသာ
၁၇၁. (က) ယဿ ယတ္ထ စက္ခာယတနံ နိရုဇ္ဈတိ တဿ တတ္ထ သောတာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈတိ, နော စ တေသံ တတ္ထ သောတာယတနံ နိရုဇ္ဈိဿတိ။ ဣတရေသံ သစက္ခုကာနံ စဝန္တာနံ တေသံ တတ္ထ စက္ခာယတနဉ္စ နိရုဇ္ဈတိ သောတာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ သောတာယတနံ နိရုဇ္ဈိဿတိ တဿ တတ္ထ စက္ခာယတနံ နိရုဇ္ဈတီတိ?
ပဉ္စဝေါကာရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ တေသံ တတ္ထ သောတာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ တတ္ထ သောတာယတနဉ္စ နိရုဇ္ဈိဿတိ စက္ခာယတနဉ္စ နိရုဇ္ဈတိ။
(က) ယဿ ယတ္ထ စက္ခာယတနံ နိရုဇ္ဈတိ တဿ တတ္ထ ဃာနာယတနံ နိရုဇ္ဈိဿတီတိ?
ကာမာဝစရေ ပရိနိဗ္ဗန္တာနံ ရူပါဝစရာ စဝန္တာနံ တေသံ တတ္ထ စက္ခာယတနံ နိရုဇ္ဈတိ, နော စ တေသံ တတ္ထ ဃာနာယတနံ နိရုဇ္ဈိဿတိ။ ဣတရေသံ သစက္ခုကာနံ ကာမာဝစရာ စဝန္တာနံ တေသံ တတ္ထ စက္ခာယတနဉ္စ နိရုဇ္ဈတိ ဃာနာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ဃာနာယတနံ။ပေ.။ (ယထာ ပစ္စုပ္ပန္နာတီတေပိ တိဝိဓံ ဝိတ္ထာရိတံ ဧဝံ ဣဒမ္ပိ ဝိတ္ထာရေတဗ္ဗံ)။
(က) ယဿ ယတ္ထ စက္ခာယတနံ နိရုဇ္ဈတိ တဿ တတ္ထ ရူပါယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈတိ, နော စ တေသံ တတ္ထ ရူပါယတနံ နိရုဇ္ဈိဿတိ။ ဣတရေသံ သစက္ခုကာနံ စဝန္တာနံ တေသံ တတ္ထ စက္ခာယတနဉ္စ နိရုဇ္ဈတိ ရူပါယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ရူပါယတနံ။ပေ.။။
(က) ယဿ ယတ္ထ စက္ခာယတနံ နိရုဇ္ဈတိ တဿ တတ္ထ မနာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈတိ, နော စ တေသံ တတ္ထ မနာယတနံ နိရုဇ္ဈိဿတိ။ ဣတရေသံ သစက္ခုကာနံ စဝန္တာနံ တေသံ တတ္ထ စက္ခာယတနဉ္စ နိရုဇ္ဈတိ မနာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ။ပေ.။။
(က) ယဿ ယတ္ထ စက္ခာယတနံ နိရုဇ္ဈတိ တဿ တတ္ထ ဓမ္မာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈတိ, နော စ တေသံ တတ္ထ ဓမ္မာယတနံ နိရုဇ္ဈိဿတိ။ ဣတရေသံ သစက္ခုကာနံ စဝန္တာနံ တေသံ တတ္ထ စက္ခာယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ စက္ခာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ နိရုဇ္ဈတိ။ သစက္ခုကာနံ စဝန္တာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ စက္ခာယတနဉ္စ နိရုဇ္ဈတိ။ (စက္ခာယတနမူလကံ)
၁၇၂. (က) ယဿ ယတ္ထ ဃာနာယတနံ နိရုဇ္ဈတိ တဿ တတ္ထ ရူပါယတနံ နိရုဇ္ဈိဿတီတိ?
ကာမာဝစရေ ပရိနိဗ္ဗန္တာနံ တေသံ တတ္ထ ဃာနာယတနံ နိရုဇ္ဈတိ, နော စ တေသံ တတ္ထ ရူပါယတနံ နိရုဇ္ဈိဿတိ။ ဣတရေသံ သဃာနကာနံ စဝန္တာနံ တေသံ တတ္ထ ဃာနာယတနဉ္စ နိရုဇ္ဈတိ ရူပါယတနဉ္စ နိရုဇ္ဈိဿတိ ။
(ခ) ယဿ ဝါ ပန ယတ္ထ ရူပါယတနံ နိရုဇ္ဈိဿတိ တဿ တတ္ထ ဃာနာယတနံ နိရုဇ္ဈတီတိ? ကာမာဝစရေ ပရိနိဗ္ဗာန္တာနံ တေသံ တတ္ထ။ပေ.။။
ကာမာဝစရံ ဥပပဇ္ဇန္တာနံ အဃာနကာနံ ကာမာဝစရာ စဝန္တာနံ ရူပါဝစရာနံ တေသံ တတ္ထ။ပေ.။။
ယဿ ယတ္ထ ဃာနာယတနံ နိရုဇ္ဈတိ တဿ တတ္ထ မနာယတနံ။ပေ.။ ဓမ္မာယတနံ နိရုဇ္ဈိဿတီတိ?
ကာမာဝစရေ ပရိနိဗ္ဗန္တာနံ တေသံ တတ္ထ ဃာနာယတနံ နိရုဇ္ဈတိ, နော စ တေသံ တတ္ထ ဓမ္မာယတနံ နိရုဇ္ဈိဿတိ။ ဣတရေသံ သဃာနကာနံ စဝန္တာနံ တေသံ တတ္ထ ဃာနာယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိဿတိ။
ယဿ ဝါ ပန ယတ္ထ ဓမ္မာယတနံ။ပေ.။။
၁၇၃. (က) ယဿ ယတ္ထ ရူပါယတနံ နိရုဇ္ဈတိ တဿ တတ္ထ မနာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ရူပါယတနံ နိရုဇ္ဈတိ, နော စ တေသံ တတ္ထ မနာယတနံ နိရုဇ္ဈိဿတိ။ ဣတရေသံ ပဉ္စဝေါကာရာ စဝန္တာနံ တေသံ တတ္ထ ရူပါယတနဉ္စ နိရုဇ္ဈတိ မနာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ။ပေ.။။
(က) ယဿ ယတ္ထ ရူပါယတနံ နိရုဇ္ဈတိ တဿ တတ္ထ ဓမ္မာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ ရူပါယတနံ နိရုဇ္ဈတိ, နော စ တေသံ တတ္ထ ဓမ္မာယတနံ နိရုဇ္ဈိဿတိ။ ဣတရေသံ သရူပကာနံ စဝန္တာနံ တေသံ တတ္ထ ရူပါယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ ရူပါယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အရူပကာနံ စဝန္တာနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ ရူပါယတနံ နိရုဇ္ဈတိ။ သရူပကာနံ စဝန္တာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ ရူပါယတနဉ္စ နိရုဇ္ဈတိ။
၁၇၄. (က) ယဿ ယတ္ထ မနာယတနံ နိရုဇ္ဈတိ တဿ တတ္ထ ဓမ္မာယတနံ နိရုဇ္ဈိဿတီတိ?
ပရိနိဗ္ဗန္တာနံ တေသံ တတ္ထ မနာယတနံ နိရုဇ္ဈတိ, နော စ တေသံ တတ္ထ ဓမ္မာယတနံ နိရုဇ္ဈိဿတိ။ ဣတရေသံ သစိတ္တကာနံ စဝန္တာနံ တေသံ တတ္ထ မနာယတနဉ္စ နိရုဇ္ဈတိ ဓမ္မာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ မနာယတနံ နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အစိတ္တကာနံ စဝန္တာနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ မနာယတနံ နိရုဇ္ဈတိ။ သစိတ္တကာနံ စဝန္တာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ မနာယတနဉ္စ နိရုဇ္ဈတိ။
(ဃ) ပစ္စနီကပုဂ္ဂလော
၁၇၅. (က) ယဿ စက္ခာယတနံ န နိရုဇ္ဈတိ တဿ သောတာယတနံ န နိရုဇ္ဈိဿတီတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ စက္ခာယတနံ န နိရုဇ္ဈတိ, နော စ တေသံ သောတာယတနံ န နိရုဇ္ဈိဿတိ။ အရူပေ ပစ္ဆိမဘဝိကာနံ တေသံ စက္ခာယတနဉ္စ န နိရုဇ္ဈတိ သောတာယတနဉ္စ န နိရုဇ္ဈိဿတိ။
(ခ) ယဿ ဝါ ပန သောတာယတနံ န နိရုဇ္ဈိဿတိ တဿ စက္ခာယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ သောတာယတနံ န နိရုဇ္ဈိဿတိ, နော စ တေသံ စက္ခာယတနံ န နိရုဇ္ဈတိ။ အရူပေ ပစ္ဆိမဘဝိကာနံ တေသံ သောတာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈတိ။
(က) ယဿ စက္ခာယတနံ န နိရုဇ္ဈတိ တဿ ဃာနာယတနံ န နိရုဇ္ဈိဿတီတိ ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ စက္ခာယတနံ န နိရုဇ္ဈတိ, နော စ တေသံ ဃာနာယတနံ န နိရုဇ္ဈိဿတိ။ ပစ္ဆိမဘဝိကာနံ ရူပါဝစရံ ဥပပဇ္ဇန္တာနံ အရူပေ ပစ္ဆိမဘဝိကာနံ တေသံ စက္ခာယတနဉ္စ န နိရုဇ္ဈတိ ဃာနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ဃာနာယတနံ န နိရုဇ္ဈိဿတိ တဿ စက္ခာယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနံ န နိရုဇ္ဈိဿတိ, နော စ တေသံ စက္ခာယတနံ န နိရုဇ္ဈတိ။ ပစ္ဆိမဘဝိကာနံ ရူပါဝစရံ ဥပပဇ္ဇန္တာနံ အရူပေ ပစ္ဆိမဘဝိကာနံ တေသံ ဃာနာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈတိ။
(က) ယဿ စက္ခာယတနံ န နိရုဇ္ဈတိ တဿ ရူပါယတနံ န နိရုဇ္ဈိဿတီတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ စက္ခာယတနံ န နိရုဇ္ဈတိ, နော စ တေသံ ရူပါယတနံ န နိရုဇ္ဈိဿတိ။ အရူပေ ပစ္ဆိမဘဝိကာနံ တေသံ စက္ခာယတနဉ္စ န နိရုဇ္ဈတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ရူပါယတနံ န နိရုဇ္ဈိဿတိ တဿ စက္ခာယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ရူပါယတနံ န နိရုဇ္ဈိဿတိ, နော စ တေသံ စက္ခာယတနံ န နိရုဇ္ဈတိ။ အရူပေ ပစ္ဆိမဘဝိကာနံ တေသံ ရူပါယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈတိ။
ယဿ စက္ခာယတနံ န နိရုဇ္ဈတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ စက္ခာယတနံ န နိရုဇ္ဈတိ, နော စ တေသံ ဓမ္မာယတနံ န နိရုဇ္ဈိဿတိ။ အရူပေ ပရိနိဗ္ဗန္တာနံ တေသံ စက္ခာယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ န နိရုဇ္ဈိဿတိ တဿ စက္ခာယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ တေသံ ဓမ္မာယတနံ န နိရုဇ္ဈိဿတိ, နော စ တေသံ စက္ခာယတနံ န နိရုဇ္ဈတိ။ အရူပေ ပရိနိဗ္ဗန္တာနံ တေသံ ဓမ္မာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈတိ။
၁၇၆. (က) ယဿ ဃာနာယတနံ န နိရုဇ္ဈတိ တဿ ရူပါယတနံ န နိရုဇ္ဈိဿတီတိ?
သဗ္ဗေသံ ဥပပဇ္ဇန္တာနံ အဃာနကာနံ စဝန္တာနံ တေသံ ဃာနာယတနံ န နိရုဇ္ဈတိ, နော စ တေသံ ရူပါယတနံ န နိရုဇ္ဈိဿတိ။ ရူပါဝစရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ ဃာနာယတနဉ္စ န နိရုဇ္ဈတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ရူပါယတနံ န နိရုဇ္ဈိဿတိ တဿ ဃာနာယတနံ န နိရုဇ္ဈတီတိ?
ကာမာဝစရေ ပရိနိဗ္ဗန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ရူပါယတနံ န နိရုဇ္ဈိဿတိ, နော စ တေသံ ဃာနာယတနံ န နိရုဇ္ဈတိ။ ရူပါဝစရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ ရူပါယတနဉ္စ န နိရုဇ္ဈိဿတိ ဃာနာယတနဉ္စ န နိရုဇ္ဈတိ။
ယဿ ဃာနာယတနံ န နိရုဇ္ဈတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
သဗ္ဗေသံ ဥပပဇ္ဇန္တာနံ အဃာနကာနံ စဝန္တာနံ တေသံ ဃာနာယတနံ န နိရုဇ္ဈတိ, နော စ တေသံ ဓမ္မာယတနံ န နိရုဇ္ဈိဿတိ။ ရူပါဝစရေ အရူပါဝစရေ ပရိနိဗ္ဗန္တာနံ တေသံ ဃာနာယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ န နိရုဇ္ဈိဿတိ တဿ ဃာနာယတနံ န နိရုဇ္ဈတီတိ?
ကာမာဝစရေ ပရိနိဗ္ဗန္တာနံ တေသံ ဓမ္မာယတနံ န နိရုဇ္ဈိဿတိ, နော စ တေသံ ဃာနာယတနံ န နိရုဇ္ဈတိ။ ရူပါဝစရေ အရူပါဝစရေ ပရိနိဗ္ဗန္တာနံ တေသံ ဓမ္မာယတနဉ္စ န နိရုဇ္ဈိဿတိ ဃာနာယတနဉ္စ န နိရုဇ္ဈတိ။
၁၇၇. ယဿ ရူပါယတနံ န နိရုဇ္ဈတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
သဗ္ဗေသံ ဥပပဇ္ဇန္တာနံ အရူပကာနံ စဝန္တာနံ တေသံ ရူပါယတနံ န နိရုဇ္ဈတိ, နော စ တေသံ ဓမ္မာယတနံ န နိရုဇ္ဈိဿတိ။ အရူပေ ပရိနိဗ္ဗန္တာနံ တေသံ ရူပါယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ န နိရုဇ္ဈိဿတိ တဿ ရူပါယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ တေသံ ဓမ္မာယတနံ န နိရုဇ္ဈိဿတိ, နော စ တေသံ ရူပါယတနံ န နိရုဇ္ဈတိ။ အရူပေ ပရိနိဗ္ဗန္တာနံ တေသံ ဓမ္မာယတနဉ္စ န နိရုဇ္ဈိဿတိ ရူပါယတနဉ္စ န နိရုဇ္ဈတိ။
၁၇၈. (က) ယဿ မနာယတနံ န နိရုဇ္ဈတိ တဿ ဓမ္မာယတနံ န နိရုဇ္ဈိဿတီတိ? နိရုဇ္ဈိဿတိ။
(ခ) ယဿ ဝါ ပန ဓမ္မာယတနံ န နိရုဇ္ဈိဿတိ တဿ မနာယတနံ န နိရုဇ္ဈတီတိ? နိရုဇ္ဈတိ။
(င) ပစ္စနီကဩကာသော
၁၇၉. ယတ္ထ စက္ခာယတနံ န နိရုဇ္ဈတိ။ပေ.။။
(စ) ပစ္စနီကပုဂ္ဂလောကာသာ
၁၈၀. (က) ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ သောတာယတနံ န နိရုဇ္ဈိဿတီတိ?
