၂. ခန္ဓယမက
၁. ပဏ္ဏတ္တိဝါရ
(က) ဥဒ္ဒေသ
၁. ပဉ္စက္ခန္ဓာ – ရူပက္ခန္ဓော, ဝေဒနာက္ခန္ဓော, သညာက္ခန္ဓော, သခႅါရက္ခန္ဓော, ဝိညာဏက္ခန္ဓော။
၁. ပဒသောဓနဝါရ
(က) အနုလောမ
၂. (က) ရူပံ ရူပက္ခန္ဓော?
(ခ) ရူပက္ခန္ဓော ရူပံ?
(က) ဝေဒနာ ဝေဒနာက္ခန္ဓော?
(ခ) ဝေဒနာက္ခန္ဓော ဝေဒနာ?
(က) သညာ သညာက္ခန္ဓော?
(ခ) သညာက္ခန္ဓော သညာ?
(က) သင်္ခါရာ သင်္ခါရက္ခန္ဓော?
(ခ) သင်္ခါရက္ခန္ဓော သင်္ခါရာ?
(က) ဝိညာဏံ ဝိညာဏက္ခန္ဓော?
(ခ) ဝိညာဏက္ခန္ဓော ဝိညာဏံ?
(ခ) ပစ္စနီကံ
၃. (က) န ရူပံ န ရူပက္ခန္ဓော?
(ခ) န ရူပက္ခန္ဓော န ရူပံ?
(က) န ဝေဒနာ န ဝေဒနာက္ခန္ဓော?
(ခ) န ဝေဒနာက္ခန္ဓော န ဝေဒနာ?
(က) န သညာ န သညာက္ခန္ဓော?
(ခ) န သညာက္ခန္ဓော န သညာ?
(က) န သင်္ခါရာ န သင်္ခါရက္ခန္ဓော?
(ခ) န သင်္ခါရက္ခန္ဓော န သင်္ခါရာ?
(က) န ဝိညာဏံ န ဝိညာဏက္ခန္ဓော?
(ခ) န ဝိညာဏက္ခန္ဓော န ဝိညာဏံ?
၂. ပဒသောဓနမူလစက္ကဝါရော
(က) အနုလောမံ
၄. (က) ရူပံ ရူပက္ခန္ဓော?
(ခ) ခန္ဓာ ဝေဒနာက္ခန္ဓော?
(က) ရူပံ ရူပက္ခန္ဓော?
(ခ) ခန္ဓာ သညာက္ခန္ဓော?
(က) ရူပံ ရူပက္ခန္ဓော?
(ခ) ခန္ဓာ သင်္ခါရက္ခန္ဓော?
(က) ရူပံ ရူပက္ခန္ဓော?
(ခ) ခန္ဓာ ဝိညာဏက္ခန္ဓော?
၅. (က) ဝေဒနာ ဝေဒနာက္ခန္ဓော?
(ခ) ခန္ဓာ ရူပက္ခန္ဓော?
(က) ဝေဒနာ ဝေဒနာက္ခန္ဓော?
(ခ) ခန္ဓာ သညာက္ခန္ဓော?
(က) ဝေဒနာ ဝေဒနာက္ခန္ဓော?
(ခ) ခန္ဓာ သင်္ခါရက္ခန္ဓော?
(က) ဝေဒနာ ဝေဒနာက္ခန္ဓော?
(ခ) ခန္ဓာ ဝိညာဏက္ခန္ဓော?
၆. (က) သညာ သညာက္ခန္ဓော?
(ခ) ခန္ဓာ ရူပက္ခန္ဓော?
(က) သညာ သညာက္ခန္ဓော?
(ခ) ခန္ဓာ ဝေဒနာက္ခန္ဓော?
(က) သညာ သညာက္ခန္ဓော?
(ခ) ခန္ဓာ သင်္ခါရက္ခန္ဓော?
(က) သညာ သညာက္ခန္ဓော?
(ခ) ခန္ဓာ ဝိညာဏက္ခန္ဓော?
၇. (က) သင်္ခါရာ သင်္ခါရက္ခန္ဓော?
(ခ) ခန္ဓာ ရူပက္ခန္ဓော?
(က) သင်္ခါရာ သင်္ခါရက္ခန္ဓော?
(ခ) ခန္ဓာ ဝေဒနာက္ခန္ဓော?
(က) သင်္ခါရာ သင်္ခါရက္ခန္ဓော?
(ခ) ခန္ဓာ သညာက္ခန္ဓော?
(က) သင်္ခါရာ သင်္ခါရက္ခန္ဓော?
(ခ) ခန္ဓာ ဝိညာဏက္ခန္ဓော?
၈. (က) ဝိညာဏံ ဝိညာဏက္ခန္ဓော?
(ခ) ခန္ဓာ ရူပက္ခန္ဓော?
(က) ဝိညာဏံ ဝိညာဏက္ခန္ဓော?
(ခ) ခန္ဓာ ဝေဒနာက္ခန္ဓော?
(က) ဝိညာဏံ ဝိညာဏက္ခန္ဓော?
(ခ) ခန္ဓာ သညာက္ခန္ဓော?
(က) ဝိညာဏံ ဝိညာဏက္ခန္ဓော?
(ခ) ခန္ဓာ သင်္ခါရက္ခန္ဓော?
(ခ) ပစ္စနီကံ
၉. (က) န ရူပံ န ရူပက္ခန္ဓော?
(ခ) န ခန္ဓာ န ဝေဒနာက္ခန္ဓော?
(က) န ရူပံ န ရူပက္ခန္ဓော?
(ခ) န ခန္ဓာ န သညာက္ခန္ဓော?
(က) န ရူပံ န ရူပက္ခန္ဓော?
(ခ) န ခန္ဓာ န သင်္ခါရက္ခန္ဓော?
(က) န ရူပံ န ရူပက္ခန္ဓော?
(ခ) န ခန္ဓာ န ဝိညာဏက္ခန္ဓော?
၁၀. (က) န ဝေဒနာ န ဝေဒနာက္ခန္ဓော?
(ခ) န ခန္ဓာ န ရူပက္ခန္ဓော?
(က) န ဝေဒနာ န ဝေဒနာက္ခန္ဓော?
(ခ) န ခန္ဓာ န သညာက္ခန္ဓော?
(က) န ဝေဒနာ န ဝေဒနာက္ခန္ဓော?
(ခ) န ခန္ဓာ န သင်္ခါရက္ခန္ဓော?
(က) န ဝေဒနာ န ဝေဒနာက္ခန္ဓော?
(ခ) န ခန္ဓာ န ဝိညာဏက္ခန္ဓော?
၁၁. (က) န သညာ န သညာက္ခန္ဓော?
(ခ) န ခန္ဓာ န ရူပက္ခန္ဓော?
(က) န သညာ န သညာက္ခန္ဓော?
(ခ) န ခန္ဓာ န ဝေဒနာက္ခန္ဓော?
(က) န သညာ န သညာက္ခန္ဓော?
(ခ) န ခန္ဓာ န သင်္ခါရက္ခန္ဓော?
(က) န သညာ န သညာက္ခန္ဓော?
(ခ) န ခန္ဓာ န ဝိညာဏက္ခန္ဓော?
၁၂. (က) န သင်္ခါရာ န သင်္ခါရက္ခန္ဓော?
(ခ) န ခန္ဓာ န ရူပက္ခန္ဓော?
(က) န သင်္ခါရာ န သင်္ခါရက္ခန္ဓော?
(ခ) န ခန္ဓာ န ဝေဒနာက္ခန္ဓော?
(က) န သင်္ခါရာ န သင်္ခါရက္ခန္ဓော?
(ခ) န ခန္ဓာ န သညာက္ခန္ဓော?
(က) န သင်္ခါရာ န သင်္ခါရက္ခန္ဓော?
(ခ) န ခန္ဓာ န ဝိညာဏက္ခန္ဓော?
၁၃. (က) န ဝိညာဏံ န ဝိညာဏက္ခန္ဓော?
(ခ) န ခန္ဓာ န ရူပက္ခန္ဓော?
(က) န ဝိညာဏံ န ဝိညာဏက္ခန္ဓော?
(ခ) န ခန္ဓာ န ဝေဒနာက္ခန္ဓော?
(က) န ဝိညာဏံ န ဝိညာဏက္ခန္ဓော?
(ခ) န ခန္ဓာ န သညာက္ခန္ဓော?
(က) န ဝိညာဏံ န ဝိညာဏက္ခန္ဓော?
(ခ) န ခန္ဓာ န သင်္ခါရက္ခန္ဓော?
၃. သုဒ္ဓခန္ဓဝါရော
(က) အနုလောမံ
၁၄. (က) ရူပံ ခန္ဓော?
(ခ) ခန္ဓာ ရူပံ?
(က) ဝေဒနာ ခန္ဓော?
(ခ) ခန္ဓာ ဝေဒနာ?
(က) သညာ ခန္ဓော?
(ခ) ခန္ဓာ သညာ?
(က) သင်္ခါရာ ခန္ဓော?
(ခ) ခန္ဓာ သင်္ခါရာ?
(က) ဝိညာဏံ ခန္ဓော?
(ခ) ခန္ဓာ ဝိညာဏံ?
(ခ) ပစ္စနီကံ
၁၅. (က) န ရူပံ န ခန္ဓော?
(ခ) န ခန္ဓာ န ရူပံ?
(က) န ဝေဒနာ န ခန္ဓော?
(ခ) န ခန္ဓာ န ဝေဒနာ?
(က) န သညာ န ခန္ဓော?
(ခ) န ခန္ဓာ န သညာ?
(က) န သင်္ခါရာ န ခန္ဓော?
(ခ) န ခန္ဓာ န သင်္ခါရာ?
(က) န ဝိညာဏံ န ခန္ဓော?
(ခ) န ခန္ဓာ န ဝိညာဏံ?
၄. သုဒ္ဓခန္ဓမူလစက္ကဝါရော
(က) အနုလောမံ
၁၆. (က) ရူပံ ခန္ဓော?
(ခ) ခန္ဓာ ဝေဒနာ?
(က) ရူပံ ခန္ဓော?
(ခ) ခန္ဓာ သညာ?
(က) ရူပံ ခန္ဓော?
(ခ) ခန္ဓာ သင်္ခါရာ?
(က) ရူပံ ခန္ဓော?
(ခ) ခန္ဓာ ဝိညာဏံ?
၁၇. (က) ဝေဒနာ ခန္ဓော?
(ခ) ခန္ဓာ ရူပံ?
(က) ဝေဒနာ ခန္ဓော?
(ခ) ခန္ဓာ သညာ?
(က) ဝေဒနာ ခန္ဓော?
(ခ) ခန္ဓာ သင်္ခါရာ?
(က) ဝေဒနာ ခန္ဓော?
(ခ) ခန္ဓာ ဝိညာဏံ?
၁၈. (က) သညာ ခန္ဓော?
(ခ) ခန္ဓာ ရူပံ?
(က) သညာ ခန္ဓော?
(ခ) ခန္ဓာ ဝေဒနာ?
(က) သညာ ခန္ဓော?
(ခ) ခန္ဓာ သင်္ခါရာ?
(က) သညာ ခန္ဓော?
(ခ) ခန္ဓာ ဝိညာဏံ?
၁၉. (က) သင်္ခါရာ ခန္ဓော?
(ခ) ခန္ဓာ ရူပံ?
(က) သင်္ခါရာ ခန္ဓော?
(ခ) ခန္ဓာ ဝေဒနာ?
(က) သင်္ခါရာ ခန္ဓော?
(ခ) ခန္ဓာ သညာ?
(က) သင်္ခါရာ ခန္ဓော?
(ခ) ခန္ဓာ ဝိညာဏံ?
၂၀. (က) ဝိညာဏံ ခန္ဓော?
(ခ) ခန္ဓာ ရူပံ?
(က) ဝိညာဏံ ခန္ဓော?
(ခ) ခန္ဓာ ဝေဒနာ?
(က) ဝိညာဏံ ခန္ဓော?
(ခ) ခန္ဓာ သညာ?
(က) ဝိညာဏံ ခန္ဓော?
(ခ) ခန္ဓာ သင်္ခါရာ?
(ခ) ပစ္စနီကံ
၂၁. (က) န ရူပံ န ခန္ဓော?
(ခ) န ခန္ဓာ န ဝေဒနာ?
(က) န ရူပံ န ခန္ဓော?
(ခ) န ခန္ဓာ န သညာ?
(က) န ရူပံ န ခန္ဓော?
(ခ) န ခန္ဓာ န သင်္ခါရာ?
(က) န ရူပံ န ခန္ဓော?
(ခ) န ခန္ဓာ န ဝိညာဏံ?
၂၂. (က) န ဝေဒနာ န ခန္ဓော?
(ခ) န ခန္ဓာ န ရူပံ?
(က) န ဝေဒနာ န ခန္ဓော?
(ခ) န ခန္ဓာ န သညာ?
(က) န ဝေဒနာ န ခန္ဓော?
(ခ) န ခန္ဓာ န သင်္ခါရာ?
(က) န ဝေဒနာ န ခန္ဓော?
(ခ) န ခန္ဓာ န ဝိညာဏံ?
၂၃. (က) န သညာ န ခန္ဓော?
(ခ) န ခန္ဓာ န ရူပံ?
(က) န သညာ န ခန္ဓော?
(ခ) န ခန္ဓာ န ဝေဒနာ?
(က) န သညာ န ခန္ဓော?
(ခ) န ခန္ဓာ န သင်္ခါရာ?
(က) န သညာ န ခန္ဓော?
(ခ) န ခန္ဓာ န ဝိညာဏံ?
၂၄. (က) န သင်္ခါရာ န ခန္ဓော?
(ခ) န ခန္ဓာ န ရူပံ?
(က) န သင်္ခါရာ န ခန္ဓော?
(ခ) န ခန္ဓာ န ဝေဒနာ?
(က) န သင်္ခါရာ န ခန္ဓော?
(ခ) န ခန္ဓာ န သညာ?
(က) န သင်္ခါရာ န ခန္ဓော?
(ခ) န ခန္ဓာ န ဝိညာဏံ?
၂၅. (က) န ဝိညာဏံ န ခန္ဓော?
(ခ) န ခန္ဓာ န ရူပံ?
(က) န ဝိညာဏံ န ခန္ဓော?
(ခ) န ခန္ဓာ န ဝေဒနာ?
(က) န ဝိညာဏံ န ခန္ဓော?
(ခ) န ခန္ဓာ န သညာ?
(က) န ဝိညာဏံ န ခန္ဓော?
(ခ) န ခန္ဓာ န သင်္ခါရာ?
ပဏ္ဏတ္တိဥဒ္ဒေသဝါရော။
(ခ) နိဒ္ဒေသော
၁. ပဏ္ဏတ္တိဝါရနိဒ္ဒေသ
၁. ပဒသောဓနဝါရော
(က) အနုလောမံ
၂၆. (က) ရူပံ ရူပက္ခန္ဓောတိ?
ပိယရူပံ သာတရူပံ ရူပံ, န ရူပက္ခန္ဓော။ ရူပက္ခန္ဓော ရူပဉ္စေဝ ရူပက္ခန္ဓော စ။
(ခ) ရူပက္ခန္ဓော ရူပန္တိ? အာမန္တာ။
(က) ဝေဒနာ ဝေဒနာက္ခန္ဓောတိ? အာမန္တာ။
(ခ) ဝေဒနာက္ခန္ဓော ဝေဒနာတိ? အာမန္တာ။
(က) သညာ သညာက္ခန္ဓောတိ?
ဒိဋ္ဌိသညာ သညာ, န သညာက္ခန္ဓော။ သညာက္ခန္ဓော သညာ စေဝ သညာက္ခန္ဓော စ။
(ခ) သညာက္ခန္ဓော သညာတိ? အာမန္တာ။
(က) သင်္ခါရာ သင်္ခါရက္ခန္ဓောတိ?
သင်္ခါရက္ခန္ဓံ ဌပေတွာ အဝသေသာ သင်္ခါရာ [အဝသေသာ သင်္ခါရာ သင်္ခါရာ (သျာ.)], န သင်္ခါရက္ခန္ဓော။ သင်္ခါရက္ခန္ဓော သင်္ခါရာ စေဝ သင်္ခါရက္ခန္ဓော စ။
(ခ) သင်္ခါရက္ခန္ဓော သင်္ခါရာတိ? အာမန္တာ။
(က) ဝိညာဏံ ဝိညာဏက္ခန္ဓောတိ? အာမန္တာ။
(ခ) ဝိညာဏက္ခန္ဓော ဝိညာဏန္တိ? အာမန္တာ။
(ခ) ပစ္စနီကံ
၂၇. (က) န ရူပံ န ရူပက္ခန္ဓောတိ? အာမန္တာ။
(ခ) န ရူပက္ခန္ဓော န ရူပန္တိ?
ပိယရူပံ သာတရူပံ န ရူပက္ခန္ဓော, ရူပံ။ ရူပဉ္စ ရူပက္ခန္ဓဉ္စ ဌပေတွာ အဝသေသာ န စေဝ ရူပံ န စ ရူပက္ခန္ဓော။
(က) န ဝေဒနာ န ဝေဒနာက္ခန္ဓောတိ? အာမန္တာ။
(ခ) န ဝေဒနာက္ခန္ဓော န ဝေဒနာတိ? အာမန္တာ။
(က) န သညာ န သညာက္ခန္ဓောတိ? အာမန္တာ။
(ခ) န သညာက္ခန္ဓော န သညာတိ?
ဒိဋ္ဌိသညာ န သညာက္ခန္ဓော, သညာ။ သညဉ္စ သညာက္ခန္ဓဉ္စ ဌပေတွာ အဝသေသာ န စေဝ သညာ န စ သညာက္ခန္ဓော။
(က) န သင်္ခါရာ န သင်္ခါရက္ခန္ဓောတိ? အာမန္တာ။
(ခ) န သင်္ခါရက္ခန္ဓော န သင်္ခါရာတိ?
သင်္ခါရက္ခန္ဓံ ဌပေတွာ အဝသေသာ န သင်္ခါရက္ခန္ဓော, သင်္ခါရာ။ သင်္ခါရေ စ သင်္ခါရက္ခန္ဓဉ္စ ဌပေတွာ အဝသေသာ န စေဝ သင်္ခါရာ န စ သင်္ခါရက္ခန္ဓော။
(က) န ဝိညာဏံ န ဝိညာဏက္ခန္ဓောတိ? အာမန္တာ။
(ခ) န ဝိညာဏက္ခန္ဓော န ဝိညာဏန္တိ? အာမန္တာ။
၂. ပဒသောဓနမူလစက္ကဝါရော
(က) အနုလောမံ
၂၈. (က) ရူပံ ရူပက္ခန္ဓောတိ?
ပိယရူပံ သာတရူပံ ရူပံ, န ရူပက္ခန္ဓော။ ရူပက္ခန္ဓော ရူပဉ္စေဝ ရူပက္ခန္ဓော စ။
(ခ) ခန္ဓာ ဝေဒနာက္ခန္ဓောတိ?
ဝေဒနာက္ခန္ဓော ခန္ဓော စေဝ ဝေဒနာက္ခန္ဓော စ။
အဝသေသာ ခန္ဓာ [အဝသေသာ ခန္ဓာ ခန္ဓာ (သျာ.) ဧဝမုပရိပိ] န ဝေဒနာက္ခန္ဓော။
(က) ရူပံ ရူပက္ခန္ဓောတိ?
ပိယရူပံ သာတရူပံ ရူပံ, န ရူပက္ခန္ဓော။ ရူပက္ခန္ဓော ရူပဉ္စေဝ ရူပက္ခန္ဓော စ။
(ခ) ခန္ဓာ သညာက္ခန္ဓောတိ?
သညာက္ခန္ဓော ခန္ဓော စေဝ သညာက္ခန္ဓော စ။ အဝသေသာ ခန္ဓာ န သညာက္ခန္ဓော။
(က) ရူပံ ရူပက္ခန္ဓောတိ?
ပိယရူပံ သာတရူပံ ရူပံ, န ရူပက္ခန္ဓော။ ရူပက္ခန္ဓော ရူပဉ္စေဝ ရူပက္ခန္ဓော စ။
(ခ) ခန္ဓာ သင်္ခါရက္ခန္ဓောတိ?
သင်္ခါရက္ခန္ဓော ခန္ဓော စေဝ သင်္ခါရက္ခန္ဓော စ။ အဝသေသာ ခန္ဓာ န သင်္ခါရက္ခန္ဓော။
(က) ရူပံ ရူပက္ခန္ဓောတိ?
ပိယရူပံ သာတရူပံ ရူပံ, န ရူပက္ခန္ဓော။ ရူပက္ခန္ဓော ရူပဉ္စေဝ ရူပက္ခန္ဓော စ။
(ခ) ခန္ဓာ ဝိညာဏက္ခန္ဓောတိ?
ဝိညာဏက္ခန္ဓော ခန္ဓော စေဝ ဝိညာဏက္ခန္ဓော စ။ အဝသေသာ ခန္ဓာ န ဝိညာဏက္ခန္ဓော။
၂၉. (က) ဝေဒနာ ဝေဒနာက္ခန္ဓောတိ? အာမန္တာ။
(ခ) ခန္ဓာ ရူပက္ခန္ဓောတိ?
ရူပက္ခန္ဓော ခန္ဓော စေဝ ရူပက္ခန္ဓော စ။ အဝသေသာ ခန္ဓာ န ရူပက္ခန္ဓော။
(က) ဝေဒနာ ဝေဒနာက္ခန္ဓောတိ? အာမန္တာ။
(ခ) ခန္ဓာ သညာက္ခန္ဓောတိ?
သညာက္ခန္ဓော ခန္ဓော စေဝ သညာက္ခန္ဓော စ။ အဝသေသာ ခန္ဓာ န သညာက္ခန္ဓော။
(က) ဝေဒနာ ဝေဒနာက္ခန္ဓောတိ? အာမန္တာ။
(ခ) ခန္ဓာ သင်္ခါရက္ခန္ဓောတိ?
သင်္ခါရက္ခန္ဓော ခန္ဓော စေဝ သင်္ခါရက္ခန္ဓော စ။ အဝသေသာ ခန္ဓာ န သင်္ခါရက္ခန္ဓော။
(က) ဝေဒနာ ဝေဒနာက္ခန္ဓောတိ? အာမန္တာ။
(ခ) ခန္ဓာ ဝိညာဏက္ခန္ဓောတိ?
ဝိညာဏက္ခန္ဓော ခန္ဓော စေဝ ဝိညာဏက္ခန္ဓော စ။ အဝသေသာ ခန္ဓာ န ဝိညာဏက္ခန္ဓော။
၃၀. (က) သညာ သညာက္ခန္ဓောတိ?
ဒိဋ္ဌိသညာ သညာ, န သညာက္ခန္ဓော။ သညာက္ခန္ဓော သညာ စေဝ သညာက္ခန္ဓော စ။
(ခ) ခန္ဓာ ရူပက္ခန္ဓောတိ?
ရူပက္ခန္ဓော ခန္ဓော စေဝ ရူပက္ခန္ဓော စ။ အဝသေသာ ခန္ဓာ န ရူပက္ခန္ဓော။
(က) သညာ သညာက္ခန္ဓောတိ?
ဒိဋ္ဌိသညာ သညာ, န သညာက္ခန္ဓော။ သညာက္ခန္ဓော သညာ စေဝ သညာက္ခန္ဓော စ။
(ခ) ခန္ဓာ ဝေဒနာက္ခန္ဓောတိ?
ဝေဒနာက္ခန္ဓော ခန္ဓော စေဝ ဝေဒနာက္ခန္ဓော စ။ အဝသေသာ ခန္ဓာ န ဝေဒနာက္ခန္ဓော။
(က) သညာ သညာက္ခန္ဓောတိ?
ဒိဋ္ဌိသညာ သညာ, န သညာက္ခန္ဓော။ သညာက္ခန္ဓော သညာ စေဝ သညာက္ခန္ဓော စ။
(ခ) ခန္ဓာ သင်္ခါရက္ခန္ဓောတိ?
သင်္ခါရက္ခန္ဓော ခန္ဓော စေဝ သင်္ခါရက္ခန္ဓော စ။ အဝသေသာ ခန္ဓာ န သင်္ခါရက္ခန္ဓော။
(က) သညာ သညာက္ခန္ဓောတိ?
ဒိဋ္ဌိသညာ သညာ, န သညာက္ခန္ဓော။ သညာက္ခန္ဓော သညာ စေဝ သညာက္ခန္ဓော စ။
(ခ) ခန္ဓာ ဝိညာဏက္ခန္ဓောတိ?
ဝိညာဏက္ခန္ဓော ခန္ဓော စေဝ ဝိညာဏက္ခန္ဓော စ။ အဝသေသာ ခန္ဓာ န ဝိညာဏက္ခန္ဓော။
၃၁. (က) သင်္ခါရာ သင်္ခါရက္ခန္ဓောတိ?
သင်္ခါရက္ခန္ဓံ ဌပေတွာ အဝသေသာ သင်္ခါရာ, န သင်္ခါရက္ခန္ဓော။ သင်္ခါရက္ခန္ဓော သင်္ခါရာ စေဝ သင်္ခါရက္ခန္ဓော စ။
(ခ) ခန္ဓာ ရူပက္ခန္ဓောတိ?
ရူပက္ခန္ဓော ခန္ဓော စေဝ ရူပက္ခန္ဓော စ။ အဝသေသာ ခန္ဓာ န ရူပက္ခန္ဓော။
(က) သင်္ခါရာ သင်္ခါရက္ခန္ဓောတိ?
သင်္ခါရက္ခန္ဓံ ဌပေတွာ အဝသေသာ သင်္ခါရာ, န သင်္ခါရက္ခန္ဓော။ သင်္ခါရက္ခန္ဓော သင်္ခါရာ စေဝ သင်္ခါရက္ခန္ဓော စ။
(ခ) ခန္ဓာ ဝေဒနာက္ခန္ဓောတိ?
