။ နမော တဿ ဘဂဝတော အရဟတော သမ္မာသမ္ဗုဒ္ဓဿ။
အဘိဓမ္မပိဋက
မူလယမကပါဠိ
၁. မူလဝါရ ဥဒ္ဒေသ
၁. ကုသလ ပဒ နယစတုက္က
၁. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလာ?
(ခ) ယေ ဝါ ပန ကုသလမူလာ, သဗ္ဗေ တေ ဓမ္မာ ကုသလာ?
၂. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလေန ဧကမူလာ?
(ခ) ယေ ဝါ ပန ကုသလမူလေန ဧကမူလာ, သဗ္ဗေ တေ ဓမ္မာ ကုသလာ?
၃. (က) ယေ ကေစိ ကုသလမူလေန ဧကမူလာ ဓမ္မာ, သဗ္ဗေ တေ ကုသလမူလေန အညမညမူလာ?
(ခ) ယေ ဝါ ပန ကုသလမူလေန အညမညမူလာ, သဗ္ဗေ တေ ဓမ္မာ ကုသလာ?
(၂) မူလမူလနယော
၄. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလမူလာ?
(ခ) ယေ ဝါ ပန ကုသလမူလမူလာ, သဗ္ဗေ တေ ဓမ္မာ ကုသလာ?
၅. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလေန ဧကမူလမူလာ?
(ခ) ယေ ဝါ ပန ကုသလမူလေန ဧကမူလမူလာ, သဗ္ဗေ တေ ဓမ္မာ ကုသလာ?
၆. (က) ယေ ကေစိ ကုသလမူလေန ဧကမူလမူလာ ဓမ္မာ, သဗ္ဗေ တေ ကုသလမူလေန အညမညမူလမူလာ?
(ခ) ယေ ဝါ ပန ကုသလမူလေန အညမညမူလမူလာ, သဗ္ဗေ တေ ဓမ္မာ ကုသလာ?
(၃) မူလကနယော
၇. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလကာ?
(ခ) ယေ ဝါ ပန ကုသလမူလကာ, သဗ္ဗေ တေ ဓမ္မာ ကုသလာ?
၈. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလေန ဧကမူလကာ?
(ခ) ယေ ဝါ ပန ကုသလမူလေန ဧကမူလကာ, သဗ္ဗေ တေ ဓမ္မာ ကုသလာ?
၉. (က) ယေ ကေစိ ကုသလမူလေန ဧကမူလကာ ဓမ္မာ, သဗ္ဗေ တေ ကုသလမူလေန အညမညမူလကာ?
(ခ) ယေ ဝါ ပန ကုသလမူလေန အညမညမူလကာ, သဗ္ဗေ တေ ဓမ္မာ ကုသလာ?
(၄) မူလမူလကနယော
၁၀. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလမူလကာ?
(ခ) ယေ ဝါ ပန ကုသလမူလမူလကာ, သဗ္ဗေ တေ ဓမ္မာ ကုသလာ?
၁၁. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလေန ဧကမူလမူလကာ?
(ခ) ယေ ဝါ ပန ကုသလမူလေန ဧကမူလမူလကာ, သဗ္ဗေ တေ ဓမ္မာ ကုသလာ?
၁၂. (က) ယေ ကေစိ ကုသလမူလေန ဧကမူလမူလကာ ဓမ္မာ, သဗ္ဗေ တေ ကုသလမူလေန အညမညမူလမူလကာ?
(ခ) ယေ ဝါ ပန ကုသလမူလေန အညမညမူလမူလကာ, သဗ္ဗေ တေ ဓမ္မာ ကုသလာ?
၂. အကုသလာ ဓမ္မာ (၁) မူလနယော
၁၃. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလာ?
(ခ) ယေ ဝါ ပန အကုသလမူလာ, သဗ္ဗေ တေ ဓမ္မာ အကုသလာ?
၁၄. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလေန ဧကမူလာ?
(ခ) ယေ ဝါ ပန အကုသလမူလေန ဧကမူလာ, သဗ္ဗေ တေ ဓမ္မာ အကုသလာ?
၁၅. (က) ယေ ကေစိ အကုသလမူလေန ဧကမူလာ ဓမ္မာ, သဗ္ဗေ တေ အကုသလမူလေန အညမညမူလာ?
(ခ) ယေ ဝါ ပန အကုသလမူလေန အညမညမူလာ, သဗ္ဗေ တေ ဓမ္မာ အကုသလာ?
(၂) မူလမူလနယော
၁၆. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလမူလာ?
(ခ) ယေ ဝါ ပန အကုသလမူလမူလာ, သဗ္ဗေ တေ ဓမ္မာ အကုသလာ?
၁၇. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလေန ဧကမူလမူလာ?
(ခ) ယေ ဝါ ပန အကုသလမူလေန ဧကမူလမူလာ, သဗ္ဗေ တေ ဓမ္မာ အကုသလာ?
၁၈. (က) ယေ ကေစိ အကုသလမူလေန ဧကမူလမူလာ ဓမ္မာ , သဗ္ဗေ တေ အကုသလမူလေန အညမညမူလမူလာ?
(ခ) ယေ ဝါ ပန အကုသလမူလေန အညမညမူလမူလာ, သဗ္ဗေ တေ ဓမ္မာ အကုသလာ?
(၃) မူလကနယော
၁၉. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလကာ?
(ခ) ယေ ဝါ ပန အကုသလမူလကာ, သဗ္ဗေ တေ ဓမ္မာ အကုသလာ?
၂၀. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလေန ဧကမူလကာ?
(ခ) ယေ ဝါ ပန အကုသလမူလေန ဧကမူလကာ, သဗ္ဗေ တေ ဓမ္မာ အကုသလာ?
၂၁. (က) ယေ ကေစိ အကုသလမူလေန ဧကမူလကာ ဓမ္မာ, သဗ္ဗေ တေ အကုသလမူလေန အညမညမူလကာ?
(ခ) ယေ ဝါ ပန အကုသလမူလေန အညမညမူလကာ, သဗ္ဗေ တေ ဓမ္မာ အကုသလာ?
