၂. ရူပကဏ္ဍ
ဥဒ္ဒေသ
၅၈၃. ကတမေ ဓမ္မာ အဗျာကတာ? ကုသလာကုသလာနံ ဓမ္မာနံ ဝိပါကာ ကာမာဝစရာ ရူပါဝစရာ အရူပါဝစရာ အပရိယာပန္နာ ဝေဒနာက္ခန္ဓော သညာက္ခန္ဓော သင်္ခါရက္ခန္ဓော ဝိညာဏက္ခန္ဓော, ယေ စ ဓမ္မာ ကိရိယာ နေဝ ကုသလာ နာကုသလာ န စ ကမ္မဝိပါကာ, သဗ္ဗဉ္စ ရူပံ, အသင်္ခတာ စ ဓါတု – ဣမေ ဓမ္မာ အဗျာကတာ။
မာတိကာ
ဧကကံ
၅၈၄. တတ္ထ ကတမံ သဗ္ဗံ ရူပံ? စတ္တာရော စ မဟာဘူတာ, စတုန္နဉ္စ မဟာဘူတာနံ ဥပါဒါယ ရူပံ – ဣဒံ ဝုစ္စတိ သဗ္ဗံ ရူပံ။ သဗ္ဗံ ရူပံ န ဟေတု, အဟေတုကံ, ဟေတုဝိပ္ပယုတ္တံ, သပ္ပစ္စယံ , သင်္ခတံ, ရူပံ [ရူပိယံ (သီ.)], လောကိယံ, သာသဝံ, သံယောဇနိယံ, ဂန္ထနိယံ, ဩဃနိယံ, ယောဂနိယံ, နီဝရဏိယံ, ပရာမဋ္ဌံ, ဥပါဒါနိယံ, သံကိလေသိကံ, အဗျာကတံ, အနာရမ္မဏံ, အစေတသိကံ, စိတ္တဝိပ္ပယုတ္တံ, နေဝဝိပါကနဝိပါကဓမ္မဓမ္မံ, အသံကိလိဋ္ဌသံကိလေသိကံ, န သဝိတက္ကသဝိစာရံ, န အဝိတက္ကဝိစာရမတ္တံ, အဝိတက္ကအဝိစာရံ, န ဣတိသဟဂတံ, န သုခသဟဂတံ, န ဥပေက္ခာသဟဂတံ, နေဝ ဒဿနေန န ဘာဝနာယ ပဟာတဗ္ဗံ, နေဝ ဒဿနေန န ဘာဝနာယ ပဟာတဗ္ဗဟေတုကံ, နေဝ အာစယဂါမိ န အပစယဂါမိ, နေဝသေက္ခနာသေက္ခံ, ပရိတ္တံ, ကာမာဝစရံ, န ရူပါဝစရံ, န အရူပါဝစရံ, ပရိယာပန္နံ, နော အပရိယာပန္နံ, အနိယတံ, အနိယျာနိကံ, ဥပ္ပန္နံ, ဆဟိ ဝိညာဏေဟိ ဝိညေယျံ, အနိစ္စံ, ဇရာဘိဘူတံ။
ဧဝံ ဧကဝိဓေန ရူပသင်္ဂဟော။
ဧကကံ။
ဒုကံ
ဒုဝိဓေန ရူပသင်္ဂဟော –
အတ္ထိ ရူပံ ဥပါဒါ, အတ္ထိ ရူပံ နော ဥပါဒါ။
အတ္ထိ ရူပံ ဥပါဒိဏ္ဏံ, အတ္ထိ ရူပံ အနုပါဒိဏ္ဏံ။
အတ္ထိ ရူပံ ဥပါဒိဏ္ဏုပါဒါနိယံ, အတ္ထိ ရူပံ အနုပါဒိဏ္ဏုပါဒါနိယံ။
အတ္ထိ ရူပံ သနိဒဿနံ, အတ္ထိ ရူပံ အနိဒဿနံ။
အတ္ထိ ရူပံ သပ္ပဋိဃံ, အတ္ထိ ရူပံ အပ္ပဋိဃံ။
အတ္ထိ ရူပံ ဣန္ဒ္ရိယံ, အတ္ထိ ရူပံ န ဣန္ဒ္ရိယံ။
အတ္ထိ ရူပံ မဟာဘူတံ, အတ္ထိ ရူပံ န မဟာဘူတံ။
အတ္ထိ ရူပံ ဝိညတ္တိ, အတ္ထိ ရူပံ န ဝိညတ္တိ။
အတ္ထိ ရူပံ စိတ္တသမုဋ္ဌာနံ, အတ္ထိ ရူပံ န စိတ္တသမုဋ္ဌာနံ။
အတ္ထိ ရူပံ စိတ္တသဟဘု, အတ္ထိ ရူပံ န စိတ္တသဟဘု။
အတ္ထိ ရူပံ စိတ္တာနုပရိဝတ္တိ, အတ္ထိ ရူပံ န စိတ္တာနုပရိဝတ္တိ။
အတ္ထိ ရူပံ အဇ္ဈတ္တိကံ, အတ္ထိ ရူပံ ဗာဟိရံ။
အတ္ထိ ရူပံ ဩဠာရိကံ, အတ္ထိ ရူပံ သုခုမံ။
အတ္ထိ ရူပံ ဒူရေ, အတ္ထိ ရူပံ သန္တိကေ။
အတ္ထိ ရူပံ စက္ခုသမ္ဖဿဿ ဝတ္ထု, အတ္ထိ ရူပံ စက္ခုသမ္ဖဿဿ န ဝတ္ထု။ အတ္ထိ ရူပံ စက္ခုသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ စက္ခုဝိညာဏဿ ဝတ္ထု, အတ္ထိ ရူပံ စက္ခုဝိညာဏဿ န ဝတ္ထု။
အတ္ထိ ရူပံ သောတသမ္ဖဿဿ။ပေ.။ ဃာနသမ္ဖဿဿ။ပေ.။ ဇိဝှာသမ္ဖဿဿ။ပေ.။ ကာယသမ္ဖဿဿ ဝတ္ထု, အတ္ထိ ရူပံ ကာယသမ္ဖဿဿ န ဝတ္ထု။ အတ္ထိ ရူပံ ကာယသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ ။ပေ.။ ကာယဝိညာဏဿ ဝတ္ထု, အတ္ထိ ရူပံ ကာယဝိညာဏဿ န ဝတ္ထု။
အတ္ထိ ရူပံ စက္ခုသမ္ဖဿဿ အာရမ္မဏံ, အတ္ထိ ရူပံ စက္ခုသမ္ဖဿဿ နာရမ္မဏံ။ အတ္ထိ ရူပံ စက္ခုသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ စက္ခုဝိညာဏဿ အာရမ္မဏံ, အတ္ထိ ရူပံ စက္ခုဝိညာဏဿ နာရမ္မဏံ။
အတ္ထိ ရူပံ သောတသမ္ဖဿဿ။ပေ.။ ဃာနသမ္ဖဿဿ။ပေ.။ ဇိဝှာသမ္ဖဿဿ။ပေ.။ ကာယသမ္ဖဿဿ အာရမ္မဏံ, အတ္ထိ ရူပံ ကာယသမ္ဖဿဿ နာရမ္မဏံ။ အတ္ထိ ရူပံ ကာယသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ ကာယဝိညာဏဿ အာရမ္မဏံ, အတ္ထိ ရူပံ ကာယဝိညာဏဿ နာရမ္မဏံ။
အတ္ထိ ရူပံ စက္ခာယတနံ, အတ္ထိ ရူပံ န စက္ခာယတနံ။ အတ္ထိ ရူပံ သောတာယတနံ။ပေ.။ ဃာနာယတနံ။ပေ.။ ဇိဝှာယတနံ။ပေ.။ ကာယာယတနံ, အတ္ထိ ရူပံ န ကာယာယတနံ။
အတ္ထိ ရူပံ ရူပါယတနံ, အတ္ထိ ရူပံ န ရူပါယတနံ။ အတ္ထိ ရူပံ သဒ္ဒါယတနံ။ပေ.။ ဂန္ဓာယတနံ။ပေ.။ ရသာယတနံ။ပေ.။ ဖောဋ္ဌဗ္ဗာယတနံ, အတ္ထိ ရူပံ န ဖောဋ္ဌဗ္ဗာယတနံ။
အတ္ထိ ရူပံ စက္ခုဓါတု, အတ္ထိ ရူပံ န စက္ခုဓါတု။ အတ္ထိ ရူပံ သောတဓါတု။ပေ.။ ဃာနဓါတု။ပေ.။ ဇိဝှာဓါတု။ပေ.။ ကာယဓါတု, အတ္ထိ ရူပံ န ကာယဓါတု။
အတ္ထိ ရူပံ ရူပဓါတု, အတ္ထိ ရူပံ န ရူပဓါတု။ အတ္ထိ ရူပံ သဒ္ဒဓါတု။ပေ.။ ဂန္ဓဓါတု။ပေ.။ ရသဓါတု။ပေ.။ ဖောဋ္ဌဗ္ဗဓါတု, အတ္ထိ ရူပံ န ဖောဋ္ဌဗ္ဗဓါတု။
အတ္ထိ ရူပံ စက္ခုန္ဒ္ရိယံ, အတ္ထိ ရူပံ န စက္ခုန္ဒ္ရိယံ။ အတ္ထိ ရူပံ သောတိန္ဒ္ရိယံ။ပေ.။ ဃာနိန္ဒ္ရိယံ။ပေ.။ ဇိဝ္ဟိန္ဒ္ရိယံ။ပေ.။ ကာယိန္ဒ္ရိယံ, အတ္ထိ ရူပံ န ကာယိန္ဒ္ရိယံ။
အတ္ထိ ရူပံ ဣတ္ထိန္ဒ္ရိယံ, အတ္ထိ ရူပံ န ဣတ္ထိန္ဒ္ရိယံ။
အတ္ထိ ရူပံ ပုရိသိန္ဒ္ရိယံ, အတ္ထိ ရူပံ န ပုရိသိန္ဒ္ရိယံ။
အတ္ထိ ရူပံ ဇီဝိတိန္ဒ္ရိယံ, အတ္ထိ ရူပံ န ဇီဝိတိန္ဒ္ရိယံ။
အတ္ထိ ရူပံ ကာယဝိညတ္တိ, အတ္ထိ ရူပံ န ကာယဝိညတ္တိ။
အတ္ထိ ရူပံ ဝစီဝိညတ္တိ, အတ္ထိ ရူပံ န ဝစီဝိညတ္တိ။
အတ္ထိ ရူပံ အာကာသဓါတု, အတ္ထိ ရူပံ န အာကာသဓါတု။
အတ္ထိ ရူပံ အာပေါဓါတု, အတ္ထိ ရူပံ န အာပေါဓါတု။
အတ္ထိ ရူပံ ရူပဿ လဟုတာ, အတ္ထိ ရူပံ ရူပဿ န လဟုတာ။
အတ္ထိ ရူပံ ရူပဿ မုဒုတာ, အတ္ထိ ရူပံ ရူပဿ န မုဒုတာ။
အတ္ထိ ရူပံ ရူပဿ ကမ္မညတာ, အတ္ထိ ရူပံ ရူပဿ န ကမ္မညတာ။
အတ္ထိ ရူပံ ရူပဿ ဥပစယော, အတ္ထိ ရူပံ ရူပဿ န ဥပစယော။
အတ္ထိ ရူပံ ရူပဿ သန္တတိ, အတ္ထိ ရူပံ ရူပဿ န သန္တတိ။
အတ္ထိ ရူပံ ရူပဿ ဇရတာ, အတ္ထိ ရူပံ ရူပဿ န ဇရတာ။
အတ္ထိ ရူပံ ရူပဿ အနိစ္စတာ, အတ္ထိ ရူပံ ရူပဿ န အနိစ္စတာ။
အတ္ထိ ရူပံ ကဗဠီကာရော အာဟာရော, အတ္ထိ ရူပံ န ကဗဠီကာရော အာဟာရော။
ဧဝံ ဒုဝိဓေန ရူပသင်္ဂဟော။
ဒုကံ။
တိကံ
တိဝိဓေန ရူပသင်္ဂဟော –
၅၈၅. ယံ တံ ရူပံ အဇ္ဈတ္တိကံ, တံ ဥပါဒါ။ ယံ တံ ရူပံ ဗာဟိရံ, တံ အတ္ထိ ဥပါဒါ, အတ္ထိ နော ဥပါဒါ။
ယံ တံ ရူပံ အဇ္ဈတ္တိကံ, တံ ဥပါဒိဏ္ဏံ။ ယံ တံ ရူပံ ဗာဟိရံ, တံ အတ္ထိ ဥပါဒိဏ္ဏံ, အတ္ထိ အနုပါဒိဏ္ဏံ။
ယံ တံ ရူပံ အဇ္ဈတ္တိကံ, တံ ဥပါဒိဏ္ဏုပါဒါနိယံ။ ယံ တံ ရူပံ ဗာဟိရံ, တံ အတ္ထိ ဥပါဒိဏ္ဏုပါဒါနိယံ, အတ္ထိ အနုပါဒိဏ္ဏုပါဒါနိယံ။
ယံ တံ ရူပံ အဇ္ဈတ္တိကံ, တံ အနိဒဿနံ။ ယံ တံ ရူပံ ဗာဟိရံ, တံ အတ္ထိ သနိဒဿနံ, အတ္ထိ အနိဒဿနံ။
ယံ တံ ရူပံ အဇ္ဈတ္တိကံ, တံ သပ္ပဋိဃံ။ ယံ တံ ရူပံ ဗာဟိရံ, တံ အတ္ထိ သပ္ပဋိဃံ, အတ္ထိ အပ္ပဋိဃံ။
ယံ တံ ရူပံ အဇ္ဈတ္တိကံ, တံ ဣန္ဒ္ရိယံ။ ယံ တံ ရူပံ ဗာဟိရံ, တံ အတ္ထိ ဣန္ဒ္ရိယံ, အတ္ထိ န ဣန္ဒ္ရိယံ။
ယံ တံ ရူပံ အဇ္ဈတ္တိကံ, တံ န မဟာဘူတံ။ ယံ တံ ရူပံ ဗာဟိရံ, တံ အတ္ထိ မဟာဘူတံ, အတ္ထိ န မဟာဘူတံ။
ယံ တံ ရူပံ အဇ္ဈတ္တိကံ, တံ န ဝိညတ္တိ။ ယံ တံ ရူပံ ဗာဟိရံ, တံ အတ္ထိ ဝိညတ္တိ, အတ္ထိ န ဝိညတ္တိ။
ယံ တံ ရူပံ အဇ္ဈတ္တိကံ, တံ န စိတ္တသမုဋ္ဌာနံ။ ယံ တံ ရူပံ ဗာဟိရံ, တံ အတ္ထိ စိတ္တသမုဋ္ဌာနံ, အတ္ထိ န စိတ္တသမုဋ္ဌာနံ။
ယံ တံ ရူပံ အဇ္ဈတ္တိကံ, တံ န စိတ္တသဟဘု။ ယံ တံ ရူပံ ဗာဟိရံ, တံ အတ္ထိ စိတ္တသဟဘု, အတ္ထိ န စိတ္တသဟဘု။
ယံ တံ ရူပံ အဇ္ဈတ္တိကံ, တံ န စိတ္တာနုပရိဝတ္တိ။ ယံ တံ ရူပံ ဗာဟိရံ, တံ အတ္ထိ စိတ္တာနုပရိဝတ္တိ, အတ္ထိ န စိတ္တာနုပရိဝတ္တိ။
ယံ တံ ရူပံ အဇ္ဈတ္တိကံ, တံ ဩဠာရိကံ။ ယံ တံ ရူပံ ဗာဟိရံ, တံ အတ္ထိ ဩဠာရိကံ, အတ္ထိ သုခုမံ။
ယံ တံ ရူပံ အဇ္ဈတ္တိကံ, တံ သန္တိကေ။ ယံ တံ ရူပံ ဗာဟိရံ, တံ အတ္ထိ ဒူရေ, အတ္ထိ သန္တိကေ။
ယံ တံ ရူပံ ဗာဟိရံ, တံ စက္ခုသမ္ဖဿဿ န ဝတ္ထု။ ယံ တံ ရူပံ အဇ္ဈတ္တိကံ, တံ အတ္ထိ စက္ခုသမ္ဖဿဿ ဝတ္ထု, အတ္ထိ စက္ခုသမ္ဖဿဿ န ဝတ္ထု။
ယံ တံ ရူပံ ဗာဟိရံ, တံ စက္ခုသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ စက္ခုဝိညာဏဿ န ဝတ္ထု။ ယံ တံ ရူပံ အဇ္ဈတ္တိကံ, တံ အတ္ထိ စက္ခုဝိညာဏဿ ဝတ္ထု, အတ္ထိ စက္ခုဝိညာဏဿ န ဝတ္ထု။
ယံ တံ ရူပံ ဗာဟိရံ, တံ သောတသမ္ဖဿဿ။ပေ.။ ဃာနသမ္ဖဿဿ။ပေ.။ ဇိဝှာသမ္ဖဿဿ။ပေ.။ ကာယသမ္ဖဿဿ န ဝတ္ထု။ ယံ တံ ရူပံ အဇ္ဈတ္တိကံ, တံ အတ္ထိ ကာယသမ္ဖဿဿ ဝတ္ထု, အတ္ထိ ကာယသမ္ဖဿဿ န ဝတ္ထု။ ယံ တံ ရူပံ ဗာဟိရံ, တံ ကာယသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ ကာယဝိညာဏဿ န ဝတ္ထု။ ယံ တံ ရူပံ အဇ္ဈတ္တိကံ, တံ အတ္ထိ ကာယဝိညာဏဿ ဝတ္ထု, အတ္ထိ ကာယဝိညာဏဿ န ဝတ္ထု။
ယံ တံ ရူပံ အဇ္ဈတ္တိကံ, တံ စက္ခုသမ္ဖဿဿ နာရမ္မဏံ။ ယံ တံ ရူပံ ဗာဟိရံ, တံ အတ္ထိ စက္ခုသမ္ဖဿဿ အာရမ္မဏံ, အတ္ထိ စက္ခုသမ္ဖဿဿ နာရမ္မဏံ။ ယံ တံ ရူပံ အဇ္ဈတ္တိကံ, တံ စက္ခုသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ စက္ခုဝိညာဏဿ နာရမ္မဏံ။ ယံ တံ ရူပံ ဗာဟိရံ, တံ အတ္ထိ စက္ခုဝိညာဏဿ အာရမ္မဏံ, အတ္ထိ စက္ခုဝိညာဏဿ နာရမ္မဏံ။
ယံ တံ ရူပံ အဇ္ဈတ္တိကံ, တံ သောတသမ္ဖဿဿ။ပေ.။ ဃာနသမ္ဖဿဿ။ပေ.။ ဇိဝှာသမ္ဖဿဿ။ပေ.။ ကာယသမ္ဖဿဿ နာရမ္မဏံ။ ယံ တံ ရူပံ ဗာဟိရံ, တံ အတ္ထိ ကာယသမ္ဖဿဿ အာရမ္မဏံ, အတ္ထိ ကာယသမ္ဖဿဿ နာရမ္မဏံ။ ယံ တံ ရူပံ အဇ္ဈတ္တိကံ , တံ ကာယသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ ကာယဝိညာဏဿ နာရမ္မဏံ။ ယံ တံ ရူပံ ဗာဟိရံ, တံ အတ္ထိ ကာယဝိညာဏဿ အာရမ္မဏံ, အတ္ထိ ကာယဝိညာဏဿ နာရမ္မဏံ။
ယံ တံ ရူပံ ဗာဟိရံ, တံ န စက္ခာယတနံ။ ယံ တံ ရူပံ အဇ္ဈတ္တိကံ, တံ အတ္ထိ စက္ခာယတနံ, အတ္ထိ န စက္ခာယတနံ။ ယံ တံ ရူပံ ဗာဟိရံ, တံ န သောတာယတနံ။ပေ.။ န ဃာနာယတနံ။ပေ.။ န ဇိဝှာယတနံ။ပေ.။ န ကာယာယတနံ။ ယံ တံ ရူပံ အဇ္ဈတ္တိကံ, တံ အတ္ထိ ကာယာယတနံ, အတ္ထိ န ကာယာယတနံ။
ယံ တံ ရူပံ အဇ္ဈတ္တိကံ, တံ န ရူပါယတနံ။ ယံ တံ ရူပံ ဗာဟိရံ, တံ အတ္ထိ ရူပါယတနံ, အတ္ထိ န ရူပါယတနံ ။ ယံ တံ ရူပံ အဇ္ဈတ္တိကံ, တံ န သဒ္ဒါယတနံ။ပေ.။ န ဂန္ဓာယတနံ။ပေ.။ န ရသာယတနံ။ပေ.။ န ဖောဋ္ဌဗ္ဗာယတနံ။ ယံ တံ ရူပံ ဗာဟိရံ, တံ အတ္ထိ ဖောဋ္ဌဗ္ဗာယတနံ, အတ္ထိ န ဖောဋ္ဌဗ္ဗာယတနံ။
ယံ တံ ရူပံ ဗာဟိရံ, တံ န စက္ခုဓါတု။ ယံ တံ ရူပံ အဇ္ဈတ္တိကံ, တံ အတ္ထိ စက္ခုဓါတု, အတ္ထိ န စက္ခုဓါတု။ ယံ တံ ရူပံ ဗာဟိရံ, တံ န သောတဓါတု။ပေ.။ န ဃာနဓါတု။ပေ.။ န ဇိဝှာဓါတု။ပေ.။ န ကာယဓါတု။ ယံ တံ ရူပံ အဇ္ဈတ္တိကံ, တံ အတ္ထိ ကာယဓါတု, အတ္ထိ န ကာယဓါတု။
ယံ တံ ရူပံ အဇ္ဈတ္တိကံ, တံ န ရူပဓါတု။ ယံ တံ ရူပံ ဗာဟိရံ, တံ အတ္ထိ ရူပဓါတု, အတ္ထိ န ရူပဓါတု။ ယံ တံ ရူပံ အဇ္ဈတ္တိကံ, တံ န သဒ္ဒဓါတု။ပေ.။ န ဂန္ဓဓါတု။ပေ.။ န ရသဓါတု။ပေ.။ န ဖောဋ္ဌဗ္ဗဓါတု။ ယံ တံ ရူပံ ဗာဟိရံ, တံ အတ္ထိ ဖောဋ္ဌဗ္ဗဓါတု, အတ္ထိ န ဖောဋ္ဌဗ္ဗဓါတု။
ယံ တံ ရူပံ ဗာဟိရံ, တံ န စက္ခုန္ဒ္ရိယံ။ ယံ တံ ရူပံ အဇ္ဈတ္တိကံ, တံ အတ္ထိ စက္ခုန္ဒ္ရိယံ, အတ္ထိ န စက္ခုန္ဒ္ရိယံ။ ယံ တံ ရူပံ ဗာဟိရံ, တံ န သောတိန္ဒ္ရိယံ။ပေ.။ န ဃာနိန္ဒ္ရိယံ။ပေ.။ န ဇိဝ္ဟိန္ဒ္ရိယံ။ပေ.။ န ကာယိန္ဒ္ရိယံ။ ယံ တံ ရူပံ အဇ္ဈတ္တိကံ, တံ အတ္ထိ ကာယိန္ဒ္ရိယံ, အတ္ထိ န ကာယိန္ဒ္ရိယံ။
ယံ တံ ရူပံ အဇ္ဈတ္တိကံ, တံ န ဣတ္ထိန္ဒ္ရိယံ။ ယံ တံ ရူပံ ဗာဟိရံ, တံ အတ္ထိ ဣတ္ထိန္ဒ္ရိယံ, အတ္ထိ န ဣတ္ထိန္ဒ္ရိယံ။
ယံ တံ ရူပံ အဇ္ဈတ္တိကံ, တံ န ပုရိသိန္ဒ္ရိယံ။ ယံ တံ ရူပံ ဗာဟိရံ, တံ အတ္ထိ ပုရိသိန္ဒ္ရိယံ, အတ္ထိ န ပုရိသိန္ဒ္ရိယံ။
ယံ တံ ရူပံ အဇ္ဈတ္တိကံ, တံ န ဇီဝိတိန္ဒ္ရိယံ။ ယံ တံ ရူပံ ဗာဟိရံ, တံ အတ္ထိ ဇီဝိတိန္ဒ္ရိယံ, အတ္ထိ န ဇီဝိတိန္ဒ္ရိယံ။
ယံ တံ ရူပံ အဇ္ဈတ္တိကံ, တံ န ကာယဝိညတ္တိ။ ယံ တံ ရူပံ ဗာဟိရံ, တံ အတ္ထိ ကာယဝိညတ္တိ, အတ္ထိ န ကာယဝိညတ္တိ။
ယံ တံ ရူပံ အဇ္ဈတ္တိကံ, တံ န ဝစီဝိညတ္တိ။ ယံ တံ ရူပံ ဗာဟိရံ, တံ အတ္ထိ ဝစီဝိညတ္တိ, အတ္ထိ န ဝစီဝိညတ္တိ။
ယံ တံ ရူပံ အဇ္ဈတ္တိကံ, တံ န အာကာသဓါတု။ ယံ တံ ရူပံ ဗာဟိရံ, တံ အတ္ထိ အာကာသဓါတု, အတ္ထိ န အာကာသဓါတု။
ယံ တံ ရူပံ အဇ္ဈတ္တိကံ, တံ န အာပေါဓါတု။ ယံ တံ ရူပံ ဗာဟိရံ, တံ အတ္ထိ အာပေါဓါတု, အတ္ထိ န အာပေါဓါတု။
ယံ တံ ရူပံ အဇ္ဈတ္တိကံ, တံ ရူပဿ န လဟုတာ။ ယံ တံ ရူပံ ဗာဟိရံ, တံ အတ္ထိ ရူပဿ လဟုတာ, အတ္ထိ ရူပဿ န လဟုတာ။
ယံ တံ ရူပံ အဇ္ဈတ္တိကံ, တံ ရူပဿ န မုဒုတာ။ ယံ တံ ရူပံ ဗာဟိရံ, တံ အတ္ထိ ရူပဿ မုဒုတာ, အတ္ထိ ရူပဿ န မုဒုတာ။
ယံ တံ ရူပံ အဇ္ဈတ္တိကံ, တံ ရူပဿ န ကမ္မညတာ။ ယံ တံ ရူပံ ဗာဟိရံ, တံ အတ္ထိ ရူပဿ ကမ္မညတာ, အတ္ထိ ရူပဿ န ကမ္မညတာ။
ယံ တံ ရူပံ အဇ္ဈတ္တိကံ, တံ ရူပဿ န ဥပစယော။ ယံ တံ ရူပံ ဗာဟိရံ, တံ အတ္ထိ ရူပဿ ဥပစယော, အတ္ထိ ရူပဿ န ဥပစယော။
ယံ တံ ရူပံ အဇ္ဈတ္တိကံ, တံ ရူပဿ န သန္တတိ။ ယံ တံ ရူပံ ဗာဟိရံ, တံ အတ္ထိ ရူပဿ သန္တတိ, အတ္ထိ ရူပဿ န သန္တတိ။
ယံ တံ ရူပံ အဇ္ဈတ္တိကံ, တံ ရူပဿ န ဇရတာ။ ယံ တံ ရူပံ ဗာဟိရံ, တံ အတ္ထိ ရူပဿ ဇရတာ, အတ္ထိ ရူပဿ န ဇရတာ။
ယံ တံ ရူပံ အဇ္ဈတ္တိကံ, တံ ရူပဿ န အနိစ္စတာ။ ယံ တံ ရူပံ ဗာဟိရံ, တံ အတ္ထိ ရူပဿ အနိစ္စတာ, အတ္ထိ ရူပဿ န အနိစ္စတာ။
ယံ တံ ရူပံ အဇ္ဈတ္တိကံ, တံ န ကဗဠီကာရော အာဟာရော။ ယံ တံ ရူပံ ဗာဟိရံ, တံ အတ္ထိ ကဗဠီကာရော အာဟာရော, အတ္ထိ န ကဗဠီကာရော အာဟာရော။
ဧဝံ တိဝိဓေန ရူပသင်္ဂဟော။
တိကံ။
စတုက္ကံ
စတုဗ္ဗိဓေန ရူပသင်္ဂဟော –
၅၈၆. ယံ တံ ရူပံ ဥပါဒါ, တံ အတ္ထိ ဥပါဒိဏ္ဏံ, အတ္ထိ အနုပါဒိဏ္ဏံ။ ယံ တံ ရူပံ နော ဥပါဒါ, တံ အတ္ထိ ဥပါဒိဏ္ဏံ, အတ္ထိ အနုပါဒိဏ္ဏံ။
ယံ တံ ရူပံ ဥပါဒါ, တံ အတ္ထိ ဥပါဒိဏ္ဏုပါဒါနိယံ, အတ္ထိ အနုပါဒိဏ္ဏုပါဒါနိယံ။ ယံ တံ ရူပံ နော ဥပါဒါ, တံ အတ္ထိ ဥပါဒိဏ္ဏုပါဒါနိယံ, အတ္ထိ အနုပါဒိဏ္ဏုပါဒါနိယံ။
ယံ တံ ရူပံ ဥပါဒါ, တံ အတ္ထိ သပ္ပဋိဃံ, အတ္ထိ အပ္ပဋိဃံ။ ယံ တံ ရူပံ နော ဥပါဒါ, တံ အတ္ထိ သပ္ပဋိဃံ, အတ္ထိ အပ္ပဋိဃံ။