ဝေဒနာက္ခန္ဓော ခန္ဓော စေဝ ဝေဒနာက္ခန္ဓော စ။ အဝသေသာ ခန္ဓာ န ဝေဒနာက္ခန္ဓော။
(က) သင်္ခါရာ သင်္ခါရက္ခန္ဓောတိ?
သင်္ခါရက္ခန္ဓံ ဌပေတွာ အဝသေသာ သင်္ခါရာ, န သင်္ခါရက္ခန္ဓော။ သင်္ခါရက္ခန္ဓော သင်္ခါရာ စေဝ သင်္ခါရက္ခန္ဓော စ။
(ခ) ခန္ဓာ သညာက္ခန္ဓောတိ?
သညာက္ခန္ဓော ခန္ဓော စေဝ သညာက္ခန္ဓော စ။ အဝသေသာ ခန္ဓာ န သညာက္ခန္ဓော။
(က) သင်္ခါရာ သင်္ခါရက္ခန္ဓောတိ?
သင်္ခါရက္ခန္ဓံ ဌပေတွာ အဝသေသာ သင်္ခါရာ, န သင်္ခါရက္ခန္ဓော။ သင်္ခါရက္ခန္ဓော သင်္ခါရာ စေဝ သင်္ခါရက္ခန္ဓော စ။
(ခ) ခန္ဓာ ဝိညာဏက္ခန္ဓောတိ?
ဝိညာဏက္ခန္ဓော ခန္ဓော စေဝ ဝိညာဏက္ခန္ဓော စ။ အဝသေသာ ခန္ဓာ န ဝိညာဏက္ခန္ဓော။
၃၂. (က) ဝိညာဏံ ဝိညာဏက္ခန္ဓောတိ? အာမန္တာ။
(ခ) ခန္ဓာ ရူပက္ခန္ဓောတိ?
ရူပက္ခန္ဓော ခန္ဓော စေဝ ရူပက္ခန္ဓော စ။ အဝသေသာ ခန္ဓာ န ရူပက္ခန္ဓော။
(က) ဝိညာဏံ ဝိညာဏက္ခန္ဓောတိ? အာမန္တာ။
(ခ) ခန္ဓာ ဝေဒနာက္ခန္ဓောတိ?
ဝေဒနာက္ခန္ဓော ခန္ဓော စေဝ ဝေဒနာက္ခန္ဓော စ။ အဝသေသာ ခန္ဓာ န ဝေဒနာက္ခန္ဓော။
(က) ဝိညာဏံ ဝိညာဏက္ခန္ဓောတိ? အာမန္တာ။
(ခ) ခန္ဓာ သညာက္ခန္ဓောတိ?
သညာက္ခန္ဓော ခန္ဓော စေဝ သညာက္ခန္ဓော စ။ အဝသေသာ ခန္ဓာ န သညာက္ခန္ဓော။
(က) ဝိညာဏံ ဝိညာဏက္ခန္ဓောတိ? အာမန္တာ။
(ခ) ခန္ဓာ သင်္ခါရက္ခန္ဓောတိ?
သင်္ခါရက္ခန္ဓော ခန္ဓော စေဝ သင်္ခါရက္ခန္ဓော စ။ အဝသေသာ ခန္ဓာ န သင်္ခါရက္ခန္ဓော။
(ခ) ပစ္စနီကံ
၃၃. (က) န ရူပံ န ရူပက္ခန္ဓောတိ? အာမန္တာ။
(ခ) န ခန္ဓာ န ဝေဒနာက္ခန္ဓောတိ? အာမန္တာ။
(က) န ရူပံ န ရူပက္ခန္ဓောတိ? အာမန္တာ။
(ခ) န ခန္ဓာ န သညာက္ခန္ဓောတိ? အာမန္တာ။
(က) န ရူပံ န ရူပက္ခန္ဓောတိ? အာမန္တာ။
(ခ) န ခန္ဓာ န သင်္ခါရက္ခန္ဓောတိ? အာမန္တာ။
(က) န ရူပံ န ရူပက္ခန္ဓောတိ? အာမန္တာ။
(ခ) န ခန္ဓာ န ဝိညာဏက္ခန္ဓောတိ? အာမန္တာ။
၃၄. (က) န ဝေဒနာ န ဝေဒနာက္ခန္ဓောတိ? အာမန္တာ။
(ခ) န ခန္ဓာ န ရူပက္ခန္ဓောတိ? အာမန္တာ။
(က) န ဝေဒနာ န ဝေဒနာက္ခန္ဓောတိ? အာမန္တာ။
(ခ) န ခန္ဓာ န သညာက္ခန္ဓောတိ? အာမန္တာ။
(က) န ဝေဒနာ န ဝေဒနာက္ခန္ဓောတိ? အာမန္တာ။
(ခ) န ခန္ဓာ န သင်္ခါရက္ခန္ဓောတိ? အာမန္တာ။
(က) န ဝေဒနာ န ဝေဒနာက္ခန္ဓောတိ? အာမန္တာ။
(ခ) န ခန္ဓာ န ဝိညာဏက္ခန္ဓောတိ? အာမန္တာ။
၃၅. (က) န သညာ န သညာက္ခန္ဓောတိ? အာမန္တာ။
(ခ) န ခန္ဓာ န ရူပက္ခန္ဓောတိ? အာမန္တာ။
(က) န သညာ န သညာက္ခန္ဓောတိ? အာမန္တာ။
(ခ) န ခန္ဓာ န ဝေဒနာက္ခန္ဓောတိ? အာမန္တာ။
(က) န သညာ န သညာက္ခန္ဓောတိ? အာမန္တာ။
(ခ) န ခန္ဓာ န သင်္ခါရက္ခန္ဓောတိ? အာမန္တာ။
(က) န သညာ န သညာက္ခန္ဓောတိ? အာမန္တာ။
(ခ) န ခန္ဓာ န ဝိညာဏက္ခန္ဓောတိ? အာမန္တာ။
၃၆. (က) န သင်္ခါရာ န သင်္ခါရက္ခန္ဓောတိ။ အာမန္တာ။
(ခ) န ခန္ဓာ န ရူပက္ခန္ဓောတိ? အာမန္တာ။
(က) န သင်္ခါရာ န သင်္ခါရက္ခန္ဓောတိ? အာမန္တာ။
(ခ) န ခန္ဓာ န ဝေဒနာက္ခန္ဓောတိ? အာမန္တာ။
(က) န သင်္ခါရာ န သင်္ခါရက္ခန္ဓောတိ? အာမန္တာ။
(ခ) န ခန္ဓာ န သညာက္ခန္ဓောတိ? အာမန္တာ။
(က) န သင်္ခါရာ န သင်္ခါရက္ခန္ဓောတိ? အာမန္တာ။
(ခ) န ခန္ဓာ န ဝိညာဏက္ခန္ဓောတိ? အာမန္တာ။
၃၇. (က) န ဝိညာဏံ န ဝိညာဏက္ခန္ဓောတိ? အာမန္တာ။
(ခ) န ခန္ဓာ န ရူပက္ခန္ဓောတိ? အာမန္တာ။
(က) န ဝိညာဏံ န ဝိညာဏက္ခန္ဓောတိ? အာမန္တာ။
(ခ) န ခန္ဓာ န ဝေဒနာက္ခန္ဓောတိ? အာမန္တာ။
(က) န ဝိညာဏံ န ဝိညာဏက္ခန္ဓောတိ? အာမန္တာ။
(ခ) န ခန္ဓာ န သညာက္ခန္ဓောတိ? အာမန္တာ။
(က) န ဝိညာဏံ န ဝိညာဏက္ခန္ဓောတိ? အာမန္တာ။
(ခ) န ခန္ဓာ န သင်္ခါရက္ခန္ဓောတိ? အာမန္တာ။
၃. သုဒ္ဓခန္ဓဝါရော
(က) အနုလောမံ
၃၈. (က) ရူပံ ခန္ဓောတိ? အာမန္တာ။
(ခ) ခန္ဓာ ရူပက္ခန္ဓောတိ?
ရူပက္ခန္ဓော ခန္ဓော စေဝ ရူပက္ခန္ဓော စ။ အဝသေသာ ခန္ဓာ န ရူပက္ခန္ဓော။
(က) ဝေဒနာ ခန္ဓောတိ? အာမန္တာ။
(ခ) ခန္ဓာ ဝေဒနာက္ခန္ဓောတိ?
ဝေဒနာက္ခန္ဓော ခန္ဓော စေဝ ဝေဒနာက္ခန္ဓော စ။ အဝသေသာ ခန္ဓာ န ဝေဒနာက္ခန္ဓော။
(က) သညာ ခန္ဓောတိ? အာမန္တာ။
(ခ) ခန္ဓာ သညာက္ခန္ဓောတိ?
သညာက္ခန္ဓော ခန္ဓော စေဝ သညာက္ခန္ဓော စ။ အဝသေသာ ခန္ဓာ န သညာက္ခန္ဓော။
(က) သင်္ခါရာ ခန္ဓောတိ? အာမန္တာ။
(ခ) ခန္ဓာ သင်္ခါရက္ခန္ဓောတိ?
သင်္ခါရက္ခန္ဓော ခန္ဓော စေဝ သင်္ခါရက္ခန္ဓော စ။ အဝသေသာ ခန္ဓာ န သင်္ခါရက္ခန္ဓော။
(က) ဝိညာဏံ ခန္ဓောတိ? အာမန္တာ။
(ခ) ခန္ဓာ ဝိညာဏက္ခန္ဓောတိ?
ဝိညာဏက္ခန္ဓော ခန္ဓော စေဝ ဝိညာဏက္ခန္ဓော စ။ အဝသေသာ ခန္ဓာ န ဝိညာဏက္ခန္ဓော။
(ခ) ပစ္စနီကံ
၃၉. (က) န ရူပံ န ခန္ဓောတိ?
ရူပံ ဌပေတွာ အဝသေသာ ခန္ဓာ န ရူပံ, ခန္ဓာ။ ရူပဉ္စ ခန္ဓေ စ ဌပေတွာ အဝသေသာ န စေဝ ရူပံ န စ ခန္ဓာ။
(ခ) န ခန္ဓာ န ရူပက္ခန္ဓောတိ? အာမန္တာ။
(က) န ဝေဒနာ န ခန္ဓောတိ?
ဝေဒနံ ဌပေတွာ အဝသေသာ ခန္ဓာ န ဝေဒနာ, ခန္ဓာ။ ဝေဒနဉ္စ ခန္ဓေ စ ဌပေတွာ အဝသေသာ န စေဝ ဝေဒနာ န စ ခန္ဓာ။
(ခ) န ခန္ဓာ န ဝေဒနာက္ခန္ဓောတိ? အာမန္တာ။
(က) န သညာ န ခန္ဓောတိ?
သညံ ဌပေတွာ အဝသေသာ ခန္ဓာ န သညာ, ခန္ဓာ။ သညဉ္စ ခန္ဓေ စ ဌပေတွာ အဝသေသာ န စေဝ သညာ န စ ခန္ဓာ။
(ခ) န ခန္ဓာ န သညာက္ခန္ဓောတိ? အာမန္တာ။
(က) န သင်္ခါရာ န ခန္ဓောတိ? အာမန္တာ။
(ခ) န ခန္ဓာ န သင်္ခါရက္ခန္ဓောတိ? အာမန္တာ။
(က) န ဝိညာဏံ န ခန္ဓောတိ?
ဝိညာဏံ ဌပေတွာ အဝသေသာ ခန္ဓာ န ဝိညာဏံ, ခန္ဓာ။ ဝိညာဏဉ္စ ခန္ဓေ စ ဌပေတွာ အဝသေသာ န စေဝ ဝိညာဏံ န စ ခန္ဓာ။
(ခ) န ခန္ဓာ န ဝိညာဏက္ခန္ဓောတိ? အာမန္တာ။
၄. သုဒ္ဓခန္ဓမူလစက္ကဝါရော
(က) အနုလောမံ
၄၀. (က) ရူပံ ခန္ဓောတိ? အာမန္တာ။
(ခ) ခန္ဓာ ဝေဒနာက္ခန္ဓောတိ?
ဝေဒနာက္ခန္ဓော ခန္ဓော စေဝ ဝေဒနာက္ခန္ဓော စ။ အဝသေသာ ခန္ဓာ န ဝေဒနာက္ခန္ဓော။
(က) ရူပံ ခန္ဓောတိ? အာမန္တာ။
(ခ) ခန္ဓာ သညာက္ခန္ဓောတိ?
သညာက္ခန္ဓော ခန္ဓော စေဝ သညာက္ခန္ဓော စ။ အဝသေသာ ခန္ဓာ န သညာက္ခန္ဓော။
(က) ရူပံ ခန္ဓောတိ? အာမန္တာ။
(ခ) ခန္ဓာ သင်္ခါရက္ခန္ဓောတိ?
သင်္ခါရက္ခန္ဓော ခန္ဓော စေဝ သင်္ခါရက္ခန္ဓော စ။ အဝသေသာ ခန္ဓာ န သင်္ခါရက္ခန္ဓော။
(က) ရူပံ ခန္ဓောတိ? အာမန္တာ။
(ခ) ခန္ဓာ ဝိညာဏက္ခန္ဓောတိ?
ဝိညာဏက္ခန္ဓော ခန္ဓော စေဝ ဝိညာဏက္ခန္ဓော စ။ အဝသေသာ ခန္ဓာ န ဝိညာဏက္ခန္ဓော။
၄၁. (က) ဝေဒနာ ခန္ဓောတိ? အာမန္တာ။
(ခ) ခန္ဓာ ရူပက္ခန္ဓောတိ?
ရူပက္ခန္ဓော ခန္ဓော စေဝ ရူပက္ခန္ဓော စ။ အဝသေသာ ခန္ဓာ န ရူပက္ခန္ဓော။
(က) ဝေဒနာ ခန္ဓောတိ? အာမန္တာ။
(ခ) ခန္ဓာ သညာက္ခန္ဓောတိ?
သညာက္ခန္ဓော ခန္ဓော စေဝ သညာက္ခန္ဓော စ။ အဝသေသာ ခန္ဓာ န သညာက္ခန္ဓော။
(က) ဝေဒနာ ခန္ဓောတိ? အာမန္တာ။
(ခ) ခန္ဓာ သင်္ခါရက္ခန္ဓောတိ?
သင်္ခါရက္ခန္ဓော ခန္ဓော စေဝ သင်္ခါရက္ခန္ဓော စ။ အဝသေသာ ခန္ဓာ န သင်္ခါရက္ခန္ဓော။
(က) ဝေဒနာ ခန္ဓောတိ? အာမန္တာ။
(ခ) ခန္ဓာ ဝိညာဏက္ခန္ဓောတိ?
ဝိညာဏက္ခန္ဓော ခန္ဓော စေဝ ဝိညာဏက္ခန္ဓော စ။ အဝသေသာ ခန္ဓာ န ဝိညာဏက္ခန္ဓော။
၄၂. (က) သညာ ခန္ဓောတိ? အာမန္တာ။
(ခ) ခန္ဓာ ရူပက္ခန္ဓောတိ?
ရူပက္ခန္ဓော ခန္ဓော စေဝ ရူပက္ခန္ဓော စ။ အဝသေသာ ခန္ဓာ န ရူပက္ခန္ဓော။
(က) သညာ ခန္ဓောတိ? အာမန္တာ။
(ခ) ခန္ဓာ ဝေဒနာက္ခန္ဓောတိ?
ဝေဒနာက္ခန္ဓော ခန္ဓော စေဝ ဝေဒနာက္ခန္ဓော စ။ အဝသေသာ ခန္ဓာ န ဝေဒနာက္ခန္ဓော။
(က) သညာ ခန္ဓောတိ? အာမန္တာ။
(ခ) ခန္ဓာ သင်္ခါရက္ခန္ဓောတိ?
သင်္ခါရက္ခန္ဓော ခန္ဓော စေဝ သင်္ခါရက္ခန္ဓော စ။ အဝသေသာ ခန္ဓာ န သင်္ခါရက္ခန္ဓော။
(က) သညာ ခန္ဓောတိ? အာမန္တာ။
(ခ) ခန္ဓာ ဝိညာဏက္ခန္ဓောတိ?
ဝိညာဏက္ခန္ဓော ခန္ဓော စေဝ ဝိညာဏက္ခန္ဓော စ။ အဝသေသာ ခန္ဓာ န ဝိညာဏက္ခန္ဓော။
၄၃. (က) သင်္ခါရာ ခန္ဓောတိ? အာမန္တာ။
(ခ) ခန္ဓာ ရူပက္ခန္ဓောတိ?
ရူပက္ခန္ဓော ခန္ဓော စေဝ ရူပက္ခန္ဓော စ။ အဝသေသာ ခန္ဓာ န ရူပက္ခန္ဓော။
(က) သင်္ခါရာ ခန္ဓောတိ? အာမန္တာ။
(ခ) ခန္ဓာ ဝေဒနာက္ခန္ဓောတိ?
ဝေဒနာက္ခန္ဓော ခန္ဓော စေဝ ဝေဒနာက္ခန္ဓော စ။ အဝသေသာ ခန္ဓာ န ဝေဒနာက္ခန္ဓော။
(က) သင်္ခါရာ ခန္ဓောတိ? အာမန္တာ။
(ခ) ခန္ဓာ သညာက္ခန္ဓောတိ?
သညာက္ခန္ဓော ခန္ဓော စေဝ သညာက္ခန္ဓော စ။ အဝသေသာ ခန္ဓာ န သညာက္ခန္ဓော။
(က) သင်္ခါရာ ခန္ဓောတိ? အာမန္တာ။
(ခ) ခန္ဓာ ဝိညာဏက္ခန္ဓောတိ?
ဝိညာဏက္ခန္ဓော ခန္ဓော စေဝ ဝိညာဏက္ခန္ဓော စ။ အဝသေသာ ခန္ဓာ န ဝိညာဏက္ခန္ဓော။
၄၄. (က) ဝိညာဏံ ခန္ဓောတိ? အာမန္တာ။
(ခ) ခန္ဓာ ရူပက္ခန္ဓောတိ?
ရူပက္ခန္ဓော ခန္ဓော စေဝ ရူပက္ခန္ဓော စ။ အဝသေသာ ခန္ဓာ န ရူပက္ခန္ဓော။
(က) ဝိညာဏံ ခန္ဓောတိ? အာမန္တာ။
(ခ) ခန္ဓာ ဝေဒနာက္ခန္ဓောတိ?
ဝေဒနာက္ခန္ဓော ခန္ဓော စေဝ ဝေဒနာက္ခန္ဓော စ။ အဝသေသာ ခန္ဓာ န ဝေဒနာက္ခန္ဓော။
(က) ဝိညာဏံ ခန္ဓောတိ?
အာမန္တာ။
(ခ) ခန္ဓာ သညာက္ခန္ဓောတိ?
သညာက္ခန္ဓော ခန္ဓော စေဝ သညာက္ခန္ဓော စ။ အဝသေသာ ခန္ဓာ န သညာက္ခန္ဓော။
(က) ဝိညာဏံ ခန္ဓောတိ? အာမန္တာ။
(ခ) ခန္ဓာ သင်္ခါရက္ခန္ဓောတိ?
သင်္ခါရက္ခန္ဓော ခန္ဓော စေဝ သင်္ခါရက္ခန္ဓော စ။ အဝသေသာ ခန္ဓာ န သင်္ခါရက္ခန္ဓော။
(ခ) ပစ္စနီကံ
၄၅. (က) န ရူပံ န ခန္ဓောတိ?
ရူပံ ဌပေတွာ အဝသေသာ ခန္ဓာ န ရူပံ, ခန္ဓာ။ ရူပဉ္စ ခန္ဓေ စ ဌပေတွာ အဝသေသာ န စေဝ ရူပံ န စ ခန္ဓာ။
(ခ) န ခန္ဓာ န ဝေဒနာက္ခန္ဓောတိ? အာမန္တာ။
(က) န ရူပံ န ခန္ဓောတိ?
ရူပံ ဌပေတွာ အဝသေသာ ခန္ဓာ န ရူပံ, ခန္ဓာ။ ရူပဉ္စ ခန္ဓေ စ ဌပေတွာ အဝသေသာ န စေဝ ရူပံ န စ ခန္ဓာ။
(ခ) န ခန္ဓာ န သညာက္ခန္ဓောတိ? အာမန္တာ။
(က) န ရူပံ န ခန္ဓောတိ?
ရူပံ ဌပေတွာ အဝသေသာ ခန္ဓာ န ရူပံ, ခန္ဓာ။ ရူပဉ္စ ခန္ဓေ စ ဌပေတွာ အဝသေသာ န စေဝ ရူပံ န စ ခန္ဓာ။
(ခ) န ခန္ဓာ န သင်္ခါရက္ခန္ဓောတိ? အာမန္တာ။
(က) န ရူပံ န ခန္ဓောတိ?
ရူပံ ဌပေတွာ အဝသေသာ ခန္ဓာ န ရူပံ, ခန္ဓာ။ ရူပဉ္စ ခန္ဓေ စ ဌပေတွာ အဝသေသာ န စေဝ ရူပံ န စ ခန္ဓာ။
(ခ) န ခန္ဓာ န ဝိညာဏက္ခန္ဓောတိ? အာမန္တာ။
၄၆. (က) န ဝေဒနာ န ခန္ဓောတိ?
ဝေဒနံ ဌပေတွာ အဝသေသာ ခန္ဓာ န ဝေဒနာ, ခန္ဓာ။ ဝေဒနဉ္စ ခန္ဓေ စ ဌပေတွာ အဝသေသာ န စေဝ ဝေဒနာ န စ ခန္ဓာ။
(ခ) န ခန္ဓာ န ရူပက္ခန္ဓောတိ? အာမန္တာ။
(က) န ဝေဒနာ န ခန္ဓောတိ?
ဝေဒနံ ဌပေတွာ အဝသေသာ ခန္ဓာ န ဝေဒနာ, ခန္ဓာ။ ဝေဒနဉ္စ ခန္ဓေ စ ဌပေတွာ အဝသေသာ န စေဝ ဝေဒနာ န စ ခန္ဓာ။
(ခ) န ခန္ဓာ န သညာက္ခန္ဓောတိ? အာမန္တာ။
(က) န ဝေဒနာ န ခန္ဓောတိ?
ဝေဒနံ ဌပေတွာ အဝသေသာ ခန္ဓာ န ဝေဒနာ, ခန္ဓာ။ ဝေဒနဉ္စ ခန္ဓေ စ ဌပေတွာ အဝသေသာ န စေဝ ဝေဒနာ န စ ခန္ဓာ။
(ခ) န ခန္ဓာ န သင်္ခါရက္ခန္ဓောတိ? အာမန္တာ။
(က) န ဝေဒနာ န ခန္ဓောတိ?
ဝေဒနံ ဌပေတွာ အဝသေသာ ခန္ဓာ န ဝေဒနာ, ခန္ဓာ။ ဝေဒနဉ္စ ခန္ဓေ စ ဌပေတွာ အဝသေသာ န စေဝ ဝေဒနာ န စ ခန္ဓာ။
(ခ) န ခန္ဓာ န ဝိညာဏက္ခန္ဓောတိ? အာမန္တာ။
၄၇. (က) န သညာ န ခန္ဓောတိ?
သညံ ဌပေတွာ အဝသေသာ ခန္ဓာ န သညာ, ခန္ဓာ။ သညဉ္စ ခန္ဓေ စ ဌပေတွာ အဝသေသာ န စေဝ သညာ န စ ခန္ဓာ။
(ခ) န ခန္ဓာ န ရူပက္ခန္ဓောတိ? အာမန္တာ။
(က) န သညာ န ခန္ဓောတိ?
သညံ ဌပေတွာ အဝသေသာ ခန္ဓာ န သညာ, ခန္ဓာ။ သညဉ္စ ခန္ဓေ စ ဌပေတွာ အဝသေသာ န စေဝ သညာ န စ ခန္ဓာ။
(ခ) န ခန္ဓာ န ဝေဒနာက္ခန္ဓောတိ? အာမန္တာ။
(က) န သညာ န ခန္ဓောတိ?
သညံ ဌပေတွာ အဝသေသာ ခန္ဓာ န သညာ, ခန္ဓာ။ သညဉ္စ ခန္ဓေ စ ဌပေတွာ အဝသေသာ န စေဝ သညာ န စ ခန္ဓာ။
(ခ) န ခန္ဓာ န သင်္ခါရက္ခန္ဓောတိ? အာမန္တာ။
(က) န သညာ န ခန္ဓောတိ?
သညံ ဌပေတွာ အဝသေသာ ခန္ဓာ န သညာ, ခန္ဓာ။ သညဉ္စ ခန္ဓေ စ ဌပေတွာ အဝသေသာ န စေဝ သညာ န စ ခန္ဓာ။
(ခ) န ခန္ဓာ န ဝိညာဏက္ခန္ဓောတိ? အာမန္တာ။
၄၈. (က) န သင်္ခါရာ န ခန္ဓောတိ? အာမန္တာ။
(ခ) န ခန္ဓာ န ရူပက္ခန္ဓောတိ? အာမန္တာ။
(က) န သင်္ခါရာ န ခန္ဓောတိ? အာမန္တာ။
(ခ) န ခန္ဓာ န ဝေဒနာက္ခန္ဓောတိ? အာမန္တာ။
(က) န သင်္ခါရာ န ခန္ဓောတိ? အာမန္တာ။
(ခ) န ခန္ဓာ န သညာက္ခန္ဓောတိ? အာမန္တာ။
(က) န သင်္ခါရာ န ခန္ဓောတိ? အာမန္တာ။
(ခ) န ခန္ဓာ န ဝိညာဏက္ခန္ဓောတိ? အာမန္တာ။
၄၉. (က) န ဝိညာဏံ န ခန္ဓောတိ?