(၄) မူလမူလကနယော
၂၂. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလမူလကာ?
(ခ) ယေ ဝါ ပန အကုသလမူလမူလကာ, သဗ္ဗေ တေ ဓမ္မာ အကုသလာ?
၂၃. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလေန ဧကမူလမူလကာ?
(ခ) ယေ ဝါ ပန အကုသလမူလေန ဧကမူလမူလကာ, သဗ္ဗေ တေ ဓမ္မာ အကုသလာ?
၂၄. (က) ယေ ကေစိ အကုသလမူလေန ဧကမူလမူလကာ ဓမ္မာ, သဗ္ဗေ တေ အကုသလမူလေန အညမညမူလမူလကာ?
(ခ) ယေ ဝါ ပန အကုသလမူလေန အညမညမူလမူလကာ, သဗ္ဗေ တေ ဓမ္မာ အကုသလာ?
၃. အဗျာကတာ ဓမ္မာ (၁) မူလနယော
၂၅. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလာ?
(ခ) ယေ ဝါ ပန အဗျာကတမူလာ, သဗ္ဗေ တေ ဓမ္မာ အဗျာကတာ?
၂၆. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလေန ဧကမူလာ?
(ခ) ယေ ဝါ ပန အဗျာကတမူလေန ဧကမူလာ, သဗ္ဗေ တေ ဓမ္မာ အဗျာကတာ?
၂၇. (က) ယေ ကေစိ အဗျာကတမူလေန ဧကမူလာ ဓမ္မာ, သဗ္ဗေ တေ အဗျာကတမူလေန အညမညမူလာ?
(ခ) ယေ ဝါ ပန အဗျာကတမူလေန အညမညမူလာ, သဗ္ဗေ တေ ဓမ္မာ အဗျာကတာ?
(၂) မူလမူလနယော
၂၈. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလမူလာ?
(ခ) ယေ ဝါ ပန အဗျာကတမူလမူလာ, သဗ္ဗေ တေ ဓမ္မာ အဗျာကတာ?
၂၉. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလေန ဧကမူလမူလာ?
(ခ) ယေ ဝါ ပန အဗျာကတမူလေန ဧကမူလမူလာ, သဗ္ဗေ တေ ဓမ္မာ အဗျာကတာ?
၃၀. (က) ယေ ကေစိ အဗျာကတမူလေန ဧကမူလမူလာ ဓမ္မာ, သဗ္ဗေ တေ အဗျာကတမူလေန အညမညမူလမူလာ?
(ခ) ယေ ဝါ ပန အဗျာကတမူလေန အညမညမူလမူလာ, သဗ္ဗေ တေ ဓမ္မာ အဗျာကတာ?
(၃) မူလကနယော
၃၁. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလကာ?
(ခ) ယေ ဝါ ပန အဗျာကတမူလကာ, သဗ္ဗေ တေ ဓမ္မာ အဗျာကတာ?
၃၂. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလေန ဧကမူလကာ?
(ခ) ယေ ဝါ ပန အဗျာကတမူလေန ဧကမူလကာ, သဗ္ဗေ တေ ဓမ္မာ အဗျာကတာ?
၃၃. (က) ယေ ကေစိ အဗျာကတမူလေန ဧကမူလကာ ဓမ္မာ, သဗ္ဗေ တေ အဗျာကတမူလေန အညမညမူလကာ?
(ခ) ယေ ဝါ ပန အဗျာကတမူလေန အညမညမူလကာ, သဗ္ဗေ တေ ဓမ္မာ အဗျာကတာ?
(၄) မူလမူလကနယော
၃၄. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလမူလကာ?
(ခ) ယေ ဝါ ပန အဗျာကတမူလမူလကာ, သဗ္ဗေ တေ ဓမ္မာ အဗျာကတာ?
၃၅. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလေန ဧကမူလမူလကာ?
(ခ) ယေ ဝါ ပန အဗျာကတမူလေန ဧကမူလမူလကာ, သဗ္ဗေ တေ ဓမ္မာ အဗျာကတာ?
၃၆. (က) ယေ ကေစိ အဗျာကတမူလေန ဧကမူလမူလကာ ဓမ္မာ, သဗ္ဗေ တေ အဗျာကတမူလေန အညမညမူလမူလကာ?
(ခ) ယေ ဝါ ပန အဗျာကတမူလေန အညမညမူလမူလကာ, သဗ္ဗေ တေ ဓမ္မာ အဗျာကတာ?
၄. နာမာ ဓမ္မာ (၁) မူလနယော
၃၇. (က) ယေ ကေစိ နာမာ ဓမ္မာ, သဗ္ဗေ တေ နာမမူလာ?
(ခ) ယေ ဝါ ပန နာမမူလာ, သဗ္ဗေ တေ ဓမ္မာ နာမာ?
၃၈. (က) ယေ ကေစိ နာမာ ဓမ္မာ, သဗ္ဗေ တေ နာမမူလေန ဧကမူလာ?
(ခ) ယေ ဝါ ပန နာမမူလေန ဧကမူလာ, သဗ္ဗေ တေ ဓမ္မာ နာမာ?
၃၉. (က) ယေ ကေစိ နာမမူလေန ဧကမူလာ ဓမ္မာ, သဗ္ဗေ တေ နာမမူလေန အညမညမူလာ?
(ခ) ယေ ဝါ ပန နာမမူလေန အညမညမူလာ, သဗ္ဗေ တေ ဓမ္မာ နာမာ?
(၂) မူလမူလနယော
၄၀. (က) ယေ ကေစိ နာမာ ဓမ္မာ, သဗ္ဗေ တေ နာမမူလမူလာ?
(ခ) ယေ ဝါ ပန နာမမူလမူလာ, သဗ္ဗေ တေ ဓမ္မာ နာမာ?
၄၁. (က) ယေ ကေစိ နာမာ ဓမ္မာ, သဗ္ဗေ တေ နာမမူလေန ဧကမူလမူလာ?
(ခ) ယေ ဝါ ပန နာမမူလေန ဧကမူလမူလာ, သဗ္ဗေ တေ ဓမ္မာ နာမာ?
