ဗောဇ္ဈင်္ဂ‌ဝိဘင်္ဂ‌

၁၀. ဗောဇ္ဈင်္ဂ‌ဝိဘင်္ဂ‌

၁. သုတ္တန္တဘာဇနီယ

၄၆၆. သတ္တ ဗောဇ္ဈဂႅါ – သတိသမ္ဗောဇ္ဈဂေႅါ, ဓမ္မဝိစယသမ္ဗောဇ္ဈဂေႅါ, ဝီရိယသမ္ဗောဇ္ဈဂေႅါ, ဣတိသမ္ဗောဇ္ဈဂေႅါ, ပဿဒ္ဓိသမ္ဗောဇ္ဈဂေႅါ, သမာဓိသမ္ဗောဇ္ဈဂေႅါ, ဥပေက္ခာသမ္ဗောဇ္ဈဂေႅါ။

၄၆၇. တတ္ထ ကတမော သတိသမ္ဗောဇ္ဈဂေႅါ? ဣဓ ဘိက္ခု သတိမာ ဟောတိ ပရမေန သတိနေပက္ကေန သမန္နာဂတော, စိရကတမ္ပိ စိရဘာသိတမ္ပိ သရိတာ ဟောတိ အနုဿရိတာ – အယံ ဝုစ္စတိ ‘‘သတိသမ္ဗောဇ္ဈင်္ဂေါ’’။

သော တထာ သတော ဝိဟရန္တော တံ ဓမ္မံ ပညာယ ပဝိစိနတိ ပဝိစရတိ ပရိဝီမံသမာပဇ္ဇတိ – အယံ ဝုစ္စတိ ‘‘ဓမ္မဝိစယသမ္ဗောဇ္ဈင်္ဂေါ’’။

တဿ တံ ဓမ္မံ ပညာယ ပဝိစိနတော ပဝိစရတော ပရိဝီမံသမာပဇ္ဇတော အာရဒ္ဓံ ဟောတိ ဝီရိယံ အသလ္လီနံ – အယံ ဝုစ္စတိ ‘‘ဝီရိယသမ္ဗောဇ္ဈင်္ဂေါ’’။

အာရဒ္ဓဝီရိယဿ ဥပ္ပဇ္ဇတိ ဣတိ နိရာမိသာ – အယံ ဝုစ္စတိ ‘‘ဣတိသမ္ဗောဇ္ဈင်္ဂေါ’’။

ဣတိမနဿ ကာယောပိ ပဿမ္ဘတိ, စိတ္တမ္ပိ ပဿမ္ဘတိ – အယံ ဝုစ္စတိ ‘‘ပဿဒ္ဓိသမ္ဗောဇ္ဈင်္ဂေါ’’။

ပဿဒ္ဓကာယဿ သုခိနော စိတ္တံ သမာဓိယတိ – အယံ ဝုစ္စတိ ‘‘သမာဓိသမ္ဗောဇ္ဈင်္ဂေါ’’ ။

သော တထာ သမာဟိတံ စိတ္တံ သာဓုကံ အဇ္ဈုပေက္ခိတာ ဟောတိ – အယံ ဝုစ္စတိ ‘‘ဥပေက္ခာသမ္ဗောဇ္ဈင်္ဂေါ’’။

၄၆၈. သတ္တ ဗောဇ္ဈင်္ဂါ – သတိသမ္ဗောဇ္ဈင်္ဂေါ, ဓမ္မဝိစယသမ္ဗောဇ္ဈင်္ဂေါ, ဝီရိယသမ္ဗောဇ္ဈင်္ဂေါ, ဣတိသမ္ဗောဇ္ဈင်္ဂေါ, ပဿဒ္ဓိသမ္ဗောဇ္ဈင်္ဂေါ, သမာဓိသမ္ဗောဇ္ဈင်္ဂေါ, ဥပေက္ခာသမ္ဗောဇ္ဈင်္ဂေါ။

၄၆၉. တတ္ထ ကတမော သတိသမ္ဗောဇ္ဈင်္ဂေါ? အတ္ထိ အဇ္ဈတ္တံ ဓမ္မေသု သတိ, အတ္ထိ ဗဟိဒ္ဓါ ဓမ္မေသု သတိ။ ယဒပိ အဇ္ဈတ္တံ ဓမ္မေသု သတိ တဒပိ သတိသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။ ယဒပိ ဗဟိဒ္ဓါ ဓမ္မေသု သတိ တဒပိ သတိသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။

