၅. ပဉ္စမနယ
၅. အသင်္ဂဟိတေနအသင်္ဂဟိတပဒနိဒ္ဒေသ
၁၉၃. ရူပက္ခန္ဓေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ အသင္ဂဟိတာ? တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင္ဂဟိတာ။
၁၉၄. ဝေဒနာက္ခန္ဓေန ယေ ဓမ္မာ။ သညာက္ခန္ဓေန ယေ ဓမ္မာ။ သင္ခာရက္ခန္ဓေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၁၉၅. ဝိညာဏက္ခန္ဓေန ယေ ဓမ္မာ။ မနာယတနေန ယေ ဓမ္မာ။ စက္ခုဝိညာဏဓာတုယာ ယေ ဓမ္မာ။ပေ.။ မနောဓာတုယာ ယေ ဓမ္မာ။ မနောဝိညာဏဓာတုယာ ယေ ဓမ္မာ။ မနိန္ဒ္ရိယေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင္ဂဟိတာ။
၁၉၆. စက္ခာယတနေန ယေ ဓမ္မာ။ပေ.။ ဖောဋ္ဌဗ္ဗာယတနေန ယေ ဓမ္မာ။ စက္ခုဓာတုယာ ယေ ဓမ္မာ။ပေ.။ ဖောဋ္ဌဗ္ဗဓာတုယာ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ စတူဟိ ခန္ဓေဟိ ဒ္ဝီဟာယတနေဟိ အဋ္ဌဟိ ဓာတူဟိ အသင္ဂဟိတာ။
၁၉၇. ဓမ္မာယတနေန ယေ ဓမ္မာ။ ဓမ္မဓာတုယာ ယေ ဓမ္မာ။ ဣတ္ထိန္ဒ္ရိယေန ယေ ဓမ္မာ။ ပုရိသိန္ဒ္ရိယေန ယေ ဓမ္မာ။ ဇီဝိတိန္ဒ္ရိယေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင္ဂဟိတာ။
၁၉၈. သမုဒယသစ္စေန ယေ ဓမ္မာ။ မဂ္ဂသစ္စေန ယေ ဓမ္မာ။ နိရောဓသစ္စေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၁၉၉. စက္ခုန္ဒ္ရိယေန ယေ ဓမ္မာ။ပေ.။ ကာယိန္ဒ္ရိယေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ စတူဟိ ခန္ဓေဟိ ဒ္ဝီဟာယတနေဟိ အဋ္ဌဟိ ဓာတူဟိ အသင္ဂဟိတာ။
၂၀၀. သုခိန္ဒ္ရိယေန ယေ ဓမ္မာ။ ဒုက္ခိန္ဒ္ရိယေန ယေ ဓမ္မာ။ သောမနသ္သိန္ဒ္ရိယေန ယေ ဓမ္မာ။ ဒောမနသ္သိန္ဒ္ရိယေန ယေ ဓမ္မာ။ ဥပေက္ခိန္ဒ္ရိယေန ယေ ဓမ္မာ။ သဒ္ဓိန္ဒ္ရိယေန ယေ ဓမ္မာ။ ဝီရိယိန္ဒ္ရိယေန ယေ ဓမ္မာ။ သတိန္ဒ္ရိယေန ယေ ဓမ္မာ။ သမာဓိန္ဒ္ရိယေန ယေ ဓမ္မာ။ ပညိန္ဒ္ရိယေန ယေ ဓမ္မာ။ အနညာတညသ္သာမီတိန္ဒ္ရိယေန ယေ ဓမ္မာ။ အညိန္ဒ္ရိယေန ယေ ဓမ္မာ။ အညာတာဝိန္ဒ္ရိယေန ယေ ဓမ္မာ။ အဝိဇ္ဇာယ ယေ ဓမ္မာ။ အဝိဇ္ဇာပစ္စယာ သင္ခာရေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၂၀၁. သင္ခာရပစ္စယာ ဝိညာဏေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင္ဂဟိတာ။
၂၀၂. ဝိညာဏပစ္စယာ နာမရူပေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင္ဂဟိတာ။
