သမုစ္စယက္ခန္ဓကံ

၃. သမုစ္စယက္ခန္ဓကံ

၁. သုက္ကဝိဿဋ္ဌိ

၉၇. တေန သမယေန ဗုဒ္ဓေါ ဘဂဝါ သာဝတ္ထိယံ ဝိဟရတိ ဇေတဝနေ အနာထပိဏ္ဍိကဿ အာရာမေ။ တေန ခေါ ပန သမယေန အာယသ္မာ ဥဒါယီ ဧကံ အာပတ္တိံ အာပန္နော ဟောတိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော [တေ ဘိက္ခူ ဘဂဝတော (သျာ.)] ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗံ –

အပ္ပဋိစ္ဆန္နမာနတ္တံ

၉၈. ‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ ဧကံသံ ဥတ္တရာသင်္ဂံ ကရိတွာ ဝုဍ္ဎာနံ ဘိက္ခူနံ ပါဒေ ဝန္ဒိတွာ ဥက္ကုဋိကံ နိသီဒိတွာ အဉ္ဇလိံ ပဂ္ဂဟေတွာ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ, ဘန္တေ, သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစာမိ။ အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ ဒုတိယမ္ပိ, သောဟံ [ဒုတိယမ္ပိ (သီ. က.)] ဘန္တေ, သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစာမိ။ အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ တတိယမ္ပိ သောဟံ [တတိယမ္ပိ (သီ. က.)], ဘန္တေ, သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစာမီ’တိ။ ‘‘ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၉၉. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစတိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ဒေတိ။ ယဿာယသ္မတော ခမတိ ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တဿ ဒါနံ, သော တုဏှဿ ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ – သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစတိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ဒေတိ။ ယဿာယသ္မတော ခမတိ ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘တတိယမ္ပိ ဧတမတ္ထံ ဝဒါမိ – သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစတိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ဒေတိ။ ယဿာယသ္မတော ခမတိ ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒိန္နံ သံဃေန ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ ။

အပ္ပဋိစ္ဆန္နအဗ္ဘာနံ

၁၀၀. သော စိဏ္ဏမာနတ္တော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သောဟံ စိဏ္ဏမာနတ္တော။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အဗ္ဘေတု။ ဧဝဉ္စ ပန, ဘိက္ခဝေ, အဗ္ဘေတဗ္ဗော –

တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ ဧကံသံ ဥတ္တရာသင်္ဂံ ကရိတွာ ဝုဍ္ဎာနံ ဘိက္ခူနံ ပါဒေ ဝန္ဒိတွာ ဥက္ကုဋိကံ နိသီဒိတွာ အဉ္ဇလိံ ပဂ္ဂဟေတွာ ဧဝမဿ ဝစနီယော – ‘‘အဟံ ဘန္တေ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ, သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သောဟံ, ဘန္တေ, စိဏ္ဏမာနတ္တော သသံဃံ အဗ္ဘာနံ ယာစာမိ။

‘‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သောဟံ စိဏ္ဏမာနတ္တော ဒုတိယမ္ပိ, ဘန္တေ, သသံဃံ အဗ္ဘာနံ ယာစာမိ။

‘‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သောဟံ စိဏ္ဏမာနတ္တော တတိယမ္ပိ, ဘန္တေ, သသံဃံ အဗ္ဘာနံ ယာစာမီတိ။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၀၁. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သော စိဏ္ဏမာနတ္တော သသံဃံ အဗ္ဘာနံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိံ ဘိက္ခုံ အဗ္ဘေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သော စိဏ္ဏမာနတ္တော သသံဃံ အဗ္ဘာနံ ယာစတိ။ သံဃော ဥဒါယိံ ဘိက္ခုံ အဗ္ဘေတိ။ ယဿာယသ္မတော ခမတိ ဥဒါယိဿ ဘိက္ခုနော အဗ္ဘာနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ – သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သော စိဏ္ဏမာနတ္တော သသံဃံ အဗ္ဘာနံ ယာစတိ။ သံဃော ဥဒါယိံ ဘိက္ခုံ အဗ္ဘေတိ။ ယဿာယသ္မတော ခမတိ ဥဒါယိဿ ဘိက္ခုနော အဗ္ဘာနံ, သော တုဏှဿ; ယဿ နက္ခမတိ, သော ဘာသေယျ။

‘‘တတိယမ္ပိ ဧတမတ္ထံ ဝဒါမိ – သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သော စိဏ္ဏမာနတ္တော သသံဃံ အဗ္ဘာနံ ယာစတိ။ သံဃော ဥဒါယိံ ဘိက္ခုံ အဗ္ဘေတိ။ ယဿာယသ္မတော ခမတိ ဥဒါယိဿ ဘိက္ခုနော အဗ္ဘာနံ, သော တုဏှဿ; ယဿ နက္ခမတိ, သော ဘာသေယျ။

‘‘အဗ္ဘိတော သံဃေန ဥဒါယီ ဘိက္ခု။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

ဧကာဟပ္ပဋိစ္ဆန္နပရိဝါသံ

၁၀၂. တေန ခေါ ပန သမယေန အာယသ္မာ ဥဒါယီ ဧကံ အာပတ္တိံ အာပန္နော ဟောတိ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗော –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ ဧကံသံ ဥတ္တရာသင်္ဂံ ကရိတွာ ဝုဍ္ဎာနံ ဘိက္ခူနံ ပါဒေ ဝန္ဒိတွာ ဥက္ကုဋိကံ နိသီဒိတွာ အဉ္ဇလိံ ပဂ္ဂဟေတွာ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သောဟံ, ဘန္တေ, သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစာမီ’တိ။ ဒုတိယမ္ပိ ယာစိတဗ္ဗော။ တတိယမ္ပိ ယာစိတဗ္ဗော။ ‘‘ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၀၃. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစတိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ဒေတိ ။ ယဿာယသ္မတော ခမတိ ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။ ။

‘‘ဒိန္နော သံဃေန ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသော။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

ဧကာဟပ္ပဋိစ္ဆန္နမာနတ္တံ

၁၀၄. သော ပရိဝုတ္ထပရိဝါသော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ အဒါသိ။ သောဟံ ပရိဝုတ္ထပရိဝါသော။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗံ –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ အဒါသိ။ သောဟံ, ဘန္တေ, ပရိဝုတ္ထပရိဝါသော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ ယာစာမီ’တိ။ ဒုတိယမ္ပိ ယာစိတဗ္ဗံ [ယာစိတဗ္ဗော (သီ. ဧဝမုပရိပိ)]။ တတိယမ္ပိ ယာစိတဗ္ဗံ [ယာစိတဗ္ဗော (သီ. ဧဝမုပရိပိ)]။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၀၅. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ အဒါသိ။ သော ပရိဝုတ္ထပရိဝါသော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ အဒါသိ။ သော ပရိဝုတ္ထပရိဝါသော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ ယာစတိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ ဒေတိ။ ယဿာယသ္မတော ခမတိ ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။ ။

‘‘ဒိန္နံ သံဃေန ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

ဧကာဟပ္ပဋိစ္ဆန္နအဗ္ဘာနံ

၁၀၆. သော စိဏ္ဏမာနတ္တော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ အဒါသိ။ သောဟံ ပရိဝုတ္ထပရိဝါသော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သောဟံ စိဏ္ဏမာနတ္တော။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အဗ္ဘေတု။ ဧဝဉ္စ ပန, ဘိက္ခဝေ, အဗ္ဘေတဗ္ဗော –

‘‘တေန ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ အဒါသိ။ သောဟံ ပရိဝုတ္ထပရိဝါသော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သောဟံ, ဘန္တေ, စိဏ္ဏမာနတ္တော သသံဃံ အဗ္ဘာနံ ယာစာမီ’တိ။ ဒုတိယမ္ပိ ယာစိတဗ္ဗံ။ တတိယမ္ပိ ယာစိတဗ္ဗံ။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၀၇. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ အဒါသိ။ သော ပရိဝုတ္ထပရိဝါသော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သော စိဏ္ဏမာနတ္တော သသံဃံ အဗ္ဘာနံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိံ ဘိက္ခုံ အဗ္ဘေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ဧကာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဧကာဟပရိဝါသံ အဒါသိ။ သော ပရိဝုတ္ထပရိဝါသော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ဧကာဟပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သော စိဏ္ဏမာနတ္တော သသံဃံ အဗ္ဘာနံ ယာစတိ။ သံဃော ဥဒါယိံ ဘိက္ခုံ အဗ္ဘေတိ။ ယဿာယသ္မတော ခမတိ ဥဒါယိဿ ဘိက္ခုနော အဗ္ဘာနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘အဗ္ဘိတော သံဃေန ဥဒါယီ ဘိက္ခု။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

ပဉ္စာဟပ္ပဋိစ္ဆန္နပရိဝါသော

၁၀၈. တေန ခေါ ပန သမယေန အာယသ္မာ ဥဒါယီ ဧကံ အာပတ္တိံ အာပန္နော ဟောတိ သဉ္စေတနိကံ သုက္ကဝိဿဋ္ဌိံ ဒွီဟပ္ပဋိစ္ဆန္နံ။ပေ.။ တီဟပ္ပဋိစ္ဆန္နံ။ပေ.။ စတူဟပ္ပဋိစ္ဆန္နံ။ပေ.။ ပဉ္စာဟပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗော –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ ဧကံသံ ဥတ္တရာသင်္ဂံ ကရိတွာ ဝုဍ္ဎာနံ ဘိက္ခူနံ ပါဒေ ဝန္ဒိတွာ ဥက္ကုဋိကံ နိသီဒိတွာ အဉ္ဇလိံ ပဂ္ဂဟေတွာ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ, ဘန္တေ, သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစာမီ’တိ။ ဒုတိယမ္ပိ ယာစိတဗ္ဗော။ တတိယမ္ပိ ယာစိတဗ္ဗော။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၀၉. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစတိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ဒေတိ။ ယဿာယသ္မတော ခမတိ ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ဒိန္နော သံဃေန ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသော။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

ပါရိဝါသိကမူလာယပဋိကဿနာ

၁၁၀. သော ပရိဝသန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ အဒါသိ။ သောဟံ ပရိဝသန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿတု။ ဧဝဉ္စ ပန, ဘိက္ခဝေ, မူလာယ ပဋိကဿိတဗ္ဗော –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ အဒါသိ။ သောဟံ ပရိဝသန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ, ဘန္တေ, သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿနံ ယာစာမီ’တိ။ ဒုတိယမ္ပိ ယာစိတဗ္ဗာ [ယာစိတဗ္ဗော (သီ. ဧဝမုပရိပိ)]။ တတိယမ္ပိ ယာစိတဗ္ဗာ [ယာစိတဗ္ဗော (သီ. ဧဝမုပရိပိ)]။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၁၁. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ အဒါသိ။ သော ပရိဝသန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿေယျ။ ဧသာ ဉတ္တိ။

‘‘သုဏာတု မေ, ဘန္တေ , သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ အဒါသိ။ သော ပရိဝသန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစတိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿတိ။ ယဿာယသ္မတော ခမတိ ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနာ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။ ။

‘‘ပဋိကဿိတော သံဃေန ဥဒါယီ ဘိက္ခု အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနာ [မူလာယ (သျာ.)]။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

မာနတ္တာရဟမူလာယပဋိကဿနာ

၁၁၂. သော ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ အဒါသိ။ သောဟံ ပရိဝသန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိ။ သောဟံ ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿတု။ ဧဝဉ္စ ပန, ဘိက္ခဝေ, မူလာယ ပဋိကဿိတဗ္ဗော –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သောဟံ ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစာမီ’တိ။ ဒုတိယမ္ပိ ယာစိတဗ္ဗာ။ တတိယမ္ပိ ယာစိတဗ္ဗာ။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၁၃. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သော ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သော ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစတိ ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿတိ။ ယဿာယသ္မတော ခမတိ ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနာ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ပဋိကဿိတော သံဃေန ဥဒါယီ ဘိက္ခု အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနာ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

တိကာပတ္တိမာနတ္တံ

၁၁၄. သော ပရိဝုတ္ထပရိဝါသော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သောဟံ ပရိဝုတ္ထပရိဝါသော။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗံ –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ အဒါသိ။ပေ.။ သောဟံ, ဘန္တေ, ပရိဝုတ္ထပရိဝါသော သသံဃံ တိဿန္နံ အာပတ္တီနံ ဆာရတ္တံ မာနတ္တံ ယာစာမီ’တိ။ ဒုတိယမ္ပိ ယာစိတဗ္ဗံ။ တတိယမ္ပိ ယာစိတဗ္ဗံ။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၁၅. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သော ပရိဝုတ္ထပရိဝါသော သသံဃံ တိဿန္နံ အာပတ္တီနံ ဆာရတ္တံ မာနတ္တံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သော ပရိဝုတ္ထပရိဝါသော သသံဃံ တိဿန္နံ အာပတ္တီနံ ဆာရတ္တံ မာနတ္တံ ယာစတိ။ သံဃော ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တံ ဒေတိ။ ယဿာယသ္မတော ခမတိ ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ဒိန္နံ သံဃေန ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တံ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

မာနတ္တစာရိကမူလာယပဋိကဿနာ

၁၁၆. သော မာနတ္တံ စရန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သောဟံ မာနတ္တံ စရန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိတွာ ဆာရတ္တံ မာနတ္တံ ဒေတု။ ဧဝဉ္စ ပန, ဘိက္ခဝေ, မူလာယ ပဋိကဿိတဗ္ဗော – တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ , ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သောဟံ မာနတ္တံ စရန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ, ဘန္တေ, သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစာမီ’တိ။ ဒုတိယမ္ပိ ယာစိတဗ္ဗာ။ တတိယမ္ပိ ယာစိတဗ္ဗာ။ ‘‘ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၁၇. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု။ပေ.။ မူလာယပဋိကဿနံ ယာစတိ ။ ယဒိ သံဃဿ ပတ္တကလ္လံ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿေယျ။ ဧသာ ဉတ္တိ။ပေ.။ ပဋိကဿိတော သံဃေန ဥဒါယီ ဘိက္ခု အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနာ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီတိ။

‘‘ဧဝဉ္စ ပန, ဘိက္ခဝေ, ဆာရတ္တံ မာနတ္တံ ဒါတဗ္ဗံ – တေန, ဘိက္ခဝေ, ဥဒါယိနာ ဘိက္ခုနာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သောဟံ မာနတ္တံ စရန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိ။ သောဟံ, ဘန္တေ, သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစာမီ’တိ။ ဒုတိယမ္ပိ ယာစိတဗ္ဗံ။ တတိယမ္ပိ ယာစိတဗ္ဗံ။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု။ပေ.။ ဆာရတ္တံ မာနတ္တံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ဒဒေယျ။ ဧသာ ဉတ္တိ။ပေ.။ ဒိန္နံ သံဃေန ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

အဗ္ဘာနာရဟမူလာယပဋိကဿနာ

၁၁၈. သော စိဏ္ဏမာနတ္တော အဗ္ဘာနာရဟော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သောဟံ စိဏ္ဏမာနတ္တော အဗ္ဘာနာရဟော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိတွာ ဆာရတ္တံ မာနတ္တံ ဒေတု။ ဧဝဉ္စ ပန, ဘိက္ခဝေ, မူလာယ ပဋိကဿိတဗ္ဗော။ပေ.။။

‘‘ဧဝဉ္စ ပန, ဘိက္ခဝေ, ဆာရတ္တံ မာနတ္တံ ဒါတဗ္ဗံ။ပေ.။။

‘‘ဒိန္နံ သံဃေန ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

မူလာယပဋိကဿိတအဗ္ဘာနံ

၁၁၉. သော စိဏ္ဏမာနတ္တော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သောဟံ စိဏ္ဏမာနတ္တော။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ တေန ဟိ, ဘိက္ခဝေ, သံဃော ဥဒါယိံ ဘိက္ခုံ အဗ္ဘေတု။ ဧဝဉ္စ ပန, ဘိက္ခဝေ, အဗ္ဘေတဗ္ဗော –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ အဒါသိ။ သောဟံ ပရိဝသန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိ။ သောဟံ ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိ။ သောဟံ ပရိဝုတ္ထပရိဝါသော သသံဃံ တိဿန္နံ အာပတ္တီနံ ဆာရတ္တံ မာနတ္တံ ယာစိံ။ တဿ မေ သံဃော တိဿန္နံ အာပတ္တီနံ ဆာရတ္တံ မာနတ္တံ အဒါသိ။ သောဟံ မာနတ္တံ စရန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိံ။ တဿ မေ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သောဟံ စိဏ္ဏမာနတ္တော အဗ္ဘာနာရဟော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိံ။ တဿ မေ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သောဟံ, ဘန္တေ, စိဏ္ဏမာနတ္တော သသံဃံ အဗ္ဘာနံ ယာစာမီ’’’တိ။

‘‘ဒုတိယမ္ပိ ယာစိတဗ္ဗံ။ တတိယမ္ပိ ယာစိတဗ္ဗံ။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၂၀. ‘‘သုဏာတု မေ , ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပဉ္စာဟပရိဝါသံ အဒါသိ။ သော ပရိဝသန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိ။ သော ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိ။ သော ပရိဝုတ္ထပရိဝါသော သသံဃံ တိဿန္နံ အာပတ္တီနံ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တံ အဒါသိ။ သော မာနတ္တံ စရန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သော စိဏ္ဏမာနတ္တော အဗ္ဘာနာရဟော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယပဋိကဿနံ ယာစိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ မူလာယ ပဋိကဿိ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သော စိဏ္ဏမာနတ္တော သသံဃံ အဗ္ဘာနံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိံ ဘိက္ခုံ အဗ္ဘေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ပေ.။ သော စိဏ္ဏမာနတ္တော သသံဃံ အဗ္ဘာနံ ယာစတိ။ သံဃော ဥဒါယိံ ဘိက္ခုံ အဗ္ဘေတိ။ ယဿာယသ္မတော ခမတိ ဥဒါယိဿ ဘိက္ခုနော အဗ္ဘာနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘အဗ္ဘိတော သံဃေန ဥဒါယီ ဘိက္ခု။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

ပက္ခပ္ပဋိစ္ဆန္နပရိဝါသော

၁၂၁. တေန ခေါ ပန သမယေန အာယသ္မာ ဥဒါယီ ဧကံ အာပတ္တိံ အာပန္နော ဟောတိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗော –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သောဟံ, ဘန္တေ, သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစာမီ’တိ။ ဒုတိယမ္ပိ ယာစိတဗ္ဗော။ တတိယမ္ပိ ယာစိတဗ္ဗော။ ဗျတ္တေန ဘိက္ခုနော ပဋိဗလေန သံဃော ဉာပေတဗ္ဗော –