ယံ တံ ရူပံ ဥပါဒါ, တံ အတ္ထိ ဩဠာရိကံ, အတ္ထိ သုခုမံ။ ယံ တံ ရူပံ နော ဥပါဒါ, တံ အတ္ထိ ဩဠာရိကံ, အတ္ထိ သုခုမံ။
ယံ တံ ရူပံ ဥပါဒါ, တံ အတ္ထိ ဒူရေ, အတ္ထိ သန္တိကေ။ ယံ တံ ရူပံ နော ဥပါဒါ, တံ အတ္ထိ ဒူရေ, အတ္ထိ သန္တိကေ။
ယံ တံ ရူပံ ဥပါဒိဏ္ဏံ, တံ အတ္ထိ သနိဒဿနံ, အတ္ထိ အနိဒဿနံ။ ယံ တံ ရူပံ အနုပါဒိဏ္ဏံ, တံ အတ္ထိ သနိဒဿနံ, အတ္ထိ အနိဒဿနံ။
ယံ တံ ရူပံ ဥပါဒိဏ္ဏံ, တံ အတ္ထိ သပ္ပဋိဃံ အတ္ထိ အပ္ပဋိဃံ။ ယံ တံ ရူပံ အနုပါဒိဏ္ဏံ, တံ အတ္ထိ သပ္ပဋိဃံ, အတ္ထိ အပ္ပဋိဃံ။
ယံ တံ ရူပံ ဥပါဒိဏ္ဏံ, တံ အတ္ထိ မဟာဘူတံ, အတ္ထိ န မဟာဘူတံ။ ယံ တံ ရူပံ အနုပါဒိဏ္ဏံ, တံ အတ္ထိ မဟာဘူတံ , အတ္ထိ န မဟာဘူတံ။
ယံ တံ ရူပံ ဥပါဒိဏ္ဏံ, တံ အတ္ထိ ဩဠာရိကံ, အတ္ထိ သုခုမံ။ ယံ တံ ရူပံ အနုပါဒိဏ္ဏံ, တံ အတ္ထိ ဩဠာရိကံ, အတ္ထိ သုခုမံ။
ယံ တံ ရူပံ ဥပါဒိဏ္ဏံ, တံ အတ္ထိ ဒူရေ, အတ္ထိ သန္တိကေ။ ယံ တံ ရူပံ အနုပါဒိဏ္ဏံ, တံ အတ္ထိ ဒူရေ, အတ္ထိ သန္တိကေ။
ယံ တံ ရူပံ ဥပါဒိဏ္ဏုပါဒါနိယံ, တံ အတ္ထိ သနိဒဿနံ, အတ္ထိ အနိဒဿနံ။ ယံ တံ ရူပံ အနုပါဒိဏ္ဏုပါဒါနိယံ, တံ အတ္ထိ သနိဒဿနံ, အတ္ထိ အနိဒဿနံ။
ယံ တံ ရူပံ ဥပါဒိဏ္ဏုပါဒါနိယံ, တံ အတ္ထိ သပ္ပဋိဃံ, အတ္ထိ အပ္ပဋိဃံ။ ယံ တံ ရူပံ အနုပါဒိဏ္ဏုပါဒါနိယံ, တံ အတ္ထိ သပ္ပဋိဃံ, အတ္ထိ အပ္ပဋိဃံ။
ယံ တံ ရူပံ ဥပါဒိဏ္ဏုပါဒါနိယံ, တံ အတ္ထိ မဟာဘူတံ, အတ္ထိ န မဟာဘူတံ။ ယံ တံ ရူပံ အနုပါဒိဏ္ဏုပါဒါနိယံ, တံ အတ္ထိ မဟာဘူတံ, အတ္ထိ န မဟာဘူတံ။
ယံ တံ ရူပံ ဥပါဒိဏ္ဏုပါဒါနိယံ, တံ အတ္ထိ ဩဠာရိကံ, အတ္ထိ သုခုမံ။ ယံ တံ ရူပံ အနုပါဒိဏ္ဏုပါဒါနိယံ, တံ အတ္ထိ ဩဠာရိကံ, အတ္ထိ သုခုမံ။
ယံ တံ ရူပံ ဥပါဒိဏ္ဏုပါဒါနိယံ, တံ အတ္ထိ ဒူရေ, အတ္ထိ သန္တိကေ။ ယံ တံ ရူပံ အနုပါဒိဏ္ဏုပါဒါနိယံ, တံ အတ္ထိ ဒူရေ, အတ္ထိ သန္တိကေ။
ယံ တံ ရူပံ သပ္ပဋိဃံ, တံ အတ္ထိ ဣန္ဒ္ရိယံ, အတ္ထိ န ဣန္ဒ္ရိယံ။ ယံ တံ ရူပံ အပ္ပဋိဃံ, တံ အတ္ထိ ဣန္ဒ္ရိယံ, အတ္ထိ န ဣန္ဒ္ရိယံ။
ယံ တံ ရူပံ သပ္ပဋိဃံ, တံ အတ္ထိ မဟာဘူတံ, အတ္ထိ န မဟာဘူတံ။ ယံ တံ ရူပံ အပ္ပဋိဃံ, တံ အတ္ထိ မဟာဘူတံ, အတ္ထိ န မဟာဘူတံ။
ယံ တံ ရူပံ ဣန္ဒ္ရိယံ, တံ အတ္ထိ ဩဠာရိကံ, အတ္ထိ သုခုမံ။ ယံ တံ ရူပံ န ဣန္ဒ္ရိယံ, တံ အတ္ထိ ဩဠာရိကံ, အတ္ထိ သုခုမံ။
ယံ တံ ရူပံ ဣန္ဒ္ရိယံ, တံ အတ္ထိ ဒူရေ, အတ္ထိ သန္တိကေ။ ယံ တံ ရူပံ န ဣန္ဒ္ရိယံ, တံ အတ္ထိ ဒူရေ, အတ္ထိ သန္တိကေ။
ယံ တံ ရူပံ မဟာဘူတံ, တံ အတ္ထိ ဩဠာရိကံ, အတ္ထိ သုခုမံ။ ယံ တံ ရူပံ န မဟာဘူတံ, တံ အတ္ထိ ဩဠာရိကံ, အတ္ထိ သုခုမံ။
ယံ တံ ရူပံ မဟာဘူတံ, တံ အတ္ထိ ဒူရေ, အတ္ထိ သန္တိကေ။ ယံ တံ ရူပံ န မဟာဘူတံ, တံ အတ္ထိ ဒူရေ, အတ္ထိ သန္တိကေ။
ဒိဋ္ဌံ သုတံ မုတံ ဝိညာတံ ရူပံ။
ဧဝံ စတုဗ္ဗိဓေန ရူပသင်္ဂဟော။
စတုက္ကံ။
ပဉ္စကံ
ပဉ္စဝိဓေန ရူပသင်္ဂဟော –
၅၈၇. ပထဝီဓါတု, အာပေါဓါတု, တေဇောဓါတု, ဝါယောဓါတု, ယဉ္စ ရူပံ ဥပါဒါ။
ဧဝံ ပဉ္စဝိဓေန ရူပသင်္ဂဟော။
ပဉ္စကံ။
ဆက္ကံ
ဆဗ္ဗိဓေန ရူပသင်္ဂဟော –
၅၈၈. စက္ခုဝိညေယျံ ရူပံ, သောတဝိညေယျံ ရူပံ, ဃာနဝိညေယျံ ရူပံ, ဇိဝှာဝိညေယျံ ရူပံ, ကာယဝိညေယျံ ရူပံ, မနောဝိညေယျံ ရူပံ။
ဧဝံ ဆဗ္ဗိဓေန ရူပသင်္ဂဟော။
ဆက္ကံ။
သတ္တကံ
သတ္တဝိဓေန ရူပသင်္ဂဟော –
၅၈၉. စက္ခုဝိညေယျံ ရူပံ, သောတဝိညေယျံ ရူပံ, ဃာနဝိညေယျံ ရူပံ, ဇိဝှာဝိညေယျံ ရူပံ, ကာယဝိညေယျံ ရူပံ, မနောဓါတုဝိညေယျံ ရူပံ, မနောဝိညာဏဓါတုဝိညေယျံ ရူပံ။
ဧဝံ သတ္တဝိဓေန ရူပသင်္ဂဟော။
သတ္တကံ။
အဋ္ဌကံ
အဋ္ဌဝိဓေန ရူပသင်္ဂဟော –
၅၉၀. စက္ခုဝိညေယျံ ရူပံ, သောတဝိညေယျံ ရူပံ, ဃာနဝိညေယျံ ရူပံ, ဇိဝှာဝိညေယျံ ရူပံ, ကာယဝိညေယျံ ရူပံ, အတ္ထိ သုခသမ္ဖဿံ, အတ္ထိ ဒုက္ခသမ္ဖဿံ, မနောဓါတုဝိညေယျံ ရူပံ, မနောဝိညာဏဓါတုဝိညေယျံ ရူပံ။
ဧဝံ အဋ္ဌဝိဓေန ရူပသင်္ဂဟော။
အဋ္ဌကံ။
နဝကံ
နဝဝိဓေန ရူပသင်္ဂဟော –
၅၉၁. စက္ခုန္ဒ္ရိယံ, သောတိန္ဒ္ရိယံ, ဃာနိန္ဒ္ရိယံ, ဇိဝ္ဟိန္ဒ္ရိယံ ကာယိန္ဒ္ရိယံ, ဣတ္ထိန္ဒ္ရိယံ, ပုရိသိန္ဒ္ရိယံ, ဇီဝိတိန္ဒ္ရိယံ, ယဉ္စ ရူပံ န ဣန္ဒ္ရိယံ။
ဧဝံ နဝဝိဓေန ရူပသင်္ဂဟော။
နဝကံ။
ဒသကံ
ဒသဝိဓေန ရူပသင်္ဂဟော –
၅၉၂. စက္ခုန္ဒ္ရိယံ, သောတိန္ဒ္ရိယံ, ဃာနိန္ဒ္ရိယံ, ဇိဝ္ဟိန္ဒ္ရိယံ ကာယိန္ဒ္ရိယံ, ဣတ္ထိန္ဒ္ရိယံ, ပုရိသိန္ဒ္ရိယံ, ဇီဝိတိန္ဒ္ရိယံ, န ဣန္ဒ္ရိယံ ရူပံ အတ္ထိ သပ္ပဋိဃံ, အတ္ထိ အပ္ပဋိဃံ။
ဧဝံ ဒသဝိဓေန ရူပသင်္ဂဟော။
ဒသကံ။
ဧကာဒသကံ
ဧကာဒသဝိဓေန ရူပသင်္ဂဟော –
၅၉၃. စက္ခာယတနံ, သောတာယတနံ, ဃာနာယတနံ, ဇိဝှာယတနံ, ကာယာယတနံ, ရူပါယတနံ, သဒ္ဒါယတနံ , ဂန္ဓာယတနံ, ရသာယတနံ, ဖောဋ္ဌဗ္ဗာယတနံ, ယဉ္စ ရူပံ အနိဒဿနအပ္ပဋိဃံ [အနိဒဿနံ အပ္ပဋိဃံ (သီ. သျာ.)] ဓမ္မာယတနပရိယာပန္နံ။
ဧဝံ ဧကာဒသဝိဓေန ရူပသင်္ဂဟော။
ဧကာဒသကံ။
မာတိကာ။
ရူပဝိဘတ္တိ
ဧကကနိဒ္ဒေသော
၅၉၄. သဗ္ဗံ ရူပံ န ဟေတုမေဝ, အဟေတုကမေဝ, ဟေတုဝိပ္ပယုတ္တမေဝ, သပ္ပစ္စယမေဝ, သင်္ခတမေဝ, ရူပမေဝ, လောကိယမေဝ, သာသဝမေဝ, သံယောဇနိယမေဝ, ဂန္ထနိယမေဝ, ဩဃနိယမေဝ, ယောဂနိယမေဝ, နီဝရဏိယမေဝ, ပရာမဋ္ဌမေဝ, ဥပါဒါနိယမေဝ, သံကိလေသိကမေဝ, အဗျာကတမေဝ, အနာရမ္မဏမေဝ, အစေတသိကမေဝ, စိတ္တဝိပ္ပယုတ္တမေဝ, နေဝဝိပါကနဝိပါကဓမ္မဓမ္မမေဝ, အသံကိလိဋ္ဌသံကိလေသိကမေဝ, န သဝိတက္ကသဝိစာရမေဝ, န အဝိတက္ကဝိစာရမတ္တမေဝ, အဝိတက္ကအဝိစာရမေဝ , န ဣတိသဟဂတမေဝ, န သုခသဟဂတမေဝ, န ဥပေက္ခာသဟဂတမေဝ, နေဝ ဒဿနေန န ဘာဝနာယ ပဟာတဗ္ဗမေဝ, နေဝ ဒဿနေန န ဘာဝနာယ ပဟာတဗ္ဗဟေတုကမေဝ, နေဝ အာစယဂါမိ န အပစယဂါမိမေဝ, နေဝသေက္ခနာသေက္ခမေဝ, ပရိတ္တမေဝ, ကာမာဝစရမေဝ, န ရူပါဝစရမေဝ, န အရူပါဝစရမေဝ, ပရိယာပန္နမေဝ, နော အပရိယာပန္နမေဝ, အနိယတမေဝ, အနိယျာနိကမေဝ, ဥပ္ပန္နံ ဆဟိ ဝိညာဏေဟိ ဝိညေယျမေဝ, အနိစ္စမေဝ, ဇရာဘိဘူတမေဝ။
ဧဝံ ဧကဝိဓေန ရူပသင်္ဂဟော။
ဧကကနိဒ္ဒေသော။
ဒုကနိဒ္ဒေသော
ဥပါဒါဘာဇနီယံ
၅၉၅. ကတမံ တံ ရူပံ ဥပါဒါ? စက္ခာယတနံ, သောတာယတနံ, ဃာနာယတနံ, ဇိဝှာယတနံ, ကာယာယတနံ, ရူပါယတနံ, သဒ္ဒါယတနံ, ဂန္ဓာယတနံ, ရသာယတနံ, ဣတ္ထိန္ဒ္ရိယံ, ပုရိသိန္ဒ္ရိယံ, ဇီဝိတိန္ဒ္ရိယံ, ကာယဝိညတ္တိ, ဝစီဝိညတ္တိ, အာကာသဓါတု, ရူပဿ လဟုတာ, ရူပဿ မုဒုတာ, ရူပဿ ကမ္မညတာ, ရူပဿ ဥပစယော, ရူပဿ သန္တတိ, ရူပဿ ဇရတာ, ရူပဿ အနိစ္စတာ, ကဗဠီကာရော အာဟာရော။
၅၉၆. ကတမံ တံ ရူပံ စက္ခာယတနံ? ယံ စက္ခု [စက္ခုံ (သီ. သျာ.)] စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယေန စက္ခုနာ အနိဒဿနေန သပ္ပဋိဃေန ရူပံ သနိဒဿနံ သပ္ပဋိဃံ ပဿိ ဝါ ပဿတိ ဝါ ပဿိဿတိ ဝါ ပဿေ ဝါ, စက္ခုံ ပေတံ စက္ခာယတနံ ပေတံ စက္ခုဓါတု ပေသာ စက္ခုန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ နေတ္တံ ပေတံ နယနံ ပေတံ ဩရိမံ တီရံ ပေတံ သုညော ဂါမောပေသော – ဣဒံ တံ ရူပံ စက္ခာယတနံ။
၅၉၇. ကတမံ တံ ရူပံ စက္ခာယတနံ? ယံ စက္ခု စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယမှိ စက္ခုမှိ အနိဒဿနမှိ သပ္ပဋိဃမှိ ရူပံ သနိဒဿနံ သပ္ပဋိဃံ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, စက္ခုံ ပေတံ စက္ခာယတနံ ပေတံ စက္ခုဓါတု ပေသာ စက္ခုန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ နေတ္တံ ပေတံ နယနံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ စက္ခာယတနံ။
၅၉၈. ကတမံ တံ ရူပံ စက္ခာယတနံ? ယံ စက္ခု စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယံ စက္ခု အနိဒဿနံ သပ္ပဋိဃံ ရူပမှိ သနိဒဿနမှိ သပ္ပဋိဃမှိ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, စက္ခုံ ပေတံ စက္ခာယတနံ ပေတံ စက္ခုဓါတု ပေသာ စက္ခုန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ နေတ္တံ ပေတံ နယနံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ စက္ခာယတနံ။
၅၉၉. ကတမံ တံ ရူပံ စက္ခာယတနံ? ယံ စက္ခု စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယံ စက္ခုံ နိဿာယ ရူပံ အာရဗ္ဘ စက္ခုသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ စက္ခုံ နိဿာယ ရူပံ အာရဗ္ဘ စက္ခုသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ စက္ခုဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ စက္ခုံ နိဿာယ ရူပါရမ္မဏော စက္ခုသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ စက္ခုံ နိဿာယ ရူပါရမ္မဏာ စက္ခုသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ စက္ခုဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ, စက္ခုံ ပေတံ စက္ခာယတနံ ပေတံ စက္ခုဓါတု ပေသာ စက္ခုန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ နေတ္တံ ပေတံ နယနံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ စက္ခာယတနံ။
၆၀၀. ကတမံ တံ ရူပံ သောတာယတနံ? ယံ သောတံ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယေန သောတေန အနိဒဿနေန သပ္ပဋိဃေန သဒ္ဒံ အနိဒဿနံ သပ္ပဋိဃံ သုဏိ ဝါ သုဏာတိ ဝါ သုဏိဿတိ ဝါ သုဏေ ဝါ, သောတံ ပေတံ သောတာယတနံ ပေတံ သောတဓါတု ပေသာ သောတိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ သောတာယတနံ။
၆၀၁. ကတမံ တံ ရူပံ သောတာယတနံ? ယံ သောတံ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယမှိ သောတမှိ အနိဒဿနမှိ သပ္ပဋိဃမှိ သဒ္ဒေါ အနိဒဿနော သပ္ပဋိဃော ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, သောတံ ပေတံ သောတာယတနံ ပေတံ သောတဓါတု ပေသာ သောတိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ သောတာယတနံ။
၆၀၂. ကတမံ တံ ရူပံ သောတာယတနံ? ယံ သောတံ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယံ သောတံ အနိဒဿနံ သပ္ပဋိဃံ သဒ္ဒမှိ အနိဒဿနမှိ သပ္ပဋိဃမှိ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, သောတံ ပေတံ သောတာယတနံ ပေတံ သောတဓါတု ပေသာ သောတိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ သောတာယတနံ။
၆၀၃. ကတမံ တံ ရူပံ သောတာယတနံ? ယံ သောတံ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယံ သောတံ နိဿာယ သဒ္ဒံ အာရဗ္ဘ သောတသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ သောတံ နိဿာယ သဒ္ဒံ အာရဗ္ဘ သောတသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ သောတဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ သောတံ နိဿာယ သဒ္ဒါရမ္မဏော သောတသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ သောတံ နိဿာယ သဒ္ဒါရမ္မဏာ သောတသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ သောတဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ, သောတံ ပေတံ သောတာယတနံ ပေတံ သောတဓါတု ပေသာ သောတိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ သောတာယတနံ။
၆၀၄. ကတမံ တံ ရူပံ ဃာနာယတနံ? ယံ ဃာနံ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယေန ဃာနေန အနိဒဿနေန သပ္ပဋိဃေန ဂန္ဓံ အနိဒဿနံ သပ္ပဋိဃံ ဃာယိ ဝါ ဃာယတိ ဝါ ဃာယိဿတိ ဝါ ဃာယေ ဝါ, ဃာနံ ပေတံ ဃာနာယတနံ ပေတံ ဃာနဓါတု ပေသာ ဃာနိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ဃာနာယတနံ။
၆၀၅. ကတမံ တံ ရူပံ ဃာနာယတနံ? ယံ ဃာနံ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယမှိ ဃာနမှိ အနိဒဿနမှိ သပ္ပဋိဃမှိ ဂန္ဓော အနိဒဿနော သပ္ပဋိဃော ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ဃာနံ ပေတံ ဃာနာယတနံ ပေတံ ဃာနဓါတု ပေသာ ဃာနိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ဃာနာယတနံ။
၆၀၆. ကတမံ တံ ရူပံ ဃာနာယတနံ? ယံ ဃာနံ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယံ ဃာနံ အနိဒဿနံ သပ္ပဋိဃံ ဂန္ဓမှိ အနိဒဿနမှိ သပ္ပဋိဃမှိ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ဃာနံ ပေတံ ဃာနာယတနံ ပေတံ ဃာနဓါတု ပေသာ ဃာနိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမောပေသော – ဣဒံ တံ ရူပံ ဃာနာယတနံ။
၆၀၇. ကတမံ တံ ရူပံ ဃာနာယတနံ? ယံ ဃာနံ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယံ ဃာနံ နိဿာယ ဂန္ဓံ အာရဗ္ဘ ဃာနသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဃာနံ နိဿာယ ဂန္ဓံ အာရဗ္ဘ ဃာနသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ဃာနဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဃာနံ နိဿာယ ဂန္ဓာရမ္မဏော ဃာနသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဃာနံ နိဿာယ ဂန္ဓာရမ္မဏာ ဃာနသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ဃာနဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ, ဃာနံ ပေတံ ဃာနာယတနံ ပေတံ ဃာနဓါတု ပေသာ ဃာနိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ဃာနာယတနံ။
၆၀၈. ကတမံ တံ ရူပံ ဇိဝှာယတနံ? ယာ ဇိဝှာ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယာယ ဇိဝှာယ အနိဒဿနာယ သပ္ပဋိဃာယ ရသံ အနိဒဿနံ သပ္ပဋိဃံ သာယိ ဝါ သာယတိ ဝါ သာယိဿတိ ဝါ သာယေ ဝါ, ဇိဝှာ ပေသာ ဇိဝှာယတနံ ပေတံ ဇိဝှာဓါတု ပေသာ ဇိဝ္ဟိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ဇိဝှာယတနံ။