ပဉ္စဝေါကာရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ တေသံ တတ္ထ စက္ခာယတနံ န နိရုဇ္ဈတိ, နော စ တေသံ တတ္ထ သောတာယတနံ န နိရုဇ္ဈိဿတိ။ အသညသတ္တာနံ အရူပါနံ တေသံ တတ္ထ စက္ခာယတနဉ္စ န နိရုဇ္ဈတိ သောတာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ သောတာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ သောတာယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ န နိရုဇ္ဈတိ။ အသညသတ္တာနံ အရူပါနံ တေသံ တတ္ထ သောတာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈတိ။
(က) ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ ဃာနာယတနံ န နိရုဇ္ဈိဿတီတိ?
ကာမာဝစရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ တေသံ တတ္ထ စက္ခာယတနံ န နိရုဇ္ဈတိ, နော စ တေသံ တတ္ထ ဃာနာယတနံ န နိရုဇ္ဈိဿတိ။ ရူပါဝစရံ ဥပပဇ္ဇန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ န နိရုဇ္ဈတိ ဃာနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဃာနာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈတီတိ?
ကာမာဝစရေ ပရိနိဗ္ဗန္တာနံ ရူပါဝစရာ စဝန္တာနံ တေသံ တတ္ထ ဃာနာယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ န နိရုဇ္ဈတိ ။ ရူပါဝစရံ ဥပပဇ္ဇန္တာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈတိ။
(က) ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ ရူပါယတနံ န နိရုဇ္ဈိဿတီတိ?
ပဉ္စဝေါကာရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ အသညသတ္တာနံ တေသံ တတ္ထ စက္ခာယတနံ န နိရုဇ္ဈတိ, နော စ တေသံ တတ္ထ ရူပါယတနံ န နိရုဇ္ဈိဿတိ။ အရူပါနံ တေသံ တတ္ထ စက္ခာယတနဉ္စ န နိရုဇ္ဈတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ရူပါယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ ရူပါယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ န နိရုဇ္ဈတိ။ အရူပါနံ တေသံ တတ္ထ ရူပါယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈတိ။
(က) ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ မနာယတနံ န နိရုဇ္ဈိဿတီတိ?
ပဉ္စဝေါကာရံ ဥပပဇ္ဇန္တာနံ အစက္ခုကာနံ ကာမာဝစရာ စဝန္တာနံ အရူပါနံ တေသံ တတ္ထ စက္ခာယတနံ န နိရုဇ္ဈတိ, နော စ တေသံ တတ္ထ မနာယတနံ န နိရုဇ္ဈိဿတိ။ အရူပေ ပရိနိဗ္ဗန္တာနံ အသညသတ္တာနံ တေသံ တတ္ထ စက္ခာယတနဉ္စ န နိရုဇ္ဈတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ မနာယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ န နိရုဇ္ဈတိ။ အရူပေ ပရိနိဗ္ဗန္တာနံ အသညသတ္တာနံ တေသံ တတ္ထ မနာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈတိ။
(က) ယဿ ယတ္ထ စက္ခာယတနံ န နိရုဇ္ဈတိ တဿ တတ္ထ ဓမ္မာယတနံ န နိရုဇ္ဈိဿတီတိ?
သဗ္ဗေသံ ဥပပဇ္ဇန္တာနံ အစက္ခုကာနံ စဝန္တာနံ တေသံ တတ္ထ စက္ခာယတနံ န နိရုဇ္ဈတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ အရူပေ ပရိနိဗ္ဗန္တာနံ တေသံ တတ္ထ စက္ခာယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ ဓမ္မာယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ န နိရုဇ္ဈတိ။ အရူပေ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈတိ။ (စက္ခာယတနမူလကံ)
၁၈၁. (က) ယဿ ယတ္ထ ဃာနာယတနံ န နိရုဇ္ဈတိ တဿ တတ္ထ ရူပါယတနံ န နိရုဇ္ဈိဿတီတိ?
ကာမာဝစရံ ဥပပဇ္ဇန္တာနံ အဃာနကာနံ ကာမာဝစရာ စဝန္တာနံ ရူပါဝစရာနံ တေသံ တတ္ထ ဃာနာယတနံ န နိရုဇ္ဈတိ, နော စ တေသံ တတ္ထ ရူပါယတနံ န နိရုဇ္ဈိဿတိ။ ရူပါဝစရေ ပရိနိဗ္ဗန္တာနံ အရူပါနံ တေသံ တတ္ထ ဃာနာယတနဉ္စ န နိရုဇ္ဈတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ရူပါယတနံ န နိရုဇ္ဈိဿတိ တဿ တတ္ထ ဃာနာယတနံ န နိရုဇ္ဈတီတိ?
ကာမာဝစရေ ပရိနိဗ္ဗန္တာနံ တေသံ တတ္ထ ရူပါယတနံ န နိရုဇ္ဈိဿတိ, နော စ တေသံ တတ္ထ ဃာနာယတနံ န နိရုဇ္ဈတိ။ ရူပါဝစရေ ပရိနိဗ္ဗန္တာနံ အရူပါနံ တေသံ တတ္ထ ရူပါယတနဉ္စ န နိရုဇ္ဈိဿတိ ဃာနာယတနဉ္စ န နိရုဇ္ဈတိ။
(က) ယဿ ယတ္ထ ဃာနာယတနံ န နိရုဇ္ဈတိ တဿ တတ္ထ မနာယတနံ န နိရုဇ္ဈိဿတီတိ?
ကာမာဝစရံ ဥပပဇ္ဇန္တာနံ အဃာနကာနံ ကာမာဝစရာ စဝန္တာနံ ရူပါဝစရာနံ အရူပါဝစရာနံ တေသံ တတ္ထ ဃာနာယတနံ န နိရုဇ္ဈတိ, နော စ တေသံ တတ္ထ မနာယတနံ န နိရုဇ္ဈိဿတိ။ ရူပါဝစရေ အရူပါဝစရေ ပရိနိဗ္ဗန္တာနံ အသညသတ္တာနံ တေသံ တတ္ထ ဃာနာယတနဉ္စ န နိရုဇ္ဈတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ ဃာနာယတနံ န နိရုဇ္ဈတီတိ?
ကာမာဝစရေ ပရိနိဗ္ဗန္တာနံ တေသံ တတ္ထ မနာယတနံ န နိရုဇ္ဈိဿတိ, နော စ တေသံ တတ္ထ ဃာနာယတနံ န နိရုဇ္ဈတိ။ ရူပါဝစရေ အရူပါဝစရေ ပရိနိဗ္ဗန္တာနံ အသညသတ္တာနံ တေသံ တတ္ထ မနာယတနဉ္စ န နိရုဇ္ဈိဿတိ ဃာနာယတနဉ္စ န နိရုဇ္ဈတိ။
(က) ယဿ ယတ္ထ ဃာနာယတနံ န နိရုဇ္ဈတိ တဿ တတ္ထ ဓမ္မာယတနံ န နိရုဇ္ဈိဿတီတိ?
သဗ္ဗေသံ ဥပပဇ္ဇန္တာနံ အဃာနကာနံ စဝန္တာနံ တေသံ တတ္ထ ဃာနာယတနံ န နိရုဇ္ဈတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ရူပါဝစရေ အရူပါဝစရေ ပရိနိဗ္ဗန္တာနံ တေသံ တတ္ထ ဃာနာယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ ဃာနာယတနံ န နိရုဇ္ဈတီတိ?
ကာမာဝစရေ ပရိနိဗ္ဗန္တာနံ တေသံ တတ္ထ ဓမ္မာယတနံ န နိရုဇ္ဈိဿတိ, နော စ တေသံ တတ္ထ ဃာနာယတနံ န နိရုဇ္ဈတိ။ ရူပါဝစရေ အရူပါဝစရေ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ န နိရုဇ္ဈိဿတိ ဃာနာယတနဉ္စ န နိရုဇ္ဈတိ။ (ဃာနာယတနမူလကံ)
၁၈၂. (က) ယဿ ယတ္ထ ရူပါယတနံ န နိရုဇ္ဈတိ တဿ တတ္ထ မနာယတနံ န နိရုဇ္ဈိဿတီတိ?
ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ရူပါယတနံ န နိရုဇ္ဈတိ, နော စ တေသံ တတ္ထ မနာယတနံ န နိရုဇ္ဈိဿတိ။ အရူပေ ပရိနိဗ္ဗန္တာနံ အသညသတ္တံ ဥပပဇ္ဇန္တာနံ တေသံ တတ္ထ ရူပါယတနဉ္စ န နိရုဇ္ဈတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ ရူပါယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ မနာယတနံ န နိရုဇ္ဈိဿတိ, နော စ တေသံ တတ္ထ ရူပါယတနံ န နိရုဇ္ဈတိ။ အရူပေ ပရိနိဗ္ဗန္တာနံ အသညသတ္တံ ဥပပဇ္ဇန္တာနံ တေသံ တတ္ထ မနာယတနဉ္စ န နိရုဇ္ဈိဿတိ ရူပါယတနဉ္စ န နိရုဇ္ဈတိ။
(က) ယဿ ယတ္ထ ရူပါယတနံ န နိရုဇ္ဈတိ တဿ တတ္ထ ဓမ္မာယတနံ န နိရုဇ္ဈိဿတီတိ?
သဗ္ဗေသံ ဥပပဇ္ဇန္တာနံ အရူပကာနံ စဝန္တာနံ တေသံ တတ္ထ ရူပါယတနံ န နိရုဇ္ဈတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ အရူပေ ပရိနိဗ္ဗန္တာနံ တေသံ တတ္ထ ရူပါယတနဉ္စ န နိရုဇ္ဈတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ ရူပါယတနံ န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ ဓမ္မာယတနံ န နိရုဇ္ဈိဿတိ, နော စ တေသံ တတ္ထ ရူပါယတနံ န နိရုဇ္ဈတိ။ အရူပေ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ န နိရုဇ္ဈိဿတိ ရူပါယတနဉ္စ န နိရုဇ္ဈတိ။ (ရူပါယတနမူလကံ)
၁၈၃. (က) ယဿ ယတ္ထ မနာယတနံ န နိရုဇ္ဈတိ တဿ တတ္ထ ဓမ္မာယတနံ န နိရုဇ္ဈိဿတီတိ? နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ မနာယတနံ န နိရုဇ္ဈတီတိ? နိရုဇ္ဈတိ။
(၆) အတီတာနာဂတဝါရော
(က) အနုလောမပုဂ္ဂလော
၁၈၄. (က) ယဿ စက္ခာယတနံ နိရုဇ္ဈိတ္ထ တဿ သောတာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနံ နိရုဇ္ဈိတ္ထ, နော စ တေသံ သောတာယတနံ နိရုဇ္ဈိဿတိ။ ဣတရေသံ တေသံ စက္ခာယတနဉ္စ နိရုဇ္ဈိတ္ထ သောတာယတနဉ္စ နိရုဇ္ဈိဿတိ။
(ခ) ယဿ ဝါ ပန သောတာယတနံ နိရုဇ္ဈိဿတိ တဿ စက္ခာယတနံ နိရုဇ္ဈိတ္ထာတိ? အာမန္တာ။
(က) ယဿ စက္ခာယတနံ နိရုဇ္ဈိတ္ထ တဿ ဃာနာယတနံ နိရုဇ္ဈိဿတီတိ?
ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနံ နိရုဇ္ဈိတ္ထ, နော စ တေသံ ဃာနာယတနံ နိရုဇ္ဈိဿတိ။ ဣတရေသံ တေသံ စက္ခာယတနဉ္စ နိရုဇ္ဈိတ္ထ ဃာနာယတနဉ္စ နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
(က) ယဿ စက္ခာယတနံ နိရုဇ္ဈိတ္ထ တဿ ရူပါယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနံ နိရုဇ္ဈိတ္ထ, နော စ တေသံ ရူပါယတနံ နိရုဇ္ဈိဿတိ။ ဣတရေသံ တေသံ စက္ခာယတနဉ္စ နိရုဇ္ဈိတ္ထ ရူပါယတနဉ္စ နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
ယဿ စက္ခာယတနံ နိရုဇ္ဈိတ္ထ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ?
ပရိနိဗ္ဗန္တာနံ တေသံ စက္ခာယတနံ နိရုဇ္ဈိတ္ထ, နော စ တေသံ ဓမ္မာယတနံ နိရုဇ္ဈိဿတိ ။ ဣတရေသံ တေသံ စက္ခာယတနဉ္စ နိရုဇ္ဈိတ္ထ ဓမ္မာယတနဉ္စ နိရုဇ္ဈိဿတိ။ ယဿ ဝါ ပန။ပေ.။? အာမန္တာ။ (စက္ခာယတနမူလကံ)
၁၈၅. (က) ယဿ ဃာနာယတနံ နိရုဇ္ဈိတ္ထ တဿ ရူပါယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနံ နိရုဇ္ဈိတ္ထ, နော စ တေသံ ရူပါယတနံ နိရုဇ္ဈိဿတိ။ ဣတရေသံ တေသံ ဃာနာယတနဉ္စ နိရုဇ္ဈိတ္ထ ရူပါယတနဉ္စ နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
ယဿ ဃာနာယတနံ နိရုဇ္ဈိတ္ထ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ?
ပရိနိဗ္ဗန္တာနံ တေသံ ဃာနာယတနံ နိရုဇ္ဈိတ္ထ, နော စ တေသံ ဓမ္မာယတနံ နိရုဇ္ဈိဿတိ။ ဣတရေသံ တေသံ ဃာနာယတနဉ္စ နိရုဇ္ဈိတ္ထ ဓမ္မာယတနဉ္စ နိရုဇ္ဈိဿတိ။
ယဿ ဝါ ပန။ပေ.။? အာမန္တာ။
၁၈၆. ယဿ ရူပါယတနံ နိရုဇ္ဈိတ္ထ တဿ မနာယတန။ပေ.။ ဓမ္မာယတနံ နိရုဇ္ဈိဿတီတိ?
ပရိနိဗ္ဗန္တာနံ တေသံ ရူပါယတနံ နိရုဇ္ဈိတ္ထ, နော စ တေသံ ဓမ္မာယတနံ နိရုဇ္ဈိဿတိ။ ဣတရေသံ တေသံ ရူပါယတနဉ္စ နိရုဇ္ဈိတ္ထ ဓမ္မာယတနဉ္စ နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
၁၈၇. (က) ယဿ မနာယတနံ နိရုဇ္ဈိတ္ထ တဿ ဓမ္မာယတနံ နိရုဇ္ဈိဿတီတိ?