တတ္ထ ကတမော ဓမ္မဝိစယသမ္ဗောဇ္ဈင်္ဂေါ? အတ္ထိ အဇ္ဈတ္တံ ဓမ္မေသု ပဝိစယော, အတ္ထိ ဗဟိဒ္ဓါ ဓမ္မေသု ပဝိစယော။ ယဒပိ အဇ္ဈတ္တံ ဓမ္မေသု ပဝိစယော တဒပိ ဓမ္မဝိစယသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။ ယဒပိ ဗဟိဒ္ဓါ ဓမ္မေသု ပဝိစယော တဒပိ ဓမ္မဝိစယသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။

တတ္ထ ကတမော ဝီရိယသမ္ဗောဇ္ဈင်္ဂေါ? အတ္ထိ ကာယိကံ ဝီရိယံ, အတ္ထိ စေတသိကံ ဝီရိယံ။ ယဒပိ ကာယိကံ ဝီရိယံ တဒပိ ဝီရိယသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။ ယဒပိ စေတသိကံ ဝီရိယံ တဒပိ ဝီရိယသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ ။

တတ္ထ ကတမော ဣတိသမ္ဗောဇ္ဈင်္ဂေါ? အတ္ထိ သဝိတက္ကသဝိစာရာ ဣတိ, အတ္ထိ အဝိတက္ကအဝိစာရာ ဣတိ။ ယဒပိ သဝိတက္ကသဝိစာရာ ဣတိ တဒပိ ဣတိသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။ ယဒပိ အဝိတက္ကအဝိစာရာ ဣတိ တဒပိ ဣတိသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။

တတ္ထ ကတမော ပဿဒ္ဓိသမ္ဗောဇ္ဈင်္ဂေါ? အတ္ထိ ကာယပဿဒ္ဓိ [ကာယပ္ပဿဒ္ဓိ (သျာ. က.)], အတ္ထိ စိတ္တပဿဒ္ဓိ [စိတ္တပ္ပဿဒ္ဓိ (သျာ. က.)]။ ယဒပိ ကာယပဿဒ္ဓိ တဒပိ ပဿဒ္ဓိသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။ ယဒပိ စိတ္တပဿဒ္ဓိ တဒပိ ပဿဒ္ဓိသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။

တတ္ထ ကတမော သမာဓိသမ္ဗောဇ္ဈင်္ဂေါ? အတ္ထိ သဝိတက္ကော သဝိစာရော သမာဓိ, အတ္ထိ အဝိတက္ကော အဝိစာရော သမာဓိ။ ယဒပိ သဝိတက္ကော သဝိစာရော သမာဓိ တဒပိ သမာဓိသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။ ယဒပိ အဝိတက္ကော အဝိစာရော သမာဓိ တဒပိ သမာဓိသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။

တတ္ထ ကတမော ဥပေက္ခာသမ္ဗောဇ္ဈင်္ဂေါ? အတ္ထိ အဇ္ဈတ္တံ ဓမ္မေသု ဥပေက္ခာ, အတ္ထိ ဗဟိဒ္ဓါ ဓမ္မေသု ဥပေက္ခာ။ ယဒပိ အဇ္ဈတ္တံ ဓမ္မေသု ဥပေက္ခာ တဒပိ ဥပေက္ခာသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။ ယဒပိ ဗဟိဒ္ဓါ ဓမ္မေသု ဥပေက္ခာ တဒပိ ဥပေက္ခာသမ္ဗောဇ္ဈင်္ဂေါ အဘိညာယ သမ္ဗောဓါယ နိဗ္ဗာနာယ သံဝတ္တတိ။

၄၇၀. သတ္တ ဗောဇ္ဈင်္ဂါ – သတိသမ္ဗောဇ္ဈင်္ဂေါ, ဓမ္မဝိစယသမ္ဗောဇ္ဈင်္ဂေါ, ဝီရိယသမ္ဗောဇ္ဈင်္ဂေါ, ဣတိသမ္ဗောဇ္ဈင်္ဂေါ, ပဿဒ္ဓိသမ္ဗောဇ္ဈင်္ဂေါ, သမာဓိသမ္ဗောဇ္ဈင်္ဂေါ, ဥပေက္ခာသမ္ဗောဇ္ဈင်္ဂေါ။

၄၇၁. တတ္ထ ကတမော သတိသမ္ဗောဇ္ဈင်္ဂေါ? ဣဓ ဘိက္ခု သတိသမ္ဗောဇ္ဈင်္ဂံ ဘာဝေတိ ဝိဝေကနိဿိတံ ဝိရာဂနိဿိတံ နိရောဓနိဿိတံ ဝေါဿဂ္ဂပရိဏာမိံ, ဓမ္မဝိစယသမ္ဗောဇ္ဈင်္ဂံ ဘာဝေတိ။ပေ.။ ဝီရိယသမ္ဗောဇ္ဈင်္ဂံ ဘာဝေတိ။ ဣတိသမ္ဗောဇ္ဈင်္ဂံ ဘာဝေတိ။ ပဿဒ္ဓိသမ္ဗောဇ္ဈင်္ဂံ ဘာဝေတိ။ သမာဓိသမ္ဗောဇ္ဈင်္ဂံ ဘာဝေတိ။ ဥပေက္ခာသမ္ဗောဇ္ဈင်္ဂံ ဘာဝေတိ ဝိဝေကနိဿိတံ ဝိရာဂနိဿိတံ နိရောဓနိဿိတံ ဝေါဿဂ္ဂပရိဏာမိံ။