ဝိညာဏံ ဌပေတွာ အဝသေသာ ခန္ဓာ န ဝိညာဏံ, ခန္ဓာ။ ဝိညာဏဉ္စ ခန္ဓေ စ ဌပေတွာ အဝသေသာ န စေဝ ဝိညာဏံ န စ ခန္ဓာ။
(ခ) န ခန္ဓာ န ရူပက္ခန္ဓောတိ? အာမန္တာ။
(က) န ဝိညာဏံ န ခန္ဓောတိ?
ဝိညာဏံ ဌပေတွာ အဝသေသာ ခန္ဓာ န ဝိညာဏံ, ခန္ဓာ။ ဝိညာဏဉ္စ ခန္ဓေ စ ဌပေတွာ အဝသေသာ န စေဝ ဝိညာဏံ န စ ခန္ဓာ။
(ခ) န ခန္ဓာ န ဝေဒနာက္ခန္ဓောတိ? အာမန္တာ။
(က) န ဝိညာဏံ န ခန္ဓောတိ?
ဝိညာဏံ ဌပေတွာ အဝသေသာ ခန္ဓာ န ဝိညာဏံ, ခန္ဓာ။ ဝိညာဏဉ္စ ခန္ဓေ စ ဌပေတွာ အဝသေသာ န စေဝ ဝိညာဏံ န စ ခန္ဓာ။
(ခ) န ခန္ဓာ န သညာက္ခန္ဓောတိ? အာမန္တာ။
(က) န ဝိညာဏံ န ခန္ဓောတိ?
ဝိညာဏံ ဌပေတွာ အဝသေသာ ခန္ဓာ န ဝိညာဏံ, ခန္ဓာ။ ဝိညာဏဉ္စ ခန္ဓေ စ ဌပေတွာ အဝသေသာ န စေဝ ဝိညာဏံ န စ ခန္ဓာ။
(ခ) န ခန္ဓာ န သင်္ခါရက္ခန္ဓောတိ? အာမန္တာ။
ပဏ္ဏတ္တိနိဒ္ဒေသဝါရော။
၂. ပဝတ္တိဝါရော ၁. ဥပ္ပါဒဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၅၀. (က) ယဿ ရူပက္ခန္ဓော ဥပ္ပဇ္ဇတိ တဿ ဝေဒနာက္ခန္ဓော ဥပ္ပဇ္ဇတီတိ?
အသညသတ္တံ ဥပပဇ္ဇန္တာနံ တေသံ ရူပက္ခန္ဓော ဥပ္ပဇ္ဇတိ, နော စ တေသံ ဝေဒနာက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ တေသံ ရူပက္ခန္ဓော စ ဥပ္ပဇ္ဇတိ ဝေဒနာက္ခန္ဓော စ ဥပ္ပဇ္ဇတိ။
(ခ) ယဿ ဝါ ပန ဝေဒနာက္ခန္ဓော ဥပ္ပဇ္ဇတိ တဿ ရူပက္ခန္ဓော ဥပ္ပဇ္ဇတီတိ?
အရူပံ ဥပပဇ္ဇန္တာနံ တေသံ ဝေဒနာက္ခန္ဓော ဥပ္ပဇ္ဇတိ, နော စ တေသံ ရူပက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ တေသံ ဝေဒနာက္ခန္ဓော စ ဥပ္ပဇ္ဇတိ ရူပက္ခန္ဓော စ ဥပ္ပဇ္ဇတိ။
(ခ) အနုလောမဩကာသော
၅၁. (က) ယတ္ထ ရူပက္ခန္ဓော ဥပ္ပဇ္ဇတိ တတ္ထ ဝေဒနာက္ခန္ဓော ဥပ္ပဇ္ဇတီတိ ?
အသညသတ္တေ တတ္ထ ရူပက္ခန္ဓော ဥပ္ပဇ္ဇတိ, နော စ တတ္ထ ဝေဒနာက္ခန္ဓော ဥပ္ပဇ္ဇတိ။ ပဉ္စဝေါကာရေ တတ္ထ ရူပက္ခန္ဓော စ ဥပ္ပဇ္ဇတိ ဝေဒနာက္ခန္ဓော စ ဥပ္ပဇ္ဇတိ။
(ခ) ယတ္ထ ဝါ ပန ဝေဒနာက္ခန္ဓော ဥပ္ပဇ္ဇတိ တတ္ထ ရူပက္ခန္ဓော ဥပ္ပဇ္ဇတီတိ?
အရူပေ တတ္ထ ဝေဒနာက္ခန္ဓော ဥပ္ပဇ္ဇတိ, နော စ တတ္ထ ရူပက္ခန္ဓော ဥပ္ပဇ္ဇတိ။ ပဉ္စဝေါကာရေ တတ္ထ ဝေဒနာက္ခန္ဓော စ ဥပ္ပဇ္ဇတိ ရူပက္ခန္ဓော စ ဥပ္ပဇ္ဇတိ။
(ဂ) အနုလောမပုဂ္ဂလောကာသာ
၅၂. (က) ယဿ ယတ္ထ ရူပက္ခန္ဓော ဥပ္ပဇ္ဇတိ တဿ တတ္ထ ဝေဒနာက္ခန္ဓော ဥပ္ပဇ္ဇတီတိ?
အသညသတ္တံ ဥပပဇ္ဇန္တာနံ တေသံ တတ္ထ ရူပက္ခန္ဓော ဥပ္ပဇ္ဇတိ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ တေသံ တတ္ထ ရူပက္ခန္ဓော စ ဥပ္ပဇ္ဇတိ ဝေဒနာက္ခန္ဓော စ ဥပ္ပဇ္ဇတိ။
(ခ) ယဿ ဝါ ပန ယတ္ထ ဝေဒနာက္ခန္ဓော ဥပ္ပဇ္ဇတိ တဿ တတ္ထ ရူပက္ခန္ဓော ဥပ္ပဇ္ဇတီတိ?
အရူပံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော ဥပ္ပဇ္ဇတိ, နော စ တေသံ တတ္ထ ရူပက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော စ ဥပ္ပဇ္ဇတိ ရူပက္ခန္ဓော စ ဥပ္ပဇ္ဇတိ။
(ဃ) ပစ္စနီကပုဂ္ဂလော
၅၃. (က) ယဿ ရူပက္ခန္ဓော နုပ္ပဇ္ဇတိ တဿ ဝေဒနာက္ခန္ဓော နုပ္ပဇ္ဇတီတိ?
အရူပံ ဥပပဇ္ဇန္တာနံ တေသံ ရူပက္ခန္ဓော နုပ္ပဇ္ဇတိ, နော စ တေသံ ဝေဒနာက္ခန္ဓော နုပ္ပဇ္ဇတိ။ သဗ္ဗေသံ စဝန္တာနံ တေသံ ရူပက္ခန္ဓော စ နုပ္ပဇ္ဇတိ ဝေဒနာက္ခန္ဓော စ နုပ္ပဇ္ဇတိ။
(ခ) ယဿ ဝါ ပန ဝေဒနာက္ခန္ဓော နုပ္ပဇ္ဇတိ တဿ ရူပက္ခန္ဓော နုပ္ပဇ္ဇတီတိ?
အသညသတ္တံ ဥပပဇ္ဇန္တာနံ တေသံ ဝေဒနာက္ခန္ဓော နုပ္ပဇ္ဇတိ, နော စ တေသံ ရူပက္ခန္ဓော နုပ္ပဇ္ဇတိ။ သဗ္ဗေသံ စဝန္တာနံ တေသံ ဝေဒနာက္ခန္ဓော စ နုပ္ပဇ္ဇတိ ရူပက္ခန္ဓော စ နုပ္ပဇ္ဇတိ။
(င) ပစ္စနီကဩကာသော
၅၄. (က) ယတ္ထ ရူပက္ခန္ဓော နုပ္ပဇ္ဇတိ တတ္ထ ဝေဒနာက္ခန္ဓော နုပ္ပဇ္ဇတီတိ? ဥပ္ပဇ္ဇတိ။
(ခ) ယတ္ထ ဝါ ပန ဝေဒနာက္ခန္ဓော နုပ္ပဇ္ဇတိ တတ္ထ ရူပက္ခန္ဓော နုပ္ပဇ္ဇတီတိ? ဥပ္ပဇ္ဇတိ။
(စ) ပစ္စနီကပုဂ္ဂလောကာသာ
၅၅. (က) ယဿ ယတ္ထ ရူပက္ခန္ဓော နုပ္ပဇ္ဇတိ တဿ တတ္ထ ဝေဒနာက္ခန္ဓော နုပ္ပဇ္ဇတီတိ?
အရူပံ ဥပပဇ္ဇန္တာနံ တေသံ တတ္ထ ရူပက္ခန္ဓော နုပ္ပဇ္ဇတိ, နော စ တေသံ တတ္ထ ဝေဒနာက္ခန္ဓော နုပ္ပဇ္ဇတိ။ သဗ္ဗေသံ စဝန္တာနံ တေသံ တတ္ထ ရူပက္ခန္ဓော စ နုပ္ပဇ္ဇတိ ဝေဒနာက္ခန္ဓော စ နုပ္ပဇ္ဇတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နုပ္ပဇ္ဇတိ တဿ တတ္ထ ရူပက္ခန္ဓော နုပ္ပဇ္ဇတီတိ?
အသညသတ္တံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇတိ, နော စ တေသံ တတ္ထ ရူပက္ခန္ဓော နုပ္ပဇ္ဇတိ။ သဗ္ဗေသံ စဝန္တာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇတိ ရူပက္ခန္ဓော စ နုပ္ပဇ္ဇတိ။
(၂) အတီတဝါရော
(က) အနုလောမပုဂ္ဂလော
၅၆. (က) ယဿ ရူပက္ခန္ဓော ဥပ္ပဇ္ဇိတ္ထ တဿ ဝေဒနာက္ခန္ဓော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ဝေဒနာက္ခန္ဓော ဥပ္ပဇ္ဇိတ္ထ တဿ ရူပက္ခန္ဓော ဥပ္ပဇ္ဇိတ္ထာတိ? အာမန္တာ။
(ခ) အနုလောမဩကာသော
၅၇. (က) ယတ္ထ ရူပက္ခန္ဓော ဥပ္ပဇ္ဇိတ္ထ တတ္ထ ဝေဒနာက္ခန္ဓော ဥပ္ပဇ္ဇိတ္ထာတိ ?
အသညသတ္တေ တတ္ထ ရူပက္ခန္ဓော ဥပ္ပဇ္ဇိတ္ထ, နော စ တတ္ထ ဝေဒနာက္ခန္ဓော ဥပ္ပဇ္ဇိတ္ထ။ ပဉ္စဝေါကာရေ တတ္ထ ရူပက္ခန္ဓော စ ဥပ္ပဇ္ဇိတ္ထ ဝေဒနာက္ခန္ဓော စ ဥပ္ပဇ္ဇိတ္ထ။
(ခ) ယတ္ထ ဝါ ပန ဝေဒနာက္ခန္ဓော ဥပ္ပဇ္ဇိတ္ထ တတ္ထ ရူပက္ခန္ဓော ဥပ္ပဇ္ဇိတ္ထာတိ?
အရူပေ တတ္ထ ဝေဒနာက္ခန္ဓော ဥပ္ပဇ္ဇိတ္ထ, နော စ တတ္ထ ရူပက္ခန္ဓော ဥပ္ပဇ္ဇိတ္ထ။ ပဉ္စဝေါကာရေ တတ္ထ ဝေဒနာက္ခန္ဓော စ ဥပ္ပဇ္ဇိတ္ထ ရူပက္ခန္ဓော စ ဥပ္ပဇ္ဇိတ္ထ။
(ဂ) အနုလောမပုဂ္ဂလောကာသာ
၅၈. (က) ယဿ ယတ္ထ ရူပက္ခန္ဓော ဥပ္ပဇ္ဇိတ္ထ တဿ တတ္ထ ဝေဒနာက္ခန္ဓော ဥပ္ပဇ္ဇိတ္ထာတိ?
အသညသတ္တာနံ တေသံ တတ္ထ ရူပက္ခန္ဓော ဥပ္ပဇ္ဇိတ္ထ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ ရူပက္ခန္ဓော စ ဥပ္ပဇ္ဇိတ္ထ ဝေဒနာက္ခန္ဓော စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ ဝေဒနာက္ခန္ဓော ဥပ္ပဇ္ဇိတ္ထ တဿ တတ္ထ ရူပက္ခန္ဓော ဥပ္ပဇ္ဇိတ္ထာတိ?
အရူပါနံ တေသံ တတ္ထ ဝေဒနာက္ခန္ဓော ဥပ္ပဇ္ဇိတ္ထ, နော စ တေသံ တတ္ထ ရူပက္ခန္ဓော ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ ဥပ္ပဇ္ဇိတ္ထ ရူပက္ခန္ဓော စ ဥပ္ပဇ္ဇိတ္ထ။
(ဃ) ပစ္စနီကပုဂ္ဂလော
၅၉. (က) ယဿ ရူပက္ခန္ဓော နုပ္ပဇ္ဇိတ္ထ တဿ ဝေဒနာက္ခန္ဓော နုပ္ပဇ္ဇိတ္ထာတိ? နတ္ထိ။
(ခ) ယဿ ဝါ ပန ဝေဒနာက္ခန္ဓော နုပ္ပဇ္ဇိတ္ထ တဿ ရူပက္ခန္ဓော နုပ္ပဇ္ဇိတ္ထာတိ? နတ္ထိ။
(င) ပစ္စနီကဩကာသော
၆၀. (က) ယတ္ထ ရူပက္ခန္ဓော နုပ္ပဇ္ဇိတ္ထ တတ္ထ ဝေဒနာက္ခန္ဓော နုပ္ပဇ္ဇိတ္ထာတိ ? ဥပ္ပဇ္ဇိတ္ထ။
(ခ) ယတ္ထ ဝါ ပန ဝေဒနာက္ခန္ဓော နုပ္ပဇ္ဇိတ္ထ တတ္ထ ရူပက္ခန္ဓော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(စ) ပစ္စနီကပုဂ္ဂလောကာသာ
၆၁. (က) ယဿ ယတ္ထ ရူပက္ခန္ဓော နုပ္ပဇ္ဇိတ္ထ တဿ တတ္ထ ဝေဒနာက္ခန္ဓော နုပ္ပဇ္ဇိတ္ထာတိ?
အရူပါနံ တေသံ တတ္ထ ရူပက္ခန္ဓော နုပ္ပဇ္ဇိတ္ထ, နော စ တေသံ တတ္ထ ဝေဒနာက္ခန္ဓော နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ ရူပက္ခန္ဓော စ နုပ္ပဇ္ဇိတ္ထ ဝေဒနာက္ခန္ဓော စ နုပ္ပဇ္ဇိတ္ထ။
(က) ယဿ ဝါ ပန ယတ္ထ ဝေဒနာက္ခန္ဓော နုပ္ပဇ္ဇိတ္ထ တဿ တတ္ထ ရူပက္ခန္ဓော နုပ္ပဇ္ဇိတ္ထာတိ?
အသညသတ္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇိတ္ထ, နော စ တေသံ တတ္ထ ရူပက္ခန္ဓော နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇိတ္ထ ရူပက္ခန္ဓော စ နုပ္ပဇ္ဇိတ္ထ။
(၃) အနာဂတဝါရော
(က) အနုလောမပုဂ္ဂလော
၆၂. (က) ယဿ ရူပက္ခန္ဓော ဥပ္ပဇ္ဇိဿတိ တဿ ဝေဒနာက္ခန္ဓော ဥပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ဝေဒနာက္ခန္ဓော ဥပ္ပဇ္ဇိဿတိ တဿ ရူပက္ခန္ဓော ဥပ္ပဇ္ဇိဿတီတိ?
ယေ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဝေဒနာက္ခန္ဓော ဥပ္ပဇ္ဇိဿတိ, နော စ တေသံ ရူပက္ခန္ဓော ဥပ္ပဇ္ဇိဿတိ။ ဣတရေသံ တေသံ ဝေဒနာက္ခန္ဓော စ ဥပ္ပဇ္ဇိဿတိ ရူပက္ခန္ဓော စ ဥပ္ပဇ္ဇိဿတိ။
(ခ) အနုလောမဩကာသော
၆၃. (က) ယတ္ထ ရူပက္ခန္ဓော ဥပ္ပဇ္ဇိဿတိ တတ္ထ ဝေဒနာက္ခန္ဓော ဥပ္ပဇ္ဇိဿတီတိ?
အသညသတ္တေ တတ္ထ ရူပက္ခန္ဓော ဥပ္ပဇ္ဇိဿတိ, နော စ တတ္ထ ဝေဒနာက္ခန္ဓော ဥပ္ပဇ္ဇိဿတိ။ ပဉ္စဝေါကာရေ တတ္ထ ရူပက္ခန္ဓော စ ဥပ္ပဇ္ဇိဿတိ ဝေဒနာက္ခန္ဓော စ ဥပ္ပဇ္ဇိဿတိ။
(ခ) ယတ္ထ ဝါ ပန ဝေဒနာက္ခန္ဓော ဥပ္ပဇ္ဇိဿတိ တတ္ထ ရူပက္ခန္ဓော ဥပ္ပဇ္ဇိဿတီတိ?
အရူပေ တတ္ထ ဝေဒနာက္ခန္ဓော ဥပ္ပဇ္ဇိဿတိ, နော စ တတ္ထ ရူပက္ခန္ဓော ဥပ္ပဇ္ဇိဿတိ။ ပဉ္စဝေါကာရေ တတ္ထ ဝေဒနာက္ခန္ဓော စ ဥပ္ပဇ္ဇိဿတိ ရူပက္ခန္ဓော စ ဥပ္ပဇ္ဇိဿတိ။
(ဂ) အနုလောမပုဂ္ဂလောကာသာ
၆၄. (က) ယဿ ယတ္ထ ရူပက္ခန္ဓော ဥပ္ပဇ္ဇိဿတိ တဿ တတ္ထ ဝေဒနာက္ခန္ဓော ဥပ္ပဇ္ဇိဿတီတိ?
အသညသတ္တာနံ တေသံ တတ္ထ ရူပက္ခန္ဓော ဥပ္ပဇ္ဇိဿတိ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇိဿတိ။ ပဉ္စဝေါကာရာနံ တေသံ တတ္ထ ရူပက္ခန္ဓော စ ဥပ္ပဇ္ဇိဿတိ ဝေဒနာက္ခန္ဓော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော ဥပ္ပဇ္ဇိဿတိ တဿ တတ္ထ ရူပက္ခန္ဓော ဥပ္ပဇ္ဇိဿတီတိ?
အရူပါနံ တေသံ တတ္ထ ဝေဒနာက္ခန္ဓော ဥပ္ပဇ္ဇိဿတိ, နော စ တေသံ တတ္ထ ရူပက္ခန္ဓော ဥပ္ပဇ္ဇိဿတိ။ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ ဥပ္ပဇ္ဇိဿတိ ရူပက္ခန္ဓော စ ဥပ္ပဇ္ဇိဿတိ။
(ဃ) ပစ္စနီကပုဂ္ဂလော
၆၅. (က) ယဿ ရူပက္ခန္ဓော နုပ္ပဇ္ဇိဿတိ တဿ ဝေဒနာက္ခန္ဓော နုပ္ပဇ္ဇိဿတီတိ?
ယေ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ရူပက္ခန္ဓော နုပ္ပဇ္ဇိဿတိ, နော စ တေသံ ဝေဒနာက္ခန္ဓော နုပ္ပဇ္ဇိဿတိ။ ပစ္ဆိမဘဝိကာနံ တေသံ ရူပက္ခန္ဓော စ နုပ္ပဇ္ဇိဿတိ ဝေဒနာက္ခန္ဓော စ နုပ္ပဇ္ဇိဿတိ။
(ခ) ယဿ ဝါ ပန ဝေဒနာက္ခန္ဓော နုပ္ပဇ္ဇိဿတိ တဿ ရူပက္ခန္ဓော နုပ္ပဇ္ဇိဿတီတိ? အာမန္တာ။
(င) ပစ္စနီကဩကာသော
၆၆. (က) ယတ္ထ ရူပက္ခန္ဓော နုပ္ပဇ္ဇိဿတိ တတ္ထ ဝေဒနာက္ခန္ဓော နုပ္ပဇ္ဇိဿတီတိ? ဥပ္ပဇ္ဇိဿတိ။
(ခ) ယတ္ထ ဝါ ပန ဝေဒနာက္ခန္ဓော နုပ္ပဇ္ဇိဿတိ တတ္ထ ရူပက္ခန္ဓော နုပ္ပဇ္ဇိဿတီတိ? ဥပ္ပဇ္ဇိဿတိ။
(စ) ပစ္စနီကပုဂ္ဂလောကာသာ
၆၇. (က) ယဿ ယတ္ထ ရူပက္ခန္ဓော နုပ္ပဇ္ဇိဿတိ တဿ တတ္ထ ဝေဒနာက္ခန္ဓော နုပ္ပဇ္ဇိဿတီတိ?
အရူပါနံ တေသံ တတ္ထ ရူပက္ခန္ဓော နုပ္ပဇ္ဇိဿတိ, နော စ တေသံ တတ္ထ ဝေဒနာက္ခန္ဓော နုပ္ပဇ္ဇိဿတိ။ ပစ္ဆိမဘဝိကာနံ တေသံ တတ္ထ ရူပက္ခန္ဓော စ နုပ္ပဇ္ဇိဿတိ ဝေဒနာက္ခန္ဓော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နုပ္ပဇ္ဇိဿတိ တဿ တတ္ထ ရူပက္ခန္ဓော နုပ္ပဇ္ဇိဿတီတိ?
အသညသတ္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇိဿတိ, နော စ တေသံ တတ္ထ ရူပက္ခန္ဓော နုပ္ပဇ္ဇိဿတိ။ ပစ္ဆိမဘဝိကာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇိဿတိ ရူပက္ခန္ဓော စ နုပ္ပဇ္ဇိဿတိ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၆၈. (က) ယဿ ရူပက္ခန္ဓော ဥပ္ပဇ္ဇတိ တဿ ဝေဒနာက္ခန္ဓော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန ဝေဒနာက္ခန္ဓော ဥပ္ပဇ္ဇိတ္ထ တဿ ရူပက္ခန္ဓော ဥပ္ပဇ္ဇတီတိ?
သဗ္ဗေသံ စဝန္တာနံ အရူပံ ဥပပဇ္ဇန္တာနံ တေသံ ဝေဒနာက္ခန္ဓော ဥပ္ပဇ္ဇိတ္ထ, နော စ တေသံ ရူပက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ ဝေဒနာက္ခန္ဓော စ ဥပ္ပဇ္ဇိတ္ထ ရူပက္ခန္ဓော စ ဥပ္ပဇ္ဇတိ။
၆၉. (က) ယဿ ဝေဒနာက္ခန္ဓော ဥပ္ပဇ္ဇတိ တဿ သညာက္ခန္ဓော ဥပ္ပဇ္ဇိတ္ထာတိ? အာမန္တာ။
(ခ) ယဿ ဝါ ပန သညာက္ခန္ဓော ဥပ္ပဇ္ဇိတ္ထ တဿ ဝေဒနာက္ခန္ဓော ဥပ္ပဇ္ဇတီတိ?
သဗ္ဗေသံ စဝန္တာနံ အသညသတ္တံ ဥပပဇ္ဇန္တာနံ တေသံ သညာက္ခန္ဓော ဥပ္ပဇ္ဇိတ္ထ, နော စ တေသံ ဝေဒနာက္ခန္ဓော ဥပ္ပဇ္ဇတိ။ စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ သညာက္ခန္ဓော စ ဥပ္ပဇ္ဇိတ္ထ ဝေဒနာက္ခန္ဓော စ ဥပ္ပဇ္ဇတိ။
(ခ) အနုလောမဩကာသော
၇၀. (က) ယတ္ထ ရူပက္ခန္ဓော ဥပ္ပဇ္ဇတိ တတ္ထ ဝေဒနာက္ခန္ဓော ဥပ္ပဇ္ဇိတ္ထာတိ?
အသညသတ္တေ တတ္ထ ရူပက္ခန္ဓော ဥပ္ပဇ္ဇတိ, နော စ တတ္ထ ဝေဒနာက္ခန္ဓော ဥပ္ပဇ္ဇိတ္ထ။ ပဉ္စဝေါကာရေ တတ္ထ ရူပက္ခန္ဓော စ ဥပ္ပဇ္ဇတိ ဝေဒနာက္ခန္ဓော စ ဥပ္ပဇ္ဇိတ္ထ။
(ခ) ယတ္ထ ဝါ ပန ဝေဒနာက္ခန္ဓော ဥပ္ပဇ္ဇိတ္ထ တတ္ထ ရူပက္ခန္ဓော ဥပ္ပဇ္ဇတီတိ?