၁၂၂. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစတိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ဒေတိ။ ယဿာယသ္မတော ခမတိ ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ဒိန္နော သံဃေန ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသော။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

ပက္ခပါရိဝါသိကမူလာယပဋိကဿနာ

၁၂၃. သော ပရိဝသန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ အဒါသိ။ သောဟံ ပရိဝသန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ! ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိတွာ ပုရိမာယ အာပတ္တိယာ သမောဓါနပရိဝါသံ ဒေတု။ ဧဝဉ္စ ပန, ဘိက္ခဝေ, မူလာယ ပဋိကဿိတဗ္ဗော –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ အဒါသိ။ သောဟံ ပရိဝသန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ, ဘန္တေ, သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစာမီ’တိ။ ဒုတိယမ္ပိ ယာစိတဗ္ဗာ။ တတိယမ္ပိ ယာစိတဗ္ဗာ။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၂၄. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစိ ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ အဒါသိ။ သော ပရိဝသန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ အဒါသိ။ သော ပရိဝသန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစတိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿတိ။ ယဿာယသ္မတော ခမတိ ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနာ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ပဋိကဿိတော သံဃေန ဥဒါယီ ဘိက္ခု အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနာ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

သမောဓါနပရိဝါသော

၁၂၅. ‘‘ဧဝဉ္စ ပန, ဘိက္ခဝေ, ပုရိမာယ အာပတ္တိယာ သမောဓါနပရိဝါသော ဒါတဗ္ဗော – တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ အဒါသိ။ သောဟံ ပရိဝသန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သောဟံ, ဘန္တေ, သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစာမီ’’’တိ။

‘‘ဒုတိယမ္ပိ ယာစိတဗ္ဗော။ တတိယမ္ပိ ယာစိတဗ္ဗော။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၂၆. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ အဒါသိ။ သော ပရိဝသန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ အဒါသိ။ သော ပရိဝသန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစတိ။ သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ဒေတိ။ ယဿာယသ္မတော ခမတိ ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ဒိန္နော သံဃေန ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသော။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

မာနတ္တာရဟမူလာယပဋိကဿနာဒိ

၁၂၇. သော ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ပေ.။ သောဟံ ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိတွာ ပုရိမာယ အာပတ္တိယာ သမောဓါနပရိဝါသံ ဒေတု။ ဧဝဉ္စ ပန, ဘိက္ခဝေ, မူလာယ ပဋိကဿိတဗ္ဗော။ပေ.။။

‘‘ဧဝဉ္စ ပန, ဘိက္ခဝေ, ပုရိမာယ အာပတ္တိယာ သမောဓါနပရိဝါသော ဒါတဗ္ဗော။ပေ.။ ဒေတိ။ပေ.။။

‘‘ဒိန္နော သံဃေန ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသော။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

တိကာပတ္တိမာနတ္တံ

၁၂၈. သော ပရိဝုတ္ထပရိဝါသော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ပေ.။ သောဟံ ပရိဝုတ္ထပရိဝါသော။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ , ဘိက္ခဝေ, သံဃော ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗံ –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ပေ.။ သောဟံ, ဘန္တေ, ပရိဝုတ္ထပရိဝါသော သသံဃံ တိဿန္နံ အာပတ္တီနံ ဆာရတ္တံ မာနတ္တံ ယာစာမီ’တိ။ ဒုတိယမ္ပိ ယာစိတဗ္ဗံ။ တတိယမ္ပိ ယာစိတဗ္ဗံ။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၂၉. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ပေ.။ သော ပရိဝုတ္ထပရိဝါသော သသံဃံ တိဿန္နံ အာပတ္တီနံ ဆာရတ္တံ မာနတ္တံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ပေ.။ သော ပရိဝုတ္ထပရိဝါသော သသံဃံ တိဿန္နံ အာပတ္တီနံ ဆာရတ္တံ မာနတ္တံ ယာစတိ။ သံဃော ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တံ ဒေတိ။ ယဿာယသ္မတော ခမတိ ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ဒိန္နံ သံဃေန ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တံ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

မာနတ္တစာရိကမူလာယပဋိကဿနာဒိ

၁၃၀. သော မာနတ္တံ စရန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ပေ.။ သောဟံ မာနတ္တံ စရန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိတွာ ပုရိမာယ အာပတ္တိယာ သမောဓါနပရိဝါသံ ဒတွာ ဆာရတ္တံ မာနတ္တံ ဒေတု။ ဧဝဉ္စ ပန, ဘိက္ခဝေ, မူလာယ ပဋိကဿိတဗ္ဗော။ပေ.။။

‘‘ဧဝဉ္စ ပန, ဘိက္ခဝေ, ပုရိမာယ အာပတ္တိယာ သမောဓါနပရိဝါသော ဒါတဗ္ဗော။ပေ.။။

‘‘ဧဝဉ္စ ပန, ဘိက္ခဝေ, ဆာရတ္တံ မာနတ္တံ ဒါတဗ္ဗံ။ပေ.။ ဒေတိ။ပေ.။ ။

‘‘ဒိန္နံ သံဃေန ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ဆာရတ္တံ မာနတ္တံ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

အဗ္ဘာနာရဟမူလာယပဋိကဿနာဒိ

၁၃၁. သော စိဏ္ဏမာနတ္တော အဗ္ဘာနာရဟော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ပေ.။ သောဟံ စိဏ္ဏမာနတ္တော အဗ္ဘာနာရဟော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိတွာ ပုရိမာယ အာပတ္တိယာ သမောဓါနပရိဝါသံ ဒတွာ ဆာရတ္တံ မာနတ္တံ ဒေတု။ ဧဝဉ္စ ပန, ဘိက္ခဝေ, မူလာယ ပဋိကဿိတဗ္ဗော။ပေ.။။

‘‘ဧဝဉ္စ ပန, ဘိက္ခဝေ, ပုရိမာယ အာပတ္တိယာ သမောဓါနပရိဝါသော ဒါတဗ္ဗော။ပေ.။။

‘‘ဧဝဉ္စ ပန, ဘိက္ခဝေ, ဆာရတ္တံ မာနတ္တံ ဒါတဗ္ဗံ။ပေ.။ ဒေတိ။ပေ.။။

‘‘ဒိန္နံ သံဃေန ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ဆာရတ္တံ မာနတ္တံ။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

ပက္ခပ္ပဋိစ္ဆန္နအဗ္ဘာနံ

၁၃၂. သော စိဏ္ဏမာနတ္တော ဘိက္ခူနံ အာရောစေသိ – ‘‘အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ပေ.။ သောဟံ စိဏ္ဏမာနတ္တော။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော ဥဒါယိံ ဘိက္ခုံ အဗ္ဘေတု။ ဧဝဉ္စ ပန, ဘိက္ခဝေ, အဗ္ဘေတဗ္ဗော –

‘‘တေန, ဘိက္ခဝေ, ဥဒါယိနာ ဘိက္ခုနာ သသံဃံ ဥပသင်္ကမိတွာ, ဧကံသံ ဥတ္တရာသင်္ဂံ ကရိတွာ, ဝုဍ္ဎာနံ ဘိက္ခူနံ ပါဒေ ဝန္ဒိတွာ, ဥက္ကုဋိကံ နိသီဒိတွာ, အဉ္ဇလိံ ပဂ္ဂဟေတွာ, ဧဝမဿ ဝစနီယော – ‘အဟံ, ဘန္တေ, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သောဟံ သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ အဒါသိ။ သောဟံ ပရိဝသန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစိံ။ တဿ မေ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ အဒါသိ။ သောဟံ ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစိံ။ တဿ မေ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ အဒါသိ။ သောဟံ ပရိဝုတ္ထပရိဝါသော သသံဃံ တိဿန္နံ အာပတ္တီနံ ဆာရတ္တံ မာနတ္တံ ယာစိံ။ တဿ မေ သံဃော တိဿန္နံ အာပတ္တီနံ ဆာရတ္တံ မာနတ္တံ အဒါသိ။ သောဟံ မာနတ္တံ စရန္တော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစိံ။ တဿ မေ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ အဒါသိ။ သောဟံ ပရိဝုတ္ထပရိဝါသော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ဆာရတ္တံ မာနတ္တံ ယာစိံ။ တဿ မေ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သောဟံ စိဏ္ဏမာနတ္တော အဗ္ဘာနာရဟော အန္တရာ ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိံ။ တံ မံ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သောဟံ သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစိံ။ တဿ မေ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ အဒါသိ။ သောဟံ ပရိဝုတ္ထပရိဝါသော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ဆာရတ္တံ မာနတ္တံ ယာစိံ။ တဿ မေ သံဃော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သောဟံ, ဘန္တေ, စိဏ္ဏမာနတ္တော သသံဃံ အဗ္ဘာနံ ယာစာမီ’’’တိ။

‘‘ဒုတိယမ္ပိ ယာစိတဗ္ဗံ။ တတိယမ္ပိ ယာစိတဗ္ဗံ။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၃၃. ‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ သော သသံဃံ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ ယာစိ။ သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပက္ခပ္ပဋိစ္ဆန္နာယ ပက္ခပရိဝါသံ အဒါသိ။ သော ပရိဝသန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစိ။ သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ အဒါသိ။ သော ပရိဝုတ္ထပရိဝါသော မာနတ္တာရဟော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစိ။ သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ အဒါသိ။ သော ပရိဝုတ္ထပရိဝါသော သသံဃံ တိဿန္နံ အာပတ္တီနံ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော တိဿန္နံ အာပတ္တီနံ ဆာရတ္တံ မာနတ္တံ အဒါသိ။ သော မာနတ္တံ စရန္တော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစိ။ သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ အဒါသိ။ သော ပရိဝုတ္ထပရိဝါသော သသံဃံ [သော သံဃံ (က.)] အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သော စိဏ္ဏမာနတ္တော အဗ္ဘာနာရဟော အန္တရာ ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပဉ္စာဟပ္ပဋိစ္ဆန္နံ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယပဋိကဿနံ ယာစိ။ သံဃော ဥဒါယိံ ဘိက္ခုံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ မူလာယ ပဋိကဿိ။ သော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ ယာစိ။ သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ပုရိမာယ အာပတ္တိယာ သမောဓါနပရိဝါသံ အဒါသိ။ သော ပရိဝုတ္ထပရိဝါသော သသံဃံ အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ဆာရတ္တံ မာနတ္တံ ယာစိ။ သံဃော ဥဒါယိဿ ဘိက္ခုနော အန္တရာ ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ ပဉ္စာဟပ္ပဋိစ္ဆန္နာယ ဆာရတ္တံ မာနတ္တံ အဒါသိ။ သော စိဏ္ဏမာနတ္တော သသံဃံ အဗ္ဘာနံ ယာစတိ။ ယဒိ သံဃဿ ပတ္တကလ္လံ, သံဃော ဥဒါယိံ ဘိက္ခုံ အဗ္ဘေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဥဒါယီ ဘိက္ခု ဧကံ အာပတ္တိံ အာပဇ္ဇိ သဉ္စေတနိကံ သုက္ကဝိဿဋ္ဌိံ ပက္ခပ္ပဋိစ္ဆန္နံ။ပေ.။ သော စိဏ္ဏမာနတ္တော သသံဃံ အဗ္ဘာနံ ယာစတိ။ သံဃော ဥဒါယိံ ဘိက္ခုံ အဗ္ဘေတိ။ ယဿာယသ္မတော ခမတိ ဥဒါယိဿ ဘိက္ခုနော အဗ္ဘာနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘အဗ္ဘိတော သံဃေန ဥဒါယီ ဘိက္ခု။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

သုက္ကဝိဿဋ္ဌိ သမတ္တာ။

၂. ပရိဝါသော

အဂ္ဃသမောဓါနပရိဝါသော

၁၃၄. တေန ခေါ ပန သမယေန အညတရော ဘိက္ခု သမ္ဗဟုလာ သံဃာဒိသေသာ အာပတ္တိယော အာပန္နော ဟောတိ – ဧကာ အာပတ္တိ ဧကာဟပ္ပဋိစ္ဆန္နာ, ဧကာ အာပတ္တိ ဒွီဟပ္ပဋိစ္ဆန္နာ, ဧကာ အာပတ္တိ တီဟပ္ပဋိစ္ဆန္နာ, ဧကာ အာပတ္တိ စတူဟပ္ပဋိစ္ဆန္နာ, ဧကာ အာပတ္တိ ပဉ္စာဟပ္ပဋိစ္ဆန္နာ, ဧကာ အာပတ္တိ ဆာဟပ္ပဋိစ္ဆန္နာ, ဧကာ အာပတ္တိ သတ္တာဟပ္ပဋိစ္ဆန္နာ, ဧကာ အာပတ္တိ အဋ္ဌာဟပ္ပဋိစ္ဆန္နာ, ဧကာ အာပတ္တိ နဝါဟပ္ပဋိစ္ဆန္နာ, ဧကာ အာပတ္တိ ဒသာဟပ္ပဋိစ္ဆန္နာ။ သော ဘိက္ခူနံ အာရောစေသိ – ‘‘အဟံ, အာဝုသော, သမ္ဗဟုလာ သံဃာဒိသေသာ အာပတ္တိယော အာပဇ္ဇိံ – ဧကာ အာပတ္တိ ဧကာဟပ္ပဋိစ္ဆန္နာ။ပေ.။ ဧကာ အာပတ္တိ ဒသာဟပ္ပဋိစ္ဆန္နာ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော တဿ ဘိက္ခုနော တာသံ အာပတ္တီနံ ယာ အာပတ္တိ ဒသာဟပ္ပဋိစ္ဆန္နာ တဿာ အဂ္ဃေန သမောဓါနပရိဝါသံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗော –

‘‘တေန , ဘိက္ခဝေ, ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, သမ္ဗဟုလာ သံဃာဒိသေသာ အာပတ္တိယော အာပဇ္ဇိံ – ဧကာ အာပတ္တိ ဧကာဟပ္ပဋိစ္ဆန္နာ။ပေ.။ ဧကာ အာပတ္တိ ဒသာဟပ္ပဋိစ္ဆန္နာ။ သောဟံ, ဘန္တေ, သသံဃံ တာသံ အာပတ္တီနံ ယာ အာပတ္တိ ဒသာဟပ္ပဋိစ္ဆန္နာ တဿာ အဂ္ဃေန သမောဓါနပရိဝါသံ ယာစာမီ’တိ။ ဒုတိယမ္ပိ ယာစိတဗ္ဗော။ တတိယမ္ပိ ယာစိတဗ္ဗော။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၃၅. ‘‘သုဏာတု မေ, ဘန္တေ, သံဃော။ အယံ ဣတ္ထန္နာမော ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိ – ဧကာ အာပတ္တိ ဧကာဟပ္ပဋိစ္ဆန္နာ။ပေ.။ ဧကာ အာပတ္တိ ဒသာဟပ္ပဋိစ္ဆန္နာ။ သော သသံဃံ တာသံ အာပတ္တီနံ ယာ အာပတ္တိ ဒသာဟပ္ပဋိစ္ဆန္နာ တဿာ အဂ္ဃေန သမောဓါနပရိဝါသံ ယာစတိ။ ယဒိ သံဃဿ ပတ္တကလ္လံ, သံဃော ဣတ္ထန္နာမဿ ဘိက္ခုနော တာသံ အာပတ္တီနံ ယာ အာပတ္တိ ဒသာဟပ္ပဋိစ္ဆန္နာ တဿာ အဂ္ဃေန သမောဓါနပရိဝါသံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဣတ္ထန္နာမော ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိ – ဧကာ အာပတ္တိ ဧကာဟပ္ပဋိစ္ဆန္နာ။ပေ.။ ဧကာ အာပတ္တိ ဒသာဟပ္ပဋိစ္ဆန္နာ။ သော သသံဃံ တာသံ အာပတ္တီနံ ယာ အာပတ္တိ ဒသာဟပ္ပဋိစ္ဆန္နာ တဿာ အဂ္ဃေန သမောဓါနပရိဝါသံ ယာစတိ။ သံဃော ဣတ္ထန္နာမဿ ဘိက္ခုနော တာသံ အာပတ္တီနံ ယာ အာပတ္တိ ဒသာဟပ္ပဋိစ္ဆန္နာ တဿာ အဂ္ဃေန သမောဓါနပရိဝါသံ ဒေတိ။ ယဿာယသ္မတော ခမတိ ဣတ္ထန္နာမဿ ဘိက္ခုနော တာသံ အာပတ္တီနံ ယာ အာပတ္တိ ဒသာဟပ္ပဋိစ္ဆန္နာ; တဿာ အဂ္ဃေန သမောဓါနပရိဝါသဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ဒိန္နော သံဃေန ဣတ္ထန္နာမဿ ဘိက္ခုနော တာသံ အာပတ္တီနံ ယာ အာပတ္တိ ဒသာဟပ္ပဋိစ္ဆန္နာ တဿာ အဂ္ဃေန သမောဓါနပရိဝါသော။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

သဗ္ဗစိရပ္ပဋိစ္ဆန္နအဂ္ဃသမောဓါနံ

၁၃၆. တေန ခေါ ပန သမယေန အညတရော ဘိက္ခု သမ္ဗဟုလာ သံဃာဒိသေသာ အာပတ္တိယော အာပန္နော ဟောတိ – ဧကာ အာပတ္တိ ဧကာဟပ္ပဋိစ္ဆန္နာ , ဒွေ အာပတ္တိယော ဒွီဟပ္ပဋိစ္ဆန္နာယော [ဒွီဟပ္ပဋိစ္ဆန္နာ (က. ဧဝံ ယာဝဒသာဟပ္ပဋိစ္ဆန္နာ)], တိဿော အာပတ္တိယော တီဟပ္ပဋိစ္ဆန္နာယော, စတဿော အာပတ္တိယော စတူဟပ္ပဋိစ္ဆန္နာယော, ပဉ္စ အာပတ္တိယော ပဉ္စာဟပ္ပဋိစ္ဆန္နာယော, ဆ အာပတ္တိယော ဆာဟပ္ပဋိစ္ဆန္နာယော, သတ္တ အာပတ္တိယော သတ္တာဟပ္ပဋိစ္ဆန္နာယော, အဋ္ဌ အာပတ္တိယော အဋ္ဌာဟပ္ပဋိစ္ဆန္နာယော, နဝ အာပတ္တိယော နဝါဟပ္ပဋိစ္ဆန္နာယော, ဒသ အာပတ္တိယော ဒသာဟပ္ပဋိစ္ဆန္နာယော။ သော ဘိက္ခူနံ အာရောစေသိ – ‘‘အဟံ, အာဝုသော, သမ္ဗဟုလာ သံဃာဒိသေသာ အာပတ္တိယော အာပဇ္ဇိံ, ဧကာ အာပတ္တိ ဧကာဟပ္ပဋိစ္ဆန္နာ။ပေ.။ ဒသ အာပတ္တိယော ဒသာဟပ္ပဋိစ္ဆန္နာယော ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော တဿ ဘိက္ခုနော တာသံ အာပတ္တီနံ ယာ အာပတ္တိယော သဗ္ဗစိရပ္ပဋိစ္ဆန္နာယော တာသံ အဂ္ဃေန သမောဓါနပရိဝါသံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗော –

‘‘တေန, ဘိက္ခဝေ, ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, သမ္ဗဟုလာ သံဃာဒိသေသာ အာပတ္တိယော အာပဇ္ဇိံ, ဧကာ အာပတ္တိ ဧကာဟပ္ပဋိစ္ဆန္နာ။ပေ.။ ဒသ အာပတ္တိယော ဒသာဟပ္ပဋိစ္ဆန္နာယော။ သောဟံ, ဘန္တေ, သသံဃံ တာသံ အာပတ္တီနံ ယာ အာပတ္တိယော သဗ္ဗစိရပ္ပဋိစ္ဆန္နာယော တာသံ အဂ္ဃေန သမောဓါနပရိဝါသံ ယာစာမီ’တိ။ ဒုတိယမ္ပိ ယာစိတဗ္ဗော။ တတိယမ္ပိ ယာစိတဗ္ဗော။ ‘‘ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၃၇. သုဏာတု မေ, ဘန္တေ, သံဃော။ အယံ ဣတ္ထန္နာမော ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိ, ဧကာ အာပတ္တိ ဧကာဟပ္ပဋိစ္ဆန္နာ။ပေ.။ ဒသ အာပတ္တိယော ဒသာဟပ္ပဋိစ္ဆန္နာယော။ သော သသံဃံ တာသံ အာပတ္တီနံ ယာ အာပတ္တိယော သဗ္ဗစိရပ္ပဋိစ္ဆန္နာယော တာသံ အဂ္ဃေန သမောဓါနပရိဝါသံ ယာစတိ။ ယဒိ သံဃဿ ပတ္တကလ္လံ သံဃော ဣတ္ထန္နာမဿ ဘိက္ခုနော တာသံ အာပတ္တီနံ ယာ အာပတ္တိယော သဗ္ဗစိရပ္ပဋိစ္ဆန္နာယော တာသံ အဂ္ဃေန သမောဓါနပရိဝါသံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဣတ္ထန္နာမော ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိ – ဧကာ အာပတ္တိ ဧကာဟပ္ပဋိစ္ဆန္နာ။ပေ.။ ဒသ အာပတ္တိယော ဒသာဟပ္ပဋိစ္ဆန္နာယော။ သော သသံဃံ တာသံ အာပတ္တီနံ ယာ အာပတ္တိယော သဗ္ဗစိရပ္ပဋိစ္ဆန္နာယော တာသံ အဂ္ဃေန သမောဓါနပရိဝါသံ ယာစတိ။ သံဃော ဣတ္ထန္နာမဿ ဘိက္ခုနော တာသံ အာပတ္တီနံ ယာ အာပတ္တိယော သဗ္ဗစိရပ္ပဋိစ္ဆန္နာယော တာသံ အဂ္ဃေန သမောဓါနပရိဝါသံ ဒေတိ။ ယဿာယသ္မတော ခမတိ ဣတ္ထန္နာမဿ ဘိက္ခုနော တာသံ အာပတ္တီနံ ယာ အာပတ္တိယော သဗ္ဗစိရပ္ပဋိစ္ဆန္နာယော တာသံ အဂ္ဃေန သမောဓါနပရိဝါသဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ဒိန္နော သံဃေန ဣတ္ထန္နာမဿ ဘိက္ခုနော တာသံ အာပတ္တီနံ ယာ အာပတ္တိယော သဗ္ဗစိရပ္ပဋိစ္ဆန္နာယော တာသံ အဂ္ဃေန သမောဓါနပရိဝါသော။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

ဒွေမာသပရိဝါသော

၁၃၈. တေန ခေါ ပန သမယေန အညတရော ဘိက္ခု ဒွေ သံဃာဒိသေသာ အာပတ္တိယော အာပန္နော ဟောတိ ဒွေမာသပ္ပဋိစ္ဆန္နာယော။ တဿ ဧတဒဟောသိ – ‘‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’’န္တိ။ သော သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိ။ တဿ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ ပရိဝသန္တဿ လဇ္ဇီဓမ္မော ဩက္ကမိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျန္တိ။ သောဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ။ ယံနူနာဟံ သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’’န္တိ။

သော ဘိက္ခူနံ အာရောစေသိ – ‘‘အဟံ, အာဝုသော, ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သောဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သောဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ – ယံနူနာဟံ သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျန္တိ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော တဿ ဘိက္ခုနော ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗော –

‘‘တေန, ဘိက္ခဝေ, ဘိက္ခုနာ သသံဃံ ဥပသင်္ကမိတွာ, ဧကံသံ ဥတ္တရာသင်္ဂံ ကရိတွာ, ဝုဍ္ဎာနံ ဘိက္ခူနံ ပါဒေ ဝန္ဒိတွာ, ဥက္ကုဋိကံ နိသီဒိတွာ, အဉ္ဇလိံ ပဂ္ဂဟေတွာ, ဧဝမဿ ဝစနီယော – ‘အဟံ, ဘန္တေ, ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော ။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သောဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သောဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ – ယံနူနာဟံ သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျန္တိ။ သောဟံ, ဘန္တေ, သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစာမီတိ။

‘‘ဒုတိယမ္ပိ ယာစိတဗ္ဗော။ တတိယမ္ပိ ယာစိတဗ္ဗော။ ‘‘ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၃၉. ‘‘သုဏာတု မေ, ဘန္တေ, သံဃော။ အယံ ဣတ္ထန္နာမော ဘိက္ခု ဒွေ သံဃာဒိသေသာ အာပတ္တိယော အာပဇ္ဇိ ဒွေမာသပ္ပဋိစ္ဆန္နာယော။ တဿ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သော သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိ။ တဿ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ ပရိဝသန္တဿ လဇ္ဇီဓမ္မော ဩက္ကမိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သောဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ။ ယံနူနာဟံ သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျန္တိ။ သော သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစတိ။ ယဒိ သံဃဿ ပတ္တကလ္လံ, သံဃော ဣတ္ထန္နာမဿ ဘိက္ခုနော ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဣတ္ထန္နာမော ဘိက္ခု ဒွေ သံဃာဒိသေသာ အာပတ္တိယော အာပဇ္ဇိ ဒွေမာသပ္ပဋိစ္ဆန္နာယော။ တဿ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သော သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိ။ တဿ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ ပရိဝသန္တဿ လဇ္ဇီဓမ္မော ဩက္ကမိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သောဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ။ ယံနူနာဟံ သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျန္တိ။ သော သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစတိ။ သံဃော ဣတ္ထန္နာမဿ ဘိက္ခုနော ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒေတိ။ ယဿာယသ္မတော ခမတိ ဣတ္ထန္နာမဿ ဘိက္ခုနော ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ဒိန္နော သံဃေန ဣတ္ထန္နာမဿ ဘိက္ခုနော ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသော။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။ တေန, ဘိက္ခဝေ, ဘိက္ခုနာ တဒုပါဒါယ ဒွေ မာသာ ပရိဝသိတဗ္ဗာ။

ဒွေ မာသာ ပရိဝသိတဗ္ဗဝိဓိ

၁၄၀. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော။ တဿ ဧဝံ ဟောတိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ ။ သော သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစတိ။ တဿ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒေတိ။ တဿ ပရိဝသန္တဿ လဇ္ဇီဓမ္မော ဩက္ကမိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သောဟံ သသံဃံ ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော ဧကိဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ။ ယံနူနာဟံ သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျန္တိ။ သော သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစတိ။ တဿ သံဃော ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒေတိ။ တေန, ဘိက္ခဝေ, ဘိက္ခုနာ တဒုပါဒါယ ဒွေ မာသာ ပရိဝသိတဗ္ဗာ။

၁၄၁. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော ; ဧကံ အာပတ္တိံ ဇာနာတိ, ဧကံ အာပတ္တိံ န ဇာနာတိ။ သော သသံဃံ ယံ အာပတ္တိံ ဇာနာတိ တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစတိ။ တဿ သံဃော တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒေတိ။ သော ပရိဝသန္တော ဣတရမ္ပိ အာပတ္တိံ ဇာနာတိ။ တဿ ဧဝံ ဟောတိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော; ဧကံ အာပတ္တိံ ဇာနိံ, ဧကံ အာပတ္တိံ န ဇာနိံ။ သောဟံ သသံဃံ ယံ အာပတ္တိံ ဇာနိံ တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ သောဟံ ပရိဝသန္တော ဣတရမ္ပိ အာပတ္တိံ ဇာနာမိ။ ယံနူနာဟံ သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သော သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစတိ။ တဿ သံဃော ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒေတိ။ တေန, ဘိက္ခဝေ, ဘိက္ခုနာ တဒုပါဒါယ ဒွေ မာသာ ပရိဝသိတဗ္ဗာ။

၁၄၂. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကံ အာပတ္တိံ သရတိ, ဧကံ အာပတ္တိံ နဿရတိ။ သော သသံဃံ ယံ အာပတ္တိံ သရတိ တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစတိ။ တဿ သံဃော တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒေတိ။ သော ပရိဝသန္တော ဣတရမ္ပိ အာပတ္တိံ သရတိ။ တဿ ဧဝံ ဟောတိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော; ဧကံ အာပတ္တိံ သရိံ, ဧကံ အာပတ္တိံ နဿရိံ။ သောဟံ သသံဃံ ယံ အာပတ္တိံ သရိံ, တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ သောဟံ ပရိဝသန္တော ဣတရမ္ပိ အာပတ္တိံ သရာမိ။ ယံနူနာဟံ သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သော သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစတိ။ တဿ သံဃော ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒေတိ။ တေန, ဘိက္ခဝေ, ဘိက္ခုနာ တဒုပါဒါယ ဒွေ မာသာ ပရိဝသိတဗ္ဗာ။

၁၄၃. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကာယ အာပတ္တိယာ နိဗ္ဗေမတိကော, ဧကာယ အာပတ္တိယာ ဝေမတိကော။ သော သသံဃံ ယာယ အာပတ္တိယာ နိဗ္ဗေမတိကော တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစတိ။ တဿ သံဃော တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒေတိ။ သော ပရိဝသန္တော ဣတရိဿာပိ အာပတ္တိယာ နိဗ္ဗေမတိကော ဟောတိ။ တဿ ဧဝံ ဟောတိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော; ဧကာယ အာပတ္တိယာ နိဗ္ဗေမတိကော, ဧကာယ အာပတ္တိယာ ဝေမတိကော။ သောဟံ သသံဃံ ယာယ အာပတ္တိယာ နိဗ္ဗေမတိကော တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစိံ။ တဿ မေ သံဃော တဿာ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ အဒါသိ။ သောဟံ ပရိဝသန္တော ဣတရိဿာပိ အာပတ္တိယာ နိဗ္ဗေမတိကော။ ယံနူနာဟံ သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစေယျ’န္တိ။ သော သသံဃံ ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ယာစတိ။ တဿ သံဃော ဣတရိဿာပိ အာပတ္တိယာ ဒွေမာသပ္ပဋိစ္ဆန္နာယ ဒွေမာသပရိဝါသံ ဒေတိ။ တေန, ဘိက္ခဝေ, ဘိက္ခုနာ တဒုပါဒါယ ဒွေ မာသာ ပရိဝသိတဗ္ဗာ။

၁၄၄. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကာ အာပတ္တိ ဇာနပ္ပဋိစ္ဆန္နာ, ဧကာ အာပတ္တိ အဇာနပ္ပဋိစ္ဆန္နာ။ သော သသံဃံ တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစတိ။ တဿ သံဃော တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ဒေတိ။ တဿ ပရိဝသန္တဿ အညော ဘိက္ခု အာဂစ္ဆတိ ဗဟုဿုတော အာဂတာဂမော ဓမ္မဓရော ဝိနယဓရော မာတိကာဓရော ပဏ္ဍိတော ဝိယတ္တော မေဓါဝီ လဇ္ဇီ ကုက္ကုစ္စကော သိက္ခာကာမော။ သော ဧဝံ ဝဒေတိ – ‘ကိံ အယံ, အာဝုသော, ဘိက္ခု အာပန္နော? ကိဿာယံ ဘိက္ခု ပရိဝသတီ’တိ? တေ ဧဝံ ဝဒေန္တိ – ‘အယံ, အာဝုသော, ဘိက္ခု ဒွေ သံဃာဒိသေသာ အာပတ္တိယော အာပဇ္ဇိ ဒွေမာသပ္ပဋိစ္ဆန္နာယော; ဧကာ အာပတ္တိ ဇာနပ္ပဋိစ္ဆန္နာ, ဧကာ အာပတ္တိ အဇာနပ္ပဋိစ္ဆန္နာ။ သော သသံဃံ တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစတိ။ တဿ သံဃော တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ အဒါသိ။ တာယော အယံ, အာဝုသော, ဘိက္ခု အာပန္နော, တာသာယံ ဘိက္ခု ပရိဝသတီ’တိ။ သော ဧဝံ ဝဒေတိ – ‘ယာယံ, အာဝုသော , အာပတ္တိ ဇာနပ္ပဋိစ္ဆန္နာ, ဓမ္မိကံ တဿာ အာပတ္တိယာ ပရိဝါသဒါနံ; ဓမ္မတ္တာ ရုဟတိ။ ယာ စ ခွါယံ, အာဝုသော, အာပတ္တိ အဇာနပ္ပဋိစ္ဆန္နာ, အဓမ္မိကံ တဿာ အာပတ္တိယာ ပရိဝါသဒါနံ; အဓမ္မတ္တာ န ရုဟတိ။ ဧကိဿာ, အာဝုသော, အာပတ္တိယာ ဘိက္ခု မာနတ္တာရဟော’’’တိ။

၁၄၅. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကာ အာပတ္တိ သရမာနပ္ပဋိစ္ဆန္နာ, ဧကာ အာပတ္တိ အဿရမာနပ္ပဋိစ္ဆန္နာ။ သော သသံဃံ တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစတိ။ တဿ သံဃော တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ဒေတိ။ တဿ ပရိဝသန္တဿ အညော ဘိက္ခု အာဂစ္ဆတိ ဗဟုဿုတော အာဂတာဂမော ဓမ္မဓရော ဝိနယဓရော မာတိကာဓရော ပဏ္ဍိတော ဝိယတ္တော မေဓါဝီ လဇ္ဇီ ကုက္ကုစ္စကော သိက္ခာကာမော။ သော ဧဝံ ဝဒေတိ – ‘ကိ အယံ, အာဝုသော, ဘိက္ခု အာပန္နော? ကိဿာယံ ဘိက္ခု ပရိဝသတီ’တိ? တေ ဧဝံ ဝဒေန္တိ – ‘အယံ, အာဝုသော, ဘိက္ခု ဒွေ သံဃာဒိသေသာ အာပတ္တိယော အာပဇ္ဇိ ဒွေမာသပ္ပဋိစ္ဆန္နာယော; ဧကာ အာပတ္တိ သရမာနပ္ပဋိစ္ဆန္နာ, ဧကာ အာပတ္တိ အဿရမာနပ္ပဋိစ္ဆန္နာ။ သော သသံဃံ တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစိ။ တဿ သံဃော တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ အဒါသိ။ တာယော အယံ, အာဝုသော, ဘိက္ခု အာပန္နော; တာသာယံ ဘိက္ခု ပရိဝသတီ’တိ။ သော ဧဝံ ဝဒေတိ – ‘ယာယံ, အာဝုသော , အာပတ္တိ သရမာနပ္ပဋိစ္ဆန္နာ ဓမ္မိကံ တဿာ အာပတ္တိယာ ပရိဝါသဒါနံ; ဓမ္မတ္တာ ရုဟတိ။ ယာ စ ခွါယံ, အာဝုသော, အာပတ္တိ အဿရမာနပ္ပဋိစ္ဆန္နာ, အဓမ္မိကံ တဿာ အာပတ္တိယာ ပရိဝါသဒါနံ; အဓမ္မတ္တာ န ရုဟတိ။ ဧကိဿာ, အာဝုသော, အာပတ္တိယာ ဘိက္ခု မာနတ္တာရဟော’’’တိ။

၁၄၆. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကာ အာပတ္တိ နိဗ္ဗေမတိကပ္ပဋိစ္ဆန္နာ, ဧကာ အာပတ္တိ ဝေမတိကပ္ပဋိစ္ဆန္နာ။ သော သသံဃံ တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစတိ။ တဿ သံဃော တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ဒေတိ။ တဿ ပရိဝသန္တဿ အညော ဘိက္ခု အာဂစ္ဆတိ ဗဟုဿုတော အာဂတာဂမော ဓမ္မဓရော ဝိနယဓရော မာတိကာဓရော ပဏ္ဍိတော ဝိယတ္တော မေဓါဝီ လဇ္ဇီ ကုက္ကုစ္စကော သိက္ခာကာမော။ သော ဧဝံ ဝဒေတိ – ‘ကိံ အယံ, အာဝုသော, ဘိက္ခု အာပန္နော? ကိဿာယံ ဘိက္ခု ပရိဝသတီ’တိ? တေ ဧဝံ ဝဒေန္တိ – ‘အယံ, အာဝုသော, ဘိက္ခု ဒွေ သံဃာဒိသေသာ အာပတ္တိယော အာပဇ္ဇိ ဒွေမာသပ္ပဋိစ္ဆန္နာယော; ဧကာ အာပတ္တိ နိဗ္ဗေမတိကပ္ပဋိစ္ဆန္နာ, ဧကာ အာပတ္တိ ဝေမတိကပ္ပဋိစ္ဆန္နာ။ သော သသံဃံ တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစိ။ တဿ သံဃော တာသံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ အဒါသိ။ တာယော အယံ, အာဝုသော, ဘိက္ခု အာပန္နော; တာသာယံ ဘိက္ခု ပရိဝသတီ’တိ။ သော ဧဝံ ဝဒေတိ – ‘ယာယံ , အာဝုသော, အာပတ္တိ နိဗ္ဗေမတိကပ္ပဋိစ္ဆန္နာ, ဓမ္မိကံ တဿာ အာပတ္တိယာ ပရိဝါသဒါနံ; ဓမ္မတ္တာ ရုဟတိ။ ယာ စ ခွါယံ, အာဝုသော, အာပတ္တိ ဝေမတိကပ္ပဋိစ္ဆန္နာ အဓမ္မိကံ တဿာ အာပတ္တိယာ ပရိဝါသဒါနံ; အဓမ္မတ္တာ န ရုဟတိ။ ဧကိဿာ, အာဝုသော, အာပတ္တိယာ ဘိက္ခု မာနတ္တာရဟော’’တိ။