၆၀၉. ကတမံ တံ ရူပံ ဇိဝှာယတနံ? ယာ ဇိဝှာ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယာယ ဇိဝှာယ အနိဒဿနာယ သပ္ပဋိဃာယ ရသော အနိဒဿနော သပ္ပဋိဃော ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ဇိဝှာ ပေသာ ဇိဝှာယတနံ ပေတံ ဇိဝှာဓါတု ပေသာ ဇိဝ္ဟိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ဇိဝှာယတနံ။
၆၁၀. ကတမံ တံ ရူပံ ဇိဝှာယတနံ? ယာ ဇိဝှာ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယာ ဇိဝှာ အနိဒဿနာ သပ္ပဋိဃာ ရသမှိ အနိဒဿနမှိ သပ္ပဋိဃမှိ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ဇိဝှာ ပေသာ ဇိဝှာယတနံ ပေတံ ဇိဝှာဓါတု ပေသာ ဇိဝ္ဟိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ဇိဝှာယတနံ။
၆၁၁. ကတမံ တံ ရူပံ ဇိဝှာယတနံ? ယာ ဇိဝှာ စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယံ ဇိဝှံ နိဿာယ ရသံ အာရဗ္ဘ ဇိဝှာသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဇိဝှံ နိဿာယ ရသံ အာရဗ္ဘ ဇိဝှာသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ဇိဝှာဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဇိဝှံ နိဿာယ ရသာရမ္မဏော ဇိဝှာသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဇိဝှံ နိဿာယ ရသာရမ္မဏာ ဇိဝှာသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ဇိဝှာဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ, ဇိဝှာ ပေသာ ဇိဝှာယတနံ ပေတံ ဇိဝှာဓါတု ပေသာ ဇိဝ္ဟိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ဇိဝှာယတနံ။
၆၁၂. ကတမံ တံ ရူပံ ကာယာယတနံ? ယော ကာယော စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယေန ကာယေန အနိဒဿနေန သပ္ပဋိဃေန ဖောဋ္ဌဗ္ဗံ အနိဒဿနသပ္ပဋိဃံ ဖုသိ ဝါ ဖုသတိ ဝါ ဖုသိဿတိ ဝါ ဖုသေ ဝါ, ကာယော ပေသော ကာယာယတနံ ပေတံ ကာယဓါတု ပေသာ ကာယိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ကာယာယတနံ။
၆၁၃. ကတမံ တံ ရူပံ ကာယာယတနံ? ယော ကာယော စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယမှိ ကာယမှိ အနိဒဿနမှိ သပ္ပဋိဃမှိ ဖောဋ္ဌဗ္ဗော အနိဒဿနော သပ္ပဋိဃော ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ကာယော ပေသော ကာယာယတနံ ပေတံ ကာယဓါတု ပေသာ ကာယိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ကာယာယတနံ။
၆၁၄. ကတမံ တံ ရူပံ ကာယာယတနံ? ယော ကာယော စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယော ကာယော အနိဒဿနော သပ္ပဋိဃော ဖောဋ္ဌဗ္ဗမှိ အနိဒဿနမှိ သပ္ပဋိဃမှိ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ကာယော ပေသော ကာယာယတနံ ပေတံ ကာယဓါတု ပေသာ ကာယိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ကာယာယတနံ။
၆၁၅. ကတမံ တံ ရူပံ ကာယာယတနံ? ယော ကာယော စတုန္နံ မဟာဘူတာနံ ဥပါဒါယ ပသာဒေါ အတ္တဘာဝပရိယာပန္နော အနိဒဿနော သပ္ပဋိဃော, ယံ ကာယံ နိဿာယ ဖောဋ္ဌဗ္ဗံ အာရဗ္ဘ ကာယသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ကာယံ နိဿာယ ဖောဋ္ဌဗ္ဗံ အာရဗ္ဘ ကာယသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ကာယဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ကာယံ နိဿာယ ဖောဋ္ဌဗ္ဗာရမ္မဏော ကာယသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ကာယံ နိဿာယ ဖောဋ္ဌဗ္ဗာရမ္မဏာ ကာယသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ကာယဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ, ကာယော ပေသော ကာယာယတနံ ပေတံ ကာယဓါတု ပေသာ ကာယိန္ဒ္ရိယံ ပေတံ လောကော ပေသော ဒွါရာ ပေသာ သမုဒ္ဒေါ ပေသော ပဏ္ဍရံ ပေတံ ခေတ္တံ ပေတံ ဝတ္ထုံ ပေတံ ဩရိမံ တီရံ ပေတံ သုညော ဂါမော ပေသော – ဣဒံ တံ ရူပံ ကာယာယတနံ။
၆၁၆. ကတမံ တံ ရူပံ ရူပါယတနံ? ယံ ရူပံ စတုန္နံ မဟာဘူတာနံ ဥပါဒါယ ဝဏ္ဏနိဘာ သနိဒဿနံ သပ္ပဋိဃံ နီလံ ဣတကံ လောဟိတကံ ဩဒါတံ ကာဠကံ မဉ္ဇိဋ္ဌကံ [မဉ္ဇေဋ္ဌကံ (သီ. သျာ.)] ဟရိ ဟရိဝဏ္ဏံ အမ္ဗင္ကုရဝဏ္ဏံ ဒီဃံ ရဿံ အဏုံ ထူလံ ဝဋ္ဋံ ပရိမဏ္ဍလံ စတုရံသံ [စတုရဿံ (သီ. က.)] ဆဠံသံ အဋ္ဌံသံ သောဠသံသံ နိန္နံ ထလံ ဆာယာ အာတပေါ အာလောကော အန္ဓကာရော အဗ္ဘာ မဟိကာ ဓူမော ရဇော စန္ဒမဏ္ဍလဿ ဝဏ္ဏနိဘာ သူရိယမဏ္ဍလဿ [သုရိယမဏ္ဍလဿ (သီ. သျာ.)] ဝဏ္ဏနိဘာ တာရကရူပါနံ ဝဏ္ဏနိဘာ အာဒါသမဏ္ဍလဿ ဝဏ္ဏနိဘာ မဏိသင်္ခမုတ္တာဝေဠုရိယဿ ဝဏ္ဏနိဘာ ဇာတရူပရဇတဿ ဝဏ္ဏနိဘာ, ယံ ဝါ ပနညမ္ပိ အတ္ထိ ရူပံ စတုန္နံ မဟာဘူတာနံ ဥပါဒါယ ဝဏ္ဏနိဘာ သနိဒဿနံ သပ္ပဋိဃံ, ယံ ရူပံ သနိဒဿနံ သပ္ပဋိဃံ စက္ခုနာ အနိဒဿနေန သပ္ပဋိဃေန ပဿိ ဝါ ပဿတိ ဝါ ပဿိဿတိ ဝါ ပဿေ ဝါ, ရူပံ ပေတံ ရူပါယတနံ ပေတံ ရူပဓါတု ပေသာ – ဣဒံ တံ ရူပံ ရူပါယတနံ။
၆၁၇. ကတမံ တံ ရူပံ ရူပါယတနံ? ယံ ရူပံ စတုန္နံ မဟာဘူတာနံ ဥပါဒါယ ဝဏ္ဏနိဘာ သနိဒဿနံ သပ္ပဋိဃံ နီလံ ဣတကံ လောဟိတကံ ဩဒါတံ ကာဠကံ မဉ္ဇိဋ္ဌကံ ဟရိ ဟရိဝဏ္ဏံ အမ္ဗင္ကုရဝဏ္ဏံ ဒီဃံ ရဿံ အဏုံ ထူလံ ဝဋ္ဋံ ပရိမဏ္ဍလံ စတုရံသံ ဆဠံသံ အဋ္ဌံသံ သောဠသံသံ နိန္နံ ထလံ ဆာယာ အာတပေါ အာလောကော အန္ဓကာရော အဗ္ဘာ မဟိကာ ဓူမော ရဇော စန္ဒမဏ္ဍလဿ ဝဏ္ဏနိဘာ သူရိယမဏ္ဍလဿ ဝဏ္ဏနိဘာ တာရကရူပါနံ ဝဏ္ဏနိဘာ အာဒါသမဏ္ဍလဿ ဝဏ္ဏနိဘာ မဏိသင်္ခမုတ္တာဝေဠုရိယဿ ဝဏ္ဏနိဘာ ဇာတရူပရဇတဿ ဝဏ္ဏနိဘာ, ယံ ဝါ ပနညမ္ပိ အတ္ထိ ရူပံ စတုန္နံ မဟာဘူတာနံ ဥပါဒါယ ဝဏ္ဏနိဘာ သနိဒဿနံ သပ္ပဋိဃံ, ယမှိ ရူပမှိ သနိဒဿနမှိ သပ္ပဋိဃမှိ စက္ခုံ အနိဒဿနံ သပ္ပဋိဃံ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ရူပံ ပေတံ ရူပါယတနံ ပေတံ ရူပဓါတု ပေသာ – ဣဒံ တံ ရူပံ ရူပါယတနံ။
၆၁၈. ကတမံ တံ ရူပံ ရူပါယတနံ? ယံ ရူပံ စတုန္နံ မဟာဘူတာနံ ဥပါဒါယ ဝဏ္ဏနိဘာ သနိဒဿနံ သပ္ပဋိဃံ နီလံ ဣတကံ လောဟိတကံ ဩဒါတံ ကာဠကံ မဉ္ဇိဋ္ဌကံ ဟရိ ဟရိဝဏ္ဏံ အမ္ဗင္ကုရဝဏ္ဏံ ဒီဃံ ရဿံ အဏုံ ထူလံ ဝဋ္ဋံ ပရိမဏ္ဍလံ စတုရံသံ ဆဠံသံ အဋ္ဌံသံ သောဠသံသံ နိန္နံ ထလံ ဆာယာ အာတပေါ အာလောကော အန္ဓကာရော အဗ္ဘာ မဟိကာ ဓူမော ရဇော စန္ဒမဏ္ဍလဿ ဝဏ္ဏနိဘာ သူရိယမဏ္ဍလဿ ဝဏ္ဏနိဘာ တာရကရူပါနံ ဝဏ္ဏနိဘာ အာဒါသမဏ္ဍလဿ ဝဏ္ဏနိဘာ မဏိသင်္ခမုတ္တာဝေဠုရိယဿ ဝဏ္ဏနိဘာ ဇာတရူပရဇတဿ ဝဏ္ဏနိဘာ, ယံ ဝါ ပနညမ္ပိ အတ္ထိ ရူပံ စတုန္နံ မဟာဘူတာနံ ဥပါဒါယ ဝဏ္ဏနိဘာ သနိဒဿနံ သပ္ပဋိဃံ, ယံ ရူပံ သနိဒဿနံ သပ္ပဋိဃံ စက္ခုမှိ အနိဒဿနမှိ သပ္ပဋိဃမှိ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ရူပံ ပေတံ ရူပါယတနံ ပေတံ ရူပဓါတု ပေသာ – ဣဒံ တံ ရူပံ ရူပါယတနံ။
၆၁၉. ကတမံ တံ ရူပံ ရူပါယတနံ? ယံ ရူပံ စတုန္နံ မဟာဘူတာနံ ဥပါဒါယ ဝဏ္ဏနိဘာ သနိဒဿနံ သပ္ပဋိဃံ နီလံ ဣတကံ လောဟိတကံ ဩဒါတံ ကာဠကံ မဉ္ဇိဋ္ဌကံ ဟရိ ဟရိဝဏ္ဏံ အမ္ဗင္ကုရဝဏ္ဏံ ဒီဃံ ရဿံ အဏုံ ထူလံ ဝဋ္ဋံ ပရိမဏ္ဍလံ စတုရံသံ ဆဠံသံ အဋ္ဌံသံ သောဠသံသံ နိန္နံ ထလံ ဆာယာ အာတပေါ အာလောကော အန္ဓကာရော အဗ္ဘာ မဟိကာ ဓူမော ရဇော စန္ဒမဏ္ဍလဿ ဝဏ္ဏနိဘာ သူရိယမဏ္ဍလဿ ဝဏ္ဏနိဘာ တာရကရူပါနံ ဝဏ္ဏနိဘာ အာဒါသမဏ္ဍလဿ ဝဏ္ဏနိဘာ မဏိသင်္ခမုတ္တာဝေဠုရိယဿ ဝဏ္ဏနိဘာ ဇာတရူပရဇတဿ ဝဏ္ဏနိဘာ, ယံ ဝါ ပနညမ္ပိ အတ္ထိ ရူပံ စတုန္နံ မဟာဘူတာနံ ဥပါဒါယ ဝဏ္ဏနိဘာ သနိဒဿနံ သပ္ပဋိဃံ, ယံ ရူပံ အာရဗ္ဘ စက္ခုံ နိဿာယ စက္ခုသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ရူပံ အာရဗ္ဘ စက္ခုံ နိဿာယ စက္ခုသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ စက္ခုဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ရူပါရမ္မဏော စက္ခုံ နိဿာယ စက္ခုသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ရူပါရမ္မဏာ စက္ခုံ နိဿာယ စက္ခုသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ စက္ခုဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ, ရူပံ ပေတံ ရူပါယတနံ ပေတံ ရူပဓါတု ပေသာ – ဣဒံ တံ ရူပံ ရူပါယတနံ။
၆၂၀. ကတမံ တံ ရူပံ သဒ္ဒါယတနံ? ယော သဒ္ဒေါ စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော ဘေရိသဒ္ဒေါ မုဒိင်္ဂသဒ္ဒေါ သင်္ခသဒ္ဒေါ ပဏဝသဒ္ဒေါ ဂီတသဒ္ဒေါ ဝါဒိတသဒ္ဒေါ သမ္မသဒ္ဒေါ ပါဏိသဒ္ဒေါ သတ္တာနံ နိဂ္ဃောသသဒ္ဒေါ ဓါတူနံ သန္နိဃာတသဒ္ဒေါ ဝါတသဒ္ဒေါ ဥဒကသဒ္ဒေါ မနုဿသဒ္ဒေါ အမနုဿသဒ္ဒေါ, ယော ဝါ ပနညောပိ အတ္ထိ သဒ္ဒေါ စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယံ သဒ္ဒံ အနိဒဿနံ သပ္ပဋိဃံ သောတေန အနိဒဿနေန သပ္ပဋိဃေန သုဏိ ဝါ သုဏာတိ ဝါ သုဏိဿတိ ဝါ သုဏေ ဝါ, သဒ္ဒေါ ပေသော သဒ္ဒါယတနံ ပေတံ သဒ္ဒဓါတု ပေသာ – ဣဒံ တံ ရူပံ သဒ္ဒါယတနံ။
၆၂၁. ကတမံ တံ ရူပံ သဒ္ဒါယတနံ? ယော သဒ္ဒေါ စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော ဘေရိသဒ္ဒေါ မုဒိင်္ဂသဒ္ဒေါ သင်္ခသဒ္ဒေါ ပဏဝသဒ္ဒေါ ဂီတသဒ္ဒေါ ဝါဒိတသဒ္ဒေါ သမ္မသဒ္ဒေါ ပါဏိသဒ္ဒေါ သတ္တာနံ နိဂ္ဃောသသဒ္ဒေါ ဓါတူနံ သန္နိဃာတသဒ္ဒေါ ဝါတသဒ္ဒေါ ဥဒကသဒ္ဒေါ မနုဿသဒ္ဒေါ အမနုဿသဒ္ဒေါ, ယော ဝါ ပနညောပိ အတ္ထိ သဒ္ဒေါ စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယမှိ သဒ္ဒမှိ အနိဒဿနမှိ သပ္ပဋိဃမှိ သောတံ အနိဒဿနံ သပ္ပဋိဃံ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, သဒ္ဒေါ ပေသော သဒ္ဒါယတနံ ပေတံ သဒ္ဒဓါတု ပေသာ – ဣဒံ တံ ရူပံ သဒ္ဒါယတနံ။
၆၂၂. ကတမံ တံ ရူပံ သဒ္ဒါယတနံ? ယော သဒ္ဒေါ စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော ဘေရိသဒ္ဒေါ မုဒိင်္ဂသဒ္ဒေါ သင်္ခသဒ္ဒေါ ပဏဝသဒ္ဒေါ ဂီတသဒ္ဒေါ ဝါဒိတသဒ္ဒေါ သမ္မသဒ္ဒေါ ပါဏိသဒ္ဒေါ သတ္တာနံ နိဂ္ဃောသသဒ္ဒေါ ဓါတူနံ သန္နိဃာတသဒ္ဒေါ ဝါတသဒ္ဒေါ ဥဒကသဒ္ဒေါ မနုဿသဒ္ဒေါ အမနုဿသဒ္ဒေါ, ယော ဝါ ပနညောပိ အတ္ထိ သဒ္ဒေါ စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယော သဒ္ဒေါ အနိဒဿနော သပ္ပဋိဃော သောတမှိ အနိဒဿနမှိ သပ္ပဋိဃမှိ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, သဒ္ဒေါ ပေသော သဒ္ဒါယတနံ ပေတံ သဒ္ဒဓါတု ပေသာ – ဣဒံ တံ ရူပံ သဒ္ဒါယတနံ။
၆၂၃. ကတမံ တံ ရူပံ သဒ္ဒါယတနံ? ယော သဒ္ဒေါ စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော ဘေရိသဒ္ဒေါ မုဒိင်္ဂသဒ္ဒေါ သင်္ခသဒ္ဒေါ ပဏဝသဒ္ဒေါ ဂီတသဒ္ဒေါ ဝါဒိတသဒ္ဒေါ သမ္မသဒ္ဒေါ ပါဏိသဒ္ဒေါ သတ္တာနံ နိဂ္ဃောသသဒ္ဒေါ ဓါတူနံ သန္နိဃာတသဒ္ဒေါ ဝါတသဒ္ဒေါ ဥဒကသဒ္ဒေါ မနုဿသဒ္ဒေါ အမနုဿသဒ္ဒေါ, ယော ဝါ ပနညောပိ အတ္ထိ သဒ္ဒေါ စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယံ သဒ္ဒံ အာရဗ္ဘ သောတံ နိဿာယ သောတသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ သဒ္ဒံ အာရဗ္ဘ သောတံ နိဿာယ သောတသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ သောတဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ သဒ္ဒါရမ္မဏော သောတံ နိဿာယ သောတသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ သဒ္ဒါရမ္မဏာ သောတံ နိဿာယ သောတသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ သောတဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ, သဒ္ဒေါ ပေသော သဒ္ဒါယတနံ ပေတံ သဒ္ဒဓါတု ပေသာ – ဣဒံ တံ ရူပံ သဒ္ဒါယတနံ။
၆၂၄. ကတမံ တံ ရူပံ ဂန္ဓာယတနံ? ယော ဂန္ဓော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော မူလဂန္ဓော သာရဂန္ဓော တစဂန္ဓော ပတ္တဂန္ဓော ပုပ္ဖဂန္ဓော ဖလဂန္ဓော အာမကဂန္ဓော ဝိဿဂန္ဓော သုဂန္ဓော ဒုဂ္ဂန္ဓော , ယော ဝါ ပနညောပိ အတ္ထိ ဂန္ဓော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယံ ဂန္ဓံ အနိဒဿနံ သပ္ပဋိဃံ ဃာနေန အနိဒဿနေန သပ္ပဋိဃေန ဃာယိ ဝါ ဃာယတိ ဝါ ဃာယိဿတိ ဝါ ဃာယေ ဝါ, ဂန္ဓော ပေသော ဂန္ဓာယတနံ ပေတံ ဂန္ဓဓါတု ပေသာ – ဣဒံ တံ ရူပံ ဂန္ဓာယတနံ။
၆၂၅. ကတမံ တံ ရူပံ ဂန္ဓာယတနံ? ယော ဂန္ဓော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော မူလဂန္ဓော သာရဂန္ဓော တစဂန္ဓော ပတ္တဂန္ဓော ပုပ္ဖဂန္ဓော ဖလဂန္ဓော အာမကဂန္ဓော ဝိဿဂန္ဓော သုဂန္ဓော ဒုဂ္ဂန္ဓော, ယော ဝါ ပနညောပိ အတ္ထိ ဂန္ဓော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယမှိ ဂန္ဓမှိ အနိဒဿနမှိ သပ္ပဋိဃမှိ ဃာနံ အနိဒဿနံ သပ္ပဋိဃံ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ဂန္ဓော ပေသော ဂန္ဓာယတနံ ပေတံ ဂန္ဓဓါတု ပေသာ – ဣဒံ တံ ရူပံ ဂန္ဓာယတနံ။
၆၂၆. ကတမံ တံ ရူပံ ဂန္ဓာယတနံ? ယော ဂန္ဓော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော မူလဂန္ဓော သာရဂန္ဓော တစဂန္ဓော ပတ္တဂန္ဓော ပုပ္ဖဂန္ဓော ဖလဂန္ဓော အာမကဂန္ဓော ဝိဿဂန္ဓော သုဂန္ဓော ဒုဂ္ဂန္ဓော, ယော ဝါ ပနညောပိ အတ္ထိ ဂန္ဓော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယော ဂန္ဓော အနိဒဿနော သပ္ပဋိဃော ဃာနမှိ အနိဒဿနမှိ သပ္ပဋိဃမှိ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ဂန္ဓော ပေသော ဂန္ဓာယတနံ ပေတံ ဂန္ဓဓါတု ပေသာ – ဣဒံ တံ ရူပံ ဂန္ဓာယတနံ။