အရူပေ တတ္ထ ဝေဒနာက္ခန္ဓော ဥပ္ပဇ္ဇိတ္ထ, နော စ တတ္ထ ရူပက္ခန္ဓော ဥပ္ပဇ္ဇတိ။ ပဉ္စဝေါကာရေ တတ္ထ ဝေဒနာက္ခန္ဓော စ ဥပ္ပဇ္ဇိတ္ထ ရူပက္ခန္ဓော စ ဥပ္ပဇ္ဇတိ။
၇၁. (က) ယတ္ထ ဝေဒနာက္ခန္ဓော ဥပ္ပဇ္ဇတိ တတ္ထ သညာက္ခန္ဓော ဥပ္ပဇ္ဇိတ္ထာတိ? အာမန္တာ။
(ခ) ယတ္ထ ဝါ ပန သညာက္ခန္ဓော ဥပ္ပဇ္ဇိတ္ထ တတ္ထ ဝေဒနာက္ခန္ဓော ဥပ္ပဇ္ဇတီတိ? အာမန္တာ။
(ဂ) အနုလောမပုဂ္ဂလောကာသာ
၇၂. (က) ယဿ ယတ္ထ ရူပက္ခန္ဓော ဥပ္ပဇ္ဇတိ တဿ တတ္ထ ဝေဒနာက္ခန္ဓော ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ ရူပက္ခန္ဓော ဥပ္ပဇ္ဇတိ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇိတ္ထ။ ဣတရေသံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ရူပက္ခန္ဓော စ ဥပ္ပဇ္ဇတိ ဝေဒနာက္ခန္ဓော စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ ဝေဒနာက္ခန္ဓော ဥပ္ပဇ္ဇိတ္ထ တဿ တတ္ထ ရူပက္ခန္ဓော ဥပ္ပဇ္ဇတီတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ ဝေဒနာက္ခန္ဓော ဥပ္ပဇ္ဇိတ္ထ , နော စ တေသံ တတ္ထ ရူပက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော စ ဥပ္ပဇ္ဇိတ္ထ ရူပက္ခန္ဓော စ ဥပ္ပဇ္ဇတိ။
၇၃. (က) ယဿ ယတ္ထ ဝေဒနာက္ခန္ဓော ဥပ္ပဇ္ဇတိ တဿ တတ္ထ သညာက္ခန္ဓော ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော ဥပ္ပဇ္ဇတိ, နော စ တေသံ တတ္ထ သညာက္ခန္ဓော ဥပ္ပဇ္ဇိတ္ထ။ ဣတရေသံ စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော စ ဥပ္ပဇ္ဇတိ သညာက္ခန္ဓော စ ဥပ္ပဇ္ဇိတ္ထ။
(ခ) ယဿ ဝါ ပန ယတ္ထ သညာက္ခန္ဓော ဥပ္ပဇ္ဇိတ္ထ တဿ တတ္ထ ဝေဒနာက္ခန္ဓော ဥပ္ပဇ္ဇတီတိ?
စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ သညာက္ခန္ဓော ဥပ္ပဇ္ဇိတ္ထ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇတိ။ စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ တတ္ထ သညာက္ခန္ဓော စ ဥပ္ပဇ္ဇိတ္ထ ဝေဒနာက္ခန္ဓော စ ဥပ္ပဇ္ဇတိ။
(ဃ) ပစ္စနီကပုဂ္ဂလော
၇၄. (က) ယဿ ရူပက္ခန္ဓော နုပ္ပဇ္ဇတိ တဿ ဝေဒနာက္ခန္ဓော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယဿ ဝါ ပန ဝေဒနာက္ခန္ဓော နုပ္ပဇ္ဇိတ္ထ တဿ ရူပက္ခန္ဓော နုပ္ပဇ္ဇတီတိ? နတ္ထိ။
၇၅. (က) ယဿ ဝေဒနာက္ခန္ဓော နုပ္ပဇ္ဇတိ တဿ သညာက္ခန္ဓော နုပ္ပဇ္ဇိတ္ထာတိ ? ဥပ္ပဇ္ဇိတ္ထ။
(ခ) ယဿ ဝါ ပန သညာက္ခန္ဓော နုပ္ပဇ္ဇိတ္ထ တဿ ဝေဒနာက္ခန္ဓော နုပ္ပဇ္ဇတီတိ? နတ္ထိ။
(င) ပစ္စနီကဩကာသော
၇၆. (က) ယတ္ထ ရူပက္ခန္ဓော နုပ္ပဇ္ဇတိ တတ္ထ ဝေဒနာက္ခန္ဓော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(ခ) ယတ္ထ ဝါ ပန ဝေဒနာက္ခန္ဓော နုပ္ပဇ္ဇိတ္ထ တတ္ထ ရူပက္ခန္ဓော နုပ္ပဇ္ဇတီတိ? ဥပ္ပဇ္ဇတိ။
၇၇. (က) ယတ္ထ ဝေဒနာက္ခန္ဓော နုပ္ပဇ္ဇတိ တတ္ထ သညာက္ခန္ဓော နုပ္ပဇ္ဇိတ္ထာတိ? အာမန္တာ။
(ခ) ယတ္ထ ဝါ ပန သညာက္ခန္ဓော နုပ္ပဇ္ဇိတ္ထ တတ္ထ ဝေဒနာက္ခန္ဓော နုပ္ပဇ္ဇတီတိ? အာမန္တာ။
(စ) ပစ္စနီကပုဂ္ဂလောကာသာ
၇၈. (က) ယဿ ယတ္ထ ရူပက္ခန္ဓော နုပ္ပဇ္ဇတိ တဿ တတ္ထ ဝေဒနာက္ခန္ဓော နုပ္ပဇ္ဇိတ္ထာတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ ရူပက္ခန္ဓော နုပ္ပဇ္ဇတိ, နော စ တေသံ တတ္ထ ဝေဒနာက္ခန္ဓော နုပ္ပဇ္ဇိတ္ထ။ သုဒ္ဓါဝါသေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ရူပက္ခန္ဓော စ နုပ္ပဇ္ဇတိ ဝေဒနာက္ခန္ဓော စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ ဝေဒနာက္ခန္ဓော နုပ္ပဇ္ဇိတ္ထ တဿ တတ္ထ ရူပက္ခန္ဓော နုပ္ပဇ္ဇတီတိ?
သုဒ္ဓါဝါသံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇိတ္ထ, နော စ တေသံ တတ္ထ ရူပက္ခန္ဓော နုပ္ပဇ္ဇတိ။ သုဒ္ဓါဝါသေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇိတ္ထ ရူပက္ခန္ဓော စ နုပ္ပဇ္ဇတိ။
၇၉. (က) ယဿ ယတ္ထ ဝေဒနာက္ခန္ဓော နုပ္ပဇ္ဇတိ တဿ တတ္ထ သညာက္ခန္ဓော နုပ္ပဇ္ဇိတ္ထာတိ?
စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇတိ, နော စ တေသံ တတ္ထ သညာက္ခန္ဓော နုပ္ပဇ္ဇိတ္ထ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇတိ သညာက္ခန္ဓော စ နုပ္ပဇ္ဇိတ္ထ။
(ခ) ယဿ ဝါ ပန ယတ္ထ သညာက္ခန္ဓော နုပ္ပဇ္ဇိတ္ထ တဿ တတ္ထ ဝေဒနာက္ခန္ဓော နုပ္ပဇ္ဇတီတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ သညာက္ခန္ဓော နုပ္ပဇ္ဇိတ္ထ, နော စ တေသံ တတ္ထ ဝေဒနာက္ခန္ဓော နုပ္ပဇ္ဇတိ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ တေသံ တတ္ထ သညာက္ခန္ဓော စ နုပ္ပဇ္ဇိတ္ထ ဝေဒနာက္ခန္ဓော စ နုပ္ပဇ္ဇတိ။
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၈၀. (က) ယဿ ရူပက္ခန္ဓော ဥပ္ပဇ္ဇတိ တဿ ဝေဒနာက္ခန္ဓော ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ ရူပက္ခန္ဓော ဥပ္ပဇ္ဇတိ, နော စ တေသံ ဝေဒနာက္ခန္ဓော ဥပ္ပဇ္ဇိဿတိ။ ဣတရေသံ ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ ရူပက္ခန္ဓော စ ဥပ္ပဇ္ဇတိ ဝေဒနာက္ခန္ဓော စ ဥပ္ပဇ္ဇိဿတိ ။
(ခ) ယဿ ဝါ ပန ဝေဒနာက္ခန္ဓော ဥပ္ပဇ္ဇိဿတိ တဿ ရူပက္ခန္ဓော ဥပ္ပဇ္ဇတီတိ?
သဗ္ဗေသံ စဝန္တာနံ အရူပံ ဥပပဇ္ဇန္တာနံ တေသံ ဝေဒနာက္ခန္ဓော ဥပ္ပဇ္ဇိဿတိ, နော စ တေသံ ရူပက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ ဝေဒနာက္ခန္ဓော စ ဥပ္ပဇ္ဇိဿတိ ရူပက္ခန္ဓော စ ဥပ္ပဇ္ဇတိ။
၈၁. (က) ယဿ ဝေဒနာက္ခန္ဓော ဥပ္ပဇ္ဇတိ တဿ သညာက္ခန္ဓော ဥပ္ပဇ္ဇိဿတီတိ ?
ပစ္ဆိမဘဝိကာနံ ဥပပဇ္ဇန္တာနံ တေသံ ဝေဒနာက္ခန္ဓော ဥပ္ပဇ္ဇတိ, နော စ တေသံ သညာက္ခန္ဓော ဥပ္ပဇ္ဇိဿတိ။ ဣတရေသံ စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ ဝေဒနာက္ခန္ဓော စ ဥပ္ပဇ္ဇတိ သညာက္ခန္ဓော စ ဥပ္ပဇ္ဇိဿတိ။
(ခ) ယဿ ဝါ ပန သညာက္ခန္ဓော ဥပ္ပဇ္ဇိဿတိ တဿ ဝေဒနာက္ခန္ဓော ဥပ္ပဇ္ဇတီတိ?
သဗ္ဗေသံ စဝန္တာနံ အသညသတ္တံ ဥပပဇ္ဇန္တာနံ တေသံ သညာက္ခန္ဓော ဥပ္ပဇ္ဇိဿတိ, နော စ တေသံ ဝေဒနာက္ခန္ဓော ဥပ္ပဇ္ဇတိ။ စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ သညာက္ခန္ဓော စ ဥပ္ပဇ္ဇိဿတိ ဝေဒနာက္ခန္ဓော စ ဥပ္ပဇ္ဇတိ။
(ခ) အနုလောမဩကာသော
၈၂. (က) ယတ္ထ ရူပက္ခန္ဓော ဥပ္ပဇ္ဇတိ တတ္ထ ဝေဒနာက္ခန္ဓော ဥပ္ပဇ္ဇိဿတီတိ?
အသညသတ္တေ တတ္ထ ရူပက္ခန္ဓော ဥပ္ပဇ္ဇတိ, နော စ တတ္ထ ဝေဒနာက္ခန္ဓော ဥပ္ပဇ္ဇိဿတိ။ ပဉ္စဝေါကာရေ တတ္ထ ရူပက္ခန္ဓော စ ဥပ္ပဇ္ဇတိ ဝေဒနာက္ခန္ဓော စ ဥပ္ပဇ္ဇိဿတိ။
(ခ) ယတ္ထ ဝါ ပန ဝေဒနာက္ခန္ဓော ဥပ္ပဇ္ဇိဿတိ တတ္ထ ရူပက္ခန္ဓော ဥပ္ပဇ္ဇတီတိ?
အရူပေ တတ္ထ ဝေဒနာက္ခန္ဓော ဥပ္ပဇ္ဇိဿတိ, နော စ တတ္ထ ရူပက္ခန္ဓော ဥပ္ပဇ္ဇတိ။ ပဉ္စဝေါကာရေ တတ္ထ ဝေဒနာက္ခန္ဓော စ ဥပ္ပဇ္ဇိဿတိ ရူပက္ခန္ဓော စ ဥပ္ပဇ္ဇတိ။
၈၃. (က) ယတ္ထ ဝေဒနာက္ခန္ဓော ဥပ္ပဇ္ဇတိ တတ္ထ သညာက္ခန္ဓော ဥပ္ပဇ္ဇိဿတီတိ? အာမန္တာ။
(ခ) ယတ္ထ ဝါ ပန သညာက္ခန္ဓော ဥပ္ပဇ္ဇိဿတိ တတ္ထ ဝေဒနာက္ခန္ဓော ဥပ္ပဇ္ဇတီတိ? အာမန္တာ။
(ဂ) အနုလောမပုဂ္ဂလောကာသာ
၈၄. (က) ယဿ ယတ္ထ ရူပက္ခန္ဓော ဥပ္ပဇ္ဇတိ တဿ တတ္ထ ဝေဒနာက္ခန္ဓော ဥပ္ပဇ္ဇိဿတီတိ ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ ရူပက္ခန္ဓော ဥပ္ပဇ္ဇတိ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇိဿတိ။ ဣတရေသံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ရူပက္ခန္ဓော စ ဥပ္ပဇ္ဇတိ ဝေဒနာက္ခန္ဓော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော ဥပ္ပဇ္ဇိဿတိ တဿ တတ္ထ ရူပက္ခန္ဓော ဥပ္ပဇ္ဇတီတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ ဝေဒနာက္ခန္ဓော ဥပ္ပဇ္ဇိဿတိ, နော စ တေသံ တတ္ထ ရူပက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော စ ဥပ္ပဇ္ဇိဿတိ ရူပက္ခန္ဓော စ ဥပ္ပဇ္ဇတိ။
၈၅. (က) ယဿ ယတ္ထ ဝေဒနာက္ခန္ဓော ဥပ္ပဇ္ဇတိ တဿ တတ္ထ သညာက္ခန္ဓော ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော ဥပ္ပဇ္ဇတိ, နော စ တေသံ တတ္ထ သညာက္ခန္ဓော ဥပ္ပဇ္ဇိဿတိ။ ဣတရေသံ စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော စ ဥပ္ပဇ္ဇတိ သညာက္ခန္ဓော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ သညာက္ခန္ဓော ဥပ္ပဇ္ဇိဿတိ တဿ တတ္ထ ဝေဒနာက္ခန္ဓော ဥပ္ပဇ္ဇတီတိ?
စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ သညာက္ခန္ဓော ဥပ္ပဇ္ဇိဿတိ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇတိ။ စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ တတ္ထ သညာက္ခန္ဓော စ ဥပ္ပဇ္ဇိဿတိ ဝေဒနာက္ခန္ဓော စ ဥပ္ပဇ္ဇတိ။
(ဃ) ပစ္စနီကပုဂ္ဂလော
၈၆. (က) ယဿ ရူပက္ခန္ဓော နုပ္ပဇ္ဇတိ တဿ ဝေဒနာက္ခန္ဓော နုပ္ပဇ္ဇိဿတီတိ ?
သဗ္ဗေသံ စဝန္တာနံ အရူပံ ဥပပဇ္ဇန္တာနံ တေသံ ရူပက္ခန္ဓော နုပ္ပဇ္ဇတိ, နော စ တေသံ ဝေဒနာက္ခန္ဓော နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ ရူပက္ခန္ဓော စ နုပ္ပဇ္ဇတိ ဝေဒနာက္ခန္ဓော စ နုပ္ပဇ္ဇိဿတိ။
(ခ) ယဿ ဝါ ပန ဝေဒနာက္ခန္ဓော နုပ္ပဇ္ဇိဿတိ တဿ ရူပက္ခန္ဓော နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ တေသံ ဝေဒနာက္ခန္ဓော နုပ္ပဇ္ဇိဿတိ, နော စ တေသံ ရူပက္ခန္ဓော နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ တေသံ ဝေဒနာက္ခန္ဓော စ နုပ္ပဇ္ဇိဿတိ ရူပက္ခန္ဓော စ နုပ္ပဇ္ဇတိ။
၈၇. (က) ယဿ ဝေဒနာက္ခန္ဓော နုပ္ပဇ္ဇတိ တဿ သညာက္ခန္ဓော နုပ္ပဇ္ဇိဿတီတိ?
သဗ္ဗေသံ စဝန္တာနံ အသညသတ္တံ ဥပပဇ္ဇန္တာနံ တေသံ ဝေဒနာက္ခန္ဓော နုပ္ပဇ္ဇတိ, နော စ တေသံ သညာက္ခန္ဓော နုပ္ပဇ္ဇိဿတိ။ ပရိနိဗ္ဗန္တာနံ တေသံ ဝေဒနာက္ခန္ဓော စ နုပ္ပဇ္ဇတိ သညာက္ခန္ဓော စ နုပ္ပဇ္ဇိဿတိ။
(ခ) ယဿ ဝါ ပန သညာက္ခန္ဓော နုပ္ပဇ္ဇိဿတိ တဿ ဝေဒနာက္ခန္ဓော နုပ္ပဇ္ဇတီတိ?
ပစ္ဆိမဘဝိကာနံ ဥပပဇ္ဇန္တာနံ [ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ (သီ. သျာ.)] တေသံ သညာက္ခန္ဓော နုပ္ပဇ္ဇိဿတိ, နော စ တေသံ ဝေဒနာက္ခန္ဓော နုပ္ပဇ္ဇတိ။ ပရိနိဗ္ဗန္တာနံ တေသံ သညာက္ခန္ဓော စ နုပ္ပဇ္ဇိဿတိ ဝေဒနာက္ခန္ဓော စ နုပ္ပဇ္ဇတိ။
(င) ပစ္စနီကဩကာသော
၈၈. (က) ယတ္ထ ရူပက္ခန္ဓော နုပ္ပဇ္ဇတိ တတ္ထ ဝေဒနာက္ခန္ဓော နုပ္ပဇ္ဇိဿတီတိ? ဥပ္ပဇ္ဇိဿတိ။
(ခ) ယတ္ထ ဝါ ပန ဝေဒနာက္ခန္ဓော နုပ္ပဇ္ဇိဿတိ တတ္ထ ရူပက္ခန္ဓော နုပ္ပဇ္ဇတီတိ? ဥပ္ပဇ္ဇတိ။
၈၉. (က) ယတ္ထ ဝေဒနာက္ခန္ဓော နုပ္ပဇ္ဇတိ တတ္ထ သညာက္ခန္ဓော နုပ္ပဇ္ဇိဿတီတိ? အာမန္တာ။
(ခ) ယတ္ထ ဝါ ပန သညာက္ခန္ဓော နုပ္ပဇ္ဇိဿတိ တတ္ထ ဝေဒနာက္ခန္ဓော နုပ္ပဇ္ဇတီတိ? အာမန္တာ။
(စ) ပစ္စနီကပုဂ္ဂလောကာသာ
၉၀. (က) ယဿ ယတ္ထ ရူပက္ခန္ဓော နုပ္ပဇ္ဇတိ တဿ တတ္ထ ဝေဒနာက္ခန္ဓော နုပ္ပဇ္ဇိဿတီတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ ရူပက္ခန္ဓော နုပ္ပဇ္ဇတိ, နော စ တေသံ တတ္ထ ဝေဒနာက္ခန္ဓော နုပ္ပဇ္ဇိဿတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ အသညသတ္တာ စဝန္တာနံ တေသံ တတ္ထ ရူပက္ခန္ဓော စ နုပ္ပဇ္ဇတိ ဝေဒနာက္ခန္ဓော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နုပ္ပဇ္ဇိဿတိ တဿ တတ္ထ ရူပက္ခန္ဓော နုပ္ပဇ္ဇတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇိဿတိ, နော စ တေသံ တတ္ထ ရူပက္ခန္ဓော နုပ္ပဇ္ဇတိ။ ပဉ္စဝေါကာရေ ပရိနိဗ္ဗန္တာနံ အရူပေ ပစ္ဆိမဘဝိကာနံ အသညသတ္တာ စဝန္တာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇိဿတိ ရူပက္ခန္ဓော စ နုပ္ပဇ္ဇတိ။
၉၁. (က) ယဿ ယတ္ထ ဝေဒနာက္ခန္ဓော နုပ္ပဇ္ဇတိ တဿ တတ္ထ သညာက္ခန္ဓော နုပ္ပဇ္ဇိဿတီတိ?
စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇတိ, နော စ တေသံ တတ္ထ သညာက္ခန္ဓော နုပ္ပဇ္ဇိဿတိ။ ပရိနိဗ္ဗန္တာနံ အသညသတ္တာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇတိ သညာက္ခန္ဓော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ သညာက္ခန္ဓော နုပ္ပဇ္ဇိဿတိ တဿ တတ္ထ ဝေဒနာက္ခန္ဓော နုပ္ပဇ္ဇတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ တတ္ထ သညာက္ခန္ဓော နုပ္ပဇ္ဇိဿတိ, နော စ တေသံ တတ္ထ ဝေဒနာက္ခန္ဓော နုပ္ပဇ္ဇတိ။ ပရိနိဗ္ဗန္တာနံ အသညသတ္တာနံ တေသံ တတ္ထ သညာက္ခန္ဓော စ နုပ္ပဇ္ဇိဿတိ ဝေဒနာက္ခန္ဓော စ နုပ္ပဇ္ဇတိ။
(၆) အတီတာနာဂတဝါရော
(က) အနုလောမပုဂ္ဂလော
၉၂. (က) ယဿ ရူပက္ခန္ဓော ဥပ္ပဇ္ဇိတ္ထ တဿ ဝေဒနာက္ခန္ဓော ဥပ္ပဇ္ဇိဿတီတိ?
ပစ္ဆိမဘဝိကာနံ တေသံ ရူပက္ခန္ဓော ဥပ္ပဇ္ဇိတ္ထ, နော စ တေသံ ဝေဒနာက္ခန္ဓော ဥပ္ပဇ္ဇိဿတိ။ ဣတရေသံ တေသံ ရူပက္ခန္ဓော စ ဥပ္ပဇ္ဇိတ္ထ ဝေဒနာက္ခန္ဓော စ ဥပ္ပဇ္ဇိဿတိ။
(ခ) ယဿ ဝါ ပန ဝေဒနာက္ခန္ဓော ဥပ္ပဇ္ဇိဿတိ တဿ ရူပက္ခန္ဓော ဥပ္ပဇ္ဇိတ္ထာတိ? အာမန္တာ။
၉၃. (က) ယဿ ဝေဒနာက္ခန္ဓော ဥပ္ပဇ္ဇိတ္ထ တဿ သညာက္ခန္ဓော ဥပ္ပဇ္ဇိဿတီတိ?
ပစ္ဆိမဘဝိကာနံ တေသံ ဝေဒနာက္ခန္ဓော ဥပ္ပဇ္ဇိတ္ထ, နော စ တေသံ သညာက္ခန္ဓော ဥပ္ပဇ္ဇိဿတိ။ ဣတရေသံ တေသံ ဝေဒနာက္ခန္ဓော စ ဥပ္ပဇ္ဇိတ္ထ သညာက္ခန္ဓော စ ဥပ္ပဇ္ဇိဿတိ။
(ခ) ယဿ ဝါ ပန သညာက္ခန္ဓော ဥပ္ပဇ္ဇိဿတိ တဿ ဝေဒနာက္ခန္ဓော ဥပ္ပဇ္ဇိတ္ထာတိ? အာမန္တာ။
(ခ) အနုလောမဩကာသော
၉၄. (က) ယတ္ထ ရူပက္ခန္ဓော ဥပ္ပဇ္ဇိတ္ထ တတ္ထ ဝေဒနာက္ခန္ဓော ဥပ္ပဇ္ဇိဿတီတိ?
အသညသတ္တေ တတ္ထ ရူပက္ခန္ဓော ဥပ္ပဇ္ဇိတ္ထ, နော စ တတ္ထ ဝေဒနာက္ခန္ဓော ဥပ္ပဇ္ဇိဿတိ။ ပဉ္စဝေါကာရေ တတ္ထ ရူပက္ခန္ဓော စ ဥပ္ပဇ္ဇိတ္ထ ဝေဒနာက္ခန္ဓော စ ဥပ္ပဇ္ဇိဿတိ။
(ခ) ယတ္ထ ဝါ ပန ဝေဒနာက္ခန္ဓော ဥပ္ပဇ္ဇိဿတိ တတ္ထ ရူပက္ခန္ဓော ဥပ္ပဇ္ဇိတ္ထာတိ?
အရူပေ တတ္ထ ဝေဒနာက္ခန္ဓော ဥပ္ပဇ္ဇိဿတိ, နော စ တတ္ထ ရူပက္ခန္ဓော ဥပ္ပဇ္ဇိတ္ထ။ ပဉ္စဝေါကာရေ တတ္ထ ဝေဒနာက္ခန္ဓော စ ဥပ္ပဇ္ဇိဿတိ ရူပက္ခန္ဓော စ ဥပ္ပဇ္ဇိတ္ထ။
၉၅. (က) ယတ္ထ ဝေဒနာက္ခန္ဓော ဥပ္ပဇ္ဇိတ္ထ တတ္ထ သညာက္ခန္ဓော ဥပ္ပဇ္ဇိဿတီတိ? အာမန္တာ။
(ခ) ယတ္ထ ဝါ ပန သညာက္ခန္ဓော ဥပ္ပဇ္ဇိဿတိ တတ္ထ ဝေဒနာက္ခန္ဓော ဥပ္ပဇ္ဇိတ္ထာတိ? အာမန္တာ။
(ဂ) အနုလောမပုဂ္ဂလောကာသာ
၉၆. (က) ယဿ ယတ္ထ ရူပက္ခန္ဓော ဥပ္ပဇ္ဇိတ္ထ တဿ တတ္ထ ဝေဒနာက္ခန္ဓော ဥပ္ပဇ္ဇိဿတီတိ?
ပဉ္စဝေါကာရေ ပစ္ဆိမဘဝိကာနံ အသညသတ္တာနံ တေသံ တတ္ထ ရူပက္ခန္ဓော ဥပ္ပဇ္ဇိတ္ထ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ ရူပက္ခန္ဓော စ ဥပ္ပဇ္ဇိတ္ထ ဝေဒနာက္ခန္ဓော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော ဥပ္ပဇ္ဇိဿတိ တဿ တတ္ထ ရူပက္ခန္ဓော ဥပ္ပဇ္ဇိတ္ထာတိ?