၁၄၇. တေန ခေါ ပန သမယေန အညတ္တရော ဘိက္ခု ဒွေ သံဃာဒိသေသာ အာပတ္တိယော အာပန္နော ဟောတိ ဒွေမာသပ္ပဋိစ္ဆန္နာယော။ တဿ ဧတဒဟောသိ – ‘‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’’န္တိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ ပရိဝသန္တဿ လဇ္ဇီဓမ္မော ဩက္ကမိ – ‘‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ [ဣတရမ္ပိ မာသပရိဝါသံ (သျာ. က. ဧဝမုပရိပိ)] ယာစေယျ’’န္တိ။

သော ဘိက္ခူနံ အာရောစေသိ – ‘‘အဟံ ခေါ, အာဝုသော, ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစေယျ’န္တိ။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော တဿ ဘိက္ခုနော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗော –

‘‘တေန, ဘိက္ခဝေ, ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – အဟံ, ဘန္တေ, ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော ။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစေယျန္တိ။ သောဟံ, ဘန္တေ, သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစာမီတိ။ ဒုတိယမ္ပိ ယာစိတဗ္ဗော။ တတိယမ္ပိ ယာစိတဗ္ဗော။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၄၈. ‘‘သုဏာတု မေ, ဘန္တေ, သံဃော။ အယံ ဣတ္ထန္နာမော ဘိက္ခု ဒွေ သံဃာဒိသေသာ အာပတ္တိယော အာပဇ္ဇိ ဒွေမာသပ္ပဋိစ္ဆန္နာယော။ တဿ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ ပရိဝသန္တဿ လဇ္ဇီဓမ္မော ဩက္ကမိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစေယျန္တိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစတိ။ ယဒိ သံဃဿ ပတ္တကလ္လံ, သံဃော ဣတ္ထန္နာမဿ ဘိက္ခုနော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဣတ္ထန္နာမော ဘိက္ခု ဒွေ သံဃာဒိသေသာ အာပတ္တိယော အာပဇ္ဇိ ဒွေမာသပ္ပဋိစ္ဆန္နာယော။ တဿ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ ပရိဝသန္တဿ လဇ္ဇီဓမ္မော ဩက္ကမိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစေယျ’န္တိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစတိ။ သံဃော ဣတ္ထန္နာမဿ ဘိက္ခုနော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ဒေတိ။ ယဿာယသ္မတော ခမတိ ဣတ္ထန္နာမဿ ဘိက္ခုနော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသဿ [ဣတရမ္ပိ မာသပရိဝါသဿ (က.), ဣတရဿပိ မာသပရိဝါသဿ (သျာ.)] ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ဒိန္နော သံဃေန ဣတ္ထန္နာမဿ ဘိက္ခုနော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသော [ဣတရမ္ပိ မာသပရိဝါသော (က.), ဣတရောပိ မာသပရိဝါသော (သျာ.)]။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

‘‘တေန, ဘိက္ခဝေ, ဘိက္ခုနာ ပုရိမံ ဥပါဒါယ ဒွေ မာသာ ပရိဝသိတဗ္ဗာ။

၁၄၉. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော။ တဿ ဧဝံ ဟောတိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစတိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ဒေတိ။ တဿ ပရိဝသန္တဿ လဇ္ဇီဓမ္မော ဩက္ကမိ – အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ တဿ မေ ဧတဒဟောသိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစေယျ’န္တိ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဧကမာသပရိဝါသံ အဒါသိ။ တဿ မေ ပရိဝသန္တဿ လဇ္ဇီဓမ္မော ဩက္ကမိ။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစေယျ’န္တိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစတိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ဒေတိ။ တေန, ဘိက္ခဝေ, ဘိက္ခုနာ ပုရိမံ ဥပါဒါယ ဒွေ မာသာ ပရိဝသိတဗ္ဗာ။

၁၅၀. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကံ မာသံ ဇာနာတိ, ဧကံ မာသံ န ဇာနာတိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ ဇာနာတိ တံ မာသံ ပရိဝါသံ ယာစတိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ ဇာနာတိ တံ မာသံ ပရိဝါသံ ဒေတိ။ သော ပရိဝသန္တော ဣတရမ္ပိ မာသံ ဇာနာတိ။ တဿ ဧဝံ ဟောတိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော; ဧကံ မာသံ ဇာနိံ, ဧကံ မာသံ န ဇာနိံ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ ဇာနိံ တံ မာသံ ပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ ဇာနိံ တံ မာသံ ပရိဝါသံ အဒါသိ။ သောဟံ ပရိဝသန္တော ဣတရမ္ပိ မာသံ ဇာနာမိ။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစေယျ’န္တိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစတိ ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ဒေတိ။ တေန, ဘိက္ခဝေ, ဘိက္ခုနာ ပုရိမံ ဥပါဒါယ ဒွေ မာသာ ပရိဝသိတဗ္ဗာ။

၁၅၁. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကံ မာသံ သရတိ, ဧကံ မာသံ နဿရတိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ သရတိ တံ မာသံ ပရိဝါသံ ယာစတိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ သရတိ တံ မာသံ ပရိဝါသံ ဒေတိ။ သော ပရိဝသန္တော ဣတရမ္ပိ မာသံ သရတိ။ တဿ ဧဝံ ဟောတိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော; ဧကံ မာသံ သရိံ, ဧကံ မာသံ နဿရိံ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ သရိံ တံ မာသံ ပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ သရိံ တံ မာသံ ပရိဝါသံ အဒါသိ။ သောဟံ ပရိဝသန္တော ဣတရမ္ပိ မာသံ သရာမိ။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစေယျ’န္တိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစတိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ဒေတိ။ တေန, ဘိက္ခဝေ, ဘိက္ခုနာ ပုရိမံ ဥပါဒါယ ဒွေ မာသာ ပရိဝသိတဗ္ဗာ။

၁၅၂. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကံ မာသံ နိဗ္ဗေမတိကော, ဧကံ မာသံ ဝေမတိကော။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ နိဗ္ဗေမတိကော တံ မာသံ ပရိဝါသံ ယာစတိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ နိဗ္ဗေမတိကော တံ မာသံ ပရိဝါသံ ဒေတိ။ သော ပရိဝသန္တော ဣတရမ္ပိ မာသံ နိဗ္ဗေမတိကော ဟောတိ။ တဿ ဧဝံ ဟောတိ – ‘အဟံ ခေါ ဒွေ သံဃာဒိသေသာ အာပတ္တိယော အာပဇ္ဇိံ ဒွေမာသပ္ပဋိစ္ဆန္နာယော; ဧကံ မာသံ နိဗ္ဗေမတိကော, ဧကံ မာသံ ဝေမတိကော ။ သောဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ယံ မာသံ နိဗ္ဗေမတိကော တံ မာသံ ပရိဝါသံ ယာစိံ။ တဿ မေ သံဃော ဒွိန္နံ အာပတ္တီနံ ဒွေမာသပ္ပဋိစ္ဆာန္နာနံ ယံ မာသံ နိဗ္ဗေမတိကော တံ မာသံ ပရိဝါသံ အဒါသိ။ သောဟံ ပရိဝသန္တော ဣတရမ္ပိ မာသံ နိဗ္ဗေမတိကော။ ယံနူနာဟံ သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစေယျ’န္တိ။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ယာစတိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဣတရမ္ပိ မာသံ ပရိဝါသံ ဒေတိ။ တေန, ဘိက္ခဝေ , ဘိက္ခုနာ ပုရိမံ ဥပါဒါယ ဒွေ မာသာ ပရိဝသိတဗ္ဗာ။

၁၅၃. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကော မာသော ဇာနပ္ပဋိစ္ဆန္နော, ဧကော မာသော အဇာနပ္ပဋိစ္ဆန္နော။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစတိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ဒေတိ။ တဿ ပရိဝသန္တဿ အညော ဘိက္ခု အာဂစ္ဆတိ ဗဟုဿုတော အာဂတာဂမော ဓမ္မဓရော ဝိနယဓရော မာတိကာဓရော ပဏ္ဍိတော ဝိယတ္တော မေဓါဝီ လဇ္ဇီ ကုက္ကုစ္စကော သိက္ခာကာမော။ သော ဧဝံ ဝဒေတိ – ‘ကိံ အယံ, အာဝုသော, ဘိက္ခု အာပန္နော? ကိဿာယံ ဘိက္ခု ပရိဝသတီ’တိ? တေ ဧဝံ ဝဒေန္တိ – ‘အယံ, အာဝုသော, ဘိက္ခု ဒွေ သံဃာဒိသေသာ အာပတ္တိယော အာပဇ္ဇိ ဒွေမာသပ္ပဋိစ္ဆန္နာယော။ ဧကော မာသော ဇာနပ္ပဋိစ္ဆန္နော, ဧကော မာသော အဇာနပ္ပဋိစ္ဆန္နော။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ အဒါသိ။ တာယော အယံ, အာဝုသော, ဘိက္ခု အာပန္နော တာသာယံ ဘိက္ခု ပရိဝသတီ’တိ။ သော ဧဝံ ဝဒေတိ – ‘ယွာယံ, အာဝုသော, မာသော ဇာနပ္ပဋိစ္ဆန္နော ဓမ္မိကံ တဿ မာသဿ ပရိဝါသဒါနံ; ဓမ္မတ္တာ ရုဟတိ။ ယော စ ခွါယံ, အာဝုသော, မာသော အဇာနပ္ပဋိစ္ဆန္နော အဓမ္မိကံ တဿ မာသဿ ပရိဝါသဒါနံ; အဓမ္မတ္တာ န ရုဟတိ။ ဧကဿ, အာဝုသော , မာသဿ ဘိက္ခု မာနတ္တာရဟော’တိ။

၁၅၄. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကော မာသော သရမာနပ္ပဋိစ္ဆန္နော, ဧကော မာသော အဿရမာနပ္ပဋိစ္ဆန္နော။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစတိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ဒေတိ။ တဿ ပရိဝသန္တဿ အညော ဘိက္ခု အာဂစ္ဆတိ ဗဟုဿုတော အာဂတာဂမော ဓမ္မဓရော ဝိနယဓရော မာတိကာဓရော ပဏ္ဍိတော ဝိယတ္တော မေဓါဝီ လဇ္ဇီ ကုက္ကုစ္စကော သိက္ခာကာမော ။ သော ဧဝံ ဝဒေတိ – ‘ကိံ အယံ, အာဝုသော, ဘိက္ခု အာပန္နော? ကိဿာယံ ဘိက္ခု ပရိဝသတီ’တိ? တေ ဧဝံ ဝဒေန္တိ – ‘အယံ, အာဝုသော, ဘိက္ခု ဒွေ သံဃာဒိသေသာ အာပတ္တိယော အာပဇ္ဇိ ဒွေမာသပ္ပဋိစ္ဆန္နာယော; ဧကော မာသော သရမာနပ္ပဋိစ္ဆန္နော, ဧကော မာသော အဿရမာနပ္ပဋိစ္ဆန္နော။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ အဒါသိ။ တာယော အယံ, အာဝုသော, ဘိက္ခု အာပန္နော တာသာယံ ဘိက္ခု ပရိဝသတီ’တိ။ သော ဧဝံ ဝဒေတိ – ‘ယွာယံ, အာဝုသော, မာသော သရမာနပ္ပဋိစ္ဆန္နော ဓမ္မိကံ တဿ မာသဿ ပရိဝါသဒါနံ; ဓမ္မတ္တာ ရုဟတိ။ ယော စ ခွါယံ, အာဝုသော, မာသော အဿရမာနပ္ပဋိစ္ဆန္နော အဓမ္မိကံ တဿ မာသဿ ပရိဝါသဒါနံ; အဓမ္မတ္တာ န ရုဟတိ။ ဧကဿ, အာဝုသော, မာသဿ ဘိက္ခု မာနတ္တာရဟော’တိ။

၁၅၅. ‘‘ဣဓ ပန, ဘိက္ခဝေ, ဘိက္ခု ဒွေ သံဃာဒိသေသာ အာပတ္တိယော အာပဇ္ဇတိ ဒွေမာသပ္ပဋိစ္ဆန္နာယော; ဧကော မာသော နိဗ္ဗေမတိကပ္ပဋိစ္ဆန္နော, ဧကော မာသော ဝေမတိကပ္ပဋိစ္ဆန္နော။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစတိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ဒေတိ။ တဿ ပရိဝသန္တဿ အညော ဘိက္ခု အာဂစ္ဆတိ ဗဟုဿုတော အာဂတာဂမော ဓမ္မဓရော ဝိနယဓရော မာတိကာဓရော ပဏ္ဍိတော ဝိယတ္တော မေဓါဝီ လဇ္ဇီ ကုက္ကုစ္စကော သိက္ခာကာမော။ သော ဧဝံ ဝဒေတိ – ‘ကိံ အယံ, အာဝုသော, ဘိက္ခု အာပန္နော? ကိဿာယံ ဘိက္ခု ပရိဝသတီ’တိ? တေ ဧဝံ ဝဒေန္တိ – ‘အယံ, အာဝုသော, ဘိက္ခု ဒွေ သံဃာဒိသေသာ အာပတ္တိယော အာပဇ္ဇိ ဒွေမာသပ္ပဋိစ္ဆန္နာယော; ဧကော မာသော နိဗ္ဗေမတိကပ္ပဋိစ္ဆန္နော, ဧကော မာသော ဝေမတိကပ္ပဋိစ္ဆန္နော။ သော သသံဃံ ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ ယာစိ။ တဿ သံဃော ဒွိန္နံ အာပတ္တီနံ ဒွေမာသပ္ပဋိစ္ဆန္နာနံ ဒွေမာသပရိဝါသံ အဒါသိ။ တာယော အယံ, အာဝုသော, ဘိက္ခု အာပန္နော တာသာယံ ဘိက္ခု ပရိဝသတီ’တိ ။ သော ဧဝံ ဝဒေတိ – ‘ယွာယံ, အာဝုသော, မာသော နိဗ္ဗေမတိကပ္ပဋိစ္ဆန္နော ဓမ္မိကံ တဿ မာသဿ ပရိဝါသဒါနံ; ဓမ္မတ္တာ ရုဟတိ။ ယော စ ခွါယံ, အာဝုသော, မာသော ဝေမတိကပ္ပဋိစ္ဆန္နော အဓမ္မိကံ တဿ မာသဿ ပရိဝါသဒါနံ; အဓမ္မတ္တာ န ရုဟတိ။ ဧကဿ, အာဝုသော, မာသဿ ဘိက္ခု မာနတ္တာရဟော’’တိ။

သုဒ္ဓန္တပရိဝါသော

၁၅၆. တေန ခေါ ပန သမယေန အညတရော ဘိက္ခု သမ္ဗဟုလာ သံဃာဒိသေသာ အာပတ္တိယော အာပန္နော ဟောတိ။ သော အာပတ္တိပရိယန္တံ န ဇာနာတိ; ရတ္တိပရိယန္တံ န ဇာနာတိ; အာပတ္တိပရိယန္တံ နဿရတိ, ရတ္တိပရိယန္တံ နဿရတိ; အာပတ္တိပရိယန္တေ ဝေမတိကော, ရတ္တိပရိယန္တေ ဝေမတိကော။ သော ဘိက္ခူနံ အာရောစေသိ – ‘‘အဟံ, အာဝုသော, သမ္ဗဟုလာ သံဃာဒိသေသာ အာပတ္တိယော အာပဇ္ဇိံ; အာပတ္တိပရိယန္တံ န ဇာနာမိ, ရတ္တိပရိယန္တံ န ဇာနာမိ; အာပတ္တိပရိယန္တံ နဿရာမိ, ရတ္တိပရိယန္တံ နဿရာမိ; အာပတ္တိပရိယန္တေ ဝေမတိကော, ရတ္တိပရိယန္တေ ဝေမတိကော။ ကထံ နု ခေါ မယာ ပဋိပဇ္ဇိတဗ္ဗ’’န္တိ? ဘဂဝတော ဧတမတ္ထံ အာရောစေသုံ။ ‘‘တေန ဟိ, ဘိက္ခဝေ, သံဃော တဿ ဘိက္ခုနော တာသံ အာပတ္တီနံ သုဒ္ဓန္တပရိဝါသံ ဒေတု။ ဧဝဉ္စ ပန, ဘိက္ခဝေ, ဒါတဗ္ဗော –

‘‘တေန, ဘိက္ခဝေ, ဘိက္ခုနာ သသံဃံ ဥပသင်္ကမိတွာ။ပေ.။ ဧဝမဿ ဝစနီယော – ‘အဟံ, ဘန္တေ, သမ္ဗဟုလာ သံဃာဒိသေသာ အာပတ္တိယော အာပဇ္ဇိံ။ အာပတ္တိပရိယန္တံ န ဇာနာမိ, ရတ္တိပရိယန္တံ န ဇာနာမိ; အာပတ္တိပရိယန္တံ နဿရာမိ, ရတ္တိပရိယန္တံ နဿရာမိ; အာပတ္တိပရိယန္တေ ဝေမတိကော, ရတ္တိပရိယန္တေ ဝေမတိကော။ သောဟံ, ဘန္တေ, သသံဃံ တာသံ အာပတ္တီနံ သုဒ္ဓန္တပရိဝါသံ ယာစာမီ’တိ။ ဒုတိယမ္ပိ ယာစိတဗ္ဗော။ တတိယမ္ပိ ယာစိတဗ္ဗော။ ဗျတ္တေန ဘိက္ခုနာ ပဋိဗလေန သံဃော ဉာပေတဗ္ဗော –