၆၂၇. ကတမံ တံ ရူပံ ဂန္ဓာယတနံ? ယော ဂန္ဓော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော မူလဂန္ဓော သာရဂန္ဓော တစဂန္ဓော ပတ္တဂန္ဓော ပုပ္ဖဂန္ဓော ဖလဂန္ဓော အာမကဂန္ဓော ဝိဿဂန္ဓော သုဂန္ဓော ဒုဂ္ဂန္ဓော, ယော ဝါ ပနညောပိ အတ္ထိ ဂန္ဓော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယံ ဂန္ဓံ အာရဗ္ဘ ဃာနံ နိဿာယ ဃာနသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဂန္ဓံ အာရဗ္ဘ ဃာနံ နိဿာယ ဃာနသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ဃာနဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဂန္ဓာရမ္မဏော ဃာနံ နိဿာယ ဃာနသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဂန္ဓာရမ္မဏာ ဃာနံ နိဿာယ ဃာနသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ဃာနဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ, ဂန္ဓော ပေသော ဂန္ဓာယတနံ ပေတံ ဂန္ဓဓါတု ပေသာ – ဣဒံ တံ ရူပံ ဂန္ဓာယတနံ။
၆၂၈. ကတမံ တံ ရူပံ ရသာယတနံ? ယော ရသော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော မူလရသော ခန္ဓရသော တစရသော ပတ္တရသော ပုပ္ဖရသော ဖလရသော အမ္ဗိလံ မဓုရံ တိတ္တကံ ကဋုကံ လောဏိကံ ခါရိကံ လမ္ဗိလံ [လပိလကံ (သီ.)] ကသာဝေါ သာဒု အသာဒု, ယော ဝါ ပနညောပိ အတ္ထိ ရသော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယံ ရသံ အနိဒဿနံ သပ္ပဋိဃံ ဇိဝှာယ အနိဒဿနာယ သပ္ပဋိဃာယ သာယိ ဝါ သာယတိ ဝါ သာယိဿတိ ဝါ သာယေ ဝါ, ရသော ပေသော ရသာယတနံ ပေတံ ရသဓါတု ပေသာ – ဣဒံ တံ ရူပံ ရသာယတနံ။
၆၂၉. ကတမံ တံ ရူပံ ရသာယတနံ? ယော ရသော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော မူလရသော ခန္ဓရသော တစရသော ပတ္တရသော ပုပ္ဖရသော ဖလရသော အမ္ဗိလံ မဓုရံ တိတ္တကံ ကဋုကံ လောဏိကံ ခါရိကံ လမ္ဗိလံ ကသာဝေါ သာဒု အသာဒု, ယော ဝါ ပနညောပိ အတ္ထိ ရသော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယမှိ ရသမှိ အနိဒဿနမှိ သပ္ပဋိဃမှိ ဇိဝှာ အနိဒဿနာ သပ္ပဋိဃာ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ရသော ပေသော ရသာယတနံ ပေတံ ရသဓါတု ပေသာ – ဣဒံ တံ ရူပံ ရသာယတနံ။
၆၃၀. ကတမံ တံ ရူပံ ရသာယတနံ? ယော ရသော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော မူလရသော ခန္ဓရသော တစရသော ပတ္တရသော ပုပ္ဖရသော ဖလရသော အမ္ဗိလံ မဓုရံ တိတ္တကံ ကဋုကံ လောဏိကံ ခါရိကံ လမ္ဗိလံ ကသာဝေါ သာဒု အသာဒု, ယော ဝါ ပနညောပိ အတ္ထိ ရသော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယော ရသော အနိဒဿနော သပ္ပဋိဃော ဇိဝှာယ အနိဒဿနာယ သပ္ပဋိဃာယ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ရသော ပေသော ရသာယတနံ ပေတံ ရသဓါတု ပေသာ – ဣဒံ တံ ရူပံ ရသာယတနံ။
၆၃၁. ကတမံ တံ ရူပံ ရသာယတနံ? ယော ရသော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော မူလရသော ခန္ဓရသော တစရသော ပတ္တရသော ပုပ္ဖရသော ဖလရသော အမ္ဗိလံ မဓုရံ တိတ္တကံ ကဋုကံ လောဏိကံ ခါရိကံ လမ္ဗိလံ ကသာဝေါ သာဒု အသာဒု, ယော ဝါ ပနညောပိ အတ္ထိ ရသော စတုန္နံ မဟာဘူတာနံ ဥပါဒါယ အနိဒဿနော သပ္ပဋိဃော, ယံ ရသံ အာရဗ္ဘ ဇိဝှံ နိဿာယ ဇိဝှာသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ရသံ အာရဗ္ဘ ဇိဝှံ နိဿာယ ဇိဝှာသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ဇိဝှာဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ရသာရမ္မဏော ဇိဝှံ နိဿာယ ဇိဝှာသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ရသာရမ္မဏာ ဇိဝှံ နိဿာယ ဇိဝှာသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ဇိဝှာဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ, ရသော ပေသော ရသာယတနံ ပေတံ ရသဓါတု ပေသာ – ဣဒံ တံ ရူပံ ရသာယတနံ။
၆၃၂. ကတမံ တံ ရူပံ ဣတ္ထိန္ဒ္ရိယံ? ယံ ဣတ္ထိယာ ဣတ္ထိလိင်္ဂံ ဣတ္ထိနိမိတ္တံ ဣတ္ထိကုတ္တံ ဣတ္ထာကပ္ပော ဣတ္ထတ္တံ ဣတ္ထိဘာဝေါ [ဣတ္ထိတ္တံ ဣတ္ထီဘာဝေါ (သျာ.)] – ဣဒံ တံ ရူပံ ဣတ္ထိန္ဒ္ရိယံ။
၆၃၃. ကတမံ တံ ရူပံ ပုရိသိန္ဒ္ရိယံ? ယံ ပုရိသဿ ပုရိသလိင်္ဂံ ပုရိသနိမိတ္တံ ပုရိသကုတ္တံ ပုရိသာကပ္ပော ပုရိသတ္တံ ပုရိသဘာဝေါ – ဣဒံ တံ ရူပံ ပုရိသိန္ဒ္ရိယံ။
၆၃၄. ကတမံ တံ ရူပံ ဇီဝိတိန္ဒ္ရိယံ? ယော တေသံ ရူဣနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာ ဇီဝိတံ ဇီဝိတိန္ဒ္ရိယံ – ဣဒံ တံ ရူပံ ဇီဝိတိန္ဒ္ရိယံ။
၆၃၅. ကတမံ တံ ရူပံ ကာယဝိညတ္တိ? ယာ ကုသလစိတ္တဿ ဝါ အကုသလစိတ္တဿ ဝါ အဗျာကတစိတ္တဿ ဝါ အဘိက္ကမန္တဿ ဝါ ပဋိက္ကမန္တဿ ဝါ အာလောကေန္တဿ ဝါ ဝိလောကေန္တဿ ဝါ သမိဉ္ဇေန္တဿ ဝါ ပသာရေန္တဿ ဝါ ကာယဿ ထမ္ဘနာ သန္ထမ္ဘနာ သန္ထမ္ဘိတတ္တံ ဝိညတ္တိ ဝိညာပနာ ဝိညာပိတတ္တံ – ဣဒံ တံ ရူပံ ကာယဝိညတ္တိ။
၆၃၆. ကတမံ တံ ရူပံ ဝစီဝိညတ္တိ? ယာ ကုသလစိတ္တဿ ဝါ အကုသလစိတ္တဿ ဝါ အဗျာကတစိတ္တဿ ဝါ ဝါစာ ဂိရာ ဗျပ္ပထော ဥဒီရဏံ ဃောသော ဃောသကမ္မံ ဝါစာ ဝစီဘေဒေါ – အယံ ဝုစ္စတိ ဝါစာ။ ယာ တာယ ဝါစာယ ဝိညတ္တိ ဝိညာပနာ ဝိညာပိတတ္တံ – ဣဒံ တံ ရူပံ ဝစီဝိညတ္တိ။
၆၃၇. ကတမံ တံ ရူပံ အာကာသဓါတု? ယော အာကာသော အာကာသဂတံ အဃံ အဃဂတံ ဝိဝရော ဝိဝရဂတံ အသမ္ဖုဋ္ဌံ စတူဟိ မဟာဘူတေဟိ – ဣဒံ တံ ရူပံ အာကာသဓါတု။
၆၃၈. ကတမံ တံ ရူပံ ရူပဿ လဟုတာ? ယာ ရူပဿ လဟုတာ လဟုပရိဏာမတာ အဒန္ဓနတာ အဝိတ္ထနတာ – ဣဒံ တံ ရူပံ ရူပဿ လဟုတာ။
၆၃၉. ကတမံ တံ ရူပံ ရူပဿ မုဒုတာ? ယာ ရူပဿ မုဒုတာ မဒ္ဒဝတာ အကက္ခဠတာ အကထိနတာ – ဣဒံ တံ ရူပံ ရူပဿ မုဒုတာ။
၆၄၀. ကတမံ တံ ရူပံ ရူပဿ ကမ္မညတာ? ယာ ရူပဿ ကမ္မညတာ ကမ္မညတ္တံ ကမ္မညဘာဝေါ – ဣဒံ တံ ရူပံ ရူပဿ ကမ္မညတာ။
၆၄၁. ကတမံ တံ ရူပံ ရူပဿ ဥပစယော? ယော အာယတနာနံ အာစယော, သော ရူပဿ ဥပစယော – ဣဒံ တံ ရူပံ ရူပဿ ဥပစယော။
၆၄၂. ကတမံ တံ ရူပံ ရူပဿ သန္တတိ? ယော ရူပဿ ဥပစယော, သာ ရူပဿ သန္တတိ – ဣဒံ တံ ရူပံ ရူပဿ သန္တတိ။
၆၄၃. ကတမံ တံ ရူပံ ရူပဿ ဇရတာ? ယာ ရူပဿ ဇရာ ဇီရဏတာ ခဏ္ဍိစ္စံ ပါလိစ္စံ ဝလိတ္တစတာ အာယုနော သံဟာနိ ဣန္ဒ္ရိယာနံ ပရိပါကော – ဣဒံ တံ ရူပံ ရူပဿ ဇရတာ။
၆၄၄. ကတမံ တံ ရူပံ ရူပဿ အနိစ္စတာ? ယော ရူပဿ ခယော ဝယော ဘေဒေါ ပရိဘေဒေါ အနိစ္စတာ အန္တရဓါနံ – ဣဒံ တံ ရူပံ ရူပဿ အနိစ္စတာ။
၆၄၅. ကတမံ တံ ရူပံ ကဗဠီကာရော အာဟာရော? ဩဒနော ကုမ္မာသော သတ္တု မစ္ဆော မံသံ ခီရံ ဒဓိ သပ္ပိ နဝနီတံ တေလံ မဓု ဖာဏိတံ, ယံ ဝါ ပနညမ္ပိ အတ္ထိ ရူပံ ယမှိ ယမှိ ဇနပဒေ တေသံ တေသံ သတ္တာနံ မုခါသိယံ ဒန္တဝိခါဒနံ ဂလဇ္ဈောဟရဏီယံ ကုစ္ဆိဝိတ္ထမ္ဘနံ, ယာယ ဩဇာယ သတ္တာ ယာပေန္တိ – ဣဒံ တံ ရူပံ ကဗဠီကာရော အာဟာရော။
ဣဒံ တံ ရူပံ ဥပါဒါ။
ဥပါဒါဘာဇနီယံ။
ရူပကဏ္ဍေ ပဌမဘာဏဝါရော။
၆၄၆. ကတမံ တံ ရူပံ နော ဥပါဒါ? ဖောဋ္ဌဗ္ဗာယတနံ, အာပေါဓါတု။
၆၄၇. ကတမံ တံ ရူပံ ဖောဋ္ဌဗ္ဗာယတနံ? ပထဝီဓါတု တေဇောဓါတု ဝါယောဓါတု ကက္ခဠံ မုဒုကံ သဏှံ ဖရုသံ သုခသမ္ဖဿံ ဒုက္ခသမ္ဖဿံ ဂရုကံ လဟုကံ, ယံ ဖောဋ္ဌဗ္ဗံ အနိဒဿနံ သပ္ပဋိဃံ ကာယေန အနိဒဿနေန သပ္ပဋိဃေန ဖုသိ ဝါ ဖုသတိ ဝါ ဖုသိဿတိ ဝါ ဖုသေ ဝါ ဖောဋ္ဌဗ္ဗော ပေသော ဖောဋ္ဌဗ္ဗာယတနံ ပေတံ ဖောဋ္ဌဗ္ဗဓါတု ပေသာ – ဣဒံ တံ ရူပံ ဖောဋ္ဌဗ္ဗာယတနံ။
၆၄၈. ကတမံ တံ ရူပံ ဖောဋ္ဌဗ္ဗာယတနံ? ပထဝီဓါတု တေဇောဓါတု ဝါယောဓါတု ကက္ခဠံ မုဒုကံ သဏှံ ဖရုသံ သုခသမ္ဖဿံ ဒုက္ခသမ္ဖဿံ ဂရုကံ လဟုကံ, ယမှိ ဖောဋ္ဌဗ္ဗမှိ အနိဒဿနမှိ သပ္ပဋိဃမှိ ကာယော အနိဒဿနော သပ္ပဋိဃော ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ဖောဋ္ဌဗ္ဗော ပေသော ဖောဋ္ဌဗ္ဗာယတနံ ပေတံ ဖောဋ္ဌဗ္ဗဓါတု ပေသာ – ဣဒံ တံ ရူပံ ဖောဋ္ဌဗ္ဗာယတနံ။
၆၄၉. ကတမံ တံ ရူပံ ဖောဋ္ဌဗ္ဗာယတနံ? ပထဝီဓါတု တေဇောဓါတု ဝါယောဓါတု ကက္ခဠံ မုဒုကံ သဏှံ ဖရုသံ သုခသမ္ဖဿံ ဒုက္ခသမ္ဖဿံ ဂရုကံ လဟုကံ, ယော ဖောဋ္ဌဗ္ဗော အနိဒဿနော သပ္ပဋိဃော ကာယမှိ အနိဒဿနမှိ သပ္ပဋိဃမှိ ပဋိဟညိ ဝါ ပဋိဟညတိ ဝါ ပဋိဟညိဿတိ ဝါ ပဋိဟညေ ဝါ, ဖောဋ္ဌဗ္ဗော ပေသော ဖောဋ္ဌဗ္ဗာယတနံ ပေတံ ဖောဋ္ဌဗ္ဗဓါတု ပေသာ – ဣဒံ တံ ရူပံ ဖောဋ္ဌဗ္ဗာယတနံ။
၆၅၀. ကတမံ တံ ရူပံ ဖောဋ္ဌဗ္ဗာယတနံ? ပထဝီဓါတု တေဇောဓါတု ဝါယောဓါတု ကက္ခဠံ မုဒုကံ သဏှံ ဖရုသံ သုခသမ္ဖဿံ ဒုက္ခသမ္ဖဿံ ဂရုကံ လဟုကံ, ယံ ဖောဋ္ဌဗ္ဗံ အာရဗ္ဘ ကာယံ နိဿာယ ကာယသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဖောဋ္ဌဗ္ဗံ အာရဗ္ဘ ကာယံ နိဿာယ ကာယသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ကာယဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဖောဋ္ဌဗ္ဗာရမ္မဏော ကာယံ နိဿာယ ကာယသမ္ဖဿော ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ။ပေ.။ ယံ ဖောဋ္ဌဗ္ဗာရမ္မဏာ ကာယံ နိဿာယ ကာယသမ္ဖဿဇာ ဝေဒနာ။ပေ.။ သညာ။ပေ.။ စေတနာ။ပေ.။ ကာယဝိညာဏံ ဥပ္ပဇ္ဇိ ဝါ ဥပ္ပဇ္ဇတိ ဝါ ဥပ္ပဇ္ဇိဿတိ ဝါ ဥပ္ပဇ္ဇေ ဝါ, ဖောဋ္ဌဗ္ဗော ပေသော ဖောဋ္ဌဗ္ဗာယတနံ ပေတံ ဖောဋ္ဌဗ္ဗဓါတု ပေသာ – ဣဒံ တံ ရူပံ ဖောဋ္ဌဗ္ဗာယတနံ။
၆၅၁. ကတမံ တံ ရူပံ အာပေါဓါတု? ယံ အာပေါ အာပေါဂတံ သိနေဟော သိနေဟဂတံ ဗန္ဓနတ္တံ ရူပဿ – ဣဒံ တံ ရူပံ အာပေါဓါတု။
ဣဒံ တံ ရူပံ နော ဥပါဒါ။
၆၅၂. ကတမံ တံ ရူပံ ဥပါဒိဏ္ဏံ? စက္ခာယတနံ သောတာယတနံ ဃာနာယတနံ ဇိဝှာယတနံ ကာယာယတနံ ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏံ။
၆၅၃. ကတမံ တံ ရူပံ အနုပါဒိဏ္ဏံ? သဒ္ဒါယတနံ ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏံ။
၆၅၄. ကတမံ တံ ရူပံ ဥပါဒိဏ္ဏုပါဒါနိယံ? စက္ခာယတနံ။ပေ.။ ကာယာယတနံ ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏုပါဒါနိယံ။
၆၅၅. ကတမံ တံ ရူပံ အနုပါဒိဏ္ဏုပါဒါနိယံ? သဒ္ဒါယတနံ ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ, ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏုပါဒါနိယံ။
၆၅၆. ကတမံ တံ ရူပံ သနိဒဿနံ? ရူပါယတနံ – ဣဒံ တံ ရူပံ သနိဒဿနံ။
၆၅၇. ကတမံ တံ ရူပံ အနိဒဿနံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ အနိဒဿနံ။
၆၅၈. ကတမံ တံ ရူပံ သပ္ပဋိဃံ? စက္ခာယတနံ သောတာယတနံ ဃာနာယတနံ ဇိဝှာယတနံ ကာယာယတနံ ရူပါယတနံ သဒ္ဒါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ သပ္ပဋိဃံ။
၆၅၉. ကတမံ တံ ရူပံ အပ္ပဋိဃံ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ အပ္ပဋိဃံ။
၆၆၀. ကတမံ တံ ရူပံ ဣန္ဒ္ရိယံ? စက္ခုန္ဒ္ရိယံ သောတိန္ဒ္ရိယံ ဃာနိန္ဒ္ရိယံ ဇိဝ္ဟိန္ဒ္ရိယံ ကာယိန္ဒ္ရိယံ ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ – ဣဒံ တံ ရူပံ ဣန္ဒ္ရိယံ။
၆၆၁. ကတမံ တံ ရူပံ န ဣန္ဒ္ရိယံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ဣန္ဒ္ရိယံ။
၆၆၂. ကတမံ တံ ရူပံ မဟာဘူတံ? ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ မဟာဘူတံ။
၆၆၃. ကတမံ တံ ရူပံ န မဟာဘူတံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န မဟာဘူတံ။
၆၆၄. ကတမံ တံ ရူပံ ဝိညတ္တိ? ကာယဝိညတ္တိ ဝစီဝိညတ္တိ – ဣဒံ တံ ရူပံ ဝိညတ္တိ။
၆၆၅. ကတမံ တံ ရူပံ န ဝိညတ္တိ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ဝိညတ္တိ။
၆၆၆. ကတမံ တံ ရူပံ စိတ္တသမုဋ္ဌာနံ? ကာယဝိညတ္တိ ဝစီဝိညတ္တိ ယံ ဝါ ပနညမ္ပိ အတ္ထိ ရူပံ စိတ္တဇံ စိတ္တဟေတုကံ စိတ္တသမုဋ္ဌာနံ ရူပါယတနံ သဒ္ဒါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ စိတ္တသမုဋ္ဌာနံ။
၆၆၇. ကတမံ တံ ရူပံ န စိတ္တသမုဋ္ဌာနံ? စက္ခာယတနံ။ပေ.။ ကာယာယတနံ ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န စိတ္တဇံ န စိတ္တဟေတုကံ န စိတ္တသမုဋ္ဌာနံ ရူပါယတနံ သဒ္ဒါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ န စိတ္တသမုဋ္ဌာနံ။
၆၆၈. ကတမံ တံ ရူပံ စိတ္တသဟဘု? ကာယဝိညတ္တိ ဝစီဝိညတ္တိ – ဣဒံ တံ ရူပံ စိတ္တသဟဘု။
၆၆၉. ကတမံ တံ ရူပံ န စိတ္တသဟဘု? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န စိတ္တသဟဘု။
၆၇၀. ကတမံ တံ ရူပံ စိတ္တာနုပရိဝတ္တိ? ကာယဝိညတ္တိ ဝစီဝိညတ္တိ – ဣဒံ တံ ရူပံ စိတ္တာနုပရိဝတ္တိ။
၆၇၁. ကတမံ တံ ရူပံ န စိတ္တာနုပရိဝတ္တိ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န စိတ္တာနုပရိဝတ္တိ။
၆၇၂. ကတမံ တံ ရူပံ အဇ္ဈတ္တိကံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ။
၆၇၃. ကတမံ တံ ရူပံ ဗာဟိရံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ။
၆၇၄. ကတမံ တံ ရူပံ ဩဠာရိကံ? စက္ခာယတနံ။ပေ.။ ဖောဋ္ဌဗ္ဗာယတနံ – ဣဒံ တံ ရူပံ ဩဠာရိကံ။
၆၇၅. ကတမံ တံ ရူပံ သုခုမံ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ သုခုမံ။
၆၇၆. ကတမံ တံ ရူပံ ဒူရေ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ ဒူရေ။
၆၇၇. ကတမံ တံ ရူပံ သန္တိကေ? စက္ခာယတနံ။ပေ.။ ဖောဋ္ဌဗ္ဗာယတနံ – ဣဒံ တံ ရူပံ သန္တိကေ။
၆၇၈. ကတမံ တံ ရူပံ စက္ခုသမ္ဖဿဿ ဝတ္ထု? စက္ခာယတနံ – ဣဒံ တံ ရူပံ စက္ခုသမ္ဖဿဿ ဝတ္ထု။