၄၂. (က) ယေ ကေစိ နာမမူလေန ဧကမူလမူလာ ဓမ္မာ, သဗ္ဗေ တေ နာမမူလေန အညမညမူလမူလာ?
(ခ) ယေ ဝါ ပန နာမမူလေန အညမညမူလမူလာ, သဗ္ဗေ တေ ဓမ္မာ နာမာ?
(၃) မူလကနယော
၄၃. (က) ယေ ကေစိ နာမာ ဓမ္မာ, သဗ္ဗေ တေ နာမမူလကာ?
(ခ) ယေ ဝါ ပန နာမမူလကာ, သဗ္ဗေ တေ ဓမ္မာ နာမာ?
၄၄. (က) ယေ ကေစိ နာမာ ဓမ္မာ, သဗ္ဗေ တေ နာမမူလေန ဧကမူလကာ?
(ခ) ယေ ဝါ ပန နာမမူလေန ဧကမူလကာ, သဗ္ဗေ တေ ဓမ္မာ နာမာ?
၄၅. (က) ယေ ကေစိ နာမမူလေန ဧကမူလကာ ဓမ္မာ, သဗ္ဗေ တေ နာမမူလေန အညမညမူလကာ?
(ခ) ယေ ဝါ ပန နာမမူလေန အညမညမူလကာ, သဗ္ဗေ တေ ဓမ္မာ နာမာ?
(၄) မူလမူလကနယော
၄၆. (က) ယေ ကေစိ နာမာ ဓမ္မာ, သဗ္ဗေ တေ နာမမူလမူလကာ?
(ခ) ယေ ဝါ ပန နာမမူလမူလကာ, သဗ္ဗေ တေ ဓမ္မာ နာမာ?
၄၇. (က) ယေ ကေစိ နာမာ ဓမ္မာ, သဗ္ဗေ တေ နာမမူလေန ဧကမူလမူလကာ?
(ခ) ယေ ဝါ ပန နာမမူလေန ဧကမူလမူလကာ, သဗ္ဗေ တေ ဓမ္မာ နာမာ?
၄၈. (က) ယေ ကေစိ နာမမူလေန ဧကမူလမူလကာ ဓမ္မာ, သဗ္ဗေ တေ နာမမူလေန အညမညမူလမူလကာ?
(ခ) ယေ ဝါ ပန နာမမူလေန အညမညမူလမူလကာ, သဗ္ဗေ တေ ဓမ္မာ နာမာ?
မူလဝါရဥဒ္ဒေသော။
၂-၁၀. ဟေတုဝါရာဒိ
၄၉. ယေ ကေစိ ကုသလာ ဓမ္မာ, သဗ္ဗေ တေ ကုသလဟေတူ။ပေ.။ ကုသလနိဒါနာ။ပေ.။ ကုသလသမ္ဘဝါ။ပေ.။ ကုသလပ္ပဘဝါ။ပေ.။ ကုသလသမုဋ္ဌာနာ။ပေ.။ ကုသလာဟာရာ။ပေ.။ ကုသလာရမ္မဏာ။ပေ.။ ကုသလပစ္စယာ။ပေ.။ ကုသလသမုဒယာ။ပေ.။။
မူလံ ဟေတု နိဒါနဉ္စ၊ သမ္ဘဝေါ ပဘဝေန စ။
သမုဋ္ဌာနာဟာရာရမ္မဏာ [သမုဋ္ဌာနာဟာရာရမ္မဏံ (က.)]၊ ပစ္စယော သမုဒယေန စာတိ။
ဥဒ္ဒေသဝါရော နိဋ္ဌိတော။
(ခ) နိဒ္ဒေသော
၁. မူလဝါရော
၁. ကုသလာ ဓမ္မာ (၁) မူလနယော
၅၀. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလာတိ? တီဏေဝ ကုသလမူလာနိ။ အဝသေသာ ကုသလာ ဓမ္မာ န ကုသလမူလာ။
(ခ) ယေ ဝါ ပန ကုသလမူလာ, သဗ္ဗေ တေ ဓမ္မာ ကုသလာတိ? အာမန္တာ။
၅၁. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလေန ဧကမူလာတိ? အာမန္တာ။
(ခ) ယေ ဝါ ပန ကုသလမူလေန ဧကမူလာ, သဗ္ဗေ တေ ဓမ္မာ ကုသလာတိ ?
ကုသလသမုဋ္ဌာနံ ရူပံ ကုသလမူလေန ဧကမူလံ, န ကုသလံ။ ကုသလံ ကုသလမူလေန ဧကမူလဉ္စေဝ ကုသလဉ္စ။
၅၂. (က) ယေ ကေစိ ကုသလမူလေန ဧကမူလာ ဓမ္မာ, သဗ္ဗေ တေ ကုသလမူလေန အညမညမူလာတိ?
မူလာနိ ယာနိ ဧကတော ဥပ္ပဇ္ဇန္တိ ကုသလမူလာနိ ဧကမူလာနိ စေဝ အညမညမူလာနိ စ။ အဝသေသာ ကုသလမူလသဟဇာတာ ဓမ္မာ ကုသလမူလေန ဧကမူလာ, န စ အညမညမူလာ။
(ခ) ယေ ဝါ ပန ကုသလမူလေန အညမညမူလာ, သဗ္ဗေ တေ ဓမ္မာ ကုသလာတိ? အာမန္တာ။
(၂) မူလမူလနယော
၅၃. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလမူလာတိ? တီဏေဝ ကုသလမူလမူလာနိ။ အဝသေသာ ကုသလာ ဓမ္မာ န ကုသလမူလမူလာ။
(ခ) ယေ ဝါ ပန ကုသလမူလမူလာ, သဗ္ဗေ တေ ဓမ္မာ ကုသလာတိ? အာမန္တာ။
၅၄. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလေန ဧကမူလမူလာတိ? အာမန္တာ။
(ခ) ယေ ဝါ ပန ကုသလမူလေန ဧကမူလမူလာ, သဗ္ဗေ တေ ဓမ္မာ ကုသလာတိ?