ပရိနိဗ္ဗန္တာနံ တေသံ မနာယတနံ နိရုဇ္ဈိတ္ထ, နော စ တေသံ ဓမ္မာယတနံ နိရုဇ္ဈိဿတိ။ ဣတရေသံ တေသံ မနာယတနဉ္စ နိရုဇ္ဈိတ္ထ ဓမ္မာယတနဉ္စ နိရုဇ္ဈိဿတိ။
(ခ) ယဿ ဝါ ပန။ပေ.။? အာမန္တာ။
(ခ) အနုလောမဩကာသော
၁၈၈. ယတ္ထ စက္ခာယတနံ နိရုဇ္ဈိတ္ထ။ပေ.။။
(ဂ) အနုလောမပုဂ္ဂလောကာသာ
၁၈၉. (က) ယဿ ယတ္ထ စက္ခာယတနံ နိရုဇ္ဈိတ္ထ တဿ တတ္ထ သောတာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈိတ္ထ, နော စ တေသံ တတ္ထ သောတာယတနံ နိရုဇ္ဈိဿတိ။ ဣတရေသံ ပဉ္စဝေါကာရာနံ တေသံ တတ္ထ စက္ခာယတနဉ္စ နိရုဇ္ဈိတ္ထ သောတာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ သောတာယတနံ နိရုဇ္ဈိဿတိ တဿ တတ္ထ စက္ခာယတနံ နိရုဇ္ဈိတ္ထာတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ သောတာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ နိရုဇ္ဈိတ္ထ။ ဣတရေသံ ပဉ္စဝေါကာရာနံ တေသံ တတ္ထ သောတာယတနဉ္စ နိရုဇ္ဈိဿတိ စက္ခာယတနဉ္စ နိရုဇ္ဈိတ္ထ။
(က) ယဿ ယတ္ထ စက္ခာယတနံ နိရုဇ္ဈိတ္ထ တဿ တတ္ထ ဃာနာယတနံ နိရုဇ္ဈိဿတီတိ?
ကာမာဝစရေ ပရိနိဗ္ဗန္တာနံ ရူပါဝစရာနံ တေသံ တတ္ထ စက္ခာယတနံ နိရုဇ္ဈိတ္ထ, နော စ တေသံ တတ္ထ ဃာနာယတနံ နိရုဇ္ဈိဿတိ။ ဣတရေသံ ကာမာဝစရာနံ တေသံ တတ္ထ စက္ခာယတနဉ္စ နိရုဇ္ဈိတ္ထ ဃာနာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ဃာနာယတနံ နိရုဇ္ဈိဿတိ တဿ တတ္ထ စက္ခာယတနံ နိရုဇ္ဈိတ္ထာတိ? အာမန္တာ။
(က) ယဿ ယတ္ထ စက္ခာယတနံ နိရုဇ္ဈိတ္ထ တဿ တတ္ထ ရူပါယတနံ နိရုဇ္ဈိဿတီတိ ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈိတ္ထ, နော စ တေသံ တတ္ထ ရူပါယတနံ နိရုဇ္ဈိဿတိ။ ဣတရေသံ ပဉ္စဝေါကာရာနံ တေသံ တတ္ထ စက္ခာယတနဉ္စ နိရုဇ္ဈိတ္ထ ရူပါယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ရူပါယတနံ နိရုဇ္ဈိဿတိ တဿ တတ္ထ စက္ခာယတနံ နိရုဇ္ဈိတ္ထာတိ?
သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ ရူပါယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ နိရုဇ္ဈိတ္ထ။ ဣတရေသံ ပဉ္စဝေါကာရာနံ တေသံ တတ္ထ ရူပါယတနဉ္စ နိရုဇ္ဈိဿတိ စက္ခာယတနဉ္စ နိရုဇ္ဈိတ္ထ။
(က) ယဿ ယတ္ထ စက္ခာယတနံ နိရုဇ္ဈိတ္ထ တဿ တတ္ထ မနာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈိတ္ထ, နော စ တေသံ တတ္ထ မနာယတနံ နိရုဇ္ဈိဿတိ။ ဣတရေသံ ပဉ္စဝေါကာရာနံ တေသံ တတ္ထ စက္ခာယတနဉ္စ နိရုဇ္ဈိတ္ထ မနာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ နိရုဇ္ဈိဿတိ တဿ တတ္ထ စက္ခာယတနံ နိရုဇ္ဈိတ္ထာတိ?
သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ မနာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ နိရုဇ္ဈိတ္ထ။ ဣတရေသံ ပဉ္စဝေါကာရာနံ တေသံ တတ္ထ မနာယတနဉ္စ နိရုဇ္ဈိဿတိ စက္ခာယတနဉ္စ နိရုဇ္ဈိတ္ထ။
(က) ယဿ ယတ္ထ စက္ခာယတနံ နိရုဇ္ဈိတ္ထ တဿ တတ္ထ ဓမ္မာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ စက္ခာယတနံ နိရုဇ္ဈိတ္ထ, နော စ တေသံ တတ္ထ ဓမ္မာယတနံ နိရုဇ္ဈိဿတိ။ ဣတရေသံ ပဉ္စဝေါကာရာနံ တေသံ တတ္ထ စက္ခာယတနဉ္စ နိရုဇ္ဈိတ္ထ ဓမ္မာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ စက္ခာယတနံ နိရုဇ္ဈိတ္ထာတိ?
သုဒ္ဓါဝါသံ ဥပပဇ္ဇန္တာနံ အသညသတ္တာနံ အရူပါနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ နိရုဇ္ဈိတ္ထ။ ဣတရေသံ ပဉ္စဝေါကာရာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ စက္ခာယတနဉ္စ နိရုဇ္ဈိတ္ထ။ (စက္ခာယတနမူလကံ)
၁၉၀. (က) ယဿ ယတ္ထ ဃာနာယတနံ နိရုဇ္ဈိတ္ထ တဿ တတ္ထ ရူပါယတနံ နိရုဇ္ဈိဿတီတိ?
ကာမာဝစရေ ပရိနိဗ္ဗန္တာနံ တေသံ တတ္ထ ဃာနာယတနံ နိရုဇ္ဈိတ္ထ, နော စ တေသံ တတ္ထ ရူပါယတနံ နိရုဇ္ဈိဿတိ။ ဣတရေသံ ကာမာဝစရာနံ တေသံ တတ္ထ ဃာနာယတနဉ္စ နိရုဇ္ဈိတ္ထ ရူပါယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ရူပါယတနံ နိရုဇ္ဈိဿတိ တဿ တတ္ထ ဃာနာယတနံ နိရုဇ္ဈိတ္ထာတိ?
ရူပါဝစရာနံ တေသံ တတ္ထ ရူပါယတနံ နိရုဇ္ဈိဿတိ, နော စ တေသံ တတ္ထ ဃာနာယတနံ နိရုဇ္ဈိတ္ထ။ ကာမာဝစရာနံ တေသံ တတ္ထ ရူပါယတနဉ္စ နိရုဇ္ဈိဿတိ ဃာနာယတနဉ္စ နိရုဇ္ဈိတ္ထ။
ယဿ ယတ္ထ ဃာနာယတနံ နိရုဇ္ဈိတ္ထ တဿ တတ္ထ မနာယတနံ။ပေ.။ ဓမ္မာယတနံ နိရုဇ္ဈိဿတီတိ?
ကာမာဝစရေ ပရိနိဗ္ဗန္တာနံ တေသံ တတ္ထ ဃာနာယတနံ နိရုဇ္ဈိတ္ထ, နော စ တေသံ တတ္ထ ဓမ္မာယတနံ နိရုဇ္ဈိဿတိ။ ဣတရေသံ ကာမာဝစရာနံ တေသံ တတ္ထ ဃာနာယတနဉ္စ နိရုဇ္ဈိတ္ထ ဓမ္မာယတနဉ္စ နိရုဇ္ဈိဿတိ။
ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ ဃာနာယတနံ နိရုဇ္ဈိတ္ထာတိ?
ရူပါဝစရာနံ အရူပါဝစရာနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ ဃာနာယတနံ နိရုဇ္ဈိတ္ထ။ ကာမာဝစရာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ ဃာနာယတနဉ္စ နိရုဇ္ဈိတ္ထ။ (ဃာနာယတနမူလကံ)
၁၉၁. (က) ယဿ ယတ္ထ ရူပါယတနံ နိရုဇ္ဈိတ္ထ တဿ တတ္ထ မနာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ အသညသတ္တာနံ တေသံ တတ္ထ ရူပါယတနံ နိရုဇ္ဈိတ္ထ , နော စ တေသံ တတ္ထ မနာယတနံ နိရုဇ္ဈိဿတိ။ ဣတရေသံ ပဉ္စဝေါကာရာနံ တေသံ တတ္ထ ရူပါယတနဉ္စ နိရုဇ္ဈိတ္ထ မနာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ နိရုဇ္ဈိဿတိ တဿ တတ္ထ ရူပါယတနံ နိရုဇ္ဈိတ္ထာတိ?
သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ မနာယတနံ နိရုဇ္ဈိဿတိ, နော စ တေသံ တတ္ထ ရူပါယတနံ နိရုဇ္ဈိတ္ထ။ ဣတရေသံ ပဉ္စဝေါကာရာနံ တေသံ တတ္ထ မနာယတနဉ္စ နိရုဇ္ဈိဿတိ ရူပါယတနဉ္စ နိရုဇ္ဈိတ္ထ။
(က) ယဿ ယတ္ထ ရူပါယတနံ နိရုဇ္ဈိတ္ထ တဿ တတ္ထ ဓမ္မာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ ရူပါယတနံ နိရုဇ္ဈိတ္ထ, နော စ တေသံ တတ္ထ ဓမ္မာယတနံ နိရုဇ္ဈိဿတိ။ ဣတရေသံ ပဉ္စဝေါကာရာနံ အသညသတ္တာနံ တေသံ တတ္ထ ရူပါယတနဉ္စ နိရုဇ္ဈိတ္ထ ဓမ္မာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ ရူပါယတနံ နိရုဇ္ဈိတ္ထာတိ?
သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ ရူပါယတနံ နိရုဇ္ဈိတ္ထ။ ဣတရေသံ ပဉ္စဝေါကာရာနံ အသညသတ္တာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ ရူပါယတနဉ္စ နိရုဇ္ဈိတ္ထ။ (ရူပါယတနမူလကံ)
၁၉၂. (က) ယဿ ယတ္ထ မနာယတနံ နိရုဇ္ဈိတ္ထ တဿ တတ္ထ ဓမ္မာယတနံ နိရုဇ္ဈိဿတီတိ?
ပရိနိဗ္ဗန္တာနံ တေသံ တတ္ထ မနာယတနံ နိရုဇ္ဈိတ္ထ, နော စ တေသံ တတ္ထ ဓမ္မာယတနံ နိရုဇ္ဈိဿတိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ မနာယတနဉ္စ နိရုဇ္ဈိတ္ထ ဓမ္မာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ မနာယတနံ နိရုဇ္ဈိတ္ထာတိ?
သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ မနာယတနံ နိရုဇ္ဈိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ မနာယတနဉ္စ နိရုဇ္ဈိတ္ထ။
(ဃ) ပစ္စနီကပုဂ္ဂလော
၁၉၃. (က) ယဿ စက္ခာယတနံ န နိရုဇ္ဈိတ္ထ တဿ သောတာယတနံ န နိရုဇ္ဈိဿတီတိ? နတ္ထိ။
(ခ) ယဿ ဝါ ပန သောတာယတနံ န နိရုဇ္ဈိဿတိ တဿ စက္ခာယတနံ န နိရုဇ္ဈိတ္ထာတိ? နိရုဇ္ဈိတ္ထ။
ယဿ စက္ခာယတနံ။ပေ.။ ဃာနာယတနံ။ ရူပါယတနံ။ မနာယတနံ န နိရုဇ္ဈိတ္ထ တဿ ဓမ္မာယတနံ န နိရုဇ္ဈိဿတီတိ? နတ္ထိ။
ယဿ ဝါ ပန ဓမ္မာယတနံ န နိရုဇ္ဈိဿတိ တဿ မနာယတနံ န နိရုဇ္ဈိတ္ထာတိ? နိရုဇ္ဈိတ္ထ။
(င) ပစ္စနီကဩကာသော
၁၉၄. ယဿ စက္ခာယတနံ န နိရုဇ္ဈိတ္ထ။ပေ.။။
(စ) ပစ္စနီကပုဂ္ဂလောကာသာ
၁၉၅. (က) ယဿ ယတ္ထ စက္ခာယတနံ န နိရုဇ္ဈိတ္ထ တဿ တတ္ထ သောတာယတနံ န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ စက္ခာယတနံ န နိရုဇ္ဈိတ္ထ, နော စ တေသံ တတ္ထ သောတာယတနံ န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ န နိရုဇ္ဈိတ္ထ သောတာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ သောတာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈိတ္ထာတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ သောတာယတနံ န နိရုဇ္ဈိဿတိ , နော စ တေသံ တတ္ထ စက္ခာယတနံ န နိရုဇ္ဈိတ္ထ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ အရူပါနံ တေသံ တတ္ထ သောတာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈိတ္ထ။
(က) ယဿ ယတ္ထ စက္ခာယတနံ န နိရုဇ္ဈိတ္ထ တဿ တတ္ထ ဃာနာယတနံ န နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ဃာနာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈိတ္ထာတိ?
ကာမာဝစရေ ပရိနိဗ္ဗန္တာနံ ရူပါဝစရာနံ တေသံ တတ္ထ ဃာနာယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ န နိရုဇ္ဈိတ္ထ။ သုဒ္ဓါဝါသာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈိတ္ထ။
(က) ယဿ ယတ္ထ စက္ခာယတနံ န နိရုဇ္ဈိတ္ထ တဿ တတ္ထ ရူပါယတနံ န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ စက္ခာယတနံ န နိရုဇ္ဈိတ္ထ, နော စ တေသံ တတ္ထ ရူပါယတနံ န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ အရူပါနံ တေသံ တတ္ထ စက္ခာယတနဉ္စ န နိရုဇ္ဈိတ္ထ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ရူပါယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈိတ္ထာတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ ရူပါယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ န နိရုဇ္ဈိတ္ထ။ သုဒ္ဓါဝါသေ ပရိနိဗ္ဗန္တာနံ အရူပါနံ တေသံ တတ္ထ ရူပါယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈိတ္ထ။
(က) ယဿ ယတ္ထ စက္ခာယတနံ န နိရုဇ္ဈိတ္ထ တဿ တတ္ထ မနာယတနံ န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ စက္ခာယတနံ န နိရုဇ္ဈိတ္ထ, နော စ တေသံ တတ္ထ မနာယတနံ န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ အသညသတ္တာနံ တေသံ တတ္ထ စက္ခာယတနဉ္စ န နိရုဇ္ဈိတ္ထ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈိတ္ထာတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ မနာယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ န နိရုဇ္ဈိတ္ထ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ အသညသတ္တာနံ တေသံ တတ္ထ မနာယတနဉ္စ န နိရုဇ္ဈိဿတိ, စက္ခာယတနဉ္စ န နိရုဇ္ဈိတ္ထ။
(က) ယဿ ယတ္ထ စက္ခာယတနံ န နိရုဇ္ဈိတ္ထ တဿ တတ္ထ ဓမ္မာယတနံ န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ အသညသတ္တာနံ အရူပါနံ တေသံ တတ္ထ စက္ခာယတနံ န နိရုဇ္ဈိတ္ထ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ တေသံ တတ္ထ စက္ခာယတနဉ္စ န နိရုဇ္ဈိတ္ထ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ စက္ခာယတနံ န နိရုဇ္ဈိတ္ထာတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ ဓမ္မာယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ န နိရုဇ္ဈိတ္ထ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ န နိရုဇ္ဈိဿတိ စက္ခာယတနဉ္စ န နိရုဇ္ဈိတ္ထ။ (စက္ခာယတနမူလကံ)
၁၉၆. (က) ယဿ ယတ္ထ ဃာနာယတနံ န နိရုဇ္ဈိတ္ထ တဿ တတ္ထ ရူပါယတနံ န နိရုဇ္ဈိဿတီတိ?