၂၀၃. နာမရူပပစ္စယာ သဠာယတနေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ အသင္ဂဟိတာ။
၂၀၄. သဠာယတနပစ္စယာ ဖသ္သေန ယေ ဓမ္မာ။ ဖသ္သပစ္စယာ ဝေဒနာယ ယေ ဓမ္မာ။ ဝေဒနာပစ္စယာ တဏ္ဟာယ ယေ ဓမ္မာ။ တဏ္ဟာပစ္စယာ ဥပာဒာနေန ယေ ဓမ္မာ။ ကမ္မဘဝေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၂၀၅. အရူပဘဝေန ယေ ဓမ္မာ။ နေဝသညာနာသညာဘဝေန ယေ ဓမ္မာ ။ စတုဝောကာရဘဝေန ယေ ဓမ္မာ။ ဣဒ္ဓိပာဒေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင္ဂဟိတာ။
၂၀၆. အသညာဘဝေန ယေ ဓမ္မာ။ ဧကဝောကာရဘဝေန ယေ ဓမ္မာ။ ဇာတိယာ ယေ ဓမ္မာ။ ဇရာယ ယေ ဓမ္မာ။ မရဏေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ , တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင္ဂဟိတာ။
၂၀၇. ပရိဒေဝေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ စတူဟိ ခန္ဓေဟိ ဒ္ဝီဟာယတနေဟိ အဋ္ဌဟိ ဓာတူဟိ အသင္ဂဟိတာ။
၂၀၈. သောကေန ယေ ဓမ္မာ။ ဒုက္ခေန ယေ ဓမ္မာ။ ဒောမနသ္သေန ယေ ဓမ္မာ။ ဥပာယာသေန ယေ ဓမ္မာ။ သတိပဋ္ဌာနေန ယေ ဓမ္မာ။ သမ္မပ္ပဓာနေန ယေ ဓမ္မာ။ ဈာနေန ယေ ဓမ္မာ။ အပ္ပမညာယ ယေ ဓမ္မာ။ ပဉ္စဟိ ဣန္ဒ္ရိယေဟိ ယေ ဓမ္မာ။ ပဉ္စဟိ ဗလေဟိ ယေ ဓမ္မာ။ သတ္တဟိ ဗောဇ္ဈင္ဂေဟိ ယေ ဓမ္မာ။ အရိယေန အဋ္ဌင္ဂိကေန မဂ္ဂေန ယေ ဓမ္မာ။ ဖသ္သေန ယေ ဓမ္မာ။ ဝေဒနာယ ယေ ဓမ္မာ။ သညာယ ယေ ဓမ္မာ။ စေတနာယ ယေ ဓမ္မာ။ အဓိမောက္ခေန ယေ ဓမ္မာ ။ မနသိကာရေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၂၀၉. စိတ္တေန ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင္ဂဟိတာ။
၁. တိကံ
၂၁၀. ကုသလေဟိ ဓမ္မေဟိ ယေ ဓမ္မာ။ အကုသလေဟိ ဓမ္မေဟိ ယေ ဓမ္မာ။ သုခာယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ။ ဒုက္ခာယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ။ အဒုက္ခမသုခာယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ။ ဝိပာကေဟိ ဓမ္မေဟိ ယေ ဓမ္မာ။ ဝိပာကဓမ္မဓမ္မေဟိ ယေ ဓမ္မာ။ အနုပာဒိန္နအနုပာဒာနိယေဟိ ဓမ္မေဟိ ယေ ဓမ္မာ။ သံကိလိဋ္ဌသံကိလေသိကေဟိ ဓမ္မေဟိ ယေ ဓမ္မာ။ အသံကိလိဋ္ဌအသံကိလေသိကေဟိ ဓမ္မေဟိ ယေ ဓမ္မာ။ သဝိတက္ကသဝိစာရေဟိ ဓမ္မေဟိ ယေ ဓမ္မာ။ အဝိတက္ကဝိစာရမတ္တေဟိ ဓမ္မေဟိ ယေ ဓမ္မာ။ ပီတိသဟဂတေဟိ ဓမ္မေဟိ ယေ ဓမ္မာ။ သုခသဟဂတေဟိ ဓမ္မေဟိ ယေ ဓမ္မာ။ ဥပေက္ခာသဟဂတေဟိ ဓမ္မေဟိ ယေ ဓမ္မာ။ ဒသ္သနေန ပဟာတဗ္ဗေဟိ ဓမ္မေဟိ ယေ ဓမ္မာ။ ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ။ ဒသ္သနေန ပဟာတဗ္ဗဟေတုကေဟိ ဓမ္မေဟိ ယေ ဓမ္မာ။ ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ဓမ္မာ။ အာစယဂာမီဟိ ဓမ္မေဟိ ယေ ဓမ္မာ။ အပစယဂာမီဟိ ဓမ္မေဟိ ယေ ဓမ္မာ။ သေက္ခေဟိ ဓမ္မေဟိ ယေ ဓမ္မာ။ အသေက္ခေဟိ ဓမ္မေဟိ ယေ ဓမ္မာ။ မဟဂ္ဂတေဟိ ဓမ္မေဟိ ယေ ဓမ္မာ။ အပ္ပမာဏေဟိ ဓမ္မေဟိ ယေ ဓမ္မာ။ ပရိတ္တာရမ္မဏေဟိ ဓမ္မေဟိ ယေ ဓမ္မာ။ မဟဂ္ဂတာရမ္မဏေဟိ ဓမ္မေဟိ ယေ ဓမ္မာ။ အပ္ပမာဏာရမ္မဏေဟိ ဓမ္မေဟိ ယေ ဓမ္မာ။ ဟီနေဟိ ဓမ္မေဟိ ယေ ဓမ္မာ။ ပဏီတေဟိ ဓမ္မေဟိ ယေ ဓမ္မာ။ မိစ္ဆတ္တနိယတေဟိ ဓမ္မေဟိ ယေ ဓမ္မာ။ သမ္မတ္တနိယတေဟိ ဓမ္မေဟိ ယေ ဓမ္မာ။ မဂ္ဂာရမ္မဏေဟိ ဓမ္မေဟိ ယေ ဓမ္မာ။ မဂ္ဂဟေတုကေဟိ ဓမ္မေဟိ ယေ ဓမ္မာ။ မဂ္ဂာဓိပတီဟိ ဓမ္မေဟိ ယေ ဓမ္မာ။ အတီတာရမ္မဏေဟိ ဓမ္မေဟိ ယေ ဓမ္မာ။ အနာဂတာရမ္မဏေဟိ ဓမ္မေဟိ ယေ ဓမ္မာ။ ပစ္စုပန္နာရမ္မဏေဟိ ဓမ္မေဟိ ယေ ဓမ္မာ။ အဇ္ဈတ္တာရမ္မဏေဟိ ဓမ္မေဟိ ယေ ဓမ္မာ။ ဗဟိဒ္ဓာရမ္မဏေဟိ ဓမ္မေဟိ ယေ ဓမ္မာ။ အဇ္ဈတ္တဗဟိဒ္ဓာရမ္မဏေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင္ဂဟိတာ။
၂၁၁. သနိဒသ္သနသပ္ပဋိဃေဟိ ဓမ္မေဟိ ယေ ဓမ္မာ။ အနိဒသ္သနသပ္ပဋိဃေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ စတူဟိ ခန္ဓေဟိ ဒ္ဝီဟာယတနေဟိ အဋ္ဌဟိ ဓာတူဟိ အသင္ဂဟိတာ ။
၂. ဒုကံ
၂၁၂. ဟေတူဟိ ဓမ္မေဟိ ယေ ဓမ္မာ။ ဟေတူဟိ စေဝ သဟေတုကေဟိ စ ဓမ္မေဟိ ယေ ဓမ္မာ။ ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၂၁၃. သဟေတုကေဟိ ဓမ္မေဟိ ယေ ဓမ္မာ။ ဟေတုသမ္ပယုတ္တေဟိ ဓမ္မေဟိ ယေ ဓမ္မာ။ သဟေတုကေဟိ စေဝ န စ ဟေတူဟိ ဓမ္မေဟိ ယေ ဓမ္မာ။ ဟေတုသမ္ပယုတ္တေဟိ စေဝ န စ ဟေတူဟိ ဓမ္မေဟိ ယေ ဓမ္မာ။ န ဟေတုသဟေတုကေဟိ [န ဟေတူ သဟေတုကေဟိ (သီ.), န ဟေတူဟိ သဟေတုကေဟိ (သ္ယာ. က.)] ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင္ဂဟိတာ။
၂၁၄. အပ္ပစ္စယေဟိ ဓမ္မေဟိ ယေ ဓမ္မာ။ အသင္ခတေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၂၁၅. သနိဒသ္သနေဟိ ဓမ္မေဟိ ယေ ဓမ္မာ။ သပ္ပဋိဃေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ စတူဟိ ခန္ဓေဟိ ဒ္ဝီဟာယတနေဟိ အဋ္ဌဟိ ဓာတူဟိ အသင္ဂဟိတာ။