အရူပါနံ တေသံ တတ္ထ ဝေဒနာက္ခန္ဓော ဥပ္ပဇ္ဇိဿတိ, နော စ တေသံ တတ္ထ ရူပက္ခန္ဓော ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ ဥပ္ပဇ္ဇိဿတိ ရူပက္ခန္ဓော စ ဥပ္ပဇ္ဇိတ္ထ။
၉၇. (က) ယဿ ယတ္ထ ဝေဒနာက္ခန္ဓော ဥပ္ပဇ္ဇိတ္ထ တဿ တတ္ထ သညာက္ခန္ဓော ဥပ္ပဇ္ဇိဿတီတိ?
ပစ္ဆိမဘဝိကာနံ တေသံ တတ္ထ ဝေဒနာက္ခန္ဓော ဥပ္ပဇ္ဇိတ္ထ, နော စ တေသံ တတ္ထ သညာက္ခန္ဓော ဥပ္ပဇ္ဇိဿတိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ ဥပ္ပဇ္ဇိတ္ထ သညာက္ခန္ဓော စ ဥပ္ပဇ္ဇိဿတိ။
(ခ) ယဿ ဝါ ပန ယတ္ထ သညာက္ခန္ဓော ဥပ္ပဇ္ဇိဿတိ တဿ တတ္ထ ဝေဒနာက္ခန္ဓော ဥပ္ပဇ္ဇိတ္ထာတိ? အာမန္တာ။
(ဃ) ပစ္စနီကပုဂ္ဂလော
၉၈. (က) ယဿ ရူပက္ခန္ဓော နုပ္ပဇ္ဇိတ္ထ တဿ ဝေဒနာက္ခန္ဓော နုပ္ပဇ္ဇိဿတီတိ? နတ္ထိ။
(ခ) ယဿ ဝါ ပန ဝေဒနာက္ခန္ဓော နုပ္ပဇ္ဇိဿတိ တဿ ရူပက္ခန္ဓော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
၉၉. (က) ယဿ ဝေဒနာက္ခန္ဓော နုပ္ပဇ္ဇိတ္ထ တဿ သညာက္ခန္ဓော နုပ္ပဇ္ဇိဿတီတိ? နတ္ထိ။
(ခ) ယဿ ဝါ ပန သညာက္ခန္ဓော နုပ္ပဇ္ဇိဿတိ တဿ ဝေဒနာက္ခန္ဓော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(င) ပစ္စနီကဩကာသော
၁၀၀. (က) ယတ္ထ ရူပက္ခန္ဓော နုပ္ပဇ္ဇိတ္ထ တတ္ထ ဝေဒနာက္ခန္ဓော နုပ္ပဇ္ဇိဿတီတိ? ဥပ္ပဇ္ဇိဿတိ။
(ခ) ယတ္ထ ဝါ ပန ဝေဒနာက္ခန္ဓော နုပ္ပဇ္ဇိဿတိ တတ္ထ ရူပက္ခန္ဓော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
၁၀၁. (က) ယတ္ထ ဝေဒနာက္ခန္ဓော နုပ္ပဇ္ဇိတ္ထ တတ္ထ သညာက္ခန္ဓော နုပ္ပဇ္ဇိဿတီတိ? အာမန္တာ။
(ခ) ယတ္ထ ဝါ ပန သညာက္ခန္ဓော နုပ္ပဇ္ဇိဿတိ တတ္ထ ဝေဒနာက္ခန္ဓော နုပ္ပဇ္ဇိတ္ထာတိ? အာမန္တာ။
(စ) ပစ္စနီကပုဂ္ဂလောကာသာ
၁၀၂. (က) ယဿ ယတ္ထ ရူပက္ခန္ဓော နုပ္ပဇ္ဇိတ္ထ တဿ တတ္ထ ဝေဒနာက္ခန္ဓော နုပ္ပဇ္ဇိဿတီတိ?
အရူပါနံ တေသံ တတ္ထ ရူပက္ခန္ဓော နုပ္ပဇ္ဇိတ္ထ, နော စ တေသံ တတ္ထ ဝေဒနာက္ခန္ဓော နုပ္ပဇ္ဇိဿတိ။ သုဒ္ဓါဝါသာနံ အရူပေ ပစ္ဆိမဘဝိကာနံ တေသံ တတ္ထ ရူပက္ခန္ဓော စ နုပ္ပဇ္ဇိတ္ထ ဝေဒနာက္ခန္ဓော စ နုပ္ပဇ္ဇိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နုပ္ပဇ္ဇိဿတိ တဿ တတ္ထ ရူပက္ခန္ဓော နုပ္ပဇ္ဇိတ္ထာတိ?
ပဉ္စဝေါကာရေ ပစ္ဆိမဘဝိကာနံ အသညသတ္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇိဿတိ, နော စ တေသံ တတ္ထ ရူပက္ခန္ဓော နုပ္ပဇ္ဇိတ္ထ။ သုဒ္ဓါဝါသာနံ အရူပေ ပစ္ဆိမဘဝိကာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇိဿတိ ရူပက္ခန္ဓော စ နုပ္ပဇ္ဇိတ္ထ။
၁၀၃. (က) ယဿ ယတ္ထ ဝေဒနာက္ခန္ဓော နုပ္ပဇ္ဇိတ္ထ တဿ တတ္ထ သညာက္ခန္ဓော နုပ္ပဇ္ဇိဿတီတိ? အာမန္တာ။
(ခ) ယဿ ဝါ ပန ယတ္ထ သညာက္ခန္ဓော နုပ္ပဇ္ဇိဿတိ တဿ တတ္ထ ဝေဒနာက္ခန္ဓော နုပ္ပဇ္ဇိတ္ထာတိ?
ပစ္ဆိမဘဝိကာနံ တေသံ တတ္ထ သညာက္ခန္ဓော နုပ္ပဇ္ဇိဿတိ, နော စ တေသံ တတ္ထ ဝေဒနာက္ခန္ဓော နုပ္ပဇ္ဇိတ္ထ။ သုဒ္ဓါဝါသာနံ အသညသတ္တာနံ တေသံ တတ္ထ သညာက္ခန္ဓော စ နုပ္ပဇ္ဇိဿတိ ဝေဒနာက္ခန္ဓော စ နုပ္ပဇ္ဇိတ္ထ။
ဥပ္ပါဒဝါရော နိဋ္ဌိတော။
၂. ပဝတ္တိ ၂. နိရောဓဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၁၀၄. (က) ယဿ ရူပက္ခန္ဓော နိရုဇ္ဈတိ တဿ ဝေဒနာက္ခန္ဓော နိရုဇ္ဈတီတိ?
အသညသတ္တာ စဝန္တာနံ တေသံ ရူပက္ခန္ဓော နိရုဇ္ဈတိ, နော စ တေသံ ဝေဒနာက္ခန္ဓော နိရုဇ္ဈတိ။ ပဉ္စဝေါကာရာ စဝန္တာနံ တေသံ ရူပက္ခန္ဓော စ နိရုဇ္ဈတိ ဝေဒနာက္ခန္ဓော စ နိရုဇ္ဈတိ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈတိ တဿ ရူပက္ခန္ဓော နိရုဇ္ဈတီတိ?
အရူပါ စဝန္တာနံ တေသံ ဝေဒနာက္ခန္ဓော နိရုဇ္ဈတိ, နော စ တေသံ ရူပက္ခန္ဓော နိရုဇ္ဈတိ။ ပဉ္စဝေါကာရာ စဝန္တာနံ တေသံ ဝေဒနာက္ခန္ဓော စ နိရုဇ္ဈတိ ရူပက္ခန္ဓော စ နိရုဇ္ဈတိ။
(ခ) အနုလောမဩကာသော
၁၀၅. (က) ယတ္ထ ရူပက္ခန္ဓော နိရုဇ္ဈတိ တတ္ထ ဝေဒနာက္ခန္ဓော နိရုဇ္ဈတီတိ?
အသညသတ္တေ တတ္ထ ရူပက္ခန္ဓော နိရုဇ္ဈတိ, နော စ တတ္ထ ဝေဒနာက္ခန္ဓော နိရုဇ္ဈတိ ။ ပဉ္စဝေါကာရေ တတ္ထ ရူပက္ခန္ဓော စ နိရုဇ္ဈတိ ဝေဒနာက္ခန္ဓော စ နိရုဇ္ဈတိ။
(ခ) ယတ္ထ ဝါ ပန ဝေဒနာက္ခန္ဓော နိရုဇ္ဈတိ တတ္ထ ရူပက္ခန္ဓော နိရုဇ္ဈတီတိ?
အရူပေ တတ္ထ ဝေဒနာက္ခန္ဓော နိရုဇ္ဈတိ, နော စ တတ္ထ ရူပက္ခန္ဓော နိရုဇ္ဈတိ။ ပဉ္စဝေါကာရေ တတ္ထ ဝေဒနာက္ခန္ဓော စ နိရုဇ္ဈတိ ရူပက္ခန္ဓော စ နိရုဇ္ဈတိ။
(ဂ) အနုလောမပုဂ္ဂလောကာသာ
၁၀၆. (က) ယဿ ယတ္ထ ရူပက္ခန္ဓော နိရုဇ္ဈတိ တဿ တတ္ထ ဝေဒနာက္ခန္ဓော နိရုဇ္ဈတီတိ?
အသညသတ္တာ စဝန္တာနံ တေသံ တတ္ထ ရူပက္ခန္ဓော နိရုဇ္ဈတိ, နော စ တေသံ တတ္ထ ဝေဒနာက္ခန္ဓော နိရုဇ္ဈတိ။ ပဉ္စဝေါကာရာ စဝန္တာနံ တေသံ တတ္ထ ရူပက္ခန္ဓော စ နိရုဇ္ဈတိ ဝေဒနာက္ခန္ဓော စ နိရုဇ္ဈတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈတိ တဿ တတ္ထ ရူပက္ခန္ဓော နိရုဇ္ဈတီတိ?
အရူပါ စဝန္တာနံ တေသံ တတ္ထ ဝေဒနာက္ခန္ဓော နိရုဇ္ဈတိ, နော စ တေသံ တတ္ထ ရူပက္ခန္ဓော နိရုဇ္ဈတိ။ ပဉ္စဝေါကာရာ စဝန္တာနံ တေသံ တတ္ထ ဝေဒနာက္ခန္ဓော စ နိရုဇ္ဈတိ ရူပက္ခန္ဓော စ နိရုဇ္ဈတိ။
(ဃ) ပစ္စနီကပုဂ္ဂလော
၁၀၇. (က) ယဿ ရူပက္ခန္ဓော န နိရုဇ္ဈတိ တဿ ဝေဒနာက္ခန္ဓော န နိရုဇ္ဈတီတိ?
အရူပါ စဝန္တာနံ တေသံ ရူပက္ခန္ဓော န နိရုဇ္ဈတိ, နော စ တေသံ ဝေဒနာက္ခန္ဓော န နိရုဇ္ဈတိ။ သဗ္ဗေသံ ဥပပဇ္ဇန္တာနံ တေသံ ရူပက္ခန္ဓော စ န နိရုဇ္ဈတိ ဝေဒနာက္ခန္ဓော စ န နိရုဇ္ဈတိ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈတိ တဿ ရူပက္ခန္ဓော န နိရုဇ္ဈတီတိ?
အသညသတ္တာ စဝန္တာနံ တေသံ ဝေဒနာက္ခန္ဓော န နိရုဇ္ဈတိ, နော စ တေသံ ရူပက္ခန္ဓော န နိရုဇ္ဈတိ။ သဗ္ဗေသံ ဥပပဇ္ဇန္တာနံ တေသံ ဝေဒနာက္ခန္ဓော စ န နိရုဇ္ဈတိ ရူပက္ခန္ဓော စ န နိရုဇ္ဈတိ။
(င) ပစ္စနီကဩကာသော
၁၀၈. (က) ယတ္ထ ရူပက္ခန္ဓော န နိရုဇ္ဈတိ တတ္ထ ဝေဒနာက္ခန္ဓော န နိရုဇ္ဈတီတိ? နိရုဇ္ဈတိ။
(ခ) ယတ္ထ ဝါ ပန ဝေဒနာက္ခန္ဓော န နိရုဇ္ဈတိ တတ္ထ ရူပက္ခန္ဓော န နိရုဇ္ဈတီတိ? နိရုဇ္ဈတိ။
(စ) ပစ္စနီကပုဂ္ဂလောကာသာ
၁၀၉. (က) ယဿ ယတ္ထ ရူပက္ခန္ဓော န နိရုဇ္ဈတိ တဿ တတ္ထ ဝေဒနာက္ခန္ဓော န နိရုဇ္ဈတီတိ?
အရူပါ စဝန္တာနံ တေသံ တတ္ထ ရူပက္ခန္ဓော န နိရုဇ္ဈတိ, နော စ တေသံ တတ္ထ ဝေဒနာက္ခန္ဓော န နိရုဇ္ဈတိ။ သဗ္ဗေသံ ဥပပဇ္ဇန္တာနံ တေသံ တတ္ထ ရူပက္ခန္ဓော စ န နိရုဇ္ဈတိ ဝေဒနာက္ခန္ဓော စ န နိရုဇ္ဈတိ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈတိ တဿ တတ္ထ ရူပက္ခန္ဓော န နိရုဇ္ဈတီတိ?
အသညသတ္တာ စဝန္တာနံ တေသံ တတ္ထ ဝေဒနာက္ခန္ဓော န နိရုဇ္ဈတိ, နော စ တေသံ တတ္ထ ရူပက္ခန္ဓော န နိရုဇ္ဈတိ။ သဗ္ဗေသံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈတိ ရူပက္ခန္ဓော စ န နိရုဇ္ဈတိ။
(၂) အတီတဝါရော
(က) အနုလောမပုဂ္ဂလော
၁၁၀. (က) ယဿ ရူပက္ခန္ဓော နိရုဇ္ဈိတ္ထ တဿ ဝေဒနာက္ခန္ဓော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈိတ္ထ တဿ ရူပက္ခန္ဓော နိရုဇ္ဈိတ္ထာတိ? အာမန္တာ။
(ခ) အနုလောမဩကာသော
၁၁၁. (က) ယတ္ထ ရူပက္ခန္ဓော နိရုဇ္ဈိတ္ထ တတ္ထ ဝေဒနာက္ခန္ဓော နိရုဇ္ဈိတ္ထာတိ?
အသညသတ္တေ တတ္ထ ရူပက္ခန္ဓော နိရုဇ္ဈတ္ထ, နော စ တတ္ထ ဝေဒနာက္ခန္ဓော နိရုဇ္ဈိတ္ထ။ ပဉ္စဝေါကာရေ တတ္ထ ရူပက္ခန္ဓော စ နိရုဇ္ဈိတ္ထ ဝေဒနာက္ခန္ဓော စ နိရုဇ္ဈိတ္ထ။
(ခ) ယတ္ထ ဝါ ပန ဝေဒနာက္ခန္ဓော နိရုဇ္ဈိတ္ထ တတ္ထ ရူပက္ခန္ဓော နိရုဇ္ဈိတ္ထာတိ?
အရူပေ တတ္ထ ဝေဒနာက္ခန္ဓော နိရုဇ္ဈိတ္ထ, နော စ တတ္ထ ရူပက္ခန္ဓော နိရုဇ္ဈိတ္ထ။ ပဉ္စဝေါကာရေ တတ္ထ ဝေဒနာက္ခန္ဓော စ နိရုဇ္ဈိတ္ထ ရူပက္ခန္ဓော စ နိရုဇ္ဈိတ္ထ။
(ဂ) အနုလောမပုဂ္ဂလောကာသာ
၁၁၂. (က) ယဿ ယတ္ထ ရူပက္ခန္ဓော နိရုဇ္ဈိတ္ထ တဿ တတ္ထ ဝေဒနာက္ခန္ဓော နိရုဇ္ဈိတ္ထာတိ?
အသညသတ္တာနံ တေသံ တတ္ထ ရူပက္ခန္ဓော နိရုဇ္ဈိတ္ထ, နော စ တေသံ တတ္ထ ဝေဒနာက္ခန္ဓော နိရုဇ္ဈိတ္ထ။ ပဉ္စဝေါကာရာနံ တေသံ တတ္ထ ရူပက္ခန္ဓော စ နိရုဇ္ဈိတ္ထ ဝေဒနာက္ခန္ဓော စ နိရုဇ္ဈိတ္ထ။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈိတ္ထ တဿ တတ္ထ ရူပက္ခန္ဓော နိရုဇ္ဈိတ္ထာတိ?
အရူပါနံ တေသံ တတ္ထ ဝေဒနာက္ခန္ဓော နိရုဇ္ဈိတ္ထ, နော စ တေသံ တတ္ထ ရူပက္ခန္ဓော နိရုဇ္ဈိတ္ထ။ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ နိရုဇ္ဈိတ္ထ ရူပက္ခန္ဓော စ နိရုဇ္ဈိတ္ထ။
(ဃ) ပစ္စနီကပုဂ္ဂလော
၁၁၃. (က) ယဿ ရူပက္ခန္ဓော န နိရုဇ္ဈိတ္ထ တဿ ဝေဒနာက္ခန္ဓော န နိရုဇ္ဈိတ္ထာတိ? နတ္ထိ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈိတ္ထ တဿ ရူပက္ခန္ဓော န နိရုဇ္ဈိတ္ထာတိ? နတ္ထိ။
(င) ပစ္စနီကဩကာသော
၁၁၄. (က) ယတ္ထ ရူပက္ခန္ဓော န နိရုဇ္ဈိတ္ထ တတ္ထ ဝေဒနာက္ခန္ဓော န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယတ္ထ ဝါ ပန ဝေဒနာက္ခန္ဓော န နိရုဇ္ဈိတ္ထ တတ္ထ ရူပက္ခန္ဓော န နိရုဇ္ဈိတ္ထာတိ? နိရုဇ္ဈိတ္ထ။
(စ) ပစ္စနီကပုဂ္ဂလောကာသာ
၁၁၅. (က) ယဿ ယတ္ထ ရူပက္ခန္ဓော န နိရုဇ္ဈိတ္ထ တဿ တတ္ထ ဝေဒနာက္ခန္ဓော န နိရုဇ္ဈိတ္ထာတိ?
အရူပါနံ တေသံ တတ္ထ ရူပက္ခန္ဓော န နိရုဇ္ဈိတ္ထ, နော စ တေသံ တတ္ထ ဝေဒနာက္ခန္ဓော န နိရုဇ္ဈိတ္ထ။ သုဒ္ဓါဝါသာနံ တေသံ တတ္ထ ရူပက္ခန္ဓော စ န နိရုဇ္ဈိတ္ထ ဝေဒနာက္ခန္ဓော စ န နိရုဇ္ဈိတ္ထ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈိတ္ထ တဿ တတ္ထ ရူပက္ခန္ဓော န နိရုဇ္ဈိတ္ထာတိ?
အသညသတ္တာနံ တေသံ တတ္ထ ဝေဒနာက္ခန္ဓော န နိရုဇ္ဈိတ္ထ, နော စ တေသံ တတ္ထ ရူပက္ခန္ဓော န နိရုဇ္ဈိတ္ထ။ သုဒ္ဓါဝါသာနံ တေသံ တတ္ထ ဝေဒနာက္ခန္ဓော စ န နိရုဇ္ဈိတ္ထ ရူပက္ခန္ဓော စ န နိရုဇ္ဈိတ္ထ။
(၃) အနာဂတဝါရော
(က) အနုလောမပုဂ္ဂလော
၁၁၆. (က) ယဿ ရူပက္ခန္ဓော နိရုဇ္ဈိဿတိ တဿ ဝေဒနာက္ခန္ဓော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈိဿတိ တဿ ရူပက္ခန္ဓော နိရုဇ္ဈိဿတီတိ?
ပစ္ဆိမဘဝိကာနံ အရူပံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ဝေဒနာက္ခန္ဓော နိရုဇ္ဈိဿတိ, နော စ တေသံ ရူပက္ခန္ဓော နိရုဇ္ဈိဿတိ။ ဣတရေသံ တေသံ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ နိရုဇ္ဈိဿတိ။
(ခ) အနုလောမဩကာသော
၁၁၇. (က) ယတ္ထ ရူပက္ခန္ဓော နိရုဇ္ဈိဿတိ တတ္ထ ဝေဒနာက္ခန္ဓော နိရုဇ္ဈိဿတီတိ?
အသညသတ္တေ တတ္ထ ရူပက္ခန္ဓော နိရုဇ္ဈိဿတိ, နော စ တတ္ထ ဝေဒနာက္ခန္ဓော နိရုဇ္ဈိဿတိ။ ပဉ္စဝေါကာရေ တတ္ထ ရူပက္ခန္ဓော စ နိရုဇ္ဈိဿတိ ဝေဒနာက္ခန္ဓော စ နိရုဇ္ဈိဿတိ။
(ခ) ယတ္ထ ဝါ ပန ဝေဒနာက္ခန္ဓော နိရုဇ္ဈိဿတိ တတ္ထ ရူပက္ခန္ဓော နိရုဇ္ဈိဿတီတိ?
အရူပေ တတ္ထ ဝေဒနာက္ခန္ဓော နိရုဇ္ဈိဿတိ, နော စ တတ္ထ ရူပက္ခန္ဓော နိရုဇ္ဈိဿတိ။ ပဉ္စဝေါကာရေ တတ္ထ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ နိရုဇ္ဈိဿတိ။
(ဂ) အနုလောမပုဂ္ဂလောကာသာ
၁၁၈. (က) ယဿ ယတ္ထ ရူပက္ခန္ဓော နိရုဇ္ဈိဿတိ တဿ တတ္ထ ဝေဒနာက္ခန္ဓော နိရုဇ္ဈိဿတီတိ?
အသညသတ္တာနံ တေသံ တတ္ထ ရူပက္ခန္ဓော နိရုဇ္ဈိဿတိ, နော စ တေသံ တတ္ထ ဝေဒနာက္ခန္ဓော နိရုဇ္ဈိဿတိ။ ပဉ္စဝေါကာရာနံ တေသံ တတ္ထ ရူပက္ခန္ဓော စ နိရုဇ္ဈိဿတိ ဝေဒနာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈိဿတိ တဿ တတ္ထ ရူပက္ခန္ဓော နိရုဇ္ဈိဿတီတိ?
အရူပါနံ တေသံ တတ္ထ ဝေဒနာက္ခန္ဓော နိရုဇ္ဈိဿတိ, နော စ တေသံ တတ္ထ ရူပက္ခန္ဓော နိရုဇ္ဈိဿတိ။ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ နိရုဇ္ဈိဿတိ။
(ဃ) ပစ္စနီကပုဂ္ဂလော
၁၁၉. (က) ယဿ ရူပက္ခန္ဓော န နိရုဇ္ဈိဿတိ တဿ ဝေဒနာက္ခန္ဓော န နိရုဇ္ဈိဿတီတိ?
ပစ္ဆိမဘဝိကာနံ အရူပံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ စဝန္တာနံ တေသံ ရူပက္ခန္ဓော န နိရုဇ္ဈိဿတိ, နော စ တေသံ ဝေဒနာက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ တေသံ ရူပက္ခန္ဓော စ န နိရုဇ္ဈိဿတိ ဝေဒနာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈိဿတိ တဿ ရူပက္ခန္ဓော န နိရုဇ္ဈိဿတီတိ? အာမန္တာ။
(င) ပစ္စနီကဩကာသော
၁၂၀. (က) ယတ္ထ ရူပက္ခန္ဓော န နိရုဇ္ဈိဿတိ တတ္ထ ဝေဒနာက္ခန္ဓော န နိရုဇ္ဈိဿတီတိ? နိရုဇ္ဈိဿတိ။
(ခ) ယတ္ထ ဝါ ပန ဝေဒနာက္ခန္ဓော န နိရုဇ္ဈိဿတိ တတ္ထ ရူပက္ခန္ဓော န နိရုဇ္ဈိဿတီတိ? နိရုဇ္ဈိဿတိ။
(စ) ပစ္စနီကပုဂ္ဂလောကာသာ
၁၂၁. (က) ယဿ ယတ္ထ ရူပက္ခန္ဓော န နိရုဇ္ဈိဿတိ တဿ တတ္ထ ဝေဒနာက္ခန္ဓော န နိရုဇ္ဈိဿတီတိ?
အရူပါနံ တေသံ တတ္ထ ရူပက္ခန္ဓော န နိရုဇ္ဈိဿတိ, နော စ တေသံ တတ္ထ ဝေဒနာက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ရူပက္ခန္ဓော စ န နိရုဇ္ဈိဿတိ ဝေဒနာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈိဿတိ တဿ တတ္ထ ရူပက္ခန္ဓော န နိရုဇ္ဈိဿတီတိ?
အသညသတ္တာနံ တေသံ တတ္ထ ဝေဒနာက္ခန္ဓော န နိရုဇ္ဈိဿတိ, နော စ တေသံ တတ္ထ ရူပက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈိဿတိ ရူပက္ခန္ဓော စ န နိရုဇ္ဈိဿတိ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၁၂၂. (က) ယဿ ရူပက္ခန္ဓော နိရုဇ္ဈတိ တဿ ဝေဒနာက္ခန္ဓော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈိတ္ထ တဿ ရူပက္ခန္ဓော နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အရူပါ စဝန္တာနံ တေသံ ဝေဒနာက္ခန္ဓော နိရုဇ္ဈိတ္ထ, နော စ တေသံ ရူပက္ခန္ဓော နိရုဇ္ဈတိ။ ပဉ္စဝေါကာရာ စဝန္တာနံ အသညသတ္တာ စဝန္တာနံ တေသံ ဝေဒနာက္ခန္ဓော စ နိရုဇ္ဈိတ္ထ ရူပက္ခန္ဓော စ နိရုဇ္ဈတိ။
၁၂၃. (က) ယဿ ဝေဒနာက္ခန္ဓော နိရုဇ္ဈတိ တဿ သညာက္ခန္ဓော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန သညာက္ခန္ဓော နိရုဇ္ဈိတ္ထ တဿ ဝေဒနာက္ခန္ဓော နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အသညသတ္တာ စဝန္တာနံ တေသံ သညာက္ခန္ဓော နိရုဇ္ဈိတ္ထ, နော စ တေသံ ဝေဒနာက္ခန္ဓော နိရုဇ္ဈတိ။ စတုဝေါကာရာ ပဉ္စဝေါကာရာ စဝန္တာနံ တေသံ သညာက္ခန္ဓော စ နိရုဇ္ဈိတ္ထ ဝေဒနာက္ခန္ဓော စ နိရုဇ္ဈတိ။
(ခ) အနုလောမဩကာသော
၁၂၄. (က) ယတ္ထ ရူပက္ခန္ဓော နိရုဇ္ဈတိ တတ္ထ ဝေဒနာက္ခန္ဓော နိရုဇ္ဈိတ္ထာတိ?