ကုသလသမုဋ္ဌာနံ ရူပံ ကုသလမူလေန ဧကမူလမူလံ, န ကုသလံ။ ကုသလံ ကုသလမူလေန ဧကမူလမူလဉ္စေဝ ကုသလဉ္စ။
၅၅. (က) ယေ ကေစိ ကုသလမူလေန ဧကမူလမူလာ ဓမ္မာ, သဗ္ဗေ တေ ကုသလမူလေန အညမညမူလမူလာတိ?
မူလာနိ ယာနိ ဧကတော ဥပ္ပဇ္ဇန္တိ ကုသလမူလာနိ ဧကမူလမူလာနိ စေဝ အညမညမူလမူလာနိ စ။ အဝသေသာ ကုသလမူလသဟဇာတာ ဓမ္မာ ကုသလမူလေန ဧကမူလမူလာ, န စ အညမညမူလမူလာ။
(ခ) ယေ ဝါ ပန ကုသလမူလေန အညမညမူလမူလာ, သဗ္ဗေ တေ ဓမ္မာ ကုသလာတိ? အာမန္တာ။
(၃) မူလကနယော
၅၆. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလကာတိ? အာမန္တာ။
(ခ) ယေ ဝါ ပန ကုသလမူလကာ, သဗ္ဗေ တေ ဓမ္မာ ကုသလာတိ?
ကုသလသမုဋ္ဌာနံ ရူပံ ကုသလမူလကံ န ကုသလံ။ ကုသလံ ကုသလမူလကဉ္စေဝ ကုသလဉ္စ။
၅၇. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလေန ဧကမူလကာတိ? အာမန္တာ။
(ခ) ယေ ဝါ ပန ကုသလမူလေန ဧကမူလကာ, သဗ္ဗေ တေ ဓမ္မာ ကုသလာတိ?
ကုသလသမုဋ္ဌာနံ ရူပံ ကုသလမူလေန ဧကမူလကံ, န ကုသလံ။ ကုသလံ ကုသလမူလေန ဧကမူလကဉ္စေဝ ကုသလဉ္စ။
၅၈. (က) ယေ ကေစိ ကုသလမူလေန ဧကမူလကာ ဓမ္မာ, သဗ္ဗေ တေ ကုသလမူလေန အညမညမူလကာတိ?
မူလာနိ ယာနိ ဧကတော ဥပ္ပဇ္ဇန္တိ ကုသလမူလာနိ ဧကမူလကာနိ စေဝ အညမညမူလကာနိ စ။ အဝသေသာ ကုသလမူလသဟဇာတာ ဓမ္မာ ကုသလမူလေန ဧကမူလကာ, န စ အညမညမူလကာ။
(ခ) ယေ ဝါ ပန ကုသလမူလေန အညမညမူလကာ, သဗ္ဗေ တေ ဓမ္မာ ကုသလာတိ? အာမန္တာ။
(၄) မူလမူလကနယော
၅၉. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလမူလကာတိ? အာမန္တာ။
(ခ) ယေ ဝါ ပန ကုသလမူလမူလကာ, သဗ္ဗေ တေ ဓမ္မာ ကုသလာတိ?
ကုသလသမုဋ္ဌာနံ ရူပံ ကုသလမူလမူလကံ န ကုသလံ။ ကုသလံ ကုသလမူလမူလကဉ္စေဝ ကုသလဉ္စ။
၆၀. (က) ယေ ကေစိ ကုသလာ ဓမ္မာ, သဗ္ဗေ တေ ကုသလမူလေန ဧကမူလမူလကာတိ? အာမန္တာ။
(ခ) ယေ ဝါ ပန ကုသလမူလေန ဧကမူလမူလကာ, သဗ္ဗေ တေ ဓမ္မာ ကုသလာတိ?
ကုသလသမုဋ္ဌာနံ ရူပံ ကုသလမူလေန ဧကမူလမူလကံ, န ကုသလံ။ ကုသလံ ကုသလမူလေန ဧကမူလမူလကဉ္စေဝ ကုသလဉ္စ။
၆၁. (က) ယေ ကေစိ ကုသလမူလေန ဧကမူလမူလကာ ဓမ္မာ, သဗ္ဗေ တေ ကုသလမူလေန အညမညမူလမူလကာတိ?
မူလာနိ ယာနိ ဧကတော ဥပ္ပဇ္ဇန္တိ ကုသလမူလာနိ ဧကမူလမူလကာနိ စေဝ အညမညမူလမူလကာနိ စ။ အဝသေသာ ကုသလမူလသဟဇာတာ ဓမ္မာ ကုသလမူလေန ဧကမူလမူလကာ, န စ အညမညမူလမူလကာ။
(ခ) ယေ ဝါ ပန ကုသလမူလေန အညမညမူလမူလကာ, သဗ္ဗေ တေ ဓမ္မာ ကုသလာတိ? အာမန္တာ။
၂. အကုသလာ ဓမ္မာ (၁) မူလနယော
၆၂. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလာတိ?
တီဏေဝ အကုသလမူလာနိ။ အဝသေသာ အကုသလာ ဓမ္မာ န အကုသလမူလာ။
(ခ) ယေ ဝါ ပန အကုသလမူလာ, သဗ္ဗေ တေ ဓမ္မာ အကုသလာတိ? အာမန္တာ။
၆၃. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလေန ဧကမူလာတိ?
အဟေတုကံ အကုသလံ အကုသလမူလေန န ဧကမူလံ။ သဟေတုကံ အကုသလံ အကုသလမူလေန ဧကမူလံ။
(ခ) ယေ ဝါ ပန အကုသလမူလေန ဧကမူလာ, သဗ္ဗေ တေ ဓမ္မာ အကုသလာတိ?
အကုသလသမုဋ္ဌာနံ ရူပံ အကုသလမူလေန ဧကမူလံ, န အကုသလံ။ အကုသလံ အကုသလမူလေန ဧကမူလဉ္စေဝ အကုသလဉ္စ။
၆၄. (က) ယေ ကေစိ အကုသလမူလေန ဧကမူလာ ဓမ္မာ, သဗ္ဗေ တေ အကုသလမူလေန အညမညမူလာတိ?