၁၅၇. ‘‘သုဏာတု မေ, ဘန္တေ, သံဃော။ အယံ ဣတ္ထန္နာမော ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိ။ အာပတ္တိပရိယန္တံ န ဇာနာတိ, ရတ္တိပရိယန္တံ န ဇာနာတိ; အာပတ္တိပရိယန္တံ နဿရတိ, ရတ္တိပရိယန္တံ နဿရတိ; အာပတ္တိပရိယန္တေ ဝေမတိကော, ရတ္တိပရိယန္တေ ဝေမတိကော။ သော သသံဃံ တာသံ အာပတ္တီနံ သုဒ္ဓန္တပရိဝါသံ ယာစတိ။ ယဒိ သံဃဿ ပတ္တကလ္လံ, သံဃော ဣတ္ထန္နာမဿ ဘိက္ခုနော တာသံ အာပတ္တီနံ သုဒ္ဓန္တပရိဝါသံ ဒဒေယျ။ ဧသာ ဉတ္တိ။

‘‘သုဏာတု မေ, ဘန္တေ, သံဃော။ အယံ ဣတ္ထန္နာမော ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိ။ အာပတ္တိပရိယန္တံ န ဇာနာတိ, ရတ္တိပရိယန္တံ န ဇာနာတိ; အာပတ္တိပရိယန္တံ နဿရတိ , ရတ္တိပရိယန္တံ နဿရတိ; အာပတ္တိပရိယန္တေ ဝေမတိကော, ရတ္တိပရိယန္တေ ဝေမတိကော။ သော သသံဃံ တာသံ အာပတ္တီနံ သုဒ္ဓန္တပရိဝါသံ ယာစတိ။ သံဃော ဣတ္ထန္နာမဿ ဘိက္ခုနော တာသံ အာပတ္တီနံ သုဒ္ဓန္တပရိဝါသံ ဒေတိ။ ယဿာယသ္မတော ခမတိ ဣတ္ထန္နာမဿ ဘိက္ခုနော တာသံ အာပတ္တီနံ သုဒ္ဓန္တပရိဝါသဿ ဒါနံ, သော တုဏှဿ; ယဿ နက္ခမတိ, သော ဘာသေယျ။

‘‘ဒုတိယမ္ပိ ဧတမတ္ထံ ဝဒါမိ။ပေ.။ တတိယမ္ပိ ဧတမတ္ထံ ဝဒါမိ။ပေ.။။

‘‘ဒိန္နော သံဃေန ဣတ္ထန္နာမဿ ဘိက္ခုနော တာသံ အာပတ္တီနံ သုဒ္ဓန္တပရိဝါသော။ ခမတိ သံဃဿ, တသ္မာ တုဏှီ, ဧဝမေတံ ဓါရယာမီ’’တိ။

၁၅၈. ‘‘ဧဝံ ခေါ, ဘိက္ခဝေ, သုဒ္ဓန္တပရိဝါသော ဒါတဗ္ဗော; ဧဝံ ပရိဝါသော ဒါတဗ္ဗော။ ကထဉ္စ, ဘိက္ခဝေ, သုဒ္ဓန္တပရိဝါသော ဒါတဗ္ဗော? အာပတ္တိပရိယန္တံ န ဇာနာတိ, ရတ္တိပရိယန္တံ န ဇာနာတိ; အာပတ္တိပရိယန္တံ နဿရတိ, ရတ္တိပရိယန္တံ နဿရတိ; အာပတ္တိပရိယန္တေ ဝေမတိကော, ရတ္တိပရိယန္တေ ဝေမတိကော – သုဒ္ဓန္တပရိဝါသော ဒါတဗ္ဗော။

‘‘အာပတ္တိပရိယန္တံ ဇာနာတိ, ရတ္တိပရိယန္တံ န ဇာနာတိ; အာပတ္တိပရိယန္တံ သရတိ, ရတ္တိပရိယန္တံ နဿရတိ; အာပတ္တိပရိယန္တေ နိဗ္ဗေမတိကော, ရတ္တိပရိယန္တေ ဝေမတိကော – သုဒ္ဓန္တပရိဝါသော ဒါတဗ္ဗော။

‘‘အာပတ္တိပရိယန္တံ ဧကစ္စံ ဇာနာတိ, ဧကစ္စံ န ဇာနာတိ, ရတ္တိပရိယန္တံ န ဇာနာတိ; အာပတ္တိပရိယန္တံ ဧကစ္စံ သရတိ, ဧကစ္စံ နဿရတိ, ရတ္တိပရိယန္တံ နဿရတိ; အာပတ္တိပရိယန္တေ ဧကစ္စေ ဝေမတိကော, ဧကစ္စေ နိဗ္ဗေမတိကော, ရတ္တိပရိယန္တေ ဝေမတိကော – သုဒ္ဓန္တပရိဝါသော ဒါတဗ္ဗော။

‘‘အာပတ္တိပရိယန္တံ န ဇာနာတိ, ရတ္တိပရိယန္တံ ဧကစ္စံ ဇာနာတိ, ဧကစ္စံ န ဇာနာတိ; အာပတ္တိပရိယန္တံ နဿရတိ, ရတ္တိပရိယန္တံ ဧကစ္စံ သရတိ, ဧကစ္စံ နဿရတိ; အာပတ္တိပရိယန္တေ ဝေမတိကော, ရတ္တိပရိယန္တေ ဧကစ္စေ ဝေမတိကော, ဧကစ္စေ နိဗ္ဗေမတိကော – သုဒ္ဓန္တပရိဝါသော ဒါတဗ္ဗော။

‘‘အာပတ္တိပရိယန္တံ ဇာနာတိ, ရတ္တိပရိယန္တံ ဧကစ္စံ ဇာနာတိ, ဧကစ္စံ န ဇာနာတိ; အာပတ္တိပရိယန္တံ သရတိ, ရတ္တိပရိယန္တံ ဧကစ္စံ သရတိ, ဧကစ္စံ နဿရတိ; အာပတ္တိပရိယန္တေ နိဗ္ဗေမတိကော, ရတ္တိပရိယန္တေ ဧကစ္စေ ဝေမတိကော, ဧကစ္စေ နိဗ္ဗေမတိကော – သုဒ္ဓန္တပရိဝါသော ဒါတဗ္ဗော။

‘‘အာပတ္တိပရိယန္တံ ဧကစ္စံ ဇာနာတိ, ဧကစ္စံ န ဇာနာတိ; ရတ္တိပရိယန္တံ ဧကစ္စံ ဇာနာတိ, ဧကစ္စံ န ဇာနာတိ; အာပတ္တိပရိယန္တံ ဧကစ္စံ သရတိ, ဧကစ္စံ နဿရတိ ; ရတ္တိပရိယန္တံ ဧကစ္စံ သရတိ, ဧကစ္စံ နဿရတိ; အာပတ္တိပရိယန္တေ ဧကစ္စေ ဝေမတိကော, ဧကစ္စေ နိဗ္ဗေမတိကော; ရတ္တိပရိယန္တေ ဧကစ္စေ ဝေမတိကော, ဧကစ္စေ နိဗ္ဗေမတိကော – သုဒ္ဓန္တပရိဝါသော ဒါတဗ္ဗော။ ဧဝံ ခေါ, ဘိက္ခဝေ, သုဒ္ဓန္တပရိဝါသော ဒါတဗ္ဗော။

၁၅၉. ‘‘ကထဉ္စ, ဘိက္ခဝေ, ပရိဝါသော ဒါတဗ္ဗော? အာပတ္တိပရိယန္တံ ဇာနာတိ, ရတ္တိပရိယန္တံ ဇာနာတိ; အာပတ္တိပရိယန္တံ သရတိ, ရတ္တိပရိယန္တံ သရတိ; အာပတ္တိပရိယန္တေ နိဗ္ဗေမတိကော, ရတ္တိပရိယန္တေ နိဗ္ဗေမတိကော – ပရိဝါသော ဒါတဗ္ဗော။

‘‘အာပတ္တိပရိယန္တံ န ဇာနာတိ, ရတ္တိပရိယန္တံ ဇာနာတိ; အာပတ္တိပရိယန္တံ နဿရတိ, ရတ္တိပရိယန္တံ သရတိ, အာပတ္တိပရိယန္တေ ဝေမတိကော, ရတ္တိပရိယန္တေ နိဗ္ဗေမတိကော – ပရိဝါသော ဒါတဗ္ဗော။

‘‘အာပတ္တိပရိယန္တံ ဧကစ္စံ ဇာနာတိ, ဧကစ္စံ န ဇာနာတိ, ရတ္တိပရိယန္တံ ဇာနာတိ; အာပတ္တိပရိယန္တံ ဧကစ္စံ သရတိ, ဧကစ္စံ နဿရတိ, ရတ္တိပရိယန္တံ သရတိ; အာပတ္တိပရိယန္တေ ဧကစ္စေ ဝေမတိကော, ဧကစ္စေ နိဗ္ဗေမတိကော, ရတ္တိပရိယန္တေ နိဗ္ဗေမတိကော – ပရိဝါသော ဒါတဗ္ဗော။ ဧဝံ ခေါ, ဘိက္ခဝေ, ပရိဝါသော ဒါတဗ္ဗော။

ပရိဝါသော နိဋ္ဌိတော။

၃. စတ္တာလီသကံ

၁၆၀. တေန ခေါ ပန သမယေန အညတရော ဘိက္ခု ပရိဝသန္တော ဝိဗ္ဘမိ။ သော ပုန ပစ္စာဂန္တွာ ဘိက္ခူ ဥပသမ္ပဒံ ယာစိ။ ဘဂဝတော ဧတမတ္ထံ အာရောစေသုံ။

‘‘ဣဓ ပန, ဘိက္ခဝေ, ဘိက္ခု ပရိဝသန္တော ဝိဗ္ဘမတိ။ ဝိဗ္ဘန္တကဿ, ဘိက္ခဝေ, ပရိဝါသော န ရုဟတိ။ သော စေ ပုန ဥပသမ္ပဇ္ဇတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော, အဝသေသော ပရိဝသိတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော သာမဏေရော ဟောတိ။ သာမဏေရဿ, ဘိက္ခဝေ, ပရိဝါသော န ရုဟတိ။ သော စေ ပုန ဥပသမ္ပဇ္ဇတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော, အဝသေသော ပရိဝသိတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော ဥမ္မတ္တကော ဟောတိ။ ဥမ္မတ္တကဿ, ဘိက္ခဝေ, ပရိဝါသော န ရုဟတိ။ သော စေ ပုန အနုမ္မတ္တကော ဟောတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော, အဝသေသော ပရိဝသိတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော ခိတ္တစိတ္တော ဟောတိ။ ခိတ္တစိတ္တဿ, ဘိက္ခဝေ, ပရိဝါသော န ရုဟတိ။ သော စေ ပုန အခိတ္တစိတ္တော ဟောတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပုရိဝုတ္ထော သုပရိဝုတ္ထော, အဝသေသော ပရိဝသိတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော ဝေဒနာဋ္ဋော ဟောတိ။ ဝေဒနာဋ္ဋဿ , ဘိက္ခဝေ, ပရိဝါသော န ရုဟတိ။ သော စေ ပုန အဝေဒနာဋ္ဋော ဟောတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော, အဝသေသော ပရိဝသိတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော, အာပတ္တိယာ အဒဿနေ, ဥက္ခိပိယျတိ [ဥက္ခိပိယတိ (သျာ.), ဥက္ခိဣယတိ (က.)]။ ဥက္ခိတ္တကဿ, ဘိက္ခဝေ, ပရိဝါသော န ရုဟတိ။ သော စေ ပုန ဩသာရိယျတိ [ဩသာရိယတိ (သျာ.), ဩသာရီယတိ (က.)], တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော, အဝသေသော ပရိဝသိတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော, အာပတ္တိယာ အပ္ပဋိကမ္မေ, ဥက္ခိပိယျတိ။ ဥက္ခိတ္တကဿ, ဘိက္ခဝေ, ပရိဝါသော န ရုဟတိ။ သော စေ ပုန ဩသာရိယျတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော, အဝသေသော ပရိဝသိတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော, ပါပိကာယ ဒိဋ္ဌိယာ, အပ္ပဋိနိဿဂ္ဂေ, ဥက္ခိပိယျတိ။ ဥက္ခိတ္တကဿ, ဘိက္ခဝေ, ပရိဝါသော န ရုဟတိ။ သော စေ ပုန ဩသာရိယျတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော, အဝသေသော ပရိဝသိတဗ္ဗော။

၁၆၁. ‘‘ဣဓ ပန, ဘိက္ခဝေ, ဘိက္ခု မူလာယပဋိကဿနာရဟော ဝိဗ္ဘမတိ။ ဝိဗ္ဘန္တကဿ, ဘိက္ခဝေ, မူလာယပဋိကဿနာ န ရုဟတိ။ သော စေ ပုန ဥပသမ္ပဇ္ဇတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော။ သော ဘိက္ခု မူလာယ ပဋိကဿိတဗ္ဗော။

‘‘ဣဓ ပန, ဘိက္ခဝေ, ဘိက္ခု မူလာယပဋိကဿနာရဟော သာမဏေရော ဟောတိ။ပေ.။ ဥမ္မတ္တကော ဟောတိ။ပေ.။ ခိတ္တစိတ္တော ဟောတိ။ပေ.။ ဝေဒနာဋ္ဋော ဟောတိ။ပေ.။ အာပတ္တိယာ အဒဿနေ ဥက္ခိပိယျတိ။ပေ.။ အာပတ္တိယာ အပ္ပဋိကမ္မေ ဥက္ခိပိယျတိ။ပေ.။ ပါပိကာယ ဒိဋ္ဌိယာ, အပ္ပဋိနိဿဂ္ဂေ, ဥက္ခိပိယျတိ။ ဥက္ခိတ္တကဿ, ဘိက္ခဝေ, မူလာယပဋိကဿနာ န ရုဟတိ။ သော စေ ပုန ဩသာရိယျတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော။ သော ဘိက္ခု မူလာယ ပဋိကဿိတဗ္ဗော။

၁၆၂. ‘‘ဣဓ ပန, ဘိက္ခဝေ, ဘိက္ခု မာနတ္တာရဟော ဝိဗ္ဘမတိ။ ဝိဗ္ဘန္တကဿ, ဘိက္ခဝေ, မာနတ္တဒါနံ န ရုဟတိ။ သော စေ ပုန ဥပသမ္ပဇ္ဇတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော။ တဿ ဘိက္ခုနော မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု မာနတ္တာရဟော သာမဏေရော ဟောတိ။ပေ.။ ဥမ္မတ္တကော ဟောတိ။ပေ.။ ခိတ္တစိတ္တော ဟောတိ။ပေ.။ ဝေဒနာဋ္ဋော ဟောတိ။ပေ.။ အာပတ္တိယာ အဒဿနေ, ဥက္ခိပိယျတိ။ပေ.။ အာပတ္တိယာ အပ္ပဋိကမ္မေ, ဥက္ခိပိယျတိ။ပေ.။ ပါပိကာယ ဒိဋ္ဌိယာ, အပ္ပဋိနိဿဂ္ဂေ , ဥက္ခိပိယျတိ။ ဥက္ခိတ္တကဿ, ဘိက္ခဝေ, မာနတ္တဒါနံ န ရုဟတိ။ သော စေ ပုန ဩသာရိယျတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော။ တဿ ဘိက္ခုနော မာနတ္တံ ဒါတဗ္ဗံ။

၁၆၃. ‘‘ဣဓ ပန, ဘိက္ခဝေ, ဘိက္ခု မာနတ္တံ စရန္တော ဝိဗ္ဘမတိ။ ဝိဗ္ဘန္တကဿ, ဘိက္ခဝေ , မာနတ္တစရိယာ န ရုဟတိ။ သော စေ ပုန ဥပသမ္ပဇ္ဇတိ တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော; ယံ မာနတ္တံ ဒိန္နံ သုဒိန္နံ, ယံ မာနတ္တံ စိဏ္ဏံ သုစိဏ္ဏံ, အဝသေသံ စရိတဗ္ဗံ။

‘‘ဣဓ ပန, ဘိက္ခဝေ, ဘိက္ခု မာနတ္တံ စရန္တော သာမဏေရော ဟောတိ။ပေ.။ ဥမ္မတ္တကော ဟောတိ။ပေ.။ ခိတ္တစိတ္တော ဟောတိ။ပေ.။ ဝေဒနာဋ္ဋော ဟောတိ။ပေ.။ အာပတ္တိယာ အဒဿနေ, ဥက္ခိပိယျတိ။ပေ.။ အာပတ္တိယာ အပ္ပဋိကမ္မေ, ဥက္ခိပိယျတိ။ပေ.။ ပါပိကာယ ဒိဋ္ဌိယာ, အပ္ပဋိနိဿဂ္ဂေ, ဥက္ခိပိယျတိ။ ဥက္ခိတ္တကဿ, ဘိက္ခဝေ, မာနတ္တစရိယာ န ရုဟတိ။ သော စေ ပုန ဩသာရိယျတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပုရိဝုတ္ထော သုပရိဝုတ္ထော; ယံ မာနတ္တံ ဒိန္နံ သုဒိန္နံ, ယံ မာနတ္တံ စိဏ္ဏံ သုစိဏ္ဏံ, အဝသေသံ စရိတဗ္ဗံ။

၁၆၄. ‘‘ဣဓ ပန, ဘိက္ခဝေ, ဘိက္ခု အဗ္ဘာနာရဟော ဝိဗ္ဘမတိ။ ဝိဗ္ဘန္တကဿ, ဘိက္ခဝေ, အဗ္ဘာနံ န ရုဟတိ။ သော စေ ပုန ဥပသမ္ပဇ္ဇတိ , တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော; ယံ မာနတ္တံ ဒိန္နံ သုဒိန္နံ, ယံ မာနတ္တံ စိဏ္ဏံ သုစိဏ္ဏံ။ သော ဘိက္ခု အဗ္ဘေတဗ္ဗော။

‘‘ဣဓ ပန, ဘိက္ခဝေ, ဘိက္ခု အဗ္ဘာနာရဟော သာမဏေရော ဟောတိ။ပေ.။ ဥမ္မတ္တကော ဟောတိ။ပေ.။

ခိတ္တစိတ္တော ဟောတိ။ပေ.။ ဝေဒနာဋ္ဋော ဟောတိ။ပေ.။ အာပတ္တိယာ အဒဿနေ, ဥက္ခိပိယျတိ။ပေ.။ အာပတ္တိယာ အပ္ပဋိကမ္မေ, ဥက္ခိပိယျတိ။ပေ.။ ပါပိကာယ ဒိဋ္ဌိယာ, အပ္ပဋိနိဿဂ္ဂေ, ဥက္ခိပိယျတိ။ ဥက္ခိတ္တကဿ, ဘိက္ခဝေ, အဗ္ဘာနံ န ရုဟတိ။ သော စေ ပုန ဩသာရိယျတိ, တဿ တဒေဝ ပုရိမံ ပရိဝါသဒါနံ။ ယော ပရိဝါသော ဒိန္နော သုဒိန္နော, ယော ပရိဝုတ္ထော သုပရိဝုတ္ထော; ယံ မာနတ္တံ ဒိန္နံ သုဒိန္နံ, ယံ မာနတ္တံ စိဏ္ဏံ သုစိဏ္ဏံ။ သော ဘိက္ခု အဗ္ဘေတဗ္ဗော။