၂၁၆. ရူပီဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင္ဂဟိတာ။
၂၁၇. အရူပီဟိ ဓမ္မေဟိ ယေ ဓမ္မာ။ လောကုတ္တရေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင္ဂဟိတာ။
၂၁၈. အာသဝေဟိ ဓမ္မေဟိ ယေ ဓမ္မာ။ အာသဝေဟိ စေဝ သာသဝေဟိ စ ဓမ္မေဟိ ယေ ဓမ္မာ။ အာသဝေဟိ စေဝ အာသဝသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၂၁၉. အနာသဝေဟိ ဓမ္မေဟိ ယေ ဓမ္မာ။ အာသဝသမ္ပယုတ္တေဟိ ဓမ္မေဟိ ယေ ဓမ္မာ။ အာသဝသမ္ပယုတ္တေဟိ စေဝ နော စ အာသဝေဟိ ဓမ္မေဟိ ယေ ဓမ္မာ။ အာသဝဝိပ္ပယုတ္တေဟိ အနာသဝေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင္ဂဟိတာ။
၂၂၀. သံယောဇနေဟိ ဓမ္မေဟိ ယေ ဓမ္မာ။ ဂန္ထေဟိ ဓမ္မေဟိ ယေ ဓမ္မာ။ ဩဃေဟိ ဓမ္မေဟိ ယေ ဓမ္မာ။ ယောဂေဟိ ဓမ္မေဟိ ယေ ဓမ္မာ။ နီဝရဏေဟိ ဓမ္မေဟိ ယေ ဓမ္မာ။ ပရာမာသေဟိ ဓမ္မေဟိ ယေ ဓမ္မာ။ ပရာမာသေဟိ စေဝ ပရာမဋ္ဌေဟိ စ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၂၂၁. အပရာမဋ္ဌေဟိ ဓမ္မေဟိ ယေ ဓမ္မာ။ ပရာမာသသမ္ပယုတ္တေဟိ ဓမ္မေဟိ ယေ ဓမ္မာ။ ပရာမာသဝိပ္ပယုတ္တေဟိ အပရာမဋ္ဌေဟိ ဓမ္မေဟိ ယေ ဓမ္မာ။ သာရမ္မဏေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ , တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင္ဂဟိတာ။
၂၂၂. အနာရမ္မဏေဟိ ဓမ္မေဟိ ယေ ဓမ္မာ။ နော စိတ္တေဟိ ဓမ္မေဟိ ယေ ဓမ္မာ။ စိတ္တဝိပ္ပယုတ္တေဟိ ဓမ္မေဟိ ယေ ဓမ္မာ။ စိတ္တဝိသံသဋ္ဌေဟိ ဓမ္မေဟိ ယေ ဓမ္မာ။ စိတ္တသမုဋ္ဌာနေဟိ ဓမ္မေဟိ ယေ ဓမ္မာ။ စိတ္တသဟဘူဟိ ဓမ္မေဟိ ယေ ဓမ္မာ။ စိတ္တာနုပရိဝတ္တီဟိ ဓမ္မေဟိ ယေ ဓမ္မာ။ ဗာဟိရေဟိ ဓမ္မေဟိ ယေ ဓမ္မာ။ ဥပာဒာဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင္ဂဟိတာ။
၂၂၃. စိတ္တေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင္ဂဟိတာ။
၂၂၄. စေတသိကေဟိ ဓမ္မေဟိ ယေ ဓမ္မာ။ စိတ္တသမ္ပယုတ္တေဟိ ဓမ္မေဟိ ယေ ဓမ္မာ။ စိတ္တသံသဋ္ဌေဟိ ဓမ္မေဟိ ယေ ဓမ္မာ။ စိတ္တသံသဋ္ဌသမုဋ္ဌာနေဟိ ဓမ္မေဟိ ယေ ဓမ္မာ။ စိတ္တသံသဋ္ဌသမုဋ္ဌာနသဟဘူဟိ ဓမ္မေဟိ ယေ ဓမ္မာ။ စိတ္တသံသဋ္ဌသမုဋ္ဌာနာနုပရိဝတ္တီဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၂၂၅. အဇ္ဈတ္တိကေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ အသင္ဂဟိတာ။