မူလာနိ ယာနိ ဧကတော ဥပ္ပဇ္ဇန္တိ အကုသလမူလာနိ ဧကမူလာနိ စေဝ အညမညမူလာနိ စ။ အဝသေသာ အကုသလမူလသဟဇာတာ ဓမ္မာ အကုသလမူလေန ဧကမူလာ, န စ အညမညမူလာ။
(ခ) ယေ ဝါ ပန အကုသလမူလေန အညမညမူလာ, သဗ္ဗေ တေ ဓမ္မာ အကုသလာတိ? အာမန္တာ။
(၂) မူလမူလနယော
၆၅. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလမူလာတိ?
တီဏေဝ အကုသလမူလမူလာနိ။ အဝသေသာ အကုသလာ ဓမ္မာ န အကုသလမူလမူလာ။
(ခ) ယေ ဝါ ပန အကုသလမူလမူလာ, သဗ္ဗေ တေ ဓမ္မာ အကုသလာတိ? အာမန္တာ။
၆၆. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလေန ဧကမူလမူလာတိ?
အဟေတုကံ အကုသလံ အကုသလမူလေန န ဧကမူလမူလံ။ သဟေတုကံ အကုသလံ အကုသလမူလေန ဧကမူလမူလံ။
(ခ) ယေ ဝါ ပန အကုသလမူလေန ဧကမူလမူလာ, သဗ္ဗေ တေ ဓမ္မာ အကုသလာတိ?
အကုသလသမုဋ္ဌာနံ ရူပံ အကုသလမူလေန ဧကမူလမူလံ, န အကုသလံ။ အကုသလံ အကုသလမူလေန ဧကမူလမူလဉ္စေဝ အကုသလဉ္စ။
၆၇. (က) ယေ ကေစိ အကုသလမူလေန ဧကမူလမူလာ ဓမ္မာ, သဗ္ဗေ တေ အကုသလမူလေန အညမညမူလမူလာတိ?
မူလာနိ ယာနိ ဧကတော ဥပ္ပဇ္ဇန္တိ အကုသလမူလာနိ ဧကမူလမူလာနိ စေဝ အညမညမူလမူလာနိ စ။ အဝသေသာ အကုသလမူလသဟဇာတာ ဓမ္မာ အကုသလမူလေန ဧကမူလမူလာ, န စ အညမညမူလမူလာ။
(ခ) ယေ ဝါ ပန အကုသလမူလေန အညမညမူလမူလာ, သဗ္ဗေ တေ ဓမ္မာ အကုသလာတိ? အာမန္တာ။
(၃) မူလကနယော
၆၈. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလကာတိ?
အဟေတုကံ အကုသလံ န အကုသလမူလကံ။ သဟေတုကံ အကုသလံ အကုသလမူလကံ။
(ခ) ယေ ဝါ ပန အကုသလမူလကာ, သဗ္ဗေ တေ ဓမ္မာ အကုသလာတိ?
အကုသလသမုဋ္ဌာနံ ရူပံ အကုသလမူလကံ န အကုသလံ။ အကုသလံ အကုသလမူလကဉ္စေဝ အကုသလဉ္စ။
၆၉. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလေန ဧကမူလကာတိ?
အဟေတုကံ အကုသလံ အကုသလမူလေန န ဧကမူလကံ။ သဟေတုကံ အကုသလံ အကုသလမူလေန ဧကမူလကံ။
(ခ) ယေ ဝါ ပန အကုသလမူလေန ဧကမူလကာ, သဗ္ဗေ တေ ဓမ္မာ အကုသလာတိ?
အကုသလသမုဋ္ဌာနံ ရူပံ အကုသလမူလေန ဧကမူလကံ, န အကုသလံ။ အကုသလံ အကုသလမူလေန ဧကမူလကဉ္စေဝ အကုသလဉ္စ။
၇၀. (က) ယေ ကေစိ အကုသလမူလေန ဧကမူလကာ ဓမ္မာ, သဗ္ဗေ တေ အကုသလမူလေန အညမညမူလကာတိ?
မူလာနိ ယာနိ ဧကတော ဥပ္ပဇ္ဇန္တိ အကုသလမူလာနိ ဧကမူလကာနိ စေဝ အညမညမူလကာနိ စ။ အဝသေသာ အကုသလမူလသဟဇာတာ ဓမ္မာ အကုသလမူလေန ဧကမူလကာ န စ အညမညမူလကာ။
(ခ) ယေ ဝါ ပန အကုသလမူလေန အညမညမူလကာ, သဗ္ဗေ တေ ဓမ္မာ အကုသလာတိ? အာမန္တာ။
(၄) မူလမူလကနယော
၇၁. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလမူလကာတိ?
အဟေတုကံ အကုသလံ န အကုသလမူလမူလကံ။ သဟေတုကံ အကုသလံ အကုသလမူလမူလကံ။
(ခ) ယေ ဝါ ပန အကုသလမူလမူလကာ, သဗ္ဗေ တေ ဓမ္မာ အကုသလာတိ?
အကုသလသမုဋ္ဌာနံ ရူပံ အကုသလမူလမူလကံ န အကုသလံ။ အကုသလံ အကုသလမူလမူလကဉ္စေဝ အကုသလဉ္စ။
၇၂. (က) ယေ ကေစိ အကုသလာ ဓမ္မာ, သဗ္ဗေ တေ အကုသလမူလေန ဧကမူလမူလကာတိ?
အဟေတုကံ အကုသလံ အကုသလမူလေန န ဧကမူလမူလကံ။ သဟေတုကံ အကုသလံ အကုသလမူလေန ဧကမူလမူလကံ။
(ခ) ယေ ဝါ ပန အကုသလမူလေန ဧကမူလမူလကာ, သဗ္ဗေ တေ ဓမ္မာ အကုသလာတိ?
အကုသလသမုဋ္ဌာနံ ရူပံ အကုသလမူလေန ဧကမူလမူလကံ, န အကုသလံ။ အကုသလံ အကုသလမူလေန ဧကမူလမူလကဉ္စေဝ အကုသလဉ္စ။
၇၃. (က) ယေ ကေစိ အကုသလမူလေန ဧကမူလမူလကာ ဓမ္မာ, သဗ္ဗေ တေ အကုသလမူလေန အညမညမူလမူလကာတိ?
မူလာနိ ယာနိ ဧကတော ဥပ္ပဇ္ဇန္တိ အကုသလမူလာနိ ဧကမူလမူလကာနိ စေဝ အညမညမူလမူလကာနိ စ။ အဝသေသာ အကုသလမူလသဟဇာတာ ဓမ္မာ အကုသလမူလေန ဧကမူလမူလကာ, န စ အညမညမူလမူလကာ။
(ခ) ယေ ဝါ ပန အကုသလမူလေန အညမညမူလမူလကာ, သဗ္ဗေ တေ ဓမ္မာ အကုသလာတိ? အာမန္တာ။
၃. အဗျာကတာ ဓမ္မာ (၁) မူလနယော
၇၄. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလာတိ?
တီဏေဝ အဗျာကတမူလာနိ။ အဝသေသာ အဗျာကတာ ဓမ္မာ န အဗျာကတမူလာ။
(ခ) ယေ ဝါ ပန အဗျာကတမူလာ, သဗ္ဗေ တေ ဓမ္မာ အဗျာကတာတိ? အာမန္တာ။
၇၅. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလေန ဧကမူလာတိ?
အဟေတုကံ အဗျာကတံ အဗျာကတမူလေန န ဧကမူလံ။ သဟေတုကံ အဗျာကတံ အဗျာကတမူလေန ဧကမူလံ။
(ခ) ယေ ဝါ ပန အဗျာကတမူလေန ဧကမူလာ, သဗ္ဗေ တေ ဓမ္မာ အဗျာကတာတိ? အာမန္တာ။
၇၆. (က) ယေ ကေစိ အဗျာကတမူလေန ဧကမူလာ ဓမ္မာ, သဗ္ဗေ တေ အဗျာကတမူလေန အညမညမူလာတိ?
မူလာနိ ယာနိ ဧကတော ဥပ္ပဇ္ဇန္တိ အဗျာကတမူလာနိ ဧကမူလာနိ စေဝ အညမညမူလာနိ စ။ အဝသေသာ အဗျာကတမူလသဟဇာတာ ဓမ္မာ အဗျာကတမူလေန ဧကမူလာ, န စ အညမညမူလာ။
(ခ) ယေ ဝါ ပန အဗျာကတမူလေန အညမညမူလာ, သဗ္ဗေ တေ ဓမ္မာ အဗျာကတာတိ? အာမန္တာ။
(၂) မူလမူလနယော
၇၇. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလမူလာတိ?
တီဏေဝ အဗျာကတမူလမူလာနိ။ အဝသေသာ အဗျာကတာ ဓမ္မာ န အဗျာကတမူလမူလာ။
(ခ) ယေ ဝါ ပန အဗျာကတမူလမူလာ, သဗ္ဗေ တေ ဓမ္မာ အဗျာကတာတိ? အာမန္တာ။
၇၈. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလေန ဧကမူလမူလာတိ?
အဟေတုကံ အဗျာကတံ အဗျာကတမူလေန န ဧကမူလမူလံ။ သဟေတုကံ အဗျာကတံ အဗျာကတမူလေန ဧကမူလမူလံ။
(ခ) ယေ ဝါ ပန အဗျာကတမူလေန ဧကမူလမူလာ, သဗ္ဗေ တေ ဓမ္မာ အဗျာကတာတိ? အာမန္တာ။
၇၉. (က) ယေ ကေစိ အဗျာကတမူလေန ဧကမူလမူလာ ဓမ္မာ, သဗ္ဗေ တေ အဗျာကတမူလေန အညမညမူလမူလာတိ?
မူလာနိ ယာနိ ဧကတော ဥပ္ပဇ္ဇန္တိ အဗျာကတမူလာနိ ဧကမူလမူလာနိ စေဝ အညမညမူလမူလာနိ စ။ အဝသေသာ အဗျာကတမူလသဟဇာတာ ဓမ္မာ အဗျာကတမူလေန ဧကမူလမူလာ, န စ အညမညမူလမူလာ ။
(ခ) ယေ ဝါ ပန အဗျာကတမူလေန အညမညမူလမူလာ, သဗ္ဗေ တေ ဓမ္မာ အဗျာကတာတိ? အာမန္တာ။
(၃) မူလကနယော
၈၀. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလကာတိ?
အဟေတုကံ အဗျာကတံ န အဗျာကတမူလကံ။ သဟေတုကံ အဗျာကတံ အဗျာကတမူလကံ။
(ခ) ယေ ဝါ ပန အဗျာကတမူလကာ, သဗ္ဗေ တေ ဓမ္မာ အဗျာကတာတိ? အာမန္တာ။
၈၁. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလေန ဧကမူလကာတိ?
အဟေတုကံ အဗျာကတံ အဗျာကတမူလေန န ဧကမူလကံ။ သဟေတုကံ အဗျာကတံ အဗျာကတမူလေန ဧကမူလကံ။
(ခ) ယေ ဝါ ပန အဗျာကတမူလေန ဧကမူလကာ, သဗ္ဗေ တေ ဓမ္မာ အဗျာကတာတိ? အာမန္တာ။
၈၂. (က) ယေ ကေစိ အဗျာကတမူလေန ဧကမူလကာ ဓမ္မာ, သဗ္ဗေ တေ အဗျာကတမူလေန အညမညမူလကာတိ?
မူလာနိ ယာနိ ဧကတော ဥပ္ပဇ္ဇန္တိ အဗျာကတမူလာနိ ဧကမူလကာနိ စေဝ အညမညမူလကာနိ စ။ အဝသေသာ အဗျာကတမူလသဟဇာတာ ဓမ္မာ အဗျာကတမူလေန ဧကမူလကာ, န စ အညမညမူလကာ။
(ခ) ယေ ဝါ ပန အဗျာကတမူလေန အညမညမူလကာ, သဗ္ဗေ တေ ဓမ္မာ အဗျာကတာတိ? အာမန္တာ။
(၄) မူလမူလကနယော
၈၃. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလမူလကာတိ?