သုတ္တန္တဘာဇနီယံ။

၂. အဘိဓမ္မဘာဇနီယံ

၄၇၂. သတ္တ ဗောဇ္ဈင်္ဂါ – သတိသမ္ဗောဇ္ဈင်္ဂေါ, ဓမ္မဝိစယသမ္ဗောဇ္ဈင်္ဂေါ, ဝီရိယသမ္ဗောဇ္ဈင်္ဂေါ, ဣတိသမ္ဗောဇ္ဈင်္ဂေါ, ပဿဒ္ဓိသမ္ဗောဇ္ဈင်္ဂေါ, သမာဓိသမ္ဗောဇ္ဈင်္ဂေါ, ဥပေက္ခာသမ္ဗောဇ္ဈင်္ဂေါ။

၄၇၃. တတ္ထ ကတမေ သတ္တ ဗောဇ္ဈင်္ဂါ? ဣဓ ဘိက္ခု ယသ္မိံ သမယေ လောကုတ္တရံ ဈာနံ ဘာဝေတိ နိယျာနိကံ အပစယဂါမိံ ဒိဋ္ဌိဂတာနံ ပဟာနာယ ပဌမာယ ဘူမိယာ ပတ္တိယာ ဝိဝိစ္စေဝ ကာမေဟိ။ပေ.။ ပဌမံ ဈာနံ ဥပသမ္ပဇ္ဇ ဝိဟရတိ ဒုက္ခပဋိပဒံ ဒန္ဓာဘိညံ, တသ္မိံ သမယေ သတ္တ ဗောဇ္ဈင်္ဂါ ဟောန္တိ – သတိသမ္ဗောဇ္ဈင်္ဂေါ။ပေ.။ ဥပေက္ခာသမ္ဗောဇ္ဈင်္ဂေါ။

၄၇၄. တတ္ထ ကတမော သတိသမ္ဗောဇ္ဈင်္ဂေါ? ယာ သတိ အနုဿတိ။ပေ.။ သမ္မာသတိ သတိသမ္ဗောဇ္ဈင်္ဂေါ မဂ္ဂင်္ဂံ မဂ္ဂပရိယာပန္နံ – အယံ ဝုစ္စတိ ‘‘သတိသမ္ဗောဇ္ဈင်္ဂေါ’’။

တတ္ထ ကတမော ဓမ္မဝိစယသမ္ဗောဇ္ဈင်္ဂေါ? ယာ ပညာ ပဇာနနာ။ပေ.။ အမောဟော ဓမ္မဝိစယော သမ္မာဒိဋ္ဌိ ဓမ္မဝိစယသမ္ဗောဇ္ဈင်္ဂေါ မဂ္ဂင်္ဂံ မဂ္ဂပရိယာပန္နံ – အယံ ဝုစ္စတိ ‘‘ဓမ္မဝိစယသမ္ဗောဇ္ဈင်္ဂေါ’’။

တတ္ထ ကတမော ဝီရိယသမ္ဗောဇ္ဈင်္ဂေါ? ယော စေတသိကော ဝီရိယာရမ္ဘော။ပေ.။ သမ္မာဝါယာမော ဝီရိယသမ္ဗောဇ္ဈင်္ဂေါ မဂ္ဂင်္ဂံ မဂ္ဂပရိယာပန္နံ – အယံ ဝုစ္စတိ ‘‘ဝီရိယသမ္ဗောဇ္ဈင်္ဂေါ’’။

တတ္ထ ကတမော ဣတိသမ္ဗောဇ္ဈင်္ဂေါ? ယာ ဣတိ ပါမောဇ္ဇံ အာမောဒနာ ပမောဒနာ ဟာသော ပဟာသော ဝိတ္တိ ဩဒဂ္ယံ [ဩဒဂ္ဂံ (သီ.) ဓ. သ. ၉] အတ္တမနတာ စိတ္တဿ ဣတိသမ္ဗောဇ္ဈင်္ဂေါ – အယံ ဝုစ္စတိ ‘‘ဣတိသမ္ဗောဇ္ဈင်္ဂေါ’’။