စတ္တာလီသကံ သမတ္တံ။

၄. ဆတ္တိံသကံ

၁၆၅. ‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ [ပရိမာဏာယော (သီ. သျာ.)] အပ္ပဋိစ္ဆန္နာယော။ သော ဘိက္ခု မူလာယ ပဋိကဿိတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ ပဋိစ္ဆန္နာယော။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ အပရိမာဏာ [အပရိမာဏာယော (သီ. သျာ.)] အပ္ပဋိစ္ဆန္နာယော။ပေ.။ အပရိမာဏာ ပဋိစ္ဆန္နာယော။ပေ.။ အပရိမာဏာ ပဋိစ္ဆန္နာယောပိ အပ္ပဋိစ္ဆန္နာယောပိ။ပေ.။ ပရိမာဏာယောပိ အပရိမာဏာယောပိ အပ္ပဋိစ္ဆန္နာယော။ပေ.။ ပရိမာဏာယောပိ အပရိမာဏာယောပိ ပဋိစ္ဆန္နာယော။ပေ.။ ပရိမာဏာယောပိ အပရိမာဏာယောပိ ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု မာနတ္တာရဟော။ပေ.။ မာနတ္တံ စရန္တော။ပေ.။ (ယထာပရိဝါသံ တထာ ဝိတ္ထာရေတဗ္ဗံ) အဗ္ဘာနာရဟော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ အပ္ပဋိစ္ဆန္နာယော။ပေ.။ ပရိမာဏာ ပဋိစ္ဆန္နာယော။ပေ.။ ပရိမာဏာ ပဋိစ္ဆန္နာယောပိ အပ္ပဋိစ္ဆန္နာယောပိ။ပေ.။ အပရိမာဏာ အပ္ပဋိစ္ဆန္နာယော။ပေ.။ အပရိမာဏာ ပဋိစ္ဆန္နာယော။ပေ.။ အပရိမာဏာ ပဋိစ္ဆန္နာယောပိ အပ္ပဋိစ္ဆန္နာယောပိ။ပေ.။ ပရိမာဏာယောပိ အပရိမာဏာယောပိ အပ္ပဋိစ္ဆန္နာယော။ပေ.။ ပရိမာဏာယောပိ အပရိမာဏာယောပိ ပဋိစ္ဆန္နာယော။ပေ.။ ပရိမာဏာယောပိ အပရိမာဏာယောပိ ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

ဆတ္တိံသကံ သမတ္တံ။

၅. မာနတ္တသတကံ

၁၆၆. ‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ အပ္ပဋိစ္ဆာဒေတွာ ဝိဗ္ဘမတိ။ သော ပုန [သော စေ ပုန (က.)] ဥပသမ္ပန္နော တာ အာပတ္တိယော နစ္ဆာဒေတိ။ တဿ, ဘိက္ခဝေ, ဘိက္ခုနော မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ အပ္ပဋိစ္ဆာဒေတွာ ဝိဗ္ဘမတိ။ သော ပုန ဥပသမ္ပန္နော တာ အာပတ္တိယော ဆာဒေတိ။ တဿ, ဘိက္ခဝေ, ဘိက္ခုနော ပစ္ဆိမသ္မိံ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ ပဋိစ္ဆာဒေတွာ ဝိဗ္ဘမတိ။ သော ပုန ဥပသမ္ပန္နော တာ အာပတ္တိယော နစ္ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိံ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ ပဋိစ္ဆာဒေတွာ ဝိဗ္ဘမတိ။ သော ပုန ဥပသမ္ပန္နော တာ အာပတ္တိယော ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

၁၆၇. ‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဆာဒေသိ တာ အာပတ္တိယော ပစ္ဆာ နစ္ဆာဒေတိ; ယာ အာပတ္တိယော ပုဗ္ဗေ နစ္ဆာဒေသိ တာ အာပတ္တိယော ပစ္ဆာ နစ္ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိံ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဆာဒေသိ တာ အာပတ္တိယော ပစ္ဆာ နစ္ဆာဒေတိ; ယာ အာပတ္တိယော ပုဗ္ဗေ နစ္ဆာဒေသိ တာ အာပတ္တိယော ပစ္ဆာ ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဆာဒေသိ တာ အာပတ္တိယော ပစ္ဆာ ဆာဒေတိ; ယာ အာပတ္တိယော ပုဗ္ဗေ နစ္ဆာဒေသိ တာ အာပတ္တိယော ပစ္ဆာ နစ္ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဆာဒေသိ တာ အာပတ္တိယော ပစ္ဆာ ဆာဒေတိ; ယာ အာပတ္တိယော ပုဗ္ဗေ နစ္ဆာဒေသိ တာ အာပတ္တိယော ပစ္ဆာ ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

၁၆၈. ‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ ယာ အာပတ္တိယော ဇာနာတိ တာ အာပတ္တိယော ဆာဒေတိ။ ယာ အာပတ္တိယော န ဇာနာတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဇာနိတွာ ဆာဒေသိ တာ အာပတ္တိယော ပစ္ဆာ ဇာနိတွာ နစ္ဆာဒေတိ; ယာ အာပတ္တိယော ပုဗ္ဗေ အဇာနိတွာ နစ္ဆာဒေသိ တာ အာပတ္တိယော ပစ္ဆာ ဇာနိတွာ နစ္ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိံ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ ယာ အာပတ္တိယော ဇာနာတိ တာ အာပတ္တိယော ဆာဒေတိ။ ယာ အာပတ္တိယော န ဇာနာတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဇာနိတွာ ဆာဒေသိ တာ အာပတ္တိယော ပစ္ဆာ ဇာနိတွာ နစ္ဆာဒေတိ; ယာ အာပတ္တိယော ပုဗ္ဗေ အဇာနိတွာ နစ္ဆာဒေသိ တာ အာပတ္တိယော ပစ္ဆာ ဇာနိတွာ ဆာဒေတိ။ တဿ , ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ ယာ အာပတ္တိယော ဇာနာတိ တာ အာပတ္တိယော ဆာဒေတိ။ ယာ အာပတ္တိယော န ဇာနာတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဇာနိတွာ ဆာဒေသိ တာ အာပတ္တိယော ပစ္ဆာ ဇာနိတွာ ဆာဒေတိ; ယာ အာပတ္တိယော ပုဗ္ဗေ အဇာနိတွာ နစ္ဆာဒေသိ တာ အာပတ္တိယော ပစ္ဆာ ဇာနိတွာ နစ္ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ ယာ အာပတ္တိယော ဇာနာတိ တာ အာပတ္တိယော ဆာဒေတိ; ယာ အာပတ္တိယော န ဇာနာတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဇာနိတွာ ဆာဒေသိ တာ အာပတ္တိယော ပစ္ဆာ ဇာနိတွာ ဆာဒေတိ; ယာ အာပတ္တိယော ပုဗ္ဗေ အဇာနိတွာ နစ္ဆာဒေသိ တာ အာပတ္တိယော ပစ္ဆာ ဇာနိတွာ ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

၁၆၉. ‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ ယာ အာပတ္တိယော သရတိ တာ အာပတ္တိယော ဆာဒေတိ; ယာ အာပတ္တိယော နဿရတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ သရိတွာ ဆာဒေသိ တာ အာပတ္တိယော ပစ္ဆာ သရိတွာ နစ္ဆာဒေတိ; ယာ အာပတ္တိယော ပုဗ္ဗေ အဿရိတွာ နစ္ဆာဒေသိ တာ အာပတ္တိယော ပစ္ဆာ သရိတွာ နစ္ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိံ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ ယာ အာပတ္တိယော သရတိ တာ အာပတ္တိယော ဆာဒေတိ; ယာ အာပတ္တိယော နဿရတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ သရိတွာ ဆာဒေသိ တာ အာပတ္တိယော ပစ္ဆာ သရိတွာ နစ္ဆာဒေတိ; ယာ အာပတ္တိယော ပုဗ္ဗေ အဿရိတွာ နစ္ဆာဒေသိ တာ အာပတ္တိယော ပစ္ဆာ သရိတွာ ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ ယာ အာပတ္တိယော သရတိ တာ အာပတ္တိယော ဆာဒေတိ; ယာ အာပတ္တိယော နဿရတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ သရိတွာ ဆာဒေသိ တာ အာပတ္တိယော ပစ္ဆာ သရိတွာ ဆာဒေတိ; ယာ အာပတ္တိယော ပုဗ္ဗေ အဿရိတွာ နစ္ဆာဒေသိ တာ အာပတ္တိယော ပစ္ဆာ သရိတွာ နစ္ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ ယာ အာပတ္တိယော သရတိ တာ အာပတ္တိယော ဆာဒေတိ; ယာ အာပတ္တိယော နဿရတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ သရိတွာ ဆာဒေသိ တာ အာပတ္တိယော ပစ္ဆာ သရိတွာ ဆာဒေတိ; ယာ အာပတ္တိယော ပုဗ္ဗေ အဿရိတွာ နစ္သာဒေသိ တာ အာပတ္တိယော ပစ္ဆာ သရိတွာ ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

၁၇၀. ‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိံ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

၁၇၁. ‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ အပ္ပဋိစ္ဆာဒေတွာ သာမဏေရော ဟောတိ။ပေ.။ ဥမ္မတ္တကော ဟောတိ။ပေ.။ ခိတ္တစိတ္တော ဟောတိ။ပေ.။ (ယထာ ဟေဋ္ဌာ တထာ ဝိတ္ထာရေတဗ္ဗံ) ဝေဒနာဋ္ဋော ဟောတိ။ပေ.။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ။ပေ.။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ပေ.။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ပေ.။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝေဒနာဋ္ဋော ဟောတိ။ သော ပုန အဝေဒနာဋ္ဋော ဟုတွာ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ။ပေ.။ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ။ပေ.။ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ။ပေ.။ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ။ တဿ, ဘိက္ခဝေ, ဘိက္ခုနော ပုရိမသ္မိဉ္စ ပစ္ဆိမသ္မိဉ္စ အာပတ္တိက္ခန္ဓေ ယထာပဋိစ္ဆန္နေ ပရိဝါသံ ဒတွာ မာနတ္တံ ဒါတဗ္ဗံ။

မာနတ္တသတံ နိဋ္ဌိတံ။

၆. သမူလာယသမောဓါနပရိဝါသစတုဿတံ

၁၇၂. ‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ အပ္ပဋိစ္ဆာဒေတွာ ဝိဗ္ဘမတိ။ သော ပုန ဥပသမ္ပန္နော တာ အာပတ္တိယော နစ္ဆာဒေတိ။ သော ဘိက္ခု မူလာယ ပဋိကဿိတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ အပ္ပဋိစ္ဆာဒေတွာ ဝိဗ္ဘမတိ။ သော ပုန ဥပသမ္ပန္နော တာ အာပတ္တိယော ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ ပဋိစ္ဆာဒေတွာ ဝိဗ္ဘမတိ။ သော ပုန ဥပသမ္ပန္နော တာ အာပတ္တိယော နစ္ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ ပဋိစ္ဆာဒေတွာ ဝိဗ္ဘမတိ။ သော ပုန ဥပသမ္ပန္နော တာ အာပတ္တိယော ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

၁၇၃. ‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဆာဒေသိ တာ အာပတ္တိယော ပစ္ဆာ နစ္ဆာဒေတိ; ယာ အာပတ္တိယော ပုဗ္ဗေ နစ္ဆာဒေသိ တာ အာပတ္တိယော ပစ္ဆာ နစ္ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဆာဒေသိ တာ အာပတ္တိယော ပစ္ဆာ နစ္ဆာဒေတိ; ယာ အာပတ္တိယော ပုဗ္ဗေ နစ္ဆာဒေသိ တာ အာပတ္တိယော ပစ္ဆာ ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဆာဒေသိ တာ အာပတ္တိယော ပစ္ဆာ ဆာဒေတိ; ယာ အာပတ္တိယော ပုဗ္ဗေ နစ္ဆာဒေသိ တာ အာပတ္တိယော ပစ္ဆာ နစ္ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဆာဒေသိ တာ အာပတ္တိယော ပစ္ဆာ ဆာဒေတိ; ယာ အာပတ္တိယော ပုဗ္ဗေ နစ္ဆာဒေသိ တာ အာပတ္တိယော ပစ္ဆာ ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

၁၇၄. ‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ ယာ အာပတ္တိယော ဇာနာတိ တာ အာပတ္တိယော ဆာဒေတိ; ယာ အာပတ္တိယော န ဇာနာတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဇာနိတွာ ဆာဒေသိ တာ အာပတ္တိယော ပစ္ဆာ ဇာနိတွာ နစ္ဆာဒေတိ; ယာ အာပတ္တိယော ပုဗ္ဗေ အဇာနိတွာ နစ္ဆာဒေသိ တာ အာပတ္တိယော ပစ္ဆာ ဇာနိတွာ နစ္ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ ယာ အာပတ္တိယော ဇာနာတိ တာ အာပတ္တိယော ဆာဒေတိ; ယာ အာပတ္တိယော န ဇာနာတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဇာနိတွာ ဆာဒေသိ တာ အာပတ္တိယော ပစ္ဆာ ဇာနိတွာ နစ္ဆာဒေတိ; ယာ အာပတ္တိယော ပုဗ္ဗေ အဇာနိတွာ နစ္ဆာဒေသိ တာ အာပတ္တိယော ပစ္ဆာ ဇာနိတွာ ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ ယာ အာပတ္တိယော ဇာနာတိ တာ အာပတ္တိယော ဆာဒေတိ; ယာ အာပတ္တိယော န ဇာနာတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဇာနိတွာ ဆာဒေသိ တာ အာပတ္တိယော ပစ္ဆာ ဇာနိတွာ ဆာဒေတိ; ယာ အာပတ္တိယော ပုဗ္ဗေ အဇာနိတွာ နစ္ဆာဒေသိ တာ အာပတ္တိယော ပစ္ဆာ ဇာနိတွာ နစ္ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ ယာ အာပတ္တိယော ဇာနာတိ တာ အာပတ္တိယော ဆာဒေတိ, ယာ အာပတ္တိယော န ဇာနာတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ ဇာနိတွာ ဆာဒေသိ တာ အာပတ္တိယော ပစ္ဆာ ဇာနိတွာ ဆာဒေတိ; ယာ အာပတ္တိယော ပုဗ္ဗေ အဇာနိတွာ နစ္ဆာဒေသိ တာ အာပတ္တိယော ပစ္ဆာ ဇာနိတွာ ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

၁၇၅. ‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ ယာ အာပတ္တိယော သရတိ တာ အာပတ္တိယော ဆာဒေတိ; ယာ အာပတ္တိယော နဿရတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ သရိတွာ ဆာဒေသိ တာ အာပတ္တိယော ပစ္ဆာ သရိတွာ နစ္ဆာဒေတိ; ယာ အာပတ္တိယော ပုဗ္ဗေ အဿရိတွာ နစ္ဆာဒေသိ တာ အာပတ္တိယော ပစ္ဆာ သရိတွာ နစ္ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ ယာ အာပတ္တိယော သရတိ တာ အာပတ္တိယော ဆာဒေတိ; ယာ အာပတ္တိယော နဿရတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ သရိတွာ ဆာဒေသိ တာ အာပတ္တိယော ပစ္ဆာ သရိတွာ နစ္ဆာဒေတိ; ယာ အာပတ္တိယော ပုဗ္ဗေ အဿရိတွာ နစ္ဆာဒေသိ တာ အာပတ္တိယော ပစ္ဆာ သရိတွာ ဆာဒေတိ။ သော ဘိက္ခု မူလာယ ပဋိကဿိတဗ္ဗော ။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ ယာ အာပတ္တိယော သရတိ တာ အာပတ္တိယော ဆာဒေတိ; ယာ အာပတ္တိယော နဿရတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ သရိတွာ ဆာဒေသိ တာ အာပတ္တိယော ပစ္ဆာ သရိတွာ ဆာဒေတိ; ယာ အာပတ္တိယော ပုဗ္ဗေ အဿရိတွာ နစ္ဆာဒေသိ တာ အာပတ္တိယော ပစ္ဆာ သရိတွာ နစ္ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ ယာ အာပတ္တိယော သရတိ တာ အာပတ္တိယော ဆာဒေတိ; ယာ အာပတ္တိယော နဿရတိ တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ သရိတွာ ဆာဒေသိ တာ အာပတ္တိယော ပစ္ဆာ သရိတွာ ဆာဒေတိ; ယာ အာပတ္တိယော ပုဗ္ဗေ အဿရိတွာ နစ္ဆာဒေသိ တာ အာပတ္တိယော ပစ္ဆာ သရိတွာ ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

၁၇၆. ‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ။ သော ဘိက္ခု မူလာယ ပဋိကဿိတဗ္ဗော ။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝိဗ္ဘမိတွာ ပုန ဥပသမ္ပန္နော ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝိဗ္ဘမိတွာ [သော ဘိက္ခု ဝိဗ္ဘမိတွာ (က.)] ပုန ဥပသမ္ပန္နော ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ။ သော ဘိက္ခု မူလာယ ပဋိကဿိတဗ္ဗော ။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

၁၇၇. ‘‘ဣဓ ပန, ဘိက္ခဝေ, ဘိက္ခု ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ အပ္ပဋိစ္ဆာဒေတွာ သာမဏေရော ဟောတိ။ပေ.။ ဥမ္မတ္တကော ဟောတိ။ပေ.။ ခိတ္တစိတ္တော ဟောတိ။ပေ.။ ဝေဒနာဋ္ဋော ဟောတိ။ပေ.။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ (ယထာ ဟေဋ္ဌာ ဝိတ္ထာရိတံ တထာ ဝိတ္ထာရေတဗ္ဗံ)။ပေ.။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ပေ.။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ပေ.။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝေဒနာဋ္ဋော ဟောတိ။ သော ပုန အဝေဒနာဋ္ဋော ဟုတွာ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ။ပေ.။ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ။ပေ.။ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ။ပေ.။ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

၁၇၈. ‘‘ဣဓ ပန, ဘိက္ခဝေ, ဘိက္ခု မာနတ္တာရဟော။ပေ.။ မာနတ္တံ စရန္တော။ပေ.။ အဗ္ဘာနာရဟော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ အပ္ပဋိစ္ဆာဒေတွာ ဝိဗ္ဘမတိ။ပေ.။ (မာနတ္တာရဟော စ မာနတ္တစာရီ စ အဗ္ဘာနာရဟော စ ယထာ ပရိဝါသော ဝိတ္ထာရိတော တထာ ဝိတ္ထာရေတဗ္ဗော)။