အဟေတုကံ အဗျာကတံ န အဗျာကတမူလမူလကံ။ သဟေတုကံ အဗျာကတံ အဗျာကတမူလမူလကံ။
(ခ) ယေ ဝါ ပန အဗျာကတမူလမူလကာ, သဗ္ဗေ တေ ဓမ္မာ အဗျာကတာတိ? အာမန္တာ။
၈၄. (က) ယေ ကေစိ အဗျာကတာ ဓမ္မာ, သဗ္ဗေ တေ အဗျာကတမူလေန ဧကမူလမူလကာတိ?
အဟေတုကံ အဗျာကတံ အဗျာကတမူလေန န ဧကမူလမူလကံ။ သဟေတုကံ အဗျာကတံ အဗျာကတမူလေန ဧကမူလမူလကံ။
(ခ) ယေ ဝါ ပန အဗျာကတမူလေန ဧကမူလမူလကာ, သဗ္ဗေ တေ ဓမ္မာ အဗျာကတာတိ ? အာမန္တာ။
၈၅. (က) ယေ ကေစိ အဗျာကတမူလေန ဧကမူလမူလကာ ဓမ္မာ, သဗ္ဗေ တေ အဗျာကတမူလေန အညမညမူလမူလကာတိ?
မူလာနိ ယာနိ ဧကတော ဥပ္ပဇ္ဇန္တိ အဗျာကတမူလာနိ ဧကမူလမူလကာနိ စေဝ အညမညမူလမူလကာနိ စ။ အဝသေသာ အဗျာကတမူလသဟဇာတာ ဓမ္မာ အဗျာကတမူလေန ဧကမူလမူလကာ, န စ အညမညမူလမူလကာ။
(ခ) ယေ ဝါ ပန အဗျာကတမူလေန အညမညမူလမူလကာ, သဗ္ဗေ တေ ဓမ္မာ အဗျာကတာတိ? အာမန္တာ။
၄. နာမာ ဓမ္မာ (၁) မူလနယော
၈၆. (က) ယေ ကေစိ နာမာ ဓမ္မာ, သဗ္ဗေ တေ နာမမူလာတိ?
နဝေဝ နာမမူလာနိ။ အဝသေသာ နာမာ ဓမ္မာ န နာမမူလာ။
(ခ) ယေ ဝါ ပန နာမမူလာ, သဗ္ဗေ တေ ဓမ္မာ နာမာတိ? အာမန္တာ။
၈၇. (က) ယေ ကေစိ နာမာ ဓမ္မာ, သဗ္ဗေ တေ နာမမူလေန ဧကမူလာတိ?
အဟေတုကံ နာမံ နာမမူလေန န ဧကမူလံ။ သဟေတုကံ နာမံ နာမမူလေန ဧကမူလံ။
(ခ) ယေ ဝါ ပန နာမမူလေန ဧကမူလာ, သဗ္ဗေ တေ ဓမ္မာ နာမာတိ?
နာမသမုဋ္ဌာနံ ရူပံ နာမမူလေန ဧကမူလံ, န နာမံ။ နာမံ နာမမူလေန ဧကမူလဉ္စေဝ နာမဉ္စ။
၈၈. (က) ယေ ကေစိ နာမမူလေန ဧကမူလာ ဓမ္မာ, သဗ္ဗေ တေ နာမမူလေန အညမညမူလာတိ?
မူလာနိ ယာနိ ဧကတော ဥပ္ပဇ္ဇန္တိ နာမမူလာနိ ဧကမူလာနိ စေဝ အညမညမူလာနိ စ။ အဝသေသာ နာမမူလသဟဇာတာ ဓမ္မာ နာမမူလေန ဧကမူလာ, န စ အညမညမူလာ။
(ခ) ယေ ဝါ ပန နာမမူလေန အညမညမူလာ, သဗ္ဗေ တေ ဓမ္မာ နာမာတိ? အာမန္တာ။
(၂) မူလမူလနယော
၈၉. (က) ယေ ကေစိ နာမာ ဓမ္မာ, သဗ္ဗေ တေ နာမမူလမူလာတိ?
နဝေဝ နာမမူလမူလာနိ။ အဝသေသာ နာမာ ဓမ္မာ န နာမမူလမူလာ။
(ခ) ယေ ဝါ ပန နာမမူလမူလာ, သဗ္ဗေ တေ ဓမ္မာ နာမာတိ? အာမန္တာ။
၉၀. (က) ယေ ကေစိ နာမာ ဓမ္မာ, သဗ္ဗေ တေ နာမမူလေန ဧကမူလမူလာတိ?
အဟေတုကံ နာမံ နာမမူလေန န ဧကမူလမူလံ။ သဟေတုကံ နာမံ နာမမူလေန ဧကမူလမူလံ။
(ခ) ယေ ဝါ ပန နာမမူလေန ဧကမူလမူလာ, သဗ္ဗေ တေ ဓမ္မာ နာမာတိ?
နာမသမုဋ္ဌာနံ ရူပံ နာမမူလေန ဧကမူလမူလံ, န နာမံ။ နာမံ နာမမူလေန ဧကမူလမူလဉ္စေဝ နာမဉ္စ။
၉၁. (က) ယေ ကေစိ နာမမူလေန ဧကမူလမူလာ ဓမ္မာ, သဗ္ဗေ တေ နာမမူလေန အညမညမူလမူလာတိ?
မူလာနိ ယာနိ ဧကတော ဥပ္ပဇ္ဇန္တိ နာမမူလာနိ ဧကမူလမူလာနိ စေဝ အညမညမူလမူလာနိ စ။ အဝသေသာ နာမမူလသဟဇာတာ ဓမ္မာ နာမမူလေန ဧကမူလမူလာ, န စ အညမညမူလမူလာ။
(ခ) ယေ ဝါ ပန နာမမူလေန အညမညမူလမူလာ, သဗ္ဗေ တေ ဓမ္မာ နာမာတိ? အာမန္တာ။
(၃) မူလကနယော
၉၂. (က) ယေ ကေစိ နာမာ ဓမ္မာ, သဗ္ဗေ တေ နာမမူလကာတိ?