ရူပါဝစရာနံ တေသံ တတ္ထ ဃာနာယတနံ န နိရုဇ္ဈိတ္ထ, နော စ တေသံ တတ္ထ ရူပါယတနံ န နိရုဇ္ဈိဿတိ။ ရူပါဝစရေ ပရိနိဗ္ဗန္တာနံ အရူပါနံ တေသံ တတ္ထ ဃာနာယတနဉ္စ န နိရုဇ္ဈိတ္ထ ရူပါယတနဉ္စ န နိရုဇ္ဈိဿတိ ။
(ခ) ယဿ ဝါ ပန ယတ္ထ ရူပါယတနံ န နိရုဇ္ဈိဿတိ တဿ တတ္ထ ဃာနာယတနံ န နိရုဇ္ဈိတ္ထာတိ?
ကာမာဝစရေ ပရိနိဗ္ဗန္တာနံ တေသံ တတ္ထ ရူပါယတနံ န နိရုဇ္ဈိဿတိ, နော စ တေသံ တတ္ထ ဃာနာယတနံ န နိရုဇ္ဈိတ္ထ။ ရူပါဝစရေ ပရိနိဗ္ဗန္တာနံ အရူပါနံ တေသံ တတ္ထ ရူပါယတနဉ္စ န နိရုဇ္ဈိဿတိ ဃာနာယတနဉ္စ န နိရုဇ္ဈိတ္ထ။
(က) ယဿ ယတ္ထ ဃာနာယတနံ န နိရုဇ္ဈိတ္ထ တဿ တတ္ထ မနာယတနံ န နိရုဇ္ဈိဿတီတိ?
ရူပါဝစရာနံ အရူပါဝစရာနံ တေသံ တတ္ထ ဃာနာယတနံ န နိရုဇ္ဈိတ္ထ, နော စ တေသံ တတ္ထ မနာယတနံ န နိရုဇ္ဈိဿတိ။ ရူပါဝစရေ အရူပါဝစရေ ပရိနိဗ္ဗန္တာနံ အသညသတ္တာနံ တေသံ တတ္ထ ဃာနာယတနဉ္စ န နိရုဇ္ဈိတ္ထ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ ဃာနာယတနံ န နိရုဇ္ဈိတ္ထာတိ?
ကာမာဝစရေ ပရိနိဗ္ဗန္တာနံ တေသံ တတ္ထ မနာယတနံ န နိရုဇ္ဈိဿတိ, နော စ တေသံ တတ္ထ ဃာနာယတနံ န နိရုဇ္ဈိတ္ထ။ ရူပါဝစရေ အရူပါဝစရေ ပရိနိဗ္ဗန္တာနံ အသညသတ္တာနံ တေသံ တတ္ထ မနာယတနဉ္စ န နိရုဇ္ဈိဿတိ ဃာနာယတနဉ္စ န နိရုဇ္ဈိတ္ထ။
(က) ယဿ ယတ္ထ ဃာနာယတနံ န နိရုဇ္ဈိတ္ထ တဿ တတ္ထ ဓမ္မာယတနံ န နိရုဇ္ဈိဿတီတိ?
ရူပါဝစရာနံ အရူပါဝစရာနံ တေသံ တတ္ထ ဃာနာယတနံ န နိရုဇ္ဈိတ္ထ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ရူပါဝစရေ အရူပါဝစရေ ပရိနိဗ္ဗန္တာနံ တေသံ တတ္ထ ဃာနာယတနဉ္စ န နိရုဇ္ဈိတ္ထ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ ဃာနာယတနံ န နိရုဇ္ဈိတ္ထာတိ?
ကာမာဝစရေ ပရိနိဗ္ဗန္တာနံ တေသံ တတ္ထ ဓမ္မာယတနံ န နိရုဇ္ဈိဿတိ, နော စ တေသံ တတ္ထ ဃာနာယတနံ န နိရုဇ္ဈိတ္ထ။ ရူပါဝစရေ အရူပါဝစရေ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ န နိရုဇ္ဈိဿတိ ဃာနာယတနဉ္စ န နိရုဇ္ဈိတ္ထ။ (ဃာနာယတနမူလကံ)
၁၉၇. (က) ယဿ ယတ္ထ ရူပါယတနံ န နိရုဇ္ဈိတ္ထ တဿ တတ္ထ မနာယတနံ န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ ရူပါယတနံ န နိရုဇ္ဈိတ္ထ, နော စ တေသံ တတ္ထ မနာယတနံ န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ တေသံ တတ္ထ ရူပါယတနဉ္စ န နိရုဇ္ဈိတ္ထ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ ရူပါယတနံ န နိရုဇ္ဈိတ္ထာတိ?
ပဉ္စဝေါကာရေ ပရိနိဗ္ဗန္တာနံ အသညသတ္တာနံ တေသံ တတ္ထ မနာယတနံ န နိရုဇ္ဈိဿတိ, နော စ တေသံ တတ္ထ ရူပါယတနံ န နိရုဇ္ဈိတ္ထ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ တေသံ တတ္ထ မနာယတနဉ္စ န နိရုဇ္ဈိဿတိ ရူပါယတနဉ္စ န နိရုဇ္ဈိတ္ထ။
(က) ယဿ ယတ္ထ ရူပါယတနံ န နိရုဇ္ဈိတ္ထ တဿ တတ္ထ ဓမ္မာယတနံ န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ ရူပါယတနံ န နိရုဇ္ဈိတ္ထ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ တေသံ တတ္ထ ရူပါယတနဉ္စ န နိရုဇ္ဈိတ္ထ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ ရူပါယတနံ န နိရုဇ္ဈိတ္ထာတိ?
ပဉ္စဝေါကာရေ ပရိနိဗ္ဗန္တာနံ တေသံ တတ္ထ ဓမ္မာယတနံ န နိရုဇ္ဈိဿတိ, နော စ တေသံ တတ္ထ ရူပါယတနံ န နိရုဇ္ဈိတ္ထ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ န နိရုဇ္ဈိဿတိ ရူပါယတနဉ္စ န နိရုဇ္ဈိတ္ထ။ (ရူပါယတနမူလကံ)
၁၉၈. (က) ယဿ ယတ္ထ မနာယတနံ န နိရုဇ္ဈိတ္ထ တဿ တတ္ထ ဓမ္မာယတနံ န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ မနာယတနံ န နိရုဇ္ဈိတ္ထ , နော စ တေသံ တတ္ထ ဓမ္မာယတနံ န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ တေသံ တတ္ထ မနာယတနဉ္စ န နိရုဇ္ဈိတ္ထ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ မနာယတနံ န နိရုဇ္ဈိတ္ထာတိ?
ပရိနိဗ္ဗန္တာနံ တေသံ တတ္ထ ဓမ္မာယတနံ န နိရုဇ္ဈိဿတိ, နော စ တေသံ တတ္ထ မနာယတနံ န နိရုဇ္ဈိတ္ထ။ သုဒ္ဓါဝါသေ ပရိနိဗ္ဗန္တာနံ တေသံ တတ္ထ ဓမ္မာယတနဉ္စ န နိရုဇ္ဈိဿတိ မနာယတနဉ္စ န နိရုဇ္ဈိတ္ထ။
နိရောဓဝါရော။
၂. ပဝတ္တိ ၃. ဥပ္ပါဒနိရောဓဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၁၉၉. (က) ယဿ စက္ခာယတနံ ဥပ္ပဇ္ဇတိ တဿ သောတာယတနံ နိရုဇ္ဈတီတိ? နော။
(ခ) ယဿ ဝါ ပန သောတာယတနံ နိရုဇ္ဈတိ တဿ စက္ခာယတနံ ဥပ္ပဇ္ဇတီတိ? နော။
ယဿ စက္ခာယတနံ ဥပ္ပဇ္ဇတိ တဿ ဃာနာယတနံ။ပေ.။ ရူပါယတနံ။ မနာယတနံ။ ဓမ္မာယတနံ နိရုဇ္ဈတီတိ? နော။
ယဿ ဝါ ပန ဓမ္မာယတနံ နိရုဇ္ဈတိ တဿ စက္ခာယတနံ ဥပ္ပဇ္ဇတီတိ? နော ။ပေ.။။
၂၀၀. (က) ယဿ မနာယတနံ ဥပ္ပဇ္ဇတိ တဿ ဓမ္မာယတနံ နိရုဇ္ဈတီတိ? နော။
(ခ) ယဿ ဝါ ပန ဓမ္မာယတနံ နိရုဇ္ဈတိ တဿ မနာယတနံ ဥပ္ပဇ္ဇတီတိ? နော။
(ခ) အနုလောမဩကာသော
၂၀၁. ယတ္ထ စက္ခာယတနံ ဥပ္ပဇ္ဇတိ။ပေ.။ (ယတ္ထကံ နောတိ န ကာတဗ္ဗံ, ယတ္ထကံ ဣတရေသံ ယတ္ထကာနံ သဒိသံ ကာတဗ္ဗံ, ယတ္ထကံ တီသုပိ ဝါရေသု သဒိသံ)။
(ဂ) အနုလောမပုဂ္ဂလောကာသာ
၂၀၂. ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ သောတာယတနံ နိရုဇ္ဈတီတိ? နော။
ယဿ ဝါ ပန ယတ္ထ သောတာယတနံ နိရုဇ္ဈတိ တဿ တတ္ထ စက္ခာယတနံ ဥပ္ပဇ္ဇတီတိ? နော ။ပေ.။။
၂၀၃. (က) ယဿ ယတ္ထ မနာယတနံ ဥပ္ပဇ္ဇတိ တဿ တတ္ထ ဓမ္မာယတနံ နိရုဇ္ဈတီတိ? နော။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈတိ တဿ တတ္ထ မနာယတနံ ဥပ္ပဇ္ဇတီတိ? နော။
(ဃ) ပစ္စနီကပုဂ္ဂလော
၂၀၄. (က) ယဿ စက္ခာယတနံ နုပ္ပဇ္ဇတိ တဿ သောတာယတနံ န နိရုဇ္ဈတီတိ?
သသောတကာနံ စဝန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ သောတာယတနံ န နိရုဇ္ဈတိ။ အစက္ခုကာနံ ဥပပဇ္ဇန္တာနံ အသောတကာနံ စဝန္တာနံ တေသံ စက္ခာယတနဉ္စ နုပ္ပဇ္ဇတိ သောတာယတနဉ္စ န နိရုဇ္ဈတိ။
(ခ) ယဿ ဝါ ပန သောတာယတနံ န နိရုဇ္ဈတိ တဿ စက္ခာယတနံ နုပ္ပဇ္ဇတီတိ?
သစက္ခုကာနံ ဥပပဇ္ဇန္တာနံ တေသံ သောတာယတနံ န နိရုဇ္ဈတိ, နော စ တေသံ စက္ခာယတနံ နုပ္ပဇ္ဇတိ။ အသောတကာနံ စဝန္တာနံ အစက္ခုကာနံ ဥပပဇ္ဇန္တာနံ တေသံ သောတာယတနဉ္စ န နိရုဇ္ဈတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ ဃာနာယတနံ န နိရုဇ္ဈတီတိ?
သဃာနကာနံ စဝန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ဃာနာယတနံ န နိရုဇ္ဈတိ။ အစက္ခုကာနံ ဥပပဇ္ဇန္တာနံ အဃာနကာနံ စဝန္တာနံ တေသံ စက္ခာယတနဉ္စ နုပ္ပဇ္ဇတိ ဃာနာယတနဉ္စ န နိရုဇ္ဈတိ။
(ခ) ယဿ ဝါ ပန ဃာနာယတနံ န နိရုဇ္ဈတိ တဿ စက္ခာယတနံ နုပ္ပဇ္ဇတီတိ?
သစက္ခုကာနံ ဥပပဇ္ဇန္တာနံ တေသံ ဃာနာယတနံ န နိရုဇ္ဈတိ, နော စ တေသံ စက္ခာယတနံ နုပ္ပဇ္ဇတိ။ အဃာနကာနံ စဝန္တာနံ အစက္ခုကာနံ ဥပပဇ္ဇန္တာနံ တေသံ ဃာနာယတနဉ္စ န နိရုဇ္ဈတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ ရူပါယတနံ န နိရုဇ္ဈတီတိ?
သရူပကာနံ စဝန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ရူပါယတနံ န နိရုဇ္ဈတိ။ အစက္ခုကာနံ ဥပပဇ္ဇန္တာနံ အရူပကာနံ စဝန္တာနံ တေသံ စက္ခာယတနဉ္စ နုပ္ပဇ္ဇတိ ရူပါယတနဉ္စ န နိရုဇ္ဈတိ။
(ခ) ယဿ ဝါ ပန ရူပါယတနံ န နိရုဇ္ဈတိ တဿ စက္ခာယတနံ နုပ္ပဇ္ဇတီတိ?
သစက္ခုကာနံ ဥပပဇ္ဇန္တာနံ တေသံ ရူပါယတနံ န နိရုဇ္ဈတိ, နော စ တေသံ စက္ခာယတနံ နုပ္ပဇ္ဇတိ။ အရူပကာနံ စဝန္တာနံ အစက္ခုကာနံ ဥပပဇ္ဇန္တာနံ တေသံ ရူပါယတနဉ္စ န နိရုဇ္ဈတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ မနာယတနံ န နိရုဇ္ဈတီတိ?
သစိတ္တကာနံ စဝန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ မနာယတနံ န နိရုဇ္ဈတိ။ အစက္ခုကာနံ ဥပပဇ္ဇန္တာနံ အစိတ္တကာနံ စဝန္တာနံ တေသံ စက္ခာယတနဉ္စ နုပ္ပဇ္ဇတိ မနာယတနဉ္စ န နိရုဇ္ဈတိ။
(ခ) ယဿ ဝါ ပန မနာယတနံ န နိရုဇ္ဈတိ တဿ စက္ခာယတနံ နုပ္ပဇ္ဇတီတိ?
သစက္ခုကာနံ ဥပပဇ္ဇန္တာနံ တေသံ မနာယတနံ န နိရုဇ္ဈတိ, နော စ တေသံ စက္ခာယတနံ နုပ္ပဇ္ဇတိ။ အစိတ္တကာနံ စဝန္တာနံ အစက္ခုကာနံ ဥပပဇ္ဇန္တာနံ တေသံ မနာယတနဉ္စ န နိရုဇ္ဈတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ ဓမ္မာယတနံ န နိရုဇ္ဈတီတိ?