၁၇၉. ‘‘ဣဓ ပန, ဘိက္ခဝေ, ဘိက္ခု အဗ္ဘာနာရဟော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ အပ္ပဋိစ္ဆာဒေတွာ သာမဏေရော ဟောတိ။ပေ.။ ဥမ္မတ္တကော ဟောတိ။ပေ.။ ခိတ္တစိတ္တော ဟောတိ။ပေ.။ ဝေဒနာဋ္ဋော ဟောတိ။ပေ.။ တဿ ဟောန္တိ အာပတ္တိယော ပဋိစ္ဆန္နာယောပိ အပ္ပဋိစ္ဆန္နာယောပိ ။ပေ.။ ဧကစ္စာ အာပတ္တိယော ဇာနာတိ, ဧကစ္စာ အာပတ္တိယော န ဇာနာတိ။ပေ.။ ဧကစ္စာ အာပတ္တိယော သရတိ, ဧကစ္စာ အာပတ္တိယော နဿရတိ။ပေ.။ ဧကစ္စာသု အာပတ္တီသု နိဗ္ဗေမတိကော, ဧကစ္စာသု အာပတ္တီသု ဝေမတိကော။ ယာသု အာပတ္တီသု နိဗ္ဗေမတိကော တာ အာပတ္တိယော ဆာဒေတိ; ယာသု အာပတ္တီသု ဝေမတိကော တာ အာပတ္တိယော နစ္ဆာဒေတိ။ သော ဝေဒနာဋ္ဋော ဟောတိ။ သော ပုန အဝေဒနာဋ္ဋော ဟုတွာ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ။ပေ.။ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ။ပေ.။ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော နစ္ဆာဒေတိ။ပေ.။ ယာ အာပတ္တိယော ပုဗ္ဗေ နိဗ္ဗေမတိကော ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ; ယာ အာပတ္တိယော ပုဗ္ဗေ ဝေမတိကော နစ္ဆာဒေသိ တာ အာပတ္တိယော ပစ္ဆာ နိဗ္ဗေမတိကော ဆာဒေတိ။ သော ဘိက္ခု မူလာယ ပဋိကဿိတဗ္ဗော။ ယထာပဋိစ္ဆန္နာနဉ္စဿ အာပတ္တီနံ ပုရိမာယ အာပတ္တိယာ သမောဓါနပရိဝါသော ဒါတဗ္ဗော။

သမူလာယသမောဓါနပရိဝါသစတုဿတံ နိဋ္ဌိတံ။

၇. ပရိမာဏာဒိဝါရအဋ္ဌကံ

၁၈၀. ‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇိတွာ ပရိမာဏာ အပ္ပဋိစ္ဆာဒေတွာ။ပေ.။ အပရိမာဏာ အပ္ပဋိစ္ဆာဒေတွာ။ပေ.။ ဧကနာမာ အပ္ပဋိစ္ဆာဒေတွာ။ပေ.။ နာနာနာမာ အပ္ပဋိစ္ဆာဒေတွာ။ပေ.။ သဘာဂါ အပ္ပဋိစ္ဆာဒေတွာ။ပေ.။ ဝိသဘာဂါ အပ္ပဋိစ္ဆာဒေတွာ။ပေ.။ ဝဝတ္ထိတာ အပ္ပဋိစ္ဆာဒေတွာ။ပေ.။ သမ္ဘိန္နာ အပ္ပဋိစ္ဆာဒေတွာ ဝိဗ္ဘမတိ။ပေ.။ (ယထာ ဟေဋ္ဌာ တထာ ဝိတ္ထာရေတဗ္ဗံ)။

ပရိမာဏာဒိဝါရအဋ္ဌကံ နိဋ္ဌိတံ။

၈. ဒွေဘိက္ခုဝါရဧကာဒသကံ

၁၈၁. ‘‘ဒွေ ဘိက္ခူ သံဃာဒိသေသံ အာပန္နာ ဟောန္တိ။ တေ သံဃာဒိသေသေ သံဃာဒိသေသဒိဋ္ဌိနော ဟောန္တိ။ ဧကော ဆာဒေတိ, ဧကော နစ္ဆာဒေတိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ယထာပဋိစ္ဆန္နေ [ယထာပဋိစ္ဆန္နာနံ (သီ.)] စဿ ပရိဝါသံ ဒတွာ ဥဘိန္နမ္ပိ မာနတ္တံ ဒါတဗ္ဗံ။

‘‘ဒွေ ဘိက္ခူ သံဃာဒိသေသံ အာပန္နာ ဟောန္တိ။ တေ သံဃာဒိသေသေ ဝေမတိကာ ဟောန္တိ။ ဧကော ဆာဒေတိ, ဧကော နစ္ဆာဒေတိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ယထာပဋိစ္ဆန္နေ စဿ ပရိဝါသံ ဒတွာ ဥဘိန္နမ္ပိ မာနတ္တံ ဒါတဗ္ဗံ။

‘‘ဒွေ ဘိက္ခူ သံဃာဒိသေသံ အာပန္နာ ဟောန္တိ။ တေ သံဃာဒိသေသေ မိဿကဒိဋ္ဌိနော ဟောန္တိ။ ဧကော ဆာဒေတိ, ဧကော နစ္ဆာဒေတိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ယထာပဋိစ္ဆန္နေ စဿ ပရိဝါသံ ဒတွာ ဥဘိန္နမ္ပိ မာနတ္တံ ဒါတဗ္ဗံ။

‘‘ဒွေ ဘိက္ခူ မိဿကံ အာပန္နာ ဟောန္တိ။ တေ မိဿကေ သံဃာဒိသေသဒိဋ္ဌိနော ဟောန္တိ။ ဧကော ဆာဒေတိ, ဧကော နစ္ဆာဒေတိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ယထာပဋိစ္ဆန္နေ စဿ ပရိဝါသံ ဒတွာ ဥဘိန္နမ္ပိ မာနတ္တံ ဒါတဗ္ဗံ။

‘‘ဒွေ ဘိက္ခူ မိဿကံ အာပန္နာ ဟောန္တိ။ တေ မိဿကေ မိဿကဒိဋ္ဌိနော ဟောန္တိ။ ဧကော ဆာဒေတိ, ဧကော နစ္ဆာဒေတိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ယထာပဋိစ္ဆန္နေ စဿ ပရိဝါသံ ဒတွာ ဥဘိန္နမ္ပိ မာနတ္တံ ဒါတဗ္ဗံ။

‘‘ဒွေ ဘိက္ခူ သုဒ္ဓကံ အာပန္နာ ဟောန္တိ။ တေ သုဒ္ဓကေ သံဃာဒိသေသဒိဋ္ဌိနော ဟောန္တိ။ ဧကော ဆာဒေတိ, ဧကော နစ္ဆာဒေတိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ဥဘောပိ ယထာဓမ္မံ ကာရာပေတဗ္ဗာ။

‘‘ဒွေ ဘိက္ခူ သုဒ္ဓကံ အာပန္နာ ဟောန္တိ။ တေ သုဒ္ဓကေ သုဒ္ဓကဒိဋ္ဌိနော ဟောန္တိ။ ဧကော ဆာဒေတိ, ဧကော နစ္ဆာဒေတိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ဥဘောပိ ယထာဓမ္မံ ကာရာပေတဗ္ဗာ။

‘‘ဒွေ ဘိက္ခူ သံဃာဒိသေသံ အာပန္နာ ဟောန္တိ။ တေ သံဃာဒိသေသေ သံဃာဒိသေသဒိဋ္ဌိနော ဟောန္တိ။ ဧကဿ ဟောတိ အာရောစေဿာမီတိ, ဧကဿ ဟောတိ န အာရောစေဿာမီတိ။ သော ပဌမမ္ပိ ယာမံ ဆာဒေတိ, ဒုတိယမ္ပိ ယာမံ ဆာဒေတိ, တတိယမ္ပိ ယာမံ ဆာဒေတိ – ဥဋ္ဌိတေ အရုဏေ ဆန္နာ ဟောတိ အာပတ္တိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ယထာပဋိစ္ဆန္နေ စဿ ပရိဝါသံ ဒတွာ ဥဘိန္နမ္ပိ မာနတ္တံ ဒါတဗ္ဗံ။

‘‘ဒွေ ဘိက္ခူ သံဃာဒိသေသံ အာပန္နာ ဟောန္တိ။ တေ သံဃာဒိသေသေ သံဃာဒိသေသဒိဋ္ဌိနော ဟောန္တိ။ တေ ဂစ္ဆန္တိ အာရောစေဿာမာတိ။ ဧကဿ အန္တရာမဂ္ဂေ မက္ခဓမ္မော ဥပ္ပဇ္ဇတိ န အာရောစေဿာမီတိ။ သော ပဌမမ္ပိ ယာမံ ဆာဒေတိ, ဒုတိယမ္ပိ ယာမံ ဆာဒေတိ, တတိယမ္ပိ ယာမံ ဆာဒေတိ – ဥဋ္ဌိတေ အရုဏေ ဆန္နာ ဟောတိ အာပတ္တိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ယထာပဋိစ္ဆန္နေ စဿ ပရိဝါသံ ဒတွာ ဥဘိန္နမ္ပိ မာနတ္တံ ဒါတဗ္ဗံ။

‘‘ဒွေ ဘိက္ခူ သံဃာဒိသေသံ အာပန္နာ ဟောန္တိ။ တေ သံဃာဒိသေသေ သံဃာဒိသေသဒိဋ္ဌိနော ဟောန္တိ။ တေ ဥမ္မတ္တကာ ဟောန္တိ။ တေ ပစ္ဆာ အနုမ္မတ္တကာ ဟုတွာ ဧကော ဆာဒေတိ, ဧကော နစ္ဆာဒေတိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ယထာပဋိစ္ဆန္နေ စဿ ပရိဝါသံ ဒတွာ ဥဘိန္နမ္ပိ မာနတ္တံ ဒါတဗ္ဗံ။

‘‘ဒွေ ဘိက္ခူ သံဃာဒိသေသံ အာပန္နာ ဟောန္တိ။ တေ ပါတိမောက္ခေ ဥဒ္ဒိဿမာနေ ဧဝံ ဝဒန္တိ – ‘ဣဒါနေဝ ခေါ မယံ ဇာနာမ – အယမ္ပိ ကိရ ဓမ္မော သုတ္တာဂတော သုတ္တပရိယာပန္နော အန္ဝဒ္ဓမာသံ ဥဒ္ဒေသံ အာဂစ္ဆတီ’တိ။ တေ သံဃာဒိသေသေ သံဃာဒိသေသဒိဋ္ဌိနော ဟောန္တိ။ ဧကော ဆာဒေတိ, ဧကော နစ္ဆာဒေတိ။ ယော ဆာဒေတိ သော ဒုက္ကဋံ ဒေသာပေတဗ္ဗော။ ယထာပဋိစ္ဆန္နေ စဿ ပရိဝါသံ ဒတွာ ဥဘိန္နမ္ပိ မာနတ္တံ ဒါတဗ္ဗံ။

ဒွေဘိက္ခုဝါရဧကာဒသကံ နိဋ္ဌိတံ။

၉. မူလာယအဝိသုဒ္ဓိနဝကံ

၁၈၂. ‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ, ဧကနာမမ္ပိ နာနာနာမမ္ပိ, သဘာဂမ္ပိ ဝိသဘာဂမ္ပိ, ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယော အပ္ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ; အဓမ္မေန မာနတ္တံ ဒေတိ, အဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ, ဧကနာမမ္ပိ နာနာနာမမ္ပိ, သဘာဂမ္ပိ ဝိသဘာဂမ္ပိ, ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယော ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ; အဓမ္မေန မာနတ္တံ ဒေတိ, အဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ, ဧကနာမမ္ပိ နာနာနာမမ္ပိ, သဘာဂမ္ပိ ဝိသဘာဂမ္ပိ, ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ, အဓမ္မေန မာနတ္တံ ဒေတိ, အဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ, ဧကနာမမ္ပိ နာနာနာမမ္ပိ, သဘာဂမ္ပိ ဝိသဘာဂမ္ပိ, ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ အပရိမာဏာယော အပ္ပဋိစ္ဆန္နာယော။ပေ.။ အပရိမာဏာယော ပဋိစ္ဆန္နာယော။ပေ.။ အပရိမာဏာယော ပဋိစ္ဆန္နာယောပိ အပ္ပဋိစ္ဆန္နာယောပိ ။ပေ.။ ပရိမာဏာယောပိ အပရိမာဏာယောပိ အပ္ပဋိစ္ဆန္နာယော ။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ ။ တံ သံဃော အန္တရာအာပတ္တီနံ မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ; အဓမ္မေန မာနတ္တံ ဒေတိ, အဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ, ဧကနာမမ္ပိ နာနာနာမမ္ပိ, သဘာဂမ္ပိ ဝိသဘာဂမ္ပိ, ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယောပိ အပရိမာဏာယောပိ ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ; အဓမ္မေန မာနတ္တံ ဒေတိ, အဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ, ဧကနာမမ္ပိ နာနာနာမမ္ပိ, သဘာဂမ္ပိ ဝိသဘာဂမ္ပိ, ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယောပိ အပရိမာဏာယောပိ ပဋိစ္ဆန္နာယောပိ အပ္ပဋိစ္ဆန္နာယောပိ။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန; ဓမ္မေန သမောဓါနပရိဝါသံ ဒေတိ; အဓမ္မေန မာနတ္တံ ဒေတိ; အဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။

မူလာယအဝိသုဒ္ဓိနဝကံ [သမူလာဝိသုဒ္ဓိနဝကံ (က.)] နိဋ္ဌိတံ။

၁၀. ဒုတိယနဝကံ [ဣဒံ နဝကံ ပေါရာဏပေါတ္ထကေသု အဝိသုဒ္ဓိဝသေနေဝ အာဂတံ, ဝုစ္စမာနတတိယနဝကေန စ သံသဋ္ဌံ။ တံ ပဋိဝိသောဓကေဟိ အသံသဋ္ဌံ ကတွာ ဝိသုံ ပတိဋ္ဌာပိတံ။ သီဟဠသျာမပေါတ္ထကေသု ပန တံ ဝိသုဒ္ဓိဝသေနေဝ အာဂတံ။ တံ ပနေဝံ ဝေဒိတဗ္ဗံ –§၁၀- မူလာယဝိသုဒ္ဓိနဝက (သီ. သျာ.)§၁၈၃. ဣဓ ပန ဘိက္ခဝေ ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သံဃံ တာသံ အာပတ္တီနံ သမောဓါနပရိဝါသံ ယာစတိ, တဿ တဿ သံဃော တာသံ အာပတ္တီနံ သမောဓါနပရိဝါသံ ဒေတိ, သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယော အပ္ပဋိစ္ဆန္နာယော။ပေ.။ ပရိမာဏာယော ပဋိစ္ဆန္နာယော။ပေ.။ ပရိမာဏာယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော သံဃံ အန္တရာအာပတ္တီနံ မူလာယပဋိကဿနံ ယာစတိ, တံ သံဃော အန္တရာအာပတ္တီနံ မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ, ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော ဘိက္ခဝေ ဘိက္ခု ဝိသုဒ္ဓေါ တာဟိ အာပတ္တီဟိ။ (၁-၃)§ဣဓ ပန ဘိက္ခဝေ ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သံဃံ တာသံ အာပတ္တီနံ သမောဓါနပရိဝါသံ ယာစတိ, တဿ သံဃော တာသံ အာပတ္တီနံ သမောဓါနပရိဝါသံ ဒေတိ, သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ အပရိမာဏာယော အပ္ပဋိစ္ဆန္နာယော။ပေ.။ အပရိမာဏာယော ပဋိစ္ဆန္နာယော။ပေ.။ အပရိမာဏာယော ပဋိစ္ဆန္နာယောပိ အပ္ပဋိစ္ဆန္နာယောပိ။ သော သံဃံ အန္တရာအာပတ္တီနံ မူလာယပဋိကဿနံ ယာစတိ, တံ သံဃော အန္တရာအာပတ္တီနံ မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ, ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော ဘိက္ခဝေ ဘိက္ခု ဝိသုဒ္ဓေါ တာဟိ အာပတ္တီတိ။ (၄-၆)§ဣဓ ပန ဘိက္ခဝေ ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတီ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သံဃံ တာသံ အာပတ္တီနံ သမောဓါနပရိဝါသံ ယာစတိ, တဿ သံဃော တာသံ အာပတ္တီနံ သမောဓါနပရိဝါသံ ဒေတိ, သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယောပိ အပရိမာဏာယောပိ အပ္ပဋိစ္ဆန္နာယော။ပေ.။ ပရိမာဏာယောပိ အပရိမာဏာယောပိ ပဋိစ္ဆန္နာယော။ပေ.။ ပရိမာဏာယောပိ အပရိမာဏာယောပိ ပဋိစ္ဆန္နာယောပိ အပ္ပဋိစ္ဆန္နာယောပိ။ သော သံဃံ အန္တရာအာပတ္တီနံ မူလာယပဋိကဿနံ ယာစတိ, တံ သံဃော အန္တရာအာပတ္တီနံ မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ, ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော ဘိက္ခဝေ ဘိက္ခု ဝိသုဒ္ဓေါ တာဟိ အာပတ္တီဟိ။ (၇-၉)§မူလာယ ဝိသုဒ္ဓိနဝကံ နိဋ္ဌိတံ။]

၁၈၃. ‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ အပ္ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ; ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။ (၁)

ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ အဓမ္မိကေန ကမ္မေန ကုပ္ပေန အဋ္ဌာနာရဟေန , အဓမ္မေန သမောဓါနပရိဝါသံ ဒေတိ; ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။ (၂)

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ ပဋိစ္ဆန္နာယောပိ အပ္ပဋိစ္ဆန္နာယောပိ။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ; ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။ (၃)

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ, ဧကနာမမ္ပိ နာနာနာမမ္ပိ, သဘာဂမ္ပိ ဝိသဘာဂမ္ပိ, ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ အပရိမာဏာ အပ္ပဋိစ္ဆန္နာယော။ပေ.။ အပရိမာဏာ ပဋိစ္ဆန္နာယော။ပေ.။ အပရိမာဏာ ပဋိစ္ဆန္နာယောပိ အပ္ပဋိစ္ဆန္နာယောပိ။ပေ.။ ပရိမာဏာယောပိ အပရိမာဏာယောပိ အပ္ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ; ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။ (၄-၇)