တတ္ထ ကတမော ပဿဒ္ဓိသမ္ဗောဇ္ဈင်္ဂေါ? ယာ ဝေဒနာက္ခန္ဓဿ သညာက္ခန္ဓဿ သင်္ခါရက္ခန္ဓဿ ဝိညာဏက္ခန္ဓဿ ပဿဒ္ဓိ ပဋိပ္ပဿဒ္ဓိ ပဿမ္ဘနာ ပဋိပ္ပဿမ္ဘနာ ပဋိပ္ပဿမ္ဘိတတ္တံ ပဿဒ္ဓိသမ္ဗောဇ္ဈင်္ဂေါ – အယံ ဝုစ္စတိ ‘‘ပဿဒ္ဓိသမ္ဗောဇ္ဈင်္ဂေါ’’။

တတ္ထ ကတမော သမာဓိသမ္ဗောဇ္ဈင်္ဂေါ? ယာ စိတ္တဿ ဌိတိ။ပေ.။ သမ္မာသမာဓိ သမာဓိသမ္ဗောဇ္ဈင်္ဂေါ မဂ္ဂင်္ဂံ မဂ္ဂပရိယာပန္နံ – အယံ ဝုစ္စတိ ‘‘သမာဓိသမ္ဗောဇ္ဈင်္ဂေါ’’။

တတ္ထ ကတမော ဥပေက္ခာသမ္ဗောဇ္ဈင်္ဂေါ? ယာ ဥပေက္ခာ ဥပေက္ခနာ အဇ္ဈုပေက္ခနာ မဇ္ဈတ္တတာ စိတ္တဿ ဥပေက္ခာသမ္ဗောဇ္ဈင်္ဂေါ – အယံ ဝုစ္စတိ ‘‘ဥပေက္ခာသမ္ဗောဇ္ဈင်္ဂေါ’’။ ဣမေ ဝုစ္စန္တိ သတ္တ ဗောဇ္ဈင်္ဂါ။ အဝသေသာ ဓမ္မာ သတ္တဟိ ဗောဇ္ဈင်္ဂေဟိ သမ္ပယုတ္တာ။

၄၇၅. သတ္တ ဗောဇ္ဈင်္ဂါ – သတိသမ္ဗောဇ္ဈင်္ဂေါ။ပေ.။ ဥပေက္ခာသမ္ဗောဇ္ဈင်္ဂေါ။

၄၇၆. တတ္ထ ကတမော သတိသမ္ဗောဇ္ဈင်္ဂေါ? ဣဓ ဘိက္ခု ယသ္မိံ သမယေ လောကုတ္တရံ ဈာနံ ဘာဝေတိ နိယျာနိကံ အပစယဂါမိံ ဒိဋ္ဌိဂတာနံ ပဟာနာယ ပဌမာယ ဘူမိယာ ပတ္တိယာ ဝိဝိစ္စေဝ ကာမေဟိ။ပေ.။ ပဌမံ ဈာနံ ဥပသမ္ပဇ္ဇ ဝိဟရတိ ဒုက္ခပဋိပဒံ ဒန္ဓာဘိညံ, ယာ တသ္မိံ သမယေ သတိ အနုဿတိ သမ္မာသတိ သတိသမ္ဗောဇ္ဈင်္ဂေါ မဂ္ဂင်္ဂံ မဂ္ဂပရိယာပန္နံ – အယံ ဝုစ္စတိ ‘‘သတိသမ္ဗောဇ္ဈင်္ဂေါ’’။ အဝသေသာ ဓမ္မာ သတိသမ္ဗောဇ္ဈင်္ဂသမ္ပယုတ္တာ။ပေ.။ အဝသေသာ ဓမ္မာ ဓမ္မဝိစယသမ္ဗောဇ္ဈင်္ဂသမ္ပယုတ္တာ။ပေ.။ အဝသေသာ ဓမ္မာ ဝီရိယသမ္ဗောဇ္ဈင်္ဂသမ္ပယုတ္တာ။ပေ.။ အဝသေသာ ဓမ္မာ ဣတိသမ္ဗောဇ္ဈင်္ဂသမ္ပယုတ္တာ။ပေ.။ အဝသေသာ ဓမ္မာ ပဿဒ္ဓိသမ္ဗောဇ္ဈင်္ဂသမ္ပယုတ္တာ။ပေ.။ အဝသေသာ ဓမ္မာ သမာဓိသမ္ဗောဇ္ဈင်္ဂသမ္ပယုတ္တာ။