သဗ္ဗေသံ စဝန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ဓမ္မာယတနံ န နိရုဇ္ဈတိ။ အစက္ခုကာနံ ဥပပဇ္ဇန္တာနံ တေသံ စက္ခာယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈတိ။
(ခ) ယဿ ဝါ ပန ဓမ္မာယတနံ န နိရုဇ္ဈတိ တဿ စက္ခာယတနံ နုပ္ပဇ္ဇတီတိ?
သစက္ခုကာနံ ဥပပဇ္ဇန္တာနံ တေသံ ဓမ္မာယတနံ န နိရုဇ္ဈတိ, နော စ တေသံ စက္ခာယတနံ နုပ္ပဇ္ဇတိ။ အစက္ခုကာနံ ဥပပဇ္ဇန္တာနံ တေသံ ဓမ္မာယတနဉ္စ န နိရုဇ္ဈတိ စက္ခာယတနဉ္စ နုပ္ပဇ္ဇတိ။ (စက္ခာယတနမူလကံ)
၂၀၅. (က) ယဿ ဃာနာယတနံ နုပ္ပဇ္ဇတိ တဿ ရူပါယတနံ န နိရုဇ္ဈတီတိ?
သရူပကာနံ စဝန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ ရူပါယတနံ န နိရုဇ္ဈတိ။ အဃာနကာနံ ဥပပဇ္ဇန္တာနံ အရူပကာနံ စဝန္တာနံ တေသံ ဃာနာယတနဉ္စ နုပ္ပဇ္ဇတိ ရူပါယတနဉ္စ န နိရုဇ္ဈတိ။
(ခ) ယဿ ဝါ ပန ရူပါယတနံ န နိရုဇ္ဈတိ တဿ ဃာနာယတနံ နုပ္ပဇ္ဇတီတိ?
သဃာနကာနံ ဥပပဇ္ဇန္တာနံ တေသံ ရူပါယတနံ န နိရုဇ္ဈတိ, နော စ တေသံ ဃာနာယတနံ နုပ္ပဇ္ဇတိ။ အရူပကာနံ စဝန္တာနံ အဃာနကာနံ ဥပပဇ္ဇန္တာနံ တေသံ ရူပါယတနဉ္စ န နိရုဇ္ဈတိ ဃာနာယတနဉ္စ နုပ္ပဇ္ဇတိ။
(က) ယဿ ဃာနာယတနံ နုပ္ပဇ္ဇတိ တဿ မနာယတနံ န နိရုဇ္ဈတီတိ?
သစိတ္တကာနံ စဝန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ မနာယတနံ န နိရုဇ္ဈတိ။ အဃာနကာနံ ဥပပဇ္ဇန္တာနံ အစိတ္တကာနံ စဝန္တာနံ တေသံ ဃာနာယတနဉ္စ နုပ္ပဇ္ဇတိ မနာယတနဉ္စ န နိရုဇ္ဈတိ။
(ခ) ယဿ ဝါ ပန မနာယတနံ န နိရုဇ္ဈတိ တဿ ဃာနာယတနံ နုပ္ပဇ္ဇတီတိ?
သဃာနကာနံ ဥပပဇ္ဇန္တာနံ တေသံ မနာယတနံ န နိရုဇ္ဈတိ, နော စ တေသံ ဃာနာယတနံ နုပ္ပဇ္ဇတိ။ အစိတ္တကာနံ စဝန္တာနံ အဃာနကာနံ ဥပပဇ္ဇန္တာနံ တေသံ မနာယတနဉ္စ န နိရုဇ္ဈတိ ဃာနာယတနဉ္စ နုပ္ပဇ္ဇတိ။
(က) ယဿ ဃာနာယတနံ နုပ္ပဇ္ဇတိ တဿ ဓမ္မာယတနံ န နိရုဇ္ဈတီတိ?
သဗ္ဗေသံ စဝန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ ဓမ္မာယတနံ န နိရုဇ္ဈတိ။ အဃာနကာနံ ဥပပဇ္ဇန္တာနံ တေသံ ဃာနာယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈတိ။
(ခ) ယဿ ဝါ ပန ဓမ္မာယတနံ န နိရုဇ္ဈတိ တဿ ဃာနာယတနံ နုပ္ပဇ္ဇတီတိ?
သဃာနကာနံ ဥပပဇ္ဇန္တာနံ တေသံ ဓမ္မာယတနံ န နိရုဇ္ဈတိ, နော စ တေသံ ဃာနာယတနံ နုပ္ပဇ္ဇတိ။ အဃာနကာနံ ဥပပဇ္ဇန္တာနံ တေသံ ဓမ္မာယတနဉ္စ န နိရုဇ္ဈတိ ဃာနာယတနဉ္စ နုပ္ပဇ္ဇတိ။ (ဃာနာယတနမူလကံ)
၂၀၆. (က) ယဿ ရူပါယတနံ နုပ္ပဇ္ဇတိ တဿ မနာယတနံ န နိရုဇ္ဈတီတိ?
သစိတ္တကာနံ စဝန္တာနံ တေသံ ရူပါယတနံ နုပ္ပဇ္ဇတိ, နော စ တေသံ မနာယတနံ န နိရုဇ္ဈတိ။ အရူပကာနံ ဥပပဇ္ဇန္တာနံ အစိတ္တကာနံ စဝန္တာနံ တေသံ ရူပါယတနဉ္စ နုပ္ပဇ္ဇတိ မနာယတနဉ္စ န နိရုဇ္ဈတိ။
(ခ) ယဿ ဝါ ပန မနာယတနံ န နိရုဇ္ဈတိ တဿ ရူပါယတနံ နုပ္ပဇ္ဇတီတိ?
သရူပကာနံ ဥပပဇ္ဇန္တာနံ တေသံ မနာယတနံ န နိရုဇ္ဈတိ, နော စ တေသံ ရူပါယတနံ နုပ္ပဇ္ဇတိ။ အစိတ္တကာနံ စဝန္တာနံ အရူပကာနံ ဥပပဇ္ဇန္တာနံ တေသံ မနာယတနဉ္စ န နိရုဇ္ဈတိ ရူပါယတနဉ္စ နုပ္ပဇ္ဇတိ။
(က) ယဿ ရူပါယတနံ နုပ္ပဇ္ဇတိ တဿ ဓမ္မာယတနံ န နိရုဇ္ဈတီတိ?
သဗ္ဗေသံ စဝန္တာနံ တေသံ ရူပါယတနံ နုပ္ပဇ္ဇတိ, နော စ တေသံ ဓမ္မာယတနံ န နိရုဇ္ဈတိ။ အရူပကာနံ ဥပပဇ္ဇန္တာနံ တေသံ ရူပါယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈတိ။
(ခ) ယဿ ဝါ ပန ဓမ္မာယတနံ န နိရုဇ္ဈတိ တဿ ရူပါယတနံ နုပ္ပဇ္ဇတီတိ?
သရူပကာနံ ဥပပဇ္ဇန္တာနံ တေသံ ဓမ္မာယတနံ န နိရုဇ္ဈတိ, နော စ တေသံ ရူပါယတနံ နုပ္ပဇ္ဇတိ။ အရူပကာနံ ဥပပဇ္ဇန္တာနံ တေသံ ဓမ္မာယတနဉ္စ န နိရုဇ္ဈတိ ရူပါယတနဉ္စ နုပ္ပဇ္ဇတိ။ (ရူပါယတနမူလကံ)
၂၀၇. (က) ယဿ မနာယတနံ နုပ္ပဇ္ဇတိ တဿ ဓမ္မာယတနံ န နိရုဇ္ဈတီတိ?
သဗ္ဗေသံ စဝန္တာနံ တေသံ မနာယတနံ နုပ္ပဇ္ဇတိ, နော စ တေသံ ဓမ္မာယတနံ န နိရုဇ္ဈတိ။ အစိတ္တကာနံ ဥပပဇ္ဇန္တာနံ တေသံ မနာယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈတိ။
(ခ) ယဿ ဝါ ပန ဓမ္မာယတနံ န နိရုဇ္ဈတိ တဿ မနာယတနံ နုပ္ပဇ္ဇတီတိ?
သစိတ္တကာနံ ဥပပဇ္ဇန္တာနံ တေသံ ဓမ္မာယတနံ န နိရုဇ္ဈတိ, နော စ တေသံ မနာယတနံ နုပ္ပဇ္ဇတိ။ အစိတ္တကာနံ ဥပပဇ္ဇန္တာနံ တေသံ ဓမ္မာယတနဉ္စ န နိရုဇ္ဈတိ မနာယတနဉ္စ နုပ္ပဇ္ဇတိ။
(င) ပစ္စနီကဩကာသော
၂၀၈. ယတ္ထ စက္ခာယတနံ နုပ္ပဇ္ဇတိ။ပေ.။။
(စ) ပစ္စနီကပုဂ္ဂလောကာသာ
၂၀၉. ယဿ ယတ္ထ စက္ခာယတနံ နုပ္ပဇ္ဇတိ။ပေ.။။
(ယဿကမ္ပိ ယဿယတ္ထကမ္ပိ သဒိသံ)။
(၂) အတီတဝါရော
(က) အနုလောမပုဂ္ဂလော
၂၁၀. (က) ယဿ စက္ခာယတနံ ဥပ္ပဇ္ဇိတ္ထ တဿ သောတာယတနံ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန သောတာယတနံ နိရုဇ္ဈိတ္ထ တဿ စက္ခာယတနံ ဥပ္ပဇ္ဇိတ္ထာတိ? အာမန္တာ ။ပေ.။။
(အတီတာ ပုစ္ဆာ ဥပ္ပါဒေပိ နိရောဓေပိ ဥပ္ပါဒနိရောဓေပိ အနုလောမမ္ပိ ပစ္စနီကမ္ပိ သဒိသံ)။
(၃) အနာဂတဝါရော
(က) အနုလောမပုဂ္ဂလော
၂၁၁. (က) ယဿ စက္ခာယတနံ ဥပ္ပဇ္ဇိဿတိ တဿ သောတာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန သောတာယတနံ နိရုဇ္ဈိဿတိ တဿ စက္ခာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ သောတာယတနံ နိရုဇ္ဈိဿတိ, နော စ တေသံ စက္ခာယတနံ ဥပ္ပဇ္ဇိဿတိ။ ဣတရေသံ တေသံ သောတာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇိဿတိ။
(က) ယဿ စက္ခာယတနံ ဥပ္ပဇ္ဇိဿတိ တဿ ဃာနာယတနံ နိရုဇ္ဈိဿတီတိ?
ယေ ရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနံ ဥပ္ပဇ္ဇိဿတိ, နော စ တေသံ ဃာနာယတနံ နိရုဇ္ဈိဿတိ။ ဣတရေသံ တေသံ စက္ခာယတနဉ္စ ဥပ္ပဇ္ဇိဿတိ ဃာနာယတနဉ္စ နိရုဇ္ဈိဿတိ။
(ခ) ယဿ ဝါ ပန ဃာနာယတနံ နိရုဇ္ဈိဿတိ တဿ စက္ခာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ဃာနာယတနံ နိရုဇ္ဈိဿတိ, နော စ တေသံ စက္ခာယတနံ ဥပ္ပဇ္ဇိဿတိ။ ဣတရေသံ တေသံ ဃာနာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇိဿတိ။
(က) ယဿ စက္ခာယတနံ ဥပ္ပဇ္ဇိဿတိ တဿ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ရူပါယတနံ နိရုဇ္ဈိဿတိ တဿ စက္ခာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ရူပါယတနံ နိရုဇ္ဈိဿတိ, နော စ တေသံ စက္ခာယတနံ ဥပ္ပဇ္ဇိဿတိ။ ဣတရေသံ တေသံ ရူပါယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇိဿတိ။
ယဿ စက္ခာယတနံ ဥပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိဿတိ တဿ စက္ခာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဓမ္မာယတနံ နိရုဇ္ဈိဿတိ, နော စ တေသံ စက္ခာယတနံ ဥပ္ပဇ္ဇိဿတိ။ ဣတရေသံ တေသံ ဓမ္မာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇိဿတိ။ (စက္ခာယတနမူလကံ)
၂၁၂. (က) ယဿ ဃာနာယတနံ ဥပ္ပဇ္ဇိဿတိ တဿ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ရူပါယတနံ နိရုဇ္ဈိဿတိ တဿ ဃာနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ရူပါယတနံ နိရုဇ္ဈိဿတိ, နော စ တေသံ ဃာနာယတနံ ဥပပဇ္ဇိဿတိ။ ဣတရေသံ တေသံ ရူပါယတနဉ္စ နိရုဇ္ဈိဿတိ ဃာနာယတနဉ္စ ဥပ္ပဇ္ဇိဿတိ။
ယဿ ဃာနာယတနံ ဥပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိဿတိ တဿ ဃာနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဓမ္မာယတနံ နိရုဇ္ဈိဿတိ, နော စ တေသံ ဃာနာယတနံ ဥပ္ပဇ္ဇိဿတိ။ ဣတရေသံ တေသံ ဓမ္မာယတနဉ္စ နိရုဇ္ဈိဿတိ ဃာနာယတနဉ္စ ဥပ္ပဇ္ဇိဿတိ။
၂၁၃. ယဿ ရူပါယတနံ ဥပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိဿတိ တဿ ရူပါယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဓမ္မာယတနံ နိရုဇ္ဈိဿတိ, နော စ တေသံ ရူပါယတနံ ဥပ္ပဇ္ဇိဿတိ။ ဣတရေသံ တေသံ ဓမ္မာယတနဉ္စ နိရုဇ္ဈိဿတိ ရူပါယတနဉ္စ ဥပ္ပဇ္ဇိဿတိ။
၂၁၄. (က) ယဿ မနာယတနံ ဥပ္ပဇ္ဇိဿတိ တဿ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဓမ္မာယတနံ နိရုဇ္ဈိဿတိ တဿ မနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ ဓမ္မာယတနံ နိရုဇ္ဈိဿတိ, နော စ တေသံ မနာယတနံ ဥပ္ပဇ္ဇိဿတိ။ ဣတရေသံ တေသံ ဓမ္မာယတနဉ္စ နိရုဇ္ဈိဿတိ မနာယတနဉ္စ ဥပ္ပဇ္ဇိဿတိ။
(ခ) အနုလောမဩကာသော
၂၁၅. ယတ္ထ စက္ခာယတနံ ဥပ္ပဇ္ဇိဿတိ။ပေ.။။
(ဂ) အနုလောမပုဂ္ဂလောကာသာ
၂၁၆. (က) ယဿ ယတ္ထ စက္ခာယတနံ ဥပ္ပဇ္ဇိဿတိ တဿ တတ္ထ သောတာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ သောတာယတနံ နိရုဇ္ဈိဿတိ တဿ တတ္ထ စက္ခာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ သောတာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ သောတာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇိဿတိ။
(က) ယဿ ယတ္ထ စက္ခာယတနံ ဥပ္ပဇ္ဇိဿတိ တဿ တတ္ထ ဃာနာယတနံ နိရုဇ္ဈိဿတီတိ?