အသညသတ္တေ တတ္ထ ရူပက္ခန္ဓော နိရုဇ္ဈတိ, နော စ တတ္ထ ဝေဒနာက္ခန္ဓော နိရုဇ္ဈိတ္ထ။ ပဉ္စဝေါကာရေ တတ္ထ ရူပက္ခန္ဓော စ နိရုဇ္ဈတိ ဝေဒနာက္ခန္ဓော စ နိရုဇ္ဈိတ္ထ။
(ခ) ယတ္ထ ဝါ ပန ဝေဒနာက္ခန္ဓော နိရုဇ္ဈိတ္ထ တတ္ထ ရူပက္ခန္ဓော နိရုဇ္ဈတီတိ ?
အရူပေ တတ္ထ ဝေဒနာက္ခန္ဓော နိရုဇ္ဈိတ္ထ, နော စ တတ္ထ ရူပက္ခန္ဓော နိရုဇ္ဈတိ။ ပဉ္စဝေါကာရေ တတ္ထ ဝေဒနာက္ခန္ဓော စ နိရုဇ္ဈိတ္ထ ရူပက္ခန္ဓော စ နိရုဇ္ဈတိ။
၁၂၅. (က) ယတ္ထ ဝေဒနာက္ခန္ဓော နိရုဇ္ဈတိ တတ္ထ သညာက္ခန္ဓော နိရုဇ္ဈိတ္ထာတိ? အာမန္တာ။
(ခ) ယတ္ထ ဝါ ပန သညာက္ခန္ဓော နိရုဇ္ဈိတ္ထ တတ္ထ ဝေဒနာက္ခန္ဓော နိရုဇ္ဈတီတိ? အာမန္တာ။
(ဂ) အနုလောမပုဂ္ဂလောကာသာ
၁၂၆. (က) ယဿ ယတ္ထ ရူပက္ခန္ဓော နိရုဇ္ဈတိ တဿ တတ္ထ ဝေဒနာက္ခန္ဓော နိရုဇ္ဈိတ္ထာတိ?
သုဒ္ဓါဝါသေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ရူပက္ခန္ဓော နိရုဇ္ဈတိ, နော စ တေသံ တတ္ထ ဝေဒနာက္ခန္ဓော နိရုဇ္ဈိတ္ထ။ ဣတရေသံ ပဉ္စဝေါကာရာ စဝန္တာနံ တေသံ တတ္ထ ရူပက္ခန္ဓော စ နိရုဇ္ဈတိ ဝေဒနာက္ခန္ဓော စ နိရုဇ္ဈိတ္ထ။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈိတ္ထ တဿ တတ္ထ ရူပက္ခန္ဓော နိရုဇ္ဈတီတိ?
ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ဝေဒနာက္ခန္ဓော နိရုဇ္ဈိတ္ထ, နော စ တေသံ တတ္ထ ရူပက္ခန္ဓော နိရုဇ္ဈတိ။ ပဉ္စဝေါကာရာ စဝန္တာနံ တေသံ တတ္ထ ဝေဒနာက္ခန္ဓော စ နိရုဇ္ဈိတ္ထ ရူပက္ခန္ဓော စ နိရုဇ္ဈတိ။
၁၂၇. (က) ယဿ ယတ္ထ ဝေဒနာက္ခန္ဓော နိရုဇ္ဈတိ တဿ တတ္ထ သညာက္ခန္ဓော နိရုဇ္ဈိတ္ထာတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ ဝေဒနာက္ခန္ဓော နိရုဇ္ဈတိ, နော စ တေသံ တတ္ထ သညာက္ခန္ဓော နိရုဇ္ဈိတ္ထ။ ဣတရေသံ စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ ဝေဒနာက္ခန္ဓော စ နိရုဇ္ဈတိ သညာက္ခန္ဓော စ နိရုဇ္ဈိတ္ထ။
(ခ) ယဿ ဝါ ပန ယတ္ထ သညာက္ခန္ဓော နိရုဇ္ဈိတ္ထ တဿ တတ္ထ ဝေဒနာက္ခန္ဓော နိရုဇ္ဈတီတိ?
စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ တတ္ထ သညာက္ခန္ဓော နိရုဇ္ဈိတ္ထ, နော စ တေသံ တတ္ထ ဝေဒနာက္ခန္ဓော နိရုဇ္ဈတိ။ စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ သညာက္ခန္ဓော စ နိရုဇ္ဈိတ္ထ ဝေဒနာက္ခန္ဓော စ နိရုဇ္ဈတိ။
(ဃ) ပစ္စနီကပုဂ္ဂလော
၁၂၈. (က) ယဿ ရူပက္ခန္ဓော န နိရုဇ္ဈတိ တဿ ဝေဒနာက္ခန္ဓော န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈိတ္ထ တဿ ရူပက္ခန္ဓော န နိရုဇ္ဈတီတိ? နတ္ထိ။
၁၂၉. (က) ယဿ ဝေဒနာက္ခန္ဓော န နိရုဇ္ဈတိ တဿ သညာက္ခန္ဓော န နိရုဇ္ဈိတ္ထာတိ? နိရုဇ္ဈိတ္ထ။
(ခ) ယဿ ဝါ ပန သညာက္ခန္ဓော န နိရုဇ္ဈိတ္ထ တဿ ဝေဒနာက္ခန္ဓော န နိရုဇ္ဈတီတိ? နတ္ထိ။
(င) ပစ္စနီကဩကာသော
၁၃၀. ယတ္ထ ရူပက္ခန္ဓော န နိရုဇ္ဈတိ (ယတ္ထကံ ပရိပုဏ္ဏံ ကာတဗ္ဗံ)။
(စ) ပစ္စနီကပုဂ္ဂလောကာသာ
၁၃၁. (က) ယဿ ယတ္ထ ရူပက္ခန္ဓော န နိရုဇ္ဈတိ တဿ တတ္ထ ဝေဒနာက္ခန္ဓော န နိရုဇ္ဈိတ္ထာတိ?
ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ရူပက္ခန္ဓော န နိရုဇ္ဈတိ, နော စ တေသံ တတ္ထ ဝေဒနာက္ခန္ဓော န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ ရူပက္ခန္ဓော စ န နိရုဇ္ဈတိ ဝေဒနာက္ခန္ဓော စ န နိရုဇ္ဈိတ္ထ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈိတ္ထ တဿ တတ္ထ ရူပက္ခန္ဓော န နိရုဇ္ဈတီတိ?
သုဒ္ဓါဝါသေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ဝေဒနာက္ခန္ဓော န နိရုဇ္ဈိတ္ထ, နော စ တေသံ တတ္ထ ရူပက္ခန္ဓော န နိရုဇ္ဈတိ။ သုဒ္ဓါဝါသံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈိတ္ထ ရူပက္ခန္ဓော စ န နိရုဇ္ဈတိ။
၁၃၂. (က) ယဿ ယတ္ထ ဝေဒနာက္ခန္ဓော န နိရုဇ္ဈတိ တဿ တတ္ထ သညာက္ခန္ဓော န နိရုဇ္ဈိတ္ထာတိ?
စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော န နိရုဇ္ဈတိ, နော စ တေသံ တတ္ထ သညာက္ခန္ဓော န နိရုဇ္ဈိတ္ထ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈတိ သညာက္ခန္ဓော စ န နိရုဇ္ဈိတ္ထ။
(ခ) ယဿ ဝါ ပန ယတ္ထ သညာက္ခန္ဓော န နိရုဇ္ဈိတ္ထ တဿ တတ္ထ ဝေဒနာက္ခန္ဓော န နိရုဇ္ဈတီတိ?
သုဒ္ဓါဝါသေ ပရိနိဗ္ဗန္တာနံ တေသံ တတ္ထ သညာက္ခန္ဓော န နိရုဇ္ဈိတ္ထ, နော စ တေသံ တတ္ထ ဝေဒနာက္ခန္ဓော န နိရုဇ္ဈတိ။ သုဒ္ဓါဝါသံ ဥပပဇ္ဇန္တာနံ အသညသတ္တာနံ တေသံ တတ္ထ သညာက္ခန္ဓော စ န နိရုဇ္ဈိတ္ထ ဝေဒနာက္ခန္ဓော စ န နိရုဇ္ဈတိ။
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၁၃၃. (က) ယဿ ရူပက္ခန္ဓော နိရုဇ္ဈတိ တဿ ဝေဒနာက္ခန္ဓော နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ တေသံ ရူပက္ခန္ဓော နိရုဇ္ဈတိ, နော စ တေသံ ဝေဒနာက္ခန္ဓော နိရုဇ္ဈိဿတိ။ ဣတရေသံ ပဉ္စဝေါကာရာ စဝန္တာနံ အသညသတ္တာ စဝန္တာနံ တေသံ ရူပက္ခန္ဓော စ နိရုဇ္ဈတိ ဝေဒနာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈိဿတိ တဿ ရူပက္ခန္ဓော နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အရူပါ စဝန္တာနံ တေသံ ဝေဒနာက္ခန္ဓော နိရုဇ္ဈိဿတိ, နော စ တေသံ ရူပက္ခန္ဓော နိရုဇ္ဈတိ။ ပဉ္စဝေါကာရာ စဝန္တာနံ အသညသတ္တာ စဝန္တာနံ တေသံ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ နိရုဇ္ဈတိ။
၁၃၄. (က) ယဿ ဝေဒနာက္ခန္ဓော နိရုဇ္ဈတိ တဿ သညာက္ခန္ဓော နိရုဇ္ဈိဿတီတိ?
ပရိနိဗ္ဗန္တာနံ တေသံ ဝေဒနာက္ခန္ဓော နိရုဇ္ဈတိ, နော စ တေသံ သညာက္ခန္ဓော နိရုဇ္ဈိဿတိ။ ဣတရေသံ စတုဝေါကာရာ ပဉ္စဝေါကာရာ စဝန္တာနံ တေသံ ဝေဒနာက္ခန္ဓော စ နိရုဇ္ဈတိ သညာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန သညာက္ခန္ဓော နိရုဇ္ဈိဿတိ တဿ ဝေဒနာက္ခန္ဓော နိရုဇ္ဈတီတိ?
သဗ္ဗေသံ ဥပပဇ္ဇန္တာနံ အသညသတ္တာ စဝန္တာနံ တေသံ သညာက္ခန္ဓော နိရုဇ္ဈိဿတိ, နော စ တေသံ ဝေဒနာက္ခန္ဓော နိရုဇ္ဈတိ။ စတုဝေါကာရာ ပဉ္စဝေါကာရာ စဝန္တာနံ တေသံ သညာက္ခန္ဓော စ နိရုဇ္ဈိဿတိ ဝေဒနာက္ခန္ဓော နိရုဇ္ဈတိ။
(ခ) အနုလောမဩကာသော
၁၃၅. ယတ္ထ ရူပက္ခန္ဓော နိရုဇ္ဈတိ။ပေ.။။
(ဂ) အနုလောမပုဂ္ဂလောကာသာ
၁၃၆. (က) ယဿ ယတ္ထ ရူပက္ခန္ဓော နိရုဇ္ဈတိ တဿ တတ္ထ ဝေဒနာက္ခန္ဓော နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ရူပက္ခန္ဓော နိရုဇ္ဈတိ, နော စ တေသံ တတ္ထ ဝေဒနာက္ခန္ဓော နိရုဇ္ဈိဿတိ။ ဣတရေသံ ပဉ္စဝေါကာရာ စဝန္တာနံ တေသံ တတ္ထ ရူပက္ခန္ဓော စ နိရုဇ္ဈတိ ဝေဒနာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈိဿတိ တဿ တတ္ထ ရူပက္ခန္ဓော နိရုဇ္ဈတီတိ?
ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ဝေဒနာက္ခန္ဓော နိရုဇ္ဈိဿတိ, နော စ တေသံ တတ္ထ ရူပက္ခန္ဓော နိရုဇ္ဈတိ။ ပဉ္စဝေါကာရာ စဝန္တာနံ တေသံ တတ္ထ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ နိရုဇ္ဈတိ။
၁၃၇. (က) ယဿ ယတ္ထ ဝေဒနာက္ခန္ဓော နိရုဇ္ဈတိ တဿ တတ္ထ သညာက္ခန္ဓော နိရုဇ္ဈိဿတီတိ?
ပရိနိဗ္ဗန္တာနံ တေသံ တတ္ထ ဝေဒနာက္ခန္ဓော နိရုဇ္ဈတိ, နော စ တေသံ တတ္ထ သညာက္ခန္ဓော နိရုဇ္ဈိဿတိ။ ဣတရေသံ စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ ဝေဒနာက္ခန္ဓော စ နိရုဇ္ဈတိ သညာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ယတ္ထ သညာက္ခန္ဓော နိရုဇ္ဈိဿတိ တဿ တတ္ထ ဝေဒနာက္ခန္ဓော နိရုဇ္ဈတီတိ?
စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ တတ္ထ သညာက္ခန္ဓော နိရုဇ္ဈိဿတိ, နော စ တေသံ တတ္ထ ဝေဒနာက္ခန္ဓော နိရုဇ္ဈတိ။ စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ သညာက္ခန္ဓော စ နိရုဇ္ဈိဿတိ ဝေဒနာက္ခန္ဓော စ နိရုဇ္ဈတိ။
(ဃ) ပစ္စနီကပုဂ္ဂလော
၁၃၈. (က) ယဿ ရူပက္ခန္ဓော န နိရုဇ္ဈတိ တဿ ဝေဒနာက္ခန္ဓော န နိရုဇ္ဈိဿတီတိ?
သဗ္ဗေသံ ဥပပဇ္ဇန္တာနံ အရူပါ စဝန္တာနံ တေသံ ရူပက္ခန္ဓော န နိရုဇ္ဈတိ, နော စ တေသံ ဝေဒနာက္ခန္ဓော န နိရုဇ္ဈိဿတိ။ အရူပေ ပရိနိဗ္ဗန္တာနံ တေသံ ရူပက္ခန္ဓော စ န နိရုဇ္ဈတိ ဝေဒနာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈိဿတိ တဿ ရူပက္ခန္ဓော န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ တေသံ ဝေဒနာက္ခန္ဓော န နိရုဇ္ဈိဿတိ, နော စ တေသံ ရူပက္ခန္ဓော န နိရုဇ္ဈတိ။ အရူပေ ပရိနိဗ္ဗန္တာနံ တေသံ ဝေဒနာက္ခန္ဓော စ န နိရုဇ္ဈိဿတိ ရူပက္ခန္ဓော စ န နိရုဇ္ဈတိ။
၁၃၉. (က) ယဿ ဝေဒနာက္ခန္ဓော န နိရုဇ္ဈတိ တဿ သညာက္ခန္ဓော န နိရုဇ္ဈိဿတီတိ? နိရုဇ္ဈိဿတိ။
(ခ) ယဿ ဝါ ပန သညာက္ခန္ဓော န နိရုဇ္ဈိဿတိ တဿ ဝေဒနာက္ခန္ဓော န နိရုဇ္ဈတီတိ? နိရုဇ္ဈတိ။
(င) ပစ္စနီကဩကာသော
၁၄၀. ယတ္ထ ရူပက္ခန္ဓော န နိရုဇ္ဈတိ။ပေ.။။
(စ) ပစ္စနီကပုဂ္ဂလောကာသာ
၁၄၁. (က) ယဿ ယတ္ထ ရူပက္ခန္ဓော န နိရုဇ္ဈတိ တဿ တတ္ထ ဝေဒနာက္ခန္ဓော န နိရုဇ္ဈိဿတီတိ?
ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ရူပက္ခန္ဓော န နိရုဇ္ဈတိ, နော စ တေသံ တတ္ထ ဝေဒနာက္ခန္ဓော န နိရုဇ္ဈိဿတိ။ အရူပေ ပရိနိဗ္ဗန္တာနံ အသညသတ္တံ ဥပပဇ္ဇန္တာနံ တေသံ တတ္ထ ရူပက္ခန္ဓော စ န နိရုဇ္ဈတိ ဝေဒနာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈိဿတိ တဿ တတ္ထ ရူပက္ခန္ဓော န နိရုဇ္ဈတီတိ?
ပဉ္စဝေါကာရေ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ဝေဒနာက္ခန္ဓော န နိရုဇ္ဈိဿတိ, နော စ တေသံ တတ္ထ ရူပက္ခန္ဓော န နိရုဇ္ဈတိ။ အရူပေ ပရိနိဗ္ဗန္တာနံ အသညသတ္တံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈိဿတိ ရူပက္ခန္ဓော စ န နိရုဇ္ဈတိ။
၁၄၂. (က) ယဿ ယတ္ထ ဝေဒနာက္ခန္ဓော န နိရုဇ္ဈတိ တဿ တတ္ထ သညာက္ခန္ဓော န နိရုဇ္ဈိဿတီတိ?
စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော န နိရုဇ္ဈတိ, နော စ တေသံ တတ္ထ သညာက္ခန္ဓော န နိရုဇ္ဈိဿတိ။ အသညသတ္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈတိ သညာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ သညာက္ခန္ဓော န နိရုဇ္ဈိဿတိ တဿ တတ္ထ ဝေဒနာက္ခန္ဓော န နိရုဇ္ဈတီတိ?
ပရိနိဗ္ဗန္တာနံ တေသံ တတ္ထ သညာက္ခန္ဓော န နိရုဇ္ဈိဿတိ, နော စ တေသံ တတ္ထ ဝေဒနာက္ခန္ဓော န နိရုဇ္ဈတိ။ အသညသတ္တာနံ တေသံ တတ္ထ သညာက္ခန္ဓော စ န နိရုဇ္ဈိဿတိ ဝေဒနာက္ခန္ဓော စ န နိရုဇ္ဈတိ။
(၆) အတီတာနာဂတဝါရော
(က) အနုလောမပုဂ္ဂလော
၁၄၃. (က) ယဿ ရူပက္ခန္ဓော နိရုဇ္ဈိတ္ထ တဿ ဝေဒနာက္ခန္ဓော နိရုဇ္ဈိဿတီတိ?
ပရိနိဗ္ဗန္တာနံ တေသံ ရူပက္ခန္ဓော နိရုဇ္ဈိတ္ထ, နော စ တေသံ ဝေဒနာက္ခန္ဓော နိရုဇ္ဈိဿတိ။ ဣတရေသံ တေသံ ရူပက္ခန္ဓော စ နိရုဇ္ဈိတ္ထ ဝေဒနာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈိဿတိ တဿ ရူပက္ခန္ဓော နိရုဇ္ဈိတ္ထာတိ? အာမန္တာ။
၁၄၄. (က) ယဿ ဝေဒနာက္ခန္ဓော နိရုဇ္ဈိတ္ထ တဿ သညာက္ခန္ဓော နိရုဇ္ဈိဿတီတိ?
ပရိနိဗ္ဗန္တာနံ တေသံ ဝေဒနာက္ခန္ဓော နိရုဇ္ဈိတ္ထ, နော စ တေသံ သညာက္ခန္ဓော နိရုဇ္ဈိဿတိ။ ဣတရေသံ တေသံ ဝေဒနာက္ခန္ဓော စ နိရုဇ္ဈိတ္ထ သညာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန သညာက္ခန္ဓော နိရုဇ္ဈိဿတိ တဿ ဝေဒနာက္ခန္ဓော နိရုဇ္ဈိတ္ထာတိ? အာမန္တာ။
(ခ) အနုလောမဩကာသော
၁၄၅. ယတ္ထ ရူပက္ခန္ဓော နိရုဇ္ဈိတ္ထ။ပေ.။။
(ဂ) အနုလောမပုဂ္ဂလောကာသာ
၁၄၆. (က) ယဿ ယတ္ထ ရူပက္ခန္ဓော နိရုဇ္ဈိတ္ထ တဿ တတ္ထ ဝေဒနာက္ခန္ဓော နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ အသညသတ္တာနံ တေသံ တတ္ထ ရူပက္ခန္ဓော နိရုဇ္ဈိတ္ထ, နော စ တေသံ တတ္ထ ဝေဒနာက္ခန္ဓော နိရုဇ္ဈိဿတိ။ ဣတရေသံ ပဉ္စဝေါကာရာနံ တေသံ တတ္ထ ရူပက္ခန္ဓော စ နိရုဇ္ဈိတ္ထ ဝေဒနာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈိဿတိ တဿ တတ္ထ ရူပက္ခန္ဓော နိရုဇ္ဈိတ္ထာတိ?
သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ ဝေဒနာက္ခန္ဓော နိရုဇ္ဈိဿတိ, နော စ တေသံ တတ္ထ ရူပက္ခန္ဓော နိရုဇ္ဈိတ္ထ။ ဣတရေသံ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ နိရုဇ္ဈိတ္ထ။
၁၄၇. (က) ယဿ ယတ္ထ ဝေဒနာက္ခန္ဓော နိရုဇ္ဈိတ္ထ တဿ တတ္ထ သညာက္ခန္ဓော နိရုဇ္ဈိဿတီတိ?
ပရိနိဗ္ဗန္တာနံ တေသံ တတ္ထ ဝေဒနာက္ခန္ဓော နိရုဇ္ဈိတ္ထ, နော စ တေသံ တတ္ထ သညာက္ခန္ဓော နိရုဇ္ဈိဿတိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ နိရုဇ္ဈိတ္ထ သညာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ယတ္ထ သညာက္ခန္ဓော နိရုဇ္ဈိဿတိ တဿ တတ္ထ ဝေဒနာက္ခန္ဓော နိရုဇ္ဈိတ္ထာတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ သညာက္ခန္ဓော နိရုဇ္ဈိဿတိ, နော စ တေသံ တတ္ထ ဝေဒနာက္ခန္ဓော နိရုဇ္ဈိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ သညာက္ခန္ဓော စ နိရုဇ္ဈိဿတိ ဝေဒနာက္ခန္ဓော စ နိရုဇ္ဈိတ္ထ။
(ဃ) ပစ္စနီကပုဂ္ဂလော
၁၄၈. (က) ယဿ ရူပက္ခန္ဓော န နိရုဇ္ဈိတ္ထ တဿ ဝေဒနာက္ခန္ဓော န နိရုဇ္ဈိဿတီတိ? နတ္ထိ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈိဿတိ တဿ ရူပက္ခန္ဓော န နိရုဇ္ဈိတ္ထာတိ? နိရုဇ္ဈိတ္ထ။
၁၄၉. (က) ယဿ ဝေဒနာက္ခန္ဓော န နိရုဇ္ဈိတ္ထ တဿ သညာက္ခန္ဓော န နိရုဇ္ဈိဿတီတိ? နတ္ထိ။
(ခ) ယဿ ဝါ ပန သညာက္ခန္ဓော န နိရုဇ္ဈိဿတိ တဿ ဝေဒနာက္ခန္ဓော န နိရုဇ္ဈိတ္ထာတိ? နိရုဇ္ဈိတ္ထ။
(င) ပစ္စနီကဩကာသော
၁၅၀. ယတ္ထ ရူပက္ခန္ဓော န နိရုဇ္ဈိတ္ထ။ပေ.။။
(စ) ပစ္စနီကပုဂ္ဂလောကာသာ
၁၅၁. (က) ယဿ ယတ္ထ ရူပက္ခန္ဓော န နိရုဇ္ဈိတ္ထ တဿ တတ္ထ ဝေဒနာက္ခန္ဓော န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ ရူပက္ခန္ဓော န နိရုဇ္ဈိတ္ထ, နော စ တေသံ တတ္ထ ဝေဒနာက္ခန္ဓော န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ တေသံ တတ္ထ ရူပက္ခန္ဓော စ န နိရုဇ္ဈိတ္ထ, ဝေဒနာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈိဿတိ တဿ တတ္ထ ရူပက္ခန္ဓော န နိရုဇ္ဈိတ္ထာတိ?
ပဉ္စဝေါကာရေ ပရိနိဗ္ဗန္တာနံ အသညသတ္တာနံ တေသံ တတ္ထ ဝေဒနာက္ခန္ဓော န နိရုဇ္ဈိဿတိ, နော စ တေသံ တတ္ထ ရူပက္ခန္ဓော န နိရုဇ္ဈိတ္ထ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈိဿတိ ရူပက္ခန္ဓော စ န နိရုဇ္ဈိတ္ထ။
၁၅၂. (က) ယဿ ယတ္ထ ဝေဒနာက္ခန္ဓော န နိရုဇ္ဈိတ္ထ တဿ တတ္ထ သညာက္ခန္ဓော န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော န နိရုဇ္ဈိတ္ထ, နော စ တေသံ တတ္ထ သညာက္ခန္ဓော န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈိတ္ထ သညာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ သညာက္ခန္ဓော န နိရုဇ္ဈိဿတိ တဿ တတ္ထ ဝေဒနာက္ခန္ဓော န နိရုဇ္ဈိတ္ထာတိ?