တတ္ထ ကတမော ဥပေက္ခာသမ္ဗောဇ္ဈင်္ဂေါ? ဣဓ ဘိက္ခု ယသ္မိံ သမယေ လောကုတ္တရံ ဈာနံ ဘာဝေတိ နိယျာနိကံ အပစယဂါမိံ ဒိဋ္ဌိဂတာနံ ပဟာနာယ ပဌမာယ ဘူမိယာ ပတ္တိယာ ဝိဝိစ္စေဝ ကာမေဟိ။ပေ.။ ပဌမံ ဈာနံ ဥပသမ္ပဇ္ဇ ဝိဟရတိ ဒုက္ခပဋိပဒံ ဒန္ဓာဘိညံ, ယာ တသ္မိံ သမယေ ဥပေက္ခာ ဥပေက္ခနာ အဇ္ဈုပေက္ခနာ မဇ္ဈတ္တတာ စိတ္တဿ ဥပေက္ခာသမ္ဗောဇ္ဈင်္ဂေါ – အယံ ဝုစ္စတိ ‘‘ဥပေက္ခာသမ္ဗောဇ္ဈင်္ဂေါ’’။ အဝသေသာ ဓမ္မာ ဥပေက္ခာသမ္ဗောဇ္ဈင်္ဂသမ္ပယုတ္တာ။

၄၇၇. သတ္တ ဗောဇ္ဈင်္ဂါ – သတိသမ္ဗောဇ္ဈင်္ဂေါ။ပေ.။ ဥပေက္ခာသမ္ဗောဇ္ဈင်္ဂေါ။

၄၇၈. တတ္ထ ကတမေ သတ္တ ဗောဇ္ဈင်္ဂါ? ဣဓ ဘိက္ခု ယသ္မိံ သမယေ လောကုတ္တရံ ဈာနံ ဘာဝေတိ နိယျာနိကံ အပစယဂါမိံ ဒိဋ္ဌိဂတာနံ ပဟာနာယ ပဌမာယ ဘူမိယာ ပတ္တိယာ ဝိဝိစ္စေဝ ကာမေဟိ ။ပေ.။ ပဌမံ ဈာနံ ဥပသမ္ပဇ္ဇ ဝိဟရတိ ဒုက္ခပဋိပဒံ ဒန္ဓာဘိညံ, ယော တသ္မိံ သမယေ ဖဿော ဟောတိ။ပေ.။ အဝိက္ခေပေါ ဟောတိ – ဣမေ ဓမ္မာ ကုသလာ။ တဿေဝ လောကုတ္တရဿ ကုသလဿ ဈာနဿ ကတတ္တာ ဘာဝိတတ္တာ ဝိပါကံ ဝိဝိစ္စေဝ ကာမေဟိ။ပေ.။ ပဌမံ ဈာနံ ဥပသမ္ပဇ္ဇ ဝိဟရတိ ဒုက္ခပဋိပဒံ ဒန္ဓာဘိညံ သုညတံ, တသ္မိံ သမယေ သတ္တ ဗောဇ္ဈင်္ဂါ ဟောန္တိ – သတိသမ္ဗောဇ္ဈင်္ဂေါ။ပေ.။ ဥပေက္ခာသမ္ဗောဇ္ဈင်္ဂေါ။

၄၇၉. တတ္ထ ကတမော သတိသမ္ဗောဇ္ဈင်္ဂေါ? ယာ သတိ အနုဿတိ။ပေ.။ သမ္မာသတိ သတိသမ္ဗောဇ္ဈင်္ဂေါ မဂ္ဂင်္ဂံ မဂ္ဂပရိယာပန္နံ – အယံ ဝုစ္စတိ ‘‘သတိသမ္ဗောဇ္ဈင်္ဂေါ’’။ပေ.။။

တတ္ထ ကတမော ဥပေက္ခာသမ္ဗောဇ္ဈင်္ဂေါ? ယာ ဥပေက္ခာ ဥပေက္ခနာ အဇ္ဈုပေက္ခနာ မဇ္ဈတ္တတာ စိတ္တဿ ဥပေက္ခာသမ္ဗောဇ္ဈင်္ဂေါ – အယံ ဝုစ္စတိ ‘‘ဥပေက္ခာသမ္ဗောဇ္ဈင်္ဂေါ’’။ ဣမေ ဝုစ္စန္တိ ‘‘သတ္တ ဗောဇ္ဈင်္ဂါ’’။ အဝသေသာ ဓမ္မာ သတ္တဟိ ဗောဇ္ဈင်္ဂေဟိ သမ္ပယုတ္တာ။