၂၂၆. ဥပာဒာနေဟိ ဓမ္မေဟိ ယေ ဓမ္မာ။ ကိလေသေဟိ ဓမ္မေဟိ ယေ ဓမ္မာ။ ကိလေသေဟိ စေဝ သံကိလေသိကေဟိ စ ဓမ္မေဟိ ယေ ဓမ္မာ။ ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ။ ကိလေသေဟိ စေဝ ကိလေသသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ။ပေ.။ တေ ဓမ္မာ ဒ္ဝီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင္ဂဟိတာ။
၂၂၇. အသံကိလေသိကေဟိ ဓမ္မေဟိ ယေ ဓမ္မာ။ သံကိလိဋ္ဌေဟိ ဓမ္မေဟိ ယေ ဓမ္မာ။ ကိလေသသမ္ပယုတ္တေဟိ ဓမ္မေဟိ ယေ ဓမ္မာ။ သံကိလိဋ္ဌေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ။ ကိလေသသမ္ပယုတ္တေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ။ ကိလေသဝိပ္ပယုတ္တေဟိ အသံကိလေသိကေဟိ ဓမ္မေဟိ ယေ ဓမ္မာ။ ဒသ္သနေန ပဟာတဗ္ဗေဟိ ဓမ္မေဟိ ယေ ဓမ္မာ။ ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ။ ဒသ္သနေန ပဟာတဗ္ဗဟေတုကေဟိ ဓမ္မေဟိ ယေ ဓမ္မာ။ ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ဓမ္မာ။ သဝိတက္ကေဟိ ဓမ္မေဟိ ယေ ဓမ္မာ။ သဝိစာရေဟိ ဓမ္မေဟိ ယေ ဓမ္မာ။ သပ္ပီတိကေဟိ ဓမ္မေဟိ ယေ ဓမ္မာ။ ပီတိသဟဂတေဟိ ဓမ္မေဟိ ယေ ဓမ္မာ။ သုခသဟဂတေဟိ ဓမ္မေဟိ ယေ ဓမ္မာ။ ဥပေက္ခာသဟဂတေဟိ ဓမ္မေဟိ ယေ ဓမ္မာ။ န ကာမာဝစရေဟိ ဓမ္မေဟိ ယေ ဓမ္မာ။ ရူပာဝစရေဟိ ဓမ္မေဟိ ယေ ဓမ္မာ။ အရူပာဝစရေဟိ ဓမ္မေဟိ ယေ ဓမ္မာ။ အပရိယာပန္နေဟိ ဓမ္မေဟိ ယေ ဓမ္မာ။ နိယ္ယာနိကေဟိ ဓမ္မေဟိ ယေ ဓမ္မာ။ နိယတေဟိ ဓမ္မေဟိ ယေ ဓမ္မာ။ အနုတ္တရေဟိ ဓမ္မေဟိ ယေ ဓမ္မာ။ သရဏေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေဟိ ဓမ္မေဟိ ယေ ဓမ္မာ ခန္ဓသင္ဂဟေန အသင္ဂဟိတာ အာယတနသင္ဂဟေန အသင္ဂဟိတာ ဓာတုသင္ဂဟေန အသင္ဂဟိတာ, တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ အသင္ဂဟိတာ? တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင္ဂဟိတာ။
ရူပဉ္စ ဓမ္မာယတနံ ဓမ္မဓာတု၊ ဣတ္ထိပုမံ ဇီဝိတံ နာမရူပံ။
ဒ္ဝေ ဘဝာ ဇာတိ ဇရာ မစ္စုရူပံ၊ အနာရမ္မဏံ နော စိတ္တံ စိတ္တေန ဝိပ္ပယုတ္တံ။
ဝိသံသဋ္ဌံ သမုဋ္ဌာန-သဟဘု အနုပရိဝတ္တိ။
ဗာဟိရံ ဥပာဒာ ဒ္ဝေ၊ ဝိသယော [ဒ္ဝေဝီသတိ (သ္ယာ.)] ဧသနယော သုဗုဒ္ဓော။
အသင္ဂဟိတေနအသင္ဂဟိတပဒနိဒ္ဒေသော ပဉ္စမော။