ရူပါဝစရာနံ တေသံ တတ္ထ စက္ခာယတနံ ဥပ္ပဇ္ဇိဿတိ, နော စ တေသံ တတ္ထ ဃာနာယတနံ နိရုဇ္ဈိဿတိ။ ကာမာဝစရာနံ တေသံ တတ္ထ စက္ခာယတနဉ္စ ဥပ္ပဇ္ဇိဿတိ ဃာနာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ဃာနာယတနံ နိရုဇ္ဈိဿတိ တဿ တတ္ထ စက္ခာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိဿတိ။ ဣတရေသံ ကာမာဝစရာနံ တေသံ တတ္ထ ဃာနာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇိဿတိ။
(က) ယဿ ယတ္ထ စက္ခာယတနံ ဥပ္ပဇ္ဇိဿတိ တဿ တတ္ထ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ နိရုဇ္ဈိဿတိ တဿ တတ္ထ စက္ခာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အသညသတ္တာနံ တေသံ တတ္ထ ရူပါယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ ရူပါယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇိဿတိ။
(က) ယဿ ယတ္ထ စက္ခာယတနံ ဥပ္ပဇ္ဇိဿတိ တဿ တတ္ထ မနာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ မနာယတနံ နိရုဇ္ဈိဿတိ တဿ တတ္ထ စက္ခာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ မနာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ မနာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇိဿတိ။
(က) ယဿ ယတ္ထ စက္ခာယတနံ ဥပ္ပဇ္ဇိဿတိ တဿ တတ္ထ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ စက္ခာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အသညသတ္တာနံ အရူပါနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇိဿတိ။ (စက္ခာယတနမူလကံ)
၂၁၇. (က) ယဿ ယတ္ထ ဃာနာယတနံ ဥပ္ပဇ္ဇိဿတိ တဿ တတ္ထ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ နိရုဇ္ဈိဿတိ တဿ တတ္ထ ဃာနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ရူပါဝစရာနံ တေသံ တတ္ထ ရူပါယတနံ နိရုဇ္ဈိဿတိ, နော စ တေသံ တတ္ထ ဃာနာယတနံ ဥပ္ပဇ္ဇိဿတိ။ ဣတရေသံ ကာမာဝစရာနံ တေသံ တတ္ထ ရူပါယတနဉ္စ နိရုဇ္ဈိဿတိ ဃာနာယတနဉ္စ ဥပ္ပဇ္ဇိဿတိ။
ယဿ ယတ္ထ ဃာနာယတနံ ဥပ္ပဇ္ဇိဿတိ တဿ တတ္ထ မနာယတနံ ။ပေ.။ ဓမ္မာယတနံ နိရုဇ္ဈိဿတီတိ? အာမန္တာ။
ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ ဃာနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ရူပါဝစရာနံ အရူပါဝစရာနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ ဃာနာယတနံ ဥပ္ပဇ္ဇိဿတိ။ ဣတရေသံ ကာမာဝစရာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ ဃာနာယတနဉ္စ ဥပ္ပဇ္ဇိဿတိ။ (ဃာနာယတနမူလကံ)
၂၁၈. (က) ယဿ ယတ္ထ ရူပါယတနံ ဥပ္ပဇ္ဇိဿတိ တဿ တတ္ထ မနာယတနံ နိရုဇ္ဈိဿတီတိ?
အသညသတ္တာနံ တေသံ တတ္ထ ရူပါယတနံ ဥပ္ပဇ္ဇိဿတိ, နော စ တေသံ တတ္ထ မနာယတနံ နိရုဇ္ဈိဿတိ။ ပဉ္စဝေါကာရာနံ တေသံ တတ္ထ ရူပါယတနဉ္စ ဥပ္ပဇ္ဇိဿတိ မနာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ နိရုဇ္ဈိဿတိ တဿ တတ္ထ ရူပါယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ မနာယတနံ နိရုဇ္ဈိဿတိ, နော စ တေသံ တတ္ထ ရူပါယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ မနာယတနဉ္စ နိရုဇ္ဈိဿတိ ရူပါယတနဉ္စ ဥပ္ပဇ္ဇိဿတိ။
(က) ယဿ ယတ္ထ ရူပါယတနံ ဥပ္ပဇ္ဇိဿတိ တဿ တတ္ထ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ ရူပါယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ ရူပါယတနံ ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ အသညသတ္တာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ ရူပါယတနဉ္စ ဥပ္ပဇ္ဇိဿတိ။ (ရူပါယတနမူလကံ)
၂၁၉. (က) ယဿ ယတ္ထ မနာယတနံ ဥပ္ပဇ္ဇိဿတိ တဿ တတ္ထ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ မနာယတနံ ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ အသညသတ္တာနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ မနာယတနံ ဥပ္ပဇ္ဇိဿတိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ မနာယတနဉ္စ ဥပ္ပဇ္ဇိဿတိ။
(ဃ) ပစ္စနီကပုဂ္ဂလော
၂၂၀. (က) ယဿ စက္ခာယတနံ နုပ္ပဇ္ဇိဿတိ တဿ သောတာယတနံ န နိရုဇ္ဈိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇိဿတိ, နော စ တေသံ သောတာယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနဉ္စ နုပ္ပဇ္ဇိဿတိ သောတာယတနဉ္စ န နိရုဇ္ဈိဿတိ။
(ခ) ယဿ ဝါ ပန သောတာယတနံ န နိရုဇ္ဈိဿတိ တဿ စက္ခာယတနံ နုပ္ပဇ္ဇိဿတီတိ? အာမန္တာ။
(က) ယဿ စက္ခာယတနံ နုပ္ပဇ္ဇိဿတိ တဿ ဃာနာယတနံ န နိရုဇ္ဈိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇိဿတိ , နော စ တေသံ ဃာနာယတနံ န နိရုဇ္ဈိဿတိ။ ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနဉ္စ နုပ္ပဇ္ဇိဿတိ ဃာနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ဃာနာယတနံ န နိရုဇ္ဈိဿတိ တဿ စက္ခာယတနံ နုပ္ပဇ္ဇိဿတီတိ?
ယေ ရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနံ န နိရုဇ္ဈိဿတိ, နော စ တေသံ စက္ခာယတနံ နုပ္ပဇ္ဇိဿတိ။ ကာမာဝစရေ ပရိနိဗ္ဗန္တာနံ ရူပါဝစရေ အရူပါဝစရေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနဉ္စ န နိရုဇ္ဈိဿတိ စက္ခာယတနဉ္စ နုပ္ပဇ္ဇိဿတိ။
(က) ယဿ စက္ခာယတနံ နုပ္ပဇ္ဇိဿတိ တဿ ရူပါယတနံ န နိရုဇ္ဈိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇိဿတိ, နော စ တေသံ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနဉ္စ နုပ္ပဇ္ဇိဿတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ရူပါယတနံ န နိရုဇ္ဈိဿတိ တဿ စက္ခာယတနံ နုပ္ပဇ္ဇိဿတီတိ? အာမန္တာ။
ယဿ စက္ခာယတနံ နုပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စက္ခာယတနံ နုပ္ပဇ္ဇိဿတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ စက္ခာယတနဉ္စ နုပ္ပဇ္ဇိဿတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ။ပေ.။? အာမန္တာ။ (စက္ခာယတနမူလကံ)
၂၂၁. (က) ယဿ ဃာနာယတနံ နုပ္ပဇ္ဇိဿတိ တဿ ရူပါယတနံ န နိရုဇ္ဈိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဥပပဇ္ဇန္တာနံ တေသံ ဃာနာယတနံ နုပ္ပဇ္ဇိဿတိ, နော စ တေသံ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနဉ္စ နုပ္ပဇ္ဇိဿတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ရူပါယတနံ။ပေ.။? အာမန္တာ။
ယဿ ဃာနာယတနံ နုပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ ဥပပဇ္ဇန္တာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ ဃာနာယတနံ နုပ္ပဇ္ဇိဿတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ ဃာနာယတနဉ္စ နုပ္ပဇ္ဇိဿတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ။ပေ.။? အာမန္တာ။
၂၂၂. ယဿ ရူပါယတနံ နုပ္ပဇ္ဇိဿတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ရူပါယတနံ နုပ္ပဇ္ဇိဿတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ ရူပါယတနဉ္စ နုပ္ပဇ္ဇိဿတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ။ပေ.။? အာမန္တာ။
၂၂၃. (က) ယဿ မနာယတနံ နုပ္ပဇ္ဇိဿတိ တဿ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ မနာယတနံ နုပ္ပဇ္ဇိဿတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ မနာယတနဉ္စ နုပ္ပဇ္ဇိဿတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ဓမ္မာယတနံ န နိရုဇ္ဈိဿတိ တဿ မနာယတနံ နုပ္ပဇ္ဇိဿတီတိ? အာမန္တာ။
(င) ပစ္စနီကဩကာသော
၂၂၄. ယတ္ထ စက္ခာယတနံ နုပ္ပဇ္ဇိဿတိ။ပေ.။။
(စ) ပစ္စနီကပုဂ္ဂလောကာသာ
၂၂၅. (က) ယဿ ယတ္ထ စက္ခာယတနံ နုပ္ပဇ္ဇိဿတိ တဿ တတ္ထ သောတာယတနံ န နိရုဇ္ဈိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇိဿတိ, နော စ တေသံ တတ္ထ သောတာယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇိဿတိ သောတာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇိဿတိ တဿ တတ္ထ ဃာနာယတနံ န နိရုဇ္ဈိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇိဿတိ, နော စ တေသံ တတ္ထ ဃာနာယတနံ န နိရုဇ္ဈိဿတိ။ ကာမာဝစရေ ပရိနိဗ္ဗန္တာနံ ရူပါဝစရေ ပစ္ဆိမဘဝိကာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇိဿတိ ဃာနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဃာနာယတနံ န နိရုဇ္ဈိဿတိ တဿ တတ္ထ စက္ခာယတနံ နုပ္ပဇ္ဇိဿတီတိ?
ရူပါဝစရာနံ တေသံ တတ္ထ ဃာနာယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ နုပ္ပဇ္ဇိဿတိ။ ကာမာဝစရေ ပရိနိဗ္ဗန္တာနံ ရူပါဝစရေ ပစ္ဆိမဘဝိကာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ န နိရုဇ္ဈိဿတိ စက္ခာယတနဉ္စ နုပ္ပဇ္ဇိဿတိ။
(က) ယဿ ယတ္ထ စက္ခာယတနံ နုပ္ပဇ္ဇိဿတိ တဿ တတ္ထ ရူပါယတနံ န နိရုဇ္ဈိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အသညသတ္တာနံ တေသံ တတ္ထ စက္ခာယတနံ နုပ္ပဇ္ဇိဿတိ, နော စ တေသံ တတ္ထ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇိဿတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇိဿတိ တဿ တတ္ထ မနာယတနံ န နိရုဇ္ဈိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ စက္ခာယတနံ နုပ္ပဇ္ဇိဿတိ, နော စ တေသံ တတ္ထ မနာယတနံ န နိရုဇ္ဈိဿတိ။ ပရိနိဗ္ဗန္တာနံ အသညသတ္တာနံ တေသံ တတ္ထ စက္ခာယတနဉ္စ နုပ္ပဇ္ဇိဿတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇိဿတိ တဿ တတ္ထ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အသညသတ္တာနံ အရူပါနံ တေသံ တတ္ထ စက္ခာယတနံ နုပ္ပဇ္ဇိဿတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ စက္ခာယတနဉ္စ နုပ္ပဇ္ဇိဿတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။ (စက္ခာယတနမူလကံ)
၂၂၆. (က) ယဿ ယတ္ထ ဃာနာယတနံ နုပ္ပဇ္ဇိဿတိ တဿ တတ္ထ ရူပါယတနံ န နိရုဇ္ဈိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိဿတိ, နော စ တေသံ တတ္ထ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇိဿတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။
(က) ယဿ ယတ္ထ ဃာနာယတနံ နုပ္ပဇ္ဇိဿတိ တဿ တတ္ထ မနာယတနံ န နိရုဇ္ဈိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိဿတိ, နော စ တေသံ တတ္ထ မနာယတနံ န နိရုဇ္ဈိဿတိ။ ပရိနိဗ္ဗန္တာနံ အသညသတ္တာနံ တေသံ တတ္ထ ဃာနာယတနဉ္စ နုပ္ပဇ္ဇိဿတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။
(က) ယဿ ယတ္ထ ဃာနာယတနံ နုပ္ပဇ္ဇိဿတိ တဿ တတ္ထ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ ကာမာဝစရံ ဥပပဇ္ဇန္တာနံ ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇိဿတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ဃာနာယတနဉ္စ နုပ္ပဇ္ဇိဿတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။ (ဃာနာယတနမူလကံ)
၂၂၇. (က) ယဿ ယတ္ထ ရူပါယတနံ နုပ္ပဇ္ဇိဿတိ တဿ တတ္ထ မနာယတနံ န နိရုဇ္ဈိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ရူပါယတနံ နုပ္ပဇ္ဇိဿတိ, နော စ တေသံ တတ္ထ မနာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ရူပါယတနဉ္စ နုပ္ပဇ္ဇိဿတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ ရူပါယတနံ နုပ္ပဇ္ဇိဿတီတိ?
အသညသတ္တာနံ တေသံ တတ္ထ မနာယတနံ န နိရုဇ္ဈိဿတိ, နော စ တေသံ တတ္ထ ရူပါယတနံ နုပ္ပဇ္ဇိဿတိ။ ပရိနိဗ္ဗန္တာနံ တေသံ တတ္ထ မနာယတနဉ္စ န နိရုဇ္ဈိဿတိ ရူပါယတနဉ္စ နုပ္ပဇ္ဇိဿတိ။
(က) ယဿ ယတ္ထ ရူပါယတနံ နုပ္ပဇ္ဇိဿတိ တဿ တတ္ထ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ရူပါယတနံ နုပ္ပဇ္ဇိဿတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ရူပါယတနဉ္စ နုပ္ပဇ္ဇိဿတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ။ပေ.။? အာမန္တာ။ (ရူပါယတနမူလကံ)
၂၂၈. (က) ယဿ ယတ္ထ မနာယတနံ နုပ္ပဇ္ဇိဿတိ တဿ တတ္ထ ဓမ္မာယတနံ န နိရုဇ္ဈိဿတီတိ?
ပစ္ဆိမဘဝိကာနံ ဥပပဇ္ဇန္တာနံ အသညသတ္တာနံ တေသံ တတ္ထ မနာယတနံ နုပ္ပဇ္ဇိဿတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ မနာယတနဉ္စ နုပ္ပဇ္ဇိဿတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ မနာယတနံ နုပ္ပဇ္ဇိဿတီတိ? အာမန္တာ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၂၂၉. (က) ယဿ စက္ခာယတနံ ဥပ္ပဇ္ဇတိ တဿ သောတာယတနံ နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန သောတာယတနံ နိရုဇ္ဈိတ္ထ တဿ စက္ခာယတနံ ဥပ္ပဇ္ဇတီတိ ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ သောတာယတနံ နိရုဇ္ဈိတ္ထ, နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ သောတာယတနဉ္စ နိရုဇ္ဈိတ္ထ စက္ခာယတနဉ္စ ဥပ္ပဇ္ဇတိ။
(ယထာ ဥပ္ပါဒဝါရေ ပစ္စုပ္ပန္နာတီတာ ပုစ္ဆာ ဝိဘတ္တာ ဧဝံ ဥပ္ပါဒနိရောဓေပိ ပစ္စုပ္ပန္နာတီတာ ပုစ္ဆာ အနုလောမမ္ပိ ပစ္စနီကမ္ပိ ဝိဘဇိတဗ္ဗာ [ဝိဘဇိတဗ္ဗံ (သီ သျာ. က.)] )။
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၂၃၀. (က) ယဿ စက္ခာယတနံ ဥပ္ပဇ္ဇတိ တဿ သောတာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန သောတာယတနံ နိရုဇ္ဈိဿတိ တဿ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ သောတာယတနံ နိရုဇ္ဈိဿတိ, နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ သောတာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ ဃာနာယတနံ နိရုဇ္ဈိဿတီတိ?