အဟေတုကံ နာမံ န နာမမူလကံ။ သဟေတုကံ နာမံ နာမမူလကံ။
(ခ) ယေ ဝါ ပန နာမမူလကာ, သဗ္ဗေ တေ ဓမ္မာ နာမာတိ?
နာမသမုဋ္ဌာနံ ရူပံ နာမမူလကံ, န နာမံ။ နာမံ နာမမူလကဉ္စေဝ နာမဉ္စ။
၉၃. (က) ယေ ကေစိ နာမာ ဓမ္မာ, သဗ္ဗေ တေ နာမမူလေန ဧကမူလကာတိ?
အဟေတုကံ နာမံ နာမမူလေန န ဧကမူလကံ။ သဟေတုကံ နာမံ နာမမူလေန ဧကမူလကံ။
(ခ) ယေ ဝါ ပန နာမမူလေန ဧကမူလကာ, သဗ္ဗေ တေ ဓမ္မာ နာမာတိ?
နာမသမုဋ္ဌာနံ ရူပံ နာမမူလေန ဧကမူလကံ, န နာမံ။ နာမံ နာမမူလေန ဧကမူလကဉ္စေဝ နာမဉ္စ။
၉၄. (က) ယေ ကေစိ နာမမူလေန ဧကမူလကာ ဓမ္မာ, သဗ္ဗေ တေ နာမမူလေန အညမညမူလကာတိ?
မူလာနိ ယာနိ ဧကတော ဥပ္ပဇ္ဇန္တိ နာမမူလာနိ ဧကမူလကာနိ စေဝ အညမညမူလကာနိ စ။ အဝသေသာ နာမမူလသဟဇာတာ ဓမ္မာ နာမမူလေန ဧကမူလကာ, န စ အညမညမူလကာ။
(ခ) ယေ ဝါ ပန နာမမူလေန အညမညမူလကာ, သဗ္ဗေ တေ ဓမ္မာ နာမာတိ? အာမန္တာ။
(၄) မူလမူလကနယော
၉၅. (က) ယေ ကေစိ နာမာ ဓမ္မာ, သဗ္ဗေ တေ နာမမူလမူလကာတိ?
အဟေတုကံ နာမံ န နာမမူလမူလကံ။ သဟေတုကံ နာမံ နာမမူလမူလကံ။
(ခ) ယေ ဝါ ပန နာမမူလမူလကာ, သဗ္ဗေ တေ ဓမ္မာ နာမာတိ?
နာမသမုဋ္ဌာနံ ရူပံ နာမမူလမူလကံ, န နာမံ။ နာမံ နာမမူလမူလကဉ္စေဝ နာမဉ္စ။
၉၆. (က) ယေ ကေစိ နာမာ ဓမ္မာ, သဗ္ဗေ တေ နာမမူလေန ဧကမူလမူလကာတိ?
အဟေတုကံ နာမံ နာမမူလေန န ဧကမူလမူလကံ။ သဟေတုကံ နာမံ နာမမူလေန ဧကမူလမူလကံ။
(ခ) ယေ ဝါ ပန နာမမူလေန ဧကမူလမူလကာ, သဗ္ဗေ တေ ဓမ္မာ နာမာတိ?
နာမသမုဋ္ဌာနံ ရူပံ နာမမူလေန ဧကမူလမူလကံ, န နာမံ။ နာမံ နာမမူလေန ဧကမူလမူလကဉ္စေဝ နာမဉ္စ။
၉၇. (က) ယေ ကေစိ နာမမူလေန ဧကမူလမူလကာ ဓမ္မာ, သဗ္ဗေ တေ နာမမူလေန အညမညမူလမူလကာတိ?
မူလာနိ ယာနိ ဧကတော ဥပ္ပဇ္ဇန္တိ နာမမူလာနိ ဧကမူလမူလကာနိ စေဝ အညမညမူလမူလကာနိ စ။ အဝသေသာ နာမမူလသဟဇာတာ ဓမ္မာ နာမမူလေန ဧကမူလမူလကာ, န စ အညမညမူလမူလကာ။
(ခ) ယေ ဝါ ပန နာမမူလေန အညမညမူလမူလကာ, သဗ္ဗေ တေ ဓမ္မာ နာမာတိ?
အာမန္တာ။
မူလဝါရနိဒ္ဒေသော။
၂-၁၀. ဟေတုဝါရာဒိ
၉၈. ယေ ကေစိ ကုသလာ ဓမ္မာ, သဗ္ဗေ တေ ကုသလဟေတူတိ။?
တယော ဧဝ ကုသလဟေတူ, အဝသေသာ ကုသလာ ဓမ္မာ န ကုသလဟေတူ။ပေ.။ ကုသလနိဒါနာ။ ကုသလသမ္ဘဝါ။ ကုသလပ္ပဘဝါ။ ကုသလသမုဋ္ဌာနာ။ ကုသလာဟာရာ။ ကုသလာရမ္မဏာ။ ကုသလပစ္စယာ။ ကုသလသမုဒယာ။။
၉၉. ယေ ကေစိ အကုသလာ ဓမ္မာ။ ယေ ကေစိ အဗျာကတာ ဓမ္မာ။ ယေ ကေစိ နာမာ ဓမ္မာ, သဗ္ဗေ တေ နာမဟေတူ တိ။ နာမနိဒါနာ။ နာမသမ္ဘဝါ။ နာမပ္ပဘဝါ။ နာမသမုဋ္ဌာနာ။ နာမာဟာရာ။ နာမာရမ္မဏာ။ နာမပစ္စယာ။ နာမသမုဒယာ။။
မူလံ ဟေတု နိဒါနဉ္စ၊ သမ္ဘဝေါ ပဘဝေန စ။
သမုဋ္ဌာနာဟာရာရမ္မဏာ၊ ပစ္စယော သမုဒယေန စာတိ။
နိဒ္ဒေသဝါရော နိဋ္ဌိတော။
မူလယမကပါဠိ နိဋ္ဌိတာ။