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယောပိ အပရိမာဏာယောပိ ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ, ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။ (၈)

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယောပိ အပရိမာဏာယောပိ ပဋိစ္ဆန္နာယောပိ အပ္ပဋိစ္ဆန္နာယောပိ။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ; ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု အဝိသုဒ္ဓေါ တာဟိ အာပတ္တီဟိ။ (၉)

ဒုတိယနဝကံ နိဋ္ဌိတံ။

၁၁. တတိယနဝကံ

၁၈၄. ‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယော အပ္ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ ။ သော ပရိဝသာမီတိ မညမာနော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယော အပ္ပဋိစ္ဆန္နာယော။ သော တသ္မိံ ဘူမိယံ ဌိတော ပုရိမာအာပတ္တီနံ အန္တရာအာပတ္တိယော သရတိ, အပရာအာပတ္တီနံ အန္တရာအာပတ္တိယော သရတိ။ တဿ ဧဝံ ဟောတိ – ‘အဟံ ခေါ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သောဟံ သသံဃံ တာသံ အာပတ္တီနံ သမောဓါနပရိဝါသံ ယာစိံ။ တဿ မေ သံဃော တာသံ အာပတ္တီနံ သမောဓါနပရိဝါသံ အဒါသိ။ သောဟံ ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏာယော အပ္ပဋိစ္ဆန္နာယော။ သောဟံ သသံဃံ အန္တရာအာပတ္တီနံ မူလာယပဋိကဿနံ ယာစိံ။ တံ မံ သံဃော အန္တရာအာပတ္တီနံ မူလာယ ပဋိကဿိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ အဒါသိ။ သောဟံ ပရိဝသာမီတိ မညမာနော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏာယော အပ္ပဋိစ္ဆန္နာယော ။ သောဟံ တသ္မိံ ဘူမိယံ ဌိတော ပုရိမာအာပတ္တီနံ အန္တရာအာပတ္တိယော သရာမိ, အပရာအာပတ္တီနံ အန္တရာအာပတ္တိယော သရာမိ။ ယံနူနာဟံ သသံဃံ ပုရိမာအာပတ္တီနံ အန္တရာအာပတ္တီနဉ္စ အပရာအာပတ္တီနံ အန္တရာအာပတ္တီနဉ္စ မူလာယပဋိကဿနံ ယာစေယျံ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ; ဓမ္မေန မာနတ္တံ, ဓမ္မေန အဗ္ဘာန’န္တိ။ သော သသံဃံ ပုရိမာအာပတ္တီနံ အန္တရာအာပတ္တီနဉ္စ, အပရာအာပတ္တီနံ အန္တရာအာပတ္တီနဉ္စ, မူလာယပဋိကဿနံ ယာစတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ; ဓမ္မေန မာနတ္တံ, ဓမ္မေန အဗ္ဘာနံ။ တံ သံဃော ပုရိမာအာပတ္တီနံ အန္တရာအာပတ္တီနဉ္စ, အပရာအာပတ္တီနံ အန္တရာအာပတ္တီနဉ္စ, မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ; ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု ဝိသုဒ္ဓေါ တာဟိ အာပတ္တီဟိ [အယံ ပဌမဝါရော သီ သျာ. ပေါတ္ထကေသု ပရိပုဏ္ဏော ဒိဿတိ]။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ ။ တံ သံဃော အန္တရာအာပတ္တီနံ မူလာယ ပဋိကဿတိ, အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ။ သော ပရိဝသာမီတိ မညမာနော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ ပဋိစ္ဆန္နာယော။ သော တသ္မိံ ဘူမိယံ ဌိတော ပုရိမာအာပတ္တီနံ [ပုရိမာနံ အာပတ္တီနံ (က.)] အန္တရာအာပတ္တိယော သရတိ, အပရာအာပတ္တီနံ အန္တရာအာပတ္တိယော သရတိ။ တဿ ဧဝံ ဟောတိ – ‘အဟံ ခေါ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သောဟံ သသံဃံ တာသံ အာပတ္တီနံ သမောဓါနပရိဝါသံ ယာစိံ။ တဿ မေ သံဃော တာသံ အာပတ္တီနံ သမောဓါနပရိဝါသံ အဒါသိ။ သောဟံ ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏာ ပဋိစ္ဆန္နာယော။ သောဟံ သသံဃံ အန္တရာအာပတ္တီနံ မူလာယပဋိကဿနံ ယာစိံ။ တံ မံ သံဃော အန္တရာအာပတ္တီနံ မူလာယပဋိကဿိ, အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ အဒါသိ။ သောဟံ ပရိဝသာမီတိ မညမာနော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏာ ပဋိစ္ဆန္နာယော။ သောဟံ တသ္မိံ ဘူမိယံ ဌိတော ပုရိမာပတ္တီနံ အန္တရာအာပတ္တိယော သရာမိ, အပရာအာပတ္တီနံ အန္တရာအာပတ္တိယော သရာမိ။ ယံနူနာဟံ သသံဃံ ပုရိမာပတ္တီနံ အန္တရာအာပတ္တီနဉ္စ, အပရာ အာပတ္တီနံ အန္တရာအာပတ္တီနဉ္စ, မူလာယပဋိကဿနံ ယာစေယျံ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ, ဓမ္မေန မာနတ္တံ, ဓမ္မေန အဗ္ဘာန’န္တိ။ သော သသံဃံ ပုရိမာပတ္တီနံ အန္တရာအာပတ္တီနဉ္စ, အပရာအာပတ္တီနံ အန္တရာအာပတ္တီနဉ္စ မူလာယပဋိကဿနံ ယာစတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ, ဓမ္မေန မာနတ္တံ, ဓမ္မေန အဗ္ဘာနံ။ တံ သံဃော ပုရိမာပတ္တီနံ အန္တရာအာပတ္တီနဉ္စ, အပရာအာပတ္တီနံ အန္တရာအာပတ္တီနဉ္စ, မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ, ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု ဝိသုဒ္ဓေါ တာဟိ အာပတ္တီဟိ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ ပဋိစ္ဆန္နာယောပိ အပ္ပဋိစ္ဆန္နာယောပိ။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ။ သော ပရိဝသာမီတိ မညမာနော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာ ပဋိစ္ဆန္နာယောပိ အပ္ပဋိစ္ဆန္နာယောပိ။ သော တသ္မိံ ဘူမိယံ ဌိတော ပုရိမာပတ္တီနံ အန္တရာအာပတ္တိယော သရတိ, အပရာအာပတ္တီနံ အန္တရာအာပတ္တိယော သရတိ။ တဿ ဧဝံ ဟောတိ – ‘အဟံ ခေါ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သောဟံ သသံဃံ တာသံ အာပတ္တီနံ သမောဓါနပရိဝါသံ ယာစိံ။ တဿ မေ သံဃော တာသံ အာပတ္တီနံ သမောဓါနပရိဝါသံ အဒါသိ။ သောဟံ ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏာ ပဋိစ္ဆန္နာယောပိ အပ္ပဋိစ္ဆန္နာယောပိ။ သောဟံ သသံဃံ အန္တရာအာပတ္တီနံ မူလာယပဋိကဿနံ ယာစိံ။ တံ မံ သံဃော အန္တရာအာပတ္တီနံ မူလာယ ပဋိကဿိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ အဒါသိ။ သောဟံ ပရိဝသာမီတိ မညမာနော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏာ ပဋိစ္ဆန္နာယောပိ အပ္ပဋိစ္ဆန္နာယောပိ။ သောဟံ တသ္မိံ ဘူမိယံ ဌိတော ပုရိမာပတ္တီနံ အန္တရာအာပတ္တိယော သရာမိ, အပရာအာပတ္တီနံ အန္တရာအာပတ္တိယော သရာမိ။ ယံနူနာဟံ သသံဃံ ပုရိမာပတ္တီနံ အန္တရာအာပတ္တီနဉ္စ, အပရာအာပတ္တီနံ အန္တရာအာပတ္တီနဉ္စ, မူလာယပဋိကဿနံ ယာစေယျံ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ, ဓမ္မေန မာနတ္တံ, ဓမ္မေန အဗ္ဘာန’န္တိ။ သော သသံဃံ ပုရိမာပတ္တီနံ အန္တရာ အာပတ္တီနဉ္စ, အပရာ အာပတ္တီနံ အန္တရာ အာပတ္တီနဉ္စ, မူလာယပဋိကဿနံ ယာစတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ, ဓမ္မေန မာနတ္တံ, ဓမ္မေန အဗ္ဘာနံ။ တံ သံဃော ပုရိမာပတ္တီနံ အန္တရာ အာပတ္တီနဉ္စ, အပရာ အာပတ္တီနံ အန္တရာ အာပတ္တီနဉ္စ, မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ, ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု ဝိသုဒ္ဓေါ တာဟိ အာပတ္တီဟိ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ အပရိမာဏာယော အပ္ပဋိစ္ဆန္နာယော။ပေ.။ အပရိမာဏာယော ပဋိစ္ဆန္နာယော။ပေ.။ အပရိမာဏာယော ပဋိစ္ဆန္နာယောပိ အပ္ပဋိစ္ဆန္နာယောပိ။ပေ.။ ပရိမာဏာယောပိ အပရိမာဏာယောပိ အပ္ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ။ သော ပရိဝသာမီတိ မညမာနော။ပေ.။ တံ သံဃော ပုရိမာ အာပတ္တီနံ အန္တရာအာပတ္တီနဉ္စ, အပရာအာပတ္တီနံ အန္တရာအာပတ္တီနဉ္စ, မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ, ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု ဝိသုဒ္ဓေါ တာဟိ အာပတ္တီဟိ [ဣမေပိ စတ္တာရော ဝါရာ သီ. သျာ. ပေါတ္ထကေသု ပရိပုဏ္ဏာ ဒိဿန္တိ]။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယောပိ အပရိမာဏာယောပိ ပဋိစ္ဆန္နာယော။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ။ သော ပရိဝသာမီတိ မညမာနော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယောပိ အပရိမာဏာယောပိ ပဋိစ္ဆန္နာယော။ သော တသ္မိံ ဘူမိယံ ဌိတော ပုရိမာ အာပတ္တီနံ အန္တရာအာပတ္တိယော သရတိ, အပရာအာပတ္တီနံ အန္တရာအာပတ္တိယော သရတိ။ တဿ ဧဝံ ဟောတိ – ‘အဟံ ခေါ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သောဟံ သသံဃံ တာသံ အာပတ္တီနံ သမောဓါနပရိဝါသံ ယာစိံ။ တဿ မေ သံဃော တာသံ အာပတ္တီနံ သမောဓါနပရိဝါသံ အဒါသိ။ သောဟံ ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏာယောပိ အပရိမာဏာယောပိ ပဋိစ္ဆန္နာယော။ သောဟံ သသံဃံ အန္တရာအာပတ္တီနံ မူလာယပဋိကဿနံ ယာစိံ။ တံ မံ သံဃော အန္တရာအာပတ္တီနံ မူလာယပဋိကဿိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ အဒါသိ။ သောဟံ ပရိဝသာမီတိ မညမာနော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏာယောပိ အပရိမာဏာယောပိ ပဋိစ္ဆန္နာယော။ သောဟံ တသ္မိံ ဘူမိယံ ဌိတော ပုရိမာ အာပတ္တီနံ အန္တရာအာပတ္တိယော သရာမိ, အပရာအာပတ္တီနံ အန္တရာအာပတ္တိယော သရာမိ။ ယံနူနာဟံ သသံဃံ ပုရိမာ အာပတ္တီနံ အန္တရာ ပတ္တီနဉ္စ, အပရာအာပတ္တီန အန္တရာအာပတ္တီနဉ္စ, မူလာယပဋိကဿနံ ယာစေယျံ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ, ဓမ္မေန မာနတ္တံ, ဓမ္မေန အဗ္ဘာန’န္တိ။ သော သသံဃံ ပုရိမာ အာပတ္တီနံ အန္တရာအာပတ္တီနဉ္စ, အပရာအာပတ္တီနံ အန္တရာအာပတ္တီနဉ္စ, မူလာယပဋိကဿနံ ယာစတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ, ဓမ္မေန မာနတ္တံ, ဓမ္မေန အဗ္ဘာနံ။ တံ သံဃော ပုရိမာ အာပတ္တီနံ အန္တရာအာပတ္တီနဉ္စ, အပရာအာပတ္တီနံ အန္တရာအာပတ္တီနဉ္စ, မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ, ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု ဝိသုဒ္ဓေါ တာဟိ အာပတ္တီဟိ။

‘‘ဣဓ ပန, ဘိက္ခဝေ, ဘိက္ခု သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သော သသံဃံ တာသံ အာပတ္တီနံ သမောဓါနပရိဝါသံ ယာစတိ။ တဿ သံဃော တာသံ အာပတ္တီနံ သမောဓါနပရိဝါသံ ဒေတိ။ သော ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယောပိ အပရိမာဏာယောပိ ပဋိစ္ဆန္နာယောပိ အပ္ပဋိစ္ဆန္နာယောပိ။ သော သသံဃံ အန္တရာအာပတ္တီနံ မူလာယပဋိကဿနံ ယာစတိ။ တံ သံဃော အန္တရာအာပတ္တီနံ မူလာယ ပဋိကဿတိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ ဒေတိ။ သော ပရိဝသာမီတိ မညမာနော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇတိ ပရိမာဏာယောပိ အပရိမာဏာယောပိ ပဋိစ္ဆန္နာယောပိ အပ္ပဋိစ္ဆန္နာယောပိ။ သော တသ္မိံ ဘူမိယံ ဌိတော ပုရိမာ အာပတ္တီနံ အန္တရာအာပတ္တိယော သရတိ, အပရာအာပတ္တီနံ အန္တရာအာပတ္တိယော သရတိ။ တဿ ဧဝံ ဟောတိ – ‘အဟံ ခေါ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏမ္ပိ အပရိမာဏမ္ပိ။ပေ.။ ဝဝတ္ထိတမ္ပိ သမ္ဘိန္နမ္ပိ။ သောဟံ သသံဃံ တာသံ အာပတ္တီနံ သမောဓါနပရိဝါသံ ယာစိံ။ တဿ မေ သံဃော တာသံ အာပတ္တီနံ သမောဓါနပရိဝါသံ အဒါသိ။ သောဟံ ပရိဝသန္တော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏာယောပိ အပရိမာဏာယောပိ ပဋိစ္ဆန္နာယောပိ အပ္ပဋိစ္ဆန္နာယောပိ။ သောဟံ သသံဃံ အန္တရာအာပတ္တီနံ မူလာယပဋိကဿနံ ယာစိံ။ တံ မံ သံဃော အန္တရာအာပတ္တီနံ မူလာယ ပဋိကဿိ အဓမ္မိကေန ကမ္မေန ကုပ္ပေန အဋ္ဌာနာရဟေန, အဓမ္မေန သမောဓါနပရိဝါသံ အဒါသိ။ သောဟံ ပရိဝသာမီတိ မညမာနော အန္တရာ သမ္ဗဟုလာ သံဃာဒိသေသာ အာပတ္တိယော အာပဇ္ဇိံ ပရိမာဏာယောပိ အပရိမာဏာယောပိ ပဋိစ္ဆန္နာယောပိ အပ္ပဋိစ္ဆန္နာယောပိ။ သောဟံ တသ္မိံ ဘူမိယံ ဌိတော ပုရိမာ အာပတ္တီနံ အန္တရာအာပတ္တိယော သရာမိ, အပရာအာပတ္တီနံ အန္တရာအာပတ္တိယော သရာမိ။ ယံနူနာဟံ သသံဃံ ပုရိမာပတ္တီနံ အန္တရာအာပတ္တီနဉ္စ, အပရာအာပတ္တီနံ အန္တရာအာပတ္တီနဉ္စ, မူလာယပဋိကဿနံ ယာစေယျံ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ, ဓမ္မေန မာနတ္တံ, ဓမ္မေန အဗ္ဘာန’န္တိ။ သော သသံဃံ ပုရိမာ အာပတ္တီနံ အန္တရာအာပတ္တီနဉ္စ, အပရာအာပတ္တီနံ အန္တရာအာပတ္တီနဉ္စ, မူလာယ ပဋိကဿနံ ယာစတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ, ဓမ္မေန မာနတ္တံ, ဓမ္မေန အဗ္ဘာနံ။ တံ သံဃော ပုရိမာ အာပတ္တီနံ အန္တရာ အာပတ္တီနဉ္စ, အပရာ အာပတ္တီနံ အန္တရာ အာပတ္တီနဉ္စ, မူလာယ ပဋိကဿတိ ဓမ္မိကေန ကမ္မေန အကုပ္ပေန ဌာနာရဟေန, ဓမ္မေန သမောဓါနပရိဝါသံ ဒေတိ, ဓမ္မေန မာနတ္တံ ဒေတိ, ဓမ္မေန အဗ္ဘေတိ။ သော, ဘိက္ခဝေ, ဘိက္ခု ဝိသုဒ္ဓေါ တာဟိ အာပတ္တီဟိ’’။

တတိယနဝကံ နိဋ္ဌိတံ။

သမုစ္စယက္ခန္ဓကော တတိယော။

တဿုဒ္ဒါနံ –

အပ္ပဋိစ္ဆန္နာ ဧကာဟ-ဒွီဟ-တီဟ-စတူဟ စ။

ပဉ္စာဟပက္ခဒသန္နံ၊ အာပတ္တိမာဟ မဟာမုနိ။

သုဒ္ဓန္တော စ ဝိဗ္ဘမန္တော၊ ပရိမာဏမုခံ ဒွေ ဘိက္ခူ။

တတ္ထ သညိနော ဒွေ ယထာ၊ ဝေမတိကာ တထေဝ စ။

မိဿကဒိဋ္ဌိနော ဒွေ စ၊ အသုဒ္ဓကေကဒိဋ္ဌိနော။

ဒွေ စေဝ သုဒ္ဓဒိဋ္ဌိနော။

တထေဝ စ ဧကော ဆာဒေတိ၊ အထ မက္ခမတေန စ။

ဥမ္မတ္တကဒေသနဉ္စ၊ မူလာ အဋ္ဌာရသ [ပန္နရသ (က.)] ဝိသုဒ္ဓတော။

အာစရိယာနံ ဝိဘဇ္ဇပဒါနံ [ဝိဘဇ္ဇဝါဒီနံ (သီ.)]၊ တမ္ဗပဏ္ဏိဒီပပသာဒကာနံ။

မဟာဝိဟာရဝါသီနံ၊ ဝါစနာ သဒ္ဓမ္မဋ္ဌိတိယာတိ။

သမုစ္စယက္ခန္ဓကံ နိဋ္ဌိတံ။