ပစ္ဆိမဘဝိကာနံ ရူပါဝစရံ ဥပပဇ္ဇန္တာနံ တေသံ စက္ခာယတနံ ဥပ္ပဇ္ဇတိ, နော စ တေသံ ဃာနာယတနံ နိရုဇ္ဈိဿတိ။ ဣတရေသံ သစက္ခုကာနံ ဥပပဇ္ဇန္တာနံ တေသံ စက္ခာယတနဉ္စ ဥပ္ပဇ္ဇတိ ဃာနာယတနဉ္စ နိရုဇ္ဈိဿတိ။
(ခ) ယဿ ဝါ ပန ဃာနာယတနံ နိရုဇ္ဈိဿတိ တဿ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ ဃာနာယတနံ နိရုဇ္ဈိဿတိ, နော စ တေသံ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ ဃာနာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ရူပါယတနံ နိရုဇ္ဈိဿတိ တဿ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ။ပေ.။ သစက္ခုကာနံ ဥပပဇ္ဇန္တာနံ တေသံ ရူပါယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ မနာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန မနာယတနံ နိရုဇ္ဈိဿတိ တဿ စက္ခာယတနံ ဥပ္ပဇ္ဇတီတိ ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ။ပေ.။ သစက္ခုကာနံ ဥပပဇ္ဇန္တာနံ တေသံ မနာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇတိ။
(က) ယဿ စက္ခာယတနံ ဥပ္ပဇ္ဇတိ တဿ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဓမ္မာယတနံ နိရုဇ္ဈိဿတိ တဿ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ။ပေ.။ သစက္ခုကာနံ ဥပပဇ္ဇန္တာနံ တေသံ ဓမ္မာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇတိ။
၂၃၁. ယဿ ဃာနာယတနံ ဥပ္ပဇ္ဇတိ တဿ ရူပါယတနံ။ပေ.။ မနာယတနံ။ ဓမ္မာယတနံ နိရုဇ္ဈိဿတီတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိဿတိ တဿ ဃာနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ဓမ္မာယတနံ နိရုဇ္ဈိဿတိ, နော စ တေသံ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ ဓမ္မာယတနဉ္စ နိရုဇ္ဈိဿတိ ဃာနာယတနဉ္စ ဥပ္ပဇ္ဇတိ။
၂၃၂. ယဿ ရူပါယတနံ ဥပ္ပဇ္ဇတိ တဿ မနာယတနံ။ပေ.။ ဓမ္မာယတနံ နိရုဇ္ဈိဿတီတိ? အာမန္တာ။
ယဿ ဝါ ပန ဓမ္မာယတနံ နိရုဇ္ဈိဿတိ တဿ ရူပါယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ ဓမ္မာယတနံ နိရုဇ္ဈိဿတိ, နော စ တေသံ ရူပါယတနံ ဥပ္ပဇ္ဇတိ။ သရူပကာနံ ဥပပဇ္ဇန္တာနံ တေသံ ဓမ္မာယတနဉ္စ နိရုဇ္ဈိဿတိ ရူပါယတနဉ္စ ဥပ္ပဇ္ဇတိ။
၂၃၃. (က) ယဿ မနာယတနံ ဥပ္ပဇ္ဇတိ တဿ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဓမ္မာယတနံ။ပေ.။?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ ဓမ္မာယတနံ နိရုဇ္ဈိဿတိ, နော စ တေသံ မနာယတနံ ဥပ္ပဇ္ဇတိ။ သစိတ္တကာနံ ဥပပဇ္ဇန္တာနံ တေသံ ဓမ္မာယတနဉ္စ နိရုဇ္ဈိဿတိ မနာယတနဉ္စ ဥပ္ပဇ္ဇတိ။
(ခ) အနုလောမဩကာသော
၂၃၄. ယတ္ထ စက္ခာယတနံ ဥပ္ပဇ္ဇတိ။ပေ.။။
(ဂ) အနုလောမပုဂ္ဂလောကာသာ
၂၃၅. (က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ သောတာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ သောတာယတနံ နိရုဇ္ဈိဿတိ တဿ တတ္ထ စက္ခာယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ သောတာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ သောတာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ ဃာနာယတနံ နိရုဇ္ဈိဿတီတိ?
ရူပါဝစရံ ဥပပဇ္ဇန္တာနံ တေသံ တတ္ထ စက္ခာယတနံ ဥပ္ပဇ္ဇတိ, နော စ တေသံ တတ္ထ ဃာနာယတနံ နိရုဇ္ဈိဿတိ။ သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခာယတနဉ္စ ဥပ္ပဇ္ဇတိ ဃာနာယတနဉ္စ နိရုဇ္ဈိဿတိ။
(ခ) ယဿ ဝါ ပန ယတ္ထ ဃာနာယတနံ နိရုဇ္ဈိဿတိ တဿ တတ္ထ စက္ခာယတနံ ဥပ္ပဇ္ဇတီတိ?
ကာမာဝစရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ ဃာနာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ နိရုဇ္ဈိဿတိ တဿ တတ္ထ စက္ခာယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အသညသတ္တာနံ တေသံ တတ္ထ ရူပါယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ ရူပါယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ မနာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ မနာယတနံ နိရုဇ္ဈိဿတိ တဿ တတ္ထ စက္ခာယတနံ ဥပ္ပဇ္ဇတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အရူပါနံ တေသံ တတ္ထ မနာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ မနာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇတိ။
(က) ယဿ ယတ္ထ စက္ခာယတနံ ဥပ္ပဇ္ဇတိ တဿ တတ္ထ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ စက္ခာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ စက္ခာယတနံ ဥပ္ပဇ္ဇတိ။ သစက္ခုကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ စက္ခာယတနဉ္စ ဥပ္ပဇ္ဇတိ။ (စက္ခာယတနမူလကံ)
၂၃၆. (က) ယဿ ယတ္ထ ဃာနာယတနံ ဥပ္ပဇ္ဇတိ တဿ တတ္ထ ရူပါယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ရူပါယတနံ နိရုဇ္ဈိဿတိ တဿ တတ္ထ ဃာနာယတနံ ဥပ္ပဇ္ဇတီတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ တေသံ တတ္ထ ရူပါယတနံ နိရုဇ္ဈိဿတိ, နော စ တေသံ တတ္ထ ဃာနာယတနံ ဥပ္ပဇ္ဇတိ။ သဃာနကာနံ ဥပပဇ္ဇန္တာနံ တေသံ တတ္ထ ရူပါယတနဉ္စ နိရုဇ္ဈိဿတိ ဃာနာယတနဉ္စ ဥပ္ပဇ္ဇတိ။
(က) ယဿ ယတ္ထ ဃာနာယတနံ ဥပ္ပဇ္ဇတိ တဿ တတ္ထ မနာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ မနာယတနံ။ပေ.။?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ အရူပါဝစရာနံ တေသံ တတ္ထ မနာယတနံ။ပေ.။ သဃာနကာနံ ဥပပဇ္ဇန္တာနံ တေသံ တတ္ထ မနာယတနဉ္စ နိရုဇ္ဈိဿတိ ဃာနာယတနဉ္စ ဥပ္ပဇ္ဇတိ။
(က) ယဿ ယတ္ထ ဃာနာယတနံ ဥပ္ပဇ္ဇတိ တဿ တတ္ထ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ။ပေ.။ ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ တတ္ထ ဓမ္မာယတနံ။ပေ.။ သဃာနကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ ဃာနာယတနဉ္စ ဥပ္ပဇ္ဇတိ။ (ဃာနာယတနမူလကံ)
၂၃၇. (က) ယဿ ယတ္ထ ရူပါယတနံ ဥပ္ပဇ္ဇတိ တဿ တတ္ထ မနာယတနံ နိရုဇ္ဈိဿတီတိ?
အသညသတ္တံ ဥပပဇ္ဇန္တာနံ တေသံ တတ္ထ ရူပါယတနံ ဥပ္ပဇ္ဇတိ, နော စ တေသံ တတ္ထ။ပေ.။ ပဉ္စဝေါကာရံ ဥပပဇ္ဇန္တာနံ တေသံ တတ္ထ။ပေ.။။
(ခ) ယဿ ဝါ ပန ယတ္ထ မနာယတနံ။ပေ.။?
ပဉ္စဝေါကာရာ စဝန္တာနံ အရူပါနံ တေသံ တတ္ထ။ပေ.။ ပဉ္စဝေါကာရံ ဥပပဇ္ဇန္တာနံ တေသံ တတ္ထ မနာယတနဉ္စ နိရုဇ္ဈိဿတိ ရူပါယတနဉ္စ ဥပ္ပဇ္ဇတိ။
(က) ယဿ ယတ္ထ ရူပါယတနံ ဥပ္ပဇ္ဇတိ တဿ တတ္ထ ဓမ္မာယတနံ နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ။ပေ.။?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ ရူပါယတနံ ဥပ္ပဇ္ဇတိ။ သရူပကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ ရူပါယတနဉ္စ ဥပ္ပဇ္ဇတိ။
၂၃၈. (က) ယဿ ယတ္ထ မနာယတနံ ဥပ္ပဇ္ဇတိ တဿ တတ္ထ ဓမ္မာယတနံ နိရုဇ္ဈိဿတီတိ ? အာမန္တာ။
(ခ) ယဿ ဝါ ပန ယတ္ထ ဓမ္မာယတနံ နိရုဇ္ဈိဿတိ တဿ တတ္ထ မနာယတနံ ဥပ္ပဇ္ဇတီတိ?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ တတ္ထ ဓမ္မာယတနံ နိရုဇ္ဈိဿတိ, နော စ တေသံ တတ္ထ မနာယတနံ ဥပ္ပဇ္ဇတိ။ သစိတ္တကာနံ ဥပပဇ္ဇန္တာနံ တေသံ တတ္ထ ဓမ္မာယတနဉ္စ နိရုဇ္ဈိဿတိ မနာယတနဉ္စ ဥပ္ပဇ္ဇတိ။
(ဃ) ပစ္စနီကပုဂ္ဂလော
၂၃၉. (က) ယဿ စက္ခာယတနံ နုပ္ပဇ္ဇတိ တဿ သောတာယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ သောတာယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနဉ္စ နုပ္ပဇ္ဇတိ သောတာယတနဉ္စ န နိရုဇ္ဈိဿတိ။
(ခ) ယဿ ဝါ ပန သောတာယတနံ န နိရုဇ္ဈိဿတိ တဿ စက္ခာယတနံ နုပ္ပဇ္ဇတီတိ? အာမန္တာ။
(က) ယဿ စက္ခာယတနံ နုပ္ပဇ္ဇတိ တဿ ဃာနာယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ဃာနာယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနဉ္စ နုပ္ပဇ္ဇတိ ဃာနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ဃာနာယတနံ န နိရုဇ္ဈိဿတိ တဿ စက္ခာယတနံ နုပ္ပဇ္ဇတီတိ?
ပစ္ဆိမဘဝိကာနံ ရူပါဝစရံ ဥပပဇ္ဇန္တာနံ တေသံ ဃာနာယတနံ န နိရုဇ္ဈိဿတိ, နော စ တေသံ စက္ခာယတနံ နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ ရူပါဝစရံ အရူပါဝစရံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနဉ္စ န နိရုဇ္ဈိဿတိ စက္ခာယတနဉ္စ နုပ္ပဇ္ဇတိ။
(က) ယဿ စက္ခာယတနံ နုပ္ပဇ္ဇတိ တဿ ရူပါယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနဉ္စ နုပ္ပဇ္ဇတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ရူပါယတနံ။ပေ.။? အာမန္တာ။
ယဿ စက္ခာယတနံ နုပ္ပဇ္ဇတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ စက္ခာယတနံ နုပ္ပဇ္ဇတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ စက္ခာယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ။ပေ.။? အာမန္တာ။ (စက္ခာယတနမူလကံ)
၂၄၀. (က) ယဿ ဃာနာယတနံ နုပ္ပဇ္ဇတိ တဿ ရူပါယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဃာနာယတနဉ္စ နုပ္ပဇ္ဇတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ရူပါယတနံ။ပေ.။? အာမန္တာ။
ယဿ ဃာနာယတနံ နုပ္ပဇ္ဇတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ ဃာနာယတနံ နုပ္ပဇ္ဇတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ ဃာနာယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ။ပေ.။? အာမန္တာ။ (ဃာနာယတနမူလကံ)
၂၄၁. ယဿ ရူပါယတနံ နုပ္ပဇ္ဇတိ တဿ မနာယတနံ။ပေ.။ ဓမ္မာယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ ရူပါယတနံ နုပ္ပဇ္ဇတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ ရူပါယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈိဿတိ။
ယဿ ဝါ ပန ဓမ္မာယတနံ။ပေ.။? အာမန္တာ။
၂၄၂. (က) ယဿ မနာယတနံ နုပ္ပဇ္ဇတိ တဿ ဓမ္မာယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ မနာယတနံ နုပ္ပဇ္ဇတိ, နော စ တေသံ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ မနာယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ဓမ္မာယတနံ န နိရုဇ္ဈိဿတိ တဿ မနာယတနံ နုပ္ပဇ္ဇတီတိ? အာမန္တာ။
(င) ပစ္စနီကဩကာသော
၂၄၃. ယတ္ထ စက္ခာယတနံ နုပ္ပဇ္ဇတိ။ပေ.။။
(စ) ပစ္စနီကပုဂ္ဂလောကာသာ
၂၄၄. (က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ သောတာယတနံ န နိရုဇ္ဈိဿတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ သောတာယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇတိ သောတာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ သောတာယတနံ န နိရုဇ္ဈိဿတိ တဿ တတ္ထ စက္ခာယတနံ နုပ္ပဇ္ဇတီတိ? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ ဃာနာယတနံ န နိရုဇ္ဈိဿတီတိ?
ကာမာဝစရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ ဃာနာယတနံ န နိရုဇ္ဈိဿတိ။ ကာမာဝစရေ ပရိနိဗ္ဗန္တာနံ ရူပါဝစရာ စဝန္တာနံ အသညသတ္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇတိ ဃာနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဃာနာယတနံ န နိရုဇ္ဈိဿတိ တဿ တတ္ထ စက္ခာယတနံ နုပ္ပဇ္ဇတီတိ?