ပရိနိဗ္ဗန္တာနံ တေသံ တတ္ထ သညာက္ခန္ဓော န နိရုဇ္ဈိဿတိ, နော စ တေသံ တတ္ထ ဝေဒနာက္ခန္ဓော န နိရုဇ္ဈိတ္ထ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ တေသံ တတ္ထ သညာက္ခန္ဓော စ န နိရုဇ္ဈိဿတိ ဝေဒနာက္ခန္ဓော စ န နိရုဇ္ဈိတ္ထ။
နိရောဓဝါရော။
၃. ဥပ္ပါဒနိရောဓဝါရော
(၁) ပစ္စုပ္ပန္နဝါရော
(က) အနုလောမပုဂ္ဂလော
၁၅၃. (က) ယဿ ရူပက္ခန္ဓော ဥပ္ပဇ္ဇတိ တဿ ဝေဒနာက္ခန္ဓော နိရုဇ္ဈတီတိ? နော။
(ခ) ယဿ ဝါ ပန ဝေဒနာက္ခန္ဓော နိရုဇ္ဈတိ တဿ ရူပက္ခန္ဓော ဥပ္ပဇ္ဇတီတိ? နော။
၁၅၄. (က) ယဿ ဝေဒနာက္ခန္ဓော ဥပ္ပဇ္ဇတိ တဿ သညာက္ခန္ဓော နိရုဇ္ဈတီတိ? နော။
(ခ) ယဿ ဝါ ပန သညာက္ခန္ဓော နိရုဇ္ဈတိ တဿ ဝေဒနာက္ခန္ဓော ဥပ္ပဇ္ဇတီတိ? နော။
(ခ) အနုလောမဩကာသော
၁၅၅. (က) ယတ္ထ ရူပက္ခန္ဓော ဥပ္ပဇ္ဇတိ တတ္ထ ဝေဒနာက္ခန္ဓော နိရုဇ္ဈတီတိ?
အသညသတ္တေ တတ္ထ ရူပက္ခန္ဓော ဥပ္ပဇ္ဇတိ, နော စ တတ္ထ ဝေဒနာက္ခန္ဓော နိရုဇ္ဈတိ။ ပဉ္စဝေါကာရေ တတ္ထ ရူပက္ခန္ဓော စ ဥပ္ပဇ္ဇတိ ဝေဒနာက္ခန္ဓော စ နိရုဇ္ဈတိ။
(ခ) ယတ္ထ ဝါ ပန ဝေဒနာက္ခန္ဓော နိရုဇ္ဈတိ တတ္ထ ရူပက္ခန္ဓော ဥပ္ပဇ္ဇတီတိ?
အရူပေ တတ္ထ ဝေဒနာက္ခန္ဓော နိရုဇ္ဈတိ, နော စ တတ္ထ ရူပက္ခန္ဓော ဥပ္ပဇ္ဇတိ။ ပဉ္စဝေါကာရေ တတ္ထ ဝေဒနာက္ခန္ဓော စ နိရုဇ္ဈတိ ရူပက္ခန္ဓော စ ဥပ္ပဇ္ဇတိ။
၁၅၆. (က) ယတ္ထ ဝေဒနာက္ခန္ဓော ဥပ္ပဇ္ဇတိ တတ္ထ သညာက္ခန္ဓော နိရုဇ္ဈတီတိ? အာမန္တာ။
(ခ) ယတ္ထ ဝါ ပန သညာက္ခန္ဓော နိရုဇ္ဈတိ တတ္ထ ဝေဒနာက္ခန္ဓော ဥပ္ပဇ္ဇတီတိ? အာမန္တာ။
(ဂ) အနုလောမပုဂ္ဂလောကာသာ
၁၅၇. (က) ယဿ ယတ္ထ ရူပက္ခန္ဓော ဥပ္ပဇ္ဇတိ တဿ တတ္ထ ဝေဒနာက္ခန္ဓော နိရုဇ္ဈတီတိ? နော။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈတိ တဿ တတ္ထ ရူပက္ခန္ဓော ဥပ္ပဇ္ဇတီတိ? နော။
၁၅၈. (က) ယဿ ယတ္ထ ဝေဒနာက္ခန္ဓော ဥပ္ပဇ္ဇတိ တဿ တတ္ထ သညာက္ခန္ဓော နိရုဇ္ဈတီတိ? နော။
(ခ) ယဿ ဝါ ပန ယတ္ထ သညာက္ခန္ဓော နိရုဇ္ဈတိ တဿ တတ္ထ ဝေဒနာက္ခန္ဓော ဥပ္ပဇ္ဇတီတိ? နော။
(ဃ) ပစ္စနီကပုဂ္ဂလော
၁၅၉. (က) ယဿ ရူပက္ခန္ဓော နုပ္ပဇ္ဇတိ တဿ ဝေဒနာက္ခန္ဓော န နိရုဇ္ဈတီတိ?
စတုဝေါကာရာ ပဉ္စဝေါကာရာ စဝန္တာနံ တေသံ ရူပက္ခန္ဓော နုပ္ပဇ္ဇတိ, နော စ တေသံ ဝေဒနာက္ခန္ဓော န နိရုဇ္ဈတိ။ အရူပံ ဥပပဇ္ဇန္တာနံ အသညသတ္တာ စဝန္တာနံ တေသံ ရူပက္ခန္ဓော စ နုပ္ပဇ္ဇတိ ဝေဒနာက္ခန္ဓော စ န နိရုဇ္ဈတိ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈတိ တဿ ရူပက္ခန္ဓော နုပ္ပဇ္ဇတီတိ?
ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ ဝေဒနာက္ခန္ဓော န နိရုဇ္ဈတိ, နော စ တေသံ ရူပက္ခန္ဓော နုပ္ပဇ္ဇတိ။ အရူပံ ဥပပဇ္ဇန္တာနံ အသညသတ္တာ စဝန္တာနံ တေသံ ဝေဒနာက္ခန္ဓော စ န နိရုဇ္ဈတိ ရူပက္ခန္ဓော စ နုပ္ပဇ္ဇတိ။
၁၆၀. (က) ယဿ ဝေဒနာက္ခန္ဓော နုပ္ပဇ္ဇတိ တဿ သညာက္ခန္ဓော န နိရုဇ္ဈတီတိ?
စတုဝေါကာရာ ပဉ္စဝေါကာရာ စဝန္တာနံ တေသံ ဝေဒနာက္ခန္ဓော နုပ္ပဇ္ဇတိ, နော စ တေသံ သညာက္ခန္ဓော န နိရုဇ္ဈတိ။ အသညသတ္တာနံ တေသံ ဝေဒနာက္ခန္ဓော စ နုပ္ပဇ္ဇတိ သညာက္ခန္ဓော စ န နိရုဇ္ဈတိ။
(ခ) ယဿ ဝါ ပန သညာက္ခန္ဓော န နိရုဇ္ဈတိ တဿ ဝေဒနာက္ခန္ဓော နုပ္ပဇ္ဇတီတိ?
စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ သညာက္ခန္ဓော န နိရုဇ္ဈတိ, နော စ တေသံ ဝေဒနာက္ခန္ဓော နုပ္ပဇ္ဇတိ။ အသညသတ္တာနံ တေသံ သညာက္ခန္ဓော စ န နိရုဇ္ဈတိ ဝေဒနာက္ခန္ဓော စ နုပ္ပဇ္ဇတိ။
(င) ပစ္စနီကဩကာသော
၁၆၁. (က) ယတ္ထ ရူပက္ခန္ဓော နုပ္ပဇ္ဇတိ တတ္ထ ဝေဒနာက္ခန္ဓော န နိရုဇ္ဈတီတိ? နိရုဇ္ဈတိ။
(ခ) ယတ္ထ ဝါ ပန ဝေဒနာက္ခန္ဓော န နိရုဇ္ဈတိ တတ္ထ ရူပက္ခန္ဓော နုပ္ပဇ္ဇတီတိ? ဥပ္ပဇ္ဇတိ။
၁၆၂. (က) ယတ္ထ ဝေဒနာက္ခန္ဓော နုပ္ပဇ္ဇတိ တတ္ထ သညာက္ခန္ဓော န နိရုဇ္ဈတီတိ? အာမန္တာ။
(ခ) ယတ္ထ ဝါ ပန သညာက္ခန္ဓော န နိရုဇ္ဈတိ တတ္ထ ဝေဒနာက္ခန္ဓော နုပ္ပဇ္ဇတီတိ? အာမန္တာ။
(စ) ပစ္စနီကပုဂ္ဂလောကာသာ
၁၆၃. (က) ယဿ ယတ္ထ ရူပက္ခန္ဓော နုပ္ပဇ္ဇတိ တဿ တတ္ထ ဝေဒနာက္ခန္ဓော န နိရုဇ္ဈတီတိ?
စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ ရူပက္ခန္ဓော နုပ္ပဇ္ဇတိ, နော စ တေသံ တတ္ထ ဝေဒနာက္ခန္ဓော န နိရုဇ္ဈတိ။ အရူပံ ဥပပဇ္ဇန္တာနံ အသညသတ္တာ စဝန္တာနံ တေသံ တတ္ထ ရူပက္ခန္ဓော နုပ္ပဇ္ဇတိ ဝေဒနာက္ခန္ဓော စ န နိရုဇ္ဈတိ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈတိ တဿ တတ္ထ ရူပက္ခန္ဓော နုပ္ပဇ္ဇတီတိ ?
ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော န နိရုဇ္ဈတိ, နော စ တေသံ တတ္ထ ရူပက္ခန္ဓော နုပ္ပဇ္ဇတိ။ အရူပံ ဥပပဇ္ဇန္တာနံ အသညသတ္တာ စဝန္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈတိ ရူပက္ခန္ဓော စ နုပ္ပဇ္ဇတိ။
၁၆၄. (က) ယဿ ယတ္ထ ဝေဒနာက္ခန္ဓော နုပ္ပဇ္ဇတိ တဿ တတ္ထ သညာက္ခန္ဓော န နိရုဇ္ဈတီတိ?
စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇတိ, နော စ တေသံ တတ္ထ သညာက္ခန္ဓော န နိရုဇ္ဈတိ။ အသညသတ္တာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇတိ သညာက္ခန္ဓော စ န နိရုဇ္ဈတိ။
(ခ) ယဿ ဝါ ပန ယတ္ထ သညာက္ခန္ဓော န နိရုဇ္ဈတိ တဿ တတ္ထ ဝေဒနာက္ခန္ဓော နုပ္ပဇ္ဇတီတိ?
စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ တတ္ထ သညာက္ခန္ဓော န နိရုဇ္ဈတိ, နော စ တေသံ တတ္ထ ဝေဒနာက္ခန္ဓော နုပ္ပဇ္ဇတိ။ အသညသတ္တာနံ တေသံ တတ္ထ သညာက္ခန္ဓော စ န နိရုဇ္ဈတိ ဝေဒနာက္ခန္ဓော စ နုပ္ပဇ္ဇတိ။
(၂) အတီတဝါရော
(က) အနုလောမပုဂ္ဂလော
၁၆၅. (က) ယဿ ရူပက္ခန္ဓော ဥပ္ပဇ္ဇိတ္ထ တဿ ဝေဒနာက္ခန္ဓော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈိတ္ထ တဿ ရူပက္ခန္ဓော ဥပ္ပဇ္ဇိတ္ထာတိ? အာမန္တာ။
၁၆၆. (က) ယဿ ဝေဒနာက္ခန္ဓော ဥပ္ပဇ္ဇိတ္ထ တဿ သညာက္ခန္ဓော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန သညာက္ခန္ဓော နိရုဇ္ဈိတ္ထ တဿ ဝေဒနာက္ခန္ဓော ဥပ္ပဇ္ဇိတ္ထာတိ? အာမန္တာ။
(ခ) အနုလောမဩကာသော
၁၆၇. ယတ္ထ ရူပက္ခန္ဓော ဥပ္ပဇ္ဇိတ္ထ။ပေ.။။
(ဂ) အနုလောမပုဂ္ဂလောကာသာ
၁၆၈. (က) ယဿ ယတ္ထ ရူပက္ခန္ဓော ဥပ္ပဇ္ဇိတ္ထ တဿ တတ္ထ ဝေဒနာက္ခန္ဓော နိရုဇ္ဈိတ္ထာတိ?
အသညသတ္တာနံ တေသံ တတ္ထ ရူပက္ခန္ဓော ဥပ္ပဇ္ဇိတ္ထ, နော စ တေသံ တတ္ထ ဝေဒနာက္ခန္ဓော နိရုဇ္ဈိတ္ထ။ ပဉ္စဝေါကာရာနံ တေသံ တတ္ထ ရူပက္ခန္ဓော စ ဥပ္ပဇ္ဇိတ္ထ ဝေဒနာက္ခန္ဓော စ နိရုဇ္ဈိတ္ထ။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈိတ္ထ တဿ တတ္ထ ရူပက္ခန္ဓော ဥပ္ပဇ္ဇိတ္ထာတိ?
အရူပါနံ တေသံ တတ္ထ ဝေဒနာက္ခန္ဓော နိရုဇ္ဈိတ္ထ, နော စ တေသံ တတ္ထ ရူပက္ခန္ဓော ဥပ္ပဇ္ဇိတ္ထ။ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ နိရုဇ္ဈိတ္ထ ရူပက္ခန္ဓော စ ဥပ္ပဇ္ဇိတ္ထ။
၁၆၉. (က) ယဿ ယတ္ထ ဝေဒနာက္ခန္ဓော ဥပ္ပဇ္ဇိတ္ထ တဿ တတ္ထ သညာက္ခန္ဓော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ သညာက္ခန္ဓော နိရုဇ္ဈိတ္ထ တဿ တတ္ထ ဝေဒနာက္ခန္ဓော ဥပ္ပဇ္ဇိတ္ထာတိ? အာမန္တာ။
(ဃ) ပစ္စနီကပုဂ္ဂလော
၁၇၀. (က) ယဿ ရူပက္ခန္ဓော နုပ္ပဇ္ဇိတ္ထ တဿ ဝေဒနာက္ခန္ဓော န နိရုဇ္ဈိတ္ထာတိ? နတ္ထိ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈိတ္ထ တဿ ရူပက္ခန္ဓော နုပ္ပဇ္ဇိတ္ထာတိ? နတ္ထိ။
၁၇၁. (က) ယဿ ဝေဒနာက္ခန္ဓော နုပ္ပဇ္ဇိတ္ထ တဿ သညာက္ခန္ဓော န နိရုဇ္ဈိတ္ထာတိ? နတ္ထိ။
(ခ) ယဿ ဝါ ပန သညာက္ခန္ဓော န နိရုဇ္ဈိတ္ထ တဿ ဝေဒနာက္ခန္ဓော နုပ္ပဇ္ဇိတ္ထာတိ? နတ္ထိ။
(င) ပစ္စနီကဩကာသော
၁၇၂. ယတ္ထ ရူပက္ခန္ဓော နုပ္ပဇ္ဇိတ္ထ။ပေ.။။
(စ) ပစ္စနီကပုဂ္ဂလောကာသာ
၁၇၃. (က) ယဿ ယတ္ထ ရူပက္ခန္ဓော နုပ္ပဇ္ဇိတ္ထ တဿ တတ္ထ ဝေဒနာက္ခန္ဓော န နိရုဇ္ဈိတ္ထာတိ?
အရူပါနံ တေသံ တတ္ထ ရူပက္ခန္ဓော နုပ္ပဇ္ဇိတ္ထ, နော စ တေသံ တတ္ထ ဝေဒနာက္ခန္ဓော န နိရုဇ္ဈိတ္ထ။ သုဒ္ဓါဝါသာနံ တေသံ တတ္ထ ရူပက္ခန္ဓော စ နုပ္ပဇ္ဇိတ္ထ ဝေဒနာက္ခန္ဓော စ န နိရုဇ္ဈိတ္ထ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈိတ္ထ တဿ တတ္ထ ရူပက္ခန္ဓော နုပ္ပဇ္ဇိတ္ထာတိ?
အသညသတ္တာနံ တေသံ တတ္ထ ဝေဒနာက္ခန္ဓော န နိရုဇ္ဈိတ္ထ, နော စ တေသံ တတ္ထ ရူပက္ခန္ဓော နုပ္ပဇ္ဇိတ္ထ။ သုဒ္ဓါဝါသာနံ တေသံ တတ္ထ ဝေဒနာက္ခန္ဓော စ န နိရုဇ္ဈိတ္ထ ရူပက္ခန္ဓော စ နုပ္ပဇ္ဇိတ္ထ။
၁၇၄. (က) ယဿ ယတ္ထ ဝေဒနာက္ခန္ဓော နုပ္ပဇ္ဇိတ္ထ တဿ တတ္ထ သညာက္ခန္ဓော န နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ယတ္ထ သညာက္ခန္ဓော န နိရုဇ္ဈိတ္ထ တဿ တတ္ထ ဝေဒနာက္ခန္ဓော နုပ္ပဇ္ဇိတ္ထာတိ? အာမန္တာ။
(၃) အနာဂတဝါရော
(က) အနုလောမပုဂ္ဂလော
၁၇၅. (က) ယဿ ရူပက္ခန္ဓော ဥပ္ပဇ္ဇိဿတိ တဿ ဝေဒနာက္ခန္ဓော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈိဿတိ တဿ ရူပက္ခန္ဓော ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ဝေဒနာက္ခန္ဓော နိရုဇ္ဈိဿတိ, နော စ တေသံ ရူပက္ခန္ဓော ဥပ္ပဇ္ဇိဿတိ။ ဣတရေသံ တေသံ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ ဥပ္ပဇ္ဇိဿတိ။
၁၇၆. (က) ယဿ ဝေဒနာက္ခန္ဓော ဥပ္ပဇ္ဇိဿတိ တဿ သညာက္ခန္ဓော နိရုဇ္ဈိဿတီတိ? အာမန္တာ။
(ခ) ယဿ ဝါ ပန သညာက္ခန္ဓော နိရုဇ္ဈိဿတိ တဿ ဝေဒနာက္ခန္ဓော ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ သညာက္ခန္ဓော နိရုဇ္ဈိဿတိ, နော စ တေသံ ဝေဒနာက္ခန္ဓော ဥပ္ပဇ္ဇိဿတိ။ ဣတရေသံ တေသံ သညာက္ခန္ဓော စ နိရုဇ္ဈိဿတိ ဝေဒနာက္ခန္ဓော စ ဥပ္ပဇ္ဇိဿတိ။
(ခ) အနုလောမဩကာသော
၁၇၇. ယတ္ထ ရူပက္ခန္ဓော ဥပ္ပဇ္ဇိဿတိ။ပေ.။။
(ဂ) အနုလောမပုဂ္ဂလောကာသာ
၁၇၈. (က) ယဿ ယတ္ထ ရူပက္ခန္ဓော ဥပ္ပဇ္ဇိဿတိ တဿ တတ္ထ ဝေဒနာက္ခန္ဓော နိရုဇ္ဈိဿတီတိ?
အသညသတ္တာနံ တေသံ တတ္ထ ရူပက္ခန္ဓော ဥပ္ပဇ္ဇိဿတိ, နော စ တေသံ တတ္ထ ဝေဒနာက္ခန္ဓော နိရုဇ္ဈိဿတိ။ ပဉ္စဝေါကာရာနံ တေသံ တတ္ထ ရူပက္ခန္ဓော စ ဥပ္ပဇ္ဇိဿတိ ဝေဒနာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈိဿတိ တဿ တတ္ထ ရူပက္ခန္ဓော ဥပ္ပဇ္ဇိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ဝေဒနာက္ခန္ဓော နိရုဇ္ဈိဿတိ, နော စ တေသံ တတ္ထ ရူပက္ခန္ဓော ဥပ္ပဇ္ဇိဿတိ။ ဣတရေသံ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ ဥပ္ပဇ္ဇိဿတိ။
၁၇၉. (က) ယဿ ယတ္ထ ဝေဒနာက္ခန္ဓော ဥပ္ပဇ္ဇိဿတိ တဿ တတ္ထ သညာက္ခန္ဓော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ သညာက္ခန္ဓော နိရုဇ္ဈိဿတိ တဿ တတ္ထ ဝေဒနာက္ခန္ဓော ဥပ္ပဇ္ဇိဿတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ တတ္ထ သညာက္ခန္ဓော နိရုဇ္ဈိဿတိ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇိဿတိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ သညာက္ခန္ဓော စ နိရုဇ္ဈိဿတိ ဝေဒနာက္ခန္ဓော စ ဥပ္ပဇ္ဇိဿတိ။
(ဃ) ပစ္စနီကပုဂ္ဂလော
၁၈၀. (က) ယဿ ရူပက္ခန္ဓော နုပ္ပဇ္ဇိဿတိ တဿ ဝေဒနာက္ခန္ဓော န နိရုဇ္ဈိဿတီတိ?
ပစ္ဆိမဘဝိကာနံ ဥပပဇ္ဇန္တာနံ ယေ စ အရူပံ ဥပပဇ္ဇိတွာ ပရိနိဗ္ဗာယိဿန္တိ တေသံ ရူပက္ခန္ဓော နုပ္ပဇ္ဇိဿတိ, နော စ တေသံ ဝေဒနာက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ တေသံ ရူပက္ခန္ဓော စ နုပ္ပဇ္ဇိဿတိ ဝေဒနာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈိဿတိ တဿ ရူပက္ခန္ဓော နုပ္ပဇ္ဇိဿတီတိ? အာမန္တာ။
၁၈၁. (က) ယဿ ဝေဒနာက္ခန္ဓော နုပ္ပဇ္ဇိဿတိ တဿ သညာက္ခန္ဓော န နိရုဇ္ဈိဿတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ ဝေဒနာက္ခန္ဓော နုပ္ပဇ္ဇိဿတိ, နော စ တေသံ သညာက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ တေသံ ဝေဒနာက္ခန္ဓော စ နုပ္ပဇ္ဇိဿတိ သညာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန သညာက္ခန္ဓော န နိရုဇ္ဈိဿတိ တဿ ဝေဒနာက္ခန္ဓော နုပ္ပဇ္ဇိဿတီတိ? အာမန္တာ။
(င) ပစ္စနီကဩကာသော
၁၈၂. ယတ္ထ ရူပက္ခန္ဓော နုပ္ပဇ္ဇိဿတိ။ပေ.။။
(စ) ပစ္စနီကပုဂ္ဂလောကာသာ
၁၈၃. (က) ယဿ ယတ္ထ ရူပက္ခန္ဓော နုပ္ပဇ္ဇိဿတိ တဿ တတ္ထ ဝေဒနာက္ခန္ဓော န နိရုဇ္ဈိဿတီတိ?
ပစ္ဆိမဘဝိကာနံ ပဉ္စဝေါကာရံ ဥပပဇ္ဇန္တာနံ အရူပါနံ တေသံ တတ္ထ ရူပက္ခန္ဓော နုပ္ပဇ္ဇိဿတိ, နော စ တေသံ တတ္ထ ဝေဒနာက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ တေသံ တတ္ထ ရူပက္ခန္ဓော စ နုပ္ပဇ္ဇိဿတိ ဝေဒနာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈိဿတိ တဿ တတ္ထ ရူပက္ခန္ဓော နုပ္ပဇ္ဇိဿတီတိ?
အသညသတ္တာနံ တေသံ တတ္ထ ဝေဒနာက္ခန္ဓော န နိရုဇ္ဈိဿတိ, နော စ တေသံ တတ္ထ ရူပက္ခန္ဓော နုပ္ပဇ္ဇိဿတိ။ ပရိနိဗ္ဗန္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈိဿတိ ရူပက္ခန္ဓော စ နုပ္ပဇ္ဇိဿတိ။
၁၈၄. (က) ယဿ ယတ္ထ ဝေဒနာက္ခန္ဓော နုပ္ပဇ္ဇိဿတိ တဿ တတ္ထ သညာက္ခန္ဓော န နိရုဇ္ဈိဿတီတိ?
ပစ္ဆိမဘဝိကာနံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇိဿတိ, နော စ တေသံ တတ္ထ သညာက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ အသညသတ္တာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇိဿတိ သညာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ သညာက္ခန္ဓော န နိရုဇ္ဈိဿတိ တဿ တတ္ထ ဝေဒနာက္ခန္ဓော နုပ္ပဇ္ဇိဿတီတိ? အာမန္တာ။
(၄) ပစ္စုပ္ပန္နာတီတဝါရော
(က) အနုလောမပုဂ္ဂလော
၁၈၅. (က) ယဿ ရူပက္ခန္ဓော ဥပ္ပဇ္ဇတိ တဿ ဝဒနာက္ခန္ဓော နိရုဇ္ဈိတ္ထာတိ? အာမန္တာ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈိတ္ထ တဿ ရူပက္ခန္ဓော ဥပ္ပဇ္ဇတီတိ?
သဗ္ဗေသံ စဝန္တာနံ အရူပံ ဥပပဇ္ဇန္တာနံ တေသံ ဝေဒနာက္ခန္ဓော နိရုဇ္ဈိတ္ထ, နော စ တေသံ ရူပက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ ဝေဒနာက္ခန္ဓော စ နိရုဇ္ဈိတ္ထ ရူပက္ခန္ဓော စ ဥပ္ပဇ္ဇတိ။ပေ.။။
(ယထာ ဥပ္ပါဒဝါရေ ပစ္စုပ္ပန္နာတီတံ ဝိဘတ္တံ တထာ ဣဓ ဝိဘဇိတဗ္ဗံ)။
(၅) ပစ္စုပ္ပန္နာနာဂတဝါရော
(က) အနုလောမပုဂ္ဂလော
၁၈၆. (က) ယဿ ရူပက္ခန္ဓော ဥပ္ပဇ္ဇတိ တဿ ဝေဒနာက္ခန္ဓော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈိဿတိ တဿ ရူပက္ခန္ဓော ဥပ္ပဇ္ဇတီတိ?