၄၈၀. သတ္တ ဗောဇ္ဈင်္ဂါ – သတိသမ္ဗောဇ္ဈင်္ဂေါ။ပေ.။ ဥပေက္ခာသမ္ဗောဇ္ဈင်္ဂေါ။

၄၈၁. တတ္ထ ကတမော သတိသမ္ဗောဇ္ဈင်္ဂေါ? ဣဓ ဘိက္ခု ယသ္မိံ သမယေ လောကုတ္တရံ ဈာနံ ဘာဝေတိ နိယျာနိကံ အပစယဂါမိံ ဒိဋ္ဌိဂတာနံ ပဟာနာယ ပဌမာယ ဘူမိယာ ပတ္တိယာ ဝိဝိစ္စေဝ ကာမေဟိ။ပေ.။ ပဌမံ ဈာနံ ဥပသမ္ပဇ္ဇ ဝိဟရတိ ဒုက္ခပဋိပဒံ ဒန္ဓာဘိညံ, တသ္မိံ သမယေ ဖဿော ဟောတိ။ပေ.။ အဝိက္ခေပေါ ဟောတိ။ ဣမေ ဓမ္မာ ကုသလာ။ တဿေဝ လောကုတ္တရဿ ကုသလဿ ဈာနဿ ကတတ္တာ ဘာဝိတတ္တာ ဝိပါကံ ဝိဝိစ္စေဝ ကာမေဟိ။ပေ.။ ပဌမံ ဈာနံ ဥပသမ္ပဇ္ဇ ဝိဟရတိ ဒုက္ခပဋိပဒံ ဒန္ဓာဘိညံ, ယာ တသ္မိံ သမယေ သတိ အနုဿတိ သမ္မာသတိ သတိသမ္ဗောဇ္ဈင်္ဂေါ မဂ္ဂင်္ဂံ မဂ္ဂပရိယာပန္နံ – အယံ ဝုစ္စတိ ‘‘သတိသမ္ဗောဇ္ဈင်္ဂေါ’’။ အဝသေသာ ဓမ္မာ သတိသမ္ဗောဇ္ဈင်္ဂသမ္ပယုတ္တာ။ပေ.။ အဝသေသာ ဓမ္မာ ဓမ္မဝိစယသမ္ဗောဇ္ဈင်္ဂသမ္ပယုတ္တာ ။ပေ.။ အဝသေသာ ဓမ္မာ ဝီရိယသမ္ဗောဇ္ဈင်္ဂသမ္ပယုတ္တာ။ပေ.။ အဝသေသာ ဓမ္မာ ဣတိသမ္ဗောဇ္ဈင်္ဂသမ္ပယုတ္တာ။ပေ.။ အဝသေသာ ဓမ္မာ ပဿဒ္ဓိသမ္ဗောဇ္ဈင်္ဂသမ္ပယုတ္တာ။ပေ.။ အဝသေသာ ဓမ္မာ သမာဓိသမ္ဗောဇ္ဈင်္ဂသမ္ပယုတ္တာ။

တတ္ထ ကတမော ဥပေက္ခာသမ္ဗောဇ္ဈင်္ဂေါ? ဣဓ ဘိက္ခု ယသ္မိံ သမယေ လောကုတ္တရံ ဈာနံ ဘာဝေတိ နိယျာနိကံ အပစယဂါမိံ ဒိဋ္ဌိဂတာနံ ပဟာနာယ ပဌမာယ ဘူမိယာ ပတ္တိယာ ဝိဝိစ္စေဝ ကာမေဟိ။ပေ.။ ပဌမံ ဈာနံ ဥပသမ္ပဇ္ဇ ဝိဟရတိ ဒုက္ခပဋိပဒံ ဒန္ဓာဘိညံ, တသ္မိံ သမယေ ဖဿော ဟောတိ။ပေ.။ အဝိက္ခေပေါ ဟောတိ။ ဣမေ ဓမ္မာ ကုသလာ။ တဿေဝ လောကုတ္တရဿ ကုသလဿ ဈာနဿ ကတတ္တာ ဘာဝိတတ္တာ ဝိပါကံ ဝိဝိစ္စေဝ ကာမေဟိ။ပေ.။ ပဌမံ ဈာနံ ဥပသမ္ပဇ္ဇ ဝိဟရတိ ဒုက္ခပဋိပဒံ ဒန္ဓာဘိညံ သုညတံ, ယာ တသ္မိံ သမယေ ဥပေက္ခာ ဥပေက္ခနာ အဇ္ဈုပေက္ခနာ မဇ္ဈတ္တတာ စိတ္တဿ ဥပေက္ခာသမ္ဗောဇ္ဈင်္ဂေါ – အယံ ဝုစ္စတိ ‘‘ဥပေက္ခာသမ္ဗောဇ္ဈင်္ဂေါ’’ ။ အဝသေသာ ဓမ္မာ ဥပေက္ခာသမ္ဗောဇ္ဈင်္ဂသမ္ပယုတ္တာ။