၆၇၉. ကတမံ တံ ရူပံ စက္ခုသမ္ဖဿဿ န ဝတ္ထု? သောတာယတနံ။ပေ.။ ကဗဠီကာရော အာဟာရော – ဣဒံ တံ ရူပံ စက္ခုသမ္ဖဿဿ န ဝတ္ထု။
၆၈၀. ကတမံ တံ ရူပံ စက္ခုသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ ။ပေ.။ စက္ခုဝိညာဏဿ ဝတ္ထု? စက္ခာယတနံ – ဣဒံ တံ ရူပံ စက္ခုဝိညာဏဿ ဝတ္ထု။
၆၈၁. ကတမံ တံ ရူပံ စက္ခုဝိညာဏဿ န ဝတ္ထု? သောတာယတနံ။ပေ.။ ကဗဠီကာရော အာဟာရော – ဣဒံ တံ ရူပံ စက္ခုဝိညာဏဿ န ဝတ္ထု။
၆၈၂. ကတမံ တံ ရူပံ သောတသမ္ဖဿဿ။ပေ.။ ဃာနသမ္ဖဿဿ။ပေ.။ ဇိဝှာသမ္ဖဿဿ။ပေ.။ ကာယသမ္ဖဿဿ ဝတ္ထု? ကာယာယတနံ – ဣဒံ တံ ရူပံ ကာယသမ္ဖဿဿ ဝတ္ထု။
၆၈၃. ကတမံ တံ ရူပံ ကာယသမ္ဖဿဿ န ဝတ္ထု? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ကာယသမ္ဖဿဿ န ဝတ္ထု။
၆၈၄. ကတမံ တံ ရူပံ ကာယသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ ကာယဝိညာဏဿ ဝတ္ထု? ကာယာယတနံ – ဣဒံ တံ ရူပံ ကာယဝိညာဏဿ ဝတ္ထု။
၆၈၅. ကတမံ တံ ရူပံ ကာယဝိညာဏဿ န ဝတ္ထု? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ကာယဝိညာဏဿ န ဝတ္ထု။
၆၈၆. ကတမံ တံ ရူပံ စက္ခုသမ္ဖဿဿ အာရမ္မဏံ? ရူပါယတနံ – ဣဒံ တံ ရူပံ စက္ခုသမ္ဖဿဿ အာရမ္မဏံ။
၆၈၇. ကတမံ တံ ရူပံ စက္ခုသမ္ဖဿဿ န အာရမ္မဏံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ စက္ခုသမ္ဖဿဿ န အာရမ္မဏံ။
၆၈၈. ကတမံ တံ ရူပံ စက္ခုသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ စက္ခုဝိညာဏဿ အာရမ္မဏံ? ရူပါယတနံ – ဣဒံ တံ ရူပံ စက္ခုဝိညာဏဿ အာရမ္မဏံ။
၆၈၉. ကတမံ တံ ရူပံ စက္ခုဝိညာဏဿ န အာရမ္မဏံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ စက္ခုဝိညာဏဿ န အာရမ္မဏံ။
၆၉၀. ကတမံ တံ ရူပံ သောတသမ္ဖဿဿ။ပေ.။ ဃာနသမ္ဖဿဿ ။ပေ.။ ဇိဝှာသမ္ဖဿဿ။ပေ.။ ကာယသမ္ဖဿဿ အာရမ္မဏံ? ဖောဋ္ဌဗ္ဗာယတနံ – ဣဒံ တံ ရူပံ ကာယသမ္ဖဿဿ အာရမ္မဏံ။
၆၉၁. ကတမံ တံ ရူပံ ကာယသမ္ဖဿဿ န အာရမ္မဏံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ကာယသမ္ဖဿဿ န အာရမ္မဏံ။
၆၉၂. ကတမံ တံ ရူပံ ကာယသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ ကာယဝိညာဏဿ အာရမ္မဏံ? ဖောဋ္ဌဗ္ဗာယတနံ – ဣဒံ တံ ရူပံ ကာယဝိညာဏဿ အာရမ္မဏံ။
၆၉၃. ကတမံ တံ ရူပံ ကာယဝိညာဏဿ န အာရမ္မဏံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ကာယဝိညာဏဿ န အာရမ္မဏံ။
၆၉၄. ကတမံ တံ ရူပံ စက္ခာယတနံ? ယံ စက္ခု စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ စက္ခာယတနံ။
၆၉၅. ကတမံ တံ ရူပံ န စက္ခာယတနံ? သောတာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န စက္ခာယတနံ။
၆၉၆. ကတမံ တံ ရူပံ သောတာယတနံ။ပေ.။ ဃာနာယတနံ။ပေ.။ ဇိဝှာယတနံ။ပေ.။ ကာယာယတနံ? ယော ကာယော စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ ကာယာယတနံ။
၆၉၇. ကတမံ တံ ရူပံ န ကာယာယတနံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ကာယာယတနံ။
၆၉၈. ကတမံ တံ ရူပံ ရူပါယတနံ? ယံ ရူပံ စတုန္နံ မဟာဘူတာနံ ဥပါဒါယ ဝဏ္ဏနိဘာ။ပေ.။ ရူပဓါတု ပေသာ – ဣဒံ တံ ရူပံ ရူပါယတနံ။
၆၉၉. ကတမံ တံ ရူပံ န ရူပါယတနံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ရူပါယတနံ။
၇၀၀. ကတမံ တံ ရူပံ သဒ္ဒါယတနံ။ပေ.။ ဂန္ဓာယတနံ ။ပေ.။ ရသာယတနံ။ပေ.။ ဖောဋ္ဌဗ္ဗာယတနံ? ပထဝီဓါတု။ပေ.။ ဖောဋ္ဌဗ္ဗဓါတု ပေသာ – ဣဒံ တံ ရူပံ ဖောဋ္ဌဗ္ဗာယတနံ။
၇၀၁. ကတမံ တံ ရူပံ န ဖောဋ္ဌဗ္ဗာယတနံ ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ဖောဋ္ဌဗ္ဗာယတနံ။
၇၀၂. ကတမံ တံ ရူပံ စက္ခုဓါတု? စက္ခာယတနံ – ဣဒံ တံ ရူပံ စက္ခုဓါတု။
၇၀၃. ကတမံ တံ ရူပံ န စက္ခုဓါတု? သောတာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န စက္ခုဓါတု။
၇၀၄. ကတမံ တံ ရူပံ သောတဓါတု။ပေ.။ ဃာနဓါတု။ပေ.။ ဇိဝှာဓါတု။ပေ.။ ကာယဓါတု? ကာယာယတနံ – ဣဒံ တံ ရူပံ ကာယဓါတု။
၇၀၅. ကတမံ တံ ရူပံ န ကာယဓါတု? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ကာယဓါတု။
၇၀၆. ကတမံ တံ ရူပံ ရူပဓါတု? ရူပါယတနံ – ဣဒံ တံ ရူပံ ရူပဓါတု။
၇၀၇. ကတမံ တံ ရူပံ န ရူပဓါတု? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ရူပဓါတု။
၇၀၈. ကတမံ တံ ရူပံ သဒ္ဒဓါတု။ပေ.။ ဂန္ဓဓါတု။ပေ.။ ရသဓါတု။ပေ.။ ဖောဋ္ဌဗ္ဗဓါတု? ဖောဋ္ဌဗ္ဗာယတနံ – ဣဒံ တံ ရူပံ ဖောဋ္ဌဗ္ဗဓါတု။
၇၀၉. ကတမံ တံ ရူပံ န ဖောဋ္ဌဗ္ဗဓါတု? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ဖောဋ္ဌဗ္ဗဓါတု။
၇၁၀. ကတမံ တံ ရူပံ စက္ခုန္ဒ္ရိယံ? ယံ စက္ခု စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ စက္ခုန္ဒ္ရိယံ။
၇၁၁. ကတမံ တံ ရူပံ န စက္ခုန္ဒ္ရိယံ? သောတာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န စက္ခုန္ဒ္ရိယံ။
၇၁၂. ကတမံ တံ ရူပံ သောတိန္ဒ္ရိယံ။ပေ.။ ဃာနိန္ဒ္ရိယံ။ပေ.။ ဇိဝ္ဟိန္ဒ္ရိယံ။ပေ.။ ကာယိန္ဒ္ရိယံ? ယော ကာယော စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ ကာယိန္ဒ္ရိယံ။
၇၁၃. ကတမံ တံ ရူပံ န ကာယိန္ဒ္ရိယံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ကာယိန္ဒ္ရိယံ။
၇၁၄. ကတမံ တံ ရူပံ ဣတ္ထိန္ဒ္ရိယံ? ယံ ဣတ္ထိယာ ဣတ္ထိလိင်္ဂံ ဣတ္ထိနိမိတ္တံ ဣတ္ထိကုတ္တံ ဣတ္ထာကပ္ပော ဣတ္ထတ္တံ ဣတ္ထိဘာဝေါ – ဣဒံ တံ ရူပံ ဣတ္ထိန္ဒ္ရိယံ။
၇၁၅. ကတမံ တံ ရူပံ န ဣတ္ထိန္ဒ္ရိယံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ဣတ္ထိန္ဒ္ရိယံ။
၇၁၆. ကတမံ တံ ရူပံ ပုရိသိန္ဒ္ရိယံ? ယံ ပုရိသဿ ပုရိသလိင်္ဂံ ပုရိသနိမိတ္တံ ပုရိသကုတ္တံ ပုရိသာကပ္ပော ပုရိသတ္တံ ပုရိသဘာဝေါ – ဣဒံ တံ ရူပံ ပုရိသိန္ဒ္ရိယံ။
၇၁၇. ကတမံ တံ ရူပံ န ပုရိသိန္ဒ္ရိယံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ပုရိသိန္ဒ္ရိယံ။
၇၁၈. ကတမံ တံ ရူပံ ဇီဝိတိန္ဒ္ရိယံ? ယော တေသံ ရူဣနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာ ဇီဝိတံ ဇီဝိတိန္ဒ္ရိယံ – ဣဒံ တံ ရူပံ ဇီဝိတိန္ဒ္ရိယံ။
၇၁၉. ကတမံ တံ ရူပံ န ဇီဝိတိန္ဒ္ရိယံ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ဇီဝိတိန္ဒ္ရိယံ။
၇၂၀. ကတမံ တံ ရူပံ ကာယဝိညတ္တိ? ယာ ကုသလစိတ္တဿ ဝါ အကုသလစိတ္တဿ ဝါ အဗျာကတစိတ္တဿ ဝါ အဘိက္ကမန္တဿ ဝါ ပဋိက္ကမန္တဿ ဝါ အာလောကေန္တဿ ဝါ ဝိလောကေန္တဿ ဝါ သမိဉ္ဇေန္တဿ ဝါ ပသာရေန္တဿ ဝါ ကာယဿ ထမ္ဘနာ သန္ထမ္ဘနာ သန္ထမ္ဘိတတ္တံ ဝိညတ္တိ ဝိညာပနာ ဝိညာပိတတ္တံ – ဣဒံ တံ ရူပံ ကာယဝိညတ္တိ။
၇၂၁. ကတမံ တံ ရူပံ န ကာယဝိညတ္တိ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ကာယဝိညတ္တိ။
၇၂၂. ကတမံ တံ ရူပံ ဝစီဝိညတ္တိ? ယာ ကုသလစိတ္တဿ ဝါ အကုသလစိတ္တဿ ဝါ အဗျာကတစိတ္တဿ ဝါ ဝါစာ ဂိရာ ဗျပ္ပထော ဥဒီရဏံ ဃောသော ဃောသကမ္မံ ဝါစာ ဝစီဘေဒေါ, အယံ ဝုစ္စတိ ဝါစာ။ ယာ တာယ ဝါစာယ ဝိညတ္တိ ဝိညာပနာ ဝိညာပိတတ္တံ – ဣဒံ တံ ရူပံ ဝစီဝိညတ္တိ။
၇၂၃. ကတမံ တံ ရူပံ န ဝစီဝိညတ္တိ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ဝစီဝိညတ္တိ။
၇၂၄. ကတမံ တံ ရူပံ အာကာသဓါတု? ယော အာကာသော အာကာသဂတံ အဃံ အဃဂတံ ဝိဝရော ဝိဝရဂတံ အသမ္ဖုဋ္ဌံ စတူဟိ မဟာဘူတေဟိ – ဣဒံ တံ ရူပံ အာကာသဓါတု။
၇၂၅. ကတမံ တံ ရူပံ န အာကာသဓါတု? စက္ခာယတနံ ။ပေ.။ ကဗဠီကာရော အာဟာရော – ဣဒံ တံ ရူပံ န အာကာသဓါတု။
၇၂၆. ကတမံ တံ ရူပံ အာပေါဓါတု? ယံ အာပေါ အာပေါဂတံ သိနေဟော သိနေဟဂတံ ဗန္ဓနတ္တံ ရူပဿ – ဣဒံ တံ ရူပံ အာပေါဓါတု။
၇၂၇. ကတမံ တံ ရူပံ န အာပေါဓါတု? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ န အာပေါဓါတု။
၇၂၈. ကတမံ တံ ရူပံ ရူပဿ လဟုတာ? ယာ ရူပဿ လဟုတာ လဟုပရိဏာမတာ အဒန္ဓနတာ အဝိတ္ထနတာ – ဣဒံ တံ ရူပံ ရူပဿ လဟုတာ ။
၇၂၉. ကတမံ တံ ရူပံ ရူပဿ န လဟုတာ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ရူပဿ န လဟုတာ။
၇၃၀. ကတမံ တံ ရူပံ ရူပဿ မုဒုတာ? ယာ ရူပဿ မုဒုတာ မဒ္ဒဝတာ အကက္ခဠတာ အကထိနတာ – ဣဒံ တံ ရူပံ ရူပဿ မုဒုတာ။
၇၃၁. ကတမံ တံ ရူပံ ရူပဿ န မုဒုတာ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ရူပဿ န မုဒုတာ။
၇၃၂. ကတမံ တံ ရူပံ ရူပဿ ကမ္မညတာ? ယာ ရူပဿ ကမ္မညတာ ကမ္မညတ္တံ ကမ္မညဘာဝေါ – ဣဒံ တံ ရူပံ ရူပဿ ကမ္မညတာ။
၇၃၃. ကတမံ တံ ရူပံ ရူပဿ န ကမ္မညတာ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ရူပဿ န ကမ္မညတာ။
၇၃၄. ကတမံ တံ ရူပံ ရူပဿ ဥပစယော? ယော အာယတနာနံ အာစယော, သော ရူပဿ ဥပစယော – ဣဒံ တံ ရူပံ ရူပဿ ဥပစယော။
၇၃၅. ကတမံ တံ ရူပံ ရူပဿ န ဥပစယော? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ရူပဿ န ဥပစယော။
၇၃၆. ကတမံ တံ ရူပံ ရူပဿ သန္တတိ? ယော ရူပဿ ဥပစယော, သာ ရူပဿ သန္တတိ – ဣဒံ တံ ရူပံ ရူပဿ သန္တတိ။
၇၃၇. ကတမံ တံ ရူပံ ရူပဿ န သန္တတိ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ရူပဿ န သန္တတိ။
၇၃၈. ကတမံ တံ ရူပံ ရူပဿ ဇရတာ? ယာ ရူပဿ ဇရာ ဇီရဏတာ ခဏ္ဍိစ္စံ ပါလိစ္စံ ဝလိတ္တစတာ အာယုနော သံဟာနိ ဣန္ဒ္ရိယာနံ ပရိပါကော – ဣဒံ တံ ရူပံ ရူပဿ ဇရတာ။
၇၃၉. ကတမံ တံ ရူပံ ရူပဿ န ဇရတာ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ရူပဿ န ဇရတာ။
၇၄၀. ကတမံ တံ ရူပံ ရူပဿ အနိစ္စတာ? ယော ရူပဿ ခယော ဝယော ဘေဒေါ ပရိဘေဒေါ အနိစ္စတာ အန္တရဓါနံ – ဣဒံ တံ ရူပံ ရူပဿ အနိစ္စတာ။
၇၄၁. ကတမံ တံ ရူပံ ရူပဿ န အနိစ္စတာ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ရူပဿ န အနိစ္စတာ။
၇၄၂. ကတမံ တံ ရူပံ ကဗဠီကာရော အာဟာရော? ဩဒနော ကုမ္မာသော သတ္တု မစ္ဆော မံသံ ခီရံ ဒဓိ သပ္ပိ နဝနီတံ တေလံ မဓု ဖာဏိတံ, ယံ ဝါ ပနညမ္ပိ အတ္ထိ ရူပံ ယမှိ ယမှိ ဇနပဒေ တေသံ တေသံ သတ္တာနံ မုခါသိယံ ဒန္တဝိခါဒနံ ဂလဇ္ဈောဟရဏီယံ ကုစ္ဆိဝိတ္ထမ္ဘနံ, ယာယ ဩဇာယ သတ္တာ ယာပေန္တိ – ဣဒံ တံ ရူပံ ကဗဠီကာရော အာဟာရော။
၇၄၃. ကတမံ တံ ရူပံ န ကဗဠီကာရော အာဟာရော? စက္ခာယတနံ။ပေ.။ ရူပဿ အနိစ္စတာ – ဣဒံ တံ ရူပံ န ကဗဠီကာရော အာဟာရော။
ဧဝံ ဒုဝိဓေန ရူပသင်္ဂဟော။
ဒုကနိဒ္ဒေသော။
တိကနိဒ္ဒေသော
၇၄၄. ကတမံ တံ ရူပံ အဇ္ဈတ္တိကံ ဥပါဒါ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ဥပါဒါ။
၇၄၅. ကတမံ တံ ရူပံ ဗာဟိရံ ဥပါဒါ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ဥပါဒါ။
၇၄၆. ကတမံ တံ ရူပံ ဗာဟိရံ နော ဥပါဒါ? ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ ဗာဟိရံ နော ဥပါဒါ။
၇၄၇. ကတမံ တံ ရူပံ အဇ္ဈတ္တိကံ ဥပါဒိဏ္ဏံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ဥပါဒိဏ္ဏံ။
၇၄၈. ကတမံ တံ ရူပံ ဗာဟိရံ ဥပါဒိဏ္ဏံ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဗာဟိရံ ဥပါဒိဏ္ဏံ။
၇၄၉. ကတမံ တံ ရူပံ ဗာဟိရံ အနုပါဒိဏ္ဏံ? သဒ္ဒါယတနံ ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဗာဟိရံ အနုပါဒိဏ္ဏံ။
၇၅၀. ကတမံ တံ ရူပံ အဇ္ဈတ္တိကံ ဥပါဒိဏ္ဏုပါဒါနိယံ။ စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ဥပါဒိဏ္ဏုပါဒါနိယံ။
၇၅၁. ကတမံ တံ ရူပံ ဗာဟိရံ ဥပါဒိဏ္ဏုပါဒါနိယံ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဗာဟိရံ ဥပါဒိဏ္ဏုပါဒါနိယံ။
၇၅၂. ကတမံ တံ ရူပံ ဗာဟိရံ အနုပါဒိဏ္ဏုပါဒါနိယံ ? သဒ္ဒါယတနံ ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဗာဟိရံ အနုပါဒိဏ္ဏုပါဒါနိယံ။
၇၅၃. ကတမံ တံ ရူပံ အဇ္ဈတ္တိကံ အနိဒဿနံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ အနိဒဿနံ။
၇၅၄. ကတမံ တံ ရူပံ ဗာဟိရံ သနိဒဿနံ? ရူပါယတနံ – ဣဒံ တံ ရူပံ ဗာဟိရံ သနိဒဿနံ။
၇၅၅. ကတမံ တံ ရူပံ ဗာဟိရံ အနိဒဿနံ? သဒ္ဒါယတနံ ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ အနိဒဿနံ။
၇၅၆. ကတမံ တံ ရူပံ အဇ္ဈတ္တိကံ သပ္ပဋိဃံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ သပ္ပဋိဃံ။
၇၅၇. ကတမံ တံ ရူပံ ဗာဟိရံ သပ္ပဋိဃံ? ရူပါယတနံ။ပေ.။ ဖောဋ္ဌဗ္ဗာယတနံ – ဣဒံ တံ ရူပံ ဗာဟိရံ သပ္ပဋိဃံ။
၇၅၈. ကတမံ တံ ရူပံ ဗာဟိရံ အပ္ပဋိဃံ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ အပ္ပဋိဃံ။
၇၅၉. ကတမံ တံ ရူပံ အဇ္ဈတ္တိကံ ဣန္ဒ္ရိယံ? စက္ခုန္ဒ္ရိယံ။ပေ.။ ကာယိန္ဒ္ရိယံ – ဣဒံ တံ ရူပံ အဇ္ဈတ္တိကံ ဣန္ဒ္ရိယံ။
၇၆၀. ကတမံ တံ ရူပံ ဗာဟိရံ ဣန္ဒ္ရိယံ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ – ဣဒံ တံ ရူပံ ဗာဟိရံ ဣန္ဒ္ရိယံ။
၇၆၁. ကတမံ တံ ရူပံ ဗာဟိရံ န ဣန္ဒ္ရိယံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ဣန္ဒ္ရိယံ။
၇၆၂. ကတမံ တံ ရူပံ အဇ္ဈတ္တိကံ န မဟာဘူတံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န မဟာဘူတံ။
၇၆၃. ကတမံ တံ ရူပံ ဗာဟိရံ မဟာဘူတံ? ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ ဗာဟိရံ မဟာဘူတံ။
၇၆၄. ကတမံ တံ ရူပံ ဗာဟိရံ န မဟာဘူတံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န မဟာဘူတံ။
၇၆၅. ကတမံ တံ ရူပံ အဇ္ဈတ္တိကံ န ဝိညတ္တိ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ဝိညတ္တိ?