ရူပါဝစရံ ဥပပဇ္ဇန္တာနံ တေသံ တတ္ထ ဃာနာယတနံ န နိရုဇ္ဈိဿတိ, နော စ တေသံ တတ္ထ စက္ခာယတနံ နုပ္ပဇ္ဇတိ။ ကာမာဝစရေ ပရိနိဗ္ဗန္တာနံ ရူပါဝစရာ စဝန္တာနံ အသညသတ္တာနံ အရူပါနံ တေသံ တတ္ထ ဃာနာယတနဉ္စ န နိရုဇ္ဈိဿတိ စက္ခာယတနဉ္စ နုပ္ပဇ္ဇတိ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ ရူပါယတနံ န နိရုဇ္ဈိဿတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အသညသတ္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပါနံ တေသံ တတ္ထ စက္ခာယတနဉ္စ နုပ္ပဇ္ဇတိ ရူပါယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ရူပါယတနံ န နိရုဇ္ဈိဿတိ တဿ တတ္ထ စက္ခာယတနံ နုပ္ပဇ္ဇတီတိ? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ မနာယတနံ န နိရုဇ္ဈိဿတီတိ?
ပဉ္စဝေါကာရာ စဝန္တာနံ အစက္ခုကာနံ ကာမာဝစရံ ဥပပဇ္ဇန္တာနံ အရူပါနံ တသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ မနာယတနံ န နိရုဇ္ဈိဿတိ။ ပရိနိဗ္ဗန္တာနံ အသညသတ္တာနံ တေသံ တတ္ထ စက္ခာယတနဉ္စ နုပ္ပဇ္ဇတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ စက္ခာယတနံ နုပ္ပဇ္ဇတီတိ? အာမန္တာ။
(က) ယဿ ယတ္ထ စက္ခာယတနံ နုပ္ပဇ္ဇတိ တဿ တတ္ထ ဓမ္မာယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ တတ္ထ စက္ခာယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ စက္ခာယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ စက္ခာယတနံ နုပ္ပဇ္ဇတီတိ? အာမန္တာ။ (စက္ခာယတနမူလကံ)
၂၄၅. (က) ယဿ ယတ္ထ ဃာနာယတနံ နုပ္ပဇ္ဇတိ တဿ တတ္ထ ရူပါယတနံ န နိရုဇ္ဈိဿတီတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ တေသံ တတ္ထ ဃာနာယတနံ နုပ္ပဇ္ဇတိ, နော စ တေသံ တတ္ထ ရူပါယတနံ န နိရုဇ္ဈိဿတိ။ ပဉ္စဝေါကာရေ ပရိနိဗ္ဗန္တာနံ အရူပါနံ တေသံ တတ္ထ ဃာနာယတနဉ္စ နုပ္ပဇ္ဇတိ ရူပါယတနဉ္စ န နိရုဇ္ဈိဿတိ ။
(ခ) ယဿ ဝါ ပန ယတ္ထ ရူပါယတနံ န နိရုဇ္ဈိဿတိ တဿ တတ္ထ ဃာနာယတနံ နုပ္ပဇ္ဇတီတိ? အာမန္တာ။
(က) ယဿ ယတ္ထ ဃာနာယတနံ နုပ္ပဇ္ဇတိ တဿ တတ္ထ မနာယတနံ န နိရုဇ္ဈိဿတီတိ?
ကာမာဝစရာ စဝန္တာနံ အဃာနကာနံ ကာမာဝစရံ ဥပပဇ္ဇန္တာနံ ရူပါဝစရာနံ အရူပါဝစရာနံ တေသံ တတ္ထ ဃာနာယတနံ နုပ္ပဇ္ဇတိ, နော စ တေသံ တတ္ထ မနာယတနံ န နိရုဇ္ဈိဿတိ။ ပရိနိဗ္ဗန္တာနံ အသညသတ္တာနံ တေသံ တတ္ထ ဃာနာယတနဉ္စ နုပ္ပဇ္ဇတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ ဃာနာယတနံ နုပ္ပဇ္ဇတီတိ? အာမန္တာ။
(က) ယဿ ယတ္ထ ဃာနာယတနံ နုပ္ပဇ္ဇတိ တဿ တတ္ထ ဓမ္မာယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အဃာနကာနံ ဥပပဇ္ဇန္တာနံ တေသံ တတ္ထ ဃာနာယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ဃာနာယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ ဃာနာယတနံ နုပ္ပဇ္ဇတီတိ? အာမန္တာ။ (ဃာနာယတနမူလကံ)
၂၄၆. (က) ယဿ ယတ္ထ ရူပါယတနံ နုပ္ပဇ္ဇတိ တဿ တတ္ထ မနာယတနံ န နိရုဇ္ဈိဿတီတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ ရူပါယတနံ နုပ္ပဇ္ဇတိ, နော စ တေသံ တတ္ထ မနာယတနံ န နိရုဇ္ဈိဿတိ။ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ရူပါယတနဉ္စ နုပ္ပဇ္ဇတိ မနာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ မနာယတနံ န နိရုဇ္ဈိဿတိ တဿ တတ္ထ ရူပါယတနံ နုပ္ပဇ္ဇတီတိ?
အသညသတ္တံ ဥပပဇ္ဇန္တာနံ တေသံ တတ္ထ မနာယတနံ န နိရုဇ္ဈိဿတိ, နော စ တေသံ တတ္ထ ရူပါယတနံ နုပ္ပဇ္ဇတိ။ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ မနာယတနဉ္စ န နိရုဇ္ဈိဿတိ ရူပါယတနဉ္စ နုပ္ပဇ္ဇတိ။
(က) ယဿ ယတ္ထ ရူပါယတနံ နုပ္ပဇ္ဇတိ တဿ တတ္ထ ဓမ္မာယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အရူပကာနံ ဥပပဇ္ဇန္တာနံ တေသံ တတ္ထ ရူပါယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ရူပါယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ ရူပါယတနံ နုပ္ပဇ္ဇတီတိ? အာမန္တာ။
၂၄၇. (က) ယဿ ယတ္ထ မနာယတနံ နုပ္ပဇ္ဇတိ တဿ တတ္ထ ဓမ္မာယတနံ န နိရုဇ္ဈိဿတီတိ?
သဗ္ဗေသံ စဝန္တာနံ အစိတ္တကာနံ ဥပပဇ္ဇန္တာနံ တေသံ တတ္ထ မနာယတနံ နုပ္ပဇ္ဇတိ, နော စ တေသံ တတ္ထ ဓမ္မာယတနံ န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ မနာယတနဉ္စ နုပ္ပဇ္ဇတိ ဓမ္မာယတနဉ္စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဓမ္မာယတနံ န နိရုဇ္ဈိဿတိ တဿ တတ္ထ မနာယတနံ နုပ္ပဇ္ဇတီတိ? အာမန္တာ။
(၆) အတီတာနာဂတဝါရော
(က) အနုလောမပုဂ္ဂလော
၂၄၈. (က) ယဿ စက္ခာယတနံ ဥပ္ပဇ္ဇိတ္ထ တဿ သောတာယတနံ နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ စက္ခာယတနံ ဥပ္ပဇ္ဇိတ္ထ, နော စ တေသံ သောတာယတနံ နိရုဇ္ဈိဿတိ။ ဣတရေသံ တေသံ စက္ခာယတနဉ္စ ဥပ္ပဇ္ဇိတ္ထ သောတာယတနဉ္စ နိရုဇ္ဈိဿတိ။
(ခ) ယဿ ဝါ ပန သောတာယတနံ နိရုဇ္ဈိဿတိ တဿ စက္ခာယတနံ ဥပ္ပဇ္ဇိတ္ထာတိ? အာမန္တာ။
(ယထာ နိရောဓဝါရေ အတီတာနာဂတာ [အတီတေနာနာဂတာ (သျာ.)] ပုစ္ဆာ ယဿကမ္ပိ ယတ္ထကမ္ပိ ယဿယတ္ထကမ္ပိ အနုလောမမ္ပိ ပစ္စနီကမ္ပိ ဝိဘတ္တံ, ဧဝံ ဥပ္ပါဒနိရောဓေပိ အတီတာနာဂတာ ပုစ္ဆာ ဝိဘဇိတဗ္ဗာ။)
ဥပ္ပါဒနိရောဓဝါရော။
ပဝတ္တိဝါရော နိဋ္ဌိတော။
၃. ပရိညာဝါရော
၁. ပစ္စုပ္ပန္နဝါရော
၂၄၉. (က) ယော စက္ခာယတနံ ပရိဇာနာတိ သော သောတာယတနံ ပရိဇာနာတီတိ? အာမန္တာ။
(ခ) ယော ဝါ ပန သောတာယတနံ ပရိဇာနာတိ သော စက္ခာယတနံ ပရိဇာနာတီတိ? အာမန္တာ။
(က) ယော စက္ခာယတနံ န ပရိဇာနာတိ သော သောတာယတနံ န ပရိဇာနာတီတိ? အာမန္တာ။
(ခ) ယော ဝါ ပန သောတာယတနံ န ပရိဇာနာတိ သော စက္ခာယတနံ န ပရိဇာနာတီတိ? အာမန္တာ။
၂. အတီတဝါရော
၂၅၀. (က) ယော စက္ခာယတနံ ပရိဇာနိတ္ထ သော သောတာယတနံ ပရိဇာနိတ္ထာတိ? အာမန္တာ။
(ခ) ယော ဝါ ပန သောတာယတနံ ပရိဇာနိတ္ထ သော စက္ခာယတနံ ပရိဇာနိတ္ထာတိ? အာမန္တာ။
(က) ယော စက္ခာယတနံ န ပရိဇာနိတ္ထ သော သောတာယတနံ န ပရိဇာနိတ္ထာတိ? အာမန္တာ။
(ခ) ယော ဝါ ပန သောတာယတနံ န ပရိဇာနိတ္ထ သော စက္ခာယတနံ န ပရိဇာနိတ္ထာတိ? အာမန္တာ။
၃. အနာဂတဝါရော
၂၅၁. (က) ယော စက္ခာယတနံ ပရိဇာနိဿတိ သော သောတာယတနံ ပရိဇာနိဿတီတိ? အာမန္တာ။
(ခ) ယော ဝါ ပန သောတာယတနံ ပရိဇာနိဿတိ သော စက္ခာယတနံ ပရိဇာနိဿတီတိ? အာမန္တာ။
(က) ယော စက္ခာယတနံ န ပရိဇာနိဿတိ သော သောတာယတနံ န ပရိဇာနိဿတီတိ? အာမန္တာ။
(ခ) ယော ဝါ ပန သောတာယတနံ န ပရိဇာနိဿတိ သော စက္ခာယတနံ န ပရိဇာနိဿတီတိ? အာမန္တာ။
၄. ပစ္စုပ္ပန္နာတီတဝါရော
၂၅၂. (က) ယော စက္ခာယတနံ ပရိဇာနာတိ သော သောတာယတနံ ပရိဇာနိတ္ထာတိ? နော။
(ခ) ယော ဝါ ပန သောတာယတနံ ပရိဇာနိတ္ထ သော စက္ခာယတနံ ပရိဇာနာတီတိ? နော။
(က) ယော စက္ခာယတနံ န ပရိဇာနာတိ သော သောတာယတနံ န ပရိဇာနိတ္ထာတိ?
အရဟာ စက္ခာယတနံ န ပရိဇာနာတိ, နော စ သောတာယတနံ န ပရိဇာနိတ္ထ။ အဂ္ဂမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ စက္ခာယတနဉ္စ န ပရိဇာနန္တိ သောတာယတနဉ္စ န ပရိဇာနိတ္ထ။
(ခ) ယော ဝါ ပန သောတာယတနံ န ပရိဇာနိတ္ထ သော စက္ခာယတနံ န ပရိဇာနာတီတိ?
အဂ္ဂမဂ္ဂသမင္ဂီ သောတာယတနံ န ပရိဇာနိတ္ထ, နော စ စက္ခာယတနံ န ပရိဇာနာတိ။ အဂ္ဂမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ သောတာယတနဉ္စ န ပရိဇာနိတ္ထ စက္ခာယတနဉ္စ န ပရိဇာနန္တိ။
၅. ပစ္စုပ္ပန္နာနာဂတဝါရော
၂၅၃. (က) ယော စက္ခာယတနံ ပရိဇာနာတိ သော သောတာယတနံ ပရိဇာနိဿတီတိ? နော။
(ခ) ယော ဝါ ပန သောတာယတနံ ပရိဇာနိဿတိ သော စက္ခာယတနံ ပရိဇာနာတီတိ? နော။
(က) ယော စက္ခာယတနံ န ပရိဇာနာတိ သော သောတာယတနံ န ပရိဇာနိဿတီတိ?
ယေ မဂ္ဂံ ပဋိလဘိဿန္တိ တေ စက္ခာယတနံ န ပရိဇာနန္တိ , နော စ သောတာယတနံ န ပရိဇာနိဿန္တိ။ အရဟာ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ စက္ခာယတနဉ္စ န ပရိဇာနန္တိ သောတာယတနဉ္စ န ပရိဇာနိဿန္တိ။
(ခ) ယော ဝါ ပန သောတာယတနံ န ပရိဇာနိဿတိ သော စက္ခာယတနံ န ပရိဇာနာတီတိ?
အဂ္ဂမဂ္ဂသမင္ဂီ သောတာယတနံ န ပရိဇာနိဿတိ, နော စ စက္ခာယတနံ န ပရိဇာနာတိ။ အရဟာ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ သောတာယတနဉ္စ န ပရိဇာနိဿန္တိ စက္ခာယတနဉ္စ န ပရိဇာနန္တိ။
၆. အတီတာနာဂတဝါရော
၂၅၄. (က) ယော စက္ခာယတနံ ပရိဇာနိတ္ထ သော သောတာယတနံ ပရိဇာနိဿတီတိ? နော။
(ခ) ယော ဝါ ပန သောတာယတနံ ပရိဇာနိဿတိ သော စက္ခာယတနံ ပရိဇာနိတ္ထာတိ? နော။
(က) ယော စက္ခာယတနံ န ပရိဇာနိတ္ထ သော သောတာယတနံ န ပရိဇာနိဿတီတိ?
ယေ မဂ္ဂံ ပဋိလဘိဿန္တိ တေ စက္ခာယတနံ န ပရိဇာနိတ္ထ, နော စ သောတာယတနံ န ပရိဇာနိဿန္တိ။ အဂ္ဂမဂ္ဂသမင္ဂီ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ စက္ခာယတနဉ္စ န ပရိဇာနိတ္ထ သောတာယတနဉ္စ န ပရိဇာနိဿန္တိ။
(ခ) ယော ဝါ ပန သောတာယတနံ န ပရိဇာနိဿတိ သော စက္ခာယတနံ န ပရိဇာနိတ္ထာတိ?
အရဟာ သောတာယတနံ န ပရိဇာနိဿတိ, နော စ စက္ခာယတနံ န ပရိဇာနိတ္ထ။ အဂ္ဂမဂ္ဂသမင္ဂီ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ သောတာယတနဉ္စ န ပရိဇာနိဿန္တိ စက္ခာယတနဉ္စ န ပရိဇာနိတ္ထ။
ပရိညာဝါရော။
အာယတနယမကံ နိဋ္ဌိတံ။
။ နမော တဿ ဘဂဝတော အရဟတော သမ္မာသမ္ဗုဒ္ဓဿ။