အဘိဓမ္မဘာဇနီယံ။

၃. ပဉှာပုစ္ဆကံ

၄၈၂. သတ္တ ဗောဇ္ဈင်္ဂါ – သတိသမ္ဗောဇ္ဈင်္ဂေါ, ဓမ္မဝိစယသမ္ဗောဇ္ဈင်္ဂေါ, ဝီရိယသမ္ဗောဇ္ဈင်္ဂေါ, ဣတိသမ္ဗောဇ္ဈင်္ဂေါ, ပဿဒ္ဓိသမ္ဗောဇ္ဈင်္ဂေါ, သမာဓိသမ္ဗောဇ္ဈင်္ဂေါ, ဥပေက္ခာသမ္ဗောဇ္ဈင်္ဂေါ။

၄၈၃. သတ္တန္နံ ဗောဇ္ဈင်္ဂါနံ ကတိ ကုသလာ, ကတိ အကုသလာ, ကတိ အဗျာကတာ။ပေ.။ ကတိ သရဏာ, ကတိ အရဏာ?

၁. တိကံ

၄၈၄. သိယာ ကုသလာ, သိယာ အဗျာကတာ။ ဣတိသမ္ဗောဇ္ဈင်္ဂေါ သုခါယ ဝေဒနာယ သမ္ပယုတ္တော; ဆ ဗောဇ္ဈင်္ဂါ သိယာ သုခါယ ဝေဒနာယ သမ္ပယုတ္တာ, သိယာ အဒုက္ခမသုခါယ ဝေဒနာယ သမ္ပယုတ္တာ။ သိယာ ဝိပါကာ, သိယာ ဝိပါကဓမ္မဓမ္မာ။ အနုပါဒိန္နအနုပါဒါနိယာ။ အသံကိလိဋ္ဌအသံကိလေသိကာ။ သိယာ သဝိတက္ကသဝိစာရာ, သိယာ အဝိတက္ကဝိစာရမတ္တာ, သိယာ အဝိတက္ကအဝိစာရာ။ ဣတိသမ္ဗောဇ္ဈင်္ဂေါ န ဣတိသဟဂတော, သုခသဟဂတော, န ဥပေက္ခာသဟဂတော; ဆ ဗောဇ္ဈင်္ဂါ သိယာ ဣတိသဟဂတာ, သိယာ သုခသဟဂတာ, သိယာ ဥပေက္ခာသဟဂတာ။ နေဝ ဒဿနေန န ဘာဝနာယ ပဟာတဗ္ဗာ။ နေဝ ဒဿနေန န ဘာဝနာယ ပဟာတဗ္ဗဟေတုကာ။ သိယာ အပစယဂါမိနော, သိယာ နေဝါစယဂါမိနာပစယဂါမိနော။ သိယာ သေက္ခာ, သိယာ အသေက္ခာ။ အပ္ပမာဏာ။ အပ္ပမာဏာရမ္မဏာ။ ပဏီတာ။ သိယာ သမ္မတ္တနိယတာ , သိယာ အနိယတာ။ န မဂ္ဂါရမ္မဏာ, သိယာ မဂ္ဂဟေတုကာ, သိယာ မဂ္ဂါဓိပတိနော; သိယာ န ဝတ္တဗ္ဗာ မဂ္ဂဟေတုကာတိပိ, မဂ္ဂါဓိပတိနောတိပိ။ သိယာ ဥပ္ပန္နာ, သိယာ အနုပ္ပန္နာ, သိယာ ဥပ္ပါဒိနော။ သိယာ အတီတာ, သိယာ အနာဂတာ, သိယာ ပစ္စုပ္ပန္နာ။ န ဝတ္တဗ္ဗာ အတီတာရမ္မဏာတိပိ, အနာဂတာရမ္မဏာတိပိ, ပစ္စုပ္ပန္နာရမ္မဏာတိပိ။ သိယာ အဇ္ဈတ္တာ, သိယာ ဗဟိဒ္ဓါ, သိယာ အဇ္ဈတ္တဗဟိဒ္ဓါ။ ဗဟိဒ္ဓါရမ္မဏာ။ အနိဒဿနအပ္ပဋိဃာ။