၇၆၆. ကတမံ တံ ရူပံ ဗာဟိရံ ဝိညတ္တိ? ကာယဝိညတ္တိ ဝစီဝိညတ္တိ – ဣဒံ တံ ရူပံ ဗာဟိရံ ဝိညတ္တိ။
၇၆၇. ကတမံ တံ ရူပံ ဗာဟိရံ န ဝိညတ္တိ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ဝိညတ္တိ။
၇၆၈. ကတမံ တံ ရူပံ အဇ္ဈတ္တိကံ န စိတ္တသမုဋ္ဌာနံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န စိတ္တသမုဋ္ဌာနံ။
၇၆၉. ကတမံ တံ ရူပံ ဗာဟိရံ စိတ္တသမုဋ္ဌာနံ? ကာယဝိညတ္တိ ဝစီဝိညတ္တိ, ယံ ဝါ ပနညမ္ပိ အတ္ထိ ရူပံ စိတ္တဇံ စိတ္တဟေတုကံ စိတ္တသမုဋ္ဌာနံ ရူပါယတနံ သဒ္ဒါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဗာဟိရံ စိတ္တသမုဋ္ဌာနံ။
၇၇၀. ကတမံ တံ ရူပံ ဗာဟိရံ န စိတ္တသမုဋ္ဌာနံ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န စိတ္တဇံ န စိတ္တဟေတုကံ န စိတ္တသမုဋ္ဌာနံ ရူပါယတနံ သဒ္ဒါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဗာဟိရံ န စိတ္တသမုဋ္ဌာနံ။
၇၇၁. ကတမံ တံ ရူပံ အဇ္ဈတ္တိကံ န စိတ္တသဟဘု? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န စိတ္တသဟဘု။
၇၇၂. ကတမံ တံ ရူပံ ဗာဟိရံ စိတ္တသဟဘု? ကာယဝိညတ္တိ ဝစီဝိညတ္တိ – ဣဒံ တံ ရူပံ ဗာဟိရံ စိတ္တသဟဘု။
၇၇၃. ကတမံ တံ ရူပံ ဗာဟိရံ န စိတ္တသဟဘု? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န စိတ္တသဟဘု?
၇၇၄. ကတမံ တံ ရူပံ အဇ္ဈတ္တိကံ န စိတ္တာနုပရိဝတ္တိ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န စိတ္တာနုပရိဝတ္တိ။
၇၇၅. ကတမံ တံ ရူပံ ဗာဟိရံ စိတ္တာနုပရိဝတ္တိ? ကာယဝိညတ္တိ ဝစီဝိညတ္တိ – ဣဒံ တံ ရူပံ ဗာဟိရံ စိတ္တာနုပရိဝတ္တိ။
၇၇၆. ကတမံ တံ ရူပံ ဗာဟိရံ န စိတ္တာနုပရိဝတ္တိ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န စိတ္တာနုပရိဝတ္တိ။
၇၇၇. ကတမံ တံ ရူပံ အဇ္ဈတ္တိကံ ဩဠာရိကံ? စက္ခာယတနံ ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ဩဠာရိကံ။
၇၇၈. ကတမံ တံ ရူပံ ဗာဟိရံ ဩဠာရိကံ? ရူပါယတနံ။ပေ.။ ဖောဋ္ဌဗ္ဗာယတနံ – ဣဒံ တံ ရူပံ ဗာဟိရံ ဩဠာရိကံ။
၇၇၉. ကတမံ တံ ရူပံ ဗာဟိရံ သုခုမံ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ သုခုမံ။
၇၈၀. ကတမံ တံ ရူပံ အဇ္ဈတ္တိကံ သန္တိကေ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ သန္တိကေ။
၇၈၁. ကတမံ တံ ရူပံ ဗာဟိရံ ဒူရေ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ဒူရေ။
၇၈၂. ကတမံ တံ ရူပံ ဗာဟိရံ သန္တိကေ? ရူပါယတနံ။ပေ.။ ဖောဋ္ဌဗ္ဗာယတနံ – ဣဒံ တံ ရူပံ ဗာဟိရံ သန္တိကေ။
၇၈၃. ကတမံ တံ ရူပံ ဗာဟိရံ စက္ခုသမ္ဖဿဿ န ဝတ္ထု? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ စက္ခုသမ္ဖဿဿ န ဝတ္ထု။
၇၈၄. ကတမံ တံ ရူပံ အဇ္ဈတ္တိကံ စက္ခုသမ္ဖဿဿ ဝတ္ထု? စက္ခာယတနံ – ဣဒံ တံ ရူပံ အဇ္ဈတ္တိကံ စက္ခုသမ္ဖဿဿ ဝတ္ထု။
၇၈၅. ကတမံ တံ ရူပံ အဇ္ဈတ္တိကံ စက္ခုသမ္ဖဿဿ န ဝတ္ထု? သောတာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ စက္ခုသမ္ဖဿဿ န ဝတ္ထု။
၇၈၆. ကတမံ တံ ရူပံ ဗာဟိရံ စက္ခုသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ စက္ခုဝိညာဏဿ န ဝတ္ထု? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ စက္ခုဝိညာဏဿ န ဝတ္ထု။
၇၈၇. ကတမံ တံ ရူပံ အဇ္ဈတ္တိကံ စက္ခုဝိညာဏဿ ဝတ္ထု? စက္ခာယတနံ – ဣဒံ တံ ရူပံ အဇ္ဈတ္တိကံ စက္ခုဝိညာဏဿ ဝတ္ထု။
၇၈၈. ကတမံ တံ ရူပံ အဇ္ဈတ္တိကံ စက္ခုဝိညာဏဿ န ဝတ္ထု? သောတာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ စက္ခုဝိညာဏဿ န ဝတ္ထု?
၇၈၉. ကတမံ တံ ရူပံ ဗာဟိရံ သောတသမ္ဖဿဿ။ပေ.။ ဃာနသမ္ဖဿဿ။ပေ.။ ဇိဝှာသမ္ဖဿဿ။ပေ.။ ကာယသမ္ဖဿဿ န ဝတ္ထု? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ကာယသမ္ဖဿဿ န ဝတ္ထု။
၇၉၀. ကတမံ တံ ရူပံ အဇ္ဈတ္တိကံ ကာယသမ္ဖဿဿ ဝတ္ထု? ကာယာယတနံ – ဣဒံ တံ ရူပံ အဇ္ဈတ္တိကံ ကာယသမ္ဖဿဿ ဝတ္ထု။
၇၉၁. ကတမံ တံ ရူပံ အဇ္ဈတ္တိကံ ကာယသမ္ဖဿဿ န ဝတ္ထု? စက္ခာယတနံ။ပေ.။ ဇိဝှာယတနံ – ဣဒံ တံ ရူပံ အဇ္ဈတ္တိကံ ကာယသမ္ဖဿဿ န ဝတ္ထု။
၇၉၂. ကတမံ တံ ရူပံ ဗာဟိရံ ကာယသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ ကာယဝိညာဏဿ န ဝတ္ထု? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ကာယဝိညာဏဿ န ဝတ္ထု။
၇၉၃. ကတမံ တံ ရူပံ အဇ္ဈတ္တိကံ ကာယဝိညာဏဿ ဝတ္ထု? ကာယာယတနံ – ဣဒံ တံ ရူပံ အဇ္ဈတ္တိကံ ကာယဝိညာဏဿ ဝတ္ထု။
၇၉၄. ကတမံ တံ ရူပံ အဇ္ဈတ္တိကံ ကာယဝိညာဏဿ န ဝတ္ထု? စက္ခာယတနံ။ပေ.။ ဇိဝှာယတနံ – ဣဒံ တံ ရူပံ အဇ္ဈတ္တိကံ ကာယဝိညာဏဿ န ဝတ္ထု။
၇၉၅. ကတမံ တံ ရူပံ အဇ္ဈတ္တိကံ စက္ခုသမ္ဖဿဿ န အာရမ္မဏံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ စက္ခုသမ္ဖဿဿ န အာရမ္မဏံ။
၇၉၆. ကတမံ တံ ရူပံ ဗာဟိရံ စက္ခုသမ္ဖဿဿ အာရမ္မဏံ? ရူပါယတနံ – ဣဒံ တံ ရူပံ ဗာဟိရံ စက္ခုသမ္ဖဿဿ အာရမ္မဏံ။
၇၉၇. ကတမံ တံ ရူပံ ဗာဟိရံ စက္ခုသမ္ဖဿဿ န အာရမ္မဏံ? သဒ္ဒါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ စက္ခုသမ္ဖဿဿ န အာရမ္မဏံ။
၇၉၈. ကတမံ တံ ရူပံ အဇ္ဈတ္တိကံ စက္ခုသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ စက္ခုဝိညာဏဿ န အာရမ္မဏံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ စက္ခုဝိညာဏဿ န အာရမ္မဏံ။
၇၉၉. ကတမံ တံ ရူပံ ဗာဟိရံ စက္ခုဝိညာဏဿ အာရမ္မဏံ? ရူပါယတနံ – ဣဒံ တံ ရူပံ ဗာဟိရံ စက္ခုဝိညာဏဿ အာရမ္မဏံ။
၈၀၀. ကတမံ တံ ရူပံ ဗာဟိရံ စက္ခုဝိညာဏဿ န အာရမ္မဏံ? သဒ္ဒါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ စက္ခုဝိညာဏဿ န အာရမ္မဏံ။
၈၀၁. ကတမံ တံ ရူပံ အဇ္ဈတ္တိကံ သောတသမ္ဖဿဿ။ပေ.။ ဃာနသမ္ဖဿဿ။ပေ.။ ဇိဝှာသမ္ဖဿဿ။ပေ.။ ကာယသမ္ဖဿဿ န အာရမ္မဏံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ကာယသမ္ဖဿဿ န အာရမ္မဏံ။
၈၀၂. ကတမံ တံ ရူပံ ဗာဟိရံ ကာယသမ္ဖဿဿ အာရမ္မဏံ? ဖောဋ္ဌဗ္ဗာယတနံ – ဣဒံ တံ ရူပံ ဗာဟိရံ ကာယသမ္ဖဿဿ အာရမ္မဏံ။
၈၀၃. ကတမံ တံ ရူပံ ဗာဟိရံ ကာယသမ္ဖဿဿ န အာရမ္မဏံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ကာယသမ္ဖဿဿ န အာရမ္မဏံ။
၈၀၄. ကတမံ တံ ရူပံ အဇ္ဈတ္တိကံ ကာယသမ္ဖဿဇာယ ဝေဒနာယ။ပေ.။ သညာယ။ပေ.။ စေတနာယ။ပေ.။ ကာယဝိညာဏဿ န အာရမ္မဏံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ကာယဝိညာဏဿ န အာရမ္မဏံ။
၈၀၅. ကတမံ တံ ရူပံ ဗာဟိရံ ကာယဝိညာဏဿ အာရမ္မဏံ? ဖောဋ္ဌဗ္ဗာယတနံ – ဣဒံ တံ ရူပံ ဗာဟိရံ ကာယဝိညာဏဿ အာရမ္မဏံ။
၈၀၆. ကတမံ တံ ရူပံ ဗာဟိရံ ကာယဝိညာဏဿ န အာရမ္မဏံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ကာယဝိညာဏဿ န အာရမ္မဏံ။
၈၀၇. ကတမံ တံ ရူပံ ဗာဟိရံ န စက္ခာယတနံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န စက္ခာယတနံ။
၈၀၈. ကတမံ တံ ရူပံ အဇ္ဈတ္တိကံ စက္ခာယတနံ? ယံ စက္ခု စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ အဇ္ဈတ္တိကံ စက္ခာယတနံ။
၈၀၉. ကတမံ တံ ရူပံ အဇ္ဈတ္တိကံ န စက္ခာယတနံ? သောတာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န စက္ခာယတနံ။
၈၁၀. ကတမံ တံ ရူပံ ဗာဟိရံ န သောတာယတနံ။ပေ.။ န ဃာနာယတနံ။ပေ.။ န ဇိဝှာယတနံ။ပေ.။ န ကာယာယတနံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ကာယာယတနံ။
၈၁၁. ကတမံ တံ ရူပံ အဇ္ဈတ္တိကံ ကာယာယတနံ? ယော ကာယော စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ အဇ္ဈတ္တိကံ ကာယာယတနံ။
၈၁၂. ကတမံ တံ ရူပံ အဇ္ဈတ္တိကံ န ကာယာယတနံ? စက္ခာယတနံ။ပေ.။ ဇိဝှာယတနံ – ဣဒံ တံ ရူပံ အဇ္ဈတ္တိကံ န ကာယာယတနံ။
၈၁၃. ကတမံ တံ ရူပံ အဇ္ဈတ္တိကံ န ရူပါယတနံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ရူပါယတနံ။
၈၁၄. ကတမံ တံ ရူပံ ဗာဟိရံ ရူပါယတနံ? ယံ ရူပံ စတုန္နံ မဟာဘူတာနံ ဥပါဒါယ ဝဏ္ဏနိဘာ။ပေ.။ ရူပဓါတု ပေသာ – ဣဒံ တံ ရူပံ ဗာဟိရံ ရူပါယတနံ။
၈၁၅. ကတမံ တံ ရူပံ ဗာဟိရံ န ရူပါယတနံ? သဒ္ဒါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ရူပါယတနံ။
၈၁၆. ကတမံ တံ ရူပံ အဇ္ဈတ္တိကံ န သဒ္ဒါယတနံ။ပေ.။ န ဂန္ဓာယတနံ။ပေ.။ န ရသာယတနံ။ပေ.။ န ဖောဋ္ဌဗ္ဗာယတနံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ဖောဋ္ဌဗ္ဗာယတနံ။
၈၁၇. ကတမံ တံ ရူပံ ဗာဟိရံ ဖောဋ္ဌဗ္ဗာယတနံ? ပထဝီဓါတု။ပေ.။ ဖောဋ္ဌဗ္ဗဓါတု ပေသာ – ဣဒံ တံ ရူပံ ဗာဟိရံ ဖောဋ္ဌဗ္ဗာယတနံ။
၈၁၈. ကတမံ တံ ရူပံ ဗာဟိရံ န ဖောဋ္ဌဗ္ဗာယတနံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ဖောဋ္ဌဗ္ဗာယတနံ။
၈၁၉. ကတမံ တံ ရူပံ ဗာဟိရံ န စက္ခုဓါတု? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န စက္ခုဓါတု။
၈၂၀. ကတမံ တံ ရူပံ အဇ္ဈတ္တိကံ စက္ခုဓါတု? စက္ခာယတနံ – ဣဒံ တံ ရူပံ အဇ္ဈတ္တိကံ စက္ခုဓါတု။
၈၂၁. ကတမံ တံ ရူပံ အဇ္ဈတ္တိကံ န စက္ခုဓါတု? သောတာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န စက္ခုဓါတု။
၈၂၂. ကတမံ တံ ရူပံ ဗာဟိရံ န သောတဓါတု။ပေ.။ န ဃာနဓါတု။ပေ.။ န ဇိဝှာဓါတု။ပေ.။ န ကာယဓါတု? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ကာယဓါတု။
၈၂၃. ကတမံ တံ ရူပံ အဇ္ဈတ္တိကံ ကာယဓါတု? ကာယာယတနံ – ဣဒံ တံ ရူပံ အဇ္ဈတ္တိကံ ကာယဓါတု။
၈၂၄. ကတမံ တံ ရူပံ အဇ္ဈတ္တိကံ န ကာယဓါတု? စက္ခာယတနံ။ပေ.။ ဇိဝှာယတနံ – ဣဒံ တံ ရူပံ အဇ္ဈတ္တိကံ န ကာယဓါတု။
၈၂၅. ကတမံ တံ ရူပံ အဇ္ဈတ္တိကံ န ရူပဓါတု? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ရူပဓါတု။
၈၂၆. ကတမံ တံ ရူပံ ဗာဟိရံ ရူပဓါတု? ရူပါယတနံ – ဣဒံ တံ ရူပံ ဗာဟိရံ ရူပဓါတု။
၈၂၇. ကတမံ တံ ရူပံ ဗာဟိရံ န ရူပဓါတု? သဒ္ဒါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ရူပဓါတု။
၈၂၈. ကတမံ တံ ရူပံ အဇ္ဈတ္တိကံ န သဒ္ဒဓါတု။ပေ.။ န ဂန္ဓဓါတု။ပေ.။ န ရသဓါတု ။ပေ.။ န ဖောဋ္ဌဗ္ဗဓါတု? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ဖောဋ္ဌဗ္ဗဓါတု။
၈၂၉. ကတမံ တံ ရူပံ ဗာဟိရံ ဖောဋ္ဌဗ္ဗဓါတု? ဖောဋ္ဌဗ္ဗာယတနံ – ဣဒံ တံ ရူပံ ဗာဟိရံ ဖောဋ္ဌဗ္ဗဓါတု။
၈၃၀. ကတမံ တံ ရူပံ ဗာဟိရံ န ဖောဋ္ဌဗ္ဗဓါတု? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ဖောဋ္ဌဗ္ဗဓါတု။
၈၃၁. ကတမံ တံ ရူပံ ဗာဟိရံ န စက္ခုန္ဒ္ရိယံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န စက္ခုန္ဒ္ရိယံ။
၈၃၂. ကတမံ တံ ရူပံ အဇ္ဈတ္တိကံ စက္ခုန္ဒ္ရိယံ? ယံ စက္ခု စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ အဇ္ဈတ္တိကံ စက္ခုန္ဒ္ရိယံ။
၈၃၃. ကတမံ တံ ရူပံ အဇ္ဈတ္တိကံ န စက္ခုန္ဒ္ရိယံ? သောတာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န စက္ခုန္ဒ္ရိယံ။
၈၃၄. ကတမံ တံ ရူပံ ဗာဟိရံ န သောတိန္ဒ္ရိယံ။ပေ.။ န ဃာနိန္ဒ္ရိယံ။ပေ.။ န ဇိဝ္ဟိန္ဒ္ရိယံ။ပေ.။ န ကာယိန္ဒ္ရိယံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ကာယိန္ဒ္ရိယံ။
၈၃၅. ကတမံ တံ ရူပံ အဇ္ဈတ္တိကံ ကာယိန္ဒ္ရိယံ? ယော ကာယော စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ အဇ္ဈတ္တိကံ ကာယိန္ဒ္ရိယံ။
၈၃၆. ကတမံ တံ ရူပံ အဇ္ဈတ္တိကံ န ကာယိန္ဒ္ရိယံ? စက္ခာယတနံ။ပေ.။ ဇိဝှာယတနံ – ဣဒံ တံ ရူပံ အဇ္ဈတ္တိကံ န ကာယိန္ဒ္ရိယံ။
၈၃၇. ကတမံ တံ ရူပံ အဇ္ဈတ္တိကံ န ဣတ္ထိန္ဒ္ရိယံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ဣတ္ထိန္ဒ္ရိယံ။
၈၃၈. ကတမံ တံ ရူပံ ဗာဟိရံ ဣတ္ထိန္ဒ္ရိယံ? ယံ ဣတ္ထိယာ ဣတ္ထိလိင်္ဂံ ဣတ္ထိနိမိတ္တံ ဣတ္ထိကုတ္တံ ဣတ္ထာကပ္ပော ဣတ္ထတ္တံ ဣတ္ထိဘာဝေါ – ဣဒံ တံ ရူပံ ဗာဟိရံ ဣတ္ထိန္ဒ္ရိယံ။
၈၃၉. ကတမံ တံ ရူပံ ဗာဟိရံ န ဣတ္ထိန္ဒ္ရိယံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ဣတ္ထိန္ဒ္ရိယံ။
၈၄၀. ကတမံ တံ ရူပံ အဇ္ဈတ္တိကံ န ပုရိသိန္ဒ္ရိယံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ပုရိသိန္ဒ္ရိယံ။
၈၄၁. ကတမံ တံ ရူပံ ဗာဟိရံ ပုရိသိန္ဒ္ရိယံ? ယံ ပုရိသဿ ပုရိသလိင်္ဂံ ပုရိသနိမိတ္တံ ပုရိသကုတ္တံ ပုရိသာကပ္ပော ပုရိသတ္တံ ပုရိသဘာဝေါ – ဣဒံ တံ ရူပံ ဗာဟိရံ ပုရိသိန္ဒ္ရိယံ။
၈၄၂. ကတမံ တံ ရူပံ ဗာဟိရံ န ပုရိသိန္ဒ္ရိယံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ပုရိသိန္ဒ္ရိယံ။