သဗ္ဗေသံ စဝန္တာနံ အရူပံ ဥပပဇ္ဇန္တာနံ တေသံ ဝေဒနာက္ခန္ဓော နိရုဇ္ဈိဿတိ, နော စ တေသံ ရူပက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ အသညသတ္တံ ဥပပဇ္ဇန္တာနံ တေသံ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ ဥပ္ပဇ္ဇတိ။
၁၈၇. (က) ယဿ ဝေဒနာက္ခန္ဓော ဥပ္ပဇ္ဇတိ တဿ သညာက္ခန္ဓော နိရုဇ္ဈိဿတီတိ? အာမန္တာ။
(ခ) ယဿ ဝါ ပန သညာက္ခန္ဓော နိရုဇ္ဈိဿတိ တဿ ဝေဒနာက္ခန္ဓော ဥပ္ပဇ္ဇတီတိ?
သဗ္ဗေသံ စဝန္တာနံ အသညသတ္တံ ဥပပဇ္ဇန္တာနံ တေသံ သညာက္ခန္ဓော နိရုဇ္ဈိဿတိ, နော စ တေသံ ဝေဒနာက္ခန္ဓော ဥပ္ပဇ္ဇတိ။ စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ သညာက္ခန္ဓော စ နိရုဇ္ဈိဿတိ ဝေဒနာက္ခန္ဓော စ ဥပ္ပဇ္ဇတိ။
(ခ) အနုလောမဩကာသော
၁၈၈. ယတ္ထ ရူပက္ခန္ဓော ဥပ္ပဇ္ဇတိ။ပေ.။။
(ဂ) အနုလောမပုဂ္ဂလောကာသာ
၁၈၉. (က) ယဿ ယတ္ထ ရူပက္ခန္ဓော ဥပ္ပဇ္ဇတိ တဿ တတ္ထ ဝေဒနာက္ခန္ဓော နိရုဇ္ဈိဿတီတိ?
အသညသတ္တံ ဥပပဇ္ဇန္တာနံ တေသံ တတ္ထ ရူပက္ခန္ဓော ဥပ္ပဇ္ဇတိ, နော စ တေသံ တတ္ထ ဝေဒနာက္ခန္ဓော နိရုဇ္ဈိဿတိ။ ပဉ္စဝေါကာရံ ဥပပဇ္ဇန္တာနံ တေသံ တတ္ထ ရူပက္ခန္ဓော စ ဥပ္ပဇ္ဇတိ ဝေဒနာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈိဿတိ တဿ တတ္ထ ရူပက္ခန္ဓော ဥပ္ပဇ္ဇတီတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ ဝေဒနာက္ခန္ဓော နိရုဇ္ဈိဿတိ, နော စ တေသံ တတ္ထ ရူပက္ခန္ဓော ဥပ္ပဇ္ဇတိ။ ပဉ္စဝေါကာရံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ ဥပ္ပဇ္ဇတိ။
၁၉၀. (က) ယဿ ယတ္ထ ဝေဒနာက္ခန္ဓော ဥပ္ပဇ္ဇတိ တဿ တတ္ထ သညာက္ခန္ဓော နိရုဇ္ဈိဿတီတိ? အာမန္တာ။
(ခ) ယဿ ဝါ ပန ယတ္ထ သညာက္ခန္ဓော နိရုဇ္ဈိဿတိ တဿ တတ္ထ ဝေဒနာက္ခန္ဓော ဥပ္ပဇ္ဇတီတိ?
စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ သညာက္ခန္ဓော နိရုဇ္ဈိဿတိ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇတိ။ စတုဝေါကာရံ ပဉ္စဝေါကာရံ ဥပပဇ္ဇန္တာနံ တေသံ တတ္ထ သညာက္ခန္ဓော စ နိရုဇ္ဈိဿတိ ဝေဒနာက္ခန္ဓော စ ဥပ္ပဇ္ဇတိ။
(ဃ) ပစ္စနီကပုဂ္ဂလော
၁၉၁. (က) ယဿ ရူပက္ခန္ဓော နုပ္ပဇ္ဇတိ တဿ ဝေဒနာက္ခန္ဓော န နိရုဇ္ဈိဿတီတိ?
သဗ္ဗေသံ စဝန္တာနံ အရူပံ ဥပပဇ္ဇန္တာနံ တေသံ ရူပက္ခန္ဓော နုပ္ပဇ္ဇတိ, နော စ တေသံ ဝေဒနာက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ တေသံ ရူပက္ခန္ဓော စ နုပ္ပဇ္ဇတိ ဝေဒနာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈိဿတိ တဿ ရူပက္ခန္ဓော နုပ္ပဇ္ဇတီတိ? အာမန္တာ။
၁၉၂. (က) ယဿ ဝေဒနာက္ခန္ဓော နုပ္ပဇ္ဇတိ တဿ သညာက္ခန္ဓော န နိရုဇ္ဈိဿတီတိ?
သဗ္ဗေသံ စဝန္တာနံ အသညသတ္တံ ဥပပဇ္ဇန္တာနံ တေသံ ဝေဒနာက္ခန္ဓော နုပ္ပဇ္ဇတိ, နော စ တေသံ သညာက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ တေသံ ဝေဒနာက္ခန္ဓော စ နုပ္ပဇ္ဇတိ သညာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန သညာက္ခန္ဓော န နိရုဇ္ဈိဿတိ တဿ ဝေဒနာက္ခန္ဓော နုပ္ပဇ္ဇတီတိ? အာမန္တာ။
(င) ပစ္စနီကဩကာသော
၁၉၃. ယတ္ထ ရူပက္ခန္ဓော နုပ္ပဇ္ဇတိ။ပေ.။။
(စ) ပစ္စနီကပုဂ္ဂလောကာသာ
၁၉၄. (က) ယဿ ယတ္ထ ရူပက္ခန္ဓော နုပ္ပဇ္ဇတိ တဿ တတ္ထ ဝေဒနာက္ခန္ဓော န နိရုဇ္ဈိဿတီတိ?
ပဉ္စဝေါကာရာ စဝန္တာနံ အရူပါနံ တေသံ တတ္ထ ရူပက္ခန္ဓော နုပ္ပဇ္ဇတိ, နော စ တေသံ တတ္ထ ဝေဒနာက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ရူပက္ခန္ဓော စ နုပ္ပဇ္ဇတိ ဝေဒနာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈိဿတိ တဿ တတ္ထ ရူပက္ခန္ဓော နုပ္ပဇ္ဇတီတိ?
အသညသတ္တံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော န နိရုဇ္ဈိဿတိ, နော စ တေသံ တတ္ထ ရူပက္ခန္ဓော နုပ္ပဇ္ဇတိ။ ပရိနိဗ္ဗန္တာနံ အသညသတ္တာ စဝန္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈိဿတိ ရူပက္ခန္ဓော စ နုပ္ပဇ္ဇတိ။
၁၉၅. (က) ယဿ ယတ္ထ ဝေဒနာက္ခန္ဓော နုပ္ပဇ္ဇတိ တဿ တတ္ထ သညာက္ခန္ဓော န နိရုဇ္ဈိဿတီတိ?
စတုဝေါကာရာ ပဉ္စဝေါကာရာ စဝန္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇတိ, နော စ တေသံ တတ္ထ သညာက္ခန္ဓော န နိရုဇ္ဈိဿတိ။ ပရိနိဗ္ဗန္တာနံ အသညသတ္တာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇတိ သညာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ သညာက္ခန္ဓော န နိရုဇ္ဈိဿတိ တဿ တတ္ထ ဝေဒနာက္ခန္ဓော နုပ္ပဇ္ဇတီတိ? အာမန္တာ။
(၆) အတီတာနာဂတဝါရော
(က) အနုလောမပုဂ္ဂလော
၁၉၆. (က) ယဿ ရူပက္ခန္ဓော ဥပ္ပဇ္ဇိတ္ထ တဿ ဝေဒနာက္ခန္ဓော နိရုဇ္ဈိဿတီတိ?
ပရိနိဗ္ဗန္တာနံ တေသံ ရူပက္ခန္ဓော ဥပ္ပဇ္ဇိတ္ထ, နော စ တေသံ ဝေဒနာက္ခန္ဓော နိရုဇ္ဈိဿတိ။ ဣတရေသံ တေသံ ရူပက္ခန္ဓော စ ဥပ္ပဇ္ဇိတ္ထ ဝေဒနာက္ခန္ဓော စ နိရုဇ္ဈိဿတိ ။
(ခ) ယဿ ဝါ ပန ဝေဒနာက္ခန္ဓော နိရုဇ္ဈိဿတိ တဿ ရူပက္ခန္ဓော ဥပ္ပဇ္ဇိတ္ထာတိ? အာမန္တာ။
၁၉၇. (က) ယဿ ဝေဒနာက္ခန္ဓော ဥပ္ပဇ္ဇိတ္ထ တဿ သညာက္ခန္ဓော နိရုဇ္ဈိဿတီတိ?
ပရိနိဗ္ဗန္တာနံ တေသံ ဝေဒနာက္ခန္ဓော ဥပ္ပဇ္ဇိတ္ထ, နော စ တေသံ သညာက္ခန္ဓော နိရုဇ္ဈိဿတိ။ ဣတရေသံ တေသံ ဝေဒနာက္ခန္ဓော စ ဥပ္ပဇ္ဇိတ္ထ သညာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန သညာက္ခန္ဓော နိရုဇ္ဈိဿတိ တဿ ဝေဒနာက္ခန္ဓော ဥပ္ပဇ္ဇိတ္ထာတိ? အာမန္တာ။
(ခ) အနုလောမဩကာသော
၁၉၈. ယတ္ထ ရူပက္ခန္ဓော ဥပ္ပဇ္ဇိတ္ထ။ပေ.။။
(ဂ) အနုလောမပုဂ္ဂလောကာသာ
၁၉၉. (က) ယဿ ယတ္ထ ရူပက္ခန္ဓော ဥပ္ပဇ္ဇိတ္ထ တဿ တတ္ထ ဝေဒနာက္ခန္ဓော နိရုဇ္ဈိဿတီတိ?
ပဉ္စဝေါကာရေ ပရိနိဗ္ဗန္တာနံ အသညသတ္တာနံ တေသံ တတ္ထ ရူပက္ခန္ဓော ဥပ္ပဇ္ဇိတ္ထ, နော စ တေသံ တတ္ထ ဝေဒနာက္ခန္ဓော နိရုဇ္ဈိဿတိ။ ဣတရေသံ ပဉ္စဝေါကာရာနံ တေသံ တတ္ထ ရူပက္ခန္ဓော စ ဥပ္ပဇ္ဇိတ္ထ ဝေဒနာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော နိရုဇ္ဈိဿတိ တဿ တတ္ထ ရူပက္ခန္ဓော ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ ဝေဒနာက္ခန္ဓော နိရုဇ္ဈိဿတိ, နော စ တေသံ တတ္ထ ရူပက္ခန္ဓော ဥပ္ပဇ္ဇိတ္ထ။ ဣတရေသံ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ နိရုဇ္ဈိဿတိ ရူပက္ခန္ဓော စ ဥပ္ပဇ္ဇိတ္ထ။
၂၀၀. (က) ယဿ ယတ္ထ ဝေဒနာက္ခန္ဓော ဥပ္ပဇ္ဇိတ္ထ တဿ တတ္ထ သညာက္ခန္ဓော နိရုဇ္ဈိဿတီတိ?
ပရိနိဗ္ဗန္တာနံ တေသံ တတ္ထ ဝေဒနာက္ခန္ဓော ဥပ္ပဇ္ဇိတ္ထ, နော စ တေသံ တတ္ထ သညာက္ခန္ဓော နိရုဇ္ဈိဿတိ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ ဝေဒနာက္ခန္ဓော စ ဥပ္ပဇ္ဇိတ္ထ သညာက္ခန္ဓော စ နိရုဇ္ဈိဿတိ။
(ခ) ယဿ ဝါ ပန ယတ္ထ သညာက္ခန္ဓော နိရုဇ္ဈိဿတိ တဿ တတ္ထ ဝေဒနာက္ခန္ဓော ဥပ္ပဇ္ဇိတ္ထာတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ သညာက္ခန္ဓော နိရုဇ္ဈိဿတိ, နော စ တေသံ တတ္ထ ဝေဒနာက္ခန္ဓော ဥပ္ပဇ္ဇိတ္ထ။ ဣတရေသံ စတုဝေါကာရာနံ ပဉ္စဝေါကာရာနံ တေသံ တတ္ထ သညာက္ခန္ဓော စ နိရုဇ္ဈိဿတိ ဝေဒနာက္ခန္ဓော စ ဥပ္ပဇ္ဇိတ္ထ။
(ဃ) ပစ္စနီကပုဂ္ဂလော
၂၀၁. (က) ယဿ ရူပက္ခန္ဓော နုပ္ပဇ္ဇိတ္ထ တဿ ဝေဒနာက္ခန္ဓော န နိရုဇ္ဈိဿတီတိ? နတ္ထိ။
(ခ) ယဿ ဝါ ပန ဝေဒနာက္ခန္ဓော န နိရုဇ္ဈိဿတိ တဿ ရူပက္ခန္ဓော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
၂၀၂. (က) ယဿ ဝေဒနာက္ခန္ဓော နုပ္ပဇ္ဇိတ္ထ တဿ သညာက္ခန္ဓော န နိရုဇ္ဈိဿတီတိ? နတ္ထိ။
(ခ) ယဿ ဝါ ပန သညာက္ခန္ဓော န နိရုဇ္ဈိဿတိ တဿ ဝေဒနာက္ခန္ဓော နုပ္ပဇ္ဇိတ္ထာတိ? ဥပ္ပဇ္ဇိတ္ထ။
(င) ပစ္စနီကဩကာသော
၂၀၃. ယတ္ထ ရူပက္ခန္ဓော နုပ္ပဇ္ဇိတ္ထ။ပေ.။။
(စ) ပစ္စနီကပုဂ္ဂလောကာသာ
၂၀၄. (က) ယဿ ယတ္ထ ရူပက္ခန္ဓော နုပ္ပဇ္ဇိတ္ထ တဿ တတ္ထ ဝေဒနာက္ခန္ဓော န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ အရူပါနံ တေသံ တတ္ထ ရူပက္ခန္ဓော နုပ္ပဇ္ဇိတ္ထ, နော စ တေသံ တတ္ထ ဝေဒနာက္ခန္ဓော န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ တေသံ တတ္ထ ရူပက္ခန္ဓော စ နုပ္ပဇ္ဇိတ္ထ ဝေဒနာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ ဝေဒနာက္ခန္ဓော န နိရုဇ္ဈိဿတိ တဿ တတ္ထ ရူပက္ခန္ဓော နုပ္ပဇ္ဇိတ္ထာတိ?
ပဉ္စဝေါကာရေ ပရိနိဗ္ဗန္တာနံ အသညသတ္တာနံ တေသံ တတ္ထ ဝေဒနာက္ခန္ဓော န နိရုဇ္ဈိဿတိ, နော စ တေသံ တတ္ထ ရူပက္ခန္ဓော နုပ္ပဇ္ဇိတ္ထ ။ သုဒ္ဓါဝါသေ ပရိနိဗ္ဗန္တာနံ အရူပေ ပရိနိဗ္ဗန္တာနံ တေသံ တတ္ထ ဝေဒနာက္ခန္ဓော စ န နိရုဇ္ဈိဿတိ ရူပက္ခန္ဓော စ နုပ္ပဇ္ဇိတ္ထ။
၂၀၅. (က) ယဿ ယတ္ထ ဝေဒနာက္ခန္ဓော နုပ္ပဇ္ဇိတ္ထ တဿ တတ္ထ သညာက္ခန္ဓော န နိရုဇ္ဈိဿတီတိ?
သုဒ္ဓါဝါသံ ဥပပဇ္ဇန္တာနံ တေသံ တတ္ထ ဝေဒနာက္ခန္ဓော နုပ္ပဇ္ဇိတ္ထ, နော စ တေသံ တတ္ထ သညာက္ခန္ဓော န နိရုဇ္ဈိဿတိ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ တေသံ တတ္ထ ဝေဒနာက္ခန္ဓော စ နုပ္ပဇ္ဇိတ္ထ သညာက္ခန္ဓော စ န နိရုဇ္ဈိဿတိ။
(ခ) ယဿ ဝါ ပန ယတ္ထ သညာက္ခန္ဓော န နိရုဇ္ဈိဿတိ တဿ တတ္ထ ဝေဒနာက္ခန္ဓော နုပ္ပဇ္ဇိတ္ထာတိ?
ပရိနိဗ္ဗန္တာနံ တေသံ တတ္ထ သညာက္ခန္ဓော န နိရုဇ္ဈိဿတိ , နော စ တေသံ တတ္ထ ဝေဒနာက္ခန္ဓော နုပ္ပဇ္ဇိတ္ထ ။ သုဒ္ဓါဝါသေ ပရိနိဗ္ဗန္တာနံ အသညသတ္တာနံ တေသံ တတ္ထ သညာက္ခန္ဓော စ န နိရုဇ္ဈိဿတိ ဝေဒနာက္ခန္ဓော စ နုပ္ပဇ္ဇိတ္ထ။
ဥပ္ပါဒနိရောဓဝါရော။
ပဝတ္တိဝါရော နိဋ္ဌိတော။
၃. ပရိညာဝါရော
၁. ပစ္စုပ္ပန္နဝါရော
၂၀၆. (က) ယော ရူပက္ခန္ဓံ ပရိဇာနာတိ သော ဝေဒနာက္ခန္ဓံ ပရိဇာနာတီတိ? အာမန္တာ။
(ခ) ယော ဝါ ပန ဝေဒနာက္ခန္ဓံ ပရိဇာနာတိ သော ရူပက္ခန္ဓံ ပရိဇာနာတီတိ? အာမန္တာ။
(က) ယော ရူပက္ခန္ဓံ န ပရိဇာနာတိ သော ဝေဒနာက္ခန္ဓံ န ပရိဇာနာတီတိ? အာမန္တာ။
(ခ) ယော ဝါ ပန ဝေဒနာက္ခန္ဓံ န ပရိဇာနာတိ သော ရူပက္ခန္ဓံ န ပရိဇာနာတီတိ? အာမန္တာ။
၂. အတီတဝါရော
၂၀၇. (က) ယော ရူပက္ခန္ဓံ ပရိဇာနိတ္ထ သော ဝေဒနာက္ခန္ဓံ ပရိဇာနိတ္ထာတိ? အာမန္တာ။
(ခ) ယော ဝါ ပန ဝေဒနာက္ခန္ဓံ ပရိဇာနိတ္ထ သော ရူပက္ခန္ဓံ ပရိဇာနိတ္ထာတိ? အာမန္တာ။
(က) ယော ရူပက္ခန္ဓံ န ပရိဇာနိတ္ထ သော ဝေဒနာက္ခန္ဓံ န ပရိဇာနိတ္ထာတိ? အာမန္တာ။
(ခ) ယော ဝါ ပန ဝေဒနာက္ခန္ဓံ န ပရိဇာနိတ္ထ သော ရူပက္ခန္ဓံ န ပရိဇာနိတ္ထာတိ? အာမန္တာ။
၃. အနာဂတဝါရော
၂၀၈. (က) ယော ရူပက္ခန္ဓံ ပရိဇာနိဿတိ သော ဝေဒနာက္ခန္ဓံ ပရိဇာနိဿတီတိ? အာမန္တာ။
(ခ) ယော ဝါ ပန ဝေဒနာက္ခန္ဓံ ပရိဇာနိဿတိ သော ရူပက္ခန္ဓံ ပရိဇာနိဿတီတိ? အာမန္တာ။
(က) ယော ရူပက္ခန္ဓံ န ပရိဇာနိဿတိ သော ဝေဒနာက္ခန္ဓံ န ပရိဇာနိဿတီတိ? အာမန္တာ။
(ခ) ယော ဝါ ပန ဝေဒနာက္ခန္ဓံ န ပရိဇာနိဿတိ သော ရူပက္ခန္ဓံ န ပရိဇာနိဿတီတိ? အာမန္တာ။
၄. ပစ္စုပ္ပန္နာတီတဝါရော
၂၀၉. (က) ယော ရူပက္ခန္ဓံ ပရိဇာနာတိ သော ဝေဒနာက္ခန္ဓံ ပရိဇာနိတ္ထာတိ? နော။
(ခ) ယော ဝါ ပန ဝေဒနာက္ခန္ဓံ ပရိဇာနိတ္ထ သော ရူပက္ခန္ဓံ ပရိဇာနာတီတိ? နော။
(က) ယော ရူပက္ခန္ဓံ န ပရိဇာနာတိ သော ဝေဒနာက္ခန္ဓံ န ပရိဇာနိတ္ထာတိ?
အရဟာ ရူပက္ခန္ဓံ န ပရိဇာနာတိ, နော စ ဝေဒနာက္ခန္ဓံ န ပရိဇာနိတ္ထ။ အဂ္ဂမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ ရူပက္ခန္ဓဉ္စ န ပရိဇာနန္တိ ဝေဒနာက္ခန္ဓဉ္စ န ပရိဇာနိတ္ထ။
(ခ) ယော ဝါ ပန ဝေဒနာက္ခန္ဓံ န ပရိဇာနိတ္ထ သော ရူပက္ခန္ဓံ န ပရိဇာနာတီတိ?
အဂ္ဂမဂ္ဂသမင္ဂီ ဝေဒနာက္ခန္ဓံ န ပရိဇာနိတ္ထ, နော စ ရူပက္ခန္ဓံ န ပရိဇာနာတိ။ အဂ္ဂမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ ဝေဒနာက္ခန္ဓဉ္စ န ပရိဇာနိတ္ထ ရူပက္ခန္ဓဉ္စ န ပရိဇာနန္တိ။
၅. ပစ္စုပ္ပန္နာနာဂတဝါရော
၂၁၀. (က) ယော ရူပက္ခန္ဓံ ပရိဇာနာတိ သော ဝေဒနာက္ခန္ဓံ ပရိဇာနိဿတီတိ? နော။
(ခ) ယော ဝါ ပန ဝေဒနာက္ခန္ဓံ ပရိဇာနိဿတိ သော ရူပက္ခန္ဓံ ပရိဇာနာတီတိ? နော။
(က) ယော ရူပက္ခန္ဓံ န ပရိဇာနာတိ သော ဝေဒနာက္ခန္ဓံ န ပရိဇာနိဿတီတိ?
ယေ မဂ္ဂံ ပဋိလဘိဿန္တိ တေ ရူပက္ခန္ဓံ န ပရိဇာနန္တိ, နော စ ဝေဒနာက္ခန္ဓံ န ပရိဇာနိဿန္တိ။ အရဟာ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ ရူပက္ခန္ဓဉ္စ န ပရိဇာနန္တိ ဝေဒနာက္ခန္ဓဉ္စ န ပရိဇာနိဿန္တိ။
(ခ) ယော ဝါ ပန ဝေဒနာက္ခန္ဓံ န ပရိဇာနိဿတိ သော ရူပက္ခန္ဓံ န ပရိဇာနာတီတိ?
အဂ္ဂမဂ္ဂသမင္ဂီ ဝေဒနာက္ခန္ဓံ န ပရိဇာနိဿတိ, နော စ ရူပက္ခန္ဓံ န ပရိဇာနာတိ။ အရဟာ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ ဝေဒနာက္ခန္ဓဉ္စ န ပရိဇာနိဿန္တိ ရူပက္ခန္ဓဉ္စ န ပရိဇာနန္တိ။
၆. အတီတာနာဂတဝါရော
၂၁၁. (က) ယော ရူပက္ခန္ဓံ ပရိဇာနိတ္ထ သော ဝေဒနာက္ခန္ဓံ ပရိဇာနိဿတီတိ? နော။
(ခ) ယော ဝါ ပန ဝေဒနာက္ခန္ဓံ ပရိဇာနိဿတိ သော ရူပက္ခန္ဓံ ပရိဇာနိတ္ထာတိ? နော။
(က) ယော ရူပက္ခန္ဓံ န ပရိဇာနိတ္ထ သော ဝေဒနာက္ခန္ဓံ န ပရိဇာနိဿတီတိ?
ယေ မဂ္ဂံ ပဋိလဘိဿန္တိ တေ ရူပက္ခန္ဓံ န ပရိဇာနိတ္ထ, နော စ ဝေဒနာက္ခန္ဓံ န ပရိဇာနိဿန္တိ။ အဂ္ဂမဂ္ဂသမင္ဂီ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ ရူပက္ခန္ဓဉ္စ န ပရိဇာနိတ္ထ ဝေဒနာက္ခန္ဓဉ္စ န ပရိဇာနိဿန္တိ။
(ခ) ယော ဝါ ပန ဝေဒနာက္ခန္ဓံ န ပရိဇာနိဿတိ သော ရူပက္ခန္ဓံ န ပရိဇာနိတ္ထာတိ?
အရဟာ ဝေဒနာက္ခန္ဓံ န ပရိဇာနိဿတိ, နော စ ရူပက္ခန္ဓံ န ပရိဇာနိတ္ထ။ အဂ္ဂမဂ္ဂသမင္ဂီ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ ဝေဒနာက္ခန္ဓဉ္စ န ပရိဇာနိဿန္တိ ရူပက္ခန္ဓဉ္စ န ပရိဇာနိတ္ထ။
ပရိညာဝါရော။
ခန္ဓယမကပါဠိ နိဋ္ဌိတာ။
။ နမော တဿ ဘဂဝတော အရဟတော သမ္မာသမ္ဗုဒ္ဓဿ။