၂. ဒုကံ

၄၈၅. ဓမ္မဝိစယသမ္ဗောဇ္ဈင်္ဂေါ ဟေတု, ဆ ဗောဇ္ဈင်္ဂါ ဟေတုသမ္ပယုတ္တာ။ ဓမ္မဝိစယသမ္ဗောဇ္ဈင်္ဂေါ ဟေတု စေဝ သဟေတုကော စ, ဆ ဗောဇ္ဈင်္ဂါ န ဝတ္တဗ္ဗာ ဟေတူ စေဝ သဟေတုကာ စာတိ, သဟေတုကာ စေဝ န စ ဟေတူ။ ဓမ္မဝိစယသမ္ဗောဇ္ဈင်္ဂေါ ဟေတု စေဝ ဟေတုသမ္ပယုတ္တော စ, ဆ ဗောဇ္ဈင်္ဂါ န ဝတ္တဗ္ဗာ ဟေတူ စေဝ ဟေတုသမ္ပယုတ္တာ စာတိ, ဟေတုသမ္ပယုတ္တာ စေဝ န စ ဟေတူ။ ဆ ဗောဇ္ဈင်္ဂါ န ဟေတူ သဟေတုကာ, ဓမ္မဝိစယသမ္ဗောဇ္ဈင်္ဂေါ န ဝတ္တဗ္ဗော န ဟေတုသဟေတုကောတိပိ, န ဟေတုအဟေတုကောတိပိ။ သပ္ပစ္စယာ။ သင်္ခတာ။ အနိဒဿနာ။ အပ္ပဋိဃာ။ အရူပါ။ လောကုတ္တရာ။ ကေနစိ ဝိညေယျာ, ကေနစိ န ဝိညေယျာ။ နော အာသဝါ။ အနာသဝါ အာသဝဝိပ္ပယုတ္တာ။ န ဝတ္တဗ္ဗာ အာသဝါ စေဝ သာသဝါ စာတိပိ, သာသဝါ စေဝ နော စ အာသဝါတိပိ။ အာသဝါ စေဝ အာသဝသမ္ပယုတ္တာ စာတိပိ, အာသဝသမ္ပယုတ္တာ စေဝ နော စ အာသဝါတိပိ။ အာသဝဝိပ္ပယုတ္တာ။ အနာသဝါ။ နော သံယောဇနာ။ပေ.။ နော ဂန္ထာ။ပေ.။ နော ဩဃာ။ပေ.။ နော ယောဂါ။ပေ.။ နော နီဝရဏာ။ပေ.။ နော ပရာမာသာ။ပေ.။ သာရမ္မဏာ။ နော စိတ္တာ။ စေတသိကာ။ စိတ္တသမ္ပယုတ္တာ။ စိတ္တသံသဋ္ဌာ ။ စိတ္တသမုဋ္ဌာနာ။ စိတ္တသဟဘုနော။ စိတ္တာနုပရိဝတ္တိနော။ စိတ္တသံသဋ္ဌသမုဋ္ဌာနာ။ စိတ္တသံသဋ္ဌသမုဋ္ဌာနသဟဘုနော။ စိတ္တသံသဋ္ဌသမုဋ္ဌာနာနုပရိဝတ္တိနော။ ဗာဟိရာ။ နော ဥပါဒါ။ အနုပါဒိန္နာ။ နော ဥပါဒါနာ။ပေ.။ နော ကိလေသာ။ပေ.။ န ဒဿနေန ပဟာတဗ္ဗာ။ န ဘာဝနာယ ပဟာတဗ္ဗာ။ န ဒဿနေန ပဟာတဗ္ဗဟေတုကာ။ န ဘာဝနာယ ပဟာတဗ္ဗဟေတုကာ။ သိယာ သဝိတက္ကာ, သိယာ အဝိတက္ကာ။ သိယာ သဝိစာရာ, သိယာ အဝိစာရာ။

ဣတိသမ္ဗောဇ္ဈင်္ဂေါ အပ္ပီတိကော, ဆ ဗောဇ္ဈင်္ဂါ သိယာ သပ္ပီတိကာ, သိယာ အပ္ပီတိကာ။ ဣတိသမ္ဗောဇ္ဈင်္ဂေါ န ဣတိသဟဂတော, ဆ ဗောဇ္ဈင်္ဂါ သိယာ ဣတိသဟဂတာ, သိယာ န ဣတိသဟဂတာ။ ဣတိသမ္ဗောဇ္ဈင်္ဂေါ သုခသဟဂတော, ဆ ဗောဇ္ဈင်္ဂါ သိယာ သုခသဟဂတာ, သိယာ န သုခသဟဂတာ။ ဣတိသမ္ဗောဇ္ဈင်္ဂေါ န ဥပေက္ခာသဟဂတော, ဆ ဗောဇ္ဈင်္ဂါ သိယာ ဥပေက္ခာသဟဂတာ, သိယာ န ဥပေက္ခာသဟဂတာ။ န ကာမာဝစရာ။ န ရူပါဝစရာ။ န အရူပါဝစရာ။ အပရိယာပန္နာ။ သိယာ နိယျာနိကာ, သိယာ အနိယျာနိကာ။ သိယာ နိယတာ, သိယာ အနိယတာ။ အနုတ္တရာ။ အရဏာတိ။

ပဉှာပုစ္ဆကံ။

ဗောဇ္ဈင်္ဂဝိဘင်္ဂေါ နိဋ္ဌိတော။