၈၄၃. ကတမံ တံ ရူပံ အဇ္ဈတ္တိကံ န ဇီဝိတိန္ဒ္ရိယံ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ဇီဝိတိန္ဒ္ရိယံ။
၈၄၄. ကတမံ တံ ရူပံ ဗာဟိရံ ဇီဝိတိန္ဒ္ရိယံ? ယော တေသံ ရူဣနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာ ဇီဝိတံ ဇီဝိတိန္ဒ္ရိယံ – ဣဒံ တံ ရူပံ ဗာဟိရံ ဇီဝိတိန္ဒ္ရိယံ။
၈၄၅. ကတမံ တံ ရူပံ ဗာဟိရံ န ဇီဝိတိန္ဒ္ရိယံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ဇီဝိတိန္ဒ္ရိယံ။
၈၄၆. ကတမံ တံ ရူပံ အဇ္ဈတ္တိကံ န ကာယဝိညတ္တိ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ကာယဝိညတ္တိ။
၈၄၇. ကတမံ တံ ရူပံ ဗာဟိရံ ကာယဝိညတ္တိ? ယာ ကုသလစိတ္တဿ ဝါ အကုသလစိတ္တဿ ဝါ အဗျာကတစိတ္တဿ ဝါ အဘိက္ကမန္တဿ ဝါ ပဋိက္ကမန္တဿ ဝါ အာလောကေန္တဿ ဝါ ဝိလောကေန္တဿ ဝါ သမိဉ္ဇေန္တဿ ဝါ ပသာရေန္တဿ ဝါ ကာယဿ ထမ္ဘနာ သန္ထမ္ဘနာ သန္ထမ္ဘိတတ္တံ ဝိညတ္တိ ဝိညာပနာ ဝိညာပိတတ္တံ – ဣဒံ တံ ရူပံ ဗာဟိရံ ကာယဝိညတ္တိ။
၈၄၈. ကတမံ တံ ရူပံ ဗာဟိရံ န ကာယဝိညတ္တိ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ကာယဝိညတ္တိ။
၈၄၉. ကတမံ တံ ရူပံ အဇ္ဈတ္တိကံ န ဝစီဝိညတ္တိ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ဝစီဝိညတ္တိ။
၈၅၀. ကတမံ တံ ရူပံ ဗာဟိရံ ဝစီဝိညတ္တိ? ယာ ကုသလစိတ္တဿ ဝါ အကုသလစိတ္တဿ ဝါ အဗျာကတစိတ္တဿ ဝါ ဝါစာ ဂိရာ ဗျပ္ပထော ဥဒီရဏံ ဓေါသော ဃောသကမ္မံ ဝါစာ ဝစီဘေဒေါ, အယံ ဝုစ္စတိ ဝါစာ။ ယာ တာယ ဝါစာယ ဝိညတ္တိ ဝိညာပနာ ဝိညာပိတတ္တံ – ဣဒံ တံ ရူပံ ဗာဟိရံ ဝစီဝိညတ္တိ ။
၈၅၁. ကတမံ တံ ရူပံ ဗာဟိရံ န ဝစီဝိညတ္တိ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န ဝစီဝိညတ္တိ။
၈၅၂. ကတမံ တံ ရူပံ အဇ္ဈတ္တိကံ န အာကာသဓါတု? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န အာကာသဓါတု။
၈၅၃. ကတမံ တံ ရူပံ ဗာဟိရံ အာကာသဓါတု? ယော အာကာသော အာကာသဂတံ အဃံ အဃဂတံ ဝိဝရော ဝိဝရဂတံ အသမ္ဖုဋ္ဌံ စတူဟိ မဟာဘူတေဟိ – ဣဒံ တံ ရူပံ ဗာဟိရံ အာကာသဓါတု။
၈၅၄. ကတမံ တံ ရူပံ ဗာဟိရံ န အာကာသဓါတု? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န အာကာသဓါတု။
၈၅၅. ကတမံ တံ ရူပံ အဇ္ဈတ္တိကံ န အာပေါဓါတု? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န အာပေါဓါတု။
၈၅၆. ကတမံ တံ ရူပံ ဗာဟိရံ အာပေါဓါတု? ယံ အာပေါ အာပေါဂတံ သိနေဟော သိနေဟဂတံ ဗန္ဓနတ္တံ ရူပဿ – ဣဒံ တံ ရူပံ ဗာဟိရံ အာပေါဓါတု။
၈၅၇. ကတမံ တံ ရူပံ ဗာဟိရံ န အာပေါဓါတု? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ န အာပေါဓါတု။
၈၅၈. ကတမံ တံ ရူပံ အဇ္ဈတ္တိကံ ရူပဿ န လဟုတာ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ရူပဿ န လဟုတာ။
၈၅၉. ကတမံ တံ ရူပံ ဗာဟိရံ ရူပဿ လဟုတာ? ယာ ရူပဿ လဟုတာ လဟုပရိဏာမတာ အဒန္ဓနတာ အဝိတ္ထနတာ – ဣဒံ တံ ရူပံ ဗာဟိရံ ရူပဿ လဟုတာ။
၈၆၀. ကတမံ တံ ရူပံ ဗာဟိရံ ရူပဿ န လဟုတာ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ရူပဿ န လဟုတာ။
၈၆၁. ကတမံ တံ ရူပံ အဇ္ဈတ္တိကံ ရူပဿ န မုဒုတာ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ရူပဿ န မုဒုတာ။
၈၆၂. ကတမံ တံ ရူပံ ဗာဟိရံ ရူပဿ မုဒုတာ? ယာ ရူပဿ မုဒုတာ မဒ္ဒဝတာ အကက္ခဠတာ အကထိနတာ – ဣဒံ တံ ရူပံ ဗာဟိရံ ရူပဿ မုဒုတာ။
၈၆၃. ကတမံ တံ ရူပံ ဗာဟိရံ ရူပဿ န မုဒုတာ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ရူပဿ န မုဒုတာ။
၈၆၄. ကတမံ တံ ရူပံ အဇ္ဈတ္တိကံ ရူပဿ န ကမ္မညတာ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ရူပဿ န ကမ္မညတာ။
၈၆၅. ကတမံ တံ ရူပံ ဗာဟိရံ ရူပဿ ကမ္မညတာ? ယာ ရူပဿ ကမ္မညတာ ကမ္မညတ္တံ ကမ္မညဘာဝေါ – ဣဒံ တံ ရူပံ ဗာဟိရံ ရူပဿ ကမ္မညတာ။
၈၆၆. ကတမံ တံ ရူပံ ဗာဟိရံ ရူပဿ န ကမ္မညတာ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ရူပဿ န ကမ္မညတာ။
၈၆၇. ကတမံ တံ ရူပံ အဇ္ဈတ္တိကံ ရူပဿ န ဥပစယော? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ရူပဿ န ဥပစယော။
၈၆၈. ကတမံ တံ ရူပံ ဗာဟိရံ ရူပဿ ဥပစယော? ယော အာယတနာနံ အာစယော, သော ရူပဿ ဥပစယော – ဣဒံ တံ ရူပံ ဗာဟိရံ ရူပဿ ဥပစယော။
၈၆၉. ကတမံ တံ ရူပံ ဗာဟိရံ ရူပဿ န ဥပစယော? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ရူပဿ န ဥပစယော။
၈၇၀. ကတမံ တံ ရူပံ အဇ္ဈတ္တိကံ ရူပဿ န သန္တတိ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ရူပဿ န သန္တတိ။
၈၇၁. ကတမံ တံ ရူပံ ဗာဟိရံ ရူပဿ သန္တတိ? ယော ရူပဿ ဥပစယော, သာ ရူပဿ သန္တတိ – ဣဒံ တံ ရူပံ ဗာဟိရံ ရူပဿ သန္တတိ။
၈၇၂. ကတမံ တံ ရူပံ ဗာဟိရံ ရူပဿ န သန္တတိ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ရူပဿ န သန္တတိ။
၈၇၃. ကတမံ တံ ရူပံ အဇ္ဈတ္တိကံ ရူပဿ န ဇရတာ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ရူပဿ န ဇရတာ။
၈၇၄. ကတမံ တံ ရူပံ ဗာဟိရံ ရူပဿ ဇရတာ? ယာ ရူပဿ ဇရာ ဇီရဏတာ ခဏ္ဍိစ္စံ ပါလိစ္စံ ဝလိတ္တစတာ အာယုနော သံဟာနိ ဣန္ဒ္ရိယာနံ ပရိပါကော – ဣဒံ တံ ရူပံ ဗာဟိရံ ရူပဿ ဇရတာ။
၈၇၅. ကတမံ တံ ရူပံ ဗာဟိရံ ရူပဿ န ဇရတာ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ရူပဿ န ဇရတာ။
၈၇၆. ကတမံ တံ ရူပံ အဇ္ဈတ္တိကံ ရူပဿ န အနိစ္စတာ? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ ရူပဿ န အနိစ္စတာ။
၈၇၇. ကတမံ တံ ရူပံ ဗာဟိရံ ရူပဿ အနိစ္စတာ? ယော ရူပဿ ခယော ဝယော ဘေဒေါ ပရိဘေဒေါ အနိစ္စတာ အန္တရဓါနံ – ဣဒံ တံ ရူပံ ဗာဟိရံ ရူပဿ အနိစ္စတာ။
၈၇၈. ကတမံ တံ ရူပံ ဗာဟိရံ ရူပဿ န အနိစ္စတာ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဗာဟိရံ ရူပဿ န အနိစ္စတာ။
၈၇၉. ကတမံ တံ ရူပံ အဇ္ဈတ္တိကံ န ကဗဠီကာရော အာဟာရော? စက္ခာယတနံ။ပေ.။ ကာယာယတနံ – ဣဒံ တံ ရူပံ အဇ္ဈတ္တိကံ န ကဗဠီကာရော အာဟာရော ။
၈၈၀. ကတမံ တံ ရူပံ ဗာဟိရံ ကဗဠီကာရော အာဟာရော? ဩဒနော ကုမ္မာသော သတ္တု မစ္ဆော မံသံ ခီရံ ဒဓိ သပ္ပိ နဝနီတံ တေလံ မဓု ဖာဏိတံ, ယံ ဝါ ပနညမ္ပိ အတ္ထိ ရူပံ ယမှိ ယမှိ ဇနပဒေ တေသံ တေသံ သတ္တာနံ မုခါသိယံ ဒန္တဝိခါဒနံ ဂလဇ္ဈောဟရဏီယံ ကုစ္ဆိဝိတ္ထမ္ဘနံ ယာယ ဩဇာယ သတ္တာ ယာပေန္တိ – ဣဒံ တံ ရူပံ ဗာဟိရံ ကဗဠီကာရော အာဟာရော။
၈၈၁. ကတမံ တံ ရူပံ ဗာဟိရံ န ကဗဠီကာရော အာဟာရော? ရူပါယတနံ။ပေ.။ ရူပဿ အနိစ္စတာ – ဣဒံ တံ ရူပံ ဗာဟိရံ န ကဗဠီကာရော အာဟာရော။
ဧဝံ တိဝိဓေန ရူပသင်္ဂဟော။
တိကနိဒ္ဒေသော။
စတုက္ကံ
၈၈၂. ကတမံ တံ ရူပံ ဥပါဒါ ဥပါဒိဏ္ဏံ? စက္ခာယတနံ။ပေ.။ ကာယာယတနံ, ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ အာကာသဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒါ ဥပါဒိဏ္ဏံ။
၈၈၃. ကတမံ တံ ရူပံ ဥပါဒါ အနုပါဒိဏ္ဏံ? သဒ္ဒါယတနံ ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ အာကာသဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒါ အနုပါဒိဏ္ဏံ။
၈၈၄. ကတမံ တံ ရူပံ နော ဥပါဒါ ဥပါဒိဏ္ဏံ? ကမ္မဿ ကတတ္တာ ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ နော ဥပါဒါ ဥပါဒိဏ္ဏံ။
၈၈၅. ကတမံ တံ ရူပံ နော ဥပါဒါ အနုပါဒိဏ္ဏံ? န ကမ္မဿ ကတတ္တာ ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ နော ဥပါဒါ အနုပါဒိဏ္ဏံ။
၈၈၆. ကတမံ တံ ရူပံ ဥပါဒါ ဥပါဒိဏ္ဏုပါဒါနိယံ? စက္ခာယတနံ။ပေ.။ ကာယာယတနံ, ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ အာကာသဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒါ ဥပါဒိဏ္ဏုပါဒါနိယံ။
၈၈၇. ကတမံ တံ ရူပံ ဥပါဒါ အနုပါဒိဏ္ဏုပါဒါနိယံ? သဒ္ဒါယတနံ ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ အာကာသဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒါ အနုပါဒိဏ္ဏုပါဒါနိယံ။
၈၈၈. ကတမံ တံ ရူပံ နော ဥပါဒါ ဥပါဒိဏ္ဏုပါဒါနိယံ? ကမ္မဿ ကတတ္တာ ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ နော ဥပါဒါ ဥပါဒိဏ္ဏုပါဒါနိယံ။
၈၈၉. ကတမံ တံ ရူပံ နော ဥပါဒါ အနုပါဒိဏ္ဏုပါဒါနိယံ? န ကမ္မဿ ကတတ္တာ ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ နော ဥပါဒါ အနုပါဒိဏ္ဏုပါဒါနိယံ။
၈၉၀. ကတမံ တံ ရူပံ ဥပါဒါ သပ္ပဋိဃံ? စက္ခာယတနံ။ပေ.။ ရသာယတနံ – ဣဒံ တံ ရူပံ ဥပါဒါ သပ္ပဋိဃံ။
၈၉၁. ကတမံ တံ ရူပံ ဥပါဒါ အပ္ပဋိဃံ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ ဥပါဒါ အပ္ပဋိဃံ။
၈၉၂. ကတမံ တံ ရူပံ နော ဥပါဒါ သပ္ပဋိဃံ? ဖောဋ္ဌဗ္ဗာယတနံ – ဣဒံ တံ ရူပံ နော ဥပါဒါ သပ္ပဋိဃံ။
၈၉၃. ကတမံ တံ ရူပံ နော ဥပါဒါ အပ္ပဋိဃံ? အာပေါဓါတု – ဣဒံ တံ ရူပံ နော ဥပါဒါ အပ္ပဋိဃံ။
၈၉၄. ကတမံ တံ ရူပံ ဥပါဒါ ဩဠာရိကံ? စက္ခာယတနံ။ပေ.။ ရသာယတနံ – ဣဒံ တံ ရူပံ ဥပါဒါ ဩဠာရိကံ။
၈၉၅. ကတမံ တံ ရူပံ ဥပါဒါ သုခုမံ ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ ဥပါဒါ သုခုမံ။
၈၉၆. ကတမံ တံ ရူပံ နော ဥပါဒါ ဩဠာရိကံ? ဖောဋ္ဌဗ္ဗာယတနံ – ဣဒံ တံ ရူပံ နော ဥပါဒါ ဩဠာရိကံ။
၈၉၇. ကတမံ တံ ရူပံ နော ဥပါဒါ သုခုမံ? အာပေါဓါတု – ဣဒံ တံ ရူပံ နော ဥပါဒါ သုခုမံ။
၈၉၈. ကတမံ တံ ရူပံ ဥပါဒါ ဒူရေ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ ဥပါဒါ ဒူရေ။
၈၉၉. ကတမံ တံ ရူပံ ဥပါဒါ သန္တိကေ? စက္ခာယတနံ။ပေ.။ ရသာယတနံ – ဣဒံ တံ ရူပံ ဥပါဒါ သန္တိကေ။
၉၀၀. ကတမံ တံ ရူပံ နော ဥပါဒါ ဒူရေ? အာပေါဓါတု – ဣဒံ တံ ရူပံ နော ဥပါဒါ ဒူရေ။
၉၀၁. ကတမံ တံ ရူပံ နော ဥပါဒါ သန္တိကေ? ဖောဋ္ဌဗ္ဗာယတနံ – ဣဒံ တံ ရူပံ နော ဥပါဒါ သန္တိကေ။
၉၀၂. ကတမံ တံ ရူပံ ဥပါဒိဏ္ဏံ သနိဒဿနံ? ကမ္မဿ ကတတ္တာ ရူပါယတနံ – ဣဒံ တံ ရူပံ ဥပါဒိဏ္ဏံ သနိဒဿနံ။
၉၀၃. ကတမံ တံ ရူပံ ဥပါဒိဏ္ဏံ အနိဒဿနံ? စက္ခာယတနံ။ပေ.။ ကာယာယတနံ, ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏံ အနိဒဿနံ။
၉၀၄. ကတမံ တံ ရူပံ အနုပါဒိဏ္ဏံ သနိဒဿနံ? န ကမ္မဿ ကတတ္တာ ရူပါယတနံ – ဣဒံ တံ ရူပံ အနုပါဒိဏ္ဏံ သနိဒဿနံ။
၉၀၅. ကတမံ တံ ရူပံ အနုပါဒိဏ္ဏံ အနိဒဿနံ? သဒ္ဒါယတနံ ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ , ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏံ အနိဒဿနံ။
၉၀၆. ကတမံ တံ ရူပံ ဥပါဒိဏ္ဏံ သပ္ပဋိဃံ? စက္ခာယတနံ။ပေ.။ ကာယာယတနံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ ဥပါဒိဏ္ဏံ သပ္ပဋိဃံ။
၉၀၇. ကတမံ တံ ရူပံ ဥပါဒိဏ္ဏံ အပ္ပဋိဃံ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏံ အပ္ပဋိဃံ။
၉၀၈. ကတမံ တံ ရူပံ အနုပါဒိဏ္ဏံ သပ္ပဋိဃံ? သဒ္ဒါယတနံ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ အနုပါဒိဏ္ဏံ သပ္ပဋိဃံ။
၉၀၉. ကတမံ တံ ရူပံ အနုပါဒိဏ္ဏံ အပ္ပဋိဃံ? ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏံ အပ္ပဋိဃံ။
၉၁၀. ကတမံ တံ ရူပံ ဥပါဒိဏ္ဏံ မဟာဘူတံ? ကမ္မဿ ကတတ္တာ ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ ဥပါဒိဏ္ဏံ မဟာဘူတံ။
၉၁၁. ကတမံ တံ ရူပံ ဥပါဒိဏ္ဏံ န မဟာဘူတံ? စက္ခာယတနံ။ပေ.။ ကာယာယတနံ ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ အာကာသဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏံ န မဟာဘူတံ။
၉၁၂. ကတမံ တံ ရူပံ အနုပါဒိဏ္ဏံ မဟာဘူတံ? န ကမ္မဿ ကတတ္တာ ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ အနုပါဒိဏ္ဏံ မဟာဘူတံ။
၉၁၃. ကတမံ တံ ရူပံ အနုပါဒိဏ္ဏံ န မဟာဘူတံ? သဒ္ဒါယတနံ ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ အာကာသဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏံ န မဟာဘူတံ။
၉၁၄. ကတမံ တံ ရူပံ ဥပါဒိဏ္ဏံ ဩဠာရိကံ? စက္ခာယတနံ။ပေ.။ ကာယာယတနံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ ဥပါဒိဏ္ဏံ ဩဠာရိကံ။
၉၁၅. ကတမံ တံ ရူပံ ဥပါဒိဏ္ဏံ သုခုမံ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏံ သုခုမံ။
၉၁၆. ကတမံ တံ ရူပံ အနုပါဒိဏ္ဏံ ဩဠာရိကံ? သဒ္ဒါယတနံ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ အနုပါဒိဏ္ဏံ ဩဠာရိကံ။
၉၁၇. ကတမံ တံ ရူပံ အနုပါဒိဏ္ဏံ သုခုမံ? ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏံ သုခုမံ။
၉၁၈. ကတမံ တံ ရူပံ ဥပါဒိဏ္ဏံ ဒူရေ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏံ ဒူရေ။
၉၁၉. ကတမံ တံ ရူပံ ဥပါဒိဏ္ဏံ သန္တိကေ? စက္ခာယတနံ။ပေ.။ ကာယာယတနံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ ဥပါဒိဏ္ဏံ သန္တိကေ။
၉၂၀. ကတမံ တံ ရူပံ အနုပါဒိဏ္ဏံ ဒူရေ? ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏံ ဒူရေ။
၉၂၁. ကတမံ တံ ရူပံ အနုပါဒိဏ္ဏံ သန္တိကေ? သဒ္ဒါယတနံ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ အနုပါဒိဏ္ဏံ သန္တိကေ။
၉၂၂. ကတမံ တံ ရူပံ ဥပါဒိဏ္ဏုပါဒါနိယံ သနိဒဿနံ? ကမ္မဿ ကတတ္တာ ရူပါယတနံ – ဣဒံ တံ ရူပံ ဥပါဒိဏ္ဏုပါဒါနိယံ သနိဒဿနံ။
၉၂၃. ကတမံ တံ ရူပံ ဥပါဒိဏ္ဏုပါဒါနိယံ အနိဒဿနံ? စက္ခာယတနံ။ပေ.။ ကာယာယတနံ, ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏုပါဒါနိယံ အနိဒဿနံ။
၉၂၄. ကတမံ တံ ရူပံ အနုပါဒိဏ္ဏုပါဒါနိယံ သနိဒဿနံ? န ကမ္မဿ ကတတ္တာ ရူပါယတနံ – ဣဒံ တံ ရူပံ အနုပါဒိဏ္ဏုပါဒါနိယံ သနိဒဿနံ။
၉၂၅. ကတမံ တံ ရူပံ အနုပါဒိဏ္ဏုပါဒါနိယံ အနိဒဿနံ? သဒ္ဒါယတနံ ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ဂန္ဓာယတနံ ရသာယတနံ ဖောဋ္ဌဗ္ဗာယတနံ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏုပါဒါနိယံ အနိဒဿနံ။
၉၂၆. ကတမံ တံ ရူပံ ဥပါဒိဏ္ဏုပါဒါနိယံ သပ္ပဋိဃံ? စက္ခာယတနံ။ပေ.။ ကာယာယတနံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ ဥပါဒိဏ္ဏုပါဒါနိယံ သပ္ပဋိဃံ။
၉၂၇. ကတမံ တံ ရူပံ ဥပါဒိဏ္ဏုပါဒါနိယံ အပ္ပဋိဃံ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏုပါဒါနိယံ အပ္ပဋိဃံ။
၉၂၈. ကတမံ တံ ရူပံ အနုပါဒိဏ္ဏုပါဒါနိယံ သပ္ပဋိဃံ? သဒ္ဒါယတနံ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ အနုပါဒိဏ္ဏုပါဒါနိယံ သပ္ပဋိဃံ။
၉၂၉. ကတမံ တံ ရူပံ အနုပါဒိဏ္ဏုပါဒါနိယံ အပ္ပဋိဃံ? ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏုပါဒါနိယံ အပ္ပဋိဃံ။
၉၃၀. ကတမံ တံ ရူပံ ဥပါဒိဏ္ဏုပါဒါနိယံ မဟာဘူတံ? ကမ္မဿ ကတတ္တာ ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ ဥပါဒိဏ္ဏုပါဒါနိယံ မဟာဘူတံ ။
၉၃၁. ကတမံ တံ ရူပံ ဥပါဒိဏ္ဏုပါဒါနိယံ န မဟာဘူတံ? စက္ခာယတနံ။ပေ.။ ကာယာယတနံ ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ အာကာသဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏုပါဒါနိယံ န မဟာဘူတံ။
၉၃၂. ကတမံ တံ ရူပံ အနုပါဒိဏ္ဏုပါဒါနိယံ မဟာဘူတံ? န ကမ္မဿ ကတတ္တာ ဖောဋ္ဌဗ္ဗာယတနံ အာပေါဓါတု – ဣဒံ တံ ရူပံ အနုပါဒိဏ္ဏုပါဒါနိယံ မဟာဘူတံ။
၉၃၃. ကတမံ တံ ရူပံ အနုပါဒိဏ္ဏုပါဒါနိယံ န မဟာဘူတံ? သဒ္ဒါယတနံ ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ အာကာသဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏုပါဒါနိယံ န မဟာဘူတံ။
၉၃၄. ကတမံ တံ ရူပံ ဥပါဒိဏ္ဏုပါဒါနိယံ ဩဠာရိကံ? စက္ခာယတနံ။ပေ.။ ကာယာယတနံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ ဥပါဒိဏ္ဏုပါဒါနိယံ ဩဠာရိကံ။
၉၃၅. ကတမံ တံ ရူပံ ဥပါဒိဏ္ဏုပါဒါနိယံ သုခုမံ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏုပါဒါနိယံ သုခုမံ။
၉၃၆. ကတမံ တံ ရူပံ အနုပါဒိဏ္ဏုပါဒါနိယံ ဩဠာရိကံ? သဒ္ဒါယတနံ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ အနုပါဒိဏ္ဏုပါဒါနိယံ ဩဠာရိကံ။
၉၃၇. ကတမံ တံ ရူပံ အနုပါဒိဏ္ဏုပါဒါနိယံ သုခုမံ? ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏုပါဒါနိယံ သုခုမံ။
၉၃၈. ကတမံ တံ ရူပံ ဥပါဒိဏ္ဏုပါဒါနိယံ ဒူရေ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ ဥပါဒိဏ္ဏုပါဒါနိယံ ဒူရေ။
၉၃၉. ကတမံ တံ ရူပံ ဥပါဒိဏ္ဏုပါဒါနိယံ သန္တိကေ စက္ခာယတနံ။ပေ.။ ကာယာယတနံ, ယံ ဝါ ပနညမ္ပိ အတ္ထိ ရူပံ ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ ဥပါဒိဏ္ဏုပါဒါနိယံ သန္တိကေ။
၉၄၀. ကတမံ တံ ရူပံ အနုပါဒိဏ္ဏုပါဒါနိယံ ဒူရေ? ကာယဝိညတ္တိ ဝစီဝိညတ္တိ ရူပဿ လဟုတာ ရူပဿ မုဒုတာ ရူပဿ ကမ္မညတာ ရူပဿ ဇရတာ ရူပဿ အနိစ္စတာ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ အာကာသဓါတု အာပေါဓါတု ရူပဿ ဥပစယော ရူပဿ သန္တတိ ကဗဠီကာရော အာဟာရော – ဣဒံ တံ ရူပံ အနုပါဒိဏ္ဏုပါဒါနိယံ ဒူရေ။
၉၄၁. ကတမံ တံ ရူပံ အနုပါဒိဏ္ဏုပါဒါနိယံ သန္တိကေ? သဒ္ဒါယတနံ, ယံ ဝါ ပနညမ္ပိ အတ္ထိ ရူပံ န ကမ္မဿ ကတတ္တာ ရူပါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ – ဣဒံ တံ ရူပံ အနုပါဒိဏ္ဏုပါဒါနိယံ သန္တိကေ။
၉၄၂. ကတမံ တံ ရူပံ သပ္ပဋိဃံ ဣန္ဒ္ရိယံ? စက္ခုန္ဒ္ရိယံ။ပေ.။ ကာယိန္ဒ္ရိယံ – ဣဒံ တံ ရူပံ သပ္ပဋိဃံ ဣန္ဒ္ရိယံ။
၉၄၃. ကတမံ တံ ရူပံ သပ္ပဋိဃံ န ဣန္ဒ္ရိယံ? ရူပါယတနံ။ပေ.။ ဖောဋ္ဌဗ္ဗာယတနံ – ဣဒံ တံ ရူပံ သပ္ပဋိဃံ န ဣန္ဒ္ရိယံ။
၉၄၄. ကတမံ တံ ရူပံ အပ္ပဋိဃံ ဣန္ဒ္ရိယံ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ – ဣဒံ တံ ရူပံ အပ္ပဋိဃံ ဣန္ဒ္ရိယံ။
၉၄၅. ကတမံ တံ ရူပံ အပ္ပဋိဃံ န ဣန္ဒ္ရိယံ? ကာယဝိညတ္တိ ဝစီဝိညတ္တိ။ပေ.။ ကဗဠီကာရော အာဟာရော – ဣဒံ တံ ရူပံ အပ္ပဋိဃံ န ဣန္ဒ္ရိယံ။
၉၄၆. ကတမံ တံ ရူပံ သပ္ပဋိဃံ မဟာဘူတံ? ဖောဋ္ဌဗ္ဗာယတနံ – ဣဒံ တံ ရူပံ သပ္ပဋိဃံ မဟာဘူတံ။
၉၄၇. ကတမံ တံ ရူပံ သပ္ပဋိဃံ န မဟာဘူတံ? စက္ခာယတနံ။ပေ.။ ရသာယတနံ – ဣဒံ တံ ရူပံ သပ္ပဋိဃံ န မဟာဘူတံ။
၉၄၈. ကတမံ တံ ရူပံ အပ္ပဋိဃံ မဟာဘူတံ? အာပေါဓါတု – ဣဒံ တံ ရူပံ အပ္ပဋိဃံ မဟာဘူတံ။
၉၄၉. ကတမံ တံ ရူပံ အပ္ပဋိဃံ န မဟာဘူတံ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ အပ္ပဋိဃံ န မဟာဘူတံ။
၉၅၀. ကတမံ တံ ရူပံ ဣန္ဒ္ရိယံ ဩဠာရိကံ? စက္ခုန္ဒ္ရိယံ။ပေ.။ ကာယိန္ဒ္ရိယံ – ဣဒံ တံ ရူပံ ဣန္ဒ္ရိယံ ဩဠာရိကံ။
၉၅၁. ကတမံ တံ ရူပံ ဣန္ဒ္ရိယံ သုခုမံ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ – ဣဒံ တံ ရူပံ ဣန္ဒ္ရိယံ သုခုမံ။
၉၅၂. ကတမံ တံ ရူပံ န ဣန္ဒ္ရိယံ ဩဠာရိကံ? ရူပါယတနံ။ပေ.။ ဖောဋ္ဌဗ္ဗာယတနံ – ဣဒံ တံ ရူပံ န ဣန္ဒ္ရိယံ ဩဠာရိကံ။
၉၅၃. ကတမံ တံ ရူပံ န ဣန္ဒ္ရိယံ သုခုမံ? ကာယဝိညတ္တိ ဝစီဝိညတ္တိ။ပေ.။ ကဗဠီကာရော အာဟာရော – ဣဒံ တံ ရူပံ န ဣန္ဒ္ရိယံ သုခုမံ။
၉၅၄. ကတမံ တံ ရူပံ ဣန္ဒ္ရိယံ ဒူရေ? ဣတ္ထိန္ဒ္ရိယံ ပုရိသိန္ဒ္ရိယံ ဇီဝိတိန္ဒ္ရိယံ – ဣဒံ တံ ရူပံ ဣန္ဒ္ရိယံ ဒူရေ။
၉၅၅. ကတမံ တံ ရူပံ ဣန္ဒ္ရိယံ သန္တိကေ? စက္ခုန္ဒ္ရိယံ။ပေ.။ ကာယိန္ဒ္ရိယံ – ဣဒံ တံ ရူပံ ဣန္ဒ္ရိယံ သန္တိကေ။
၉၅၆. ကတမံ တံ ရူပံ န ဣန္ဒ္ရိယံ ဒူရေ? ကာယဝိညတ္တိ ဝစီဝိညတ္တိ။ပေ.။ ကဗဠီကာရော အာဟာရော – ဣဒံ တံ ရူပံ န ဣန္ဒ္ရိယံ ဒူရေ။
၉၅၇. ကတမံ တံ ရူပံ န ဣန္ဒ္ရိယံ သန္တိကေ? ရူပါယတနံ။ပေ.။ ဖောဋ္ဌဗ္ဗာယတနံ – ဣဒံ တံ ရူပံ န ဣန္ဒ္ရိယံ သန္တိကေ။
၉၅၈. ကတမံ တံ ရူပံ မဟာဘူတံ ဩဠာရိကံ? ဖောဋ္ဌဗ္ဗာယတနံ – ဣဒံ တံ ရူပံ မဟာဘူတံ ဩဠာရိကံ။
၉၅၉. ကတမံ တံ ရူပံ မဟာဘူတံ သုခုမံ? အာပေါဓါတု – ဣဒံ တံ ရူပံ မဟာဘူတံ သုခုမံ။
၉၆၀. ကတမံ တံ ရူပံ န မဟာဘူတံ ဩဠာရိကံ? စက္ခာယတနံ။ပေ.။ ရသာယတနံ – ဣဒံ တံ ရူပံ န မဟာဘူတံ ဩဠာရိကံ။
၉၆၁. ကတမံ တံ ရူပံ န မဟာဘူတံ သုခုမံ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ န မဟာဘူတံ သုခုမံ။
၉၆၂. ကတမံ တံ ရူပံ မဟာဘူတံ ဒူရေ? အာပေါဓါတု – ဣဒံ တံ ရူပံ မဟာဘူတံ ဒူရေ။
၉၆၃. ကတမံ တံ ရူပံ မဟာဘူတံ သန္တိကေ? ဖောဋ္ဌဗ္ဗာယတနံ – ဣဒံ တံ ရူပံ မဟာဘူတံ သန္တိကေ။
၉၆၄. ကတမံ တံ ရူပံ န မဟာဘူတံ ဒူရေ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ န မဟာဘူတံ ဒူရေ။
၉၆၅. ကတမံ တံ ရူပံ န မဟာဘူတံ သန္တိကေ? စက္ခာယတနံ။ပေ.။ ရသာယတနံ – ဣဒံ တံ ရူပံ န မဟာဘူတံ သန္တိကေ။
၉၆၆. ရူပါယတနံ ဒိဋ္ဌံ, သဒ္ဒါယတနံ သုတံ, ဂန္ဓာယတနံ ရသာယတနံ ဖောဋ္ဌဗ္ဗာယတနံ မုတံ, သဗ္ဗံ ရူပံ မနသာ ဝိညာတံ ရူပံ။
ဧဝံ စတုဗ္ဗိဓေန ရူပသင်္ဂဟော။
စတုက္ကံ။
ပဉ္စကံ
၉၆၇. ကတမံ တံ ရူပံ ပထဝီဓါတု? ယံ ကက္ခဠံ ခရဂတံ [ခရိဂတံ (က.)] ကက္ခဠတ္တံ ကက္ခဠဘာဝေါ အဇ္ဈတ္တံ ဝါ ဗဟိဒ္ဓါ ဝါ ဥပါဒိဏ္ဏံ ဝါ အနုပါဒိဏ္ဏံ ဝါ – ဣဒံ တံ ရူပံ ပထဝီဓါတု။
၉၆၈. ကတမံ တံ ရူပံ အာပေါဓါတု? ယံ အာပေါ အာပေါဂတံ သိနေဟော သိနေဟဂတံ ဗန္ဓနတ္တံ ရူပဿ အဇ္ဈတ္တံ ဝါ ဗဟိဒ္ဓါ ဝါ ဥပါဒိဏ္ဏံ ဝါ အနုပါဒိဏ္ဏံ ဝါ – ဣဒံ တံ ရူပံ အာပေါဓါတု။
၉၆၉. ကတမံ တံ ရူပံ တေဇောဓါတု? ယံ တေဇော တေဇောဂတံ ဥသ္မာ ဥသ္မာဂတံ ဥသုမံ ဥသုမဂတံ အဇ္ဈတ္တံ ဝါ ဗဟိဒ္ဓါ ဝါ ဥပါဒိဏ္ဏံ ဝါ အနုပါဒိဏ္ဏံ ဝါ – ဣဒံ တံ ရူပံ တေဇောဓါတု။
၉၇၀. ကတမံ တံ ရူပံ ဝါယောဓါတု? ယံ ဝါယော ဝါယောဂတံ ထမ္ဘိတတ္တံ ရူပဿ အဇ္ဈတ္တံ ဝါ ဗဟိဒ္ဓါ ဝါ ဥပါဒိဏ္ဏံ ဝါ အနုပါဒိဏ္ဏံ ဝါ – ဣဒံ တံ ရူပံ ဝါယောဓါတု။
၉၇၁. ကတမံ တံ ရူပံ ဥပါဒါ? စက္ခာယတနံ။ပေ.။ ကဗဠီကာရော အာဟာရော – ဣဒံ တံ ရူပံ ဥပါဒါ။
ဧဝံ ပဉ္စဝိဓေန ရူပသင်္ဂဟော။
ပဉ္စကံ။
ဆက္ကံ
၉၇၂. ရူပါယတနံ စက္ခုဝိညေယျံ ရူပံ, သဒ္ဒါယတနံ သောတဝိညေယျံ ရူပံ, ဂန္ဓာယတနံ ဃာနဝိညေယျံ ရူပံ, ရသာယတနံ ဇိဝှာဝိညေယျံ ရူပံ, ဖောဋ္ဌဗ္ဗာယတနံ ကာယဝိညေယျံ ရူပံ, သဗ္ဗံ ရူပံ မနောဝိညေယျံ ရူပံ။
ဧဝံ ဆဗ္ဗိဓေန ရူပသင်္ဂဟော။
ဆက္ကံ။
သတ္တကံ
၉၇၃. ရူပါယတနံ စက္ခုဝိညေယျံ ရူပံ, သဒ္ဒါယတနံ သောတဝိညေယျံ ရူပံ, ဂန္ဓာယတနံ ဃာနဝိညေယျံ ရူပံ, ရသာယတနံ ဇိဝှာဝိညေယျံ ရူပံ, ဖောဋ္ဌဗ္ဗာယတနံ ကာယဝိညေယျံ ရူပံ, ရူပါယတနံ သဒ္ဒါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ မနောဓါတုဝိညေယျံ ရူပံ, သဗ္ဗံ ရူပံ မနောဝိညာဏဓါတုဝိညေယျံ ရူပံ။
ဧဝံ သတ္တဝိဓေန ရူပသင်္ဂဟော။
သတ္တကံ။
အဋ္ဌကံ
၉၇၄. ရူပါယတနံ စက္ခုဝိညေယျံ ရူပံ, သဒ္ဒါယတနံ သောတဝိညေယျံ ရူပံ, ဂန္ဓာယတနံ ဃာနဝိညေယျံ ရူပံ, ရသာယတနံ ဇိဝှာဝိညေယျံ ရူပံ, မနာပိယော ဖောဋ္ဌဗ္ဗော သုခသမ္ဖဿော ကာယဝိညေယျံ ရူပံ, အမနာပိယော ဖောဋ္ဌဗ္ဗော ဒုက္ခသမ္ဖဿော ကာယဝိညေယျံ ရူပံ, ရူပါယတနံ သဒ္ဒါယတနံ ဂန္ဓာယတနံ ရသာယတနံ ဖောဋ္ဌဗ္ဗာယတနံ မနောဓါတုဝိညေယျံ ရူပံ, သဗ္ဗံ ရူပံ မနောဝိညာဏဓါတုဝိညေယျံ ရူပံ။
ဧဝံ အဋ္ဌဝိဓေန ရူပသင်္ဂဟော။
အဋ္ဌကံ။
နဝကံ
၉၇၅. ကတမံ တံ ရူပံ စက္ခုန္ဒ္ရိယံ? ယံ စက္ခု စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ စက္ခုန္ဒ္ရိယံ ။
၉၇၆. ကတမံ တံ ရူပံ သောတိန္ဒ္ရိယံ။ပေ.။ ဃာနိန္ဒ္ရိယံ။ပေ.။ ဇိဝ္ဟိန္ဒ္ရိယံ။ပေ.။ ကာယိန္ဒ္ရိယံ ။ပေ.။ ဣတ္ထိန္ဒ္ရိယံ။ပေ.။ ပုရိသိန္ဒ္ရိယံ။ပေ.။ ဇီဝိတိန္ဒ္ရိယံ? ယော တေသံ ရူဣနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာ ဇီဝိတံ ဇီဝိတိန္ဒ္ရိယံ – ဣဒံ တံ ရူပံ ဇီဝိတိန္ဒ္ရိယံ။
၉၇၇. ကတမံ တံ ရူပံ န ဣန္ဒ္ရိယံ? ရူပါယတနံ။ပေ.။ ကဗဠီကာရော အာဟာရော – ဣဒံ တံ ရူပံ န ဣန္ဒ္ရိယံ။
ဧဝံ နဝဝိဓေန ရူပသင်္ဂဟော။
နဝကံ။
ဒသကံ
၉၇၈. ကတမံ တံ ရူပံ စက္ခုန္ဒ္ရိယံ? ယံ စက္ခု စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ စက္ခုန္ဒ္ရိယံ။
၉၇၉. ကတမံ တံ ရူပံ သောတိန္ဒ္ရိယံ။ပေ.။ ဃာနိန္ဒ္ရိယံ။ပေ.။ ဇိဝ္ဟိန္ဒ္ရိယံ။ပေ.။ ကာယိန္ဒ္ရိယံ။ပေ.။ ဣတ္ထိန္ဒ္ရိယံ။ပေ.။ ပုရိသိန္ဒ္ရိယံ။ပေ.။ ဇီဝိတိန္ဒ္ရိယံ? ယော တေသံ ရူဣနံ ဓမ္မာနံ အာယု ဌိတိ ယပနာ ယာပနာ ဣရိယနာ ဝတ္တနာ ပါလနာ ဇီဝိတံ ဇီဝိတိန္ဒ္ရိယံ – ဣဒံ တံ ရူပံ ဇီဝိတိန္ဒ္ရိယံ။
၉၈၀. ကတမံ တံ ရူပံ န ဣန္ဒ္ရိယံ သပ္ပဋိဃံ? ရူပါယတနံ။ပေ.။ ဖောဋ္ဌဗ္ဗာယတနံ – ဣဒံ တံ ရူပံ န ဣန္ဒ္ရိယံ သပ္ပဋိဃံ။
၉၈၁. ကတမံ တံ ရူပံ န ဣန္ဒ္ရိယံ အပ္ပဋိဃံ? ကာယဝိညတ္တိ။ပေ.။ ကဗဠီကာရော အာဟာရော – ဣဒံ တံ ရူပံ န ဣန္ဒ္ရိယံ အပ္ပဋိဃံ။
ဧဝံ ဒသဝိဓေန ရူပသင်္ဂဟော။
ဒသကံ။
ဧကာဒသကံ
၉၈၂. ကတမံ တံ ရူပံ စက္ခာယတနံ? ယံ စက္ခု စတုန္နံ မဟာဘူတာနံ ဥပါဒါယ ပသာဒေါ။ပေ.။ သုညော ဂါမော ပေသော – ဣဒံ တံ ရူပံ စက္ခာယတနံ ။
၉၈၃. ကတမံ တံ ရူပံ သောတာယတနံ။ပေ.။ ဃာနာယတနံ။ပေ.။ ဇိဝှာယတနံ။ပေ.။ ကာယာယတနံ။ပေ.။ ရူပါယတနံ။ပေ.။ သဒ္ဒါယတနံ။ပေ.။ ဂန္ဓာယတနံ။ပေ.။ ရသာယတနံ။ပေ.။ ဖောဋ္ဌဗ္ဗာယတနံ? ပထဝီဓါတု။ပေ.။ ဖောဋ္ဌဗ္ဗဓါတု ပေသာ – ဣဒံ တံ ရူပံ ဖောဋ္ဌဗ္ဗာယတနံ။
၉၈၄. ကတမံ တံ ရူပံ အနိဒဿနံ အပ္ပဋိဃံ ဓမ္မာယတနပရိယာပန္နံ? ဣတ္ထိန္ဒ္ရိယံ။ပေ.။ ကဗဠီကာရော အာဟာရော – ဣဒံ တံ ရူပံ အနိဒဿနံ အပ္ပဋိဃံ ဓမ္မာယတနပရိယာပန္နံ။
ဧဝံ ဧကာဒသဝိဓေန ရူပသင်္ဂဟော။
ဧကာဒသကံ။
အဋ္ဌမဘာဏဝါရော။
ရူပဝိဘတ္တိ။
ရူပကဏ္ဍံ နိဋ္ဌိတံ။